روآيهـ نوورهـ و جدتها الزااحفهـ

:السلام عليكم ورحمة الله وبركاته

أخبآركم يآسكورييييين <~جمع سسكر <~دآرستها بالقوآعد <~تعلمكم انها شآطره ..

اسمعو بس <~وش قالولتس صقهان هم مآيسمعون..!

آآآآآم واانا افحط في بعض المنتديآإت لقيت وحده مششالله عليها مألفه قصـَـَه من عندها وصرآحه قريتهـآ كلهـآآآ تفطسسسسسسسس ضحك يعني عندها اسلوب بطل واتمنى مو متكرر وللامانه منقووول

المهم وحبيت أنزلها فيذا ابيكم تضحكون زيي <~مآبي اصير نذله

وطبعأ كل يوم بنزل جزء

اذا شفت هآك الردود الي تفتح النفس موب تقولون (قصه حلوه شكلها إن شالله نقرآها )ثمن تسحبون ترى أعرف هالحركآت أنا هذي على مين تلعبها يمنآحي

المهم أدري إني مآعندي سآلفه وأنكم مرآآآح تسمعون شيء من كلآمي بس وش نسسوي الششكوى لله

يالله أحجزو مقآعدكم

الهدف من القصه : رسم الابتسآمه ع وجيهكم مثل وجه هالطيب>>

وإن أعجبتكم هالله هالله بالتقيم <<عليها90 خط... والسسمعه[/center]

بس ترني من زمان قاريتها واتمنى لو يصير كلام مو زين حقكم علي[/color]

يتبع

الجزء الأول

//

جدتي ياجدتي ياجدتي

هذي جدتي صيته فاكهة البيت< غصبتني امدحها

جدتي صيته طال عمركم عمرها وشسمه الظاهر 90 المهم ان العداد فطس وهي لهاالحين حيه

جدتي هذي مأذيتنني وذا ماغير تسرق نعالي

ولسانها اللهم ياكافي خلوني ساكته احسن

وذبحتني بالقهوه ماغير دله رايحه ودله جايه

حتى اني في عرس اختي ماخذتلها صوره مع دلتها<المفروض تاخذها مع العروس بس جدتي الله يهديها

وبعد وشسمه لاشفتني على الابتوب نشبتلي هذا وش هو يهرج معتس طيب علامه مايكل ومايشرب مثلنا يوم انه يهرج

المهم ان هالجده هبلت فيني

انا عطيتكم مقدمه عن جدتي
وماعرفتكم علي
انا نوره عمري 20سنه تخرجت من الثانوي وجلست بالبيت لأن نسبتي تفشل مادخلك حتى قسم فراش

عندي أخت اصغر مني بسنتين
اسمها هيا اقرب وحده لي

وعندي أخت اكبر مني اسمها حصه عمرها 36 سنه متزوجه وعندها ولد وبنت

وأخوي الطيب الحنون الي مايناديني الا بانواع الدلع

يعني مثلآ لاكان رايق يناديني بسحيله ام الخلاقيين

هذا اخوي اسمه فارس

متوظف طبعا ومزيون البنات يتحاذفن عليه من كل جهه

**************

اتركم عاد انا بروح لامي تناديني واذا شفتو امي تبوسني غيرو القناه لو سمحتو

امي: نوير ياجعلتس ماتعرسين
انا: هاآآآه وش تبين وانتي ماغير تدعين على ماأعرس وتقولين انتي ورى ماجاتس خطيب ولاحد طق الباب يبيتس
من دعاويتس الله يحفظك

امي وهي وشسمه منزله نعلتها ومسكتها بيدها اليمين : مواعينتس ليش ماغسلتيها للحين

انا:وش رايكم اتوظف خدامه عندكم مو احسن هالحين المواعين بتطير خلاص بروح انظفها الحين

امي وتحذف النعله بالأرض ومير تلبسها: يالله يالله غسليها وسويلنا دلة قهوه

وانا اصرخ على امي: خير مافيه الا انا بالبيت وينها هذي بنتس المصون هيا ماتجي تساعدني

هيا وهي تطل من الدرج: انا عندي أختبار تحسبيني مثلتس فاضيه

امي: ايه يابنيتي روحي ذاكري شدي حيلك وجيبي نسبه تبيض الوجه مومثل بعض ناس

انا:خير خير من تقصدين هذا وانا ماني مقصره معكم
<<وقمت ابتسي واقول

ياربي انا ماحد يحبني مالت عليكم وعلى من يقعد في هالبيت
المهم اني رحت للمطبخ اغسل هالمواعين
واسمع عصاة جدتي جايتن للمطبخ
وجايبه خويها معها << الدله

مير واجي ورى الباب يوم دخلت وانا اخرعها
ذا وهي تصمخني بالدله
انا: يااااجده والله ماينمزح معتس
جدتي: انتي من
انا: انا خيريه بنت حسب الله
جدتي: والله والنعم فيتس
انا: والنعم بحالتس جده شكلي بفقد عقلي والسبه انتي

جدتي: اجل انتي فيتس عقل

انا: لحظه جده تراني من اصبحت وانا اهانه ورى اهانه تجيني
جدتي: انتي نوره مير جابتس الله دوتس سويلي قهوه
انا: استغفرالله الظاهر مكتوب على جبهتي عامل قهوه
الله يصبرني

المهم قعدت اغسل مواعيني واغني بصوت عالي وانا رافعه قميصي لنص ساقي ومتحمسه + مندمجه
الا والتلفون يرن

عاد انطلقت له ورديت وانا الهث

انا: الو
المتصل: السلام عليكم
انا:وعليكم السلام
المتصل من انتي
انا:وش دخلك
المتصل:الباب
انا:لحظه خلني اتغصب الضحك هاهاها
المتصل موصاحيه انتي
انا من سنة عيص ميص ماني صاحيه
المتصل:هههههههه اقول امتس وين بس
انا:بالحمام وش تبي
المتصل:طيب قوليلها ان ناصر اتصل
انا مانعرف واحد بهالأسم على العموم دق بعد يومين يمكن نتذكرك
ناصر:انتي متأكده انتس صاحيه
انا:الحمدالله والشكر وش رايك اجل نايمه والي يكلمك من يالخبل
ناصر:ههههههههههههههههههههههههههههههههههههههههههههه

ملاحظه وياليت ماتدققون واجد بهاالملاحظه: تقطعت يوم سمعت ضحكته

امي: يآآآآآآآوه انتي من تكلمين يا.....طوط تم التشفير حفاظا على سمعت المنتدى

انا: تعوذي من ابليس واتفلي عليه يايمه هذا واحد ناصيتس انتي

امي وتورد خدودها: هو من

انا: ياخراشي ياخراشي وش عندها نانسي وردت خديداتها

من قلت هالكلمه مادريت الا نعلتها في جبهتي

وحطيت رجلي للحوش والقى جدتي منبطحه عند دلتها الفنجال ورى الفنجال

انا: مسيتي بالخير ياأم خلف
جدتي مسيتي بالنور والسرور اقلطي اقلطي ياالله حيها تو مانور المكان
انا:الله مير يسلمتس والله مستعجله وراي شغل ماخلصته

جدتي: العمر يخلص والشغل مايخلص حلفت عليتس فنجال واحد بس
انا:انتي والله مافاصل مختس غيرهالفنجال
واسمع صوت امي جايه
وانا اطمر ورى جدتي: انا ناخيتس ياأم خلف انتس تفكيني من هالمبليه

وجدتي أتحمس وتحذف الفنجال ويروح الفنجال ستين قطعه بالحوش: انا بنت ابوي والله ماتمس شعره من راستس
انا:كفووو والله
ومير تجي امي شايشه مدري وش قايلها الزفت ناصر

امي: انتي انتي يومنتس مستلمه الرجال بلسانتس انتي ماتستحين
جدتي وهي تمد عصاتها:وخري هنا لاخلي هالعصى ترقص على ظهرتس
انا:وقصم بالله اني بس هذا قلت هذا

امي: ايه تلعثمي تلعثمي يالي ماتستحين فضحتيني جعلتس ماتربحين

انا:انتي وش حقه معصبه ومنهو هذا

جدتي: نوره وش جايبتس وراي
انا:تكفين لا مو وقته تشبكين هالحين
امي:هذا ولد عمك الحين معاد هو خاطب منا ابد والسبب السانتن

انا: ولد عمي وخير ياطير لايخطب بالطقاق ,, اصلاً انا قاعده على تسبدتس مافيه زواج لاتحاولين نيهاهاهااااي

المهم ان امي ماخلت كلمه حلوه ماقالتها لي << اي اي هين

//

انتظروني بالجزء الثاني

يتبع

الجزء الثاني

في صباح يومآ جديد

هيا: قومي يالخبله من اليوم نايمه

انا:هيوش اطلعي برى احسنلك

هيا:ياويلتس من امي معصبه تحت قومي بسرعه

واسمع صرخت امي وانااقوم بسرعه واحذف هيا برى الغرفه

وانطلق اغسل وبعدماخلصت

نزلت تحت وانا انطلق للمطبخ ازين فطورهم

رتبت الفطور وزينت السفره
وجبت قهوت جدتي عشان ماتمردغني( تكفخني) بعصاتها

واناديهم كلهم وتجي جدتي اول وحده وتجلس على السفره
واناجالسه جنبها انتظرباقي العايله تجي

وجدتي تمد يدها وانا الي اطقها بخفيف واقول:اصبري لين يجون يالمشفوحه

جدتي:سود الله وجهتس ترديني عن عيشتس

وانا اطالع فيها بطرف عين وامد يدي واكل(ناويه اقهرها : ايه اردتس ونص انتي مشفوحه لامديتي يدتس راح كل الي سويته غلطه

جدتي:الله يالدنيا نسيتي يوم اجيبلتس بسكوت ابو هلال وماجيب لأختس مزنه
انا:اهاااااااااااااا بدينا بالفصله الي مال امها داعي ,, مزنه أختي يامفتريه

جدتي:اقول الشرهه ماهي عليتس على من يجلس على سفرتس صبي قهوه صبي

مير واضحك على شكل جدتي واصبلها قهوه

ويجي اخوي فارس الرقيق الحنون ويدزني والا اني بحظن جدتي

انا:هيه انت !! قلت الاماكن مالقيت الامكاني

فارس:اقول بس قهويني بسرعه بأمشي الحين

انا:وين بتطس

فارس:مو شغلك

انا:لاشغلي ونص انت هالأيام كاثره طلعاتك وانا أوخيتك ماتطلعني

فارس:أيه تيبغيني اطلعك انا مانسيت اخرمره طلعتك فيها فظحتيني فظيحه خليتيني مضحكه بوقتها

انا:ياشينك بوقتها مدري وش جاني كنت فاضيه+فاصله

فارس:هالأسبوع لاتحلمين اطلعك وبعدين على حسب يمكن ماطلعك ابد

وانا اقوم واحب راسه:ياحليله اخوي اطيب انسان بالدنيا هذي

جدتي: مافيه اطيب من سعد

فارس:سعد من ياجده

جدتي: سعد الي جنبك

وانا اطالع فيها بخز:انا سعد ياجده
فارس :ههههههههههههههههههههههههههههههههههههههههه
ههههههههههههههههههههههه شكلتس ضابط على سعد
وانا أحط حرتي بالخبز عشان ماغلط على جدتي قدام فروس وبعدين مايطلعني

المهم جت امي وهيا
وتجمعنا على الفطور وافطرنا
بعد الفطور رحت اغسل مواعيني

واسمع امي تصرخ من الصاله علي
امي:يآآآآنوره جدتس كبت القهوه بالحوش روحي اغسليه

انا:خير ان شاءالله انا عندي شغل بالمطبخ خلي هيوه تغسله
امي:هيا تذاكر اغسليه انتي بيجي رجال الحين لاتفضحينا

انا:تذاكر احلقي راسي على الصفر ان كانت صدز تذاكر
وانا ارفع قميصي وانا اتحلطم واطلع للحوش والقى جدتي تغني

وانا اقول الجدتي:جده اطربيني انا باغسل الحوش وانتي غني
جدتي: يالله يافهده بغنيلتس وارقصي

وانااضحك بصوت عالي مثل السكرانه : فهده ههههههههههههههههه

واشغل المويه واقعد اصبه فالحوش واحط الصابون عشان يحلى التزحلق

وجدتي تقوم تصفق وتغني بصوتها النشاز لا ونص الحروف بالعتها

مير وأتحمس وفك شوشتي وارقص

عاد رافعه القميص ومستانسه بشعري الغجري(قالبته الشمس وصار غجري)

وفي أثناء حماسي سمعت ضحكه قويه

وانا التفت والقاه واحد اطخم عريض المنكبين طويل لابس نظاره كوشخه وش اقول وش اخلي شاب مزيون مزيون ياخذ العقل

مير وافهي بوجهه وهو يضحك

واسمع صوت اخوي فارس يصرخ : درب درب

وانا التفت بنحاش واشوف جدتي تحزم ثوبها وتحط رجلها

افآآ هذي وانها تشكوى من رجولها اشوفها وش سبقها الحين

وادخل بسرعه داخل وانا وجهي مولع نار واحس وجهي يعرق واصدم في هيا

هيا:وش فيك وجهك علامه صايرا طماطه
انا مازلت مفهيه وفاتحه فمي تقل مسطوله
هيا:ياشينك ليش دخلتي كنت جايه برقص معكم

واسمع صوت فارس وهو جاي وانا أحط رجلي وادخل المطبخ

يتبع

الجزء الرابع

مر اسبوع وكل يوم مثل اليوم الي قبله

انا:جده وش أخبار ابو عيالتس
جدتي:والله ماعليه مرتاح ومستانس
انا:سمعت من ناس يقولون انه يدورله على بنت يبي يتزوجها
جدتي:يآآآوه والله مايسويها مادامني حيه
انا:والله هذا قول الحريم
جدتي:يهبي ان كانه سواها صحيح والله لاهج عند اهلي << وانتي اهلتس للحين عايشين

انا:والله ياجده ان هجيتي صحيح انتس خبله بتاخذ مكانتس الحرمه الثانيه

وتجي امي في هالحظه

امي:انتي جالسه هنا
انا:لاوالله يايمه انا جالسه هناك
امي:تستهبلين انتي!!! قومي قومي سويلي حلى انا عازمه جاراتي العصر يبايجني
انا:نقي الحين دراهم واسويلتس حلا
امي: وش حقه دراهم ياحافظ تبيعين على امتس يالي ماتستحين
انا:لامابيع لي اسبوع اطلبتس فلوس بروح لسوق ابيلي أغراض
امي:ايه زين زين بعطيتس بكره الحين قومي سويلي حلى
انا:لاوالله تضحكين علي انتي
والله ماسوي لين تعطيني دراهم
امي:يابنت انتي تفهمين ولا لا فلوس هالحين ماعندي بكره اصرف واعطيتس
انا:ايه هين انطر ياحمار لين يجيك الربيع

ويدق التلفون واقوم ارد عليه

انا:الووو
المتصل:اهب ياوجهتس ماتعرفين تتصلين على اختك وتسألين عن اخبارها
انا:بسم الله لاسلام ولاكلام اكلتيني بقشوري خير من انتي!!
يؤيؤحصيصه ياويلي من زمان عنتس ياوخيتي وش اخبارتس وش علومتس

حصه:انقلعي بس لاتكلميني
عطيني امي بس
انا:انقلعي انتي الي داقه موب انا ههههههه

حصه:وتضحكين بعد
انا:حقتس علي والله وش اسوي مشغوله وقصم بالله
حصه مـشغوله بشنو ياحظي جالسه بالبيت لادراسه ولاشغل وش مشغلك قوليلي
انا:ايه يحقلتس ماتصدقين اسألي امتس وجدتس وش مشغلني من اصبح وانا ماغير اكرف في هالبيت
وقهوه رايحه وقهوه جايه للجده المصون

حصه:احسن بعد عشان بكره لاتزوجتي تطلعين ربه منزل ممتازه
انا:ومتى اتزوج وافتك ماعندتس خطيب لي منيه مناك
حصه:هههههههههههههههههههههههه
الرزق على الله ياوخيتي
انا:اي والله الرزق على الله بس هم مايمنع تدورين لختك معرس مالت عليتس

حصه: هههههههههههههههههههه ان شاء الله بدورلتس وارسله لتس فيدكس وش تبين بعد

انا: ايه يكون احسن بعد وياليت تكونين مغلفته زيين وحاطه عليه فيونكه تخبرين احب الفيونكات ههههههههههههههههه

حصه: اقول بس وين امي خليني اكلمها انتي ثراثراه مايخلص كلامتس ابد

انا:الشرهه ماهي عليتس على انا الي مضيعه وقتي مع وحده متزوجه لحظه بناديها

وانا انادي امي بصوت عالي (قولي صراخ مو عالي) وامي اصلا جنبي بس كذا فهاوه

انا:ياست خيريه تعالي ياختي بنتك عوزاك

امي:وجع قصري صوتس وش حقه تصارخين
هاتي التلفون وروحي سويلي حلا يالله
عطيت امي التلفون ورحت للمطبخ احوس فيه

وانا احوس في المطبخ واغني مثل العاده

دخل اخوي فارس : السلام

انا: سلمنا من شرك

فارس: يؤيؤ رد السلام واجب يالخبله

انا ومن دون نفس: وعليكم

فارس: وش فيك تكلميني من راس خشمك

انا: والله مانتبهت اني اكلمك من راس خشمي احسب اني اكلمك من فمي اشوى انك نبهتني

فارس: ههههههههههههههه لالا شكلتس زعلااانه

انا واسوي نفسي ثقل والف مثل الأفلام واكلمه وانا معطيته ظهري : ايه زعلاانه

ويلف ظهره اخوي فارس مثل الأفلام بعد : وش مزعلتس ماذكر اني مسوي شي

انا : انت واعدني تمشيني ولاشفت لك تمشيه مالت عليك

فارس: اهاااا ليه انا ماقلت لتس

انا: وشووو لا ماقلت لي

فارس: الخميس هذا بطلعكم مع عمي ابو ناصر

انا سويت كذا بالبدايه

انا هنا وجهي تلون وصاار احمر واخظر واصفر يعني صار اشاره بالعربي

انا: قل قصم ؟؟

فارس: اي والله بطلعكم معهم للبر ناصر هو الي اقترح طلعة البر وهو المتكفل فيها كامله

انا : طيب وشسمه بنات عمي بيطلعون معنا

فارس: لا وش حقه يطلعون ,,,وش رايك يعني اكيد بيطلعون

وانا اصفق وجهي : جااك الموت ياتارك الصلاه عزالله عينت خير

فارس وهو فاتح فمه وعلى راسه ميت علامة تعجب : ليش ؟؟؟؟

وانا انتبه اني قمت اهذري وفارس عندي قلت خلني ارقع : ايه مو مصيبه لاجوبنت عمي
هن كشخااات وانا تخبرني ماعندي ملابس كشخه

فارس: بس!! احسب عندك سالفه,,, بسيطه روحي لسوق وتقضيلك كم غرض

انا: ايه بروح اكيد هذي فيها اهل عمي وانت الي بتوديني لسوق واليوم مفهوم

فارس: هههههههههههههههههههههههههههه اشوف يمكن مافضالك

انا: فروس بلا استهبال تبيني انفضح عند اهل عمي

فارس وهو يناظر بمكر فيني: يهمونك هم!!!,, البسي اي شي من هدومك

وانا اصرخ : فرووووووووووووووووووووس لاترفع ضغطي بتوديني لسوق يعني بتوديني

فارس طلع وهو ميت من الضحك على شكلي يوم عصبت

وبعد ماطلع فارس انا قمت اهذري بالمطبخ وادور فيه مثل المجنونه واقول بنفسي

ياويلي وش اسوي معاد ابي اطلع ياررربي ,,

الله يقطعك يافارس اقولك طلعني الحالي,,, وتروح تطلع معنا ناصر واهله

الحين بالله كيف بسولف وكيف بضحك انا ماعرف امسك نفسي واصير ذربه

مير والله لعيونك يانويصر لاصير ذربه لازم اتكشخ واتزين عشان خواته ينهبلن علي ويخلون ناصر يخطبني

هيا: هييييييييييييييييه لي ساعه انادي ماتسمعيني

انا: خييير وش تبين خرعتيني

هيا: وش عندتس سرحاانه

انا: تعالي ياهيا مصييييييييييييييييبه مصيييييييييييييبه

هياو تفتح فمها : وش فيه وش مسويه يالملعونه

انا: انتي تفكيرك دايم منحرف مثلك وش مسويه مالت عليك اقولك مصيبه

هيا: طيب قولي وش مصيبتك

انا: الخميس بنطلع مع ناصر واهله ياااويل قلبي عز الله طار ناصر من يديني تهيء تهيء

واقول السالفه كلها الهيا

هيا: طيب عادي خليك مثل ماأنتي ولاتتصنعين الدلع ومدري شنو وصدقيني بيحبونك

انا: تهقين يعني ,, انا مايهموني هم انا يهمني اخوهم الدبيجه

هيا: هههههههههههههههههههههه صار دبيجه الحين وامس تكتبين فيه قصايد ياحظي

انا: آآآآآآآآآآآآآآآآه ياقلبي روحي روحي خليني اسوي حلى لامي لاتذبحني

انتظروني بالجزء الخامس

نيهاهاااااااهااااي

يتبع

الجزء الخامس

بعد العصر جونا جارتنا كلهن تجمعن

وامي تغصبني اطلع لهن تبيني اقهويهن << ايه هين الا تبيهن يشوفني اكود يخطبني

بس انا مابي انا حطيت براسي نويصر ولد عمي يعني حطيته ولاهو طالع من رااسي الا اذا تزوجته

المهم جلست عند هالمحرم وقعدت اقهويهن وهن ماغير الفصفص مالي فم كل وحده فيهن

وحش في خلق الله ,, فلانه تزوجت وفلانه انحاشت من رجالها وفلانه تطلقت وفلانه ياحرام كبرت وللحين ماتزوجت

دبلن تسبدي وانا ماغير اجاملهن << لاجابن طاري العنوسه يجرحني

المهم ان جدتي معهن جالسه وهبلت فيهن خلتهن يكرهن الجيه في بيتنا

جدتي: انتن وش تبن باأعراض المسلمين من جلستن وفلانه سوت وفلانه حطت هااه

ام عادل جارتنا: الله يهداتس ياخاله حنا نسولف

جدتي وتمد العصاه تبي تهبدها بس انا مسكتها لاتهور : سولفي مثل العالم والناس مو ماغير تهرجين بخلق الله

امي ووجهها طايح : يايمه الله يهديك انتي علامتس

جدتي: انتي وراتس ماغسلتي هدوم عيالتس بس فالحتن تعزم هالمحرم وبيتها مهملته

انا بخيت بضحكه عجزت امسك نفسي

وامي وجهها يتصفق الوان واشكال

المهم ان جدتي ماقصرت بردت حرتي فيهن

وبعدها ضفن وجيهن وطسن لبيوتهن

واانا اطير عند امي : يالله يالله نقيلي دراااهم واجد بخلي فارسوه يوديني لسوق الحين

امي: ماعندي فلوس الحين بعدين بعدين

انا: أأأقول بدينا بشغل النصب انتي واعدتيني يايمه ترى ان ماوفيتي بوعدتس بتصيرين منافقه

امي: مشاء الله متى ربيتي الحيه وصرتي مطوعه وتعرفين النفاق بعد

انا: منذو مبطي اخلصي يمه تكفيييييييييييييين

وقعدت اهاابد عندها وابتسي اكود تحس فيني

ولا مافيها فايده جلده ,,, الين جت هيااا

هيا: يمه لازم تعطينا فلوس نبي نكشخ فارس يقول انا بنطلع يوم الخميس مع اهل عمي ابو ناصر

وامي تنهبل : ليه ماعلمتني ياويلي اجل دوتس دوتس الصرافه واشتري احسن لبس تشوفينه

لاتفضحيني وتشترين ثياب عجز انتبهي

وانا احط يدي على خصري : ياسلااااااااااااااااااااااااااااام لي ساعه اقولتس عطيني فلوس يوم قالت هيا ان اهل عمي بيطلعون معنا كشته وانتي تحذفين الصرافه علي

امي: ايه ابيتس تطلعين حلوه اكود ينظرون فيتس ويخطبونتس وافتك من مقابل خشتس

هيا: ياويل حالي يانوره امي معاد تبينا شكل ان ماجانا خطاب بتحذفنا بالشارع

انا: تهيء تهيء ايه اشوفها مير ماعليتس وانا اختس ان شاء الله انا بنتزوج قبل لاتحذفنا

هيا: ههههههههههههههههههههه

مير وتقوم امي وتلحقنا بنعلتها تبينا نخلص ونروح لسوق

امي أحترقت ياعالم اكثر مني

عاد رحنا لسوق انا وهيا

مير ونفر من محل لامحل وشسمه وندخل على محل الي يبيع فيه لبناني

واختكم في الله ماصدقت اني شفت لبناني وانا اسنتر عنده بالمحل

وهو يعرض علي بضايعه وانا فاتحه فمي مفهيه

واختي هيا تكزني ذيك الكزه الي بغت تسبدي تطلع من وراها

انا: خيير وش تبين

هيا: وش عندتس نشبتي بهالمحل

انا: كيفي عجبني

هيا: ياالفالحه هالمحل مانقدر نشتري منه

انا: وليه ان شاء الله

هيا: شوفي اسعاره وبعدين تكلمي مالت عليتس هالمحلات لناس الهاي مو لنا ياوجه الفقر

انا: احلفي يافشلتي عقب ماسحبت بهالبناني من اليوم وهو فرحان يحسب اني بشتري

هيا: صرفي عمرتس مثل مانشبتي فيه

البناني: شو عجبتكون هالئطعه

انا: ايه مووووووت موووت تهبل

هيا قامت تضحك وتسوي نفسها تكح

انا: طيب خلها عندك شوي بروح اصرف واجي

البناني : عادي عنا هون صرافه

انا واقول الهيا بهمس : ياذا النشبه وش السواه

هيا: عطيها كاش بوجهه وماعليك منه خلنا نخلص

انا: اخوي بكم عليه هالبلوزه

البناني : بعد الخصم بتطلعلك 950 ريال

انا: يؤيؤيؤ هذا وهو بعد الخصم لالا مابيها

والبناني يطالع فيني بشمئزاز عرف اني بنت فقر الملعون : لكان لشو داخله هالمحل

انا: داخله اتفرج عليه عندك مانع

اهم شي انه انطم ماقدر يرد علينا نيهاهاهاهااااي

وبعدها طلعنا وحنا ميتات من الضحك

المهم لقينا محل على قد دراهمنا واخذنا منه ورحت اقيس بغرفة القياس

والقى وحده ناااعمه واقفه عند باب غرفة القياس تقل كنها بالأبتدائيه حاجزه مكان يعني

وانا اقولها : وخري لو سمحتي ببدل

البنت : لا سوري انتظر اختي الحين بتجي وتبدل

انا: ليه هو ملك ابوك وانا مدري

البنت وهي تهز كنها رقاصه: مو شغلك

هيا: لحظه نوره هالأشكال ماينتفاهم معها بالكلام

انا: هااه اجل شلون

وتقوم هيا وترفسها وتطلعها من غرفة القياس غصبن عنها

مير وانا وهيا نفقعع من الضحك ودخلت انا اول وحده بدلت وطلع مضبوط

وبعدها دخلت هيونه بدلت وطلع مضبوط

وحنا نطلع ونلقاها واقفه عند الباب تنتظر اختها الي شكلها سحبت عليه وهي عيونها متغورقه دموع من القهر

انا: هيا والله مايهون علي بعد ماطلعناها بالغصب اتركها هنا

هيا: افا عليك وش تبين بس امري انتي

وهي واقفه تخز فيني وفي هيا ثم ميلت علينا وقالت : عاالم همج

وانا امسكهاا واجرها مع شوشتها مير واسدحها بالأرض ونصب عليها مويه انا وهيونه
ورجعناها الغرفة القياس وسكرنا عليها

وحنا ميتاات من الضحك

وعقبها انحشنا من السوق كله هههههههههههههههههه

رجعنا للبيت ومبين على وجيهنا انا مسويت بلاوي بس ماأحد سألنا

وبعدها رقينا لغرفنا نبي نسوي بروفا قبل الروحه للبر

شوي وانزل الجزء الي بعده

يتبع لاحد يرد

الجزء السادس

اليوم هو يوم الخميس يوم طلعتنا للبر مع عمي ابو ناصر الي ماشفته لي سنين والسبب مشاكل عائليه ماعرف وش المشاكل بالضبط

الساعه الحين 5 الفجر

البيت ماتسمع فيه غير صوت الصحون وهي تطيح واصياح جدتي على هالصبح تصارخ تنادي زوجها صنهات الي مدري متى طلع

واناساعه مقابله المرايه واحاول اشخط عيوني بدقه بس من الأزعاج الي اسمعه والرجفه الي بداخلي خلتني احوس عيوني حوس

هيا:يمآآآآآه وش فيهاعيونك تسذا وش هالرسم انتي ناويه تصورين فلم رعب

انا:امانه موب حلو
هيا : لاوالله موب حلو ناويه تنحشين الناس انتي

وانا الي اطقها بتسوه:وش ازين ياهيونه عجزت ارسم خلاص انا مابي اروح

هيا:وشو تبين امي تذبحنا قومي غسلي وجهك وانا بزينك عدل انتي شكلك مرتبكه

انا:اي والله مرتبكه بشوف اهل ناصر اليوم ,, هذا وانابس بشوفهم صارفيني كذا كيف لاتزوجت ناصروه

هيا:هههههههه لا لاتزوجتيه بتغير امور كثيره

انا:تهقين

هيا : اي اهقى ونص

المهم وبدت هيا تزيني وامي تزين فطور سنع وتجهز العده
عاد غريبه امي هالمره مانادتني اساعدها

خلصنا على الساعه 7

شلنا عفشنا كله بالسياره
عاد اول ماطلعت وشافني اخوي فارس وهو يبخ من الضحك انا على طول شكيت ان في شكلي شي غلط

انا:سلمات يابوالشباب بوه شي يضحك

فارس وهو مبتسم على الأخر:لاأبد بس تذكرت شغله وضحكتني

انا:طيب ضحكني معك مشتهيه اضحك

سفهني الهيس ومارد علي
وهومازال يضحك لاطالع فيني
انا مدري ليش شكيت ان فيني شي غلط

ركبنا السياره ومشينا للمخيم

وحنا في السياره قمنانتهاوش انا وجدتي << موشي جديد

انا: جده وخري عصاتك عن وجهي
جدتي: الحين تركتي العالم هالي راكبه السياره
وماحطيتي حرتك الابعصاتي
انا:بلى عصاتك بتخش في عيني
امي:انَ لله تقابلن عااد ريا وسكينه
فارس:انتي عاد يانوروه بليس ماينركب معتس اعقلي اعقلي وخلي جدتس بحالها
انا:ياسلام الحين طلعت انا الغلطانه لافقعت عيني جدتي مانتم نافعيني
هيا:فروس تكفى شغل اف أم خلنا نوسع صدورنا
امي:يالله صباح خير على هالصبح تبين تسمعين أغاني
جدتي:ايه ياصنهات شغل لي أغنيه وتغزل فيني

كلنا ضحكنا بصوت واحد << اجل فروس طلع صنهاات

وبعدها وصلنا لمخيم عمي ابو ناصر
اول ماوقف سيارته اخوي فارس

طلع ناصر وهو رافع ثوبه ورابطه على خصره <<< يالليل الي خقت
ولاف شماغه بشكل عشوائي
انا بديت اتنافض ومعاد ابي انزل من السياره
نزلت امي وجدتي وسلمن على ناصر وماتسمعون غير وشلونكم وش اخباركم تنعاد مليون مره

وهيا تكزني تبيني انزل وانا أحس كني عروس بيدخلونها على معرسها

نزلت هيا النذله واتركتني بالسياره الحالي
وهالخبل فارس مالقى يسولف مع ناصر الا عند السياره ياخوي قلة الأماكن طس هناك عند الخيمه ورح سولف على راحتك

المهم اني انا قررت انزل بعد ماشجعت نفسي وقمت اقول النفسي ياقويه ياأنا يعني أحاول أعزز النفسي

فتحت باب السياره وماحبيت اطالع لابفارس ولابناصر عشان ماأرتبك

ونزلت

اول مانزلت وانا اطيح ولااني على خشمي ساجده

اجل فيه احد يلبس كعب فالبر

<<<انا يقالك بكشخ لبست كعب سناره

المهم والله لايوريكم طاح وجهي خصوصي يوم جتني امي تركض
امي:جاتس شي سمي سمي واتفلي في مكانتس

وانا في نفسي اقول الابتفل على وجهي الي طاح
جاني فضول ارفع عيني بشوف نظرة ناصر لي
وليتني مارفعت عيني الرجال ماسك ضحكته يوم طالعت فيه وهو يبخ ضحكته

المهم عقب هالفشيله معاد لي نفس للبر كله

بنات عمي طلعو طيبات حيل حاولو يسولفون معي بس انا اخلاقي خلاص قفلت

اضواء:نوره احسك مو مرتاحه من الجلسه في الخيمه وش رايك نتمشى
انا:لاوالله مرتاحه بعدين مالي نفس اتمشى الحين
هيا:اضوا خلينا انا وياك نروح نتمشى
اضواء:اوكي يالله

وطلعت اضوا بنت عمي مع هيا اختي يتمشون
وانا خلاص خانقتني العبره من الطيحه

المهم بعدها رحت لخيمة الحريم وجلست عند ام ناصر اترزز

اكود اعجبها هي وتقنع ولدها فيني

عقب الطيحه ماظن بيفكر فيني ابد

(صبر يالزائر يالي متابعني بنزل الجزء الي بعده الحين )

الجزء السابع

انا:يازين الجو مره يهبل
ام ناصر:اي والله يهبل ورى مارحتي تتمشين مع البنات
يابنيتي

وانا اقعد اتميلح :لاحقه على التمشي الحين بساعدكم << مسويه ذربه حلايا هالوجه

ام ناصرشاءالله لاالله الا الله والله وعرفتي تربين ياأم فارس

وامي تطير من الفرحه:الله يسلمتس ياأم ناصر هذي نوره من يوم جبتها ماعمرها تعبتني
وشايله شغل البيت كله عني << وانا أقول بنفسي اخس الحين طلعت المدايح كله عشان تفتكين من خشتي

المهم وانا الي اسوي نفسي استحيت ومير اقوم واطلع من خيمتهن واروح الخيمه البنات
واجلس اتكشخ واتعطر واتزين

وتجيني ساره بنت عمي اصغرمني بسنه

انا كنت مندمجه وأغني احسب نفسي بالبيت (صبوحه خطبها نصيب آآآه خطبها نصيب يادن دن ودان )

ساره:هههههههههههههههههه اثرك زاحفه

وانا التفت لها وانا منخرشه :يمآه خرعتيني

ساره: سوري على الأزعاج بس اعجبني صوتك قلت اجي اسولف معك

انا:ههههههههه عسى ماسببت لأذنك ازعاج تخبرين الأصوات النشاز تسبب حكه بالأذن

ساره:حرام عليك ليش التحطيم والأحباط صوتك مره شي

انا: تسلمين اجل ابشري مالتس الا الي تغني بعرسك ان شاء الله وبلاش وش تبين بعد

ساره: هههههههههههههههههههههههه ياختي ماتوقعتك فله لها الدرجه اول ماجيتي تخرعين حسيتك عصبيه

وانا أقول في نفسي(بلاماتدرين وش الي صايرلي ياحظي): لا اول ماجيت كنت متضايقه من اخوي فارس عشان كذا كنت قافله

ومير تحمر خدود ساره من جبت طاري فارس

ساره: اهاا طيب قومي خلينا نتمشى ونسولف وش رايك
انا:اوكي ماعندي مشكله
قمت ولفيت طرحتي على شعري <<عاد كنت مزينه بوف عشان يرزني مالت علي يقالي بكشخ

اول ماطلعت من خيمتنا وتطيح عيني بعينه وانا الي بسرعه الف الطرحه على وجهي ولاشعوري مشيت

وقلت:درب درب ياولد درب << ردة فعل غير متوقعه

مير وش أقول وش اخلي يلعن خيره من قريب يسحر

هو لما سمعني قلت درب درب ابتسسسسم ابتسامه ياويل حالي بس

مادري وش صار عقب ماتعديته اهم شي ان ساره بنت عمي وقفت عنده اخذت شوي ثم جتني تركض

ساره : عسى ماتأخرت
انا:لاعادي
ساره:هههههههههههههههههه
انا:وش الي يضحكك
ساره:هههههههههههه ياحبيلك لاولا شي

كان ودي اسألها وش كان يقولها يوم رحت بس اني قلت النفسي اثقلي يابنت ولاتصيرين خفيفه << أيه هين

ورحنا نتمشى انا وهي وضحكنا ضحك ولعبنا مع هيوننه واريج

وبعدها رجعنا حق المخيم وجلسنا عند الحريم << كل وحده مخططه على أم الثانيه

وانتهى يوم الطلعه ورجعنا البيتنا

وذيك الليله عجزت انام يطرى على بالي يوم ابتسم بوجهي

الجزء الثامن

قمت الصبح على أشعة الشمس << انتبهتوا للتغير ماقلت قمت الصبح بس,, لا على اشعه الشمس شفيكم صرت رومنسيه ياحليلي حليلاه ..؟..

المهم وانا اقوم من الارض بسعاده ولا اختي هيونه منبطحه على سريرها وحاذفه فراشها بالارض

وصوت شخيرها واصل لسابع جار

قمت ورحت للحمام وغسلت وجهي وطلعت ورحت للمطبخ اسوي الفطور

وكانت الساعه في ذاك الوقت على ما اظن الساعه 6 لا استغفر الله 8 لان يوم قمت إلا جدتي قايمه من مبطي وجدتي ماتقوم الا لساعه 7 و43 دقيقه في انتظار قهوتها

المهم سنعت الفطور ودلة القهوه لجدتي عقب مافرشت الفرشه لها بالحوش تحت النخله جلست تتقهوى وانا اكمل ترتيب البيت

والخم والكنس يوم خلصت الا جتني هيا تتمخطر تبي تفطر كذا بالساهل ..

انا: وامسكهاا مع علباها: مافي فطور الا لما تغسلين الملابس
هيا: ابك قولي لا أله الله الله
انا: لا اله الا الله
هيا: محمد رسول اله
انا: محمد رسول الله
هيا: وتقلد الهنود : أشهدوا ان
انا: يبنت الحلال والله مسلمه وربي اخلصي علي
هيا: بغسلهاعقب الفطور
انا" لا هللحين

عقب فطورنا الصباح رحت انا وخيتي العزيزه لغرفه المعيشه نشوف

برنامجنا المعتاد صباح المملكه خخخخخ

المهم ولا يرن التليفون وكل وحده فينا تعزم الثانيه تشيل التلفون

انا: ياوخيتك ردي عليه
هياا: يابنت انت اخف
انا: أي اخف والله اني شحوم متراكمه
هياا: تفكين خففيها وروحي ردي عليه
انا: يابنت انتي حركي دمك وردي عليه
هياا: ياحول ورى كل انا وانتي وش وظيفتك
انا: وظيفتي اكنس واطبخ واسوي قهوت جدتك
هياا: يامسكينه كني انا ماساعدك في الشغل
انا: تهبين انتي ووجهك ماعمرك ساعدتيني

مادرينا ولا يوقف رن التلفون

انا : احسن جت منه وفكنا

وتدخل جدتي وهي تغني مدري تقصد المهم ان صوتها كله ونيين مافهمت شي

انا: الله الله ياجده

جدتي: مشاء الله ياملحه انتي متى جيتي

هيا: ههههههههههههههههههههههههه مشاء الله اسمك ملحه ورى ماعلمتيني

انا: اقول انطمي بس ,, اقلطي اقلطي ياصيته الله يهداتس قومتي الربع بصوتك العالي

جدتي: والله طرى على بالي هاك القصيده الي تقول

انا: ايه أسلمي ياجده

جدتي: ياعذابي منك ياموتي وياحرماني .. زابنك بالله تخفف عني اللي فيه
من عذابك وشهو اللي باقين ماجاني .. في عيوني من عذابك صايره ماريه
وانتي تدري كل ماتحتاجني تلقاني .. يشهد الله عنك ماتقدر تشح ايديه
بس تكفه لاتعذبني ولا تنساني .. ضمني يانور عيني في حشاك شويه
كل ماشفتك تدخلني في عالم ثاني .. عين تنظر لك بشر والثانيه حوريه

انا وهيا : هههههههههههههههههههههههههههه

انا: اخس ياجده والله مانتي بسيطه

هيا: جده عاد من هو ذا الي تقصدينه بالقصيده

جدتي وهي تخز هيا: والله يامزنه واحد ماتعرفينه

انا: ههههههههههههههههااي مبروك طلع اسمك

هيا: هههههههههههههه مزنه مره وحده الجده اليوم فاصله فصله قويه

انا: هيونه نسيت اقولك انا امس يوم اني كنت مع ساره حسيتها كذا تحب فارس اخوي

هيا: مشاء الله عليك كلن يرى الناس بعين طبعه

انا: تهبييين والله ,, انا يوم قلت فارس حسيت خدودها حمرت وماغير تتلزق فيني

هيا: هههههههههههههههههه ايه وش تحب فيه من زينه

انا: اي والله بس يمكن تشوف فيه شي حنا مانشوفه

المهم بعد السوالف مع هيا عن أحداث البر وش الي صار وش الي ماصار

رحنا جبنا المسجل حقنا وشغلنا الراديو ندور اغنيه نبي نرقص عليها

المهم ويطلعلنا اغنية ثامر حصني مدري حسني المهم

ونقوم نردح انا وياها ردح,,, الأرض قامت تهز هز من ردحنا

كل وحده تعدي من جهه يقالها الحين ترقص

ويدخل علينا فارس بهالحظه

فارس: امنيتي ادخل البيت وألقاكن منثبرين بالارض بالله انتن وش تحسن فيه

انا :وانزل راسي السموحه ياطويل العمر << عشانك صديق ناصر بس نزلت راسي

فارس: مشاء الله الأخت مطيعه اليوم وصايره ذربه

انا: من يوم يومي وانا ذربه بس انت ماتشوف

هيا: هههههههههههههه ايه لاصار عند الكلب حاجه قله ياسيدي

مير مادريت غير فارس لاحق هيا باسلك المسجل بس هيا حطت رجلها << أجل كلب يالخبله يقالها بتقول امثال مالت عليها

وانا الي ادخل المطبخ من الفشيله: الله يقطعتس ياهيا الحين بيعرف اني اتمصلح معه عشان أعرف اخبار ناصر منه

المهم واسمع جدتي تنادي تبي قهوه رحت سويت لها وجبتها ولقيت فارس جالس عندها وامي

امي: اي والله ان الطلعه امس تهبل وياحليلها ام ناصر

فاارس : ههههههههههههههههههههههههه

امي : وش يضحكك بسم الله علي

فارس: طرى على بالي شي ههههههههههههه

انا على طول برمجتها بمخي وعرفت انه يضحك على شكلي يوم طحت من السياره

جدتي : انتم ماهمكم غير الضحك بس

انا: لا فيه هم بعد ياجده هم العرس

فارس : استحي على وجهك عيب

امي: معاد فيه بنات يستحن هالجيل فاصخ الحيا

انا:افرقع بصابعي: بناااااات اول مو هاللحين

جدتي: هالحين البنات يخطبن الرياجيل مادريت

فارس: والله تسويها هالخبله تروح بكره تخطب النفسها

انا:هاه ماوصيك تجهز
فارس: وليه

انا: بروح اخطب

مادريت غير لاحقني بالمركى << ماكان عنده غير مركى هههههههههههه

وانا ادخل غرفتي بسرعه واقفل الباب اشوى ربي ستر علي ولا كان مردغني

هيا: هااه بشري لمختس بشي

انا: لا الحمدالله جت سليمه

هيا: اشوى اجل

انا: واجلس على السرير .. وفي وجهي حزن : هيا

هيا: نعم

انا: هيا ودي أصير بنوته ناعمه

هيا وبدون سابق انذار: هههههههههههههههههههههههههههههههه

انا: خيير قايله نكته انا

هيا: لا بس يعني صعبه نوره وناعمه وربي ماتركب عليك

انا: اقول الشرهه ماهي عليك علي انا الي افضفضلك مالت عليك

يتبع لاحد يرد

الجزء التآسع

في صباح يوم جديد

امي: يانووووووووووووووووووير ياجعلتس ماتربحين

انا واركض بحيلي كله يوم وصلت عند امي : هااااااااااااااااااااااااااااااااه

امي : هويتي من راس جبل يالخايسه قمي نظفي المجلس الي برى ونظفي الحوش ونظفي هدوم اخوك فارس يبي يجينا اليوم ظيوف

انا: وقسسسسسسسسسسسسسسم لو اني تماتيك ماقدر اسوي ذا كله نادي بنتس الثانيه المصونه خلها تساعدني

امي: انا لله هالبنت تبيني اذبحها كل ماقلت كلمه قلتي نادي الثانيه انتي علامتس تظارينها

وانا اروح للمجلس عقب مالعنت امي خيري

دخلت وشفت فارس متلحف ببطانيته و نايم استغربت اخوي فارس وش منومه هنا

قلت قبل ماقومه بنظف المجلس المهم نظفت كل المجلس وانا مير اجيكم مسرعه

واجر البطانيه من راسه وهو متجود فيها

انا: حشى حشى علك مو بطانيه هذي,, قم قم بنظف المجلس

هو سااكت

انا: نعنبو ذا الوجه قم بنظف المجلس ناوي تفظحنا انت قم طس نام بغرفتك

والا مافيه فايده ومارد علي ابد

انا واجي فوق راسه وامسك المركى يقالك طاار (طبل) واغني على راسه عشان لاسمع صوتي غصبن عنه يقوم

يا فارس بيتكم مبني .. ومشيده مبانيه
ياعل البيت مايخلى.. ولايدور العزا فيه
يا فارس ردي لي زملي.. من خليلن شرعت فيه
نطحني ناسف الغتره..يقول زملك اخليه
يافارس ياجنين امه.. عسى ربي يخليه

وانتظره يقوم يلمخني بشي والا الولد محطوط على الصامت

ياربي وش فيه لايكون ميت

وانا انوووح عند راسه

انا: يااااااااااااااااااااوه ياويلي ياوخيي رحت غلطه

واقعد اسوي مثل المصاريه والطم على خدودي واقول ماات ماات

المهم لاحظته يهتز وكأنه قاعد يضحك

وانا اقوم اظربه وارفسه : فارس جعلك لصمرقع خرعتني احسبك مت

والا الرجاال زاد هزه من تحت البطانيه وشكله كذا فطس من الضحك ولا عنده نيه يرفع البطانيه

مير وانا ارفع كمامي قلت ياأنا ياهو اليوم

واجي عند رجوله

ومير اسحبهاا وانا أضحك وهو متجود بالبطانيه للحين << تسويها صدق ترى

وانا مستانسه قاعده اسحبه الين وصلته لاعند باب المجلس والا اشوف اخوي فارس توه طالع من داخل البيت

وهو يطالع فيني وهو فاتح فمه

انا بهالحظه عرفت اني جبت العيد

جبت العيد جبت العيد << فرحانه

أجل الي من اليوم ارفسه واسحبه هذا موفارس !!؟؟

وهالرجال للحين متجود بالبطانيه وشكله فاقع من الضحك

اخوي فاارس قام يلطم على وجهه من الفشيله

طبعاً انا انسانه بديهاً حذفت الرجول الرجال
وظليت واقفه مكاني في انتظار حصتي من الضرب

طبعا مسكني من علباي وكم طراق على كم شلوتي بعدها تعدلت ودخلت داخل ولا كأني انضربت

مير يوم دخلت داخل واجي عند هيا وانا دموعي على خدودي

هيا: وش فيتس

انا: هيا ياهيا تكفييين ياوخيتي ظميني

هيا: بسم الله عليتس تعالي تعالي الظاهر ناقصك حناان هاليومين

انا واقعد اون وانا في حظنها وابتسي بتسى عجوز مظيعه دلتها واعلم هيا السالفه كلها

ومير تنقلب هيا راساً على عقل وتقعد تضحك وتضحك وتضحك لين توقعتها تموت من قوة الضحك

انا: عمى خيييير الحين ابيتس عون صرتي علي فرعون

هيا: يااويلي منتس وش انتي مسويه اقسسسسم انك جبتي العيد بقوه ,, اجل لو أقولك هذا منو؟؟ وش بتسوين

انا وافتح فمي لين حسيت فمي بينشق وشهقت شهقه سمعوها الجيران: اماانه هيا منو!!! تعرفينه!! وليش ماعلمتيني ان فيه رجال برى يالنذله يالمفتريه

هيا: نسيت أعلمك ,, البارح جاني فارس وقال علمي أختس لاتطلع ترى فيه رجال نايم برى
وانا قلت له خلاص وانتي قمتي قبلي ونزلتي ونسيت أعلمك والله راح من بالي

انا: الله ياخذتس زيييين الحين فارس بيشك اني مسويه هالحركه عنوه

هيا: ههههههههههههههههههههههه لالا ماعليتس انا بعلمه

انا: طيب من هو ذا الي نايم عندنا!! من خوياه بالعمل ؟؟

هيا: لا هذا ناصر ولد عمي

انا واصرخ براسي كله : لااااااااااااااااااااااااااااااااااااااااااااااااا ااااااااع

واقوم الطم على خدودي واصيح وابتسي وانتف شوشتي من الحره واقول : راح خلاص راح خلاص
لو كان عنده نيه لو واحد بالميه انه يخطبني
الحين ولا صفر بالميه ياويل حالك يانوره يابنت ابوتس

ميرواصقع راسي بالجدار << فعلاً ومن الحب ماقتل

وهيا يوم شافتني وهي تخاف من شكلي وانا أصارخ وابتسي واصقع راسي بالجدران وتجي تحط يدها على فمي

هيا: بنت بنت لاتفضحين عمرك خلاص تعوذي من أبليس وقولي لااله الا الله

انا : لاااااااااااااااااااأله الا الله لااااااااااااااأله الا الله

مير وتناديني امي عشان ازين قهوه لرجال واقوم واتفل على هيا وانزل تحت

وانا كلي أسى وحززن واروح للمطبخ وازين القهوه واضبطها

واحطها عند الباب واطق الباب وانحاش

مالي وجه اطالع اخوي فارس عقب هالموقف

واروح عند جدتي واجلس جنبها واحط يدي على خدي وابكي

وأقول ::

لابوك يالعين بدموعك فضحتيني .. تبكين عند العرب والناس نقاده
تبكين يالعين لاهم ولا ديني .. ابوك يالعين خليتي البكي عاده

ومير جدتي تطنها وتبتسي جنبي

المهم دخل فارس وعطاني نظره الله لايوريكم هالنظره مدري هي استحقار لالا طايحه من عيييينه بقوه مدري عجزت اوصفها

وجاءالعصر وجونا الظيوف الي امي تقول عنهم ,,, طلعو عايلة عمي ابو ناصر

واخذت ساره واريج بنات عمي لسطح

وقعدت معهن سوالف وضحك

ومير فقعت بطونهن من سوالفي ومواقفي << خربتها يوم اني فقدت الأمل من أخوهن

ساره : هههههههههههههههههههههههههههههه آآآه يابطني والله انك نكته متحركه

هيا: ماشفتي شي خني أقولك سالفه تاازه مسويتها هالخبله

اريج : اي اي قوليلنا تكفين والله من زماان ماضحكت

انا: اوماا عاد من زمان ماضحكتن ليه عايشات بحزن لها الدرجه

ساره: لا مو عايشات بحزن بس ياختي ماعندنا احد روحه مرحه مثلكم انتم مره تضحكون من قلب

هيا: تبون تسمعون السالفه ولا لا

اريج : اي اي قولي نبي نسمع

هيا: هذا مره رحنا لسوق انا والأخت نوره ودخلنا محل نبي نشتري منه وهالأخت تتميلح على راعي المحل

المهم يوم جينا نحاسب قال ياخاله السعر كذا عاد نوره بغت تذبحه اجل نهارها كله تتميلح واخرتها يقول لها ياخاله

ابو التحطييييم ههههههههههههههههههههههه

ساره واريج ماتو من الضحك على سوالفنا وانا خلاص نسيت هذا ناصر عقب ماسحبت وجهه بالمجلس بعد بفكر فيه خخخخخخ

المهم غيرنا سوالفنا وقمنا نغني

انا: هااه من تبيني اقصد فيها

ساره : انا انا قولي فيني قصيده

انا: واخطفها بنظره سريعه .. وكانت لابسه ثوب احمر واغني

هيض القلب لباس الحمر .. هيض القلب لباس الحمر
وألعبي وألعبي لاتستحين.. وألعبي وألعبي لا تستحين
لايهمك صغير ولا كبير.. لا يهمك صغير ولا كبير

ساره : ههههههههههههههههههههههههههه اوما عليك اغاني

انا: اسكتي والله اني طيحت سوق الطقاقات وش على بالك

هيا: هههههههههههههههههههههههه اشوى انك ماطيحتي سوق احلام بس

انا: احلام تدق علي كل شوي تبغيني ارد عليها واسوي معها ديتو بس انا رفضت اجل انا اغني مع هذي واااي فشله

اريج : ارحمينا ياهوه طيب غني فيني لو سمحتي احم احم

انا : بيت عمي معروف .. وبيت عمي معروف
وكل المطاعم تدله .. وكل المطاعم تدله
وفطورهن يطلبنه .. وفطورهن يطلبنه
وغداهن تالي الليل .. وغداهن تالي اليل
والزين مايعرفنه .. الزين مايعرفنه

مير وبنات عمي يزعلن علي

وانا أراظيهن بكذا قصيده زينه وهن يرضن ياحليلهن

والله عاد اني استانست مع بنات عمي وراحو البيتهم الله يستر عليهم

وحاولت اني انسى ذاك الموقف الأقشر وقعدت بتالي الليل أصيح لأن خلاص معاد فيه امل بناصر ولد عمي

وقمت اهوجس وافكر ياترى وش يقول عني الحين اكيد بيقول وش هالعربجيه الزاحفه حقت حبتين

مير واتعوذ من أبليس واتفل عليه لين غرقت وجه ابليس بتفالي واحط راسي وانام

يتبع لاحد يرد

الجزء العاشر

في كل صباح تعودتم تشوفوني اشتغل واكرف يعني وش الجديد في هالصبح

غير الكرف والشغل والتمخطر بين ارجاء المنزل

وسبحان الله كل شي في البيت قلبته فوق تحت وحتى تخيلو النمل أعرف ذا نملنا ولا نمل جاينا مسير على نملنا

يعني حتى نملنا عادته واعرف زوله زين ,, ذاك اليوم جتنا نمله حمراء عرفت انها مسيره على نملنا ,, حنا نملنا اسود مو احمر

خخخخخخخخخخخخخخخخ

مر على جيت بنات عمي أسبوع كامل

المهم دقت مرة عمي ام ناصر على تلفون بيتنا

وردت عليها امي وكنت انا جالسه عند التلفزيون واقلب في هالقنوات << ماعندها غير غصب واحد وغصب ثنين

امي: ياهلا والله ومرحبا باأم ناصر وش اخبارك وش علومك

ام ناصر: ياهلا فيك والله ياأم فارس ,, حنا بخير انتم وش اخباركم وش علومكم

امي: والله الحمدالله ماعلينا

ام ناصر: والله ياأم فارس اني داقه ابيك بموضوع

من قالت ابيك بموضوع وامي تاخذ التلفون وتدخل وهي تقول ايه ايه

انا جاني فظووووووول ودي أعرف ام ناصر وش تبي باأمي

طولت امي حاولت اتجسس عليها بس ماااش ماسمعت شي

المهم يوم فقدت الأمل وانا اطلع بالحوش قلت بروح اتنفه شوي ومنها بنظفه

وقعدت عند شجرة جدتي وقمت اغني

يالله انك اتهون كل ماجاني.. تحسن الخاتمه وتزين النيه
اشهد ان الشباب اقفى وخلاني.. راح وماعاد له بالوجهه ماريه
عزتي لك وان جاك ماجاني.. أتقلب ولا ادري وش جرى ليه
صرت ماعاد أسير يم جيراني .. لطري البر والروحات والجيه

مادريت الا وذاك الصوت الي يقول : صح السانك

وانا أطالع الا ولد داج مدججته امه اعطيه حول 13 او 12 مدري المهم انه حول هالعمر يطل علي من بيتهم

انا: انت الحين ماتستحي تطل على جيرانكم وش هالحركات يالورع الداج,,, امك وينها عنك !!

هو: بدال هالمطاالب روحي تستري انتي وهالقميص الي لتس شهر ماغيرتيه

انا: نعنبو هالوجه واجبك من يحط وجهك بالتراب يالتعبان وحافظن قمصاني بعد شكلك مسنتر دايم عند الدرايش يهاالهيس

وقام يقصد ..

مسكين ياعقدن على عنق شينه .. وجهن غبر خرب وهج الالماس
منهو الهبيل اللي تبين تفتنينه.. والله يالولا العقد لقول عباس

وانا اللي ينصفق وجهي .. ياصبااح التحطيماات قلت : حسبي عليك سبعت تحاسيب
الاوله جعلك على هالقصيده تنطرم والثانيه جعلك ماتكمل خطاك والثالثه ثكلتك امك
والرابعه

هو: بس بس السموحه ولا يهمك بنقصد فيك يالمشفوحه << يااااحلو هالكلمه

وانا أقعد واتربع بالحوش واقول : يالله سمعني قصيده سنعه للعن خيرك

وهو يقول :

مية هلا باللي يكحل ثناياه .. اللي يحط الديرمه في عيونه
اللي حدا نهديه من خلف علباه .. والنهد الاخر روحوا يطردونه

انا: يعني مرقعها يقالك حلايا هالوجه,,, مالت على وجهك زييين

وانا أقوم واحذف عليه زنوبة جدتي << لاحد يعلمها تكفون

وادخل داخل وانسدح بالكنبه الي بالصاله

والقى امي مبتسمه ابتسامه شاقه نص وجهها << ماأعرف اوصف

انا: الله يجعل هالأبتسامه ماتفارق خشتس ياميمتي

امي: امين يارب

واشوف امي تنطحن مدري علامها شكل عندها شي بس ماتبي تقوله لي

انا: اي وش عندها ام ناصر كنها تبيتس بموضوع خاص

امي : اي والله داقه علي تخطب

<< تعبير عن شعوري

انا انصفق وجهي وبنفس الوقت حسيت بشعور سعااده اخيراً اخيراً لالا ماني مصدقه

ياربي لك الحمد يالله يارب اني احمدك واشكرك اخيراً حققتلي امنيتي اخيراً بتزوج ناصر ولد عمي

امي: وين سرحتي

انا: هااه لاماسرحت بس تذكرت الملابس نسيتها بالغساله ,,

امي: اي روحي طلعيها وش تنتضرين وانا بروح الهيا اشاورها

وانا التفت بقوه على امي : تشاورينها بشنو !!!؟؟ << ستين علامة تعجب على راسي

امي : اي ام ناصر تخطب هيا لناصر

انا بهالحظه انصدمت وحسيت بدوخه << حامل الأخت

تمنيت امووووت ولاتنشق الأرض وتبلعني

امي لاحظت ان وجهي تلون

امي: الله بيرزقتس يابنيتي وعادي ياما بنات تزوجو قبل خواتهم الكبار لاتخلينها بنفستس يابنيتي الله بيرزقتس ان شاء الله

امي فهمتني غلط ,, امي ماتدري عن الي بداخلي ,, امي مادرت انها ذبحتني ,,

شعور بوقتها غريب بس الأكيد انه قهررر

انا: يووه وين راح تفكيرك يايمه لالا بس مستغربه من خطبتهم بهالسرعه

حاولت اصرف امي عشان ماتنتبه لي

ورحت لدورة المياه وانتم بكرامه وقعدت ابكي بداخلها عشان ماأحد يحس فيني

بكيييت وبكيييت وبكيييت وصرخت بداخلي تمنيت اني بمكاان فاضي مافيه ناس عشان اصرخ بصوت عالي

حسيت اني اختنقت بعدها قمت وغسلت وجهي عشان ماأحد ينتبه لي

يتبع لاحد يرد

الجزء الحادي عشر :

هيا: لآلآلآلآلآلآلآلآلآلآلآلآلآلآلآلآلآلآلآلآلآلآلالا مستحيييل

امي : ليش لا لوا بطنتس ان شاء الله وش فيه ناصر يوم ماتبينه

هيا: يممه انتي مأكده ان ام ناصر قالت تبغيني انا !!!

امي: ايه قالت هيا نبيها الناصر

هيا: يمه مستحييييييل مستحييييل ولاتفتحين الطاري لي الله يخليك

فتحت الباب هيا بتطلع من الغرفه وهي مافي بالها الا انا

امي: حسبي الله عليتس من بنت والله انتس لتوافقين غصبن عنتس ورجلتس فوق ارقبتس

التفتت هيا بقوه : يممممه والله لو اظطر انحاش من هالبيت ولا أذبح نفسي هالرجال لاتحلمين اخذه

وطلعت هيا من الغرفه بعد ماصفقت الباب باأقوى ماعندها

نزلت تدورني بالمطبخ ومالقتني وراحت تدورني بالغرف كلها وهم مالقتني وبعدها طلعت بالحوش

وشافتني عند جدتي اضحك واسولف عادي

طالعت فيني وهي العبره خانقتها

انا دريت انها جايه تبي تشوف انا دريت ولا لا,, وبتشوف ردت فعلي وتبي تقولي انها مستحيل تاخذه

بس لما شافتني اضحك وأمزح مع جدتي استغربت توقعت تشوفني ابكي ولا زعلانه ولا مبين على وجهي الحزن والقهر !!

ماأنكر لكم انه فعلاً انا من جوا احترق واتمنى متى يجي الليل ,, عشان ادفس راسي ببطنيتي وابكي على راحتي

هيا: نوره

انا: تعالي يالبقره وراتس واقفه تقل كنتس بتودعين

هيا: دريتي

انا: عن خطبة ناصر اي دريت

هيا: وانتي !!!

انا: انا وشو هيونه انتي مصدقه اني احبه ,,

هيا: بس انا مستحيل اوافق سواء تحبينه ولا ماتحبينه

انا: ليش ماتوافقين !! يابنت حنا ماصدقنا جانا احد احمدي ربك واعرسي وفكيني خليني احس ان لي غرفه الحالي بالبيت

هيا: لاتحااولين تكذبين وربي انك تحبييينه وادري انك منصدمه اكثر مني

انا: ههههههههههههههههههههههه هيونه انتي جاده ترى وربي عقب ماسحبت خشته بالمجلس وانا كارهته ومعاد ابيه

طالعت هيا بوجهي شوي ثم دخلت داخل وهي تبكي

وانا بلعت العبره عشان جدتي ماتنتبه لي ثم تعلم هيا

مر اسبوع كامل على هالحال

وانا صرت اتهرب من امي وهيا طوال الأسبوع

واغلب جلساتي مع جدتي صرت اجلس معها بشكل مفرط وحتى انام معها

انا: جده ليش ماعاد تحبين قهوتي

جدتي: والله انها ماهي مثل قبل سواتك فيها هالأسبوع ماش

انا: جده آآفاا والله انها مثل كل قهوه اسويها بس انتي شكلك خرفتي

جدتي : لا والله انتس ماصدقتي القهوه الي تسوينها قبل لها نكهه هذي مالها نكهه ابد

انا: طيب بروح ازين لك قهوه ثانيه ولايهمك

جدتي: لا لاتسوين قهوه تعالي اقعدي علميني انتي وش فيتس ماني خابرتس كذا

انا: جده وش فيني والله مافيني شي

جدتي: اي والله اني اعرفتس زييين ماعمرتس صرتي كذا واكيد ان بخاطرتس شي ومخبيته

قمت من عند جدتي وانا طفشانه من نفسي ,, حاولت اكون طبيعيه بس عجزت
ياربي وش ازين بعمري للحين الصدمه ماأثره فيني ابي اكون طبيعيه

دخلت داخل والا التلفون يرن

رحت له ورديت

انا: الو

المتصل : السلام عليكم

انا: هلا والله وعليكم السلام

المتصل: انتي نوره

انا: اي نعم

المتصل: معك ام ناصر

انا انصدمت وفي نفسي قلت ياليتني مارديت :هلا والله ومرحبا وش اخبارك عساك طيبه

ام ناصر: والله الحمدالله طيبه وماعلي انتي وش اخبارك

انا: الحمدالله مرتاحه

ام ناصر : امك موجوده

انا: اي موجوده لحظه اناديها لك

ورحت ناديت امي ودخلت للمطبخ احوس شوي

امي: ياهلا والله ومرحبا

ام ناصر : والله ياأم فارس اني مستحيه منك ومدري من وين ابدى بالموضوع

امي : يووه وش هالكلام ياأم ناصر مابينا حيى خذي راحتس

ام ناصر: والله اني مدري وين اودي وجهي مير اني غلطة غلطه بس خبرك كبرت بالسن والمخ ماش معاد يجمع

ام فارس : والله انتس صادقه كلنا نفس الشي ,, مير يالله حسن الخاتمه بس ,, وش السالفه ياأم ناصر

ام ناصر: والله انا يوم دقيت عليك وخطبت هيا احسب ولدي يبي هيا واثره يبيني اخطب نوره
ومير يضيق صدره كل هالأسبوع من درى اني خطبت هيا وانا والله اني مافهمته احسبه يبغى هيا وأستعجلت وخطبتها له

ومير العذر منتس ومن هيا والله ان ولدي يبي نوره والغلط ماهو منه الغلط مني انا ياأم فارس

امي اسكتت شوي من الصدمه : والله ياأم ناصر اني ماكذب عليك فاتحت هيا بالموضوع ورفضت اصلاً ودام انتس اصلاً تبين نوره مير هذي الساعه المباركه
بشاورها وان شاء الله خير

ام ناصر: والله اني متفشله منتس ياأم فارس انا طالبتس لاتاخذين بخاطرتس مني والسموحه من هيا

ام فارس : لآ والله ياأم ناصر اني مازعلت ولاخذت بخاطري والدعوه غلطه وكلنا نغلط وهيا اصلاً رافضه وماراح تزعل

ام ناصر: الله يريحك ياأم فارس كان ريحتيني ,, عاد شاوري نوره الولد مستعجل ياأم فارس

امي: ان شاء الله مايصير خاطركم الا طيب

انتهت المكالمه وام ناصر ارتاحت وامي بعد ارتاحت لأنها كانت حاسه ان فيه شي بخاطري طوال هالأسبوع

وتنادي امي هيا وتناديني

ومير تقولنا السالفه

في البدايه انصدمت وسكت

وبعدها نزلت دموعي مدري ليش مير اني انفضحت عند امي وعرفت امي اني احب ناصر

وهيا قامت تزغرررررط وجدتي قامت تردح هههههههههههههههه << اثر العالم حاسه فيني

وامي شاقه الأبتسامه شبرين ومسويه ثقل ماقامت تردح مع جدتي

دخل فارس بهالحظه

فارس: وش فيكم ترقصون وفرحانين

امي: تعال تعال ياولدي ببشرك

فارس: بشري

امي: ام ناصر خطبت نوره الناصر

فارس: وانهم خطبو هيا وش الي غير رايهم

هيا: وش قصدك أنت !!

فارس: ههههههههههههههههههه لالا ماقصدي شي بس ادري انا انهم يبون نوره الناصر بس استغربت يوم خطبوك

انا وجهي يتصفق الوان اول مره احس بالحيى ياهوه

فارس: اخس الأخت مستحيه

هيا: اسكت اسكت وتبتسي بعد من الحيى

انا ومير اخربها : اي يحقلي ابتسي مابغيت افارق هالبيت

جدتي: افآآآ ياذا العلم بتتزوجين ومن يزينلي قهوتي

كل العايله اضحكت على تفكير جدتي حنا وين وهي وين

المهم وترد امي خبر لأم ناصر بعدها بيومين ويحددون الملكه والعرس ورى بعض << ماعندنا وقت نبي نتزوج بسرعه

يتبع لاحد يرد

الجزء الثاني عشر

تحدد يوم العرس وبدت الحوسه والربشه عندي

بس تصدقون عجزت استوعب اني بتزوج ناصر هذاك

احس بتجيني امي وبتقول : كانت معك الكميراء الخفيه

والله مو مستوعبه ناصر ناصر ماغيره خلاص بيصير زوجي

انا: يااربي عرسي قرب وش ازين لازم اخلص تقضي بسرعه وابي اطلع حلوه

هيا: ياختي دبلتي تسبدي كل يوم تعيدين بهالسالفه

انا: وش ازين الي يده بالمويه مو مثل الي يده بالنار

هيا: همااتس تحبينه وتبينه يتزوجتس خلاص تحملي ,,, طبخن طبختيه يالرفلا اكليه

انا: اعنبو من علمك الأمثال,,,ابك انتي ماتعرفين تقولين مثل بمحله اقول انزلعي بس انزلعي خليني انزل عند جدتي مير اشكيلها احسن منتس

هيا: صدق ترى اختي حصيصه بتجي بكره

انا: صباح الليل يوم كنت ابيها تجي تتقضالي ماجت ويوم قرب العرس وهي تجي مالت عليها من اخت

هيا: هههههههههههههههههههه خلها تجي وتشوف وش اشتريتي

انا: وش قصدك هاااه قصدك ان شراي مو زين

هيا: ههههههههههههههههههههههه لالا حشاتس يهبببببببببببببببببببببببل الي شتريتيه ههههههههههههههههههههههههههه

انا : هيا

هيا: بخشونتها المعتاده : نعم << لا والله اكذب قالت بالحرف الواحد هااااااااااااااه
انا: وجعااه قولي نعم
هيا: نعم
انا: اخص يالذربه قولي هااه
هيا: هااااااااااااااااااه
انا: فجرتي اذني
هيا والدخان يطلع من خشمها :ان ماتكلمتي الحين بقوم اصفقك ترى

انا: خلاص بقول هيا ودي اصير ناعمه وحلوه تكفين وشلون بكره ناصر لاجيت اسولف معه باأسلوبي هذا عزالله ليطلقني من ثاني يوم
ابي اصير ناعمه

هيا.. تطالعني منصدمه وبعدها بدون سابق انذار:هههههههههههههههههههههههههههههاي
ناعمه قال ناعمه قال هههههههههههههه ياحليك يا نوره مو لايق وربي مو لايق هههههههه
تكفين بطني

انا: واضحك .. تخيلي عاد شكلي قاصه شعري وحاطه مصاصه واتدلع ياقوها قواه هههههه
ههههههههههههههههههههه ياحليلي حليلاه لو اصير ناعمه اكره نفسي وقسسسم

هيا: ههههههههههههههههههههههه يابنت تكفين غيري السيره

انا: وانتفض ..جتني نفضه

هيا: يهب مسكونه علامك

انا: تخيلت نفسي دلوعه وااااااااااااااااااااااااااااااااااع

وعقبها نزلت تحت واقعد اخطط لمستقبلي وش بزين وش مازين لاتزوجت ناصر

ومير العرس قرب وانا ماتغير فيني شي

واحس العالم بارده وماهميتهم انا

المهم اني مترت الأسواق كلها ومير اي شي يعجبني اخذ منه طقم الألوان كلها

وقبل العرس بليله جت اختي حصه

انا: ياويل حالي ياهلا ومرحبا تو مانورت غرفتي بطلتك

حصه :هههههههههههههههههههه عيب استحي ترى عرسك بكره

انا: وخير ياطير ولاصرت بعرس لازم اندس عن اختي

حصه : ههههههههههههههههههههههههه وقسم انتس ماتستحيين

انا: ادخلي بس ادخلي خليني اوريتس مقاضي عرسي

حصه : اي خليني اشوف الذهب اهم شي

المهم واوريها الذهب وهي الي تخق عند الذهبان

حصه: اوماا عز الله انتس عرفتي تشترين ذهب

انا: وش على بالك انا نوره انا مالعب تراني ,, لاطبيت السوق تعالي بس شوفيني كل الزين بين يديني

وتدخل هيا بهالحظه : ههههههههههههههههههههههه اي والله انتس ماتلعبين بالسوق

انا: انتي لو تبلعين العافيه ترى زين لتس

هيا: حصه ماشفتي مقاضيها الثانيه

حصه : لا ماشفتها

هيا: وريها وريها مقاضيك خليها تعرف الذوق يالي ماتلعبين بالسوق هههههههههههههه

ومير اسدح الشنطه الي رتبت فيها هدومي

وابتدي اوريها من ملابسي

حصه : يااااااااااااااااااااااااااااااااااااااااااااااااا اوه انتي مجنونه لا والله الا مهبوله الحين انتي متقضيه لعرسك هالأغراض

يالخبله ولاتلعبين علي

انا: يؤيؤيؤ يابنت وش تقولين انتي وش فيها مقاضي

حصه : لا أبد مافيها شي كل شي شاريه منه طقم الوان ثاني حاجه البس هذاك وينه

انا: وش قصدك بالبس هذاك

هيا: هههههههههههههههههههههههههههه حصه تقصدين قمصان النوم اسكتي متقضيه قمصان بيت وقسسم بالله

دخلتها عند محل قمصانه مره كشخه بغت تذبحني هههههههههههههههههههه

انا: يالي ماتستحين مدخلتني محل رقاصات

حصه : انا اشهد اني بنجلط اليوم والله لو اني داريه انتس بتقضين كذا كان ماخليتك تتقضين يالطعسه

انا: وجع وجع وجع والله اني ذويقه ولا عشان ماشتريت العاري الله يسترنا بس

هيا: هههههههههههههههههههههههههههههه طيب لاتشترين عاري وين البناطيل وين القصير وتقولين تبين تصيرين ناعمه مالت عليك

حصه : وبعد بناطيل وقصير ماشترت ,,, وتحط اختي حصه يدها على راسها ,, احلقي راسي ان ماطلقك من ثالث يوم

انا: تف من فمك يالهيسه ,, بعدين اهم شي الأخلاق وش يبي بالبس

حصه : انقلعي انقلعي عن وجهي بروح لسوق الحين اشتريلك كم شغله كشخه تلبسينها في صباحيتك وبشهر العسل

انا: ماني لابسه غير لبسي الي شريته وماأحد له دخل فيني

حصه : يااااااااااااااااااااااااااااااااااوه عطوني حبوب الضغط راسي بينفجر

( طبعاً كانت مقاضي كلها تنانير طوال وجلابيات كلها نفس الشكل بس الوانها مختلفه وقمصان عاديه جداً ومادخل والعياذو بالله شنطتي اي لبس عاري)

ومير اقوم وانحاش منهم وانزل عند جدتي

جدتي: جابتس الله زينيلي قهوه بمخمخ عليها بيجي الحين المسلسل المنتاز

انا:جده انتي شنو تتنفسين قهوه بسك حرام اعتقي اللي يزرعون القهوه كانوا شيلين بعضها
حق الاجيال القادمه بس انتي جبرتيهم يبعونك اياها ماعاد فيه للجيل الجاي قهوه

جدتي:اقوووول بس فلفستك اللي تمصع البطن جهزي دلتي بيجي مسلسلي قمي يالله

ومير اقوم : ماكني بتزوج بكره ابد ابد حتى في الوقت البدل ضائع بيستفدون مني بدلة قهوه

المهم يوم جاء العصر وتروح اختي حصه ومعها هيا لسوق

وانا ماأحد اخذني معه مع ان ذوقي حلو ويستفيدون مني بس وش اقول خلهم يولون هم الي بيندمون

ومير امي تمسكني وتقعد تعطيني دروس وانا حاطه يدي على خدي واسمعلها

امي: رجالتس حافظي عليه مو تهملينه ثم يعرس عليتس ويجيب عليتس حرمه انتبهي

انا: لاحوووول طيب طيب

امي: وانتبهي غرفتس قفليها الحريم لايدخلن غرفتس لاتصيرين خبله وتخلين غرفتس فاتحه كل من هب ودب يدخلها

انا: شايفتني ثوره انا!!! اكيد غرفتي بقفلها وش بعد ياأم الشباب عندك من نصايح

ومير تلمخني امي بالمنديل << العايله صارت ناعمه ترى ههههههههههههههه

امي: اسمعي يالخبله كلامي ولا تراتس بتدجين

انا : والله الظاهر ان مامدججني غير نصايحك

والله وتقوم امي وتعطيني هاك الرفسه وتروح

ومير يوم امسى الليل ويوجعني بطني

حسيت انه صدق بتزوج ناصر << ليه انتي تحسبينه كذب

المهم واقعد امثل على اهلي اني مابيه واسوي نفسي دلوعه وابكي وانط مثل البزران

انا: ماابيه ماابيه

هيا: الله يبشرك بالجنه ماحنا ناقصين فضايح يكون احسن

امي: اي والله انتس صادقه ياهيا ,, اجل ماتبينه ابشري بخلي فارس يدق عليه ويقوله الحين خلاص ماعندنا بنت لزواج

حصه: اي والله يايمه بسرعه دقي دقي قبل لاتهون

انا: خييييييييييييييييييييييييييييييييييييييييييييييييي يير امزح امزح معكم ماتعرفون المزح انتم << امحق اهل ابيهم يدلعوني وماش

جاء بالليل واختي حصه تمسكني وتحذفني على سريري

حصه: ارقدي

انا: ماني راقده بروح اسمهر معكم

حصه : اقول ارقدي عشان بشرتس بكره تزين

انا: مسويه لها تنضيف وفكيني من شرتس وتعوذي من أبليس نوم ماني نايمه

حصه : اعنبو هالوجه وجهه ابك نامي نامي ترى عرسك بكره

انا: خلاص برقد بس مو الحين الساعه 3 بنام

حصه وتنزل نعلتها: قسسسم بالله ان مانمتي الحين لادق على ناصر واقوله حرمتك ماهي نايمه

انا وعيوني يطلع منها ورود << لاتشرهون : تكفييين دقي خليني اشوفه وش يقول يمكن لاسمعت صوته امرح

حصه: ومسويه خايفه وماتبينه الظاهر بكره هو الي بيتنافض وبيخاف منتس ,, ارقدي رقدو عليك عشر جنون

انا: يهب عشر جنون مرتن وحده خليهم خمس على شاني

وهي الي تقوم وتمعط شوشتي وتصارخ :أأأأأأأأأأأأأأأأأأأأأأأأأأأأأأأأأأأأأه ناامي ناامي لاذبحتس

وانا اخاف منها واتلحف واسوي نفسي نمت

وهي توقف على راسي نص ساعه وهي تقول: نمتي

اونا اقول : ايه نمت

وهي تبتسي يوم قلت لها نمت

استغربت ليش بكت

مع اني سويت الي تبيه ونمت

هههههههههههههههههههههههههههههههه

برب أنزل إللي بعدهـ

الجزء الثالث عشر

** هلا ياللي تمنيك نصيبي .. هلا يافرحي وسعدي وطيبي ...
هلا يانصفي الثاني هلا بك .. هلا باللي اناديه بحبيبي ..
جمعنا ربنا العالم بحالي .. جمعنا الخيرودعوات الاهالي ..
وانا والله يابو العيالي ... شكرت الله بأنك لي نصيبي..
انا كملت نصف ديني يا حبي ..لقيت اللي يماشيني بدربي ...
لقيت الطيب وأخلاص وتفاني ..لقيت اللي غدى دائي وطبيي..
عليم الله يا اجمل واطهر واشرف حب يحيبي ويكبر..
لانك في وجودي شي اكبر .. من اني اخذ انفاسي وريقي..

يوم العرس..

في الصبح جت حقت الصالون بالبيت عندي

وامي ماغير تزغرط من اصبحت وريحة العود من اصبحت وانا اشمها عفواً اقصد اشفطها شفط

عاد قامت ارجولي تنافض وحسيت بالرعب

وهالمره مو تمثيل سكرت غرفتي وصليت ركعتين عشان اهدى من الربكه الي بداخلي

دخلت اختي حصه

حصه: صباح الخير ,, يالله خذيلك شور واستعدي بتجيك الكوافير الحين وتبتدي فيك

انا: هاااه

حصه: هوااااه اعجلي يابنت لاترفعين ضغطي

انا: حصه كفين مايمديني اهون

حصه: لاوالله معاد يمديك ,, ويالله خلي عني الدلع الي مال امه داعي يوم اعرست انا ماسويت سواتك

انا: انتي غير انتي فاجئوك من الصبح قالولك البسي وروحي بيت زوجك تقارنيني فيك

حصه : تعايريني يعني ,, على الأقل احسن منك وقومي يالله خذي شور بسرعه الساعه الحين 10

انا: طيب طسي عني

حصه : اعنبو هالوجه عدلي اسلوبك لاتفشلينا عند الرجال بكره

وطلعت اختي حصه وانا طولت جالسه اخطط وش ازين اليوم لما اشوفه وش أقول

فكرت قلت بهل عليه من هالقصايد وبغني له وبرقص <~ امحق حيى تعرفينه

المهم رحت اخذت شور واستعديت وبدت الكوافير تحوس بخشتي

ولما خلصت بدت تصورني انتهت من التصوير وبعدها سمحت الخواتي يدخلون

جت حصه وهيا عشان يساعدوني بلبس الفستان

انا: اشهد ان لا أله الا الله حي على الصلاه
حصه: علامك علامك
انا: وبديت ابكي : حصه مابي مابي بقعد عندك
هيا: يامي طسي اصلن اليوم بستحل سريرك بشبكه مع سريري واصير نفرين
انا: ايا الخسيه كنتي مخططه عليه من سنين
هيا: هههههههه هش هش المعرس بيجي الحين

حصه : واااااااااااااااااااااااااااااااااااااااااو شكلك اليوم توحفه

هيا وخنقتها العبره : مشاء الله لاااله الا الله طالعه قمر قمر

انا واحس اني ببكي : بنات انا خايفه مابيهم يزفوني تكفون خله يروح وانا بلحقه مع اخوي فارس

حصه :ههههههههههههههههههههه اقري على نفسك بس الزفه فيك فيك

انا وارجف بقوه : خايفه ابي امي نادوها ابيها جنبي

وتجي امي وهي تمسح دميعاتها فديتها والله كنها حست انها بتفقدني

ومعها البخور وتقعد تزغرط وتكبر وتهلل <~ ياربي شعور شين والله

وجدتي ياحليلها لابستن ثوب احمر وبرقع الصقر والطرحه عليها شك احمر والنعال حمر <~ ياربي على التطقيم بس

وتجيني جدتي وهي توقف جنبي : انا اسألتس بالله ياأم فارس من احلى انا ولا بنتس

انا: لاحووووول احسبك بتباركين لي اثرك جايه تجاكريني

هيا: هههههههههههههههههههه جده وخري وخري والله ياطلعتي سوداء جنبها

جدتي : تهبين والله اني طخمه وش زيني

حصه: الله يهداتس ياجده انتي تتكشخين المن ماأحداً ناظر فيتس راحت عليتس

جدتي وهي تخز حصه : والله لو ماسكتي لاخلي هالمزهريه على جبهتس

امي: ههههههههههههههههههه لاحول الله يالله يالله تزهبن بيجي فارس الحين ومعه المعرس

انا رجولي قامت تتنافض ياويلي ويلاااااه وش هاليوم الأغبر يارب يطلع حلم

واقعد اكبر بصوت عالي وامي وهيا وحصه ماتو من الضحك

وبعدها نزلوني على الكوشه وكانت بالصاله صديقات هيا وصديقاتي وبنات جيرانا وكل من اعرفهم ماريني بالبيت بيسلمون ثم بيروحون للقصر

نزلت على الزغاريط وصوت الزفه الي تغني باأسمي

وسلمو علي كل البنات ثم راحو

وجاء اخوي فارس وسلم علي ونظر فيني وضحك <~ اعنبوك حتى بيوم العرس مانت فاكني من نظرات السخريه اهبي عليه

ودخل ناصر ومعه ابوه

بس وربي ماذكر من هذيك اللحظه شي فجأه انا بزعاج مدري شلون إلا انا جالسه على سرير وناصر يسكر باب الغرفه وراه .. بعدها استوعبت انا وين ..؟..

اناوقامت تسكر اسناني في بعض من الخوف ..

ناصرولا حتى طالعني قط بشته ودخل الحمام ..

ناصر:قلت لهلك يسون لك شنطه وعانيها بالكبت اذا بغيتي تبدلين ملابسك

انا:اجل حنا وين

ناصر رافع حاجب : تستعبطين
انا: وببراءه : اعرفك عشان استعبط عليك

ناصر: ويخزني حييييييييييل .. وبعدهاقال .. حنا بفندق.. ودخل الحمام يتروش ..؟..

انا: هذا العرس والزواج الي مزعجيني فيه مالت عليك بس

انا قمت واجر ثوبي وراي .. وفتحت الشنطه واطالع إلا في قميص نوم لم اراه من قبل انا ما اشتري هالنوعيه من القمصان .. شفاف حيييييييل ...

انا: يانعنبو ذا الزول حصيصه مافيه غيرها حاطه هالقميص انا اوريها

وادور بين الملابس ولاماش كل واحد يقول الفاصخ عندي ههههههههههههههههه

وقمت اسب هيا وحصه مع اني توني باتسيه عليهن بس مادريت انهن مسويات لي هالحركه

انا: يعنني اغراء مالت على الكشره أولن لامن زين جسمي يوم أطلع كرشي ولا من بياضي الناصع حتى ركبي سود يما الفقر

ومادريت غير اسمع ضحكه قويه رجت الغرفه رج

ناصر. بخبث : هذا شنوو
اناو اطالعه بخجل : شويه خرق أنظف فيهم الغرفه
ناصر: هههههههههههههههههههههه
انا: يقولون النظافه من الايماان ..
ناصر: لا باين النظافه اجل الركب سود
انا: وابقق عيوني ونزلت راسي

ناصر: انا بنام تصبحين على خير

وراح ابن الذينا بينام صدق وبيسحب علي

انا بنت ابوي بنته <~ هههههههههههههههههههههههههههههه

انا:هذا علامه اليوم شكله مرتاع مني

ماعلينا هين اوريك يالهيس نام نام نامت عليك طوفه

نصار ويرفع راسه : وشو

انا: لالا ولاشي بس اقول تغط زين عشان مايجيك برد

ناصر: اييييييه وانتي مافي راسك نوم

انا: لا بروح اسهر على فلم

ناصر:ههههههههههههههههههههههههههههههههههه

انا: فيه شي يضحك !!

ناصر: لا مافيه شي يضحك روحي تابعي الفلم وعلميني وش نهايته

انا وبقلبي اقول: لالا بس كذا وين العشااء اللي يقولون عنه وين الكلام العذب وين الرومانسيه
ابك هذا طلع ألعن مني بالرومانسيه مالت على الوجهه ..
رحت بدلت ملابسي فصخت فستاني حق العرس ..
لبست قميص حرير طويل وفيه فتحات من الجوانب وكمومه شيفون وعليه قصه من الصدر وورده بيضه <~ استر واحد لقيته
ومثلهاا حطيتها بشعري بعد مافتحت التسريحه واللي خلت شعري كيرلي من تحت
لفيته على صوب والورده ورى اذني ورحت خمدت جنب الادمي ..؟

برب أنزل إللي بعدهـ

الجزء الرابع عشر

<~ الظاهر انها راعية طويله

الصبح ..<< ماقلت اشعه الشمس والسبب هو أنعدام الرومنسيه

ماعلينا قام هالهيس الي يسمونه المعرس وقومني

ناصر: نوره نوره

انا: هياوه اطلعي برا للعن مترسك هنا ترى الأخلاق مقفله فارقيني لاتوطى في بطنك

ناصر: لاحوووول هذي وش يقومها

وبعدها صرخ صرخه قويه على راسي :نوووووووووووووووووره قومي

اناواطمر وانا واقفه : حج ياحااج حج يااحاج اويهاااااا والعروس اليوم مدري علامها ايوهاا ولابارك الله بالمعرس وكلولولولوليش <~

ناصر: هههههههههههههههههههههههههههههههههههههههههههه الظاهر اني مسبب لك ازمه

انا وانتبه النفسي واتذكر ان البارح كان عرسي واشوف خشته قدامي

اعنبوه من حظ من طلعت على الدنيا وشفت هالأدمي وانا من طيحة لـ طيحة وجه

ناصر: بسم الله الرحمن الرحيم وش فيك شايفه جني

انا: لاوالله شايفه بريعصي

ناصر ويخزني هذيك الخزه : اقول قومي غسلي والفطور بيجي الحين

واطالع فيه بنفس الخزه واقوم وانا بنت ابوي واتحداه بالنظره : ماعشيتني البارح يوم الجوع مصعني جاي هالحين تفطرني
مشاء الله تصدق مامر علي انسان ذرب مثلك

ناصر ويقوم ويمسكني مع علباي: انا الحرمه الي ترفع صوتها على اكسر راسها مفهوم والخبال الزايد الي عليك ياليت تخففين منه
انا احب الحرمه تكون ثقل مو خفيفه

وانا الي اوخر يده بأقوي مامعي الظاهر انه ماعرفني هذا يحسبن اني خبله صدق <~ ايوه ياأنا

انا: الظاهر انهم ماجبروك اهلك تاخذ خبله

ناصر ويطالع فيني ويضحك بسخريه

وانا الي اعطيه هاك النظره الي خليته يعرف انا منو : اسمع ياولد الناس ترانا للحين على بر وبأمكانك ترجعني لبيت اهلي اذا خبالي على قولتك مو عاجبك
لأن هذا انا وهذي طبيعتي ماني مغيرتها عشاانك

ناصر طالع فيني بنظرات عجزت افهمها

وانا الي امشي بكل فخر

والف عليه واعطيه نظره وانا مبتسمه : ياليت تطلع من الغرفه بروح ابدل واتكشخ تعرف عروس ولازم تطلع قمر

وهو يطالع فيني من فوق التحت وقاام يضحك بصوت عالي وبشكل هستيري وهوالي يطلع ويسكر الباب وراه

اول ماطلع انا انقهرت يعني انا شنو مسويه له من اول ماجيت وهو قالب علي اعنبوه حتى كلمه حلوه ماسمعتها منه

ياحظي الأغبر انا مالقيت احب الا واحد اقشر واغبر وماينفهم

اخاف انه مغصوب علي بس

المهم رحت تسبحت وبدلت ملابسي والبس فستان ناعم لونه احمر واكشخ والبس ذهبي كله

<~ تعرفون عروس لازم تكشخ بذهبها

وانزل والقى الي ماينتسمى يبلع على كثر ماحبيته الفتره الي راحت الا اني حاقده عليه الحين بقوه

مير واقول بنفسي جعلك تغص

مادريت والا ناصر شارق بالحليب الي بيده

تبون الصدق عجزت امسك نفسي بخيت بضحكه ابي استفزه قاهرني

ناصر ويطالع فيني وهو مبتسم: نفسك فيه

انا: والله الظاهر

ناصر: وليه ماتشربين لازم تبحلقين عيونك فيني

انا: وش ازين انا مشفوحه ماحب اشرب الا الي مع غيري

ناصر: هذا وانتي عروس وبصباحيتك وهذا كلامك

انا: هههههههههههههههههههههههههههههههه وشو عروس ياربي وش هالنكته على هالصبح

ناصر ويطالع فيني من فوق التحت وهو يضحك ضحكة بسخريه : وش هالفستان وش هالكشخه

انا والف قدامه بقهره زود : وش رايك مو حلو

ناصر: يعني لك عليه

انا: مالومك من ذوقك المخيس

ومير افطر معه وانا حدي متنرفزه منه وهو باااارد وبعدها جت امي وخواتي حصه وهيا وجو خواته ساره واريج وامه

وسلمو علينا وارقصو عندنا شوي ثمن عاد كنهم بدو يفهمون انهم ضايقونا ههههههههههههههههه

ساره: يالله يومه خلينا نمشي ونخلي المعاريس على راحتهم

انا بقلبي اقول : والله لو تقعدون انه ابرك من مقابل هالوجه

ناصر ويطالع فيني بنظرات خبث : اي والله معاريس وجاينا على هالصبح خلونا ناخذ راحتنا

انا ووجهي ينلفع اعنبوه ناوي يطيح وجهي

ام ناصر وهي تضحك : ياحليلكم الله يوفقكم يارب ويسعدكم ويرزقكم بالذريه الصالحه

انا: ذريه ايه ايه ان شاء الله

امي وتكزني : ههههههههههههههههههههه ياحليلك يانوره مزوح

اريج: مو مامحبب نويصر فيها غير مزوحها هذا

وانا الي اعطيه نظره يعنني يقالك اني بقهره وبثقه اخزه وابتسم

وهو يرجع يطالع فيني بنظره نفس نظرتي بس من فوق التحت يعني كنه يقول لاتصدقين بس

اهبي ماينقدر عليه

وعقبها قامو وطلعو وتركوني انا وهالجدار العديم الأحساس الحالنا

انا على طول قعدت على التفلزيون مالي خلق له <~ قولي عارفه انه مو معطيك وجه

المهم واقعد اطقطق على القنوات واتابع وهو جالس وماتكلم حسيت ان فيه شي غريبه ماقط كلمه علي ولاقال شي

وانا التفت عليه لقيته حاط يده على خده ويطالع فيني

اول ماطاحت عيني بعينه ارتبك ووخر وضحك وكأنه شايف نكته بعيني

انا: الحمدالله والشكر الله يعطيك عقل التلفزيون هنا مو هنا <~ واشر على وجهي

ناصر: مادريت ان التلفزيون هنا احسبه هناك

المهم واسفهه واتابع بهاالتلفزيون

ناصر: عطيني الريموت

وانا اسفهه

ناصر: بنت هاتي الريموت بسرعه

وانا الي ماتحرك مثل الميته

وهو الي يرتفع الضغط عنده ويقوم ويمسك يدي بياخذ الريموت

وانا اتجود بالريموت ركبت راسي والله مايخذه لو يموت

ناصر: فكي الريموت بسرعه

انا: مكتوب باأسمك هو وش تبي انت انا بتابع مسلسلي

ناصر: فيه وحده تابع مسلسل بصباحيته

انا: امحق صباحيه وخر عن وجهي بس خلني اندمج مع المسلسل يقولك البطله احتمال تذبح حبيبها

ناصروهو يقعد وكنه تحمس : اوما تذبح حبيبها ليش وش مزين لها

انا والتفت له بحماس : انت مادريت هو ووش مسوي

ناصر: لا وش مسوي !؟

انا: هذا حبيبها خبل ورفع لها ضغطها يوم عرسها مخليها ونايم وساحبن عليها تخيل

ناصر وهو الي يشق الوجه باأبتسامه : طيب

انا: المهم وحبيبته الحين تخطط انها تقتله اجل هو على كيفه يحبها وبعد ماتزوجها يسحب عليها والله الي بيصير حرب عالميه بس لايفوتك تابع معي تابع

ناصر وهو الي ينسدح على ظهره من الضحك

انا: وشو المسلسل مو كوميدي يوم تضحك

ناصر: ماعلينا من مسلسلك هذا جهزتي شنطتك ترى بكره بنسافر

انا: اوماا بنسافر ههههههههههههههههههههههههههههههههههههههههههه

ناصر ويخزني وهو الي يلتفت ويسكت

<~ خبله والله اني خبله

المهم جاء بالليل وانا القط فراشي واروح لصاله الثانيه قلت برقد هناك وباخذ راحتي

تخبرون انا ماعرف انحشر مع واحد بنفس السرير والله يعالم اني يوم نمت البارح معه عجزت اتقلب على السرير براحتي

ياخي ياشينها مالها داعي والله <~ برآآآآ

ويجي ناصر ويدخل علي بالصاله وهو مطنقر والظاهر اني قهرته يالربع

ناصر: وش منومك هنا

انا: ابد عشان انت تاخذ راحتك وانا بعد اخذ راحتي

ناصر: اقول قومي قومي على سريرك بسرعه

انا: والله مالي قدره رح انت وانثبر هناك<~ علي اسلوب ياناس

انا خلاص جبت فراشي ونويت امرح هنا

وهو الي يصفق البااب باأقوى مامعه

وانا الي اقوم اطامر من الفرحه حسيت اني قهرته

وفي اثناء مطامرتي فتح الباب وطالع فيني بقهر : مستااانسه اجل

انا: لابس وشسمه خفت وقمت هذا من الخوف <~ جبت العيد وطاح وجهي وش اقول

ناصر: طييييب طييييب

وهو يسكر الباب بس هالمره بهدوء وانا اتلحف بطنيتي قلت بنام لاوالله اليوم ينومني بعقاله

هههههههههههههههههههههههههههه

المهم نمت وكانت النومه رهيييبه حسيت اني مرتاااحه حييل واخذت راحتي بالشخير مو زي البارح اعوذو بالله

مادريت غير شي يتحرك بوجهي احسبها ذبانه

نفضتها عن وجهي ورجع ثاني مره يتحرك على خدودي وانا الي احرك يدي ولا ماش مافيها طب

وانا الي ابصفقها ولا انه ناصر يحط خيط بوجهي يقالك بيمزح

أأأخ يالبيه يازين الصبح ياناس على وجهه ,, ماعليكم مني رضيت عليه وكيفي ان بغيت اتغزل بتغزل وان بغيت اسبه اسبه حلالي هو وش دخلكم فيني لاتخزوني كيفي <~ برآآآآآ

وانا الي اطالع فيه مدري ليش حسيت بهالحظه بالحب الزايد

ناصر ونظراته الي يطالعها فيني كنها حب لالا اظن انها نظرات واحداً ناقد

ناصر: نمتي زين

انا: وش رايك يعني والله ياأني نمت نومه تفتح النفس

ناصر: ليش عشانك مو معي

انا واشككه : لالا مو قصدي كذا بس يعني انت نومك مزعج وانا ماحب الأزعاج

ناصر ويبتسم : غريبه

انا: وش الغريب نومك المزعج

ناصر: لا

انا: اجل

ناصر: غريبه وش معنى هالمره مازعجتك رغم اني نايم جنبك

انا والتفت والقى فراشه جنبي

انا: نايم هنا !!؟؟

ناصر: ايه خفت الحالي وقلت ورى ماروح انام عندها

انا واقوم بسرعه واركض وادخل الغرفه <~ يقالك مستحيه هههههههههههههههههه

المهم دخلت ورحت اخذت شور ولبست وتكشخت وطلعت له

ناصر: يالله جهزي شنطتك بنسافر الماليزيا اليوم

انتظروني بالجزء الجاي <~ يالليل ماطولك

لالا خلاص ان شاء الله بخلصها قريب ماعاد بقي شي

لكل من مر من هنا
برب أنزل إللي بعدهـ

الجزء الخامس عشر

المكان بالمطار

نوره : انت هيه

ناصر: من الي هيه

انا: انت

ناصر ويمسك يدي بقوه : وربي لو ماأحنا بالمطار كان علمتك هيه ذي زين

انا: لاحوووووول علامك طنقرت ,, المهم ابي عصير فرواله اشتهيته رح جيبه لي

ناصر وهو يخزني: ماني جايبلك عصير وثاني مره ناديني باأسمي اعتقد انه اسهل من انت هيه

انا: لاحووووووول من هالزعول تقل كنه هيا لاطنقرت اقول بعلي العزيز جبلي عصير لاوالله ماركب الطياره ورح الحالك الماليزيا

ناصر ويطالع فيني بنظره تطنز : وشو العصير الي تبينه يالمشفوحه

انا وابتسم في خشته من وراى برقعي : ابي هذا عصير الفراوله

ناصر ويضحك ضحكه تقهر : طيب طيب

وراح جابلي العصير اعنبوهم غالين عصير الحاله بـ 27 ريال

ماعلينا المهم اني شفطته شفط بحلل كل ريال فيه

وناصر كل ماشافني اقع العصير يفقع من الضحك وانا مو يمه ابد

ههههههههههههههههههههههههههههه

ركبنا الطياره وكان مقعدي على الشباك

انا: ياولد بدلني انا خريشه واخاف مابي اطالع الشباك

ناصر: اقول انثبري مكانك بس

انا: يهبي ياحظه مكانه احسن من مكاني

ناصر: ههههههههههههههههههههه

شوي واسمعهم يقولون اربطو احزمتكم ومدري شنو وانا اللي انخرش

واتمسك بيد ناصر واصرخ بصوت عالي : لااله الا الله,, الله اكبر,, ولله الحمد,, الله اكبر,, اشهد ان لااله الا الله ,,ياربي ارحمني برحمتك يارب

ناصر تفشل مني : بنت انطمي فضحتيني وش فيك تقل كنك مودعه الدنيا

انا: احس اني بموت اليوم تكفى يابعلي العزيز سامحني

ناصر ويبتسم : اسامحك على ايش

انا: امس كمختك وانت نايم

ناصر : هههههههههههههههههههه وليش تكمخيني

انا: مدري ليش مير حرتن بتسبدي وطلعتها

ناصر: بشوف يمكن اسامحك ويمكن لا

وهي تطير الطياره وانا الي اتجود بيد هالمهبول وساعه وانا منزله راسي

وبعدها نمت مادريت عن نفسي

ولما قمت من نومي وفتحت عيوني لقيته حاط راسه على كتفي هو الثاني ونايم

في هالحظه حسيت اني صدق متزوجه <~ برآآآآ

هههههههههههههههههههههه

وصلنا ماليزيا وبعدها رحنا للفندق حقنا

بس اني ماتهنيت بماليزيا

انا وانا طالعه من المطار مع بعلي المغرور

طالع فيني شاب سعودي اطخم مزيون وأشرلي بحركه مافهمت وش يقصد وانا من باب نيه كنت اطالع فيه

شافني ناصر وانا اطلع فيه وشك فيني

سحبني على الفندق وتهاوشنا

انا: اسمع ياناصر انا ماسمحلك تتهمني بشي انا ماسويته مفهوم

ناصر: لاوالله واللي شفته وش تفسرينه

انا: وانا وش دراني واحد قاعد ياأشر لي مافهمت وش يقول

ناصر: ياشيخه كان رحتي له وعرفتي وش يبي

انا: انت غصب تبيني اطلع نفسي غلطانه

ناصر وهو ماشي بيطلع من الفندق: أقول روحي انقلعي عن وجهي مابي اشوف وجهك قدامي

وقبل لايطلع قمت اصرخ وانا ماأحس

انا: جعلك ماتشوفه طول عمرك ,, انا اصلاً تحسفت اني وافقت عليك ,, من تزوجتك وانا تقل كني خدامه كلمه حلوه مانقالت لي
والحين بكل قوة عين جاي تتهمني باأني اغازل هالكلب الي بالمطار بقولك شي تراني كنت مرتاحه قبل لاشوفك
بس من شفتك وانا في مغثه جعلني امووووت اليوم وافتك من هالحياه الكئيبه
يازين بيتك يايمه كرامتي فيه عمرها مانهانت <~ هنا بدى صوتي يتغير وخنقتني العبره
وانا اللي اروح الغرفتي واهبد الباب باأقوى مامعي

ناصر وقف شوي ثم طلع

واروح اخذلي شور وبعدها صليت ركعتين وأدعي ربي ان الله يسخره لي وبعدها نمت

ماأدري كم نمت من ساعه المهم اني قمت ولقيت ناصر نايم جنبي اعنبوه هالهيس وله وجه بعد ينام جنبي

وانا الي تركبني الجنيه بهالحظه

انا وادزه من السرير: انت انت هيه <~ لعانه فيه قلت انت هيه

ناصر ويتأفف وينقلب للجهه الثانيه : وش تبين انتي

انا: من سمحلك تنام جنبي هااه

ناصر: ليه عندك مانع !

انا: قوم اطلع برى الغرفه مابي اشوف وجهك عندي

ناصر ويقوم ويمسك يدي ويلفها بقوه : انا تراني محترمك من احترامي لأهلك لاتخليني امد يدي عليك

انا: ياسلااااام لالا مد يدك علي عشان اكسرها لك واعلمك كيف ترفعها لي

وهو الي يشد على يدي الين حسيت ان يدي بتنكسر انا هنا اخنقتني العبره من قوة مسكته اليدي حسيت يدي بتنكسر بس حاولت اكون قويه ولاهمني ونزلت راسي وشديت على سنوني مابي اقول أأه

وبعدها كنه حس ورحمني ثم فك يدي ورجع انسدح وانا قمت وطلعت من الغرفه

وجلست بالصاله افكر وش ازين له عشان ماأخسره لأني ورب البيت احبه

وفجئه والا انه قايم وراي وقف قدامي يطالع فيني

انا ماطالعت فيه ابد وسكت

ناصر: نوره

مارديت عليه

ناصر: نوره ماودك تطلعين تتمشين !!

انا بقلبي اقول لا وبعد يبيني اطلع مالت عليك وعلى وجهك

لفيت وجهي للجهه الثانيه وقلت له : لا

ناصر: طيب تجهزي بطلعك مكان حلو

انا والتفت له : خير انت ماتسمع اقولك لا

ناصر: ايه يالله وش فيك اسمعك يالله بروح البس واكشخ وانتي تجهزي بس لاتتأخرين

انا بتكلم برد عليه ماعطاني فرصه راح دخل يتجهز

استسلمت وطلعت معه للمكان الي يقوله

كان المكاان مره روعه رحت وتركته وقعدت اتمشى واصور عشان اوري هيونه اختي

هو جلس يطالع فيني وانا سفهته وكأني ماشوفه يطالع

لفت انتباهي بنيه صغنونه اول ماشافتني صرخت عشاني لابسه عبايه

وانحاشت ,, انصدمت انا وش فيها انحاشت لايكون شكلي يخرع لها الدرجه

التفت على ناصروه ولقيته منصرع من الضحك ,, ابن الذينا ماصدق خبر

انا: خير وش يضحكك انت

ناصر ومازال يضحك ولارد علي

انا: استغفر الله ياربي ,, شكل ميت قلبك انت

ناصر: ههههههههههههههههههههههه ليش البنيه اخترعت منك وانحاشت

انا: ماأخترعت بس انا صرخت بوجهها وهي انحاشت <~ ابوك يالتصريف

ناصر: هههههههههههههههههههههههههههههههه طيب طيب صدقتك

انا: جعلك ماصدقت ان شاء الله

ورحت اكمل تمشي وقفت عند البحر شوي,, وبيني وبينكم خنقتني العبره

على حلاوة المكان وعلى حلاوة الجو الي اني ابي ديرتي ابي السعوديه ماحسيت بالأمان ولا بالطمائنينه بهالمكان اشتقت لسعوديه وانا ماغبت عنها الا يوم

ومسكت خط وانا اطالع البحر مادريت الا يده على كتفي

انا على طول شهقت احسبه حرامي <~ تفكيرها على قدها ههههههههههههه

انا: خير

ناصر : طير

انا: يطيرك

ناصر: ههههههههههههههههههههههه

انا: الحين مكتوب على وجهي نكته يوم كل ماقلت شي قمت تضحك

ناصر: وش فيك متضايقه هالمكان مايجيب الضيقه

انا: صادق المكان مايجيب الضيقه بس دام وجهك بهالمكان اكيد بيجيب الضيقه

ناصر: هههههههههههههههههههه طيب مو جوعانه انتي

انا: الا ذابحني الجوع ,, والله اذكر اخر مره شبعت فيه قبل عرسي بليله

ناصر: وش قصدك ؟!

انا واعطيه هذيك النظره : لا ماقصدي شي <~ ياحبها للأستفزاز

المهم وداني مطعم مره شي وجلست ابلع فيه وحذفت الحيى يميني لابوه حيى خلاني اموت جوع

وهو بس يطالع فيني وقسسسم اني اشوي اغص

انا: هيه انت ابلع مو تطالع فيني ترى ماعرف اكل اذا فيه احد يطالعني

ناصر: ماني مشتهي

انا: اجل هات صحنك ورح تمشى خلني اكل براحتي

ناصر: وانتي ماتعرفين تجالمين وتقولين الزوجك اكل عشاني

انا: لا مايحتاج اجاملك انا ماداني المجاملات احب الكاش

ناصر حط يده على خده وقام يطالع فيني بنظرات غريبه ياناس هالنظرات تخليني اروح فيها

التفع وجهي مادانيه يناظر فيني كذا

صرفت ولفيت وجهي للجهه الثانيه وقمت احوس بعباتي واحوس بالشنطه المهم اني حاولت اصرف وماأحط عيني بعينه

هو استانس يوم شافني ارتبكت وابتسم ووخر عينه على طول

وبعدها طلعنا من المطعم رجعت للفندق

واخذ لي افراش ووساده عشان انام بالصاله

وخليته ينام الحاله

يتبع لحد يرد

الجزء السادس عشر

مرت ايام العسل حليوه نوعاً ماء <~ تبي تختصر وتدخل بالمفيد

ورجعنا لديرتنا السعوديه عقب مامر اسبوعين وحنا بماليزيا

انا: يازين هواااااااااااااااااااااااااااك يالسعوديه زيناااه

ناصر: انتبهي بس لاتشفطينه كله

انا: ياشيخ انطم خلني اتغزل بالسعوديه فديتها وفديت ترابها والله

ناصر: اي ياهني السعوديه يطلع الكلام الزين لها ,, وحنا الله يخلف علينا بس

انا واعطيه نظره بنص عين : كن بعلي يغار

ناصر: اغار ههههههههههههههههههههههههههههههههههههههههههه

انا وأنقهر من الحره: مو انا كل ماقلت كلمه قمت تضحك انت ووجهك ,, يالله اعجل خلني اروح البيتنا مشتااقه الهيونه وامي وجدتي وفارسوه يالبيييه بس

ناصر: بس هذول مشتاقه لهم

انا : لا بعد فيه

ناصر ويلتفت لي بقوه مع ابتسامه ملت خشته : من ؟!

انا: امك وساره واريج

ويرجع يعدل جلسته وكنه كشر ههههههههههههههههههههه احسن اجل يوم عرسي ماقلت لي حتى كلمة مبروك <~ للحين حاز بخاطرها

المهم وصلنا للبيت اول مادخلت لصاله وانا ازغررررط <~ الخبال مايقعد بالخلى

انا: كلولولولولولولولوولولولولولوليش

هيا وتجي تركض مع الدرج وتصرخ: لآلآلآلآلآلآلآلآلآلآلآلآلآلآلآلآلآلآلآلآلآلآلآلآلآ لا نورررره

انا: ايه نوره بشحمها ولحمها

وتجيك تمشي ميتين وتخمني هاك الخمه الي بغت روحي تطلع من وراها : ابك وحشتيني البيت من دونك مو شي وربي

انا وبغرور: ادري انه موشي الظاهر انك طاقتها مناحه وانا مادريت عنك

هيا وتدزني : مالت عليك هذا وانا جايتك لهفانه

وتقعد تطالع فيني من فوق التحت

انا: خيييير وش فيك
هيا: بشوف وش تغير فيك عقب العرس

انا واضحك والف وجهي مثل العجز واصقعها بيدها :هههههههه يقطع سوالفك ماتتركين حركاتك

وتجي جدتي بعصاته تطقطق بالصاله

انا: ياويل حالي ياجده من زمااان عنك

جدتي : ياهلا ياهلا ومرحبا ومليون ومايسدن يالله انك تحيي صبحا

انا : صبحا

هيا: هههههههههههههههههههههههههههههههههههههههههه جدتي زادت فصلتها من رحتي من البييت الظاهر قهوتك كان لها تأثير بمخها

انا: ايه انقطعت عنها قهوتي اثرها مدمنه وانا مادريت ههههههههههههههههههههههه

جدتي: اقلطي اقلطي علامك واقفه
واجي اسلم عليها واحب رويسها

وتجي امي والعن ابو الأستقبال بس الي استقبلته لي

امي : انتي جيتي

انا: لاحوووووووووووووووووووووول وش تشوفين قدامك اجل

امي : مير جابك الله روحي نضفي السطح من زمان ماأحد نظفه

انا واكشر بوجه امي : الحين بدال ماتخميني وتسلمين على طول تبيني انظف لك

امي وتنزل دمعه من عيونها : امزح معك يابنيتي والله اني فقدتك

وتجي امي وتضمني ونطقها انا وياها مناحه ونحط حرتنا بهيا كل شوي نقول لها سوي دلة قهوه <~ الله يالدنيا

المهم واقعد اعلمهم عن ماليزيا واتسذب عليهم ان علاقتي بناصر حلوه وانها مثل علاقة اي زوجين <~ امحق والله

واعطيهم من النصب الين شبعو منه
بس حسيت ان هيا مومصدقتني

ماعلي منها اهم شي اني ماأقول عن اي شي صار بيني وبينه <~ محافظه على أسرار بيتها

وفي هاليوم سحبت على ناصر وجلست عند اهلي قلت خله يولي من زمان عن اهلي وعاد ليته سأل عني والله مادرى عن هوى ادري

ويجي فارس ويبتدي يستهبل علي ويعطيني نظرات تحرررني وقسسسم

المهم من بكره رحت البيتي ,,
مير اول ماجيت وامسك البيت تنظيف
وناصر قاعد ينتظرني اخلص
وانا ماعلي منه سيفووووووووووووووووون
ويجي ناصر ويلقاني اهبد بالجدران <~ يوم خلصت شغل قمت اهبد اغبرت الجدران

ناصر: شكلك مشتهيه الشغل

انا وانا الهث تقل كني ملحوووقه بنعله : اي والله انك صادق مشتهيه شوي وربي

ناصر ومبين انه طفش مني : طيب خلي شغلك الحين وروحي سويلي شي اكله

انا: طيب طيب بس خلني اخلص هالجدار وازينلك شي تبلعه

ناصر ويوقف ويطالع فيني شوي

انا: وشو فيه شي بوجهي تبيه
ناصر ويصرف على طول : ماودك تستعجلين ترى الجووع ذبحني

انا وانزل من الكنبه الي كنت واقفه عليها : يالله هذاني رايحه وخر عني اهووو
<~ هيييين ان ماخليتك تنحر مثل ماحريتني ماكون بنت ابوي انا
واروح للمطبخ واحوس فيه واجيبه له
طالع بالأكل ثم طالع فيني وقال : شيليه ماعاد لي نفس

انا : ليه ماعجبك اكلي

ناصر: اقولك شيليه مالي نفس

انا: طيب لاتنفخ بشيله ,, ماحدن غاصبك تبلع انت الي قلت انك جوعان

ناصر ويصرخ : شييييييييييييييييييييييليه من وجهي واطلعي برى

انا : استغفر الله انت مسكون ولا فيك شي

ناصر ويرمي الصحن الي بيدي : انتي انساااانه عديمة احساااس واطلعي برى عن وجهي

انا وكأني مانجرحت :طيب ياكامل الأحساس بطلع بدون ماتقول

واخذ الصحون الي كبها حسبي الله عليه انا ناقصني تنضيف <~ هذا الي هامها

مير وارجع للمطبخ واقعد انظف فيه واغني بصوت عالي عشان يسمعني نيهاهاهاهااااي <~ يازين الأستعباط بس

هو خمد الظاهر ونام وانا قعدت على التفزيون وبعدها دقيت على اختي هيا
انا: الووو
هيا: هلا والله
انا: وش اخبارك يالعوبا
هيا: والله مالعوبا الا انتي ,, انا بخير ,, انتي بشريني عنك وعن حبيب القلب
انا: انا بخير وحبيب القلب اذاني اذاى مايبيني اشتغل ابد وكله مقابل خشتي ,, ياختي ماتوقعت ان الرياجيل كذا احسبهم اثقل من كذا
هيا: ليه انتي كم متزوجه من رجال ههههههههههههههههههههههههههههههههههه
انا: واحد بس متقلب على مية رجال ههههههههههههههههههههههههههه
هيا: نوره لاتضحكين علي انتي مو مرتاااحه مع زوجك صح ولالا
انا: تهبييين والله اني مرتاحه ,,
هيا: هههههههههههههههههههههههههههههههههه طيب طيب
انا: يالله انزلعي الشرهه ماهي عليك على من يكلمك
واسكر الخط من هيا ويضيق صدري واطالع بالساعه الا وهي 12 بالليل

قلت يالله يابنت الحلال روحي صلي وادعي على هالهيس الأربد الي منثبر فوق
مير الله وكيلكم انا لاجيت بصلي فيني عااده ماخليها
اجيبلكم بخووووور واحطه جنبي وانا اصلي
تقل كني احظر الربع
ههههههههههههههههههههههههههههههههههههههههه
المهم صليت ودعيت وحسيت براحه
بعدها رحت انثبرت بالصاله

وفجئــــــــــــــه

ناصر: نووووووووووووووووووره نوووووووووووووووره
انا: اللعنه تلعن بليسك وش تبي
ناصر : انا متزوج عربجيه خالصه الظاهر قومي بسرعه سوي لي فطور
انا: اطلع برى بنااام انا تعبانه ليلي كله مانمت
ناصر: اقول قومي لاوالله بالعقال
انا: أأأأأأأأأأأأأأأأأأأأأأأأأأأأأأأأأاف طيب بقوم بقوم
وانا انتفض مثل الجنيه
ناصر: بسم الله الرحمن الرحيم وش فيك
انا: لاأبد ولاشي واحداً نسيته البارح فيني وطلع الحين

ناصر: ههههههههههههههههههههههههههههههههه قومي قومي زيني لي فطور يالله
واقوم وانا منتفخه ونفسي براس خشمي
وازين لزوجي المخيس عديم الرومنسيه والمشاعر <~ كيفي بسبه عندكم مانع زوجي حلالي ماأحد له شغل

المهم وازين له فطور
وتجي امه وخواته عندنا ويتحمدون لنا بالسلامه

وتجي خالته اول مره اشوفها ومعها بنتها اسمها عبير البنت عذااب حلوووه مووت

المهم كنت كاشخه ومتزينه وجالسه بالمجلس اسولف مع سارونه واريج

وهذيييييك الي اسمها عبير مع امها كله خز فيني
مدري وش مزينه انا لهم

ام ناصر: مشاء الله يانوره وش هالسناعه وش هالزين

<~كنت مزينه حلويات وحركات يعني يقالك ذربه

انا: وش دعوه ياعمه ماسويت شي يستاهل
وتطالع عبير في أمها وتضحك بسخريه

انا استفزتني خييير وش يضحكها والتفت على ساره : ساره هذي وش فيها تقل كنها تتطنز علي

ساره : ماعليك منها ثقيلة طينه هي وامها معها

انا: يؤيؤ عيب ساره هذي خالتك

ساره: ياشيخه خاله بالأسم حسوده وتروع خليها تولي بس وانتي ماعليك منها خليك واثققه من نفسك

انا: لا انا ماعليك مني انا اعجبك والله مايقدر احد يهز ثقتي بشغلي

ساره : تعجبيني

المهم وتقوم هالتبن الي اسمها عبير تروح للمطبخ وطولت وهي بالمطبخوشكيت فيها بصراحه

ساره : قومي الحقيها لاتحطلك شي بالمطبخ

انا : يؤيؤ طيب بروح

وقمت وانا ماشيه للمطبخ واسمع صوت ضحكتها

وقفت مصدومه من تضحك معه هذي

عبير: ههههههههههههههههههههههههههههههههه يقطع بليسك ياناصر كل هذا بمرتك

انا انصدمت وسكت جاني فضول اسمعها واتأكد ناصر منو

عبير: اهم شي انك ماتنسى حبنا ,, اما مرتك هذي ماغار منها لأنها مو حلوه ابد وانا متأكده انك ماتحبها

انا واقرب من الباب ناويه ادخلوالغيرررره شبت عندي حسسيت ناار بداخلي بتحرقني

عبير: طيب حبيبي اكلمك الليله حاول تصرف حرمتك اوكي عندي لك مفاجئه بتعجبك

انا وادخل واطالع فيها بنظرة استحقااااااااااااااااااااااااااار واحط يدي على خصري

انا: اعتقد من بااب الأدب والذرابه ماتدخلين مطبخ الناس وهم ماسمحو لك

عبير :اوكي اكلمك بعدين

طبعاً انا دخلت عشان ناصر يسمع صوتي وانا اكلمها ,, ابيه يشك اني سمعتها

عبير: وشو وش قلتي

انا: مدري والله بس لو سمحتي لاتطلعين من المجلس ,,رجالي هنا مفهوم

عبير وتطالع فيني بغرور وتمشي وهي تتمخطر بمشيتها

انا وبنفسي اقول : جعلك تنكسرين ياارب
المهم وتجي ساره
ساره : وشو ورى وجهك منصفق

انا: لا ولا شي بس هالأدميه قهرتني بنظراتها <~ مابي اقولها ان اخوك يخوني معها

ساره : ماعليك منها غيووووره وربي
بعدها ررحت وجلست بالمجلس وقعدت اسولف عادي وامزح واضحك مثل عادتي

إنتظروني بالجزء الجآي

الجزء السابع عشر

عقب ماراحت خالت ناصر وامه وساره والشييييفه عبير <~ من الحره أقول شيفه ولا هي الملعونه جرررح

رحت اتصلت على بيتنا وردت هيونه

هيا: يالله انك تحيي اوخيتي وش اخبارتس وش علومتس واخبار العشه الزوجيه

انا:اهبي العشه مره وحده عشو شوشتك يالهيسه

هيا: هههههههههههههههههههههههه نمزح معك انتي علامك من اعرستي وانتي كبريت ماتنقربين

انا: آآآآآآآآآآآآآآآآآآآآه ياهيا آآآه خليها بالقلب تجرح ولا تطلع برأأ ثم تفضحني فضيحتن مانساها طول عمري

هيا: يؤيؤيؤيؤ علامك والله ان قلبي حااس ان فيك شي وانك مو مرتااحه

انا: واحد جاب طاري اني مو مرتاحه

هيا: مدري بس حسيت

انا: يرحم امك موتي احسااسك هالخايب

هيا: طيب لاتعصبين قوليلي وش فيك

انا: ياهيا تسبدي ياهيا منفطره

هيا: سلامت تسبدتس المنفطره وليه منفطره ؟!!

واعلمها السالفه كلها

انا: أأأأف ياهيا وقسسسم بربي تمنيت اذبحها ولو معي رشااش بوقتها فيضته براسها

هيا: اعنبووووها ملعونت الخير ,, مالومك والله

انا: ياهيا تهقين هو ناصر زوجي الي تكلمه ولا واحداً ثاني وانا ظلمته

هيا: هاااه !! والله اني شكيت مير ان كانه هو بينكشف صدقيني

انا: وانا بنتظر لين ينكشف و هالتعباانه تلقط رجالي مني

هيا: والله مدري يانوره بس ماظن انه ناصر ؟!

ويجي ناصر بهالحظه ويطالع فيني بنظراات كلها خز

انا: هيونه اكلمك بعدين

هيا: لحظه ,,, تعالي الليله عندنا تكفين

انا: ماأتوقع بس بكره ان شاءالله بحاول اجيكم

هيا: طيب يالله باي

سكرت منها ووقفت وانا احااول اسوي نفسي مادريت عنك بعطيه على جوه وبشوف اخرتها

ناصر وبنبره غريبه : من كنتي تكلمين

انا : من اكلم بعد وفيه غير اهلي

ناصر : طيب روحي جهزي لي حماام باخذ لي شور

انا: ابشر طال عمرك

وارقى فوق وانا احس بغصه ودي ارجع ثم اكوووفنه لين يتفل العافيه
مير الشكوى لله القوه دايم عند الرجال مو عند الحرمه
الحرمه ماحي فيها الا السانها

رقيت وجهزت له الحمام ونزلت لقيته جالس على التلفزيون ويطقطق بهالقنوات

طالعت فيه قلت بستفزه : نويصر روح للحمام جهزته لك خلاص

ناصر : وشو ,, وش قلتي

انا: اقولك جهزت الحماام

ناصر ويقوم ويمسك يدي ويلفها على ظهري بغى يكسر يدي جعل يده للكسر : وقسسسم بالله لو اسمعك تتكلمين معي بهالطريقه مره ثانيه لاتلومين الا نفسك مفهوم ,,

اناوعيوني تتغارق : وانا وش قلت

ناصر: نويصر هذي لاعاد اسمعك تقولينها,, كني واحداً من خوياك على غفله

انا: طيب وخر يدك ماصارت ان دلعنااك زعلت وان سبيناك زعلت وش نسوي عشان نرضيك

ناصر ويسكت شوي ثم فك يدي ورفعها وباسها

انا انصعقت اول مره يسويها من اعرست عليه

طالع فيني وقال: عسى ماعورتك بس

انا: هاااااه <~ البنت مو مصدقه لاتلومونها اول مره

ناصر: روحي جهزيلي شي اكله بروح اخذ لي شور ثم اجيك

انا ومازلت مفهيه واطالع فيه : طيب <~ مدري هالفيس لايق ولا لا

ورحت للمطبخ اشتغل واحوس بس وربي مو يم المطبخ انا

حسيت برجفه وبكهرباء بجسمي وحسيت بشعوووووور غريب ارتبكت لما باس يدي

ياربي ماتوقعت اني لاقربت منه اصير كذا

المهم بعد ماجهزت له شي ياكله حطيتها له عند التلفزيون ورجعت للمطبخ

تبغون الصدق مالي وجه اطالع فيه عقب ماباس يدي

قمت ارتب المطبخ واطلع منه شغل عشااان ماقابله ابد ولا أقعد معه

شفته جاء لتلفزيون وقعد ياكل

ارتحت شوي وجلست انظف بعمق <~ هو بصراحه مافيه شي ينتنضف بس تعرفون الحرمه لابغت تطلع شغل تطلعه

وانا عاد لاتحمست بالتنضيف تطلع معي اغااني مدري وش تبي

قمت اغني بصوت عالي <~ نسيت نفسي احسب اني في البيت

نوووووف تشرب على الريـق ببسـي
واليا تعشّـت ماكلـت غيـر كتكـات
حبيبتي حطّت علـى العيـن ورْسـي
وماتلبس الا مـن جديـد الموديـلات
نحيفة(ن) عـن كـل عـذرا تنّسـي
في حسنهـا قـد كلْبشتْنـي كلبشـات
احبهـا بـس الـعـرب ماتحـسّـي
والله يعيـن المبتـلـي بالطـويـلات

<~ هي قصيده بس تعرفون بدويه ومسكت قصيده بتلحنها ميت لحن

المهم انا مندمجه وبأمان الله مادريت غير الي يصفق بيده والتفت بقووه والا هذا اخوي فارس

انا: فرووووووووووووووس وش جايبك

فارس: ههههههههههههههههههههههههههههههههه فروس في عينك الحين انتي هو انتي ماتعقلين من يوم يومك مرجوجه

انا: يهبي من وين طلعت هههههههههههههههههههههههههههههه

فارس: وش هالسؤال المتنح مثلك ,, والله طلعت من هالباب <~ ويأشر على باب المطبخ وكان متكي عليه ناصر

انا وينصفق وجهي من شفت نويصر عند الباب متكي ونظراته لي نظرات خبيثه

واسلم على اخوي : ياحليلك وراك ماعلمتني انك بتجي كاان استعديت لك وجهزتلك سفره طول بعرض

ناصر: مشاء الله السفر ماتنتجهز الا الفارس وانا اكل اي شي بالطقاق

انا: انت مشاء الله شحوم بدت تتراكم وانا مابيك تسمن ثمن تفضحني بكره عند ربيعاتي

فارس: ههههههههههههههههههههههههههههههههههههههههههههههه والله انك ماتعقلين ابد تكبرين وتنهبلين

انا: ياشيخ من زين العقل والله ان نقص العقل نعمه نحمد ربنا عليها

ناصر وبنظره مافهمت معناتها: اي والله انها نعمه !!

انا واردله نفس نظرته : ماودك تقلط اخوي بالمجلس على مازين له قهوه

فارس: لالا انا مارك اسلم عليك وماشي ماني مطول

انا: ياشينك عااد والله اني مشتاقه لك اقعد اقعدت عليك جنيه

فارس: اهبي ياوجهك جنيه مره وحده

انا: ههههههههههههههههههههههههههههههههههه امزح معك يالهيس اقعد عشاني خذلك فنجال

ناصر: لالا مانت رايح لين تتعشى عندنا ومن يد اختك بعد

فارس : تتعشى عندكم العافيه خلوها مره ثانيه والله اني جاي اسلم وبمشي الحين وراي مشوار

وحاولت بفارس ابيه يقعد وماش روح الولد

المهم اني تحاشيت نويصر ذيك الليله وحاولت اني ماأقعد معه ابد

وارقى فوق وادخل الغرفه باخذ فراشي عشان انام مثل العاده بالصاله ولا بالمجلس المهم اني مانام عنده

ويدخل ناصر ويسكر الغرفه ويقفلها ويقعد

انا بيني وبينكم انخرشت وبلعت العافيه طالعت بالباب وطالعت فيه

وشفت بعيونه نظرة خبث خوفتني شكله ماهو ناوي يفتح الباب <~ جتها ام الركب

ناصر: وش فيك

انا: هااااه ,, مافيني شي

ناصر وينسدح على السرير : اليوم تعبت تعب احس اعظاامي مكسره

انا وبقلبي اقول : عساك للعله وش تبيني اسويلك شايفني دكتورة اعظام اهبي ياوجهه

ويرجع يطالع فيني بنظراته الي خلت جسمي كله ينتفض : وش فيك تسمرتي مكانك

انا: هاااه <~ هوااه

ناصر وعينه بعيني : طفي النور وافرشي فراشك بالأرض وانثبري

انا : ســــــــــــــم طال عمرك <~ والله مو منك من الراعه

ناصر: هههههههههههههههههههههههههههههههههههههههههههههههههه هههههههههه

انا وبقلبي : ضحكت من سرك بلى بنطم الحين ماني راده عليك خلني انثبر احسن

ونمت ذيك الليله <~ امحق نمت الا كل شوي ارفع راسي واطالع فيه وهو يسوي نفسه نايم ثم فجئه يفقع من الضحك

وانا ابسرعه اسوي نفسي نايمه ههههههههههههههههههههههههههههههههههههههههههه

اول ماطلع الصبح قمت وقومته هالهيس الأربد وقام على طول

ورحت اجهز له فطور وفجئه شفته نازل من الدرج وهو يكلم جواله ويقول

ناصر: وش حقه تكلفين على نفسك ياخاله ماكان له داعي ,,
طيب طيب ولايهمك ان شاء الله بجي وبجيب نوره معي ,,
هلا والله مع السلامه

انا واطالع بناصر : منو الي يكلمك

ناصر: خالتي

انا: من خالتك !!؟؟

ناصر : الي جتك ذاك اليوم بالبيت تعزمني وتعزمك بالمزرعه حقتهم مسوين لنا عشى الليله

انا: وشو ,, معليش ماقدر انا بروح لاهلي الليله روح انت الحالك

ناصر: مو على كيفك خالتي مسويه هالعزيمه لي ولك

انا: قول مسويتها لك انت ,, انا وش دخلني

ناصر: وشلون وش دخلك انتي مو زوجتي !!

انا وبقلبي اقول : زوجتك امحق زوجتن تعرفها

ناصر: شوفي دلعك هذا مو علي الليله القاك جاهزه مفهوم

انا : اشوفك مهتم بزياده !؟

ناصر: وكيف ماهتم هذي خالتي ,, اعتقد عيب عليك تقولين هالكلام

انا: طيب طيب بشوف بس احتماال كبير ماروح

ناصر وبصوت جدي: اسمعي كلمه ورد غطاها العصر القاك جاهزه مفهوم

وطلع وهو معصب

انا: ضف وجهك انت وخالتك معك ناقصني اهاانات انا

ياربي وش اسوي !! مالي خلق والله مالي خلق ,, بس ان مارحت بيطلعون فيني كلام وبينقدون علي

اجل دام العزيمه مسواه لي وهالملعونه موجوده بابرد حرتي فيها الليله ,, خلني اروح واوسع صدري

وانطلق لتلفون وادق على ساره

انا: الو

ساره: هلا والله نويره اخبارك

انا: الحمدالله طيبه انتي اخبارك

ساره : الحمدالله والله بخير ونعمه

انا: سارونه بسألك بتروحين اليوم العزيمة خالتك

ساره : والله مالي خلق تو داقه على امي تقول لازم تجون وانا شكلي ماني رايحه

انا: لا سويره تكفين لازم تجين انا مالي خلق نفسك بس وش ازين اخوك حلف علي

ساره : امممممممم طيب اجل بجي بس لعيونك

انا: تسلم عيونك والله هذا العشم فيك يالله ضفي وجهتس وتكشخي الليله ابيك تطلعين قمر

ساره : ههههههههههههههههههههههههه ابشري

سكرت منها وانا ناويه على الزفت الي اسمها عبير ,,

رحت تكشخت وتضبطت واخترت لبسي المهم اني طلعت قمررر <~ ايه هين

جاء ناصر ولقاني جاهزه ومتكشخه وابتسم كان متوقع يلقاني ماسويت شي بس انصدم لما لقاني متجهزه

ناصر: مشاء الله متسنعه اشوف !! وانك اليوم تقولين ماتبين تروحين

انا: اليوم وكلام اليوم يمحيه الحين

ناصر: هههههههههههههههههههههههههههههههههههههههههههه طيب يالله اركبي بروح تأخرت على خالتي

وركبت السياره معه وانا رازه عمري على الأخر

المهم وصلنا للمزرعه وجلست بالسياره مانزلت <~ قلت بخليه اليوم يفتح لي الباب

نزل ناصر وقف شوي وطالع فيني شافني مانزلت

وجاء عند بابي وافتحه

وانا انزل : شكراً بعلي العزيز

وامشي بسرعه عشان مايلمخني بكف ههههههههههههههههههههههههههههههههه

المهم دخلت انا وهو,,

اول ماطاحت عيني على خالته وانا امسك يد ناصر يقالك انه هو الي ماسكني من اليوم وشفت الخايسه متغطيه بجلال وواقفه

ناصر انصدم من حركتي وطالع فيني باأستغراب وانا ابتسمت بوجهه هو طالع فيني شوي ثم رد الأبتسامه ببتسامه

خالته انقهرت يوم شافت حركتي وبين من ملامح وجهها الغبينه ,, وهذيك ماقدر اقولكم اذا بين انقهرت ولالا لأنها كانت متغطيه

سلم ناصر على خالته وقام يضحك ويسولف معها وعقبها انا دخلت داخل بالمجلس حق الحريم وسلمت على الحريم الي كانو موجودات <~ خالاته مدري بنات خلاته المهم انهن واجد وسلمت الين خدي قال يرحم امك بس

وجلست بجنب ساره وقمت اسولف معها واضحك

وتجي الي اسمها عبير بوسط المجلس وتاخذ دلة القهوه وتقهوي الحريم

ثم تعدتني ماقهوتني <~ عرفت انها قاصدتها من شافت يدي بيد ناصر وهي منقهره وواصله معها وتبي تبرد الي بقلبها

ساره : الحيواااانه الي ماتستحي خييير ماقهوتك

انا: ماعليك ماكون بنت ابوي ان مارديتها لها

وتقعد بطرف المجلس وتطالع فيني وتضحك ضحكة سخريه

المهم وامسك جوالي واسوي نفسي اكلم ناصر <~ رغم ان مامعي احد بالجوال بس كذا لعانه

المهم واتميع على الجوال واضحك ,, وهي المسكينه قامت تنطحن بوسط المجلس

بعدها شلت جوالي بشنطتي واشرت الساره نطلع نتمشى بالمزرعه وقامت ساره على طول وطلعنا نتمشى

يتبع لاحد يرد

الجزء الثامن عشر

طلعت انا وساره برى بالمزرعه ورحت اتمشى

واسولف معها واخذ واعطي انا وياها بالكلام ,, شوي الا تلحقنا الي اسمها عبير تتلزق بساره وتسولف

انا سفهتها وماعطيتها وجه

وفجئه دق جوالها وردت بصوت نااعم

عبير: الوووووه <~ من النعومه يعني

المتصل : ,,,,,,,,,,,,,,,,,,,,,,,,,,, <~ مادري وش يقول

عبير: هههههههههههههههههههههههههههههههههههه طيب طيب

سكرت الخط والتفتت علينا وقالت وهي تطالع فيني بنظرات مدري وش مغزاها

عبير: بنات عن اذنكم بروح وبرجعلكم شوي اوكي

ساره : اوكي خذي راحتك

انا مارديت عليها

اول ماراحت قلت : فكه قلعه من هالوجه

ساره :هههههههههههههههههههههههه اقولك منافقه ماعليك منها

انا: خلها تولي تكفين

ساره : تعالي بوريك المزرعه حقتهم تراها مره تجنن

انا: يالله قو وريني

ورحنا نتمشى ونفر

انا: ساره تصدقين على كبر هالزرعه ووسعها ماحس فيها براحه ابد مدري ليش

ساره : غريبه !! بالعكس انا استانس فيها لاجيتها

انا: يمكن عشانها مزرعة خالتك عشان كذا ماأحس براحه لو انها مزرعتنا كان تلقيني في كل مكان لي بصمه فيها مثل البريعصي بكل مكان وزاويه تلقينه

ساره:ههههههههههههههههههههههههههههههههههههه عليك تشبيه مدري وش يبي

انا: سلكي لي عاد

ساره : نوره احسك هالأيام مره متغيره قبل انتي وسيعة صدر ومجلسك كله ضحك ووناسه الحين مدري وش فيك !!

انا: معقوله مع اني ماأحس بالي تحسين فيه <~ الا احس بس مابي اقولها عن تعامل اخوها معي

ساره : لايكون حامل

انا انصفق وجهي : وشو حامل فيه احد يحمل من ثاني شهر !!!

ساره : وفيه من اول شهر هههههههههههههههههههههههههههههههههه

انا: اهبي ياوجهك توني ماتهنيت مابي وراعين يهبلون فيني من بدري

ساره: شكلك عايفه اخوي ..!؟

انا: انا !! لاوالله وقسسم ماني عايفته ولا شي بالعكس انا اتمنى منه مليون بيبي بس بدري يبيلي على الأقل سنه عشان اتعود على مسؤلية البيت

ساره : امزح معك يالخبله

انا: مزحك مزح صعايده مدري وش يبي

ساره :هههههههههههههههههههههههههه تعالي بروح اجيب جوالي من داخل بوريك تصوير مصورته يعجبك

انا: وين بتروحين ترانا مبعدين مره نروح سوا احسن

ساره : لالا خليك هنا بروح اجيب جوالي دقايق واجيك ,, بعدين وش مبعدين تراها مو بذيك الكبر بس انتي عشانها جديده عليك

انا: طيب انتظرك ولاتتأخرين

وراحت تركض ساره وانا اطالع فيها وابتسم ياحليلها هالبنت والله انها عسل على الأقل فاهمتني

قعدت عند الشجره قلت خلني احطلي ذكرى هنا

واطلع قلم واقعد اكتب على النخله كلمات مدري ليش كتبتها بس اعتقد انها كانت شعوري في هالحظه

صحيح ماكانت واضحه بس الي بيركز فيها بيقراها زين

وانا قاعده احفر سمعت ضحكه مو غريبه علي !!

سكت شوي

,,,,,,,,,,,,,,,,,,,,,,,,,,,,,,,,,,!!

ورجعت اكمل الي اكتبه واسمع نفس الضحكه تنعاد

قلت لاااه والله فيه احد هنا لازم ارجع لايجي احد من رجالهم ويشوفني

قمت ومشيت واسمع صوت عبير

وكنها قاعده تكلم لها احد

عبير : انت الي ماسك يدها انا شايفتك بعيوني

ناصر: صدقيني هي الي مسكت يدي حتى اني استغربت حركتها

عبير : شكلك بديت تميل لها وتنساني

ناصر: لا الي بيني وبينك اكبر من هالكلام عبوره صحيح نوره زوجتي بس لاتنسين انك حبيبتي

عبير: طيب بصدقك بس تراك قلت فتره وبتطلقها وشكل هالفتره مطوله

ناصر: انتي ليش تحاولين تخربين جوي وجوك الحين حنا مع بعض انسي نوره وانسي هالسالفه قريب ان شاء الله راح افرحك

انا حالتي يرثى لها كنت واقفه اطالع فيهم وكل دمعه تسبق الثانيه

والصدمه خلتني اوقف واسمع كل شي باأذني

ياألله كيف حبيت هالأدمي

كيف عطيته قلبي وانا مغمضه عيوني

شهقت لاشعورياً لما مسك يدها يبوسها وقبل لايلتفت ويشوفني رحت اركض واركض بوصل بسرعه لداخل المزرعه

قابلتني ساره وانا اركض ودموعي كلها على وجهي وشهقتي تسبق دمعتي

ساره : نوره وش فيك

انا : ,,,,,,,,,,,,,,,,,,,,,,,,,,,,,,,,,,,,,,,,,,,, !!؟؟

ساره : نوره صايرلك شي وش فيك ليش تبكين علميني عبير تعرضتلك احد تعرضلك

انا: ,,,,,,,,,,,,,,,,,,,,,,,,,,

سمعت صوت ناصر يناديني

ناصر: نوره

انا والتفت له واطلع فيه بشمئزاز وكره ماقد حسيت فيه بحياتي

ناصر كان مبين على وجهه خوف ,, خايف اني شفته وبيتأكد والحيوانه الثانيه الي معه اختفت مدري وين راحت

ناصر ويقرب : وش فيك تبكين

انا واطلع فيه بنظرات استحقاار من راسه لرجله

هو حس اني شايفته : تعالي ابيك

ساره : طيب انا بدخل داخل بجيب مويه النوره

انا : لحظه

ساره وتلتفت وتطالع فيني

انا وصوتي مبحوح من الصياح : جايه معك

ناصر ويمسك يدي : خليك ابيك

انا وافك يده باأقوى مامعي : وانا مابيك

ودخلت داخل ودخلتني ساره بغرفه الحالي وجلست معي ولاأسألتني ولا سؤال

طلبت منها تجيب جوالي من مجلس الحريم وراحت وجابته لي

ودقيت على اخوي فارس

فارس :ياهلا والله بالحرمه الي كبرت وسحبت علينا

انا وابتسمت رغم القهر الي بداخلي : فارس وش اخبارك

فارس لاحظ ان صوتي متغير : انا ماعلي انتي وش فيك صايرلك شي

انا وماصدقت سألني وعلى طول بكيت

ساره على طول اطلعت من الغرفه وخلتني اكلم اخوي الحالي

انا: دق على ناصر وخله يدلك على المرزعه ابيك تاخذني ظروري

فارس: طيب قوليلي وش فيك

انا: فارس انا ماني قايله شي الا لما اشوفك قدامي

فارس : طيب بجيك الحين

واسكر الخط واضم ارجولي الصدري وابكي بقهرررر

الا قولو بحسره بمراره

وتدخل علي ام ناصر وتحاول تفهم مني وش صاير بس ماقلت لها اي شي

: سلماات يابنيتي وش فيك وش صايرلك

انا : لا ياعمه ماصايرلي شي بس تعبانه وابي ارجع للبيت

ام ناصر: والله الي اشوفه مايدل على تعب يدل على شي صاير وشي قوي

انا: صدقيني ياعمه تعبانه وابي اروح البيت اهلي ارتاح

ام ناصر: يابنيتي انا احترم خصوصياتك بس تراني بمقام امك ان كان فيه شي صاير علميني انا اعرف اتصرف

انا: ياعمه والله لو فيه شي لاقولك بس انا تعبانه صدقيني تعبانه

سكتت ام ناصر وبعدها ضمتني وباستني واطلعت اتركتني

وجلست انتظر فارس اخوي وانا احس بالأهانه في هالمكان وودي اطلع منه بسرعه

وفجئه دخل ناصر ونظرته ماهي مثل نظرته الي قبل

نظرة التغطرس وشوفة النفس ماشوفها

اشوف نظره ثانيه نظرة انكسار وخوف

ناصر: نوره

انا واعطيه ظهري لأني معاد اطيق اطالع بوجهه

ناصر: نوره خلينا نتفاهم ,, تراك فاهمه غلط

انا : اطلع من هالمكان لاصرخ وافضحك انت وهالحثاله الي اسمها عبير

ناصر: ماتسوينها انتي من يوم يومك طيبه

انا وأبكي واحط يدي على وجهي من القهر مثل البزر حاطه يدي وضامه رجلي : مو عشاني طيبه استغليتني واهنتني وانا الي ياغافلين لكم الله
بعرف يوم أنك تحبها ليش ماتزوجتها !! ليش تزوجتني انا !!
ليش تبي تهين بنت عمك ليش !! انا وش غلطتي الي سويتها لك !! عشاني حبيتك من قلب
روح ياناصر روح الله يسامحك ويسمحها ,, انا ماني طايقه اشوف وجهك قدامي

ناصر: طيب خليني ابررلك خليني اقولك ليش انا سويت كذا

انا: اطلع برأأأ مابي اسمع منك ولا كلمه اطلع براا

ويدق جوالي بهالحظه

انا: هلافارس ثواني واطلع

وامشي واخذ عباتي وشنطتي وانا ماشيه جيت بجنبه وقلت ~

انا: حسافه الشماغ الي لابسه على راسك لو انك معطيه اختك ساره قسم انها ارجل منك

وطلعت من المكان الي هو فيه وركبت مع اخوي فارس

حاول اخوي فارس انه يعرف وش السالفه بس ماحبيت اقوله مابي اصدمه بصديقه وولد عمه مابي اهينه

حتى ولو صار هذا زوجي ,, او كان زوجي لأني خلاص عفته وماظن برجعله ابد

يتبع لاحد يرد

الجزء التاسع عشر

بعد ماتركت ناصر ورحت البيت اهلي

حاولو اهلي يعرفون وش الي صار !! ووش السالفه

حاول اخوي فارس بس ماقلت له اي شي

مو عشان ناصر لا

عشان الحيوانه الي اسمها عبير

ماودي اشوه سمعتها ولاأبي اظرها رغم انها اذتني بس انا بكون احسن منها وبستر عليها

رجعت نوره القديمه بالبيت واهبالي مع جدتي رجع

مر على تركي الناصر شهرين

حاول بكل الطرق انه يكلمني بس ماقدر

وبعدها انقطع لفتره طويله ولاعاد سمعت عنه شي

انا نسيته او حاولت انساه لأن الموقف الي صار صعب ينتسى

امي : طبخن طبختيه يالرفلا اكليه

انا: لاحوووول يمه انتي وش عليك مني انا حره

امي : لا ماأنتي حره علميني وش الي صاير خليني اعرف ليش عايفته

انا: انَ لله وانا اليه راجعون ياعالم ماأحد له دخل فيني

هيا: يمه الله يهديك خليها في حالها كل مره نجلس نبي نسولف تفتحين نفس السيره هي حره ماتبي تقول براحتها

انا: هذا الكلام السنع

جدتي : اقول قومي قومي جيبيلي دلة قهوه وافرشي فرشتي بالحوش

انا: يذا القهوه الي ماتشبعين منها ياجده اعتقيها لوجه الله تكفين

جدتي وتلمخني بعصاتها : انتي بتقومين بالطيب ولا اقومك بالغصب

انا : ماني قايمه لابطيب ولا بغصب وخري عني قهوه مافيه صار وجهك دله من كثر ماتشربين قهوه

جدتي وتحذف نعلت امي علي : اهبي ياوجهك مالوم رجالك يوم عافك اثرك خبلة خالصه

امي : لاحوووول انتي ليه تحذفين نعلتي مالقيتي غيرها

هيا :ههههههههههههههههههههههههههههههههههه كلن على همه سراا

انا: اي والله سرى هههههههههههههههههههههههههههههههههه

وفي هالحظه تجيني رساله بجوالي من رقم غريب

فتحتها والقاها قصيده

ابدق اتكلم اتعذر ابقول اسف على اللي صار
واقول الكون مايسوى لاصرت من دونك

واقول اني خذلتك بس معاي وردتين اعذار
تقبلهم مثل عصفور يداعب طلعت عيونك

انااسف تقبلني حبيبي جيتلك منهار
خلاص انسى وابي ارجع مثل ماكنت بجفونك

مثل ماكنت تهديلي السحايب وارتوي امطار
مثل ماكنت توقدلي العتم من شمعة جنونك

انا غروري خذلني يوم شفت اللي يبوني كثار
شريت اوهامي يوم اني ابيعك واخسر ضنونك

مثل ماقلت باعوني وجيتك بكمل المشوار
معك وارجع مثل اول مثل ماكنت بعيونك

الرقم الي ارسل هالرساله ماعرفته اول مره يجيني شكيت انه غلطان ولا شي

سكرت جوالي ولاكأني قريت شي ورجعت استهبل على جدتي واقوم ازين لها فرشتها بالحوش

ويوم جت وجلست وانا اقوم اسحب الرجولها بالحوش وجدتي تصيح

جدتي: يابنت عيب عليك فكي رجيالاتي لابارك الله فيتس

انا: لالا بعلمك منهي الخبله وبوريك اخبالي على سنع هههههههههههههههههههههههههههه

هيا: هههههههههههههههههههههههههههههههههه حرام عليك اتركيها والله الرجولها بتمصع الحين ثم نبلش فيها

انا واسحبها بخفيف وكل ماتكلمت ودعت علي سحبتها واضحك

في هالحظه شفت هيونه ادخلت بسرعه

استغربت منها ليش دخلت بهالسرعه كن فيه احد يطردها

المهم جلست اسحب رجيلات جدتي وانا اضحك على شكل جدتي وهي تهاوش

وفجئــــــــــــــــه سمعت صوته

: سويتي معي نفس هالحركه يانوره وسحبتي رجولي بس بوقتها كنتي غير هالحين

انا والتفت على الصوت والقاه ناصر

انصدمت ووقفت مكاني مدري وش أرد عليه

شفته

من عقب ذيك السالفه ماجات عينه بعيني والحين شفته

بس مو هو الي قبل متغير وجهه ومشحب وشكله مو مرتب ابد ,, طالعت فيه بنفس نظرات الأستحقار وعيني بعينه

ناصر: نوره عطيني فرصه ابررلك خليني اعلمك خليني افهمك

انا: انت للحين مامليت !!

ناصر: ولا راح امل ,, انا شاريك يابنت الناس

انا: وانا بايعتك ياناصر

ناصر: لاتخلين حياتنا تخرب بسبب غلطه صغيره,, انا ماأنكرلك ان كان بيني وبين عبير علاقه حب بس صدقيني انتي من دخلتي حياتي تغير كل شي
نوره انا حبيتك وبغيتك انتي انا لو ابي عبير خطبتها وتزوجتها انا مابيها زوجه ابد ,, ولي أسبابي في هالشي

انا: اجل تبيها حبيبه !! وتبيها صديقه !! وانا الزوجه المهانه الي تدوس على كرامتها كلمه حلوه بخلت علي فيها وهي مابخلت عليها ولابكلمه
كيف تبغيني ارضى ان الزوجي حبيبه وصديقه
صرنا باأمريكا حنا لازم يكون لك زوجه وفي نفس الوقت صديقه

ناصر: انا تركتها من تركتيني ,, انا فعلاً غلطان يانوره غلطان ,, وابي منك السماح ,, بس غلطي هذا له سبب

انا : وانا ماني مستعده اتحمل غلطك !! وقراري للحين ماغيرته لو سمحت استعجل بالطلاق ,, انا عايفتك ياناصر عايفتك ومابيك فاهم انت كلمت عايفتك
صحيح اني كنت احبك ومجنونه فيك ,, بس الي ماتعرفه ان كرامتي فوق كل شي ,, والي بعد ماتعرفه عن نوره المرحه والطيبه والي كنت تشوفها خبله<~ هنا اخنقتني العبره وكملت كلامي

انها ماتسامح لو تنطبق السماء على الأرض

وتدخل ام ناصر بهالحظه ويطلع ناصر على طول

ام ناصر : تعوذي من أبليس يابنيتي ترا البنت مالها الا بيت رجالها ,, والله غفور رحيم كيف عاد حنا ياعباده

انا سكت يوم شفت ام ناصر داخله ونزلت دمعتي

جدتي: وش هالعالم الي دخلت علينا وانتي علامك ماتغطين عن هالرجال <~ مو وقتك تفصلين الحين

انا وامسح دموعي : ياجده هذي عمتي ام ناصر

وتسلم عليها ام ناصر وتمسك يديني : يابنيتي انا عرفت السالفه من ناصر وعندك حق بالي تبين تسوينه ,, بس انا ابيك تتصرفين بحكمه يابنيتي كلنا نغلط
مافيه احد معصوم عن الغلط ,, بس من الي يسامح !! من الي يغفر !! وانتي طيبه وبنت رجال ,, ماظن انك بتطلعيني خايبه

انا: كان ودي ياعمه ماخذلك بس ولدك هاني اهانه ومسح بكرامتي الأرض ,, يكفي خيانته لي مع ... استغفر الله مابي اجيب طاريها

ام ناصر : يبنيتي انا مابي اغصبك الي يريحك اجل ,, ودامك مصره على الطلاق الله يوفقك مع الي احسن من ولدي

وطلعت ام ناصر وهي شايله بخاطرها علي وجتني هيا

هيا: يألله ياقو قلبك طلعتي ام ناصر زعلانه من البيت

انا: سمعتي كل شي

هيا: يكون في علمك اني عارفه بالسالفه كامله ومن ساره بنت عمي بس ماحبيت اتدخل لأنك انتي الي رفضتي تدخلي بالسالفه واحترمت رغبتك بس انا اختك اقرب وحده لك المفروض ماتخبين علي
على الأقل فضفضيلي بدال مانتي كاتمه بقلبك وتقولين لناس انه ماهمك ,, انا اكثر وحده اعرفك انتي تموتين بناصر وتحبينه ,, مدري ليش تسوين في نفسك كذا

انا: هيا امي لاتدري تكفين ان ام ناصر جت

هيا: ماني قايله شي لها بس دخلي جدتي داخل ثم ارقي للغرفه بتفاهم معك

انا: سكري على الموضوع انا ماني مغيره رايي ولاعاد ابي هالأدمي خير شر ,, وهالسالفه سكريها مفهوم

راحت هيا بعد مافقدت الأمل مني وانا دخلت جدتي ,, وصرفت امي لما قابلتني وشافت وجهي منصفق قامت تسألني ,, وش فيك وش مافيك ؟!

المهم اني حاولت اصرفها ورقيت الغرفتي وسكرتها علي

جلست احاسب نفسي انا الي اسويه صح ولا غلط

بس هو اهاني وخاني كيف ارجعله

قمت صليت ركعتين ودعيت ربي ان الله ينور لي بصيرتي

وبعدها حطيت راسي ونمت عشان مافكر بالي صار

//

اما هيا بوقتها احترقت تبي تحاول فيني بس ماقدرت

وبعد فتره طويله جاني الخبر الي فجع اهلي كلهم

امي : طلقها ياويلي على بنتي

هيا: لاحووول ولاقوة الا بالله ,, يالله هي الي بغت الطلاق

امي وهي تصفق على وجهها وتلطم : وين اودي وجهي من الناس وش اقول اقول بنتي مطلقه وفضحي من الناس

فارس: وانتي وش عليك من الناس ,, اهم شي نوره وش بتسوي لو اسمعت الخبر

امي: خلها تاكل من طبخها ,, تغلت الين الرجال عافها ولاعلمتنا وش فيها تتدلع علينا وهذي اخرتها طلقها الرجال

فارس : الله يهديك يايمه وش هالكلام كن الطلاق نهايه لها ,, استغفري ربك وارضي بنصيب بنتك ولاتقعدين تلطمين على وجهك

امي: حسبي الله عليه الله لايوفقه الطلاق عنده لعبه

هيا: يمه انتي انهبلتي بنتك هي الي تبي الطلاق الرجال وش دخله يوم تدعين عليه

امي : الله ياخذها من بنت وافتك منها بتفضحني عند الناس تطلقت ماكملت الثلاث اشهر

فارس عصب وطلع وامي قعدت تلطم

وانا سمعتهم من الدرج ومانزلت لهم خفت من امي بصراحه لاتذبحني

رجعت الغرفتي وسكرت غرفتي وبكيت

صحيح اني انا الي بغيت الطلاق ,, وانا الي اصريت عليه ,, بس لما سمعت كلام امي حسيت بمرارته ,,

ويمكن اني عفته ناصر بوقتها ,, بس لما جاني خبر طلاقي حسيت اني اخطيت واستعجلت بقراري

بس وش ينفع الندم الحين ,, خلاص هو راح بطريق وانا بطريق

مالي الا الصبر وبتحمل اهانات امي لي لين الله يفرجها لي

//

ومن طلاقي بدت المواقف الشينه والأهانات من امي وجدتي حتى فارس اخوي وهيا اختي بعد

ومن اقاربي الي ماشفتهم الا يوم تطلقت

سبحان الله ياسرعهم لشماته ,, يفرحون بمصايب غيرهم ,,

انتظروني بالبارت الجاي

دوكم لآ تزعلوون هذا نصيب نوره

يتبع لاحد يرد

الجزء العشرون

من بعد طلاقي صرت اكرف بالبيت اكثر من قبل احاول اتهرب من نظرات اهلي لي

وصارت الطلعه صعبه من البيت

صارت اغلب جلستي يابغرفتي الحالي او عند جدتي رغم ان جدتي تجرحني ببعض الكلام بس جدتي ادري انه من ورى قلبها

عكس امي وهيا صارلهم فتره يجرحوني ولايهتمون فيني

بعد مرور اسبوعين من طلاقي من ناصر

هيا : قومي بسرعه امي تبيك تنضفين السطح

انا وبفراشي واحس بحرارتي مرتفعه : هيا تكفين انا تعبانه ماأقدر روحي انتي بس لاتقولين لامي اني تعبانه

هيا: ياويلي تبين امي تذبحني قومي قومي بس وخلي عني الدلع قومي نظفي السطح بسرعه

انا: استغفر الله انا بعرف الرحمه منزوعه منكم اقولك تعبااانه انتي تفهمين

وتطلع هيا وتسفهني واظطر اقوم وانا احس بدووخه قويه وحرارتي مرتفعه

وارقى لسطح واشتغل فيه

تحت عند امي /

هيا: قومتها بس تقول انها تعبانه

امي: ايه هذا عذر عشان ماتشتغل خليها تقوم بسرعه لاقومها بطريقتي

هيا: يمه خلاص ارحميها ماصارت عاد طلاق انتم ليش تعاملونها كذا حتى انا صرت مثلكم اعاملها وكنها مسويه جريمه

امي: تستاااهل ليش تعاندني ,, خلها تذوق طعم الطلاق الي مستعجله عليه

جدتي: والله ان نوره طيبه وريفه فيتس بس انتي مجرمه اجرم الله فيتس مثل ماتجرمين فيها,,

امي : والله ماسويت فيها شي غير اني اعاقبها على فعلتها الي تسود الوجه

دخل فارس بهالحظه ووجهه ملتفع

هيا: سلم طيب تراك مانت داخل على يهود

فارس: اقول ورى ماتنقلعين مو احسن لك

هيا: استغفر الله وانا وش قلت ,, ترى السلام لله مو لي

امي : علامك معصب ياولدي صاير شي

فارس ويطرح نفسه على الكنبه ويتنهد : اي صاير شي بس ماأعتقد يهمكم

امي : ياويلي قولي وش صاير ,, اختك حصه صايرلها شي

فارس: لاماصيرلها شي حصه بخير ,, وبعدين انا قلت مايهمكم الي صاير

هيا: يوه يمه وراك تفاولين على حصه,, اليوم وانها مكلمتك الصبح

امي : ايه خوفني وجه اخوك !! انت علمني وش الي صاير وجهك علامه قالبن اسود

فارس ويتنهد وبعدها قال

: ناصر بيتزوج !!

هيا :يؤيؤيؤ تمززززح

انا كنت نازله مع الدرج وكان التعب زايد عندي والدوخه زايده وسمعت بس كلمة فارس لما قال ناصر بيتزوج

هنا انصدمت وحسيت الدوخه زادت

وعلى طول طحت من الدرج ماأدري وش صارلي بالضبط

اشوف امي واخوي فارس وهيا وجدتي حولي بس مادري وش يقولون

واسمع اصراخ ولا ادري من الي يصرخ

شالني اخوي فارس ووداني للمستشفى

وكان الخبر المفجع هناك

فارس: وشو حاامل

الدكتور: ايوه ياسيدي مبروك بئه حاتصير اب

فارس سكت شوي بعدين قال : دكتور انت متأكد

الدكتور شك بوضع فارس: ايه يابني مراتك حامل

فارس ومعصب : هذي اختي مو زوجتي

الدكتور : اهاا معليش ,, اجل بلغو زوجها باأنها حامل

فارس : يصير خير

وبعدها دخل فارس على وناظر فيني بنظرات شفقه ورحمه

انا: حامل

فارس: اي حامل

انا: طيب لي زعلان

فارس :................!!

انا: ناصر بيتزوج صحيح !!؟؟

فارس: ماعليك منه الله بيرزقك باألي احسن منه

انا وتخنقني العبره : لاعادي انا اصلاً الي بغيت الطلاق والله يوفقه

فارس: وسعي صدرك ياوخيتي ,, والله مايتساهل ظفرك

انا وترتجف شفتي وامسك دموعي عشان ماتنزل قدام اخوي ويدري اني مكسوره : ابطلع من هنا ياناصر ؟!

فارس: ناصر !؟

انا واختبص وحسيت اني جبت العيد على نفسي : اقصد فارس معليش هههههههه تأثير الحمل لاتشره

فارس ويسكت ويطالع فيني شوي

ثم بعدها راح يقول لدكتور انه بيطلعني والدكتور عطاه نصايح ,,لاتكثر شغل ولاتشيل شي ثقيل ومن هالكلام

وبعدها اخذني فارس لبيت اهلي دخلت ولقيت امي وجدتي وهيا جالسين بالصاله ينتظروني

حسيتهم متوترين حيل وحسيت بخوفهم رغم قسوتهم التفره الي راحت علي الا انهم يحبوني وبيضلون اطيب من غيرهم علي

ماطالعت فيهم ابد رقيت على طول الغرفتي

وفارس علمهم اني حامل

امي قامت تصيح وياويلي على بنتي ومن هالكلام

وبالليل جتنا خالتي الي لها سنه ماشفتها فيه

امي : يالله انك تحييهم ياهلا والله ومرحبا

خالتي : هلا فيك والله

ويجلسون يسولفون ويحشون بخلق الله ~

وبعدها نزلت انا وهيا نسلم عليها اول مادخلت وسلمت علي قالت : صحيح الي سمعته يانوره <~ بنبرة تطنز لاحظو

انا سكت مدري وش أقول ردت امي عني

امي: وش الي سمعتيه !؟

خالتي : ان نوره تطلقت وان الي طلقها بيتزوج من بنت خالته ؟!

انا انصدمت يعني بيتزوج عبير

امي : اي ماحصل نصيب وش فيها يعني !! وخله يتزوج الله يوفقه ويرزقه

خالتي : هااو وليه وش الي صاير ماكملت بنتك الأربع اشهر !!

جدتي: هوت عليتس انتي جايه تشمين الأخبار عندنا ولا جايه تسلمين علينا يالقطوووع

خالتي: لاحوووول وانا وش انا قايله تراني أسأل عن بنتي ماهي غريبه عني <~ اي هين

انا هنا وصلت معي لاراس خشمي واظطريت ارد عليها بالنيابه عن امي وعن جدتي

انا : شوفي ياخاله تراك عزيزه وغاليه صحيح اني ماشوف وجهك الا وقت المصايب بس على ذالك اقدرك واحترمك
لاتخليني اتمهزء صدق فيك واقولك شوفي نفسك كم مره تطلقتي وكم مره تزوجتي

<~ عدو واغلطو خالتي هذي مشاء الله تزوجت الأربع ميه

خالتي : وعلامك اكلتيني بقشوري وش انا قايله سألت مثل ماخلق الله تسأل تراني ماني من اهلهم تحطون حرتكم فيني !

انا: استغفر الله ياربي وش حقه تسألين يهمك انا تزوجت ولا تطلقت ,, لو يهمك حظرتي زواجي وقدرتي اختك الي دقت عليك وجيتي عشانها مو عشاني

هيا: لا انا بعلمك وش يهمها ,, هي فاضيه حق الشماته بس روحي زوجي بناتك العوانس اول شي ثم تعالي تشمتي فينا

خالتي: هااو والله مالوم الرجال يوم عافتس اثرتس عوبا والسانتس يطول اذانتس

امي : اقول الى هنا وبس احترمي نفسك هذي بنتي وتربيتي ,,

خالتي : والله ونعم التربيه

المهم ان امي اسكتت واحترمت انها في بيتنا وماتبينا نغلط عليها وخلتنا نرقى انا وهيا الغرفتنا عشان مانتحرش فيها ولاتتحرش فينا

انا: اااه ياتسبدي كان ودي اقوم عليها واخنقها الين تموت هالنتفه

هيا: ماعليك منها منحره بناتها عنسو عندها وغايره منك ويوم اسمعت انك تطلقتي فرحت جت تركض تبي تتشمت مالت عليها من خاله

انا: ايه خلها تتشمت لبكره وربي ماحركت براسي شعره

و قعدنا نسولف انا وهيا ونضحك ونستهبل ورجعنا انا وهي مثل قبل واحسن

انا: هاتي جوالي سمعت صوت رساله

هيا: وين حاطته

انا : وراك شوفيه

وتجيبه هيا وافتح الرساله والقى نفس الرقم الي ارسلي قبل ارسل الحين

وقمت اقرى الرساله الـ هيا

في داخلي جمر لكن .. مايدفيني
من يشعل النار في صدري ويدفاني
من يجمع الغيم بيدينه .. ويسقيني
واصب عيني لعينه .. واحطب اهدابي
من ياخذ النوم من جفني .. ويسريني
ويعلق الصبح .. قبل اصحى .. على بابي
تعبت اوطن بقلبي شخص ينفيني
تعبت اهجّر حمام . ن حب محرابي
تعبت اقطّف حروفي من بساتيني
والناس تُعجب .. وانا مانلت اعجابي
ياأول الحب وينك ؟ .. أو .. أنا ويني ؟
تغيب عني كأنك تعلن اغيابي
من غبت عني .. وانا والله ماابيني
ضيقت خلقي وضاقت فيني اثيابي
اعد عمري الحقيقي واحسب سنيني
لقيت عمري معك ماجاوز اتعابي
طلبت قلبي .. وقلت : ابشر ومن عيني
واعطيتك اللي تبيه وقلت .. بسبابي
يبذر بي الحب من صغره .. ويجنيني
الين شفتك زرعت الموت بترابي
حريتي معك .. لكن .. عطني ايديني
اخفي بها حزن متسلطن بأهدابي
محتاج انام ودخيلك .. لاتصحيني
الا على انفاسك اللي تشبه اطيابي

هيا: من منه تهقين !؟

انا: والله مدري بس تراه سبق ارسلي مسج قبل كذا

هيا: تهقين انه ناصر

انا: لا ناصر رقمه معي ,, بعدين ناصر بيتزوج فاضي يرسلي !!

هيا: والله مدري عنه كل شي جايز ,, بعدين هو ماقال انه ترك عبير ليش بيتزوجها الحين ,, والله يالرجال ماينتأمنون

انا: وانتي وش دراك انه بيتزوج عبير

هيا: ساره علمتني , وشكلها موب راضيه بعد على زواجه

انا: الله يهنيه معاد له عندي أي قيمه والي بيربطني فيه هو الي في بطني

هيا: من قلبك يانوره !؟

انا: هيا تشكين بكلامي !؟

هيا وتبتسم : ابد ماشك واهم شي اني اشوفك مبسوطه هالشي بيخليني قويه قدام الناس

انا: ايه ماعليك خليك واثقه والي بيجيب طاري ولا يتطنز لاتسكتين له مفهوم يالبطه

هيا: ههههههههههههههههههههههههههههههه افا عليك ماخذه طولة اللسان من جدتي وراثه تراه

(المهم بعدها صرت عادي جداً وحياتي صارت جداً ممتعه وامي معاد تقط علي ولاعاد تكرفني من درت اني حامل
وناصر ماوصله خبر اني حامل طبعاً )

وجاء اليوم الي يبلغوني فيه بزواج ناصر طبعاً ماأنكر لكم اني تأثرت كنت اتوقع انه حلم ولاكذبه

بس الظاهر انه واقع

اعزمو امي على الزواج تخيلو عمتي امي ناصر ماحترمتنا ومرسله لأمي بطاقة دعوه
مدري هي قاصدتها ولا وش سالفتها

هيا: الحيوانه وربي انها ماتستحي ولا في وجهها حيا

امي: وش عليك من الحرمه كيفها تبي تعزم على زواج ولدها

جدتي: يهبي تعزم ولا تبي تحر بنيتي

انا وابتسم : جده ماودك تحظرين زواج ناصر

جدتي: والله يخسي احظر زواجه ماقدر جوهره ثمنيه كانت عنده

هيا: اي والله الخاين الحيوان خله ينقلع هو وحرمته الي تقل كنها كوره

انا : هههههههههههههههههههههههههههههههههه هيا كنه زوجتس قبل يابنت خله يتزوج الله يوفقه انتي وش حارك

امي : الله يرزقتس بالي احسن منه يارب انا ماأقول الا حسبي الله ونعم الوكيل <~ وتنزل دموع امي قمت وضميتها مابيها تزعل على حظي الطايح

انا: لاحووووول يمه انسي الله يخليك اذا انا دموعي مانزلت على شانه ولاأهتميت انتي ليش تحرين نفسك

هيا: اي والله انسي يمه والله بيرزق نوره باألي احسن منه ان شاء الله

انا: هااه ماقررتو تحظرون زواجه

هيا: هههههههههههههههههههههههههههههههههههههههههههههههههه ههه انا قررت وربي لاحظره وارقص فيه بعد على اغنية خاين والله خاين

انا: ههههههههههههههههههههههههههههههههه تسوينها خبله اقول بس انثبري لاتتهورين

فارس كان يدق على هيا يتأكد يشوف انا بخير ولالا , ويشوف انا تأثرت ولا ماهتميت

اهم شي ان ناصر تزوج عبير وراحو شهر عسل مدري شهر بصل <~ غيرة الحريم

//

يتبع لاحد يرد

الجزء واحد و العشرون

وبعد مرور خمس اشهر من زواج نويصر على عبير

انا: ااه ياراسي ياهيا فكيني من شرك انا الله بلاني بناس ماهي صاحيه

هيا:يابنت الحلال قولي لااله الا الله واسمعي باقي الحلم

انا وانزل زنوبتي وانتم بكرامه:انا بعرف ذا حلم ولا فلم ابك لو تدقين على مفسرالاحلام الحين وتقولين له حلمك حرام انه ليتفل على الساعه الي صار فيها مفسر احلام

هيا: لاحول ماني داقه على مفسر انا بفسره بنفسي بعدين انا احلامي مميزه ترى وحصريه مايحلم فيها أحد

انا: ايه اكيد حصريه افلام سودانيه يالله تبتدي ويالله تخلص اجل فيه احد يحلم انه بيشرب مويه يومين كامله على ماوصل للمطبخ جاء اليوم الثالث وهالحلم ماخلص ولاشرب مويه للحين

هيا:هههههههههههههههههههههههههههه بهذي حجرتيلي اي والله اني كل مانمت يكمل هالحلم والمشكله انه مايخلص هههههههههههه

انا:هههههههههههههههههههههههه اه ورعي بطني بطني

هيا: يمآه وش فيتس

انا: ياويلي يابطني من الضحك احس الورع قام يطامر في بطني

هيا: احملت عاد وابلشتنا ورعي طاح ورعي يسوي رياضه ورعي يضحك يعني ماحمل فاالوجود الا انتي
انا: على تبن بس هذا جزاتي اعيشتس مراحل الحمل كامله عشان ماتنصدمين بكره لاتزوجتي وحملتي
هيا: مابي اعيشها ياختي فكيني من شرتس

وتجي جدتي فالصاله تصيح وتنادي

جدتي: يآآوه الحلال ضاع ياصنهات الحق على غنمك يالخبل

انا واقوم أشر الجدتي من اخر الصاله :ياصيته ياصيته ورعانتس أذو حلالي رديهم عنه

هيا:هههههههههههههههههههههههههههه مسلسل ابدوي على غفله

جدتي: والله ماذى حلالي غير ورعانتس لابارك الله فيتس ولا في جيرتس

انا:تعوذي من ابليس ياجده واتفلي عليه وتعالي بس اقعدي خلي عني صنهات مدري ونات خليني ادهن رجيلاتس بفكس

جدتي: انتي نوره انتي ماولدتي لها الحين حشى وصلتي الشهر العاشر وللحين ماظنيتي

انا:هههههههههههههههههههههههه استغرالله ياربي ياجده انا فالشهر الخامس الله يهديتس

هيا:هههههههههههههههههههههههههههه جدتي ياترجع للماضي ياتسبق الحاظر
انا:اي والله هههههههههههههههه

وتدخل امي وفي وجهها ابتسامه
امي: وش فيتسن تضحكن صوتسن واصل لسطح
انا: ابد جدتي وفصلاتها المعتاده مامن جديد انتي علامتس مبتسمه وشاقه الوجه
امي وتضربني على كتفي: اهبي ماتبيني ابتسم واشق الوجه
انا: لاوالله وش دعوه ابتسمي وفليها دام الأبتسامه ابلاش امالاصارت بدرهمان وفريها للحاجه القسوى
هيا:يوه عاد تخيلي نوره الابتسامه تصير بفلوس
انا: تلقيني لاجيت اضحك اوفر فلوس ولااتدين منتس هههههههههههههههه
هيا:هههههههههههههههههههههههه ولا اروح اسرق عشان نكته بضحك منها
انا:ياألله تخيلي بس الحمدالله حنا في نعمه هههههههههههههههههههههههههههه

امي: بلاتخيلي بلا خرابيط قومي ياهيا دقي على اخوتس شوفيه وينه هاف فيه خليه يجي ابيه ضروري
هيا: ضروري اكيد بتسفرينا

امي وتصك هيا بالمركى: يسفرتس زوجتس يالخايبه فلوس ماعندي عشان امشيتس وروحي دقي بسرعه
هيا وتبرطم وتقوم: انا متى اتزوج وافتك منكم اف مليت
امي: وجعوووه يالي ماتستحين
انا واضحك على هيا : اجل تبين العرس هاه هههههههههههههههه وراعين اخر زمن

وتقط هيا ذيك الكلمه الغير مقصوده الي جرحتني فيها وغيرت حالي من فوق التحت

هيا: اي ابي العرس مو الطلاق مثل حظرتس

انا:.............................!!

سكت وبين على وجهي اني انجرحت

هيا وتحس نفسها انها جابت العيد : نوره ورب البيت طلعت بدون قصد

امي كانت ساكته وكأنها ماسمعت شي

انا: لاعادي بس ياليت مره ثانيه تحاسبين على كلامك قبل لاتقطينه

واقوم اطلع فاالحوش واقعد عند الشجره

واقعد افكر ~

احس اني اشتقت لايامي الي قبل!! بدايتي مع ناصر فرحتي بزواجي منه الحب الصادق الي بداخلي له

اشتقت له!!

اي وربي جاني شوق له لأن الي بداخلي مشاعر صادقه ماشفت رجال بحياتي غيره ولاحسيت بهالشعور مع انسان غيره احبه من كل قلبي بس هو ماكان يبادلني بأي مشاعر

الله يوفقه هو الحين مع زوجته ومرتاح معها ولاطريت انا على باله
الله يسامحك ياناصر على خيانتك !!

واسمع صوت ذاك الولد الداج الي ماغير مسنتر على الدرايش

الولد: انتي للحين على هالقميص ماغيرتيه
اناوينلفع وجهي :اعنبو هالوجه وانت يهاالورع للحين مصمغينك اهلك عند الدريشه
الولد:هههههههههههههههه لي فتره ادورك عند هالشجره ماشوفك
انا: مو منك من اهلك الي مهملينك يهاالورع الداج
الولد:هذا جزاي وانا كاتبن فيتس قصيده
انا وابتسم : هات قصيدتك خلني اشوف وش قايلن فيني مع اني متأكده انه مايطلع منك الفالح

الولد: لاوالله اني هونت دام هذي علومتس عزالله انتس ماتستاهلين هالبيت الي كاتبه فيتس

انا: اخس ياحامد السعيد على غفله خل قصيدتك لك ورح بس ولاعاد اشوفك تطل علينا لاخلي هالزنوبه تعلم في جبهتك

وادخل واسفه هالورع رغم انه وده يسولف معي

دخلت والا هذا فارس داخل وراي

فارس: وش عندك تطالبين فاالحوش لايكون انهبلتي

انا: هااه وانت من وين طلعت بسم الله علي

فارس: طلعت من الباب الي وراك بس شكلك مانتبهتي لي

انا: اي معاد اشوف من حملت وانا النظر عندي ماش لازم اقص لي نظاره

فارس: ياذا الحمل الي ابلشتينا فيه ههههههههههههههههههههههههههههههههههههه

انا: ياشيخ وش وراك اضحك مو انت رجال مستحيل تحمل عشان كذا تطنز على راحتك

فارس: هههههههههههههههههههههههههههههههههههههههههههه

امي : انت جيت

فارس: لا توني للحين ماوصلت باقي لي تقريباً عشر دقايق واوصل

انا: ههههههههههههههههههههههههههههههههههههههههههه لاحووول يايمه انتي ماتشوفينه واقف قدامك وش هالسؤال الغبي

امي: انتي بس انزلعي عني ابي اخوتس بكلمة راس والحاله

انا: بدينا شغل الأمهات كلمة راس وكلمة رجل اخرها ياولدي ماودك تعرس وتجيب اعيال تحسبيني ماعرف حركاتكم

امي : والله لو مالي في بطنتس اني لاخلي هالعصاه تعلم في ظهرك

فارس: هههههههههههههههههههههههههههههههههههههههههه عشانها كشفت كلمة راسك زواج ماني متزوج الحين لاتزعجيني بس

امي : اقول امش بس والله ماطرى على بالي اخطبلك اجل انا مضيعه مخي اورط بنات الناس فيك

انا: ياقوها يافارس تراها سبه هههههههههههههههههههههههههههههههههه

فارس: ماعليه ماعليه نتحمل هذي الغاليه

وراح هو وامي ودخلو داخل واقعدو تقريباً ساعه على الصامت ماسمع لهم صوت

استغربت لو انه طاري زواج كان على صوت فروس بس الدعوه مو زواج شكل فيه تخطيط الشي ثاني

المهم انهم بعد ماطلعو طالعو فيني وابتسمو كلهم

يتبــــــــــــــــــــــــع

االجـزء الاخـــــــير

انا : بشرو بنت ولا ولد

امي : وشو بنت ولا ولد

انا: مدري يعني ساعه وانتم داخل اشوف وش السالفه يعني الي مخليتكم ساعه جالسين داخل

فارس: وانتي وش حاشر خشمك يمه من البنات تحترق لو ماتعرف وش الي يدور حولها

امي : ماعليك منها خبله ماينشره على هرجهها

هيا: نوووووووووووووووووووووووووووووووووره تعالي بسرعه ارقي ابيك

انا: طيب طيب جايتك الحين ,, شف رحمك الله هيونه نادتني ولاكان رديت عليك رد يحبه قلبك

واقوم اتمايل بمشيتي يعنني بقهرك يافارس مادريت اني خليته يموت من الضحك على شكلي وانا اتدحرج

المهم مالكم بالطويله ان ذاك اليوم شكيت بوضع اهلي وبوضع امي وهيونه بعد

كل شوي امي ماخذه واحد ومدخلته غرفه وتهذر ساعه معه وانا مانادتني ابد

تقل كنهم ناوين حرب علي وانا ياغافلين لكم الله

ولهم على هالحاله اسبووع

انا : هيييه انتي

هيا: خير لي أسم الظاهر

انا: ادري ان لك اسم بس مابي اناديك باأسمك عندك مانع

هيا: استغفر الله مالي نفس اتهاوش معك

انا: وش سالفتك انتي وفروس وامي عندكم سر مخبينه عني

هيا: ماعندنا شي

انا: على غيري العبيها اقول يابنت علميني انا اوخيتك الي ماتخبي عليك شي

هيا: اي الحين صرتي وخيتي وماتخبين علي شي اقول وخري عني بس بروح اتابع مسلسلي

انا: اهب ياوجهك ماينوخذ منك شي

وتنزل هيونه وهي تضحك وتروح تقول لأمي اني شكيت بوضعم

امي: ماعليك منها اهم شي اسفهيها ولايجيها خبر ابد

هيا : لاماعليك ماني جالسه معها الحالي اخاف تسحبني لين تعرف وش عندي

ويجي فارس بهالحظه

ويقعدون يسولفون ويخططون وانا يغافلين لكم الله <~ تنرحم

المهم من بكره الصبح شفت امي كاشخه وهيونه وحتى جدتي كاشخه وفارس لابس ومتجهز

وانا اطالع فيهم مستغربه : فيه احد بيجي

امي : لا حنا بنروح لنا مشوار

انا : وخير تروحون كلكم وانا اقعد ,, بروح معكم انتظروني

فارس : لآلآلآلآ خليك انتي المشوار بعيد شوي وانتي حامل مايصلح تروحين مشاوير بعيده

انا : ياسلااااام اقول دور غير هالعذر علموني بس وين انتم رايحين وخير ماتبوني اروح معكم وش معنى هيونه بتاخذونها

هيا: بدينا بالحسد بعدين انا لازم اروح معهم عشانهم يحتاجوني ضروري

انا : استغفر الله ياسخفكم بس تقل كني بحسدكم لارحت معكم خير تراني بنتكم ماني وحده غريبه تخبون علي

هيا: هههههههههههههههههههههههههههههههههه اسكتي بتشكرينا بكره انا ماخذناك

ويلمخ فارس هيا مع علباها : يالله السياره السياره

انا: تكفون مابي اقعد الحالي خذوني معكم

امي : ومن قال انك بتقعدين الحالك اختك حصه بتجي اليوم

انا: احلفي اجل خلاص طسو مالت عليكم كلكم <~ واكش عليهم

ويروحون واقعد انا بالبيت الحالي ,, تصدقون شكيت بوضعهم وش فيهم صارلهم فتره يخططون واليوم يروحون ويتركوني الحالي

ماخافو علي لايجيني حرامي ولا شي ,,

انا: يؤيؤيؤيؤ نسيت اسألهم بيطولون ولا لا ,, يالله شوي بدق عليهم واسألهم

وارقى فوق افر شوي حسيت البيت صار يخرع يوم صرت الحالي جالسه فيه

وقام يتهيئلي اني اسمع اصوات المهم اني انخرشت ورحت الغرفتي وسكرت علي قلت بنام واضيع نص الوقت نوم

ونمت ساعيتن او اكثر مادري كم من الوقت نمت المهم اني شبعت نوم وقمت

انا: أأأأأأأأأأأأأأأأأأأأأأأأف ياشين البيت اليوم يخرع وين اروح وين اطس وحصوه متى تجي

بهالحظه سمعت شي طاح تحت

انا: وش الي طاح !!؟؟ يمآآآآآه لايكون حرامي !! ياويلي ويلااه وش اسوي

واقوم افر بالغرفه وافكر وش ازين واخذ الجوال وادق على فارس ومايرد علي انقهرت منه

انا:الحين لو اني فعلاً جايني حرامي وش بزين وهالثور مايرد اعنبو هالوجه رد

وادق وادق واخر شي يقفل جواله الهيس

انا قلت هي خاربه خاربه خلني انزل واشوف يمكن قطوه وانا مكبره الموضوع

فتحت الباب واطل يمين ويسار ولا مافيه احد

وقمت اصرخ عشان لو فيه حرامي ينحاش <~ تفكير وحده غبيه

انا: فيه احد ,, هووووو بوه احد ,, ياحرامي تراني شايفتك اطلع من البيت بسرعه ترى الشرطه بتجي الحين <~ يقالي بخوفه مالت علي

المهم طلعت من غرفتي ومشيت على اطراف اصابعي واحس قلبي بيوقف كني قاعده اتابع فلم رعب

اول ماوصلت لدرج وانصدم من الي شفته

كان ورد احمر منثور على الدرج كله

انا وقفت شوي اطالع : ياربي من الي ناثر ورد انا متاكده اني يوم رقيت ماكان فيه ورد منثور

لايكون حصيصه جت ,, اي والله حصيصه اختي اكيد مسويه مقلب فيني

مالت عليها ماتعرف تزين مقلب مثل الناس

وانزل وانا انادي حصه : حصووه انتي جيتي وش هالحركات وش هالورود مسويه رومنسيه مالت عليتس

واشوف شي شطف قدام عيني وقفت شوي وقمت افرك عيني

انا: لآلآلآلآ شكله يتهيئلي بسم الله الرحمن الرحيم ياربي سكنهم مساكنهم <~ واقعد اقرى كل المعوذات والأذكار وكل شي حافظته قريته

المهم اني مسكت جوالي وادق على هيونه قلت يمكن ترد علي ,, وللأسف لقيت جوالها مقفل

وامشي بالصاله بشويش وانا اقرى على نفسي والتفت يمين ويسار

واطالع بالمجلس واشوف ورود وحركات وشي غريب وانا ادخل المجلس واطالع

الا المجلس منقلب احمرر باأحمرر وكله ورود وحركات ومحطوط بنص المجلس قاتوووه كبير مره وفوق هالقاتوه دبدوب

وانا اطالع منصدمه من مسوي هالحركات

وفجئه تجيني رساله بالجوال

وافتحها

والقاها من نفس ذاك الرقم الي يراسلني له فتره

كاتب فيها

( ارقي الغرفتك )

انا انجنيت وحسيت ان هالرقم ناويلي وشكله درى ان اهلي مو فيه وجاين يخطفني

المهم مسكت طرف قميصي وانا اركض مع الدرج بروح اقفل على غرفتي

واتذكر انه مرسلي ارقي الغرفتك واوقف شوي

انا: يمآآآآه وين اروح لالا ماأعتقد انه داخل غرفتي مايمديه

واتعثر وانا ارقى بالدرج واسمع ضحكه

التفت وراي واشوف الحرامي واقف قدامي ومتلطم

هنا انا قمت انتفض واقول كلام مو مفهوم

انا: من انت ؟! اطلع برى ترى الشرطه دقيت عليها ,, احسلك اطلع بسرعه قبل لاتجي وتمسكك

وهو يجيني يمشي

انا قمت اصرخ واصيح واحط يدي على وجهي واتعتع بالكلام : حس حسبي الله عليك وش تبي انت ماتخاف الله اطلع الله يرحم والدينك اطلع

وصل عند رجولي وانا شديت يدي على وجهي

اخذت شوي وهو ساكت وانا ماحركت يدي بعدها شكيت,, شفته ساكت تخيلته حاط السكين عند وجهي وينتظرني ارفع يدي عشان يحطها بعيني

انا : يمآآآآآآآآآآآآآآآآآآآآآآآآآآآآآآآآآآآآآه <~ اصرخ من تفكيري لاحظو

وهو ساكت وماتكلم ولا كلمه

بعدها قررت ارفع راسي واطلع بخشته واتفاهم معه اكود يطلع ويفكني ويمكن بعد لاشاف وجهي زين يهون عن نيته ويضف وجهه <~ عارفه انها شيفه

اول مارفعت راسي واطالع

انصدمت مستحييل يكون هو

الا هو

انا لاشعوري : ناااصر !؟

ناصر: ايه ناصر حبيبك وزوجك جايك وعنده الأمل مازال موجود انك تهونين عن الي براسك وترجعين له

انا ومازالت الصدمه فيني : لآ مستحييل انت ناصر

ناصر ويبتسم : ايه ناصر بشحمه ولحمه

انا : وش تبي جاي

ناصر: جاي اخذك واروح البيتك الي هجرته من طلعتي منه

انا: للحين عندك أمل حتى بعد ماتطلقنا

ناصر : ولابكره بيكون عندي امل ,, بعدين ليش ماعلمتيني انك حامل ؟!

انا وينلفع وجهي : مو شغلك

ناصر: كيف موشغلي

انا وينصفق وجهي الوان احمر واخضر وازرق من ألأحراج وسكت مارديت عليه

ناصر: ههههههههههههههههههههههههههههههههههههههه

انا : خير وش يضحكك

ناصر: عادي مشتهي اضحك

انا: الحين اهلي مو موجودين وياليت تطلع بسرعه

ناصر: ادري ان اهلك مو موجودين وانا الي قايلهم يروحون عند امي واهلي عشان اختلي فيك

انا وافتح فمي : ملاعين الخير

ناصر: هههههههههههههههههههههههههههههههههههه

انا : وانت على بالك اني يوم حملت منك برجعلك ,, مستحيل ارجعلك وانت متزوج علي

ناصر: طلقتها

انا: وشو !؟ طلقتها

ناصر: ايه طلقتها ماقدرت اعيش معها صراحه

(وعلمني ناصر سالفته معها من تزوجها كان يناديها باأسمي بالغلط

وبالصدفه اكتشف انها تخونه

وياسبحاان الله خاني بوحده وهالوحده خانته اخذ الله حقي منهم كلهم

انا: وذقت طعم الخيانه ,, حسيت بمرارتها ولا لا !! سبحان الله مثل ماخنتي جاك من يخونك

ناصر: نوره انسي كل الي صار واعتبريها نزوه وصدقيني معاد تتكرر

انا: انا بنسى بس مو عشانك صدقني ,, عشان هالي في بطني مابيه يطلع على الدنيا وامه وابوه كل واحد بديره

وبعدها دخلني بالمجلس وقطعنا القاتوه بمناسبة رجعتي له ولعنت خير اهلي يوم ارجعو كانو يدرون انه مطلق وانه ناوي يرجعلي ولاأحد علمني

بعد مرور سنه كامله

انا : ياااااااااااااااااااااااوه من هالبنت الي دوخت راسي بس بس لابارك الله فيتس ولا في ابوتس

ناصر: وش دخلني انا ,,بنتك هالعوبه طالعتن عليتس

انا: انطم انطم ولا كلمه كله منك انت انا ليش اجيب عيال وادوخ راسي لو اني ماسكه عمري ماكان جتني هالبلوه

ناصر: لاحوووول صارت بنتك بلوى عشانها تصيح

انا: ايه بلوى وانت بعد بلوى <~ لابكى الورع يخربنها الحريم اسألو مجرب

ويدخل فارس اخوي مع حرمته ساره بنت عمي

يوووه انا ماقلت لكم ان فارس اخوي تزوج ساره وتوهم معاريس

ونسيت اعلمكم حتى اختي هيونه ملكة وزواجها الخبله هالعطله لاوصيكم تراكم اول المعزومين

ايه لازم اعزمكم مو عرفتي فضايحي كلها كيف ماعزمكم على عرس اختي <~ برآآآ

فارس: وش عندكم اصراخكم واصل لاخر الشارع

انا: من هالبنت العوبا من اليوم وهي تصييح وهالرجال مافيه خير تحسب يشيل بنته عني شوي ابد رافع يده من المسؤليه

ساره : هههههههههههههههههههههههههههههههههههههههههههههههههه ه ياربي وهذا وانتي تحبينه تقولين عنه كذا

انا: ايييه ياحظكم توكم بشهر العسل مابعد ترعرعتو بالعلاقه الزوجيه ولاكان عرفتو ان الحب من جنبها

ناصر: يعني انتي حبك من جنبها مالت علي وانا الي مستانس فيتس

انا: وانت مصدق اني احبك انت شفت وجهك بالمرايه الي تقل كنه بصله خربانه <~

فارس: نسينا ماكلينا يوم تتكشخين عشانه وتحطين ماوراك ودونك هااه هههههههههههههههههههههههههههه

وانا الي ينلفع وجهي حسبي الله عليك يافروس مافيك خير ماتفزع لأختك بوقت الحشره

ناصر ويبتسم ويطالع فيني : ايه نست ذيك الأيام الحين صرت بصله يافارس

ساره : هههههههههههههههههههههههههههههههههههههههههههههههه اخبول وتجمعو عاد,, قوم قوم فروس لايعدونك هالخبول

انا: ايه قوم لايجيك ماجاء ناصر يوم اسحب خشته بالقاع هههههههههههههههههههههههههههههههههههه

ناصر: ههههههههههههههههههههههههههههههههههههههههههه ومستانسه بعد

انا: اكيد بستانس لأني مارغتن وجهك بالملجس مرغ هههههههههههههههههههههههههههههههه

فارس:ههههههههههههههههههههههههه لاحوول الله ,, قومي سارونه خلينا نروح نتمشى احسن من هالخبول الي كل واحد طلع فضايحه على الثاني

انا : ياسلام من زينكم يرحم والدينك انت وسارونتك ترى علاقتكم ماتجي ربع علاقتي انا وناصر رح رح علمناهم الطراره سبقونا على البيبان

ناصر وينسدح من الضحك وفارس يطالع فيني منقهر وساره تحذف علي المركى

ناصر: يالبيييييه ويلموني بحبيبتي

انا: من لامك ياملعون الخير

ناصر: انتي لازم اتخربين علي اجواء الرومنسيه

انا: احم احم مو وقتك عندنا ناس تحب تقلد ترى

فارس : ههههههههههههههههههههههههههههههههههه من زين الطبايع عاد

وهكذا هي الحياه <~ لابالله انزلعي انتي وقصتك

وشسمه وانتهت القصه ولله الحمد وولدت نوره حول خمس طعش ورع<~ ركزو على طعش زين

الله الله بالردود و التقيمـ لان تكسرت ايديني

يا بعدهم تعبتي وانتي نزلي القصة احلى تقييم مني الج ظ5:

» حبيت اعمل روآيهـ بس عَ ذوقكم صوتوآ بسرعهـ ~ ( انتهى التصويت )
» روآيهـ" رمـآني حظـي العـاثر عليـه .. قلـت مـا ابيـه و اتـارينـي متيـه فيـه "