قصة (هبالي عالم من اختياري ) منقول للأمانه

القصه واضحه من اسمها كلها


هبال ×هبال

يلا البارت الأول



((في البقالة))

أنا: هييه رفييق تعاال هنا
الهندي: إس فيهـ ؟!
أنا: وين هذا بيض مراعي ؟!
الهندي: هاهاهاها إنتا إس فيه كلام ؟!
أنا: ضحكت بليا ضروس روح جيب طبق بيض و لبن المراعي بعدين يعطي هذا رجال ( وأأشر على أبوي اللي كان مع أخواتي يشتروا )
الهندي:أن ساء الله

((طاحت عيني على مجلات بآخر البقالة.. مشيت لها .. أخذت مجموعة مجلات بإيدي ومن غير قصد طاحت من إيدي على الأرض .. نزلت على الأرض أجمعها))

((في نفس الوقت كان ابوي يحاسب .. ثم طالع البقالة بتفقد إذا بقا أحد مننا بالبقالة))

((وركب في السيارة))

((أنا كنت أجمع المجلات اللي بالأرض و شدني موضوع بالحيييل ... ما أدري إلا أجلس متربعة لا إراديا ، واكمل قراءة....))

((في السيارة))ابوي: هاه كلكم ركبتوا؟!
شروق بلا اهتمام : ايه يبه حرك ((وكانت قدام بجمب أبوي))
((وجاء لابوي اتصال ...وانشغل بالاتصال))

((في البقالة))

...:يــــالله صلاة صلاة
((انا رفعت راسي وكأني نسيت اني ببقالة ، واشوف الرجال يحاسبوا بسرعة واللي يطلع..،أدور خواتي أبوي،
مالقيت أحد !!))

((طلعت براا البقالة))

أنا بنفسي "يمكن يستنوني براا في السيارة" <~~~ على نياتي

إلا اشوف فورد سوداء مظللة كان امشي لها بعجل (وافتح الباب)

أنا: معليش يبا تأخرت عليك ((واسكر الباب))

والتفت الا اشوف ذاك الوجه اللي يسد النفس .. وانا بعدم تصديق التفت للمرتبة اللي ورا ما لقيت خواتي ..
أكتشفت اني راكبة السيارة الخطأ ..!!

((وانزل بسرعة))
وانا خلاص ميتة من الخوف خانقتني العبرة فيني الصيحة لأول مرة بحياتي أحس بالضياع ، وأجلس على الأرض من الخوف ماني قادرة اوقف على رجولي ، واتسند على جدار البقالة ، ومتكورة على نفسي وضامة رجولي "مصيرهم بيفقدوني وبيلقوني هنا إن شاء الله"

((بعد فترة قصيرة من الوقت))

بدأ يمتلي الشارع بالرجاجيل لأن انتهى وقت صلاة المغرب وانا ما زلت على وضعيتي..إلا واناظر رجول قدامي
أرفع راسي الا ذاك الرجال .. من الخوف نقزت واقفة وقلت لا اراديا : خـــيــــر؟!!!
وأطالع بايده بوك كان مطلع منه فلوس يحسب اني شحاذه أنا بنفسي :"جعلك العمى في عينك اليمين واليسار بعد مو وقتك" هو عطاني نظرة ودخل لبقالة.
وانا جلست ادعي ربي ارجع البيت سالمة.


للقصة بقية
توقعاتكم وش راح يكون مصيري؟!
تقايم وردود

الشخصيات:

العائلة الكريمة:
ابوي ، امي ، نوف اللي هي انا (14) سنة بثالث متوسط ، شروق (12) اولى متوسط ، رهف (6)سنوات


عائلة ابو فيصل<<<بعدين راح تتعرفون عليها
ابو فيصل ، ام فيصل ، فيصل (25) سنة ، وبعد كم سنة جت نورة (12) اولى متوسط ، تركي (6)سنوات

كــــــملي روعـــــــــــة

طيب لعيونكم اكمل

البارت الأول الجزء الثاني



رفعت راسي اشوف سيارة فيها حرمتين .. توكلت على الله ثم رحت لهم ..دقيت الشباك
..: الله يعطينا ويعطيك يا خالة
أنا:لالا أنـ ــا مو شحاذة واللي يعافيك يا خالة ساعديني
(واقولها القصة)
..:طيب خلاص اركبي وبأقول لولدي نوصلك للبيت
أنا: المشكلة ما أعرف وصف بيتنا
..: طيب تعرفين رقم أحد من أهلك ؟!
أنا: لا ماني حافظة وكل ارقام العايلة مخزنة عندي بالجوال بس فاضي الشحن وانا ما قصرت كثر ما ادق ، اللي مشغول واللي ما يرد
البنت اللي ورا: خلاص يمه ناخذها معنا لبيتنا تشحن جوالها وتكلم أهلها
الام: ونعم الرأي
أنا: بس ..
الام: لا بس ولا شيء يالله اركبي السيارة هذا فيصل جاء

((ركبت ورى ام فيصل بجانب بنتها))

(ويركب فيصل) السلام عليكم
الكل: وعليكم السلام والرحمة
أم فيصل: يا ولدي وصلنا للبيت
فيصل باستغراب: ليه ما تبون المول؟؟!
ام فيصل: لا ياولدي هنا معنا بنت مضيعة اهلها بالبقالة ونسوها وبنكلم اهلها وناخذ وصف بيتهم بس جوالها ما فيه شحن وبنروح البيت تشحن جوالها وتكلم اهلها
فيصل: اها ابشري يمه

((بعد دقائق من الصمت))

البنت: انا اسمي نورة وانتي؟؟
أنا "هذا وقته" : اسمي نوف
نورة:عاشت الاسامي
انا: عاشت ايامك

((وطول الطريق ساكتين...وصلنا بيت ام فيصل))

وانزل وانا خلاص الدنيا مسودة بوجهي وادخل البيت معهم دخلوني للمجلس .. فصخت نقابي وعبايتي..إلا نورة داخله: هذا الشاحن يدخل بجوالك ولا اجيب غيره؟؟
أنا: ((اشبكه بالكهرب)) لالا خلاص.....((جاري الشحن))

وما قصروا كل شيء قدموه لي بس نفسي عايفة الاكل وكل شيء..
وافتح الجوال إلا القا المكالمات والرسايل مالية الجوال
واطلع رقم ابوي: هذا رقم ابوي عطيه أخوك فيصل يا خذ منه الوصف
نورة : يالله عطيني
انا: لا لحظة باكلمه قبل اطمنه واقوله القصه ومنها اختصرها على فيصل
نورة:اوك
.......جاري الاتصال
((انا كلمت ابوي وقلت له السالفة من طقطق لــسلام))

((ووسكرت ))

أنا: نورة خلاص عطي الجوال لفيصل
نورة: طيب

في الصالة عند فيصل
نورة: فيصل خذ جوال نوف كلم ابوها خذ منه الوصف
فيصل: طيب
نورة : بس هي قالت له عن كل شيء الا الوصف
فيصل: طيب خلاص يا قلق
نورة: مالت عليك اجلس عندها ابرك
فيصل: يكون احسن

((جاري الاتصال))

فيصل: السلام عليكم
ابوي: وعليكم السلام والرحمة
فيصل:أخبارك؟؟
ابوي: بخير وانت وشلونك؟؟
فيصل : بخير دامك بخير.. بس بغيت وصف بيتكم أوصلها لك
ابوي: لا انا باجيكم .. بس وين بيتكم فيه؟؟
فيصل ووصف له..
ابوي: هههههههههه انتم الجيران الجديدين
فيصل باستغراب: ايواا قبل امس نزلنا
ابوي : خلاص انا جايكم وبيتنا تراا قبال بيتكم
فيصل: هههههههههه بس غريبه ما لاحظت بنتك البيت
ابوي: خلاص انا جاي الحين مو بعيد خليها تستعد
فيصل: ان شاء الله
ابوي: مشكور وما قصرت
فيصل :العفو
ابوي: مع السلامة
فيصل: في حفظ الرحمن

((وسكر))

أم فيصل : هاه بشر عرفتوا البيت وايش فيك تضحك؟؟
فيصل: صارت نوف بنت الجيران اللي قبال بيتنا بس كيف ما لاحظت بيتهم
ام فيصل : ما تنلام مسيكينه
فيصل : خلاص يمه قولي لها تجهز ابوها شوي وجاي وانا بروح ابدل ملابسي
ام فيصل: طيب
فيصل: هذا جوالها عطيها اياه
ام فيصل: ابشر
فيصل: تشااو
ام فيصل: ايييييش ميااو؟؟
فيصل : هههههههههه لا أبد سلامتك يا الغالية
ام فيصل: الله يسلمك

((وتم استلام ابوي البضاعة الغثيثة اللي هي انا ))

في الشارع:
فيصل : تفضل يا خالي ادخل
ابوي: تسلم لوقت ثاني ولا تنسى بكراا عشاكم عندنا
فيصل: يكون خير بس ابلغ الوالد
ابوي: سلم لي عليه ويالله مع السلامة
فيصل: في حفظ الله

((انا وابوي نمشي بالشارع "رجلية" لان البيت قبالهم))

أبوي:هههههههههههه انتي كل هذا حول معقولة ما شفتي البيت؟!!!
انا: ومعقولة تنسى بنتك ببقالة!! حرام عليك !!
أبوي: يا حبيبتي .. يوم كنا بالسيارة سالت قلت لكم ركبتوا؟؟قالت شروق ايوا والا يجيني ذاك الاتصال واكمل مكالمة وانشغلت ..! معليش حقك علي!!
أنا : اهم شيء رجعت لكم

((وندخل البيت))

استقبال امي وشروق و رهف

ابوي: يالله انا ماشي
رهف: وين بابا؟؟
ابوي: باجيب أحلا كيكة لاحلى بنوتة بمناسبة العودة
شروق بغيرة: ترا كلها ساعتين اللي فارقتنا
انا: هههههههههه احسن موتي حرة يبه لا تنسا العصير وورق العنب والكبة
شروق : ووش خليتي صدق طرار ويتشرط
انا: اف تششب ما لك خص!!
ابوي: اقول انا طالع تامرون بشيء ثاني اجيبه؟؟
الكل : سلامتك

((رحت اخذ لي شاور وابدل ملابسي..وانزل تحت))

دخل ابوي ومعاه اكياس وكراتين الكيك والعصير وورق العنب والكبة
انا: هلاااا بالحامل والمحمول
شروق : ههههههههههه اجل نويف ضيعي كل يوم
انا: نويف بعينك !! والضياع لعدويني ان شاءالله
رهف: لا يكون انا عدوتك وانا ما ادري
انا:لا انتي براس القائمة بعد شروقوه
شروق: اقول اووص اذا حظر الطعام بطل الكلام
انا:هههههههههههههههع هذا همك بطنك يا مال السم

((وكملنا بلع ))

من بكرة المدرسة- الفسحة:

جود: اووف وش هالزحمة ولا سوق غنم <~~ صديقتي الروح بالروح
انا: هههههههع حلوة
جود: الله يحلي ايامك
انا: اقول تششب من متى هالذرابة
جود: من انولدت وانا خلوقة
انا : ايه هين لا يكثر امممممم تحديني ابعد هالزحمة كلها؟!!
جود:ورينا ووش ورانا؟؟
انا : بس بشرط
جود: انتي وخري هالزحمة ويصير خير، لك اللي تبين ولك عيوني المركبه
انا: لا خلي عيونك لك وعيوني لي وشدعوا حولااء انا
جود: اقول تشب وجهك مو وجه دلع ويالله وخري هالبنات بسرعة
انا بخبث وصراخ: صـــــــــــــــــــــــــــــاااااااااااااااااااا ارور

((هجووا كل البنات ما ينشاف منهم الا غبارهم))

انا: هاه وش رايك فيني؟؟!!
جود: سبحان الله ولا فقش مسيلمة بن كذا ب
انا: تششب خليني اشتري ما اصدق فضا لنا
انا: لو سمحتي
العامله: عاوزه إيه؟؟
انا بعبط : عندكم لبن ؟؟
العامله: لاءهـ
انا: طيب عندكم كليجا؟؟
العامله: انتي عندك كم سنة؟؟
انا: ثالث متوسط ليه السوعال؟؟
العامله:عاوزه اعرف مستوى تفكيرك!!
انا: طيب اخلصي 2 كتكات و2 عصير لي وللحبيبة اللي جمبي ((اقصد جود))
جود: وااي من متا هالكرم؟؟
انا : ((اخذ طلبي))
العامله: والحساب؟؟
انا:الحساب عليها
جود: وانا اقول وجهك مو وجه خير اعوذ بالله
العامله بعصبية:اديني بسرعة
جود: هااك خذي
((قمنا نتمشا))
جود: ومرض كلذا عجزانة تدفعين كم ريال
انا: مالي دخل هذا طلبي كفاية اكلتك بدري مع ذا الخشه
جود: اووف امري لله

وكني لمحت نورة
انا: جود انثبري هنا باسلم على وحدة وراجعه
جود: طيب
....
انا: اهلييييييييييييين وسهلييييييييييين توا ما ظلمت المدرسة
نورة: بوجودك هههههههههع
شروق: اووف حتا هنا ملاحقتني ..!
انا : خير جاية عشان وجهك
نورة: خير وش فيكم؟؟
انا: ايه شروقوه هذي نورة اللي امس بنت جيراننا اللي كلمتك عنها.. ونورة هذي اختي شروقوه للاسف
شروق: اقول تشب طقاقنا بالبيت
انا : يصير خير
نورة : توني ادري انكم خوات
شروق: وانا بعد توني ادري انك بنت جيراننا
انا: المهم ايش رايك بالمدرسة؟؟
نورة : من اسمها مدرسة ما عليها
انا: دووم
شروق : هيه يالهيسة أي دووم
انا: اقول انتي تششب .. الا تعالي انتي تروحين باص ولا سيارة ولا رجلية
نورة: لا سيارة مع اخوي فيصل
انا: اها ليش ما ترجعين معنا اليوم رجلية؟؟
نورة: لا صعبة ما قلت لاهلي
شروق : اقول مو صاير شيء واذا سالوا قولي رايحة مع شروق ونويف ومو قايلين شيء!!
نورة: ما ادري
انا: بناات ايش رايكم ننحاش
شروق : من كبر المدرسة؟!
انا: لا يا تنحة نهج من المدرسة بكبرها
نورة & شروق: شلوون؟؟
انا: نطلع من المدرسة بعد الحصة السادسة من غير احد يدري و نروح لمحل كون زون نشتري لنا آآيس كريم ونرجع لبيوتنا ما كنا مصلحين شيء ..هاه وش رايكم؟؟

شروق : ما دام السالفة فيها اكل مواافقة
انا: وانتي نورة؟؟
نورة : والله مدري
شروق: انتي كل شيء ما ادري مو صاير لنا شيء واذا جات الساعة 12 وربع رجعنا لبيتونا كالعاده
نورة: اممممممم خلاص اوكي
انا: هيــــــــــــــا خلاص الوعد بعد الحصة السادسة عند البوابة ضفوا عفشكم وهناك على طول بسرعة طيب
نورة & شروق: اووك

((بعد الحصة السادسة))

أنا: اوف هالبقر ليش ما جوا؟؟!
نورة : منوو البقر؟؟
انا: سكنهم مساكنهم ...
نورة:هههههههههههههه
انا: في غيركم انتي وشروقوه الا وينها ما جات
نورة: تضف عفشها وبتلحقنا واحسن بعد عشان ما احد يشك فينا

((بعد3 دقايق))

شروق تلهث من التعب: اللــ ــه يا خــ ذها من مراقبة يالله قدرت انحاش
انا: يالله بنات بسرعة ما في وقت البسوا عبايتكم وتغطوا زين لو انكشفنا لا سمح الله ما حد يعرفنا

((وطلعنا من المدرسة))

نورة: بنات تصدقون من زماان ما رحت مشوار رجلية
شروق: اجل خلاص تعودي
انا: خلونا بالمهم وين المحل فيه؟؟
شروق: على الشارع
انا : قولي قصم وش الجديد مع ذا الخشه؟؟!!
نورة: انا ما اقدر افيدكم بشيء توني جديدة على الحارة والحي باكمله
انا: خلاص مالكم الا انا اهم شيء نطلع على الشارع وندور
شروق: اقول لايكبر راسك علينا الحين اخلصي وين المحل فيه اكلنا الحر!! وظهري انكسر من الشنطة !!
انا: كلي تبن خليني افكر
شروق: الحين ما حفظتي وصف بيتنا تعرفين توصفين محل !!
نورة: عزاا الله اللي ضعنا !!
انا: اقول تشب انتي وياها والحقوني وانتم منطمين !!

((ونفرفر من شارع لشارع الين لقينا المحل))

شروق: واخيرا لقيناه
((وندخل))
وكل وحدة طلبت نكهة
شروق: رفيق انا يبي شوكليت
انا : توفي
نورة: فانيليا بالأوريو
((بقا الحساب.... وهنا المصيبة))
نورة: بنات دفعنا الفلوس بس باقي 6 ريالات
شروق: من وين ندبر انا شريت بفلوسي كلها على الفسحة
انا: جعلكم الفقر وهذا الشيء اللي ما حسبت حسابه
نورة: طيب وش بنسوي فلوسنا على قدنا
شروق: بنردح ووش بنسوي ..هاه يأم الحلول عطينا حل
انا: انتم اسكتوا طيب خلوني افكر
نورة: يا فرحة ما تمت
الهندي: يالله جيب فلوس
شروق: طيب لحظة جعلك السكني
انا: بنات ذكرت
شروق & نورة : ووشوو؟؟!
انا: فسحتي اليوم ما شريت فيها
((واعطي الهندي حسابه ونطلع من المحل))

((ونكمل طريقنا للبيوتنا..واحنا نلحس بهالأيس كريم ......))
نورة: الحمدلله خلصت
انا: وانا بعد خلصت
شروق: لحظة توني بقالي شوي
انا: حشاا كلب على هالتلحيس كأن أول مرة تذوقينه
شروق: حرام عليك الحر ما يرحم .. بنات شرايكم نرجع للمحل مرة ثانية
انا: معاك فلوس؟؟
شروق: لا
انا : أجل كلي تراب واسكتي
شروق : هييه حدك عاد
نورة: اووص فشلتونا تطاقوا اذا وصلتوا مو قدام الله وخلقه
شروق: اول مرا نورة تقول كلام زي الناس
نورة: خير طايحة من عينك انا ؟؟!!
انا: اقول اووص انتي وياها .. الا بنات احنا وينا فيه؟؟
شروق بلا اهتمام: شيء طبيعي بالرياض
انا : قولي قصم لو قلت لك انا ضعنا ووش بتسوين ؟؟
شروق: باصيح
نورة: اجل صيحي من الحين ضيعنا الطريق
شروق: ووش السواة ..هاه يا ام الحلول
انا: خييييييييير كل شيء على راسي انا ؟!
نورة: مو انتي اكبرنا؟؟!
انا: واذا صرت الكبيرة هذانا ضيعنا الحارة والطريق وكل شيء ضعنااا
نورة: لا ما ابي اضيع مثلك امس
شروق بصياح: اهئ اهئ ضااع مستقبلي
انا: اصلا انتي عندك مستقبل بالأوول؟؟!
شروق: تششب يا محطمة الآمال والطموحات
انا: ليش ان شاء الله اذا كبرتي ووش بتصيرين؟؟
شروق: دكتورة
انا:ههههههههههع اقول انتي وين والطب وين
شروق: ليش وش ناقصني؟!
انا: انتي حدك دكتورة بيطرية حقت حيوانات
شروق: وانتي اول من بأعالجهـ
انا: تخسين
نورة بصراخ: خلااااااااااااااااااااص
((كل الهنوود واللي يمشون بالشارع التفتوا لنا))
انا واقبص نورة باقواا ما عندي : يا بقرة شسويتي انتي شوفي العالم كلها تطالعنا
نورة: آآآآآآآآآآآآآآي ووجع ...اووف خلاص وش تبين اكثر ضياع وضعنا ووش بعد
شروق: نوف تكفين فكري وشلون نطلع من هالمأزق
انا: امممممممم نركب تاكسي
نورة: بس ما احد فينا يعرف يوصف البيت
شروق: ولا معانا فلوس
انا: يالله لو داريه جبت بوكي كله اليوم ابوو الحظ النحس
نورة: طيب وش نسوي الحين
انا: اجلسوا على الرصيف لاني تعبت من هالشنطة وهالحر والتفكير
نورة: وانا بعد
شروق: بنات
انا & نورة : خييير
شرووق : امممم ابي الحمام
انا بعصبية: ايييييش هذا وقته ؟!!!
نورة: نفتك من مصيبة نرجع لمصيبة ثانية
شروق : طيب ابي الحمام
انا: خلااص طيب .. شوفوا اصلا قعدتنا كذا غلط والحين الساعة 12 يعني بقا ربع ساعة ويطلعون الطلاب والطالبات من مدارسهم قدامنا ربع ساعة بس ووقعدتنا ما راح تفيدنا
نورة: ووش نسوي اجل؟
انا: نقوم نسال أي احد اذا صادفناه بطريقنا
شروق: يالله بسرعة طيب ما اقدر اتحمل
انا: اووف
نورة: اهم شيء نبي نوصل للبيت بسرعة قبل ما يكتشفون غيابنا

توقعاااتكم :ايش راح يصير لنا؟؟؟

كمليييييييي تكفين بسررعه وربي متحمسه

طيب راح اكمل لعبونكم


البارت الثاني الجزء الأول



تفضلوووا هذا البارت الثالث #الجزء الثالث#


نورة: اهم شيء نبي نوصل للبيت بسرعة قبل ما يكتشفون غيابنا

الله أكبر.. الله أكبر <~~ الأذان
انا: بنات لقيتها
شروق & نورة:قولي
انا: الحين اذن منها نروح للمسجد نودي ذا البزر للحمام ومنها نصلي وندعي ربي يفرجها علينا واذا لقينا احد هناك من الحريم خليناها تدلنا
نورة: واذا مالقينا حريم بالمسجد؟؟!
انا: نسال أي احد من المصلين اذا طلعوا من الصلاة بس تفألوا
نورة: يالله توكلنا على الله
شروق: بس شلون بنعرف مكان المسجد
انا: امممممم مدري
نورة: بسيطة نشوف الرجاجيل والسيارات وين يتجهون له ونروح وراهم
انا: ايه صح وشلون فاتتني
شروق: ياالله بسرعة لاني خلاص مو قادرة اصبر اكثر
انا: يا جعلك قل الصبر
نورة: تراااااا طفشت من هواشكم مو وقته خلاص
انا: طيب لا تدفين
شروق:ههههههههههع نورة بالله وخري الغطوة ابي اشوفك معصبه
نورة: شروقوه مو وقتك
شروق : اوووف خلاص انا بافتش اكلني الحر
انا: لالالالالالا يا غبية شوفي الرجال حولنا اصبري عااد
شروق: امري لله.. إلا بنات
انا& نورة: خييييييير
شروق: لو ظعنا بعد ايام ثم لقونا ابوو الفله تدرون ليه
انا بملل: ليه؟؟ ان شاء الله
شروق: ابوو الحفلة اللي بيسونها
انا: ووومرض انتي كل همك بلع × بلع كل تفكيرك بالاكل طالعي ضايعين وذي فرحانة كانك اول مرة تشوفين خير
نورة : خلاص اووص راسي صدع
شروق: مو بس انتي الحالك
انا : ااوووف وين ذا المسجد فيه بعد
نورة: عطشاااااااانة حيل
شروق: عندي حل
نورة قولي
شروق : تخيلي نفسك صايمة
نورة: ابو الغباء اللي عندك تونا ما كلين الين قلنا امين
شروق: الشرهة مو عليك على اللي يعطي حلول لا تقدر بثمن
انا: بنات اووص وانتي نوير انتقلت لك العدوا
نورة: ووش اسوي عطشانة
شروق: بنات المسجد واخيرا الحماام ((وتررركض بعبايتها تقول سوبرمان))

نورة: اختك هالهبلة وين راحت تركض
انا: الله يفشلها يالله نلحقها
نورة: يالله

((ركض × ركض))

وقربوا من المسجد نطلت شروق شنطتها عند الباب ودخلت الحمام
ووراها انا ونورة نلهث من التعب
نورة: شوفي هالهيسة نطلت شنطتها هنا..!!!
انا: نورة
نورة: نعم
انا: تشوفين اللي اشوفه
نورة: ووشوو
انا: تدرين وينا فيه؟؟
نورة :بحمام اللي بالمسجد
انا: لا يا بقرة اقري اللوحة

((حمام رجال))

نورة: وهالهيسة جوا
انا: ايه
نورة: وش نسوي؟؟
انا: مدري
شروق بصراااخ وفرح: اللمويهـ تروي العطشااااااااان وتطفي ناااااااار الحرااااااااان
انا: ادخلي قولي لها تسكت على بالها في بيتها ولا حمام رجال نار تشب في كشتها
نورة: ووش اسوي؟؟
انا: ادخلي دبجي باب الحمام خليها تسكت الرجال يصلون جعلها المرض وخلي شنطتك والاغراض انا علي المراقبة
نورة: طيب

((تدخل نورة تدبج عليها الباب لا حياة لمن تنادي ..وتزيد صرااخ))

شروق: الاماااااااكن كلهاااااااا مشتاااااقة لك مشتاااااااااااااااااااااقة لك
نورة : أي اماكن الله يقرفك انتي بحماااام شروق تكفين اووص خلاص
شروق: ترا الحمام بيت الراحة بليز بآآخذ راحتي
نورة: راحتك ببيتك مو هنا
شروق : مالك دخل
نورة: اطلعي بسرعة
شروق: لا توني مطولة
نورة : اطلعي يامال السكني هذا حمام رجال مو حمام نسااء
شروق: قولي قصم
نورة: يعني احلف بالحمام
شروق : يالله هذاني طالعه
نورة: بسرعة قبل يدخل علينا احد
شروق: خلاص اربشتي امي
نورة: الله يخلف على ام جابتك

((شروق تفتح الباب))

شروق: صدق الشاعر : دخول الحمام مو مثل خروجه
نورة: اكلي تبن واطلعي بسرعة
انا جايه مسرعه : بنات بسسسرعة الرجال طلعوا من الصلاة
شروق: واذا طلعوا يعني؟؟ كفاية معكرين جوي من شوي
انا : نورة امشي بس نروح نصلي عند الحريم وانتي انثبري عقبال ما يخطفونك وافتك وشنطتك براا
نورة: يالله
شروق: لااااااااااا كنت امزح استنوني

((مصلى الحريم))

اللي توضت واللي صلت

انا: خلصتوا
شروق& نورة: ايواا
انا: لحظة اشوف الساعة اووف
نورة: نووف كم الساعة؟؟
انا: 12 ونص
يعني العالم طلعوا من ربع ساعة
انا : ايه
نورة : كله من شروقوه قال ايش بيت الراحه الله ياخذك
انا: بنات ما فيه وقت نطاق يالله ندور على بيوتنا
نورة : يالله قوموا
شروق: بناااااااااااااااااات
انا: خييييير بعد
نورة: أي خير ذي يجي من وراها خير
شروق: بنات شوفوا
انا: ووشوو؟؟
شروق: امـ ـــــي هناك
انا: أي والله
نورة: هذي امكم ؟؟
انا: ايووا
شروق:ياربيه وش نسوي الحين؟؟
انا: امممممم خلاص نقول لها انا كنا بنروح للبيت بس قلنا نصلي في المسجد ونكمل طريقنا للبيت
شروق: خلاص حلوو
نورة: وانا؟؟
شروق:انتي بنقول انك بنت جيرانا وراجعة معانا
انا: الا غريبه امي شعندها تصلي الظهر في المسجد
شروق: مدري
انا: رب صدفة خير من ألف ميعاد على الاقل تدلنا البيت افضل من اننا تايهين

((اتجهنا لامي))

شروق: هلا يمه
امي مستغربه: هلا وغلا خير وش جابكم هنا هاه؟؟!!
انا: ايه طلعنا من المدرسة قلنا نمر نصلي بالمسجد ونكمل طريقنا للبيت
شروق: ايه يما نسينا نعرفك على نورة صديقتي و تصير بنت جيراننا اللي توهم نازلين
امي: هلا وغلا كيفك
نورة: بخير كيفك انتي يا خالة؟؟
امي: الحمدلله صحة وعافية ..الا تعالوا ووش طلعكم من المدرسة بدري

((كلنا التفتنا نناظر بعض))

انا: يمه أي بدري الساعة 12,40 دقيقة
امي: لا تونا الساعة 12,10 المفروض خروجكم بعد 5 دقايق
انا بعد ما بلعت ريقي :هاه ؟!!!!!!!!!!!!!

أتمنى البارت نال على اعجابكم

الى اللقاء في حلقة قريبة هع
توقعاتكم يالغواااااااااالي.........^ــ^

كممممممملللي

كملي بسرررررعه

اكمل بعد 5تقيمات

طيب بكمل لعيونكم يا حلوات (:


امي: الا تعالوا ووش طلعكم من المدرسة بدري

((كلنا التفتنا نناظر بعض))

انا: يمه أي بدري الساعة 12,40 دقيقة
امي: لا تونا الساعة 12,10 المفروض خروجكم بعد 5 دقايق
انا بعد ما بلعت ريقي :هاه ؟!!!!!!!!!!!!!

نورة ترقع: لا طلعونا اليوم المدرسة بدري
امي: غريبة شعندكم؟؟
نورة: هاه
انا ارقع : ما ندري عنهم مسوين للمدرسة إخلاء
امي: وش اخلاء؟؟
انا : يعني يدربونا اذا جت في مدرستنا حريقة ووش نسوي قالوا اطلعوا مرة وحدة 5 دقايق وش بتفيد
امي: اها
شروق: يالله نرجع البيت
امي: يالله مشينا
((أنا احمد ربي طول الطريق اللي ستر علينا ولا كان علووم وصلحت ساعتي هالمخرفة متقدمة 30 دقيقة))

امي: يالله مع السلامة
نورة: مع السلامة
امي: يالله نستناكم اليوم على العشاء ان شاء الله
نورة: ان شاء الله
شروق : أي عشاء؟؟
امي: ايه ما قلنا لك اليوم ابوك عازمهم على العشا
شروق: هذي الساعة المباركة
انا: حركتاااااااات من وين لا طشتها
شروق: انتي تششب
انا: الشرهة مو عليك علي انا يا دكتورة البيطرية ههههههههع
نورة: خلاص بس كاافي طقاق من طلعنا من المدرسة الى الحين هوااش خلاص راسي صدع
انا: اسفوون ازعجنا حضرتك
نورة: مع السلامة
الكل : في حفظ الله

((دخلنا بيتنا))

وأول ما وصلنا كلنا نمنا وشفطنا المخدة انا وشروق

اما ((بيت ابو فيصل))

نورة: يبه ليه مو راضي تصدق
ابوفيصل: كان قلتي لي من قبل طيب ؟؟
نورة: خلاص من اليوم ما ابي اروح مع فيصل بروح رجلية مع نوف وشروق
ابو فيصل: خلاص لك اللي تبين
نورة: جد يبه
ابوفيصل: ايووا
نورة تبوس راس ابوها: ما انحرم منك ياارب
ابو فيصل: هاه عسا جهزتي للعزيمة اليوم ؟؟
نورة: اكييييد بس الحين ابي انام مراا تعبانة من المدرسة
ام فيصل: والغداء
نورة: لا خلاص ما ابي شيء ابي انام بس تامروا بشيء؟؟
ام فيصل& ابو فيصل: سلامتك


((في الليل في بيتنا))

ترررررررررررررررن تررررررررررررررررن <~~ الجرس

امي: رهييييييييييييف افتحي الباب
رهف: طيب

((عند الباب)) رهف من ورا الباب: مين؟؟
.....: الشرطة
رهف: الشرطة ووش تبون
تركي: نبي نلقي القبض على وحدة يقال لها رهف
نورة: كل تبن واسكت.. افتحوا الباب جيرانكم
رهف: هاه ايه تفضلوا حيااكم
((وتفتح لهم الباب))

الرجال بقسمهم ،و الحريم بقسمهم ،و رهف وتركي بالحوش ، واحنا العصابه في غرفتنا

نورة: حلوووة غرفتكم
شروق: يكفيك وجودي فيها
نورة : يا شين الثقة
انا: هههههههههههههه لقطي وجهك
شروق: اووف بنات ما طفشتووا
انا: لا بالعكس
نورة: بنات تذكروا اليوم الظهر
انا: يوووهـ لا تذكريني احلا مغامرة بحياتي
شروق:هههههههههه ايش رايكم نرجع ننحاش مرة ثانية؟؟
انا &نورة بصراخ: لاااااااااااااا
شروق: بسم الله علي اكلتوني
انا: طيب بنات نبي نسوي آكشن
نورة: وش نسوي اممممممممم
شروق: جتني فكرة
انا: قولي
شروق: نصعد فوق السطح ونرمي ثلج على البزارين
نورة: ايه يالله
انا: لحظه لحظه أي بزارين الله يخلف ما فيه الا رهيييف وتركي
شروق: يوفون بالغرض
نورة: يالله عاد
انا: مشينا وش ورانا

((وننزل تحت ناخذ الثلج من الفريزر ونصعد للسطح))

((ونشووت عليهم قطع الثلج))

شروق: يا ويلنا بيصعدون فوق يورونا شغلنا وخصوصا اني صاكة ثلجة براس تركي
انا: الله يعينا ننزل ولا نكمل؟!
نورة: ووش نكمل نرجم مين ما فيه احد وذولي بيرقون لنا..؟!

طـــــــــــــــــــــــــــــــــــــــــــرراخ <~~~~~ صوت باب السطح

كلنا: لااااااااااااااااااااااااااااااااااااااااا

نورة: تركيوووووه افتح لاوريك شغلك افتح
انا: هييييييييييييييييه افتحوا ووصمخ
شروق: افتحوا
وندبج الباب و لا فتحوا

نورة: بنات هالنذلين ماراح يفتحون
انا: كله من هالبقرة المرقطة يوم تصك الثلجة براس تركي
شروق: حرام عليكم لا تحطون الذنب علي
نورة: والحل؟؟
انا: اممممممممم ما فيه الا حل واحد
نورة & شروق: ووشوو؟؟
انا : ننثبر الين يفقدونا ويفتحون لنا الباب
شروق: لالالالا مستحيل اصبر يمكن ما يذكرونا الا على العشا على بالهم انا بالغرفة مع بعض
نورة: يالله ووش نسوي؟؟
انا: مدري

((بعد ساعة ونصف ))

شروق: بناات
انا & نورة: خيييييير..!
انا : لا تقولين تبين الحمام....؟َ! والله لأفرشك هنا ..!
شروق: لالا
نورة: اجل وشو؟؟
شروق: شيء اشد من الحمام
انا بخوف :وشفيك انتي تكلمي بسرعة
شروق: احس اني بموت
انا: هذي الساعة المباركة
نورة: لا حرام البنت تقول بتموت
انا: نورة من جدك مصدقة
شرووق بألم : آآآي بنات خلاص بموت

انتهى الباارت

كملللي تكفييين

كملللي بسرعه

تم تقييمك+ كملي

كملللي عشاني

لعيوونكم بكمل


\
انا بخوف :وشفيك انتي تكلمي بسرعة
شروق: احس اني بموت
انا: هذي الساعة المباركة
نورة: لا حرام البنت تقول بتموت
انا: نورة من جدك مصدقة
شرووق بألم : آآآي بطني بنات خلاص بموت
انا: شروقوه من جدك
شروق: الموت فيه لعب
نورة دمعت عيونها: وربي كنتي مثل الاخت لي وشلون بافارقك
انا خنقتني العبرة: لا تكفين لا تموتين
شروق: آآآآآآآآآآآآآآي بطني
انا: ايش فيك ؟؟
شروق: بناااااااااااااات خلاص بموت من الجوووووع ما اقدر اصبر اكثر من كذا
انا افصخ نعلتي و العب فيها على ظهرها وبطنها : يا بقرة كذا تلعبين باعصابنا
نورة: لارميك من على السطح عشان تعرفين يا بقرة
شروق: حرام عليكم الحين صار لي كم ساعة حلقي ما طب فيه اكل
نورة: طيب نرجع نخبط على الباب
انا: ما اظن بيسمعون
شروق: بنااات بطني خلاص بموت من الجوع
انا: الله ياخذك ويفكني منك قولي اميين غثا سبحان اللي خلقك
شروق: اهون عليك
انا: وانا اصبر على فراقك
شروق: تسلمين يا بعد هالدنيا
نورة تتأمل: فلم هندي مدبلج على الطبيعة ولا وين في سطح
شروق: وانتي هيه خربتي جونا الله يقلعك
انا: اووف خلاص تكفون راسي مصدع ما لي خلق هواش
نورة: طيب وش نسوي طفشت
انا :اممممممم والله مدري
شروق: نورة
نورة: خير
شروق: الخير بوجهي .. ليش ما تنامين عندنا اليوم؟؟
انا: والله جبتيها
نورة: لاوييييييين
انا: عادي وش فيها
شروق: لا صعبة ولا هم يحزنون
نورة: طيب والمدرسة وامي وابوي
انا: لا بنقول لهم اليوم ما امدانا نلعب ولا نسوي شيء عشان تركي ورهف حبسونا فووق
نورة: ايوه
انا: وبنقول لامك تنامين عندنا و خذي راحتك ما عندنا عيال اصلا انتي ما تتغطين
شروق: يعني خلاص ننشب فيها الين توافق
نورة: اممممم خلاص اوك بس النومة عندكم تتوقف على موافقة امي وابوي..طيب المدرسة
انا: بسيطة تنومين معنا ونصحا مع بعض للمدرسة واذا جاء بكرا ترجعي للبيت
نورة: يصير خير بس يفتحون لنا
شروق: اووف انا خلاص مليت

:اللي لقا احبابه نسا اصحابه
انا: هذا صوت راشد الماجد وش جابه هنا!!!!!!!!!!!!
نورة: ايه هذي نغمة جوالي
شروق: وليش ماقلتي من اول ان جوالك معك الله يا خذك يا غبية
نورة: مدري وشلون فاتتني..ياربيه بنت خالتي بعدين اكلمها الوقت الحين ما يسمح
انا: صدق صعوبة تعلم
نورة: خلاص باكلم امي عشان تفتح لنا جمدنا من هالبلاط
انا: يالله وش تستنين دعوة
نورة: طيب لا تدفين

((جاري الاتصال))
نورة: آآلو يمه
ام فيصل: هلا نوري
نورة: تكفين يمممه جمدت
ام فيصل: جمدتي بذا الحر
نورة: يمه تركي و رهف صكوا علينا باب السطح من جينا
ام فيصل: الى الحين ؟؟
نورة: ايواا
ام فيصل: وش عندكم بالسطح
نورة ترقع: هاه نوف وشروق يوروني بيتهم جوو هالبزرين وسكروا علينا الباب
ام فيصل: خلاص طيب بنفتح لكم مع السلامة
نورة: مع السلامة

((في قسم الحريم))
ام فيصل: يا ام نوف البنات فوق محبوسين بالسطح من جينا
امي: ووش تقولين ووش رقاهم فوق؟؟
ام فيصل: نوف وشروق يورون البيت لنورة جاء تركي ورهف وسكروا عليهم
امي: يالله نصعد لهم الشغالة مساكين
((في السطح))
نورة: يالله ما اصدق اخيرا بيفرج عنا
طــــــخ <~~~ صوت مزلاج الباب ينفتح
انا: واخيرا اشم هواء بيتنا
شروق: ههههههههه واخيرا بروح ابلع مت جووع
نورة: وانا وراك
انا: يالله نتسابق
شروق: بلا سباق بلا هم وش جانا من ورا هالجوع غير الالم غير التعب وش جاااااناااااا
نورة: ههههههه اختك طربانة ...خلاص باتسابق معاك
انا: يالله
كلنا: 1…2…3…go
((ونركض في الدرج))
وكانت نورة سابقتني كان امسكها مع بلوزتها
نورة: غش× غش
انا: مالي دخل سبقتك
نورة: والله لاوريك
ونسرع من زود الدفاشه نورة تعكرفت رجلها وقامت تتحدرج مع الدرج انا شفتها رحمتها

انا: نوووووووووورة بسم الله عليك صار لك شيء نورة ردي
كان تقوم كنها حصان وتدفني واطيح على ظهري((واحنا ما زلنا في الدرج)) وتنزل
انا: الله يا خذك تعرفين تمثلين ما يصلح غش ×غش آآآآآي ظهري الله يا خذك
نورة: ههههههههههههع سبقتك
انا: تشوفين لاردها لك ما اكون نويف
نورة تصرف : الاوين شروق؟؟
انا: تلقينها بالمطبخ
نورة: نروح لها
انا: يالله وبعد ابي كاس موية عطشانة حيل الله ياخذك
نورة: وياخذك معاااي
انا: وجع حتى وانا بموت مو مخليتني
نورة: ههههههههههههههههههههههههه يومي قبل يومك
انا:آآآآآآآآآآآآآآآآمييييييييييييييييييين على بالك الموت لعبة
نورة: هههههههههه االشرهه مو عليك علي انا اللي اتفداك بعمري
انا: تششب مو ناقصة بروح ابلع امشي يالله للمطبخ
نورة: اوف يالله

((دخلنا المطبخ))
الا شروق فاتحة باب الثلاجة ومتربعة وتبلع وتاكل
انا: هييييييييييييييييييييييييه شوفي هذي نظفت الثلاجة
نورة: وجع مكنسة مو معدة
شروق: ههههههههههع تعالوا كلوا
انا: لا ابي كاس موية فقط عشان اتعشا
نورة: وانا بعد
انا: ايه يالله نقول لام فيصل عن نورة ونومتها عندنا
شروق: ايه صح يالله

((مجلس الحريم))
كلنا : السلااام عليكم
ام فيصل & امي : وعليكم السلام والرحمة
امي: هاه شخباركم عقب السطح ههههههه؟؟
انا: ما امدانا نشبع من بعض
ام فيصل : يكفي انكم شفتوا بعض
شروق: تكفين خالتي ممكن طلب بس ما ترديني
ام فيصل: لك اللي تبينه
شروق: نبي نورة تنام عندنا اليوم
ام فيصل: البيت قبالكم واذا بغيوتها تعالوا لها باي وقت
انا: لا تكفين نبيها تنام عندنا واللي يعافيك
نورة: يمه الله يخلك ليلة وحدة بس
ام فيصل : والمدرسة ؟؟
نورة : اذا وافقتوا رحت اجيب اغراضي و مريولي و وانام عندهم و بكرة نروح للمدرسة مع بعض مثل اليوم الظهر
ام فيصل: انا موافقه شوفي ابوك
نورة: لا مو قايل شيء والحين باكلمه
امي: خلاص كلميه واحنا بنجهز العشا

((نورة كلمت ابوها))

نورة: بنات ابشركم ابوي وااافق
انا& شروق : هيــــــا
نورة: بعد العشا بروح اجيب اغراضي والشنطة كل شيء
شروق : يالله وش كثر انا فرحانة
انا:وانا اكثر

((بعد العشا رجعوا اهل ابو فيصل لبيتهم ومعاهم نورة تجيب اغراضها))

((جت نورة ومعها بجامتها،مريولها،شنطتها....))

((في غرفتنا ))

نورة: بانوم على أي سرير فيكم؟؟
شروق: على سريري
انا: لا على سريري انا
نورة: طيب خلاص نقرب السريرين مع بعض وانا انام بالوسط حلوو؟؟
انا: موافقه
شروق: وانا بعد

((وندف السرير))

انا : بنات فيكم النوم؟؟
شروق: ايوا
نورة: لا نبي نسهر
انا: وانا بعد بس وش نسوي
شروق: والله مدري عنكم يالله ننووم بس وكل وحدة تقول قصة
نورة: عزا الله اللي نمنا
انا: هههههههههه صادقة
نورة: خلاص ننوم الحين واذا رجعنا من المدرسة تجون بيتنا ونسوي آآكشن
شروق: بس بعيد عن السطوح
انا:هههههههههههههههه يالله تصبحواا على خير

((انا وشروق على الطرف ونورة في الوسط))

بعد نصف ساعة اتقلب ابي يجيني النوم
غمضت عيني ما صدقت النوم يجيني
....: خخخخخخآآآآآآآخخخخخخوووو خخخخخخآآآآآآآآآآآآآآآآآخخخخخخووووو <~~~~~~ شخير نورة
انا بنفسي "وشلون اسكتها ما صدقت يجيني النوم"
واحاول الفها عشان تنام على جنبها مو على ظهرها ؛ عشان يتوقف الشخير
وانسدح .. وغمضت عيوني

.....:خخخخخخخخآآآآوو خخخخخخخخخخآآآآآآو
انا: حشا ما تصبر خلاط كهرب مو شخير
شروق: ههههههههههه ايه والله صدقتي
انا: سكنهم مساكنهم .. ما نمتي؟؟!!!
شروق: وشلون انوم وهالخلاط على قولتك يشتغل على راسي وطيرت عني النوم
انا: الحين وش نسكتها فيه ابي اناااام بكرة مدرسة
شروق: امممممممم ندخل بخشتها مناديل لعلها تسكت
انا: لالا لو بلعته وماتت ثم نبتلش
شروق:هههههههههههه نقومها طيب تنام على جنبها
انا: يالله
كلنا: نورة نورير.......
انا: ما فيه امل هههههههه خيشة نوم
شروق: هههههههههههه صادقة اجل امممممممم شوفي جتني فكرة
انا: اديني بسرعة دخت ابي انام
شروق: شوفي ندف السريرين و تطيح على الأرض وتصحا
انا: نيييييييييهههههههاي يالله ووش تستنين
شروق: اخاف يصيبها شيء؟؟
انا: لاا تخافين ذي قطو ام 9 ارواح ههههههههههههه
شروق: هههههههههههههه انا اللي اعرفه القطو له 7 ارواح
انا: هههههههههه لا ياغبية هذي من نوع آآخر
شروق: ههههههههه حشا كائن فضائي
انا: هههههههههه يالله ندف السريرين خلاص عورني راسي من شخيرها
شروق: يالله 1....2....3.....آآكشن
انا: هههههههههههه مسلسل هذا
شروق: ياربيه يالله ليش تضحكين الحين مو وقتك
انا: خلاص طيب
شروق:1...2....3....آآكشن
((شروق تدف سريرها وانا ادف سريري ونورة طاحت لانها نايمة بالوسط))
نورة بصياح وصراخ: آآآآآآآآآآآآآآآآآآآآآآآآآآآآي اهــئ اهـــئ
انابخوف: بسم الله عليك
شروق: صار لك شيء ظهرك يعورك
انا: وش نسوي الحين؟؟!!!
نورة : اهـــــــــــئ اهــــــــــــــــــئ
طرااااااخ <~~~~ صوت الباب انفتح <~~~~ اسعاف هههههههع
امي: ايش فيكم ووش اللي صار..؟؟؟َََ!!
انا ارقع: أ أ أ مدري
شروق: حصل خير حصل خير
نورة : أي حصل خير جاني انعفاط بالظهر
انا:بالله مرض جديد توني اسمع فيه ههههههههههه بسم الله عليك
امي: نوف مو وقت ضحك ووش اللي صار؟؟
انا: نورة كانت نايمة وطاحت
امي: اها والحين ظهرك يوجعك مراا؟؟!!
نورة: لا خلاص خالتي كملي نومتك
امي: يعني انتي بخير
نورة: خلاص خالتي نامي وانتي مطمنة
امي: يالله تصبحووا على خير وكملوا نومكم واذا عورك ظهرك نورة وتبين شيء تعالي لي
نورة: ان شاء الله خالتي
امي: يالله نوم العوافي

((طلعت))

نورة بعصبية : ابي تفسير للي حصل وشلون طحت على الارض كنت على السرير
شروق تصرف: كنتي تتقلبين وما ادري كيف دفيتي السرير وطحتي
نورة: وش قالوا لك سبيكة ينلعب علي .. ولا مقلب من مقالبكم حسبي الله عليكم
انا: سووري نورة بس ترااك صجيتينا بشخارك
نورة: انا اشخر؟؟!!!
شروق: تشخرين وبس ..!!
نورة: نصابين
انا: لانك يا بقرة تنامين بغرفة بلحالك ما احد عندك يقولك انك تشاخرين
شروق: واذا مو مصدقة باسجل صوتك وانتي تشخرين واسمعي اذا قمتي
نورة: اجل خلاص آآخر ليلة انام عندكم
كلنا: لالالالالالالالالالا
نورة: أجل تحملوا شخيري
شروق: امرنا لله
انا: انا باحط سماعتي على اذنيني وبانام
شروق: وانا مثلك اجل
نورة: ههههههه وربي فشيلة
شروق: احد يستحي من خواته
نورة: طيب تششب ويالله ننام
انا: ههههههههه ما تبين نسجل شخيرك؟؟
نورة:هههههههههه ايه ولا عليكم امر
شروق: ههههههههههههههههه ابشري ما طلبتي شيء وبانزله في اليوتيوب اتحدى احد ينام بعدها
نورة: ههههههههههههههههه والله لارتكب فيك جريمة
انا: لالالا ومن اطاق معه كل يوم
شروق: مالت هذا اللي هامك
انا: اقول تششب ابي انام الساعة 2 ما نمنا الى الحين وبكرة مطرسة
نورة: هههههههههه صادقة وعذرا على الازعاج مقدما
شروق:هههههههههههههههههههه الله يرجك عاادي خذي راحتك

((بعد ما رجعنا السريرن لجمب بعض))

انا: تصبحواا على خير
شروق & نورة: وانتي من اهله

,,,,,,,,,,,,,,,,,,,, نمنا وكل وحدة حاطة السماعات باذنيها عداا نورة

من بكرة.......................

امي: يالله قوموا صحصحوا
شروق: يرحم امك نويف تششب بناام
امي: تشب في خشتك انا امك قومي بسسرعة
انا (وأنا رافعة راسي) : من اللي مات؟؟!!
امي: هههههههههههههه محد مات بس قومي يالله
انا: خلاص قمت
امي: زين وقومي شروق ونورة لا تتاخرون عن المدرسة
انا واتثاوب: ان شاء الله
امي: وترا الشغالة تعبانة اليوم يعني محد راح يصلح لكم فطور
انا: يالله ضاقت الا اليوم تتعب
امي: اقول قومي بسرعة وقومي هالدجاجتين
انا: طيب طيب خلاص

((طلعت امي... ورحت للحمام................بعد ماطلعت))

انا : وجع للحين ما قمتوا وومرض يالله قوموا
نورة & شروق: .........................<~~~~~ ما يحسون باللي حولهم
انا: هين بس اصلي الفجر واوريكم

((بعد انتهائي من الصلاة.......نزلت للمطبخ أجيب العدة ))

((في الغرفة))
طق طق طق طق طق طق طق طق طق طق طق طق طق طق طق
<~~~~~~~~~~ صوت القدر و الملاس والخاشوقة و انواع الازعاج

انا بصراخ: الصلاااااااااااااااة خيييييييييييييييييييييييير من النوووووووووووووووووووم

شروق: الله يا خذك خلاص بس ابو الازعاج
طق طق طق طق طق طق طق طق طق طق طق طق طق طق طق
انا: خلك احسن قومي يالله
شروق: خلاص باقوم بس اسكتي خلاص
انا: يالله انقزي بسرعة اشوف ولا لأزعجك
شروق: اووف خلاص عفت النوم
انا: ههههههههههههههههههع

((راحت شروق للحمام ))

انا :وجع و هالنوير ما حست لا زم اسلوب ازعاج ثاني امممممممممم

(( رحت للمطبخ رجعت القدور والملاس والخاشوقة .. وافتح الثلاجة اطلع منها جك مويا بآآآرد.. واصب منه في كاس.. ومن زود النذالة افتح الفريزر واطلع قطع الثلج..واصعد لها فوق))
((في الغرفة))

ووابعد الفراش عن وجهه نورة واكب الكاس و بكل ما فيه على وجهها وبسرعة شردت .. الا على طلعة شروق من الحمام

نورة شهقت: اهـــــــــــــــ
وقامت تنكس من البرودة
شروق: سلامات احد يرقص في هالوقت
وتلف لها نورة معصبه
شروق: وجع وشذا المنكب عليك
نورة: الله ياخذك يا شروقه مسوية بريئة
شروق: خير وش سويت..؟؟!!
نورة: آآآآآآآآآح في ثلجة ناشبة في بلوزتي واتفرغ لك آآآآآآآآح
شروق: هههههههههههههههههه كن فيك زيران
نورة واخيرا طلعت الثلجة: والله لا وريك
وانا توني ادخل الغرفة وبكل براءة: ووش قصتكم اسمع صراخكم وانا تحت؟؟!
نورة: نووف تكفين ساعديني باجلد هالبقرة كبت علي موية
شروق: وربي توني طالعه من الحمام ما سويت لك شيء
نورة: موعلي (( وتدور شيء بالغرفة تصفق شروق فيه وتفتح دولاب الجزم وما خلت جزمة ما شاتتها فيها))
انا مستانسة حدي : ههههههههههههههههههههههههههههاي عليها نورة تكفين في راسها جعله الفقش
شروق: ومرض بس خلاص آآآآآآآآآآي جت في راسي الله ياخذك
انا: نورة ترا ما احد مرتب الغرفة الا انتي وياها
نورة مفجوعة : اييييييييييييش ما سمعت
شروق: يا جعلك ما عاد تسمعين
نورة: آآآآآآآآآآآمين على الداعين
انا: اقول تراا الشغالة تعبانة وانتواا صلوا والبسوا ورتبوا حوستكم وانا علي الفطور يا جعلكم للسم
نورة: اووف بروح الحمام اغسل وجههي
انا: الله يقرفك من ذاك الوقت
نورة: وش اسوي قمت اتنكس من البرد

((بعد نصف ساعة...والطقاق على الغرفة كل شوي وحدة تدخل تغير ملابسها وهكذا ويالله جهزنا))

نورة: هاه وين الفطور؟؟
انا: تحت خلاص صلحت لكم الساندويتشات انزلوا كلووا
شروق: لحظة البس جزمتي
انا: المهم لا خلصتي انزلي
شروق: لا خلاص انتهيت

((ونزلنا....واقدم لهم الاكل))

شروق: احلااااا نويف من متى هالسنع
انا: اجل اصلح اكون زوجة صالحة ههههههههههههههههه؟؟؟؟!!!!
نورة: هههههههههههههههه يا زينك ساكتة بس
انا: طيب سكتنا كلوا وش تستنوون
نورة & شروق : آآآآآآآآآآآآآآآآآآآح حسبي الله عليك يا نوف الله ياخذك
شروق: مويااااااااااااااااء
نورة: نسيت وين مطبخكم فيه؟؟؟؟؟؟؟؟؟؟؟؟؟؟؟؟؟؟
انا: ههههههههههههههههههههههه على يمينك

(( ويركضون للمطبخ و يفتحون الثلاجة يدورون الموية مالقوو شربوا عصير داناو يبرد عليهم))

شروق: الله يا خذك وش حاطه في الساندوتشات ؟؟!!!
انا: حطيت فيها شطة وحبحر الحااار والموية اللي بالثلاجة كبيت كل اللي فيها بالمغسلة
شروق & نورة: وينطون علي تكفيخ وتسطير
انا : خلاص ووجع
شروق: ولا يكون انتي اللي كابه على نورة الموية وحطيتيها فيني؟؟!!
نورة: يعني مو انتي اللي كابة علي؟؟َ!!
شروق: لا وربي


نورة: والله ماخليك ((وكان بايدها قوطي العصير وتكبه علي ))انا: أأأأأأأح بااارد انا وشلون نسيت اكب العصيرات
نورة ووبابتسامة نصر: احسن خلك ومعليش سوري شروق
شروق: لا عادي اهم شيء بردتي حرتي فيها هههههههههه
انا: الله يا خذكم حستوا تجهيزي للمدرسة
نورة & شروق: هههههههههههههه
نورة: خذي لك شاور على السريع و غيري مريولك بسرعة
شروق: واحمدي ربك شعرك ما جاه شيء
انا: الله ياخذكم ياارب
شروق & نورة: ويا خذك معانا ههههههههههههههه

((واخذت شاور على السريع و لبست وجهزت بسسرعة... وهم صلحوا فطور لهم))

(( وطلعنا برا البيت ..واحنا نمشي رجلية للمدرسة ))

نورة: نوويف
انا: خييييييييير؟!
نورة: وش طعم العصير هاه هههههههههههههه
انا: ضحكتي بليا ضروس
شروق: آآمين على الداعين
انا: مالك خص انتي ؟؟!! ((وامشي بسرعة .. وهم وراي ))

((في المدرسة .. الفسحة))

جود: ياربيه اليوم طفففش
انا: حتا انا بعد طفشانة
جود: وش نسوي
انا: اممممممم
طراااااااااخ <~~~~ صقع راسي بطفاية الحريق
جود: هههههههههههههههههههههههههاي كل هذا حول
انا معصبة: ضحكتي بليا ضروس ((واحك راسي مكان الصقعة))جود:هههههههههههه اللهم لا حول
انا: الا تعالي نلعب بالطفاية
جود: من جدك؟؟!!
انا: لا امزح ووش رايك نلعب فيها
جود: وشلون بنفتحها؟؟
انا: مدري نحاول
ترررررررررررررررررررررن<~~~~ جرس انتهاء الفسحة
المراقبة: يـــــــــالله كل وحدة على فصلها
انا: يــــــــالله هذا وقته
جود: خلاص بالطلعة نهاية الدوام ننفذ ايش رايك
انا: خلاص اوك

((بعد الحصة السابعة والاخيرة))

ترررررررررررررررررررررررن<~~~~~ جرس انتهاء اليوم الدراسي
انا: يالله نبدأ
جود: اكييييد متحمسة
انا: خلاص انا بآخذ هذي الطفاية وانتي اللي جمبها
جود: بس وشلون نفتحها؟؟!
انا: فرفري فيها الين تعرفين بس بسرعة
جود: بس عرفت حركي ذا وبتنفتح

تــــــــــــــــــــششششششششششششششششششششششششششششش شش <~~~~ صوت طفاية الحريق

انا بصراخ: حرييييييييييييييييييييييييييييييييييقة النحشة النحشة
جود: والله انك رهيبة
انا واقز نورة وشروق يتمشون مع بعض واجي من وراهم وابخ في وجيههم ابرد حرتي فيهم على حركتهم اليوم الصبح

الاستاذة :إيــــهـ الي حصل ؟؟!! حصل إيه ؟؟!!!
واستاذة حامل تركض بكرشتها تقول محمد نور بملعب ضاربة سرعة 200 ههههههههههههههههع
واستاذة من الخوف جاتها ام الركب تتحرك "تحبي" كنها بزر من الخوف مصدقين انها حريقة
والفرّاشة تركض بمكنستها وطالعة كراعينها في حياتي ما شفت آدمية تمشي على رقم (11) هههههههع <~~ اقصد كراعينها 
وانواع واشكال وكلهم طلعوا لباب الطوارئ "باب المدرسة" والكل طلع

انا: كح .. كح جود تسمعيني.. وينك؟؟
جود:.....................................
انا كنت امشي وما اشوف الدنيا إلا ابيض×ابيض
وما ادري ادبج واطيح وتصك راسي في الطفاية للمرة الثانية ..
صرت طايحة بــــجود مغمى عليها انكتمت وكان فيها ربو
واشيلها واحط احد ذراعها على كتفي واحاول اطلع انا واياها لان خلاص ما فيه اكسجين
انا خلاص انهد حيلي وتعبت وحالي من حال جود وكنا قريبين من الباب جو بنات ويسحبوونا انا وجود لــبراا لساحة المدرسة الخارجية

انا: كح كح ((وبنات المدرسة حوالينا))
شروق بصياح: نوووووف تسمعيني ؟؟!! تكفين ردي اهـــــــئ
انا بتعب : وين جود
جود ساكنة بمكانها ...
انا بندم ودموعي اربع اربع : جود اصحي جود تكفين ردي وربي ما اسامح نفسي لو صار لك شيء جوود
اهـــــــــــئ


ايش يحصل لجود ممكن تموت؟؟
وايش راح يكون عقاب نووووف من المدرسه ومن امها وابوها؟؟
ممكن تكبر المشكله وتوصل الشرطه؟؟


اتمنى البارت يعجبكم وانتظر توقعاتكم^،^
..
..
..
طولته لعيوونكم

رووووعهههههه ككككمممممللللليي