ذلك الشاب .. أنهى الثانوية العامة بمعدل عال جدا

1) ذلك الشاب .. أنهى الثانوية العامة بمعدل عال جدا ..
فذهب لأبيه و قال : أبي .. أريد أن أدرس دبلوم أو في معهد صناعي في مجال ... لأني مبدع فيه !!

و يأتي الرد سريعا :

بدك الناس تحكي علينا !!!!

انت جايب معدل لازم تدخل فيه طب و تصير أحسن دكتور بالدنيا .. و لا بدك الناس تحكي علينا و تقول اني ما بدي أدخلك طب عشان مصاريفه كتيرة !!!!!




2) تلك الفتاة أنهت دراسة البكالوريوس بتفوق .. و حصلت على منحة دراسة ماجيستير في الخارج . فذهبت تحمل البشرى لأهلها ..

ولكن ..
يأتي الرد سريعا :

بدك الناس تحكي علينا !!!!

بدك يحكوا ما عندنا شرف و ما بنخاف على عرضنا نطلع بنتنا ع الغربة !!!!




3 ) شاب أنهى دراسته الجامعية و كان قد ادخر مصاريف الزواج .. و طلب من أهله أن يذهبوا لخطبة زميلته في الدراسة ..

و يأتي الرد سريعا :

بدك الناس تحكي علينا !!!!

مالها بنت عمك !! انت ناسي اني أنا و عمك قاريين فاتحتكم من انتم و في اللفة !!!!
بدك يحكوا فرط في عرضه و راح ياخد من الغرب !!!




4 ) بعد خطبة تقليدية طالت شهور بين شاب و فتاة .. يذهب الشاب لأهله قائلا : لا يوجد بيننا توافق فكري و لا انسجام ولا حوار بيننا !! أريد أن أنهي هذه الخطبة !!!

و يأتي الرد سريعا :

بدك الناس تحكي علينا !!!!

بدك يحكوا عنا بنلعب ببنات الناس و ما عندنا دين و لا أخلاق !!
بلا توافق بلا انسجام بلا بطيخ .. رح تتزوجوا في أقل من شهر !!!!!




5) تأتي الفتاة تستأذن أهلها في قبول دعوة صديقاتها للذهاب للمطعم بمناسبة عيد ميلاد إحداهن !!

و يأتي الرد سريعا :

بدك الناس تحكي علينا !!!!

بدك يحكوا بنتنا نازلة تدور مع البنات هان و هان !! .. ما عندنا بنات تروح على مطاعم ..




6 ) حملت شنطتها و طرقت باب بيت أهلها ..
و قالت : لن أستمر مع زوجي يوما واحدا بعد الان ...
مللت من إهاناته و ضربه !!!


ويأتي الرد سريعا :

بدك الناس تحكي علينا !!!

بدك يحكوا حردانة و بدها تتطلق كمان !!!
بس بلا جنان .. يلا معايا لحتى ترجعي على بيت جوزك .
بدك الناس يحكو علينا


كلام الناس .. كلام الناس !!!


السؤال




متى راح يخلص كلام الناس؟؟؟؟؟ !!

يسلموووووووووووو يا عسل

يسلموووووووووووووا

يسلموووووووووووووا

[ندعوك للتسجيل في المنتدى أو التعريف بنفسك لمعاينة هذه الصورة]يسلمو

يسلمووووووو حل لا بس الناس على شرف بناتهم اكيد ما يسكتوا

يعطيك العافية اخوي