قصيدة أحبك

. و ربي يوم اشوف الرقم يدق بشاشة الجوال
احس الدنيا ترسلي السعادة برقم جوالك .

. أمان الدنيا يسكني و اشوفه بأي حال و حال
الى مني سمعت الصوت و قولك لي شحوالك ؟ .

. حبيبي وسع الخاطر وريح بالغرام البال
مدام " الحالمه " تعشق عيونك ريحه بالك .

. أحبك كثر ما وبل المطر فوق الثرى همال
أحبك كثر ماشفت الطفل في قلبنا سالك .

. أحبك كثر ما صدر السماء يلمع نجوم ليال
أحبك كثر ما اتخيل ليالي عشق تحلالك .

. أحبك كثر ماشاف البشر في هالزمان أهوال
أحبك كثر ما قلبي خفق بالعشق و اهوالك .

. أحبك كثر ما يبني شباب المملكه آمال
كثر ما خابت الامال أحب و أعشق آمالك .

. احبك كثر ما شعب العراق يغني الموال
كثر ما تقول أنا أحبك غرامي عزف موالك .

. أحبك كثر ما تشفق عقيم لشوفة الاطفال
كثر ما تعشقك "أمك " كثر ما تعشق عيالك .

. تسافر موجة الشاطي و ترجع تسكن اب ه الجال
و اسافر وين ما اسافر مردي ارجع لجالك .

. تخيل من كثر عشقي إذا تمشي بسطح رمال
ورب الكون يطرى لي أنا اتيمم من رمالك .

. و إذا توقف أحس الارض توقف دورة الاميال
لأن الارض في مشيك تدور بخطوة اميالك .

. فديتك من هنا لآخر تفاصيل التعب و الال
فديته مبسمك / طولك / عيونك / رزة اعقالك .

. فديت حروف تنطقها .. تهبل أعقل العقال
و صوتك يومك تسولف تثير جنون عقالك .

. أنا اكثر بنت محظوظه لاني عاشقة رجال
خذت منه الرجوله قول / يوازي فزعة افعالك
. أجل وشلون ما تبغى .. افز لدقة الجوال
و أنا و الله أمان الكون اشوفه برقم جوالك .

آِنْتِقَآءْ رَآئِع
آلله يَعْطِيـــگ آلــ عَ ـآفيـً هْ عَ آلطَرْحْ
شَوْقِي لـِ جَ ــدِيدِگْ آلقَــآدِم

تم التقيم