سوالف البنات في الطابور الصباحي

لسلام عليكم


البداية مع التفتيش

ليش مريولك موديله كنه فستان عرس ؟ أبله هذا ستايلي ..

ليش حاطة عدسات زرق ؟ أبلة عيوني هذي .. امي اوروبية .

ليش كل هذا الكحل ؟ أبلة عيوني كحلية طبيعيا .. . :

ليش المناكير ؟ أبلة هذي حنة سودانيه مو مناكير . :

ليش ما ترددين تحية العلم ؟ أبلة بلاعيمي تعورني .>> ههههه ومن الجهة الثانية صوتها ويا سوالفها واصل لآخر صف ..


ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة "حاشا القرآن "

ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!




طبعا في بنت رقيقة تصيح وفي بنت دفشة بكرة تجيب القبيلة كلها تشتكي .هههههههههههههه

وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.

نمر للبنات اللي مبققات عيونهم على المعلمات !! ..

وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام

وين أبله"قد اعذر من انذر" ؟ هذي عندها مناعة طبيعية ماتمرض عشان تغيب هي و ربيعتها نو بودي...

وين أبله الحجم العائلي ؟ اوف بعد مب غايبه .. لا وتشوف علي بعد شافها ملك الموت " عزرائيل " اليوم قولو آمين

شوفوا معلمة عطيات تنورتها تحفة .. خيالية.. آخر موضة .....من وين اشترتها ؟


عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .

والحين قبل لا نخلص نشوف سوالف الدلوعات : أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن وكل الناس تشوفني كاني أنا العروسة<<<معقوله>>>

تدرين مع من سولفت أمس بالشات ؟ مع لبناني وحاط صورته يمة يذوب ... شعر اشقر و عيون خضرا .



شفت فلانة امس فاتحة شعرها والكشه مغطيه خشتها

ولا علانة اللي كانت عايشة في ماليزيا اليوم جاية بقميص صوف والحراره 40 درجة غبية وحدة . << مايسوى على البنت
ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو
السبورة .. والله ينرحمون .
و في النهاية تجي معلمة و تقول مافي قلم : وين انتوا في سوق سمك ؟ ويقومون البنات ويضحكون على اي شئ كانهم خبايل


سوالف البنات في الباص


حال البنات في الباص غريب وعجيب !!

يعني مثلا


وحدة ناااايمة واللي بعدها بين الحياة والموت

واللي بعدها باربع بنات بنتين يتكلمون
البنت (1) امي قالت الى خالي فيصل بدها بنتي السوق
البنت(2) مو قلتي خالك هذا مسافر لندن
البنت(1) لا اللي مسافر هو خالي محمد
...البنت معرفتها على اسماء العائلة الكريمة






ومن جهة أخرى نجد الدافورات.. < الدافورات معناها الشاطرات وإللي يحبون العلم
البنت(1) الامتحان النحو صعب اليوم !!
البنت (2) اللي يسمعك يقول ماتاخذ علينا الاول اقول واللي يعافيك
اكرمينا بسكوتك
البنت (1) والله..صعب ماعرفت الاعراب انا شكيت هو (جار ومجرور) ولا (مجرور وجار)>>انه اقول نفسها


ومن جهة أخرى نجد بنات النت...
البنت (1) امس دخلت الشات ومالقيتك ايش فيك؟
البنت (2) انا داخلة لكني مغيرة اسمي
البنت(1) ليش
غيرتيه
البنت (2) مزاجيييييييييي !!
البنت(1) طيب وراك ماتردين على مواضيعك الحلوة
البنت(2) واللة مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك ماعينوك مشرفة وانا مسجلة بعدك خخخخخ



وفي مؤخرة الباص نجد الفن والطرب...
البنت(1) ماشفتي الحلقة الأخيرة من المسلسل أمس !!
البنت(2) إلا بااااايخه !! ماتوقعت هذه نهايتها !!
البنت(1) ايه صح مالها داعي
البنت(3) اليوم راح يجي مسلسل غيره شكله أحلى !!
البنت(1) لا المسلسل اللي راح يجي اليوم قديم أنا تابعته!!



وبجانب بنات الفن..نجد بنات البلاي ستيشن..
البنت (1) اللة ياخذ شركة كونامي مانزلت (سايلنت هيل 4)
البنت (2) صادقة..ماشاء اللة على شركة كابكوم تنزل ديسكاتها بسرعة
الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
البنت(1) احتمال لان(البرت ويسكر )فيه
البنت(2)
صدق..!!؟؟!!
البنت(1) ايه..قريت مذكراته ويقولون انه فيه...



ومجموعة ثانية تتكلم عن الطبخ
البنت (1) اليوم علي المطبخ ياي
البنت (2) اللي يسمعك يقول كل يوم قاعدة بالمطبخ اللة يرحم حالي
انا كل يوم عندي المطبخ والغسيل وكل شيء
البنت (1) لا الحمدللة انا مرة بالشهر
البنت(2) ياحظي..الا اقول تعرفين طريقة البسبوسة
البنت(1) ما بعرف ..ايه عرفتها انتم تشترون العجين>>>>> في بالها سمبوسة



واما بنات الميك اب والموضة
البنت(1) ناظرتي اخت العروس روووووووعة وخصوصا فستانها تهبل مووت>>> احلفي
البنت (2) ايه وشفتي الظل اللي مسويته قمة الغباء ليش مسويته تحت عيونها
البنت(3) يابنتي هذه الموضة لسه نازلة الاربعاء>>> ولا الخميس
البنت(1) اقول لاتعطونها وجهه ماتفهم بشيء
البنت(2) نعم..!! ايش تقصدين..لايكون تتكلمين عني....حدك
البنت (3) لا ياماما اكلم زوجة عمي خخخخخخخخ




فئة (ك ت ب )
البنت(1) عطيني
الواجب حق بكره
البنت(2) وليش ماتحلينه بنفسك من غشنا فليس منا
البنت(1) مو انتي ناقلته من اللي بجنبك
البنت(2) هاااه
البنت (1) اي..اقول عطيني>>>> يعني اجباري
البنت(2) انا نقلته علشان احنا معزومين اليوم
البنت(1) والله....واحنا معزومين على البحر خخخخخ

هههههههههههههههههههههههههههههههههه