رواية جرحني وصار معشوقي كاملة

وداد:لاتصيري مثلي خربت أحلى أيام زواجي في عنادي...وندمت..
ناظرت لميس في رعد"و إذاكان زوجك يشك فيك ويظنك وحده ماشيه ع حل شعرها...
مستحيل بتحبيه أو بيحبك(إبتسمت داخلها بسخريه)رعد يحبني أنا مستحيل ..هذا لو الود وده ذبحني وشرب من دمي..."
انتبت على نظرات رعد اللي حرقتها والغضب يشب فيها..فانتبة إنها كانت تناظر باتجاه فارس...أوووه اللحين بيظن فيني ...
قربوا منهم ولميس تحاول ماتناظر فيه تخاف تقتلها نظراته..وقلبها يرتجف رعب منه والليله مارح تعدي ع خير...
أخذت وداد رقم لميس وعطتها بطاقة فيها رقمها بعد ماوصلهم رعد للفندق اللي ساكنين فيه..
أول مادخلوا للبيت ..كانت بتهرب من مواجهته ..بس أصابعه اللي انغرست في كتفها منعتها..
لفها له وماأمداها تناظرفيه إلا
وكــــــــــــف ع وجهها..
سحبها له بغضب:هذا علشان تحترمي نفسك وتحترمي الحرمه اللي جالسه جنبك ونظراتك شوي تاكل زوجها..
دفها ع الأرض وسحب شنطتها واخذ البطاقه ومزقها ورماها عليها:وداد أشرف من إنهاتعرف وحده مثلك..
صعد لغرفته والقهر والغضب داخله..
ضمت نفسها وبكت وخدها يحرقها من حرارة الكف..قلبهايذوب داخلها تحس حرارة خدها وصلت لقلبها وذوبته...هذا اللي بغيتيني أقرب له ياوداد آآآه ياربي ...
وماحست بعدها بشئ...
**************
كان جالس ع الرمل قدام البحر وسرحان..
:للحين تحبها..
التفت لصاحبه وتنهد:وليتها حاسه
:ياخي لاتتعب نفسك معاها إذا موحاسه فيك إتركها وريح نفسك...
ناظر أمواج البحر بصدق:ماقدر حاولت و ماقدرت..
:بنت عمك هذي غريبه معقوله ماحست فيك ..
تنهد بضيق وسكت..
:وإلا يمكن غرورها ماخلاها تناظرفيك..
رفع إيده عن الرمل ونفض الرمل اللي علق فيها:وليه ماتناظرفيني مو ولد عمها
رفع حاجبه:غرورها مانعها ..
وتكبرها عليك ترى هالشيئين هذول صاروا من أعداء الحب وحاجز له
ضحك والتفت يناظره:من متى إنت فيلسوف
ضحك:حالتك ماطلعتني بس فيلسوف إلا دكتور بالفلسفه..
ضحك ولف يناظرالبحر وناظرساعته:يالله أنا ماشي تأخرالوقت
ركب معاه السياره ومشوا....
*************
فتحت عيونها وغمضتها وإيدها ع راسها من الصداع اللي حسته..تحركت ع السرير...سرير فتحت عيونها وجلست وشافت نفسها بغرفتها وع سريرها ..متى جيت هنا أنا كنت..حطت إيدها ع راسها تتذكر....لمست خدها اللي آلمها ..وإمتلت عيونها دموع لماتذكرت كفه والحكي اللي قاله...
رفعت راسها للباب اللي انفتح ..وشافت ماريا تدخل وفي إيدها صينية أكل..
ماريا:إستيقظتي عزيزتي
ناظرتها لميس بحيره ..
حطت الأكل قدامها وقالت:تفضلي مسيو رعد طلب مني أن أعد لك طعاما مغذيا ..لابد أنك لاتأكلي فأنتي تبدين شاحبه..
ناظرتها لميس بدهشه..وإنسدت نفسها عن الأكل.
لميس:لا أريده
ماريا:لماذا يجب أن تأكلي حتى تستعيدي صحتك
صدت لميس عنها وأبعدت الأكل عنها..
اضطرت ماريا تطلع ..
كانت تحس بقهر منه مسوي نفسه إنه مهتم...
انفتح الباب وشافته يدخل كان لابس بنطلون بيج وقميص أبيض مفتوحه أزاريره اللي فوق
:ليه ماتاكلي
ناظرته بقهروله عين يسألها ولأكأنه سوى شئ:كيفي مابي آكل..
رفع حاجبه:ماأكلتي شئ من الصباح للحين معقوله يعني ماتبين تاكلين
ناظرته بسخريه:من متى الإهتمام هذا أكلت وإلا ماأكلت..
شافته يقرب منها وسند إيده ع برواز السرير وإنحنى ووجهه قريب من وجهها و بسخريه:ومين قال إني مهتم .........الدكتوره تقول لازم تاكلي
...دكتوره...معقوله جت دكتوره ولاحسيت فيها...
انتفضت لما حست بإيده البارده تبعد شعرها عن خدها وتلامس خدها...
رفعت عيونها وشافت نظرته ع
خدها...تعلقت عيونهابعيونه الناعسه وضاعت فيها..مرت لحظات وعيونهم معلقه في
بعض..
أبعد عنها وقال بقوه ونظرته تغيرت ميه وعشرين درجه وصارت شرسه:كلي لك شئ ..ماني ناقص مستشفيات بعد وشغلي يتعطل..
طلع من الغرفه..ولميس إنقههرت منه مره ..
ناظرت في الأكل وقامت وتركته ماتبي منه شئ النذل...
غسلت وجهها وناظرت في خدها وشافت فيه كدمه زرقا خفيفه ..حطت إيدها ع خدها وهي مقهوره..وتسبه داخلها..
****************
:هههههه ياخسارتك ياأمول
دفته من كتفه:حمار إنت غشاش
رفع حاجبه:لا والله خسرانه وتقول غشاش
قامت ورمت يد البلاي ستيشن عليه:آخر مره ألعب معاك ياغشاش
ساره جالسه ع الكنبه ومعاها مجله:مبروك الفوز يسور..
هدا جزات الغرور
ياسرضحك:الله يبارك فيك
أمل رفعت حاجبها:إحلفي عاد
ساره:من اليوم وأنتي تقولين بفوز عليك أنا حريفه وآخرتها خسرتي
كشرت أمل:لأنه غشاش
ياسر:هههه يابنت الحلال إعترفي بالهزيمه
أمل:برضوا غشاش
دخل خالد البيت وشافهم جالسين بالصاله:للحين مانمتوا
أمل:لا
ياسر:تعال إلعب
خالد :لا الوقت متأخر بروح أنام بكره عندي دوام
صعد فوق..
جلست أمل عندالتلفون ودقت رقم بيت عمها..
ساره:مين تحاكين هالحزه
أمل:ريم
ساره:مهبوله إنتي تدقي ع بيتهم هالحزه إفرضي رد عليك واحد من أخوانها وش بيقول عنك داقه في هالليل
سكرت أمل السماعه:أصلا مايردون
قامت ساره :بروح أنام تصبحوا ع خير
تركتهم وصعدت
أمل:رودي ماجا من برى
ياسر:لا ماشفته
أمل:عطني جوالك بدق عليه جوالي فوق
طلع الجوال من جيب بنطلونه وعطاها إياه:خذي
دقت ولا رد عادت الإتصال وعطاها مشغول...
إنفتح الباب ودخل رائد...
شهقت مرتاعه:را ا ا ا ائد
نقزت من مكانها بروعه وراحت له وعيونها ع الدم اللي مالي قميصه:شفيييك...
*************

رائد بتعب:مافيني شئ....
أمل بخوف:إيش هالدم اللي ع قميصك....إنت متعور
رائد:لا واحد من أصحابي صار له حادث وأسعفته
شهقت:وكيفه اللحين
رائدمكشر من ريحة الدم:لا الحمدلله بخير....يالله بروح أرتاح من المغرب وأنا واقف ع رجولي....
أمل لحقته:تبي أسوي لك شئ تاكله
رائد:لا ماشتهي ..كبدي تحوم علي من ريحة هالدم..
دخل غرفته وفسخ قميصه ورماه في السله ودخل الحمام أخذ له شور وطلع لبس بنطلون بيجامه بدون البلوزه ورمى نفسه ع السرير وأول ماغمض عينه نام من التعب....
**************
شالت ماريا الأكل اللي مالمسته لميس وطلعته من الغرفه ...
أخذت شور سريع تتنشط فيه ولبست بيجامه بنطلونها وردي مقلم برمادي ووردي غامق والبلوزه ورديه ساده ربع كم...
ومسكت نص شعرها بشباصه ...
طلعت برى غرفتها ونزلت تحت وهي تحس بدوخه لأنها ماأكلت شئ...
شافت رعد جالس وقدامه لابتوب يشتغل فيه ..
رفع نظره لها وناظرها للحظه ونزلها للاب :يعني مصره ماتاكلي
رفعت حاجبها وقالت بقوه:كيفي ...مابي منك شئ
رفع حاجبه وقال:إنتي الخسرانه
قالت وهي تمشي بتطلع :لاتخاف مارح أعطل شغــ....
وقفت لماهاجمتها دوخه قويه وإيدها ع جبينها وكانت بتطيح بس رعد لحق عليها ومسكها
تمسكت فيه قبل تطيح ورفعها وجلسها ع الكنب وقال بعصبيه:خلي العناد عنك وكلي ...
كانت لسى متمسكه فيه وسانده راسها ع صدره ومغمضه عيونها للحين تحس بدوخه وراسها يدور فيها ...وريحة عطره دوختها زياده..
همست بتعب:مابي...
قال بعصبيه وربكه:موبكيفك بتاكلي يعني بتاكلي..العناد هذا خليك عنه...
جلس جنبها وهي لسى ع وضعيتها...
نادى ع ماريا وقال لها تجيب الأكل للميس...
كان ساكت ويناظرفيها...بعدت عنه بسرعه لماخفت حدة الدوخه واستوعبت اللي سوته...
دخلت ماريا وحطت الأكل ع الطاوله وطلعت..
قرب لها الأكل وقال بصرامه:يالله كلي..
موقادره تتقبل الأكل وقربها منه ملخبطها غرقت عيونها دموع وقالت بصوت مخنوق:مابي
ناظر في عيونها الدامعه وتنهد:وبعدين يعني في عنادك هذ.ا..
ماردت عليه ولفت وجهها عنه..تحس بغثيان ومو قادره تتقبل شئ ..
رعد عصب وهويشوف لونهاشاحب ومسك إيدهابقوه:لاتعاندين..ترى صبري نفذ..بزر إنتي علشان يحن فوق راسك..
صوته الغاضب أرعبها وخافت ناظرت في الأكل ومدت إيدها للشوربه وأخذت منهاشوي بالملعقه وعيونهاغرقانه دموع وكابته بكاها...
لاحظ إرتجاف الملعقه في إيدها وأخذها منها ومدها لفمها:اشربي..
إنصدمت من حركته ورفعت عيونها تناظره..شافته يغمض عيونه بقل صبر:لميس..
شربتها ويالله بلعتها...وهي منقهره من تصرفاته معاها...
لماخلصت شربت عصيرها كله..
شافت رعد يوقف وسمعت صوته يقول:لا تظني إني إهتميت حبا فيك وإلا عشق..لا لأنك بتكوني غلطانه...مابي أحد يحس إن بينناشئ إذا صارلك شئ وخصوصا ماريا...
تركها وصعد فوق لغرفته...
غمضت عيونها وهي تحس بسكين تنغرس داخلها ..كانت تردد داخلها..مارح أبكي مارح أبكي...بكون قويه ومارح أضعف..
نزلت دموعها غصب عنها وبان ضعفها وألمها..مسحت دموعها بعنف تمنعها من النزول ومقهوره..قامت وغسلت وجهها وهي تحس إيديها للحين ترتجف...
******************
دخلت غرفة رنا شافتها جالسه تقرأ مجله وجلست عندها..
رنا وعيونهاع المجله:خير
ريم:أبغى أسولف معاك..
رنا رفعت حاجبها:لاوالله توك تتذكري وإلالماراحت حبيبة القلب ذكرتي إن عندك إخت
ريم:أنامانسيتك إنتي اللي ماتبغي أحد يجلس معاك..
رنا:والله عاد إنتي اللي فضلتي الغريب علي والحين جايه لي
ريم بقهر تحاول تضبط أعصابها:لميس مو غريبه ..لميس بنت عمنا والحين زوجة أخونا
رنا كشرت وناظرت المجله:لوسمحتي اطلعي برى بكمل المجله وماأبغى إزعاج..
طلعت برى ونزلت تحت وهي تفكر في إختها وسبب كرهها للميس..الكل تقبل لميس وحبها إلا هي عادتها...
شافت رغد توها داخله..فرحت:هلا والله وغلا..
سلموا وجلسوا في الصاله..
رغد:وين أمي
ريم:طالعه للجمعيه اليوم الحفل الخيري..
رغد:والله..ليه مارحتي معاها..
ريم:كنت نايمه ..شخبارك وأخبارسعودي..
رغد حطت إيدها ع بطنها :كلنا تمام
ريم تدلع بطن رغد:قلبو حبيب خاله مايتعب أمه..
رغدضحكت..
ريم:تصدقين ياليتك جيتي بدري..ميته أبغى أحد يسولف معاي..
رغد:هههههه متعوده ع السوالف
..بعد قلبي لموس شخبارها..
ريم:مادري كلمتهم وصارت نايمه وبعدها ماكلمت..

دخل للصاله:أم سعووود عندنا ياهلا ومسهلا
رغد إبتسمت:هلا عادل
سلم عليها وجلس:كيفك وكيف البيبي..
رغد:تمام
عادل ضحك:تصدقين ماني مصدق إني بصير خال..
ريم:ندري شكلك غلط
عادل:وإنتي مقلوب ها ها ها
ريم:ياخف دمك
عادل:عارف من زمان
ضحكت رغد عليهم..تعرفهم إذا
إجتمعوا كل واحد بيرفع ضغط
الثاني..
***************
كانت جالسه كالعاده في البلكونه ..من آخرموقف لها مع رعد ماشافته رجع يطلع ومايرجع إلا في الليل ينام..
تنهدت بضيق من الطفش والوحده
حتى وداد ماتقدر تحاكيها بعد ما
مزق رعد البطاقه..وهي معطتها رقمها في السعوديه..
كانت لابسه جلابيه ناعمه ..ورافعه شعرها ...
الجو اليوم مره حلو مع إنه بارد بس كان أخف بروده من الأيام
اللي فاتت..
إنتبهت من طرف عينها ع رعد الواقف ع باب البلكونه ومتسند ع الجدار ومتكتف ويناظرها..
ماناظرته ولفت وجهها للجهه الثانيه..
سمعت صوته الآمر:قومي بنطلع..
شبت النار في جوفها قهر..متى
مابغى يطلعها وإلا يحبسها أيام
بس مع ذلك مارفضت ولا قالت
شئ لأنها محتاجه تطلع تغير جو
قامت بصمت ومرت من عنده طالعه ولاحطت عينها في عينه..
لبست بنطلون أسود وبلوزة خفيفه برتقالي غامق عليها كتابات بالأسود العريض والفضي وعليها بالطوا أسود أنيق..ولبست حجاب أسود ..
كحلت عيونها بكحل أسود وحطت قلوس برتقالي خفيف..
أخذت شنطتها وطلعت معاه..
مشوا في ساحة الكونكورد متجهين للحديقه..
دخلوا وكانت روعه ومليانه ناس
يمكن علشان الجو حلو الكل بيطلع وينبسط فيه..
تمشوا فيها وكانوا ساكتين..
لميس تطالع الناس ومنبهره بشكل الحديقه..
جلسوا ع طرف النافوره..
دخلت إيدها في مويتها وارتعشت من برودتها..
كانت متجاهله وجود رعد وتحرك إيدها في المويه..
كانت تحس فيه كل شوي يلتفت
يطالعها ..
ناظرت في مجموعة الأطفال
اللي لعبوا في الكوره بمرح..
طاحت الكوره عند رجل رعد ورفعها..
قرب طفل منه يبغى الكوره
وخجلان..
إبتسم رعد:ما اسمك..
إبتسم الولد وقال:ستيف ياسيدي
رعد:ستيف إسم جميل..
الولد إبتسم:ليس كثيرا..
كانت لميس مستغربه من الحنان اللي نازل عليه فجأه لأنه دايم عكس معها..
بس لاحظت نظرات الولد المتفحصه لرعد وكأنه يعرفه..
ستيف إبتسم بفرح فجأه:أنت
السيد رعد صحيح
إبتسم رعد باستغراب:كيف عرفت..
راح الولد يركض ورجع معاه
مجله وعطاها رعد..
تفاجأت لميس لماشافت صورة
رعد ببدله رسميه بس مافهمت
شئ لأن المجله بالفرنسيه وهي ماتعرف كثير فرنسي..
إبتسم رعد من قوة ملاحظة الولد..
نادى الولد أصحابه وتجمعوا بفرحه حول رعد ورعد مبتسم
ويحاكيهم ولميس تناظرهم بحيره..
قرب منهم رجل وسلم ع رعد وحكوا مع بعض..وأخذ الأطفال وراح..
ماقدرت تسأله والحيره ذابحتها
وعيونها ع صورة رعد في المجله..
رعد انتبه لها تناظرالمجله وهي
أبعدت نظراتها بسرعه عنها..
دق جواله وقام دخل إيده في جيب البالطوا الداخلي وطلعه ورد..
ناظرت فيه لميس ..
كان لابس بنطلون أسودوبلوزه سودا وبالطوا جلد أسود مسكره
وجزمات سود ..وشعره الفاحم نازل ع جبينه كان شكله مرره
جذاب وخطير..
كانت ملاحظه نظرات الحريم
الموجدات له وإبتساماتهم الداله
ع الإعجاب..
لفت وجهها عنه لماحست إنها
مالت لجاذبيته ووسامته..وانقهرت من نفسها مايستاهل تطالع فيه..بعد ماجرحها وتفنن
في تجريحها..
التفت عليه بلهفه لماسمعت اسم ريم وتمنت مايحرمها منها
ويخليها تحاكيها..
ماصدقت لما مد لها الجوال
سحبته بسرعه:هلا ريم
ريم بفرحه:هلا والله بالغلا كله
كيفك لموس وحشتيييييييني
دمعت عيون لميس لماسمعت صوتها:وإنتي أكثر .‎ I miss so much..مادري كيف عايشه من غيرك
ضحكت ريم:ههههه ياحليلي
هذا كله لي..
لميس حست برعد قام وماصدقت نزلت دموعها غصب
ريم:ها عجبتك باريس حلوه..
أيوه انبسطي بالجو الحلو واحنا جالسين بالحر والرطوبه..
لميس شهقت:باريس أحسها
سجن ولاشئ من غيرك..أنا
حاسه إني مخنوقه هنا أبغى
أرجع..أكره باريس..
ريم بخوف:لميس إنتي إيش جالسه تقولي لايكون رعد جنبك وإنتي تقولي هالحكي..
لميس وكل جروحها تفتحت من وصولها للباريس:لا..مايهمني
أنا أبغى أرجع ماأبغى أجلس
معاه أبغى أرجع..
ريم:حرام عليك..لاتسوي في
نفسك كذا..المفروض إنك تغيري جو وتحاولي تتقبليه وتعايشي نفسك معاه..أنا فرحت..لماقال لي رعد إنكم طالعين قلت يمكن علاقتكم تحسنت مع بعض..
لميس:تتحسن..مستحيل
حاولت ريم تهديها:لازم أسكر
اللحين..انتبهي لنفسك وانبسطي
وحاولي تحسنين علاقتك برعد
تراه طيب بس إنتي حاولي تكسبيه..يالله مع السلامه..
سكرت منها وهي متضايقه لحالتهم
سكرت الجوال ومسحت دموعها وما كانت حاسه إن رعد واقف قريب وسامع كل شي قالته لريم..

جالسه في غرفتها وتحاكي رنا
دلال بحزن:رعد سافر
رنا:أيوه
دلال:وين
رنا:فرنسا ويمكن يروح لبريطانيا
دلال تحترق داخلها من القهر:حاكيتيه
رنا:أيوه
دلال:شخباره
رنا:تمام..ليه تسألي تراه تزوج
دلال:عارفه..بس أحبه
رنا:عارفه بس خلاص مافيه نصيب أخذه الزفته
دلال بقهر:ياعلها ماتتهنى
دلال مقهوره وسكرت والجوال
دخلت عليها رشا وشافت وجهها
أحمر باين عليه الحمق
رشا:شفيك
دلال بقهر:تدرين وين سافر رعد
رشا:أكيد يعني للدول اللي تاخذ العقل
دلال:راح فرنسا وبريطانيا
رشا:آآخ يالقهر
دلال:أنا مقهوره الحين تلاقيها
مبسوطه وطايره بين الدول والأسواق
رشا:متى راح يرجعوا
دلال بضيق:مادري ماسألت
***********

انصدمت لماسمعت صوته الحاد:خلصتي..
لفت وحست بالخوف يسري بجسدها لماشافت نظرته ..بس سرعان ماتحول شعورها لكره
لأنه حطم كل شئ في حياتها
وسلب منها السعاده اللي ماحست فيها من تزوجته..
سحب منها الجوال وقال بحده:يالله بنرجع
قامت ومشت معاه وهي ضامه
شنطتها لصدرها..
كان يسرع في خطواته وهي تحاول تجاريه وهي عارفه ومتأكده إنه معصب وهالليله مارح تعدي ع خير..من حدة نظراته وحواجبه المعقوده..
أول مادخلوا للبيت وقفهابصوته
الحاد:وقفــــي
وقف قلبها من حدة صوته حاولت تستجمع قوتها ولفت تناظره بقوه تحاول ماتبين خوفها..
ماتدري كيف وصل لها بهالسرعه
بس اللي تحس فيه هو أصابعه
اللي حستها بتهشم عظام ذراعها من قوتها..وصوته الغاضب:أنا ماقلت مابي أهلي يعرفوا شئ عن اللي بيننا ماتفهمين..
قالت باحتقاروقوه وإيدها تالمها
:ريــــم عارفه إني ماأطيقك ولا تطيقني فماله داعي أمثل دور العاشقه ..
شافت عيونه تظلم وعرق برقبته ينشد ظل ساكت يناظر فيها وسهام نظراته تخترقها..
قال بصوت حاد وغاضب:
والله يالميس لو أسمعك فاتحه
فمك بكلمه لها عن شئ بيننا لأسود عيشتك وأعلمك كيف تكسرين كلمتي سامعه..
ماردت عليه لأن إيدها تحسها
بتنكسر من قوة ضغطه ودموعها تحرق عيونها..
دفها بعيد عنه وقال:أنا حذرتك ..
طلع من البيت وهي راحت لغرفتها تحارب دموعها...
************
جالسه ع سريرها وإيدها تلعب بخصل شعرها وشارده ..تفكرفي الموقف اللي صارلها في عزيمة أم ماجد.....
/ البنات كانوا جالسين ضحك وسوالف وإستهبال وتاخذه الذكرى للميس ويشتاقوا لها..
ريم تحاكي سديم:قومي شغلي
شئ برقص..
سديم:ههههه شعندك
ريم تهز كتوفها:فيني طاقه بطلعها وأبي أرقص
ضحكت سديم وشغلت شريط
طقاقات وعلت الإستريوا
ريم نقزت وربطت الطرحه ع خصرها وبدت ترقص..والبنات يصفقوا لها وميتين ضحك ع رقصها..كانت ترقص بدلع وتميل خصرها لهم وتقلب ترقص مصري وأجنبي والبنات فاطسين ضحك عليها..
دخلت أم ماجد عليهم تنادي سديم اللي مانتبهت لها ترقص ومعطيه الباب ظهرها والصوت كان عالي..
قامت لها وقالت:هلا خالتي بغيتي شئ
أم ماجد:هلا حبيبتي..الله يرضى
عليك روحي شوفي القهوه خلصت وإلا لا وقولي للخدامه تحط فيها من الزعفران ..سديم
ماعطتني وجه..والرجال يبون قهوتهم
ضحكت:شدعوه خالتي مانتبهت لك..اللحين أنا أروح أشوفها
طلعت للمطبخ ومالقت الخدامه
ابتلشت وقعت تدور في الدواليب
دخل للمطبخ بسرعه كان مستعجل بياخذ القهوه للرجال وماكان عارف إن بيكون فيه أحد
في المطبخ غيرالخدامه..
مانتبه لها لأنها كانت بجهه بعيده عن الباب وفاتحه الدولاب ومغطي وجهها..
لف لماسمع صوت ناعم معصب:الله ياخذها هالخدامه وين حطته ياربيييه بلشه وينك وينك..
ع باله إخته سديم ..كانت فاكه
شعرهاولابسه تنوره قصيره
بقصه حلوه وبلوزه ناعمه نص كم وماكان طالع منها إلا شعرها وجسمها ووجهها مغطيه الباب..
كان بيتكلم بس سكت لما شهقت وهي تلف وبإيدها الزعفران:أخير لقيتــــه
انصدمت وطاح من إيدها ع الأرض لماشافت ماجد معاها في المطبخ..
ماجد تنح لماشافها ..نزل راسه وطلع بسرعه من المطبخ..
إيدها ترتعش ووجهها قلب ألوان
وعيونهاغرقت دموع..
دخلت الخدامه وشافت شكلها انفجعت:داليا إيش فيه
أخذت الزعفران عن الأرض وعطته الخدامه وقالت بصوت مرتجف:جهزي القهوه
طلعت من المطبخ ووقفت ماسكه قلبها..
طلعت أمل وشافتها واقفه عند باب المطبخ
:داليا شفيك
داليا نزلت دموعها وبكت ..انهبلت أمل وسحبتها ودخلتها غرفه وسكرت الباب:شفيك
داليا بين دموعها وإرتباكها:مـ...ماجد
أمل عقدت حواجبها.:شفيه..(شهقت)لايكون شافك بعد..
داليا غطت وجهها:ا..ايه
أمل انفجرت تضحك:ههههههههههههههههه
داليا عصبت وضربت كتفها:ليــــه الضحــــك
أمل:هههههه أضحك عليك ماتطيحين إلا في ماجد ولابعد في المطبخ ههههه
داليا:تعقدت من المطبخ وكرهته
أمل بخبث:أخاف إنه قيس وأنتي ليلى
أخذت الخداديه ورمتها ع أمل:بايــــخه..)
قطع ع داليا تفكيرها دخول أمها :تعالي تقهوي أبوك وأخوك وزوجته في الصاله
عفست وجهها لأنها كرهت القهوه والزعفران والمطبخ بكبره بعد المواقف المحرجه اللي صارت لها...

***********
في باريــــس
كانت جالسه في الصاله عليها بيجامه بيضاء حرير ورافعه شعرها شنيون وفي إيدها كوب نسكافيه سرحانه وتطالع البخار اللي يتصاعد منه...
حست فيه واقف ع مدخل الصاله يناظرها..
رفعت راسها ناظرته بوجه جامد..شافت ذيك النظره الغريبه اللي تلمع في عيونه..
أبعدت نظراتهاعنه ...
رعد:جهزي الشنط بنسافر
لميس نست نفسها وقامت بفرحه:بنرجع..متى
عقد حواجبه بضيق وقال بحده:بكره
مشى يصعد فوق وهويكمل:انبسطي
لميس ميته فرح..أكيد بنبسط وبفرح آخيرا برجع وبفتك من الوحده والغربه وارتاح من مقابله وتجريحه..
مشت في البيت بسعاده وطلعت للبلكونه ..حست بضيق
لأنها ماشافت شئ في باريس غيرالحديقه..لكن تحول شعورها لسعاده لمجرد إنها بترجع بكره إشتاقت لريم ورغد والبنات وعمها وفيصل وعادل إشتاقت لهم كثير....
سمعت صوته خلفها:يالله بنطلع
لفت وناظرته بقهر يعني ياحبسها وإلا يطلعها ويرجعها تنزف جروحها:ماني طالعه..
ناظرها وتكتف:وليه إن شاءالله
لفت وعطته ظهرها وقالت:ماني ناقصه جروح وتشكيك ..إطلع بروحك..
حست فيه خلفها وإيديه ع أكتافها لفها ناحيته وركز عينه بعينها..
بردت أطرافها وقلبها يدق بقوه ماهي قادره تشيل عينها عن عيونه وآآآآآه من عيونه..
وكأنها المغناطيس وعيونها الحديد..فيها سحر يلخبطها يجمد كل خليه فيها..
حست بضغطه ع أكتافها وحاجبه ينعقد ونظرته قست وقال:والله عاد ع حسب أخلاقك وإحترامك لنفسك قبلي..
ثانيا لماأحاكيك ماتعطيني ظهرك
ولا تعاندين يالخلوقه
قال كلمته الأخيره بسخريه قويه
شالت إيديه عنها بقوه وقالت بسخريه:تاركه الأخلاق والإحترام لك يالخلوق
قالت كلمتها الأخيره بنفس طريقته...
خافت من نظرته لكنه صفق وقال باستهزاء:لا ا ا ا برافوا
والله وتعرفين تردين...
ناظرته باحتقار:ومنكم نستفيد
مشت وبتدخل لأن نظرته خوفتها
وكانت عارفه إنه مارح يتركها..
حست بإيده تسحبها للدرج..
آلمتها إيدها تحس أظافيره إخترقت عظامها..
دفها ع الدرج وقال بغضب وواضح إنه ماسك نفسه لا يصكها كف:إنقلعي إجهزي دقيقتين وأشوفك قدامي وإلا والله لأعلمك كيف ترادين ..
قامت وصعدت فوق بسرعه..حمدت ربها إنه ماذبحها بس إنبسطت لأنها رفعت ضغطه
جهزت بسرعه ونزلت.....
***********
تسوقوا بالأسواق وإشتروا هدايا
لأهله وهي كانت ملتزمه الصمت
خلصوا متأخر وراحوا لمطعم
يتعشوا فيه......
ماأكلت ونفسها منسده عن الأكل تبغى تطلع ماتبغى تجلس معاه دقيقه وحده
لفت وجهها للزجاج المطل ع الشارع وسرحت...
نزل المطر وبدأت قطرات المطر اللي تكونت ع الزجاج..
لميس انتبهت للمطر كان روعه
إبتسمت تطالع المطر..وكان عيون رعد تراقبها..
شافت ولد وبنت يركضوا تحت المطرويضحكوا..
تذكرت عادتها هي ورامي في بريطانيا لماينزل المطر يركضوا
تحت..تذكرت شكل رامي وهو
يركض بسمته..ضحكته..شعره المبلل.. فجـــأه..اختفى من نظرها..وشافت نفسها وحيده..
إختفت إبتسامتها وبان الحزن في عيونها..
رعد إستغرب لماشاف إختفاء
إبتسامتها..ولمعة الحزن في
عيونها..
نزلت عيونها وحست برعد يناظرها..ماناظرت فيه وقالت بحزن تحاول تخفيه:أبي أطلع من منها..
وقفت وأخذت شنطتها..
سمعت صوته الحاد:إجلسي
رفعت عيونها وقالت:مابي أبي أطلع
لماشاف عيونها قام بهدوء ودفع الحساب وطلعوا ركبوا السياره ورجعوا للبيت....
****************
دخلت للصاله :رعد بيرجع بكره
ريم نقزت بفرحه:واللــــه
فيصل:غريبه مويقول بيروح لبريطانيا
رنا تطالع المجله اللي في إيدها بسخريه:مين يقدر يسافر وعنده هالعله
ريم عصبت:إحترمي نفسك
رنا:أنامحترمه نفسي..
فيصل بغضب:مره محترمه نفسك إذا ماعندك حكي تقولي تسكتين أفضل
حقرته وشالت مجلتها وطلعت
عادل جالس قدام التلفزيون يلعب بلاي ستيشن:اللحين رنا ليه تكره لميس
ريم بدون نفس:إختك من متى تحب أحد ماتحب غيرنفسها
عادل:حرام عليها لميس حبوبه ولاشفنا منها شئ
ريم:أيوه عاد اللي تسمعك لاتعب نفسك بس معاها
***********
في باريس
طلعت لميس متجهزه من غرفتها وميته من الوناسه
نزلت تحت وجلست تنتظر رعد ينزل..وعينها ع الساعه..
سمعت صوته:يالله
التفتت شافته واقف لابس بنطلون جينز أزرق وتي شيرت أخضر..
إبتسمت غصب من فرحتها وقامت :أوك
أخذت شنطتها وسمعته يقول:أشوف النفسيه متغيره والإبتسامه تشق الحلق كله علشان بترجعين
لميس:أكيد دامني برجع للي يحبني ويحترمني
ضاقت عيونه بضيق وقال بسخريه:أكيد طبعا إشتقتي للحبيب القلب
إنصدمت ومشت تاركته وهي تفور غضب ومادرت إن بسكوتها زادت النار حطب..
***********
في الطيــــاره..
لميس ورعد ساكتين..مرالوقت
والهدوء عام بينهم..ملت وطفشت والتفتت لرعد شافته
يطالع الكرسي اللي قدامه وباين إنه سرحان ويفكر..جاهافضول تعرف بإيش يفكر
ناظرت وجهه كان معطيها جانب وجهه وعيونه مركزه ع الكرسي..
شافته يعقد حاجبه وزاد فضولها
تبغى تعرف الشئ اللي يفكر فيه ومتعمق فيه كذا..تحسه غامض ..
انتبهت ع عيونه الناعسه العسليه متعلقه في عيونها..
نزلت نظرتها ولفت وجهها وتحس بحرارة في وجهها سبت
نفسها ..اللحين بيروح تفكيره بعيد..
صارت تحرك إيدها بضيق وربكه
تعلقت عيونها ع الإسواره الناعمه اللي عليها..كانت من أخوها رامي لماسافر للرياض جابها لها هديه وسرحت..
(رامي:Close your eyes
لميس:Whay
رامي باصرار:Clooose it
لفت وجههابعناد:مارح أغمض
أخاف يطلع في وجهي صرصور
مثل المره اللي فاتت
رامي بضحكه:No it not
لميس بنص عين:وإذا صار صرصور ترى ياويلك..I will kill you
مسكها من كتوفها ولفها وصار
خلف ظهرها:غمضــــي
بخوف:رامي ياويلك..ترى بزعل
رامي:هههههه غمضي يالله يادلوعه
غمضت عيونها بخوف..ورامي طلع الإسواره ورفعها قدامها:Open it
فتحت عيونها ببطئ ولماشافتها صرخت بفرحه..
رامي:ههههههه مو صرصور
لميس أخذتها بفرحه:تجنن هذي لي
رامي:لا للخدامه..طبعا لك
ضحكت وأخذها من إيدها ولبسها إياه..حركت إيدها ولمعت الإسواره بنعومه عليها
قالت والإبتسامه ع وجهها:مرره حلوه
ضمته ودمعت عيونها:الله يخليك لي ولايحرمني منك
رامي:ههههه It just bracelet
لميس رفعت راسها تناظره:صحيح إسواره بس تسوى الدنيا ومافيها وأغلى هديه..الله لايحرمني منك
رامي:ولامنك
بعدت عنه وناظرت في الإسواره :بس شكلها غالي مره
ضحك:طبعا الغالي للغالي
كانت سعيده في هاللحظه ..كانت تشوف في عيونه..الحب..الحنان..الخوف..
كانت تشوفه الأبو والأخو والصديق..
غرقت عيونهادموع وكتمت شهقتها..إشتاقت له ..إشتاقت
لكل شئ فقدته بعده..
فجــــأه إهتزت الطياره بقوه..
شهقت وضمت ذراع رعد ودفنت وجهها بكتفه وقلبها تحسه بيطلع وجسمها يرتجف..
رعد تجمد بصدمه ولاقدر يتحرك كأنه خايف إذا تحرك تبعد عنه..
لماهدأت الطياره..انتبهت لنفسها
لما شمت ريحة عطره وفتحت عيونها رفعت راسها عنه بسرعه والتقت عيونهابعيونه..
رعد يناظر عيونها اللي كأنهابحر من الدموع..(آآآه ياهالعيون اللي معذبتني).
بعدت عنه ووجهها قلب أحمر
رعد بصوت دافي صدمها:لا
تخافين مطبات هوائيه.
لميس بارتباك من عيونه قبل
صوته:ما...خفت
رعد ناظرها ماتعرف تكذب..ولف وجهه لماجت المضيفه و
معاها عربه فيها مشروبات وساندويش
رعد:ماتبغين شئ
لميس حركت راسها بلا ولفت
وجهها عنه..
أخذ له عصير وساندويش وأكلهم وهو يقرا الجريده..
**************
دخل للبيت وشاف أهله جالسين في الصاله..
جلس معاهم بعد ماباس راس أمه وأبوه..
سولف معاهم شوي..وهو يفكر بالموضوع اللي يبغاهم فيه..وينتظر أخواته يطلعوا ويصير لوحده مع أبوه وأمه..
أمه حست إنه يبغى شئ وقالت
للبنات يساعدوا الخدامه ويحطوا الغدا..
لماطلعوا سكت شوي وهو مرتبك مايدري كيف يقولهم..ظل أيام وتفكيره منشغل في الموضوع وتعب من التفكير يبغى يسوي اللي قرره ويريح عقله وقلبه...
أم ماجد:ماجد شكلك عندك شئ بتقوله
ماجد رفع راسه:أيوه فيه
ترك أبو ماجد الجريده وناظره:قول يبه
ماجد مرتبك:أنا قررت أتزوج..
**************
أم ماجد بفرحه:هذي الساعه المباركه...يوم المنى اللي أشوفك فيه متزوج وحولك عيالك
أبو ماجد :آخيرا مابغيت تفرحنا..
إبتسم ماجد لماشاف فرحة مه وأبوه له..
أم ماجد بفرحه مومصدقه إن ولدها الوحيد بيتزوج:من اليوم بدور لك ع أحلى عروس تستاهلك
ماجد ابتسم:لا يمه الله يطول لي في عمرك..العروس موجوده
أم ماجد:منو
ماجد:داليا بنت أبومحمدال...
أم ماجد فرحت لأنها حاطتها في بالها:والنعم والله..داليا بنت ولا كل البنات جمال وأخلاق وذوق
ماجد انبسط وقال لأبوه:أهم شئ رضاك يبه إنت والوالده
أبوماجد:والله أنا أبيك تاخذ من
بنات عمك...بس دامك تبي البنت
وراغب فيها وأمك عاجبتها ماعندي مانع..داليا بنت رجال والنعم فيهم وفي نسبهم
ماجد حبس أنفاسه لماقال له أبوه ياخذ من بنات عمه بس إرتاح وفرح ولما ماعارض ..كان عارف إن أبوه مومن اللي يتحكم في حياة عياله ويجبرهم بالزواج من بنات عمهم...
****************
طلعت من غرفتها كاشخه وطايره من الفرحه...قابلت فيصل طالع من غرفته ولماشافها ضحك:ههههههههههه
ريم تخصرت:ليه تضحك
فيصل:ههههههه متعبه عمرك ..وهم بيوصلون في الليل يعني مارح تشوفينهم إلابكره..
ريم انهبلت:لا ا ا ا ا ا
فيصل انفجع:خيــــر
ريم بخيبه وقهر:بكره حفلة رعد يعني مارح أقدر آخذ راحتي مع
لميس..
فيصل:بس ع بالي فيه شئ ع هالصراخ
دفها من جبينها بأصابعه:أنا قايل إنك طويلة لسان ومرجوجه
نزل وهي رجعت لغرفتها
مقهوره لأنها مارح تشوف لميس إلا بكره..
دخلت غرفتها وبدلت لبسها ولبست بيجامتها وجلست ع السرير دقت ع أمل
جاها صوتها الناعس:أيوه
ريم:نايمه
أمل:لا توني قايمه وماشبعت نوم مصحيني غصب
ريم ضحكت:أحسن هذا مو وقت نوم خلي نومك في الليل
أمل:أقووول إسكتي بس لاتبدي محاضره توني مابعد نسيت محاضرة أمي قبل شوي
ريم بفرحه:شفتي لموس بترجع اليوم
أمل شهقت:واللــــــــه
ريم:هههه والله
أمل:الدوبه وحشتني مرره
ريم:بكره بتشوفينها بكره حفلتهم
أمل:والله وناسه ..أووبس لازم
أروح للسوق أجل
ريم:أيوه خلي عنك النوم ودبري
عمرك
أمل:تروحين معي
ريم:ماتوقع لأن أمي لازم إذا صار فيه حفله بالبيت تعلن حالة
طوارئ كيف عاد وهي حفلة حبيبها
أمل ضحكت:هههههه

دخلوا بيتهم وكان تصميمه أجنبي روعه ..
الصاله واسعه وفيها شاشة بلازما كبيره وشلالات صغيره بأنوار رومانسيه خافته معطيه للمكان منظرساحر والمطبخ مفتوح ع الصاله وواسع وفيه مجلسين كبار كلاسيكيه..
مااستغربت لماشافت البيت فخم وروعه لأنها كانت متوقعته كذا من شكل حديقته من برى
شافت رعد دخل غرفه قريبه من الصاله إستغربت لأنه طول ماطلع قربت من الباب وكان مفتوح تفاجأت لماشافته جناح كبير وفيه غرفتين ودورة مياه ..
سمعت صوت المويه وعرفت إنه ياخذ شور..
إرتاحت لماشافت فيه غرفتين دخلت وحده وماكانت الغرفه الرئيسيه فسخت عباتها كانت متعبه مره تمددت ع السرير ونامت....

صحت من النوم واستغربت المكان ..تذكرت إنها في بيتها..
أخذت شور ولبست بيجامه مريحه وجففت شعرها وربطته ذيل حصان وطلعت للصاله مالقت رعد فيها دخلت للمطبخ وسوت لها كوب نسكافيه وجلست في الصاله وفتحت التلفزيون..
انتبهت للتلفون يرن ومدت إيدها بترفع السماعه ..وقفهاصوت رعد:لحضــــه
مشى للتلفون ورفع السماعه:ألو
ريم:صباح الورد لأحلى عريس
رعد ابتسم:أهلين صباح النور
ريم:الحمد لله ع السلامه
رعد:الله يسلمك..كيفك
ريم:تمام إنت كيفك
رعد:تمام
ريم:ممكن يا أخي العريس أحاكي العروسه
ضحك وعطى لميس السماعه وجلس..
لميس:هالو
ريم:لمو و و و و و و وس
لميس تحاول ماتناظر رعد اللي من جلس وهو يناظرها:هلا ريم
ريم:الحمدلله ع السلامه ياعروسه..كيفك
لميس:الله يسلمك ..تمام وإنتي
ريم:أنا تمام الحمدلله ومشتاقه لك مرره
ضحكت:وأنا أكثر
ريم:تعالي اليوم مبكر مو تتأخري
لميس:whay
ريم:اليوم حفلتكم ياحلوه..تعالي ولاتجيبي معاك شئ
الكوفيره بتجي والفستان هدية زواجك مني
لميس ابتسمت بفرحه:مشكوره ياقلبي
ريم:ههههه بس إن شاءالله يعجبك
لميس:..Suuure‏ يكفي إنه منك
ريم:أوك لازم اسكر اللحين لاتتأخري
لميس:إن شاءالله
سكرت التلفون ومشت بتروح وسمعت صوت رعد الآمر:سوي الفطور
دخلت المطبخ وسوت له فطور خفيف وحطته عنده ودخلت غرفتها....
**************
دخلت غرفة بناتها وهي متردده وخايفه من ردت فعل بنتها..
:اليوم بنروح لبيت خالتكم أم رعد
دلال رفعت راسهابسرعه:ليه
أم عبدالله ترددت:ا...اليوم حفلة رعد
دلال طاح الجوال من إيدها:رعد رجع
أم عبدالله:أيوه
دلال دمعت عيونها وبكت
أم عبدالله تقطع قلبها ع بنتها:دلال يمه ليه البكا
دلال بين دموعها:أحبه يمه..ماقدر
أم عبدالله بقهر:اللي مايبيك لاتبينه لاتبكي ع واحد مايستاهل
وباعك
دلال:لايمه رعد يحبني بس أبوه زوجه غصب هو يحبني أنا
أم عبدالله مقهوره داخلها ع بنتها وتحاول تهديها
رشا:يمه المفروض مانروح مو إنتي زعلانه ع خالتي ليه نروح لهم بعد اللي سووه فينا
أم عبدالله:لازم نروح تبين عماتهم والناس يتشمتوا فينا
رشا ماعجبها الحكي وفضلت تسكت وماتناقش..
طلعت من الغرفه وقابلت عبدالله
عبدالله:يمه شفيها دلال تبكي
أم عبدالله:شفيها يعني تبكي ع هالرعد
عبدالله:قلتي لها اليوم عزيمته
أم عبدالله:أيوه وبعد قلبي قطعت نفسها من البكا..حسبي الله والنعم الوكيل
عبدلله عصب:وليه تبكي ع واحد مافكر فيها وباعها بلعنه تاخذه هو واللي معه..
طلع من البيت مقهور لأن رعد كسر قلب إخته لما علقها فيه..حقد عليه من قلب رعد طول عمره شايف نفسه ومغتر بغناه
ويدوس ع اللي قدامه بكيفه وهذا هو داس ع أخته...
***********
طلعت من غرفتها ودخلت المطبخ نظفته وطلعت ورتبت الصاله مع إن مافيها شئ يترتب بس تشغل نفسها..
دخل رعد وجلس ع الكنبه واسترخى فيها..
رعد:حطي الغدا
لفت له:ماسويت غدا
رعد عقد حواجبه:وليه إن شاءالله
لميس:ماقلت إنك تبغى غدا
رعد عدل جلسته وناظرها بقوه:ليه لازم أقول...وإلا متعوده مثل الخدامات ماتسوي شئ إلا إذا قال لها أحد..
إنجرحت من سخريته واسلوب الإستهزاء في صوته..تحس بقهر داخلها ..قام ورمى عليها نظره حاده:الظاهر إنك تعودتي ع عيشة الخدم ولا أثرفيك الفتره اللي قعدتي فيها بالعز ..بس حاضر مومشكله إذاتبغيني أعاملك زيهم أنا حاظروعز الطلب..
أخذ مفتاحه وطلع ..نزلت دموعها ..ليه يعاملني كذا..أكرهه
ولارح أنسى اللي يسويه فيني مارح أنساه...
دخلت غرفتها وسكرت الباب ورمت نفسها ع سريرها تبكي...
**************
صحت ع ضربات قويه ع الباب قامت وفتحته وشافته واقف قدامها..
رعد بنفاذ صبر:صح النوم كان ماصحيتي
لميس:خير
رعد:اجهزي بنروح لأهلي اللحين
دخلت غرفته لأن ملابسها عنده في الدولاب كانت فخمه مرره وكبيره لونها أحمر رايق وباقات والورد بكل مكان إبتسمت بسخري ودخلت غرفة الملابس المفتوحه ع الغرفه وطلعت لها تيور فخم ..لازم تنقل ملابسها عندها علشان ماتضطر تدخل غرفته..
طلعت بس قابلها رعد عند الباب ووقفت
رعد:خلصي بسرعه
دخلت غرفتها ولبست ملابسها وفكت شعرها بشكل حلو وحطت مكياج ناعم ولبست عباتها مع إنهم مارح يضطروا يطلعوا للشارع بيدخلوا من البوابه اللي بين القصر بس إحتياط إذا قابلت واحد من العيال وطلعت...

دخلوا واستقبلتهم ريم بالأحضان والدموع كعادتها دخلوا للصاله وكان الكل موجود سلموا وجلسوا شوي وصعدت لميس فوق لماوصلت الكوفير علشان تجهز...
*************
تأففت معاها الجوال وهي تنتظر رائد يجي ياخذها وكل شوي تدق عليه
ساره:اصبري وروحي معانا
أمل تدق:لا مابي أبغى أروح مبكر....أففف أنا مادري وينه قايله له إني بروح معاها..
طلعت ساره تتجهز وأمل جالسه تنتظر رائد اللي معطيها
طاف ولا جا ياخذها....
************
أم ماجد وبناتها وصلوا أول الحاضرين والبنات راحوا فوق عند لميس اللي خلصت من مكياجها وشعرها...
سديم:والله ياميسو محلوه
سميه بعفويه وإندفاع:شكلي بعرس دام العرس يحلي كذا
لميس وريم ابتسموا وسديم انصدمت وسكتت وهي تناظروجه إختها الله أظلم لمااستوعبت اللي قالته..
ريم حاسه بسميه وقالت:يالله
لميس ادخلي البسي الفستان تلاقينه داخل
لميس ضمت ريم:مشكووره ريم ع الفستان
ريم ضحكت:اللحين البسيه وشوفيه أول بعدين شكريني يمكن مايعجبك
لميس:أكيد بيعجبني إنت كلك ذوق
سميه:وش السالفه
ريم قالت لهم وسديم ضحكت:ههههه اجل ترى فستان زواجي عليك
ريم:من عيوني
دخلت لميس للغرفه تلبس الفستان والبنات جلسوا ينتظرونها
***************
رشا:مولازم تروحين
دلال فتحت دولابها :لابروح مابي أحد يتشمت فيني
رشا:بكيفك
لبست فستان قصير أسود توب وحطت مكياج صارخ حلاها..
رشا:وا ا ا او تجنني
دلال تعطرت :طبعا وبخلي رعد يعض أصابعه ندم
رشا:مارح تخلينه..لأنك بتتغطي عنه
دلال:لا مارح أتغطى وبقهر لميسوه
رشا:بس لازم تتغطي هو خلاص تزوج
دلال عصبت:لا مارح أتغطى محد له دخل فيني
ولفت لها:وبعدين إياني وإياك تضيعي فيصل من إيدك سامعه
إبتسمت رشا:لا تخافين ماح أضيعه بس تصدفين..أحس إن أمل تحبه
انصدمت ولفت تناظرها:إيــــش
وإنتي إيش عرفك
رشا:نظراتها له وأحسها تغار و...."قالت لها اللي صارقبل لما كانوا عندهم وطلعت له كيف عصبت أمل"
مسكتها دلال من ذراعها:ياويلك لو تركتيه لها
رشا فكت إيدها بخبث:مارح أتركه
دلال بتفكير:أثاريك تخططين وترسمين ياأمول ماانتي هينه
*************
:بســــــــا ا ا ا ا ا ا ام يالله بســــرعه
نزل معاه شماغه:طيب طيب
البندري:بسرعه تأخرنا
بسام ناظرت ساعته:لا تونا ليه
مستعجلين
البندري:ريم محرصه علي أجي بدري
لف بسام للمرايه يلبس شماغه وهو يبتسم من طاريها..
طلت بوجهه:آها آها شفتها شفتها
ضحك:أقول انقلعي البسي عباتك صاجتني وآخرتها مالبستيها
كشرت وهي تلبس عباتها:أيوه صرف بس صرف إنت وذا الأسلوب
طلعت أمه من الصاله معاها بشرى :يالله خلصت
بسام:أيوه يالله اطلعوا
************
طلع رعد من غرفته وفي طريقه سمع صوت البنات من غرفة ريم وشاف الباب مفتوح وسميه وسديم وريم واقفين عند غرفة الملابس
سميه:يالله لموس كل هذا لبس
طلعت لميس وكانت لابسه فستان أبيض يشع منه النور وبشرتها البيضا مع اللون الأبيض صايره ورديه الفستان روعه يجنن عليها كان ناعم وفيه كريستالات خفيفه فوشيه وورديه كانت مستحيه ومنزله راسها من تصفيق البنات وتصفيرهم
سديم:ياعيني ماقدر ع اللي يستحون
رفعت راسهاوضحكت:هههه حلو
وصارت تدور فيه مثل الحوريه
والبنات منهبلين عليها ويضحكوا
رعد يطالعها وكأنها فراشه تطير ومبهور فيها..كانت روعه آيه في الجمال..حس بشعور كان يخفيه ودافنه تفجر داخله وقلبه بدا يدق بقوه وحرارة جسمه إرتفعت وعيونه تتأملها بانبهار...
لميس انتبهت لرعد واقف عند الباب ويناظرها..مغصها بطنها ودق قلبها ووجهها اشتعل تمنت الكل يشوفها بالفستان إلا هــــو
سديم وسميه شافوا رعد وعلطول راحوا وسلموا عليه
سديم:الحمد لله ع السلامه
رعد يحاول مايناظر لميس وناظر سديم:الله يسلمك
سميه ضحكت:حتى إنت بعد محلو
رفعت راسها لميس وناظرت رعد اللي يحاكي البنات ويضحك
شكله مرره جذاب والشماغ عليه يجنن..
نزلت عيونها مرتبكه وتبيه يطلع بسرعه..بس انصعقــــت لماسمعت ريم تقول بخبث:رعد شرايك بلميس ترى الفستان هديه مني
رفعت راسها تناظر ريم بقهر وقلبها يغوص داخلها...
رعد ناظر لميس وهي صدت بوجهها عنه مقهوره وتتوعد في ريم ووجهها قلب أحمر
رعد بصوت ببرود:حلو الفستان
ذوقك حلو
انقهرت لميس من رده لأن متعمد يصرف ويلف
ريم تخزه:أصلا لميس محليته
ابتسم وطلع وسديم وسميه يضحكون
سديم:حرام عليك أحرجتيه
سميه: تلاقينه ميت ع شكلها وينتظر بس تخلص الحفله
لميس انحرجت وناظرت ريم بعتاب وقهر
**************
نزلت تتمخطر في مشيتها عليها فستان كوتيل وشعرها مسيحته وحاطه مكياج حلو وطالعه تهبل
ناظرت زياد الواقف عند أبوها بغنج ودلع ووقفت بإغراء..:يالله بابا أنا جاهزه
أبو مرام:إيش هالحلا والزين هذا كله
إبتسمت وضمت ذراع أبوها متعمده علشان تكون قريبه من زياد الواقف جنب أبوها:طالعه ع أبوي حبيبي
حوطها أبوها من خصرها وقال:عقبال ماأشوفك عروسه وأزفك لزوجك
قال كلمته الأخيره وهويناظر في زياد بعمد
طار عقلها فرحه وشوي تبوس راس أبوها لماشافت نظراته المتعمده لزياد وناظرت زياد بدلع وتحدي..
دخل ريان:يالله ياخال
ناظرفي مرام بإعجاب ووله ومايخفى وهي بادلت النظرات ورجعت تناظر زياد اللي مشمئز منها تلعب ع الحبلين ..و الخوف للحين يلعب فيه من حكي عمه ونظراته اللي وصلت له رساله صريحه....
طلعوا متجهين لقصر أبو رعد ..
****************
دخلت لميس بزفه هاديه وسلمت وجلست في مكانها المخصص ..وعيون دلال تناظرها وشوي تموت الغيظ والقهر
رهف تناظر رغد الجايه لهم:شخبار البيبي
رغد جلست بصعوبه لأنها بشهورها الأخيره:تمام بس متعب أمه شوي
ساره:تصدقين أتوقع إنهم توأم
رغد بخوف:ليه
ساره:لأن بطنك ماشاءالله كبير وأتوقع إنهم توأم
رغد:لا مابي
رهف:ليه
رغد:مادري هو حلو بس أخاف ولادة التوأم متعبه مره
رهف:ههههه لاتخافين بلعكس وناسه التوأم بينسونك تعبك إذا شفتيهم
ساره:أجل الله يرزق بتوأم
أمل:إلا رغوده إذا صاروا توأم وش راح تسمينهم
رغد تفكر:أممم إذا كانوا أولاد سعود ومشاري
رهف:وإذا بنات
ريم:ديم وديما
أمل:لا أممم جولي وجوانا
ساره:هههه أقول انقلع بس أفلام كرتون هم
البنات ضحكوا
رهف:اللحين قعدتوا تسمون والأبو صار ماله رأي
رغد:ههههه صادقه
ريم تقلد رغد لماتتكلم عن عمر:لا عموري حبوب ومايزعل بعد قلبي والله
ضحكوا البنات ورغد تهاوشها:لا والله..والله لومالي كرش كان وريتك
ريم:هههههه أشوى
جلست لميس مع البنات يسولفوا
أمل:لميس شرايك عجبتك باريس
لميس:أيوه
ريم:أكيد بتعجبهم دام معاها رعد
لميس بتقهر دلال وقالت بدلع:أصلا ماحلى باريس إلا رعودي بعد قلبي
ريم ضحكت لماشافت وجه دلال اللي تغير...
************
رائد جالس جنب فيصل وجنب فيصل بسام
ورائد يسوم مع بسام وفيصل طفش منه لأنه جالس بالنص بينهم:رائد ابعد شوي فقعت إذني
رائد:وين أروح
فيصل:روح أجلس جنب عبدالله شف ماجنبه أحد
رائد:لا بحاكي بسام سد أذانك إنت
أبو بسام:مبروك يارعد واعذرني لأني ماحضرت زواجك
رحلت العمل طولت هالمره ومنعتني بس إن شاء الله نحضر زواج عيالك
رعد:معذور وماتقصر
أبوبسام:عقبال فيصل إن شاءالله
أبو رعد:آمين
فيصل ساح بكرسيه وبسام ضحك عليه:شفيك أهجد
فيصل بين أسنانه:انطم عاجبك ها
بسام:ههههههه
رائد بنذاله:يارب إن شاءالله أحضرعرسك قريب
فيصل ناظره رافع حاجبه:ومن قال إني بعزمك
رائد بتميلح:أدري أصلا ماتقدر تستغني عني
فيصل:أيوه ماقدر أخاف أنجلط ليلة عرسي...(دفه من كتفه)اسكت بس
رد جوال رائد وقام وداس ع رجل فيصل بقوه بعمد..
حمر وجه فيصل من الألم وشكله مضحك ومايقدر يسوي
شئ وماسك نفسه
بسام:هههههه
فيصل:آآخ والله ماأخليه هالدب
طلع رائد يحاكي فرح وهو يضحك ع اللي سواه في فيصل
بسام:أقول فيصل الرجال هذا من
ناظر فيصل في زياد الجالس جنب أبومرام:هذا زياد ال...يصير سامي ال...خاله وهوماشاءالله دكتور جراحه
بسام:ماشاءالله وهذا أخوه
فيصل ناظر في ريان اللي يسولف مع عبدالله:أيوه هذا أخوه ريان
بسام:ودكتور بعد
فيصل:لا يشتغل في بنك ع ماأظن
بسام:آها شكله صاحب عبدالله
فيصل:أيوه
************

ريم قامت للمطبخ تشييك ع شغل الخدم وتشوف القهوه خلصت وإلا وقامت معاها أمل
مسكت جوالها ودقت ع عادل
علشان يجي ياخذ القهوه بس عادل ماعطاها وجه ولارد لأنه
يعرف إنهم يبغونه يجيب القهوه
سكرت الجوال بعصبيه:عدول الزفت معطيني طاف
أمل:أخوك شكله عجاز
دقت ع فيصل:ألو
جاها صوته مع صوت الإزعاج اللي عنده:هلا
ريم:تعال خذ القهوه عند المطبخ
فيصل:وعادل ليه مايروح
ريم:عادل عجاز تعال بسرعه لاتبرد
فيصل:طيب طيب
قام ولف ع عادل:قم
عادل:وشو
فيصل:تعال جيب معي القهوه
عادل:ماقدر رجلي نايمه وتنمل
فيصل:أقول قم بلا خراط
عادل يتصنع الألم:قلت لك ماقدر تبغاني أطيح عند الرجال
فيصل يتطنز:بسم الله عليك
بسام كان مستمع ضحك ع لف عادل وقال:خلاص أنا أشيلها معك
فيصل ناظرعادل بحده:ماتستحي الضيف يشيلها وانت جالس
بسام بزعل:شدعوه أنا موضيف
فيصل:تسلم بسام
لف ع عادل وقال:حسابك بعدين
وطلع مع بسام للمطبخ
في المطبخ
ريم بنرفزه:وينه هذا
أمل جالسه ع الكرسي وتشرب عصير:أصبري
ريم:آلمتني يدي الصينيه ثقيله
أمل:عطيها وحده من الخدامات تعطيه إياها
ريم توسعت عيونها:مجنونه تبغينه يذبحني..مايواطن الخدامات يقربوا منه أو يحاكيهم
وتبغيني أخليها تعطيه الصينيه والله إن يكسرها ع راسها وراسي معها

أمل تفاجأت وإبتسمت داخلها..كبر بعينها مرره..
دق عليهادقه وأخذت القهوه وطلعت..
مدتها له:تفضل

فيصل ناسي إن بسام جاي معاه لأنه منشغل يناظر رائد اللي يحكي في الجوال في الحديقه وحاقد عليه وده يرد له
الحركه اللي سواها له...
ريم انتبهت لبسام اللي واقف خلف فيصل ومعطيها ظهره..
شهقت وارتبكت وكانت بتطيح
منها القهوه دفتها باتجاه فيصل وحطتها بإيديه وانحاشت بس
لما انحاشت إيدها كانت ماسكه القهوه لماتركتها بسرعه وفيصل
مامسكها زين طرت الدله وكانت
بتطيح بس فيصل مسكها بس
بعد ما مالت وإنكب قطرات منها
ع جزمته..
بسام لماطلعت ريم لف بسرعه
وعطاها ظهره وهوماسك
ضحكته لأنها كانت معصبه ولا
انتبهت له..لماسمع صوت الباب وصوت فيصل عرف إنها انتبهت ودخلت
لف:شفيك
فيصل انتبه لوجود بسام من شهقت ريم وشافه معطيهم ظهر قال:كله منك
بسام:وش سويت
فيصل:مو لماشافت حضرتك
انحاشت وكبت القهوه علي
بسام ضحك:ههههههههههه
عطاه القهوه:خذها خلني أشوف جزمتي
أخذها بسام للمجلس وفيصل دق ع ريم..
ريم وعيونها ع الشاشه:ياويلي فيصل
أمل:هههههههه جاك الموت ياتارك الصلاه
ريم:إيش أسوي
أمل:إطلعي له
عطتها الجوال وطلعت
شافته واقف ويأشر ع جزمته:شوفي..عاجبك
ريم مسكت ضحكتها:ماقصدت
فيصل:بسرعه جيبي منظف الجزم والملمع
دخلت للمطبخ وهي تضحك..
صعدت فوق وشافت دلال واقفه عند غرفة رعد تفاجأت:دلاا ا ا ال
خترعت ولفت وانهبلت لماشافت
ريم..
قربت منها بعصبيه:إنتي إيش قاعده تسوي هنا ها
دلال خافت:ماسويت شئ
مشت بتهرب مسكتها ريم من
ذراعها:إياني وإياك أشوفك صاعده أو مقربه من غرفة رعد
أو غرفة من الغرف سامعه...وبعدين استحي ع وجهك قاعده
تتجولي بكيفك كأنه بيتك..إفرضي واحد من إخواني صعد فوق وشافك بهالشكل..وإلا
صح هذا اللي تبغينه لكن هذا
بعدك ...راعي حرمت البيت اللي إنت فيه سامعه..
دفتها للدرج وهي تفور داخلها
ع حركاتها وتصرفاتها العميا و
الطايشه ..وكانت خايفه لأنها
خافت تكون مدبره شئ لرعد
ولميس:إنقلعــــي تحــــت

*************
دخل فيصل المجلس وشاف
رائد جالس راح بيجلس وتعمد
يمر من عنده..
داس رجله بكل قوته وجلس..
رائد تألم من رجله كان ناسي
اللي سواه وقعد يسولف مع ماجد وما أخذ حذره..
فيصل همس :كماتدين تدان
غمز له بضحكه ورائدمقهور..
**************

دلال ميــــت قهر وغيــــظ من
ريــــم أولا لأنها خربت اللي
كانت بتسويه وثانيا حكيها القوي
وطردها لها بهالشكل المهين
وتوعدتها داخلها..
واللي زايد قهرها وجود مرام
جالسه معاهم تسولف بدلع و
غرور مع رنا ..كان شكلها أحلى
منها بكثير واللي زاد الطين بله
العقد الألماس اللي ع رقبتها..
التفت للميس شافتها تسولف
وتضحك مع البنات..
تأملت فستانها الفخم والعقد
الألماس الثقيل المرصع بالأحجار الكريمه اللي ع رقبتها
إشتعل القهر والغيظ داخلها والغيره بتحرقها.....
عند لميس والبنات..
سديم:بنات هذي مرام بنت سامي ال....صح
ريم:أيوه هذي
سميه:حلوه بس مغرووووره
سديم:مره حلو فستانها
داليا:مادري مارتحت لها أبدا
ريم:وأنا بعد
سولفوا البنات شوي وقاموا
يرقصوا..
جلست أمل جنب داليا:أشوف بعض الناس ماشالوا عيونهم عنك أخاف فيه مشروع خطبه قريب
داليا انقلب لونها أحمر لأنها عرفت من إنها تقصد أم ماجد
لأنها من جت وهي تشوف نظراتها لها وإبتسامتها...معقووله يكون حكي أمل صحيح وانخطب له...
أمل:شوفي بعد أم عبدالإله تناظرفيك وشوي تاكلك بعيونها
بعد شكلها بتخطبك لولدها الدكتور
خافت بقوه ورفعت عينها وشافتها تناظر فيها أبعدت عيونها
عنها بخوف ..فكرة خطوبتها
لأحد غير ماجد ترعبها..خصوصا
لويخطبها عبدالإله أبوهابيوافق
عليه بسرعه لأن دكتور وولد صاحبه..
أمل لاحظت وجهها اللي تغير
وقالت:لاتخافين إن شاء يخطبك مجود ونفرح بيكي يابت..مين أدك إتنين اللي عاوزينك
داليا همست:إنتي علطول حطيتها خطبه وزواج
ضحكت أمل:ههههه عاوزه أفرح بيكي يابت
ضحكت داليا والأفكار توديها وتجيبها.....
*************
بعد ماطلعوا الناس ومابقى غير
الأهل دخل رعد يسلم ع عماته
وخالاته..
ودلال تاكله بنظراتها وسامته..كشخته..هيبته ورزته ذوبتها...مقهوره بتموت من القهر
لأنه ضاع من إيدها..
تشوف نظراته اللي يسرقها للميس وشوي تنفجر
لما طلع بيروح للرجال لحقته دلال:رعــــد
رعد ظن إنها وحده من خواته ولف:هلا
انصدم لماشافها قدامه..
دلال ابتسمت بحزن:الحمدلله على السلامه
أبعد نظراته عنها:الله يسلمك
دلال بحزن أكثر:كيفك
رعد:دلال مايصير اللي تسوينه
مايجوز أنا واحد متزوج مايصير
تكشفين و.......
دلال قاطعته بصوت فيه غصه:تحبهــــا.....
رعد انصدم من سؤالها أول مره
أحد يسأله هالسؤال..
ولما ماتكلم..تأكدت إنه مايحب
لميس ولماجت بتتكلم...
لف رعد وطلع وهويفكر بسؤال
دلال...
لميس كانت تناظر رعد وهو واقف بثقه وجرأه ويحاكي دلال
وهي تحس بقهر داخلها لماشافت دلال جايه عندهم

والإبتسامه ع وجهها وشكلها فرحانه ...وش قال لها رعد علشان تفرح كذا وبعدين كيف يحاكيها وهو متزوج تذكرت إنه مايحبها واحتمال أكثر إنه يحب دلال...
بعد الحفلــــه:
لبست لميس عباتها وهي تفكر
في رعد ودلال ..هي ماهمها رعد ولاراح يهمها..لكن مومعناته
إنه يهين وجودها وكرامتها أكثر من كذا وقدام الناس وواقف معاه وهي كاشفه قدام الكل
ومو حاط لها أي أعتبار..حست بكرهها لرعد ودلال أكثر..
دخلت بسرعه لغرفتها وسكرت الباب
بدلت لبسها ولبست بيجامه ليلكيه..تمددت ع سريرها وهي تفكر معقوله رعد يحب دلال..
بس ليه ماتزوجها وريحني وفكني منه...
**************
دلال فرحانه وترقص ..لأنها
تأكدت إن رعد مايحب لميس وصارت تخطط كيف تخليه يطلقها وصارت تحاول تلصق في لميس أي شئ لأنه راح يصدقها بسرعه دامه مايحبها..
***************
طلعت لميس من غرفتها..وصلحت لها كوف نسكافيه شربته وهي تدور في البيت تتفرج
شافت الدرج اللي يوصل لفوق
بجهه ماحد يشوفها بس الدرج
مسكر ببوابه زجاج ..
إستغربت وماهتمت كثير ودخلت
للمطبخ تغسل الصحون..
حست برعد رجع من الشركه
ومرمن المطبخ لأنه مفتوح ع الصاله وهي معطيته ظهرها بس ماهتمت...
سمعته يآمرها تحط الغدا..
دخل غرفته..وهي حطت الغدا
ودخلت للمطبخ تكمل شغلها..
جلس رعد يتغدا قدام التلفزيون
قام يغسل لماخلص وراحت تشيل الصحون شافت الأكل مكانه ماأكل من إلا شوي..
ماهتمت وراحت تغسل الصحون
تبغى تخلص بسرعه وتكلم ريم
تجي عندها..
كانت سرحانه وماانتبهت إنها فتحت المويه الحاره وبالصيف تكون أشد حراره ولمادخلت إيدها تحتها
صرخت وهي تبعد إيدها:آآآآآآآه
رعد قام بدون شعور وراح لها:شفيك
لميس وهي ماسكه إيدها اللي
حرقتها وقالت بألم:My hand
قرب رعد منها وشافها حمرا مسك إيدها ودخلها تحت المويه
البارده..
لميس ماحست في المويه البارده
وتكهربت من لمسة إيده..
ناظرت في ملامح وجهه وهي
تحس بالحراره موبس في إيدها
في جسمها كله..تمنت لوتكون
تحت مويه بارده كلها موبس إيدها
لاحظت إيده ترتجف..وسكر المويه وفتح الثلاجه وطلع منها
ثلج وحطه ع إيدها..
رفع عيونه وبعلقت بعيونها اللي
بلون البحر..
إرتبك وترك إيدها..وقال بصوت
قوي:خلي عليها الثلج وتبرد ...وبلاها هالسرحان اللي أربع وعشرين ساعه والله أعلم في
مين هالمره...
طلع من المطبخ وسمعت صوت
باب غرفته يتسكر..
رمت الثلج بالزباله بعصبيه وقهر
************
هدى جالسه في مطعم مع سالم ...شافت جوالها يرن لأنها
حاطته ع السايلنت ماتبي أحد يعكر جوها الحلو معاها
وشافت رقع دلال بس طنشته
ولمارجعت للبيت دقت عليها
هدى:هلا دلال
دلال:آخيرا رديتي
هدى برواقه:كنت طالعه
دلال بشك:مع مين
هدى بفرحه:مع سالم
دلال ابتسمت بخبث:والله..وين
هدى:مطعم تعشيت معاه وتوني أرجع
دلال:هههههههه كيفك معاها
هدى بتنهيده:أحبــــه
دلال:هههههه حركات
هدى:المهم وش بغيتي
دلال إبتسمت:.؟.؟..؟..؟..؟
*****************
لبست تنوره بقصه حلوه قصيره
وبلوزه ناعمه وتركت شعرها مفكوك ولبست صندل ملفوف ع ساقها ولبست عباتها ونزلت تحت..
سميه:بتروحين
سديم:أيوه مابتروحي معاي
سميه حركت راسها بلا وصعدت فوق..
وسديم تناظرها بشفقه وقهر
كانت عارفه إن هالتغير هذا
لأنها شافت راكان اليوم متغدي مع ماجد وماتدري وش صار بس بعدها ونفسيتها زفت وبس تسرح وتبكي...
طلعت مع ماجد ووصلها نزلت..
ولفت إنتباهه سيارة محمد ووحده نزلت منها عرف إنها داليا إبتسم بحب وراح يسلم ع
محمد
**************
دخلوا البنات وانبسطوا مع بعض
البنات سألوا عن سميه وقالت
لهم إنها تعبانه شوي وماقدرت تحضر....
بعد ساعات من السوالف والهيصه ...مارضوا يتعشوا عندهم لأن إخوانهم مستعجلين
حاولت فيهم أمل وساره يتعشوا
مارضوا يقولوا إنهم اكتفوا من المعجنات والحلى والخرابيط اللي قدموها.....
كانوا جالسين في الصاله ينتظروا إخوانهم..
بعد عشردقايق قامت سديم:يالله بنات مع السلامه
ساره:جا أخوك
سديم تلبس عباتها:يقول قريب
أمل وعيونها ع التلفزيون:معليش
مانقدر نوصلك للباب متابعين الفلم عارف طريقك
سديم:مالت عليكم وتبغوني بعد أجلس..مع السلامه
ضحكوا البنات وسديم طلعت في الحوش وكانت بتصدم في رائد اللي انصدم لماشافها ويطالعها متنح..سديم علطول حطت الغطا عليها بسرعه وانقلب لونها أحمر..انقهرت منه
لأن ماأبعد نظراته عنها وظل يطالعها متنح ..كان المفروض
يغض بصره مو يطالع فيها..
رائد متنح:يلعن أبو الحلا اللي كذا
دخل للبيت وسمع صوت البنات
تنحنح لما ميز صوت غريب
داليا تغطت بسرعه
ساره:رائد
رائد:لا خياله
داليا مسكت ضحكتها وساره
ضحكت
طلعت داليا لأن محمد عند الباب
ورائد علطول سأل ساره:من عندكم اليوم
ساره:صاحباتي
رائد:عارف إنهم صاحباتك أجل عدواتك بس مين...فيه أحد نعرفه
أمل:وش دخلك
رائد ناظرها:إنتي اسكتي ماحد سألك
ناظرته أمل من طرف عينها وصعدت فوق..ولحقتها ساره
رائد إنقهر وده يعرف من الحلوه اللي شافها..راح غرفته وبدل ملابسه ونام..
**************
بعد الموقف اللي صار لها معاه
متمدده ع سريرها تحاول تنام
مرت صورت رائد في بالها
كان لابس بنطلون جينز أزرق وتيشرت أحمر وكان جذاب مره
ابتسمت عجبها شكله بس كشرت فجأه لماتذكرت إنه كان يناظره بجرأه ووقاحه ولا أبعد عينه
:أيوه صح نسيت إنه متعود ع الحركات هذي شابك مع بنات الشرقيه كلهم ليه أفكر فيه مالت علي
*********
سمعت صوت تلفون البيت واستغربت مين يدق عليها هالوقت
ردت:هالو
جاها صوت رجولي:هلا والله
استغربت:مين معي
:آفا ياقلبي نسيتي صوتي
سكرت التلفون:وجع من هذا
حاولت تخمن يمكن عادل يستهبل عليها بس هذا مو صوته
طنشت وراحت للمطبخ تجهز الغدا
سمعت صوت الباب وعرفت إنه وصل
دخل للمطبخ وحط الأغراض ع الطاوله ودخل غرفته
حطت الغدا ودخلت تجيب العصير
طلع رعد لاب بدلة بيت مريحه وجلس يتغدا
حطت العصير وجلست بعيد عنه وبإيدها كاس عصير
ترددت تبغى تقوله يوديها عن بيت عمها لأن البنات مجتمعات
عندهم من زمان ماطلعت وطفشت
لميس:رعد
رفع راسها يناظرها أول مره يسمعها تناديه باسمه
نزلت عيونها وقالت:أ...أبغى أروح لبيت عمي
كانت خايفه يرفض لأنه طول
مارد
رعد:أنا مشغول اليوم
لميس باندفاع وبدون تفكير لأنها ماصدقت يوافق:طيب فيصل يوصلني...
حست في فداحة غلطتها لما شافت ملامح الغضب في وجهه
اللي أرعبتهاكانت بتقول مع ريم بس نظراته وحدتها والغضب في وجهه ألجمها.......
*************

رعد بحده وغضب:ليكون حاسبه
نفسك في بريطانيا..تطلعين
مع حبيبك متى مابغيتي
لميس وقفت بعصبيه وقهر:أي
حبيب إنت صاحي
رعد والشرر يتطايرمن عيونه وقف:أنا موغبي ولامغفل عارف
إنك ميته في حب فيصل وهذا إذا
ماكان فيه غيره زي بدر أخو صاحبتك أنا ماني أعمى وأشوف اللي يصيرقدامي
لميس مصدومه ماتوقعت تفكيره الأسود يوصل لأخوه..
مومعقوله فيه أحد يقول لزوجته
إنك تحبي أخوي مستحيل هذا أكيد جن
صرخت فيه ودموعها متحجره في عيونها:كفــــايــــه
أنــــا ماأسمح لك تشكك في شرفي وسمعتي وفيصل هذا أخوك عارف يعني كيف أخوك
إنت مجنووووووون يا......
ماحست بنفسها إلا طايحه ع الأرض وخدها يحرقها من قوة
صفعته..
رفعت راسها وإيدها ع خدها ودموعها مغرقه عيونها وموقادره تشوفه بوضوح قدامها
ولا لاحظت العذاب في عيونه
والقهر..لف بعصبيه وضربت رجله الطاوله وطاحت الصينيه
ع الأرض وتكسر اللي فيها
دخل غرفته وضرب الباب خلفه
بكل قوته ..
غمضت عيونها وانسابت دموعها
الحاره ع خدها وبكت بألم ..لمتى بتتحمل حياتها لمتى بتتحمل قسوته واهاناته لمتــــى
***************
طلعوا الشباب لمجمع الراشد
والبنات أصروا ياخذوهم معهم
لين وافقوا بعد حنة البنات
وإزعاجهم..
الشباب طلعوا بسياره وحده وماجد أخذ البنات بالجمس وركب معاه فيصل علشان يكون
قريب من أمل..
في السياره

فيصل:شغل شئ
ماجد:شوف الدرج عندك شغل
اللي تبغاه
فيصل:نسأل البنات
فيصل بدون لايلف وجهه للبنات:بنات إيش تبغون تسمعون
ريم:أي شئ
فيصل:والباقي ماسمعنا رايهم..تدللوا
أمل بتقهره:قالت لك ريم أي شئ
فيصل رفع حاجبه:ماشاءالله أمل موجوده
أمل:أيوه ماتشوف السياره منوره
فيصل ابتسم:وأنا أشهد
حمر وجهها وماقدرت تقول شئ
والبنات حسوا إن فيه شئ وصاروا يناظروا أمل وفيصل بشك..
داليا منحرجه من ماجد وساكته
ماحكت مع البنات..وتفكيرها
للي صار..أمها تلمح لها إن فيه
أحد خطبها وطبعا أم عبدالإله
لأنها سمعتها تحاكيها...وخايفه مرره تخاف ترفض ومايقبلوا
رفضها وخصوصا أبوها...وبنفس
الوقت خايفه تكون تمني نفسها
أحلام مو حقيقه يكون ماجد ما
يفكر فيها ....
قطع تفكيرها صوت فيصل:أنا بحط إهداء
سميه بلقافه:لمين
فيصل:ملقوفه
ريم:أجل مارح نسمع بنسد آذاننا
لازم نعرف لمين
فيصل طنشهم وهو يحوس بالأشرطه ..طلع واحد وحطه
وصار يقدم ويرجع يدور ع الأغنيه والبنات متحمسات بس حظه ردي لأنهم وصلوا للمجمع
أمل تحس بخوف وقلبها يضرب
خايفه يكون اللي في بالها صح
بس لماشافت إنهم وصلوا إرتاحت..
أمل ضحكت:مالك حظ مسكين
فيصل مارد عليها ونزل..أمل
تضايقت وبنفس الوقت طنشت
تحس كذا أحسن
الشباب راحوا يتمشوا بجهه مخلين البنات ياخذوا راحتهم..
:بســــــــام
لف بسام خلفه وشاف فيصل:هلا فيصل
سلموا ع بعض وقال فيصل:شعندك هنا
بسام إبتسم:جايب الأهل
سلموا عليه الشباب وأصروا يروح معاهم لين يخلصوا أهله
فيصل شاف البنات واقفين وقرب منهم بيقول لريم إن إخت بسام في المجمع ..
بس وقف مكانه لماسمع حكيهم ..
سميه:إعترفي إيش بينك وبين فصول ها
أمل طاح قلبها:شقاعده تقولين
مابينا شئ يعني إيش بيكون بيننا
ناظرتها سميه من طرف عينها:واضح مانشوف إحنا ولانسمع
ناظرتها بشك:بنــــت لايكون تحبينه ويحبك وماقلتي لي
أمل:نعم نعم أحبه لاطبعا لاأحبه ولا يحبني ..
سميه:إعترفي إعترفي أكيد تحبينه ومخبيه علي وأنا اللي دايما أقولك كل شئ
أمل:غصب يعني (وبغرور)أنا إذا حبيت موأحب أي أحد
سميه شهقت:يعني فيصل مو مالي عينك
أمل:فيصل ولدعمي وبس غير كذا لا ..لا أحبه ولا شئ زيه زي
عادل ورعد عيال عم وبس
ولاعمري فكرت فيه غير كذا
سميه:مالت عليك.
سديم:بنات تعالوا ندخل المحل هذا

ريم عجبها فستان ليلكي وأخذته تجربه..
البنات عجبهم مره عليها وأصروا
عليها تاخذه..
طلعوا بعد ماأخذت ريم الفستان
وفي طريقهم..
ريم شهقت والبنات التفتوا لها:شفيك
ريم:نسيت شنطتي في المحل
سميه:روحي جيبيها بسرعه
ريم:وحده تروح معاي
سميه:مافيني أروح بنجلس هنا نرتاح وأنتي روحي جيبيه المحل مو بعيد..
عطتهم أكياسها وراحت بسرعه تجيب شنطتها وهي تدعي ربها
تلاقيها بطاقاتها كلها فيها وصوره
لها ياويلها لو ياخذها أحد..
حمدت ربها لما لقتها فتحتها بسرعه ولقت كل شئ فيها..
طلعت وهي تمشي مبسوطه رايحه للبنات..مر شاب جنبها وضرب كتفه بكتفها..
ريم ماتت من الخوف لأن الشاب واضح إنه قاصدها..
رجع لها وصار يمشي جنبها
ضمت شنطتها بخوف وتسمعه
يقول لها:أول مره أشوف قمر
يمشي ع الأرض
حاولت تسرع بخطواتها ولاردت عليه وهي ميته خوف خصوصا
إنه صار يقرب منها وهي تحاول
تبعد عنه..
غرقت عيونها دموع وقلبها بيوقف لماشافت اثنين شكلهم
معاه يقربوا ويضحكوا ويقول لصاحبهم:ميشو والله وطحت في قمر حولها لنا تكفى
عند الشباب..
دق جواله ورد وكانت أمه تخبره
إنهم خلصوا..
فيصل:خير خلصوا أهلك
بسام:أيوه ولازم أروح لهم اللحين
عبدالله شهق:ريــــم
لفوا وشافوا ريم والشباب اللي
يعاكسوها
فيصل راح ركض وبسام خلفه
اللي النار بدت تاكل فيه..
هجم ع الشاب ومسكه من ياقة ثوبه وصرخ فيه:أيا الحقير
ياللي ماتربيت
الشاب خاف لماشاف غضب فيصل وقال وهو يحاول يبعد إيدين فيصل القويه:ابعد عني إيش دخلك روح دور لك ع غيرها
هنا فيصل وصل حده وضربه بكل قوته :أيا الحقيــــر
بسام هجم عليه مع فيصل والشابين أبعدوا بسام وتضاربوا معاه ..دخلوا الشباب معاهم وصارت هوشه كبيره..
ريم أبعدت وهي تبكي من الخوف
الناس تحمعت وحاولوا يفكوهم
لين هربوا الثلاثه لماماقدروا عليهم
البنات شافوا التجمع وراحوا يشوفوا إيش فيه وانصدموا لماشافوا المضاربه ولمحوا ريم
واقفه بعيد وتبكي قربوا منها بسرعه:ريــــم
ضمت ريم أمل وبكت وترتجف خوف
فيصل يلهث بقهر:آآخ بس لومافكوهم من إيدي كان دفنتهم في مكانهم
بسام شاف ريم اللي حاضنه وحده وتبكي.."آآه يابعدأهلي كلهم"
بسام:فيصل خلاص روح شوف أختك كيفها
فيصل تذكر ريم وشافها في حضن وحده وماركز إنها أمل
راح لها ووقف قريب منها:ريومه
حبيبتي خلاص اهدي
أمل متوتره لقرب فيصل
فيصل:خلاص ريومه هذاني غسلت شراعهم لك وعلمتهم قدرهم ولو تبغيني أذبحهم ذبحتهم
ريم كانت دافنه وجهها في حضن أمل لفت له بخوف:لا لا
رفعت أمل راسها وشهقت مع ريم بنفس الوقت...
فيصل ماعرف إنها أمل وقال:إيش فيه
بعدت ريم عن أمل:فيصل راسك
فيصل حط إيده ع جبينه وكان فيه دم من جرح خفيف شاف إيده وقال بيطمن ريم:وشو عادي جرح بسيط
ريم التفتت لأمل:أمل معاك منديل
فيصل انصدم ورفع نظره لأمل ماكان منتبه إنها أمل..
أمل نزلت راسها وفتحت شنطتها
وإيدها ترتجف وطلعت باكيت صغير منديل وعطته ريم..
سحبت منه واحد ورفعت شعر
فيصل عن جبينه وحطته ع جرحه
حط إيده ع المنديل يمسكه وقال لأمل ببرود وصوت أبرد:شكرا
ولف عنها أمل انصدمت من نظراته وبروده..
فيصل يطالع ريم وخوفها ع فيصل"ويلوموني فيك"
ريم انحنت تاخذ شنطتها من الأرض ولمارفعت راسها تجمدت وهي تشوف بسام واقف قدامها وأبتسم..
ماكانت عارفه إنه موجود ولا انتبهت له ...يالله صار هالموقف قدامه فشيــــله ولابعد أبكي قدامه..
انصدمت لماشافت شكله..
شعره مبعثر وتي شيرته مبهدل وكان ماسك إيده وحست إنها متأذيه..
بسام كأنه عرف اللي تفكرفيه
رفع إيده ورتب شعره وأبتسامته ع وجهه يطمنها..
ماكانوا منتبهين لعيون عبدالله
اللي لاحظت نظراتهم لأنه كان يناظر ريم وينتظرها تنتبه له بس لاحظ نظراتها لبسام وانصدم..
بسام رتب تي شيرته وهو يقول
لفيصل:فيصل أنا ماشي
فيصل إبتسم:مشكور بسام ع الفزعه
بسام ضحك ضحكه طيرت عقل ريم:ولايهمك حاضرين
سلم عليهم وراح..
البنات ضحكوا لماشافوا شكل
الشباب
أمل:رائد عدل شكلك
رائد عدل شكله وهويقول:خربتوا شكلي خلاص ماعاد ناخذكم معانا تجيبون المشاكل
أمل:والله عاد ماقلنا لك افزع
رائد:إيش أسوي أنا راعي فزعات ماقدر أمسك نفسي
ضحكوا وقرروا يطلعوا من المجمع بس البنات أصروا يتعشوا قبل..
تعشوا وطلعوا..
في السياره
فيصل هالمره هو اللي يسوق وجنبه ماجد كان ساكت طول الوقت وأمل مستغربه ومقهوره
من نظراته لها..
لفت أمل للشباك وفيصل شغل شريط وأغنيه محدده
يابعــدهالدنيا ليــه صاحبك
تقســــى عليه
اللي أهدى لك حياته وأنــــت
مستكثــــرتجيــــه
ارخص الدنيـــا لغلاتــــك
واشترى فرحة حياتك
لوطلبته عيونه جاتك
وإنت تتغلى عليــــه
لك حبيــب يمــوت فيك
حس به الله يهديـــك
هو منشغل باله عليــك
وإنت مافكــــرت فيه
وإنت حلمه في الحياه
وإنت كل اللي يبيــــه
أمل سمعت الأغنيه ورفعت عيونها وتعلقت بعيون فيصل من المرايه وكأنه يوجه لها الكلام
بعدت عيونها وقلبها يدق بقوه
وحست إنها محتره..معقوله يقصد هالكلام ويحبني مستحيل
**************
صحت بفزعه ع صوت رعد وهي تتنفس بقوه ودموعها تنزل بخوف..
رعد أبعد خصل شعرها عن وجهها:لميس بسم الله عليك اهدي
انفجرت تبكي وغطت وجهها بإيديها وللحين تحس إنها تحلم
قلبها للحين تحس بدقاته المرعوبه ..
جلس جنبها ع طرف السرير يهديها كان متفاجأ من بكاها وخوفها عارف إنها تحلم من سمع صراخها وهي نايمه لين شاف شكلها المرعوب مستغرب إيش هالحلم اللي مرعبها وقالب حالها كذا..
قام بجيب لها مويه وتصنم مكانه لما حس بإيديها المرتجفه
تلتف حول ظهره وراسها ع صدره العاري تضمه بقوه وتقول بصوت باكي خايف:لا تتركنــــــــي لا تتركنــــي أنا خايفــــــــه
حط إيده ع ظهرها وهوللحين بصدمته يحس بدفا إحتضانها له
ورجفتها ودموعها ..قلبه يدق بقوه لدرجة خاف تسمع دقاته
والجو حار...حضنها له وغمض
عيونه وريحة عطرها غرقته...
***************
طلع من الصاله وشاف إخته لابسه عباتها وتسلم ع أمها..
ماجد:ميمي وين رايحه
مي راحت له بتسلم عليه:بروح بيتي
ماجد:زوجك رجع
مي:أيوه
أم ماجد:خليكي يمه عندي يوم
قربت ولادتك تروحي
مي:لازم أروح يمه مومعقوله أجلس هنا وزوجي خلاص رجع
هنا واشترى بيت وبعدين البيت قريب من عندكم بجيك كل يوم
سميه:لا الله يعافيك ماصدقنا
نرتاح من لجت وصراخ بنتك
خلينا نرتاح شوي
شهد مطيره عيونها:من زينك إنتي ووجهك ..حنا بنروح بيتنا الجديد أحسن من بيتكم هذا
وبرتاح من لعانتس
شهقت سميه:لعانتي ووجع إن
شاءالله يام لسان
ناظرتها شهد بغرور وشالت شنطتها:يالله يمه نروح بيتنا الحلو
سميه:يعني بيتنا مو حلو ..خليني
بس أشوفك جايه عندنا والله لأطردك من كشتك دام بيتنا مو عاجبك
شهد بعناد:ما ا ا ا اتقدرين وبجي
بكره وأنام عندكم عنا ا ا ا اد
ماجد ضحك وشالها يبوسها:والله ياعليك لسان وشطوله
ماتخلين حقك
سلمت عليهم مي وطلعت وطلع معاها ماجد يسلم ع زوجها
****************
جالس ع مكتبه ومسند راسه ع
المكتب يفكر باللي صاراليوم..
نظراتهم المتبادله اللي لها أكثرمن معنى بينهم..معقوله تحبه ..
رفع راسه بسرعه:مستحيــــل
ريم لي أنا وبس ومستحيل أسمح لأحد ياخذها مني
بس يمكن أنا اللي أتوهم إن نظراتهم لبعض لها معنى
إبتسامته لها ونظراته تقول شئ
ثاني آآآخ يالقهر
مارح أسمح لها تناظر أحد غيري
أو تفكر فيه مجرد تفكير لأنها
لي أنا وبس وغصب عنها
أنا لازم أقول لأمي تخطبها لي
بسرعه وبأقرب وقت..
قطع تفكيره صوت جواله
قام واخذه من ع السرير:ألو
جاله صوت ريان:هلا عبود
عبدالله:هلا ريان
سمع صوت الأغاني والإزعاج اللي عنده:إنت وين
ريان ضحك:في الإستراحه مانت ناوي تشرفنا ترى السهره
اليوم من اللي يحبها قلبك لاتفوتك
إبتسم وقام:طبعا مارح تفوتني
أنا جاي اللحين
سكر جواله ولبس وطلع
*****************
فتحت عيونها وشافت نفسها نايمه بحضن رعد العاري..
رفعت راسها عن صدره بسرعه وطاحت نظراتها عليه كان متمدد ع السرير جنبها ولاف إيده ع خصرها ونايم..
بغى يغمى عليها بعدت عنه ونزلت من السرير بصدمه..وقلبها
بيطلع من قوة دقاته ..إيش جابه
عندها وكيف سمحت لنفسها تنام بحضنه ..
دخلت الحمام بسرعه وكأنها خايفه يصحى ويشوفها..
ناظرت في وجهها في المرايه
وانصدمت لماشافت عيونها المنتفخه من البكا وآثار الدموع
عليها تذكرت اللي صار وشهقت
وإيدها ع فمها والدموع تجمعت
في عيونها...مستحيــــل
رعد شافها وهي تبكي ومفزوعه من الحلم اللي صار
يراودها كثير..
حطت إيدها ع راسها والصداع يضرب فيه ..رعد شاف ضعفها
ودموعها ..بس كيف جا لها وكيف
نام عندها..
غسلت وجهها بمويه بارده تحس
إنها بحلم ولازم تصحى منه..
إخترق أنفها ريحة عطره اللي
تدوخها عالقه في بدي بيجامتها
الوردي وبرمودتها الورديه الكاروهات..
نايمه بحضنه ولبسها كذا ..
نزعت ملابسها كأنها تبعده عنها
وتبعد ريحته اللي تقلبها..
أخذت شور سريع ولبست روبها
الأبيض وترددت تطلع تخاف تشوفه ..بس لازم تطلع وإلا بتموت من البرد
فتحت الباب بشويش تحاول ماتطلع صوت وطلعت شافت السرير
فاضي ومافيه أحد..يعني صحى
راحت لباب غرفتها بتسكره وشافت باب غرفته مسكر..
سكرت الباب ولبست ملابسها
وسمعت صوت جوالها..
شافت المتصل ريم ردت عليها
وقالت لها ريم تجي عندها..
قررت تروح لها لبست بنطلون جينز أزرق وبلوزه طويله حمرا
جففت شعرها الكستنائي وتركته مفتوح حطت مكياج خفيف ولبست عباتها وطلعت من البيت رايحه لبيت عمها دخلت من البوابه الزجاجيه ودخلت القصر استقبلتها ريم
حطت لهم فطور الخدامه وجلست تفطر مع ريم اللي تسولف لها عن اللي صار لهم
في السوق..
لميس ضحكت بخبث:حركات ويدافعون بعد
حمر وجهها ريم:شفتي كيف ما
يرضى علي
لميس:هههههههه
****************
كانت جالسه في غرفتها لما
دخلت عليها أمها:السلام عليكم
قامت وباست راس أمها:هلا يمه
نورت الغرفه
إبتسمت أمها:ماشوفك جالسه
تحت عندي وجالسه بروحي قلت
أجي عندك بغرفتك
إبتسمت:والله كنت بنزل بس قلت أرتب غرفتي قبل وأنزل
جلست أمها ع طرف السرير:كان خليتي الخدامه ترتبها
جلست جنب أمها:لا ماحب الخدامه تدخلها
ناظرتها أمها بحنان:يمه داليا عندي موضوع بكلمك فيه
داليا تفاجأت وبنفس الوقت
طاح قلبها لما خمنت إنه موضوع
خطبتها من عبدالإله
قالت بصوت حاولت تخليه طبيعي:تفضلي يمه
أم محمد بابتسامه وإيدها ع تمسح ع شعربنتها:بسم الله عليك يمه كبرتي وصرتي عروس والناس صارت تخطبك من أبوك
غمضت عيونها وقلبها تسارعت
دقاته اللي كانت خايفه منه صار
عبدالإله خطبها ومن فرحة عيون أمهاإنهم موافقين عليه
معقوله أحلامها تلاشت..معقوله حبها لماجد ضاع وصار
سراب ..معقول الشخص اللي
تمنته صار مستحيل..دمعت عيونها بحزن وألم..
فتحت عيونها ونزلت راسها
علشان ماتشوف أمها دموعها
وسمعتها تقول:في ناس خطبوك من أبوك والولد ماشاء
الله إحنا عارفينه مافيه أحسن منه أخلاق وسمعه طيبه وأبوك
موافق عليه بس طبعا لازم نعرف ردك قبل
غمضت عيونها ..خلاص الولد
أبوها موافق عليه وأمها فرحانه
وشكلها موافقه عليه آآه ياربي
أم محمد:ماتبين تعرفي مين
قالت بصوت مرتجف:مين
أم محمد بفرحه:ماجــــد ولد
بدر ال.......
****************
:هههههههههههههههه
ريم منحرجه:البندري خلاص عاد
البندري:ماصدقت لماقالي بسام
ريم بدهشه:بسام
البندري:أيوه طلب مني أدق وأسال عنك خايف عليك الأخ
ريم ابتسمت بحب:الحمدلله بخير
البندري تحاكي بسام اللي جالس جنبها:أبشرك ريم بأتم الصحه والعافيه
ريم إنصدمت:جنبك
البندري:ههههههه أيوه
ريم:البندري اشكريه عني واسأليه عن يده وإعتذري له عني
قالت له اللي قالت ريم وضحك
بسام:حاضرين للحلوين ويدي
تمام وتقول إن شاءالله أنكسر
لعيونها..

ريم سمعته وماتت حيا ووجهها
ألوان
البندري:سمعتيه
ريم منحرجه:البندري أمي تناديني مع السلامه
سكرت منها وعيون لميس تراقبها:شفيه وجهك Red
ريم قالت لها ولميس ضحكت
بس إختفت ضحكتها لماشافته
داخل عليهم
**************
رفعت راسها بصدمه ومومصدقه اللي سمعته ...ماجــــد خطبها...ماجــــد..
حلمــــها أصبح حقيقه موسراب
أم محمد:هايمه إيش رايك
داليا من صدمتها وفرحتها ماقدرت تقول شئ..
أم محمد:فكري واستخيري وردي علينا...ماحدبيغصبك ع شئ ماتبينه.....
طلعت أمها وتركتها...كان بتصرخ
وبتنادي أمها وتقول لها إنها
موافقــــــــه...
بس بدل من هذا إرتمت ع سريرها تبكي من الفرحه مو
مصدقه...ماجد فكر فيها ويبيها
مثل ماسهرت الليالي تفكرفيه
وتبيه وتحبه...
*******************
:والله إنك بايخه وماتستاهلين
الحب اللي معطيك إياه سالم
هدى :ليــــش
دلال:المفروض أي شئ يقوله
لك توافقين لأنه يحبك ياغبيه
إنتي ناويه تخلينه يتركك
هدى بخوف:لا
دلال:أجل إسمعي كلامي وسوي اللي يطلبه
دلال وحده خبيثه وحقوده صارت تلعب ع هدى بكلامها و
سمومها ..وهدى بعقلها الصغير
صدقتها ومشت وراها..
ماكانت عارفه إن دلال مافيه
أخبث منها وبتضيعها..
مافهمت إن العلاقه بينها وبين
سالم محرمه ونهايتها الضياع
والموت حتى لو أيقنها إنه يحبها
ويعشقها لأن مافيه شخص يحب وحده تحاكيه من ورى أهلها وتطلع معاه..
***************
شافته يدخل وعيونه عليها..ماكانت عارفه إذا هو معصب
لأنها طلعت بدون لاتقوله أولا
نظراته غريبه وحاده..
بعدت نظراتها عنه وجلست بثقه
وهي تحاول تنسى اللي صار بينهم..وقلبها يخفق لماتذكرت
قربها منه ودفا حضنه..
سمعت ريم تسولف معاه وهي
التزمت الصمت..
دخلت خالتها أم رعد وسلمت عليها وجلست جنب ريم..
أصرت عليهم يتغدوا عندهم
ورعد ماقدر يقول لها لا..
تغطت لماسمعت صوت فيصل
وعادل ودخلوا..
شافتهم سلموا ع رعد..وجا لها
وجلس جنبها..تحسه جلس جنبها
علشان يراقبها...
سولفوا شوي وقاموا يتغدوا
بعد الغدا
كانت واقفه عند المغاسل
تغسل إيديها وهي سرحانه..
إنتبهت عليه دخل ..وسكرت المويه أخذت مناديل تنشف إيديها بتطلع بس وقفها صوته

رعد:من سمح لك تطلعي من
البيت من غير إذني
ناظرته ببرود وقالت:ماطلعت
للشارع أولبيت غريب..بيت عمي
قرب منها:ولو إن شاءالله حتى
بيت أهلك ماتطلعين من غير إذني
ناظرت فيه وقالت بصوت صدمه
أكثر من نظرت عيونها:أهلي ماتوا وبيتهم أحترق..
طلعت وهوتجمد مكانه يستوعب حكيها...
جلست جنب ريم بهدوء عكس
عاصفة الحزن اللي داخلها..
شافته طلع وهويناظرها نظرات
غريبه وعاقد حاجبه...
بعدت نظراتها عنه ببرود وسمعته يقول لها:يالله نمشي
ريم:خلها تجلس عندي..إنت بتروح للشركه اللحين
ناظرتها أمها يعني مالك دخل
قامت لميس بتلبس عباتها
ريم:لاتلبسينها مايحتاج فيصل
وعادل صعدوا فوق
مالبستها أخذتها بإيدها وطلعت
معاه يمشون بصمت..
كانت تحس إنه بيقول شئ بس
متردد وهي أول مادخلت للبيت
ماعطته فرصه يحاكيها ودخلت
غرفتها
*****************
دخل الصاله:السلام عليكم
نقزت من مكانها بفرحه وراحت
له..ضمته وسلمت عليه..
سلم ع زوجته وجلس:وين رنا
والعيال
ريم قامت:بروح أناديهم
صعدت فوق ودقت باب غرفة
فيصل وسمعت صوته..
فتحت الباب شافته جالس ع
مكتبه واللابتوب قدامه وبإيده
أوراق:هلا ريم
ريم:أبوي تحت ويبغاكم
قام فيصل وطلع معاها نزل
وهي راحت تنادي عادل اللي
كان متمدد ع سريره بينام..
دخل فيصل الصاله وسلم ع أبوه وجلس..
دخلت بعده ريم معاها عادل
وخلفهم رنا..سلموا وجلسوا..
سولفوا شوي ثم قال أبورعد:بكره معزومين كلنا
أم رعد ماستغربت لأنها كانت تروح معاه لحفلات وعزايم
في قصور رجال الأعمال أصحاب زوجها واللي بينه وبينهم أعمال وتجاره..وبما
أنهاسيدة أعمال كانت تحب تهتم
في عمل زوجها ودعمه..
ريم:وين
أبورعد:في بيت سامي ال....
ريم بدهشه:أبو مــــرام
أبورعد:أيوه إنتي تعرفي بنته
ريم:أيوه
أم رعد:الحفله كبيره
أبورعد:أيوه كبيره...كسبنا صفقات مشتركه بيننا الأسبوع
اللي راح وحب أبومرام نحتفل
في بيته...
أم رعد:رعد عارف
أبو رعد:طبعا عنده خبر هو اللي
كان ماسك الصفقات والحمدلله
ولدي ذيب بيض وجهي قدام الناس
فيصل:أحم..أحم..نحن هنا ياعرب
ضحكت ريم:ههههههههه أنا شامه ريحة غيره
أبورعد أبتسم:بس فيصل لويشيل العناد عنه ويداوم مع
أخوه كان مافيه أحسن منه
فيصل:لايبه الله يطولي في عمرك أخوي ماشاءالله عليه
ماسك المجموعه كلها والحمد
لله ماشيه زي ماتحب وأكثر أنا ليش أرز فيسي عنده وبعدين
يبه أنا أبغى أشتغل في مجال
دراستي هندسه
أبورعد:هذا حلالك ولازم تعرف
كل صغيره وكبيره فيه...وإذا ع مجال دراستك ميخالف إشتغل
في مجال دراستك كل شئ متوفر مالك عذر..
فيصل:إن شاء الله مايصير خاطرك إلا طيب...
***************
كانت متمدده ع سريرها ومغمضه عيونها بهدوء والسكون يعم حولها...
تعودت ع الهدوء والوحده من صغرها لدرجة ماصارت تقدر
تتخيل نفسها عايشه مع أحد
أو عندها أحد طول الوقت..
تحس هالشئ خلق منها إنسانه
غير إجتماعيه..غيرمباليه..متبلده..
وأوقات لا.. تحس هالتبلد واللامبالاه يختفي ويذوووب لما
تشوف موقف حاني أبوي بين
أبوها وإختها..يخلق منها كتله من
الأحزان والآلآم شعورها وإحساسها يختلف ويفيض...
الوحده اللي تعودت عليها تقتلها
تحطمها في ذيك اللحظات..
قطع السكون والهدوء أصوات
مزعجه تنبعث من خارج الغرفه..
نزلت من سريرها وطلت من الشباك للحديقه..
انصدمت لماشافت الحديقه مقلوبه فوق تحت وطالعه روعه
الأنوار في كل مكان والطاولات متوزعه بشكل منسق ومرتب
والورد موزع في كل بقعه..
كل شئ متغير ميه وثمانين درجه..
عرفت وأيقنت إن بكره بيعم القصر الضجه والإزعاج وأصوات
الضيوف ..بيرجع فيه الحياة وبيرجع ألمها وقهرها يكبر داخلها..عرفت بكره تكبر وحدتها..بكره حبسها من كل شئ
كالعاده..
*******************
دخلت البيت ومالقت أحد في الصاله...والTV‏ شغال ..
نادت بصوت عالي:لموووووس..
ياأهل البيــــت
طلعت من غرفتها بفرحه لما
سمعت صوتها:ريــــم
سلمت عليها:ويــــنك
لميس:كنت أصلي..إيش المفاجأه الحلوه
ضحكت ريم وجلست:إشتقت
لك وتسحبت زي الفار وجيتك
لميس ضحكت:إيش تشربي
ريم:إممم أي شئ با ا ا ارد
راحت لميس للمطبخ ولحقتها
ريم..
صبت لهم عصير فراوله في
كاسات...وأخذت صينية فطاير..
وطلعوا في الحديقه وجلسوا ع
الكراسي عند الشلال اللي كله أنوار خافته رومانسيه
وطالع المكان ساحر ...
ريم:إيش راح تلبسي بكره
لميس حطت الكاسه ع الطاوله باستغراب:For what
ريم بتعجب:ليه رعد ماقالك إن
بكره فيه حفله في بيت أبومرام
سامي ال.....
لميس بهمس:لا
إنقهرت ريم من أخوها اللي مهمشها وشكله مايجلس معاها
أبدا ..رق قلبها ع لميس وقالت
بمرح:أووبس شكلي سبقته...
لميس:الحفله كبيره
ريم وهي تشرب:يب
لميس باستغراب:غريبه...إنتو
رحتوا لهم قبل...
ريم:لا أول مره نروح لهم...
ها ماقلتي لي إيش راح تلبسي
لمس:‎ I dont know you surprise me
ريم:حتى مافي وقت نروح للسوق.....إيش هالحفله إلامانعرف عنها إلا بالوقت الضائع
قامت ريم ومسكت إيد لميس
وسحبتها معاها:تعالي نشوف
إيش راح تلبسي عاد إنتي عروس لازم تصيري نجمة الحفله وتغطي ع بنته مرام
ضحكت لميس واختفت ضحكتها لمادخلت ريم غرفة رعد........
*****************
طلع من المجلس.ومعاه جواله
توه مسكر من المستشفى طالبينه بعد مااستأذن من عمه ...
سمع حركه ورفع راسه وانصدم....
دق قلبه بوله وشوق لماشاف
اللي حرمت عيونه النوم...
لماشاف حبه من طفولته وقلبه
طالعه من بوابة المدخل..
ببنطلون جينز أزرق وبلوزه أنيقه
فوشي ...وشعرها الأسود اللامع منسدل ع أكتافها بنعومه
ودلع...
سماعات الآيبود في أذانها ..وتمشي بدلع ع أنغام الموسيقى...ومانتبهت له كعادتها
بس هالمره رفعت عيونها الناعسه لعيونه وتفاجأت لماشافته ...
لفت بسرعه ودخلت داخل بعد
ماأخذت قلبه وعقله معاها..
دخل جواله في جيب ثوبه الأبيض وطلع ..
*************
تأففت بلامبالاة وعدلت السماعات ع أذانها.....
فجأه إنسحبت السماعات عن
أذانها والتفتت شافت فيصل واقف وفي إيده السماعات.....
رنا:خيــــر
فيصل دخل السماعات في جيب
بنطلونه الأسود :إرحمي نفسك
واتقي الله أربع وعشرين ساعه
السماعات في أذانك
رنا:وإنت إيش دخلك... كيفي أنا
حره
فيصل:لا مانتي حره...الظاهر
إنك تبغي خاتمتك ع أغاني...

رنا طنشته وقالت:عطني سماعاتي
فيصل:لا هالمره أخذت السماعات المره الثانيه الآيبود
مشى وطنشها ..إنقهرت منه
مووت ..شافت أمها طالعه من
الصاله:يمه شوفي ولدك
أخذ سماعاتي
أم رعد:ميخالف أخوك يبغى مصلحتك
سمعت ضحكة فيصل وإنقهرت
لفت معصبه وشافته واقف يحكي في الجوال..
سكر الجوال وقال:يمه وين أبوي
أم رعد:في المجلس مع خالــــد ولد عمــــك
رفعت حاجبها رنا ...وسمعت نغمة جوالها اللي حاطتها لبندر
وطلعت جوالها بكريستالاته الفوشيه وإبتسمت بفرحه وصعدت فوق لغرفتها تحاكيه.....
أم رعد عقدت حواجبها بحيره:إلا وين إختك ريم
فيصل بحيره:مادري....(ثم ضحك)...أكيد في بيت رعد عند لميس
أم رعد عصبت ودقت عليها وسمعت صوت جوالها في الصاله يعني ماخذته معاها
**************
سحبتها من إيدهابتطلعها من غرفته:تعالي مولازم
البس أي فستان
ريم:لا لا وشو أي فستان...إنتي عروس ماتلبسي أي فستان
لميس ماقدرت إلا تقولها :طيب
تعالي ملابسي مو هنا
ريم :أجل وين
لميس:في الغرفه الثانيه...
إنصفــــق وجه ريم لمااستوعبت وضعهم...
وطلعت بدون لا تقول شئ
وهي مقهوره منهم وبالأخص رعد ...
لميس ماقالت شئ لأنها لاحظت
صدمة ريم ع وجهها لأنها أكيد
ماتوقعت وضعهم كذا ....
دخلت غرفتها وبدت ريم مهمة
البحث عن فستان يليق بعروس..
طلعت فستان أخضر فاتح ممسوك بكريستالات برتقاليه وموديله فخم وغريب :هذا يجنن
بيطلع عليك
عجبها لميس الفستان وقررت
تلبسه..
طلعوا وجلسوا في الصاله..
ريم:شفتي الدور اللي فوق
لميس:لا مسكر
ريم:أيوه رعد مسكره يقول ماله داعي يفتحه البيت كبير ودور واحد يكفينا يقول إذا صار
عندي عيال فتحته
إختقت إبتسامة لميس لماسمعت حكيها....
:أووووو ريومي عندنا
وأنا أقول البيت منور
قامت ريم وسلمت عليه
رعدإبتسم:اللحين ليه تسلمي
وإنتي شايفتني الظهر
ضحكت:إشتقت لك ...خلاص بسحب سلامي
إبتسم وجلس ناظر في لميس:تعشيتوا
لميس طاح قلبها لأنها ماسوت عشا إنشغلت مع ريم
لميس:لا
رفع حاجبه وعرفت إنه معصب
ريم:شبعانين ...إلاصح رعد ليه
ماجبت خدامه
رعد بخز:وليه أجيب وعندي لميس دامها تعرف تطبخ وتغسل مايحتاج أعتقد إنها متعوده ع الشغل والخدمه...
إنصدمت لميس وكبتت دموعها
عرفت قصده.....
طلعت ريم من عندهم...
ودخلت لميس للمطبخ وطلعت
خضار تقطعها ودموعها متحجره في عيونها...
سمعت صوته واقف ع باب المطبخ:إيش قاعده تسوين
ماردت عليه لأنها لوبترد بتبكي...
لاحظ إرتجاف يدها وحست فيه
خلفها وإيده تاخذ السكين من يدها:أنا متعشي ماله داعي تسوين
فار دمها بقوه بقهر ودمعتها نزلت ع خدها ومسحتها بكل قهروألم..إذا متعشي ليه يخزها
في الحكي عند ريم؟؟ليه يجرحــها؟؟ريم واضح إنها
فهمت قصده لأنها تعودت تسمع
الخز بالحكي عليها من رنا...
ليه لازم تنهــــان؟؟؟
كانت لسى معطيته ظهرها وعيونهاآلمتها من حبسها لدموعها ..وهو لازال واقف خلفها بدون حركه ..تحسه يستمتع لمايجرحها ويهينها..ويشوف دموعها...
تماسكت بقوه ماتبغى تفرحه
في ضعفها....
فتحت المويه وغسلت إيدها
وهي تحس فيه واقف مكانه
إنقهرت وفار دمها وتفجرت دموعها لماشافته واقف و ع وجهه إبتسامة سخريه ونظرة عيونه المستهزأه...
ضربته بكل قوتها ع صدره وهي
خلا ا ا ا ا ا اص ماعاد هي متحمله حياتها....
إنهارت تبكي وهي تضربه ع صدره:ليــــــــه تسوي فيني كذا...ليــــــــه إذبحنــــــــي...إذبحنــــي وريحنــــي من تجريحك...
ضمهــــا لصدره وهي تحاول
تبعد عنه وتضربه وهو ماتحرك
من مكانه ضمها بقوه ...
لميس ببكا لماستسلمت لحضنه:ليــــــــه تعذبنــــي ليــــــــه
مارد عليها وظل ضامها ثم أبعدها عنه وأشر ع صدره:مثل
ماعذبتي هذا
تركها وراح لغرفته...
*****************
أمل منسدحه ع سريرها تفكر
في فيصل..
معقوله يحبني..لا فيصل مستحيل يحبني....
إنقلبت للجهه الثانيه....طيب إيش
معنى تصرفاتها واهدائــــه..
تصرفاته غريبه معاها مرات يحسسها إنه يحبها ومرات لا
يحب يقهرها...
غمضت عيونها وضمت مخدتها
لها وابتسمت لماتذكرت الإهداء
فيصل يحبها مثل ماهي تحبه..
فتحت عيونها ..أحبه..أيوه أحبه
ساره تراقبها:أمول
أمل انتبهت لها:نعم
ساره تعدلت بجلستها ع السرير
:شفيك تبتسمين
أمل:ها...عادي شفيها
ساره بخبث:لاموعادي...يالله
قولي إيش قصة الإهداء ها..
أمل انهبلت:ا...أي إهداء
ساره ضحكت:هههههههه لا
تحاولين تسوي نفسك ماتعرفين
لأنك واضحه وفصول واضح
أمل:فيصل
ساره:هههههه أيوه فيصل حبيب
القلب
أمل تفاجأت وسكتت ماتدري
إيش تقول ووجهها قلب أحمر
ساره تستهبل:حرام عليك حسي
فيه وفكري فيه تراكي حلمه
أمل انحرجت وأخذت المخده
ورمتها ع ساره:بايخــــــــه
ساره مسكت المخده قبل
تضرب في وجهها وهي تضحك
أمل غطت نفسها باللحاف كلها
وقالت:تصبحي ع خير
ساره:هههههههه وإنتي من أهله
ياجولييت
وقامت تسكر النور..
أمل وجهها محترق إحراج..معقوله أنا واضحه بس أنا عمري ماوضحت أني أحبه بالعكس أنا وفيصل دايما نتهاوش سبحان الله ساره دايما
فاهمتني....
*****************
صحت الصباح ع نغمة جوالها
وردت وهي يالله تفتح عيونها
:هلا ريم
ريم بشهقه:للحيــــن نايمــــه
لميس بنعاس:أيوه
ريم :اصحــــي يالله مافي وقت
الساعه ثلاث اللحين..
انصدمت وناظرت الساعه قامت
بسرعه وهي خايفه نامت كل
هالوقت ياويلها من رعد ...أوووو
وووو ماصلت الظهر ياربــــي
سكرت من ريم بسرعه ودخلت
الحمام ...غسلت وجهها وتوضت
وطلعت وهي تستغفر لأنها أخرت الصلاة وضاق صدرها..
صلت وطلعت من غرفتها شافت
غرفة رعد مفتوحه وشكله مو
موجود ..
تفاجأت فيه جالس في الصاله
لابس بنطلون جينز أبيض وتي شيرت أسود وقدامه اللاب يشتغل فيه وجنبه
ملفات...
رفع راسه وناظرها رفع حاجبه:صح النوم
مشت للمطبخ وقلبها يرقع خافت
يكون هذا هدوء ماقبل العاصفه
سوت لها كوب نسكافيه وناظرت
فيه مستغربه من هدوءه ..
طنشته ودخلت غرفتها ..
*******************
قامت بطفش:يعني لازم نروح
أم خالد:أيوه لازم..أبوك مارح
يرد عمك
تأففت بضيق:والله مالي خلق
دخل لابس بنطلون أسود وتي شيرت بحري وفي إيده كيس:شفيها السندريلا أمل ماتبغى تحضر حفلة الأمير تشارلي
وإلا مالقت لها فستان...
أمل رفعت حاجبها:أيوه خفف دمك وإنت بس ماعليك إلاتلبس
الثوب وتمشي..لاوراك فستان ولا شعر ولامكياج...
ضحك:خلاص بس هذا اللي شايله همه جيبي عدتك وأنا أحط لك مكياج وازين شعرك
أمل:لاوالله بايعه عمري أنا
والله ماني ناقصه بعد تدخل الكحل
في عيني زي الخبله ساره مادري وش اللي خلاها تخليك
تحط لها
رفع حاجبه بضحكه: بلاها مطفوقه
أم خالد:رائد جبت اللي وصيتك عليه
رائد:آفا آفا بس..الغاليه توصيني
ع شئ ولا أجيبه طبعا جبته
عطاها الكيس وأمل قالت:إيش
فيه الكيس
رائد جلس جنب أمه وضمها:يمه لاتقولين لها أسرار بين الأم وولدها
أمل:إمحق أسرار
حرك حواجبه بغيضها وهمس
في إذن أمه بحكي وأمه تضحك
ع هبال ولدها..
قامت أمل:الحمدلله والشكر
طلعت من الصاله ودخل خالد
:السلام عليكم
:وعليكم السلام
باس راس أمه وجلس بتعب
أم خالد بحنان:شفيك يمه..تعبان
تبغى أحط لك غداك
خالد نزل شماغه :لايمه أكلت
في المستشفى ..
رائد:اليوم شكلك تافل العافيه
خالد:مرره ..اليوم عندي عمليتين
وكلها إستغرقت وقت طويل
هذا غير الحالات الثانيه
أم خالد:يعطيك ألف عافيه يمه
خالد:الله يعافيك
رائد:بترجع للمستشفى بعد
خالد قام:أكيد بروح أنام شوي
وصحوني الساعه ثمان

رائد:مارح تحضر العزيمه اليوم
خالد:إلا إن شاء الله بحضر
إستأذن منهم وطلع لغرفته ..
تمدد ع سريره وغمض عيونه
جت في باله حبيبته وأخذ المخده
وحطها ع راسه مايبغى يفكر
هلكان ويبغى ينام ...
****************
لبست فستانها بعد ماطلعت من
عندها الكوفيره وخلصت مكياجها وشعرها...
كانت حاطه لها ميك أب ناعم
وشعرها مخليته مفكوك ويفي
وماسكه خصل منه ع جنب
بكريستال برتقالي ع أخضر..
تعطرت ولبست صندلها العالي
وتذكرت طقمها الألماس الناعم
وطلعته من علبته ...
هاجمتها ريحة عطره ورفعت عيونها شافت صورته المنعكسه
ع المرايه واقف ع باب الغرفه لابس ثوب أبيض وغتره بيضاء
كان كشششخه بساعته جفنشي السودا وجزمه السود
ناظرها بتأمل:خلصتي
نزلت عيونها لماأربكتها عيونه
وهي تحاول تسكر العقد ماتدري شفيها ماقدرت تسكره
حست فيه واقف خلفها وإيديه
تبعد إيديها يسكر لها العقد...
حبست أنفاسها لمامرت أصابعه
ع رقبتها وخصل شعرها...
رفعت عيونها وتجمدت كل خليه
فيها وقلبها دقاته تحس إنه يسمعها من قوتها لماشافت
نظرة عيونه اللي قلبتها ....
حط إيديه ع أكتافها ولفها ناحيته
توسعت عيونها بصدمه لما
باس جبينها وظل للحظات...
وهي ماقدرت تتحرك أو تبعده
تحس بحراره أنفاسه اللي حرقتها..
أبعد عنها وكأنه ندم مافهمت عليه ولا ع نظرته..
مشى بيطلع من الغرفه وهو
يقول ببحه:أنتظرك في السياره
حطت إيدها ع وجهها وغمضت
عيونها وهي تحس بحرارة
وجهها..تنهدت بضيق..
ليــــه ترتبك وينقلب حالها لما
يقرب منها...
ليــــه تتجمد وماتقدر تتحرك
لمايحط عيونه في عيونها وآآآآآه
من عيونــــه..
لبست عباتها وطلعت ...
فتح لها السواق الباب وركبت
جنبه وهي ساكته..حتى هو
جالس في صمت...
*****************
ناظرت في شكلها تتأكد من إنها
Perfect ..
كانت لابسه فستان أحمر بذهبي
قصير مرره روعه وحاطه ميك
أب نعوم وشعرها فاكته بحيويه
ع أكتافها بشكل ملفت ...
إبتسمت برضا وطلعت من غرفتها
فتحت باب غرفة إختها بقوه وشافتها جالسه ع سريرها بصمت..
ناظرتها باحتقار ورفعت أنفها
بغرور وتكبروقالت:أعتقد إنك عارفه إن اليوم حفله في بيتــــي فمايحتاج أقولك ماأشوف
رقعة وجهك القبيح هذا فيها
أوحتى أسمع لك نفس سامعه
وإلا حسابك معاي بيكون عسير
مشت بغرور ودلع وقالت:لأن
مايشرف سامي ال.... يكون
عنده بنت مثلك..سامي ال..
ماعنده بنت غيري أنا..أنا اللي
أشرفه أنا وبس...
طلعت من الغرفه وسكرت الباب...
عيونها ظلت تناظرفي الفراغ
نزلت عيونها وضمت إيديها ...
نزلت دموعها بدون لاتلامس خدها....
**************
نزلت تحت وهي تبتسم بانتصار
شافت زياد وريان واقفين ع
باب المدخل يحكوا مع أبوها...
إنجنت ع أشكالهم كانوا مرره
وسامه وكشخه....
ناظرت في زياد اللي كان متعمد
مايناظر فيها بعكس ريان اللي
بياكلها بنظراته....
وقفت عند أبوها اللي لماشافها
ضمها له:ياهلا والله بحبيبة أبوها
إبتسمت بدلع:هلافيك يالغالي ....
زياد عاقد حاجبه بقهر من عمه
اللي ماكأن عنده بنت غيرها
هي الكل بالكل عنده لوتطلب
القمرجابه لها...والمسكينه اللي
فوق مومعترف حتى بوجودها
مرام طرطعت من القهر لماشافته يناظر في الدرج وعرفت إن عقله مع تولين
قالت بصوت كله غنج ودلع:زيــــاد
ناظرفيها:نعم
دلال بنفس الغنج وهي تلعب بخصل شعرها: مارح تروح للمستشفى اليوم صح
ناظرفيها رافع حاجبه:أيوه ليه
ناظرت ريان بنفس الخبث والوضع:لأن بابا بيكون لوحده مع ريان حرام تعب ع ريان فلازم تصير معاه وبعدين هذي
حفله ضروري تحضرها..
ريان خق عندها بعكس زياد
اللي وده يخنقها عارف حركاتها
الخبيثه...
أبومرام حط إيده ع كتف مرام:
طبعا حبيبتي ماراح يداوم لأنهم
مثل عيالي ولازم يوقفون معاي
زياد موقادر يتحمل خاله وبنته
اللحين إعترف ببنتك اللي راميها
بدون ماتسأل عنها بعدين إعتبرنا
مثل عيالك..
أستأذن وطلع وطلع خلفه أبومرام ....وطبعا فضى الجو لمرام وريان...
قرب منها ولف إيده ع خصرها
:إيش هالحلا والجمال هذا كله
ياقلبي..
بعدت عنه وهي تقول بدلع:ريــــان مو وقته تبغى أبوي
يشوفنا...
ريان:آآآآخ بس والله إشتقت لك
متى بس نجتمع في بيت واحد
باست خده بسرعه وهي تقول:
لسى بدري حبيبي...
مشت بسرعه وتركته ...
ناظرت في شكلها في المرايه
وقالت:لسى بدري ع الحكي
أنا مصره أجيب راس زياد وبجيبه هو اللي أبغاه وبجيبه مثل ماجبتك...
*****************
في الحفلــــه:
لميس جالسه مع بنات عمها
وتفكيرها كله عند رعد....
نفضت أفكارها...مايستاهل أفكر فيه....
التفتت تناظرالناس ووقفت نظراتها ع مرام وظلت تناظرفيها
هالبنت هذي أبدا مارتحت لها
:إيش عندك تبحلقي فيها لايكون
بتخطبيها لأحد
التفتت لأمل وقالت:ومين أخطب له
أمل لاحظت الحزن كسى وجهها
وقالت بسرعه وهي تسحبها
معاها:تعالي نرقص
ريم شافت أمل ماسكه يد لميس وترقص معاها وإنقهرت:
الخــــونه مانادوني معاهم
ساره ضحكت:روحي لازم
يعني دعوه
أمل:تقومي معاي
ساره:لا مالي خلق أبي أجلس
ريم حركت حواجبها:أجل إنتي
ناويه تعنسي قومي وترززي
علشان تخطبك وحده من هالعجز لولدها
ساره:لا ا ا ا اوالله ليــــه جالسه
فوق راسك
ضحكت ريم:أيوه أبغى أتطمن
عليك
ساره:تطمني ع نفسك قبل وبعدين فكري فينا
ضحكت ريم:لاتخافين متطمنه
ساره رفعت حاجبها بشك:بنــــت
ضحكت ريم:إلا صدق ليه جايبين عجز في الحفله
ساره:وإنتي وش عليك قومي
طلعيهم أحسن
ريم:يمــــه منك ماحد يقولك
شئ أروح أتمشى أحسن
قامت وساره ضحكت عليها...
****************
عند الشباب...
جلس رائد جنب فيصل وبسام
وقال فيصل:أشوفك رجعت مو
كأنك قبل شوي تقول مابيكم
رائد كشر:من زين سوالف خالد
وزياد أجلس معاهم كل حكيهم
عن العمليات والأمراض والله
أحس بغثيان منهم مادري كيف يتحملوا هالمناظر...
بسام ضحك:والله عاد هذي
مهنتهم ومتعودين عليها...
ومادخلوها إلا قلوبهم قويه..
رائد ناظره من طرف عينه:وش
قصدك يعني وش قصدك..أنا قلبي ضعيف وخواف..
بسام ضحك:إذا بس سمعتهم
يحكوا حسيت بغثيان أجل لو
إنت مثلهم تشوف وش بتسوي
رائدبهبال:أغمــــض
:هههههههههههه
رائد إتكى ع المركى وإيده ع دقنه:إلا الأخ عبدالله شعنده لاصق في الأخ ريان ماشاءالله
من متى المعرفه..
فيصل:صاحبــــه
رائد رفع حاجبه:من متى ماشاءالله أمداه يصاحبه
فيصل:عاد روح إسأله
رائد:قوموا قوموا خلونا نطلع
صكني راسي من إزعاجهم
بسام:مين
رائد:مشافيح السوق
بسام ضحك لماعرف قصده..
رجال الأعمال..
قاموا وطلعوا برى...
****************
ماقدرت تقاوم فضولها ورغبتها
وقامت للشباك.....
أبعدت الستاره وطلت..
وكان شباك غرفتها ع الحديقه الرئيسيه اللي قريبه للرجال وبعيده عن حديقة الحريم...
دورت بعيونها ع زياد مالقته
موجود. أكيد داخل...
كان يضحك ورفع راسه فجأه
وشافها ...
تولين لماانتبهت له يناظرها وعاقد حواجبه أبعدت بسرعه عن الشباك...
جلست ع السرير وقلبها يدق بقوه خافت مرره ..
وبنفس الوقت ودها تعرف من
يكون ..
**************
كانت تتمشى وتتفرج ع الناس
شافت مرام جالسه مع رنا
وتسولف معاها بكل غرور
كانت جالسه في مكان بارز
وكأنها نجمة الحفله....
كشرت من غرورها وكملت
طريقها...
لفت إنتباهها الخدامه تمشي
معاها صينيه فيها أكل..
ذبحها الفضول لأن الصينيه
اللي معاها تختلف عن صنايا
التقديم وفيها أكل يعني مو شي
يقدم...
راحت لها ووقفتها:execus me
:أيوه
حلو تحكي عربي أشوه :أ...كيف
حالك
:كويس
ريم:هذا أكل حق مين
:هادا هق تولين.....
قطعت حكيها لماشافت خدامه
ثانيه تخزها بنظراتها بتوعد وتحذير..
جت الخدامه الثانيه:سووري
روهي يالله
راحت الخدامه اللي معاها الصينيه وقالت الثانيه:يبغى شئ
مدام
ريم انقهرت..مدام في عينك إنتي وهالخشه:لا
مشت مقهوره ووقفت فجأه....
مين تكون تولين هذي وليه
ماجت هنا...
حطت إيدها ع فمها تكتم شهقتها ونظراتها ع مرام....
معقــــــــولــــه...
*****************
صحى من النوم وراسه مصدع
أخذ له شور ينشطه...
ولبس بنطلون أسود وتي شيرت
كت أبيض فيه صورة سفينه
مشط شعره المبلول ع ورى
ونزل تحت شاف أمه جالسه
تتقهوى مع إخته ..
جلس معاهم وصبت له أمه
قهوه...
منى:صح النوم مارح تداوم
اليوم...
راكان:لا ماخذ إجازه
منى:ليه سلامات
راكان:برتاح لي شوي الأيام
اللي فاتت مضغوطين مرره
بالشغل...
رفع راسه وناظرأمه:يمه
بسافر بكره مع الشباب..
أم راكان:وين
راكان:بنروح لدبي وبنجلس
كم يوم ونرجع يعني مارح أطول
أم راكان وشكلها ماتقبلت السالفه:اللي يريحك يمه..
سولفوا شوي وقالت منى:يمه
دريتي ماجد ولد عمي
خطب دلال بنت محمدال....
أم راكان بفرحه:ماشاءالله وإنتي مين
قالك
منى ناظرت في أخوها اللي
يناظر في جواله:سميه قالت لي
أمس..أول ماعرفت علطول خبرتني بس لسى ماقالوا لأحد
حست فيه صارمو ع بعضه لما
سمعت إسمها...
أم راكان:الله يوفقه إن شاءالله
منى :آمين عقبال ماتفرحي
إنتي في راكان
رفع راسه وناظرها بقوه...
أم راكان:آمين ياربي أفرح فيكم
كلكم....
منى ماهمها راكان وأصلا
قاصده قالت:وفيه ناس متكلمين
ع سميه بنت عمي وشكلهم
بيخطبوها..
وكأن عقرب لسعته ناظر في
إخته نظرات أرعبتها وعروق وجهه إنشدت والجوال تحس إنه
بيتهشم في إيده من قوة ضغطه
عليه..ولا فاتتها نظرة الصدمه
والألم...
قام ورمى الفنجان ع الصينيه
وطلع ...
ركب سيارته وضرب في الباب
بكل قوته..
حط إيديه ع راسه وسنده ع
الدركسون..
وطلعت منه آآآهه من قلبه...
مستحيل سميه تصير لغيري
مستحيل...معقوله توافق إذا
إنخطبت لغيري ...معقوله..
وليش ما توافق وأنا اللي تركتها
آآآآآآآآآه ياربي آآآآآآآه...
دمعت عيونه يحس نفسه
بيبكي ...ليــــه يصير فيه كذا
ليــــه...إستغفرالله....ياليــــته ماكتشف
حقيقته وظل ع عماه ياليته
ولا خسرها....غصب عنه خسرها مايبي يظلمها معاه
مايبي يظلمها مع واحد ..
لا أصــــــــل ولا فصــــل
مايدري من يكون أومن أبوه
آآآآآه ياربي ....أحبــــها أحبــــها
وماني قادر أنساها ولاني قادر
أقرب لها....
***********
:كللللوش
ألــــف ألــــف مبروووك
ياأخوي
ماجد ضحك بفرحه:الله يبارك
فيك يارب
شهد:اللحين إنتي ليه فرحانه
وش به...
سديم:خالك ماجد بيتزوج
طيرت عيونها فيه:بتا ا ا ا ا اخذ
أم عصاقيل الفاصخه..
سديم إنقلب لونها وخافت
لماعرفت إنها تقصد دلال..
وقالت بتسكتها لماشافت ماجد
عاقد حاجبه مستغربه وبحيره
سديم:بياخذ داليا اللي إختها دانه
شهد:إيــــه أشوه علبالي ذيك
أم عصاقيل المايعه وووع
والله لو تصير زوجتك لا أمصع
عصاقيلها....
سديم إنقهرت من لسان شهد
:إنقلعي روحي العبي هناك
شهد بحقران:كيــــفي وش دخلتس
ماجد ناظر في سديم ومي:إيش
تقول هذي مين تقصد
سديم:ماعليك منها هذي ثرثاره
أهم شئ خلنا فيك ياعريس..
إبتسم:خير
سديم:متى الملكه..
ماجد:لسى ماحددنا..بس
إن شاءالله قريب
في خلال الأسابيع الجايه
سديم:إخس حار يافول ماعندك
وقت....بعدين ليه إخترت داليا
بالذات ها ...
ماجد إبتسم:ليه ماتبغينها وإلا
موعاجبتك
سديم:بلى والله فرحت لما
عرفت إنك بتاخذ داليا ياحبيلها
بس ليه هي بالذات ماخليت
أمي تختار لك..لايكون شايفها
ماجد:ياكثر أسألتك ياسدوم
أنا عندي موعد اللحين مع السلامه
راح وتركها
سديم:مجــــو و و و و و ود
لا ا ا ا ا تتهــــرب...

دخل للصاله وشاف ريم جالسه
وشكلها سرحانه....
إبتسم بخبث وراح من خلفها:
بــــــــــــو و و و و و و و و
شهقت بروعه ولفت وشافته
واقف وميت ضحك ع شكلها

رمت عليه الخداده بعصبيه:
فصــــــــو و و ول و و و وجــــع
جلس جنبها يضحك:والله شكلك
مضحك
ضربته من كتفه:حرام عليك
والله خرعتني أففف
فيصل بابتسامه:إيش فيك سرحانه وفي عالم آخر
سكتت ريم لماتذكرت اللي
تفكر فيه....
فيصل:ريم
ريم ناظرته:تصدق أمس صار
شئ غريب في الحفله...
فيصل عقد حواجبه:وشو
دخل عادل الصاله:أوهايــــوا
جلس عندهم:إيش عندكم
فيصل:مادري عن إختك
ريم:والله جد
عادل:شفيكم
ريم قالت لهم اللي صار معاها
عادل عقد حاجبه:متأكده
ريم :والله
فيصل يفكر:أنا لمحت وحده
تطل من شباك غرفه ..
ريم شهقت:صدق..
فيصل:أيوه بس ماشفتها زين
بس لمحتها..
ريم:معقوله يكون اللي قالوه
صحيح
عادل:مين وإيش قالوا
ريم:سمعت إن أبومرام عنده
بنت ثانيه كان متزوج بالسر
فيصل:مين قالك
عادل:وبعدين لو كان عنده
بنت كان عرفنا أكيد إشاعات
ريم:ياسلام والبنت اللي شافها
فيصل وتقول عنها الخدامه
فيصل يفكر:أحس في الموضوع شئ بس إيش مادري
*************
دخلت الغرفه وعليها عباتها:كللللللللللللللللللللوش ألــــف ألــــف مبرو و و و وك
ضمتها:الله يبارك فيــــك...
حست فيها تبكي وبعدتها عنها:بنــــت إيش فيك
مسحت دموعها بكف يدها:والله
مانــــي مصدقه للحين
بكت وضمتها ..مسحت ع ظهرها
:داليــــا خلاص .. قولي الحمد
الله..
بعدتها عنها وضربت كتفها:والله
وتحقق حلمــــك يابنت..بتاخذي
حبيب الألب..
ضحكت داليا:والله ياأمل كنت
خايفه يكون عبدالإله اللي
خطبني لماقالت لي أمي..
كنت خايفه يكون ماجد مافكر
فيني..
ضحكت أمل:هههههه لا الحمد
لله جاك ع حصانه الأبيض يخطبك...المفروض روحي
تبوسي المطبخ اللي جمعك
فيه بعد الله...
ضحكت داليا:ههههههه تصدقين
إني كنت كارهته لأن تصير لي
مواقف بايخه مع ماجد..وصرت
ماحب أدخله...
أمل بأسف:لا لا لا حرام عليك
تكسرين في خاطره ...ترى
ماأرضى عليه...
داليا:ههههههههههههههههه
*****************
ريم:والله كان ودي أروح أبارك لها اليوم..
لميس:كلمتيها
ريم:يب كلمتها وباركت لها بس
لازم أبارك لها face to face
لميس:متى بيملكــوا
ريم:مادري ...المهم جهزتي
للجامعه..
لميس:لا إنتي متى بتروحي للسوق
ريم:إممم شرايك نروح بكره
لميس:مادري عن رعد إذا بيوافق أو لا
ريم:لا إن شاءالله بيرضى
قامت لميس:يالله باي بروح للبيت
ريم ناظرت الساعه:تونا بدري
لميس:لا يالله يمدي أسوي
العشى قبل يجي..
ريم:إيش بتسوين
لميس أحتارت:مادري أي شئ
ريم:أقولك سوي كبسه
لميس:كبسه بس أخاف مايحبها
ريم:لا لاتخافين الشباب السعودي يقدسون شئ إسمه
كبسه..بس إنتي تعرفين
لميس:يب أكيد أعرف
ريم:أوك خلاص سويها...تبين
أجي أساعدك
لميس:لاشكرا ....أخاف خالتي
تزعل ...يالله باي

ريم ماعارضت وهي ودها رعد
يجيب للميس خدامه تريحها..
طلعت وراحت بيتها بدلت لبسها
ولبست برمودا بيج وبلوزه ورديه
كت...لمت شعرها ذيل حصان...
دخلت للمطبخ وبدت تجهز اللي
تحتاجه...
****************
سكرت أم خالدالسماعه...
وقال رائد:يمه مين اللي تباركي
لها
أم خالد:عمتك أم ماجد تبشرنا
إن ماجد خطب داليا بنت أبومحمد
رائد:ماشاءالله الله يوفقه...
دخل خالد وسمع آخر حكيه:مين اللي تدعيله
رائد:ماجد ولد عمتي خطب
خالد:ماشاءالله ..بس أنا أراويه
يخطب ولا يعلمني
أم خالد:عقبال ماأفرح فيك
إن شاءالله..
خالد إبتسم:آمين
رائد رفع حاجبه:إحم إحم تراي
ولدك مو ولد البطه السودا
ضحكت أم ماجد:كلكم إن شاء
الله أفرح فيكم
رائد:إيييييه إنطر ياحمار لين
يجيك الربيع..هذا إذا تزوج ولدك
العانس
خالد رفع حاجبه:خير إيش هذي
عانس شايفني بنت
رائد:أول شئ عانس تتطلق
ع الولد والبنت ثانيا بصراحه
تنطبق عليك شوف كم عمرك
ولين اللحين مانتا راضي تعتق نفسك وتعتقنا لوجه الله
ضحك خالد:أول شئ أنا ماني كبير مره توني شباب مادخلت الثلاثين..ثانيا
إيه بين ع حقيقتك
تبغاني أتزوج علشان يفضى لك
الجو وتتزوج
رائد:أيوووه هذاك فهمتها
أم خالد ضحكت ع عيالها وناظرت خالد:هايمه ماتبي تفرحنا وتتزوج
قام خالد بابتسامه وباس راس أمه:قريب يمه قريب إن شاءالله
وطلع من الصاله....
****************
دخل للبيت بجيب بعض الأوراق
ياخذها لأبوه وانتبه للميس في
المطبخ معطيته ظهرها...
واستغرب لبسها هي متعمده
تلبس عنده جلابيات ولبس ساتر
واللحين شكلها خطيــــر بالبرمودا الضيقه وبلوزتها الماسكه ع جسمها ومحليته
أكثر....
إنتبهت عليه لميس وشافته واقف
ويناظرها أول ماشاف إنها أنتبهت له راح لمكتبه ..
أما لميس ناظرت الساعه...
غريبه جاي بدري حتى مارمى
السلام علطول لغرفته...
تذكرت لبسها وناظرته طنشت
ورجعت تكمل شغلها لأنها عارفه إنه بيطلع لأن هذا الوقت
في شركة عمها....
طلع من مكتبه معاه ملفات
ووقف للحظه ثم طلع جواله
ودق ع رقم:هلا عيسى تعال لي ع البيت...
في المطبخ
سمعت لميس صوت الباب وعرفت إنه طلع....
بعد دقايق ..
تفاجأت فيه يدخل للمطبخ
ولابس بنطلون جينز أزرق غامق
وقميص أبيض مفتوحه أزاريره
اللي عند صدره....
وتفاجأت أكثر لماجلس ع الطاوله ...
ناظرت فيه مستغربه:تبي شي
ناظرها من فوق لتحت:لازم
يعني أبي شئ إذا جلست عندك
في المطبخ
عطته ظهرها وقلبها يرقع سبت
نفسها لماماغيرت لبسها....
سمعت صوته:إيش قاعده تسوين...
حست فيه نزل من ع الطاوله
وقرب عندها ووقف جنبها..
بعدت عنه لماحست بريحة عطره بتخنقها من قوتها وشكله
جذبها ..
رفع حاجبه وناظرها:كبسه
ناظرته باستفهام:ماتحبها
ناظر في عيونها وهمس:بلى أحبها
بعدت عيونها عنه وقلبها بيطلع من مكانه ماتدري ليه حسته
مايقصد الكبسه من عيونه...
نفضت أفكارها ع صوته وهو
يتسند ع الطاوله قبالها:تعرفين
تسويها وإلا تجربين
رفعت حاجبها:طبعا أعرف
رعد:أساعدك
تفاجأت وناظرته باحتقار:ماأعتقد إنك تسوي شغل الخدم
رفع حاجبه من ردها ورجع جلس ع الطاوله:كيفك حبيت أعرض خدماتي
رجعت تكمل شغلها:لاشكرا
ماقدرت تشتغل وعيونه تراقبها
وتراقب كل تحركاتها ...
تمنت يطلع يشغل نفسه بأي
شي ويفكها من التوتر اللي عايشته.....
ماقدرت تتحمل ولفت له:رعد
ناظرها وع وجهه إبتسامه:هلا
إرتبكت زياده وقالت:ماعندك
شغل تسويه
رعد:ليه؟؟ مضايقك وجودي وبعدين أنا عرضت عليك خدماتي ومارضيتي
كلك ع بعضك مضايقني قالت بتفك نفسها:تعرف تسوي عصير
ناظرها باستغراب:وفيه أحد مايعرف
لميس فرحت ع الأقل لقت شئ يشغله عنها:خلاص صلحه إذا
للحين حاب تعرض خدماتك
ناظرها بنفس نظرتها:بس ع
ما أعتقد إنك رفضتيها...
سكتت وعطته ظهرها تكمل
شغلها:أجل إطلع برى المطبخ
لأني ماني عارفه أشتغل وفي
أحد يراقبني...
إبتسم داخله كان عارف إن نظراته مضايقتها من حركاتها
بس عاند وجلس ...
إنقهرت مرره وحاولت تستعجل
بسرعه....
سمعت صوت جواله وطلع يحكي برى ..
تنهدت بقوه...أخيــــرا..اففففف
***********
:متــــى يعنــــي تراني تعبت
من الإنتظار
رنا خافت بندر يمل منها فقالت
بسرعه:خلاص بشوف أقرب
يوم أكون فاضيه فيه وأقولك
بندر:متى يعني
رنا:مادري للحين لأني بصير
مشغوله الأيام هذي بالتجهيز
للجامعه..ماعاد بقى ع الدراسه
إلا أسبوع وبعدها نطلع للمكان
اللي تحب خلاص حبيبي
بندر إبتسم بخبث:أي مكان ..أوك
بنتظر علشان مع إني ميت من
الشوق علشان أشوفك ياقلبي..
من شفتك وأنتي موراضيه
تفارقي خيالي..
ضحكت براحه :أوك إتفقنا حبيبي
سكر منها وناظر صاحبه وع
وجهه إبتسامة خبث ونصر:
موعد الإنتقام قرب ..
ضحك صاحبه:والمكان موجود
بندر:حلو...أهم شئ الضربه
تصير قويه وأنزل راسهم للتراب
آآآخ بس لو يصير كل شئ زي
ماأبي أعطيك اللي تبيه
صاحبه:بس مانت خايف من رعد بعد اللي تسويــه...
بندر:طبعا لا ..مايهمني دامي
أشوف وجيهم مغموره بالتراب
أحلى يوم في حياتي...
صاحبه:شخبار أبوك
بندر:بخير للحين في استراليا
صاحبه:بيرجع هنا
بندر:ماعتقد أبدا بعد اللي سواه
مشاري وعياله ماعتقد يقدر
يحط رجله ع السعوديه..بس هيين إما وريتهم إن محمد جاب اللي ياخذ حقه ماكون بندر
**************
جلسوا يتعشوا في الحديقه
ساكتين.....
لميس:رعد
ناظرها:هلا
لميس شافت شكله وتصرفاته
اليوم وحست إنه رايق فشافتها
فرصه وقالت:بكره ريم بتروح
للسوق وأبي أروح معاها نجهز
للجامعه...
ظل ساكت ثم قال:متى..
لميس:ع المغرب
رعد:أوك أنا اللي باخذكم..
سكتت ولاقالت شئ تحسه يتعمد هو اللي ياخذها لكل شئ علشان يصير مراقب عليها
كرهت الطلعه بس علشان ريم
ماحبت تكنسل..
إنسدت نفسها وقامت ..
رعد:ع وين
لميس وهي ماشيه: شبعت
دخلت داخل وسمعت صوت
التلفون راحت له وردت:هالو
سمعت نفس الصوت الرجالي:
هلا والله حبيبتي
لميس خافت:مين معي
:أفا يالموس قلبي ماعرفتي
روحك
أظلم وجهها بخوف لماسمعت
إسمها وسكرت السماعه بخوف
وانتبهت لرعد..
وانقلب لونها...
ناظرها رعد بشك:مين تحاكين
ناظرت في بخوف وقالت:ما...حد
خافت من نظرته لأن حس إنها
مو ع بعضها لماشافته وزاد شكه والشك لعب براسه قرب منها وصرخ فيها وهو ماسك ذراعها بقوه:إحكــــي
إرتجفت من صراخه وقالت و
دموعها تهدد بالنزول ومقهوره من شكه:قلت لك
ماكنت أحاكي أحد...
دخلت غرفتها وسكرت الباب
بقوه وقفلته وبكت خوفها من
اللي يعرف إسمها وكل يوم يدق على التلفون ويعيد نفس الحكي ..وخوفها من رعد وقهرها من شكوكه فيها...

ماقدر أخطبها اللحين وإختها
اللي أكبر منها ماتزوجت أصلا
ماراح يرضوا
عبدالله:طيب حاكي خالتي وقولي لها إني أبيها علشان مايعطوها أحد غيري...
دلال باحتقار:الله وعاد اللي
الخطاب طابور عند باب بيتهم
يبونها...وبعدين هذا إذا وافقوا
ع واحد مايرجع إلا آخر الليل من
سهرته وهو.....
عبدالله قاطعها:دلا ا ا ا ا ال
سكتت وقامت مقهوره وطلعت
عبدالله:ها يمــــه إيش قلتي
أم عبدالله:خلاص بحاكيها إن شاءالله...
عبدالله إبتسم بفرحه لأنه بيضمن إنها له....
***********
جالسه بغرفتها كالعاده...
سمعت صوت دق ع باب غرفتها
وقامت قربت من الباب:مين
سمعت صوت الخدامه وفتحته:نعم
خبرتها إن زياد يبغاها تحت..
إستغربت وطلعت معاها..
شافته جالس ولماشافها وقف:هلا تولين
تولين:تقول الخدامه إنك تبغاني
زياد:أيوه تعالي إجلسي
كانت خايفه ومتردده قرب منها ومسك يدها وجلسها قريب منه
زياد:كيفك اليوم
تولين:عادي زي كل يوم...
ناظرها بحنان وفتح فمه بيتكلم
قطع حكيه صوت خاله..
:توليــــــــن
‏*‏*************
ريم:كيــــف
لميس:مارضى
ريم:أيوه بس كيف تجهزي للجامعه..
لميس:عادي عندي اللي يكفيني
ريم انقهرت من أخوها وماحبت تزيد عليها وغيرت السالفه...
شافوا رنا دخلت للبيت معاها أكياس توها جايه من السوق
ومعاها علبه كبيره حمرا وع
وجهها إبتسامه ....
أول ماشافت لميس كشرت وتأففت وصعدت فوق ...
ماعلقوا ع تصرفها لأنهم تعودوا.....
‏*‏*************
مسكها من يدها وطاح فيها ضرب قوي وسب وهو يصارخ عليها:أيــــا ال###### ‏....‎ ‎ ‎
حاول زياد يفكها من يدين أبوها
اللي حسه بيذبحها وسحب خاله
عنها:إتركها ياخال أرجوك..البنت
بتموت بين إيديك...
أبومرام تفل عليها ورفسها:خلها
تموت ال#### ولاتسود وجهي
قدام الناس ال#### أنا الغلطان اللي ماذبحتها من هي
صغيره وافتكيت من سوادها..
حاول زياد يهدي خاله ويبعده عن تولين اللي أغمى عليها من قوة ضربه بمقارنة جسمها الصغير والضعيف واللي ماتحمل قوة ضربه...
أبومرام نادى الخدم بصراخ
وجو يركضوا خوفا من صوته
وأشر ع تولين:ال#### هذي
ماأبــــي أشوفها طالعه من غرفتها وإلا معتبه بابه وإلا والله
لا تشوفوا شئ عمركم ماشفتوه خذوها عن وجهي واحبسوها في غرفتها وأبغى مفتاحها عندي اللحين
إنصدم زياد..وشالوها الخدم
لفوق ...
زياد:ليه خال إيش سوت تولين
علشان تسوي فيها كذا...
أبومرام صرخ عليه:إنت جــــب
ولا كلمــــه أنا ماقلت مابي أشوفك عندها إنت ماتفهم
جت الخدامه تركض وعطتها
المفتاح وأخذه وطلع..
زياد شاف مرام واقفه وتناظره
و ع وجهها إبتسامة خبث ونصر
والفرحه في عيونها..
ناظرها بقهر:أيش سويتي يالخبيثه إيش قلتي له وافتريتي
ع هالمسكينه وخليتيه يضربها زي الحيوان...
ناظرته بقهر وقالت:لأنها حيوان..
وإذا ع اللي قلته سالفة المجلس
أعتقد إنك تذكرها..وليه سويت
اللي سويته...
قربت منه وشوي تلصق فيه
وقالت وهي تلعب بأزرار قميصه:علشانك إنت..طول ماإنت قريب منها وإلا جبت طاريها...وما
نفذت اللي أبغاه منك...صدقني
بسوي اللي أعظم منه...
دفها بقوه بعيد عنه لين طاحت ع الأرض:إحلمــــي يال####
إنت وحده لاتعرفي الحيا ولا
الدين تبغيني أناظر فيك...
تفل عليها من القهر :إنتي ماتسوينها....
طلع وتركها مصدومــــــــه ....
*************
يــــوم ملكــــة ماجد وداليا...
البنات إجتمعوا عندها بدري فرحانين لها..
باستثناء لميس طبعا اللي من صار اللي صار ورعد حابسها في البيت...
داليا لبست فستان نيلي بفضي
روعه عليها وشعرها سوته تسريحه ناعمه ومكياجها ناعم..
كانت جالسه بغرفتها وحولها البنات ....
سديم بفرحه:ماني مصدقه
إنك بتصيري زوجة أخوي...
إبتسمت داليا ..والتفتت لريم
اللي كانت جالسه وفي إيدها جوالها وواضح إنها متضايقه..
داليا همست لها:ريم شفيك
ريم إبتسمت:سلامتك مافيني
شئ
داليا:وين لميس تأخرت
ريم تغير وجههابضيق وقالت
بابتسامه:لا تخافي إن شاءالله
بتجي بس يمكن رعد تأخر في
الشركه...
داليا:ماودي أنزف وهي مو موجوده...
سكتت ريم بضيق ..خايفه رعد
يرفض تروح منقهره من أخوها
ومعاملته للميس ..
تدق ع لميس وماترد عليها...
**********
تسحبت معاها جوالها للمجلس
وقفلت عليها الباب...
ومعاها النوته حقت الأرقام ودورت ع رقمه وإيدهاترتجف
خايفه تنكشف ودقت عليه...
مارد عليها ودقت عليه مره ثانيه
وسمعت صوته الخشن:ألو
:بابا زياد...
زياد عقد حواجبه:أيوه..مين معي
:أنا سووري خدامه هق بيت بابا
مرام
زياد باستغراب:أيوه
إيش فيه
:بابا أنا دقي باب هق بيبي تولين
مافيه ردي أنا خوف هو تأبان
تذكر زياد تولين وسكر الجوال
بسرعه وفسخ البالطو الأبيض
ورماه وأخذ مفاتيحه ونزل بسرعه لــparking المستشفى
وركب سيارته لبيت خاله***
*******
دخل البيت بسرعه وجاته الخدامه تركض:بابا
طنشها وصعد ركض ع غرفتها
قابلته مرام اللي عصبت لماشافته:خـيــــــــر
ماعطاها وجه ودق باب غرفة
تولين بقوه:توليــــــــن
توليــــــــن ردي علي....
سحبته من ذراعه بقهر:إطلــــع برى مالك دخل فيهــــا
مسكها من ذراعها بقوه آلمتها:إحكــــــــي ويــــن المفتــــاح
مرام بقهر صرخت فيه والنيران
بتاكلها أكل:إتركنــــــــي
زياد عصب والغضب أعماه وهو
مو عارف حالة تولين داخل
وهي ماترد عليه:إحكــــي
وإلا قســــم بالله مايصير لك
خيــــر
مرام أرعبها صوته العالي بخشونته وقالت بصراخ:إتركنــــي المفتــــاح مع أبوي
وأبوي مسافر
فتح عيونه بوسعها بصدمه من
خاله...مجنوووون ضاربها لين
تكسرت وفقدت وعيها وقافل
عليها باب غرفتها ومسافر ومعاه
المفتاح...لا هذا أكيد إنجن مو صاحي بيذبح البنت مستحيل يكون له قلب....
دفهــــا بكل قوته وهو مايشوف
قدامه وضرب ظهرها بالجدار
وصرخت:آ آ آ آ آ آه
راح ركض لمكتب عمه وفتحه
دخل وقعد يفتش بالأدراج بشكل جنونــــي.....
أما مرام طايحه ع الأرض وظهرها يآلمها ودموعها متحجره قهر وغضب وألم...
شافته جاي يركض وقعد يضرب
الباب بكتفه بكل قوته لما مالقى
المفتاح ومرام منصدمه من تصرفه ووجهه اللي صاير أحمر
من الخوف ع تولين والقهر..
يحبهــــــــــــا يحبهــــــــا...
كانت منصدمه ومقهوره...
كســــر الباب ودخل ووقف متجمد مكانــــه لماشــــاف
توليــــن جثــــــــه ع الأرض....
**************
جالسه ع سريرها مقهوره و
تناظر جوالها بعيون دامعه..
ريم أكثر من عشرين مره تدق
عليها ولاردت عليها ..
ترد عليها إيش تقول ..أخوك
مارضى أروح وحابسني في البيت....
غمضت عيونها وانسابت دموعها
بقهر وحزن...ليه يعاملها كأنها
حيوان حتى الحيوان يحس ..
بكت وضمت نفسها وهي تتذكر
حكيه اللامبالي والساخر..
يقول بكل عجرفه :دقي عليها
وإعتذري منها قولي لها أي
شئ بس روحه مانتي رايحه...
هذا غير الحكي اللي ماودها تتذكره..
تدق عليها إيش تقول إيش تعتذر
.......ماتدري إيش تقول لها
حرام البنت خلاص واثقه إنها
راح تحضر ياربــــي إيش أسوي
إرتمت في سريرها تبكي وتبكي
لين نامت...
***************
أخذت جوالها ودقت ع فيصل...
جاها صوته :هلا
ريم:هلافيصل...فيصل دق ع رعد شوف وينه أدق عليه مقفل
جواله...
فيصل باستغراب :رعد....رعد هنا موجود ..
إنصدمــــت ..يعني سواها وحبسها ..
قالت بقهر:عطني إياه بحاكيه..
فيصل:ماقدر أعطيه الجوال..جالس مع الرجال ..
ريم عصبت:أجل قوله يفتح جواله بحاكيه بسرعه...
ناظرفيصل في جواله بحيره من
عصبيتها ودخله في جيبه وراح لرعد لماشافه قام من عند الرجال..
فيصل:رعد
رعد:هلا فيصل
فيصل:ليه ماترد ع جوالك ريم
تدق عليك ..
طلع رعد جواله وناظر فيه لقاه
مغلق:مافيه‎ charge ‎
عطاه فيصل جواله :أجل دق عليها بغت تاكلني قبل شوي
الله يعينك..
أخذ رعد الجوال ورفع حاجبه
لماعرف ليه تبغاه..
راح فيصل للشباب ورعد طنش
ريم ماله خلق وجع راس..غير
الألم والصداع اللي يضرب في
راسه..
عقد حواجبه ولمس جبينه:مو وقتك..
***************
في المستشفـــــــــى...
طلع الدكتور من غرفتها ووجهه
متغير..
طاح قلبه بخوف لماشاف وجه
الدكتور..
قام له: ها دكتور كيفها...
فسخ الدكتور نظارته:والله ماأدري إيش أقول لك يادكتور
بس البنت حالتها خطيره..
زياد بخوف:كيف يعني
الدكتور:الظاهر إنها تعرضت
لإعتداء بالضرب وسبب لها كسور في يدها ورجلها ورضوض في جسمها هذا غير
النزيف اللي في راسها..
زياد بصدمه:نزيـــــــــف..
الدكتور باستغراب:إنت مالاحظت
النزيف وقميصك كله دم..
ناظر زياد في قميصه اللي كل
دم بصدمـــــــــه ورعـــــــــب
من خوفـــــــــه عليهـــــــــا وجنونـــــــــه إنها ممكن تكون
ماتت مالاحظ الدم اللي في راسها وفي قميصـــــــــه...
معقــــــــــــــــــولـــــــــه
خوفه عليها ماخلاه يلاحظ كل
هـــــــــذا...
الدكتور:لو كنت متأخر أكثر من
كذا كان فقدناها بس الحمدلله
ربك ستر ...وقدرنا بعد الله ننقذها...
زياد غطى وجهه في إيديه
وجلس ع الكرسي وقلبه يدق
بقوه وإيده ترتجف...
حط الدكتور إيده ع كتفه يطمنه
ويهديه...
ثم قال:أنا مضطر أبلغ الشرطه
رفع زياد راسه بسرعه:لا يادكتور
الدكتور:أعتقد إنك دكتور وفاهم
القوانين وهذا شئ ماينسكت عنه البنت كانت بتموت لولا لطف الله ورحمته..
زياد حاول يثنيه عن رايه لأن
خاله مارح يسكت وبيطلع منها..
وكل شئ بيجي ع راس هالمسكينه تولين..
هوماهمه نفسه يسوي خاله
اللي يسويه..
بس تولين لا والله مايتركها ويذبحها ...خاله وعارفه ينتظر أي
شئ علشان يتخلص منها..
وهو ماصدق إنها عايشه ماماتت..
**************
إنزفت داليا بعد ماوقعت ع العقد
والبنات فرحوا لها مع إنها كان
نفسها تكون لميس موجوده..
بس ريم قالت لها إن لميس
تعبانه وماقدرت..ماقدرت إلا تقول لها كذا ..
جت أم رعد لريم:ريم
ريم:هلايمه
أم رعد معصبه:زوجة أخوك ليه ماجت
ريم هذا اللي خايفه منه:تعبانه
يمه ماقدرت تجي..
أم رعد :حتى لوتعبانه تجي وتسلم وتبارك وتطلع ماقلنا تقعد
تدخلت أم عبدالله:تلاقينها مو تعبانه بس دلع ...
ريم منقهره من خالتها إلي بتزيد
النار حطب وقالت:تعبانه وأخذها رعد للمستشفى وقالوا
لها لازم ترتاح..
أم عبدالله:ولو مارح يضرها لو
جت شوي وراحت...واخزياه
الناس تسأل عنها تقول وين زوجة رعد ماشفناها فشلتنا وفشلت أمك...حتى ياكافي ما
إعتذرت لأم ماجد اللي بحسبة
أم زوجها إنها ماراح تجي لهدرجه
ماتعرف الأصول...
ريم شوي تخنق خالتها وتكفخها
لأن واضح إن أمها زاد غضبها
من حكي خالتها وعرفت تزيد
النار حطب...
ريم:يمكن تكون حامل وإنتي
تعرفين ياخاله الحامل في
شهورها الأولى ماتتعب نفسها
لاحظت ريم إنقلاب لون أم عبدالله وانكتامه لماسمعت حكيها وإبتسمت:عن أذنك يمه
بروح أشوف داليا...
راحت عند البنات وهي داخلها
ع خالتها...الله يسامحك يارعد..
دلال كانت مبسوطه لما ما
شافت لميس موجوده وباصمه
ع العشره إن خالتها بتعصب
ع لميس لأنها ماجت..
وطارت من الفرحه لماشافت
خالتها معصبه وسمعت حكي
أمها اللي زاد الطين بله...
بس تبخـــــــــر هذا كله
لماسمعت حكي ريم...
معقولـــــــــه تكون حامـــــــــل...
لا لا لا لا مستحيـــــــــل
تكون حامـــــــــل وتجيب ولد
رعد كذا بيروح عليها كل شـــــــــئ ....
إنقلب وجهها وتغير حالها بقهر
وخوف...
****************
عنـــــــــد داليـــــــــا **
اللي شعورها ماينوصف من
فرحتها وسعادتها بهاليوم**
حلمها تحقق وخلاص صار
من نصيبها وصارت من نصيبه
قامت مع أم ماجد وأمها لما
قالوا لها تروح للمجلس لأن ماجد مارضى يدخل عند الحريم...
دخلت وشافته جالس بثوبه الأبيض وغترته البيضا مرره
كان غيـــــــــر..
رفع راسه لما حس بأحد دخل
المجلس...
وارتسمت ع وجهه إبتسامه لما
شاف قلبـــــــــه بجمالها وفتنتها
قدامه...
وقف وراح لها لماشافها واقفه
بحيا وخوف ومنزله راسها...
مد إيده بيصافحها وما انتبهت
ليده..
إبتسم:ماتبين تسلمين..
رفعت راسها لماسمعت صوته
وقلبها يخفق وانتبهت لإيده...
مدت إيدها وصافحته وتجمدت
مكانها لماباس جبينها:مبروك ياقلبي...
غمضت عيونها وهي منزله راسها لماسمعت كلمته وهي تحس بالحر...
أم ماجد:مبروك ياولدي..
سلم ع أمه وباس راسها وسلم
ع خالته أم محمد ...
دخلوا البنات:أوووه العرسان ليه
واقفين...
مسك إيد داليا وجلس وجلسها
جنبه...
سلموا عليه البنات وباركوا له..
صورتهم سديم وهي تقول:تجننوا لايقين ع بعض...
شهد قربت من ماجد بفستانها
الوردي المنفوش وسلمت عليه
:أشوه ما أخذت أم عصاقيل
وإلا كان نتفت شوشتها...
رفعت داليا راسها باستغراب..
وماجد ضحك وهو مو فاهم شئ..
سحبتها سميه وطلعتها برى بالغصب وهي فتحت مناحتها
تبغى تدخل لين دخلتها أم ماجد
لاتفضحهم بالناس...
شهد ودموعها ع خدها تناظر
سميه بحقد:موب ع كيفك تطلعيني إذا صار عرستس ذيك الساعه تحكمي...
تغير وجهها سميه وناظرت في
ماجد وودها تذبح شهد وتقص
لسانها...شافته يناظرها ويبتسم
عطته أمه الشبكه وأخذ العقد
وقرب من داليا يلبسها إياه والبنات يصوروا..
لف إيديه حول رقبتها يسكره
وهو يبتسم ع إحمرار وجه داليا
وخوفها...
كانت حابسه أنفاسها من قربه
وبتمووت من الحيا ...
لبسها الخاتم وباس يدها..
البنات ضحكوا لما شافوا وجه
داليا ..
الله ياخذ بليسك مو قدام البنات
...أخذت الخاتم بيد مرتجفه ولبسته إياه ولفت وجهها عنه..
لبسوها البنات باقي الشبكه وباركوا لهم وطلعوا يتركونهم
لوحدهم...
*************
ضامه إيديها اللي تحسها ترتجف
وقلبها يدق بقوه ومستحيه منه
مرره...ودها تبعد عنه بس مو
قادره تتحرك...
حست فيه يناظرها ماتت من
الإرتباك..
ماجد بابتسامه:مبروك داليا
همست:الله يبارك فيك
إبتسم:وأنا مالي مبروك
شدت قبضتها ع إيدها وإبتسمت
بارتباك....
ضحك وهو يتأملها من الفرحه
نسى إيش بيقول..
رفع يده وأبعد خصل شعرها
عن وجهها وهي بعدت عنه لا
إرادي..ضحك ع حركتها وهي
تفشلت..
ماجد:لاتخافين ماراح آكلك..
نزلت راسها ووجهها يشع حراره
دخلت شهد :خالـــــــــو
همس:إنا لله جت البلشه
سمعته داليا وضحكت داخلها..
شهد وقفت عنده:تقووول أمي
خلاص إطلع..
فتح عيونه:أطلع
شهد وعيونهاتلمع شقاوه:إيييه
إطلع. خلاص شفتها خلاص..
دخلت لنا بفستانها الأبيض المنفوش مستحيه ...
ماجد همس:كملت
ماجد:ياهلا والله بالحلوه...
ناظرته شهد بقوه...وقربت
لنا منه وسلمت عليه..
باس خدها وقال:إيش الحلاوه
هذي يالنا فستانك مرره حلو
إبتسمت لنا بحيا....
وشهد طيرت عيونها :و و و و و و و و وع موب حلو فستاني أنا
أحلــــى منها...
ماجد مطنشها ويحكي مع لنا:مين مسوي شعرك مره حلو
لنا إبتسمت بطفوله:ماما...
عصبت شهد والغيره طلعت
من عيونها ...دفت لنا عن ماجد:
إنقلعــــــي صدقت عاد تراني
أحلى منك يا يا حليب لنا..
بكت لنا وإيدها الصغيره ع
وجهها ..
ماجد ناظر في شهد:شهـــد عيب عليك
مسكت لنا يسكتها ..
وشهد ناظرته بطرف عينها:هالدلوعه هذي علطول فتحت
كشرتها البزر
دخلت سميه:إيش فيها لنو
ماجد:خذيها لأمها..
لنا ببكا:آآه شهد ضربتني
شهد طارت عيونها وشهقت:يالكذابـــــــــه بس دفيتك لاتكذبين
سميه:وليه تدفينها ها...
شهد بلعانه:تستاهل أحسن
مشت بغرور وطلعت...
ضحكت سميه لماشافت أخوها
متأزم لأنهم خربوا عليه..

شالت لنا وقالت:ههههه خربوا
عليكم الجو..
ماجد إبتسم وناظر في داليا
اللي منحرجه..
ماجد:والله شكلي بطلع بكرامتي قبل تدخلون بزارين
العايلهم كلهم..
ضحكت سميه وطلعت..
ماجد أخذ رقمها ودق ع جوالها
دقه علشان تخزن رقمه...
سلم عليها وطلع....
***************
دخل للبيت وكان ظلام مافيه
شئ مفتوح وكأنه مهجور..
جلس ع الكنب وسند راسه ع
ورى وغمض عيونه وإيده ع
راسه...
رفع راسه وناظر في باب غرفتها...
قام وفتح الباب وشاف نايمه
بعرض السرير..
قرب منها وظل يناظرها للحظات..والصداع في راسه يزيد..
انحنى ورفعها ببطئ ومددها
زين وغطاها ..أبعد خصل
شعرها عن وجهها وتجمد إيده
ونظراته تتأمل وجهها الفاتن..
غمض عيونها وعقد حواجبه..
فتحها وقرب منها..
باس خدها وغطاها..
سكر النور وطلع ..
ودخل غرفته...
**************
تمددت ع سريرها وضمت مخدتها وعيونها تناظر في الفراغ...
من قالت لها منى إن راكان سافر وهي تحس بضيقه وكتمه...
غمضت عيونها وانسابت دموعها...
دفنت وجهها في مخدتها وشهقت...
آآآه بس لو تعرف ليه تركها
ليه هرب وخلاها...
معقولها مايحبنــــــي معقوله
كان يخدعنـــــــــي...
مستحيـــــــــل عيونــــه ماكانت تكذب ماكانت تكذب...
كنت أشوف الحب في عيونه
في حكيه في صوته في كل شئ...
طيب ليــــه تركها ليـــــــــه
بتنجن مستحيل تركها كذا..
أكيـــــــــد في شئ ولازم
تعرفه حتى لو كان يقتلها ويحطمها لازم تعرفـــــــــه
....
قامت وغسلت وجهها وتوضت
صلت ركعتي تهدي نفسها وتدعي ربها اللي أعلم بكل شئ
...
تمددت ع سجادتها وغمضت
عيونها..
اليوم لما شافت فرحة ماجد وداليا ..
تمنت لو هي مكانهم..تمنت
لو ماصار اللي صار...
تذكرت يوم ملكتها اللي ماتم...
كان ممكن يكون مثل هاليوم
أو أحلى منه...
كان ممكن فرحتها أكبر من فرحتهم...
كان اللحين هي زوجته وحبيبته...
كان أحلامها تحققـــــــــت
لكن أحلامها كانت تلاشـــــــــت***
*****************
واقفـــــــــه قدام شباك غرفتها
والنار تاكلها بكل قهر وغيظ
وجوالها في إيدها تضغط عليه
بقوه وكان بيتهشم ....
لماتتذكر اللي صار اليوم...
نظرات زياد الخايفه والعاشقه
لتولين ذبحتها...
خوفها لماشالها وركض فيها
لسيارته قهرتها وشبت النار
في جوفها...
إيش شايف فيها علشان يحبها
أنا أحلى منها وأجمل منها..
أنا متعلمه وهي جاهله..
أنا أرقى منها وأكشخ منهاوهي
بيئه وold fashing‏ ‏
أنا ألبس أحسن منها وهي لبسها
مثل عدمه ماتعرف حتى شئ
إسمه موضه...
ليـــــــــه يحبهـــــــــا هي
ليـــــــــه.....
أكرههـــــــــا أكرههـــــــــا...
*************
طلعت من غرفتها وشافت باب
غرفته مسكر...
راحت للمطبخ وسوت لها
كوب كوفي...
طلعت وجلست في الصاله
فتحت جوالها وشافت إتصالات ريم..
إنقهرت وزاد قهرها لماتذكرت
إنها ماحضرت حفلة الملكه..
ترددت تدق ع ريم وإلا تخليها
بعدين ..
دقت ع داليا ولاردت..أكيد نايمه
كل البنات في بعد حفلة الملكه
مايصحوا بدري..
يكونوا سهرانين يحاكوا أزواجهم
تكون هذي احلى أيام حياتهم......
إبتسمت باستهزاء لماتذكرت يوم ملكتها...
كان يوم عزى مو فرح...
إحساسها ماكان إحساس عروس وحب عروس ..
تشوف من زوجها الحب والحنان
والإحترام..
هي إنقلبت عندها الموازين كلها
شافت عكس هذا كله..
الله يوفقك ياداليا وجعلك ماتشوفي اللي شفته.....
ناظرت الشئ الأسود اللي لمسته إيدها ....
وشافت جوال رعد...إستغربت
معقوله ماراح للشركه.للحين..
أخذت جواله وناظرت فيه ...
أصابعها غصب فتحته...
وطلع لها الإستديوا مفتوح..
وعلى صوره معينه فتحتها...
وتوسعت عيونها بصدمه لما
شافت الشخص اللي بالصوره....
**************
دخلت غرفة إختها وشافتها
جالسه ترتب ملابسها...
قالت بضحكه:إحم إحم حبيب
القلب روميو تحت...
رفعت راسها وكبتت إبتسامتها
وتصنعت الغباء:أي حبيب
جلست ع السرير ورفعت حاجبها:هو فيه غيره فصولي
لفت وجهها وقالت ببرود:ومين
لعب عليك وقال لك إني أحبه...
ساره:العصفوره قالت لي إن
إختك عاشقه وتحب ولد عمك
بس تكابر...
أمل:إنقلعي إطلعي خليني أكمل
شغلي وبلا تفاهات..
ساره وقفت:كيفك أنا حبيت أعلمك بس...
طلعت من الغرفه..
وأمل كملت شغلها تشغل نفسها
ماقدرت وتركت أغراضها ونزلت
تحت...
قربت من المجلس تبغى تسمع
صوته من زمان عنه تحس للحين متضايق منها..
ماسمعت صوت أحد وطلت بشويش وشافت المجلس فاضي إنقهرت ...
:ماشاءالله أشوفك جيتي طايره
يا أم التفاهات
انهبلت ولفت شافت إختها ساره
واقفه ومتخصره وتناظرها بخبث..
تلخبطت وارتبكت وقالت:خير
إيش سويت بعد...حرام يعني
أروح للمجلس
ساره:عاد مالقيتي إلا المجلس
هذا
أمل تخصرت:وإيش فيه المجلس بعد
ساره:أبد مافيه شئ بس حبيب القلب كان جالس فيه..
أمل باندفاع:وأنا شدراني إنه
كان جالس فيه عدي كم مجلس
هنا..
ساره ضحكت لماطاحت إختها أمل في مطب:ههههههه
يعني تعترفين إنه حبيب القلب
أمل عصبت:أيـــوه عندك مانع
ساره ضحكت:لا ماعندي مانع
بس ليه تنكرين...عادي قولي
إنك تحبين فصول
أمل عصبت: أيوووه أحب فيصل
أحبه ....إرتحتي اللحين لماعرفتي
ساره رفعت حاجبها:ليه مو إنتي ماتحبين أي أحد وإلا نسيتي
أمل:وفيصل مو أي أحد
وطلعت من المجلس لغرفتها
مقهوره من إختها ...
ماانتبهـــــــــت لروميـــــــــو
اللي واقف بصدمه من اللي سمعه....

أمـــــــــل تحبنـــــــــي.....

فتحت عيونها وغمضتها لماسطح ألم في راسها...
فتحتها ولفت وجهها لماضايقها النور..
تعلقت نظراتها فيه...
قرب منها وإبتسم:الحمدلله ع
السلامه...
لفت وجهها تناظر في الفراغ
ودموعها انسابت بصمت..
ناظرها بصمت و قلبه يآلمه عليها لماشاف دموعها
مو سهل أبدا اللي صار لها..
أبوها دخلها المستشفى بقسوته....
طلع من غرفتها وشاف خالد
جاي..
خالد:سلامات دكتور...
زياد:الله يسلمك...
خالد:الأهل فيهم شئ..
جلس زياد ع الكرسي وحط إيده ع راسه..
حس بإيد خالد ع كتفه:تعال معاي...
جلسوا في كافتيريا المستشفى
وأخذ لهم خالد كوب كوفي..
قاله زياد اللي صار وخالد متفاجأ...
خالد:لا حول ولا قوة إلا بالله..و
كيفها اللحين..
زياد:. جسديا أحسن ونفسيا
متدهوره..
خالد:مو سهل اللي صارلها..
معقوله فيه أب يسوي في بنته
كذا..ودخلها المستشفى ..
زياد :هي جت ع أبوها بس..
أنا أفكر أخليها في المستشفى
أبغى أبعدها عن إختها وعن البيت ..
خالد:بس مصيرها بترجع له
أبوها مارح يتركها هنا...
زياد:ع الأقل ترتاح نفسيتها كم
يوم وبعدها يصيرخير..
***********
للحين بصدمتها وإيدها ترتجف
ونظراتها متعلقه...
بصورتهــــــــــــــــــــــــا...
إيش جاب صورتها لجوالــــه..
وواضح إنه هو اللي مصورها..
كانت في اليوم اللي شافت فيه
البيت..
واقفه في الحديقه عند الورد
لابسه فستان وردي قصير وبإيدها ورده حمرا...
كيــــــف صورها ومانتبهت له؟؟
والسؤال الأهــــــــم...
ليــــــــــــــــــــــــــــــــه؟؟؟
إنتبهت ع نغمة جواله وشافت
الإسم...
عمــــــــــــــــي....
ناظرت في الساعه..أكيد بيعرف
ليه ماراح للشركه للحين...
كانت بترد بس خافت يقبرها...
قامت وقربت من باب غرفته..
ناظرت في صورتها بحيره..
ودقت الباب ماسمعت رد
فتحت الباب بشويش و إستقبلتها
ريحة عطره اللي تدوخها..
طلت وشافت الغرفه ظلام وبارده..
قربت من سريره وتفاجأت
لماشافته متمدد ع بطنه وماعليه بلوزته وحاط المخده
ع راسه ويشد عليها..
إستغربت من حالته حتى مانتبه لوجودها..
همست بخوف غريب:رعد
بعد المخده عنه ورفع راسه
وناظر فيها...
صنمت لماشافت شكله..
شعره الأسود مبعثر ع جبينه
وفاتح عيونه الناعسه بتعب و
يناظر فيها..
رفعت جواله بإيدها بارتباك
وقالت:عمي دق عليك....
تعدل وجلس ..أخذ منها الجوال
ولاحظت إنه عاقد حواجبه وكأن
نور الشاشه مضايقه..
مدلها الجوال وقال بصوت مبحوح:دقي ع أبوي...
أخذت منه الجوال وطلعت رقمه
من المكالمات وضغطت ع إتصال..
مدت له الجوال وأخذه..
لاحظت أصابع إيده اللي تضغط
ع جبينه وحاجبه المعقود وهو
يحاكي عمها ويقول إنه ماراح
يروح للشركه اليوم..سمعت
صوت عمها الخايف وهويسمع
صوت ولده التعبان...
سكرالجوال وحطه ع الكومدينه
جنبه..ورجع تمدد ع وضعه..
طلعت من الغرفه..
ووقفت في الصاله...ماطاوعها
قلبها تخليه..حتى لو قسى عليها
شئ داخلها خلاها تروح للمطبخ
...
سخنت مويه دافيه..وأخذت بنادول وراحت لغرفته...
دخلت وحطت المويه ع الكومدينه..
مدت يدهابتردد وأبعدت المخده
وهي تقول:رعد..
رفع راسه وناظرها ...
مدت له البنادول ..وناظرها باستغراب..
أخذه منها وصبت له كاسة مويه
..
مدتها له وتجمدت مكانها لماحست بدفا إيده ع إيدها..
حط إيده ع إيدها يمسك الكاس
وقربه من فمه وشربه...
ورجع تمدد هالمره ع ظهره
وعيونه متعلقه فيها...
مع إن نور الأباجوره خفيف إلا
إنها لاحظت نظرة عيونه اللي
أربكتها...
كانت بتطلع وتنسى اللي بتسويه..
جلست بتردد جنبه ع طرف السرير..وهوأبعد شوي علشان
تجلس وهولازال يناظرها...
قلبها يدق بقوه ووجهها تحسه
يشتعل وهي تشوفه متمدد جنبها وخالع بلوزته ونظراته الغريبه متعلقه فيها كان نفسها
ترفع اللحاف وتغطيه..
لفت وجهها وعيونها تروح للباب
تبغى تهرب منه وتهرب من المشاعرالغريبه اللي تحس فيها...
كانت مستغربه من نفسها
المفروض ماتناظرفيه وتتركه
بعد اللي سواه فيها بس الشئ
الغريب اللي داخلها مانعها...
سوت له مساج لرقبته وراسه..
لين حسته إسترخا ونام...
غطته وعيونها تناظر فيه ...
مدت أيدهابتردد وأبعدت خصل
شعره عن جبينه...
عقدت حواجبها...أنا إيـــــش
قاعده أســــــــوي...
طلعت من غرفته وسكرت الباب
...
دخلت غرفتها وإرتمت في سريرها وغمضت عيونها...
تحس بقهرمن نفسها ...ليــــــــه راحت له ؟؟ليـــــــــه
ماخلته يذوق العذاب اللي
ذوقها إياه ليـــــــــه؟؟...
أخذت المخده وحطتها ع راسها
تمنع تفكيرها ...وقلبهايدق كأنه
يسابق الزمن وهي تتذكر نظراته....
***************
من سمعها وهي تعترف في
حبه وهو طايرمن الفرحه...
كان متوقع إنهاماتحمل له أي
مشاعر...
من تصرفاتها وحكيهامعاه...
إبتسم وإيده تلعب بشعره
أجل كذا ياأمول هيـــــــن
والله لاأطلع هالحب من عيونك...
بطلع العذاب اللي عيشتيني إياه
بعد حكيك في السوق من
عيونـــــــــــك...
:إيـــــــش عنده الأخ غرقان
في التفكيروالإبتسامه شاق
الوجه.....ياعساها دوم.....
ترك شعره والتفت لها:حرام
الإبتسامه...الإبتسامه في وجه
أخيك صدقه...
رفعت حاجبها:أيوه بس ماشوف
قدامك أحد تبتسم له...
فيصل:خلاص بكشر ولا يهمك
ضحكت وراحت له وجلست جنبه:لا ليه تكشر...عسى البسمه دوم في شفاتك..بس
عاد قولي إيش سرحان فيه...
"إييييه هين أقولك علشان تجيبين
العيد"....
فيصل:سرحان في الدنيا...
رفعت حاجبها بخبث:متأكد..يعني
موسرحان في حلم حياتك اللي قست عليك ولافكرت فيك ..
تفاجأ منها وقال بيصرف:ما أشوفك رحتي للميس وإلا عرفتي معنى كلمة ياوجه
إستح..
حست بضيق لماتذكرت لميس
وقالت:حرام عليك أنا ماروح
لها إلا إذا رعد موموجود وإذا
رجع رجعت للبيت..
فيصل:أيوه حتى ولو تشغلينها
عن شغلها ..وبعدين يمكنها بتدق ع رعد وتتغزل فيه إيش عرفك
"أيوه مرره":أقول استح بس
ضحك وقام...
ريم:ويـــن ويــــن..
فيصل أخذ جواله:بمر بسام
وبروح للشركه...
إبتسمت لماسمعت إسمه..
وتذكرت لميس..
ناظرت في الساعه..أكيد رعد
موموجود اللحين في الشركه..
قامت وأخذت جوالها معاها وطلعت رايحه لبيت رعد...
***************
نزل تحت وهو يحاكي فرح
:أوك حبيبتي أنا جاي اللحين..
سكر الجوال ودخله في جيب
بنطلونه الجينز وناظر في شكله
في المرايا...
نزل نظارته اللي ع شعره ع
عيونه ومشى بيطلع..
سمع صوت أمل:ويــــــن
ع الله..
ناظر فيها:تبغين شئ..
أمل تكتفت:لا بس أشوفك كاشخ ومحلق وتقول معرس
إيش عندك...
رائد:الحمدلله من زمان وأنا
مهتم في شكلي موأول مره...
ناظرفي بيجامتها السودا وشعرها المرفوع بعشوائيه:
مومثل بعض الناس ...وبعدين
تعالي ...(مسك طرف بلوزتها)إيش هاللون الكئيب هذا رايحه
عزا إنتي...أنا أذكر البنات يلبسون
وردي ألوان بناتيه مو أسود إلعن
أبوالكآبه اللي عايشتها...
رفعت حاجبها:ها أخ رائد أشوفك كشخت وصرنا موعاجبينك...
رائد:من زمان ياعمري وإنتي
جايبه لي الكآبه بهاللون..
أمل:عناد فيك كل يوم بلبسها
ياتوم كروز أووو أقصد براد بيت...
رائد:لاتكفين ياكيتي هولمز أووو
أقصد أنجليناجولي...
دفهامن جبينها وطلع...
دخل خالد وشافها مكشره:خير
إيش فيه الحلو زعلان...
إبتسمت:يعني ماشفت رائد
توه طالع...
ضحك:وأنتو مستحيل تشوفوا
بعض وماتتناقروا...
أمل مسكت ذراعه:خلك منه
بس وقولي..إيش سويت في
الهوسبتل اليوم..
ضحك:إيش عندها الإخت تسأل
لايكون تبغين تصيري دكتوره..
أمل:وليش لا...
خالد:بروح أرتاح شوي بعدين
السوالف...إلا ويــن الوالده..
أمل:في المطبخ...
**********
سلمت عليها وجلسوا في الحديقه...
ريم تجنبت تسألها عن سبب
عدم حضورها للملكه علشان
ماتحرجها أو تضايقها...
وهي أصلا عارفه السبب....
سولفت معاها عن اللي صار
في الملكه....
دق جواله ريم وشافت المتصل
أمها...عرفت إنها تبغاها ترجع..
قامت ريم:لموس تعالي دام
رعد موموجود وإذا جا وقت
رجعته إرجعي...
لميس:لا ماقدر رعد ماداوم
اليوم في الشركه ...
ريم باستغراب:ماداوم ليه...
لميس:تعبان شوي ونايم اللحين
ريم بخوف:ليه إيش فيه..
لميس:لاتخافين مافيه شئ
بس صداع...
ريم:صداع هو رجع له...
لميس باستغراب:ليه هوكان يجيه صداع قبل..
ريم:أيوه من ضغط الشغل إذا
ضغط نفسه في الشغل يجيه
الصداع...
لميس سكتت...وريم قالت:سلامته مايشوف شر...أنا مضطره أروح اللحين إذا صحى
خبريني...
لميس:أوك...
طلعت ريم ولميس راحت للمطبخ تصلح له شئ ياكله إذا
صحى لأنه ماتغدى ولا أفطر...
**************
دخل ع صاحبه مبسوط:قرب
الموعد...
صاحبه:متى..
بندرغمزله:الخميس ...
صاحبه:حلو....
بندر:أهم شئ الشقه جاهزه
صاحبه:كل شئ جاهز بس لو
تشيل هالفكره المجنونه اللي
في راسك..تراك تسهل لهم
نفسك...
إبتسم باصرار:مايهمني أهم
شئ اللي في راسي بسويه..
أنا لو أشوف روسهم في التراب
أحلى يوم في حياتي...بوريهم
التربيه اللي فرحانين فيها...
صاحبه:كيفك بس أنا ترى مالي
دخل في شئ أنا موقدهم...
بندرباستهزا:لاتخاف عارفك
تخاف من ظلك...
صاحبه:من خاف سلم...بعدين
تعال إنت كيف أقنعتها تطلع
معاك للشقه...
بندر إبتسم:ياحبيبي أنا مايصعب
علي شئ....شوية غزل وتخويف
إني بتركها ..تجي معاك علطول
ماضيعت ثلاث سنين علشان
تروح هباء كان بإمكاني من أول
سنه أطلب منها هالطلب...
بس حبيت أزيد ثقتها فيني وتعلقها فيني وهذاها تموت فيني وماتستغنى وأنا واعدها
بالزواج بس قلت لها لين يرجع
الوالد وأخطبها عاد هي غبيه وتصدق كل شئ ....
صاحبه:مانت هيــــن...
*********
إنتبهت عليه واقف ع باب المطبخ
لابس بنطلون أسود تي شيرت
كت أسود وشعره مبلول
ويناظرفيها....
ظلت تناظرفيه ثم لفت وجهها
تكمل شغلها مطنشته ماتبغى
توضح له إنها مهتمه ....
حست فيه يقرب منها ولفها ناحيته...
حبست أنفاسها لما مد إيده
وابعد خصل شعرها عن وجهها
وهمس وعينه في عينها:ليه..
إستغربت منه وشافت نظرته
غريبه عقد حاجبه كأنه متألم
أو حزن أوقهر مافهمتها إيش بالضبط من هالثلاث.....
توسعت عيونها لماشافت نفسها
في حضنه وإيديه تحاوطها...
دفن وجهه في شعرها وهمس
بعذاب:ليه تعذبينــــي.......
سكتت بدهشه وغمضت عيونها
وقلبها يغوص داخل ضلوعها...
ماتدري ليه تمنت ماتبعد عن
حضنه وصورتها في جواله في
راسها....
كانت تحس بأصابعه تنغرس
فيها ...
بعدها عنه وباس جبينها وطلع
بدون لايناظر فيه...
دخل مكتبه وجلس ع الكنبه...
ضم راسه بإيديه وهمس:آآآآه
ياربــــي.....
***************
دخل ع أهله في الصاله وجلس
معاهم ....
سولفوا شوي وقال خالد فجأه:
إنتو تعرفون بنات سامي ال....
أمل:أيوه بس عنده بنت وحده
خالد :توليــــن
أمل:لا مرام..
خالد:أيوه بس هو عنده أصغر
منها إسمها تولين...
ناظروا ساره وأمل في بعض
باستغراب:من قالك..إحنا اللي
نعرفه إن عنده وحده وبس
قالهم خالد اللي عرفه والكل
مصدوم.....
أمل:معقــــــــوله
ساره:ياعمري كيفها اللحين...
خالد:بخير الحمدلله...
أمل ماقدرت تصبر وراحت تخبر
ريم.....
********
ريم:إحلفـــــــي..
أمل:أنامثلك ماصدقت لماقالنا
خالد..
ريم:يعني اللي سمعناه صحيح
والبنت اللي قالت عنها الخدامه
بنتهم
أمل:أيوه..والله كسرت خاطري
شرايك نروح نزورها بكره..
ريم:أوك مومشكله..
******
حطت العشا ع الطاوله..وراحت
تناديه ..
دقت باب المكتب وفتحته...
شافته جالس ع كرسي مكتبه
وقدامه ملفات وبإيده قلم يرسم
ع ورقه وشكله سرحان...
رفع راسه لماانتبه لها وناظرها..
لميس:العشا..
قام من كرسيه ورمى القلم
ع المكتب وطلع خلفها..
جلسوا يتعشوا بصمت..
وقطع صمتهم صوت جواله
قام ودخل غرفته..
طلع ومعاه الجوال يحكي..وعرفت إنه يحاكي عمها..
جلس بعد ماسكر الجوال وقال:
جهزي شنطنا بنروح بكره للمزرعه...
لميس باستغراب:مزرعه...
رعد:أيوه..
لميس:بنطول ..
رعد:لا يومين ونرجع لأن الأسبوع الجاي دراسه ..
سكتت وماعلقت..
ناظرها:ذكريني لمانرجع آخذك
للسوق علشان تجهزي للجامعه
..
لميس:أوك..
قام ودخل لمكتبه وهي دخلت
تنظف المطبخ...
سمعت صوت التلفون..وخافت
يكون المزعج اللي يدق عليها
وراحت بسرعه ترد قبل يرد
رعد وتصيرمصيبه..
لميس:هالو...
طاح قلبها من الخوف لماسمعت
صوته..وقلبها يرجف..عيونها
راحت لباب المكتب بخوف...
سكرت السماعه في وجهه..
وهي خايفه من هالشخص
مين هو إيش يبغى منها...ماهي
ناقصه مشاكل...
********
تأجلت زيارة البنات لتولين لبعد
مايرجعوا من المزرعه...
الشباب تجمعوا في الإستراحه
ومالاكأنهم بيصحوا بكره بدري
ووراهم طريق..
فيصل ورائد جالسين ع الأرض
متابعين المباراه ومتحمسين
وأصواتهم عاليـــــــه**
بسام يضحك ع أشكالهم المتحمسه:أعصابكم شوي تدخلون في الشاشه...
رائد:يا ا ا اليت كان وريتهم كيف
اللعب الصح...
بسام:ياواثق..
رائد:تراني في الكوره حريف..
بسام:كان دخلت في أحد الأنديه
دامك حريف..
رائد يتميلح:يـــــــو و وه كل
النوادي يبغوني ألعب عندهم
بس أنا اللي رافض تدري أخاف
ع عمري أتكسر...
بسام:أيوه بسم الله عليك..
موتقول حريف ومادري شنو
صرخ فيصل فجأه:قـــــــو و و و و و ول...
رائد نط من مكانه:شوي شوي
فيصل:ياخي تراك صجيتنا إذا
صارت الكوره ماتهمك قم وفكنا...
بسام:تهمني بس مومثلكم كذا
عصبيه...
رائد:خله بس هذا حق الفلسفه الزايده..
بسام:فلسفه بعينك..بعدين تعالوا مو وراكم بكره طريق
روحوا ناموا وريحوا روسكم..
ماردوا عليه لأنهم إندمجوا مع
المباراة لين خلصت والفوز من
نصيبهم
*********
وصل الكل للمزرعه ماعدا رعد
ولميس لأن رعد راح للشركه..
البنات جلسوا بجهه عند الحريم..
دلال لابسه برمودا أسود وبلوزه
حمرا أنيقه وفتحة ظهرها كبيره..
مع إن أمها قالت لها إن الجو راح
يكون بارد بس هي مارضت
إلا يشوفها رعد فيه كانت تظن
إنها تقدر تجذبه لها مادرت
إنها تخليه يستحقرها...
دلال همست لرنا:متى رعد بيجي
رنا:.مادري..
دلال تظنين هالزفته بتجي معاه
رنا:أكيد إيش هالسؤال..
دلال إنقهرت:أفف ياكرهها
جتهم أم رعدوخبرتهم إن زوجة
خالها وعيالها بيجونهم..
ريم شهقت:إيـــــــش..بس مالنا خلق تونا واصلين ليه مايجون بكره...
أم رعد:عيب ياريم..أبوك عازمهم
سميه:ياربيـــــــه ماصدقنا نطلع وناخذ راحتنا إلا يجون
سديم:وش هالحظ النحس..
أم رعد:روحي ياريم قولي للخدم يجهزوا قهوه وشاهي زياده
قامت ريم وهي متضايقه من
توقيتهم الخطأ..
أم رعد:وإنتي سديم الله يعافيك
روحي شيكي ع خيمة الرجال
وإذا مو مرتبه قولي للخدم يرتبوها..
سديم:بس أخاف الرجال موجودين فيها..
أم رعد:لا الشباب كلهم عند الإسطبلات..
قامت سديم وقالت سميه:أساعدك
سديم:لا إذا جيتي بجلس أرتب
وراك..
سميه.:مالت هذا وأنا أبغى أساعدك
ضحكت سديم وراحت للخيمه..
*****
دخلت للخيمه وراحت للتلفزيون
تقصره لأن صوته عالي..
قصرته ودقت ع الخدم يجيبوا
بخور يبخرونه..
ومانتبهت للعيون المصدومه
اللي تراقبها..
لفت بتطلع وشهقت بروعه
لماشافته...وركضت
طالعه من الخيمه....
************

دخلت للخيمه وهي تنادي:سديـــــــم
كانت بترجع لماشافته ..بس وقفت لماشافت إنه أخوها...
بس إستغربت لماشافته سرحان ولاانتبه لوجودها:رائد
انتبه عليها :هلا
أمل:إيش فيك جالس لوحدك...
رائد:جالس أنتظرجوالي يخلص
شحنه....إنتي اللي إيش جايبك
هنا افرضي الشباب هنا وإنتي
داخله كذا...
أمل:أصلا ماجيت هنا إلا إني
متأكده إن مافيه أحد..
رائد:لاوالله إيش عرفك...
أمل:لأن سديم كانت هنا...
رائد تفاجأ:سديم بنت عمتي...
أمل:أيوه...بس شكلها طلعت
من زمان...يالله تشاو
طلعت ورائد وإبتسم لأنه عرفها
....
سديم بنت عمتي..ياحليلها والله
طالعه قمر....
**************
لبست فستان ناعم أسود قصير
ولبست بوت أسود طويل ..
وشعرها تركته مفتوح ستريت
وكان مره روعه مناسبها..
رسمت عيونها بكحل أسود ثقيل
وقلوس لحمي...وبلاشرخوخي..
لبست عباتها وطلعت..
شافت رعد يحكي في الجوال لابس ثوب أسود وغتره بيضا...
بردت أطرافها لماشافته وماقدرت تشيل عيونها عنه...
رفع رعد عيونه وأشر لها وطلعوا....
طلعت جوالها من شنطتها
لماسمعته يدق وردت....
لميس:هالو......هلا هند...
لاحظت رعد التفت يناظره لما
سمع إسم هند وعرف إنها إخت
بدر...
لميس انقهرت لأنها عرفت اللي
يدور في راسه...
سولفت معاه شوي وسكرت
وتعمدت تشغل نفسها بشئ
علشان ماتعطيه فرصه يحاكيها
وتصير مشكله..
*********
همست لها:إيش فيك سرحانه..
سديم:مافيني شئ..
أمل:أشوفك مو لم الناس وش
تفكرين فيه...
سديم وواضح إنهامتضايقه:
قلتلك مافيني شئ...
إستغربت أمل وتركتها براحتها...
دلال تحاكي رنا:الجو بارد...
رنا:أكيد بيكون بارد وإنتي لابسه
كذا..البسي جاكيت..
دلال بردانه ومقهوره لأن رعد
تأخر:لامولازم..
رنا:كيفك علشان تمرضي ولاتنبسطي ...
أم رعد:دلال روحي البسي لك
شئ الجو بارد عليك...
دلال إستحت تقول لا وقامت:إن
شاءالله..
قامت تجيب لها جاكيت...وسميه
همست لريم:غريبه صايره مطيعه..
ريم:هههه لأن أمي اللي قالت
لها لوأمها كان طنشت...
**************
وصلوا للمزرعه وجت لهم ريم..
ريم:الحمدلله ع السلامه...
رعد وهو ينزل الشنط من السياره:وصلي لميس لغرفتنا..
أخذتها ريم ووصلتها للغرفه ..ورجعت للحريم...
دخلت لميس للغرفه وفسخت
عباتها ووقفت عند المرايه
تعدل شعرها وتتعطر..
إنتبهت للباب ينفتح وشافت رعد
داخل ومعاه الشنط...
حط رعد الشنط ع الأرض ورفع
راسه وانصدم لماشافها..
لميس إرتبكت من نظراته و
قلبها يدق بقوه رهيبه تسابق
دقات قلبه..
أثر شكلها بالفستان عليه..
من زمان ماشافها بفستان..
أخذت لميس شنطتها ومشت
ناحيته علشان تطلع وهي متعمده تشغل نفسها بشنطتها
علشان ماتناظره....
لما مرت من جنبه...مسك يدها
بخفه..
رفعت عيونها تناظره وتعلقت
بعيونه للحظه حستها دهر...
شد ع إيدها ونزلت عيونها وبلعت
ريقها بخوف من مشاعرها الغريبه لماتحط عينها في عينه...
وقالت بارتباك:بطلع...
إبتسم وقال بصوت دافي:إنتظريني بسلم ع جدتي وعماتي...
سحبت يدها وطلعت تنتظره برى...
أول ماطلعت زفرت بقوه وكأنها
كانت مكتومه...
طلع رعد ومشت معاه ...
دلال انهبلت لماشافته وإنقهرت
لماشافت لميس جايه معاه و
إبتسامتها ع وجهها...
نجلاء:ماشاءالله لايقين ع بعض
ضحكت سميه لماشافت وجه
دلال...
سلم رعد ع جدته أم محمد"أم
أمه"الجايه من الرياض...
وطبعا أم محمد الجده..تصير
إخت أبو أم خالد زوجة أبو خالد
ومرضعتها ...
أم محمد:ياهلا والله يمه شلونك
رعد:بخير يالغاليه..إنتي شلونك
وكيف صحتك..
أم محمد:الحمد لله بخير وين
زوجتك...
أبعد رعد عن لميس وحط إيده
خلف ظهرها يقربها من جدته:هذي لميس يمه...
سلمت لميس عليها وباست راسها:كيفك يمه...
أم محمد:ماشاءالله تبارك الله
وش هالزين...تعالي يمه اقعدي
جنبي..
جلست جنبها وهي مستحيه منها
..
أم محمد:شلونتس يمها عساتس طيبه..
سلم رعد ع عماته وخالته وراح
عند الرجال...
دلال تناظر لميس مقهوره
منهالأن جدتها حبتها وصارت تسولف معاها وقالت لجدتها بدلع:يمه أشوفك نسيتينا يوم
جت..تراني أغار عليك..
أم محمد :وليه تغارين..هذي

زوجة الغالي بغلات رعد..
البنات كتموا ضحكتهم ع شكل
دلال اللي تفشلت من رد جدتها
************
عند الرجال...
رائد وفيصل وعبدالله وفارس جالسين بعيد عن الرجال
يلعبوا بلوت..
الجد:تعالوا اقعدوا عند الرجال
وخلوا عنكم هاللعب...
رائد :تبي تلعب يبه تراها زينه
الجد:مابقى إلا العب هالعبه
آخر عمري..
:هههههههه
رائد:عادي يبه تشبب توك صغير
الجد:أدري إني صغير بس مو
حق هالعب..
فيصل همس لرائد:مو كأنه قبل
شوي يقول آخرعمري
رائد ضحك:هههههه شئ طبيعي
رعد:ماعليك منهم يبه خلهم
المراهقين...
رائد انهبل:لا والله يالكبير مو كأنك تلعبها..
فيصل:خله بس الأخ متزوج وشاف نفسه
رائد:وإذا تزوج يعني..
الجد:لأنه رجال...
رائد:آفا يبه يعني إحنا مو رجال
الجد:تزوج وتصير رجال..
رائد:يعني الرجوله تقاس عندك
بالزواج..(التقت لأبوه)يبه زوجني...
فيصل:هههههههه
الجد:حنا يوم إنا كبرك وحنا عندنا
عيال بس أنتم ياعيال هالوقت
ماتبون يربطكم العرس..
رائد:أيوه تونا ندرس...
الجد:إعرس وإنت تدرس مافيها
شئ
فيصل:يعني ياجدي العزيز
إنت متزوج وإنت صغير..
الجد:إيه ولاضرن هذاني الحمد
لله عندي عيال وأحفاد..
رائد:بس زمان أول يختلف عن
اللحين..
الجد:لامايختلف انتم اللي ماتبون
المسؤوليه
رائد بضحكه:خلاص أنا ماعندي
مانع تزوجوني..
فيصل:ههههههه عاد إنت ماصدقت...
عبدالله:اللحين.إنتظر خل خالد
يتزوج بعدين يجيك دورك
رائد:مو هذي المشكله...
خالد:عناد فيك ماراح أتزوج
موت بحسرتك...
:هههههههههه
************
بعد العشا ..
البنات تجمعوا في غرفه سهرانين..
سميه:نجوله ليه نجود ماجت..
نجلاء:مسافره لأهل زوجها
عندهم زواج...
ريم همست للميس:لميس روحي لغرفتك يمكن رعد يكون
موجود...
لميس هذا اللي خايفه منه
لأنها بتصير معاه في غرفه وحده:وإذا...مافيني نوم..
ريم:روحي إيش تبغين يقولون
عنك تاركه زوجها وسهرانه مع
البنات...
لميس فكرت فيها وشافت إنها
موحلوه في حقها..
قامت:تصبحون ع خير...
أمل:تونا إجلسي شوي..
لميس بتقهر دلال اللي من جت وهي تناظرها بحقد:لا ماقدر
رعد مايقدر ينام إلا وأنا معاه
أخاف يزعل..
أمل إبتسمت:أجل روحي له..
طلعت ودلال طرطعت من القهر وهي تدعي عليها تطيح
وتتكسر ولا تروح له...
مشت لغرفتها وهي خايفه لأن
الدنيا ظلام وهدوء الكل نايم
في غرفته..
أسرعت في خطواتها ودخلت
الغرفه وسكرت الباب ..
مالقت رعد في الغرفه..
فتحت شنطتها وطلعت لها بيجامه ..
دخلت للحمام وبدلت ولما طلعت لقت رعد متمدد ع السرير وحاط إيده خلف راسه
ومتسند ع وراه...
ولماانتبه لها رفع عيونه وناظرها
نزلت عيونها وجلست ع الكرسي
قدام المرايه تمشط شعرها و
حاسه بنظرات رعد اللي تراقبها..
سمعته يقول:شعرك طال..
لمت شعرها بحركه لا إراديه
وقالت:بقصه ماراح أخليه طويل
رعد:لا لاتقصينه خليه كذا حلو
إستغربت منه وقالت:شعري
وفوق راسي أسوي فيه اللي
يعجبني...
رعد أخفى ضحكته ع تعبيرها
الطفولي وقال بجديه:بس إنتي
زوجتي وأنا أبي شعرك كذا
لميس بسخريه:زوجتك....إنت
آخر واحد آخذ رايه في شئ
يخصني...
رعد ناظرها بحده :نعم إيش
قلتي..
طنشته لأنها خافت من نبرة
صوته وهي مالها خلقه..
أخذت لها مخده من السرير
ولحاف من الدولاب وتمددت
ع الكنبه مطنشته..
**********
دخل غرفتها وشافها جالسه
ع السرير ولابسه عباتها...
زياد:ع وين..
تولين ببرود:برجع للبيت...
زياد:بس إنتي تعبانه..
قامت:ماني تعبانه...
حاول فيها وهو مستغرب من إصرارها ...
لكنها رفضت وماقدر يمنعها...
وأخذها معاه يوصلها للبيت...
دخلت للبيت وخلفها زياد...
صعدت الدرج وتجمدت مكانها
لماشافت أبوها واقف في أعلى
الدرج وجنبه مرام تناظرها بحقد.....
***************
:الحمدلله ع السلامه...
ماتت خوف لماشافت أبوها يقرب منها ...
غمضت عيونها لماشافت إيده
ترتفع بيصفعها...
بس إنصدمت لما حال زياد بينها
وبين أبوها والكف صار من نصيبه...
شهقت .. ومرام فتحت عيونها
بصدمه...
قرب أبوها بيمسكها بس زياد
مسكه:لا ياخال الله يخليك..أنا
اللي أخذتها ع المستشفى ..
أبومرام صرخ:وبأي حق تاخذها
ها إنت بتفضحني قدام الناس
زياد كذب:ماحد عرف إنها بنتك
أنا اللي توليتها بنفسي ماحد عرف

أبومرام:شوف ترا إن شميت
خبر إن أحد عرف لايكون موتك
وموتها ع إيدي...سامع
حرك راسه بأيوه وهو يبعد
تولين عن أبوها..
أبومرام:إنقلعـــــــي ع غرفتك
راحت ركض لغرفتها ...
ومرام ماتت غيظ وقهر لما أبوها
ماضرب تولين وزياد حماها
هيـــــــن يا توليـــــــن المره
هذي فلتي منها لكن المره الثانيه مستحيـــــــل....
وإنت يالعاشق تستاهل هالكف
وأكثر....هيـــــــن ع بالك بتحميها مره ثانيه....
************
صحت من النوم وهي أبدا مو
مرتاحه في نومتها...
شافت رعد لسى نايم...
دخلت للحمام وأخذت شور سريع ...
لبست بنطلون جينزأبيض وبلوزه
حرير سماويه ضيقه من الصدر
وناعمه..
تركت شعرها مفتوح ع طبيعته
ومسكت نصه بشباصه كريستال..
حطت كحل سماوي وقلوس وردي ..
كانت تتحرك بهدوء علشان ما
يصحى رعد..
أخذت معاها غطا طويل(جلال..شرشف) علشان لوفيه أحد من
الشباب تتغطى كويس...
مرت من غرفة البنات شافتها
مسكره يعني للحين نايمين...
شافت ساعة يدها لقتها 10..
راحت لجلستهم لقت الجده جالسه وعندها القهوه...
لميس بابتسامه:صباح الخير..
باست راسها وجلست..
أم محمد:هلا صباح النور..
لميس:كيفك يمه..
أم محمد:بخير الحمدلله....ماشاءالله عليك قمتي مبكر مو
مثل هالبنات اللي طول نهارهم
نوم والليل ماينامون...
إبتسمت لميس وهي تاخذ القهوه وتصب لأم محمد ومدتها
لها:تفضلي..
أم محمد:يزيد فضلك...إن شاء
الله نمتي زين..
إبتسمت لميس وهي تتذكر نومتها :الحمدلله..
أم محمد:رعد ماقام..
لميس:لا...
طلعت أم رعد:السلام عليكم..
إستغربت لماشافت لميس صاحيه...
قامت لميس وباست راسها:صباح الخير خالتي..كيفك
أم رعد:بخير..
لميس قررت تحاول تخلي أم رعد تتقبلها مو لازم تحبها بس يكفي إنها تتقبلها..بس شكلها
بتتعب معاها...
صبت لها قهوه ومدتها لها وهي
تبتسم لها:تفضلي خالتي..
أخذتها وهي تكلم الجده:يمه
شلون الضغط عندك عساه بس
مارتفع..
أم محمد:لا الحمد لله أحسن
أم رعد:تبيني أقيسه لك..
أم محمد:إيه الله يعافيك والسكر بعد..
أم رعد تحاكي لميس:روحي
جيبي الشنطه تلاقينها بغرفتي..
قامت لميس:إن شاءالله..
وهي ماشيه إلا دلال طالعه من
الغرفه وأول ماشافت لميس
ناظرتها من فوق لتحت وقالت:
يالله صباح خير...
طنشتها لميس وراحت تجيب
الشنطه...
لمارجعت شافت أم عبدالله
جالسه معاهم...عطت خالتها
الشنطه وجلست..
وأم عبدالله تآكلها بنظراتها هي
وبنتها..
أم عبدالله بخز:إلا وين رعد..
بالعاده يقوم بدري..شفيه تغير
لميس انقهرت منها لأنها تخزها
بالحكي وقالت بتقهرهم:لاتغير
ولاشئ بس أمس نمنــــا متأخرين...
تعمدت تقول بالجمع"نمنــا"
علشان تقهرهم..ودلال وأمها
فهموها غلط وناظروها بقهر
ودلال اشتاظت غيره..
:صباح الخير...
أم محمد:قمتي يانوامه..
ريم :حرام أمس نايمه متأخر..
أم محمد :بعد زين إنك قمتي
اللحين..
ريم تناظر القهوه:أنا جوعانه
في فطور..
أم رعد:روحي قولي للخدامه
تحط لك..
أم محمد تحاكي لميس:روحي
يالميس معاها إفطري مافطرتي..
قامت لميس:إن شاءالله...
دلال بغيره:شدعوه يمه أنا
بعد تراني مافطرت ماقلتي لي
روحي..وإلا بس ناس وناس لا
أم محمد: من متى أنتي تفطرين
ماغير تشربين قهوه وخلاص..ماأخبرك تاكلين شئ..
لميس وريم ناظروا بعض وهم
يبتسمون لأن دلال دايما تفشل
عمرها ...
راحوا للمطبخ ومالقوا الخدامات...
لميس:يالله ياشطوره وريني
شطارتك وسوي الفطور...
ريم:لعيونك أسوي أحلى فطور
جلست لميس ع الكرسي:تسلم
عيونك...
حطت الفطور ع الطاوله وجلست يفطرون...
:ماشــــاءاللــه خيانــه عظمى
ريم وهي تشوف سميه واقفه
ببجمامتها وشعرها مفتوح ومبعثر من النوم...ضحكت:تعالي تعالي تفضلي يام كشه
سميه جت عندهم وسحبت كرسي وجلست :مالي خلق أعدل كشتي جوعاا انه..
دخلت دلال تناظرهم بغرور وصبت لها مويه تشرب..
سميه همست للميس:عساها
للشرقه تموت ونفتك..
لميس كحت وهي تضحك وعيونها غرقت دموع:ههههههههه
:إيش سويتي إنتي بتذبحين زوجتي...
إنصدمت لميس لماشافت رعد
واقف ع باب المطبخ..
وحاولت توقف كحتها بس ماقدرت
قرب رعد وأخذ كاسة مويه وقربها من فمها وشربها بإيده..
سميه:لاتخاف عليها ماشاءالله
سبع..
دلال إنقهرت من حركة رعد لما
شرب لميس وإيده ع كتفها..
وقالت بدلع:كيفك رعد..
رعد:بخير...
ريم:أصب لك كابتشينوا..
رعد أخذ كوب لميس:لا...
شرب من نفس المكان اللي
شربت منه لميس ...
ولميس حمر وجهها من حركته
من نظرات البنات الخبيثه وإبتساماتهم ..
وبنفس الوقت إنصدمت من
حركته لأنها حركه مايسويها
إلا العشاق ورعد أكيد مومنهم
...
أما دلال طلعت عيونها من الغيره والقهر وطلعت من المطبخ معصبه...
ريم:رعد اجلس افطر معانا..
رعد حط كوب لميس بعد ما
شربه كله وقال:لا مالي نفس فطور بالعافيه عليكم...
سميه:أقولك من اللحين ترى
الشباب فطروا مايصبرون..
إبتسم رعد وطلع...
********************
دخل الخيمه ولقاهم توهم
حاطين الفطور...
فيصل:جاكم اللي شبع نوم لين
قال آمين..
رائد يخز ماجد اللي ماخلاهم
ينامون ومصحيهم بدري:أكيد
دامه ماعنده مثل هالسحالي
ماجد:هيـــــــه إحترم نفسك
حنا ماحنا سحالي..
رائد:والله عاد اللي ع راسه بطحا يتحسس عليه...
رعد:هههه وشسالفه..
ماجد:ماعليك منهم تعال افطر
وإلا فاطر مع المدام..
رعد:لاوالله مافطرت مالي نفس فطور ...
رائد:ليه.تعال بس ترا الكبده ما
تتفوت..
رعد ابتسم:بالعافيه عليكم..
راح وجلس بعيد عند التلفزيون..
أبورعد:رعد تعال افطر..
رعد:لايبه ماشتهي افطر إنت بالعافيه..
أبوخالد:اجل رح وأنا عمك وصحي خيش النوم خويلد
رعد ضحك:إن شاءالله
رائد همس لفيصل:جابها الوالد
الله يحفظه خيشة نوم..
فيصل:هههههه ودك لويسمعه
خالد..
رائد:لا أبشرك بيوصله الخبر
وأنا أقدر أفوت شئ يخص خويلد
********
البنات يتمشون بالمزرعه..
ودق جوال لميس وردت:هالو
تجمدت مكانها وكتمت شهقتها
المرعوبه لماسمعت صوته:مرحبا ميسو..
عصبت وقلبها يضرب:مين معي
:آفا للحين ماذكرتيني ياقلبي..
عصبت:ولا أبي أذكر ..
سكرت الجوال وقلبها بيطلع من
الخوف..كيف عرف رقم جوالها
ياويلي إيش يبغى هذا ..ومن
وين جاب رقمي..
مانتبهت لنظرات دلال الخبيثه
وإبتسامتها المتوعده...
شافوا الشباب يمشوا قدامهم
وتغطوا كويس..
أما لميس خافت يدق جوالها
قدام رعد ورجعت للبيت...
رائد:لا ا ا ا ا ا ا اإله إلا الله.ماشاء
الله فريق كرة قدم مو بنات..
سميه:قول ماشاءالله بس ترى خواتك معانا...
رعد إستغرب لما ماشاف لميس
معاهم...
فيصل:شخبارك نجلاء
نجلاءاستحت:بخير
أمل نطقت الغيره من عيونها
إيش معنى هي لوحدها
اللي سلم عليها..
وفيصل ضحك داخله بوناسه
لماشاف نظرات أمل...
**********
حطت إيديها ع أذانها وصدى
الكف اللي ع خد زياد بدل عنها يتردد في راسها....
ليـــــــه حماها ليـــــــه يتحمل
كل شئ علشانها...
ضمت نفسها وهي تحمد ربها
إن أبوها ما ذبحها ...
بس للحين تتذكر نظرات مرام
المتوعده لها...
وعارفه إنهامارح تعديها ع خير
رفعت راسها...يارب متى بفتك
من البيت واللي فيه..
متــــى بارتاح وأعيش مثل
الناس وبراحه بعيد عن عذاب
أهلها ووحشيتهم....
متى بتذوق طعم الراحه والسعاده....
***************
كان يتمشى وهو يحاكي فرح
ومندمج معاها بالسوالف..
شاف إخته بعيد ومعاها وحده
ماعرفها..
سكر الجوال وقرب منهم وتنحنح
علشان تنتبه له وتتغطى..
رائد:سلام
أمل:أهلين مين قاعد تكلم قبل
شوي ضحكك واصل عندنا..
رائد:إنتي فيك لقافه موطبيعيه
عطي أحد منها
أمل:ها ها هاتضحك
رائد:أدري من زمان إن دمي خفيف
همست:أمل أنا برجع..
رائد قاط إذنه وعرفها:أخبارك
سدوم
سديم تفاجأت وقالت:بخير
أمل:عيب لاتدلع اعقل
رائد بخبث:أقول سدوم خلص
البخور لأني بصراحة إشتقت له
سديم انهبلت وعرفت قصده
انقهرت لأن أمل تناظرهم باستغراب:أي بخور..
سديم بغيظ:أيوه خلص
ولفت بعصبيه تمشي راجعه
رائد بصوت عالي علشان تسمعه:ولايهمك ياحلوه أجيب لك غيره
أمل:شعندكم
رائد ضحك:إيش دخلك يأم اللقافه
لف يمشي وهو يضحك ع سديم اللي واضح إنها عصبت
أمل لحقت سديم:تعالي إنتي
إيش عندك إنتي ورائد
سديم"الله ياخذ بليسك وش يفكني اللحين منها":ماعندي شئ
أمل بنص عين:علي أنا..أجل
إيش قصة البخور ها..
سديم قالت لها السالفه وأمل
ماتت ضحك..
سديم عصبت:مالت عليك إنتي
وأخوك..
وراحت عنها...
*************
فيصل بابتسامه:ياهلا والله بأبو نواف..
بسام إبتسم وسلم ع فيصل..
فيصل:الأهل جو معاك..
بسام:لاوالله مرتبطين..
دخل بسام وسلم ع الشباب اللي رحبوا فيه...
*************
البنات كانوا يتمشوا ووصلوا عند
مواقف السيارات....
ريم:الله كل هذول سياراتنا
سديم:بنات خلونا نرجع أخاف واحد من الشباب يجي هنا
ريم:وإذا عادي دامنا متسترين
مافيها شئ..
ريم:هذي ال بي إم السودا لفيصل..
أمل إبتسمت...أما رشا قربت من
السياره تناظرها منهبله وتفكر..
لو هي زوجته كان هذي السياره
لها والبنات متخبلين عليها في
المدرسه..
أمل ودها تسحبها من شعرها
وتحوسها....
نجلاء:وا ا ا او همر من له
ريم:لأخوي عادل
نجلاء:عاد أنا أخق عند الهمر بس مو السودا العنابيه أحلى
أمل:السودا أكشخ
سميه:إخس من له السياره الرياضيه..
أمل:لرائد..
سميه:يجنن لونها هلاليه بعد
أمل:عاد رائد هلالي متعصب
ماشفتي كيف غرفته ..
سميه:بعدي والله...
دلال تدور سيارة رعد وشافتها
وحبت تقهر لميس وقالت بدلع
وهي تمشي ناحيتها:هذي سيارة رعد صح..أذكرها أكثر من مره ركبت فيها..
لميس ناظرتها بقهر ..لابعد راكبه معاه في السياره..مالت
عليها...
نجلاء:هذي بورش صح..
دلال بلقافه ودلع :أيوه بس أذكره يقول بغيرها..
لميس مقهوره وشوي تكفخها...
ريم ودها تحوس دلال :أيوه صح وده يغيرها بس بيشتري
سياره ع ذوق لميس..
إبتسمت لميس لماشافت دلال
سكتت..
أمل:بنات من له السياره هذي
كانت تأشر ع بي إم لؤلؤي واقفه بعيد..
سميه:مادري أول مره أشوفها
شافوا ياسر جاي لهم:شعندكم
هنا...
أمل:يسور هذي السياره لمن
فيه أحد جاي ..
ياسر التفت وناظرها:مارح أقول
شدخلكم..
أمل:يالله عاد قول..
ياسر:لا ويالله ضفوا وجيهكم
عندالحريم وش جايبكم لقسم
الرجال ها..
أمل:مارح نروح لين تقول..
ياسر سكت شوي يفكرثم قال بخبث:بشرط
أمل:إشرط
مد إيده لها يعني فلوس..
أمل:مامعي شئ اللحين..
ياسر:أجل مارح أقول..باي
سميه:لا لا تعال بنات طلعوا
اللي معاكم...
جمعوا البنات وعطوه
ياسر وهو يعدهم:والله فيكم
يالبنات لقافه وشرافه ماشفتها
بأحد..
أمل:أقول إخلص وقول
ياسر:حقت صديق فيصل بسام
ريم طاح قلبها ..ماتصدق بسام
هنا..
لميس همست لها:شوي شوي
طلعوا عيونك..
ريم إبتسمت ..ونظرات دلال
تراقبها...
رجعوا البنات عند الحريم وريم
تفكر في بسام...
***************
دخل ياسر عند الشباب وفي إيده الفلوس..
رائد:هيــــه من وين لك هالفلوس
ياسر:عطيه
فيصل:من مين
ياسر:هههههههه مارح تصدقون
من مين وليش..
رائد:قول ماحب أفكر..
:هههههههههه
ياسر:هذولي البنات الله يسلمكم دفعوا كل هذول علشان يعرفوا سيارة بسام من له
رائد:اللـــــــه كل هذي شرافه
خالد:إيش جابهم هناك
بسام:هههههه زين إحمد ربك
سيارتي جابت لك فلوس..
ياسر:والله شكلي بعزم الشرقيه كلها...عاد شوفوا
كم يطلع لي ع كل سياره
رائد:هههههه والله إن تصير
مليونير...
***************
:وبعديـــــــن معك ..قلت لك
أبغى أشوفهـــــــا
بتردد:ماقدر أخاف تعلم علي
:بتسويـــــــن اللي أقولك عليه
ورجلك فوق راسك فاهمه
خافت منه:طيب طيب قول
:إسمعي اللي أقوله ونفذيه بالحرف الواحد وماأبغى أحد
يعرف..
:طيب
:؟ ؟ ؟ ؟ ؟ ؟....
************
البنات كانوا جالسين برى بعيد عن الحريم..
سميه منسدحه وراسها في
حضن داليا وميته ضحك...
سديم وجهها أحمر ومعصبه
ضربتها بقهر:ضحكتي بلا ضروس إن شاءالله..
داليا:حركا ا ات والله وطيحتي
الزين...
سديم منحرجه ومعصبه:إمحق زين..
أمل:ههههههههههه
غصب عنك والله الزين كله فيه
بعد قلبي أخوي..
سديم:أيوه القرد في عين أمه
غزال..
أمل:ترى ماأسمح لك أخوي قرد
سديم خافت أمل تزعل:آسفه
ماقصدت لاتزعلين هذا مثل
بس
أمل:يعني معترفه إنه مزيون
سديم بحده:لا...
جت عندهم تمشي بتردد وقالت
:ريم..
ريم:نعم
رشا:فيصل يبغاك
أمل تفاجأت لايكون كانت عنده
وإلا قايل لها شئ عصبت مره
وإنقهرت...معقوله تكون كانت
عنده وتسولف معاه ولابعد له
عين يقول لها تنادي إخته..
ريم رفعت حاجبها:وينه وليه
مادق ع جوالي
رشا جلست وانبسطت لأن أمل
واضح إنها إنقهرت ولقتها فرصه فحبت تزيد و
قالت بدلع وغنج:مادري عنه
هو قال لي أنا أناديك..روحي له
تلاقينه في المجالس اللي بالخلف..
أمل فتحت عيونهابوسعها لما
قالت المجالس لأنه بعيده إيش
جابه هناك وهي شجابها عنده..
ريم:وأنا إيش يوديني هناك بعيد
داليا:روحي له لايعصب
قامت ريم ونفضت بنطلونها وراحت....
*************
دخلت للمجلس ولا لقت أحد فيها
ظنت إنها حركات فيصل ومتخبي
عنها ..
دخلت داخل ونادته:فيصـــــــل
سمعت الباب يتسكر ولما لفت
شهقت بخوف:عبداللـــــــــــه...
عبدالله منهبل عليها ويناظرها من بنطلونها لشعرها المفكوك
بابتسامه خبيثه:ياعيون عبدالله..
طاح قلبها من الرعب وهي تشوفه يقرب منها....
***************

لصقت في الجدار بخوف:إنت
إيش قاعد تسوي..إنت جنيـــــــت..إبعـــــــد عني
حجزها بين إيديه اللي ساندها
ع الجدار وقال:أيوه مجنون بحبك ..إشتقت لك
غرقت عيونهادموع وهي تحاول
تدفه وتبعده عنها:إبعــــد عني
لاتلمسنـــي..الله يخليك إبعد..
عبدالله لمس خدها :إنتي ليه
موفاهمتني...أنا أحبك ياريم أحبك
شالت يده عن خدها بقوه وصرخت فيه:وأنا أكرهـــــــك
أكرهـــــــك إنت ماتفهم إبعد عنـــــــي
قست نظرته وصرخ فيها:طبعا
مو قلبك لبساموه أكيد ماراح تناظري فيني
شهقت بخوف..كيف عرف..
مسكها وقربها منه بقهر:طول عمري أحبك وماناظرت غيرك
وإنتي عايشة لي قصة حب مع
صاحب أخوك...ولافكرت فيني
ياعشيقة بسام..بس إحلمي تكوني له لأنك لي أنا...
إنقهرت منه وتفجر قلبها قهروكره ..ملت من ملاحقته لها
وموطايقه قربه صرخت فيه و
هي تدفه عنها:أيوه أحبـــــــه
أحبـــــــه وأكرهـــــــك ومو طايقتك ياخي إفهم وخل عندك
كرامـــــــه...
طلعت من الغرفه تبكي وطلع
خلفها عبدالله وبقلبه نار وحقد
إبتسم بسخريه إنتي لي ياريم
وبتشوفيـــــــن...
********
كان يتمشى وهو يحكي بالجوال
..
تفاجـــــــأ لماشاف ريم طالعه
من غرفه تركض..
وإنصـــــــدم وحس رجوله
إنشلـــــــت وقلبه إنصهر لما شاف عبدالله طالع خلفها من نفس الغرفه وإبتسامته ع وجهه
طاح الجوال من إيده...
ريـــــــم مستحيـــــــل
مستحيـــــــل ريم تخونـــــــي
مستحيل تخوووون حبــــه..
دمعت عيونه وهو يشوف حبـــــــه تبخـــــــر قدامه..
تمنى عيونه انعمت ولا شاف اللي شافـــــــه...
خيـــــــانه لقلبـــــــه لا مستحيـــــــل...
************
دخلت للغرفه تبكي وقلبها يدق
بقوه رعب...كانت بتضيـــــــع...
دخلت لميس الغرفه بخوف لما
شافت شكل ريم:ريم شفيك
ريم منسدحه ع السرير تبكي:ما
فيـ ـ ـ ـني شئ...
جلست لميس جنبها بخوف:إلا فيك..ريم إحكي قولي لي الله
يخليك لاتخوفيني زياده...
ريم قامت وضمت لميس ببكا:عـ...عبــد....اللــه
لميس بخوف:شفيه
ريم:الـ...نذل
لميس وقف قلبها:شفيه ..سوى لك شئ...
ريم ببكا:كله..من..رشا..الحماره
لميس نشف الدم في عروقها خافت من اللي في بالها صرخت فيها:ريـــــم إحكي..إيش صاير..
قالت لها اللي صار ولميس تنهدت براحه وحمدت ربها ماصار اللي في بالها...
ريم بقهر:والله لأفضحه النذل
وماحد بيوقفه عند حده إلا...
قاطعتها لميس بخوف:لاياريم
لاتقولي لأحد إنتي كذا بتحطي
الشكوك فيك وماحد بيصدقك وخصوصا خالتك بتقول إنك تتبلي عليه وأمك مارح تكذب إختها وتفضحها عند عمي لأنها
عارفه إنك تكرهي عيالها ورشا بتنكر..ورعد وفيصل مارح يخلونه بيذبحونه
ريم ببكا:مقهوووره يالميس مقهوره ودي أذبحه وأذبح إخته
تخيلي لو شافني أحد بنفضح
يالميس والله بنفضح...
لميس:خلاص الحمدلله ماصار
شئ..ورشا بتاخذ جزاها...
ريم:والله ماأتركها الحيوانه
كنت بضيع بسببها..
**********
دخل للخيمه وطاحت نظراته
ع عبدالله كان وده يذبحه ويشرب من دمه..
لوكانت النظرات تقتل كان قتله
وعبدالله بادلها النظرات بحقد..
بسام:فيصل
فيصل:هلا
بسام:إعذرني برجع للأهل..
قام فيصل باستغراب:سلامات
فيهم شئ...
"أنا اللي فيني..أنا اللي إنذبحت
آآآآه ياريم ليـــــــه"
بسام ماله خلق يحكي ومو طايق شوفة عبيد:لا الحمدلله
بس الوالد طالبني...
أخذ أغراضه وطلع يركبها في
السياره مع فيصل...
************
راحوا عند الحريم وطاحت نظراتها ع رشا الجالسه بكل ثقه
وكأنها ماسوت شئ..
إرتفع ضغطها وقهرها كانت تناظرها بثقه وتحدي...
ماقدرت تسوي شئ لأن الكل
موجود وجلست جنب لميس..
أم محمد:وينكن ورا ماتجلسن
مع الحريم ماغير مندعساتن لحالكن ها...
سميه:هههههه يمه إيش معنى مندعسات
أم محمد:واخزياه ماتعرفين الهرج السنع
سميه:هههههه تكفوون طلعوا
ترجمه...
أم محمد رفعت عصاها بتضربها:وش هالحتسي ماتستحين إنتي ووجهتس تتطنزين بجدتس ها...
قامت وباست راسها وهي تضحك:ماعليه يالغاليه ...بس ترا والله مافهمت مصطلحاتك
أم محمد:وليه ماتفهمين خبله
أم رعد:يابنات تغطوا العيال جايين..
تغطوا البنات ووصلوا الشباب ما
عدا طبعا عبدالله:السلام عليكم
وسلموا ع جدتهم اللي رحبت فيهم...
أمل تناظر فيصل والأفكار تدور
في راسها ومقهوره....
أم محمد:صبي يادلال القهوه
للعيال..
دلال كشرت وقالت لرنا تصب
سمعتها الجده وقالت:واخزياه
يادلال ماتعرفين تصبين القهوه
الله ع بنات هالزمن..
ريم:لا يمه لاتعمين مو كلنا..
دلال انقهرت من ريم وجدتها وقالت بدلع وعباطه:لايمه حرام
شدعوه بس أنا أظافيري فيها
مناكير توني حاطته وأخاف يخرب وإلا يصبغ في الفنجان..
ريم همست بسخريه:بسم الله ع أظافيرك....
الشباب ودهم يمسكون دلال
ويخنقونها را ا ا افعه ضغغغطهم ولماسمعوا حكي
ريم ضحكوا...
أخذتها لميس:ولا يهمك يمه أنا أصب..
أم محمدبابتسامه:والله وياحظ
رعد ولدي فيك ماغلط لمااختارك إنتي وأنا أشهد
رعد إبتسم وهو يطالع لميس
المنحرجه ومانتبهت له...
دلال انفقعت مرارتها بقهر من
خز جدتها وإبتسامة رعد اللي
فجرت النار داخلها...
مدت لميس الفنجان لرعد علشان يعطيه الشباب...
وأخذه منها ووزعه ع الشباب
وجلس جنبها...
توترت من قربه لأنه كان لاصق
فيها بس إنبسطت لماشافت نظرات دلال اللي بتاكلها...
رائد:أقول يمه أبيك تدورين لي
ع عروسه مثل زوجة رعد سنعه...
أم محمد:علشان تهبل في بنت الناس..

:هههههههههه
رائد بثقه:أدري إني بهبل فيها
بحلاتي وخفة دمي وياحظها
فيني.....
البنات ضحكوا وهم يناظروا سديم اللي عصبت...
فيصل:أبوك يالثقه..من وين جايبها...
رائد:الله يسلمك ماخذها من
جدتي الله يطول في عمرها
ومن الوالده الله يحفظها ومن نفسي الله يخليها...
فيصل:ماشاءالله مجمع مع كل
جهه....
سميه بسخريه:ماتشوفها بتطلع
من عيونه...
:هههههههههه
رائد:غيرانين وطقوا بعد..
عادل:ترا بالجزمه ع راسك إذا
ماسكت..
رائد ضحك:وهذا أول واحد
عادل فسخ جزمته ورماها عليه بس ماجته وجت سديم لأنها
جالسه من نفس الجهه الله جالس فيها...
سديم:آآآه...
رائد ضحك:بسم الله عليك..نصيبك عاد..ياعمري حاسه فيني
سديم عصبت منه ومن البنات
ورمتها عليه...
عادل:هــــييه جزمتي ماركه أبيها...
رائد:ههههههه والله ضربة بنت ناعمه ماتآلم مو مثلك جفش كسرت رجلها ياعمري..
ماجد يخزه:رائد...
حط إيده ع فمه:سكتنا
سديم:أحسن
***********
دخل للبيت وقابلته إخته اللي
استغربت لماشافته راجع:أهلين
مر من عندها صاعد الدرج:هلا
إستغربت منه ولحقته لغرفته
دخلت وشافته جالس ع طرف السرير ومفسخ جزمه وسرحان...
البندري:بسام شفيك
بسام انتبه لها:مافيني شئ..
وقام بيدخل الحمام بس وقفت
قدامه وقالت باصرار:إلا فيك
شفيك وبعدين ليه راجع من المزرعه..موتقول بتنام هناك..
صايرشئ متهاوش مع أحد...
بسام ماله خلق:لاماتهاوشت
مع أحد بس مليت ورجعت فيها
شئ...
البندري بعدم تصديق:إنت تمل

من طلعه ومكان فيه فيصل مستحيل أكيد صاير شئ...
بسام عصب وكاره نفسه:البندري وبعدين معاك قلتلك مافيني شئ اففف
أبعدها ودخل للحمام....
**************
صحت من إزعاج جوالها وردت
بعصبيه من اللي داق عليها بهالوقت:نعـــــــم
البندري:بسم الله الرحمن الرحيم يالله صباح خير...
ريم استوعبت الصوت:هلا بندري
البندري:صباح الخير يانوامه...
ريم تعدلت:صباح النور..كم الساعه..
البندري:الساعه عشره ونص
ريم:يووووه في أحد يدق هالوقت فيني نوم إذا صحيت دقيت عليك
البندري:قومـــــــي فيه أحد ينام هالوقت بهالجو الحلو ولابعد بمزرعه مالت عليك
ريم ضحكت:أيوه أنا...
البندري:من ردات حظك والله
متى بترجعون بتطولون
ريم:مادري ماأعتقد اللحين الجو
حلو ع قولتك ووناسه
البندري:والله إني مقهوره من
بسام الواحد يتمنى يقعد في مزرعه بهالجو الحلو وهم يرجع
ريم تفاجأت:بسام رجع ليه
البندري:مادري عنه يقول مليت
مع إني ماعتقد لأن شكله مره
متغير ومتضايق..
ريم بخوف:ليه شفيه
البندري:مادري عنه عجزت أسحب منه الحكي ماقدرت
خفت يكون متزاعل مع أحد
ريم:لا طبعا لا..العيال مبسوطين معاه ماعتقد
البندري:مادري عنه والله
ريم بخوف:بليز البندري حاولي
تعرفي شفيه
البندري بضحكه:هااااااه أشوف حركات الحب بدت...
ريم:هههههه أقول بس إسمعي
الحكي..
***********
دخلت المطبخ وصبت لها كاس عصير...
:ياصباح الورد والحب..
شهقت لماسمعت صوته ولفت
شافته واقف قدامها لابس بنطلون أسود وبلوزه بيضا نص
كم وإبتسامته ع وجهه..
نزلت راسها باحراج ووجهها أحمر وقلبها يدق بقوه..مستحيه منه لأنها لسى ببجامتها البرمودا مابدلتها..أول مره تطلع من الغرفه مابدلت
كانت دايم ماتطلع إلا وهي مبدله ويوم تطلع مابدلت تطيح فيه...
قرب منها وهو مبتسم ع شكلها
الخجول..
كان شكلها ببجامتها البرمودا كأنها طفله مرره كيوت...
إبتسم:مارح تسلمين ع زوجك
نزلت راسها باحراج ودها تهرب
من قدامه..
مد إيده وسحب إيدها يصافحها
رفعت راسها وشهقت بروعه لما
شافته يقرب بيبوسها وبعدت:ماجد
ضحك:بسلم حرام..
بعدت عنه وسحبت يدها:خلاص
سلمت..
رفع حاجبه بابتسامه:بسلم زين
ع زوجتي ليه مسللم ع واحد من
الشباب أنا...
مشت بتهرب منحرجه وشهقت
لماحوط إيده حول خصرها
وصار ظهرها لاصق بصدره
:تعالي تعالي أناماصدقت أشوفك...
حاولت تبعد عنه وقلبها يضرب
أخذ كاس العصير من يدها اللي ماطاح بصراحه إعجاز وحطه ع الطاوله وإيده الثاني محاوطتها
:إيـــــــش تســـــــووووووون
التفت للباب وشاف شهد مطيره
عيونها عليهم:واللـــــــه لاأعلـــــــم عليكم...
ترك داليا ومسكها وشالها قبل
تروح تفضحهم...
شهد صرخت:يمـــــــا ا ا ا ا ا ا ا اه
ماجد:تعالي تعالي جيتي ياأم
لسان
شهد ناظرته:والله لاأعلم عليكم
وأقولهم وش تسووون في المطبخ...
شهقت داليا وهي بتموت من الخجل وغطت وجهها ودموعها في عيونها....
ضحك ماجد لماشاف شكلها و
قال لشهد:إذا ما سكتي وقضبتي
لسانك يام لسان والله لا أعلقك في المروحه
دخلت سميه:شفيكم...
وضحكت لماشافتهم...
نزلها ماجد وقال:خذيها معك
وإن فتحت فمها بكلمه ياويلها..
سميه بضحكه:ليه وش مسوي ها..
ماجد:إنا لله خلصنا من البزر
جيتي إنتي..
ضحكت وأخذت شهدالمبوزه وغمزت لهم:خذوا راحتكم
طلعت..وداليا كان ودها تطحنها طحن..
رجعت ع ورى لماشافته يقرب:لاتقرب
ضحك:ليه تراني حبوب ماآكل
مشت بسرعه بتهرب بس مسكها وسحبها..غمضت عيونها
ياربـــــــي...
دخلت مي:سمعت إن طيور الحب في المطبخ
شهقت داليا..ياويلها اللخين الكل عرف..والله ماأخليك ياسميه الزفته إنتي وشهدوه..
ماجد:ياحووول الواحد مايعرف
ياخذ راحته من هالعذال...
ضحكت وسلمت عليه وسحبت
داليا منه:خلاص خل البنت تتنفس وفكها ..ويالله إطلع ترا
جدتي تقول يطلع وإلا جيته بالعصا..
سحب داليا له:طيب بسلم ع زوجتي قبل...
باس خدها بسرعه ومشى بيطلع ورجع أخذ كاس عصيرها
وغمز لها:هذا لي..
وطلع..داليا ميته خجل ووجهها
مشتعل حراره..
مي:الله يعينك عليه...
طلعت منحرجه ودخلت الغرفه
وأول ماشافوها البنات صرخوا:أو و و و و و و و و و و و و و و
مسكت سميه وضربتها بقهر:با ا ا ا ا ا ا ا ا ا ايخه
سميه ميته ضحك وموقادره
تبعدها عنها...
*************
برى عند الجده ...
:السلام عليكم..
باس راس جدته وأمه وجلس
جنب لميس...
التفت لها وهمس:صباح الخير
رفعت راسها وناظرته مستغربه
لقته يناظرها مبتسم..
نزلت راسها وقالت:صباح النور
صبت له قهوه وعطته إياها..
جتهم دلال لابسه بنطلون أسود
جلد ضيق وبلوزه حمرا كت وشعرها تاركته مفكوك تمشي بدلع :صباح الخير..
:صباح النور..
جلست جنب أمها وهي تآكل رعد بنظراتها كان لابس بنطلون
أسود وبلوزه برتقاليه زايد وسامته اللون ورافع شعره بنظراته السودا...
بس رعد ماناظرها كان يقرا جريده ...
إنقهرت منهالميس حتى ماحشمت جدتها..
دلال بتلفت إنتباهه قالت بكل دلع:رعــــد
رفع راسه:نعم
إستانست لماناظرها وقالت وعيونهاتناظره بغنج وتبتسم:إذا خلصت من الجريده عطني إياها
رجع يقرا الجريده:إن شاءالله..
دلال ناظرت في لميس بتحدي..
قعدوا يسولفوا وكانت دلال تتعمد تكون هي اللي ماخذه الجو وتسولف مع رعد..
ولميس ساكته حاسه بملل وقهر
ومحتقره دلال ورعداللي يسولف معاها عادي ولاكأنها
موجوده جنبه..
قامت بتروح...
أم محمد:وين يمه
لميس:بصحي البنات..
لمحت رعد ماعطاها وجه ومندمج بالسوالف وراحت عند البنات مقهوره ودموعها في عيونها حتى ماكلف نفسه يناظر فيها ويسألها..
******************
العصر البنات قرروا يروحون
عند الإسطبلات..
مشوا كلهم ناحيتها..
شهقت شهد:حصـــــــان
وقفوا لماشافوا أحد راكب حصان في الساحه..
قربوا وقالت ريم:رعـــــــد..
رفعت راسها لميس وشافته
شكله دوخهـــــــا..
يجنن عليه لبس ركوب الخيل
أسود وأبيض..طالع يخقق..
قربوا من عنده ووقفوا خلف
السياج...
نادته ريم:رعــــــــــــــد
التفت وشافهم متجمعين..
حرك الخيل ناحيتهم تمشي بكل خيلاء..
إبتسم:وش عندكم
شهد:أبي أركب..
نزل من ع الخيل وقرب من السياج ومد يده:تعالي..
شالتها ريم ورفعتها له...
شالها وركبها الحصان وخلاها
تتمسك فيه..
التفت لريم:ريم تعالي ركبي معاها لاتطيح
إنبسطت وركبت معاها بمهاره
لأنها متعوده..
مشى الحصان ورعد ماسكه وشهد ميته من الوناسه...
شهد:خله يركض تكفى..
رعد تركه :أوك
أبعد عنهم وخلى ريم تحركه
تسند ع السياج وشال القبعه أو
الخوذه..عن شعره ...
حرك شعره بإيده وهو يراقب
ريم...
لميس تراقبه ميته ع شكله
وقلبها يدق بقوه ..يجنن يجنن ...
التفتت لدلال وشافتها تناظر رعد
بهيام وحب وماشالت عينها عنه
إنقهرت مرره ...
صفر رعد للحصان وجا له يركض...
رعد:خلاص يكفي...
نزل شهد المعترضه ماتبغى
تنزل...ونزلت ريم...
ومسكه وناظر في لميس:لميس
التفتت تناظره .....وقال:تعالي
شالت الغطا عنها ...وعطته سميه...
ناظر في لبسها ...
كانت لابسه فستان نعوم أبيض
فيه تحت الصدر شريطه سودا
قصير ولابسه بوت طويل أسود وشعرها متناثر ع أكتافها
بنعومه..
دق قلبه لماشافها يجنن شكلها عجبه مرره ..
ساعدها تعدي السياج...
البنات مرره مبسوطين ..
ودلال الغيره تطلع من عيونها
والقهر يشتعل داخلها...
بتموت من القهر..
رفع لميس من خصرها وركبها
الحصان بحيث تصير رجولها من
جهه وحده ...
وركب خلفها بحيث تصير قدامه
ومعطيته جنبها...
رفعت راسها وناظرت فيه وتعلقت عيونها بعيونه...
ماحسوا إلا بنور فلاش الكاميرا
اللي صورتهم...
التفتوا وشافوا ريم معاها الكاميرا تصورهم....
ضحك وحرك الحصان يمشي
لميس خافت تطيح ولصقت
في حضنه ...
رعد:لاتخافين مارح تطيحين
تمسكت بظهره لما أسرع الحصان:رعد
ضحك:ياخوافه مارح تطيحين
لميس وكأنها طفله:إلا بطيح
لاتخليه يسرع...والله خايفه...
إبتسم وهو ناظرها:تخافين وأنا
معاك...
ناظرت في عيونه وآآآه من عيونه اللي أخذتها لعالم ثاني
وقلبها يسابق خطوات الحصان
غمضت عيونها وضمته لما
بدى الخيل يركض...
ماتدري ليه تحس براحه بحضنه
وتتمنى ماتبعد عنه...شدت إيدها
ع ظهره ...
وخصلات شعرها تداعب خده
ورقبته...
غمض عيونه ولف إيده حول
خصرها والإيد الثانيه ماسكه
لجام الحصان....
*****************
:وا ا ا او يجنن شكلهم لايقين ع
بعض
فار دمها بقهر وغضب وحقد
وإبتعدت تمشي مقهوره ورفعت
جوالها ودقت الرقم وقالت بعصبيه:نفذ اللي قلتلك عليه بسرعه.....مالي دخل تنفذ يعني
تنفذ أناخلاص موقادره أتحمل
أبغى طلاقهم يوصلني بسرعه
سامــــــــــع..
سكرت الجوال بقهر:هيـــــــن
يالميس إتهنــــــــــي هالدقيقتين في حضنه وبعدها
بتشوفي كيف بسوي وأنا اللي
بيكون حضنه لها...
ضمها له بقوه وقال:إمسكي فيني كويس
فتحت عيونها لماحست نفسها
طايره في الهواء..
قفز الحصان السياج وطلع برى
الساحه وركض جوا المزرعه...
بعدت عن حضنه تناظر حولها
يجنن منظر المزرعه..
رفعت نظراتها له شافته يناظر
قدامه ...
سندت راسها بحضنه ودموعها
غرقت عيونها..ماهي قادره
تفهمه .. ماهي قادره تفهم
تصرافته معاها...
أحيانا تحس إنه يحبها وأحيانا لا
تحسه يكرهها وبيذبحها...
غمضت عيونها ..حتى نفسها
صارت ماهي فاهمتها.. ماهي
فاهمه مشاعرها اللي تحسها
معاه ......
هل هي حب وإلا كره...
تحبــــــــــه وتكرهــــــــــه
بنفس الوقت...
آآ آ آ آه ياربي ماني قادره أفهم
شئ...
مابــــــــــي أحبــــــــــه
مابــــــــــي أحبــــــــــه ثم
يجرحنــــــــــي ويعذبنـــــــــي
آ آ آ آ آ آ آه ياربــــــــــي
حست بيد رعد ع ظهرها وضمها
له...
شهقت وهي تدفن وجهها في
حضنه وتبكـــــــي.....
رجع ظهره ع ورى وإيده ع كتفها علشان يشوف وجهها و
هو عاقد حواجبه:لميس..شفيك
ماردت عليه وهي منزله راسها
وشعرها مغطي وجهها...
وقف الحصان ونزل ..
نزلها من خصرها ..وأبعد شعرها عن وجهها:ليه تبكيـــن...
لفت وجهها وهي تمسح دموعها:مافيني شئ خلاص..
رفعت راسها وناظرته لقته يناظر فيها ثم رفع راسه يناظر قدامه وحوله...
إستغربت ومسك يدها وبالإيد
الثانيه لجام الحصان:تعالي..
مشت معاه دخلوا بين شجر ووقفت بصدمه تشوف اللي
قدامها..
المكان روعه يجنن...الأرض
خضرا ومليانه ورد بألوان مختلفه
ولفتها شلال كبير نفس الشلال
اللي في بيتهم بس هذا واضح
إن أنواره أكثر...
وبأحجار ملونه بألوان روعه...
مشت قدامه تناظر في المكان
لين وصلت للشلال...
لميس:هذا نفس اللي في بيتنا
رعد وهو يجلس جنبها ع طرف
الشلال:أيوه عجبني شكله وحطيت نفسه في البيت..
لفت وجهها تناظر حولها وهي تبعد خصل شعر ورا إذنها:إيش
هالمكان...
التفتت تناظره وهو يدخل يده
في المويه ويبتسم بدون مايطالعها:هذا المكان أنا مسويه خاص فيني ماحد يعرفه غيري...
كانت تناظره بحيره...خاص فيه
وماحد يعرفه غيره..ليه جابني
له وليه يبغاني أعرفه أنا...
آآآه يارعد الله يخليك فهمني
ماني قادره أفهمك..
اليوم متغير معاها كليا ليـــــه...
لميس:متى مسويه..
وقف وعيونه تدور في المكان:
من زمان من قبل لاأسافر..كنت
أجي هنا لما أكون متضايق من
شئ أو حتى مبسوط ...
"ياترا اللحين أي وحده فيهم"
قربت من الورد وهي تتلمسه
بأناملها الناعمه ..وريحته تفوح
في المكان..
فجـــــأه جا ع بالها صورتها
اللي في جواله ..
عقدت حاجبها بتفكير للحين
الصوره محيرتها...
رفعت راسها تناظره وهو واقف
عند الحصان يداعبه ..وشعره
يحركه الهوا...
أسألـــــه عنها وإلا لا...
لفت وجهها..لا لا مارح أسأله
رجعت تناظر فيه متردده...
رعد بالنسبه لها لغز كبير
غامض غموضه يقهرها...
لفتها شكل الحصان كان أبيض
وشعره ع ذهبي..مرره حلو
شكله ...
قربت منه ولمست شعره..ورعد
يناظر فيها...
لميس:إيش إسمه...
التفتت تناظره وهوإبتسم وقال:
الرعد...
رفعت حاجبها:الرعد....
ضحك وقال:عارف مستغربه..
طار عقلها لماضحك أول مره
يضحك في وجهها...
رعد:جدي اللي مسميه..
لميس:جدي..
رعد:أيوه...الرعد إنولد بعد ولادتي بيومين وجدي سماه

الرعد ع إسمي وأهداني إياه
من كنت طفل وهو لي...
كانت تناظره وهي يحكي ماكان يناظرها كان يطالع الرعد ويمسح ع شعره وإبتسامته الجذابه ع وجهه...
قلبها يدق بقوه لمجرد إنها تناظر
فيه كانت واقفه جنبه وقريبه منه ..
التفت يناظرها وإختفت إبتسامته
لماتعلقت عيونه بعيونها وقلبه يدق بقوه...
مدإيده وأبعد خصل شعرهااللي حركها الهوا عن
وجهها وظلت إيده ع شعرها..
قرب منها و......
**************
كانت واقفه وعيونها اللي مليانه
حقد وغل تترقبهم...
جتها إختها وقالت:للحين تنتظرينهم ..
لفت عليها والقهر ياكلها:بمووت
يارشا بمووت...لمجرد إني أتذكر
شكلهم وإنه راح معاها وللحين
مارجعوا أنقهر أحس بمووت..
رشا:عادي لاتنسين إنهازوجته
دلال عصبت:عارفه إنها زوجته
وهذا اللي قاهرني...
رشا:أجل لاتتعبين نفسك وتعبين عمرك ع الفاضي...
دلال:ماحد حاس بالنار اللي داخلي...كنت ممكن أكون مكانها
بس شوفي كيف هي اللي خذته
رشا:وبتتركينه لها عقب هالحب والإنتظار لثلاث سنوات أو أكثر
تخلينها تاخذه بالساهل وهي
ماعرفته إلا من كم شهر
دلال:طبعا لا ومستحيل..إصبري
علي..بتسمعين طلاقهم وبتشوفين....
***************
أبعــد عنهـــا لماسمع جواله
وعطاها ظهره وهو يغمض عيونه بقوه ويطلع جواله..
غطت وجهها اللي يشتعل حراره
وقلبها تتسارع دقاته...
بعدما إستوعبت اللي صار..
رفعت راسها لماسمعت صوته
المصدوم: إيـــــش....
**************
البنات جالسين في الغرفه يسولفون ..
دخل عليهم ياسر يركض وفجعهم شكله المخطوف...
أمل بخوف:ياسر شفيك
ياسروهو يلهث:مـ ماجد طاح
من النخله...
شهقت داليا وإيدها ع فمها..
سديم وقفت:ماجد..وينـــــه
ياسر :أخذه رعد وخالد للمستشفى..
البنات ناظروا داليا اللي دموعها
بدت تنزل ووجهها مرعوب..
طلعت تركض مع سديم وخلفها
البنات..
وصلوا عندالحريم لقوا أم ماجد
تبكي والحريم يهدونها..
سديم بخوف ودموعها مغرقه عيونها:يمه يمه ماجد شفيه
مسكتها لميس تهديها وسديم
ضمتها وبكت..
أم محمد:إذكروا الله إن شاءالله مافيه شئ..
أم ماجد تبكي:شلون مافيه شئ
ويقولون الطيحه قويه ومايتحرك
آآآه ياربي رحمتك يارب..
داليا قلبها يضرب ودموعها ماوقفت ضمتها ريم تهديها وأبعدتها عن الحريم..
سميه ماسكه نفسها علشان
أمها :خلاص يمه إن شاءالله
مافيه شئ..اللحين أدق ع رعد وأطمنك..
أخذت جوالها ودقت ع رعد
*************
في المستشفى...
جاهم أبوماجد لأنه ماعرف إلا
متأخر لأنه كان خارج المزرعه
أبوماجد:طمنوني..
رعد وخالد وقفوا:إن شاءالله
خير
طلع الدكتور وطمنهم إنها جت سليمه وراسه ماتضرر بس رجله إنكسرت و كتفه صار فيه خلع بسيط...
دخلوا لغرفته شافوه متمدد ع
السرير ورجله مرفوعه ومجبسه
وكتفه ملفوف ..
رعد:سلامات ماتشوف شر
ماجد:الله يسلمك
أبو ماجد باس راس ولده وماجد
علطول باس إيد أبوه
أبوماجد:الحمدلله ع السلامه ياولدي
ماجد:الله يسلمك..
خالد:الحمدلله ع السلامه ياطرزان
ضحك ماجد:الله يسلمك..
عاتبه أبوه لأنه كم مره
يحذره ويمنعه يتسلق بس هو
عنيد وراسه يابس من كان صغير واستغل الفرصه إن أبوه
موموجود وتسلق مع رائد...
دق جوال رعد وكانت سميه
طمنها وحاكى أمه أم ماجد يطمنها وعطاها تحاكي ماجد ...
*****************
رجعوا من المزرعه علشان أم
ماجد اللي أصرت تروح تشوف
ولدها..
لميس راحت لبيت عمها لأن
رعد في المستشفى مع ماجد..
وداليا من رجعت وهي تبكي
وتبغى تزور ماجد بس أمها قالت
لها مواللحين لأن الرجال عنده
************
في الليل...
كانت جالسه مقهوره ..دخلت
عليها ريم:شفيك..
لميس:أخوك سافر..
ريم تفاجأت :رعد متى
لميس :قبل شوي
ريم:عادي هو كذا أحيانا تجيه
سفرات مفاجأه ويسافر بدون
لانعرف يعني عادي بتتعودين..
تنهدت لميس بضيق..وقالت ريم:
بكره بنروح نزور ماجد..
لميس:متى
ريم:أكيد العصرأو المغرب..
لميس:أووو وداليا شخبارها
ريم:ياعمري ضايق صدرها وتبكي بس لما قالت لها عمتي
إن بكره بنروح نشوفه إرتاحت
صرخت ريم فجأه:وا ا ا ا ا ا ا ا ا ا ا ا ا او بتنامين عندددي
لميس ضحكت...
*************
العصر..
إجتمعوا دلال وهدى ورنا في بيت دلال....
هدى إنقهرت لماسمعت عن لميس:.عساها ماتتهنى
دلال:وأنا ماراح أتركها تتهنى
وبتشوفون....
هدى:إيش بتسوين..
قالت لهم اللي سوته وإنها كلفت
واحد من الشباب اللي تعرفت عليهم يدق ع لميس من جوالها
وتلفون البيت علشان تشككه
فيها ويطلقها..
هدى:مانتي هينه
رنا إبتسمت:من وين جايبه هالأفكار...
ضحكت دلال وقالت هدى:ياليتها إحترقت مع أهلها وفكتنا
من شرها..
رنا تفاجأت:إحترقوا
هدى إستغربت:ليه إنتوا ماتدرون
دلال:لا
قالت لهم هدى اللي صار لأمها وأخوها..
دلال:وأخوها كبير
هدى:أيوه..
لمعت فكره خبيثه في راسها
وقالت:عندك صورته
هدى:لا بس ليه
دلال ناظرت في رنا:رعد يعرف
اللي صار لأهلها..
رنا باستغراب:لا ماحد منا يعرف
دلال:ولا يعرف إن عندها أخو
رنا:ماأعتقد
هدى:أكيد يعرف زوجته أكيد
يعرف عن عمه وولده
دلال:إسمحي لي يارنا أخوك رعد مغرور ومتكبر ومايهمه
يعرف عن أحد ...
رنا:طيب والمعنى
دلال:ماراح أقول شئ لين
ألقى صوره لأخوها
هدى:بدور لك عليها في غرفتها
يمكن ناسيه له صوره...
***********
:أفف متى أطلع طفشت
سديم:هههههه توك هذا أول يوم وإنت ملان شلون عاد بعد
أسبوع وش بتسوي
ماجد:لاياقلبي بطلع مارح أجلس هنا
سميه تفتح حبة شوكلاته:إذا سمحوا لك

ماجد:أقول بس خلي عنك البلع
خلصتي السله..
سميه:قول ماشاءالله...
سمعوا دق ع الباب ودخلت
أم محمد (أم داليا) ومعاها داليا وأبومحمد
ماجد فز قلبه لماشافها..
والبنات ناظروا بعض وضحكوا
وطلعوا من الغرفه..
سلم ع أبومحمد وأم محمد وتحمدوا له بالسلامه..
ناظر في داليا اللي قربت منه بحيا وصافحته وصوتها يالله يسمعه من الخجل:الحمدلله ع السلامه..
إبتسم:الله يسلمك..
جلسوا وجلست داليا جنب أمها
سولفوا شوي وطلع أبومحمد وأم محمد علشان ياخذوا راحتهم وقالوا لداليا إن محمد بيمر يسلم وياخذها...
ماجد تشقق من الفرحه وشوي
يبوس راسهم..
طلعوا..وداليا منحرجه وضامه إيدها..
ماجد يناظرها بابتسامه ويأشر ع طرف السرير جنبه:تعالي جنبي ليه جالسه بعيد
ماردت عليها"إيه هين أجي جنبك"
ماجد:ترا إذا ماجيتي بتخليني
أنزل وأجي جنبك..وأتعور..
خافت يسويها لماشافته مستعد بيتحرك وشكل كتفه آلمه..مجنون ويسويها...
قامت وجلست جنبه بس بعيد بحيث تصير قدامه ع طرف السرير..
مسكها من يده السليمه وقربها
وباس خدها:سلمي زين
إنحرجت ووجهها ولع ولفت وجهها....
ضحك لماشاف شكلها يمووت
فيها وبحياها...
دخلوا البنات :مرحبا
قامت داليا وبعدت عنه منحرجه
وماجد عفس وجهه:أففف تكفون خلوني أجلس مع زوجتي دقيقتين بس
ضحكوا البنات لأن واضح إنه متضايق...
الكل كان موجود والبنات جالسين بجهه جنب الحريم لأن الشباب كانوا جالسين عنده...
سديم همست لداليا:خلاص أكلتي أخوي بنظراتك
إنحرجت داليا لأن البنات إنتبهوا
لهم وضحكوا..
سديم:ياحلوك وإنتي مستحيه
داليا:سديم وبعدين معاك إسكتي
دخل رائد:السلام عليكم
داليا همست:جاكي اللي يسكتك
سديم:إنطمي..
سلم عليهم وجلس جنب ماجد:شخبار رجلك
ماجد:أحسن
رائد:شفت كيف هذا اللي مايسمع النصايح قايل لك لا تسلق بس إنت ماسمعت الحكي
ماجد بنص عين:إحلف عاد موكأنك متسلق معي..
رائد يتصنع البراءه وشهق:أنـــــا
متـــــى
الجده رفعت عصاها وضربته:تحسبن نسيت ها ..شوف ماجد
وش صار له إحمدربك ماجاك شئ أنا حالفه ماترك أدري إنه منك الهبال كله وإلا ماجد مهوب لمه...
رائد شهق...وماجد مسك ضحكته ويحرك حواجبه...
رائد ضربه من كتفه:والله البلا كلــ.....
قطع حكيه لماشاف ماجد آلمه
كتفه...
أم محمد تأشر بعصاها:قم قم عن الولد عساك للي مانيب قايله
قام رائد:سوري سوري مجود
نسيت
داليا ناظرته بخوف ورفع راسه
وطاحت نظراته عليها وإبتسم يطمنها وحواجبه لانت:لامافيني
شئ
*****************
نزل من غرفته وقابلته البندري
طالعه من المطبخ..مر من جنبها ولا التفت لها...
لحقته :بسام..بسام
بسام التفت:نعم
البندري راحت عنده:شفيك
ليه متغير
بسام لف وجهه بضيق:مافيني شئ
البندري تأشر ع وجهه:شفت كيف وجهك
بسام:مافيني شئ تعبان شوي
مشى وتركها وهي لحقته:بسام
إصبر بقولك شئ
بسام خاف يكون هالشئ عن
ريم وآلمه قلبه ولا لف لها وكمل
طريقه وطلع..
لحقته للباركنق وشافته يركب
سيارته راحت عنده وفتحت الباب
وجلست:بسام إسمعني
بسام شغل السياره: أسمعك
البندري:دريت إن ماجد مكسوره رجله وهوفي المستشفى...
بسام التفت بصدمه:ماجد
البندري:أيوه دقت علي ريم وقالت لي
بسام غمض عيونه بألم لماسمع إسمها..وحس بغضب
يفور داخله وقلبه يعتصر وهو
يتذكر لماشاف ريم طالعه من
نفس الغرفه اللي فيها عبدالله
البندري :بسام شفيك
بسام ماسك نفسه:انزلي بسرعه
البندري:ماتبغى تعرف في أي
مستشفى..
بسام عصب:لامابي أعرف إنزلي
خافت منه ونزلت وركضت داخل..
كان ماسك الدركسون بكل قوته وضاغط عليه ومنقهر من
اللي صار...
ليـــــه ياريم ليـــــه..
كان مسرع في طريقه وماانتبه
ع نفسه إلا وهو عندالبحر..
نزل من السياره وجلس ع الأرض
ويفكر في ريم اللي قتلت حبه
غمض عيونه بقهر وسمع صوت
جواله طنشه لأن عارف إنها البندري دق ثاني مره وثالثه و
أخيرا رد:ألو
فيصل:هلا بو نواف
إبتسم لماسمع صوت صديق عمره:هلافيصل شخبارك
فيصل:تمام إنت كيفك وينك ياخي لاتدق ولا تمر
بسام:ماعليه يافيصل أدري غلطان ومقصر بس إنشغلت هالأيام
فيصل ضحك:لايكون تزوجت بس
غمض عيونه بألم لماتذكر ريم
فيصل:ألـــــو و و و و
بسام:هلامعاك
فيصل ضحك:لايكون الحكي صحيح
بسام:لامو صحيح لاتخاف مستحيل أتزوج من غيرك ..إنت وين اللحين
فيصل:في المستشفى عند ماجد
بسام تذكر:سلامته مايشوف شر توه يجيني الخبر والله
شخباره
فيصل:لاماعليك أنا الغلطان المفروض أخبرك بس تعرف
حوسة الأهل لماعرفوا
بسام:في أي مستشفى
فيصل:مستشفى ال...
بسام: أوك أنا جاي اللحين
*************
دخلوا للمستشفى وقابلوا بسام
سلم ع فيصل
وريم انتبهت له وتناظره من زمان ماشافته إشتاقت له
سلم ع عادل ورمى السلام ع
أم رعد
طاحت نظراته ع ريم وقلبه صار
ينبض في حبها للحين يحبها وموقادر ينساها أو يكرهها..
نزل عيونه ومشى مع فيصل
دخلوا الحريم قبل وسلموا
ثم دخلوا الشباب
قام رائد وأخذ الباقه من بسام يشمها:إممم هذي لي مشكور
يابعدي
فيصل ضحك:أقول حطها بس إذا دخلت للمستشفى جبنا لك
مثلها
رائد شهق:تفـــــاول علـــــي
فيصل:هههههه مادري عنك
حط الباقه:بسوي نفسي ماسمعت شئ
فيصل:كل هالشهقه وماسمعت شئ
:هههههههههه
بسام:سلامات ماجد ماتشوف شر
ماجد:الله يسلمك
ماحب يطول عنده لأن أهله موجودين وإستأذن ولف بيطلع
شاف عبدالله داخل..
ناظره بحقد وشوي يخنقه ويفش غله...
لمح ريم تناظرعبدالله وقبض
إيده بقوه..
عبدالله إبتسم بسخريه ومد إيده
يصافحه:كيفك بسام
بسام ناظره بحقد ووده يكسر
إيده صافحه وطلع
أماريم تناظر عبدالله بحقد وقهر
وله عين يجي بعد اللي سواه..
رائد جالس ع طرف السرير
جنب ماجد ومعاه ورده من الباقه يشمها...
عادل:خلاص راحت ريحة الورد
وإنت حاطها عند خشمك
:هههههههه
رائديشمها:إمممم ماأجمل رائحة الورود وخصوصا إذا كانت حمراء..
عادل:ليه الأخ يحب..
رائد تنهد:إسكت بس
فيصل وماجد:أو و و و و و الأخ
غرقان
سديم همست لسميه:ببنات الشرقيه كلهم
ضحكت سميه ورائد ناظر فيها وجنبها سديم ثم قام :ولابعد معطيها ورد
الجده:آها بس
:ههههههه
فيصل:وتعرف تقدم ورد إنت وذا الخشه
رائد وقف في الوسط:طبعا أعرف
وقعد يمثل لهم والكل يراقبه
رائد سوى نفسه راح لمحل وإختار ورده حمرا أخذها من الباقه..
فيصل:هههههه وبعدين
رائد:بعدين قدمت الورده للحبيبه
شوفوا كيف وتعلموا..
جلس ع ركبته والرجل الثانيه ناصبها مثل حركة اللي بيقدموا
ورد أو خاتم خطوبه يعني مثل
الأفلام...
ومد الورده باتجاه سديم اللي كانت جالسه قدامه..
رائد وهو مغمض عيونه وبكل
رومانسيه:أحلى ورد لأجمل ورده في حياتي
الكل انفجر ضحك..وسديم انصدمـــــت ووجهها ولع حراره
والبنات يضحكون ع شكلها ويغمزون لها...
إنقهرت مووت ورائد ظل بحركته..
عادل بضحكه:شفيه الأخ
شكله نام من الرومانسيه
رائد فتح عين وحده:أنتظرالبوكس اللي بيجيني اللحين
الكل ضحك لماعرفوا قصدهوفيصل موقادر يتنفس من الضحك والجده تهاوش عليه...
سديم شوي تبكي ومقهوره منه

**************
منسدحه ع سريرها وتناظر في
سديم اللي كسرت الدروج وهي
تسكرهم بقوه من الغيظ..
سميه:شوي شوي كسرتي الدروج
سديم :كيفي دروجي وأنا حره فيهم
سميه ضحكت وسديم:خير
سميه:تذكرت اللي صار..
سديم تتطنز:وتضحكين إنتي و
وجهك
سميه:ههههه بصراحه رائد هذا
خطيـيـيـيــر
سديم بانفعال:والله ماأترك له
اللي سواه أحرجني قدام الكل
سميه بحماس:سديم
سديم:نعم
سميه:ليه ماأخذتي الورده
سديم فتحت عيونهابوسعها:نــعــعــعــعــم
سميه:مين يحصل له رائداللي البنات خاقين عنده ع قولتك
يعطيك ورده ولابعد حمراء
سديم تذكرت شكله وهو يمد لها
الورده كان مره عجيب..نفضت الأفكار ومشاعرها وإنتبهت لسميه اللي حاطه إيدها ع خدها وتناظرها
سديم:خيــــر
سميه تتنهد:أعد قلوب الحب اللي
ملت الغرفه
رمت عليها المخده:إنطمـــــي يابايخه
ضحكت سميه..وسديم قالت:عاد ماحبيت إلا رائد..
سميه:بصراحه أشك إنه يحبك
سديم انهبلت:إيـــــش
سميه:أيوه من حركاته تقول كذا
سديم توترت وقالت بغيظ:تلاقينه هذي حركاته مع البنات يحب ويترك ع كيفه..
سميه ماسكه ضحكتها:طيب
إنتي ليه معصبه كذا
سديم ماعطتها وجه:تصبحي ع خير..
**********
رجع من السفر ومر ع بيت خالته أم عبدالله لأنها دقت عليه..
ماحب يقول لها لا مع إنه تعبان
دخل عندهم وتقهوى عندها
وسولفت عليه وتسأله عن لميس كيفها إستغرب منها لأنها
جابت طاريها وماهتم يمكن صفت نفسها عليه والدليل إنها
نادته...
بس إستغرب لماماشاف دلال
غريبه...
لماراح بيطلع مرمن عند المجلس ووقف لماسمع إسمه وإسم لميس وصوت دلال تحكي مع وحده ماعرفها...
**********

رجع من السفر ومر ع بيت خالته أم عبدالله لأنها دقت عليه..
ماحب يقول لها لا مع إنه تعبان
دخل عندهم وتقهوى عندها
وسولفت عليه وتسأله عن لميس كيفها إستغرب منها لأنها
جابت طاريها وماهتم يمكن صفت نفسها عليه والدليل إنها
نادته...
بس إستغرب لماماشاف دلال
غريبه...
لماراح بيطلع مرمن عند المجلس ووقف لماسمع إسمه وإسم لميس وصوت دلال تحكي مع وحده ماعرفها...
**********
:والله
دلال:أيوه
:لميس زوجة رعد ولدخالتك اللي كنتي مخطوبه له
يطلع منهاهذا كله
دلال:أيوه حتى أناماصدقت في
البدايه وقلت أكيدإشاعات بس لماسمعتها بآذاني إنصدمت منها
:معقوله وإنتي كيف سمعتيها
تحاكيه..
دلال:كنت في بيت خالتي وبعدين فكرت أروح لها زياره
وأصفي النفوس يعني أعتذر لها
وبغيتها تسامحني..
:وليه تروحي تعتذري لها إنتي نسيتي إنها أخذت رعد منك..
دلال:طبعامانسيت..بس فكرت
فيها وقلت خلاص الرجال تزوج
وإختارها هي ليش أجلس أنتظره طول عمري وهو مادرى
عني وأضيع مستقبلي علشانه
صحيح أحبه بس بعد مستحيل أقضي عمري في حب واحد مايبادلني الحب ولابعد متزوج
بصراحه أنا كثير رديت خطاب
خطبوني علشانه إلى متى يعني
لين أعنس وأجلس في بيت أبوي
لاحبيبتي أنا بشوف حياتي وأتزوج هو مو أحسن مني
:يعني خلاص ماتبغينه وبتتزوجي غيره..
دلال:طبعا أبيه بس إذا هو يبغاني أما إذا مايبيني بشوف حياتي..
:آها طيب كملي
دلال:أيوه لمارحت لها سمعتها
تحكي في التلفون وتتغزل..
:طيب يمكن زوجها
دلال:أنا فكرت كذا بس لماسمعت إسمه إنصدمت
:إيش إسمه
دلال:نايــــف...أنابصراحه إنصدمت ماتوقعتها أبدا تخون رعد..يعني بصراحه تحمدربها
اللي عندها واحدمثل رعد..
:يووووه وش سويتي..
دلال:رجعت مادخلت عندها خفت تعرف إني سمعتها ورجعت...
......************
زفرت بضيق لماسمعت صوت
التلفون..كانت عارفه إن هو اللي
داق وقررت ماترد..
شغلت نفسها بتنظيف المطبخ
متجاهله صوت التلفون..
كان يرن باصرار لدرجه مزعجه
خلتها تعتقد إن ممكن يكون مو
هو...
راحت له ورفعت السماعه جاها
صوته الملهوف ووقف قلبها ...
رفعت بصرها وشافته واقف قدامها عند باب المدخل ..
تغير وجهها وتجمد الدم بعروقها من الخوف وخصوصا
نظرة عيونه اللي وقفت قلبها..
سكرت السماعه بخوف واضح
خلاه يعقد حاجبه بطريقه خوفتها..
حاولت تهدي ضربات قلبها وقالت
بدون ماتتحرك من مكانها :الحمد لله ع السلامه...
كان تفكيرها إن لو هو اللي رد
ع التلفون وقال المتصل إسمها
مرعبها ماهي قادره تتخيل ردة
فعله وخوفها من تأكيد شكوكه
فيها لو خبرته عن المزعج اللي
يلاحقها مارح يصدقها هو لله فاكرها دايره ع حل شعرها وصاحبة علاقات كيف لوقالت له عنه...ماكانت عارفه إن تفكيرها هذاوخوفها أثر ع تصرفاتها...
سمعت صوته الحاد :مين كنتي
تحاكين...
ألجمها سؤاله مع صوت التلفون
اللي رجع يدق...
حبست أنفاسها لماشافته يتقدم
ويرفع السماعه ..
رفع نظره لها بقوه وهو ينزل السماعه ويسكرها...
وإيده تنمد ويمسك إيدها بقوه
وهويعيد سؤاله بحده أكثر من قبل:سألتك مين كنت تحاكين...
غمضت عيونها بألم وهي تحس
إن إيدها بتنكسر من قوة قبضته
وقالت بصوت مرتجف:آآه كنت أحاكي داليا..
إضطرت إنها تكذب ولاتقوله عنه وإلا بيذبحها مارح يصدقها...
قال وهو يطلع كل قهره وغضبه
من اللي سمعه في يدها:داليا ها

ماهي قادره تتحمل ألم يدها
رفعت عيونها الدامعه وقالت بألم:آآه إتركني يدي تآلمني
دفها من قدامه وطاحت ع الأرض ويدها ضربت في الطاوله صرخت صرخة مكتومه
وهي تمسك يدها وتسمع صوت الباب اللي تسكر بقوه ودموعها تفجرت...
*************
نزلت تركض ع الدرج وهي تصارخ:يمــــــــــه يمــــــــــه
دخلت للصاله وأمها حاطه إيدها
ع قلبها:شفيك
سميه بفرحه:يمـــــه مـــــي ولدت
إنهبلت أمها:وشو
سميه:مي ولدت وجابت ولد
أمها دمعت عيونها:الحمدلله يارب وإختك شلونها..
سميه:بخير الحمدلله
أمها:متى ولدت وليه ماقالنا زوجها أروح معاها للمستشفى
سميه ضحكت:يمه مايبي يخوفك وأنتظر لين تولد ويتطمن
عليها..
أمها وهي طالعه من الصاله:ماجد وينه.... قوليله ياخذني لها..
ضحكت سميه لماشافت فرحة أمها وراحت تصحي ماجد...
*************
دخلت الغرفه مبسوطه:كللللللللللللللللللللو و و و و وش
إبتسمت بخجل وقالت تخفي خجلها:خير
ضمتها وباست خدودها:ألف ألف
مبرو و وك سوسو..
:ع إيش إن شاءالله..
جلست جنبها:ويـــــي تسوين
نفسك ماتدرين يعني...
جمدت ملامحها وقالت بلامبالاه
وهي تقلب في الكتاب اللي في
يدها بهدوء:ماصارشئ للحين
وبعدين أناماوافقت للحين...
شهقت:خيـــــر نعم نعم
وإن شاءالله بعد ماراح توافقين
ناظرتها ببرود:وليه يعني لازم أوافق..
قالت بحماس:لاحبيبتي بتوافقين
الولد أخلاق ودين وملح وماشاءالله عليه دكتور في الجامعه وماخذ الماجستير والأهم إنه مايدخن ومحافظ ع الصلاة شتبغين بعد أكثرمن كذا...
ضحكت:خلاص خذيه إنتي..
شهقت:لاحبيبتي أنا ماآخذ فضلة أحد وبعدين هو خطبك إنتي وقال بالحرف الواحد أبغى ساره ع سنة الله ورسوله..
ضحكت ساره:طبعا ماتاخذينه
والقلب محجوز..
أبعدت شعرها عن وجهها و
إختفت إبتسامتها لماتذكرت فيصل وقلبها يدق بقوه...
حركت إيدها قدام وجهها:يا هـــــو و و وه وين رحتي
وإلا لحبيب القلب..
ضحكت بتغيرالموضوع:أقول
لاتغيرين الموضوع
التفت لكتابها وقالت بهدوء:مادري..
عصبت وهي تسحب الكتاب عنها:والله ماراح تفكرين
وإنتي خامه هالكتب..الظاهر
بكره زوجك يدورك يلاقيك غايصه بين الكتب..
ضحكت وقالت:مادري بستخير
والله يقدم اللي فيه الخير..
رفعت إيدها بحماس:آميـــــن
وأشوفك عروسه وتفرحي ألبي
ضحكت ع هبال إختها وقلبها
يرقع داخلها شعور مخيف تحس
فيه..قبل لماكانت في الثانوي تدرس كانت تخطب بس ماكانت
تحس بشئ لأنها واثقه إنها مارح
توافق وأهلها بعد بس لماجا وقت الجد أرعبها....
************
صحت وهي تحس بألم يدها
غسلت بصعوبه لأن يدها ماتساعدها..
سوت لها نسكافيه وحاولت ماتحرك يدها كثير وجلست في
الصاله ..وتفكيرها راح للي صار
حاولت تشغل تفكيرها بشئ
ثاني لماحست بدموعها تغرق
عيونها..تنهدت تضيع غصتها...
تمددت ع الصوفا وعيونها تطالع
التلفزيون لين نامت...
صحت ونست نفسها وهي تقوم
وإتكت ع يدها غمضت عيونها
وهي تمسكها بألم:آآآآه..
انتبهت ع رعد واقف يناظرها ثم
قرب منها وجلس ع الأرض قدامها وهي جالسه ع الصوفا
ومسك يدها وسحبها له وهي سحبتها لماآلمتها..
وانصدمت لماشافتها متورمه..
بشكل يخوف..
رجع ومسكها بخفه وهو يتلمسها:شفيها...
حست برعشه بجسمها ودموعها
غرقت عيونها وهمست بألم:تآلمني..
ضغط عليها وصرخت وهي تسحبها ..شافته يناظرفيها بنظرات مافهمتها وحاجبه إنعقد وقام دخل غرفتها وطلع ..شافت معاه
عبايتها مدها لها وقال:البسيها
بآخذك ع المستشفى..
ماقدرت ترفض لأنها فعلا مو
قادره تتحمل ألمها...
قامت وساعدها بلبسها وطلعوا...
في السياره...
كانت جالسه وماسكه يدها وساكته وهي تحس بنظرات رعد ليدها ولها...
لفت وجهها للشباك بصمت ...
**************
ماسكه ضحكتها معاه وهم
يطالعوا فيها وهي جالسه وماده
بوزها شبرين وتناظر في سرير الطفل
همس لها بضحكه:الله يسترمنها
ضحكت:شوف نظراتها له يممه
تخوف الله يبعد عنه شر غيرتها..
ضحك:اللحين لنا وهي في بيت وذي في بيت ومايشوفن بعض إلاقليل ماسلمت من غيرتها تبغين هالبزر اللي أربع وعشرين ساعه قدامها يسلم إلا قولي الله يعينه...
:ماجد
التفت لأمه:هلا يمه
أم ماجد: دق ع أبوك شوف ليه
تأخر...
ماجد:بيمر ع عمي ناصر ياخذه
معاه تلاقينهم اللحين بالطريق
أم ماجد:سميه سكري القهوه
لاتبرد قبل يجي عمك
سميه:إن شاءالله
ماجد:إلا ميمي إيش بتسمون الحلو..
ناظرت فيه شهد بغيظ...وقالت
مي:إن شاءالله عبدالعزيز
ماجد حرك الكرسي المتحرك اللي جالس عليه علشان رجله
لسى مجبره ومايقدر يستخدم
العكاز علشان كتفه اللي لسى
يحس بألم فيه لمايشيل شئ
أو يضغط عليه راح للسرير الصغير وناظر في عزوز اللي كان مغمض عيونه
ووجهه أحمر وشعره خفيف:قلبو عزوز حبيب خاله...
كشرت شهد بغيظ وناظرت في
عزوز:وععع شكله وع أنا أحلى منه
مي تجاريها:أيوه حبيبتي إنتي القمر والحلا كله تعالي
تشققت من الفرحه وصعدت السرير بصعوبه وضمت أمها...
ماجد بنذاله:وععع ياشين الدلع
اللي مايلبق أبد ...والله عزوز الرجال اللي مافي مثله جاي ع
خاله..
التفتت تناظره بدلع وهي لازالت
حاضنه أمها:غيران لأن أمي تدلعن وتضمن وأنت لا أمك ماتدلعك...
رفع حاجبه وراح لأمه بابتسامه
وحضنها بدلع بيده السليمه:هذي مامي حلوة اللبن
ضحكت أمه وضربت كتفه السليم بخفه لأنه ماشاءالله عريض وجسمه ثقيل وخنقها:قوم عني خنقتني
وشوي شوي ع كتفك
أبعد وناظرفيها بدلع:تخافين علي.. تحبيني يمه
ضحكت أمه ع ولدها:أيوه أحبك
ناظر في شهد وحرك حواجبه:شفتي كيف
سميه كشرت:وععع ياشين الدلع ع الرجال مايلبق أبد ما ا ا ا اصخ
دخل أبوماجد وأبو خالد الغرفه
وسلموا ع مي..
وتحمدوا لها بالسلامه...
مي:ماجد تعال خذ عزوزي لعمي
ماجدببلاهه:أنا
مي ضحكت لماتذكرت إن كتفه مايساعده:سوري ..سميه تعالي
خذيه
قرب من سرير عزوز ناظره بخوف:أصلاهذا كيف أشيله مره صغير لا الله يعافيك أخاف يطيح مني..
ضحكت سميه:ويـــــي مايعرف
يشيل طفل أجل كيف بتشيل عيالك ها
إنحرج ماجد وإبتسم لماجت في
باله داليا...
قامت سميه:ويـــــي راح الولد
ضحك الكل وشالته سميه وهي
تسمي عليه وعطته عمها..
أبوخالد:بسم الله ماشاءالله..
أبوماجد:إلا وين سدوم
ضحكت سميه وأشرت ع الستاره المسكره :نايمه
أبو ماجد متعجب:نايمه
سميه بضحكه:أيوه أمي مجرجرتها من سريرها غصب
وهي فيها نوم وماصدقت لماشافت الجناح فيه سرير صغير ونامت فيه..
ضحك أبوماجد وأبوخالد عطاه
عزوز يشوفه..
دخلت الممرضه وأول ماشافها
ماجد كشر لأنهاتبغاه يرجع لغرفته يرتاح..
أم ماجد:روح يمه إرتاح موزين
عليك تطول وإنت جالس
ماجد ماوده:يمه مليت من السرير ماصدقت إسمحولي أطلع
أبوماجد:روح يبه معاها إرتاح
كيف تبغى كتفك ورجلك تطيب
وأنت مجهدهم
إنقهر ماجد واضطر يروح وراحت
معاه سميه....
**************
واقفه قدام المرايا تمشط شعرها البني الواصل لنص ظهرها بنعومه ولمعان كان شعرها كثيف ومقصص فرواله
معطيه شكل جذاب وعليها بيجامتها السماويه ...
وتفكيرها في دوامة فيصل ورشا ...
معقوله يكون بينهم شئ...لا لا
أكيد لا فيصل يحبني أنا مايحبها
دخلت عليها ساره ووجهها أحمر
وباين إنها خجلانه...
إنتبهت من تفكيرها وناظرت في
إنعكاس صورةإختها في المرايا باستغراب وهي تلم شعرها ذيل حصان:شفيك
جلست ساره باحراج:وافقت
شهقت بفرحه وهي تلف ع إختها وتضمها:مبرو و وك
ضحكت ساره:الله يبارك فيك وعقبالك
أمل جلست جنبها:قلتي لأمي وأبوي
حطت إيديها ع خدودها بخجل:إحرا ا ا اج أبوي سألني قدام إخوانييييي وأمييييي
إنفجرت أمل تضحك:هههههههه
ضربتها من كتفها:وووجع لاتضحكين حرام عليك حسي
وأخذت إيد أمل وحطتها ع قلبها
اللي يضرب:شوفي كيف قلبي
ضحكت أمل وهي تسحب يدها:
عادي عادي شئ طبيعي
ساره بقهر ووجههايشتعل:ورائد
النذل لمامارديت ع أبوي قام
يتمسخر علي وأحرجني يعني
غصب أقول أيوه ماقدر..أستحي
أمل ضحكت:عاد رائد والنذاله
والتمسخر إخوان مايصدق يلقى
يشئ يعلق عليه...تعالي أبوي
إيش سوى..
ساره بشماته ممزوجه بضحكه:عطاه ذيك النظره اللي خلته يبلع لسانه..
أمل:هههههههه
*****************
متمدده ع بطنها ع السرير وضامه مخدتها وشعرها الأسود
الليلي متبعثره خصلاته ع المخده وظهرها..
فتحت عيونها النجلا برموشها السود الكثيفه اللي لامست جفنها وتسمرت ع الدفتر الصغير اللي جنبها وعليه رسومات بقلم أسود زي عالمها
يحكي وحدتها وآلمها ..
يحكي معاناتها وضعفها...
إقتحم سكونها وعقلها ذاك الشاب الغريب اللي شافته في
الحديقه في يوم الحفله...
عيونه الواسعه السود الحاده وحواجبه المعقوده اللي بمثل سواد عيونه
وكأنه شايف شئ غريب ..
إبتسمت بسخريه وهي تقلب ع
ظهرها..أنا الشئ الغريب أنا
أنا النكره اللي وجودها زي عدمه..
إختفت إبتسامتها وتعلقت عيونها
ع السقف..
ماتدري هي تشوف عيونه صدق
وإلاتتخيل ..عيونه جذابه وغريبه بعثت فيها إحساس أول مره تحسه شئ عطاها سكون ..هدوء.~ شئ وقف تفكيرها شئ حسسها بشئ إسمه أمان مع رهبه~~
غمضت عيونها ..وفتحتها لماسمعت صوت تحت في الحديقه..
قامت وقربت من الشباك أبعدت
الستاره الشيفون البيضا وطاحت
عيونها عليه..
واقف بطوله الفارع ببنطلون
جينز فاتح وتيشيرت ليموني بكتابات بيضا ..
شعره الأسود اللي أصابع يده
الطويله تلعب فيه وهو متسند
ع الجدار جنب حوض الورد
ويحكي في الجوال..
غصب عنها إبتسمت .. من زمان ماشافته..
إختفت إبتسامتها لمارفع راسه
كأنه حس بوجودها وطاحت نظراته ع عيونها ولمعت ..
إبتسم إبتسامه جذابه وعيونه
متعلقه في عيونها
ماقدرت تتحرك من مكانها وتبعد
شئ خلاها متجمده مكانها
وبروده تعصف داخلها..
نزل جواله لجيبه وعيونه لازالت
تناظرها وإبتسامه جذابه تلمع منهاعيونه...

رجعت خطواتها لما شافت مرام
وريان طلعوا للحديقه...
جلست ع سريرها وماتدري إيش فيها ...
ظلت نظراتها متسمره ع الشباك
وبرود يعصفها ويحول كل خليه
فيها لقالب ثلج ....
غمضت عيونها تطرد صورته عن بالها.....
..***************
جالسه في الصاله ومتسنده تطالع التلفزيون بملل لأن أمها وإختها طالعين وإخوانها كلهم برى ..
سمعت صوت باب المدخل و
تفاجــــأت لماشافت رعد ولميس داخلين..
شهقت لماشافت يدها: سلامات شفيهايدك
لميس إغتصبت إبتسامه :
الله يسلمك طحت عليها
ريم:بسم الله عليك ماتشوفي شر
جلست لميس وهي ماسكه يدها وتحاول ماتحط عينها في
عينه ومتجاهلته...
سمعته يسولف مع ريم بإجابات
مختصره ..
رفعت راسها لماسمعت صوت
ريم تحاكيها وطاحت عيونها بعيونه...
مافهمت نظرته بس هي ناظرته
بنظرات معبره عن اللي داخلها
وحولت نظراتها لريم ترد عليها..
لمحته يقوم وإستأذن وطلع..
لميس تحس إن ريم لاحظت شئ وقالت بسرعه تسكر الموضوع:وين خالتي..
ريم سندت ظهرها :كلهم طالعين مافيه إلا أنا
لميس:وليه ماطلعت معاهم
ريم:راحوا للمستشفى رنا تزور
وحده من صاحباتها وراحت معاها أمي
لميس:ورغد ماجت اليوم
ريم:لا ياقلبي شكلهامرره تعبانه
وودها تولد بسرعه
لميس:الله يسهل عليها
ريم:دريتي إن مي ولدت
لميس:ماشاءالله إيش جابت
ريم:ولد
لميس:ماشاءالله رحتي تشوفينها
ريم:لا متفقين نروح لها في البيت إذا طلعت من المستشفى
لأنها خلاص بتطلع بكره...
رفعت ريم جوالها لما سمعت يدق وردت:هلا بندري
لميس غمزت لها بضحكه وريم
أشرت لها وهي تبتسم يعني لا
تضحكين وسولفت معاها شوي
وسمعت صوت بسام يحاكي
البندري وسمعتها تقوله إنها تحاكي ريم بس ماسمعت رده
البندري:هلا
ريم بتردد:هذا بسام
البندري:أيوه بس مادري شفيه
لماقلتله إني أحاكيك حسيته مو
طبيعي وراح
ريم بخوف:ليه
البندري بصدق:مادري من جا من المزرعه ذاك اليوم وهو متغير
مادري شفيه أحسه متضايق.
حتى ماصاريجيب طاريك قبل
كان دايم يسأل عنك واللحين
لا مادري إيش اللي مضايقه
ريم قلبها يضرب خايفه يكون
ماعاد يحبها خايفه يكون حبه
لها مجرد نزوه وراحت...
لا لا لا مستحيل لايمكن هي تحبه تحبــــه..
ماجا ع بالها أبدا إنه يكون شافها
مع عبدالله..
قالت بخوف:البندري حاولي تعرفي شفيه
البندري:أوك ولايهمك بحاول أعرف
سكرت منها وهي سرحانه فيه..
لميس:ريم شفيك..
ريم دموعها غرقت عيونها بخوف مستحيل يكون نساها..
قالت لها السالفه ولميس حست بخوفها ورق قلبها لها صحيح خافت يكون نسى ريم
وحبه لها صار مو حب لأن ريم
واضح إنها تحبه وتعشقه..
لميس إبتسمت تطمنها:يمكن متضايق من شئ
ريم:مادري مادري أناخايفه..
لميس:لاتخافين وقومي ضيفيني
من جلست ماشفت لاعصيرولا
غيره من إيديك الحلوه
ريم ضحكت وهي تقوم:إن شاءالله..
طلعت ريم ولميس ناظرت إيدها بضيق ...لمستها بأصابعها
الناعمه وعقلها يغوص في حياتها..ورعد..
****************
الكل إجتمع في بيت أبوماجد
عند مي اللي بتقضي الأربعين عند أهلها...
البنات جالسين عند سرير عزوز
ومنهبلين عليه كل وحده تاخذه
شوي من زمان ماصار عندهم
طفل صغير ومبسوطين عليه
سميه قرصت خدوده وشوي تاكله عاد هي تموت في الأطفال الصغار...
بكى عزوز والجده رفعت عصاها ع سميه تهوش عليها:إتركي الولد جعلتس للي مانيب
قايله إعنبوكن ذبحتن الولد ..تراه
آدمي ماغير تنقلنه بينكن تسنه
لعبه ..
لفت ع مي تهوشها:خوذي ولدتس لا يذبحنه هالمهبل لابارك الله فيهن...
البنات ضحكوا ع عصبية جدتهم
وخوفها وهي تناظر عزوز اللي
شايلته سديم تعطيه مي خايفه
يطيح منها....
دلال كشرت ماعجبها دعوة جدتها عليها..وهي تناظر في يد
لميس وتفكر لايكون اللي في
بالها صار ورعد ضرب لميس
وكسر لها يدها ..هي عارفه إن رعد يصير نار إذا عصب وأكيد هو اللي كسرها...
رقص قلبها فرحه لهالفكره لو
صح ...هين يالميس مابعد شفتي شئ...
قالت بدلع وهي تحط رجل ع رجل وتناظر في لميس بقصد:سلامات شفيها يدك...
إستغربت لميس منها وش عندها تسأل عنها ...وش قصدها
بنظراتها...

ريم رفعت حاجبها يعني فاهمه
عليها ...
لميس:الله يسلمك...
دلال رفعت حاجبها:كيف تعورتي
لميس:طحت عليها واللتوت
دلال مامشت عليها ومصره إلا
رعد في الموضوع:يعني معقوله من مجرد طيحه اللتوت
ومو واضح إنها مجرد اللتواء شكلها كسر....
لميس رفعت حاجبها يعني وش
تبغين بالضبط..
ريم:قالت لك اللتوت وبعدين أهم شئ إنها بخير..
دلال بقصد:يوووه عاد مانكسرت إلا يوم جا رعد غريبه
أنا قبل كم يوم شايفتك مافيك شئ ويوم جا رعد إنكسرت لايكون بس رعد السبب عاد أنا
عارفه ولدخالتي عصبي مره إذا
عصب مايعرف أمه من أبوه
إنصدمت لميس .. إيش قصدها
هذي ...
ريم إنقهرت مره وقالت:عاد ما
بغيتي رعد يعصب إلا ع لميس
مستحيل رعد يعصب ع الكل
إلالموس حبيبته إنتي ماشفتي
كيف إنهبل لماطاحت لميس ع
يدها والله إني خفت ع أخوي
لايجيه شئ من خوفه عليها..
دلال قلب لونها أحمر من القهر
ومن ريم اللي تخرب عليها كل
شئ ...نفسها تستفرد في لميس لوحدهم علشان تاخذ راحتها بس ريم واقفه في طريقها ...لازم تشوف حل ...
والحل لمع في راسها مع إنها كارهته بس بجيب راس ريم
لأنها عارفه إنها رافضته وتكرهه...
أمل تحاكي سميه:وش عندها
شهد لاصقه في أمها من اليوم
سميه ضحكت:ذابحتها الغيره
والله حسرت في أمها وفي عزوز من تشوف أمه شايلته
تنقهر وتقول ليه شايلته حطيه في سريرها ومي ياعمري تطيعها ماتبغاها تكره عزوز
ولابعد إذا شافت مي تدلعه وتلاعبه تبكي وتقول ليه ماتدلعيني وتلعبين معي...
أمل:يمه منها هالشهد ماتخلي
حقها يروح
ضحكت سميه ... وبعدها طلعوا
الكل مابقى غير أم رعد والجده
وأم عبدالله إللي كانت بتطلع بس دلال عاندت إلابتشوف رعد..
دخل رعد وأبورعد اللي من شاف دلال عصب وتغيروجهه
يعني للحين ع حالها....وتضايق
مره لماشاف يد لميس...
أبورعدبكل حنيه قهرت دلال:سلامتك يبه ماتشوفي شر
إبتسمت لميس في وجه عمها
اللي تحبه:الله يسلمك ياعمي
الشرمايجيك
مسك يدها يشوفها ويسألها عنها
وهي غصب عنها ناظرت في رعد اللي كان يسولف مع جدتها
ولاناظرفيها.....
دلال مشتغله برج مراقبه تراقب
تصرفات رعد مع لميس وتتأكد
قام رعد لسرير عزوز:وينه ولي
العهد
شاله من سريره بخفه وباس خده :ياحليله يامي مايشبهك
ضحكت مي:إصبر عليه لين يكبر
شوي وتبان ملامحه
ضمه له وهو يلاعبه وجلس جنب لميس...

الجده:ياجعلي أشوف ولدك بين
يديك إن شاءالله...
لميس غاصت في مكانها وخصوصا إن كل الأنظار صارت عليهم ...ماتدري ليه ودها تشوف ردة فعل رعد بس ماتجرأت تناظر فيه....
دلال فار دمها لماشافت إبتسامة رعد وخجل لميس...
شهد بحماس:أيه أصلا ولدكم
بيطلع حلو أحلى من عزيز لأن
أمه حلوه..
مي:شوفوا البنت يعني أنا مو حلوه ست شهد
ضحك رعد ومسك شهد وقربها منه:وليه بس ع أمه وأنا يعني
موعاجبك..
شهد:إلا إنت حلو بس لميس حلوه شعرها حلو ...
وقربت من إذن رعد وهمست ولميس سمعتها:أحسن من دلال هذيك أم كشه صفرا وعع
إبتسمت لميس ورعد كبح إبتسامته وكملت حكيها:شعرها
حلو وعيونها زرقا حلوه
لميس شافت رعد يبتسم وقرب
شهد منه وهمس بإذنها كلام
عرفت لميس من نظرات شهد
إن الحكي عنها ...وإنقهرت ودها
تعرف وش قال عنها...
شهد إبتسمت إبتسامه واسعه
سميه:من حشيت فيه ها
سديم:وش قالك شهد
شهد:مايصلح أقول هوقالي بإذني علشان مايبي أحد يسمعه
دلال طرطعت من الغيض نفسها تمسك هالبزر وتحوسها..
دق جواله وعلطول طلع
من جيبه وهو يعطي لميس عزوز وإنتبه من ملامحها إن إيدها آلمتها لأنه حطه علطول
في حضنها مع إن عزوز خفيف
جت سميه وأخذته منه ...
لميس لاحظت ضيق عيونه و
هويطالع إيدها ويرد ع جواله وهو يطلع برى....
***************
دخلت للبيت وهي قرفانه من
الحر والتعب ورمت شنطتها ع الكنب وسلمت:السلام عليكم.....
أم خالد:هلايمه روحي بدلي وتعالي تغدي بنحط الغداء اللحين...
أمل:لايمه مابي غدا بنام علطول
خالد ومعاه الجريده يناظرفيها:
شفيك تافله العافيه ...هذا و
هو أول يوم لك في الجامعه أجل الأيام الجايه وش بتسوين
أمل:الله يعين مره تعب رجولي
تكسرت من المشي بهالحر يازين المدرسه بس
ضحك خالد وهو يرجع يقرا الجريده:عاد تحملي هذي الجامعه وهذا تعبها ...
أمل:إلا غريبه إنت في البيت ماداومت في المستشفى...
خالد وعيونه ع الجريده:بداوم
العصر...
صعدت أمل لغرفتها ومرت غرفة ساره ماشافتها موجوده
يعني للحين مارجعت ...
**************
رجعت من الجامعه ودخلت البيت ماشافت أحد في الصاله
إستغربت وصعدت فوق وشافت
عادل طالع من غرفته مستعجل وأول ماشاف ريم
شق الإبتسامه ...
ريم:أهلين وش عندك
عادل بفرحه:عندي لك خبر بمليون
أمل:وشو
عادل:رغوده ولدت وجابت توأم
ولد وبنت
صرخت ريم من الفرحه:
وا ا ا ا ا ا ا ا ا ا ا ا ا ا ا ا ا ا ا ا
إحلـــــــــــــــف
ضحك عادل:والله اليوم الصباح ولدت وأمي وأبوي راحوا لها
وأنا اللحين بروح أشوفها..
رمت شنطتها وركضت لغرفتها
وهي تصارخ:لا ا ا ا ا اتروووح
برووووح معا ا ا اك إنتظرنـــــي
نزل تحت ينتظرها وريم دخلت
غرفتها ميته من الوناسه أخذت
شور سريع ولبست أول لبس قدامها وأخذت عباتها ونزلت بسرعه......
*************
قامت من ع السرير وهي مثبته الجوال بين كتفها وإذنها وبإيدها المناكير
:لا حبيبي شدعوه
حطت المناكير ع الطاوله وهي
تسمع صوته العتبان:يعني توعديني إنك تطلعين معي
وآخرتها تسحبين علي يعني هذا
قدر حبك لي
إبتسمت بحب:إنت عارف إنك
أموت فيك وأحبك ومومتخيله
حياتي من غيرك وتقول هالحكي
إبتسم:طيب إثبتي لي حبك وخليني أشوفك ..حرام عليك
يابنت بتذبحيني من الشوق
ضحكت :بسم الله عليك ياعمري
خلاص ولايهمك أصلا أنا بعد مشتاقه لك وأتمنى أشوفك
إبتسم:حلو...طيب متى ياقلبي..
جلست ع السرير وهي تناظر في أظافيرها المصبوغه بمناكير
أحمر:الوقت اللي تحب أنا حاضره كم عندي بندر أنا واحد
وأحبه وماقدر ع زعله....
إبتسم:يابعد هلي كلهم خلاص
يعني أشوفك اليوم....
عقدت حاجبها:لا حبيبي إعذرني
أختي اليوم والده وبنروح لها كلنا اليوم وماقدر ماروح ..شرايك
بكره أحسن ...
بندر:أوك بكره بكره بس هااا مو بعدين تسحبين علي وتقولين
ماقدر
رنا ضحكت:لا خلاص بكره
***************
سكر الجوال وهو يلعب فيه
وإبتسامته شاقه وجهه وعيونه
تلمع بتوعد.....
:ها شصار عليك متى....
بندر غمز له:بكره
:موتقولي بكره وتخلف
بندر قام:لابكره وجهز كل شئ
:طيب إنت عارف كيف تجيبهم
بندربثقه:طبعا...
طلع مفتاح ومده له:وهذا مفتاح
الشقه جاهز...
أخذ ودخله في جيبه:حلو....
****************
دخلت الغرفه وبإيدها كتابها
وشافت إختها جالسه وحايسه
بين أكياسها....
دانه:متى جيتي من السوق...
داليا وهي تفرغ كيس:قبل شوي
دانه جلست ع طرف السرير:ما
خلصتي من جهازك
داليا:لا لسى باقي...
دانه:الله يعينك ...وشخبار مجود
داليا ناظرتها:نعم قولي ماجد خير مجود
دانه:تغارين بعد
داليا:طبعا حبيبتي
دانه:ماشوفه جا يزورك زي الناس
داليا ضحكت:وده يجي بس أنا
موراضيه قلتله زواجنا قرب ومايصير يجي...
دانه بدهشه:حرام عليك ويـــن
زواجكم قرب لسى
ضحكت داليا:عارفه بس أنا مابغاه يجي ياإختي ماجد جرئ
وأخاف يفضحني عند أهلي
ضحكت دانه:ههههه آها علشان
كذا
قطع عليهم صوت جوال داليا
اللي نطت من مكانها له وأخذته
وإبتسامتها ع وجهها..
دانه ضحكت: شوي شوي والله الخوف منك مو منه
أخذت المخده ورمتها عليها ووجهها يحمر:إنقلعـــــي وإطلعي وسكري الباب...
ضحكت وطلعت وسكرت الباب خلفها......
جلست ع سريرها وردت عليه
وجاها صوته العشقان:هلا حبيبتي...
*****************
جالسه ع سريرها بعد مابدلت
لبس الجامعه وأخذت شور بعد
التعب والحر اللي أرهقها وزاد
عليها ألم يدها ...
ماسكه يدها ومنزله راسها وشعرها الكستنائي المبلول
مغطي وجهها ومخفي ملامحها
المجهده ...وعليها بيجامتها البيضا
الحرير...
رفعت راسها للباب وإيدها تبعد
شعرها المبلل عن وجهها لما
حست بوجود أحد...
شافته واقف يناظر فيها ومشى
ناحيتها وهو يقول:شفيها يدك
ماردت عليه ومالقت نفسها إلا
توقف وتضم يدها...
وجوده قربها وصوته الهادي
يلجمها الحروف تتبخر لما تحط
عينهابعيونه الناعسه اللي تربكها
...
حست بأصابعه ع يدها يرفعها
ويناظر فيها وأصابعه تتلمسها:
للحين تآلمك...
ناظرت في يده اللي حاضنه يدها ودفاها تحس فيه وهمست:أيوه
رفع عينه يناظرها:شكلك مجهدتها اليوم ...
سحبت يدها من يده وعينها تعلقت بعيونه للحظات ...
تحس نفسها ودها تقوله شئ
داخلها حكي وحروف ماقدرت
تصفها وتعبر عنه...ومشكلتها
ماتدري وشو...
بس تحس إن ودها تقوله حكي
بس إيش هو ماتدري...
دقات قلبها مومخليتها تركز
وتعرف إيش...
شافته يلتفت للباب يناظره وإيده
داخل جيب بنطلونه ثم التفت
يناظرها:لبسي عباتك باخذك ع
المستشفى يشوفون يدك ومنها
نمر ع رغد...
قالت بحيره:رغد
إبتسم وقال:أيوه اليوم الصباح
ولدت وجابت توأم...
شهقت بفرحه ماقدرت تكبتها
وتعلقت بذراعه:
إحلــــــــــــــــــــف...
تفاجأ منها و إبتسم وقال:والله...
إنتبهت ع نفسها وإنحرجت وبان
ع وجهها وأبعدت عنه...
زادت إبتسامته وعيونه تتأمل
وجهها الفاتن...
فجأه إختفت إبتسامته ولف طالع وهو يقول بجمود وصرامه:بسرعه
ظلت واقفه مكانه وعيونها ع
ظهره وهو طالع ...
تعودت ع أسلوبه وتصرفاته معاها مرات يحن عليها وتشوفه
غير كل شئ فيه غير نظرته..
حكيه..إبتسامته لها... بس دقايق
وتختفي وكأنه ندم ع تصرفه
وينقلب عليها...
وهذا شئ يقهرها يحطمها...
والأهم شعور الحزن صار يتولد
داخلها إذا جافاها وخانقها...
طردت الأفكار عنها وبدلت لبسها
ولبست عباتها وطلعت...
************
:وه وه يا ا ا ا ا انا ا ا اس
ضربها ع جبينها :و و و وجع قصري حسك إحنا في مستشفى
قربت من سرير البنت:تجنن
يالبى هالطله أحلى من الولد
شد شعرها بخفه:هــــــي أحترمي نفسك لاتغلطين الولد
أحلى شبيه خاله عادل
كشرت وهي تمسك شعرها:
ومن قال إنه يشبه لك روووح زين
عادل:غصب عنك أجل البنت اللي تشبه لك
:طبعا تشبه لي ماتشوفها تخبل
عادل:وعع بسم الله عليهامنك
يا شبيهة شمس
شهقت بروعه:أنـــــــــــا
عادل ببرود:أيوه إنتي
رغد:خلاا ا ا اص تراكم صجيتوا
راسي أنا تعبانه وأنتو قاعدين
تتعاندون عندي
ريم مدت بوزها:هو اللي بدا
مو أنا
إنفتح الباب ودخلوا:السلام عليكم
شهقت:ميســـــــــــو
ضمتها بقوه ومسكها رعد من
ظهرها وسحبها:إبعدي ماتشوفين يدها
ضحكت:سوري نسيت بس والله واحشتني
عادل بتريقه:عاد إنتي لو تطلع
لميس اللحين دقيقه وترجع إنهبلتي وقلتي إشتقت لها....
سلموا ع رغد وتحمدوا لها بالسلامه وباركوا لها...
رغد:سلامات ميسو
لميس:الله يسلمك
ريم:كيفها يدك
لميس:أحسن
رغد:داومتي اليوم في الجامعه
لميس:أيوه داومت
رغد:ليه كان مارحتي
ريم:قلتلها بس ماتسمع إلا بتروح
لميس إبتسمت....
قام رعد يشوف التوأم :ماشاء
الله ياحليلهم
ريم:البنت تشبه لي صح
عادل:أناعاد الولد شبيهي

رعدضحك:ولاواحد فيكم

****************
"أيوه أحبه أحبه وأكرهـــــك أكرهـــــــك إنت ماتفهم خل عندك كرامك أكرهــــــــك "
ضم راسه بإيديه بقهر وصوتها
يتردد في راسه..
نظراتهم العشقانه لبعض ..إبتسامته لها لماكانوا في السوق
زادت النار في جوفه...
تحبيه ياريم تحبي بساموه ..وتكرهيني..
وترمينها في وجهي بعد وتهينيني
وأنا اللي طول عمري ماشوف
غيرك وماحبيت غيرك..
وآخرتها تهينيني بهالشكل ..
رفع راسه وعيونه تشتعل حقد
كلماتذكر لماراح لبيت خالته ...
وسمعها تحاكي البنات وتهينه..
:أكرهه وماأطيق أشوف رقعة
وجهه أنا يالله متحمله خواته يجيني هو بعد.......أصلا هو ماعنده كرامه فاكرني بناظر فيه
وإلا بهتم له لمايتلزق فيني ويلاحقني ويقول أحبك حبه برص إن شاءالله........أنا لايمكن أناظرفيه هوحي الله ولد خالتي لاأكثر ولاأقل...
ضرب قارورة المشروب اللي قدامه وإنكب السائل الأصفر اللي داخلها ...
وجاله صوت صاحبه اللي مرمي
جنبه بثقل:ششـ ـ ـ ففيـك إنت
تتراه بـ ـ ـففلوس
ناظرفي والصداع يضرب في
راسه والحقد والنار اللي في
قلبه تتفجرداخله:مافيني شئ
ضحك صاحبه بشكل مقزز:ههههههههههه عـ عـبـ ـ ود لا
لا يكوون تتفكر في ريـ ـ ـمك
شرب الكاس دفعه وحده ورماه ع الأرض وهومطنش صاحبه اللي قاعد يهذر عليه
وقام وهو يمشي بثقل وطلع
من الغرفه وشاف ريان جالس
ع الكنبه والكاسات قدامه وعقله مو معاه وجنبه وحده رايح عقلها معاه بلبس فاضح
ولاصقه فيه وأصوات الأغاني
تصدح في الشقه ...<<والعياذ بالله...
مشى للباب وفتحه وطلع وسكره....
*************
جالسه في الصاله وعيونها تناظر في الدرج بحقد وقهر
كلما تذكرت زياد لما جا بيودع
تولين لأنه بيسافر ...
والقهر ذابحها تذكر إنه ماناظر
فيها ولاعطاها وجه وكأنها تمثال قدامه...
لماقربت منه بتلفت إنتباهه وتحاكيه صدها ودفها عنه بقرف
وخانقها ليه تقرب منه....
للحين تحس بالنار داخلها إذا
تذكرت حكيه ونظرات الكره
والإشمئزاز لمايشوفها.....
وحنانه وحبه لمايشوف تولين...
فجـــــــأه....
إبتسمت بفرحه وحقد لماتذكرت
إن البيت فاضي والجو فضى لها
ومافيه غيرها واللي أخذت منها
اللي تمنته ....
***************
دخل للبيت وشاف أمه وإخته
جالسين في الصاله:السلام عليكم....
قرب من أخته وسلم عليها:هلا
رهوف كيفك
رهف:تمام الحمدلله
باس راس أمه وجلس:وشخبار
زوجك صرنا مانشوفه
إبتسمت:كان هنا قبل شوي مع
أبوي
دخلت أمل:السلام عليكم
سولفوا شوي وقالت أمل:ها يمه بتروحين للزواج اليوم...
خالد:أي زواج
أمل:زواج منصور ولد أم منصور
ال...
خالد:ماشاءالله
أم خالد:وإنت يمه متى بفرح فيك
دخل أبوخالد :السلام عليكم
باس راس أبوهم وجلسوا...
أم خالد:ها يمه ماودك تفرحني
وتفرح أبوك
خالد إبتسم:قريب يمه
أبوخالد بلهجه لاتقبل النقاش:
خلاص إخطبي له رنا بنت أخوي
خالد انصدم...وأمل موأقل من
صدمته تضايقت مره صحيح ماتبغى أخوها ياخذ
رنا المغروره بعد اللي شافته منها بس ماتقدر تقول شئ....
أم خالد إبتسمت:والله والنعم
ها يمه
خالد منصدم مايدري إيش يقول
الفرحه مو سايعته ...صحيح كان
يبغى يصبر شوي لين يتأكد من
مشاعر رنا له بس دامها جته من أبوه مستحيل بضيعها من إيده.....
خالد:اللي تشوفه يبه والوالده..رنا بنت عمي ومابلقى مثلها...
أبوخالد:خلاص ع البركه بكره
نروح ونخطبها لك من عمك ..
***************
واقفه عند شباك غرفتها وتناظر
الحديقه وعقلها معاه لما جا
لها يودعها تذكر نظرة عيونه وحكيه يوصيها ع نفسها وإنها تحاول ماتحتك في إختها وتقابلها
تظل في غرفتها ....كان واضح إنه ماوده يسافر ....
تنهدت بضيق ولفت للباب لماانفتح نسيت تقفله وشافت
إختها واقفه قدامها وعيونها اللي
مليانه شر تطالع فيها...
تجمد مكانها برعب لماشافت إختها تدخل وخلفها صاحباتها اللي كانوا معاها قبل...
لصقت بالجدار بخوف لماأشرت
إختها ع صاحباتها يمسكوها...
مسكوها وصفعتها كف بكل قوتها ورفستها برجلها وصرخات
تولين تتردد بالغرفه وتترجاها
تتركها بس مرام الحقد والكره
عمى قلبها وإنتزع منها الرحمه
كانت تضربها بحقد وبكل قوتها
تطفي النار اللي داخلها وهي
تصارخ عليها:أكرهـــــــك أكرهـــــــك ...ليـــــــه يحبك
ليـــــــه إيش شايف فيك مايشوفه فيني أكرهـــــــك
إنتـــــــي بتحطمي حياتي بتاخذيه مني ليتك تموتي وأفتك
منك ليـــــــت...أكرهـــــــك

صاحباتها إنصدموا من إنهيارها
ودموعها وهي تضرب تولين
اللي مرميه ع الأرض وآنينها و
صراخها مختلط بصراخ مرام
يتردد بالغرفه....
قفلت عليها باب الغرفه وطلعت
فلوس من جيب بنطلونها ورمتها
ع صاحباتها اللي إنبسطوا لما
شافوا إن المبلغ كبير ..
دخلت غرفتها وهي يالله تتنفس
ناظرت وجهها الأصفر اللي مليان
دموع والحقد اللي للحين في عيونها...
حطت إيدها ع بطنها ورفعت بلوزتها وشافت الإنتفاخ البسيط
في بطنها ...
رمت كل شئ ع التسريحه :مستحيــــل لا لا ... موأنا اللي يصير فيها لا المفروض تولين هي اللي تتعذب مو أنا.....
مسكت جوالها ودقت ع رقمه
هذا عاشر إتصال تتصل عليه
مايرد ...
رمت الجوال بقوه ع الأرض ..
*************
كانت جالسه في الصاله تفكر
كيف تقول لرعد إنها تبغى تروح
تشوف هند وتبارك لها ع خطوبتها ..أكيد بيعصب وبيقول
لا....
إنتبهت ع صوته :السلام عليكم
راح لغرفته ..وهي ظلت جالسه
تنتظره لين يطلع من الغرفه وتقوله...
إنتظرته بس ماطلع..قامت وراحت لغرفته ..دقت الباب ماسمعت رد بس غصب عنه
بتقوله...
دخلت وماشافته...
التفتت وشافته طالع من الحمام
وشكله تفاجأ لماشافها..
إنحرجت لأن شكله ماخذ شور عليه منشفه ع خصره ..
صدت بوجهها ورجعت بتطلع و
هي تلوم نفسها دايم تطيح في
هالموقف..
رعد وقفها بصوته:إذا تبغين شئ
قوليه لأني بنام..
ودخل غرفة الملابس ..
لميس:أبغى أروح لهند اليوم
طلع رعد عليه بنطلون أسود
بدون بلوزه :لا مارح تروحين
لميس:ليه
رعد:مو إنتي سألتيني وأنا قلت
لا خلاص من غير ليه..
لميس برجا:طيب ليه أبي أفهم
رعد تمدد ع سريره:تبين تشوفينها تجيك عندك لكن تروحين لها لا وإنتهى الموضوع
إنقهرت لأنهاعرفت السبب وطلعت من الغرفه معصبه ..
************
صرخ بعصبيه:إنتي مالك دخل
إسكتي أحسن..
قالت بقهر:إلا لي دخل..تبغى تتزوج ريموه اللي أخوها أهان إختك وتجيبها عندنا مستحيل..
:والله عاد أخوها هذا اللي ع قولتك أهانك للحين تحبينه وتبغينه ياخذك...
:دلال عبدالله بس عاد تراكم صجيتوا راسي...
دلال ودموعها ع خدهاصرخت
فيه:أيوه أحبه وباخذه غصب عن
اللي مايرضى..فاهـــم
وركضت لغرفتها تبكي..
أم عبدالله:ليه ياعبدالله حرام
عليك
عبدالله:يمه هي الغلطانه والمفروض إنها تنسى هالرعد
اللي ذبحتنا فيه....
جلس عند أمه:واللحين متى بتحاكين خالتي وتخطبينها...
أم عبدالله:مواللحين تونا إصبر
شوي لين تنخطب رنا وبعدها يصير خير
عبدالله وقف مقهور:يمه إذا ما
خطبتيها أنا بخطبها...
***************
دخل للصاله وشاف إخته جالسه عند التلفون وتحكي...
جلس عندها وأخذ الريموت وشغل الt.v....
جمدت إيده لماسمع إسم سديم والتفت لأخته يناظرها...
أمل:كيفك .....الحمدلله....ههههه
حرام عليها للحين محسره فيه......ياعمري ....طيب مادخلتوها الروضه.......ههههههههههههههه خطيـــــره
نظراته متسمره ع إخته ويحس
وده يسمع صوتها ....
رفع جواله لماسمعه يدق وشاف المتصل فـــرح ...
ناظر في الشاشه للحظه وهو
يجهل مشاعره ...
حطه ع الصامت ورجع يدق ورجع حطه ع الصامت ورماه
جنبه ع الكنبه...
أمل : رائـــد ليه ماترد
التفت لإخته:مالي خلق بعدين
رفعت حاجبها وقالت بحماس:شفت شهد بنت مي بنت عمتي
رائد إبتسم لماتذكرها:أيوه شفيها
أمل ضحكت:والله ياهي خطيره..دخلتها أمها للروضه
وأول يوم رجعت منها وهي معصبه ورمت الشنطه ع امها وقالت(تقلد صوت شهد)مانيييييب
را ا ا ايحه
ولماسألتها أمها ليه قالت :بزا ا ارينن صجوا راسي...
رائد مات ضحك:هههههههههههههههههههههه لايالكبيره
أمل:ههههه وقسم بالله فضيعه
هالبنت
سكت رائد وتنحنح يضيع ضحكته وقال مع إنه عارف مين:مين قالك
أمل:سدوم بنت عمتي
رائد إبتسم وطلع من الصاله
أمل:وجوالك...
أخذت جواله وبتعطيه إياه ودق
بإيدها شافت المتصل ولقته
فيصل....
وقفت وعيونها ع صورته الله
نورت الشاشه بابتسامته اللي
جمدتها تحسه يبتسم لها هي...
إبتسمت وإختفت صورته لما سكن صوت الجوال ......
*************
جالسه في الصاله معصبه ومقهوره لأن رعد رفض إنها
تروح لهند...واللي زاد قهرها السبب...
سمعت صوت غرفته وعرفت
إنه صحى ..

قررت تطنشه وتسفهه لأنها لو
حكت معاه بتنفجرمن القهر...
سمعت صوته يقول وهويجلس
ع الكنبه:قومي إجهزي بنروح لخالتي...
إنقهرت وقالت وهي تحط رجل ع رجل:مارح أروح...
رعد:وليش إن شاءالله مارح تروحين..
لميس قامت بتروح غرفتها:كذا
مابي...
مقهوره منه لماقالت له بتروح
لهند يرفض واللحين يقول لها
روحي لخالتي...
حست بيده تمسكها بقوه وتلفها
له:لما أحاكيك ماتعطين ظهرك
وتمشين
حاولت تفك ذراعها من يده
وهي حابسه دموعها:إترك يدي
مابي أروح مابي..
رفع صوته بعصبيه وانتفضت من
صوته:أنا ماطلبت رايك أنا قررت
ولامحتاج رايك بتروحين يعني
بتروحين...
لميس نزلت دموعها:مابي مو ع كيفك متى مابغيتني أطلع طلعت
للي تبغاه و...
قطع حكيها صوت ضحكته الساخره وشد قبضته ع ذراعها:تصدقين زين إنك قلتي لي....أنا
زوجك وكيفي آخذك للي أبغاه
إلاصاحبتك هذي اللي مسويه
المناحه هذي علشانها هذا إذا
علشانها موعلشان غيرها....
إنصدمت منه لأنه يقصد بدر...
فلتت يدها منه وقالت ببكا:قلتلك
مافي شئ بيني وبينه إنت ليه مو
مصدقني....
دخلت غرفتها وسكرت الباب بقوه وقهر......
**************
إبتسمت بضيق لماشافت أخوها
واقف عند المرايه يعدل غترته
وإبتسامته ع وجهه ...
التفت لها وقال بابتسامه:ها شرايك
إبتسمت:أحلى عريس ....مبروك
ياخوي
إبتسم:الله يبارك فيك
قربت منه أمه تبخره وهي تدعيله بفرح....
:كللللوش وأخيرا أعتقنا
ضحك خالد لماشاف رائد نازل
من ع الدرج لابس ثوب وشماغ
وكاشخ...
رائد:عاد يمه بخريني أنا بعد
تراني أنا اللي بشرفه وبروح أخطبه له...
أمل:مو إنت أبوي الله يخليه لنا
قربت منه أمه وبخرته:عقبال ماأفرح فيك إنت بعد
رائد:آميـــن
نزل أبوخالد وطلعوا ...
وأم خالد تدعي لولدها...
ناظرت أمل في أخوها خالد
وهو طالع والفرحه في عيونه
كانت شاكه إنه يحب رنا واللحين
تأكدت....
بس خايفه رنا تكسر قلبه وتخرب فرحته وترفضه....ماراح
تسامحها لو سوتها....مو متخيله
ردت فعل أخوها....
****************
طلعت فستان نعوم تلبسه إذا
راحت مع حبيبها بندر وهي فرحانه باقي كم ساعه وتشوفه
زينت وجهها بالميك أب ناعم
أبرز جمالها...
وتركت شعرها منسدل ع أكتافها
بشكل جذاب...
التفت للباب وشافت ريم داخله:السلام...
تفاجأت لماشافتها متزينه:بتطلعين
رنا:أيوه بس مو اللحين معزومه
ع خطوبة صاحبتي..
ريم:آها إممم عمي ناصر وعياله تحت
رنا رفعت حاجبها:طيب
ريم:غريبه مو عادتهم يجونا اللحين
رنا:عادي
دخلت أم رعد بفرحه:مبروك يمه
رنا إستغربت:ع إيش
أم رعد:عمك تحت مع أبوك يخطبك لخالدولدعمك
شهقت رنا:إيـــــــش
ريم فرحت:مبرووك رنو
رنا ناظرتها بقهر:ع إيش إنتي
بعد....
التفتت لأمها:أنا موموافقه
أم رعد:ليش...
رنا بغرور:تبغيني أنا رنا آخذ خلودولدعمي

ريم رفعت حاجبها يعني فاهمه
عليها ...
لميس:الله يسلمك...
دلال رفعت حاجبها:كيف تعورتي
لميس:طحت عليها واللتوت
دلال مامشت عليها ومصره إلا
رعد في الموضوع:يعني معقوله من مجرد طيحه اللتوت
ومو واضح إنها مجرد اللتواء شكلها كسر....
لميس رفعت حاجبها يعني وش
تبغين بالضبط..
ريم:قالت لك اللتوت وبعدين أهم شئ إنها بخير..
دلال بقصد:يوووه عاد مانكسرت إلا يوم جا رعد غريبه
أنا قبل كم يوم شايفتك مافيك شئ ويوم جا رعد إنكسرت لايكون بس رعد السبب عاد أنا
عارفه ولدخالتي عصبي مره إذا
عصب مايعرف أمه من أبوه
إنصدمت لميس .. إيش قصدها
هذي ...
ريم إنقهرت مره وقالت:عاد ما
بغيتي رعد يعصب إلا ع لميس
مستحيل رعد يعصب ع الكل
إلالموس حبيبته إنتي ماشفتي
كيف إنهبل لماطاحت لميس ع
يدها والله إني خفت ع أخوي
لايجيه شئ من خوفه عليها..
دلال قلب لونها أحمر من القهر
ومن ريم اللي تخرب عليها كل
شئ ...نفسها تستفرد في لميس لوحدهم علشان تاخذ راحتها بس ريم واقفه في طريقها ...لازم تشوف حل ...
والحل لمع في راسها مع إنها كارهته بس بجيب راس ريم
لأنها عارفه إنها رافضته وتكرهه...
أمل تحاكي سميه:وش عندها
شهد لاصقه في أمها من اليوم
سميه ضحكت:ذابحتها الغيره
والله حسرت في أمها وفي عزوز من تشوف أمه شايلته
تنقهر وتقول ليه شايلته حطيه في سريرها ومي ياعمري تطيعها ماتبغاها تكره عزوز
ولابعد إذا شافت مي تدلعه وتلاعبه تبكي وتقول ليه ماتدلعيني وتلعبين معي...
أمل:يمه منها هالشهد ماتخلي
حقها يروح
ضحكت سميه ... وبعدها طلعوا
الكل مابقى غير أم رعد والجده
وأم عبدالله إللي كانت بتطلع بس دلال عاندت إلابتشوف رعد..
دخل رعد وأبورعد اللي من شاف دلال عصب وتغيروجهه
يعني للحين ع حالها....وتضايق
مره لماشاف يد لميس...
أبورعدبكل حنيه قهرت دلال:سلامتك يبه ماتشوفي شر
إبتسمت لميس في وجه عمها
اللي تحبه:الله يسلمك ياعمي
الشرمايجيك
مسك يدها يشوفها ويسألها عنها
وهي غصب عنها ناظرت في رعد اللي كان يسولف مع جدتها
ولاناظرفيها.....
دلال مشتغله برج مراقبه تراقب
تصرفات رعد مع لميس وتتأكد
قام رعد لسرير عزوز:وينه ولي
العهد
شاله من سريره بخفه وباس خده :ياحليله يامي مايشبهك
ضحكت مي:إصبر عليه لين يكبر
شوي وتبان ملامحه
ضمه له وهو يلاعبه وجلس جنب لميس...

الجده:ياجعلي أشوف ولدك بين
يديك إن شاءالله...
لميس غاصت في مكانها وخصوصا إن كل الأنظار صارت عليهم ...ماتدري ليه ودها تشوف ردة فعل رعد بس ماتجرأت تناظر فيه....
دلال فار دمها لماشافت إبتسامة رعد وخجل لميس...
شهد بحماس:أيه أصلا ولدكم
بيطلع حلو أحلى من عزيز لأن
أمه حلوه..
مي:شوفوا البنت يعني أنا مو حلوه ست شهد
ضحك رعد ومسك شهد وقربها منه:وليه بس ع أمه وأنا يعني
موعاجبك..
شهد:إلا إنت حلو بس لميس حلوه شعرها حلو ...
وقربت من إذن رعد وهمست ولميس سمعتها:أحسن من دلال هذيك أم كشه صفرا وعع
إبتسمت لميس ورعد كبح إبتسامته وكملت حكيها:شعرها
حلو وعيونها زرقا حلوه
لميس شافت رعد يبتسم وقرب
شهد منه وهمس بإذنها كلام
عرفت لميس من نظرات شهد
إن الحكي عنها ...وإنقهرت ودها
تعرف وش قال عنها...
شهد إبتسمت إبتسامه واسعه
سميه:من حشيت فيه ها
سديم:وش قالك شهد
شهد:مايصلح أقول هوقالي بإذني علشان مايبي أحد يسمعه
دلال طرطعت من الغيض نفسها تمسك هالبزر وتحوسها..
دق جواله وعلطول طلع
من جيبه وهو يعطي لميس عزوز وإنتبه من ملامحها إن إيدها آلمتها لأنه حطه علطول
في حضنها مع إن عزوز خفيف
جت سميه وأخذته منه ...
لميس لاحظت ضيق عيونه و
هويطالع إيدها ويرد ع جواله وهو يطلع برى....
***************
دخلت للبيت وهي قرفانه من
الحر والتعب ورمت شنطتها ع الكنب وسلمت:السلام عليكم.....
أم خالد:هلايمه روحي بدلي وتعالي تغدي بنحط الغداء اللحين...
أمل:لايمه مابي غدا بنام علطول
خالد ومعاه الجريده يناظرفيها:
شفيك تافله العافيه ...هذا و
هو أول يوم لك في الجامعه أجل الأيام الجايه وش بتسوين
أمل:الله يعين مره تعب رجولي
تكسرت من المشي بهالحر يازين المدرسه بس
ضحك خالد وهو يرجع يقرا الجريده:عاد تحملي هذي الجامعه وهذا تعبها ...
أمل:إلا غريبه إنت في البيت ماداومت في المستشفى...
خالد وعيونه ع الجريده:بداوم
العصر...
صعدت أمل لغرفتها ومرت غرفة ساره ماشافتها موجوده
يعني للحين مارجعت ...
**************
رجعت من الجامعه ودخلت البيت ماشافت أحد في الصاله
إستغربت وصعدت فوق وشافت
عادل طالع من غرفته مستعجل وأول ماشاف ريم
شق الإبتسامه ...
ريم:أهلين وش عندك
عادل بفرحه:عندي لك خبر بمليون
أمل:وشو
عادل:رغوده ولدت وجابت توأم
ولد وبنت
صرخت ريم من الفرحه:
وا ا ا ا ا ا ا ا ا ا ا ا ا ا ا ا ا ا ا ا
إحلـــــــــــــــف
ضحك عادل:والله اليوم الصباح ولدت وأمي وأبوي راحوا لها
وأنا اللحين بروح أشوفها..
رمت شنطتها وركضت لغرفتها
وهي تصارخ:لا ا ا ا ا اتروووح
برووووح معا ا ا اك إنتظرنـــــي
نزل تحت ينتظرها وريم دخلت
غرفتها ميته من الوناسه أخذت
شور سريع ولبست أول لبس قدامها وأخذت عباتها ونزلت بسرعه......
*************
قامت من ع السرير وهي مثبته الجوال بين كتفها وإذنها وبإيدها المناكير
:لا حبيبي شدعوه
حطت المناكير ع الطاوله وهي
تسمع صوته العتبان:يعني توعديني إنك تطلعين معي
وآخرتها تسحبين علي يعني هذا
قدر حبك لي
إبتسمت بحب:إنت عارف إنك
أموت فيك وأحبك ومومتخيله
حياتي من غيرك وتقول هالحكي
إبتسم:طيب إثبتي لي حبك وخليني أشوفك ..حرام عليك
يابنت بتذبحيني من الشوق
ضحكت :بسم الله عليك ياعمري
خلاص ولايهمك أصلا أنا بعد مشتاقه لك وأتمنى أشوفك
إبتسم:حلو...طيب متى ياقلبي..
جلست ع السرير وهي تناظر في أظافيرها المصبوغه بمناكير
أحمر:الوقت اللي تحب أنا حاضره كم عندي بندر أنا واحد
وأحبه وماقدر ع زعله....
إبتسم:يابعد هلي كلهم خلاص
يعني أشوفك اليوم....
عقدت حاجبها:لا حبيبي إعذرني
أختي اليوم والده وبنروح لها كلنا اليوم وماقدر ماروح ..شرايك
بكره أحسن ...
بندر:أوك بكره بكره بس هااا مو بعدين تسحبين علي وتقولين
ماقدر
رنا ضحكت:لا خلاص بكره
***************
سكر الجوال وهو يلعب فيه
وإبتسامته شاقه وجهه وعيونه
تلمع بتوعد.....
:ها شصار عليك متى....
بندر غمز له:بكره
:موتقولي بكره وتخلف
بندر قام:لابكره وجهز كل شئ
:طيب إنت عارف كيف تجيبهم
بندربثقه:طبعا...
طلع مفتاح ومده له:وهذا مفتاح
الشقه جاهز...
أخذ ودخله في جيبه:حلو....
****************
دخلت الغرفه وبإيدها كتابها
وشافت إختها جالسه وحايسه
بين أكياسها....
دانه:متى جيتي من السوق...
داليا وهي تفرغ كيس:قبل شوي
دانه جلست ع طرف السرير:ما
خلصتي من جهازك
داليا:لا لسى باقي...
دانه:الله يعينك ...وشخبار مجود
داليا ناظرتها:نعم قولي ماجد خير مجود
دانه:تغارين بعد
داليا:طبعا حبيبتي
دانه:ماشوفه جا يزورك زي الناس
داليا ضحكت:وده يجي بس أنا
موراضيه قلتله زواجنا قرب ومايصير يجي...
دانه بدهشه:حرام عليك ويـــن
زواجكم قرب لسى
ضحكت داليا:عارفه بس أنا مابغاه يجي ياإختي ماجد جرئ
وأخاف يفضحني عند أهلي
ضحكت دانه:ههههه آها علشان
كذا
قطع عليهم صوت جوال داليا
اللي نطت من مكانها له وأخذته
وإبتسامتها ع وجهها..
دانه ضحكت: شوي شوي والله الخوف منك مو منه
أخذت المخده ورمتها عليها ووجهها يحمر:إنقلعـــــي وإطلعي وسكري الباب...
ضحكت وطلعت وسكرت الباب خلفها......
جلست ع سريرها وردت عليه
وجاها صوته العشقان:هلا حبيبتي...
*****************
جالسه ع سريرها بعد مابدلت
لبس الجامعه وأخذت شور بعد
التعب والحر اللي أرهقها وزاد
عليها ألم يدها ...
ماسكه يدها ومنزله راسها وشعرها الكستنائي المبلول
مغطي وجهها ومخفي ملامحها
المجهده ...وعليها بيجامتها البيضا
الحرير...
رفعت راسها للباب وإيدها تبعد
شعرها المبلل عن وجهها لما
حست بوجود أحد...
شافته واقف يناظر فيها ومشى
ناحيتها وهو يقول:شفيها يدك
ماردت عليه ومالقت نفسها إلا
توقف وتضم يدها...
وجوده قربها وصوته الهادي
يلجمها الحروف تتبخر لما تحط
عينهابعيونه الناعسه اللي تربكها
...
حست بأصابعه ع يدها يرفعها
ويناظر فيها وأصابعه تتلمسها:
للحين تآلمك...
ناظرت في يده اللي حاضنه يدها ودفاها تحس فيه وهمست:أيوه
رفع عينه يناظرها:شكلك مجهدتها اليوم ...
سحبت يدها من يده وعينها تعلقت بعيونه للحظات ...
تحس نفسها ودها تقوله شئ
داخلها حكي وحروف ماقدرت
تصفها وتعبر عنه...ومشكلتها
ماتدري وشو...
بس تحس إن ودها تقوله حكي
بس إيش هو ماتدري...
دقات قلبها مومخليتها تركز
وتعرف إيش...
شافته يلتفت للباب يناظره وإيده
داخل جيب بنطلونه ثم التفت
يناظرها:لبسي عباتك باخذك ع
المستشفى يشوفون يدك ومنها
نمر ع رغد...
قالت بحيره:رغد
إبتسم وقال:أيوه اليوم الصباح
ولدت وجابت توأم...
شهقت بفرحه ماقدرت تكبتها
وتعلقت بذراعه:
إحلــــــــــــــــــــف...
تفاجأ منها و إبتسم وقال:والله...
إنتبهت ع نفسها وإنحرجت وبان
ع وجهها وأبعدت عنه...
زادت إبتسامته وعيونه تتأمل
وجهها الفاتن...
فجأه إختفت إبتسامته ولف طالع وهو يقول بجمود وصرامه:بسرعه
ظلت واقفه مكانه وعيونها ع
ظهره وهو طالع ...
تعودت ع أسلوبه وتصرفاته معاها مرات يحن عليها وتشوفه
غير كل شئ فيه غير نظرته..
حكيه..إبتسامته لها... بس دقايق
وتختفي وكأنه ندم ع تصرفه
وينقلب عليها...
وهذا شئ يقهرها يحطمها...
والأهم شعور الحزن صار يتولد
داخلها إذا جافاها وخانقها...
طردت الأفكار عنها وبدلت لبسها
ولبست عباتها وطلعت...
************
:وه وه يا ا ا ا ا انا ا ا اس
ضربها ع جبينها :و و و وجع قصري حسك إحنا في مستشفى
قربت من سرير البنت:تجنن
يالبى هالطله أحلى من الولد
شد شعرها بخفه:هــــــي أحترمي نفسك لاتغلطين الولد
أحلى شبيه خاله عادل
كشرت وهي تمسك شعرها:
ومن قال إنه يشبه لك روووح زين
عادل:غصب عنك أجل البنت اللي تشبه لك
:طبعا تشبه لي ماتشوفها تخبل
عادل:وعع بسم الله عليهامنك
يا شبيهة شمس
شهقت بروعه:أنـــــــــــا
عادل ببرود:أيوه إنتي
رغد:خلاا ا ا اص تراكم صجيتوا
راسي أنا تعبانه وأنتو قاعدين
تتعاندون عندي
ريم مدت بوزها:هو اللي بدا
مو أنا
إنفتح الباب ودخلوا:السلام عليكم
شهقت:ميســـــــــــو
ضمتها بقوه ومسكها رعد من
ظهرها وسحبها:إبعدي ماتشوفين يدها
ضحكت:سوري نسيت بس والله واحشتني
عادل بتريقه:عاد إنتي لو تطلع
لميس اللحين دقيقه وترجع إنهبلتي وقلتي إشتقت لها....
سلموا ع رغد وتحمدوا لها بالسلامه وباركوا لها...
رغد:سلامات ميسو
لميس:الله يسلمك
ريم:كيفها يدك
لميس:أحسن
رغد:داومتي اليوم في الجامعه
لميس:أيوه داومت
رغد:ليه كان مارحتي
ريم:قلتلها بس ماتسمع إلا بتروح
لميس إبتسمت....
قام رعد يشوف التوأم :ماشاء
الله ياحليلهم
ريم:البنت تشبه لي صح
عادل:أناعاد الولد شبيهي

رعدضحك:ولاواحد فيكم

****************
"أيوه أحبه أحبه وأكرهـــــك أكرهـــــــك إنت ماتفهم خل عندك كرامك أكرهــــــــك "
ضم راسه بإيديه بقهر وصوتها
يتردد في راسه..
نظراتهم العشقانه لبعض ..إبتسامته لها لماكانوا في السوق
زادت النار في جوفه...
تحبيه ياريم تحبي بساموه ..وتكرهيني..
وترمينها في وجهي بعد وتهينيني
وأنا اللي طول عمري ماشوف
غيرك وماحبيت غيرك..
وآخرتها تهينيني بهالشكل ..
رفع راسه وعيونه تشتعل حقد
كلماتذكر لماراح لبيت خالته ...
وسمعها تحاكي البنات وتهينه..
:أكرهه وماأطيق أشوف رقعة
وجهه أنا يالله متحمله خواته يجيني هو بعد.......أصلا هو ماعنده كرامه فاكرني بناظر فيه
وإلا بهتم له لمايتلزق فيني ويلاحقني ويقول أحبك حبه برص إن شاءالله........أنا لايمكن أناظرفيه هوحي الله ولد خالتي لاأكثر ولاأقل...
ضرب قارورة المشروب اللي قدامه وإنكب السائل الأصفر اللي داخلها ...
وجاله صوت صاحبه اللي مرمي
جنبه بثقل:ششـ ـ ـ ففيـك إنت
تتراه بـ ـ ـففلوس
ناظرفي والصداع يضرب في
راسه والحقد والنار اللي في
قلبه تتفجرداخله:مافيني شئ
ضحك صاحبه بشكل مقزز:ههههههههههه عـ عـبـ ـ ود لا
لا يكوون تتفكر في ريـ ـ ـمك
شرب الكاس دفعه وحده ورماه ع الأرض وهومطنش صاحبه اللي قاعد يهذر عليه
وقام وهو يمشي بثقل وطلع
من الغرفه وشاف ريان جالس
ع الكنبه والكاسات قدامه وعقله مو معاه وجنبه وحده رايح عقلها معاه بلبس فاضح
ولاصقه فيه وأصوات الأغاني
تصدح في الشقه ...<<والعياذ بالله...
مشى للباب وفتحه وطلع وسكره....
*************
جالسه في الصاله وعيونها تناظر في الدرج بحقد وقهر
كلما تذكرت زياد لما جا بيودع
تولين لأنه بيسافر ...
والقهر ذابحها تذكر إنه ماناظر
فيها ولاعطاها وجه وكأنها تمثال قدامه...
لماقربت منه بتلفت إنتباهه وتحاكيه صدها ودفها عنه بقرف
وخانقها ليه تقرب منه....
للحين تحس بالنار داخلها إذا
تذكرت حكيه ونظرات الكره
والإشمئزاز لمايشوفها.....
وحنانه وحبه لمايشوف تولين...
فجـــــــأه....
إبتسمت بفرحه وحقد لماتذكرت
إن البيت فاضي والجو فضى لها
ومافيه غيرها واللي أخذت منها
اللي تمنته ....
***************
دخل للبيت وشاف أمه وإخته
جالسين في الصاله:السلام عليكم....
قرب من أخته وسلم عليها:هلا
رهوف كيفك
رهف:تمام الحمدلله
باس راس أمه وجلس:وشخبار
زوجك صرنا مانشوفه
إبتسمت:كان هنا قبل شوي مع
أبوي
دخلت أمل:السلام عليكم
سولفوا شوي وقالت أمل:ها يمه بتروحين للزواج اليوم...
خالد:أي زواج
أمل:زواج منصور ولد أم منصور
ال...
خالد:ماشاءالله
أم خالد:وإنت يمه متى بفرح فيك
دخل أبوخالد :السلام عليكم
باس راس أبوهم وجلسوا...
أم خالد:ها يمه ماودك تفرحني
وتفرح أبوك
خالد إبتسم:قريب يمه
أبوخالد بلهجه لاتقبل النقاش:
خلاص إخطبي له رنا بنت أخوي
خالد انصدم...وأمل موأقل من
صدمته تضايقت مره صحيح ماتبغى أخوها ياخذ
رنا المغروره بعد اللي شافته منها بس ماتقدر تقول شئ....
أم خالد إبتسمت:والله والنعم
ها يمه
خالد منصدم مايدري إيش يقول
الفرحه مو سايعته ...صحيح كان
يبغى يصبر شوي لين يتأكد من
مشاعر رنا له بس دامها جته من أبوه مستحيل بضيعها من إيده.....
خالد:اللي تشوفه يبه والوالده..رنا بنت عمي ومابلقى مثلها...
أبوخالد:خلاص ع البركه بكره
نروح ونخطبها لك من عمك ..
***************
واقفه عند شباك غرفتها وتناظر
الحديقه وعقلها معاه لما جا
لها يودعها تذكر نظرة عيونه وحكيه يوصيها ع نفسها وإنها تحاول ماتحتك في إختها وتقابلها
تظل في غرفتها ....كان واضح إنه ماوده يسافر ....
تنهدت بضيق ولفت للباب لماانفتح نسيت تقفله وشافت
إختها واقفه قدامها وعيونها اللي
مليانه شر تطالع فيها...
تجمد مكانها برعب لماشافت إختها تدخل وخلفها صاحباتها اللي كانوا معاها قبل...
لصقت بالجدار بخوف لماأشرت
إختها ع صاحباتها يمسكوها...
مسكوها وصفعتها كف بكل قوتها ورفستها برجلها وصرخات
تولين تتردد بالغرفه وتترجاها
تتركها بس مرام الحقد والكره
عمى قلبها وإنتزع منها الرحمه
كانت تضربها بحقد وبكل قوتها
تطفي النار اللي داخلها وهي
تصارخ عليها:أكرهـــــــك أكرهـــــــك ...ليـــــــه يحبك
ليـــــــه إيش شايف فيك مايشوفه فيني أكرهـــــــك
إنتـــــــي بتحطمي حياتي بتاخذيه مني ليتك تموتي وأفتك
منك ليـــــــت...أكرهـــــــك

صاحباتها إنصدموا من إنهيارها
ودموعها وهي تضرب تولين
اللي مرميه ع الأرض وآنينها و
صراخها مختلط بصراخ مرام
يتردد بالغرفه....
قفلت عليها باب الغرفه وطلعت
فلوس من جيب بنطلونها ورمتها
ع صاحباتها اللي إنبسطوا لما
شافوا إن المبلغ كبير ..
دخلت غرفتها وهي يالله تتنفس
ناظرت وجهها الأصفر اللي مليان
دموع والحقد اللي للحين في عيونها...
حطت إيدها ع بطنها ورفعت بلوزتها وشافت الإنتفاخ البسيط
في بطنها ...
رمت كل شئ ع التسريحه :مستحيــــل لا لا ... موأنا اللي يصير فيها لا المفروض تولين هي اللي تتعذب مو أنا.....
مسكت جوالها ودقت ع رقمه
هذا عاشر إتصال تتصل عليه
مايرد ...
رمت الجوال بقوه ع الأرض ..
*************
كانت جالسه في الصاله تفكر
كيف تقول لرعد إنها تبغى تروح
تشوف هند وتبارك لها ع خطوبتها ..أكيد بيعصب وبيقول
لا....
إنتبهت ع صوته :السلام عليكم
راح لغرفته ..وهي ظلت جالسه
تنتظره لين يطلع من الغرفه وتقوله...
إنتظرته بس ماطلع..قامت وراحت لغرفته ..دقت الباب ماسمعت رد بس غصب عنه
بتقوله...
دخلت وماشافته...
التفتت وشافته طالع من الحمام
وشكله تفاجأ لماشافها..
إنحرجت لأن شكله ماخذ شور عليه منشفه ع خصره ..
صدت بوجهها ورجعت بتطلع و
هي تلوم نفسها دايم تطيح في
هالموقف..
رعد وقفها بصوته:إذا تبغين شئ
قوليه لأني بنام..
ودخل غرفة الملابس ..
لميس:أبغى أروح لهند اليوم
طلع رعد عليه بنطلون أسود
بدون بلوزه :لا مارح تروحين
لميس:ليه
رعد:مو إنتي سألتيني وأنا قلت
لا خلاص من غير ليه..
لميس برجا:طيب ليه أبي أفهم
رعد تمدد ع سريره:تبين تشوفينها تجيك عندك لكن تروحين لها لا وإنتهى الموضوع
إنقهرت لأنهاعرفت السبب وطلعت من الغرفه معصبه ..
************
صرخ بعصبيه:إنتي مالك دخل
إسكتي أحسن..
قالت بقهر:إلا لي دخل..تبغى تتزوج ريموه اللي أخوها أهان إختك وتجيبها عندنا مستحيل..
:والله عاد أخوها هذا اللي ع قولتك أهانك للحين تحبينه وتبغينه ياخذك...
:دلال عبدالله بس عاد تراكم صجيتوا راسي...
دلال ودموعها ع خدهاصرخت
فيه:أيوه أحبه وباخذه غصب عن
اللي مايرضى..فاهـــم
وركضت لغرفتها تبكي..
أم عبدالله:ليه ياعبدالله حرام
عليك
عبدالله:يمه هي الغلطانه والمفروض إنها تنسى هالرعد
اللي ذبحتنا فيه....
جلس عند أمه:واللحين متى بتحاكين خالتي وتخطبينها...
أم عبدالله:مواللحين تونا إصبر
شوي لين تنخطب رنا وبعدها يصير خير
عبدالله وقف مقهور:يمه إذا ما
خطبتيها أنا بخطبها...
***************
دخل للصاله وشاف إخته جالسه عند التلفون وتحكي...
جلس عندها وأخذ الريموت وشغل الt.v....
جمدت إيده لماسمع إسم سديم والتفت لأخته يناظرها...
أمل:كيفك .....الحمدلله....ههههه
حرام عليها للحين محسره فيه......ياعمري ....طيب مادخلتوها الروضه.......ههههههههههههههه خطيـــــره
نظراته متسمره ع إخته ويحس
وده يسمع صوتها ....
رفع جواله لماسمعه يدق وشاف المتصل فـــرح ...
ناظر في الشاشه للحظه وهو
يجهل مشاعره ...
حطه ع الصامت ورجع يدق ورجع حطه ع الصامت ورماه
جنبه ع الكنبه...
أمل : رائـــد ليه ماترد
التفت لإخته:مالي خلق بعدين
رفعت حاجبها وقالت بحماس:شفت شهد بنت مي بنت عمتي
رائد إبتسم لماتذكرها:أيوه شفيها
أمل ضحكت:والله ياهي خطيره..دخلتها أمها للروضه
وأول يوم رجعت منها وهي معصبه ورمت الشنطه ع امها وقالت(تقلد صوت شهد)مانيييييب
را ا ا ايحه
ولماسألتها أمها ليه قالت :بزا ا ارينن صجوا راسي...
رائد مات ضحك:هههههههههههههههههههههه لايالكبيره
أمل:ههههه وقسم بالله فضيعه
هالبنت
سكت رائد وتنحنح يضيع ضحكته وقال مع إنه عارف مين:مين قالك
أمل:سدوم بنت عمتي
رائد إبتسم وطلع من الصاله
أمل:وجوالك...
أخذت جواله وبتعطيه إياه ودق
بإيدها شافت المتصل ولقته
فيصل....
وقفت وعيونها ع صورته الله
نورت الشاشه بابتسامته اللي
جمدتها تحسه يبتسم لها هي...
إبتسمت وإختفت صورته لما سكن صوت الجوال ......
*************
جالسه في الصاله معصبه ومقهوره لأن رعد رفض إنها
تروح لهند...واللي زاد قهرها السبب...
سمعت صوت غرفته وعرفت
إنه صحى ..

قررت تطنشه وتسفهه لأنها لو
حكت معاه بتنفجرمن القهر...
سمعت صوته يقول وهويجلس
ع الكنبه:قومي إجهزي بنروح لخالتي...
إنقهرت وقالت وهي تحط رجل ع رجل:مارح أروح...
رعد:وليش إن شاءالله مارح تروحين..
لميس قامت بتروح غرفتها:كذا
مابي...
مقهوره منه لماقالت له بتروح
لهند يرفض واللحين يقول لها
روحي لخالتي...
حست بيده تمسكها بقوه وتلفها
له:لما أحاكيك ماتعطين ظهرك
وتمشين
حاولت تفك ذراعها من يده
وهي حابسه دموعها:إترك يدي
مابي أروح مابي..
رفع صوته بعصبيه وانتفضت من
صوته:أنا ماطلبت رايك أنا قررت
ولامحتاج رايك بتروحين يعني
بتروحين...
لميس نزلت دموعها:مابي مو ع كيفك متى مابغيتني أطلع طلعت
للي تبغاه و...
قطع حكيها صوت ضحكته الساخره وشد قبضته ع ذراعها:تصدقين زين إنك قلتي لي....أنا
زوجك وكيفي آخذك للي أبغاه
إلاصاحبتك هذي اللي مسويه
المناحه هذي علشانها هذا إذا
علشانها موعلشان غيرها....
إنصدمت منه لأنه يقصد بدر...
فلتت يدها منه وقالت ببكا:قلتلك
مافي شئ بيني وبينه إنت ليه مو
مصدقني....
دخلت غرفتها وسكرت الباب بقوه وقهر......
**************
إبتسمت بضيق لماشافت أخوها
واقف عند المرايه يعدل غترته
وإبتسامته ع وجهه ...
التفت لها وقال بابتسامه:ها شرايك
إبتسمت:أحلى عريس ....مبروك
ياخوي
إبتسم:الله يبارك فيك
قربت منه أمه تبخره وهي تدعيله بفرح....
:كللللوش وأخيرا أعتقنا
ضحك خالد لماشاف رائد نازل
من ع الدرج لابس ثوب وشماغ
وكاشخ...
رائد:عاد يمه بخريني أنا بعد
تراني أنا اللي بشرفه وبروح أخطبه له...
أمل:مو إنت أبوي الله يخليه لنا
قربت منه أمه وبخرته:عقبال ماأفرح فيك إنت بعد
رائد:آميـــن
نزل أبوخالد وطلعوا ...
وأم خالد تدعي لولدها...
ناظرت أمل في أخوها خالد
وهو طالع والفرحه في عيونه
كانت شاكه إنه يحب رنا واللحين
تأكدت....
بس خايفه رنا تكسر قلبه وتخرب فرحته وترفضه....ماراح
تسامحها لو سوتها....مو متخيله
ردت فعل أخوها....
****************
طلعت فستان نعوم تلبسه إذا
راحت مع حبيبها بندر وهي فرحانه باقي كم ساعه وتشوفه
زينت وجهها بالميك أب ناعم
أبرز جمالها...
وتركت شعرها منسدل ع أكتافها
بشكل جذاب...
التفت للباب وشافت ريم داخله:السلام...
تفاجأت لماشافتها متزينه:بتطلعين
رنا:أيوه بس مو اللحين معزومه
ع خطوبة صاحبتي..
ريم:آها إممم عمي ناصر وعياله تحت
رنا رفعت حاجبها:طيب
ريم:غريبه مو عادتهم يجونا اللحين
رنا:عادي
دخلت أم رعد بفرحه:مبروك يمه
رنا إستغربت:ع إيش
أم رعد:عمك تحت مع أبوك يخطبك لخالدولدعمك
شهقت رنا:إيـــــــش
ريم فرحت:مبرووك رنو
رنا ناظرتها بقهر:ع إيش إنتي
بعد....
التفتت لأمها:أنا موموافقه
أم رعد:ليش...
رنا بغرور:تبغيني أنا رنا آخذ خلودولدعمي

ريم:إيش فيه خالد ..دكتور كل
بنت تتمنها وولدعمك
رنا بتكبر:لاحبيبتي أنا مستواي
أعلى من مستواه هه وله عين
يجي يخطب
ريم إنقهرت من غرور إختها وتكبرها:أي مستوى اللي قاعده تحكي عنه ..إنتي إلى متى بتشوفين نفسك ع الناس ترا غرورك ماراح ينفعك وبتندمين...
رنا بلامبالاه:يمه قولي لأبوي
إني مستحيل أوافق
أم رعد:طيب إستخيري وفكري
زين ولاتردين اللحين
رنا :قلتلكم لا يعني لا
:وليش لا..
التفتت للباب بخوف لماسمعت صوته وشافته واقف عند الباب...
وعاقد حاجبه وكأنه موعاجبه
رفضها...
رنا:رعد..
دخل للغرفه:ليش رافضه خالد
رنا إرتبكت:أ..مابغاه
رعد:وليه ماتبغينه شايفه عليه
شئ
رنا:لا
رعد:أجل ليه رافضه... خالد ولدعمك وعارفينه زين رجال والنعم فيه
رنا خافت رعد يغصبها عليه عارفته إذاقال كلمه مستحيل تناقشه فيها..:مابغى أتزوج توني
صغيره ووأبغى أكمل دراستي..
رعد:إيش هالحكي الفاضي
تقدري تكملي دراستك وإنتي
متزوجه وخالد ماراح يمنعك
رنا:بس أنا مابغى خالد موغصب
رعدعصب:إلا غصب إذا ماعندك
سبب ليه رافضته إنتي حتى ما
عطيتني نفسك فرصه تفكري
وتستخيري علطول رفضتي..
رنا مقهوره مستحيل تاخذ غير
بندر ...من وين طلعتي ياخويلد
بس مستحيل آخذك...أنالبندر حبيبي وبس ..وماراح أتزوج غيره
****************
فتحت عيونها ورفعت راسها عن
الأرض الرخام البارده..
وحطت إيدها ع بطنها اللي آلمها
وإيدها...
إنسابت دموعها ع خدها بألم
وحاولت تقوم بس الألم اللي
في جسمها مو مخليها تتحرك...
تحاملت ع نفسها وجلست ع سريرها وتمددت بأنين...
بكت بإحساس الظلم والألم والعذاب والوحده...
دفنت وجهها ع المخده وبكاها
يزيد وشهقاتها تعلى ...
ليه يكرهوها..ليه يعذبوها..ليه
يتمنوا موتها...
إيش غلطت فيه؟؟..إيش الذنب
اللي إرتكبته علشان يجازوها
بالحقد والكره والتعذيب؟؟...
تبغى يوم واحد بس تقضيه بدون دموع ..بدون ألم...
تبغى يوم واحد بس تبتسم فيه
تحس إنها إنسانه مو حيوان..
يوم واحد بس تفرح فيه ..
يوم واحد بس تعيش زي الناس
تعيش بأسره تحبها موتضطهدها
..
يوم واحد بس تنام فيه بدون دموع...
لكـــــــن متـــــــى هاليـــــــوم ؟؟؟؟؟؟
هـــــــل بتعيشـــــــه أو بتموت
وهي تحلـــــــم فيه؟؟؟؟؟
*************
لبست فستانها وعدلت مكياجها
وشعرها وتعطرت...
حمدت ربها إن أبوها تدخل وقالت له إنها ماتبغى تتزوج ولا
غصبها صحيح شكله مارضى
بس بعد ماغصبها
أخذت عباتها ولبستها وطلعت
مع السواق....
نزلت عند بيت صاحبتها وخلت
السواق يروح وركبت مع بندر
اللي كان ينتظرها...
بندر:وأخيـــــــرا ياقلبي ماصدق
ضحكت بدلع:لاصدق حبيبي..
بندر:ها حبيبتي آمري تدللي وين
تبغينا نروح..
رنا:مادري أي مكان تحب...
بندر:شرايك نلف في السياره
شوي وبعدها آخذك ع أحلى مطعم نتعشى فيه..
رنا:أوك اللي تشوفه..
لفوا شوي في السياره وهم
يسولفون وطبعا لازم يتغزل فيها وهي مبسوطه...
رنا:بندر
بندر:هلاحبيبتي
رنا:إممم أبوك متى يرجع من السفر
بندر:ليه...
رنا:علشان تخطبني من أبوي
إبتسم بسخريه:قريب إن شاءالله باقي له شهر ويرجع
رنا:لأن خالد ولد عمي خطبني
وأخاف أبوي يغصبني عليه وأنا
مابغاه أبغاك إنت..
تفاجأ:متى
رنا بضيق:اليوم
بندر:لاحبيبتي إنتي لي أنا بس
وماراح تكوني لغيري وعلشان أثبت لك أنا بخلي أبوي يدق ع أبوك ويفاتحه في الموضوع
رنا بفرحه:متى
بندر:إن بغيتي اللحين
رنا:لاحبيبي لماترجع للبيت
بندر رفع جواله علشان تثق فيه
وتظاهر إنه يحاكي أبوه..
رنا مبسوطه:وافق
بندر:طبعا وافق وإنبسط إنك
بنت مشاري ال...لأن يعرف أبوك وقال اللحين بيدق ع أبوك
رنا الفرحه مو سايعتها..يعني خلاص بتصير له...
بندر:و ع فكره مهرك جاهز
وحتى بيتنا جاهز وإذا تحبي
نروح اللحين وتشوفينه
أخذها لفله كبيره أنوارها كلها
مفتوحه إنبهرت فيها
:وا ا او هذي بتصير بيتنا...
بندر:طبعا بس تراها من داخل
أحلى بكثير من الخارج...تعالي
شوفيها...
نزلت معاه بدون تردد ودخلت
الفله...
بندر:ها شرايك في الحديقه
رنا بانبهار:تجنن
بندر:حبيبتي ليه لابسه عباتك خذي راحتك البيت هذا بيتك
وبعدين أنا بشوف زوجتي زين
إبتسمت لماسعت كلمة زوجتي
وفسخت عباتها وطرحتها وعدلت
شكلها وضحكت لماشافت نظراته المبهوره فيها كان فستانها قصير ونعوم
بندر قرب منها:قمرياقلبي قمر
مسك يدها:تعالي أفرجيك ع داخل
مسكت يدها ومشت معاه حست بإيده تشد ع يدها وهو
يقرب منها...
رفعت راسها وشافته يناظر فيها
ويبتسم. . .
إبتسمت والتفتت قدامها لمادخلوا
تجمدت مكانها وتوسعت عيونها بصدمه وقلبها وصل لحلقها من الرعب لماشافت اللي قدامها....
رعــــــــــــــد .....فيصــــــــل..
**************
وقفــــــــــوا بصدمــــــــــه و
عدم تصديق وعيونهم شاخصه
في المنظراللي قدامهم...
إختهــــــــــم داخله فله مع
واحد غريب وفي هاللبس..
مستحيــــــــــل...
إنطلق فيصل من مكانه زي الأسد إذا إنقض ع فريسته وإنقض ع بندر اللي كان واقف ويناظرهم بشماته وإنتصار وحقد...
:أيا الحيــــــــــوا ا ا ا ا ا ا ا ان
رنا غطت فمها بإيدها ورجعت
ع ورا برعب...
مستحيــــــــــل اللي قاعد يصير قدامها مستحيل...
ماوعت إلا ع الكف القوي اللي
كان بيخلع فكها من قوته وطاحت ع الأرض ....
رفعت راسها وشافت رعد واقف
قدامها وعيونه نار بياكل اللي قدامه...
مسكها من شعرها وصفعها كف أقوى من اللي قبله وهي
تصارخ:آ آ آ آ آه رعــــــــــد
الله يخلييييييك إتركنيييي آآآآهئ
مسكها من شعرها وصرخ عليها
وأصابعه بتخلع فكها من قوة ضغطه عليها:أنا حلال فيني أشرب من دمك ....
سكتــــــــــي مابي أسمع صوتك سكتــــــــــي...
رماها ع الأرض ورمى عباتها عليها وصرخ عليها:لبسيــــــــــها
أخذت عباتها وهي تبكي وتحس
بطعم الدم في فمها ..للحين مو
قادره تستوعب اللي صار..تحس
إنها تحلم..
التفت رعد لفيصل اللي كانت ركبته مثبته بندر ع الأرض ويسدد
له لكمات ع وجهه بشكل جنوني ويسبه...
مسكه وأبعده عن بندر اللي رفع جسمه وتفل الدم اللي طلع من فمه وهويمسحه بكفه
ويناظرهم بتشفي:ها شفتوا
التربيه اللي فرحانين فيها..هههه
إختكم بنت مشاري ال... تطلع
بنت ليل و....
صرخ عليه فيصل وهو يهجم عليه :جــــــــــب يال####
سحبه رعد وأبعده عنه :فيصــــــل
ضحك بندر بألم:ههههههه وع فكره تراها مو أول مره تطلع معي ههههه مو حبيبها وإلا...
وغمز لهم بوقاحه خلت شياطين
رعد تنط قدامه ...
مسكه من ياقة ثوبه ولكمه ع
وجهه بكل قوته أكثر من مره خلت بندر يفقد وعيه ورماه ع الأرض وهو يالله يتنفس...
ورفع جواله ودق ع رقم معين...
************
نزلت تحت معاها عباتها ودخلت
للصاله :ماجد
ماشافت إلا شهد جالسه ع الأرض وتلعب بالبلاي ستيشن
سميه:شهد وين ماجد...
شهد:ماجد برى في المجلس عنده راكان..
طاحت شنطتها من يدها لماسمعت إسمه وظلت نظراتها
مثبته ع شهد...وقلبها تسارعت دقاته...
شهد:شفيتس
رفعت شنطتها عن الأرض بإيد
مرتجفه وطلعت ...
رجولها قادتها للمجلس ووقفت
لماسمعت صوته...
غرقت عيونها دموع وصوته ع
مسمع منها ببحته المميزه...
إشتاقت له كثير...وكل يوم يزيد
شوقها له ...
كانت فاكره نفسها خلاص نسته
لكنها غلطانه عمرها مانسته ولا
دقيقه ...
حطت إيدها ع قلبها نفسها تخلع حبه منه من ذاك اليوم اللي باعها فيه وحطمها...
إنسابت دموعها ع خدها لماتذكرت ذاك اليوم....
ودها تدخل عليه اللحين وتصرخ
فيه ليــــــــــش تركها ليــــــــــش باعهــــــــــا..
هل عمره ماحبهــــــــــا وكان
يوهمهــــــــــا ....
:سميــــــــــه...
فتحت عيونها وشافت أخوها واقف عند باب المجلس ويناظر
فيها بصدمه...
شهقت تبكي وراحت ركض لغرفتها...
آلمه قلبه عليها والتفت بقهر لراكان اللي نزل راسه وطلع من
البيت ...
مسح شعره بإيده وزفر بقهر..
إخته تذبل قدامه ومو قادر يسوي شئ ...
لاهو قادر يطلع حرته في راكان
ولاهوقادر ينسيها...
صاحبه من صغره ورفيق عمره
اللي رافقه بفرحه وحزنه..من جهه...
وإخته حبيبته من جهه...
***************
غمض عيونه بقهر وإيده تشد
شعره وقلبه يدق بقوه ويآلم صدره....
طلعت منه آآهه من قلب..
وصوت بكاها يتردد في راسه
حبيبته وعمره تبكي وتذرف دموعها بسببه...
يا ا ا ا ا ا ا ا ا ا ا ا ا ا ارب...
*************
تأففت بملل ورمت كتابها ع سريرها وصوت سعود ولد إختها
رغد ببكاه مو مخليها تركز ...
طلعت من غرفتها ودخلت غرفة إختها:يا ا ا ا انا ا ا اس يا عا ا الم
نبي نذاكر نبي ننام نبي نعيش بهدوء طفي صفارة الإنذار حقتك..
رغد وبحضنها سعود اللي يبكي
تحاول تهديه:بس ياماما بس
ريم:أففف شفيه
رغد:مادري عنه
ناظرت ريم في رند :ياحبيلها رنوده اللي صوتها ماينسمع في
البيت
رغد:الحمدلله إنها موراعية بكا
مثل أخوها كان طلعوا فيني الشيب..
ريم:طيب يمكن جوعان..
رغد:توني مرضعتهم
ريم:طيب يمكن فيه نوم
رغد:مادري شكله بس مو راضي ينام..
ريم مالها خلق:طيب حاولي تسكتيه أبي أذاكر شوي..
طلعت من الغرفه رايحه لغرفتها
وإنهبلت لماسمعت صراخ تحت
نزلت ركض وإنفجعت لما شافت اللي قدامها...
رعد ماسك رنا من شعرها و
يسحبها للدرج وهي تصارخ وتحاول تتمسك بدرابزين الدرج
وإيديهاغصب تفلت من قوة شده لها ودموعها مغرقه وجهها
واللي فجعها أكثر شكل رعد اللي أرعبها وألجمها وماقدرت تفتح فمها بكلمه وحده..
كل اللي سوته إنها ابتعدت عن
طريقه راجعه خلفها وإيدها ع
فمها...
دخلها الغرفه ورماها ع السرير
وسكرالباب وقفله..
قرب منها ومسكها من شعرها
وهو يصارخ عليها:هذي آخرتها
ياال#### توطي روسنا في التراب...هذي آخرت الدلع ...
صفعها كف :علشان هالواطي
رافضه خالد علشانــــــــــه...من وين عرفتيه وليــــــــــه..
كان بكاها يزيد وخوفها منه مو
مخليها تفتح فمها وتترجاه يتركها..
شافت عروق وجهه واضحه
من الغضب وعيونه العسليه توسعت بخوف وهو يهمس:لمسك..
صرخ بصوت مكتوم وهويهزها:إحكي هالواطي لمسك...
قالت ببكا وصوت مخنوق:لا لا
والله مالمسني والله آآه...
رماها ع الصوفا وجلس ع طرف السرير وإيديه ع وجهه ويالله يتنفس...
ضمت نفسها وهي تبكي بألم
وإيدها ع شعرها اللي تحسه
تقطع من قوة شده...
مسح وجهه بإيديه ورفع راسه يناظر فيها ..
قام من مكانه وراح لها وهي إنكمشت ع نفسها بخوف....
سمعت صوته الحاد:والله لو أشوفك معتبه باب الغرفه أو باب
البيت لأذبحك وأشرب من دمك
سامعــــــــــه...
إنتفضت وهي تقول:سامعه سامعه آآهئ...
رعد:وبتتزوجيــــــن خالد غصب
عنك وبتقولي لأبوي إنك موافقه
سامعه...
رفعت راسها بتعترض بس بلعت
لسانها لماصرخ:جــــــــــب ولا
كلمه ولا كلمه إنتي تحمدي ربك
إن قبل فيك غيره...بتتزوجين
غصب عنك وإنتي منكتمه..فاهمه..
هزت راسها بأيوه وهي تشاهق
..
طلع من الغرفه وسكر الباب وقفله..
وشاف رغد وريم اللي من الخوف راحت تنادي رغد ..
واقفين بقلق قدامه..
رغد:رعد إيش صاير رنا شفيها
رعد زفر:مابي أحد يعرف باللي
صار سامعين لا أمي ولاأبوي ولا جنس مخلوق سامعيــــــــــن
إنتفضوا من عصبيته وصوته وقالت رغد:طيب طيب بس قول
شفيها رنا وليه ضاربها وحابسها..
رعد:ولاشئ مابي أحد يسأل ليش ولا كأن شئ صار فاهمه
نزل تحت وهو يحكي بجواله
..
ناظروا بعض بقلق وحيره ودخلوا غرفة رغد..
ريم بخوف:يمه والله خايفه
إيش صاير
رغد بهدوء:خلاص ريم..رعد لو
بيقول كان قال..سكتي ولاتسألين عن شئ وأمي وأبوي
لايعرفوا بشئ..
ريم:ورنا
رغد تنهدت:مانقدر نعرف شئ
رعد قافل الباب إصبري شوي
لين يهدى الوضع ونشوفها.<
ريم:لاحول ولاقوة إلابالله الله يستر....
***************
مسحت دموعها اللي مغرقه وجهها بإيديها المرتجفه...
وألأم اللي ينبض في راسها يزيد..
للحين مومصدقه اللي صار لها
مومصدقه إن بندر يسوي فيها
كذا ..مومصدقه إنه خان حبها
وكان يستخدمها وسيله للإنتقام
مومصدقه إن الحب اللي مغرقها
فيه كان مجرد سراب ..
شهقت بقوه ودموعها تنزل بغزاره وهي تضم نفسها وشهقاتها تزيد...
ليــــــــــه سوى فيها كذا...
تأوهت لماحست بالألم في جسمها من الضرب اللي نالته
وخدها للحين يحرقها...
تذكرت شكل بندر المرمي ع
الأرض وكله دم من قوة الضرب
اللي ناله من إخوانها..
وشكله والحرس يسحبونه ع الأرض ويرمونه داخل السياره..
وأخذوه معاهم بس ماتدري وين...
صرخت داخل نفسها..يستاهــــــــــل اللي جاه يستاهــــــــــل..
بكت بحرقه وهي تحمد ربها إن
علاقتها معاه ماتعدت لشئ ثاني
أعظم ...
لكــــــــــن إيش اللي جاب إخوانها للفله؟؟؟؟؟؟؟
خايفــــــــــه رعد يخبر أبوها والله ليذبحها بإيديه ..
تذكرت إن رعد بيزوجها لخالد و
زاد بكاها ..
*************
ناظرت في الساعه ولقتها تعدت
وحده في الليل ورعد لسى مارجع...
مو عادته يسهر لوقت متأخر حتى قبل لاتتزوجه ماكان يسهر
لهالوقت ...وخصوصا إن بكره عنده دوام..
حاولت تدعي اللامبالاه لأنه ما
يستاهل بعد اللي سواه إنها تهتم له...
قامت لغرفتها وجلست ع سريرها وغصب عنها ماقدرت تنام وعيونها ع الساعه..
ظلت كذا ع حالها لين صارت الساعه ثنتين ونص وهي موقادره تنام..
وغصب عنها خافت عليه وإنتابها
القلق...
ناظرت في جوالها حتى رقمه ما
تعرفه...
طلعت في الصاله وجلست ع الكنبه وشغلت الT.V
تشغل نفسها لين غفت....
*************
فتحت عيونها وناظرت المكان اللي نايمه فيه واستغربت....
رعــــــــــد....
قام بسرعه لماتذكرت ودخلت
غرفته مالقته حتى سريره مرتب
يعني مارجع للبيت...
معقوله يكون سافر ...لالا
شكله لماطلع من البيت ماطمنها
تذكر جاله إتصال وطلع بسرعه
عمــــــــــي...لايكون عمي
صاير له شئ...
ركضت لجوالها ودقت ع ريم
تطمنت لماسمعت صوتها يعني
مو صاير شئ..
كانت بتسألها عن رعد بس تراجعت ... وسكرت منها...
جلست فتره ساكته ثم تذكرت إن رعد مره دق عليها من جوالها..ماهي ماحفظت رقمه
دخلت المكالمات ودورت ع رقم غريب بينهم غيرالرقم اللي يدق عليها وضغطت إتصال بتردد
ظل يدق ولاسمعت رد..عادت
الإتصال..
****************
في المزرعــــــــــه...
جالس في مكانه الخاص ع طرف النافوره من أمس الليل
بعد ماشفى غليله من بندر اللي
حابسه عنده في المزرعه...
ضام راسه بإيديه مومصدق إن
إخته يطلع منها هذا كله...
ومع مين مع بندروه ولد ألد أعدائه آآآآه يالقهر..
سمع صوت جواله اللي يدق وطنشه ماله خلق أحد يحس نفسه تعبان ومو طايق شئ...
رجع يدق مره ثانيه وأخذه بدون
لايشوف المتصل ورد بصوته
الثقيل:نعم...
دق قلبها بقوه فظيعه لماسمعت صوته ببحته المميزه:رعد...
فتح عيونه بدهشه لماسمع صوتها..هذا صوتها وإلا هو قاعد
يحلم هي داقه عليه بنفسها:لميس...
تبخرت الحروف من فمها ماتدري إيش تقول ..مافكرت بهالشئ إلا إنهابتطمن عليه:..........
رعد:.............
ظلوا ساكتين وكل واحد يسمع أنفاس الثاني وقلوبهم تتسابق دقاتها.....
غرقت عيونها دموع ماتدري شفيها حاولت تتماسك وقالت:رعد....
غمض عيونه وهمس:ياعيونه....
ماسمعت إيش قال وقالت :وينك
إنت مسافر
نزل راسه وأصابع يده تتلمس جبينه وتتخلل شعره وتنهد :لا أنا في المزرعه
ركزت نظراتها ع إيدها اللي بدت
ترتجف وتنهيدته وصلت لها:إنت تعبان
رعد مدد رجوله ع الأرض وهويحس نفسه مركز في كل رنات صوتها اللي يحسه شتت تفكيره وزادت دقات قلبه بشكل جنوني :لا
لميس:مارح ترجع للبيت وإلا بتبات في المزرعه..
ماسمعت رده وجاها صوته الساخر:...........لهدرجه إشتقتي لي...
صدمها حكيه ونبرة صوته وإنقهرت وقالت بقوه:لا عمي يسأل عنك
رعد :آها ....
همس بصوته العذاب:قلت يمكن إشتقتي لي مثل ماشتفت لك...
إنصدمت وصوته ألجمها وماقدرت تقول شئ...
سمعت صوته وحسته يبتسم
:طيب أنا مشغول اللحين مع السلامه
وسكر الخط من غير لايسمع
ردها...
أبعدت الجوال عن إذنها لما أختفى صوته وإنسابت دموعها
ماتدري إيش فيها تحس برغبه
فظيعه بالبكا لماسمعت صوته...ليش ماتدري
أرتمت ع الكنبه وبكت بقوه......
**********
طلعت من غرفتها وشافت فيصل يصعد الدرج ناظرها ومشى ..
إستغربت لماشافت شكله ونادته:فيصل
ماعطاه وجه ووقف عند باب غرفة رنا ..نفسه يدخل عليها
ويخنقها بإيديه لين تلفظ أنفاسها
ويرتاح...
لولا إن رعد منعه إنه يتعرض لها
وإلا كان سواها بدون تردد...
كمل طريقه لغرفته ودخل وسكر الباب..
إستغربت ريم ماتدري شفيهم
لارعد ولا فيصل ولارنا اللي للحين ماقدرت تشوفها..
نزلت تحت وشافت عادل داخل
:هلا عدول
عادل:هلاريم
ريم رفعت حاجبها:وين كنت مافي جامعه اليوم ...اليوم خميس
عادل تلفت باستهبال:قولي قسم بالله إحلفي إن اليوم الخميس...تصدقين توي أدري
ريم ضحكت:بلا إستهبال
عادل تنهد:أبد والله تعرفين أخوك ماشاءالله ‏businessman‏ كل وقته busy
ريم:إحلف عاد...
عادل:إلا غريبه ماسمعنا صفارة الإنذار اليوم
ريم ضحكت:نايم إصبر شوي
وترن
**************
بعد أيــــــــــام...
تفاجأ الكل من خبر خطوبة رنا
لخالد...
حتى ريم تفاجأت لأن إختها كانت قبل رافضه بتاتا وفجأه تغير رايها..
أما رنـــــا فكانت محبوسه في غرفتها ولاطلعت من البيت من ذاك اليوم ...
ودايماتبكي بسبب صدمتها ببندر
وخطوبتها من خالد لأنها ماتبغاه
ونفسيتها زفت ..تعصب ع كل شئ ولماتشوف فيصل تبلع لسانها وتنكتم..نظراته المحتقره
والمشمئزه منها تلجمها حتى نظرات التوعد والغضب تخليها تبلع لسانها ...
زارتها دلال وخبرتها رنا باللي صار طبعا دلال إنبسطت باللي
سمعته لأنها تكره غرور رنا وتكبرها...بس ما وضحت...
رعــــد سافر علطول من المزرعه وبعد ماتأكد من خطوبة رنا...
بنـــــــدر ذاق أشد التعذيب من
رجال رعد في يومين وسفره
رعد لأبوه ومنع دخوله للسعوديه ....
خالــــــد الفرحه مو سايعته
أخيرا بياخذ حبيبته وروحه...ومسوي حاله طوارئ في البيت
أما توليــــــــــن محبوسه في
غرفتها يوم تاكل فيه وجبه وحده ويالله تشبعها ويوم تنام
جوعانه هذا غير الضرب اللي
يجيها من مرام...
جسمها ضعف ووجههاذبل ماعادت تبغى حياتها...
************
كان جالس مع الشباب في الكورنيش لمادق
جواله وشاف المتصل لقاها فرح..كشر بضيق البنت هذي مو
راضيه تفك عنه..
مد الجوال لفيصل:خذ قول لها
أي شئ
فيصل باستغراب:ليش إنت ماتحاكيها..
رائد:مالي خلقها البنت هذي ناشبه في بلعومي مو راضيه تفهم إني خلاص قطعت علاقتي فيها...تكفى صرفها
إبتسم فيصل من قلبه ع حكي ولد عمه وأخذه:أبشر...بس عادي أقول لها رائد مات
رائد طيرعيونه:بسم الله علي لاتفاول علي
ضحك فيصل والشباب انفجروا
ضحك...
فيصل:ألو
فرح بسرعه ولهفه:هلا حبيبي
وينك ماترد علي..
فيصل انقلب وجهه وتنحنح:إحم
إحم لوسمحتي مين تبغين
فرح:هـ...هذا موجوال رائد..
فيصل:لا إختي موجواله
فرح باصرار:إلا متأكده هذا جواله عطني بحاكيه
فيصل عصب:يابنت الناس قلتلك
مورقمه أنا شريت الرقم هذا من مده ولوسمحتي لاعاد تدقين مره ثانيه...
وسكر الخط في وجهها....
الشباب:هههههههه
أخذ رائد الجوال:ثانكس
فيصل:ههههههه
رائد:شفيك
فيصل:هههه قالت لي(يقلد صوتها)هلاحبيبي وينك ماترد
الشباب ماتوا ضحك:هههههههههه
رائد إنقلب لونه وضحك...
فيصل:بغيت أتفل بوجهها
رائد:زين مشكور ع الخدمه
فيصل:رائد من صدقك بتقطع
علاقاتك
رائد:طبعا من جدي بصراحه
انا معترف إني غلطان واللي
أسويه هذا حرام وكنت أتسلى
ورجعت لعقلي
سامي:صدقت ياماسمعنا قصص كثيره صارت واحد يكلم
بنات ويكتشف إن خواته لهم علاقات مع شباب..
بسام ساكت وحكيهم ضرب ع
الوترالحساس ..
أما فيصل بعد بالمثل...
*******************
واقفه قدامه المرايا لابسه
فستان بيج ع سكري ضيق وقصير لتحت الركبه وتحت الصدر شريطه سودا شكلها غريب...
وشعرها تاركته مفكوك وفارقته من الجنب وصاير من جهه أكثر من الجهه الثانيه وماسكه الشعر الخفيف بورده سودا...
وخاطه شادوا أسود وقلوس لحمي طالعه تخبل....
أخذت شنطتها وطلعت للصاله
اليوم عزيمة لرغد في بيت عمها
وقفت مصدومه لماشافته قدامها واقف ببدلته الرسميه السودا اللي محليته ...
ماقدرت تتحرك من مكانها
إشتاقــــــــــت له كثيــــــــــر
الأيام اللي فاتت فقدته بشكل
كبير..فقدت صوته..عيونه.. حتى
خناقها معاها فقدته ...
عمرها ماتخيلت إنها بتشتاق له
همست :الحمدلله ع السلامه
حبس أنفاسه لماشافها والله
قمر قليله في حقها ...
ياناس لحد يلومه يعشق هالجمال يعشق هالملا ا اك
شكلها هز مشاعره هز ..
مشتاق لها الأيام هذي وكأنهم دهر إشتاق لوجهها اللي ماغاب عنه لحظه وحده بس موقادر يقرب لها موقادر يعبر لها عن عشقه
كل شئ يصده عنها ...
قادته رجوله ناحيتها ورجعت خطوه ع ورى...
بتهرب من مشاعرها ومنه
مسكها من يدها وهمس:ماتبغي تسلمي علي
نزلت راسها وتحس الهوا حار
حولها..
حضنها لصدره يطفي شوقه
لها...وإيده تخلل شعرها...
رفع راسها وعيونه تتأملها
عيونها تضعفه تشتت قوته
قرب منها وباس شفاتها بشوق
وضعف......
بعدت عنه ودخلت غرفتها
إرتمت ع سريرها وهي تبكي
تحبــــــــــه ومستحيل تنكر حبها له...
الأيام اللي فاتت إكتشفت إنها
تمووت في هواه تعشقه رغم
كل اللي سواه فيها تعشقه...
عشقته غصب عنها ....
*****************

*****************
تأففت بضيق وهي تحاول تسكر سحاب فستانها الليلكي القصير لنص فخذها وتحته بنطلون أسود .:أففف هذا مو راضي يتسكر ليه هو أنا سمنت وإلا إيش..
وأخيرا تسكر طالعت في جسمها هذا هو ماتغير أجل ليش ماتسكر...
تأففت وهي تاخذ المشط تسرح شعرها الملفلف أمس ما
نامت زين وهي تسمع صوت بكا إختها المكتوم...
أمس جوا عندهم بنات عمهم
سالم وظلوا يخزون إختها بالحكي والتريقه لأن راكان تركها وطلعوا لهم ألف سبب وسبب وكل واحد أخس من الثاني...
أففف نفسها تمسك راكان وتخنقه وتقطعه بإيديها لأنه سبب تعاسة إختها...
تركت المشط ع الطاوله وعيونها
الحاقده ع راكان وبنات عمها متسمره ع وجهها...
رمشت بعيونها لما جا في بالها
رائد....
إبتسمت لماتذكرته وإختفت إبتسامتها بقهر ....أنا إيش قاعده
أفكر فيه...
سحبت شنطتها وعباتها وطلعت
من غرفتها ونزلت تحت ...مرت
غرفة مي وقبل تدخل سمعت
صوت زوجها...حمدت ربها إنها
مادخلت علطول....
رجعت للصاله وشافت سميه جالسه ع الصوفا وشكلها سرحانه..
راحت لها:سوسو....
رفعت راسها:هلا...
:إيش قاعده تسوين أهلي طلعوا وإنتي جالسه
قامت معاها ولبسوا عباياتهم وطلعوا لماجد اللي ينتظرهم برى....
**************
كانت جالسه بين البنات وحاطه
رجل ع رجل وتهز رجلها بعصبيه
وهي تسمع حكي رشا المايع
عن فيصل ...بطولاته معاها لماكانت صغيره....
تشوف لمعة الحب والهيام تنطق من عيونها وهي تحكي عنه بدلع ...
نفسها تخنقها ا ا ا ا ا ا ا وتطلع
الحب من عيونها....
يانا ا ا ا اس تكرهها تكرهها ا ا ا
حمدت ربها إن دخول لميس
قطع حكيها الماصخ وقاموا البنات يسلمون عليها ولا كان ثورت فيها....
رشا بمصاخه:شفيك أموله ساكته ومو ع بعضك تحسين بشئ.....
بفجــــــــــررررر فيها ا ا ا ا
الحما ا ا ا ا اره....
إغتصبت إبتسامه:لا مافيني شئ
يتهيأ لك...
رفعت حاجبهاوقالت:يمكن....
أشغلت نفسها بالسوالف مع
البنات قبل تفضح نفسها.....
أما لميس فكانت مو مع البنات
أبدا...تفكيرها كله في رعد من
صاراللي صار وهو ساكت وصلها لبيت عمها بصمت وشكله
مو ع بعضه كأنه معصب أو
ندمان ع اللي سواه...
أماهي للحين تحس بقلبها يرجف داخل ضلوعها...بعد
الإعتراف اللي إعترفته ع نفسها
بحبه...
هل غلطت لماحبته ..وإلا فتحت
ع نفسها باب ونوع جديد من
العذاب...
قطع حبل أفكارها صوت لمياء
:وا ا او فستانك مره روعه يالميس..من وين شاريته..
إبتسمت وهي تشوف نظرات
دلال المحتقره وقالت:رعد أهداني إياه لماكنا في شهر العسل...
كانت بتضحك لماشافت شكل
دلال إللي كأنها شوي وتذبحها...
لأنهاببساطه تكذب بس تبغى
تحرها...
صرخت لمياء برومانسيه:وا ا ا او
من فرنسا أرض العشاق.....
ضحكت سديم:هههههه طبعا
مايروح لها إلا العشاق...
وغمزت للميس...
إبتسمت لميس لماشافت إحمرار وجه دلال ... أما البنات بدوا يحكوا عن باريس ..وكل وحده تتمنى تروح لها شهرعسلها..مادروا إنها ذاقت الويل فيها...
قامت من عندهم وجلست عند
رغد اللي كانت حايسه بسعود
اللي بدى يبكي كالعاده....
وأخذته منها ياحرام رحمتها مره
كان واضح إنها طفشت من بكاها وموقادره تسكته....
ضمته لها وقامت تتمشى فيه
لعله يسكت ويوقف بكا....
طلعت رشا من الغرفه وسمعت
صوت فيصل ينادي شافتها فرصه وراحت قريب من الباب وقالت بكل نعومه:هلا فيصل
بغيت شئ...
فيصل ماعرفها بس قال:هلا
الله يعافيك ياليت لو تقولين لهم
يعطوني التوأم ...
إبتسمت بنفس النعومه:إن شاءالله ....
راحت لرغد وأخذت منها رند لأن
سعود مع لميس وراحت بسرعه للباب بعد ماتغطت باهمال ...
مدت رند له:تفضل....هذي رنوده...
فيصل تفاجأ إنها جابتها هي له
وانحرج ياخذها منها كذا تلفت حوله يمكن يلقى أحد بس المكان فاضي...
أخذها منها وإبتسم تلقائي لما
طاحت عيونه ع وجه رنوده البرئ والناعم ....
ورشا دايخه عليه وشوي تلصق
عيونها فيه...
طلعت من المجلس وإنصدمت
لماشافت رشا مع فيصل ولوحدهم ولابعد فيصل شاق الإبتسامه ويشكرها والإبتسامه ع وجهه وهي ترد عليه بكل غنج ودلع ...
بسرعه قياسيه الدموع غرقت
عيونها وحست بكتمه فظيعه..
رجعت خلفها قبل لاتشوفها رشا
ودخلت دورة المياه...
صحيح رشا مانتبهت لها بس اللي انتبه لها دلااااال...
طلعت جوالها من شنطتها وإبتسمت لماشافت المتصل
رفعت عيونها لداليا الجالسه قدامها وبإيدها كاس عصير
تشرب منه :داليا إنتي مقفله
جوالك...
داليا باستغراب:ليه...
إبتسمت وهي ترفع الجوال في
وجهها علشان تشوف المتصل..
وإنقلب لونها داليا أحمررر..
ضحكت سديم وهي تبعد الجوال عن وجهها:حرام عليك
ليه معذبه أخوي..
ردت عليه وهي تضحك ع
شكل داليا المنحرج...وسمعت
صوته وشكله معصب:عطيني إياها..
ضحكت سديم ورمت ع داليا الجوال وقامت علشان ترد غصب....
عضت شفتها بحرج وردت:ألو
سمعته يتنهد:آآه ياقلبي ..حرام
تحرميني من هالصوت...
إبتسمت وسمعته يقول بإصرار:
إفتحي جوالك بدق عليك اللحين
ماقدرت تقول شئ لأنه سكر الخط ...طلعت جوالها من شنطتها وأول مافتحته إلا هو يدق..
قامت وهي ترد عليه وتطلع من
المجلس ...
دخلت ريم وعيونها تدور ع أمل
:وين أمل..
لمياء:مادري
طلعت من المجلس وهي مستغربه وين تكون...
طلعت من الحمام بعد ماغسلت
وجهها من الدموع وشافت رشا
واقفه عند المغاسل تعدل شعرها قدام المرايا..
رشا وهي تشوف أمل تسحب مناديل تجفف إيديها:شفيه وجهك أمول كنتي تبكين...
إنصدمت منها وكان ودها تقطع شعرها اللي فرحانه فيه وقالت وهي ترفع حاجبها:لا ليش..
رشا بابتسامه تدعي اللامبالاه وهي ترتب خصل شعرها:عيونك محمره...
أمل:أبد كنت أغسل وجهي بصابون والرغوه دخلت جوا عيني...بس ولا تشيلين همي
ماتآلمني اللحين...
وطلعت تاركتها تبتسم بانتصار
مع إن حكيها الأخير ماعجبها...
بس الأهم إنها تأكدت إنها أصابت الهدف.....
جالسه بقرف من حكي البنات
عن تحديد ملكتها وإيش بسوون
....وحكيهم عن خالد ....
مقهوره موت ماتبغى خالد ولا
تبغى تسمع عنه أي شئ وهذول صجوا راسها فيه...
قامت من عندهم وراحت عند
البنات وجلست جنب دلال...
بعد العزيمه..
دخل رعد في غرفة رغد وكانت
متمدده وجنبها رند نايمه ...وشاف لميس واقفه وبحضنها

سعود..
جلس ع الصوفا ..ولميس منحرجه من رغد لأن الأخ ماشال عينه عنها..
رعد:رنوده نامت..
رغد:أيوه نامت::
قام رعد وقرب من لميس و
هو يناظر سعود...نزل راسه يبوس سعود ..ولميس حبست
أنفاسها لأنه قريب منها وريحة
عطره حاصرتها..
بكا سعود ورغد قالت بملل:رعد
الله يهديك ماصدقنا يسكت
رعد وهو يرجع لمكانه:والله
شسوي إذا ولدك دلوع..
دخلت ريم بعد مابدلت لبسها لبجامه:ماسكت جرس الإنذار
رغد:وجع ريمووه.. قولي ماشاءالله لايجي ولدي شئ..
ريم:ههههه ماشاءالله ..بس صدق لوع كبدي من اليوم و
هو يبكي..فشلنا عند الناس...
قربت من رند:ياحبيل رنوده اللي
صايره مثل خالتها هاديه وحبوبه
رغد:أيوه مررره ع خالته..
ريم:أيوه أنا يوم كنت صغيره
ماكنت أبكي مثله..

رعد:إيش عرفك...
ريم بثقه:أمي تقول...
رغد:والله كنتي مثله وأشد
رعد :وأنا أشهد..
ريم إنقهرت ورفعت إيديها:يارب
ياكريم تزرق رعد ولد ماينام الليل والنهار من بكاه...
رفع رده بيغيضها:آمين..
وناظرفي لميس:عادي لميس
تعرف تسكته شوفي كيف سكت
سعود...
طاح قلبها وحمروجهها ونزلت
راسها وماتدري شفيها...هذا شكله يستهبل ...وإلا إنه بيرفع
ضغطها ويقهرها...
حطت سعود ع سريره وإنسحبت برى الغرفه...وهي
تحس باختناق من نظراته...
شافت رنا قدامها ..ناظرتها رنا
باحتقار :صدقتي الحكي اللي
قاله رعد.....تراه مايقصده مظاهر بس...وإلا هو قايل لي
إنه مايبي منك عيال ولو يبي تزوج وحده غيرك تجيب له ....
لأنك عارفه نفسك...
أبعدتها عن طريقها وراحت لغرفتها وسكرت الباب...
غرقت عيونها دموع... وحطت إيدها ع حلقها تحس كأن فيه
شوك يآلمها .....مستحيل يكون
قايل لهم إنه مايبغى مني عيال...مولدرجه إنها يعلنها للكل...حست بالقهر والكره له..
هذا هو رعد قاسي ..ويكرهها..
وهي بإيش جازته إنها حبته...
مايستاهل...اللحين عرفت سبب
نظراته يسخر منها..
نزلت تحت للصاله وجلست ع
الكنبه...سمعت صوت ورفعت
راسها شافت فيصل يدخل للصاله... تغطت وقامت واقفه لماسمعته يقول:هلا لميس..كيفك..
إبتسمت لماشافته:الحمدلله تمام إنت كيفك...
كانت تسمعه يسألها عن الجامعه وهي سرحت فجأه لو
كانت متزوجه فيصل كان عاملها
أحسن معامله..كان حطها في
عيونه...كان إحترمها ...
إنتبهت ع رعد واقف ومن قبضة
إيده القويه ونظرة عيونه الحاده
إنه معصب ...
إكتشفت إنها واقفه مع فيصل
لوحدهم وإن عقله المريض أكيد توهم أشياءثانيه....
طلع فيصل من الصاله لفوق....
وهي غصب عنها بلعت ريقها بخوف لماشافته يقرب منها ويرمي عليها عباتها:والله لولا الحيا كان ذبحتك في مكانك...
أخذت عباتها وقالت:ليه...
عيونه خوفتها وذوبت أوصالها
تحس فيه شئ موطبيعي سمعت صوته الحار:اللحين عرفت ليه إنقلب وجهك وكرهتي عمرك لما سمعتينا
نحكي عن العيال.....فيصل ها
حبيب القلب ماقدرتي تصبرين
ورحتي له....هه والمشكله إنه
أخوووووي...للحين تحبينه ...
ضمت عباتها وهي ترجف ومو
قادره تقول شئ ....شكله خوفها كان ينتفض وإيده ع جبينه
ناظر فيها وصرخ:لبسي عباتك..
لبستها بسرعه حتى ماتدري كيف
لبستها بس أهم شئ تهرب منه
طلعت وراه وهي تدعي ربها
يلطف فيها....
****************
يوم زواج ماجد وداليا....
من ذاك اليوم ما إحتكت فيه و
ساءت علاقتها معها صحيح ما
كان يحاكيها ومعظم الوقت برى
البيت بس تكفي نظراته ومنعها
إنها تروح بيت عمها...
لبست فستانها الأسود الأنيق
بعد ماحطت لها الكوفير مكياجها اللي جابتها ريم وجلست تلبس عندها...
طلعت ريم عليها فستانها النيلي
:شرايك حلو...
لميس:أيوه حلو ...حتى لونه مناسبك ومفتحك زياده....
ريم:وإنتي بعد الأسود مره يجنن
عليك...
إبتسمت وهي تعدل شعرها
....وترتب الأغراض في شنطتها اللي بتاخذهامعاها ....

ريم:الجو بارد اليوم صح
لميس:أيوه..
أخذت عباتها ريم:يالله لموس بنتظرك في الصاله...
لبست عباتها وأخذت شنطتها
وطلعت...شافت رعد جالس يلبس جزمه السود وشكله ووووووو خطيييير.......
رفع راسه لماخلص وناظر فيها
ثم أبعد نظراته وهو يقوم:يالله
ريم تذكرت:يووه لحظه نسيت
ألبس ساعتي...
دخلت للغرفه ولميس ظلت
واقفه في مكانها وضامه شنطتها وطرحتها ع أكتافها...
ناظرت رعد من طرف عينها لقته جالس ع الصوفا و وشكله
ماعجبه إنه ينتظر...
وصلتها رساله ع جوالها وفتحتها
إبتسمت وكانت بتضحك لأن
الرساله من داليا تتوعدها لو
ماحضرت الزواج زي الملكه..
فتحت عيونهابوسعها لماانخطف
الجوال من يدها..
رفعت عيونها وشافته بيد رعد
اللي رفع حاجبه لماقرا الرساله
...
إنقهرت منه شقصده من هالحركه...
سحبت الجوال من يده:لاتتدخل
في شئ مايخصك...
شافته عيونه ضاقت بعصبيه و
مسكها من يدها:عيدي هالحركه هذي مره ثاني...
إنقهرت منه وسحبت يدها:علم
نفسك قبل ...
دخلته بشنطتها وإيدها ترتجف
قبلها يضرب وهي تشوف واقف
وماتحرك ... تحسه شوي ويذبحها ..
رفعت عيونها والتقت بعيونه...
وآآآآآه من عيونه.....
قلبهابيطلع من مكانه من قوة
دقاته...
ظل يناظر في عيونها الزرقا
بشدو أسود معطيهاسحر ثاني
فجأه عبس وجهه ومشى للغرفه وهو ينادي بعصبيه:ريــــــــــم...
طلعت ريم بسرعه وهي تلبسها:سوووري والله نسيت وين حطيتها وقاعده أدورها...
مشى وماتكلم...
**************
دخلوا للقاعه وفسخوا عباياتهم
وعطوها الأمانات...
عدلوا أشكالهم ومشوا ..
قابلوا البنات واقفين عند المرايا
يضبطون أشكالهم..
سلموا عليهم وشافوا أم ماجد
في الإستقبال وسلموا عليها وباركوا لها...
أخذتهم لداليا اللي طالعه قمر
في هالليله...ضموها بفرحه و
هم يباركوا لها...
سديم:فستانك مره يجنن..
داليا:بس أحسه عريان بزياده
ريم:ليه بالعكس حلو...
ضحكت سميه:خلي أخوي يستانس...
ضحكوا البنات وداليا حمروجهها
...
جلسوا معاها شوي وطلعوا...
راحوا لطاوله من الطاولات المزينه وجلسوا حولها...
ناظرت في رشا ودلال اللي توهم داخلين ...ويمشون بدلع
وثقه..
دلال لابسه فستان أفوايت قصير
ورشا لابسه فستان ليموني برضو قصير...
كشرت بضيق ماتبغى تشوف
رقعة وجه رشا..وقامت:بنات بروح أرقص مين تجي معاي..
قامت معاها ريم ولميس وصعدوا المنصه...
قامت رنا وسلمت ع دلال وجلسوا حول طاوله لوحدهم
وجلست معاهم رشا...
رقصوا البنات لين تعبوا ورجعوا
للطاوله..
وقفت أمل لماسمعت أمها تناديها وراحت لها كانت واقفه
مع حرمه كبيره وجنبها وحده صغير يمكن في آواخرالعشرينات...
أم خالد:هذي بنتي أمل...
إبتسمت الحرمه :بسم الله ماشاءالله...
سلمت عليها وعرفت إن إسمها
أم طلال واللي جنبها بنتها..
ماتدري ليه إنقبض قلبها وماارتاحت لهم...إستأذنت بسرعه ورجعت للبنات...
ريم:شفيك..
أمل فضلت ماتقولها وقالت:ولاشئ سلامتك...
ريم:مين اللي سلمتي عليها
أمل:صاحبة أمي...
سديم:بنات مو هذي مرام...
ناظروا في البنت اللي لابسه فستان أخضر بذهبي متجهه لطاولة رنا ودلال:أيوه
ناظرو ريم وأمل في بعض لما
تذكروا تولين....
وكأنهم قروا أفكار بعض وقاموا
متجهين لطاولتهم...
سلموا ع مرام:كيفك..
مرام بغرور:تمام وإنتو...
:تمام
ريم ببراءه:شخبار تولين ليه ما
جت معاك....
إنصدمت وأظلم وجهها بشحوب وماتدري إيش تقول وماتقدر تنكر دامهم
نطقوا إسمها:آ...بخير....
أمل لاحظت التغيراللي صارلها:يوووه خساره كان ودنا نتعرف
عليها....
رجعوا لطاولتهم ...ودلال ورنا
مستغربين:مين تولين...
مرام انحطت في موقف لاتحسد
عليه وقالت وهي تاخذ شنطتها
:عن إذنكم بروح أعدل مكياجي..
دخلت دورات المياه ووقفت قدام المرايا وعيونها لسى مصدومه....إيش عرفهم بتولين...كيــــــــــف عرفوا....
آآآه.....يالفضيحه...أكيد زياد وتولين....حقدت عليهم من قلب
فجأه حست بغثيان ورجعت كل
اللي في جوفها ....وكبدها حايمه...غسلت فمها وعدلت مكياجها ع وجهها اللي اصفر...
وطلعت...
****************
بعد زفة داليا الرايقه وجلوسها
في مكانها المخصص اللي عباره عن صوفا شكلها غريب
..
وسلموا عليها الحريم وباركوا
لها ..رقصوا قدامها البنات وهي
تبتسم لهم بس إبتسامتها إختفت
لماسمعتهم يقولوا إن ماجد بيدخل...طاح قلبها بخوف ووجهها يحمرر وشدت قبضتها
ع مسكتها اللي عباره عن ورد
جوري أحمر وأبيض وداخله كريستالات ناعمه....
دخل ماجد مع أبوها وأخوها
محمد....
قلبه يدق بقوه وهو يشوف حبيبته قدامه بفستانها الأبيض
اللي مخليها ملاك....
نفسه يقصر المسافه بسرعه
ويوصل لها....
قرب منها ومسك يدها الناعمه
اللي بدت ترتجف...
وعيونه تتأملها بحب كبير..:مبروك حبيبتي...
نزلت راسها أكثر باحراج لما باس جبينها ووجهها يشتعل حراره ....
سلم عليها أبوها وأخوها وصوروا معاها وطلعوا...
لبسها الطقم اللي جابته له أمه
وباس يدها لمالبسها الخاتم....
بتذوب من الخجل وهو وده يضحك لما شاف إحمرار وجهها
هي حالفه ع البنات مايجيبوا
عصير وأي شئ ثاني لأنها بتجيب
العيد....وخايفه البنات يتناذلوا ...
بس الحمدلله عدت ع خير...
طلعوا لغرفة العروسين بيصورون ويطلعون بسرعه...
تناذل معاها ماجد هالمره بحركات التصوير ...وهي نفسها
تذبحه...أما هو حيل مبسوط ...
*************
لمارجعت من الزواج ...حطت
حرتها في تولين المسكينه...
وتهاوشت مع زياد اللي رجع من
السفر ومنعته يشوف تولين...
وطردته من البيت ...
وصممت تخبرأبوها باللي صار..
*****************
ضامه يديها اللي ترتجف...وقلبها
يغوص داخل ضلوعها من الخوف والإرتباك...لماجلس جنبها وقال :مبروك ياقلبي..
همست بخجل:الله يبارك فيك..
إبتسم بخبث وقال:وأخيرا ياداليا
أنا وإنتي لوحدنا ومافيه أحد معانا..
رفعت راسها وشافته يبتسم
بتسليه...وعرفت قصده
قالت بسرعه بتهرب:أنا جوعانه...
رفع حاجبه وقال:عيوني لك....
تنفست براحه لماقام من عندها
وقامت تبدل لبسها....
أخذت شور سريع وجففت شعرها ولبست روب طويل أفوايت نعوم ...وحطت قلوس و
كحل ...وتعطرت ...سمت بسم
الله وطلعت...
شافته يبتسم لها وعيونه تلمع...
قرب منها ومسك يدها وجلسها
جنبه...
ماأكلت أبدا مستحيه منه مووت...
بس شربت من العصير...
ناظرفيها وع وجهه إبتسامه وعيونه تتأملها:هذي اللي جوعانه ....
إبتسمت باحراج وهي تبعد شعرها عن وجهها....
وهو ضل يتأملها وبتسامته مافارقت شفايفه
يمووت عليها وعلى حياها
قرب منها بيحضنها وهي علطول قامت مسك يدها وقال
على وين
ارتبكت ماتدري وش تقول...
سحبها له برقه وماعطاها فرصه تهرب ......
*************
دخلوا للبيت وكانت بتروح لغرفتها ....بس شهقت من اللي
سمعته:إيـــــــ
*************
دخلوا للبيت وكانت بتروح لغرفتها ....بس شهقت من اللي
سمعته:إيــــــــــش....
ناظرت فيها باستغراب:ليه إنتي
ماأنتي موافقه...
صرخت باعتراض:طبعا ماني موافقه..
ردت أمهابهدوء:عمك قال لأبوك
إنه يبغاها بعد بكره وأبوك وافق..
ردت بعصبيه:أنا اللي بتزوج وإلا هم ...مو ع كيفهم يحددوا موعد الملكه بدون رأيي...
:لأن رايك مايهم...
التفتت بخوف لفيصل الواقف خلفها وعيونه تناظرها بحده..
أول مره تخاف منه ..يمكن لأنها
شافت وحشيته مع بندر..وخافت
يسوي فيها مثل ماسوى في بندر
أو إنها خافت إنه يفضحها عند
أمها...
قالت بارتباك:بس....مايمديني
أتجهز شئ....
فيصل باحتقار:إنتي إحمدي ربك
إنه قبل فيك ...
أم رعد بابتسامه وإيدها تلف حول أكتاف رنا: بنتي بسم الله
عليها الكل يتمناها...
فيصل رفع حاجبه بقهر:ماأظن
يمه ماأظن....
تركت أمها وهي مقهوره وحابسه دموعها وصعدت الدرج
ركض....
أم رعد بحيره:يمه شفيك ع أختك....
فيصل :يمه بنتك كبرت وبكره تتزوج خليها تنسى الدلع اللي مو نافعها....
وصعد متجه لغرفته ....وهو يغلي من داخله.....لوتعرفين يمه بنتك إيش سوت كان مادافعتي عنها.....
***************
نظفت البيت كله وغسلت ملابسها وملابس رعد ....ولما
خلصت صلحت قهوه وشاهي وجهزت عصير ..وخلت السواق
يجيب فطاير وحلى لأن مافيها
حيل تسوي شئ......
أخذت شور سريع ...ولبست بنطلون أسود سكيني ...أول مره
تتجرأ تلبسه في البيت وعند رعد..
بس علشان البنات أول مره يزوروها في بيتها وأصلا ماعاد
يهمها رعد.....ولبست بلوزه توب
بيضاء منقطه بنقط سود متوسطة الحجم وتحت الصدر
حزام أحمر ناعم ولبست صندل
بكعب عالي أحمر..... شعرها سوت فيه نفخه بسيطه من قدام وتركته مفتوح وحطت مكياج ناعم وقلوس أحمر هادي....تعطرت وجلست تحط
لها مناكير أحمر....
طلعت من غرفتها وهي تنفخ ع أظافيرها علشان يجف اللون...
سمعت دق ع باب المدخل...وراحت تشوف مين...فتحته وشافت وحده من خدامات بيت
عمها شايله الأكياس اللي جابها
السواق ...خلتهاتدخلها المطبخ وترتبتهابسلال مزينه وطلعت....
طلعت الخدامه من المدخل ع
دخلت ريم:كان خليتها تجلس
علشان تساعدك....
سلمت عليها لميس:لاعادي مو
محتاجه لها....
هي ودها تجلس عندها بس
خايفه رعد يلعن خيرها....وهي
مو ناقصه بعد يهزئها قدام البنات.....
ريم بإعجاب:شكلك مره خطير
السكيني مره خطير ع جسمك..
لميس إبتسمت:thanks
قعدوا شوي وجوا البنات كلهم
مره وحده.....
وجلسوا في المجلس...قدمت
لهم لميس العصير...ومافاتتها
نظرات دلال الحاقده والغيوره ..
ماكان ودها تعزمها بس هي عارفه إن خالة رعد أمهم مارح
تسكت ..بتقول زوجة رعد عازمه البنات ولا عزمت بناتي..
زفرت ..الله يعدي هاليوم ع
خير....
سديم:ماشاءالله يالميس بيتك
مره يجنن..
إبتسمت:تسلمين...
فار دمها دلال لأن المفروض
يكون هذا بيتها كانت عيونها بدور
بكل مكان بحسره وقهر...
لمياء:ياليت لو داليا معانا...
لميس:كيفها...سافرت...
دانه:أيوه...سافرت الصباح..
ضحكت ريم:وكيف البيت من
غيرها...
دانه:يووه بنات لاتذكروني ..يانا
بكيت بكا لين قلت آمين...البيت
أحسه صار هدوء...وأنا طفشانه مره...
سديم:طيب عندك زوجة أخوك
محمد..
دانه:مو ساكنه عندنا..ولاتجينا
كل يوم..الظاهر أختها بتتزوج وتساعدها في التجهيز...
أمل:الله يعينك أجل ..ويعيني معاك إذا راحت سويره..
ضربتها ساره ع كتفها :وجع إيش هذي سويره..شوهتي إسمي...
ضحكوا البنات لما إنتثر قطرات
من كاس العصير اللي كانت ماسكته أمل بيدها ع تنورتها وصرخت:تنووورتيي يادبه ..
أمل وهي تنظف تنورتها:هذا وأنا
أقول بفقدك ..

ساره:أيوه بس لا تقولي هالإسم مره ثانيه...
لميس:حددتوا موعد الملكه...
أمل بتريقه:أيوه حددوها شكل
الأخ وليد مو قادر يصبر...
حمر وجهها ساره ..والبنات ضحكوا...
لميس:متى..
أمل:الأسبووع الجاي وماراح يحطوا حفله بعد...
لميس بتعجب:ليه...
أمل:مادري الظاهر هذي مو
من عاداتهم حفلة الملكه...
سديم:يعني بس يجي هو أبوه
وأعمامه ويملكوا ويطلعوا...
أمل:أيوه...
دلال رفعت حاجبها:وإنتي راضيه..
ساره:طبعا راضيه..أجل بقعد
أناكشهم إلا بحط حفله....
دلال كشرت ماعجبها الحكي...
قامت لميس وجابت القهوه ...و
مارضت ريم إلا تصب معاها...
مدت الفنجان لدلال اللي أخذته
بطريقه تخلي قطرات منها تطيح
ع يدها وقالت بجزع :آآآه إنتي ما تشوفين...ماتعرفين كيف تقدمين الفنجان كويس...شوفي
كيف حرقتي يدي...
لميس تفاجأت منها خير ترفع
صوتها عليها وهي في بيتها وأصلا واضح إنها متعمده قالت
بعصبيه:وإنتي ماتعرفي تاخذي
الفنجان كويس....وبعدين لاترفعي صوتك وإنتي في بيتي..
عطتها ظهرها ومشت وهي تغلي منها....هذا أول الغيث...
قدمت لهم الحلى ...ولاحظت إن
دلال تناظر في كل شئ قدامها
بقرف وكأنها حالفه ع نفسها
ما تمديدها ع شئ....
قالت بلعانه ودلع:دلال شفيك
ياقلبي ماتاكلي من الحلى ...
تفضلي حياكي....وإلا أصابعك
تعورك....
لاحظت وجه دلال اللي تغير
بقهر....وشرقت أمل باللي بفمها
وعطتها دانه كاسة مويه اللي
قريبه منها...وناظرتها مفجوعه
من حكيها...غير نظرات البنات المتعجبه والمصدومه ..
إبتسمت في وجيههم وناظرت في دلال اللي بتطق من القهر
وهي تقول:ماحب أكثر من الحلى ..مابي جسمي يخرب..
رفعت حاجبها لميس وهي تناظرها من فوق إلى تحت بابتسامه:آها..يحق لك..
البنات ناظروا بعض وإبتسموا
...
عصبت دلال وقامت :وين دورات
المياه..
دلتها الطريق ..وطلعت دلال..
ضحكوا البنات وقالت رشا بغيظ:ليش الضحك..
سكتوا البنات لماانتبهوا لوجودها
وقالت أمل:حرام بعد نضحك...
رشا:لا موحرام بس ماأشوف
سبب للضحك..
أمل:والله عاد مشتهين نضحك
شدخلك...ليش محتره..
قطعت لميس سيل النظرات القاتله والمتحديه اللي يتراشقونها أمل ورشا لماقالت:
أموله عطيني فنجالك أصب لك..
أخذته منها وصبت لها .... وماتدري إيش حست فيه وخلاها تطلع وتشوف دلال واقفه قدام رعد وقريب منه
وشكلها تشتكي له بدلع وتمسح دمعات إعتصرتها غصب....تقول له إنها إنهات في بيته وإنه أكيد
مايرضى إن ضيوفه تنهان في بيته.....ومادري شنو....
وشافت ملامح رعد اللي وضح
عليها الغضب والعصبيه ...
مشت بدلع وقالت بنعومه ودلع:
أهلين حبيبي إنت وصلت....
شافت شكله منصدم وإختفت
ملامح العصبيه وشكله مرتبك
وهويحك رقبته بإصبعه ومايدري
إيش يقول:آ..أيوه
تمسكت بذراعه باحتضان وقالت لدلال
اللي واقفه مصدومه:معليش
دلال رعودي توه جاي من الشركه وتعبان وماله خلق أحد...
وسحبته معاها لغرفته تاركه
دلال واقفه وشوي تنفجر من
القهر والعصبيه...
تركته بتطلع من الغرفه ...وشهقت لما مسكها رعد بقوه
ودفعها ع الجدار ولصقت فيه
وأنفاسه الحاره حرقتها ...وريحة
عطره ذوبتها..:إيش قصدك من
هالحركه ها...
لفت وجهها وقلبها يسابق الزمن:
ما....قصدي...شئ....إتركني...
رفعت عيونها تناظره ...شافت
شكله معصب وعرق بجبينه ينبض وإيده ترتجف ...:لاعاد
تعيدي هالحركه ثاني مره...
هزت راسها بأيوه وهي مستغربه كل هذا علشان اللي
سوته ..
تركها وإيده تتخلل شعره ويزفر
وشكله مو ع بعضه....
حركته هذي جمدتها في مكانها
يخبببببل يانا ا ا اس ..يجنن...
كشرت ع أفكارها وتحركت بتطلع...
رفع راسه وناظر فيها:ماخلصت
كلامي..
ناظرت فيه يعني خير...
رعد:أعتقد إن من الواجب عليك
إنك تحترمي الضيوف اللي في
بيتك..
إنقهرت منه لأنه يقصد دلال
وقالت :والله عاد اللي مايحترمني مايستحق إنه أعطيه
ولو شوية إحترام...
رعد بعصبيه:تحترميهم غصب عنك ..هذولا في بيتي ومو رعد
اللي يطلعوا ضيوفه من بيته منهانين...
خلاص ماعادت تتحمل دفاعه
عن مرام بهالشكل لدرجة إن
مايهمه إذا إنهانت هي أولا....
صرخت فيه:كافـــي دفاع عن
دلال..إذا تحبها وماترضى عليها
تزوجها وطلقنييي....
ماحست بدموعها اللي تساقطت
بقهر وألم....
طلعت من الغرفه ...ودخلت غرفتها مسحت دموعها بقهر...
مايستاهل أبكي علشانه....
صرخ صوت داخلها...بس إنتـــــــــي تحبيـــــــــه...مو سهل إنك تشوفيه يصارخ عليك
علشان وحده غيرك لاهي زوجته ولاإخته...
غمضت عيونها بقهر...وتنفست
بعمق وهي تهدي نفسها مو
وقته تبكي عندها ضيوف ومو
معقوله تخليهم...
رتبت شكلها وطلعت ..دخلت
المطبخ وأخذت الشاهي معاها
وطلعت من المطبخ ...شافته
يدخل مكتبه وهو يقول: جيبي
لي شاهي...
حمدت ربها لماشافت إن المجلس بعيد ومايقدروا يسمعوا أصواتهم....
دخلت المجلس وهي ترسم ع
وجهها إبتسامه...
شافت إن دلال ورشا موموجودات يعني إطلعوا.....
أحسن فكه....
سديم باحراج:رعد موجود..
لميس إبتسمت:أيوه بس عادي
خذوا راحتكم بيطلع اللحين...
وطلعت تجيب الفطاير ولحقتها
ريم....
ريم إستغربت لماشافت لميس
تصلح شاهي بكوب.:مو تقولي
رعد بيطلع...
لميس:أيوه عارفه لأني مابغى
البنات يطلعوا ....لأني لوقلت لهم
موجود بيطلعون....
ريم:آها...
أخذت ريم سلال الفطاير وطلعت...
صفت له فطاير بصحن بيضاوي
وحطته مع الشاهي... وطلعت..
دخلت وحطته قدامه ... رفع راسه وناظرها .... بس هي طلعت بسرعه ...قبل لا يصير
شئ ثاني...
أصرت ع البنات يتعشوا عندها
وحلفتهم ...ورضوا...
بعد ماطلعوا البنات ....كانت
ريم بتساعدها في تنظيف المطبخ بس مارضت ....وخلتها
ترجع للبيت تجهز أغراضها للملكه بكره....
تعبت كثير من تنظيف المطبخ
وبينما هي بغمرة إنشغالها
سمعت صوته خلفها وشكله
من زمان وهو واقف:كاشخه اليوم ها....
ناظرت فيه وصدت من نظراته
وقالت بتريقه:يعني تبغاني أقابل ضيوفي بجلابيه....
التفتت تناظره وشافته واقف
وعيونه تناظر شئ فيها...ناظرت
لبسها ...وإنهبلت توها تستوعب
إنها لابسه توب قدامه...
رفعت راسها لماسمعته:بس تصدقين لايق عليك هاللبس...
عطته ظهرها وقالت بارتباك..و
الهوا إنعدم حولها:آ....أحط لك ..عشا
سمعته يتنهد وقال:لا شبعان...
مشت بتطلع ...بس كان ساد الباب بجسمه ...
شافته يمد يده بتردد بيمسك يدها ...ثم تراجع ودخل غرفته...
****************
شهقت برعب لما شافت أبوها
....وقلبها بيطلع من مكانه....
إستسلمت ليده اللي سحبتها
وغمضت عيونها لماصرخ أبوها
عليها بسب وشتم وهو يضربها
بقسوه.....
كان تترجاه يتركها..جسمها مو
قادر يتحمل الضرب أكثر من كذا:آآآه و..والله..ماقلت لأحد شئ..و..والله....
صرخ فيها وهو يشد شعرها:أجل ميييييين اللي علمهم...مييييين اللي فضح السراللي خبيته كل السنوات هذي.....
بكت وجسمها تحسه متخدر من
الألم:والله مو..عارفه ...والله مو
أنا آآآآه....
رماها ع الأرض بعد ما أشبعها
ضرب...قدام عيون مرام الشمتانه والمتشفيه...وطلع من
الغرفه بكل غضبه....
قربت منها مرام وسحبت شعرها:تستاهلييييين ...أكرهههك
أكرهك وأتمنى موتك أتمناااه...
تركتها بإشمئزاز ..وطلعت...
ضمت نفسها تبكي...ياليييت أموووت وأفتك من حياتي...ياليييت..آآآه....
***************
في يوم الملكه.....
كانت تبكي بقهر ...ماتبغاه تكرررههه ...تكررهه...
ريم مستغربه من بكاها.:رنا
ليه تبكين مو إنتي موافقه...
رنا:لا أنا ماأبغاه أكرهه ...أنا
مو وافقه...إخوانك هم اللي غصبوني....
حاولت تهديها وهي متفاجئه من
إخوانها مستحيل إخوانهايجبرونهم ع شء مايبغونه.....
بس مع ذلك مبسوطه لأن إختها
بتتزوج خالد....خالد أكيد بيحبها ...وبتعيش معاه بسعاده...
لأنها عارفته يخاف الله بكل شئ...
دخلوا المصففات يزينونها وطبعا
كان نفسها براس خشمها ..و
كل شوي تصارخ عليهم وريم
تبتسم لهم باعتذار.....
خلصوا منها وكان شكلها رووووعه ....
ريم:وا ا او رنا شكلك يجنن..
رنا بغرور:عارفه...
دخلت عندها دلال وسلمت
عليها وهي تبارك لها..وطلعت
ريم لغرفتها تجهز....
***************
كانت جالسه بعد مازفوها وكارهه نفسها....وتناظر الناس
بغرور وهي تشوف نظرات الإعجاب منهم....
شافت أمها تأشر لها تقوم..وعرفت إنها تبغاها توقع وتدخل
ع خالد....
خالــــــد...حقدت عليه من قلبها
وتوعدته إنها بتحول حياته لجحيم ..وتخليه يكره اليوم اللي
فكر فيه إنه يخطبها....
وقعت بسرعه وهي تقاوم
دموعها وتتصنع البسمه والفرح
والخجل...ماتبغى تشمت أحد فيها....وخصوصا لميس اللي
كانت واقفه بعيد عنها وعليها
فستان بنفسجي نعوم وشعرها
مسويته كيرلي ورافعته من قدام بحركه حلوه.......
إنقهرت لماشافتها بتغطي عليها
بالجمال ...صحيح هي حلوه وجميله بس لميس عندها جاذبيه أكثر وملامحها أجمل...
ردت ع البنات بغرور اللي تجمعوا يباركون لها.....
وباست راس أم خالد وهي تغتصب إبتسامه....
أخذتها معاها أمها للمجلس
...
رفعت راسها بغرور وثقه ومشت داخله داخل....
أول ماطاحت عينها عليه وهو
واقف قدامها بابتسامه تلمع
منها عيونه....
وكأن شئ ضخم طاح ع راسها
وفجرها....
حست بالخوف والإرتباك غصب
..
سحبت يدها من يده بقوه
لماحست بأصابعه تمسكها ...
وشافته تفاجأ من حركتها ....
ضمت يدها لها وهي تبعد عنه
...
رفعت راسها لما حست بنظرات
حاده تخترقها....وشافت عيون
رعد الحاده يناظرها بتهديد
وعصبيه لو سوت شئ....
نزلت عيونها وقلبها يرجف داخلها
..
جلست جنب خالد اللي الإبتسامه
ع وجهه وهو يقول:مبروك رنا...
إرتجفت لماسمعت صوته وقالت
بهمس:الله يبارك فيك....
شافت رعد يطلع ويسكر الباب..
وتنفست براحه...
التفت لخالد وشافته يناظرفيها
بابتسامه...
قالت بسرعه وهي ترفع حاجبها:خير فيه شئ ضايع في
وجهي...
إبتسم وأخذ يدها بإيده وحطها
ع قلبه:هذا
إنصدمت ووجهها بهت ...شقصده..آآه هذا إيش يقصد..
سحبت يدها منه بسرعه ...وقلبها وصل حلقها ...ضمت يدها
اللي تحس للحين أصابعه ماسكتها...
رفع حاجبه وقال:تصدقين إنك

مغروره...
ناظرته باحتقار وقالت بغرور:
طبعا يحق لي...
صدمته نظرتها وأسلوبها ...
إنفتح الباب ودخلت أمه وأم رعد
وخواته..
أمل لاحظت وجه أخوها..وإنقهرت لما عرفت إنها أكيد رمت عليه كلمه من كلامها البشع....
باركوا له ...وسلم ع أم رعد
بابتسامه وهو يشوف الفرحه
في وجيه خواته وأمه...
لبسها شبكتها...وجلسوا عنده
خواته شوي وطلعوا....
ورجع الهدوء ..قامت وقال خالد:ع وين...
قالت بغرور:أنا تعبانه وبروح
أرتاح...
وقف معاها ومديده:أوك..
صافحته وتجمدت مكانها لما
باس خدها...
إحمر وجهها ..وعيونها مصدومه
..
إبتسم وقال:مع السلامه..
طلعت من الغرفه معصبه ومقهوره منه...
إبتسم وهو يلعب بجواله وقال:
والله لأكسر الغرور اللي فيك
وماأكون أنا خالد...
طلع من المجلس...
وتفاجأ لماشاف عادل وفيصل
يسلمون ع رائد ويباركون له
وفيهم الضحكه....
خالد:خير أذكر أنا العريس مو
هو...
ضحك رعد وقال:هذول الله
يسلمك يباركون له ع عتقك له... بيشوف حياته الأخ ههههه
ضحك خالد..وانفجروا عادل
وفيصل ضحك...
رائد:طبعا حبيبي والمفروض
أسوي حفله بعد...اليوم تاريخي
خالد ودع العزوبيه ...وأعتقني
ورحمني علشان أشوف حياتي
...
**********
إبتسمت تهدي بنتها اللي دمعتها
متعلقه برمش عينها:يايمه لا
تضيقين صدرك ...إن شاءالله
بتحملين ...توك لاتستعجلين...
قالت بصوت مخنوق: شنو لسى يمه أنا لي فتره طويله متزوجه ...أنا خايفه يمه ماأحمل
أكون عقيم...
أم خالد:بسم الله عليك يمه..
رهف لاتفاولين ع نفسك ...وإنتي لسى
صغيره وعادي لو تأخر حملك
شوي....
رهف: بس أخاف نايف مايصبر
ويبغى عيال
..
أم خالد:ليه يمه إنتي مو واثقه
في زوجك وإنه يحبك...
رهف بصدق:إلا يمه والله إني
يحبني وعمره مازعلني...
أم خالد:شفتي كيف...طيب هو
قالك شئ سألك ليش ماحملتي..
رهف:لا ولافتح معاي الموضع...بس...بس أنا أحسه يبي عيال
لمايشوف عيال إخوانه وخواته
حتى إخته متزوجه بعدي وشوفيها توها والده ومتعلق بولدها مره....
أم خالد:طيب إرتاحي ليش
مضيقه صدرك دامه ماقال لك
شئ ...بعدين إنتي من متى تاركه حبوبك..
رهف:من زمان يمه...
أم خالد:ياحبيبتي لازم تطولين
بعد تركك للحبوب لأنك نكتسبين
مناعه وبعض الحريم مناعتهم
تطول...
رهف وواضح إنها إرتاحت شوي
من حكي أمها:طيب...إدعيلي
يمه..
أم خالد:الله يرزقك بالذريه الصالحه..ويبلغك بحملك عاجلا
غيرآجل..
رهف :أمين..
دخلت أمل توها قايمه من النوم
وعليها بيجامتها مابدلتها ويالله
تفتح عيونها وشكلها نعسانه..
رهف:غريبه صاحيه..
أمل بنعاس:والله إني دايخه
فيني نوم..بس ماأبغى أرجع أنام علشان أنام في الليل بكره فيه جامعه...
أم خالد مدت لها فنجان قهوه:أيوه أحسن لك وشوله كثر النوم...
شربت من الفنجان وهي تناظر
في الصينيه :مافيه حلى...
أم خالد:إلا فيه قومي حطي
لك وكثري لأن أسمع حس رائد
شكله صحى..
أمل بكسل:يووه مافيني حيل
أقوم..
صرخت تنادي الخدامه:جيبـــــــــي الحلى...
أم خالد:الله من العجز فيك..
دخل رائد:السلام..صباح الخير
باس راس أمه وجلس..كشر
وهو ياخذ الفنجان من أمه وعيونه تناظر في أمل:الله يسد
نفسك ع هالصبح..إنتي وهاللون اللي عليك..
ناظرت في بيجامتها الكحلي الغا ا ا ا ا امقه:شفيها بعد..
رائد:تكفييين البسي لون فاتح
أنا بسألك ماتحسين بالكآبه
أبد منه...
أمل:لا ...والله عاد عاجبني...
رائد:ماأقول إلا الله يعين رجلك
ع هالكآبه اللي بعيشها...
أمل:وأنا أقول الله يعين زوجتك
شكل عيونها بتنفقع من الألوان
الفاقعه اللي بتلبسها إياها...
رائد وهو ياخذ قطعة حلا بالشوكه:ع الأقل ماراح يجيها
إكتئاب حاد زي رجلك المسكين..
ماردت عليه وقالت فجأه بصراخ فجعهم :أيـــــــــوووه صح
رهـــــــــف إيش جابك عندنا
من الصبـــــــــح...
رماها بكرتون المناديل بعصبيه:ووجع ماتعرفين تتحكين إلا بصراخ ....
ضرب كرتون المناديل بجبينها
وضحكوا من شكلها المصدوم..
قام وهو يضحك:يمه بنتكم
هذي لاتزوجونها خساره فيها
ولد الناس...بتفجعه وتجيب له
الكآبه...
طلع بسرعه ..لماسمع صراخها:
را ا ا ا ا ا ا ا ا ا ا ا ا ا ا ائد يا حما ا ا ا ا ا ا ا ا ا ا ار....
**************
:يـــــو و وه رغد تكفييين سكتي
ولدك..
رغد في حضنها سعود تحاول
تسكته:شسوي فيه مو راضي
يسكت تعبت منه..
ريم:يمكن تعبان..
رغد:مادري..
ريم:طيب دقي ع عمر ياخذه
للمستشفى..
رغد:عمراللحين جاي..
سمعت ريم صوت رند وشالتها
من سريرها وجلست ع طرف سرير رغد...
فتحت عيونها الصغيره تناظر في
ريم:يا ا اقلبي ياحلوك..
باستها بقوه ع خدها:تجنن تجنن
بسم الله عليها...طالعه ع خالتها
بالحلاوه..
رغد:لاوالله أصلا تشبه لي..
ريم ناظرت في رند وفي رغد:تصدقين فيهاشبه منك ...بس أتوقع لماتكبر بتصير تشبه لأبوها...
رغد:ياليت علشان تطلع قمر..
ريم ضحكت..ودخل فيصل:السلام ع أم الحلوين..
رغد:وعليكم السلام..
فيصل:عمر وصل..
ريم قامت:أجل بطلع جا أبو الحلوين..
فيصل:ههههه تصدقين ماني مصدق إن عمور صار أبو
رغد نطت في وجهه:ليييه شفيه
عمر..
فيصل:ههههه بسم الله أكلتيني...بس مادري شكله مو شكل أبو
رمت عليه المخده:أقوول ضف
وجهك وناد لي عموري..
ضحك فيصل وطلع...
دخل عمر:السلام عليكم..
رغد ابتسمت:وعليكم السلام..
باس خدها:كيفك حبيبتي..
رغد:الحمدلله بخير..
راح لعياله:وسعودي حبيبي كيفه..
رغد:مزعجني بس يبكي..
ضحك:أجل ملعوزك..
رغد:لا جد عمر أناخايفه فيه
شئ
عمر جلس جنبها:لا إن شاءالله
مافيه شئ..هذا طفل أكيد بيبكي
رغد:أيوه بس رند مومثله..
لعب بشعرها:ولايهمك حبيبتي
ناخذه للمستشفى ونتطمن عليه..
أخذ رند من يدها وباسها:قمر
طالعه ع أمها..
إبتسمت وعيونها مافارقت حبيبها
وأبوعيالها..وتدعي ربها مايحرمها منه هو عيالها...
ويحفظهم لها..
*************
دخل عادل شايل سعود وريم
معاها رند..
رغد وهي تاخذ منه سعود:وش
صار..
عادل:مافيه شئ يتدلع
رغد:يعني ماقال شئ الدكتور
عادل:لا تطمني صحته زي البوم
ماشاءالله...
رغد:طيب وين عمر..
عادل:صاده أبوي في المجلس
ضحكت رغد ..وناظرت في ريم
اللي تبوس رند وتلاعبها:ريم خلاص خليها تنام...
ريم:لا لسى خليهامعي..
عادل:رغوده لاتخلين بنتك مع
هذي ترى تطلع عليها..وتروح فيها بنتك..
ريم: لا ا ا والله ..أحسن من إنها
تطلع عليك..
عادل:إحم إحم لها الشرف والله..
ريم:أقوول إقلب وجهك ..وإجلس مع الرجال يالله..
عادل بنذاله:عناد فيك..
قرب منهابسرعه وسحب رند
من يدها وبكت وطلع من الغرفه للمجلس علطول..
ريم تلحقه:عدو و و و ول...
يالنـــــذل...
طلعت عليها أمها:شفييك..
ريم ضربت برجلها الأرض بقهر:يممه شوفي ولدك أخذ رند.للمجلس نذاله فيني..
أم رعد:أيوه يمكن أبوها بيسلم
عليها..
ريم مدت بوزها:لامايبغاها ولدك النذل أخذها علشان يحرني..
***********
رفعت راسها عن مخدتها المبلوله بدموعها...
مو مصدقه إنها وافقت ع اللي
خطبها...
مو مصدقه إنها تجرأت وقالتها..
كيف طلعت منها...كيف طاوعها
قلبها تنساه...وتشوف نفسها مع
غيره...
إنسابت دموعها بغزاره...كيف
بتعيش من غيره...ومع غيره..
آآه ياقلبي تكفى إنسا ا ا اه...
وافقت لأنها صارت علك بحلوق
اللي يسوى واللي مايسوى ..
الكل حط السبب فيها والعله
لأنه تركها...
مانست نظرات بنات عمها لها
وحكيهم اللي زي السم يصيبها...
حطت إيدها ع حلقها ...تحس
بكتمه قويه كابته ع أنفاسها...
أخذت شال معاها ..ونزلت
تحت في الحديقه...
ضمت الشال ع أكتافها لماحست
ببرودة الجو....
ناظرت في النجوم بعيونها الدامعه...ياماشاركتها حزنها و
شهدت دموعها وآآهاتها....
حطت إيدها ع قلبها اللي تسارعت دقاته...والتفت جنبها
وإنصدمت وطاح الشال منها...
لماشافته واقف قدامها...
عيونه السود كأنها بحر من الحزن...نحف كثير ...وشعره طال باهمال ....لابس بنطلون
أسود وقميص أبيض مفتوحه
أزارير عند الصدر...والتعب واضح في ملامحه...
همس بحزن :خلاص بتتزوجين...
ضمت نفسها ودموعها نزلت
وقالت بقوه وألم:مو إنت بعتني
وتركتني ...أنا بعد بعتك...
همس بتعب وحزن والدموع تلمع من عيونه:مبروك...
شهقت وصرخت فيه:لا ا ا ا تقوووووول مبروووك ما ا ا ابي
أسمعها منك.....أنا أكرهههك إنت
حطمتني...أهنتني..وخليت سيرتي ع كل لسان...الكل صار
ينهش فيني...ليـــــه ولدعمها تركها ا ا ا....ليـــــه....أكيد فيها وفيها....أهنت كرامتي أنا اللي
طوول عمري عايشه وراسي
مرفوع وماحد تجرأ يقوول عني
كلمه......آآآه.....اللحين صرت علك في حلوقهم.....بسببك إنـــــت .....أكرههههك ...ليـــــه
سويت فيني اللي سويته...آآه..
ليـــــه تركتنـــــي....ليه عذبتنـــــي....
صرخ فيها ودمعته نزلت:كا ا ا ا في كا ا ا ا افي....تبغييين تعرفين ليـــــه تركتك....تركتك
لأني مابيك تعيشين معي بعذاب
لأني ما ابي أظلمك معي....
ما ا ابي لو للحظه أشوف بعيونك
الندم ....لأنك ماخذه واحـــــد
لقيييـيـيـيـيـيـيـيـط.....أنـــــا ا ا
لقيـــــــــــــــط.......يا سميه
لقيــــــــــــــــــــط.......
***********
رفعت راسها عن مخدتها المبلوله بدموعها...
مو مصدقه إنها وافقت ع اللي
خطبها...
مو مصدقه إنها تجرأت وقالتها..
كيف طلعت منها...كيف طاوعها
قلبها تنساه...وتشوف نفسها مع
غيره...
إنسابت دموعها بغزاره...كيف
بتعيش من غيره...ومع غيره..
آآه ياقلبي تكفى إنسا ا ا اه...
وافقت لأنها صارت علك بحلوق
اللي يسوى واللي مايسوى ..
الكل حط السبب فيها والعله
لأنه تركها...
مانست نظرات بنات عمها لها
وحكيهم اللي زي السم يصيبها...
حطت إيدها ع حلقها ...تحس
بكتمه قويه كابته ع أنفاسها...
أخذت شال معاها ..ونزلت
تحت في الحديقه...
ضمت الشال ع أكتافها لماحست
ببرودة الجو....
ناظرت في النجوم بعيونها الدامعه...ياماشاركتها حزنها و
شهدت دموعها وآآهاتها....
حطت إيدها ع قلبها اللي تسارعت دقاته...والتفت جنبها
وإنصدمت وطاح الشال منها...
لماشافته واقف قدامها...
عيونه السود كأنها بحر من الحزن...نحف كثير ...وشعره طال باهمال ....لابس بنطلون
أسود وقميص أبيض مفتوحه
أزارير عند الصدر...والتعب واضح في ملامحه...
همس بحزن :خلاص بتتزوجين...
ضمت نفسها ودموعها نزلت
وقالت بقوه وألم:مو إنت بعتني
وتركتني ...أنا بعد بعتك...
همس بتعب وحزن والدموع تلمع من عيونه:مبروك...
شهقت وصرخت فيه:لا ا ا ا تقوووووول مبروووك ما ا ا ابي
أسمعها منك.....أنا أكرهههك إنت
حطمتني...أهنتني..وخليت سيرتي ع كل لسان...الكل صار
ينهش فيني...ليـــــه ولدعمها تركها ا ا ا....ليـــــه....أكيد فيها وفيها....أهنت كرامتي أنا اللي
طوول عمري عايشه وراسي
مرفوع وماحد تجرأ يقوول عني
كلمه......آآآه.....اللحين صرت علك في حلوقهم.....بسببك إنـــــت .....أكرههههك ...ليـــــه
سويت فيني اللي سويته...آآه..
ليـــــه تركتنـــــي....ليه عذبتنـــــي....
صرخ فيها ودمعته نزلت:كا ا ا ا في كا ا ا ا افي....تبغييين تعرفين ليـــــه تركتك....تركتك
لأني مابيك تعيشين معي بعذاب
لأني ما ابي أظلمك معي....
ما ا ابي لو للحظه أشوف بعيونك
الندم ....لأنك ماخذه واحـــــد
لقيييـيـيـيـيـيـيـيـط.....أنـــــا ا ا
لقيـــــــــــــــط.......يا سميه
لقيــــــــــــــــــــط.......
قال بحزن وصوته مخنوق لما
شاف الصدمه ع وجهها:عارفه
يعني كيف لقيط..يعني لا أصل
ولا فصل...يعني ولد.......
سكت ماقدر ينطقها وكمل وعيونه بحر دموع:بتقدرين تعيشين مع لقيـــــط...بتتحملين
نظرات الناس وحكيهم...مارح
تحسين بالندم يوم ...إنك تزوجتي لقيط ....
لف وطلع من البيت وقلبه ينزف
لما شاف سكوتها وعرف إن الحقيقه اللي يتهرب منها واقــــــــــــــع....
رمشت بعيونها بجمود ...وقلبها
يدق بقوه فظيعه...ماهي قادره
تصدق...تحس إنها في حلم...
شهقت وغطت وجهها بإيديها
تبكي بقوه وكلمته تتردد في راسها...
حست بحضن دافي إحتواها..
رفعت راسها وشافت سديم
تناظرها بدموع مغرقه عيونها..
والصدمه للحين أثرها في وجهها
يعني سمعت كل شئ...
ضمتها بقوه وهي تبكي بحرقه
ومن قلب بكا قطع قلب إختها.:..
آآآه راكان لقييط ياسديم لقيط آآهئ...
فلتت من إختها ركض لغرفتها..
وسديم خافت عليها ولحقتها...
دخلت غرفتها وأخذت جوالها من
ع السرير ودقت رقم منى...تبغى تتأكد من اللي سمعته..تبغى تكذب اللي قاله..مستحيل
راكان مايكون ولد عمها مستحيل يكون لقيـــــط...
أول ماسمعت صوت منى قالت
ببكا:منى..
منى إنصدمت:سميه..
:منى قولي لي الحقيقه ..راكان
أخوك...ولدعمي..
منى بإنفعال:راكان أخوي ماحد يقدر يقول غير هالحكي..سامعتني راكان أخووي ..أخووي
إنصدمت وطاح الجوال من يدها
يعني حقيقــــــــــــــه...
نزلت دموعها بغزاره ..وإرتمت
ع سريرها تبكي..
أخذت سديم الجوال وحاولت تهدي منى وعيونها ع إختها...
*******************
دخلت غرفتها ..وسمعت صوت
جوالها...أخذته وشافت المتصل
كشرت لماشافت المتصل خالـــد ...وحطته ع الصامت ورمته ع السرير...
مالها خلقه أبدا....مايفهم من عدم ردها وتطنيشها إنها ماتبغاه
تكرهه ...غصب يعني تحاكيه
دخلت ريم اللي نفسها براس
خشمها ..وضيقة الدنيا كلها فيها
من زمان ماشافت بسام ولاسمعت عنه شئ أبدا....وفكرة إنه صارمايحبها سيطرت
عليها.....
شافت إختها جالسه ع الصوفا
وتناظر جوالها اللي رجع يدق بتكشيره...
ريم:ليه ماتردين...
رنا:مالي خلق...
أخذت ريم الجوال..وشافت المتصل...إبتسمت وقالت:خالد
رنا كشرت:عارفه إنه خالد...
ريم إستغربت:ليه....
رنا :مالي خلقه...وموراضي يفهم إني مابغى أحاكيه أففف...
ريم ناظرت في إختها بدهشه...
هذي من صدقها....حطت الجوال اللي سكن صوته ع الطاوله وقالت:رنا حرام عليك
والله إنه حبوب وطيب ..وبتحبيه
بس إنتي عطيه فرصه...
كشرت بقهر:أنا مابغاه ..كيفي
موغصب أففف...
قامت وجلست ع المكتب وشغلت اللابتوب...
طلعت ريم من غرفتها تاركتها
ع راحتها مصيرها بتندم...حزنت
ع خالد اللي بيتعب مع إختها..و
بتطلع عيونه...
دخلت ع رغد اللي واقفه قدام
المرايا تناظر شعرها اللي توها
صابغته باذنجاني..وقاصته ...
ريم:وا ا او مره لايق عليك اللون
رغد:يعني حلو...
ريم:يهبل...متى بتروحين بيتك
رغد:بكره إن شاءالله...
ريم بوزت:يعني بنرجع للكسل
وضيقة الخلق....
رغد ضحكت:أحسن بعد علشان
تشغلي نفسك بالمذاكره....
ريم:مالي خلق كتب.....
قالت بحماس:عمر شاف اللوك
الجديد...
ضحكت رغد:لا...
ريم بخبث:نفسي أشوف ردة فعله لمايشوفك....
ضربتها رغد باحراج:ووجع ياقليلة الأدب...
*************
:شههههد ياحما ا اره إتركي
أخوك...
شهد كشرت لماأخذت مي منها
عزوز:أففف ذبحتوني تراكم
فيه...لاتشيلينه لاتحطينه ..
مي تهدي عزوز اللي بدى يبكي:
روحي إلعبي بغرفتك..أخوك مو
لعبه تشيلينه ..
شهد:طيب بروح لبيت خوالي هنا
طفش وملل..
مي حطت عزوز في سريره:
إذا جا أبوك قوليله ياخذك عندهم...
شهد:أصلا غصبن عنه يوديني..
مي عصبت:بنــــت عيب عليك
تقولين هالحكي...
شهدبوزت وطلعت...
************
دخل للصاله ونادى ع إخته.:رنــــــــــــــا
طلعت له ريم من الصاله:خيـــــر شفيك..
عادل:وين رنا..
ريم:بغرفتها..
عادل صرخ يناديها:رنــــــــــــــا ا ا ا ا ا ا...
نزلت رنا:نعم...
عادل:تعالي أبوي يبغاك في
المجلس...
طاح قلبها بخوف ...معقووله
يكونوا إخوانها فضحوها عنده..
مشت معاه للمجلس وقلبها
يضرب...
دخلت وشافت أبوها جالس قدامها ...ومن الخوف مانتبهت
للي جالس يناظرفيها...
قام أبورعد:أخليكم أجل..
إستغربت والتفتت للجهه اللي
يناظر فيها وإنصدمت لماشافت
خالد واقف ويناظرفيها ...
طلع أبو رعد...رنا ظلت في مكانها ..
قرب منها وقال وهومتكتف:ليه ماتردين ع مكالماتي...
ناظرت فيه:أول مره أشوف واحد أول مايشوف زوجته يسألها هالسؤال...
رفع حاجبه وإبتسم:آها يعني
تبغيني أسلم أوكي..
مسك يدها وسحبها له وباس
خدها وهوضامها...
توسعت عيونها بفجعه وبعدت
عنه بسرعه ووجها أحمر وقلبها
يدق بقوه..
إبتسم وقال:واللحين جاوبي ع
سؤالي.
إنقهرت منه مرره أول مره تحس بالخجل والإرتباك لدرجة إنها موقادره تحكي....
رفع حاجبه لمافهم إنها ماتبغى
تحاكيه ...
تحركت بتطلع ومسك يدها:وين
وين..
قالت بقهر:بطلع..أعتقد إنك جاي
علشان تسأل سؤالك وخلاص..
فيه شئ ثاني بعد...
خالد:طيب بس إنتي ماجاوبتيني
ع سؤالي..
قالت بقهر :وإنت مانت غبي علشان ماتفهم السبب..
ترك يدها:آها..طيب وإذا قلت لك إذا مارديتي ع مكالماتي
بآخذك ع بيتي..
رنا:نعــــــم ومن قال إني بروح معاك..
خالد:لاتنسين إنك زوجتي ويحق
لي آخذك في أي وقت أبغاه..
رنا:مو بكيفك..
خالد:طبعا بكيفي ..وأعتقد عمي ماراح يعارض وإنتي عارفه...
إنقهرت مره تغلي داخلها..هي
عارفه إن أبوها مستحيل بيقول
لأخوه لا وخصوصا لخالد لأنه
أقرب عيال عمها له...وأخوانها
أكيد بيفرحوا...الحمار مستغل
هذا كله...
إبتسم لماشاف وجهها المعصب
والمقهور وقال:ها بتردين وإلا أقول لعمي إني باخذك معي..
قالت بقهر:طيب ...
وطلعت من المجلس.....
**************
ضمها من خلفها وقال:الحلو إيش يفكر فيه...
إبتسمت وهي تلف تناظر فيه:
إشتقتلك لأهلي...
أبعد شعرها عن وجهها:تبغين
تحاكين هم...
إبتسمت بفرحه:أيوه ياليت...
مسك يدها وأخذها معاه ...
جلسها جنبه ودق رقم بيت أهلها
وعطاها الجوال ...
سمعت صوت إختها وقالت بلهفه:دانــــه..
صرخت دانه:داليا ا ا ا
يادبه إشتقتلك ...شخبارك وأخبار
بعلك..ومتى بترجعون..
ضحكت وقالت:وأنا أشتقتلك أكثر
..إحنا بخير الحمدلله ..أمامتى بنرجع إن شاءالله قريب..
دانه:والله فقدتك مرره..والبنات
يسلمون عليك..
داليا:الله يسلمهم شخبارهم...
دانه:كلهم بخير....ساره أمس ملكتها...
داليا:والله....الله يوفقها ....
قام ماجد ودخل الغرفه ..علشان تاخذ راحتها...
داليا:وين أمي..
دانه:لحظه أناديها لك...
***************
طاح الكاس من يدها :إيش...
أم خالد:بسم الله عليك...شفيك
أمل:يمه إنتي إيش قاعده تقولين....
أم خالد:أم طلال تبغاك لولدها
طلال....
أمل :لا
أم خالد:إيش اللي لا...
أمل:يعني ماني موافقه...
:وليش مانتي موافقه..
التفتت لأبوها اللي واقف عند
باب غرفتها...
أبوخالد:ليه مانتي موافقه ع طلال...
أمل:ما...ماأبغى أتزوج اللحين
أبوخالد:ليه ماتبغين...لاتقولين
دراستي ...كل البنات يتزوجون
ويدرسون....
غرقت عيونها دموع وقالت:
بس...ساره لسى ماتزوجت...
أبوخالد:ساره متزوجه وزوجها
يقدر ياخذها في أي وقت....
وطلال رجال والنعم فيه...عارفه وعارف أبوه صاحبي ...
يعني عارفينهم...
ماقدرت تقول شئ ودموعها
متعلقه برمش عيونها....
أبوخالد:فكري زين وإستخيري..
الولد ماينعاب ...
طلع أبوها وأمها اللي ماقدرت
تقول شئ بعد كلام زوجها....
بكت ..مستحيل بتوافق...هي
تحب فيصل وتموت فيه مستحيل بتوافق..بس أبوها شكله يبي الولد وموافق عليه...
***************
جالسه بغرفتها وبتمووت من
القهر والغيظ ..كلما تذكرت
اللي صار في بيت رعد...
كان نفسها تذبح لميس وتخنقها..
كلماتذكرت اللي سوته فيها لميس وقربها من رعد ...تغلي
داخلها...
دخلت عليها رشا وشافت شكل
إختها:شفيك..
دلال بقهر:شفيني بعد ..موعقب
اللي سوته لميسوه شئ...
جلست رشا وقالت بقهر:وأمل
زودتها بعد ...

دلال:إحنا لازم نلقى لنا حل...
أنا موجود بس إنتي لازم تلقين
لك حل وتبعدي فيصل عن طريقها....
رشا :إيش أسوي....
دلال إبتسمت وقالت:أنا أقولك
؟؟؟؟؟؟؟؟؟؟؟؟؟؟؟
رشا:تصدقين نفس الفكره اللي
في راسي ...
دلال:يعني بتسوينها مو تقولين
صعبه ومادري كيف...
رشا:أصلا أنا ماعاد يهمني شئ
بسويها وأكسر غرور هالأمل
وأعلمها كيف تتحداني...
دلال:حلو...
رشا:بس متى أنفذها....
****************
دخل غرفة أمه بعد مادق الباب
وشافها جالسه ع الصوفا:تعال
يمه فيصل
باس راسها وجلس جنبها:يمه
أبغاك في موضوع
أم رعد:قول يمه..
فيصل:يمه أنا قررت أتزوج..
أم رعد فرحت:والله..
فيصل:أيوه يمه..وأبغى بنت عمي أمل..
أم رعد فرحت:والنعم فيها ..
مبروك يمه وأخيرا مابغيت تفرحني فيك..
ضحك:الله يبارك فيك..هايمه متى بتحاكين أبوي...
أم رعد:أبوك قبل شوي سافر
وبيرجع بعد بكره وبخبره..
فيصل تشقق من الفرحه..يعني
أبوه ماراح يطول وبيرجع علطول...
رجع غرفته مبسوط..وأخيرا
أمل بتصير له ...يحبها ويمووت
فيها ونفسه الأيام تمشي بسرعه ...وتصير ملكه وله..
***********
لبست فستان قصير أحمر و
تركت شعرها مفتوح ..حطت
ميك أب ثقيل وتعطرت ...
دخلت عليها أمها:هدى وين بتروحين...
هدى:معزومه يمه ع زواج صاحبتي...
سفاجه:ومتى بترجعين...
هدى:مارح أطول...

طلعت أمها...وأخذت جوالها
اللي يدق:ألو...
دلال:هلا هدى...
هدى:أهلين دلال...
دلال:ها سويتي اللي قلتلك عليه
هدى:أيوه...
دلال:بتطلعين معاه اللحين...
هدى:أيوه...
دلال إبتسمت بخبث:حلو...أيوه
خليك كذا ..لاتخلينه يضيع من يدك
هدى ضحكت:أوك
سكرت منها..قررت تسمع حكي
دلال وماتضيع سالم من يدها
يكفي إنها مقهوره من لميس
لأن رعد أغنى من سالم..بس
يالله أهم شئ عنده فلوس وغني..
إبتسمت وهي ترد ع سالم
اللي قال لها إنه عند الباب...
لبست عباتها وطلعت ...هي قايله لأمها إن صاحبتها بترسل
السواق لها....بس الحقيقه إنه
سالم....
*****************
جالسه في الحديقه وسرحانه
باللي صار أمس....
"رعد قال لها إنه بيسافر..تذكر
إن ضاق صدرها لما قالها...
دخلت غرفته تجهز شنطته..هذي
أول مره تجهزها بنفسها..قبل
كان هو اللي يجهزها..بس اللحين غير ..هي اللي ودها تسوي له كل شئ.. الأيام اللي فاتت كانت علاقته معاها تحسنت شوي من بعد العزيمه ...
دخلت غرفة ملابسه تدور الشنطه وشافتها مرفوعه فوق
تذكر هذي دايما كان ياخذها معاه لمايسافر...
جابت كرسي وصعدت عليه
تحاول توصل لها ماقدرت تلفتت حولها تدور شئ تحطه فوق الكرسي وتصعد عليه ولقت
صعدت وهي خايفه
تطيح...
:إيش قاعده تسوين...
التفتت وشافت رعد واقف ولابس بنطلون جينز وتي شيرت
أسود وشعره مبلول ويناظرفيها
مستغرب...
لميس بارتباك:بجيب الشنطه..
عرف إنها بتجهز شنطته وتفاجأ
بس إبتسم ومديده وهو يقول:
طيب إنزلي أنا بجيبها..
لميس قالت بغباء وهي تمد
يدها للشنطه:لاخلاص مسكتها
سحبتها بقوه من الربكه وتحرك
الكرسي واللي فوقه..
وشهقت لماشافت نفسها تطيح
بس رعد تقدم بسرعه ومسكها
وطاح ع الأرض ع ظهره ولميس
طاحت عليه ووجهها صار لاصق
برقبته..
فتحت عيونها بسرعه ورفعت راسها..وشافت رعد عاقد حواجبه وشكله تألم وقالت بخوف:رعد...صارلك شئ
فتح عيونه وطاحت بعيونها اللي
شاف فيها الخوف وقال:لامافيني شئ..
كان محوط ظهرها بيده ولما
استوعبت بعدت عنه وجلست
وقالت بارتباك:آسفه
رفع نفسه وقال:وليه تعتذرين
أنا مافيني شئ..
لميس:صدق أجل ليش تتألم
أكيد آلمتك..
إبتسم وهويوقف:لميس طالعيني مافيني شئ..
مد يده لها ومسكتها ورفعها يوقفها...
طالعت يدها اللي ماسكها بتفكها بس ظل ماسكها ..رفعت
راسها والتقت عيونها بعيونه..
غاب كل شئ حولها وقلبها ينبض
بحبه..
سحبت يدها من يده ووجهها
شاب أحمرر..
إبتسم وقرب منها وباس خدها
وطلع...."
إنتبهت من سرحانها ع ريم اللي
قالت:سرحانه بحبيب القلب..
إبتسمت وقامت تسلم عليها..
جلسوا وسولفت معاها شوي
وقالت ريم:لموس شرايك
تقصين شعرك...
لميس لمست شعرها:نفسي
والله أقصه وأغير شكلي
ريم:خلاص اجل بكره نروح
للمشغل وتقصينه....
لميس:بس أخاف رعد يعصب
ريم:ماعليك منه بيعجبه وبيبلع
لسانه...
ضحكت لميس وقالت ريم:و
بكره بيجتمعون عندنا الكل...و
بيشوفونك باللوك الجديد...
*****************
دخلت البيت تركض ودخلت غرفتها وقفلت الباب..
رمت نفسها ع السرير وهي
تبكي بحرقه ومن قلب..ومو
مصدقه اللي صار..
كل شئ ضـــا ا اع...ضـــا ا ا اع
شرفها وعفتها من طلعت من البيت وركبت معاه السياره..
زاد بكاها وشهقاتها تعلى....
ياويلهــــا لو إنفضحت ..ياويلها
لو طلع سالم نذل وتركها بعد
ما أخذ منها اللي يبغاه...
سمعت دق أمها ع الباب:هـــــدي افتحــــي الباب شفيك
صرخت:مابي أشوف أحد..خليني
في حالي...
ياويلي أنا إيش سويت ..أنا ضيعت نفسي...آآه ياليتني ماعرفته ولاكلمته ياليتني ماطلعت معاه
بس بعد إيش ..بعد ماصرت ولا
شئ ولا شئ...
*****************
لبست تنوره روعه قصيره ضيقه
من عند الخصر وفيها نفخه بسيطه بتكسير حلو وخفييف
لونها بني وبلوزه مخصره بيج فاتحه وسيورها
عريضه شوي ولبست بوت طويل بنفس لون البلوزه
وشعرها فاكته وكان مقصص
بشكل ملفت ويجنن ..ريم أصرت
عليها تصبغ شعرها شوكولا بس هي مارضت ...وبلأخير رضخت
لزن ريم...مع إنها ماتبغى
تحس شكلها غلط عيونها زرقا
وشعرها بني ..
سلمت ع الكل وجلست عند
البنات ودلال تاكلها بنظراتها..
لمياء:شكلك مره يجنن تغيرتي
كثير..
إبتسمت :تسلمين..
رهف: مره مناسبتك الصبغه والقصه..
ريم همست لها:شفتي قلتلك مناسبتك..بعد إصبري لين يشوفك رعد بينهبل عليك...
إبتسمت ورفعت جوالها وشافت
المتصل رعد...إبتسمت وردت
بدلع تغيط دلال:هلا حبيبي..
رعد تفاجأ وناظر في الرقم يتأكد ..عقد حاجبه وقال:ألو
لميس..
كتمت ضحكتها ع صوته المتفاجئ..وقالت:هلا حياتي
وصلت..
رعد :حياتي...إنتي تحاكيني أنا
ضحكت بدلع :ههههه أيوه...
رعد: .............أنا
وصلت بس مارح أجي البيت
بمرالشركه يعني يمكن أتأخر..
لميس:لاحبيبي تعال اللحين..إرتاح وخل الشركه بعدين..
سكت شوي وقال:أوك...
سكرت الجوال..تحس إنه بيذبحها ...شافت دلال تناظرها
بحقد وطلعت..
ريم فهمت عليها:حرام عليك
تلاقينه اللحين صدق الحكي والتغزل..
لميس"إلا قولي بيذبحني"
بعد نص ساعه سمعت صوت
رعد ..
دخل وشافته تفاجأ لماشاف
الكل مجتمع...وشاف دلال جالسه ومعصبه ومقهوره..
شافته يسلم ولف يدورها شافها
واقفه وإنصدم من شكلها..
سحرته ....ذوبته ...إفتنته بجمالها..
لميس كانت تبتسم له وقلبها
يضرب وهي تشوف ملامح
وجه شكله ناوي عليها...
إيش اللي خلاها تلعب هاللعبه
إن شاءالله عمرها ماقهرت دلال....
قرب منها ومدت يدها:الحمدلله
ع السلامه..
صافحها وضغط يدها ..وخافت
إنحررجت لماباسها ع جبينها
وقلبها يضرب..
همس لها وهو يشد ع يدها:حبيبي ها...
سحبت يدها وجلست...جلس جنبها شوي وطلع...
دخل معاه رند يلاعبها ويبوسها
رفع راسه وشاف أمل واقفه
وشكلها سرحانه...إبتسم وقلبه
يدق بقوه...حبيبته قدامه وبكره
يخطبها وتصير ملكه...
كانت لابسه بنطلون جينز أزرق
وبلوزه طويله سودا عليها كتابات
بالأبيض والأخضر...وشعرها البني مفكوك...
مشت طالعه مبتعده ومانتبهت
له وإختفت من قدام باب المجلس...
جته رغد وأخذت رند منه...وطلعت...
مشى بيطلع وسمع أحد يناديه
والتفت....
*******
إستغربت لماجاتها دلال وقالت
إنها تبغى تحاكيها وأخذتها معها
قريب من المجلس...
دلال:لحظه نسيت جوالي بجيبه
وأجي....
راحت وتركت أمل واقفه...سمعت صوت في المجلس وإستغربت....
قربت من الباب بتشوف مين فيه
وتجمدت مكانها وعيونها توسعت
بصدمه لماشافت اللي قدامها...
مستحيــــــــــــــل يكووون هذا
فيصــــل مستحيـــــــــل....
حست بطعنه قويــــــه غرزت
في قلبها ونزف ونزف...
تساقطت دموعها الحاره وتراجعت خلفها تركض ودخلت
دورات المياه....
**************
دخلت للبيت وفسخت عبايتها
والتفتت لرعد اللي دخل ...
قرب منها ومسك شعرها وع
وجهه إبتسامه:قصيتيه ها..
إبتسمت وأبعدت إيده عن شعرها:ليه مو حلو...
رعد:حلو
لميس:ولونه... عارفه إن
شكلي غلط عيوني زرقا وشعري كذا لونه..
ضحك وقال وأصابعه تلعب بشعرها:لا يجنن عليك...مناسبك
مره...وبعدين كل شئ عليك
حلو....
إبتسمت ...واختفت إبتسامتها وطاح قلبها لماسمعت صوت
التلفون وهي تدعي ربها يارب
مايكون هو...
إستغرب لماشاف وجهها وأخذ
السماعه:ألو...
......:مرحبا..
رعد عقد حاجبه لماسمعت صوته الرجولي:هلا مين معي
.......:إنت اللي مين...
رعد عصب:إنت اللي داق وإلا أنا
.......:أنا داق أبغى حبيبتي لموس
إنت إيش دخلك...وبعدين إنت مين...
رعد حس بأطرافه تنشل وصرخ
فيه:إنت ميــــــــــــــن يا ####
تسكر الخط ورفع راسه رعد
للميس اللي قلبها وقف من الخوف...
قرب منها وصفعها كف بكل قوته..
سحبها من رقبتها ولصقها في
الجدار وهي دموعها نزلت وقلبها يضرب من الخوف....
صرخ فيها وعيونه إحمرت وعروق وجهه إنشدت :تخونيـنـــــــــــــي يالميس...تخونينــــــــــــــي....ليــــــــــــــ ه...ليــــــــــــــه
عيونه تلمع بدموع وقلبه إنكسر
صرخ :ليــــــــــــــه يالميس
ليــــــــــــــه
لسانها إنربط وقلبها مرعوب..
قالت بصوت مخنوق:والله ماخنتك والله موعارفه شئ
هزها من أكتافها بوحشيه وحقد
:لاتستغبيــــــــــــــن لأني عرفت كل شئ....أنا الغبــــــــــــــي أنا اللي حبيــ.....
دفها بقوه ع الأرض وأخذ التلفون ورماه بكل قوته ع الجدار وتكسر جنبها وجرحها...
كان ينتنفس بقوه وجسمه ينتفض مسكها من شعرها وصرخ
:قولي لــــــــــــــي لــــــــــــــي مين هال####
لأني بذبحه وبذبح أي أحد يقرب
منك....إنتــــــــــي لـــــــــــــي
لي أنا ..ملكي أنــــــاماحد يقرب منك غيري
ماحد يلمسك غيري...
شهقت وبكاها يزيد لماسحبها
له:لا لا ا ا ا ا ا ا ارعــــــــد لا ا ا ا ا ا ا ا ا ا ا ا ا ا ا ا ا ا ا ا
************
:أنا موافقــــــــــــــه
إبتسمت أمها وفرح أبوها...
أم خالد:متأكده يمه إنتي موافقه ع طلال
أمل ودموعها مغرقه عيونها:
أيــــــــــــــوه..مـ ـ ـ وافقه....

:أنا موافقــــــــــــــه
إبتسمت أمها وفرح أبوها...
أم خالد:متأكده يمه إنتي موافقه ع طلال
أمل ودموعها مغرقه عيونها:
أيــــــــــــــوه..مـ ـ ـ وافقه....
‏*‏********
دخلت غرفتها تبكي..ورمت نفسها ع السرير وبكاها يزيد
وشهقاتها تعلى....
أحلامها كلها تحطمت...تبخرت
صارت سرا ا ا ا اب....
صورته مافارقت خيالها..وتزيدها
بكا وألم...
بكت بحرقه وشهقاتها تعلى
وقلبها يعتصر ...وصورة خيانته
قدام عيونها...
رشا في حضنه ضامته وإيده
محاوطتها وإيدها ع ذراعه..
شدت قبضتها ع مفرش سريرها
بقوه وكل شئ فيها يذوب...ينصهر...
كسبتي يا رشا كسبتي...وأخذتيه
آآآآه يافيصل ليـــــــــــه ..
ليـــــــــــه...آآآآه...
دخلت ساره غرفتها ووجهها شاحب وملابسها للحين مابدلتها
وقالت بصدمه:وافقتي..
زاد بكاها وآآهاتها ....جلست
جنب إختها :ليه يا أمل ليه....و
فيصل....
ماسمعت ردها غير آآهاتها اللي
طالعه من قلب محروق ومكسور ...الحروف ضاعت وتبخرت من هول صدمتها
وحجم الألم اللي يعصر قلبها...
ساره ضاق صدرها مرره...
ناظرت في جوالها اللي دق وكان وليـــد بس ماقدرت ترد
عليه ونفسها ضايقه و إختها تذبل قدامها...وحطته ع الصامت ...
****************
غمضت عيونها ودموعها مغرقه
وجهها....دفنت وجهها في المخده وشهقاتها تزيد...
خنقتها ريحة عطره في المخده
ورمتها ع الأرض بقوه ...
حطمهـــــــا...أهانهـــــــا...
كســــــر كل شئ داخلها ...
حتى حبه في قلبها حوله رماد...
عمرها ماتخيلت إنه يوصل إلى
هالحد ....إنه يجبرها ع قربه...
طلعت من غرفته تحس لو بتظل فيها بتختنق ووقفت لما
شافته جالس في الصاله ...و
منزل راسه وإيديه ع شعره المبلول...
نزلت دموعها بغزاره وقهر كان نفسها تصرخ فيه بكل الألم اللي داخلها...ودخلت غرفتها وسكرت الباب بقوه....
رفع راسه لماسمع صوت الباب...وصوت شهقاتها...
كان منصدم كيف تكون بنت وبكر وهو سمع إنها ....
صحيح إرتاح وطاح عنه هم
كبير زي النار ياكل قلبه لما تأكد
إن ماحد لمسها قبله...
بس للحين يحس بنار الخيانه
له ولقلبه ...كلماتذكر صوت النذل ال#### وهو يقوله
بكل جرأه إنه يبغى يحاكي زوجته وحبيبته وكأنه معتاد ع
هالشئ...
ضم راسه بإيديه والغضب والحقد يشتعل فيه...اللحين
تأكد من حكي دلال....
وإنهاماتكذب...
عيونه لمعت بغضب وحقد
لماطاحت عيونه ع التلفون المتحطم ع الأرض.....
رفع راسه وقام بسرعه
وسحب مفاتيحه وجواله وطلع
لمكان محدد.....
****************
نزلت ع الدرج وتحس نفسها دايخه ومالها خلق شئ..واللي
زاد قهرها لماعرفت إن راكان
سافر....النذل ال####..
وقفت وتمسكت بدرابزين الدرج
لماحست بدوخه...
:مــــرام..
رفعت راسها وشافت أبوها قدامها...قرب منها وساعدها
توازن نفسها ودخلها الصاله:شفيك حبيبتي..حاسه بشئ..
جلست جنبه وقلبها يدق بقوه:آ..
تعبانه شوي..
ضمها وباس جبينها:آخذك ع المستشفى..
بعدت عنه:لا...شـ..شوي و أصير كويسه
أبومرام:أكلتي شئ اليوم..
مرام:لا يمكن علشان كذا أحس
نفسي دايخه..
دق ع المطبخ وأمرهم يجيبون
لها أكل..وماقام إلالماأكلت أكلها..
ياليت لو يعطي شوي من هالإهتمام والحنان للي محبوسه في غرفتها فوق..وجالسه في ركن غرفتها اللي يغطيها الظلام ودموعها تحفر خنادق ع خدها وتصارع آلامها وجوعها اللي ينهش في جسدها النحيل ...
*******
منسدحه ع سريرها ومتغطيه
ودموعها ماوقفت وقلبها يدق بقوه...وهي تسمع صوت رعد و
أشياء تتكسر في الصاله..وهي
خايفه يدخل ويذبحها...بس تذكرت إنها قافله الباب...
غمضت عيونها بقوه ...وتحس
بقهر لأن رعد ماعطاها فرصه
تدافع عن نفسها أو تفهم شئ
علطول ضربها واتهمها وأهانها
وكسر كل شئ داخلها...دمرها
خلاها تحس إنها ولاشئ ولاشئ
إنها جاريه عنده ...
نزلت دموعها حاره ع وجهها...و
هي تحس بطعنات في قلبها
تحس بألم وقهر لأنها حبته و
عطته قلبها ....وهو مايستاهل
هالحب...كرهتـــــــه بقوه..
أهانها وطعن في شرفها من
غير تردد...وذبحها وهي حيه...
**************
إبتسمت بسعاده والفرحه غامرتها :مشكوووور حبيبي ما
قصرت....
جاها صوته:علشان تعرفين إني
أحبك وأنفذ طلباتك كلها....الدور
عليك إنتي...
عرفت قصده وقالت بدلع:إن
شاءالله حدد المكان والزمان
قال بفرحه:والله ياعمري...
ضحكت:هههههههه أيوه بس
مو اللحين بعدين ...لماأشوفهم
مطلقين...إنت متأكد إنه كان معصب...
:أقولك شوي ويطلع علي من
التلفون هههههه الله يعينها والله
شكله ذبحها...
قالت من قلب:يا ا ا ا ا ا ا اليـــــــــــت
جاها صوته بشك:دلووول إنتي
ليه تبغين تخربين بينهم لايكون
تحبينه...
دلال:لا..بعدين أنا قايله لك لاتسألني عن شئ..
:خلاص خلاص ..لاتزعلين ولا
شئ مارح أفتح فمي بشئ يزعلك...
دلال:أوك أنا لازم أسكراللحين
باي...
رمت الجوال ع السرير..ورمت
نفسها جنبه وهي ميته من الفرحه لأنها تعرف إن رعد عصبي مرره ومايعرف أمه من
أبوه لمايعصب..يعني أكيد لميس
را ا احت فيها هههههههههه
ونا ا ا ا ا ا اسه اللي أبغاه بيتحقق بس أنا لازم أمشي ع
الخطه بالتمام...
دخلت رشا وجلست :ها إيش
صار..
قامت جالسه ع السرير بكل
فرحه:صار وشكله بيذبحها مو
بس بيطلقها...آآآه موقادره أصبر نفسي أعرف إيش صار
رشا:حلو...كل شئ ماشي بالتمام
دلال:إصبري تكتمل الخطه ..و
يشوف الصور..
ضحكت رشا....وقالت دلال:وإنتي بعد أمل طارت من طريقه...
رشا لمست خدها:بس الحمار
للحين خدي يآلمني من قوة
صفعته...
دلال:هه مسوي فيهاشريف..
رشا:بس أنا خايفه يخبر أمي
دلال:لاتخافين مارح يخبرها...
************
نزلت تحت في الصاله وراسها
مصدع من البكا اللي قضت الليل كله فيه لدرجة دموعها تحسها وقفت....
مو مصدقه إن راكان لقيط...مو
مصدقه إنه مو ولدعمها ...طيب
ليه ماخبروهم...معقوله ماكان
يعرف ...
نزلت دموعها تحس بالشفقه
عليه...
هذا غير القهر اللي تحس فيه
معقوله موعارف قدر حبها له
معقوله للحين شاك في حبها
له ...ومتخيل إنها ممكن تتخلى
عنه لماتعرف إنه لقيط ...
معقوله فاكر إنها ممكن تكرهه
وتندم ع حبها له لمجرد إنها تعرف إنه لقيط...
ليـــــــــــه ماصارحها...ليه ما
قالها الحقيقه...ليـــــــــــه يختار
الهرب بهالطريقه اللي آذاتها وحطمتها....
وإذا كان لقيط مو ذنبه ولا إختياره....
واللقيط شفيه...مو إنسان ...مو
يفرح ويحزن ويبكي ويضحك و
يحس...ياكل ويشرب ينام ويصحى...
إيش فرقه عن الإنسان العادي
ا..
موذنبه إنه إنوجد في الدنيا لقيط
موذنبه إنه كان نتيجة غلط غيره
وذنب غيره...
:شفيـــــــــــك...
إنتبهت ع صوت سديم...ومسحت
دموعها...
راحت لها وجلست جنبها بابتسامه :خلاص سوسو إحنا
إيش إتفقنا عليه....إنتي اللحين
عرفتي سبب تركه لك.. وعرفتي إنه يحبك ويمووت فيك وتركك
علشان مصلحتك...
حركت راسها بلا وصوتها مخنوق:لا لا أنا مقهوره إذا يحبني ليه ماصارحني ..ليه تركني ..ليه شاك في حبي له
ليه يعتقد إني إنسانه بهالوضعيه
إني بتخلى عنه علشانه لقيط...
إبتسمت سديم ومسحت دموع
إختها:خلاص عاد ..حاولي تنسين...هو أكيد إنصدم مثلك
وصدمته أكبر منك ..موسهل إنه
يكتشف إن طول عمره عايش
بين أم وأب مو أهله ...وإنه لقيط
إذا إنتي متفهمه وضعه هو ماتفهمه ولاإقبله...والناس ماراح
ترحمه...
**********
توسعت عيونه بصدمه ودقات
قلبه وقفت ...كل شئ حوله وقف وسكن...حتى عقارب الساعه ودقاتها وقفت هاللحظه
وكلمه وحده بس تتردد في راسه وتخترق قلبه...
مخطوبــــــــــــــــــــــه....
مخطوبــــــــــــــــــــــه...
مخطوبــــــــــــــــــــــه...
طلع صوته بصعوبه وحلقه يحسه جف:يـ..يمه إنتـ ـ ـ ي إيش قاعده تقولـيـ ـ ـ ـ ـ ن
أم رعد هالها وجه ولدها اللي
أظلم وشحب:يمه لا تخاف ولاتزعل عمرك...إنت ولد عمها
وأولى فيها...
ناظر في أمه بغضب:عمي غصبها أكيد غصبها..بس أنا اللي
بتفاهم معاه...أمل لي أنا يمه
لي أنا...
أم رعد خافت يروح يتهاوش مع
عمه ويفضحهم ومسكت ذراعه
بقوه تمنعه:يايمه عمك ماغصبها ...
تجمد مكانه والتفت لأمه يناظرها وصوته ماعرفه:أ....أمل
وافقت...
أم رعد سكتت ماتدري إيش
تقول ...أبورعد قالها إن أخوه
مايقدر يكسر كلمته اللي أعطاها لصاحبه بهالبساطه
صعبه يقول لصاحبه لا خلاص
البنت لولدعمها..عقب ماتمت
الخطبه وإتفقوا ع كل شئ...
بيصغر بعينه ...وواضح إن أخوه
يبغى يناسب صاحبه لأن أغلب
عمله شراكه معاه ومستحيل
يخسر كل شئ ....وخصوصا
إن أمل وافقت يعني راضيه...و
مستحيل بيغصبها ع فيصل وهي
رضت بطلال قبل....
بس المصيبه إنها إكتشفت إن
ولدها يحب بنت عمه...
صرخ ودموعه غرقت عيونه:يمـــــــــــه قولي إهي وافقت
أمل وافقت...رضـــــــــــت...
أم رعد ماتقدر تكذب وتمني ولدها بشئ مستحيل:أ..أيوه...
توسعت عيونه بصدمه ...و
سكين حاده إنغرزت في قلبه
وقطعته...
رجع خطوه خلفه وعيونه شاخصه في أمه...
مستحيــــــــــــــــــــــل..
مستحيــــــــــــــــــــــل..
أمل تحبـــــــــــه تحبـــــــــــه
مستحيـــــــــــل بتوافق ع غيره..
هو سمعها بآذانه ...تعترف بحبها
له...
سمعها تقول إنها تحبـــــــــــه..
سمعتها تقول أحبـــــــــــه
كيـــــــــــف توافق ع غيره...
كيــــــــــــــــــــــف...
موقادر يصدق...دموعه تحجرت
بعيونه....قلبه وقفت دقاته...يحس بصعوبه بسحب أنفاسه
..
يحس بإيدين تلف حول عنقه
وتخنقه...
يحس بيد تعصر قلبه...وتدميه...
أم رعد خافت عليه وقربت منه
تحاول تهديه...لكنه تركها وطلع
....
***************
صحت وراسها تحسه مصدع...
ناظرت وجهها في المرايا...عيونها تورمت وإحمرت من البكي...دمعت عيونها وغسلت
وجهها ودموعها موراضيه توقف
إنفجعت لماشافت الصاله...كانت مقلوبه فوق تحت...
طاحت نظراتها ع غرفته وقلبها
يرتعش...ودموعها نزلت لماتذكرت اللي صار...
إنتفضت في مكانها لماسمعت
صوت الباب اللي حسته إنكسر
من صوته...
إرتجفت كل خليه في جسمها
وتجمدت مكانها لما شافته قدامها ونظراته الحاده مصوبه
عليها...وفي إيده أوراق....

أكرهـــــــــــك...أكرهــــــــك..
كان نفسها تصرخ في هالكلمات
في وجهه...كان نفسها تذبحه ..
موطايقه تشوفه ولاتسمع صوته
..
شهقت لما حست بأصابعه ع
ذراعها...وبأنفاسه اللاهبه وصوته الحاد: محاكيك أكثر من مره ع التلفون .....من أول زواجنا وهو يدق عليك ...لهدرجه وصلت فيك ..إنك تعطينه رقم البيت...بتقولين لي مين هال#### غصب عنك....
ضربته بكل قوتها وهي منقرفه
منه ودموعها تنزل:إتركنـــــــــــي ..لاتلمسنـــــي..لاتلمسنـــــــــــي..أكرههك
أكرههك...لاتلمسنـــــــــــي..
إتركنـــــــــــي...
مسك إيديهاو صرخ فيها:طبعـــــــــــا..مو إنتي تبغين حبيب القلب تبغيـــــــــــنه هو...
شهقت وعيونها تناظرفيه بصدمه
ودموعها تغطي وجهها...
صرخ بكل حقد وهو يهزها:ليـــــــــــه موراضيه تقولين ميـــــــــــن...خايفـــــــــــه
عليـــــــــــه خايفه أذبحه..لهدرجه تحبيـــــــــــه ومستعده
تتحملي كل شئ علشانه...
ماقدرت تتكلم أو تقول شئ..
مافيه كلمه تعبر عن اللي تحس
فيه...
دفها ع الجدار ولصقها فيه وإيده
ترتجف وصوته مخنوق ودموعه
تلمع:أبـــــــــــي أعرف ميـــــــــــن
اللي قـــــــــــدر يدخل قلبـــــــــــك وعطيتيه إياه ميـــــــــــن...
بكت وقالت بألم:رعـ ــ ــ ــ ــد
مافهم قصدها...يحسبها تعني
إنه يتركها لأنه آلمها...

غمض عيونه ونزلت دمعته و
هو يسحبها لحضنه..ضمها بقوه
لدرجة إنها تحس إنها تختنق
دفنت وجههابصدره تبكي.. وهي كارهه هاللحظه..
وكارهته...بس غصب عنها...
دفها عنه بقوه ع الأرض...
مزق الأوراق ورماها ع الجدار
وتناثرت أوراقه حولها...
وطلع من البيت...ضمت نفسها
وهي تبكي..وتتمنى لو إن أهلها
اللحين موجودين كان حموها
من كل شئ حتى من رعد..
*************
:يعني سويتيها....
حطت رجل ع رجل وقالت بثقه:أيوه...
وكملت بفرحه:بتشوفيني عروسه قريبا..
:طيب ماعرفتي إيش
صار ع لميس...طلقها وإلا لا
دلال:إمم وإذا ماطلقها اللحين
بيطلقها لمايشوف الصور...
:هدى لقت لك صورة رامي..
دلال:لا ..ههههه عندها مو صوره
إلا أكثر من صوره في جوالها
وصور معاه بعد...
شهقت:وإنتي إيش عرفك..
دلال:شفتها بعيوني لما كانت
سديم تشوفها في العزيمه..
:آها...طيب يمكن يلاحظ الشبه
دلال:لا أنا بستغل غضبه وعصبيته لمايشوف الصور وأكيد
ماراح يلاحظ الشبه..
من شدة غضبه وماراح يقدر يمسك نفسه وبيطلقها ..ويمكن
بعد يذبحها...
:بصراحه إنتي داهيـــــــــه...
دلال بضحه خبيثه:ههههههه ياحبيبتي مو أنا اللي ترمى مثل
الزباله ويفضل وحده غيري
بخليه يزحف علشان بس رضاي...
:تتوقعين يرجع لك..
دلال بثقه:طبعا ..وأكيد..خالتي تبغاني له من زمان وأكيد بتفرح
وترجعه لي...يعني كل شئ في
صالحي...
************
جالسه في الصاله وتنتظر بنتها
ترجع من التمهيدي ..سجلتها
فيها علشان ترتاح من صجتها
دخلت شهد وبوزها شبرين..
مي إبتسمت:هاحبيبتي كيف المدرسه إنبسطتي..
شهد رمت شنطتها ع الأرض:ما
نييييييييب را ا ا ا ا ايحه...
مي:ليه...
شهد بعصبيه:أبلتهم دبييييه....
مي كتمت ضحكتها وقالت:وإذا
إيش تبغيني أسوي...أجيب لك
مدرسه جديده..
قالت بإصرار:ماعلي منتس
مانييب رايحه مره ثانيه..
وطلعت تاركه أمها منصدمه و
ماتدري إيش تسوي في هالبنت...
******
:خالتك خطبتك لعبدالله
شهقت وهي تلف ع أمها:إيـــــــــــش
******
:خالتك خطبتك لعبدالله
شهقت وهي تلف ع أمها:إيـــــــــــش
أم رعد:اللي سمعتيه...
ريم إنقهرت:أنا ماني موافقه
أم رعد:وليه ...عبدالله رجال و
النعم فيه وولد خالتك...
ريم كشرت:بس أنا مابغاه
أم رعد:أنا عطيت أختي كلمه...
ريم بصدمه:شنو يعني...بتزوجيني عبودوه غصب...
أم رعد:عيب عليك..إيش عبودوه
هذي....و...
قطعت حكيها لماشافت فيصل
يدخل وصعدالدرج من غير لا
يناظرفيهم...
ريم إنصدمت لماشافت شكله
إيش فيه....أول مره يدخل من غير لايقول شئ ويناظر فيهم أو
حتى يناكشها...
ناظرت في أمها بحيره:يمه فيصل شفيه...
*************
صرخت بفرحه:داليـــــــــــا ا ا ا ا ا ا ا ا ا ا ا ا ا ا ا
ركضت لها وضمتها بقوه :وحشتينـــــــــــي
ضحكت وهي تضمها:وأنا أكثر
بعدت عنها:متى رجعتوا....
فسخت عباتها:الصباح
وتلفتت حولها بلهفه:ويـــــــــــن أمـــــــــــي....
نزلت أمها وشهقت لماشافت بنتها:داليــــــــا
ركضت لها وضمتها وبكت:يمـــــــــــه
ضحكت دانه وقالت:إحم إحم
يمه تراني أغار...
بعدت عنها:الحمدلله ع السلامه..
:الله يسلمك...كيفك يمه..
أم محمد:بخير الحمدلله...إنتي
كيفك وكيف ماجد...
داليا:بخير الحمدلله...
أم محمد:زوجك فيه...
داليا:أيوه في المجلس مع أبوي
ومحمد.....
أم محمد:أجل بروح أسلم عليه
سحبتها دانه معاها للصاله:تعالي تعالي..سولفي لي إيش
سويتوا في لندن...
ضحكت داليا:ماسوينا شئ
دانه:وريني أشوف عيني في عينك...
ضربتها داليا باحراج:وجع إستحي
ضحكت دانه:ههههههه محلوه يا
دبه
داليا:حرام عليك والله ماني دبه
دانه: لاوالله إنك قاضيه صايره
كنك عود مكرونه...بنت لايكون
مجودوه مايأكلك....
داليا:وجع إيش مجودوه هذي
ماأسمح لك....
ضحكت دانه:ههههههه طيب شوي شوي لاتطلع عيونك
قامت داليا وهي تعدل لبسها:بروح للمجلس....
دانه:حرام عليك لاحقه ع حبيب
القلب إجلسي معي...
داليا:أصلا بجلس عندكم وبيجي
ياخذني لأهله المغرب...
طلعت للمجلس ودخلت...
جلست جنبه وهي مستحيه من
أبوها وأخوها بس ماجد أشر
لها تجلس جنبه وماقدرت تتجاهله....
سولفوا شوي وإستأذن ماجد
ووصلته للباب...
همس لها بابتسامه:بتوحشيني
إبتسمت:وأنت أكثر...
تلفت حوله وقال بضحكه:لاتخليني أتهور..
حمر وجهها باحراج وبعدت عنه
..
ضحك وباس خدها وطلع...
:ياعيني ع الرومانسيه...
التفتت بفجعه وشافت إختها
واقفه عند باب المدخل ومتخصره..:يعني مايقدر يصبر
لين تروحون بيتكم....
شهقت داليا باحراج وراحت لها
بسرعه وسكرت فمها بإيدها:يا
حماره إنطمي لاتفضحينا...
بعدت دانه يدها وقالت بنص عين:الله يعافيك قولي لزوجك
الحركات هذي مايسويهافي بيتنا
فيه مراهقات هنا....
توسعت عيونها بصدمه وإنحاشت إختها ...ولحقتها بتضربها:دا ا ا ا ا ا ا ا ا انــــــه....
******************
دقت الباب ماسمعت رده...
فتحته ودخلت...
شافته جالس ع طرف سريره
وضام راسه بإيديه...
آلمها قلبها عليه...كانت عارفه
إنه يحب أمل...وصدمته أكيد
كبيره...للحين مومصدقه إن أمل
بتتزوج غير فيصل ....للحين مو
مصدقه إن أمل وافقت ع غيره...
قربت منه وقلبها يذوب ع شكله
وهمست:فيصل...
رفع راسه وقال :مابي أسمع
شئ....
ريم:بس....
قطع حكيها صوته:ريـــــم قلتلك خلاص مابي أسمع شئ...
ناظرت في جواله اللي شاشته
تنور ...
ووقف قلبها لماشافت صورة بسام تنور الشاشه...
همست وقلبها تسارعت دقاته:بـ...بسام
أخذ جواله وحطه ع الصامت
ولمارجع يدق قفله ورماه ع
الأرض...
رمى نفسه ع السرير وعطاها
ظهره وقال بصوت تعبان:سكري النور والباب..
دمعت عيونها وطلعت وسكرت
الباب...
وقفت عند الباب وناظرت فيه
عمرها ماشافت أخوها بهالشكل ...شكله مقلوب فوق
تحت ... وزاد عليها بسام ...
دخلت غرفتها وأخذت جوالها
ودقت ع أمل..
سمعت صوتها:ألو
ريم:صدق اللي سمعته..
ماسمعت ردها وقالت بقهر:أمل جاوبيني صدق اللي سمعته
سمعتها صوتها المخنوق:آ..أيوه
ريم بحزن:وفيصل..
سمعت شهقتها وهي تبكي ...
ريم:ليه ياأمل ليه..
زاد بكاها وماقدرت تقول شئ
إيش تقول...تقول إنها تحب أخوها وماتدري كيف بتعيش من
غيره...تقول إنها وافقت ع غيره
لأنه خانها...لأنه حطم قلبها..
إيش تقول..
ماقدرت تقول إلا:غـ...غصب عـ....ني
بكت معاها مومعقوله عمها
غصبها...معقوله يكون عمها من
هالنوع ...مستحيل...
**************
طلع من المجلس وهي يحكي
في الجوال...
رفع راسه وشافها قدامه ..
إنصدم وهو يناظر فيها وقلبه
يدق بقوه..
رفعت راسها عن جوالها وشهقت لماشافته ودخلت بسرعه....
إبتسم وطلع وبرى ...
وقفت وهي ماسكه قلبها اللي
تحسه بيطلع من مكانه..
إبتسمت لماتذكرت شكله...بس
كشرت بقهر لماتذكرت إنه كان
يحكي في الجوال...أكيد وحده من حبيباته...
إنقهرت مره ومشت لغرفتها معصبه...
قابلت سميه :شفيك
سديم بقهر:رائد إيش جايبه عندنا
ضحكت سميه:وليه تسألين
سديم ناظرتها معصبه وقالت
سميه بضحكه:أبوي يبغاه
قالت بدهشه:إيش يبغى فيه
سميه:مادري إسأليه..
كتمت صرختها سديم لما شافت
ماجد خلف سميه يأشر لها تسكت وماتفضحه..وهو يقرب
من سميه....
بس سميه لاحظت نظراتها خلفها ...ولفت ..
شهقت:ما ا ا ا ا اجد
ضحك:لا ا ا ا مايمديني أبدا أهبل
فيك
ضربته من كتفه وهي تضمه:
أحســـــــــــن.....وحشتني مره
ضحك:وإنتي أكثر
سديم:إحم إحم
ضحك وضمها :كيفكم إشتقت
لكم يا أخواتي العزيزات
سديم:بخير...وين داليا
ماجد:عند أهلها بجيبها المغرب
سميه صرخت تنادي امها:يمـــــــــــه
*********
جالسه بغرفتها طول اليوم ولا
طلعت منها أبدا....
كانت تحس بكآبه وألم وقهر
...
طلعت من الغرفه ودخلت للمطبخ ...
صبت لها كاسة مويه...وشرقت
وصارت تكح لماسمعت صوت
الباب وعرفته إنه رجع...
لفت بتطلع وشافته واقف عند باب المطبخ يناظرها...ولو
كانت النظرات تقتل كان قتلتها
نظراته القاتله....
ظلت واقفه تنتظره يبعد عن طريقها بس طول ماراح..
كانت خايفه تنتظره يصرخ عليها
أو إيده تنمد عليها...
شدت قبضة إيدها...لازم ماتنزل
راسها قدامه لأنها واثقه من نفسها وعمرها ماغلطت ولازم
تكون أقوى علشان يعرف إنها
بريئه ...
رفعت راسها بثقه خلتها تستغرب
من نفسها لأنها حطت عينها في
عينه ع الرغم من إنها حست برجفه من نظراته...حاولت تمسك نفسها وتمر من عنده من غير ماتوضح له إنها خايفه...
حست بإيده ع معصمها بقوه
وسمعت صوته الساخر:تدرين
عاد...إن هالثقه اللي قاعده تتصنعينها ماراح تغير من حقيقتك شئ..
ولاراح تنقص من حقارتك شئ
الخيانه واضحه ..
حست باشمئزاز في نظراته
وطريقة سحبه لإيده وكأنها حشره قدامه
دخل غرفته ..حست بالإهانه
بالظلم والقهر بالألم..ومن مين
من الشخص اللي اكتشفت إنها
تحبه وتعشقه...كرهت قلبها ومشاعرها في كل لحظه حطت
عينها في عيونه وكل كلمه سمعتها منه...
********
عدلت شعرها ولبسها..بنطلون
جينز أسود وبلوزه طويله لنص الفخذ فوشي عليها كتابات بالأسود والفضى وتعطرت...
تنهدت بضيق اللحين بتتواجه معاهم..
دخلت سديم تلبس ساعتها:خلصتي ...بسرعه يالله اللحين
يوصلون الضيوف
سميه:طيب خلصت
اليوم مسوين عزيمه لماجد وداليا والكل بيحضر...
نزلوا تحت وشافوا أم راكان توها واصله ومعاها منى ولنا
سلموا عليهم...ومنى كانت مو
ع بعضها....
سميه تحس إنها بتقول شئ علشان كذا تتهرب منها ماتبغى
تسمع أي شئ...
*****
كانت تناظر البنات ومبسوطه و
متشققه من الفرحه لماشافت
إن لميس مو موجوده ماحضرت
..
دلال:إلا وين لميس غريبه ماشوفها
إستغربت ريم غريبه لميس للحين ماجت...وقامت تدق عليها
*******
كانت جالسه ع سريرها وضامه
رجولها لصدرها...لماسمعت صوت الجوال...
شافت المتصل ريم...
وردت:هالو..
ريم:هلا لميس
لميس:هلا ريم
ريم:وينك تأخرتي
لميس:ماراح أحضر
ريم بخوف :ليه سلامات
فيك شئ تعبانه
لميس حطت إيدها ع قلبها كأنها
تقصده:تعبانه شوي
ريم:سلامتك ماتشوفي شر يا
قلبي...

*****
سكرت منها وحاجبها معقود..
صوت لميس ماعجبها...
رفعت راسها لداليا واعتذرت منها
...
إبتسمت دلال بفرحه وغمزت
لرشا اللي بادلتها الإبتسامه...
**
دخلت للمطبخ ولحقتها وهي
تدق من جوالها...
شافتها واقفه تحكي مع الخدامه
:سميه...
التفتت وشافت منى واقفه وضامه جوالها...
سميه:هلا
منى بتردد:آ..
ناظرت في الخدامه وطلبت منها
تطلع...
قربت من سميه وقالت:بتتزوجين ..
ناظرت فيها والدموع غرقت عيونها كيف نست إنها مخطوبه
لغيره كيف...
لفت وجهها تخفي دموعها..
منى بصوت مخنوق: لأنه لقيط
إنصدمت ولفت وجهها تناظرها
وقالت بقهر ودموعها تساقطت:
إنتي تظنين إني أكره راكان وإني
وافقت ع الخطوبه لأنه لقيط..
لا..أنا وافقت لأني عارفه إن أخوك باعني ..أنا وافقت لأني
الناس مارحمتني بسببه...
منى:يعني للحين تحبينه حتى وإنتي عارفه إنه لقيط..
:وإذا كان لقيط...هذا مو ذنبه
ولا إختياره ...ليه يبيع حبي له
ويبيعني لأنه معتقد إني ممكن
أتركه وأكرهه لأنه لقيط...
لهدرجه مو واثق فيني...
مو واثق في حبي له ...
منى:إذا تحبيه سامحيه..وإرجعي
له...راكان يحبك ..يحبك يا سميه
موقادر يعيش من غيرك...
بلعت غصتها وكتمت شهقاتها
وقالت بصوت مخنوق:موأنا اللي
توطي راس أبوهافي الأرض
منى:يعني كيف...
سكتت منى لماعرفت قصدها
سميه للحين تحبه....بس ماتقدر
تكسر كلمة أبوها قدام الرجال
اللي عطاه كلمه....مستحيل تحط أبوها في هالموقف...
قفلت الخط وطلعت برى...
غمض عيونه وقلبه يآلمه عليها
إنسحب بهدوء من خلف باب المطبخ الخارجي....
****
ضغط ع جواله بقهر ...صحيح
حس بالفرحه لماعرف إنها
أكيد مسامحته وتحبه....
بس خطبتها من غيره حطمته
دمرته....
غمض عيونه بقهر ودموعه
حابسها ...
مستحيل سميه تصير لغير
مستحيـــــــــل...
رفع راسه وشاف ماجد داخل
للمجلس ويناظر فيه...
...
حابسه دموعها غصب وتحاول
تهرب من نظرات رشا المنتصره
..
شافتها تقرب منها وقالت لها:مبروك الخطوبه...
رفعت راسها مستحيل تخليهاتشمت فيها وقالت بابتسامه :الله يبارك فيك..عقبالك
تنهدت رشا بشوق وقالت بدلع:آمين...قريب إن شاءالله...
ومشت رايحه لإختها....
سمعت صوت ريم خلفها:مبروك
التفت لها وقالت وقلبها يآلمها ودموعها مغرقه عيونها:الله يبارك فيك...
ريم ماحبت تحمل أمل الذنب
وعمها هو اللي غصبها...أصلا
واضح من عيونها وحزنها إنها تحب أخوها بس موفي يدها..
إبتسمت لها وقالت وهي تمسكها من ذراعها وتمشي معاها:سمعتي آخر نكته...
الشيخ عبدالله خاطبني..
وقفت أمل بذهول:وإنتي وافقتي
ريم:مجنونه إنتي..طبعا موموافقه يروح يدور له ع وحده
تناسبه ومن مستواه وووع...
ضحكت أمل غصب عنها...وإبتسمت ريم لماشافت إنها غيرت نفسيتها...
***
رمت جوالها بغيض وقهر في
شنطتها....يعني إيش يبغى يشوفني ...واللحين بعد...ولا بعد إذا ماجيت بيدخل ويفضحني..أفففف الله ياخذك ياخويلد...أكرههك...
وقفت عند مرايا المدخل وعدلت
شعرها اللي تاركته مفتوح وحاطه بف (نفخه)من قدام
ورده حمرا ع الجنب تناسب
بلوزتها اللي ع تصميم فرنسي
حمرا حرير وبنطلون أسود سكيني وصندل بكعب عالي أحمر..
تعطرت وناظرت في عطرها
بقهر ورمته في الشنطه...غبيه
ليه أهتم في شكلي قدامه..
لفت خلفها وشافت فهدجاي لها
فهد همس:خالد ينتظرك برى
كشرت وقالت:طيب..
مشى فهد معاها ووصلها لخالد
اللي كان واقف ومتكي ع الجدار
في الحديقه في مكان بعيد وأنواره خفيفه يعني ماحد بيشوفهم...
تركهم فهد وراح...
تنهد بضيق وقربت منه وقالت:نعم إيش بغيت...
رفع حاجبه وقال يعيد حكيها:أول مره أشوف وحده أول مره تشوف زوجها وتسأله هالسؤال...
لفت وجهها وقالت وهي متكتفه:مو أول مره....
إبتسم ومد يده:كيفك...
التفت تناظره ومدت يدها وصافحته ...وإنقهرت لماظل ماسك يدها ...
سحبها له وباس خدها...شهقت
ووجهها يحمر ولصقت في الجدار لأنه سحبها ناحية الجدار..علشان ماتهرب...
ناظرته بقهر وقالت:أشوفك أخذت راحتك كل شوي راز وجهك قدامي...
حك حاجبه بأصبعه وناظرها:تدرين إن ماعندك أسلوب راقي أبدا في الحكي...
وناظر فيها من فوق لتحت:مو واضح عليك أبدا...
لفت وجهها منقهره من نظراته
..
وكمل حكيه:والله عاد رعد يقول لو تاخذها لبيتك مسموح...
حست بالقهر ودموعها غرقت
عيونها...إنقهرت من رعد تحسه
راميها ع خالد كأنها رخيصه عنده

مولهدرجه هي صحيح غلطت بس غلطتها مو كبيره في نظرها
إنه يرميها ع خالد ويصرح له بعد..
حست بأصابعه ع ذقنها يلف وجهها ويناظر في عيونها وهمس:ليه تبكين....
خفق قلبها من حنيةصوته ...وبعدت إيده عنها وقالت:مابكيت
طلع جواله وشاف المتصل
وضحك:نعم
عادل:إنتهت الدقايق يالله بعد
لين ثلاثه وألقاك قدامي
ضحك :إحلف عاد
عادل:والله ..ترا كان بإمكاني
أجي لعندك وأسحبك من كشتك
بس مابي أطيح هيبتك قدام إختي ... و..و..أطيح في موقف محرج عندكم
ضحك وقال:إنقلع بس
قفل الجوال...وقالت رنا وهي
رافعه حاجبها:الله يالإسلوب الراقي..
إبتسم وهو يعدل غترته:ماينفع
مع أخوك إلاهالإسلوب...
لازم أروح له اللحين ..كان نفسي أطول معاك بس أخوك
هادم اللذات حاسبلي حتى الدقايق...
تحرك بيروح بس رجع وناظر
فيها ..
عرفت تفكيره وقالت بتحذير:لا
تقرب
ناظر فيها منصدم ومات ضحك
:هههههههههههههههههههه
إنقهرت منه وقالت:ماقلت شئ
يضحك..
حرك راسه بأيوه وأشر لها باي وراح...
***************
طلعت من المطبخ وبإيدها كوب
كوفي....
وجلست في الصاله ...
دخلت عليها أمها وقالت:أم طلال
أمس كلمتني...
شرقت وهي تكح ...عطتها أمها
مويه:بسم الله عليك
شربت المويه وقالت بصوت مبحوح:إيش قالت...
أم خالد:حددوا موعد الملكه
توسعت عيونها بصدمه....ودقات
قلبها وقفت...والحروف ضاعت
يعني حددوا موعد موتها ...موعد
ذبحها...آآه ياربي ...
أم خالد:يوم الخميس...
رفعت راسها بصدمه:الخميس
أم خالد:أيوه....
وقفت باعتراض:لا يمه تكفين
مابي
أم خالد:وليه ماتبغين
ترددت تدور لها عذر بس بتبعد
اليوم وقالت:عندي إختبار السبت
وبأذاكر له ..
أم خالد:وإذا عندك إختبار ..
أمل:مابي شئ يشغلني...
وخصوصا إني ماجهزت....
أم خالد بلهجه لا تقبل النقاش:الإختبار ذاكري له من
اللحين...وبكره روحي للسوق
مع رهف وإشتري لك فستان...
قامت بقهر وصعدت لغرفتها
تبكي....
دخل ياسر:يمه شفيهابنتك
أم خالد:زعلانه ليه ملكتها الخميس
ياسر:طيب غيروا موعدها زي
ماتبغى
أم خالد:خلاص الناس حددوا
فشله أقول لهم لا
**************
:يمه قلتلك مابيه يعني مابيه
أكرهه
ام رعد:يعني شنو ..وبعدين معاكم بتفشلوني مع أختي أخوك رافض بنتها بعد ماخطبناها له...وتزوج غيرها...
وإنتي بعد بترفضي ولدها...
ريم:يمه هذي حياتي وأنا حره
فيها...وعبدالله هذا ماأبغاه
أم رعد :شوفي ياريم بتاخذين
عبدالله غصب عنك سامعتني
ركضت ريم لرعد اللي واقف
يناظرهم بحيره.:شفيكم
ريم ودموعها ع خدها:رعد
أمي بتزوجني عبدالله غصب
رعد بدهشه:عبدالله ولدخالتي
ريم:أيوه
رعد:يمه إنتي من جدك بتزوجين ريم هالصعلوك
أم رعد:شنو صعلوك..هذا ولد
خالتك
رعد:وإذا ولد خالتي..أزوجه إختي لا هومن مستواها ولاحتى
يناسبها
أم رعد:أنا قلت لأبوك وأبوك وافق وأنا موافقه...وماعندي إستعداد أخرب علاقتي بإختي
مره ثانيه كفايه إنك رافض بنتها
إيش بتقول عني...
رعد :ريم ماراح تاخذه لو تنطبق
السما ع الأرض..
أم رعد:إذا ماتزوجت عبدالله
لاهي بنتي ولاإنت ولدي...
وطلعت وتركتهم...بكت ريم وضمته وهو منصدم من أمه
يعني إيش بتتبرى مننا علشان
إختها...
حاول يهدي ريم وهو محتار
أمه من جهه وإخته من جهه
ولميس حكايه ثانيه...
**************
جالسه ع سريرها وتحاول
تدق عليه ومقفل جواله...
رمت جوالها بقهر وبكت لأنها
خلاص ضاعت...
سمعت صوت باب غرفتها ينفتح وشافت دلال داخله :هاااي
حقدت عليها لأنها السبب في ضياعها:خير...ليه جايه
دلال جلست مستغربه:شفيك
جايه أسمع آخر الأخبار...
وغمزت لها ....فار دمها وصرخت
عليها بحقد ودموعها ع وجهها:
أي أخبـــــــــار...تبغين تسمعين
أخبار ضياعي ...يا#####
دلال إنصدمت:إحترمي نفسك
عاد
قامت تبكي بكل حقد وقهر:أنـــــــــا ضعت بسببك...كله
منك ضيعتيني الله يضيعك..طلعـــــــــي برى ..برى مابي
أشوف وجهك ال#### هذا هنا
دلال قامت:بطلع بس ع فكره
اللي ضيعك غباءك وسذاجتك
وطلعت ...رمت نفسها ع سريرها تبكي وحالفه تنتقم
من دلال وتضيعها...
**************
قررت تروح تشوف لميس
من زمان ماشافتها...مستغربه منها لا حاكتها ولاجت تزورها..وتشتكي
له ع اللي بتسويه أمها فيها...
ضمت لميس بقوه:وينك يادبه
إشتقت لك
لميس بابتسامه مصطنعه:وين
بروح يعني...
ريم :رعد موجود
لميس:لا...تفضلي
جلست ريم وهي مستغربه من
شكل لميس..وجهها موطبيعي
أكيد صاير شئ...
لاحظت إن التلفون مو موجود
:وين تلفونكم
لميس إرتبكت ماتوقعت إن ريم
بتلاحظ:ها..ا ..خرب..ويشتري
رعد جديد
ريم شكت إن بينهم شئ وقالت:
لميس شفيك صاير شئ
لميس حركت راسها بلا

وحابسه دموعها..
سكتت ريم ماتبغى تضغط عليها
وقالت :أمل ملكتها الخميس
لميس إنصدمت:وفيصل
ريم بحزن:فيصل الله يكون بعونه كان بينجن لما عرف وحالته مره تحزن..
آلمها قلبها عليه بس ماقدرت
تقول شئ..
تنهدت ريم:ولا بعد أمي بتغصبني
ع عبدالله.....و
إنتفضوا كلهم لماسمعوا صوت
الباب شوي ينكسر وصوت رعد
اللي هز كل شئ:لميــــــس
إرتجفت لميس ومسكت يد ريم
تحتمي فيها وريم مستغربه
شافوا رعد دخل للصاله وشكله
يخوف..عيونه كلها شرار من الغضب..حتى إنه مالاحظ وجود
ريم من غضبه وقرب من لميس
ومسكها من يدها وسحبها يوقفها وصرخ بكل قهر وبعصبيه
وأنفاسه اللاهبه حرقت وجهها:وتقوليـــــــــن ما أعرفه وصورته معاك يال####
ريم مصدومه مو فاهمه إيش
يصير...
هزها بعنف وقلبه يذوب داخله
ضلوعه من نار القهر والخيانه
:ليـــــــــه يالميس ليـــــــــه
ريم تحاول تفك إيده من لميس:رعد إتركها إنت شفيك جنيت
رعد بوحشيه:ابعدي ياريم عن
وجهي أحسن لك
حط إيده برقبتها وضغط عليها
والغضب والقهر أعماه وهو يصارخ عليها...من قلبه بكل قهر
وألم...وهي تحس نفسها تختنق
وتحاول تفك يده عنها ودموعها
مغرقه وجهها ..
بكت ريم وهي تشوف رعد وحش مو أخوها...ضربت رعد
ببكا:إتركها يارعد إتركها..بتذبحها
دفها رعد عن يده وطاحت ع
الكنبه وضمتها ريم ولميس تبكي
جسمها يرتجف...
ريم:ليه يارعد ليه
رعد يتنفس بقوه وعروق وجهه
وضحت:تبغين تفهمين أنا أفهمك
************
فتحت الباب ع إختها:رشـــــــــا
رشا:شفيك
دلال بفرحه:الخطه كملت
رشا:والله
دلال:ههههههه أيوه وأنا متحمسه أبغى أعرف إيش صار
رشا:أكيد طلقها
دلال:آمين....والله ماني قادره
أصبر لازم أعرف إيش صار

********
صرخت وهي توقف:مستحيـــــــــل مستحيل
رعد إنت إيش قاعد تقول إنت جنيت كيف صدقت كيف
رعدأخذ جواله لميس وطلع الصور وحطها قدام وجهها...
ريم شهقت مستحيل أخوها يصير مغفل وغبي ...
رعد:صدقتي اللحين
ريم بقهر:هذا رامـــــــــي
ولدعمي وأخوها...
***************

***************
توسعت عيونه بصدمه وقال:إنتي شقاعده تقولين...
قامت لغرفتها تبكي بحرقه...مو
مصدقه إن رعد مايعرف رامي
أخوها لدرجة إنه يتهمها فيه...
لهدرجة يكرهها ...ومومهتم يعرف عنهاشئ...حتى أخوها اللي يصير ولد عمه موعارفه...
حطت الصوره قدامه:شوف زين
وإنت تعرف...
أخذ الجوال من يدها ونظراته
المصدومه ع الصوره...
قالت بقهروعدم تصديق:معقوله يارعد ماتعرف ولدعمك
معقوله تصدق أي شئ يقال عن لميس....لهدرجه مو واثق فيها....
لاحظ الشبه اللي بينهم ...كيف
مالاحظ كيف...الغضب أعمى عيونه وصدمته والنار اللي تاكل
قلبه وقفت تفكيره...لمادق عليه
ال####
"
رعد:ألو...
.......:يوووه الظاهر إني غلطت
بدق ع لموس ودقت عليك..
رعد والشياطين في راسه من
سمع صوته:إنــــــــت يال#### ياللي ماتربيت وأنا ال
قطع حكيه وهو يقول:قبل لا
تقول أي شئ شوف مين اللي
ماتربى وبعدين قل ماتربيت.....
زوجتك ياحلو لو هي متربيه كان
ما حاكتني و ع علاقه معي....
بس الظاهر إنك ما مليت عينها
رعد فار دمه وبراكين تفجرت
داخله صرخ فيه بحقد:إنت واحد
خسيس ونذل#### ...إنت الظاهر مو عارفني زين ...و
.....:لا لا لاحدك عاد..تبغى الدليل أنا ماعندي مانع ...أنا أرسلت لك صورتي معاها...وإذا ماصدقتها ..أوك..شوف صوري
في جوال زوجتك وتعرف إذا
أكذب أولا...
سكر في وجهه وفتح الصوره
وصدمته كانت أعظم ...
"
ريم:صدقت اللحين إن لميس بريئه وإنت ظلمتها...
رعد:بس..الحقير كيف عرف إسمها إذا كانت ماتعرفه...
ريم إنقهرت:لميس قالت لي قبل..إن فيه رقم غريب يدق عليها ع تلفون البيت وجوالها ويعرف إسمها و...
قطع حكيها بعصبيه:وليه ماقالت
لي..
ريم:خافت تشك فيها...ولأنك ما
تعطي أحد فرصه يقولك ع شئ
لماتعصب...
وكملت ودموعها تساقطت:حرام
يارعد اللي سويته فيها لميس
مالها أحد في الدنيا غيرنا ليه
تعاملها في هالطريقه....لميس تعذبت كثير في حياتها ولماجا دورنا نسعدها علشان ننسيها
حزنها جيت بشكوكك وغضبك
وعذبتها من غير لاتعطيها فرصه
تدافع عن نفسها...
رمى نفسه ع الكنب وحط إيده
ع راسه...مومصدق اللي سواه
وحكي ريم زاد ندمه وعذابه...
تركته ريم ودخلت ع لميس ولقتها ضامه نفسها وتبكي بصوت يقطع القلب ....
قربت منها وضمتها...
ضمتها وقالت بين دموعها:أبيــ ـ ـ ـه يطلقنـ ـ ـ ـي...
ريم إنصدمت:لميس..
حركت راسها بلا ببكا:أبيه يطلقنــ ـ ـ ـي...قوليله يطلقنـ ـ ـي ماأبغى أعيش معاه مابي
تكفيـ ـ ـ ـن ياريم الله يخليك...
ريم تهديها:خلاص لميس إنتي
تعبانه اللحين إرتاحي...
تركتها ورمت نفسها ع السرير
تبكي بألم...
ألــــــــم حبــــــــه....ألــــــــم
عذابــــــــه....ألــــــــم فراقــــــــه...
رفعت جوالها وشافت المتصل
أمها...
عبداللــــــــه....تذكرت إصرار
أمها إنها تاخذه...وغمضت عيونها
بحزن...
لميــــــــس....وأمــــــــل...وهــــــــي...وسميـ ـــــــه...
وحده تزوجت واحد ماتبغاه وتعذبت معاه...
والباقــــــــي إنخطبوا بنفس
الفتره وبيتزوجوا غصب عنهم
غير اللي قلبهم تعلق فيهم وعطوهم إياه....
***************
جالس قدام البحر مع سعود
اللي قاعد يلومه ع اللي سواه...
قال بضيق:سعود خلاص تراك
صجيت راسي...
سعود منقهر:من تصرفاتك ياخي هذي بنت عمك
قام:أنا ماشي
ومشى متجهه لسيارته..ووقفه
سعود بحكيه:حياتك بتنقلب ضدك يارعد..لأني عارف إنك تحبها ولاتحاول تكذب مشاعرك..
سكت وكمل طريقه وحكي سعود جاه بالصميم...
*************
دخلت ع إختها وشافتها منطويه
ع نفسها ودموعها ع خدها...
من إنخطبت وحددوا موعد الملكه وهي حابسه نفسها في
غرفتها وعايشه وسط حلقة حزن ودموع وألم....
حتى تجهيز الملكه هي وأمها اللي قاموا فيه..وأشرفوا عليه
أما هي ماعطتهم حتى رايها فيه وكأنها موملكتها....

جلست جنبها وقالت:إلى متى يعني ياأمل...بعد بكره ملكتك
وإنتي حابسه نفسك بهالحزن
إنتي اللي إخترتي .....
همست بصوت مخنوق:غصـ ـ ـ ب عني....
تنهدت بضيق حتى السبب مو
راضيه تقول لها.....
هي عارفه إن أمل تحب فيصل
وتعشقه ...كيف ترضى تتزوج غيره....أكيد فيه سبب ...أكيد صاير شئ...ولامومعقوله تتركه
وتتزوج غيره....
ياليتها تقدر تعرف وتساعدها...
بس هي موراضيه تقول لها....
فكرت لو إن أمل عارضت وما
وافقت ...هل أبوها بيرضى أو
بيغصبها....خصوصا إنه مبسوط
من هالزواج وراضي فيه من البدايه....
التفتت لأختها وقالت وهي تمسك يدها:أمول قومي معي
ننزل تحت في الحديقه...الجو
مره حلو..
سحبت يدها وقالت: ماعليه ساره والله مالي خلق..
ساره:تكفين أبغى أجلس معك
قبل زواجي ...
إبتسمت وقامت معاها علشان
إختها....
نزلوا تحت وقابلوا رائد داخل..
اللي لماشاف إخته إبتسم ..كان
حاس إن إخته موراغبه في هالزواج لأنها حابسه نفسها
طول الوقت....بس لماشافها
طلعت من صومعتها فرح...
رائد بابتسامه:هلا هلا والله
أخيرآ الأميره النائمه نزلت من برجها العاجي...
ضحكت ....وقال:وين رايحين
ساره:بنجلس في الحديقه...
رائد:طيب شكلكم مانتوا ناوين
تعزموني ها...
ضحكت أمل وقالت:لا حياك
رائد:طيب بروح أبدل لبسي وأجي ...سوسو بعد قلبي ياليت
لو تسوين لنا هوت شوكلت ..الجو بارد برى...
ساره:من عيوني...
راحوا البنات للمطبخ ورائد طلع
لغرفته ..
****************
دخل الغرفه وكانت الظلام
يعم فيها وصوت أنينها واضح...
فتح النور وشافها دافنه وجهها
في المخده وتبكي....
قرب منها وحكي سعود يتردد في راسه ...وندمه يلعب فيه
عارف إن ظلمها كثير ...
قال بهدوء:لميس......لميس أ..
ماتحملت وجوده ولاصوته ولفت له وهو إنصدم بدموعها
صرخت فيه:إطلع برى...برى..
رعد تفاجأ:لميس...إسمعيني
كانت في قمة إنهيارها ودموعها
مغرقه وجهها:ما ا ا اأبي أسمعك
إطلع برى....أنا عارفه إنك تكرهني ...وتتهمني بأفعال أنا ماسويتها....عارفه إنا إيش عندك
شهقت وقالت:أنا تعبت ...تعبت من حياتي كلها.....تعذبت عند
زوجة أبوي وبنتها وذقت العذاب كله عندهم....كـ..كنت أتمنى يكون عندي أهل يحموني وأعيش عندهم معززه.....آإه..ولماصارعندي أهل وأفرح فيهم....صار العذاب والألم يلاحقني حتى عندهم...تحملت
الإهانات والذل منك ومن أمك ورنا .....وصرت أتمنى ألقى اللي
يعيشني الحياة اللي أتمناها وإنت
ولما لقيته ...إنت بأنانيتك وكرهك
حرمتني إياه....
وحكمت علي أعيش معاك وأتحمل إهاناتك وعذابك....آآآه
أنا تعبت موقادره أتحمل...أكرهــــــــك يارعد أكرهههــــــــك.....إطلع برى..
طلع من غرفتها وهومصدوم
قلبه يعتصر ألم ولوم وندم...
تسند ع الجدار وغمض عيونه
عمره ماتخيل حجم اللي سواه
فيها...
إنقهر من نفسه ع اللي سواه
فيها...جرحها وخلاها تكرهه
بـــس هذا غصب عنه..كيف
يشوفها ويسمع إنها تحب غيره
وسافهته ويسكت...
غصب حاس بقهر داخله ويطلعه فيها...
كان يشوف نظراتها له ويقارنها
بنظراتها لأخوه...
تخيل نفسك تحب شخص وتعشقه وهو مادرى عن وجودك...وتشوفه يحب غيرك
كان يشوفها تتجاهله ولاحتى تناظرفيه...يزيد قهر وألمه..
وهو اللي حبها وعشقها من
أول لحظه شافها فيه.....
موقادر يتنفس يحس جو البيت
يخنقه...وطلع من البيت.....
************
دخل للبيت وسمع صوت أهله
في الصاله....
وصوت عيال إخته....
دخل للصاله وسلم ع إخته...
أخذ سعود من حضنها وجلس
وباسه ع خده ....
كان يسولفون وهو جالس بهدوء وشوي يسرح وشوي معاهم....
لين تجمدت يده وإختفت أنفاسه
وشخص بصره ...
لماسمع رغد تحكي عن فساتين ملكة حبيبته...
يــــــــوم واحــــــــد بس وتصير لغيــــــــره....
قام بيروح غرفته وتذكر إن سعود معاه...ورجع حطه في حضن ريم اللي لمحت الحزن
في ملامح وجهه والدموع في
عيونه...
وطلع لغرفته...
التفت لأمها اللي قالت:ملكتك
في بداية الشهر الجاي...يمديك
تجهزين لها...
توسعت عيونها بصدمه:بس أنا
......
أم رعد:خلاص مابي أسمع
كلمة زياده....
قامت وطلعت برى...
بكت ريم ورغد إستغربت:إنتي مانتي موافقه....
قالت لها ريم كل شئ..ورغد مصدومه من أمها...
رغد:وأبوي..
ريم:أبوي موافق...
سكتت رغد ماتقدر تقول شئ
وهي عارفه إن إختها مستحيل
بتعارض حكي أمها وتسبب مشاكل بين أمها وأبوها وتغضب
عليها أمها....
*************
صحت وراسها مصدع ...
طلعت من الحمام وشافت ريم
:صباح الخير...
لميس:إنتي نايمه هنا...
ريم:لا...توني جايه ...
سكتت وراحت لدولابها فتحته
وطلعت لها ملابس...
ريم:يالله بسرعه البسي علشان
أنا ميته جوع وأبي أفطر...
لميس:روحي إفطري أنا مالي
نفس
ريم:لا لك.....ويالله بسرعه أنتظرك في المطبخ...
لميس بإصرار:ريم مابي آكل شئ..
ريم بإصرارأكثر:لا بتاكلين ويالله
لاتتأخري...و ع فكره رعد مو
في البيت إذا هذا سبب رفضك...
طلعت وبعد دقايق دخلت لميس
المطبخ وسحبت لها كرسي وجلس...
عطتها ريم كوب كوفي وأخذته منها...
بعد هدوء قالت ريم بتردد:لميس...
رفعت نظراتها عن الكوب تناظرها...
وقالت ريم:رعد عرف غلطته و...
لميس:مايهمني...أنا ماراح أسامحه..أنا مولعبه عنده...
ريم إرتاحت لأن لميس ماجابت
سيرة الطلاق وفضلت تسكت...
لميس:متى بتروحين بيتكم..
ريم:ليه مليتي مني..
لميس إبتسمت:لا..بس بروح معك
ريم بخوف:ليه..
قامت وحطت كوبها ع الطاوله و
هي تقول:من غيرليه
ريم:أيوه بس لازم نقول لرعد..
لميس طلعت وماردت عليها...
ريم دقت ع رعد تقول له وهو
سكت وماعلق كأنه متوقع روحتها...
*************
دخلوا وشافوا رغد موجوده..
ضمتها رغد وهي تعاتبها لأنها من زمان ماشافتها...
جلسوا يسولفون ولميس في حضنها رند...
دخلت أم رعد وسلمت ع رغد
و ع لميس..
الأيام هذي علاقة أم رعد في
لميس بارده ورسميه..
صحيح صارت تتقبل حكيها بس
ع الأقل ماصارت ترمي عليها حكي...
رغد:شريتوا فساتين لملكة أمل
ريم:أيوه طلبت فساتين من فرنسا لي وللميس وبتوصل اليوم في الليل...
رغد:موكأنكم متأخرين..
ريم:لاعادي ..أهم شئ توصل
قبل بكره..
سكتت رغد والتفتت لأمها:يمه
فيصل ماطلع...
أم رعد تنهدت:لا ولاحتى أكل شئ..مادري إيش أسوي فيه هالولد...
لميس ناظرت في أعلى الدرج
بحزن...نفسها تروح له وتحاكيه...
:السلام عليكم..
نزلت عيونها لماسمعت صوته
وكأن شئ حاد إنغرز في صدرها ...
حست فيه جلس جنبها ..ومافيه
بينه وبينها مسافه ...وماقدرت تبعد علشان ماتلاحظ شئ خالتها...
تغطت لماسمعت صوت عادل
اللي دخل:السلام عليكم..
سلم ع رعد وجلس وأخذ في
حضنه سعود:ريم عطيني رند
أخذت ريم من لميس رند وعطته عادل اللي حطهم جنب بعض وقال:يالله طلعوا الفوارق
العشره...
:ههههههههه
عادل يأشر:سعود مادري أحس
خشمه أحسن من رند..
ريم:لاوالله..رنوده أحلى...
عادل:تعالي شوفي..
ريم:من غيرماأشوف..رنوده أحلى...
شال عادل سعود:والله إنه بيطلع ع خاله مزيون ورجال..
ريم بتريقه:مررره
عادل:ياشين الغيره...
رغد:ياليت يطلع ع خاله..
عادل رفع راسه بغرور:مشكوره
رغد بنذاله:أقصد خاله رعد..
ريم:هههههههه
عادل حط سعود في حضن رغد وقال:أجل خوذي بزرك عني..
كملوا سوالفهم وطبعا أغلب
الجلسه مناكشات عادل وريم
لميس كانت ماسكه نفسها
طول الوقت..وحمدت ربها إن
عادل موجود ومتغطيه كان شافوا دموعها...
لأن مجرد قربه منها يحرقها
إنقهرت من نفسها ع الرغم
من اللي سواه فيها موقادره
تكبت مشاعرها ناحيته ...و
موقادره تكرهه ....ليه ياربي ليه
أحس إني كرهت نفسي بسببه...
انفجعت لماشافت عادل قايم
وطالع من الصاله...يعني لازم
تكشف..
ريم:لميس إكشفي عادل طلع...
كشفت غطاها..وشعرها متناثر
حول وجهها ومخفي ملامحها
عنه...
إنصدمــــــــت لماحست بأصابع يده تبعد شعرها عن وجهها...
رفعت راسها غصب له...وبان
ع وجهه الصدمه لماشاف دموعها مغرقه عيونها...
نزلت راسها وماسكه دموعها
بالقوه بس ماراح تقدر تقاومهم
أكثر ...
قامت مستأذنه ودخلت دورات
المياه...
تسندت ع المغسله ودموعها
نزلت...غطها فمها بإيدها علشان
ماحد يسمع صوت شهقاتها..
فتحت المويه وغسلت وجهها

وعدلت نفسها وطلعت...
شافت ريم تطالع وجهها بشك
كأنها عارفه إنهاكانت تبكي..
إبتسمت لها بشبه إبتسامه وجلست جنبها..ولاحظت إن رعد
مو موجود...
:السلام عليكم..
رفعت راسها وشافت عمها
داخل..
إشتاقت له ..ضمته كانت تدور
ع الحضن اللي يحسسها بالأمان....
**************
فتحت عيونها وقامت جالسه
التفتت لريم اللي نايمه جنبها
وإبتسمت....
إختفت إبتسامتها لماتذكرت إنها
أمس مارضت ترجع للبيت ونامت
عند ريم....
ناظرت في فساتينهم اللي وصلت أمس في الليل ...
التفتت لماحست بحركة ريم و
شافتها صاحيه...
لميس:صباح الخير
قامت ريم :صباح النور..
لبست لميس جلابيه ناعمه
ونزلوا تحت يفطرون....
خلصوا فطورهم وصعدوا فوق
وقفت ريم وعيونها ع باب غرفة
فيصل ...
تحس بحزن ع حاله وودها تشوفه ...
قربت من باب غرفته ودقت الباب ماسمعت رد...حاولت تفتحه وطلع مقفول...
وإنسحبت لغرفتها...
*************
دخلت غرفة إختها وشافتها
واقفه قدام المرايا تعدل فستانها الأسود..
سديم:خلصتي..
سميه:أيوه...
أخذت عباتها ونزلت مع إختها
وعقلها في دوامه...
أمس مانامت زين..ندمانه لأنها
وافقت ع اللي خطبها..ودموعها
ودموعها ماوقفت....
إستغربت سديم لماشافت ماجد
يطلع مع أبوها من المكتب..
أبوها طلع وماجد إبتسم لماشافهم...
شاف سميه واقفه وسرحانه..
عرف في إيش هي سرحانه...
قرب منها ..وإنتبهت له ...
باس جبينها وهمس لها:إخت ماجد ماتنغصب ع شئ...
باس جبينها وهي مستغربه وما
فهمت قصده...
ضحكت سديم:إحم إحم إنتبه
ياماجد ترى فيه ناس طقوا من
الغيره...
إبتسم لماعرف قصدها....وقرب
من داليا الواقفه بعيد...
ضمها وباس خدها:عاد مشكله
إذا زعلوا....مانقدر ع زعلهم..
شهقت وبعدت عنه ووجهها إحمر...ناظرته بقهر وتوعد لأنه
أحرجها قدام البنات...
اللي ماتوا ضحك ع أشكالهم.....
**************
خلصت مكياجها بعد ماعادته الكوفير لها أكثر من مره بسبب
دموعها...
لبست فستانها وهي ماسكه
نفسها ...
اليوم بتكوون لغيره....اليوم بيزفوها لغيره....آآه ياربي....
دخلت عندها لميس اللي جت مع أم رعد وماإنتظرت رعد...
سلمت عليها وباركت لها وهي
حزنانه علشانها....
جلسوا عندها البنات يحاولوا
يغيروا نفسيتها الزفت....
إنقبض قلبها وتبخرت دموعها
لماسمعت صوت أبوها ومعاه
الكتاب علشان توقع ع العقد...
ماقدرت توقف تحس نفسها
تصلبت في مكانها....
ساعدوها البنات توقف...وراحت
لأبوها...
أخذت القلم من يده بإيد مرتجفه وقلب مقبوض....
ماتدري إيش اللي صار....
وكيف صار....
أصوات البنات تعالت حولها...
أصابع أبوها ع أكتافها ...
إختفت أصابعه وحست الجو
مكتوم حوالها...
جسمها كله تحسه إنشل عن الحركه...
.وعيونها طاحت بعيون ريم اللي
كلها دموع....
أبوها إختفى من قدامها وحضن
دافي حضنها...
رفعت عيونها وتوسعت عيونها
وشخص بصرها لماسمعت الكلام اللي تردد حولها....
***************
:مبــــــــروووووووووك.....
:مبــــــــروووك أمولــــــــه....
:الله يوفقــــــــــــــــك...
ناظرت في إيدها المرتجفه وعيونها مصدومه وكلمه وحده
يتردد صداها في راسها زي السهم الحاد....
وقعــــــــــــــــــــــــت....
وقعــــــــــــــــــــــــت....
أنا...أنا اللحين زوجتــــــــه..
حــــــــرم طــــــــــــــــلال...
طــــــــــــــــلال ياأمــــــــل
مو فيصــــــــــــــــل....
تساقطت دموعها الحاره ع خدها...
وضمتها ريم بقوه تهديها ودموعها نزلت معاها...
وقلبهــــــــا عند أخوهــــــــا
اللي وســــــــط الناس جــســــــــد بلا رووووووح....
من سمع أصوات التباريك حوله
..
الهوا إنعــــــــدم حولــــــــه
ونظراته شاخصــــــــه ع
عــــــــدوه وسارق حبيبتــــــــه لا مو سارقها...
هــــــــي اللي فضلتــــــــه
عليــــــــه...
هي اللي إختارتــــــــه دونه..
حلمــــــــه تبخــــــــر أصبح
ســــــــرا ا ا ا ا ا اب...
لامو سرا ا ا اب إختفى إختفى
وصار ذكــــــرى...
*************
دخلوا وفسخوا عباياتهم وعدلوا
أشكالهم وإبتساماتهم المنتصره
ع وجيههم...من سمعوا إن الملكه تمت...
الفرحه غامرتهم ...اللي يبونهم
صار بس باقي يصيدون العصفور...
دخلوا مع بعض وسلموا وباركوا
..
صعدوا عند العروس...
ودخلوا للغرفه وإبتساماتهم ع
وجيههم:مرحبــــــــا...
إختفت إبتسامتها وأظلم وجهها
لماطاحت عيونها ع اللي لابسه
فستان نيلي توب وشعرها ع أكتافها ستريت وفارقته ع جنب
وماسك الشعر الخفيف بفيونكه
صغيره نيلي...وجالسه جنب أمل
لميــــــــــــــــس....
إنصدمت كيــــــــف ..
كانت متوقعه إنها ماتشوفه
لأنها مطلقه أو ع الأقل ماتكون
في هالأناقه والجمال...
أما رشا تقدمت لأمل وإبتسامتها
ع وجهها..
سلمت عليها وقالت:مبروك يا
حرم طلال...
وناظرتها بانتصار ولفت بدلع ..
شدت قبضة إيدها بقوه تمسك
أعصابها ودموعها تعلقت برموشها ...لكن مستحيل تضعف
قدامها...
طلعت من الغرفه مع إختها
وتفكيرها عند لميس...
أكيد بتحضر ملكة أمل حتى لوكان طلقها...
إبتسمت بفرح ... وراحت عند
خالتها أم رعد تلصق فيها من
اللحين...
**
جلست بعد مازفوها..وسلموا
عليها الحريم...
رفعت بصرها لأم طلال اللي
إبتسامتها ع وجهها ..كانت أنيقه
جدا... حتى بناتها الثنتين أنيقات
..
تفاجأت لماعرفت إن أم طلال
سيدة أعمال مثل زوجة عمها وصاحبة أم رعد..
يعني فيصل أكيد يعرف طلال..
غمضت عيونها ماتبغى تفكر فيه...
أخذتها أمها من يدها للمجلس
وقلبها مقبوض..
شافت إخوانها عند باب المجلس
وإبتساماتهم ع وجيههم...
ضمها خالد :مبروك أموله..
ماقدرت ترد عليه لأن الغصه
خانقتها...
باس جبينها رائد وقال:ألف مبروك..
سلم عليها ياسر ...
ومسكها رائد من يدها مع خالد
ودخلوها المجلس...
غمضت عيونها وهي منزله راسها وشدت قبضتها ع يد أخوها..
سمعت صوته الهادي وأصابع
يده تلامس يدها:مبروك..
لصقت في رائد وهي وتسحب
يدها من يده...
ضحك رائد :لاتخافين ماراح ياكلك...
كان ودها تدعس ع رجله..مو
وقته يخفف دمه..
جلست جنبه وضامه إيديها..
طلعوا إخوانها ..وهي تحس نفسها يالله تسحب أنفاسها...
وتحس رقبتها شوي تنكسر من
كثر ماهي مانزلتها..
ماتبغى تشوفه وتنصدم بالواقع..
ظلوا ساكتين وهدوء بينهم...
شدت قبضة يدها لماحست فيه
التفت يناظرها...
ظل للحظات يتأمل وجهها الفاتن
..
بلعت ريقها بخوف لماسمعت صوته..صوته الهادي اللي بدى
يربكها:كيفك أمل..
حست بالدموع تغرق عيونها
لماتذكرت صوت فيصل اللي لما
تسمعه تحس إن يبتسم..
همست:بـ..بخير..
نفسها يجي أحد ينقذها..
تنهدت داخلها براحه لما سمعت
صوت الباب ..
وسمعت صوت أم طلال وبناتها
..وصوت أمها...
قرب منها يلبسها شبكتها وحاصرتها ريحة عطره الهادي
مثل صوته...
تحس نفسها بتحترق ووجهها
صار بركان مشبع بالحراره ..
لماحست بأصابعه تلامس عنقها
وهو يسكر لها العقد اللي حسته ثقيل...
ونور فلاش الكاميرا اللي ضايقها..
مرت الوقت بسرعه ..وهي لازالت عيونها متسمره ع الأرض
وتسمع سوالف أمه وخواته
وردوده الهاديه والبسيطه...
طلعوا من عندهم وظلوا دقايق
ع هدوئهم اللي تحسها ريحها..
دخل رائد..وكرش طلال برى..
إبتسم طلال وأخذ رقم أمل..
رائد بمزح:وتغازل إختي قدامي
بعد ...
أمل غصب عنها إبتسمت ...
طلع طلال مع رائد وظلت هي
واقفه مكانها..
تنهدت وجلست شوي تتمالك نفسها ..
وطلعت ..
جلست مع البنات كان نفسها تروح لغرفتها وتجلس لوحدها...
وكأن ساره حست فيها وأخذتها
معاها...
بعد الحفله..
طلع الكل إلا الأهل...
أم خالد:سديم ياقلبي ..خذي
هالأكل لأمل وخليها تاكله تراها
ماأكلت شئ من الصبح...
أخذته سديم منها ...وصعدت فوق لغرفة أمل...
***
بدل لبسه ولبس بنطلون لويست
أزرق وتي شيرت أبيض ...أريح
له من الثوب ولأن الجلسه صارت شبابيه...
طلع من غرفته ...
وتفاجأ باللي لابسه فستان أخضر وشعرها wavy
وفي إيدها صينيه..
أول ماشافته شهقت وكانت
بتطيح منها الصينيه..بس هو كان
أسرع ومسكها قبل تطيح ع رجولها...
كانت مغمضه عيونها من الخوف
وقلبها بدت دقاته تزيد لما وصلتها
ريحة عطره وحسته قريب منها...ودموعها بعيونها...
أما هو تجمدت يده ع الصينيه
لماعرفها...
سديــــــــــــــــم...
كانت مغمضه عيونها وخايفه
تفتحها وتلاقيه قدامها...ورجولها
موقادره تتحرك..
إبتسم وشد قبضته ع الصينيه
قبل تنمد لشعرها...
أبعد عنها وحط الصينيه ع الطاوله..
وحاول ماتجي عينه عليها ونزل
بسرعه...
فتحتها ببطئ وتنهدت بقوه وهي
تلقط أنفاسها وإيدها ع قلبها..
قبل كم يوم وهي كثير تفكرفيه
ويجي ع بالها..
واللحين فجأه يجي قبالها...
وقفت شوي تريح أعصابها وإيدها اللي ترتجف..
مسحت دموعها...وأخذت الصينيه ودخلت ع أمل بغرفتها..
***
دخل فهد عند الحريم وقال:لميس رعد برى ينتظرك...
طاح قلبها ماتبغى تروح معاه و
ماتقدر ترفض ويشك أحد إن بينهم شئ وخصوصا دلال اللي
مشتغله برج مراقبه عليها...
أم رعد:خله يدخل يسلم ع
جدته ...
بعد دقايق ..دخل رعد وسلم
ع جدته...وعماته..
وطبعا لازم الجده تمسكه وتسولف عليه...
إبتسمت دلال لماشافت إن لميس منخشه عن رعد وشكلها
مو ع بعضها...
أكيد صاير اللي تبغاه...وأحسن
بعد علشان رعد مايشوفها و
هي بهالشكل...
بس تحطمت آمالها لما سألت
الجده عن لميس..
همست ريم لها:قومي...شوفي
دلال شوي تاكل رعد بعيونها..
لميس بلامبالاة:مايهمني..
بس غصب عنها قامت...
ذابت إبتسامته لما طاحت عيونه
عليها وهي جايه وإبتسامتها اللي
زادتها جمال ع وجهها...
كانت فتنه غايه في الجمال والسحر...
دقات قلبه يحس جدته سمعتها
من قوتها...
عيونها تتأملها بلهفه...وكأنه عطشان وشاف المويه قدامه..
إبتسم لماسمع جدته تمدحها
..
كانت تناظر في جدتها وتهرب
بنظراتها عنه ..وقلبها يغوص يداخلها...
طاحت نظراتها بدلال اللي نظرتها لها غريبه ...وتاكل رعد
بعيونها..
رافعه ضغطها من زمان ...تحسها ناويه ع شئ نظرتها لها
ونظراتها لرعد...وتلصقها من اليوم في أم رعد...
قربت من رعد لعانه في دلال
وفيه كانت عارفه إنه مفتون فيها ..
وقفت قدامه متقصده بحيث إن
ظهرها لاصق في صدره ...
رعد إنصدم ..كانت مشاعره مندفعه لها بجنون هاللحظه..
حتى إنه حس إنها تحس بدقات
قلبه ..
ماتحرك من مكانه وهو يسمع سوالف جدته ومايفهم
منها شئ وعقله وروحه باللي
لاصقه فيه...
أم عبدالله ميته غيظ من اللي
قدامها...وقالت بثقالة دم:هاو لميس ليه معطيه رعد ظهرك ياكافي...
رفعت حاجبها لميس منقهر منها
وماأمداها تتحرك إلا إيد رعد اللي إلتفت حول خصرها ورجعها مكانها بابتسامه: ماعليه خالتي..أنا مرتاح كذا...
تجمدت لميس مكانها ووجهها
يحترق إحراج...أحسن خل لعانتي تنفعني...
وحاولت تبعد ذراعه عنها بتبعد
ماقدرت...
إنصدمــــــــت دلال من المنظر
اللي قدامها....يعنــــــــي شنو
..
حمروجهها بقهر يعني اللي سوته ماجاب نتيجه معقوله..
بتموت من الغيظ والقهر...وريم
مبسوطه..قامت وجابت الكاميرا
بتصوره..هي عارفه إن لميس
أكيد بتقبرها...
قالت بنذاله:لموسه سندي راسك
ع كتفه...

نفسها تقوم تصفعها ...والبنات
عاد مشهد رومانسي قدامهم
أنواع التحمس..:يالله يالله لميس
وأزعجوها لين إبتسمت وهي
تشوف دلال بتنفجر غيظ..
سندت راسها ع صدره ومسكت
يده اللي لافها ع خصرها..
وصورتهم...
***
إنسحبت من عندهم لماشافت
الكل منشغل بالثنائي اللي قدامهم وصعدت فوق بسرعه
قبل ينتبه لها أحد...
فتحت الباب ودخلت..
إنصدمت أمل لماشافتها:رشا..
إبتسمت رشا وقالت:ليه
ماتوقعتي صح..
أمل:خير تبين شئ...
رشا وعيونها تدور في الغرفه:لا
بس جايه أوسع صدرك دامك جالسه لوحدك..
أمل:سوري أنا تعبانه وبنام
طاحت نظراتها رشا ع هدية طلال الفخمه اللي فوق التسريحه وداخلها طقم ذهب مرصع بألماس فخم...
إنقهرت وقالت:حلوه هديته...بس
أكيد طبعا ماتجي ربع فيصل وخسارته صح
أمل إنصدمت وظلت ساكته...
قربت رشا بخبث وقالت:قلت لك
لاتتحديني وهذا أنا فزت ..وإنتي
ماطلتيه..
أمل:شقصدك...
رشا وإيدها تلعب بخصل شعرها: إممم ياحرام فيصل
أكيد حس بالخيانه لأن حبيبته
خانت حبه وقبلت في غيره مثل إحساسك لماشفتيني معاه..
إنصدمت أمل وقالت:إنـ...إنتي شقاعده تقولين...
رشا:إممم المشهد الرومانسي
اللي شفتينا فيه...فيصل ماله يد
ولاذنب فيه...
توسعت عيونها بصدمه ودقات
قلبها وقفت وهي تسمع رشا:
وإنتي ياحلوه أكلتيه بسهوله...
يعني الخيانه مو منه ...منك إنتي
ضربت خدها بخفه وقالت:وأنا
شلتك من طريقه وصار فيصل
لي أنا وبس...ياحرم طلال
ضحكت وطلعت...
مستحيــــــــــــــــل...مستحيــــــــل يعني كيف..
فيصل بريئ ...
بس بعد إيش بعد ماصرت لغيره ...
شهقت بقوه ودموعها غرقت وجهها...
مومصدقه اللي سوته...آآآآهئ
طاحت ع الأرض تبكي بحرقه
ضيعــــــــت فيصل من يدها
ظلمتــــــــه...
************
دخلوا للبيت وراحت لغرفتها
بس وقفها رعد لمامسك يدها
ولفها له وإيدينه ع أكتافها:لميس
ممكن نتفاهم..
لميس:اللحين تبغى تتفاهم بعد إيش..
رعد:لميس أرجوك إسمعيني..
فكت إيديها عنها وهي تقول:مابي أسمعك...إنت ماسمعتني
لماكنت أترجاك تسمعني وترفض وتبغاني أسمعك...
لا عارف ليه لأني عارفه إيش بتقول نفس الكلام تقوله لما تخلص إهاناتك وتجريحك وللأسف ضربك ومن بكره ترجع لنفس الأسلوب...وأناماعندي أي إستعداد أتحمل
أكثر من كذا...
تركته ودخلت غرفتها...
رمى شماغه ع الكنبه وجلس وإيده تشد شعره بقهر...
*************
تمددت ع سريرها لما بدلت لبسها ولبست بيجامتها...
وعقلها معاه...مستحيل تسامحه
بهالسهوله ..جروحه للحين ملتهبه داخلها ...
ظلت عيونها متعلقه بالسقف
لساعات والنوم مجافيها...
سمعت صوت باب غرفتها ينفتح
غمضت عيونها بسرعه لماحست
بخطواته تقرب من السرير...و
حبست أنفاسها..
مرت دقايق ماتحرك من مكانه
حست بإيده تلامس خدها وتبعد
خصل شعرها عن وجهها..
تحركت تبغاه يطلع وفعلا
سمعت الباب يتسكر...فتحت عيونها وماشافته..
تنفست بقوه وحطت إيدها ع
خدها ..
دفنت وجهها بالمخده وغمضت
عيونها بقوه تطرده من تفكيرها
**************
نزلت تحت وشافت أمها جالسه
في الصاله..
جلست عندها وشافت رنا داخله
للصاله وشكلها دايخه وفيها نوم
أمس خالد ماخلاها تنام ماخذ
راحته لأن ماعنده دوام الصباح
وماسكر منها إلا 6:00 الفجر..
حاولت تسكر وتنام بس يهددها
إذا سكرت بيعجل بالزواج..
حالف بيطلع عيونها وغرورها
من عيونها...
أم رعد:خالتك حاكتني وبيحددوا
موعد الملكه بعد ثلاث أسابيع...
ريم إنصدمت:أي ملكه..
أم رعد:ملكتك ع عبدالله يعني
أي ملكه..
رنا تفاجأت:عبدالله
ريم قامت:يمه الله يخليك
مابغاه
أم رعد:أنا عطيتك خبر ولاتجادليني وخلصنا..
بكت وطلعت غرفتها...موغصب
ماتبغاه ياناس أحد يفهمها تكرهه ماتبغاه..
رفعت راسها لماشافت رقم
البندري ينور شاشة جوالها..
تذكرت بسام وزاد بكاها...
تذكرت لماطلعوا من بيت عمهم
في يوم الملكه شافته واقف مع
عيال عمها..
رمت جوالها ع الأرض بقهر
وبكت...
*********
كانت جالسه ع سريرها ...وتذكر
الموقف اللي صار لها مع رائد...
غطت وجهها بإحراج ...للحين تحس بالخجل لماتتذكر كيف كان
قريب منها...
رفعت راسها للباب اللي إنفتح
ودخلت منه سميه ووجهها متغير
وكأنها مصدومه من شئ..
سديم:سميه..
نزلت دموعها ومسكتها سديم
بخوف وجلستها:شفيك..صاير شئ...
سميه ودموعها ع خدها وكأنها مو مصدقه:ر..راكـ ـ ـ ـان...
سديم:شفيه..
سميه:خطبـ ـ ـ ـني ...
سديم:كيــــــــف...بس بس إنتي مخطوبه...
حركت راسها بلا وبكت :إنلغت..و..وأبوي بيزوجنـ ـ ـ ـني راكــــــــان
شهقت سديم بفرحه:إيــــــــش...واللــــــــه
ضمتها سميه تبكي ..مومصدقه
اللي صار...بتتزوج راكان بتاخذ
حلمها...
ماصدقت لما قال لها أبوها
إن صاحبه أبو خطيبها لمابغى يملك ولده عليها بيوم ملكة أمل...وقف راكان بوسط المجلس بإعتراض وقال إنه ولد
عمها وأولى فيها ...
وصاحبه ماقدر إلا إنه يعطيها له
وكان بيملك عليها بس مارضى
إلا بعلمها ...
بس إنها حليلــــــــه له...
****************

جالس ع كرسي مكتبه ويحس
الدنيا ضايقه فيه..وأنفاسه تختنق
..
فتح أزارير ثوبه العلويه وسند ظهره ع الكرسي...
ناظر في الأوراق اللي قدامه
والملفات اللي ع طرف مكتبه...
غمض عيونه بتعب..
وأخذ جواله ودق..
جاله صوت بسام:هلا فيصل
لامست أصابعه جبينه:هلابسام
وينك إنت اللحين..
بسام : أنا اللحين في طريقي للبيت
فيصل:طيب تقدر تمرني
في الشركه ...
بسام:أوك أنا جاي...
سكر بسام جواله وهو مستغرب
من حالة صاحبته...من ملكة بنت
عمه وهو ذابح نفسه بالشغل
لدرجة إنه ماصار يشوفه كثير
يمكن هذي طريقه علشان يقدر
ينساها أو حتى مايفكر فيها...
********
ناظرت في جوالها بتفكير..
خالد له يومين مادق عليها ولا
حتى أرسل لها مسج..
تنهدت بضيق ورمت نفسها ع السرير..
إيش فيني أفكر فيه ...وإذا مادق
مو أنا كنت ماأبغى أحاكيه وأكرهه...
يمكن لأني تعودت أسمع صوته
كل يوم...
أفففف...تأففت بضيق وقامت
أخذت جواله وفتحت مسجاته
..
غصب عنها إبتسمت لما تقراها
..
رفعت راسها..معقوله يكون تعبان علشان كذا مادق أو أرسل...لا لا إن شاءالله مافيه
شئ....يمكن إنشغل في المستشفى...
أففف يارب...رمت جوالها ع
السرير وقامت ونزلت تحت ما
شافت أحد..
طلعت في الحديقه وشافت ريم
جالسه وشكلها سرحانه...
راحت لها:هاي
التفتت لها ريم:هلا
جلست قدامها:شفيك سرحانه
ريم سكتت ووضح ع وجهها
الضيق وكأنها بتبكي...
رنا :عبدالله صح..
ريم همست:ماأبغاه وأمي مصره ...
رنا:طيب حاكي أبوي...
ريم:ماقدر أمي حالفه إذا عارضت أو قلت لأبوي بتتبرى مني وأنا مابغاها تزعل أو أسبب
مشاكل بين أمي وأبوي..
سكتت رنا ماتدري إيش تقول
أمها مصعبه كل شئ..
ورفض رعد لدلال صعب الموضوع أكثر...
ريم بابتسامه:إنتي كيفك مع خالد..
رنا:تمام..
ريم إنبسطت:قلتلك خالد طيب وحبوب وبتحبينه..
رنا:من قال إني حبيته...
ريم:أجل
رنا:مادري...المهم حاكيتي أمل
اليوم..
ريم:لا ليه
رنا :لا ولاشئ بس أسأل
سكتت كان نفسها تسألها إذا أمل قالت شئ خالد ...
***********
التفت يناظر فيه..من جلسوا
وهم هدوء...وساكت وعيونه مركزه ع أمواج البحر ...
بسام:فيصل...
فيصل:هلا...
بسام:شفيك ياخوي شايل الدنيا
ع راسك....
تنهد فيصل بضيق:قلبي صار مو
ملكي يابسام...راحت لغيري
بسام:هي اللي باعتك وإختارته
ليه تعذب نفسك علشان خطاها
فيصل:أبي بس أعرف ليه
ليه وافقت عليه....ليه خانتني
وهي عارفه إني أحبها...
كلماتذكرت اليوم اللي إعترفت فيه بحبها لي...أحس إني بنجن
كيف تقول تحبني وتبيعني...
آآآه يارب
سكت بسام وتفكيره راح لريم
غمض عيونه بقوه لما إنعاد له
المشهد اللي هدم قلبه...
موقادر يلوم فيصل لأنه ذاق نفس اللي ذاقه وأشد ...
ظلوا ساكتين وكل واحد وداخله
صراعات حب كانت نهايتها
خيانه...
***********
ضمت أمها وهي تبكي..
أم خالدبفرحه:ألف مبروك يمه
والله فرحتي قلبي..
رفعت حاجبها أمل:وإنتي ليه تبكين..الحمدلله والشكر أول مره أشوف وحده تبكي لأنها
حامل...
أم خالد:خليها ع راحتها من فرحتها لماتتزوجين وتحملي بتحسين باللي تحسه
إنكتم وجهها أمل وتجمعت الدموع في عيونها وإنسحبت لغرفتها...
رهف:والله ماني مصدقه يمه
أم خالد:الحمدلله قولي الحمدلله...
رهف:وين أمل الدبه ماباركت
لي..
أم خالد:شكلها إستحت وراحت
غرفتها..
راحت رهف لغرفة أمل وفتحت
الباب وشافتها جالسه ع سريرها
وتبكي..
رحمتها كثير كانت عارفه بالله
تحس فيه...
قربت منها وقالت بمرح:عارفه
تبكين علشاني صح ..
إبتسمت أمل ورجعت تبكي..
ضمتها رهف:خلاص أمل..
أمل:والله موقادره أنساه آآهئ
ياليتني ماوافقت يارهف ياليت
رهف:هدي نفسك ياأمل مايجوز اللي قاعده تسوينه إنتي
اللحين ع ذمة غيره ..مايجوز تفكرين في غير طلال...
زاد بكاها أمل وشدت قبضة
إيدها ع بلوزة رهف بحرقه...
دخلت ساره للغرفه وإنصدمت
لماشافتهم...
وتضايقت كثير ع حال إختها
ساره:خلاص أمول حرام اللي
قاعده تسوينه في نفسك...
قامت أمل ودخلت تغسل وجهها
ماتبغى تخرب فرحة إختها...
ساره:مبروك رهوفه
رهف:الله يبارك فيك
طلعت أمل وبإيدها مناديل تمسح وجهها..
البنات ماحبوا يعلقوا ع شئ وكأن ماصار شئ...
رهف:خلصتي جهازك ترا مابقى
شئ ع زواجك
ساره:أيوه خلصت..
بدوا يتكلموا عن تجهيزات زواج
ساره والفساتين وغيره...وأمل
تحمست معاهم ..
***************
طلعت من المطبخ وبإيدها
كاس عصير وإيدها الثانيه الجوال تحاكي هند...
جلست ع الكنبه ..شافت رعد دخل وهي في الأيام اللي فاتت
كانت متجاهلته ولامعطيته وجه
جلس ع الكنبه..وهي تجاهلته
وهي تحاكي هند...
سكرت جوالها وقامت بتروح
غرفتها ولمامرت من عنده حست بيده مسكت معصم يدها:وين..
قالت من غيرماتطالعه:بروح
غرفتي
رعد:نفسي أعرف إيش فيها
غرفتك دائما جالسه فيها
قالت بسخريه:لاتخاف مافيها
رجال...
إنصدم من ردها وسحبها جنبه
وقال بعصبيه:لميس..
ماردت عليه ولفت وجههاعنه..
شد ع إيدها بقهر:لا عاد أسمعك تحكين هالحكي سامعه..
سحبت يدها من يده وقامت
رايحه لغرفتها...
***********
لبست فستانها الأسود النعوم
وعدلت شعرها الكيرلي ..
ودخلت أغراضها بالشنطه...
أخذت جوالها وناظرت فيه...
تأففت بضيق ودخلته بشطتها
خالد من زمان مادق عليها....
جلست تلبس صندلها العالي وهي تفكر...
قامت وأخذت شنطتها وعباتها
ونزلت تحت...
اليوم بيروحون بيت عمها وأكيد
بتشوفه هناك...
شافت فيصل داخل للبيت والتعب
واضح ع شكله...رمى السلام
ووقفته أمها:فيصل
فيصل.:هلا
أم رعد:اليوم بتروح بيت عمك
مو تقول مشغول..
فيصل بتعب:ماني رايح تعبان
وبنام..
وكمل طريقه....تأففت أمه بقهر
ولدها للحين موراضي ينساها
وذابح نفسه بالشغل علشان ما
يفكر فيها ولايروح بيت عمه...
نزلت ريم ونفسها براس خشمها
مالها خلق تشوف خالتها أم عبدالله وبناتها ...
لبست عباتها وأخذت شنطتها
وطلعت ....
*********
طلعت من غرفتها ولبست عباتها
وسكرتها ..
رفعت راسها وشافت رعد داخل
سلم ودخل غرفته ياخذ شور و
يلبس..
جلست تنتظره في الصاله ...
وفتحت التلفزيون ...
بعد دقايق سمعت صوت جواله
شافته طالع ويحكي في الجوال...
لابس ثوب أسود وغتره بيضا
إنهبلت ع شكله يجنن...أصلا الأسود عليه خبال...
طلعوا وركبوا السياره ...
شافت الطريق موطريق بيت عمها...
إستغربت وقالت:هذا موطريق
بيت عمي..
رعد:بمرخالتي بناخذها معانا
لميس إنفجعت دلال بتركب معاه بنفس السياره ولابعد مع
رعد:نعم طيب ليه ماأرسلت لها
واحد من السواقين..
رعد:هي دقت علي أنا...فشله
أرسل لها سواق وأنا رايح بنفس الطريق..
إنقهرت وبلعت لسانها لاتتهاوش

//Required variables.
var tf_clickTag = 'http://a.tribalfusion.com/h.click/aFmNnAUqMvWaraQqnZaSsQLRbItSdQ8UVMT4riomWqr0EXv4tMZdPGJC5PUZaodXsUd37YbvkYFb60qErPbMAUrv0WdM2nrQvQbrn1EYy5E7a4Ef4nTMBYbF9TtMSoAUZbmGMspdfC5EUg3WIq5AZbKnFrZcXGf0UUYjydT58y/http://www.zwinky.com/dl/index.jhtml?partner=ZJxdm147&sub_id=100820';
var tf_flashfile = 'http://cdn5.tribalfusion.com/media/2640446/z01_468x60_0208';
var tf_imagefile = 'http://cdn5.tribalfusion.com/media/2640446/z01_468x60_0208.jpg';
var tf_width = 468;
var tf_height = 60;
//Optional variables.
var tf_bgcolor = '#ffffff';
var tf_use_flash_wrapper = false;
var tf_wmode = 'opaque';
var tf_salign = 'lt';
var tf_allowScriptAccess = 'sameDomain';
var tf_extraFlashVars = '';
//Autogenerated code. Please do not change.
var tf_id = '662525607';
var tf_loaderFlash = 'http://cdn5.tribalfusion.com/media/common/flash/frame3';
var tf_button = 'http://cdn5.tribalfusion.com/media/common/flash/button4.swf';
var tf_click = 'http://a.tribalfusion.com/h.click/aFmNnAUqMvWaraQqnZaSsQLRbItSdQ8UVMT4riomWqr0EXv4tMZdPGJC5PUZaodXsUd37YbvkYFb60qErPbMAUrv0WdM2nrQvQbrn1EYy5E7a4Ef4nTMBYbF9TtMSoAUZbmGMspdfC5EUg3WIq5AZbKnFrZcXGf0UUYjydT58y/';
var tf_state = 'Ash Sharqiyah';
var tf_city = 'Ad Dammam';
var tf_zipcode = '';
var tf_gender = '';
var tf_location = 'http://cdn5.tribalfusion.com/media/2640446/';

معاه الله يصبرها بس...
شافت دلال طالعه قبل أمها وتمشي بغنج ودلع ..فتحت باب
السياره اللي خلف رعد وقالت
بدلع:السلام عليكم..
دخلت ريحة عطرها قبلهاو ركبت وقالت بنفس الدلع والميوعه:كيفك رعد...
رد عليها رعد :بخير
ركبت رشا وأم عبدالله..
وقالت دلال بنفس الدلع :سوري
رعد تعبناك معانا..بس عبدالله
إنشغل وماقدر يجي وأبوي مثل
مانت عارف مسافر....
لميس نفسها تخنقها وتطلع الدلع من عيونها..اللحين إيش دخلها تحكي المفروض أمها
اللي تحكي وذي تبلع لسانها...
مدت يدها لميس بتاخذ منديل
وإنصدمت لما لمحت دلال متغطيه بغطا شفاف وألوان مكياجها الصارخ واضحه والإبتسامه شاقه حلقها..وعيونها شوي تلصق برعد من
كثر ماهي مبحلقه فيه من المرايه...
مسكت أعصابها اللي شوي تنفلت...
وهي تسمع أم عبدالله تسولف
ع رعد وطبعا كل السالفه عن
بنتها دلال اللي تحس إنهابتموت
من كثرماهي تغتصب الدلع...
ومقهوره من رعد اللي يسولف
معاهم ..المفروض يسكت وما
يرد ع هالدلال...
شافت دلال تفتح غطاها وترجع تزينه ويعني أنا محتره
وكل شوي تطلع في المرايه وتدخلها تشوف مكياجها....
قالت لميس :رعد حبيبي قصر
ع المكيف برد علي..
لعانه في دلال خل مكياجها
يسيح ويحوس خشتها اللي فرحانه فيها...
إنصدمت لمامسك رعد يدها
وكأنه صدقها يتحسسها وكانت بارده ...
دلال طلعت عيونها لما شافت
يد رعد حاضنه يد لميس...
وماتت قهر....
*************
دخلوا وكان في إستقبالهم ريم
وأمل ...
ضحكت أمل لماشافت وجه لميس الأحمر وشكلها معصبه:
أكيد دلالوه سوت شئ
كشرت لميس وهي تعدل شعرها وقالت لهم اللي صار
أمل:هالدلال هذي والله ماتستحي ومافي وجهها حيا
لميس بقهر:لا وأمها فرحانه
وتمدح في بنتها يعني يارعد
خذ بنتي..بس حامض ع بوزها
ياخذها..
ماتوا ضحك البنات ع شكل لميس المقهوره أول مره يشوفونها بهالشكل...
سميه:إخس يالغيوره من قلب
بعد
التفتوا البنات وشافوا سميه اللي
مانتبهوا لها...
ضحكوا البنات وسلموا عليها...
سلمت ع خالتها اللي رحبت فيها
وإنحرجت منها لماقالت لهاتجلس جنبها....جلست شوي
وراحت عندالبنات اللي كانوامبسوطين لماعرفت بخطبة سميه لراكان...
دخلت عليهم لابسه تنوره قصيره
جينز عليهابلوزه ورديه ورافعه
شعرها من قدام بطوق وردي
لمياء:الله ياشهد إيش الحلاوه
هذي..
إبتسمت شهد بغرور وقالت:أصلا أنا من زمان حلوه....
ضحكت لمياء:يمه منها ...
جلست جنب سديم وهي تعدل
تنورتها...
سديم:روحي إلعبي مع البنات
شهد:أصلا أنا كبرت خلاص سجلت بالمدرسه عيب ألعب
سديم:لوتشوفونهابنات محسره
بأمها وراكبه راسها ماتقص شعرها... كله علشان المدرسه
سميه:ع بالها مايدرس إلا اللي
شعره طويل...
أمل:هههههه ياحبيلها
سديم :ياعمري مي تبغى تقص
شعرها توها صغيره ع الشعر
الطويل...
شهد كشرت ماعجبها حكيهم
عنها وقامت...
***
واقفه عند المغاسل تغسل يديها ...
وشافت رشا دخلت ووقفت جنبها تغسل...
طنشتها ولاناظرتها...وكان نفسها
تقتلها وتشرب من دمها ع اللي
سوته....بس إيش الفايده...
رشا:كيفك مع طلال...
ماعطتها وجه ولا كأن أحد موجود وطلعت...
إبتسمت رشا مع إنها حست بقهر
لأنها طنشتها...بس يالله أهم شئ شالتها من طريقها وفازت
هي في النهايه....تنهدت ودها
تشوف فيصل من ذاك اليوم ما
شافته ...سمعت إنه ماحضر العزيمه وإنقهر يعني كل هذا
حزن ع فراقها...بس مصيره
ينسى ومافي طريقه غيري أنا...
طلعت ومرت من عند رنا اللي
كانت واقفه وسرحانه...سمعت
إن خالد مريض حتى إنه سلم
ع الرجال وجلس معاهم شوي
وصعد غرفته....
إنحرجت كثير من نفسها ...حتى
لوكان اللي بينهم المفروض داقه عليه تسأل عنه مو تطنش..
تأففت بضيق من تفكيرها...
ودخلت تجلس مع البنات...
دق جوالها ورفعته وشافت المتصل رعد يبغاها تطلع...
قامت وأخذت عباتها ...سمعت
أم عبدالله تقول:لميس قولي
لرعد يدخل بسلم عليه من زمان
ماشفته عاد مافيه أحد غريب
الله من الكذب يعني من جابها
غيره...بس تبغى ترز بنتها عنده...
ماقدرت تطنش لأنها قالت لها
بصوت عالي فدقت عليه رغم
عنها...
بعد دقايق دخل رعد ومعاه رائد وعادل...
سلموا ع جدتهم...والجده قعدت
تهوش ع رائد لأنها من زمان ما
شافته...
رائد بابتسامه:يايمه الله يهديك إنتي راعية طويله يعني لو بجيك ماراح أطلع إلا في نص الليل ...وأنا مثل مانتي عارفه وقتي ثمين...
رفعت العصا عليه:أيا قليل المروه هذا حتسي تقوله لجدك
يامن اللي مانب قايله...
ضحك رائد وباس راسها وهو
يبعد العصا عنها:أمزح معك يمه
وإلا إنتي أم الخير كله...
الجده:والله لو أنا موب نايمتن
هنا وإلا تسان سحبتك من كشتك
وأخذتك تقعد عندي...
رائد بضحكه:أجل فكن الله...
الجده:وشهو..
رائد:أقول الله يحييك يمه...
البنات ماسكين ضحكتهم ع هباله....وسميه لكزت سديم
بكتفها بهمس:هذي اللي مو هامها وإنتي شاقه هالإبتسامه
وعيونك مانزلت عنه...
سديم:أصلا مو لمه ...وش أبي
فيه...
سميه:والله مادري عنك
وطبعا لماخلصت من رائد
حولت ع عادل اللي واقف ومسوي نفسه برئ...
طلعوا بعد ما أكلوا لهم كم تهزيئه من جدتهم...
قامت دلال وإرتزت قدام رعد
والإبتسامه ع وجهها...
إنقهرت منها لميس وقامت
وجلست جنب رعد عناد فيها...
وهي تبتسم للبنات اللي مبسوطين يشوفون الحرب اللي
قدامهم...
أم عبدالله بقوة عين:إلا أقول
لميس إنتي ماحملتي للحين...
إنصعقت من سؤالها وسمعت
رعد يقول:لا خالتي...إدعيلنا
أم عبدالله بخباثه:أيوه بس لازم
تسوون كشوفات يمكن ماتجيب
عيال...
لميس مومصدقه جرأتها ولاقدام الكل وقالت
بقهر:تونا عرسان لاحقين ع
العيال
أم عبدالله:أي عرسان اللي مثلكم عنده واحد وإلا إثنين ...وإلا إنتي شكلك موناويه تخلينه
يشوف عياله...
ماسكه أعصابها اللي بتنفلت
والقهر يحرقها..هذي إيش دخلها
فيهم....
حست بيد رعد ع خصرها وقربها منه وهو يقول:إن شاءالله بس مثل ماقالت لميس
إحنا تونا ع العيال....ومتى ماأراد
الله مو مستعجلين...
إنقهرت من حركة رعد وقالت:
بس ياوليدي العيال زينة الحياة
ولازم يصير عندك ولد يحمل
إسمك وتفرح فيه أمك وأبوك...
لميس خلاص بتنفجر قالت باحتقار:هذا إنتي قلتي أمه وأبوه
يعني إنتي إيش حارك ...وهذا
شئ خاص فينا ماله داعي تدخلين نفسك فيه....
أم عبدالله إنصدمت ماتوقعت لميس ترد عليها....
حست إن رعد عصب من أسلوبها ..فكت يده وقامت ورمت
ع أم عبدالله نظره وطلعت..
دخلت للمطبخ وهي تحترق من
القهر...إيش دخلها فيهم يعني
غصب ياخذ بنتها ..إيش هالبجاحه هذي...أخذت كاسه مويه وشربتها كلها دفعه وحده
تبرد ع قلبها...
دخلت ريم تضحك:عارفه عيب
أضحك ع فشيلة خالتي...(وكملت بتريقه)وأم زوجي المستقبلي...بس تستاهل
سكتت لميس لماحست بالمراره في صوتها...رحمتها مره الله يعينها إذا هذي أم زوجها...
دخلوا البنات وكل وحده مقهور
من أم عبدالله ولقافتها...
أخذت لميس عباتها ولبستها وراحت تسلم ع جدتها وخالتها
وتطلع....
*****
طلعوا كلهم إلا أم رعد وبناتها
..
كانوا جالسين في الصاله لما
دخلت أمل مبوزه ومعاها
صينية العشا وقالت:يمه ولدك موراضي يآكل..
أم خالد:ليه..
أمل:يقول مالي نفس...
أم خالد التفت لرنا وقالت:يمكن
إذا أخذتها له رنا تنفتح نفسه..
رنا إنصعقت لماقالت لها تاخذها
له....وإنحرجت كثير ...بس أمها
قالت لها تروح عادي زوجها...
ريم وأمل بدت الإبتسامات اللي
قهرت رنا...
أخذتها وقلبها تحسه بيطلع من
مكانه...إيش هالإحراااااج...
راحت معاها أمل وأشرت لها
ع غرفته:هذيك غرفته..
رنا :تكفين تعالي معي
ضحكت أمل:لا حبيبتي روحي
إنتي ...بس هااا لاتتهورو..
شهقت رنا وكان نفسها تضربها
بالصينيه اللي معاه بس أمل قالت كلمتها وإنحاشت...
قربت من الباب ووجهها يحترق
إيش هالإحراج رايحه غرفته..
حطت الصينيه ع الطاوله وناظرت المرايه وعدلت شكلها
...
دقت الباب وأخذت الصينيه وإيدها ترتجف..لماسمعت صوته المبحوح....
فتحت الباب بصعوبه وقلبها يضرب ...ودخلت....
******************
دخلت للبيت وراحت لغرفتها و
هي تنزل عباتها ...
وقف رعد قدامها وقال:ماخلصت كلامي..
قالت بقهر:لا أمك كملت إهاناتك
وإهانات خالتك..
بعدت عنه ودخلت غرفتها..
رعد:لميس وبعدين معاك..
لفيت عليه وهي ترمي عباتها
ع السرير بقوه:وبعدين معاك
إنت...ليه تحملني غلط خالتك
هي اللي غلطت علي....تبغاني
أسمعها وأسكت..وهي كلما شافتني رمت علي كلمه كأني قاتله لها أحد...وإنت ماتصدق أحد يغلط تكمل عنه كفايه أمك
ماخلت شئ ماقالته..وكفايه جروحك اللي للحين ماانبرت...
غطت وجهها بإيديها وجلست ع
السرير تبكي...تعبت من كل شئ
ماحد خلاها في حالها حتى خالته....ماصدقت رعد يتحسن
معاها تجي خالته...
حست فيه يجلس جنبها وإيده تحوط كتفها:خلاص حبيبتي
إهدي لاتبكين ...
زاد بكاها لماسمعت كلمته....
تحبه وموقادره تنسى اللي سواه أصلا أهله مومعطينها فرصه تنسى...
ضمها وهي بعدت عنه ماتبغى
تضعف قدامه...
قامت ودخلت للحمام....
تنهد بضيق وطاحت نظراته ع صوره ع الكومدينه..
أخذها وطاحت نظراته ع رامي
..
إبتسم بسخريه لما تذكر غباءه
...
**************
نزلت تحت وشافت أبوها واقف
عند الشباك المطل ع الحديقه
ويفكر وإيده تتحرك بعصبيه...
مرام:يبه...
التفت لها:هلامرام...
قربت منه وقالت:شفيك يبه شكلك متضايق...
تنهد بقهر وقال:خبر إختك إنتشر
في كل مكان وخايف يضر في
مركزي لأن الحكي كثر..
ضمت ذراع أبوها وقالت بدلع:يبه لاتقول إختك هي مو إختي
أنا بنتك الوحيده ودلوعتك..
مسح ع شعرها وإبتسم ورجع
يفكر...
قالت فجأه:زوجهـــــــا
التفت لها بدهشه:أزوجهـــــــا..
مرام:أيوه زوجها أي أحد من الشارع ولا تعرفنا ولا نعرفها...
أبومرام إبتسم:جبتيهـــــــا...
مرام:شفت كيف سهله..لاتضايق
نفسك علشان وحده تافهه
حطت إيدها ع فمها تكتم شهقتها وركضت لغرفتها....
صعد أبوها غرفته ..وتنهدت مرام بفرحه أخيرا لقت حل يبعد
تولين عن حياتها...
****************
شافته متمدد ع سريره عليه بيجامه سودا ومرجع راسه ع
ورى وإيده ع جبينه ومغمض عيونه...
تجمدت مكانها وتحس دقات قلبها وقفت لمافتح عيونه وبانت الصدمه ع وجهه لماشافها....
رنــــــــــــــــــــــــــــا....

شدت قبضتها ع الصينيه اللي حستها بتطيح من يدها...لماشافته قام وجا لها وهوللحين
متفاجأ....
نزلت راسها وهي تحس الدم اللي في راسها يحترق...لماأخذ
منها الصينيه وحطها ع الطاوله و
هو يناظرفيها مومصدق...
قالت بتبعد نظراته عنها والحروف يالله طلعت من فمها:
آ..كيفك..
إبتسم وقال وهو يمسك يدها:
أكيد بخير...والقمر قدامي...
سحبت يدها وقالت:سلامات ما
تشوف شر...
خالد:الشر مايجيك ياقلبي....
تعلقت نظراتها ع عيونه لحظات وماتسمع غير نبضات قلبها...سكتت ماتدري إيش تقول ..ناظرت في صينية العشا وقالت:
ليه مو راضي تاكل....
إبتسم وقال:راح آكل بس من يدك...
إنهبلت وماعطاها فرصه ...سحبها وجلسها جنبه...
إنحرجت مره وتحس الجو حار
وإنعدم الهوا حولها....
خلاها غصب تأكله وهي متضايقه من الوضع...
مومصدقه إنها قاعده جنبه وبغرفته وتأكله من يدها بعد
وهي اللي عمرها ماتنزلت وأكلت طفل تأكل خالد اللي سوت مناحه لما خطبها وإنغصبت عليه ولابعد تكرهه..
تركت الشوكه وقامت..مسك يدها وقال: ع وين..
فلتت يدها من يده بقهر وقالت:
بطلع ..
مشت للباب بتطلع ومسكها من
ذراعها:رنا شفيك..
فلتت ذراعها من يده وقالت:مافيني شئ..باي
طلعت من غرفته ونزلت تحت
بسرعه وصدمت في أمل اللي
كانت بتطيح:بسم الله...شفيك
رنا:ما..فيني شئ...أهلي طلعوا
إبتسمت:توني بروح أناديك...لأنهم ينتظرونك برى....آ...
قطعت حكيها لما مشت رنا بسرعه وهي تأشر بيدها:باي...
إستغربت وضحكت لما جا في بالها إن أخوها أكيد سوى لها شئ أحرجها وخلاها بهالشكل...
**************
صحت وتحس راسها مصدع
من البكا أمس...قامت ورجعت
جلست لماحست بدوار فظيع
وإيدها ع جبينها ....
لماحست فيه خف شوي قامت
وبدلت بيجامتها ولبست بنطلون
وبلوزه..لمت شعرها ذيل حصان..وطلعت من غرفتها..
شافت غرفة رعد مفتوحه ورعد
موموجود أكيد راح للشركه...
سوت لها كوب كوفي وجلست
تشربه وهي تفكر...
كان المفروض اليوم تروح لبيت
عمها...بس شكلها ماراح تروح
ماتبغى تتصادم مع أم رعد عقب اللي صار أمس...
نفسها تحكي مع ريم...بس أكيد
نايمه...
أخذت جوالها وفتحته لقت فيه مسج من هند ..
ضغطت إتصال وحاكتها...
تفاجأت بريم داخله ووجهها متغير...
سكرت من هند ووقفت:ريم..
جلست ريم:سوري جيت بدري
كذا بس ماقدرت أصبر..
لميس:لا عادي أصلا أنا كنت بدق عليك بس كنت أظنك نايمه
ريم تنهدت:لا مانمت أمس أبدا
لميس:ليه.سلامات فيك شئ..
ريم ودموعها غرقت عيونها:ملكتي الأسبوع الجاي...
لميس بدهشه:إيش..بس مو هي بعد ثلاث أسابيع..
ريم بقهر ودموعهاتساقطت:خالتي قالت لأمي إنهم يبغونها
الأسبوع الجاي...آآهئ
ضمتها لميس تهديها وقالت ريم
ببكا.:ماحد حاس فيني..أمي راكبه راسها موراضيه تسمعني...ماحد راضي يسمعني ويحس فيني..فيصل
حابس نفسه في غرفته أو بالشركه..ورنا من متى تسمع لي...حتى رعد اللي حاول يوقف
معاي أمي هددته إنهاتتبرى منه
إيش أسوي يالميس ...
تنهدت لميس بضيق هي ماتقدر
إلا إنهاتسمعها غير كذا ماتقدر..
لو علاقتها بأم رعد كويسه كان
تدخلت لكن الوضع غير...
**************
دخلت غرفة إختها وشافتها جالسه ترتب أغراضها في الشنط علشان تنقلها لبيتها...
حست بضيق لأن زواج إختها بعد
بكره..يعني بتجلس في البيت
لوحدها...
جلست قدامها ترتب معاها وتسولف معاها...
تفاجأت لماسألتها ساره:شخبارك مع طلال...
تذكرت إنها ماتدري عنه...حتى
إنه ماحاكاها ولامره...
قالت:مادري..
ساره:كيف موعارفه ..إنتي ماتحاكينه..
أمل:لا...ولاهو حاكاني..
ساره بدهشه:ولامره من بعد الملكه..
أمل:أيوه..
ساره إستغربت بس واضح ع
إختها إنها ماهتمت...
أمل بتغير الموضوع:متى راح تجيبي فستانك..
ساره:اليوم المغـــ...
قطع حكيها صوت جوال أمل
..
رفعت جوالها وتوسعت عيونها
بصدمه لماشافت المتصل...
أمل:ط..طلال
إبتسم ساره:بسرعه قومي ردي
عليه..
ترددت وقامت وهي ترد:آ..آلو
جاها صوته الهادي :مساء الخير
أمل بارتباك من صوته:مــ..مساءالنور..
طلال:كيفك أمل..
أمل وهي تجلس ع الكرسي وتحس بحرارة وجهها ترتفع:بخيرالحمدلله............
طلال:....وأنا بخير إذا تبغين تسألين
سكتت وودها تكفخه علشان
يعدل صوته...
طلال:سوري أمل..كان المفروض أتصل الأيام اللي
فاتت لكن حصلت لي سفره مفاجئه وإنشغلت...
أمل:لا عادي...
شافت ساره تأشر لها إنها بتنزل
تحت وراحت...
نزلت تحت وشافت أمها جالسه
مع رائد في الصاله...
رائد:ياهلا بالعروس
إبتسمت بحرج وجلست جنب أمها...
أم خالد:وين إختك...
ساره:فوق اللحين جايه...
رائد:إلا خللود وينه...
أم خالد:في المستشفى..
رائد:اليوم داوم وهو تعبان...
أم خالد:لا اليوم أحسن شوي
الحمدلله...
ساره:طبعا أحسن...مو المدام
كانت عنده أمس...
رائد إبتسم بتحمس:لاعاد...
ساره ضحكت :يوووه أنا إيش
خلاني أحكي عندك...اللحين إيش يفك خالد من لسانك...
رائد:آها وأنا أقول أمس أبو الشباب ماجلس مع الشباب ..طلع متواعد مع المدام...
ساره ضحكت:الله يعينك ياخالد
:السلام..
رائد:هلا بالعروس رقم 2
والله ماشاءالله خواتي تزوجوا
مره وحده ..
أم خالد:الله يوفقهم يارب...
رفع جواله اللي دق وكشر بضيق لما شاف المتصل فرح مايدري كيف جابت رقمه الجديد...
حطه ع الصامت ودخله في جيب بنطلونه...
ساره:رائد لاتنسى المغرب تاخذني للمشغل بجيب فستاني
رائد:إنا لله ياكثر مشاويرك...لا
بعد ماصدق أخلص منك إلا
تجي مشاوير إختك...
ساره:أخو ببلاش
ضحكت أمل لماناظرها رائد باستنكار :نعم
ساره بضحكه وهي تقوم:أمزح أمزح...
مسكت يد أمل وأخذتها معاها..
**************
:شرايك يمه..
قالت بابتسامه من تفكير بناتها:خلاص بيكون لك بس إن شاءالله مايكون مثل أخوه....
إنبسطت مره وأخذت التلفون ودقت رقم بيت خالتها...
أخذت أمها السماعه وحاكت
إختها..سولفت معاها شوي وقالت:إلا شخبار فيصل
تنهدت بضيق:والله مادري إيش
أقولك ياأم عبدالله....ماني عارفه كيف أتصرف معاه ...الولد بيذبح نفسه بالشغل وحبس نفسه بغرفته....
أم عبدالله بخبث:زوجيه...
أم رعد:أزوجه...
أم عبدالله:أيوه زوجيه ..وبينسى
بنت عمه ...
أم رعد بتفكير:والله مادري إذا
بيوافق أو لا...
أم عبدالله:هو أكيد ماراح يوافق
بس عاد إنتي إقنعيه وإلا إغصبيه...إذا تبغينه يتعدل ..ترى هذا هو الحل إذاتزوج بينساها
خصوصا إن البنت خلاص تزوجت وشافت حياتها...بيظل طول عمره جالس علشانها...
أم رعد:والله ياختي شورك وهداية الله....
سكرت منها وإبتسمت لبنتها:إقتنعت...
رشا بفرحه:واللـــــــه...

دلال:بس أخاف ماتخطبك إنتي
أم عبدالله:لا بتخطبها....
لأنها ماتبغى تزعلني منها مره
ثانيه....
سكتت دلال لماعرفت قصد أمها
إن خالتها بتعوض رفض رعد لها
بزواج فيصل من رشا....
*****************
ناظرت في المرايا قبل تطلع
فستانها الناري الناعم وشعرها
الكيرلي المرفوع بشكل حلو
ومكياجها السموكي ...
أخذت شنطتها وعباتها وطلعت..
ماشافت رعد في الصاله...
لبست عباتها وأخذت شنطتها و
طلعت...
شافته جالس في السياره ويحكي في الجوال...
فتح لها السواق الباب وركبت جنبه...
طول الطريق والجوال في إذنه
ومافهمت شئ من اللي يقوله
لأنه يحكي بلغة فرنسيه...
وهي ماهتمت أبدا ...وصلوا
للفندق ونزلت ..
دخلت وشافت أمل قبالها..
سلمت عليها وباركت لها زواج ساره...
شافت أمل شكلها متضايقه من
شئ وسألتها...
أمل:أم طلال وبناتها موجودات
لميس:قصدك خالتك أم طلال
أمل كشرت بضيق وقالت:أمي
تقول روحي إجلسي معاهم
لميس:طيب روحي إجلسي شوي وتعالي
أمل:مابي
لميس:عيب شوفي خالتك تناظرك
صدت أمل:تكفين تعالي معاي
لميس:أوك يالله إمشي...
راحت معاها ومرت أم خالد اللي واقفه تحكي مع أم رعد و
سلمت عليهم....حست بضيق من سلام أم رعد البارد جدا لها...
سلموا ع أم طلال وبناتها سمر
وريهام...ريهام متزوجه وسمر
عمرها مقارب لعمر أمل وحبوبه مره وفرفوشه....
جلست أمل جنب لميس اللي جلست شوي وقامت...
ناظرتها أمل بترجي إنها تجلس
عندها بس لميس ماعطتها وجه
وراحت.....
سمر:هذي زوجة رعد ال......
أمل:أيوه...
:هاي...
رفعت راسها أمل وتفاجأت برشا واقفه وفي إيدها كاس عصير...
سمر:هاي...
صافحتهم رشا بدلع:كيفكم...
جلست جنب أمل بميانه وقالت بدلع:أنا رشا بنت خالة أمل...
:أهلين
أمل مقهوره مره وتطبخ من القهر وهي تشوف رشا تسولف
بدلع مع البنات وتتمسخر عليها
أمل وأمل ...
سمر:إنتي متزوجه...
رشا بدلع ونظراتها ع أمل:مخطوبـــــه...
ناظرتها أمل بدهشه ونبضات قلبها بدت تعلى.....
سمر:ماشاءالله مبروك
رشا:الله يبارك فيك....
سمربلقافه:ومين سعيد الحظ من الأهل...لأني ملاحظه ماشاءالله إنكم تتزوجون من العايله باستثناء أموله زوجة أخوي وإختها العروس...
رشا بغرور:صحيح....أنا مخطوبه
لولد خالتي فيصـــــــل ال......
تجمدت يديها ودقات قلبها وقفت
وكأن الدم تفجر في راسها ...
عيونها شخصت بكاس العصير
اللي قدامها بصدمـــــــــــه...
ناظرت سمر بإختها متفاجأه
فيصل ال... تكون هذي زوجته
مو معقوله....
قامت رشا بغرور:عن إذنكم..
سمر:أمول صدق هذي خطيبة
ولد عمك...
أمل دموعها بدت تغرق عيونها
ضمت إيديها تتماسك قدامهم
وإبتسمت ماتدري إيش تقول
هي نفسها صدمتها أكبر بكثير
من صدمتهم...وألمها هاللحظه
ماحد قادر يتخيله..
إستأذنت منهم وقامت ....
شافت ريم واقفه مع البنات وراحت لها...
أمل بغصه:مبروك خطبة فيصل
ريم تفاجأت والبنات ناظروا بعض متفاجئين...
سديم:فيصل خطب...
ناظرت أمل في ريم تبغاها تكذب الخبر..
ريم :أيوه..
سميه:مين..
ريم بسخريه:ماراح تصدقوا إذا
عرفتوا...
لمياء:مين..
ريم بسخريه:رشا
البنات بانت الصدمه بعيونهم
وسديم ناظرت أمل ..
ريم:تخيلوا رشا تصير خطيبة
فيصل ...
سميه:معقوله..
شدت قبضة يدها وسكين حاده
تنغرز في قلبها....يعني خلاص
رشا فازت وأخذته...نفذت وعدها...آآه ياربي...مستحيل..
راحت وتركتهم دخلت دورة المياه ودموعها نزلت ع خدها...
**
:هاي..
التفتوا البنات وشافوا مرام واقفه مع رنا ودلال..
ريم ولميس ناظروا بعض لما
تذكروا تولين...
ريم:كيف نسيناها...
لميس:أيوه...مو إنتو كنتوا بتزورونها..
ريم:أيوه إنشغلنا ولا رحنا...
تتوقعين إيش صارلها..
لميس:موعارفه...بس تصدقين
نفسي أشوفها...
سكتوا لماشافوا مرام تحاكيهم
وأجلوا حكيهم لبعدين...
***********
جالس وسطهم ومومعاهم
ونظراته ع اللي جالس مع عمه...
زوجها...زوج حبيبته وقلبه قدامه
للحين مو مصدق إنها ماراح تكون له...
بس الواقع قدامه وعيونه مستحيل تكذبه...
واقع خيانتها له قدامه .... وبيظل
طول عمره قدامه...
قطع تفكيره بسام اللي جلس
جنبه:خلاص نزل عينك عن الرجال...
تنهد بضيق وقال:أنا بسافر...
بسام بدهشه:شنو بتسافر...
فيصل إنت إيش قاعد تقول...
فيصل:اللي سمعته أنا مالي
جلسه هنا ...
بسام:فيصل مولدرجة إنك تهاجر بهالشكل...الدنيا ماخلصت
عند هالحد...فكر زين يافيصل
لاتخلي صدمتك وحزنك تسيطر
ع حياتك ...
فيصل:أنا قررت وماراح أتراجع
بسام:ووين بتسافر إن شاءالله
فيصل:بسافر فرنسا وبمسك فرع الشركه اللي هناك...بس
بنتظر تخلص ملكـــة إختــــي وبعدها بسافر...
بسام بصدمه:إختـــــك..بس
بس إختك ملكت ..
فيصل:عارف..هذي ملكة ريم
ع عبدالله ولد خالتي
توسعت عيونه بصدمه وإختفى
كل شئ حوله...وكلمة فيصل
يتردد صداها في راسه...
ملكــــــة ريــــــم ع عبداللــــــــــــــــــــــه...
نظراته راحت لعبدالله الواقف يسولف مع ريان..
شد قبضة إيده ومسك نفسه لا
يذبحه وقلبه زادت دقاته...
غمض عيونه بألم وقال:مبروك..
فيصل بسخريه: الله يبارك فيك
بسام:شكلك مو موافق..
فيصل بابتسامة إستهزاء:طبعا
أجل هالعبدالله يحط راسه في
راسي....بس ماباليد حيله محسوب ولد خالتي...
اللحيــــــن بس تأكدت شكوكه
معقولـــــــــــه ريم كانت تلعب
بمشاعره كل هالوقت...
حس نفسه مختنق وقام طالع
برى يبغى يتنفس....
:لاتنسى تحضر ملكتي الأسبوع الجاي..
التفت وشاف عبدالله واقف خلفه و ع وجهه نظرت الإنتصار والسخريه...
مسك أعصابه قبل تنفلت وينقلب
العرس عزا لأنه بيذبحه...
قال بلامبالاه مزيفه:مبروك..
رفع حاجبه عبدالله وقال:الله يبارك فيك وعقبالك...
بس ها لاتنسى تحضر الملكه لازم تشرفنا...
ومشى داخل وبسام زفر بقوه
يطفي النار اللي داخله لأنها لو
ماخمدت بتصير مصيبه...
.**************
:إيـــــــــــش..
أم رعد:اللي سمعته سفر مافيه
وبتتزوج وتجلس عندي...
فيصل ماسك أعصابه:يمه إنتي
إيش قاعده تقولين تبغيني أتزوج
وميـــــــــــن رشـــــــــــا..
أم رعد:أيوه رشا ..إيش فيها رشا بنت خالتك ومافيه أحسن
منها...
فيصل ويحس نفسه بينجن:يمه إنت من صدقك تبغيني آخذها...
مستحيل لوتنطبق السما ع الأرض ماتزوجت ...
أم رعد:إذا ماتزوجتها لاإنت ولدي ولاأعرفك...ياولدي حرام
عليك اللي قاعد تسويه في نفسك ...إلى متى بتجلس كذا
البنت خلاص تزوجت وشافت حياتها....وإنت لازم تشوف حياتك وتعيش زي الناس...
فيصل وإيده ع شعره يشده بقهر:يمه قلتلك ماراح أتزوج ورشا هذي شيليها من بالك لأني
ماراح آخذها...
وطلع من البيت وصوت الباب اللي شوي ينكسر من قوة ضربته خلفه...
أم رعد:بتتزوج يعني بتتزوج...أنا
مستحيل أشوف ولدي يضيع حياته قدامه وأسكت....
جلست ع الدرج ودموعها ع خدها مومصدقه إن هذي أمها..
غصبتها ع عبدالله واللحين بتغصب فيصل ع رشا...
بكت بحزن ع حالها وحال أخوها
...
رفعت راسها لماحست بيد رنا
ع كتفها وأخذتها معاها لغرفتها...
ريم تمسح دموعها:أنا مو مصدقه إن أمي تسوي فينا كذا...
رنا:إيش بيدنا نسوي...أمي من
رفض رعد دلال وهي تبغى تسوي أي شئ علشان زعل إختها...
ريم:بس مو ع حساب حياتنا إحنا
رنا:أمي تظن إنها تسوي هذا
علشان مصلحتنا بعد...
ريم:بس هذا مومن مصلحتنا
رنا:إيش نسوي مانقدر نقول شئ هذي أمنا...
ريم بكت:وفيصل..يارنا ...
رنا تنهدت بضيق هي موراضيه
ع هالشئ...مومتخيله رشا زوجة فيصل...
*************
ناظرت في أخوها بصدمه مو
مصدقه اللي سمعته...
ريـــــــــــم بتتزوج ولد خالتها
عبداللـــــــــــه..
البندري:كيـــــــــــف..
ناظرت في أخوها اللي جالس
ع الكنب وعقله مومعاه ...
الحزن كله في عيونه وملامح
وجهه الباهته...
البندري بعدم تصديق:بس ريم
تكرهـــــــــــه كيف قبلت فيه
رفع راسه بسام:تكرهه...
إبتسم بسخريه أجل لو شافت
اللي شافه في المزرعه إيش بتقول....:لوتكرهه ماوافقت عليه ولا.....
وسكت بحرقه وقهر..
البندري إنصدمت من أخوها لأنه
يظن إن ريم خانته...

البندري:أكيد فيه شئ..أكيد إنغصبت عليه...وإلا مستحيل ريم تاخذه ...ريم تكرهه وماتطيقه وأكثر من مره قالت لي عنه....مستحيل ريم تحبك
إنت يابسام وعمرها ماحبت عبدالله..أنا عارفتها أكثرمنك...
بسام صرخ:كافـــــــــــي..
طلع غرفته وصراعات كثيره داخله...حكي إخته من جهه و
اللي شافه من جهه...نفسه يصدق حكي إخته لكن عيونه
مستحيل تكذب اللي شافته...
أخذت جوالها بتدق ع ريم وتفهم منها كل شئ هي واثقه من ريم ...
سكرت جوالها لما مالقت جواب...
**************
دخلوا قصر أبو مرام وجلسوا
في الصاله...
جتهم الخدامه وقالت لهم إن مرام مو موجوده...
إبتسمت ريم وقالت:طيب بننتظرها شوي...
حطت عندهم عصير وراحت..
لميس:إيش بتسوين...
ريم قامت:ماعتقد لو بنسأل الخدم بيجاوبون...
لميس قامت:لحظه....تذكرين شكل الخدامه اللي قالت لك عنها...
ريم تذكرت:أيوه صح...تعالي..
طلعوا من الصاله وفرحت ريم
لماشافتها...
ريم:السلام عليكم سووري..
سووري:وأعليكم السلام مدام
ريم :إن بغيتي قولي ماما ...
ضحكت لميس وقالت ريم:إممم تولين وين...
سووري بحزن:هادا بيبي تولين
واجد مسكين...
ريم:ليه شفيها...
سووري:هادا بابا كبير في زواج
بيبي تولين..
ريم بصدمه:شنو تزوجــــــت...
سووري:أنا أمس في إسمع
بابا مرام كلام بيبي تولين إنتي
في زواج ...بس هادا زوج أنا في
شوف مافيه هلو كبير واجد سمسم بابا مرام...
ناظرت ريم لميس بصدمه:بيزوجها رجال كبير...
لميس بنفس صدمتها:أبوها كبير
في السن يعني بيزوجها واحد كبر أبوها...
ريم:طيب وينها تولين...
سووري:مسكين فيه إبكي كتير
وبابا مرام إهبس هوا في قورفه
ريم حزت عليها:طيب متى الزواج
سووري:مافيه إعرف بس باب مرام فيه سفر...
لميس:يعني ماراح تتزوج إلا
لما يرجع أبوها....
ريم:إنتي معاك جوال
سووري:أيوه...
طلعت ريم جوالها:عطيني رقمك
عطتها رقمها وراحت قبل يشوفها أحد....
أخذت ريم عباتها ولبستها...
لميس:إيش بنسوي...حرام البنت
يصير فيها كذا....
ريم تنهدت بضيق:مادري والله
بس إن شاءالله نقدر نساعدها
لبست عباتها لميس وطلعوا...
**************
ضمتها بقوه وهي تسمع صوت
شهقاتها:مبروك سوسو ألف مبروك..
زاد بكاها وتمسكت في بلوزة
إختها بقوه وهي مومصدقه إنها
خلاص بتكون لراكان....
إبتسمت داليا وسحبت سميه من
حضن إختها وضمتها:مبروك ياعروسه...
سديم:خلاص سوسو ..وقفي
بكى الحمدلله صرتي من نصيبه
مسحت داليا ع ظهرها بحنان:
خليها هذي دموع فرحه ..
:ياسلا ا ا ا ا ا ا ام إيش هالإحتلال الصهيوني...
ضحكت سديم لماماجد سحب
داليا لحضنه: لوسمحتوا لاتتعدوا
ع حقوقي...
إنحرجت داليا وبعدت عنه..
ضحك ماجد لماشاف إحمرار
وجهها ..
باس جبين سميه اللي مسحت
وضمها:مبروك ياعروسه..
بعدت عنه سميه وقال ماجد:
ماشاءالله هالراكان ماعنده صبر علطول جاب الملاك ومللك
إنحرجت سميه وضحكت سديم:
أول وحده تخطب وتملك بنفس
اليوم...
ماجد:والله بصراحه ماتفاجأت لماشفته داخل مع الشيخ..الأخ
واثق من الموافقه...والله بغيت
أتناذل معاه وأرفض بس خفت
يذبحني....عاد مشكله فيه ناس
مايقدرون يعيشون من غيري
سديم تناظر داليا:أبو الثقه يا شيخ
ماجد ببراءه ناظر داليا:صح حبيبتي ...ماقلت شئ غلط
إبتسمت داليا وقالت:صح...
وليتها ماقالت صح...البنات ماتوا
ضحك ع أشكالهم...
إنحرجت داليا وماتت من الحيا
وعصبت ع ماجد اللي إنحاش لأنه عارف عاقبة اللي سواه...
سديم غطت عيونها:قللة أدب
لوسمحتوا فيه كائن هنا ماتزوج
ضحكت سميه وداليا منحرجه قالت بقهر:إنطمي...وأخوك هذا
مايستحي....
ضحكوا البنات ع شكلها المعصب والخجلان....
******************
دخلت البيت وشافت رعد قدامها
..
رعد:وين كنتي...
لميس ناظرته:كنت في بيت سامي ال...عند بنته...ولاتخاف
إختك كانت معاي روح أسألها...
وراحت غرفتها ...
إنقهر رعد منها مرره...موقصده
شئ بس تفاجأ لماشافها موموجوده...وهي ماقالت له...
كلمابغى يقرب منها تصده....
طول الأيام اللي فاتت هو يحاول يعتذر ويحسن علاقته معاها وهي مومعطيته فرصه...
هو مايلومها لأن اللي سواه فيها مو شوي ...هوبعد ماكان يسمعها ومومعطيها فرصه تدافع عن نفسها واللحين هي
ردتها له....
مايلومها ع صدها بس هومو قادر يصبر....اللحين بس حس
فيها....
تنهد بضيق ودخل غرفته وأخذ
شنطته لأنه بيسافر فرنسا ...
دق عليها باب غرفتها وفتح الباب
شافها تمشط شعرها قدام المرايا..
ناظرت في إنعكاس صورته ع
المرايا ونزلت عيونها ع شنطته
رعد:بسافر فرنسا اللحين ..
لفت تناظره وسكتت وماقالت شئ...
رعد:ماراح تسلمين...
عطتها ظهرها وهي تقول:مع
السلامه...
حست بإيده ع كتفها ولفها ناحيته وباس جبينها...
وأخذ شنطته وطلع...
جلست ع الكرسي ودموعها في
عيونها ....
موقادره تسامحه في هالسهوله ..
*************
غمض عيونه بقهر من زن أمه
عليه....واللحين أبوه....
فتح عيونه وقال بقهر: خلاص
أنا موافق...
إنهبلت ريم مستحيل ياخذ رشا
إبتسمت أمه بفرحه لكن إختفت
إبتسامتها لما كمل حكيه باصرار:لكن رشا لا...
أم رعد:وليه لا....
فيصل:يمه قلتلك رشا مابيها ولا
راح آخذها....
أم رعد:بس .....
أبورعد قطع حكيها:اللي تشوفه
يبه ....أهم شئ إنك وافقت تتزوج....
أم رعد:بس يابورعد....
أبورعد بلهجه لاتقبل النقاش:خلاص يام رعد الولد
مايبغى البنت...وأنا أصلا موموافق إن ولدي ياخذها ....بس كنت أظن إنه يبغاها لكن ولدي ماياخذ إلا وحده من مستواه وحده من عايله معروفه ونفس مستواه الإجتماعي مو أي أحد....
إنقهرت أم رعد وسكتت لأنها ماتقدر تقول شئ ولاتبغاه يقلب
ع خطبة عبدالله ع ريم....
هي ماصدقت إنه يوافق بعد ما
زنت عليه لأنها ماتبغى تخرب علاقتها باختها....
أبورعد:دوري له ع وحده تناسبه
و.....
قطعت حكيه ريم فجأه:توليـــــــــــن...
*******************
تنهد بضيق وقهر:إيش أسوي
أبوها مصر يزوجها أبو علي
:خلاص تزوجها إنت.....
ناظرفيه:ياليت حاولت أحاكيه بس شكله يبغاني لبنته المدلله
:يازياد ياخوي إنت حاول روح
كلمه يزوجك إياها وخذها وسافر .....
زياد:مستحيل أنا عارف خالي
حاط عينه علي يلمح لي إنه يبغاني لبنته مرام .... ولو أقوله
إني أبغى تولين ذبحني ويمكن
يذبحها معاي....
:بصراحه الوضع مره صعب
تنهد زياد من قلبه وصورة تولين
قدامه وتفكيره عندها
...لازم يسوي شئ...آآه بس لو
يقدر ياخذها ويهرب فيها....
رفع راسه عند هالفكره الله
من زمان في راسه
************
:توليــــــــن...
أم رعد باستغراب:تولين...
فيصل يناظر ريم وعاقد حاجبه
..
ريم وقفت:أيوه تولين...بنت أبومرام ال....
فيصل ناظر في ريم بدهشه لما
تذكرها...
أبورعد باستغراب:تقصدين مرام...
ريم:لا هو عنده بنت ثانيه إسمها
تولين ...
لماشافت أهلها يناظرونها بدهشه وحيره....قالت لهم كل
شئ عدا إن أبوها بيزوجها لواحد كبره ...
أبورعد مستغرب معقوله أبومرام يكون عنده بنت ماعترف فيها ....
حن قلبه عليها وقال:خلاص
أنا بخطبها لفيصل...شرايك يبه
فيصل بلامبالاه:أي وحده مايهمني أهم شئ ماتكون رشا..
وطلع من الصاله وهو أصلا كاره
فكرة زواجه كليا...
ريم طارت من الفرحه ..وأخيرا
قدرت تساعدها....هي عارفه
ومتأكده إن أبومرام مستحيل بيرفض نسبهم...وأهم شئ إن
رشا ماراح تاخذ أخوها...
وراحت بسرعه تدق ع لميس
تخبرها....
****************
دخلت الصاله وجلست جنب أمها:يمه..
أم عبدالله:نعم
رشا:يمه متى بيجي زوج خالتي
يخطبني من أبوي رسمي لفيصل
أم عبدالله:هاو وشو له ..خلاص
خالتك حاكتني وإخطبتك ماله
داعي يجي...
رشا فرحانه:طيب متى تحددوا
الملكه...
أم عبدالله:بخليهم يحطونها الخميس الجاي..ماراح أخليهم
يأخرونها مثل إختك ويصير حظك مثل حظها...
:وش فيه حظي
أم عبدالله:هذا رعد خطبك وتزوج غيرك وأنا مابي إختك
تصير مثلك ..أنا ماصدقت واحد منهم يتحرك ويخطب وحده فيكم..
دلال إنقهرت ودموعها في عيونها :بتشوفين يمه بياخذني
يعني بياخذني...
وطلعت من الصاله مقهوره...
**************
إنقهرت كثير بتموت من القهر
لماقالت لها أمها إن خالد يبغى
زواجهم في بداية الشهر الجاي
..
ليه يحدده ويخليه قريب حتى
مايمديها تجهز ....
تأففت بضيق ورمت فرشاة الشعر من يدها وجلست ع
سريرها...
أخذت جوالها مقهوره ودقت
ع رقمه وأعصابها بتفلت....
:هلاوالله حبيبتي...
إنربط لسانها لماسمعت صوته و
خصوصا كلمته...وقلبها يدق بقوه ..
:آلو حياتي وينك..
شدت قبضتها ع الجوال وودها تلعن خيره ...إيش فيها موقادره
تفتح فمها وتقول الكلام اللي
بتكرهه فيها ... وين قهرها وغضبها ...تبخر لماسمعت صوته وكلمات الغزل منه أول مره يتغزل فيها ..أول مره تحس
بالإحساس هذا حتى لماكانت
تسمع كلمات الغزل من بندر ما
كانت تأثر فيها التأثير هذا...
إبتسم وهو يعرف حاجبه :قلبي
إنتي معاي...
بلعت ريقها وقالت:مـ معاك...آ
كيفك..
زادت إبتسامته وقال:تمام دامي
سمعت هالصوت...إنتي كيفك..
رنا:بخير...
خالد:أول مره تدقين علي ..إشتقتي لي..
رنا بسرعه:لا بس كنت بقولك ليه تقرب موعد الزواج..
خالد بابتسامه وهمس:ماقدر
أصبر أكثرمن كذا ...الشوق ذبحني ..وإنتي أكيد ماترضين علي أموت وأتركك...
كل تبن ياحمااااار...نفسها تخنقه
تحس حرارة الغرفه إرتفعت..
أخذت ريموت التكييف ورفعت
البروده وهي تقول بعصبيه:مع السلامه..
وسكرت الجوال...
ناظر في جواله وضحك...
والله لا أخليك تنسين إسمك وغرورك اللي مخليك ماتدرين عني طول هالسنين...وأنا اللي
ميت في هواك...
باس الجوال ...وأخذ مفاتيحه و
طلع من غرفته...
*************
مرتميه ع سريرها ودموعها الحاره ع خدها...
ليــــــــه مجبوره تعيش طول
عمرها في عذاب...
ليــــــــه أبوها يسوي فيها كذا
ليــــــــه يزوجها لواحد كبره و
عنده غيرها ثلاث...
ليــــــــه يبيعها لا ليته باعها
هــــــــو رماهــــــــا عليه
يبغى يتخلص منهــــــــا...
طيب ليــــــــه...
آآآه نفسها تعرف السبب لقسوة معاملتها معاها...
نفسها تعرف السبب اللي حرمها
حنانــــــــه وحبــــــــه...
تعرف السبب اللي حرمها أبوهــــــــا...
آآآه نفسها تحس بحنانه وحبه لها ....
لو كان يحبها ويحن عليهاكان ما
رماها هالرميه...
بكت وبكت قهرها وألمها وحزنها
ع حالها....
زيــــــــــــــــــــــــاد...
زياد ليه ماعاا ا ا ارض ليــــــــه
مايمنــــــــع أبوها ....
ليــــــــه ما يسوي شئ ينقذها....
رفعت راسها لماحست بحركه
عند باب غرفتها...
شافت إختها تدخل ...كان شكلها واضح التعب عليه مع إنها حاطه
ميك أب ...
ناظرتها بقرف وغرور وقالت:
مبروك ياعروسه...
وكملت بسخريه:ياحرم أبوعلي
الشايب..اللي عنده ثلاث حريم
المنتف الفقير الحافي....هههههه
مسكتها من بلوزتها بقرف:لأن
هذا مستواك ...هذا اللي يليق فيك ...
وتركتها باشمئزاز وقالت :ع بالك
بتاخذين زياد...ههههه اللي ما
درى عنك ...علشان تعرفين بس
إن دفاعه عنك مجرد شفقه لا
أكثر..مش حب ...لأنك أقذر من
إنه يفكر فيك كحبيبه...
وكملت باستهتار:عارفه مين اللي
ممكن ممكن في الأحلام يفكر
فيك حبيبه...أبو علي الشايب اللي
رجله والقبر...تدرين متى إذا خرف ...هههههه...
يالله بطلع وأتركك تفكرين بفارس أحلامك أبوعلي....أووو
أقصد شايب أحلامك ههههههه
طلعت من الغرفه وإبتسامتها
الشمتانه ع وجهها ...
فجأه دخلت دورة المياه ورجعت كل اللي بجوفها وتحس بسكاكين تنغرز في جسمها...
غسلت وجهها وجلست ع الصوفا
وتحس بدوار ودوخه في راسها....
ناظرت في جوالها وأخذته دقت
ع رقمه ...
جاها صوته الثقيل:نـ نـ ـ ـ ـعم
مرام بقهر:ريان تعال لي اللحين
بسرعه ...
ريان بثقل:مـ مو ففاضي بـ بعدين ببعدين..
رمت الجوال ع الأرض بعصبيه
لماسكر الخط في وجهها....
****************
فتحت الباب وشافته قدامها رفع يده بابتسامه:أوهــــــــايو
رفعت حاجبها :ننننعم
رفع حاجبه:نعامه ترفسك...هذا
إستقبال...
طارت عيونها:نعم نعم ..
وش تبيني أسويلك يعني أطق وأرقص وأقول عادل عندنا
عادل:إحلفي...يالله أشوف كانك تعرفين ترقصين مع إني
أشك يا دينــــــــا ..
لمياء بغيظ:نعم نعم..
عادل:يعني إنتي مصره أقولها
طيييب...نعععامه ترفسك....
قالت بقهر:أقول ماني بزر عندك
عادل :يالله يابابا روحي نادي
ماما..
لمياء بغيض:مارح أناديها ويالله
إنقلع...
حط رجله ع الباب يرده لماجت
بتسكره وحط إيديه حول فمه
ينادي:خاا ا ا ا ا ا لتي ...
إنقهرت وقالت:ووجع...
عادل:يوجعك...هذا طولك ومتغطيه بعد وتناقرين رجال..
لمياء:والله عاد إحترم نفسك
علشان أحترمك...
عادل ببراءه:وش سويت لك..
شاف خالته طلعت وقال وهو
يدخل مطنش لمياء:ياهلا والله
بالغلا كله...
ضحكت أم راشد ع ولد إختها:هلا عدول...شلونك..
ضحك عادل وهو يشوف لمياء
تدخل البيت معصبه:لوني أبيض
ضحكت خالته وهي تدخله المجلس...تحبه هالولد هو اللي
يوسع صدرها...
عادل:بصراحه ياخاله إنتي جارحه مشاعري...ماكأن عندك
ولد إخت مزيون تسألين عنه وتقولين شخباره عايش وإلاميت
أم راشد بابتسامه:اللحين مين
المفروض يسأل أنا وإلا إنت...
عادل:إحم إنتي طبعا...
ضحكت:أقول إقعد بس ..
**
دخلت الصاله معصبه ..وشافتها
دانه باستغراب:شفيك..
لمياء بقهر:عدول الزفت من غيره ..
دانه:للحين إنتي وإياه توم وجيري..وش سوى بعد
لمياء قالت لها السالفه...
دانه ضحكت:والله هالعادل خطير...
لمياء بغيض:خطير بعينك...
دانه:بصراحه إنتي الغلطانه
إنتي اللي إنفجرتي في وجهه...
لمياء:لأنك ماتعرفين إيش سوى
فيني لماكنا في بيت عمه....
دانه تحمست:إيش سوى...
لمياء:لماطلعنا أنا ماعرفت سيارتنا لأن راشد مدخل سيارته
الورشه وماخذ سيارة صاحبه
جا الزفت عدول أشر لي ع سياره وقالي إن هذي سيارة راشد....
تخيلي ركبت فيها وجلست ساعه
أنتظر أمي تجي وإلا راشد

وآخر شئ إكتشفت إني راكبه
سيارته الدب...
دانه ماتت ضحك:ههههههههههههههههههه.
لمياء ضربتها بغيض :لاتضحكيين..
دانه مسكت ضحكتها:طيب إنتي
غبيه يعني ماتعرفين سيارته..
لمياء كشرت بغيظ: الدب أصلا كل يوم له سياره هو ووجهه
دانه:طيب كيف عرفتي إنهاسيارته...
لمياء بقهر:شفت صورته بالتعليقه اللي في السياره....وهو قعد يضحك علي
الدب...ويتمسخر...وآخرتها أخذت
تهزيئه محترمه من رشود...
شوي يكفخني كف ..
دانه إنفجعت:عرف إنك راكبه
سيارة عادل..
لمياء:لا وإلا كان ذبحني وقطع
رقبتي...
دانه ضحكت:ياحليله عدول والله إنه فلله..
لمياء:نعم فله بعينك يادبه...
ضحكت دانه وطلعت جوالها
من شنطتها اللي دق وقامت:يالله محمد عند الباب مع السلامه..
لمياء:لا ا ا إجلسي شوي ..
دانه:لا ماقدر أتأخر وإحمدي
ربك إني جيت...بعد زن وحنه
رضوا ..
أخذت عباتها ولبستها وتغطت
علشان عادل موجود..
وسلمت ع لمياء وطلعت....
***************
دخلت غرفته وشافته جالس
ع كرسي مكتبه ومسند راسه
ع ورى وعاقد حاجبه وإيده
تشد ع يد الكرسي...
قربت منه وجلست ع طاولة المكتب قدامه.:فيصل..
فتح عيونه وعدل جلسته:هلا...
ريم:شرايك في تولين
رفع حاجبه:ليه شايفتني جالس
معاها...
ريم:أيوه بس إنت شايفها...
لماكنا في بيتهم تذكر..
فيصل سند راسه ع ورى:لا ما
شفتها..
ريم:طيب إنت موافق عليها..
فيصل تنهد:مايهمني ...الزواج مفروض علي لاغير...وإلا أنا مابيه ..
ريم حزنت عليه للحين مو
موقادر ينسى أمل....
سكتت لأن شكله يبغى يجلس
لوحده...
مشت بتطلع...ووقفت لما سمعته يقول:أمل كيفها...
لفت تناظره كان يحاكيها وهو
معطيها ظهره:بخير....
سمعته يقول بتردد وألم:مـ متى
زواجها...
ريم:بعد زواج رنا وخالد ...بس
مادري أي يوم بالضبط...
طلعت بسرعه ودموعها في عيونها....ماتبغى تشوف الحزن
والعذاب في عيون أخوها...
تنهد بألم وحزن ..غمض عيونه
يحبس دموعه بقهر....
************
دخلت الصاله وشافتها جالسه ع الكنبه وعقلها مو مع التلفزيون
..
جلست جنبها وتنهدت:لميس...
إنتبهت عليها وقالت:هلا ريم...
ريم:أنا خايفه أكون ظلمت تولين
بزواجها من فيصل...
لميس:ليه...
ريم بضيق:أخاف أكون ظلمتها
بزواجها من فيصل وهو كاره
فكرة الزواج ومانسى أمل...
لميس:بالعكس إنتي أنقذتيها من اللي بسويه أبوها وإلا وحده
بعمرها تتزوج واحد كبر أبوها ومتزوج ثلاث غيرها.... وإذا ع فيصل ...فيصل طيب ومستحيل
بيظلمها ...
تنهدت ريم بضيق.... وسرحت في حال أخوها وحالها...
رفعت راسها وشافت لميس
تناظر جوالها بضيق وسرحانه...
ريم:لموس إنتي تنتظري مكالمه...
إنتبهت عليها:إممم لا....
ريم:رعد إتصل...
لميس:لا ...
سكتت ريم وهي تشوف لميس
شكلها متضايقه لأن رعد ماإتصل عليها....
ريم:لموس شرايك تجين تنامين
عندنا دام رعد موموجود...
لميس:أيوه أنا فكرت كذا ...
ريم قامت: أجل قومي جهزي
أغراضك...
قامت لميس ودخلت غرفتها
ناظرت جوالها وتنهد بضيق وقهر
ورمته ع السرير...
***************
طلعت من الصاله معاها جوالها ومقهوره ....
وشافته واقف قدامها ...قربت
منه وسحبته معاها للمجلس...
:أخيرا شرفت..
تسند ع الجدار وقال:خير تبين
شئ مرومه...
مرام زفرت وقالت:أنا حامل...
ناظر فيها بلامبالاة:طيب شتبغين
أسوي لك...
مرام بقهر:يعني شنو... أقولك حامل...تقولي إيش أسوي لك...
رفع حاجبه:شدخلني فيك حامل
وإلا موحامل.....موشغلي...
توسعت عيونها:ريان لاتجنني..
شنو شدخلك...الولد ولدك..
رفع حاجبه بابتسامه سخريه:وأنا إيش عرفني إنه ولدي مو ولد غيري...
إنصدمت:شقصدك...
ناظر فيها من فوق لتحت:اللي
فهمتيه...
مرام بعصبيه وقهر:ماحد لمسني غيرك....
ريان:وأنا إيش يضمن لي...مو
إنتي سلمتي نفسك لي موبعيده
تكوني سلمتيها لغيري....
مرام مومصدقه:إنت إيش قاعد
تقول...إنت جنيت...
ريان:خصوصا زياد...
إنصدمت:ز زياد...
ريان:أيوه زياد حبيب القلب...وإلا
فاكرتني مغفل ومو عارف لعبتك وحبك لزياد...عارف إنك
تحبينه..
مرام بصراخ:أنا أحبك إنت..
ريان:اللحين تحبيني...لماإكتشفتي إنك حامل حبيتيني
علشان تلصقين اللي في بطنك
فيني....قلتي هذا مغفل وغبي
ليه ما ألصقه فيه...
إنتي بغيتيني لما سافر زياد ولما
رجع...حنيتي له ولحبه...كنت أشوفك ترمين نفسك عليه وتعرضينها له....الله أعلم إذا قبلها والولد اللي في بطنك ولده
لا حبيبتي أنا مو مغفل
مرام مصدومه و بغضب:بس إنت تحبني..
ريان باستهزاء:هه أحبك تبغيني
أحب وحده مثلك ..ليه جنيت
أنا ماخذك تسليه ولعبه...
وخلصت منها...
مشى بيطلع والتفت ورفع جوازه بإيده:أنا مسافر ياحلوه
وجيت أسلم ع حبيبتي باي قلبي..
طلع من عندها ...وهي واقفه
مصدومه وماقدرت تفتح فمها
بشئ...
طاحت ع الأرض تبكي بقوه
إيش بتسوي ...إيش بتسوي
الحيــــــــوان النــــــــذل..ال####
والله بيذبحها أبوها لو عرف
والحيوان سافر وتركها...
لازم تسوي شئ....

» رواية جرحني وصار معشوقي
» روايه جرحني وصار معشوقي
» روايه : جـــرحني وصار معشوقي
» روايه جرحني وصار معشووقي
» رواية لجل الوعد / كاملة