السلام عليكم كيفكم عساكم بخير كيف اولادكم وبناتكم عساهم بخير كيف امكم وابوكم كيف خواتكم واخوانكم وخلاتكم وعماتكم وخيلانكم وعمانك >>> لقافة الحريم وما تفعل
المهم اتركم مع القصه المتواضعه المحبوبه الجميله الرائعه لانو باختصار من كتابت يدي >> يلعن ابو الثقه العمياء الي كذا
المهم كان في محشش سألو وش قمة الحيره كان يقول انا يضعوك في غرفة مستديره ويقولولك اجلس في ركنها والله انو صادق >>> مو كأن يبالي كف يرجع مخيخي زين
كان يامكان في قديم الزمان منذ زمن ابو جهل >>> الله يعينكم على الاكذاب اذا من اولها كذا اجل مدري وش تاليها
الموقع كونت جالسه في مدرستنا الحبيبه عساها ما تنحب >>> قامت دعاوي العجايز
العمر عشر طعشر سنه >>> الله الله ياالارانب >> كأني مغبره
الاسم اجن هواويه الي يقولو عليها مهايطيه >>> اعتبروها مدحه يعني با المختصر سلكو
كنا جالسين انا وشلتي الموصونه وكنا طفشانين وقالت وحده من صحباتي طفش وعاد قامت شياطينا تناقز فجاءه كلنا طالعنا في بعض وبتسمنا يعني سبحان الله كأن العقل واحد بتاعنا الله يحفظنا قولو امين >>> والله محد دقلكم حساب
طالعنا في بعض وجري على الحمامات وكل وحده تاخذلها شئ انا عاد معايا الفيري وحده من صحباتي معاها المويا وحده معاها مكنسة وحده معاها صابون >>> داخلين عمليه تشريح واحنا ما ندري
وروحنا ع الفصل بتاعنا و كبينا الفيري والمويا والصابون وجالسين نلعب ونتزحلط كأنو تزلج على غفله الي يشوفنا يقول كأنهم تحتهم ساحة تزلج بس احنا ندي امالنا لنفسنا وحده من صحباتي تقول بنات غمضو عيونكم وتخيلو تحتكم ثلج وعاد واحنا تنوح جينا صف واحد وغمضنا عيوننا مانحس الا مويا بارده مكبوبه على اجسامنا والمهم انا اروح جري واجيب الفيري واكبو على صاحبتي وحده من صحباتي جابت المويا وكبينا عليها والله شكلها نكته وجلسنا شويتين نطقطق على راسها بعدين رحمناها وتركناها المهم انا نزلت اسفل وروحت اجيب منشفه عشان نمسحو وانا نازله تحت لسؤ حظي انا طالعه المديره شافتني وجالسه تنادي عليا لكن انا مطنشتها مسويتلها اكبر طاف وكونت جالسه اجري على فوق وانا كونت اجري في الدرج كان اطيح وربي تعورت لكن مستحيل اترك فرنداتي >> تعلمو الوفاء من سو الحظ المديره كانت تطرد ورايا >> كأنا نلعب شرطه حرامي
[ندعوك للتسجيل في المنتدى أو التعريف بنفسك لمعاينة هذه الصورة] وانا عاد قومت وجري على فصلي وافك الباب بسرعه وصاحباتي يطالعون فيا مستغربين باين اني تعبانه واقولهم وانا الهث >>> كلب على غفله الهيئه جات وعاد وحده من صحباتي تزعق تسوي زي المصاريه يالهوتي يعني الهيئه دحين بتشيلنا تودينا السجن >>> شوفو بس كمية الغباء كيف
[ندعوك للتسجيل في المنتدى أو التعريف بنفسك لمعاينة هذه الصورة]وانا ازعق عليها ياهبله يا هبله مو كذا قصدي وحده فيهم داخله عرض يعني مو هيئة السوق وربي لما قالت هذا الكلام سطحت عليها هههه وحده فيهم قالتلها شكلك متأثر منهم لا هيئة المدارس قولت بصوت عالي لاحول انفك من جحا يجي حماره وفي هذا الوقت جات المديره وقالت بصوت عالي مشاءالله قالبين الفصل ومسوينو ملعب صابوني ومشيت الا شويه وتطيح يعني تعثرث وقعدت زي العاده تبربر على راسنا بعدين تذكرت نادتني بأسمي مين تقصدي بجحا وحماره تقصديني انا صح طالعت فيها وبتسمت وحده من صحباتي تكلمني بصوت واطي والله الي على راسه بطحاء يتحسس عليها صحباتي ضحكو وانا ضحكت معاهم طالعت فيا انا اتكلم ليش ما جاوبتي طالعت فيها كان اقولها لا مو انتي كان تقول الا انا وجيت بكحلها كان اعميها طيب دامك واثقه انو انتي ليش تساليني مايحتاج تسألي طالعت فيا وكمان لك عين تتكلمي بسرعه كلكم قدامي على الاداره وروحنا هناك على طول جلسنا على الكنب
[ندعوك للتسجيل في المنتدى أو التعريف بنفسك لمعاينة هذه الصورة] >>> ماعندنا وقت مشاءالله علينا على قولهم شين وقوة عين طالعت فينا وشر يخرج من عينها كمان عليها سويتو كل هذا الشئ وجالسين على الكنب لكن من جد الي ماتو استحو >>> عاكسه المثل صوح
[ندعوك للتسجيل في المنتدى أو التعريف بنفسك لمعاينة هذه الصورة] وجالسه تكمل بربرتها على روسنا والله شويه ويجينا النوم هذا اذا ماجانا وقعتنا محضر إنا مانعيدها وعاقبتنا انو انضف الي سوينا وبنات المدرسه يطالعو فينا ويبتسمو من بعد ما طلعنا من عندها وحده جاتنا يانذلات ليش ما نيداتوني معاكم عشان اعيش المغامره وقولنالها ياالله خيرها بغيرها انشاءالله نعوضها قريب وتكوني اول الحاضرين واليوم الي بعدو نادتنا في الاذاعه واحنا عاد مستغربين وشاقين الحلق طالعين نحسبها بتكرمنا ولا تقول شئ يشرف علينا مادرينا انها تقول لبنات المدرسه الي يخالف النظام يلقي جزاه وياخذ عقابو وبعد هذا اليوم الملي بالمغامرات صرنا احنا العظه والعبره لبنات المدرسه شوفتو كيف على قولهم خالف تعرف >>> مدري وش جاب المثل في الموضوع
[ندعوك للتسجيل في المنتدى أو التعريف بنفسك لمعاينة هذه الصورة]ما يستفاد من القصه
اذا كنت بتعمل جريمه او بتعمل مشكله اعمل اكبر مشكله وروق فيها وستانس لان في الاخير العقاب ينتضرك
عيش حياتك مثل ماتبي وخليك واثق من نفسك حتى اذا سويت شئ اقنع نفسك انك ماسويت شئ و انك برئ
اذا شفت الراس الكبر المديره تجري وراك في المدرسه اسحبي عليها مع اني متأكده انك ثاني يوم يقنشعولك مدرسه ثانيه
وتوته توته خلصت الحتوته *
