~مادمت قادر بالجفا تاخذني بيديني ... علمني كيف أترك يدك في عز حبي لك~

أتمنى من الجميع المتابعه x;(
لأنها قصة خارجه من الصميم أو من صميم القلب
from the bottom of the heart
أتمنى من الكل المتابعه .. التعليق .. النقد .. ابداء الآراء

راح احكي لكم كيف ألفت القصه لكن في نهاية القصه
مع خالص حبي

أرجو لكم متابعه شيقة

إهداء
الى دمعتي الساخنه التي لم تجد من يطفئ لهيبها

الجزء الأول

اليوم : الأحد
المكان : دبي
الساعه : 4:30 عصرا
__________________

أميرة
فتحت عيوني بحزن لقيت أبوي ممدد قربي و ما سك يد أمي و أمير يطالعني و يمدلي يده
أمير : تعالي أدري انه صعب عليك تعالي تعالي ...
قمت أطالعه بهدوء مب عارفه وش فيني ؟؟
حسيت أمير اختفى و قابلني أحلى وجه شفته في حياتي
مسك يدي و ضمها لصدره بقوه و ابتسم لي بحنان و باس على راسي
و قالي : قلبي لك مهما جرى .... روحي لك و حياتي لك يالغلا

يالله وش هذا ؟؟
الساعه 04:00
أدري انها أحلام غريبه بس هالحلم مدري وش فيه غريب عن كل الأحلام اللي حلمت فيها !!!
هذي أحلام أميره غريبه مثلها تماما و غير متوقعه !!

هربت من العالم اللي كله ذكريات و آلااااام
هربت من الذكرى و لحقتني ..
هذي عادة الذكريات غثيثه و مقيته و خصوصا لما تكون شينه و انت تحاول بكل السبل انك تهرب منها بس هذا بحد ذاته مستحيل !
اسمي أميره عمري 22 سنه قبل ما أكتب أحداث قصتي كان يومها توني متخرجه من الجامعه
قسم فيزيا و علوم فلك أهوى الرسم بشكل خيالي و خصوصا الرسم بالفحم مره أبوي سوالي معرض كبير
و فزت بجائزه و صرت مشهوره في هالمجال , و بعد سوى لي مرسم كبير بالبيت عشان دوم البيت يكون وصخ !
بسبت الفحم و الألوان اللي ارسم فيها و طبعا هذا شور الوالده عشان تفتك من هالوصاخه !! (( مدري وش احس فيه هههههههههه ))
المهم أنا سعوديه بس سكنت دبي مع أهلي
تدرون اني ما صدقت على الله أهرب !!!
أهرب من كل شي يذكرني في هالإنسان اللي عذبني و جفاني و باعني
و حمدت ربي ان أهلي قرروا يسكنون دبي عشان انساه
صحيح أنا ما أحب صخب المدينه و ازعاجها
أحب الهدوء و الراحه بعيد عن الإزعاج
و مع ذالك مشتاقه للرياض حيييييييييييييييييييييييييييييييييييييل
عائلتي غنيه بالعربي واسعة الثراء و تقدر تجيب الشي اللي تبيه
حتى لو بالمريخ .....
الفلوس مب مهمه عندي قد انه مهمه الأخلاق أكثر من أي شي ثاني هذا بالنسبه لي أنا مدري عن الباقين !!
عايلتنا تتكون من أبوي اللي طول الوقت ملتهي بشغله و شركاته حتى ما يدري عنا وين رحنا و وين سرنا !!
و أمي اللي طول وقتها زيارات و طلعات و دخلات من الصبح لين وقت الغدا و أحيانا تطلع بالليل وقت اللي يكون في عزومه أو عرس !!
و أخواني الأول أمير إسمي على اسمه أكبر مني بسنتين حبوب و مرح جدا يكره الدراسه يعني ما كمل الا للثانوي و بطل !
حياته فاضيه ضايعه غامضه !! كان أكثر واحد مبسوط لما قرر أبوي نسكن دبي و نبعد عن أهلنا فرفوش و مرح و حبوب جدا !!
و الثاني : أحمد عمره 28 سنه و متزوج من بنت عمي ناديه و عنده ولدين طلال عمره سنتين و تركي عمره 3 سنوات و دايم أحمد مع أبوي في الشركه يساعده و طول الوقت مشغول و مب فاضي مثل ما يقول ؟؟ يا حليله (( نائب رئيس مجلس الإداره ))
مشغول لشوشته !؟؟
و الثالث : ثامر عمره 25 سنه بروحه ما يندرى عن حياته وش هي بس انه ظاهريا طيب و عموما أنفر منه مدري ليه ؟؟
أحيانا أحس انه كاشفني أو اني حاسه انه بيصلحلي مصيبه مدري وش هي !!
على العموم هالشخصيات قصدي عايلتنا ما اشوفها غير في أوقات الوجبات في الفطور و الغدا و العشا أحيانا الفطور ما احضره و طبعا بأوامر
كريمه ساميه من الوالد وجبتين الغدا و العشا لا احد يتخلف عنها و طبعا الفطور صاير على راحتنا ..
أحلى شي ان حياتنا ما فيها قيود و قواعد الكل عايش على كيفه و حياته محد يدري عنها بس بالعموم أنا احس دوم اني مكشوفه !!
حياتي من خلصت الجامعه و هي فاضيه غير طبعا المكالمات مع بنات عمي اللي مشتاقه لهم بالحيل حتى لما سكنا دبي ما اقطعوني دوم يتصلوني علي و اتصل عليهم و طبعا
طلعات مع صديقاتي و مع رنو بنت عمي خالد و بس ..
لما جيت لدبي انشغلت و انشغلت رنا مدري وش عندها و خفت المكالمات بينا و اللي هي بالنسبه لي كل شي يعني توأمي و عموما احس بكآبه بدون وجودها مع انها وعدتني
انها بتلحقنا لدبي مدري عنها هي بتوفي بوعدها و لا كالعاده !!! (( لا لا رنو قول وفعل))
رنا انسانه غير تقليديه رائعه بكل شي هي حضورها يكفي و بتعرفونها أكثر من خلال شخصيتها الأكثر من مثيره
و بما ان لأبوي اتصالات واسعه في دبي و فروع شركته فيها ناوي يخلي المقر الرئيسي بدبي !!!
صارت مسائل انتقالنا للبيت قصدي للقصر الجديد شي سهل و ميسور سكنا و طبعا كانت الأيام الأولى لي بدبي أعتبرها عاديه جدا
لأنه طول الوقت قاعده بالبيت و الكل في حركه و الكل يأثث في غرفته لأنه على قولتهم يبون غرف على ذوقهم فصاير البيت حوسه !!
و لأني عاجبتني غرفتي مثل ماهي مع انها كئيبه وين ذي و وين غرفتي بالرياض بصراحه ما احب الألوان الهاديه أحب انه كل شي في غرفتي يكون غير أبيها مرحه شوي أصلا ما كان لي نفس أغير فيها شي أما أخواني كل واحد يبي غرفه على كيفه و طبعا هالأسبوع كان زحمه كل واحد يدور على الإستقرار مدري متى بيجي الدور علي و أغير غرفتي !!
أما ناديه كانت زعلانه ليش اننا نقلنا دبي ؟؟
و عموما تركناها على راحتها تصلح اللي تبيه في بيتها اللي جنب بيتنا و خصوصا انه أخوي خيرها بينه و بين أهلها اللي هم بعد أهلنا بعد المشكله اللي صارت المسكينه خافت على مستقبلها مثل ما يقولون .. (( أكره هالفكره التافهه )) و اختارت أخوي و جت معانا
السالفه الله يسلمكم .... ان ابوي اختصم مع اخوانه على ارض كبيره و استثماريه و سعرها مغري كانت لجدي الله يرحمه ورث يعني و أبوي كان يبي يشتري نصيب كل واحد فيهم بالسعر اللي يبونه لكنهم رفضوا عرض أبوي و كل واحد منهم تمسك بجزئه في الأرض بس و بالتالي صارت مشاكل ما لها أول من آخر و بسبتها ابوي ترك الديره باللي فيها و رفض اننا نتم فالرياض و طبعا صارت شركات أعمامي من الشركات المنافسه لأبوي مع انه أكبرهم و أكثرهم ثروه و مال و جاه (( يا ربي أكره الكلام عن الفلوس قطيعه تقطعها اذا بتفرق بين الأهل ))
و جينا هنا طبعا بعد شور من الوالده (( شفتوا كيف اللخبطه .. )) طبعا أنا في الوقت اللي صارت فيه المشكله كنت عايشه عالم ثاني عالم نساني الناس و الحياه كلها آآآآآآه يا ربي !!
المهم ... أبوي زود البيت بالخدم و السواقين و الحشم و كل شي ممكن نحتاج له
و امي طبعا بطبعها اجتماعيه فصارت تتعرف على اللي حولنا لأنه أصلا لها صديقات هنا من كثر ما كانت تجي في الصيفيه لدبي و عموما هي هذا طبعها و مستحيل تغيره ؟!!
و أخواني من سكنا و أنا ما أشوفهم .. إلا ناديه اللي طول الوقت معاي تطالعني و أطالعها يا إما تمل و تجي عندي أو أمل و أروح لها .. و عيالها بسم الله عليهم هازين البيت هز !!!
جلست أسبوع كامل بالبيت بدون ما أطفش أو أحس بالطفش من الحديقه للتلفزيون لغرفتي للروايات للأغاني للمرسم للذكريات المريره المؤرقه !!
ذكرياتي مع الألم اللي ما ينتهي وش بقول غير الحمد لله على كل شي .. حتى ما فكرت أطلع من البيت مدري وش جا علي !!
هذا كل شي عني باختصار اليوم حبيت أكسر الروتين و أطلع من البيت قلت للسواق يوديني أي مكان اشم فيه هوا .... دبي رائعه بكل اللي فيها!
سرنا في شوارعها الصاخبه كل شي كان فيها جميل معالمها و خضرتها و أسواقها و ناسها كنت أتأملهم بسعاده .....في الأخير
وقفني السواق عند البحر قلت له يروح و أنا بعدين بدق عليه ..
جلست على الشاطئ أتأمل ؟؟
الحياه و الناس اللي حولي الأطفال يلعبون البحر روعه من روائع الكون
و الحياه لها وجه آخر صحيح انها متعبه و كلها حزن و ألم بس فيها شي جميل يدفعنا للتفاؤل و الحب
الكل حولي من كل صوب اختلفت توجهاتهم بس هدفهم واحد !!! انهم يفرفشون عن انفسهم أسميها فسحه في الحياه !
و بعد عن المشاكل اللي ممكن تتعب الإنسان و اذا زادت ممكن تموته !!
صار البحر فسحتنا و الوناسه و الطلعات همنا عشان نخفف و لو جزء بسيط من الأشياء اللي نعاني منها !!
الناس سعيدين يغيرون جو و خصوصا انه آخر الأسبوع الكل يحب يغير الرتابه و الروتينيه اللي في هالحياه الكل يدور على صفاء النفس و تغيير الحياه للأفضل الكل يدور على السعاده و راحة البال كنت أحاول ادخل أكبر قدر ممكن من الهوا لصدري ياه أحس نفسيتي مرتاحه أو هدت نفسي يوم شفت البحر .
طلعت من تأملاتي و أفكاري لقيت قدامي عيله سعيده الأم تصب الشاي للأب و الأطفال من حولهم يلعبون
يسولفون بكل و ناسه و بسطه و سعاده جلست أتأملهم و أفكر هل عيلتنا كانت كذا في يوم من الأيام ... بصراحه ما أعتقد ؟!!!
يمكن كانت كذا في يوم من الأيام بس اللحين لاء !!!
.. قمت أتمشى و أسترجع ذكريات ما كان ودي أتذكرها و مع ذلك لحقتني مب راضيه تتركني بروحي نهائيا !!
تذكرت ناصر سبب آلامي اللي مب راضيه تنتهي ناصر هذا انسان مدري شبقول عنه بعد اللي صار!!
بقول للناس ولد عمي خطبني و هرب !!
بقول للناس حبيت واحد باعني و أنا اللي حبيته و أغليته و أخلصت له في حبي ؟؟
من أول مشكله تواجه حبنا هرب و تنكر لي بكل برود و لا يدري انه في قلب يحترق ... يحترق عشانه !!
كان في نظري هو حياتي ودنيتي و كل شي بالنسبه لي حبيته بإخلاص و احساس صادق
ما كنت متخيله حياتي بدونه كان كل أحلامي كان قلبي و روحي وهواي و على قوله انه حبني ؟؟
طبعا بعد اللي سواه ما ظنيت انه يعرف طريق الحب طبعا حبيته بدون ما احد يدري الا رنا اللي كانت تدري بكل التفاصيل أو بالأحرى كانت جزء منها سرحت لبعيد و قمت أتذكر ....
ناصر : تدرين يا بعد عمري وش ودي !
أميره : قول غلاتي
ناصر : ودي أسعدك
أميره : كيف بتسعدني !!
ناصر : مدري وش اللي يسعدك يا قلبي
أميره : وجودك جنبي أكثر شي يسعدني يا حياتي
ناصر : أميرة ودي أشوفك قريب يا هناي
و بدون شعور انقطعت هالصفحه من الماضي بعد ما رجعت للواقع و السبب اني
حسيت بكتله توقف قدامي ... انسان يطالعني بعصبيه و عيونه فيها دموع !!
... : لو سمحتي !
طالعته و ابتسمت له ابتسامه كلها استفهامات
أميره : هلا حبيبي وش فيك ؟
.... : ممكن تشلين ريلج عن لعبتي !
سحبت رجلي مثل الملدوغه أشوف وش تحتها ....... و قلت بارتباك :
أميره : معليش آسفه ما كنت منتبه اني وطيت على لعبتك
بعدت رجلي عن الطائره الورقيه حقته شالها ... و هو متحسر
أميره : إن شا الله ما تكون خربت أنا آسفه صراحه مب قصدي
طالعني هالطفل البريء و الدمعه على طرف عينه
... : كسرتي أعمدتها الخشبيه جذي كسرتيها زين انج ما قطعتي الخيط
زاد ارتباكي .. نزلت لمستواه و مسحت على شعره و قلت :
أميره : ممكن تعطيني اياها اصلحها لك ؟
بعد عني و قالي بحده ..
... : لا
أميره : ليه ؟؟
و فجأه سمعت صوت ينادي ..
... : سهيييييييييييييل يا سهيل ؟؟
من سمع الولد الصوت ركض تجاه صاحب الصوت و قال بصوت مسموع
.... : ذيج المره كسرت لي الكايت مالتي

أما صاحب الصوت طالعني أول ما سمع كلام الولد ....... جا تجاهي
تبون الصراحه ارتبكت لا عفوا قصدي ... خفت !!
وقف قدامي و قال :
... : لو سمحتي ممكن
قاطعته و قلت بسرعه
أميره : أنا آسفه مب قصدي لأني ما كنت حاسه بنفسي آسفه
ابتسم لي و قال لي بمرح
.... : حصل خير
كنه نفسي هدت شوي يوم ابتسم لي و قلت و أنا أطالعه
أميره : شكرا أخوي و أكرر اعتذاري
أما الولد اللي هو سهيل فراح يلعب و لا كأنه قبل شوي كان يصارخ !!
وقف الرجال يطالعني لحظه و بعدين كأنه كان متردد
تدرون وانا بعد كنت متردده اكمل طريقي بس وقفني بصوته و قال :
... : لو سمحتي .... الاخت اماراتيه
فاجأني سؤاله بصراحه ... التفت و قلت :
أميره : لا مب اماراتيه
ابتسم لي و قالي :
.... : عيل انتبهي على روحج
قلت مستفسره و على وجهي ابتسامه بريئه
أميره : ليه أعتقد ان بلدكم أمان !
... : لا اختي الأمان من الله كل مكان في هالعالم فيه شر
أميره : و الله انك صادق الشر في كل مكان .. على العموم مشكور على النصيحه
ابتسمت له بإمتنان و قبل ما اكمل طريقي
تأملته بنظره خاطفه كان ودي أطبع صورته في ذاكرتي حسيت اني راح أشوفه مره ثانيه بس مدري ليه هالشعور داخلني !!!
مشيت بدربي و هو مازال واقف مدري بصراحه وش موقفه بس يمكن يكون يبي يقول شي ؟
و المهم اني مشيت ما كان ودي أمشي ....آه ليته بنت كان جلست اسولف معه !
من يوم جيت لهالبلد ما لقيت أحد أسولف معاه حتى رنا ما ترد على اتصالتي
تنفست بعمق و أنا أتأمل الموج بسعاده مب طبيعيه مدري وش سببها ..
بس هالوجه شدني حيل ما أدري متأكده اني شفته قبل كذا في مكان مدري وين المهم اني شفته قبل هالمره !! ؟؟!!!
رجعت للبيت و أنا مستانسه و أغني أغنية أحمد الهرمي و لا كأني قبل لا أطلع من البيت كانت مقفله معي !!
على بااالي كلااام الحب على بااالي تفاااصيـــــــله
على بااالي شقى و احلااامنا و أمااانينا و مشاااعرنا
على بااالي ليااالينا سهرناااها أغنيـــــــــــــــــلك
على بااالي الغرااام اللي عطااانا جناااحه و طيـــرنا

دخلت غرفتي بهدوء أصلا مالقيت أحد بالبيت كالعاده
جلست على السرير أتذكر كل اللي صار لي على الشاطئ و هالإنسان اللي ملامحه انطبعت في خيالي بدون ما احس !!!
و فجأه تذكرت الألم اللي مر عليه ثلاث سنوات بسبب ناصر اللي كان سبب تعاستي !!؟
ادري انه مكتوب علي ان سعادتي ألم و فرحي ألم و الألم نفسه لازم يكون عذاب !؟؟

________________

يوم الأربعاء
المكان : دبي
الساعه : 10:50 مساءا
________________

عبدالله :
بصراحه هالبنت اعيبتني و دخلت مزاجي !!!
مب قصدي أعبر بهالطريقة بس هالبنت غير الكل شي عجيب حسيت فيه وقت اللي شفتها !
اسمي عبدالله اشتغل في شركة عايلتنا هالشركه شراكه بين أبوي و اخوانه اللي هم عماني !!
و انتم عارفين شو يعني أشتغل فيها يعني مالي أي صلاحيات كل الشغل بيد أخوان أبوي الله يرحمه طبعا !!
صرت ريال البيت بعد موت الوالد الله يرحمه عيلتي تتكون من الوالده و خواتي نوره ارمله و عمرها 30 سنه مات زوجها في حادث شنيع الله يرحمه ... و أماني توها تدرس بالجامعه و عمرها 20 سنه و ود درة هالبيت كله توها بالمدرسه
تدرس بالثانوي عمرها 17 سنه وعيال أختي نوره سهيل عمره 7سنوات و عبد العزيز عمره 3 سنوات
عايلتي متواضعه في حياتها صح يماعتنا كبيره بس شايفه نفسها مدري على شو شايفين اعمارهم الحمد لله اننا مب شراتهم !!!
المهم عمري 26 سنه وسيم و جذاب جدا قصدي أينن على قول البنات !! ...
عزابي قلت أكون نفسي بالأول لين الله يسهلها
تبون الصراحه كان همي أهلي قبل كل شي ...
حبيت أطلعهم اليوم للبحر يوسعون صدورهم شوي جذي و هم بالبيت مثل الخيشه كل واحد راقد عالشبريته و يزاعج (( أنا طفشان ))
قلت نغير جو شوي ... تصدقون كان هاليوم حلو وايد مدري ليه !!!
يوم شفت هالإنسانه على الشاطئ مدري شصابني ملامحها بريئه هاديه حلوه و بصراحه البنت جميله جدا باين عليها مب من هالديره
المهم لما راحت في طريقها شنك جلعت روحي من صدري ما كان ودي تروح !!!
وقفت سرحان اطالعها ليما اختفت عن عيني ذبت في سحرها بدون ما أدري بروحي
رجعت متحسف عليها ليش انها راحت كنها نسيم حلو لفحني و اختفى !!!
رديت لمكان يلستنا و أنا سارح مب عارف في شو بالزبط (( أكيد فيها )) !!
(( شو اللي صابني شن المره بتم تسولف وياك انت و يا هالويه !! ))
تنبهت يوم سمعت صوت الوالده
ام عبدالله : عبدالله شجا عليك فديتك
انحشرت ود بالنص و هي متحمسه
ود : عبدالله عبدالله مين هذي اللي كنت تسولف معاها مو شنك طولت وطقيت معاها حنك !!
طالعتها بدون نفس وقلت
عبدالله :سكتي عني مب متفيج لج ... جدامكم أنا اللحين كاني ما كنت أسولف
نوره كانت تطالعني و هي تسأل :
نوره : عبدالله شجا عليك وش فيك مختبص !!
الوالده : ما بتفكون اخوكم يا خذ نفسه شوي .. معليش أبوي جذي خواتك ما عندهن عقل
انحشرت أماني بعد بنص السالفه
أماني : من قالج حنا ما عندنا عقل شذي الواحد ما يروم من النقره معاكم امايه تركي هالرمسه الشينه عنج فديتج !!
قلت بدون نفس زود مصخوها خلاص ضاق صدري من نقرتهم
عبدالله : كل اللي صار ان المره كسرت الطايره مالت سهيل و اعتذرت على اللي صار و بس
كلهم طالعوني مب مقتنعين ..
أدريبهم ترى هلي ما يقتنعون بسرعه يحبون يفتشون و ينبشون بين الأشياء كنهم بوليس سري ول عليهم !!
عبدالله : قوموا يالله خلصت الرحله يالله ابويه خلونا نسير للبيت يكفيكم جذي !!
نوره : من صجك تو الناس !!
و طبعا انهالت الإعتراضات من كل صوب و أولهم سهيل و اكيد محد ينهي مثل هالأمور الا الوالده الله يسعدها !!

________________
اليوم : الخميس
الساعه : 11:30 صباحا
المكان : سيارة رنا
_______________

أميره :
صحيت اليوم بدري طبعا وحده مثلي ما عندها شغله تسويها
وش بتسوي غير انها تقوم تاكل و ترجع تنام مره ثانيه بصراحه ملييييييييييييييييييييييييييييييت
و بعدين انا مب مثل أمي من وصلنا دبي ما صرت أشوفها الا بالوجبات
رحت المطبخ أصلح لي فطور من الطفش قلت أصلحه و لا أنا من متى أصلح فطور كسوله حيل !!!!
دخلت لقيت الطباخه في المطبخ سألتها :
أميره : وش تسوين ؟
الطباخه : كيك لمدام حصه
أكيد بتطلع مع صديقاتها أو طلعت و بتقول للطباخه ترسل لها الكيك مع السواق تصدقون حظها و الله !!
صلحت لي ساندوتش جبن و كوب شاي بالحليب و طلعت لقيت الأخ أمير مقعد في الصاله يتفرج تلفزيون بصراحه استغربت انه يصحى في هالوقت !!!
أول ما شافني قام و قالي بمزحه المعتاد ..
أمير : يا هلا و مرحبا ماشا الله سندويش جبن واااااو عليك
و سحب الساندويش من الصحن و قسمه نصين أخذ نص و حط الثاني بالصحن و قال :
أمير : عشان يصير بينا عيش و ملح ههههههههه
أميره : تدري هالحركه لو صلحتها لأحمد كان خلى عياله ياكلونك !!
أمير : لا لا لا و لي يرحم والديك لا تجيبين لي سيرة هالإنسان
تنهدت و قمت آكل الساندويتش و أشرب الشاي و أطالع التلفزيون معاه
أميره : انت ما تبطل تتفرج هالمصخره هاذي ارحمني من هالقرف و طفه يالله
قال بمزح ...
أمير : من يومي يا أموره و أنا أتفرج هالمصخره !!
و قام يقلدني !!

قلت يعني اني معصبه ؟
أميره : بطفه و لا أقوم ؟!
أمير : لا لا أنا كم أموره عندي نطفيه ليه لا
تعدل في جلسته و قالي :
أمير : أموره مستانسه هنا ؟
أميره : بصراحه ! لا ودي أرد للرياض
أمير : تدرين و الله انك صادقه حتى دبي تطفش تصدقين أنا أعرف الإمارات من زمان و حافظها شبر شبر
طالعته مذهوله :
أميره : صددددددددددق !!!!!!
أمير : ايه و الله صدق انتي وين عايشه هههههههه
تنهدت للمره الألف و قلت :
أميره : حظك انت و الوالده .. هي بعد لها صديقات هنا و أنا طفشانه مووووووووت
ضحك بفخر :
أمير : وش رايك أوديك العين مكان شي و بصراحه تعجبني مره العين
قلت بفرح
أميره : اللحين !!!
أمير : ايه وش ورانا حنا العواطليه ما عندنا شغل خلنا نتمشى و نفرفش !!
أميره : بس سمعت ان العين بعيده عن دبي و تصير حوادث كثيره في هالطريق
أمير : خليها على رجالها لا تتفلسفين يالمثقفه
شويتين رن جوالي رديت بسرعه :
أميره : هلا و الله بهالصوت صدق ما تستحين وينك من زمان ؟؟
........... : موجوده أنتظرك تدقين
أميره : ههههههههه و الله انك ما تستحين طيب دقي علي بأي وقت و انتي عارفه اني ميته طفش !
......... : طيب شوي شوي علي بأقولك هالخبر
أميره : وش هو ؟؟
............... : أنا بدبي
تدرون من سمعت هالخبر صرخت و من شدة صرختي المسكين أمير نقز من مكانه قلت و الفرحه مب شايلتني !
أميره : لا لا و الله صدق لأ لأ ... رنا تكذبين علي انتي ... صدق بدبي مستحيل مو معقول !!
البنت كانت مستانسه يمكن أكثر مني
رنا : ايه و الله أنا هنا بدبي و عند باب بيتكم بعد منتي بمصدقه روحي افتحي الباب بتلقيني قدامك !!
تدرون انه قلبي بغى يوقف رميت الجوال و نقزت من مكاني و طيران على الحديقه مثل المجنونه رحت فتحت الأبواب
و فتحت باب البيت و شفتها واقفه عند الباب لا لا أنا شكلي أحلم و فركت عيني من قوة الصدمه تدرون طلعت الشارع
حتى بدون غطى أو عباه أنا في الشارع ببجامة النوم ؟؟
حضنت رنا بقوه و بكيت و هي طبعا بكت و قمنا نحضن بعض و نبكي مثل الأطفال تدرون رنا هذي مب بنت عمي و بس هي بنت عمي و أختي و صديقة عمري و كل شي بالنسبه لي بصراحه مبسووووووووطه دخلتها للبيت و جلسنا في الصاله و نسيت
أمير و سوالفه جلست بعد ما هديت و طلبت لرنو عصير قلت :
أميره : مفاجأه روعه بصراحه وينك من زمان و الله فكيتي ضيقي الله يفك ضيقتك أخيرا عمي وافق انك تجين معنا !
رنا : أبوي ما رضى الا بالشده و خصوصا ان أخوي بيشتغل هنا مع عمي مساعد
أميره : حلو يا شيخه ودي أسولف أحكي أتكلم أطلع مع وحده تفهمني و الله واحشتني ..... متى جيتي !!
رنا : من أمس و الله .. بصراحه يالغاليه كان ودي أجيك من أمس بس قلت أخليها لك مفاجأه
أميره : يا قلبي هذي احلى مفاجأه بصراحه ما قلتيلي وش أخبار هيفا و الهنوف و البنات كلهم ؟!
رنا : الحمد لله كلهم بخير و يرسلون لك أحلى سلام
أميره : بصراحه لهم وحشه
رنا : الله يسلمك .... أجل وين عمتي حصه ؟؟
أميره : تعرفينها انتي عاد ما يبيلي اعرفك على طباعها
رنا : أه فهمت ..... جولاتها الصباحيه !!!
قامت تطالع الصاله و تتأملها
رنا : بصراحه بيت روعه أدريبه عمي ذوقه يجنن ....... على فكره ما وريتيني غرفتك
أميره : تدرين كان ودي أوريك اياها بس قلت تلتقطي أنفاسك شوي بعدين أوريك غرفتي
رنا : أموره يا قلبي بطلي هالمصطلحات اللي جايبتها من الروايات ارحميني !!
أميره : هههههههههههههه ما تتركين طبعك حتى و انتي بدبي !
طلعنا لغرفتي و أول ما شافتها قالت :
رنا : أميره بصراحه ما توقعتها كذا كئيبه .
تنهدت بحزن لأنها صادقه فعلا غرفتي كئيبه !!!
أميره : تدرين كذا أخذتها بدون ما أعدل فيها شي كل أخواني عدلوا غرفهم على مزاجهم معدى أنا حتى
ناديه غيرت بيتها بالكامل أما أنا غرفتي ما كان لي نفس أغيرها ما لي خلق فأخذتها مثل ما هي !!
رنا : اسمعي كل شي بيتغير في هالغرفه و بنعدلها فهمتي .. و بعدين ما وريتك غرفتي تدرين اني ما رضيت أسافر لما تأكدت ان كل شي جاهز
يا ماما انتي بنت عز لازم كل شي في حياتك يكون توب !!
أميره : يوه يا رنا مليت من هالكلمات الله يخليك وش مفيدتني هالفلوس و ناصر تركني وراح ؟؟
قالت لي بملامه
رنا : اوووووش لا يسمعك أحد !!!!
راحت للباب و سكرته بكل حذر ..
رنا : أموره يا قلبي نحاسب على كلامنا يا جميل ما نبي مشاكل الله يرحملي والديك
أميره : و الحل ؟؟
رنا : انك تقومين تبدلين ملابسك اللحين بنطلع ..
أميره : وين بنروح ؟؟
رنا : نتغدى يا روحي و نتمشى و بعدين وش فيه وجهك كذا شاحب و صايره نحيفه اسمعي يا أمورتي هالحال ما يعجبني !
لازم تكونين كامله من كل النواحي ..
طالعتها بصمت أسمع كلامها و اتأملها ما شا الله عليها حلوه و مهتمه في نفسها عدل و وجهها ما شا الله مورد تصدقون في فرق !
رنا : يا الله قومي وش تنتظرين !
أميره : اصبري بدق على السواق يجهز السياره
طالعتني مستغربه !!
رنا : أي سواق يا حبي هذا اللي بتدقين عليه .. أنا معاي سيارتي يا قلبو!!!
تبققت عيوني صح هالمره من الدهشه
أميره : وووووووووووووووووووووووش ... تسوقين؟
قالت لي بكل برود و هي تبتسم
رنا : ايه حبيبي طبعا اسوق انا ما جيت دبي الا عشان اسوق براحتي تدرين بالرياض ما في سواقه !
هزيت راسي بتفهم لأني كنت أتمنى اشوف الحريم في الرياض في يوم من الأيام يسوقن بس أنا اسوق سياره مستحيييييييييل .. أخاف !!
أميره : أها تطور و الله
قمت لبست و خلصت و طلعنا الشارع شفت سيارتها سودا مره حلوه ركبناها و قلت
أميره : غريبه لونها مهو وردي أو بنوتي ما لقيتي الا الأسود !
رنا : افهميني يا أموره أحيانا يحبطني تفكيرك صراحه ....... تدرين الأسود لون ملكي عشان كذا يعجبني ؟
أميره : أها تشرفنا
قالت بمزح
رنا : الشرف لي يا قمر هههههههههه
______________
اليوم : الخميس
الساعه : 10:30 صباحا
المكان : بيت أبو عبدالله الله يرحمه
______________
نوره ..
هذي شغلتي أنا من بعد ما توفى ريلي الله يرحمه غسلي الملابس يبي الغدا نظفي الصحون عابلي بالهالبيت يا ربي تعبت
ودي أسوي أي شي ثاني غير هالشغله و مجبوره يوميا أطلع مع البشكاره لغرفهم و أنظفها
الحلو في يوم الخميس ان الوالده تقومنا يميع عشان نفطر سوى ..
قمت سويت الفطور و يلسنا نفطر ..
نوره : ودو وش فيها عيونج زايغه جذي !!
ردت علي و هي تتثاوب بدون نفس
ود : سكتي عني الله يخليج
الوالده : انتي دوم جذي بليده و كسوله بقول لعبدالله يدور لها على ريل يفكني منها و من النقره معاها
ود : شوووووووووو تزوجيني هذا اللي ناقص بقعد هني على قلوبكم !!
نوره : ودو احشمي نفسك و يلسي عدل تربعي جذي و صحصحي معاي من تخلصين فطورج تقومين تلمين الصحون و تغسلين المواعين
تبققت عيونها و كشرت عن أنيابها و طلع لسانها هذا وش طوله ؟!
ود : نعممممممممممم و البشكاره شو عملها يا حبيبتي لا لا هالشغله ما اعيبتني
ضحك سهيل و قال :
سهيل : انتي كله ما تشتغلين أصلا
ود : سهيييييييل بتسكت هالحزه و لا ...
في هاللحظه سكتت ود يوم سمعت صوت عبدالله داخل
عبدالله : السلام عليكم
دخل سلم على راس الوالده و يلس قربها
الوالده : يعلني أشوف عيالك قبل ما اموت
عبدالله : الله يطولي عمرج فديتج ... اشحالكم ان شا الله بخير
نوره : بخير يعلك بخير
ود : أنا مب بخير بعدني تعبانه ؟؟
عبدالله :الله الله الله وراها أبوي زعلانه شو متعبنج !!
قالت بدلع :
ود : يبوني اشتغل بالبيت بدل البشكاره !
عبدالله : ههههههههه هذا انتوا يالحريم تبون الراحه و النوم عالشبريه و بس
و فجأه دخلت أماني و هي ساكته كأنه انصب عليها ماي بارد يلست تفطر بدون ما تنطق بحرف !
شلت لها كوب و مدته صوبي و قالت
أماني : نوره صبي لي حليب
طالعتها الوالده و كأن ناغزها شي
الوالده : شو فيج ما سلمتي قولي السلام عليكم يا مسلمين
أماني : امايه شو تبغين اللحين خليني افطر ما فيني هبه أرمسلج !!
طالعتها و أنا أضغط على نفسي فيني كلام ودي أقوله بس مب متفيجه لها هاللحين
عبدالله : شو فيج انتي صايره أخلاقج في خشمج
قالت بدون نفس ..
أماني : كنت سهرانه
الوالده : شو مسهرنج ؟؟
أماني :الرسم امايه الرسم
طالعتها و سكت أحيانا الواحد لازم يسكت شو يسوي اذا كان هو مب قادر يمسك حنجرته شو يسوي يا ناس !!
_________________________

لا تنسوا التقييم راح اكمل برب

الجزء الثاني
______________
يوم الخميس
المكان : في شقة عبدالمجيد
الساعه 03:56 عصرا
________________
ثامر :
أدري اني غامض بزياده بس أنا كذا ما أتغير ..
قبل شوي كنت بالبيت أتصفح ذيك المواقع اللي تفتح النفس الله عالبنات !!
ايه هاذي حياتي .... حياتي السريه المسكره .. الغامضه !!
اتصل علي محمد ... و قالي نتقابل في شقة عبد المجيد صديقنا المبجل بتعرفون اللحين ليه
انه قدره عندنا شي !!!؟؟
كشخت عدل و طلعت و رحنا لشقة عبدالمجيد ..
اللي فيها كل شي ممكن يخطر على البال ..
جلسنا نسولف شوي و دخلنا في السوالف المهمه اللي نسهر عليها للصبح !
قام عبدالمجيد يقول بخبث :
عبدالمجيد : كم بتعطوني على الأشياء اللي جبتها اليوم ؟؟
محمد : وش جبت اليوم ؟
عبد المجيد : ذيك الأفلام اللي خبري خبرك ؟؟
قلت بإبتسامه واسعه
ثامر : حلو حلو اطلب اللي تبي و على امرك
محمد : مب مشكله الفلوس بنجيب لك اللي تبي بس ما جبت لنا أسماء مواقع جديده ؟
عبد المجيد : أفا عليك أكيد أنا عبدالمجيد العالمي كل شي بين يديني !
ضحكنا عليه و قلت :
ثامر : وش محضر لنا اليوم وين بتكون السهره !! نبي سهره معتبره تدري اليوم خميس و عندي يوم الخميس يوم مقدس !!
عبدالمجيد : هههههههههه طبعا يا بو خالد لازم السهره تكون صباحي أكيد
محمد : حلو تعجبني يا بو الشباب خلاص اتفقنا يا حلو ..
ثامر : على فكره وين راشد ؟؟
عبدالمجيد : يا شيخ هالرجال رئيس الشله و تدريبه هو الكل بالكل يعني طول الوقت مشغول في حياته الخاصه
ضحكت بخبث و قلت :
ثامر : أها حياته الخاصه !!
محمد : على فكره يا بو خالد وش أخبار ريما ؟؟
ثامر : بصراحه مليت منها أبي وحده غيرها صحيح حلوه بس تدريبي ملول أبي شي جديد !
عبدالمجيد : حلوه بس حرام عليك إلا قل حلووووووووووه جسم و طول و جمال يعني وين بتلاقي وحده تونسك ........... ببلاش !!
ثامر : بصراحه يا كثر البنات اللي يخقن علي أنا ما يبيلي كلام ؟!!
صرخوا بصوت عالي : ياهووووووووووووووووو يا واثق
و ضحكنا و الشيطان رابعنا

_______________
يوم الخميس
المكان : أحد المولات في دبي
الساعه : 10:30 مساءا
_______________
أميره :
فرينا بالسياره بس خلاص حسيت اني بدوخ و الله استانست
أميره : رنو خلاص حبي نرد البيت ؟
رنا : ايشششششششش تونا ما خلصنا !!
أميره : شلي تونا الساعه تسع و أنا تعبت من متى طلعنا من البيت و غير كذا أكيد أبوي و أمي مسوين هيصه بالبيت لأني نسيت جوالي
رنا : يوه يا أميره مليت من هالأسطوانه المشروخه من سأل عنك مره في هالبيت !?
و بعدين كل اللي صلحناه في هالوقت نروح من معرض لمعرض
عشان نتختار غرفتك و كله و حنا نشتري أغراض أقول خلينا نستانس تراك تطفشين !!
سكت بغيظ و بروحي مب ناقصه الحاح من هالبنت .
وقفنا عند مول كبير ...
رنا : يالله انزلي
من جد فتحت عيوني على كبرهم من المفاجأه
أميره : هنا بنوسع صدورنا ؟؟؟؟؟
طالعتني ببرود و هي ماسكه المرايه تعدل مكياجها و تقول :
رنا : ايه يا قلبي هنا وش فيك كنا في الرياض ندخل مولات و عادي وش جا عليك اليوم ?
قلت بعصبيه : كنت أدخل المولات آخذ أغراضي و اطلع و كنت متغطيه اللحين لا .. و بعدين أحد يوسع صدره في مول !!
الناس تروح للبحر للمنتزهات للحدايق مب مول !
رنا : أقول سكتي عني يالرومانسيه .... يا حبيبتي دبي غير الرياض هنا كلهن فاتشات !!
و ما احد مهتم لأحد كل واحد في حاله مين بيطالعك.. يعني !!
أميره : و بعدين معاك .... لا يا شيخه أقنعتيني .. !
رنا : أموره حبي من كثر ما انك معصبه مكياجك خرب خذي عدليه
أخذت المرايه منها بعصبيه و قلت :
أميره : و مين قالك اني حاطه مكياج مثلك شوفوا يا ناس وش حاطه ..حاطه فول ميك آب مثل الجوعان اللي منعوا عنه الأكل و بعدين أكلوه !!
ما ألوم الشباب اذا تجمعوا علينا !!
قالت لي بدلع
رنا : مقبوله منك يا حلو ... يا الله قومي خلينا نشوف العالم .!
أخذت شنطتها و طلعت .... و أنا بصراحه كنت متردده و على العموم طلعت !!
سكرت باب السياره بعصبيه و وقفت أول ما التفت لقيت شاب يبتسم لي
طالعته بعصبيه و قلت :
أميره : مب داخله معك يا رنا روحي بروحك !!
جت عندي و مسكتني من يدي و سحبتني بقوه
رنا : بتروحين معي و اللحين يالله بلا دلع ؟!!
قمت أقلدها و أقول بتريقه :
أميره : كل واحد في حاله مين بيطالعك !!!
رنا : اقول امشي و انتي ساكته بلا كثر هرج
مشيت معاها متأففه و قلبي مقبوض أول ما دخلنا المول هفني هوا بارد يكتــــــــــم !!
مشينا أنا وياها و كثير ناس يطالعونا مدري شالسبب بالله باين علينا اننا غرب عن هالديره !!
دخلنا محل عطور و طبعا من شافنا صاحب المحل قام يرحب فينا و يناظرنا بخباثه ما ارتحت بصراحه !
رنا تعاملت مع الموقف بتفنن و كأنها مستانسه و تلعب !!
شرت اللي تبيه و طلعنا هي دخلت محل ملابس و أنا مشيت شوي بعيد عن المحل اللي دخلته ...شوي و نزلت من الدرج لما وصلت لقسم مخصص لألعاب الأطفال كان بالدور الأرضي قسم كبير كله ألعاب بصراحه وناااااسه !
وقفت أطالعهم آه ليتني طفله أحسن من هاللي أنا فيه استغفر الله يا حلوها حياة الطفوله روعه ....... مشيت أتأملهم !!
و فجأه لقيت ذاك الولد اللي شفته على الشاطئ ......... سهيل
ابتسمت و أنا اتذكر الموقف اللي صار بينا .... مشيت لين وصلت للعبه اللي يلعبها
كان يلعب كرة طاوله طفشان و طول الوقت يتأفف !!
كان يلعب بروحه بالكره اللي كانت تنط بعيد و ترجع له بعد ما كان يرميها بدون ما يستخدم المضرب
و قفت قباله و ابتسمت :
أميره : سهيل صح
ابتسم لي ..
سهيل : ايه ... كيف عرفتي اسمي !!
أميره : ما تذكرتني ؟؟
سهيل : اممممممم ايه .. عرفتج انتي اللي كسرتي الكايت مالتي بس ما اعرف شو اسمج ؟
أميره : اميره
تنهد بطفش شوي و طالعني بتحدي :
سهيل : تلعبين معاي ؟؟
أميره : يالله ليش لا
أخذت المضرب و قمنا نلعب و كل مره الجهاز يسجل لي نقطه .. الأطفال تجمعوا علينا و قاموا يشجعوني !
صحيح هو يلعب زين و كم مره سجل علي نقاط بس طبعا ما يمديه على حرفنتي الزايده ههههههههه
و نسيت نفسي و أنا ألعب معاه من جد عالم الأطفال ابدااااااااااااااع !!
تميت ألعب و الأطفال حولنا متجمهرين و بدت أعدادهم تتزايد و شويتين صرت أسمع الشباب و أصوات تشجيع لي و تصفير!!
و جت الجوله الأخيره و انحسبت لي نقطه و فززززززززت قلت و الحماسه ذابحتني .. و أنا أرفع يديني
أميره : yesssssssss............ I wen
و الأطفال يشجعوني و الكل يشجعني و يصفقون و يصفرون لي كأني كنت في مباراه من جد ... و كل اللي كنت فيه لعبه !!
بعد ما خلصنا تحمسوا الأطفال يبون يلعبون و أحلى شي ان الجمهره انتهت و كلهم راحوا لحالهم
كنت اطالع سهيل اللي كان مبوز جاني بروح رياضيه و قال :
سهيل : هزمتيني مبروك عليج
أميره : شكرا و هارد لك
نزل راسه و كان بيروح
أميره : سهيل ..
التفت لي
سهيل : نعم
أميره : وش رايك نتعشى سوى !!
قالي و هو يقلب شفايفه ..
سهيل : ممكن أوافق بس يمكن امايه ما توافق ؟

أميره : اممم على راحتك عموما أنا فوق عند النافوره لو وافقت بتلقاني هناك
راح في طريقه و أنا توني أرد لعالمي و كآبته تذكرت رنا أوف يا ربي و ين هالبنت أكيد ساخطه علي
ايششششششششش ؟؟ طالعت قدامي لقيت واحد يطالعني و يبتسم
....... : بصراحه انتي محترفه
طنشته و طلعت قام لحقني ... بديت احس بتوتر طلعت للدور الأول و رحت عند النافوره لقيت رنا واقفه تدور علي و معصبه
أول ما شافتني ..
رنا : وينك الله يهديك وين كنتي تمشين بروحك و كأنك مب عارفه انك ما تعرفين شي في هالمكان يمكن تضيعين أو ...
قاطعتها بمرح و قلت :
أميره : كنت ألعب كره طاوله
رنا : نعممممممممممم !!!!!
أميره : فاتك صار لي جمهور ........ ههههههههه
رنا : ايششششش ؟؟
أميره : ما شفتي الزحمه اللي كانت في قسم الألعاب
رنا : شفتها يقولون انه بنت تتبارز مع طفل
أميره : رنو يا قلبي وش تتبارز هذي الكلمه تقولينها لما تمسكين السيف لكن لما تلعبين تقولين أتبارى !!
رنا : الله يرحمك اسكتي مو وقتك يا المثقفه ؟؟
أميره : ههههههههههه أحلى شي اني فزت و عزمت اللي هزمته على العشى ههههههههههه !!
من كثر ما اني مستانسه نسيت هاللي يلحقني
طالعتني رنا مصدومه و هي تأشر :
رنا : وش يبي ذا اللي وراك ؟؟
التفت وراي لقيت هذا اللي يلحقني يا ويلي وش يبي مني ؟؟
رنا مسكت يدي وسحبتني وراها بقوه أنا مب عارفه لوين تبينا نروح
لقينا قدامنا سكيورتي ..
رنا : لو سمحت شايف ذاك الرجال اللي هناك ... قاعد يلاحقنا
طالعنا السكيورتي و راح مكان ما أشرت رنا
أنا طالعتها منصدمه و في نفس الوقت مستانسه ..
قمت أضحك أنا واياها على خبالتنا و صرنا نتخيل شكل الرجال و هو يهرب من السكيورتي !!
طالعت لساعتي ... أوف الساعه عشر و ربع شكلها ام سهيل رفضت اكيد بترفض كيف بتخلي ولدها يتعشى مع وحده غريبه ؟؟؟
لفتني محل دببه سحبت رنا و دخلنا بصراحه مكان روعه كله دببه و تحف بصراحه شيييييييييييي ؟؟
خميت دببه كثيره و أنا سعيده ناسيه كل آلامي و رنا تطالعني مفهيه !!!!
رنا : وش هذا كله أنا متأكده انك انهبلتي ؟؟
أميره : لا يا قلبي ما انهبلت باقي و اذا على سيارتك يا روحي تكفي هالأغراض و الله بنحشرها في السياره حشر عشان تدخل هههههههههه
المهم شريناها و طلعنا شايلين أكياس كثيره و كبيره خخخخخخ خليني أبرد حرتي في رنا شوي !!
رنا : آه يا أميره ما أقدر أمشي تعبت خلينا نشوف حمال يشيلها لنا
شفنا حمال شالها لنا و راح مع رنا للسياره عشان تدخل الأكياس أما أنا بقيت في المول أتأمل الناس و العالم دخلت محل عطور نادره !
كذا مكتوب على المحل فيه روايح تفتح النفس دخلت و اخترت العطور اللي عجبتني ... باقي الدفع المهم كان محل الدفع عند الكاشير فيه واحد
مقفي منتظر دوره لأنه كانت قباله وحده و أنا وراه فوقفت أنتظر دوري و أتأمل المحل ...

.... : لو سمحتي تفضلي أنا ممكن أنتظر .
التفت لمصدر الصوت لقيت الرجال اللي كان قبالي ينتظر دوره أول ما شافني و شفته تلاقت عيوننا طاحت الأغراض من يدي من الصدمه و مرت لحظة صمت !!!!
( عندمااا تُفك قيود الماااضي لتفتك بك في حاااضرك فحاااربه لأنك لو لم تفعل فسَيفنيك لتكون أنت الماااضي و هو الحاااضر )
صمت بس !! إلا صمت و صدمه و دهشه و فجعه لحظه يدور فيها صراع في داخلي و ذكريات ساخنه قويه تفجر نفسها في عقلي
حسيت انه الزمن توقف توقف عند هاللحظه و أنا ... و أنا يا ناس أشوفه قدامي .... ناصر ........... مستحيل !!!؟

________________
يوم الخميس
الساعه : 11:00 مساءا
المكان سيارة ناصر
__________________
ناصر

الجديد ان الهموم أكثر من أول
و السعاااده طيف يذوي كل يوم
الجديد ان خفوقي مااا تحول
حااامل وده و لا عنده خصوم
الجديد ان الحزن بااالعين حول
و الفرح في نظرتي صااار مهزوم
الجديد ان الصبر طول و طول
و الحياااه جهاااد و الدنيااا عزوم

شفتها !!
و انصدمت ....... حسيت قلبي اعتصر أو انفجر ... حسيت روحي بتطلع يوم شفتها
معقول بعد كل هالوقت و هالسنين ارجع اشوفها مستحيل كيف كيف يا ربي كيف !!!!!
ليه في هالوقت بالذات ليه أشوفها اليوم ..
رجعت للماضي رجعت للذكرى رجعت للألم اللي ما كنت أبيه و لا أبي أحسه !!
كانت هواي و سماي و ارضي لين تدخلت الوالده في الموضوع يا ناس كانت لي بكل مشاعرها و أحاسيسها كانت لي أنا مب لغيري
خطبتها ووافقت بس الوالده اللي عارضت و خلتني ابعد عنها اجباري ظروفي كانت اقوى من ... حبنا بس كان ودي في هاللحظه أقولها
سامحيني بس ....... حسيت كل شي توقف و حسيت نفسي احتضر طالعتها و انا أتذكر كل سنينا و كل أيامنا ......
يوم طالعتني انصدمت مثلي و فجأه تركت أغراضها و مشت بسرعه من المحل ... ما عرفت وش أسوي ؟؟
حاسبت على الأشياء اللي معاي و طلعت أدورها بكل احاسيسي و مشاعري شفتها طلعت من المحل لحقتها و لقيتها ماسكه صديقتها أو مدري وش هي ؟؟
و تقولها بصوت باكي و مسموع و مضطرب
أميره : اركبي السياره بسرعه
... : طيب ليش ؟
أميره : الله يخليكي يا رنا مب وقته أسئله
عرفت انها رنا بنت عمي خالد صديقة عمرها
رحت بسرعه لسيارتي اللي كانت بعيده عن سيارتهم ركبت بسرعه و شفت سيارتهم تمشي بسرعه جنونيه
لحقت وراهم بسيارتي بدون وعي و أنا مب مصدق كيف اني لقيتها ..
صارت سيارتها تمشي بسرعه أكثر من أول و تعكس بالطرق و تموه علي يمكن بل أكيد لأني ألحقهم !!!
المهم بعد ما لقيت أميره مستحيل أضيعها من يدي مره ثانيه
بتكون لي يعني بتكون لي !!!
مهما صار و مهما كانت الأساليب اللي بستخدمها عشان ترجع لي

من مذكرات رناااا
______________
يوم الخميس
المكان سيارة رنا
الساعه : 12:00 صباحا
______________
رنا
مدري وش فيها هالبنت تصارخ و تقولي ناصر ناصر و تبكي و أنا مرتبكه و مب عارفه أسوق عدل !
و كل شوي تقولي اسرعي ... أنا في حاله وحده مبسوطه ان الشوارع هاديه و تقريبا فاضيه و اقدر اسرع على كيفي !!
بس خايفه لا تمسكنا الدوريه و حنا لنا ساعه ندور و نلف و هالمجنون لاحقنا مدري وش فيه ؟
صدق الحب يعمل العجايب قصدي يصنع المستحيلات ...
أميره : رنا الله يخليك ما ابيه يعرف بيتنا ولي يرحم والديك
رنا : طيب يا بنتي اهدي ما يصير الا اللي تبينه
أميره : ما ابيه ما أبيه في حياتي وش يحس فيه هالبني آدم ما ابيه .... أبيه يطلع من حياتي ؟؟
رنا : زين طيب بس انتي اهدي و ما يصير خاطرك الا طيب
تمت تبكي بكى يقطع القلب ..
و انا بصراحه تعبت من السواقه و باين عليه بايعها لأني حسيت انه صار قريب منا مع اني مسرعه و سرعه أول مره أسوق فيها !!
و شوي شوي قربنا من منعطف حاد و صرنا في مستوى واحد .... من كثر ما اني مصدومه خففت السرعه لأنه المنعطف حاد بالمره و بصراحه وهقه !!
انهرت و وقفت السياره على جنب بعد مناورات ساعه و زياده و هو يلحقنا ..
قلت و أنا آخذ نفسي :
رنا : أميره ما قدرت ناصر هذا مجنون لو اني أسرعت أكثر من كذا عند المنعطف بنصير لحمه مفرومه بين الحديد هذي ما فيها كلام أميره معليش آسفه ما قدرت !
التفت أشوف ردت فعلها لقيتها ما ترد و راسها مايل !!!
انشلت حركتي و انا اشوفها قمت أطالعها مب مستوعبه و اهزها بدون وعي ..
رنا : أميره ... أميره ... أميره ردي علي أميره
ارتبكت ما عرفت وش أسوي التفت أشوف هالبني آدم اللي لحقنا لقيته ركن سيارته على الطريق قمت أطالع الطريق الفاضي اللي قدامي !
و أطالع أميره تنفست بعمق و قمت أهدي نفسي
اسمعي يا رنا مب وقته الصراخ و الصياح عندي البنت مغمى عليها و هالمجنون يلحقنا الحل فكر يا عقلي أرجوك هالمره لا تخذلني !
التفت أطالع سيارته لقيته طلع منها ...
بدون تفكير شغلت السياره و مشيت بسرعه تجاوزت المنعطف و زدت السرعه و على بيتنا على طول ...
و قفت السياره و أنا أطالع و راي و من كثر ما اني خايفه و مفجوعه صرت أتخيل سيارته وراي و تلحقني !!!
نسيت أنه أميره معاي التفت لها و مازالت فاقده وعيها فتحت شنطتي و طلعت العطر و بخيت في منديل و شممتها
رنا : الله يخليك أميره أميره ردي علي يا أموره
حسيت نبضها .....
أوف الحمد لله تتنفس شويتين حسيتها تحركت و طالعتني فتحت علبة المويه و مسحت وجهها و الحمد لله صحصحت معاي
بس أنا بعد هالمغامره انهرت مرررررررررررررره ما تتصورن قديش ؟؟؟!
التفتت لي أميره !!

قالت بصوت موجوع و متغير
أميره : آآآآآآآه يا راسي .... وين أنا ؟؟
رنا : الحمد لله على سلامتك ... حنا بالسياره
طالعتني مثل المفجوعه ... و صارت تلتفت ورى و تطالع للشارع
أميره : وين صرنا ؟؟
رنا : عند بيتنا ..
كأنها ارتاحت شوي نزلت الكرسي و انسدحت عليه و سكتت و العجيب اننا ما قلنا حرف بعد كذا من قوة الصدمه وش بنقول !!!
أنا مادري وش صار علي صايره مثل المشلوله مب عارفه وين صارت أفكاري و لا وش جا علي !!!
شغلت السياره و وصلت أميره عند بيتها حتى بدون ما أطلع معاها أو أشوف وش صار عليها !
رجعت لبيتنا و دخلت غرفتي و انسدحت على سريري و استسلمت لسيل من الدموع المريره على قول أميره !!

_______________
يوم الجمعه
المكان : بيت أبو عبدالله الله يرحمه
الساعه : 12:50 ظهرا
_______________
عبد الله :
آآآآآآآه يا زين السبوح بعد هالتعب توني راد من الدوام بتستغربون اني اداوم في يوم اليمعه لأن عندي أوراق مهمه ما خلصتها و طالبها عمي
يا سلام بتغدى و أكيد الوالده مصلحه غدوه معتبره ريحة الغدا الصراحه عدله تفجج الراس
نزلت للصاله لقيت الغدا منشوب يلست أنتظر الوالده و ود
قمت الآعب عبد العزيز .... شوي و ادخلت الوالده شاله الصحون قمت أساعدها و يلست .. طالعتني ودو بقهر !
ود : ما ودك تشل صحن السلطه عني
ظحكت أبي أقهرها
عبدالله : وش حقه اشيله عنج ؟؟
تأففت بضيج و حطت صحن السلطه و يلست مجابلتنه و هي تقول بفخر
ود : تبون تذوقونها ..
طالعتها نوره وهي تمزح
نوره : ودوه أشوف سلطتج .......... شوووووووووووو هذا كذا تقصصين السلطه شو فيها هالخياره الحزينه جذي الله يعين بطونا
قمنا كلنا نظحك عليها !
ود : وشوله تظحكون هذا اللي قدرت عليه أنا طول الوقت مع امايه قاعده أعابل الدياي هذا بدل ما تشكروني !
قالت الوالده ترفع معنوياتها
ام عبدالله : ايه و الله بنيتي ما قصرت تراها مرة سنعه مسكت عني الطباخ و قامت تصلح الغدا معاي أحسن من بعض ناس !
قامت تطالع اماني اللي في عالم ثاني .. و بالتالي كلنا قمنا نطالعها كنت استغرب هالهدوء و السكون اللي اهيا فيه ما تظحج مثلنا
دايم غايبه عن عالمنا قطعت هالسكوت و نشيت عدال ود شليت صحن السلطه و قمت أنتشب في صحني و أساعد الوالده ..
قربت صحن أماني و فجأه بطلت عيوني اطالعها شو فيها هذي حاطه ايدها على الصحن جذي !!!
أماني : ما أبي سلطه منك .... امايه غرفي لي سلطه
طالعتها مستغرب
عبدالله : شو هالتناقض ما تبيني احطلج طيب يالشيخه على راحتج
ابتسمت و طالعتني باستهزاء
أماني : انت شو محتسب نفسك ... حبيبي اصحى شو جا على مخك انتا !!
بصراحه طالعتها مصدوم و بصراحه تفاجأت من هالرد
قامت الوالده معصبه
أم عبدالله : مسودة الويه شو هالرمسه الشينه شو تتحسبين نفسج هالكثر حقوده هذا اللي طلع منج !!
نوره : شو جا على عقلج ينيتي انتي ما تستحين على ويهج ؟؟؟
عبدالله :تركوها على راحتها
طالعتني بعد ما سمعت أنواع التهزيء و قالت بابتسامه بارده
أماني : شو انتوا تقولون شو تحتسبونه هالإنسان .... بدل أبويه !!هذا مستحيل طول الوقت يحاول يسوي مثل أبويه سمعوا تراني مليت منكم و من هالإنسان مالتكم و الله ميانين ... !
طالعتها معصب و قمت عدالها قلت :
عبدالله : هالكلام تقولينه حق منو ؟؟؟
طالعتي من فوق لتحت و قالت
أماني : انت وخر عني حتى ويهك ما أبي أشوفه أوووووووف
مشت بسرعه و راحت لدارها
وقفت مذهول مب بمصدق هالرمسه شو جا على بالي في هالوقت مادري !!
الوالده : معليش يا وليدي تدريبها اختك عنيده من مات أبوك الله يرحمه و هي جذي ما تروم من الزعل و الصريخ تحملها عشان خاطري
نزلت راسي بإستسلام
عبدالله : امايه خاطرج على راسي من فوق
الوالده : يسلم لي راسك يا الطيب
نوره : جليلة الحيا اهي وين و المستحى وين سود الله ويهها
سهيل : طول الوقت تصارخون و بعدين معاكم ؟!!
من سمعت صوته ابتسمت ..
عبدالله : عيل شو تبغي يالشيخ ؟
سهيل : أبيكم تهدون و بس
يلست عداله وشليت عبدالعزيز في حضني
و حاولت أغير هالجو المكهرب اللي كنا فيه قبل لحظات
الغريب ان ودو ساكته ما ارمست بكلمه
عبدالله : ود وش فيك ما ترمسين ؟؟
قالت و كأن حد عطاها كف على ويهها
ود : ها ....!!
نوره : لا سلامة روحج .... نحن هنا يا حبي
قامت تظحك ..
ود : ههههههههههه و أنا هنا يا حلو
سهيل : تدري خالي شو سويت أمس ؟؟
عبدالله : شو سويت ؟؟
سهيل : لعبت في المول مع وحده اسمها شو اسمها يا ربي إيه اسمها أميره
عبدالله : مين هاذي أميره ؟؟
سهيل : تفتكر ذيج المره اللي جابلناها بالكورنيش
من قال هالكلمه ...
عبدالله : كح كح كح كح !
كلهم طالعوني
الوالده : بسم الله على قلبك شو يا عليك !
قامت ودوه تضرب على ظهري و تظحك
ود : هههههههههه شو يا عليك فديتك ؟!
نوره : من جاب سهيل سيرت ذيج البنت زاغ الريال
ود : مو ذيج البنت اللي جابلها على الكورنيش و كسرت الطائره الورقيه
سهيل : اهيا بعينها
ود : ليش اشفيها ؟؟
سهيل : شفتها بالمول و لعبت معها كرة طاوله ........... بس .... هزمتني
التفت اطالعه مستغرب
عبدالله : اهزمتك ؟؟؟ من صجك !!
لأني أعرف سهيل حتى أنا ما قدرت اهزمه بهاللعبه
سهيل : ايه و اعزمتني على العشا عشان روحي رياضيه !
قام يطالعنا بفخر و الإبتسامه العريضه شاقه ويهه
سهيل : بس أمايه عيت ؟؟
نوره : ايه من حقي اعيي ولدي يتعشى مع وحده غريبه شحقه يمكن تكون ميرمه أو لصه جذي أخلي ولدي يروح لها بريوله لا ما يصير !!
مت من الظحك على شكلها ...
بس هالبنت صج ما غابت عن بالي اعيبتني بالحيييييييييل بس لو ....
شو يا على هالراس مادري !!!
خلصت الغدا و طلعت لغرفتي و تمددت عالشبريتي يا سلاااااااااااااااااااااااام وش زين النوم انخشيت بمخدتي و أنا أحلم فيها
أميره اسمها وايد حلو ....... أميره ...
_____________
يوم الجمعه
الساعه : 08:00 مساءا
بيت أبو أحمد
_____________
أميره
يااااااااااااااااااااه و الله حرام
صحيت من النوم الساعه 6 صليت و رجعت مره ثانيه للسرير
تذكرت أمس لما رجعت البيت لقيت أخواني و امي و ابوي على أعصابهم طبعا لا يفوتكم الموشحات اللي زحلقتها عشاني تعبانه !!
أصلا ما صدقت اني دخلت البيت و افتكيت من الكارثه اللي اسمعها ناصر و لقيت هلي مجتمعين في الصاله ..
كنت أحاول أكون طبيعيه و لا اللي قبل شوي أغمى عليها !!!
دخلت و على وجهي ابتسامه باين انها مصطنعه أول ما دخلت و شافتني أمي شهقت و قامت احضنتني بقوه
و تمت تبكي حمد لله ما بين علي اني كنت ميته قبل شوي و كنت في مغامره أطبعها على خد التاريخ !!
الوالده : وينك يا بنيتي الحمد لله على سلامتك وينك شغلتي بالي يا يمه
أما أبوي فسالفه ثانيه ...
الوالد : وين كنتي !!
الوالده : اصبر شوي خلي البنت تاخذ نفسها
أميره : كنت مع رنا
كان يدور حولي و يطالعني بتفحص و أخواني عيونهم كلها شك مثل الرصاص تخترقني معصبين لولا الله ثم وجود أبوي كان كلوني !!!
الوالد : و رنا هاللي ما تستحي و لا تمر تسلم علينا
طالعته بإرتباك
أميره : ان شاء الله بتجي اهي ... اهي تو ما جت أمس
طالعني أبوي مهوب بمقتنع !!!
الوالد : أها ... و وين رحتي انتي و رنا ؟؟
أميره : رحنا نختار غرفه جديده لي و نسوي الطلبيات حقت أغراض الغرفه عشان بأبدل غرفتي !!!
غمض عيونه و هز راسه و بعدين طالعني بنظره حسيتها حفرت قلبي حفر ........ ابتسم لي بغموض و قال:
الوالد : خير ان شاء الله ارسليلي الفواتير على الشركه مع السايق و اللحين يالله تفضلي على غرفتك !!
أبوي طيب معااااااااااااي بس أنا اللي مصختهاااااااااااا بقووووه
و لا وين أبو يمرر هالموقف بهالبساطه الا بعد صراخ و تكفخ !!!!
تنفست بقوه يوم قالها و طيران على الغرفه ما صدقت على الله و صرت أبكي و أبكي لين تعبت و نمت و ما حسيت بنفسي إلا المغرب !!!
قمت صليت و نزلت للمطبخ مره جوعانه صلحت لي ساندويش و طلعت لغرفتي شكله ما في أحد بالبيت سألت الشغاله :
أميره : وين أمي ؟؟
الشغاله : مدام حصه نايم !
غريبه صراحه من عجايب الدنيا .. و لا بهالوقت تحلو العزايم و الطلعات !!
أميره : طيب بابا
الشغاله : في مكتب مال هو
أميره : غريبه اشجاي عليهم اهل البيت ..
رجعت لغرفتي اكلت و رحت في عالمي أفكر كان ودي أكلم رنا أو أشوفها أمس صراحه صلحت معاي موقف ما يصلحه الا هي لأنها بنت ناااااااااااااادره و قليل عليها بعد !
و الله مسكينه هالبنت معاي لا تحسبون اني هاديه و هي المرجوجه سالمه من بلاويا ..... يقولون يا ما تحت السواهي دواهي !!!
بس من جد أنقذتني و طلعت ذكيه .... لحظه نرجع للسالفه الأهم ... ناصر شاللي ذكره فيني شلي رجعه بعد كل اللي صار !!
بعد ما عذبني و باعني جا اللحين يرجع لي و يلحقني بعد ؟؟؟
شكله تغير بالحيل عن أول و بعدين أنا ليه هربت منه ... ليه !!خفت منه لما جاني أنا نسيته أو قربت أنساه تمنيت انه ما ظهر مره ثانيه في حياتي أنا نسيته ... لا لا ما نسيته يا الله بصراحه أربكني حسبي الله و نعم الوكيل !!!!
أنا بعقل خلاص و لاني بطالعه مولات و لا أسواق و لا يحزنون !!!
رن جوالي على طول رديت حتى ما كمل دقتين و رديت
أميره : هلا و الله تولهت عليك يالغاليه لا لا لا بصراحه أثبتي شجاعتك
رنا : ههههههههههههه بسم الله الرحمن الرحيم اركدي شوي الله يهديك
أميره : و الله صراحه رائعه بقووووووووووووه

قالت بصوت موجوع و متغير
أميره : آآآآآآآه يا راسي .... وين أنا ؟؟
رنا : الحمد لله على سلامتك ... حنا بالسياره
طالعتني مثل المفجوعه ... و صارت تلتفت ورى و تطالع للشارع
أميره : وين صرنا ؟؟
رنا : عند بيتنا ..
كأنها ارتاحت شوي نزلت الكرسي و انسدحت عليه و سكتت و العجيب اننا ما قلنا حرف بعد كذا من قوة الصدمه وش بنقول !!!
أنا مادري وش صار علي صايره مثل المشلوله مب عارفه وين صارت أفكاري و لا وش جا علي !!!
شغلت السياره و وصلت أميره عند بيتها حتى بدون ما أطلع معاها أو أشوف وش صار عليها !
رجعت لبيتنا و دخلت غرفتي و انسدحت على سريري و استسلمت لسيل من الدموع المريره على قول أميره !!

_______________
يوم الجمعه
المكان : بيت أبو عبدالله الله يرحمه
الساعه : 12:50 ظهرا
_______________
عبد الله :
آآآآآآآه يا زين السبوح بعد هالتعب توني راد من الدوام بتستغربون اني اداوم في يوم اليمعه لأن عندي أوراق مهمه ما خلصتها و طالبها عمي
يا سلام بتغدى و أكيد الوالده مصلحه غدوه معتبره ريحة الغدا الصراحه عدله تفجج الراس
نزلت للصاله لقيت الغدا منشوب يلست أنتظر الوالده و ود
قمت الآعب عبد العزيز .... شوي و ادخلت الوالده شاله الصحون قمت أساعدها و يلست .. طالعتني ودو بقهر !
ود : ما ودك تشل صحن السلطه عني
ظحكت أبي أقهرها
عبدالله : وش حقه اشيله عنج ؟؟
تأففت بضيج و حطت صحن السلطه و يلست مجابلتنه و هي تقول بفخر
ود : تبون تذوقونها ..
طالعتها نوره وهي تمزح
نوره : ودوه أشوف سلطتج .......... شوووووووووووو هذا كذا تقصصين السلطه شو فيها هالخياره الحزينه جذي الله يعين بطونا
قمنا كلنا نظحك عليها !
ود : وشوله تظحكون هذا اللي قدرت عليه أنا طول الوقت مع امايه قاعده أعابل الدياي هذا بدل ما تشكروني !
قالت الوالده ترفع معنوياتها
ام عبدالله : ايه و الله بنيتي ما قصرت تراها مرة سنعه مسكت عني الطباخ و قامت تصلح الغدا معاي أحسن من بعض ناس !
قامت تطالع اماني اللي في عالم ثاني .. و بالتالي كلنا قمنا نطالعها كنت استغرب هالهدوء و السكون اللي اهيا فيه ما تظحج مثلنا
دايم غايبه عن عالمنا قطعت هالسكوت و نشيت عدال ود شليت صحن السلطه و قمت أنتشب في صحني و أساعد الوالده ..
قربت صحن أماني و فجأه بطلت عيوني اطالعها شو فيها هذي حاطه ايدها على الصحن جذي !!!
أماني : ما أبي سلطه منك .... امايه غرفي لي سلطه
طالعتها مستغرب
عبدالله : شو هالتناقض ما تبيني احطلج طيب يالشيخه على راحتج
ابتسمت و طالعتني باستهزاء
أماني : انت شو محتسب نفسك ... حبيبي اصحى شو جا على مخك انتا !!
بصراحه طالعتها مصدوم و بصراحه تفاجأت من هالرد
قامت الوالده معصبه
أم عبدالله : مسودة الويه شو هالرمسه الشينه شو تتحسبين نفسج هالكثر حقوده هذا اللي طلع منج !!
نوره : شو جا على عقلج ينيتي انتي ما تستحين على ويهج ؟؟؟
عبدالله :تركوها على راحتها
طالعتني بعد ما سمعت أنواع التهزيء و قالت بابتسامه بارده
أماني : شو انتوا تقولون شو تحتسبونه هالإنسان .... بدل أبويه !!هذا مستحيل طول الوقت يحاول يسوي مثل أبويه سمعوا تراني مليت منكم و من هالإنسان مالتكم و الله ميانين ... !
طالعتها معصب و قمت عدالها قلت :
عبدالله : هالكلام تقولينه حق منو ؟؟؟
طالعتي من فوق لتحت و قالت
أماني : انت وخر عني حتى ويهك ما أبي أشوفه أوووووووف
مشت بسرعه و راحت لدارها
وقفت مذهول مب بمصدق هالرمسه شو جا على بالي في هالوقت مادري !!
الوالده : معليش يا وليدي تدريبها اختك عنيده من مات أبوك الله يرحمه و هي جذي ما تروم من الزعل و الصريخ تحملها عشان خاطري
نزلت راسي بإستسلام
عبدالله : امايه خاطرج على راسي من فوق
الوالده : يسلم لي راسك يا الطيب
نوره : جليلة الحيا اهي وين و المستحى وين سود الله ويهها
سهيل : طول الوقت تصارخون و بعدين معاكم ؟!!
من سمعت صوته ابتسمت ..
عبدالله : عيل شو تبغي يالشيخ ؟
سهيل : أبيكم تهدون و بس
يلست عداله وشليت عبدالعزيز في حضني
و حاولت أغير هالجو المكهرب اللي كنا فيه قبل لحظات
الغريب ان ودو ساكته ما ارمست بكلمه
عبدالله : ود وش فيك ما ترمسين ؟؟
قالت و كأن حد عطاها كف على ويهها
ود : ها ....!!
نوره : لا سلامة روحج .... نحن هنا يا حبي
قامت تظحك ..
ود : ههههههههههه و أنا هنا يا حلو
سهيل : تدري خالي شو سويت أمس ؟؟
عبدالله : شو سويت ؟؟
سهيل : لعبت في المول مع وحده اسمها شو اسمها يا ربي إيه اسمها أميره
عبدالله : مين هاذي أميره ؟؟
سهيل : تفتكر ذيج المره اللي جابلناها بالكورنيش
من قال هالكلمه ...
عبدالله : كح كح كح كح !
كلهم طالعوني
الوالده : بسم الله على قلبك شو يا عليك !
قامت ودوه تضرب على ظهري و تظحك
ود : هههههههههه شو يا عليك فديتك ؟!
نوره : من جاب سهيل سيرت ذيج البنت زاغ الريال
ود : مو ذيج البنت اللي جابلها على الكورنيش و كسرت الطائره الورقيه
سهيل : اهيا بعينها
ود : ليش اشفيها ؟؟
سهيل : شفتها بالمول و لعبت معها كرة طاوله ........... بس .... هزمتني
التفت اطالعه مستغرب
عبدالله : اهزمتك ؟؟؟ من صجك !!
لأني أعرف سهيل حتى أنا ما قدرت اهزمه بهاللعبه
سهيل : ايه و اعزمتني على العشا عشان روحي رياضيه !
قام يطالعنا بفخر و الإبتسامه العريضه شاقه ويهه
سهيل : بس أمايه عيت ؟؟
نوره : ايه من حقي اعيي ولدي يتعشى مع وحده غريبه شحقه يمكن تكون ميرمه أو لصه جذي أخلي ولدي يروح لها بريوله لا ما يصير !!
مت من الظحك على شكلها ...
بس هالبنت صج ما غابت عن بالي اعيبتني بالحيييييييييل بس لو ....
شو يا على هالراس مادري !!!
خلصت الغدا و طلعت لغرفتي و تمددت عالشبريتي يا سلاااااااااااااااااااااااام وش زين النوم انخشيت بمخدتي و أنا أحلم فيها
أميره اسمها وايد حلو ....... أميره ...
_____________
يوم الجمعه
الساعه : 08:00 مساءا
بيت أبو أحمد
_____________
أميره
يااااااااااااااااااااه و الله حرام
صحيت من النوم الساعه 6 صليت و رجعت مره ثانيه للسرير
تذكرت أمس لما رجعت البيت لقيت أخواني و امي و ابوي على أعصابهم طبعا لا يفوتكم الموشحات اللي زحلقتها عشاني تعبانه !!
أصلا ما صدقت اني دخلت البيت و افتكيت من الكارثه اللي اسمعها ناصر و لقيت هلي مجتمعين في الصاله ..
كنت أحاول أكون طبيعيه و لا اللي قبل شوي أغمى عليها !!!
دخلت و على وجهي ابتسامه باين انها مصطنعه أول ما دخلت و شافتني أمي شهقت و قامت احضنتني بقوه
و تمت تبكي حمد لله ما بين علي اني كنت ميته قبل شوي و كنت في مغامره أطبعها على خد التاريخ !!
الوالده : وينك يا بنيتي الحمد لله على سلامتك وينك شغلتي بالي يا يمه
أما أبوي فسالفه ثانيه ...
الوالد : وين كنتي !!
الوالده : اصبر شوي خلي البنت تاخذ نفسها
أميره : كنت مع رنا
كان يدور حولي و يطالعني بتفحص و أخواني عيونهم كلها شك مثل الرصاص تخترقني معصبين لولا الله ثم وجود أبوي كان كلوني !!!
الوالد : و رنا هاللي ما تستحي و لا تمر تسلم علينا
طالعته بإرتباك
أميره : ان شاء الله بتجي اهي ... اهي تو ما جت أمس
طالعني أبوي مهوب بمقتنع !!!
الوالد : أها ... و وين رحتي انتي و رنا ؟؟
أميره : رحنا نختار غرفه جديده لي و نسوي الطلبيات حقت أغراض الغرفه عشان بأبدل غرفتي !!!
غمض عيونه و هز راسه و بعدين طالعني بنظره حسيتها حفرت قلبي حفر ........ ابتسم لي بغموض و قال:
الوالد : خير ان شاء الله ارسليلي الفواتير على الشركه مع السايق و اللحين يالله تفضلي على غرفتك !!
أبوي طيب معااااااااااااي بس أنا اللي مصختهاااااااااااا بقووووه
و لا وين أبو يمرر هالموقف بهالبساطه الا بعد صراخ و تكفخ !!!!
تنفست بقوه يوم قالها و طيران على الغرفه ما صدقت على الله و صرت أبكي و أبكي لين تعبت و نمت و ما حسيت بنفسي إلا المغرب !!!
قمت صليت و نزلت للمطبخ مره جوعانه صلحت لي ساندويش و طلعت لغرفتي شكله ما في أحد بالبيت سألت الشغاله :
أميره : وين أمي ؟؟
الشغاله : مدام حصه نايم !
غريبه صراحه من عجايب الدنيا .. و لا بهالوقت تحلو العزايم و الطلعات !!
أميره : طيب بابا
الشغاله : في مكتب مال هو
أميره : غريبه اشجاي عليهم اهل البيت ..
رجعت لغرفتي اكلت و رحت في عالمي أفكر كان ودي أكلم رنا أو أشوفها أمس صراحه صلحت معاي موقف ما يصلحه الا هي لأنها بنت ناااااااااااااادره و قليل عليها بعد !
و الله مسكينه هالبنت معاي لا تحسبون اني هاديه و هي المرجوجه سالمه من بلاويا ..... يقولون يا ما تحت السواهي دواهي !!!
بس من جد أنقذتني و طلعت ذكيه .... لحظه نرجع للسالفه الأهم ... ناصر شاللي ذكره فيني شلي رجعه بعد كل اللي صار !!
بعد ما عذبني و باعني جا اللحين يرجع لي و يلحقني بعد ؟؟؟
شكله تغير بالحيل عن أول و بعدين أنا ليه هربت منه ... ليه !!خفت منه لما جاني أنا نسيته أو قربت أنساه تمنيت انه ما ظهر مره ثانيه في حياتي أنا نسيته ... لا لا ما نسيته يا الله بصراحه أربكني حسبي الله و نعم الوكيل !!!!
أنا بعقل خلاص و لاني بطالعه مولات و لا أسواق و لا يحزنون !!!
رن جوالي على طول رديت حتى ما كمل دقتين و رديت
أميره : هلا و الله تولهت عليك يالغاليه لا لا لا بصراحه أثبتي شجاعتك
رنا : ههههههههههههه بسم الله الرحمن الرحيم اركدي شوي الله يهديك
أميره : و الله صراحه رائعه بقووووووووووووه

رنا : أمممممم طبعا يا جميل لازم تعتمدين على خبرتي
أميره : لا تغترين يالواااااااااااااااااثقه هههههههههههههه
رنا : هههههههههههههههههه ما قلتي لي وش أخبارك اليوم اشلونها صحتك ؟؟
أميره : تمام الحمد لله ...عال العال ... بس ؟؟
تبدلت نفسيتي و رجع لي الحزن مره ثانيه هو متى فكني عشان يرجع لي !!!
أميره : مدري وش يبي بدنياه هالمجنون ؟؟؟
رنا : بصراحه آخر انسان توقعت أشوفه على سطح الأرض هو نصور وش عنده ؟؟؟
أميره : مدري شيحس فيه ؟؟!! بس تصدقين للحين أتذكره !!
رنا : ايييييييييييييييييييييييييييييييييييش ؟؟؟!!!
أميره : رنوه وجع شوي شوي بسم الله عليك شوي الا وطبلتي بتنخرق !
قالت و هي معصبه :
رنا : من صدقك انتي تتذكرينه لا يا حلو قولي انك تحبيه و الله انهبلتي و لما انك تحبينه ليه تعبتيني أمس و خليتيني مثل المقتوله ليه ... عذبتيني و طيحتي قلبي و روعتيني و اللحين جايه تقولين لي أتذكره ؟؟؟ و الله مجنونه !!!
أميره : ...........
و الله استحيت وش بقول ؟؟
رنا : ردي علي ؟؟
أميره : أنا ما أبيه أكيد بس ....
رنا : و بعد بس ......... حلو ...كملت !!!
أميره : رنا و الله أتكلم صدق لا تسوين كذا معاي و تقهريني!!
رنا : لا يا شيخه صدق انك ...... انتي وين امك عنك ما دريت ؟؟؟ لو تدري على سوالفك كان اقتلتك !!
أميره : ههههههههههههههه أمي في عالمها الخاص هههههههههه
رنا : و تضحكين انتي و وجهك صدق مصخره .......... أمر و لازم تنفذينه اللحين !!
أميره : وش هو ؟؟؟
رنا : خلاص انتهى الكلام و ياليت لو تسكرين السماعه
أميره : رنا وش جاك !!!
رنا : سكري السماعه بسرررررررررعه
أميره : طيب خلااااااااااااااااص .... رنا حبيبي لا تزعلين ....
رنا : سكري السماااااااااااااااااااااااااااااااااااا ااااااعه
أميره : طيب طيب خلاص لا تعصبين و تصارخين مع السلامه
سكرت منها و تنهدت اللحين كيف بصالحها هالبنت الله يعيني عليها ما أقدر على زعلها ...
شكلها زعلت مرررره !!!
________________________
يكفي جزئين استنى الردود والتقييم منكم يا حلوين راح اكمل بكرة مع السلامـــــــــــة

وين الردوود؟؟؟!!!!

يسلموووووووووووو 42312ن1

الله يسلمكـ

الجزء الثالث
من مذكرات رنااا
______________
يوم الجمعه
بيت محمد
الساعه : 10:00 مساءا
________________
رنا :
يا مسا الورد
أول مره أجلس بالبيت و لا بالعاده أطلع دايم ..... قصدي يوميا
طبعا بعد ما تهزأت من محمد مزبوط و شرشحني ...
قلت خليني اوريه اني عقلت شوي !!! و أنطق بالبيت اليوم !!!
أدري انه ما في أمل أعقل !
لما كلمت أميروه زفتت أخلاقي و عصبتني مررررررررره
من كثر ما ضايقتني نزلت للصاله
وصرخت بقهر !!
رنا : وش عاجبها فيييييييييييه هالخبله
إلا و محمد قدامي !!!!
ارتبكت و انصدمت و نشفت في مكاني !!
محمد : بسم الله عليك عسى ما انجنيتي بس ؟؟
رنا : لا لا ....... أنا أنجن لالا لا من قالك وش فيك تطالعني كذا !
محمد : الحمد لله على العقل .... اللي مثلك فتحوا بيوت و عندهم عيال اثقلي شوي الله يهديك
رنا : أووووووف رجعنا لنقطة الصفر تدري اني مقفله موضوع الزواج هذا ما أبي أتزوج يا اخي غصب ....!!
و بعدين انت ليه ما تزوجت للحين !
محمد : هذا مب شغلك
رنا : أجل خلاص يا قلبي تعادلنا ...
شوي و يرن الجرس ...
رنا : و بعدين يا حمودي اتفقت أنا و أميره نعرس سوى ؟؟
محمد : أميره !!!
رنا : ليه مستغرب وش فيها أميره مال و جمال و حلا و دلال و غير كذا رفيقة دربي !!!
محمد : هههههههههه شيلي المصطلح الأخير ( رفيقة دربي ) الله يخليك لأنه مب لايق على هالصفات الروعه ؟
دخلت سيتي :
سيتي : مسز رنا مسز أميره عند الباب
قمت من مكاني متفاجأه
رنا : أميره ؟؟؟
محمد : هههههههههههه جبنا في سيرة الأط
رنا : هع هع هع ضحكتني .... لا يا خفيف مب وقتك
رحت لأميره و استقبلتها بالمجلس و قلت للشغاله تجيب لأميره عصير فرش و تجيبلي عصير ليمون
أدري بعمري ما أقدر أتحمل عصبيه !!!
قمت أطالعها و أتأملها
ماشاء الله البنت في أحسن حالاتها إلا أحلى من أمس بكثير !!!
قامت جت و جلست جنبي ..
أميره : رنو يالغاليه مالي غناة عنك يا غناتي معقوله زعلانه !
حطيت رجل على رجل و عقدت حواجبي و قمت أضرب الأرض بتأفف
أميره : الله و اكبر هالكثر زعلانه مني .... الله يستر منك
طالعتها و ضغطت على شفايفي
أميره : رنا حبي ما قلتي لي وش صار عليك يوم رجعتي للبيت ؟
رنا : تهزأت !
أميره : كلنا بالهوا سوى
دخلت علينا الشغاله بالعصير ..
خذت عصير الليمون و قمت أشرب
أميره : رنا يا قلبي الله يخليك هي كلمة و طلعت مني
نزلت رجلي و قلت بحده :
رنا : كلمه طلعت منك خربت كل موازيني انتي عارفه هالشي و انتي اللي من اليوم تقولين لي ما أبيه أميره وش ذا حددي موقفك يا قلبي !!
بعد كل اللي صار جايه تقولين هالكلام ..
أميره : بس يا رنا الذكريات ما تركتني ؟؟
رنا : اشغلي نفسك بأي شي حاربي هالذكريات اللي في داخلك لما تموت و فكري عدل انك بتموتين نفسك بهالذكريات المره ؟ كيف كانت حياتك بالرياض كلها أشغال و دعوات و حضور مؤتمرات و زياره للجمعيات الخيريه لما جيتي عنها كل هذا بيتغير مو معقول و خصوصا انتي ما شاالله متعددة المواهب !!
أميره : ما أقدر !
رنا : يوووووووه يا أميره وش فيك ؟؟
أميره : أكذب عليك لو قلت أنساه أنا و ربي ما نسيته لآخر لحظه كان على بالي !!
ابتسمت ببرود
رنا : أها حلو ممتاز شي جميل وش رايك اجيبه لك و نصالحكم على بعض و خلاص و تتزوجون و تنتهي السالفه ؟!!!
أميره : لا يا رنا تكفين فديك الله يسلمك أدريبك تسوينها لالا خلااااااااص ما ابيه مني متخيله نفسي معاه !!
رنا : خير ان شا الله خير
أميره : رنو و الله شكلك شين و انتي معصبه تخوفين مره !!!
رنا : ههههههههههههههه عشانك قهرتيني
أميره : ايه يالغاليه كذا اضحكي شكلك يصير أحلى .. رضيتي يا رنو الله يخليك لا تزعلين مره ثانيه
رنا : بطلي حركاتك ذي و أنا ما بزعل ... أصلا ما أقدر أزعل منك
جا أخوها أمير و أخذها
و أنا رجعت للصاله أقلب في هالقنوات يا ربي ما تعودت أوووووووووووووووووف أبي أطلع من البيت يا ناااااااااااس

____________
يوم السبت
الساعه : 03:00 عصرا
مرسم أميره
____________
أميره :
كلي فحم سودت من كثر الرسم
بصراحه مدري شجا علي اليوم و بديت أرسم .... و بصراحه كلام رنو صحيح لازم أشغل نفسي
و أنسى كلمة طفش هذي من حياتي !!
دخلت المرسم و انا محتاره وش برسم مسكت الفحم و قمت أرسم أرسم ايش مدري ؟؟؟
اممممممم اللي يطلعه خيالي برسمه فجأه جا على بالي ذاك الرجال اللي شفته على الشاطئ امممممممممم
بتذكر ملامحه .....
غمضت عيوني و سرحت بعيد أفتش عن هاليوم في ذاكرتي كأن ذاكرتي شريط و و راسي الفيديو و حطيت على اعاده من البدايه
ايه هذا هو تذكرت بشرته حنطيه و عيونه عسليات وساع و شعره ناعم لحظه بس كيف كان مقصصه اممممممم لحظه
و شفايفه وسط يعني مهي صغيره و لا كبيره و أنفه مثل حد السيف

شوي شوي لقيت نفسي أرسمه
جلست تقريبا اربع ساعات أرسم في هالوجه ايه هذا هو أنا متأكده انه هو ياااااااااااه بصراحه أنجزت بصراحه شي ........يا هووووو يا أميره !!
قمت أطالع عيونه
و أتأمل كيف انها سحرتني .....غريبه !!
ابتسمت بإستسلام و تذكرت ناصر كيف كان كله على بعضه ساحرني .... تذكرت كلام رنا و رجعت لصورتي بصراحه هالوجه اللي قدامي
ملااااااااك مدري أنا زدت عليه تفصيلات حلته أو هو كذا حلو مدري و فجأه نقزت و فتحت عيوني على كبرهن من الفجعه
رنا : سلاااااااااااااااااااااااااااااام
أميره : بسم الله يمه ......... رنا وش ذاااا .... ليه الترويع يا بنت !??
رنا : هههههههههههههههههه مستعجله ياجميل
أميره : انتي أصلا مستعجله مب مستعجله هذا طبعك
قامت تطالعني :
رنا : وش فيك فحمتي كذا كنك قطعة فحمه ؟؟
أميره : ههههههههههههههههههههههههه
رنا : أوف أوف أوف ماشاء الله وش هذا ماشاء الله عليك مبدعه روووووووووووووووعه يا أموره !!
أميره : مشكوره بس لاحظي حقوق النسخ و التوزيع محظوره مب محفوظه عشان ما تقولين أبي نسخ !
رنا : هههههههههههههه لااا تطمني ما ابي نسخ ..... بس ما قلتي لي مين المزيون صاحب الصوره !!!
طالعتني بخبث
أميره : و الله انك شكاكه لو تذكرين اني قلت لك على سالفة الإماراتي اللي شفته عالشاطئ !
رنا : أها ......... حلو بصراحه شي مذهل معقوله في رجال حلو بهالطريقه !!!
أميره : رنو لا تطالعيني كذا .... وش عندك جايه ؟؟
رنا : أوف نسيتيني .............. قومي قومي معاي بنروح للمت بنات أعرفهم ................. تراهن صديقاتي يالله!
أميره : رنو لا لا ما أقدر أطلع من البيت بعد ذاك الموقف
رنا : يا ربي رجعنا على السالفه ذي مره ثانيه .... تكفين انسيه خلاص مللتيني ......... أقول يالله قومي معاي
و مسكتني و سحبتني غصب سكرت باب مرسمي و طلعت

_____________
يوم السبت
في بيت وحده من صديقات اماني
الساعه : 5:55 عصرا
____________
أماني :
أوف من البيت و قرفه
نوره مسويه لي تحقيق و امايه بس تسأني وين بتسيرين ؟؟
و في الأخير افتكيت من حنتهم الزايده و وصلتني نوره لبيت رفيجتي عبير عازمه البنات
يا ني متولهه عليهن و الله من زمان عن هاليمعات الحلوه على الأقل أفتك من هالمشاكل اللي ما تروم تتركني و النقره مع نوروه النسره و لا شوفت عبدالله اللي تضيج الصدر !
بس تدرون مدري السبب اللي مخليني ما أداني هالعبدالله مادري شو السبب و هو مجابلنا الأربع و العشرين ساعه يلبي طلباتنا
و يقوم بواجباته على أكمل وجه !!! مسكين
عبير : نحن هنا شو صابج أماني ... أماني ؟؟
أماني : ها ..... ايه معاكم معاكم ...
عبير : ايه واضح ...!
شوي ودخلت بنتين كشيخات بمعنى الكلمه و حلوات بعد سلمن علينا و يلسن
عبير: أعرفكم على رفيجتي رنا
رنا : الله يسلمك
البنات : تشرفنا يا هلا و مرحبا
و صرنا نتعارف .. بمساعدة عبير
عبير : أعرفج على شذا و سعاد و شيخه و أمجاد و مهاوي و لميا و أماني
رنا : تشرفنا ... أحب أعرفكم على بنت عمي و توأم روحي أميره
قمنا كلنا نطالع هالأميره .... بصراحه ملكة جمال مره حلوه
تم التعارف الحمد لله و قمنا نتقهوى و نسولف و نرقص و نظحك يعني أنواع الفله
شذى : تدرسين بالجامعه ؟
أميره : خلصت الجامعه من وقت
شيخه : أي قسم ؟
أميره : فيزيا و علوم فلك
شذى : قسمك وايد حلو
شيخه : هلا بك و الله و يا مرحبا
أميره : الله يسلمك
قامت و يلست جنب رنا و أنا كنت جنبها من الجهه الثانيه
جلست أسولف معاها فتره حسيت ان ميولنا وحده و أفكارنا بعد وحده هي رسامه و أنا بعد رسامه استانست وايد
عليها ............ بصراحه استانسنا مع بعض بشكل لدرجة اننا تبادلنا الأرقام قبل ما نروح لبيوتنا

_____________
يوم السبت
بيت أبو أحمد
الساعه : 9:30 مساءا
_____________
أميره :
رجعنا لبيتنا نكمل السهره على راحتنا أنا و رنو قشينا لنا قشه محترمه من الأكولات و خلافه !! من الهايبر ماركت
و جلسنا بالصاله نلتقط أنفاسنا !!
أميره : ياربي وناسه صراحه وناسه
رنا : قلت لك البنات الإماراتيات شي
أميره : أموت على لهجتهم ذيك روعه
رنا : ههههههههههه شو فيج !!
أميره : هههههههههههه
رنا : أحلى من لهجتانا
أميره : من كذب عليك لهجتنا الأحلى و الأجمل على قول (( الكاتبه إيملي )) لا غنى لي عنها هي الأجمل دااائما "
رنا : لا يا شيخه فكينا من الروايات حقتك
أميره : خليتها لك يا قلبي ... أصلا مب لايقه عليك الثقافه خخخخخخخخخ ما اتخيلك ماسكه كتاب !!!
رنا : ههههههههههههههههه شو شايفتني أرسطو
أميره : لا آينشتاين .... يا سخيفه ههههههههه

سكتنا شوي و طالعنا بعض و لا ارادي ضحكنا مدري وش جا علينا اليوم !ههههههههههههه
أميره : تدرين مره عجبتني أماني حتى تبادلنا الأرقام !
رنا : الله ما مداك !
أميره : و الله و خصوصا انه ميولنا وحده و هي بعد رسامه مثلي و أفكارنا وحده
رنا : باين عليها حبابه
أميره : شفتي شذا يمه منها بويه حااااااااااااف خفت أقولها فيصل و لا فهد مب شذا !
رنا : ههههههههههه هالبنت سوالفها سوالف !!
أميره : حتى سعاد مثلها ليه فيه بويات في شلتكم !!
رنا : و الله يا أموره بصراحه ما أعرفهن بس أسمع عن سوالفهن و مغامراتهن ؟!
أميره : بس شذا كانت تطالعني بنظرات مالها داعي و مقربه مني بشكل يوه تخيلي يا رنا رحت للمغاسل عشان أصلح بلوزتي
انفك حبلها من عند الكتف لحقتني شذا و قالت لي خليني أصلح لك البلوزه في البدايه رفضت بس لما عجزت أسويها خليتها تسويها لي
قربت مني بشكل و شمت شعري بشكل غريب لا و لدرجة اني ما قدرت أحرك راسي من كثر ما انها مقربة مني !!!
عجزت أفهم حركتها ؟؟؟
رنا : هههههههههههه ما مداها تنصهر مثل الحديد ؟؟؟
أميره : نعم !!!!!!!!!!!!
رنا : و لا شي
أميره : يع قرف مب متخيله نفسي بويه ؟؟ ... بس أتخيلك انتي تكونين بويه !!خخخخخخ
رنا : يمه بسم الله علي ....... بياخه ؟؟
أميره : و الله اللي يشوف حركاتك يستخف من بعد ذاك اليوم غسلت يدي منك بالكلوركس
قمنا نضحك على بعض مره وناسه هههههههههههههه
رنا : طيب اسمعي بقولك تخيلي ...
أميره : يالله تخيلي يا شاعريه ..
رنا : تخيلي اني أتزوج و أبعد عنك وش بيصير فيك طبعا حطي تحت أبعد عنك خطين و طبعا ماراح يصير فيه مغامرات أو أي شي ؟؟
أميره : عادي يا قلبي وش يعني أنا أميره بنت مساعد أقدر أصنع المستحيل
رنا : يعني بتستغنين عني ؟؟
ضربت على صدري و قلت :
أميره : ايه نعم !!
قامت رنا و صارت ترمي علي الخداديات الصغيره اللي بالصاله و أرمي عليها اللي جنبي
مسوييين حرب و شوي قربت من عندي و رمتها في وجهي و صارت أشكالنا تضحك مثل البزران
الا وشوي التفتنا لقينا ثامر يطالعنا !!!
انفجعنا .....
رنا وقفت مصدومه و شالت المخده حطتها على وجهها طبعا شكلها غلط هههههههههه
أما ثامر جلس يطالعها ما يستحي هالولد !!
أميره : ثمرو وش عندك وجع خلاص امش البنت استحت !
طالعني مب مستوعب كأنه كان في عالم ثاني ؟؟
ثامر: احم احم معليش آسف
أول ما طلع طالعتني رنا مصدومه ...
رنا : وش فيه أخوك ؟؟
أميره : مات يوم شاف المزيونه ....... أقول لا تصدقين عمرك ههههههههههه
رنا : لا من جد أميره وش فيه يطالعني كذا ؟!!
أميره : أقوول قومي معاي نطلع لغرفتي يا فخامة الرئيس و شيلي من راسك هالأسئله
قالت بمزح
رنا : على قولتك الله وكيلي و حسيبي منكم يا عيال مساعد !
أميره : هههههههههههههه
طلعنا لغرفتي و جلسنا نسوف و نتضارب و نشغل أغاني حوسه و الله مفتقده بنات عمي و بنات خالي وين أيام اللمه الحلوه و الوناسه مع انهن شايفات نفسهن بس فله
أميره : رنا ودي أرد لديرتي
رنا : شكله عقلك انهف !
أميره : و الله صدق اللحين أتمنى ان عمي سعود و سامي و فهد و ابراهيم و خالد يتصالحون مع ابوي و الله اني ماله من دونهم صدقيني!!
طالعتني رنا بخبث
رنا : من دونهم و لا من دون نصور
عقدت حواجبي و قلت
أميره : وش جاب سيرة نصور ؟؟
رنا : ناصر بن فهد يعني ولد عمي فهد
أميره : لا يا شيخه يحيى الذكاء يا سقراط
رنا : هههههههههههههههه بس تصدقين ما هقيت ان عمي مساعد بيوافق حتى لو اصطلحوا و خصوصا انه نقل كل شغله لهنا !!!
و محمد أخوي عاجبته العيشه في هالديره !!!
أميره : ودي يصير أي موقف يجبرنا نرد للرياض ..... و بعدين انتي وش جابك ليه ما جلستي مع خواتك هيفا و رانيا و الجوهره و الله القعده
معاهن توسع الصدر !!
رنا : تكفين عاد ما بقى الا ذي تدرين اني أختلف عنهم أنا أحب الطلعات
أميره : يوه مالت عليك .... مرجوجه ههههههههههه
رنا : و منكم نستفيد
أميره : وش قصدك ؟؟
رنا : لا سلامتك
أميره : تدرين يا رنو مشتاقه لشموخ حيل متوله على شوفتها ؟؟
رنا : حصانتك ؟؟؟
أميره : لا حمارتي ايه حصانتي و بعدين اسمها فرس انثى الحصان اسمها فرس يا حلوه
رنا : هههههههههههههههههههه اخص يا مثقف ما يمديني أنا يا هووووووووو
أميره : لا من جد ودي ألعب معاها و أحكيلها عن كل شي و أركب على ظهرها ... اشتقت للمزرعه و الإستراحه اشتقت لغرفتي
و لسمانا و لأرضنا أرض السعوديه اشتقت لبنات أعمامي و خوالي أشتقت لجدتي شهده و لعالمي اللي تركته وجيت اشتقت لجمعيه المعوقين
و للأطفال هناك و الله يا رنا متولهه على الكل .........
طالعتني رنا و عيونها مبققه
رنا : الحمد لله على العافيه ..... ول عليك و أنا وش بالنسبه لك مثل الأطرش بالزفه
رحت بست خدها !!
أميره : لا يا رنو لك الحشيمه يا قلبي انتي الكل بالكل مالي غناة عنك مدري لو انتي مب هنا كان انتحرت !!؟
رنا : أعوذ بالله وش هالكلام ههههههههه أصلا يالهبله أنا جايه هنا عشانك ..... بس لا تصدقين عمرك و تتكبرين علي !
أميره : ههههههههههههههههههه
شغلت أغنية ........ (( في قلبي شي باااقوله و أبي تسمعني للآااخر
أنااا كل لحظه لك أولد تعب قلبي و هو صابر ))
و سرحت بعيد أفكر في أشياء كثيره أولها ناصر ....
____________
بعد مرور أربعة أيام
____________
يوم الخميس
بيت أبو أحمد (( بالمجلس ))
الساعه : 03:00 عصرا
____________
ثامر :
لينا : هلا حبيبي شو صار معك !!
ثامر : يا قلبي ما أقدر اليوم صراحه
لينا : خلص خلص بكير بنحكي
ثامر : مب مشكله حبيبتي لنا لقاء
سكرت منها و أنا أفكر فيها يا رب ما تزعل بصراحه مره هالبنت خطييييييييييييره و غير كذا حللللللللللللللوه لبنانيه أكيد حلوه !!
رن الجوال ...

ثامر : هلا محمد شالأخبار
محمد : تمام وين اليوم ؟؟
ثامر : مدري و الله ؟؟
محمد : ثمور انت من زمان ما عزمتنا في بيتكم
ثامر : نعـــــــــــــــــــــــم ....... تدريبي ما أحب هالسيره
محمد : بخيل وش بيقول عنك الزعيم ؟؟
ثامر : يقول اللي يبيه أما أعزمكم بالبيت مستحيل !!
محمد : غريبه و ليه ؟؟
ثامر : لأن ما في اجابه لسؤالك
محمد : يا رجال سهرتنا وحده وش فيك انت !
قمت أفكر أبوي مسافر و بعدين صعب بين يوم و ليله ندبر شاليه أو استراحه نسهر فيها و أمي راحت العين عند بنت عمتها و البيت فاضي يعني أقدر أسوي اللي أبي !!!!
محمد : ألووو
ثامر : ايه .... اسمع خلاص موافق بس بتكون السهره بدون التفاحات
محمد : ما راح تصير حلوه !!! ........ بس خلاص اتفقنا أجل شور
ثامر : شور
يالله بأقوم أجهز للسهره
و قمت أغني
سهرتنا الليله خلوها صباحي ههههههههههههههههااااااي

___________
يوم الخميس
بيت أبو أحمد
الساعه : 04:30 عصرا
_____________
أميره
رحت زرت أخوي أحمد في بيته تولهت على طلال و تركي بصراحه !!
جلست مع ناديه سوالف و ضحك و لعبت شوي مع طلال و تركي و رجعت للبيت
مدري وش فيني متولهه على المرسم مشتاقه لذاك الوجه المليح اللي ينتظر آخر لمساتي عليه
شويت ظل عند الأنف و شخطه عند حافة العين و انعكاسات في الجبهه
رن جوالي شفت رقم أماني الإماراتيه استانست ..
أميره : مرحبا الساع
أماني : ههههههههه مرحبتييييييييين
أميره : أمونه ما تقولون كذا عندكم بالإماراتي
أماني : طبعا بس أفضل أقولج السلام عليج
أميره : و عليكم السلام
أماني : ايه جذي أحسن ههههههههههه
أميره : ههههههه أخبارك وش مسويه وينك من بعد ذاك اليوم ما اتصلتي
أماني : و الله انشغلت شوي مع الدراسه
أميره : الله يعينك يا رب
أماني : الله يسمع منج ..... كيف الرسم يا رسامتنا !!
أميره : تمام و على طاري الرسم أنا بالمرسم
أماني : شو رسمتج اليديده
أميره : خرابيط
أماني : خرابيط !!!
أميره : أمزح عليك صوره لواحد شفته مره عالشاطئ
أماني : صراحه شوقتيني ........ و الله بغيت أنسى شو رايك تيينا اليوم حابه أعرفج على عايلتي كلمتهم عنج وايد !!
أميره : الله يسلمك يا رب
أماني : بتيين ؟؟
أميره: ان شا الله بصراحه أتشرف بس آخذ الإذن و أدق عليك توصفين لي البيت
أماني : ان شا الله و مرحبا الساع
أميره : هههههههههه تسلم المرحبه
نطيت من مكاني و أنا مستانسه طلعت من المرسم و رحت لأبوي بالمكتب أستأذنه
_____________
يوم الخميس
الساعه : 11:00 مساءا
بيت أبو عبدالله الله يرحمه
_____________
ود :
يتنا اليوم رفيجة أماني مرررررررررره البنت مزيونه و كشيخه و بعد أخلاقها وايد حلوه
يلسنا نسولف و نظحك مع بعض
أميره : ودي صراحه أتعلم لهجتكم
أم عبدالله : زيدي جيم على كل كلمه و بتصير لهجتنا وحده
قمنا نظحك ...
نوره : أمايه تسهلج الأمور شوفي حبيبتي انتي بس عيشي ست شهور بالإمارات و بتصيرين بلبل اماراتي
أميره : و الله الإمارات حلوه بس متولهه على ديرتي
أماني : شو اسمها ديرتج
أميره : الرياض ارض العزه و الخير و السلام
ود : الله الله وايد تحبينها
أم عبدالله : أحد ما يحب ديرته
أميره : تدرون عاد أهلنا كلهم هناك مالنا غناة عنهم
ود : و الله انج صادقه
أميره : غير كذا حياتي كلها هناك ... أكثر شي اشتقت لمزرعتنا و لأسطبل الخيول و للورد و كل شي
ود : عندكم مزرعه و خيول ؟؟
أميره : ايه حبيبتي و لي فرس أصيله اسمها شموخ
أماني : واااااااااااو بصراحه وناسه
ود : أميره انتي جذي عيونج لونها و لا حاطه عدسات
نطت بويهي أماني
أماني : شو هالسؤال الغريب يا ودو !!
أميره : لا عادي خذي راحتك كذا عيوني خلقة رب العالمين
طالعناها بذهول
ود : ماشا الله عيونك تينن تدرين عاد ما صار الواحد يفرق بين العدسه و الطبيعي
قربت منها أطالع عيونها بفضول
ود : بس عيونك شي ثاني هي رصاصي و لا أزرق و لا ذهبي لونها مميز ماشاء الله الله يحميك من العين !!
أماني : مزيونه ماشاء الله عليها
نوره : بسم الله عليج قمر .... كليتوا البنت خلاص تركوها ما تشوفون وجهها كيف استوى أحمر !!
أم عبدالله : يالله أنا أستأذكم يا بنات عندي كم شغله جذي ؟؟؟
نوره : اخذيني معاج أمايه بناتج ذولي الله المستعان على عقولهن
و شوي دخل سهيل يصارخ مبسوط
سهيل : خالي عبدالله يابلي هديه
أول ما شاف أميره انجلعت عيونه
سهيل : انتي !!!
طالعته مب مستوعبه كأنه صابها جدري و حنا بينهم مثل الطفل اللي ما يدري عن شي!!
أماني : تعرفها ؟؟
سهيل : ايه أعرفها هذي اللي العبت معاي كرة طاوله في الملاهي
ود : اللي كسرت الكايت مالتك هههههههههه
أميره : هههههههههههههههه ايه هذا ولدكم ؟؟
أماني : ايه هذا ولد أختي نوره
قام سهيل يتميلح و يلس عدال أميره
ود : سهيلوووه قم يا مسود الويه شو تحتسب نفسك مره ؟؟
قاموا يظحكون علي
أميره : خليه يسولف و يستانس تراني متشوقه أسولف معاه
سهيل : شو رايج تلعبين كرة طاوله اللحين
أنا و أماني بطلنا عيوننا و قلنا
أماني و ود : شووووووووووووووووووووو !!
أميره : هههههههههههههههههههههه أشكالكم روعه
ود : لا من صجه هذا يتكلم
أماني : مدري عنه
سهيل : ايه من صجي !!
أميره : عادي بس لو يسمحولنا نلعب ليش لا ؟
دخلت علينا نوره
نوره : شو هالصريخ شو اللي صار ؟؟
ود : سمعي ولدج يبي يلعب مع الضيفه و هي يتنا لأول مره شو بتقول عنا
أميره : ود حبيبتي خليه على راحته
أماني : نوره..... أميره اهي اللي لعبت معاه بالمول
نورة : شوووووووو
أماني : شو استغربتي !!
نوره : ايه و الله هههههههههه شو هالصدف مره بالمول و مره بالكورنيش
ود : بصراحه متشوقه أشوفج تلعبين
أماني : ايه و الله شو رايج
أميره : يالله
رحنا لصالة الألعاب اللي بالحوش عبدالله مسويها خصوصي حق سهيل يلعب فيها ...
تساعدنا و فكينا الطاوله
و يت نوره تتفرج !!
أميره : بصراحه صالة ألعاب ذوق ..
ود : هذا أخوي فديته هو اللي مصلحنها و مزيننها لهالسهيلو
نوره : ودو شفيج على ولدي نظر عيني بسم الله عليه منج
قام سهيل يأشر لي بعيونه و يسوي لي حركات يعني موتي غيظ !!!!!
ود : سهيلو فكني منك مالت عليك
أميره : هههههههههههههههههههه
سهيل : يالله نلعب
أميره : يالله
و بدا الحماس نوره تشجع ولدها و أنا أشجع أميره و أماني الحكم تحسب النقاط
صراحه أميره وايد لعيبه تعرف تلعب و سهيلو خداع يعرف كيف يسجل عليها النقاط
و استمر اللعب نص ساعه ...
أماني : انتهى الوقت و النتيجه تعادل
سهيل : يوه يا تعادل يا تفوز علي شو هذا !!
أميره : ممكن أقولك بإختصار يا حلو (( you win and I win ))
سهيل : امممممممم اتفقنا
أميره : كفك على كذا يا حماسي انتا هههههههه
قمنا نظحك عليهم وايد اعيبتني هالبنت روحها حلوه و أخلاقها أحلى
شوي شربنا عصير و رحنا لمرسم أماني يا ربي هالمرسم أموت عليه وايد
أميره : ما شا الله عليك صراحه مرررررررره خطيره ..... رسامه رائعه
أماني : هذا من ذوقج حبيبتي
قامت توريها الرسم
أميره : مره حلوه هالرسمه لمنو
أماني : هاذي ود وهي مبتسمه
أميره : بصراحه ما عرفتها صورتها روعه حالمه جدا
ود : وش قصدج ههههههههههه
أميره : و الله انك قمر يا قمر
أماني : وهذا عبدالعزيز ولد نوره صغيروني حلو
أميره : يا قلبو يزنن شكله حلو بس وينه ما شفته ؟
ود : عبدالعزيز كله نايم ما شاالله عليه
أميره : انتي ترسمين بالألوان الزيتيه بس
أماني : أحيانا أرسم بالفحم و أحيانا بالإكريلك و أحيانا بالباستيل
أميره : أنا عن نفسي أحب أرسم بالفحم جت علي فتره رسمت بالزيت بس اللحين أرسم بالفحم
أماني : ان شا الله أشوف مرسمك
أميره : يا رب ان شا الله .. ما سويتي معرض بصراحه على هالرسم المعتبر يبيلك عليه معرض فني مميز !؟
أماني : و الله متردده شوي في حكاية المعرض ودي أصير شراتج لي معرض بس ما لي هبه عليه !
أميره : ليش لازم يكون عندك هدف و تورين هالموهبه للمجتمع اللحين لما سويت معرض و صرت مشهوره صارت تجيني دعوات كثيره
لحضور مؤتمرات متخصصه بالرسامين و جتني دعوه بعد أكون عضوه في جمعية الأطفال المعاقين يعني تقضين وقت و تصلحين شي لنفسك و لمجتمعك!!
ما أحب المره تكون مبدعه و تجلس بالبيت بصراحه ودي أشوفها تبدع و تبتكر و تنجز عشان تفيد نفسها و تفيد غيرها !!
من كثر ما عيبني كلامها صفرت
ود : يا هو يا مثقفه ؟؟
أماني : كلامج وايد يريح
أميره : أمونه أبيك على طول متفائله ما أحب الكآبه و الحزن لأنك بإختصار موهوبه و تملكين الإبداع !
تمينا نسولف و نظحك ....
يت الساعه عشر و راحت البنت بصراحه كان يوم وناسه
حطينا العشى و يلسنا كلنا نسولف
أم عبدالله : صدق ما تستحون مسودين الويه
ود : هو ليش أمايه ؟
أم عبدالله : جذي تروح البنت بدون عشا
أماني : كله كنا نلعب راح الوقت و البنت استأذنت و راحت
عبدالله : تلعب ؟؟؟
ود : ايه مب عارف انت أميره يتنا اليوم .... أهاااااااا اللحين عرفت ليش خقيت لما شفتها ذاك اليوم !
نوره : ودو ويعه على هالكلمه شو خقيت ما خقيت احشمي نفسج شو هالرمسه الشينه
ود : آسفه مب قصدي
عبدالله : شفيكم كليتوا البنت خلوها ترمس على راحتها
كنت يالسه عداله حط يده على كتفي و قالي
عبدالله : شو لعبتوا ؟؟
ود : كرة طاوله
سهيل : طبعا تعادل ؟؟
عبدالله : شو شايفك مبوز أحسن ماتفوز عليك البنيه
نوره : و الله هالبنيه دخلت فقلبي على طول جمال ماشاء الله و أخلاق و دلال كل شي
ود : و مال و ثقافه لا تنسين انها بنت مساعد آل .........
عبدالله بطل عيونه كأنه ياته جلطه !!
عبدالله : بنت مساعد آل .... شوف الصدف هالريال لنا تعاملات كثيره مع شركته وايد ريال طيب و حكيم و خلوق
أم عبدالله : البنت طالعه على أبوها ما شا الله
نوره : بنت روعه
أماني : طالعه على رفيجتها
نوره : بسم الله عليها منج مالت عليج
أماني : شفيج علي وشفيني أنا كامله و الكامل الله
فطسنا ظحك عليها هذي أول مره أماني تظحك فيها معانا و أنا سعيده بهالشي شكرا يا أميره بصراحه حبيتها وايد هالبنت
___________________________

الجزء الرابع
___________
يوم الخميس
الساعه : 01:00 صباحا
بيت أبو أحمد
_______________
أميره
بصراحه استانست اليوم و انصدمت طبعا لأنه سهيل طلع ولدهم و الله حاله و عبدالله بصراحه توقعت سهيل ولده !!!
بعد ما طلعت من عندهم رحت لبيت رنا ما كنت متوقعه ألاقيها دقيت عليها جوال ما ترد
فقلت للسواق يوديني عندها بالبيت و تفاجأت انها موجوده !
أميره : رنو ما طلعتي اليوم من البيت لا إله إلا الله وش جا عليك بصراحه من عجايب الدنيا !
رنو : ههههههههه مين قالك ما طلعت الا طلعت يا قلبي توني جايه
أميره : ول عليك مالت توني بقول عقلت البنت هههههههههه
رنو : أي عقلت الله يهديك خلاص العقل روح
ِأميره : الحمد لله عالعافيه
جلسنا نسولف و أقولها وش صار معاي عند أماني !!!
رنا : آه يا أموره ما يمديني على الرومانسيه اللي انتي فيها ليته شافك ?
أميره : وش تخربطين انتي وش يشوفني استحي على ويهج ؟؟
رنا : يا ربي ويهج ما يمديني قلبتي اماراتي و لا وش جا عليك
و الله استحيت و ضربتها بالشنطه على ظهرها
رنا : آآآآآآآآآآآه أي عليك وش هذا آآآآآآآآآآه عورتيني
قلت بتريقه ...
أميره : لا يا كحيل العين تعورتي و الله انتي لو صدموك بتريلا مب سياره ما بيصير لك شي !!
رنا : ليه وش شايفتي جمس بوند و لا فاينل فانتزي ؟؟
أميره : هههههههههههه لا ذا و لا ذا أشوفك أندر تيكر !
متنا من الضحك !!!
رنا : وش أخبار شموخ ؟؟
أميره : آه لا تذكريني اتصلت على رسول و قالي انها بخير يا اني متولهه على شوفتها
رنا : تصدقين ودي أرد للرياض
أميره : غريبه ... انتي لو رحتي الرياض بتموتين !
رنا : الله ليه ؟؟
أميره : ما بتسوقين يا روح أمك ؟؟
رنا : ايه صح و الله انك صادقه بس مع ذلك ناويه أتباحث مع نفسي في الموضوع
أميره : أحلى يا فخامة الرئيس
رديت للبيت كان ظلام و ما في أحد
طلعت لغرفتي خذت لي شور بارد ينعنشني و نشفت شعري و تمددت على سريري
يااااااه وناسه غمضت عيوني و قمت أفكر أحيانا تختلط علي الأفكار مدري شذكرني
بذاك الإنسان اللي شفته عالشاطئ عبدالله هذا اسمه ما توقعت انه أخو أماني ليتني ألمحه
أو أشوفه مره ثانيه رجعت أتذكر صوته و موقفه معاي :
.. : لو سمحتي .... الاخت اماراتيه
فاجأني سؤاله بصراحه ... التفت و قلت :
أميره : لا مب اماراتيه
ابتسم لي و قالي :
.... : عيل انتبهي على روحج
قلت مستفسره و على وجهي ابتسامه بريئه
أميره : ليه أعتقد انه بلدكم أمان !
... : لا اختي الأمان من الله كل مكان في هالعالم فيه شر
أميره : و الله انك صادق الشر في كل مكان .. على العموم مشكور على النصيحه
ياااااااااااه وصلت لدرجة اني أرسمه يا ربي مدري وش يعني ؟؟
و فجأه تذكرت ناصر تدرون اني .... اني ... احبه
زين ان رنا مب هنا كان صارت علوم !!!
و الله مدري يوم المول أتذكر لهفته و لحقته و راي تدلل على انه باقي علي و ما باعني
يا ربي ليتني وقفت أسمعه ليتني ما هربت ليتني يوووووووه و الله حاله !!
و فجأه حسيت بهوا حار يصقع في وجهي فتحت عيوني وجمدت تصلبت من كثر ما بققت عيوني عورتني من الصدمه !!!!
مين هذا اللي في وجهي ؟؟؟؟؟
توني أستوعب ....... ان اللي قدامي ........ رجال غريب في غرفتي ريحته مقرفه و انفاسه عفنه و يبتسم لي بخبث أول ما قمت
مسكني صرخت و دفيته رجع مسكني بقوة و قربني منه بشكل رهيب و أنا أصرخ ...
و هو يضحك بمكر و خباثه و يقرب مني مب قادره أفلت منه !!!
..... : من زمان أسمع عن هالجمال و ما اشوفه وينك يا حلو هههههههههههاااااي
بكيت خلاص خفت يغمى علي و لا شي و بعدين اروح فيها شكله يخرع و شكله بعد طفح خمره لين غرق!!!!!
أميره : الله يخليك فكني أبوس يدك و اللي يرحم والديك لا اااااااااااااء
دفني على السرير و طحت قام قرب مني بشكل خطير دفيته و قمت لأنه بفعل الخمره كان شوي ضعيف !
و مب صاحي قمت أبكي و أصارخ و لا فيه أحد يسمعني !!!
ضربته على صدره دفيته و هربت دخلت الحمام و سكرت على نفسي قام يضرب الباب بقوه
وقفت ورى الباب أحاول أهدي نفسي طالعت في دولاب الحمام رحت له أدور أي شي أطعنه فيه !!!
مع الفجعه أصلا نسيت وين حطيت شنطتي اللي فيها السكين !!
مب معقوله البيت ما فيه أحد وين راحوا ..... آآآه رجولي مب شايلتني و هذا شلي جابه بغرفتي يمه وينك ؟؟؟
تذكرت ان أمي و أبوي سافروا اليوم بس آه لو انهم أجلوا سفرهم يوم واحد بس ؟؟؟
بكيت و صرخت مب عارفه وش أصلح !!
شوي سمعت باب غرفتي ينفتح و ينصك !!
هديت شوي قربت اذني من الباب قبل لا أفتحه
ما سمعت صوت ..... شكله طلع .... فتحت باب الحمام و طلعت أول ما طلعت مسكني من وراي وضمني بقوه
عجزت أتنفس ...
أميره : ابعد عني يا حقير حرام عليك آآآآآآآآآآآه اتركني
...... : اتركك ههههههههههههههههههه
قمت أقاومه و أبعد يده عني صرخت بصوت عالي قام حط يده على فمي عضيتها بكل قوتي
فكني و هربت و أنا أتنهد و أبكي جريت للباب أبي أفتحه و أهرب تعنقلت بأسلاك الأبجوره لأنه من المقاومه حاست الغرفه و تنثرت الأغراض على الأرض و طحت آآآآآآآآآآآآه
كان بيني و بينه مسافه متر مرتبكه بقوه و مب حاسه في نفسي جا بيهجم علي قد فكيت الأسلاك من رجلي فرحانه بهرب مسك يدي بقوه و عطاني كف ما حسيت براسي من قوته طحت على الأرض !!
رفعت شعري عن وجهي أشوفه لقيته رايح يصك الباب قمت بكل قوتي و شلت الأبجوره بأسلاكها و ضربته على راسه شوي و طاح قدامي على الأرض ان شا الله يموت الحقير !!
شفته قدامي طايح و الدم يصب من راسه انهرت و قمت أبكي .... وين أمي و ين أبوي و ين أمير و الخدم وينهم وين راحوا ؟؟
و تركوني .... سمعت صوت أنفاسه !!!!!

خفت لا يقوم يهجم علي طلعت من غرفتي و هربت بكل سرعتي نزلت أنادي الخدم محد منهم موجود طلعت للحديقه شوي و سمعت أصوات بالغرفه اللي بالحديقه شفته و ليتني ما شفته !!!
ثامر مو معقول ثامر و معاه شلة كلهم سكرانين طالعته أتأمله بألم نزلت على خدي دمعه مثل الجمر !!!
هو أول ما شافني قام حتى قومته من كثر الخمره اللي شاربها شوي و يطيح شفته يبي يلحقني
هربت منه فتحت باب البيت و طلعت بدون وعي لبيت أخوي أحمد كان قريب من بيتنا
قمت أدق الباب بقوه و أصارخ و أدق إلا و يفتح لي أحمد و هو مفجوع ارتميت في حضنه و بعدين ما دري وش اللي صار ....

من مذكرات أحمد
___________
يوم الجمعه
الساعه :07:00 صباحا
المستشفى
__________
أحمد
من كثر الفجعه ما قدرت أتماسك طلبنا الإسعاف
و جو خذوا أميره للمستشفى و أنا مب عارف شجا عليها وش فيها طالعه من البيت كذا بهالحاله !!
رحت لبيتنا أشوف وش صار دخلت لقيت المجلس أنواره والعه !!!
أول ما دخلت شفت و ياليتني مت قبل ما أشوف شباب دايخين من الخمر و ريحتهم عفنه كنها ريحة جيفه و ثامر معاهم !!
و مناظرهم مخزيه بدون ما أقول عصبت من قلب و قمت أصارخ عليهم و اللي نايم أشوته و أطردهم من البيت ....
أحمد : قم أنت وياه سود الله وجيهكم يا سفله وش هذا وش هذا يا قرف و الله منتم برجال
قاموا مثل الملدوغين و طلعوا من البيت بقى ثامر اللي مب عارف كيف اتصرف معاه و وش أقوله ؟؟؟
هو كان مصدوم و يمكن توه يفوق من تأثير الخمره حسبي الله و نعم الوكيل !!
تركته على حالته و طلعت لغرفه أميره أول ما دخلت شفت عند الباب واحد طايح بالأرض و الدم حوله !!
أحمد : أعوذ بالله منك
لقيت الغرفه فوق تحت و عرفت من هذا كله بالسالفه !
دقيت عالإسعاف يجون يشيلون هالوصخ من هنا
رجعت لغرفة أميره أتأملها و بدون شعور نزلت دمعتي مب قادر أتصور الحاله اللي وصلت لها و ما في أحد بالبيت !!!!
أمير وينه ؟؟
حسبي الله و نعم الوكيل لا حول و لا قوة الا بالله العلي العظيم
أمي و أبوي كل الخطا عليهم من جينا لدبي ما عينا خير وش فيها يعني لو تمينا بالرياض
كانت البنت بتروح فيها و يضيع مستقبلها بسبتهم !و سمعت العيله أهم شي بالنسبه لي
أمي طول الوقت برى البيت ... و أبوي مشغول في الشركه و على طول مسافر
صاير البيت مقر للنوم و الأكل كنه فندق !!
طلعت من غرفة أميره لقيت ثامر قدامي
ثامر : أحمد أنا ..........
طالعته بحزن على حاله
أحمد : انت ايش ؟؟؟
دفيته و نزلت ....
رحت للمستشفى أشوف أميره
الدكتور : معلش البنت دي عندها انهيار عصبي و مبتكلش كويس و عندها فقر دم
نزلت راسي أقول في نفسي
أحمد : آه يا دكتور لو تدري ان أمها و أبوها مسافرين
اتصلت على أمي و أبوي قلتلهم وش صار بصراحه ما علي في ردت فعلهم !!!!
بسبت اهمالهم بغت تضيع البنت .. و يضيع اسم العيله!!!
و أمير أول ما اتصلت عليه جا بالمستشفى
قلت له السالفه ما قدر يستوعب المسكين انصدم
الأخ كان في الملعب !!!!
وش ملعبه هذا اللي الساعه وحده باليل الله المستعان ؟!

_______________
يوم الجمعه
الساعه : 10:30 صباحا
المستشفى
___________
أمير
معقول !!!!!!
بنت مساعد آل
يصير لها كذا ... حنا لو تأخرت عن البيت نقوم الدنيا ما نقعدها !!
و اللحين يصير لها .......
يا ربي مب قادر أنطقها !
أدري اننا مقصرين في حقها و حسبي الله عليك يا ثامر حسبي الله عليك !!
مر وقت طويل شوي الا و أمي جايه تبكي و تصيح من هول الصدمه مب قادره تجمع !!!
أم أحمد : بنتي وين وينها بنتي أبي بنتي أميره يا يمه !!
أمير : يا يمه استهدي بالله ما صار لها شي تعوذي من ابليس
أم أحمد : ما اقدر أهدى يا يمه ما اقدر وين أخوك هذا الله لا يوفقه و لا يعطيه خير
أمير : يا يمه لا تقولين كذا الله يخليك و تدعين على الولد الله يهديه !
أحمد كان مثل الصنم !!!! كان يطالع أمي بحسره حتى زوجته ناديه ساكت ما يرد عليها !!!
كلنا مكتئبين و امي طول الوقت بس تصيح
طلعت لنا الممرضه !!!
الممرضه : الدكتور بيأول ممكن تزوروها بس لازم الهدوء لأنه المريضه محتاجه الهدوء و الراحه !
قامت أمي أول من دخل راحت لأميره اللي كانت منسدحه أول ما شافتنا جلست
قامت أمي تحضنها و تبوسها
أم أحمد : كيفك حبيبتي الحمد لله على سلامتك
ناديه : الحمد لله على سلامتك
أمير : سلامتك أموره ما تشوفين شر
أحمد : سلامتك
طالعها بحزن و على طول طلع من الغرفه
هي ساكته ما ردت علينا كانت نحيفه أول مره أنتبه على هالنحف و صفرا و مذهوله و متحطمه و حالها ما يسر عدو و لا صديق !؟
شفت خدها مورم عصبت مب قادر أمسك نفسي
أمير : الحقير الله يصيبه
طالعتني الوالده بحده .....
أم أحمد : ها يا بنيتي كيفك الحين ؟؟؟
طالعتها أميره برجاء
أميره : أمي أبي أشوف أبوي الله يخليك
أم أحمد : ان شاء الله اللحين هو بالطريق بيجي شوي
أميره : ممكن تتركوني بروحي و لي يسلمكم أبي أكون بروحي
ما حاولنا نجادلها تركنها على راحتها و طلعنا ....
اتصلت على محمد ولد عمي يقول لرنا ان أميره بالمستشفى يمكن تقدر تهدي عليها شوي لأن رنا توأم روحها
بس طبعا ما قلت له وش صار !!!

____________

من مذكرات رنا
______________
يوم الجمعه
الساعه: 12:20 ظهرا
المستشفى
____________
رنا :
رنا : أميره بالمستشفى !!!!!!
محمد : ايه ؟؟
رنا : ليه بسم الله عليها كنت حاسه ان فيها شي
محمد : تعبانه شوي
ما انتظرت أسمع التفاصيل بدلت ملابسي و لبست عباتي و طلعت ركبت سيارتي و مشيت
مب من عوايدها أميره تقفل جوالها غريبه ...!!!
من الصبح أدق عليها جوالها مغلق مدري وش جا عليها ؟؟؟
رحت للمستشفى و دخلت عليهم لقيتهم واقفين عند غرفة أميره و عمتي حصه تبكي
سلمت عليهم ...
رنا : وش السالفه و الله خوفتوني
جات عمتي حصه و حضنتني
أم أحمد : ادخلي عليها يا رنا لعل و عسى تسمع منك مب راضيه تخلينا ندخل غرفتها !!!
أمير : مب راضيه تسمع منا كلمه !
حسيت ان الموضوع كايد و مولع ...
دخلت عليها بهدوء و سكرت الباب لقيتها جالسه بس .......
انسانه غير مب ذيك اللي شفتها أمس حتى شكيت انها هي لا مب أميره !!!
رحت لها و حضنتها أول ما شافتني بكت ... ما قدرت أتحمل شكلها يكسر الخاطر و الله بكيت يوم شفتها
أميره : أبي أرد للرياض ؟؟
رنا : انتي قولي لي السالفه بالأول
أميره : رنا تخيلي دخل علي واحد في غرفتي و أنا نايمه
رنا : نعــــــــــــــــــــــــــــــــــــــ ـــم
أميره : وهجم علي و ..........
حبست أنفاسي مثل اللي يشوف فلم رعب
رنا : ايييييييييييييه !!! و بعدين !!!!!!
أميره : ضربته على راسه بالأبجوره و هربت لبيت أخوي
رنا : أوف الحمد لله أشوى ما صار شي ثاني !
أميره : بس أبي أرد للرياض اللحين
رنا : ليتهم يوافقون ... يا شيخه المهم حمد لله على سلامتك يا قوي قلبك ما شا الله
قمت و بستها على خدها أطالع في وجهها أشوف خدها مورم
رنا : وش هذا ؟؟
أميره : ضربني
رنا : جعل يده الكسر و الخلع ان شا الله .... ؟؟
أميره : تدرين يا رنا الحمد لله انه صار لي كذا عشان ارجع للرياض
طالعتها مستغربه
رنا : لااااااااااا شكل عقلك انهف من جد أعوذ بالله أحد يفاول على نفسه كذا !!!!!!!!
قامت تطالعني و هي تبتسم ذكرتني بلوحه في متحف اللوفر لما رحنا فرنسا اسمها
""الفتاه الحالمه ""
كانت تبتسم و هي تفكر في أحلامها اللي متخيله انها راح تتحقق في يوم من الأيام بصراحه روعه هالأميره و الله مع كل هاللي جاها و تبتسم !!
(لعلنااا نتمنى المصاااائب تتلقفنا من كل جااانب كي تستقر بعض الأمور و تعود لمجراااهااا الصحيح )
أميره : عشان أرد للرياض و أرجع للناس للي أحبهم و أولهم شموخ
رنا : يا حبي لك ليتني شموخ كان لنا نصيب على الأقل من هالحب و الإهتمام
أميره : ههههههههههه
رنا : ايه كذا يا شيخه اضحكي و وسعي الصدر ترى ما في شي يسوى الحمد لله انها جت على كذا !
أميره : الحمد لله
رنا : اللحين بيجي عمي مساعد بس لا أوصيك مثلي الدور صح ههههههههه خلينا نرجع للرياض و نستانس !!
أميره : هههههههه و الله انك مرجوجه
قمت أشرت عليها
رنا : وافق شن طبقه
قمنا نضحك
رنا : ايه هذا هو الوجه اللي أبي أشوفه منور مثل فلقة القمر و الحمد لله على كل شي .......... يالله يا قلبي بأتركك ترتاحين شوي ... و بأمرك بالليل ان شا الله
سلمت عليها و قمت رحت للباب بأطلع نادتني
أميره : رنا
رنا : هلا
أميره : شكرا
رنا : على ايش يادبه ما بيننا هالكلمه ؟؟
رحت لمها و ضميتها و بكينا ....

__________
يوم الجمعه
الساعه : 02:00 ظهرا
المستشفى
___________
أميره :
كنت أنتظر أبوي على أحر من الجمر
جا الدكتور و كشف علي و استغرب مني
الدكتور : ماشاء الله صحتك انهرده عال العال
قلت في نفسي و الله ما دريت ان في علاج ما يباع في الصيدليات اسمه رنا ههههههه
دخل علي أبوي أول ما شافني جاني و حضني و سلم علي و باس راسي
و جلس قربي و قال :
أبو أحمد : مب عارف وش أقول بس أنا مقصر في حقك ... حقك علي يا أميره
أميره : ...................................
أبو أحمد : و الله لا أقاضيهم أهل هالـ ...............
أميره : ....................................
أبو أحمد : أبوي أميره ردي علي ما يصير كذا قولي و اللي تبينه أنا حاضر فيه !!
طالعت أبوي بحزن و قلت في نفسي حياتكم كلها فلوس تحسبون ان كل شي تجيبه الفلوس مساكين و الله !!! تثيرون شفقتي و حزني عليكم !!!!
أميره : أبي أرد للرياض
سكت يمكن خمس دقايق من الصدمه
أبو أحمد : ليه مب عاجبتك هالديره ؟؟
طالعته بجديه طبعا ماسكه الدمعه
أميره : أبي أرد لديرتي و لعالمي لي شهر هنا و أنا ضايقه و ماسكه همي و ألمي أبي أرد لحياتي و للناس اللي أحبهم !!
أبوي الله يخليك الهروب مب حل عشان قطعة أرض ما صارت من نصيبك جبتنا هنا غرب على ديره ما نعرفها و على حياه ما تعودنا عليها !!
حتى ما راعيت مشاعرنا وشفت هالناس يناسبهم هالحال و لا لا ليه ما نرد للرياض نرد مثل أول متكاتفين مع بعض و الحياه تضحك لنا !!
ما تحملت بصراحه من كثر انفعالي بكيت
أميره : حتى أمي مب معانا مب كأننا عيالها كلنا مكتئبين أولنا أحمد ... و مرته هالمسكينه ناديه اللي بعدتوها عن أهلها و غصبتوها
انها تجي معنا غريبه مثلنا وش ذنبها و وش ذنب عيالها المساكين !!!؟؟؟
لو على الأرض فيه مليون أرض غيرها و أحسن منها كل عماني طيبيين و حليلين بس انت اللي هربت منهم محد فيهم قالك اهرب ؟؟؟
كلهم يا يبه يحبونك و يخافون عليك و لأن الأرض أرض جدي فأكيد بتتقسم بينكم بالعدل أبي أرجع لحياتنا الأولى و تجمعاتنا بالمزرعه !!
اللي تشرح الصدر و تجمعنا بالمحبه و الود و السلام ... أبي أعيش حياه كلها أمان و سلام ما فيها ضغينه و حقد أبي أشوفك يا يبه حولنا تسولف معانا و تضحك و تطلع و تسوي لنا حفلاتك الحلوه و مفاجآتك كل صيف إلا ما نمل منها ترجع لتربية خيولك اللي مشتاقه لك !!
صحيح مب محتاجين للفلوس بس محتاجين لشي أهم من الفلوس هو انت و أمي و أهلنا و لمتنا الحلوه ...!!!
سكت و صرت بس أبكي !
أبوي بكى من كلامي و صار يحضني و نبكي شكلنا يقطع القلب دخلت علينا أمي فجأه و شافت أشكالنا بكت
و جت عندي و حضنتني و قالت :
أم أحمد : اللي تبينه يصير يا بنيتي صح يا مساعد !
ابتسم لنا ...
أبو أحمد : ان شاء الله يصير خير ..... جهزوا أنفسكم لأننا نهاية هالأسبوع بنرد الرياض
صرخت من الفرحه مب مستوعبه و قمت حبيت راس أبوي !!
أبو أحمد : ههههههههه ليتني قايلها من قبل عشان تحبين راسي
أم أحمد : هههههههههههههههههههه
أنا استحيت و الله ما عندي سالفه
آآآآه الحمد لله خلاص بنرد للرياض و لحياتي اللي مستحيل أنساها أو أنقطع عنها

من مذكرات رنا
___________
يوم السبت
الساعه : 05:00 عصرا
بيت محمد بن خالد
_______________
رنا
رنا : احلفي لا و الله صدق متأكده آآآآآآآآآآآآآآآآآآآآآآآآه مني مصدقه !!
أميره : هههههههههههه بسم الله عليك وش جا عليك و الله بنرد للرياض
رنا : و الله ما توقعت غريبه عمي غير رأيه بكل هالبساطه !!!!!!!
أميره : أفا عليك ما يجيبها الا حريمها
رنا : و النعم يا بنت الرجال .... أموره و متى بنرد ؟؟؟
أميره : أبوي يقول نهاية هالأسبوع
رنا : ياااااااه يا شيخه فله
أميره : فله بس !!! مشتاقه لشموخ حيل
رنا : يا ربي من هالشموخ طفشتينا ...
أميره : ما أسمح لك !!
رنا : أصلا شموخ متوحشه بس تناقز و ترفس كل اللي يقرب منها
أميره : طبعا يا روحي ما ترضى الا في أميره الأميره !
رنا : مالت عليكم انتو الثنتين .... على فكره ما بلغتوا جماعتنا بيموتون من الفرحه لو دروا !!!
أميره : أكيد عرفوا قبلي و قبلك ؟؟؟ تدرين عاد مثل هالأخبار تنتشر كما النار في الهشيم
رنا : على قولتك و كيفك اللحين ؟؟
أميره : الحمد لله بعد ما طلعت من المستشفى ارتحت أكثر ..
رنا : الحمد لله
أميره : و الله فاتك أمي ما طلعت من البيت أبد طول الوقت بقربي
رنا : مسكينه يحق لها انفجعت عليك .... بغيتي تروحين من يدها
أميره : بس تدرين ان ثامر اختفى !!
رنا : شي متوقع أصلا أنا لو مكانه انتحر على هالعمله السودا
أميره : بس مسكين كاسر خاطري
رنا : يوووووووووووووووووف منك أقول ظفي وجهك و سكري السماعه !
أميره : هذا انتي كذا سكري السماعه و ظفي وجهك هههههههههههه
قفلت منها و طلعت للسوق أشتري أغراض استعدادا للعودة أصلا مدري وش جابني من الرياض لهنا !!!
رجعت البيت لقيت محمد يتقهوى ...
محمد : وين كنتي ؟؟
رنا : وين بأكون يعني أكيد في السوق
محمد : هذي شغلتكم يالحريم ؟؟
رنا : وش فيك مبوز ؟؟
محمد : ما ودي أرد للرياض
رنا : الله ليه ؟؟
محمد : عاجبتني العيشه هنا
رنا : وجهة نظر احترمها
محمد : غصبن عليك
طالعته منقهره
رنا : نعـــــــــــــــــــــــم !!!

_____________
يوم الأحد
الساعه : 08:40 مساءا
بيت أبو عبدالله الله يرحمه
____________
عبدالله

قبل الوعد .. جيت بدقااايق ..
و بعد الوعد .. جااات بدقااايق ..
و التقينااا ..بلهفة العاااشق لعاااشق
التقينااا و همست العيون .. بتشاااور علينااا ..
شاغلتنااا .. لاحقتنااا ..
أحرجتنااا و حنااا تونااا ما حكينااا
جيت أقول و ابعد الخوف بكلااامي
جيت أطمنهااا ...أحسسهااا بغرااامي
قاااطعتني و اهمست همس النسيم
أرجوك ابعد .. ابعد ترى في الجو غيم
راااحت .. مشت .. و عيوني تتبعهااا
راااحت .. مشت .. مجبور أودعهااا
يرضيك يااا شوق كذااا العيون تمنعنااا !
يرضيك يااا شوق من بعد ... تطااالعني و اطااالعهااا
آه يااا أجمل وعد !!
آه .. صااابتك يعين الحسد
و الله لولى عيون الناااس
و الله لولى كلااام الناااس
و الله لولى الحيااا
و اخشى و اخاااف من الملااام
لمشي وراااه و أتبعه ...
و ازرع في قلبي بسمته

مدري شلي يابني هنا تعبااااااااان وايد
حبيت أكون بروحي أعيد حساباتي
أفكر فهلي و فحياتي و في كل شي
على كتفي حمل ثجيل الله يعيني عليه
ركنت سيارتي و طلعت أتمشى على البحر
من زمان عن الموج و صوت البحر
يت فبالي البنت اللي جابلتها و اعيبتني
أعتبرها مجرد نسمه حلوه بردت علي في لحظه و اختفت
مشيت سرحان مب داري عن الدنيا
تقريبا الشاطي هادي و اللي فيه ينعدون على الأصابع
سرحت في أمي اللي متحمله الحياه و تعابل بالبيت و اليهال
و نوره اللي ملامح الحزن ترتسم على ويهها بدون ما تحس
ود تحاول تخفي أحزانها بالإبتسامه الحلوه اللي تشرح صدورنا فيها
أما أماني فسالفتها شايده مب عارف لها حل !!
يا الله أسألك الستر و العفو و العافيه و السعاده الدايمه
و قفت أطالع القمر و أتأمله حسيت بنسيم بارد ريحته عطره يلفحني
التفت لقيت على بعد مني بنت أو يمكن متوهم إلا هاي بنت واقفه سرحانه و شعرها الطويل يلعب فيه الهوا
قربت منها و قمت أطالعها و أنا مستغرب هالصدف !!
حست فيني و أنا أطالعها التفتت المسكينه لي و بسرعه رفعت الشيله على راسها بإرتباك و خجل و طالعتني !!
هذي أميره البنت الجميله اللي شفتها ذاك اليوم
و اليوم نلتقي بعد في نفس المكان بصراحه صدفه عجيبه و شكلها استغربت بعد هي بوجودي و شوي تلاقت عيونا !!
تصدقون سرحت فيها ... و في هالجمال اللي مدري وش سره !!!
عبدالله : آسف .... قطعت عليج وحدتج
أميره : لا ..... عادي أشوف البحر
عبدالله : البحر حلو محد يمل منه
أميره : أكيد و خصوصا مع هالهوا الحلو
مدري شو بأرمس لها بس مب في خاطري أمشي و أتركها !
أميره : تدري دايم لما أحس بضيق أجي للبحر و أتنفس هواه صحيح انه غدار و غامض بس في أشياء كثيره تحيرني فيه تدري وش هي ؟؟؟
عبدالله : شو ؟؟
أميره : حنانه
عبدالله : حنانه .... غريبه اختي شو هالتناقض
أميره : أنا أحسه كذا .... ليه انت شلون تحسه !!
عبدالله : مهرب لأحزاني أشكي له عن مشاكلي أسولف معاه عشان أفك ضيجي أحبه لأنه يسمعنا بدون ما يمل أو يتعب !!
و أحيانا تكون أجمل الصدف على شاطئه يحكي عن أحلامه و عن أيامه حتى بعد يقولنا كيف نقدر نعيش رغم انه قاسي علينا إلا اننا نحبه بعمق و لما نحس بضيج نلجأ له ؟؟
أميره : بصراحه روعه هالتصوير .... شكلك شاعر ؟

عبدالله : لا مب شاعر بس تقدرين تقولين كاتب قصص
أميره : بصراحه روعه وش تكتب ؟؟
عبدالله : عن كل شي ممكن تتخيلينه عن الحب و الغيره و الصدق و الوفا و الأمومه و كل شي !!!
أميره : حلو على الأقل شي ممكن تفرغ فيه همومك ..
عبدالله : صادقه بس ما قلتي لي شو هوايتج
أميره : الرسم .... صحيح أرسم بس مدري أحيانا أدور على أي شي ثاني غير الرسم
عبدالله : مثل ايش ؟؟
ابتسمت لي بهدوء
أميره : ركوب الخيل ... و التأمل أحيانا يكون التأمل بروحه موهبه !
عبدالله : تركبين خيول ؟؟
ضحكت بنعومه و مع ضوء القمر و أنوار دبي الهاديه بانت أسنانها بيضا مثل اللولو
أميره : ايه عندي اسطبل كبير كله خيول و لي فيه فرس اسمها شموخ
طالعتها و سرحت فيها و الله بريئه هالبنت و عفويه كان يدور شي براسي بس ودي بصراحه في ذيج اللحظه .....
طالعتني و استحت و قالت :
أميره : معليش أستأذن يا .........
عبدالله : عبدالله
أميره : يا عبدالله أستأذن تأخرت على البيت
عبدالله : اذنك معاك يا ..........
أميره : أميره
عبدالله : يا أميره
كنت متعمد أقول اسمها بدون زيادات لأني .......
طالعتني و ابتسمت مودعه و قفتني بتروح
لا إراديا ناديتها
عبدالله : أميره !
التفتت لي و ابتسمت بعذوبه
أميره : هلا
ارتبكت مب عارف شو أقولها قمت أفكر بسرعه
طالعت للأرض لقيت أصداف كثيره عند ريولي
قمت أيمع منها في يدي
عبدالله : اللي يزور بحرنا لازم ياخذ تذكار !
مديت يدي أعطيها الصدف فتحت يدينها و حطيت فيها الأصداف اللي يمعتها و مسكت يدينها
أميره : مشكور يا عبدالله
سرحت بعيدا أشيعها بناظري على قول الروايات !!
مب متخيل انها راحت عني بعيد لأبعد مما تصورت
في الأخير طلع هذا كله حلــــــــــــــــــــــــــــــم
تصدقون اني كنت أحلم ......... ليته يصير واااااااااااااقع !!!!
_______________________
توقعاتكم للجزء الخامس
ولا تنسوا الردوود والتقييم
مع خالص حبي $الحلى كلهـ$

يسلموووووووووووا

الله يسلمكـ

» مادمت لا تصلي
» لا تضيع الفرصة مادمت في الدنيا ..!!
» مادمت لا تصلـــــي .. فأليك هاذا !
» لحظات الشووق تاخذني..لكن شيء واحد يميزني...الهبل والصرقعه اسلوبي.. روايه من تأليفي
» أترك لك هنا بصمه بـ ’× أيه .. حديث .. دعاء ×’