روآيه :- حظــي المنــســدح { مضحكـه جدآ }

كمــــــــــــــلي... [ندعوك للتسجيل في المنتدى أو التعريف بنفسك لمعاينة هذه الصورة] تم التقييم+

قيمتك تقييم ثنين بس ...ارسلي المره الثانيه عشان اقيمك وثالث رد مني
كــــــــــــــــــــــــــــــــــــــــــــــــــمــــــــــــــــــــلي

[ندعوك للتسجيل في المنتدى أو التعريف بنفسك لمعاينة هذه الصورة] كملي كملي كملي كملي كملي كملي كملي كملي [ندعوك للتسجيل في المنتدى أو التعريف بنفسك لمعاينة هذه الصورة]

الجزء (6)

مرت الايام وكنت جالسه انا واختي هند نسولف ونهرج ونضحك ونشوف بلوتوثاتها
ونقرى النكت وكل شي
عاد مسكت التلفوون من ايدها وقمت اقرى وهي راحت عني راحت تتسبح

رحت عند الصندوق الوارد اقرى ريسايلهاا .. <<مع انها ماتحب احد يقرى رسايلها
بس الطفاقه وماتسوي

فتحت اول رساله وكان الرقم غريب مو مسجل بتلفونها طبعا هذي السالفه عقب سفرتنا بسبوعين

نص الرساله يقول

(( هند انا وليد وخذيت رقمك من اختي شيخه (زوجة ابي)
بس حبيت اسألك انتي ليش زعلانه مني صدر مني
شي ازعجك انتظر ردك على احر من الجمر ))

نص الرساله الثانيه

(( إلا لما جيت سألتك كنتي مطنقره وما تردين علي بس على العمرم
ريحتيني انك مو زعلانه علي تامريني شي يالغاليه ))

<<<<<<<<<<< داش جامد الاخ

نص الرساله الثالثه

(( ههههههههههههههههههه اوكي اوكي دريت بااي بتصل عليك شوي )))

.................................................. ........................

طبعا انا انصدمت حدي ما توقعت اختي هند الغاليه يصدر منها هالأمور
حتى ولو كان الاشقر المزيون

سكرت التلفون ورحت انسدحت بفراشي وانتظرت اختي نوره تصحى من النوم
بس لم استطيع صبرا فرحت وقومتها

نوره: هااه شتبين بنام اووف يالأزعاج ..؟
انا: بقول لك شي خطير وربي خطير
نوره: ماعندك ماعند جدتي
انا: قمت اسوي نفسي ابكي ابيها تقوم
نوره: قامت من النوم متخرعه شوق شفيك يما تعالي قولي شعندك
انا: اختك هند اللي ماتستحي تكلم رجال من ورانا
نوره: وتمسك فمها : هاه وش تقولين انتي
انا: اقري الرسايل اللي بتلفونهاا
نوره : مسكت التلفون وقامت تقرى الرسايل
لالالالا ماصدق ماصدق
انا: صدقي صدقي شوفي اختك الكلبه من ورانا ماتقول عندي اخت اسمها شوق تزوجني اخوه
نوره: وانتي هذا اللي هامك استحي على وجهك انا بصارحها اللحين من تدخل

بعد خمس دقايق دخلت هند ولافه راسها بفوطه
هند: عطيني تلفوني احد اتصل علي
نوره: ايه احد اتصل
هند: وبلهفه: منو
نوره: وبخبث : وليد
هند: وتنصدم .. هااااااااااااااااااه انتي شحقه تتعبثين بتلفوني
نوره: ليش اتعبث بتلفونك انتي اللي ماتستحين وهين راح اقول لأمي عن سوالف هذي
هند: لا تكفين لا تقولين بس هو كان يكلمني يقول لازم تحسنون علاقتكم مع ابوكم
انا: ليش مصلح اجتماعي ان اتصل مره ثانيه انا بتفاهم وياه واعلمه شلون يتصل فيك
هند: لا اصلن هو كان يكلمني على باله اني شوق مدري من قايل له اسمك هند
انا: ماعلينا منه انا اوريه الشغل ..
هند: بس ماتلعلمون امي
انا: لا بعلمها
هند: وقامت تبكي والله والله اللحين بدق وتفل بوجهه بس امي لا تعرف بالسالفه
انا ونوره: اوكي بس تتفلين بوجهه قدامنا
هند: لا استحي بس بقول لاعاد تتصل

اخذت التلفون وقامت تتصل بالاشقر اقصد وليد
وليد: هلا وغلا
هند: أهلين وليد بقول لك شي لا عاد تتصل بالتلفون ومع السلامه
وليد: هاااه
هند: لا عاد تتصل
وليد: انزين متى اتصلت انا عشان ما اتصل مره ثانيه
هند: دبر روحك مالي شغل فيك
وليد: هههههههه اوكي ولا يهمك باي سلميلي على شوق
هند: باي

انا: وش قال
هند: فشلتوني معاه بس يقول سلميلي على شوق
انا: والله صج كان عطيتنياه اسلم عليه
هند: يالله اقلبي وجهك
نوره: هههههههه بعلم امي هين ليش ما خليتي شوق تكلمه
انا: ايه ليه
\هند: تبون تعلمون امي علموهاا بقول اتصل يتطمن علينا والرسايل بمسحهاا لووووووول
انا: انزين شب بس واقلبي وجهك ولا عاد تعودينهاا

رحت انا جلست في الصاله اخطط شلون اقضي وقتي وانا جالسه أتأمل النمل والصراصير
ولا تدخل علي امي مستانسه :

انا: هاااه اشوفك مستانسه احد خطبك..
امي: لو احد خطبني كان قعدت عندك انقلعي بس
انا: لا صج ونسيني معاك
امي: ايه صح نسيت اقولك ابوك الخميس الجاي بيرجع الكويت والجمعه بيسون له حفله
بفندق رجنسي
انا: وهذا اللي مونسك
امي: لا شكو مستانسه لان اخوي الله يخليه لي بيشتري لي سياره
انا: اهاا وانشالله بتسوقين فيها
امي: لا بحنطها بره انا جايه اللبس وبروح اتعلم اسوق ... وتأشر بيدها سي يا
انا: اشلع والله الجازي بتسوق دنيا خوربت والله
امي: انطمي بس تروحين معانا تشوفين شلون اسوق
انا: يما ليش عايفه روحي لا انتي روحي وان رجعتي فالحمد لله على السلامه
امي: ههههههه ماراح اركبك معاي ان تعلمت موتي حره
وتروح امي عني

رحت للبنات اعلمهم الخبر ..

نوره: وااااااااااااااااااااااو امي بتسوق وناسه بطلع الليسن واخذها منها لا بغيت اروح المعهد
هند : والله ماعاد الا نوير تسوق اقول انطمي انا بسوق قبلك بقول لخالي يطلع لي ليسن واسوق واروح للجامعه
انا: والله صدقتم روحكم بس عاد محد يسوق الا لما انا اسوق

وطبعا انقلبت جلستنا الى ملاسن وصياح وتمشع بالشعور وقررنا ان محد يسوق فينا رأفه بالمجتمع العربي والعالم اجمعين

انا: يؤؤؤؤؤؤؤؤؤؤؤؤؤؤه ملل ملل
نوره: شتبين نسوي يعني
انا: يؤؤؤ ماقلت لكم حبايبي الاسبوع الجاي مسوين حفله لبوي على رجعته بالسلامه بفندق
الكل: لالالا ونااااااااااسه
هند: من تجي امي لازم تاخذنا نروح السوق مايصير كذا نروح بملابسنا القديمه
نوره: لا انا الحمد لله شريت بدله من لندن تجنن ومايحتاج اشتري بدله جديده
انا: انا ماعندي شي البسه لازم اروح اشتري اقدع بدله عشاان اكشخ وخلي الحريم يخطبوني
هند: مسكين ياحظي اللي بياخذك امه اكيد داعيه عليه
انا: والله امه داعيه له بليله القدر من رمضان وبيوم الجمعه الساعه 12 بليل وهي صايمه
البندري: بالله ذي وين اصرفها
انا: بنك ام هند خخخخخخخخخ
هند: لا تجبين اسمي على لسانك
انا: من زين اسمك هند لا احسن باكستان اكملت شرق اسيا في بيتنا
الكل: ههههههههههههههههههههههههههههههه
هند: ماتضحكين بس انقلعي عاد عطيتك وجهه انا بروح عند مرت خالي اخذ منها مكياج
انا: ايه لانك شحاذه
وتطلع هند وسفهتني ..

بعدها
رحنا السوق وشرينا بدال واكسسوارات حق الحفله وجاء موعد الحفله ..

طبعا انا لبست بدله لونها احمر كت وفيها فتحه طويله من عند الساق ومطرز على الصدر كرستال شوار فسكي ونازل لين جوانب الخصر <<< كانت حيل ناعمه وراقيه
وخليت شعري مفتوح وكان طويل ورفعته بي ماشه على شكل فراشه صغيره حمره
مع مكياج ناعم وخفيف

اما: هند فلبست تنوره قصيره لونها اوفوايت ومنثر عليها كرستال مع قميص علاق من نفس اللون عليه بعض الحركات ومفتوح من عند الظهر وكان شعرها قصيرقاصته قصت الاسد ولونه كستنائي ولابسه تاج صغير وحلو
ومكياجها كان ثقيل شدو اسود مع عدسات هيفاء وهبي شكلها تحفه

اما نوره: فلبست تنوره بنيه طبقات ساده مع بدي تايقر جلد شزلونق وفوقه قميص دانتيل ومشكوك بترتر ذهبي بنحاسي بفضي
وكانت رافعه شعرها مسويه تسريحه كريزي
ومكياجها جدا خفيف وناعم مكياج لبناني

والبندري : لبست بدله غجريه تنوره مقطعه مع خامات داخله في بعض وكانت الوان البدله اسود في بيج في وردي واحمر
وبديها اسود مقطع من عند الكموم ونازل منها شرايط وكانت مسويه شعرها كيرلي
ورابطته بسكارف وكان شكلها صج غجري بس يجنن مع مكياجها اللي زادها روعه كان اسود الشدو كامل عينها مع حمره حمره

اما هيونا فلبست فستان قصير لونه وردي وعليه لولو واكسسوار نازل من التنوره ولافينه على ايدها وبينه فصوص زرقه ومبطلين شعرها كان كاريه وملبسينها قبعه من نفس الثوب عليها تور ودانتيل ولولو وحاطين لها كلس كان بعد شكلها جناان

عقب ما لبسنا وخلصنا طبعا امي كانت لابسه دراعه بني بعنابي فلوه وحزام كرستال مع برقع عليه حركات حلوه وملفع زري رحنا للحفله مع سايق خوالي واول ما دخلنا للقاعه
كان بستقبالنا
حريم مانعرفم اللهم بعله ابوي اللي عرفناها دخلنا ورحنا جلسنا بطاوله قريبه من بست الرقص
قطينا عبينا وعدلنا شكلنا وجلسنا حنا يالبنات بطاوله لان كل طاوله فيها خمس كراسي
والطاوله اللي ورانا امي ومرت خالي واختها وخالتي مع هيونه
طبعا كنا نسولف ونضحك ونلف عليهم ونعلق قدموا القهوه والشاي والحلو الفطاير والعصاير بنواعها
وكان الدي جي شغال والبنات والناس يرقصون وهذي ترقص مع هذي وكذا مرت الحفله
لما جت اغنية هلي لا تحرموني منه

قمت انا وخواتي نرقص وكان رقصنا يجنن وطبعا فليناها وقمنا نرقص ونستهبل وتعرفنا على بنات عمنا وصرنا صحاب
واما بنات عماتنا فكانو جدا مغرورات كانوا بنات عمي وعمانا مايقارب عشرين بنت
بس اللي تعرفنا عليهم بنات عمي صالح وخالد
وكانو خمس بنات ..

بنات صالح : اسرار (17) و ابرار (15)
وخالد: عذبيه (19) و عذاري (16) و عفاف (14)
كانو حيل طيبات وعلى نياتهم عكس بنات عمنا الثانيات وبنات عمانا
خذينا ارقام بعض وقمنا نرقص ونستهبل ونعلق وبعدها قالوا بيدخل ابونا يسلم على الجماعه
ويتحمدون له بالسلامه ودخل معاه كل عماني وبعض عيالهم مايقارب 8 رياجيل

رحنا لبسنا عبينا وجلسنا بمكانا بس اللي استغربناه ان بنات عمنا عادي قعدوا من غير لايلبسون شي بس شال بحكم ان ملابسهم عاريه
وقامو يرقصون كل وحده مع اخوهاا وكان بينهم وليد وكان يتلفت بين الحضور يدور على احد

بحكم ان طاولتنا قريب من البست فكان يشوفنا بوضوح طالعنا وابتسم عرف ان حنا بنات ام هند من هيونه اختنا

نوره: تشوفون وليد يطالعنا شكله عرفنا
انا: اه شحلاته تجنن عليه الغتره والعقال شكله كنه امير
هند: هو امير يهبل يهبل يهبل
انا: وجع لا ينط لك عرق بس انطمي

كان تقرب منا زوجة ابوي : بنات ماتجون تسلمون على ابوكم لاتستحون ترى كلهم عمانكم وعيالهم

انا: انشالله بنجي

وقمنا انا والبنات نسلم على ابوي
ابوي: هلا وغلا بناتي ابو سلطان شوف بنات اخوك
ابو سلطان: ماشالله ماشالله كبروا وصاروا عرايس اجل لازم ازوجهم عيالي
ابوي: ههههههههههههههههههههههههه
والكل: ضحك معااه

الا حنا اللي خاس وجهناا وتفشلنا
انا قلت بقلبي كان بتزوجني وليد ماعندي مانع ..
وليد كان يطالعنا ويضحك : وكان وده يقول شي بس سكت

وبنات عمي وعماتي حدث ولا حرج كلهم ماتوا يوم دخل وليد حسيت كل وحده تقول للثانيه وليد لي يتنافسون عليه
انا طبعا طنقرت وغرت وقررت اني ارجع مكاني ...؟؟
ورجعنا انا وخواتي وجلسنا ننطر الرياجيل يروحون

سلطان : ويصيح هيا تعالي تعالي ويقول للي جنبه : هذي اللي غيرت وضيفتي من طيار الى سواق والشباب كانو ميتين ضحك

طبعا كانو يتحرشون بي هيونه ومسانسين على عوابتها
بالاخير كان يمسكها وليد ويشيلها ويساسرها بذنها وهي ترد عليه وبعدها قام يضحك ونزلها وقال لها شي وبعدها طلع وطلعوا وراه الرياجيل ..

ورحنا نزلنا عبينا وملافعنا والنقبات ورحنا نتعشي على البوفيه طبعا انا مارحت معاهم مالي نفس وجلست انا و البندري وهيونه والباقي راحو يجبون عشا ناكل مع بعض

انا : مسكت هيا : وليد شقال لج
هيا: بحقاره: مالك شغل
البندري: واخليك تلعبين بالبلاي ستيشن اليوم
هيا: والله
البندري: والله
هيا: قال كل خواتك جايين قلت له ايه كلهم بس انا اكشخهم صكيت عليهم وهو ضحك وبعده قال لي وين شوق
انا: وقف قلبي : صج قال كذا وش قلتي
هيا: ايه وقلت: اللي لابسه احمر قال يعني بشوف ثوبها انا وينها قلت اول وحده قاعده بالطاوله وبعده نزلني وقال سلميلي عليها وقولي لها يقول وليد اسف اذا زعلتك بشي وبس
انا: واحط راسي على الطاوله لا يابعيدي مازعلتني
البندري: وجع اركدي ..؟..
انا: هيونه لاتقولين لحد شقال لك خليه سر انزين
هيونه: بس اللعب باللبلاي ستيشن يومين ورى بعض
انا: اوكي
لبندري: لا والله ماكو
انا: شب انتي ولا كلمه ترى احرمك منها انتي بعد
البندري: يماا تسلط شنو هذا

وعقبها رحنا كلينا من البوفيه وصورنا مع مرت ابوي والبنات صوره جماعيه ورحنا البيت

طبعا انا مو مصدقه اللي صار من وليد همت بوديان وتخيلته راكب فارس جايني يركض فيه
ويقول حبيبتي شوق هلمي بنا نذهب الى مدينة الحب السرمديه<< اللعن ام الحلم

اه الله يقلعك وليد شسويت فيني ماعلينا نرجع لمشهدنااا ...

التكمله بعد 3 ردود و 2 تقيمـ

[ندعوك للتسجيل في المنتدى أو التعريف بنفسك لمعاينة هذه الصورة] قيمتك ورديت برد ثلاث مرااااااااااات بس كملي ارجووووووووووووووك

ككملي كملي كملي كملي كملي كملي [ندعوك للتسجيل في المنتدى أو التعريف بنفسك لمعاينة هذه الصورة]

كملي كملي كملي كملي كملي [ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله بكرهـ بكمل لان الحين لازمـ انامـ بكرهـ ورآي شغل فووق رآسي

طيب طيب [ندعوك للتسجيل في المنتدى أو التعريف بنفسك لمعاينة هذه الصورة]

هههههعى يسسلمووا

هههههعى يسسلمووا

الله يعطيك العافيه

الله يعطيك الف عافيه

الجزء (7)

جالسه بالصاله عقب الحفله بيومين واشرب فنجال قهوه وامخمخ واهرج مع روحي واضحك
لاني قلت سالفه اول مره اسمعها المهم

وانا اقول من هالقصيد ومن هالسوالف ومن هالهروج اللي تروح وتجي الا البندري
داخله علي

البندري: عندي لك خبر بمية دينار
انا: اخلصي
البيندري: في وحده بالبيت انخطبت تتوقعين منو
انا: لا يكون سواها وليدوه وخطبني وااااااو الله هيه موافقه
البندري: لا مب انتي هنوده
انا: لا يكون خطبها وليد<<< امسك قلبي الخاين
البندري: احد جاب سيره سي وليد لا سلطانوه
انا: ههههههههههههههههههههههههه يصلحون لبعض خخخخ تصدقين
البندري: اسمله على هنوده شناقصها ولا سلطان شلي عايبه
انا: بسم الله وش قلت انا الله يهنيهم
البندري: بس شكل اختك بترفض
انا:ليه من ناطره الاخت وليد بن طلال يجي يخطبها اقول خل توافق لا ابط عيونها
البندري: روحي كلميها
انا: يالله جايه

واقوم واروح لغرفتنا وارفس الباب برجلي وامسك النعل بيدي الاخرى

انا: وين هند فينا ورجيني وشك
هند: بسم الله المعلم ابو الزلم شعنده اليوم ..
انا: شو سمعت انك رافضه ابن عمك شو الحكي صحيح
هند: لا بس افكر
انا: كلامن يوصلك ويتعادك ويروح للخفجي ويجيني ترانزيت وثم يعدي ويمر على الربع بالدوانيه ويجيني مدخن باكيت احمر ان رفضتيه لا ادوس بخشمك
هند: بسم الله شقلت ما قلت شي بس بفكر شفيها
انا: المهم اخذي ولد عمك بيعزك ويكرمك ولا كلامن يرجع
هند: حاظر ماما
وعقبها جلسنا نفكر شنسوي بعرس هند <<< خليها تملك الاول بس حنا طبعنا حار بحار

المهم

في بيت اهل وليد ..؟..

وليد نازل من الدرج لابس بدله مغربيه لونها بيج وفارق شعره كان طويل وحاط عطر ويلعب بمفتاحه ويغني : عزااااااه ياقلبي من الهم عزاااه << كان صوته نشاز

وهو نازل ولا يسمع صوت اغاني ورقع غير مسار مشيه وراح للغرفه اللي فيها قاعدين خواته اللي هم شيخه .. بعلة ابي .. وسارا اختهم الصغيره عمرها 12 .. وهاجر اختهم اللي ماعندها عيال

ولا يشوفهم يطالعون شريط الحفله وقف ورى الباب عشان ما يشوفونه وقام يطالع بالشريط ..
ويشوف رقص البنات وخبالهم
قام يفكر يربي شلون بعرف شوق طرى على باله لما قالت هيونه شوق اللي لابسه احمر

وطالع ولا يشوف وحده لابسه احمر جميله بس مو الجمال الفتان شعرها طويل حيل وكثيف ورقصها كان حلو فيه عبط شوي قام ضحك على خبالها

كانت ترقص على اغنيه ياسلامي عليكم يالسعوديه وكانت تسوي حركه ياسر القحطاني القناص

عرف انها شوق ..

وعقبها قرر انه يدخل .. تنحنح احم احم

طفت الشريط اخته شيخه ..

شيخوه << حاقده عليها : هاه ولوده وين رايح
وليد: كنت طالع مع الربع .
سارا : مو تقول ربعك مسافرين
وليد: الحمد لله ربعي واجد علبالك حنا نفسكم يالحريم ماعندي غير رفيقه وحده لا حنا أي واحد اسلم عليه صار خويي
هاجر: خويي شنو خويي تعلم الذرابه
وليد: اجل لازم الوي حنكي عشان اصير ذرب اقول الخلا بس الخلا
شيخه: ههههههههههه
وليد: بستعباط : كنت اسمع صوت طقاقه شكنتم تشوفون
شيخه: كنا نشوف شريط الحفله
وليد: اهاا شغلوه خلونا نشوف
سارا: لا والله لا هذي امانه عيب تشوف بنات العالم
وليد: ببراءه .. لا غرضي شريف اللي تعجبني اتزوجهاا
شيخه: لا قلبي انا خاطبه لك وحده مافي مثلها مزيونه وجمال واخلاق ودين ودلال ونسب
وليد: منو هذي بعد اللي كل هذا فيها
سارا: في غيرها طابعا بنت عمك ريما
وليد: بضيق : اعوذ بالله قلو بنات الديره ماعاد الا ريما اخذها
هاجر: بسم الله شناقصها ريما
وليد: ناقصها اني ما اطيقها يكفي جرأتها فوق هذا محاميه لسانها طول اذانها
وانا ان بغيت اتزوج اول شي انا اختارها محد يختارها لي وثاني شي ابيها قاعده بالبيت ابيها لي انا بس
شيخه: منو اللحين من البنات جالسه في البيت
وليد: وهو قايم : انا اعرف وحده تسوي كل بنات العالم وفاشله دراسيا وانا ابيها
سارا: منو هذي
وليد: هذي حبيبة وليد اللي جميلات العالم ما فتنوه وهي على انها مو جميله حيل بس اشوفها تسواهم كلهم ياخي يكفي خفة نفسها وعبطها
شيخه: ايه انت مايصلح لك الا وحده مثل هيا شعيبي
وليد: عليك نور انا ابي وحده مثل هيا الشعيبي ابيها نكته عشان ان دخلت البيت اضحك
ومع السلامه

طلع من البيت وراح لربعه اللي قاعدين على البحر ..

في بيتنا :

انا اصيح وارقص واستهبل ولاعبه بوجهي بالمكياج واللحق خواتي ابي احببهم
وارقص رقص خبال
ومعاي اختي البندري وهيونه

هند: ههههههههههههههههههههههههههههههههههههه بسكم
انا: هذي انتي بعرسك
هند: لا انشالله يهب يا فيسك
انا: الله فيسك لغه لغه وينهم عنك الاجانب مدحت ومتولي لو اسمعوا فيسك منك انهبلو
هند: مدحت ومتولي اجانب ماقول الا العقل نعمه وقامت تقرى مجلتها
نوره: قايمه من النوم وشعرها كشه : هيه انتو الواحد ما ينام هههههههههههه شمسوين بروحكم
انا: مسوين بروفه لعرس هند
نوره: الله يالمكياج وين مسوينه ولا الثوب
البندري: وبدلع: والله المكياج مسوينه عند شوق دشتي الثوب عند زوج هيونه كومار الخياط
هيونه: وجع انشالله خلاص مابي كومار ابي ولد عمي عمر يجنن
انا: والله هالدقدق تعرف تختار انطمي بس شيطلع عمر هذا بعد
هيونه: عمر هذا ولد عمي بو عبدالله الصغير اللي عمره 12 سنه
انا: بلا كلام فاضي وش ذا الهرج والله اقص لسانك ان جبتي طاري عمر استحي على وجهك
هذا هند وكلامها الفاضي .خربت عقول بناتنا ..؟.؟.
هند: اووووووووووووووف انا انزل تحت ابرك لي ..
نوره: خذيني معاك
انا: هيه انتي وكشتك وين طاسه
نوره: ايه صح كشه شعري بس عادي ياعمي مين شايفني ..؟.؟..
وراحو البنااات

انا : تعبت عقب الرقص وقعدت وتوني بمسك التلفون بتصل بوضحه خويت دربي
ولا هوالتلفون يتصل ..

رفعت السماعه بس الحمد لله ماصارت لنا مأساة لاني كنت بروحي

انا: هالوو من معي
المتصل: ................
انا: الو الو احنا هنه
المتصل: .............
انا: علك الساحق الماحق والبلا المتلاحق كانك مارديت
المتصل: ..................
انا:: اللعن الله والدي من جمعكم

تك اغلقت السماعه

رحت تسبحت وومشطت شعري ودهنته وزينته وتعطرت بعطر بيبي جونسن وحطيت بودره
وشربت عصير حتى تكتمل النظافه ..؟.؟.

وطبعا هالسوالف اخذت مني ساعه وجلست قدام التلفزيون وقمت اطالع لي فلم رعب طبعا انا
كنت مسويه تحدي الخوف لان عقدتي افلام الرعب ماستحملت غيرته وحطيت على سبيس تون
قمت اطالع لي رسوم <<<<< ياعيني على الطفوله

دق التلفون :

انا: هالو من معي ..
المتصل: بعد تردد .... الفارس الملثم
انا: وراك متلثم قط اللثمه مامن غريب
المتصل: هههههههههههه
انا: الخلا بس من معي
المتصل: افا نسيتيني .
انا: عمرك جربت نعل كومار خياطنا بخشمك عاد عليه ريحه
المتصل: بسم الله اكيد انتي شوق
انا: اوووووووه تعرفني بعد من معي عرف عن نفسك وليش داق
المتصل: انا انا واحد
انا: لا صج على بالي ثنين
المتصل: هههههههههههههههههههههههه
انا: قسم بالله ان ماقلت لي من ترى بسكر بوجهك السماعه وبشتكيك عند الشرطه
برفعك عليك قضيه ازعاج سلطات ..
المتصل: يمااا ترى تخرعين انتي
انا: هههههههههههه عرفتك سلطانوه شتبي داق هاه تبي تكلم هندوه
ياللي ماتستحي عيب تدق توك ما ملكتوا
المتصل: لا مو سلطانوه قريب منه
انا: يؤؤؤؤؤ المليغ متعب
المتصل: اقرب شوي
انا: اممممممممم من والله ماعندي بطاقة التموين اطلع كل افراد العايله
المتصل: انا وليد
انا: سكتت .. وليــــــــــــــــد احم احم السلام عليكم نفتح صفحه جديده
وليد: ههههههههههههههههه
انا: يعني واذا وليد ليش متصل
وليد: امممممممم بس كذا بزعج سلطات
انا: اهااا تامر بشي
وليد: وين
انا: بسكر التلفون ماعندك شي
وليد: لا عادي نسولف
انا: بص سي وليد شف احنا بنات ناس ومتربيات وعندنا بسلمنا عيب المره تكلم الرجال وان كلمته اهلها يقصون رقبتها ويجري الدم للركب ويفزعون عيال عمها بالسيوف والخيول ويلعنون خير اللي كلمته واستح على وجهك ولا عاد تدق الا في حال احد توفى او تزوج
وليد: اح قويه بس اسف ان ازعجتك انزين مايصير بحال ثاني مثل خطبه
انا: انصدمت شيقصد . لا يصير مع السلامه
وليد: في حفظ الله

وليد بقلبه : اوووف كل يوم يزيد غلاها بقلبي شسوي ياربي بنت قويه ورقله ههههههه
مو عاجبني فيها الا رقالتهاا ..

انا: سرحت بوادي ثاني بس ماعجبني تصرفه شلون يتصل علينا وماعنده شي ضروري
بس بيسولف ليه كان يتوقع اني بقعد اسولف معااه بس يجنن يجنن صوته يمااا
اول مره اسمع صوت نفس صوته كله رجولي ويطلع من خشمه
<<< اللعن ام الوصف

دخلت البندري: عليها وتستهبل : شوووووووووقه
ما دريتي ..
انا: لا مادريت ..
البندري: لا يطوفك جدتي صابغه شعرها اسود ومركبه سنان هههههه لا يطوفك شكلها
انا: ههههههههههههههههههه من جدك

وقمت اركض تحت لغرفة جدتي بلحق عليها ..
انا: الله واكبر خربت جدتي من وراي تسوين تغيرات وش هالزين وش هالزين
جده شوفي ماعاد تروحين معي مكان اخاف الناس تنفتن فيك وتحطمين قلوب العذارى

جدتي: لا وهذا انا لابستن البرقع اجل لا فصخته وش بيصير ..؟.
انا: لا تكفين جدتي لا عاد تفصخينه تكفين بعدين اتعذب ...
الكل: هههههههههههههههههههههههههههههههههههه
انا: جدا توه ابو فلاح جارنا متصل بيخطبك موافقه
جدتي: لا انا بعرس على هذا شسمه اللي يطلع في التلفزيون يعلب كره
انا: امممممم رضا تكر
الكل: خخخخخخخخخخخخخخخخخخخخخخخخخ
جدتي: يهبي لا هذا المزيون ايه ذكرته احمد الدوخي
الكل: هههههههههههههههههههههههههههههههه
انا: اجل جده من زمان عاشقه وانا مدري الله لا يخرجناعايلتن فاسقه من كبيرهم
لي ورعهم عاشق
امي: من اللي عاشق
انا : شفيك مسكتيها علي اضحك يامره
امي: احسبه صحيح كنت بدوس في بطنك
انا: ياحسره هو فيه بطن
هند: مامي تكفين خلينا نطلع اليوم نتمشى لاعت كبدنا بس جالسين في البيت
امي: لالالالالالا مشغوله انا اليوم معزومه عند بيت خالتكم عنود
انا: وناسه بروح معاك
امي: لالالالا محد بيروح معاي عشان تفشلوني عزيمتها اليوم خصوصيه عازمه رفيجاتها وحمياتها وكلهم حريم كبار مافي بنات ..؟.؟.
انا: أي انتي روحي وحنا بنتمشى مع جدتي ..
امي: لا تطلعون من غيري
انا: مالنا شغل فيك
امي: اصلن الطلعه ماتسوى من غيري انا رايحه البس واكشخ
البندري: محد خاطبك
امي: والله لو اني بتزوج كان من مبطي تزوجت ماني ناطرتك

وراحت امي تكشخ هي وزوجة خالي عبير عشان بيروحون العشا
وانا وخواتي قررنا انا نروح نتمشى ...؟؟..

بعد مضي ساعتين ...؟.

انا: جداا خلصي علينا يالله
جدتي: انطري اقفل بيبان البيت
انا: ياعمي أي حرامي مقرود بيصرق بيتك ياخي الغرفه الوحيده اللي تستاهل تنصرق
فيها صندوق فيه مبخر وكيس حنه
جدتي: هالصندوق مب عاجبك هذا كان فيه مهري يوم اني خذيت جدك
انا: الله وكبر لالحين عايش هالصندوق لا اصلي
جدتي... جدك اللي سواه لي
انا: ليش جدي نجار
جدتي: لا من غلاي عنده راح سواه لي.
انا: ياعيني والله جدا انتي شي يبيله اليوم سهره فصفص ومطارة شاي وسوالفك انتي وجدي
جدتي: تخسين الا انتي اقولك سوالفنا امشي قدامي ..
انا: هيه جدا لا تدفين ترى رقيقه
جدتي: الرقه بعد امريكا عنك
انا: هههههههههههههههههههههه

وعقبها ركبنا السياره وجننا سايق جدتي سليم ...
كل شوي مغيرين مكان
طلعتنا وهو انجن اخر شي وقف سيارته وقال ماما وين يبي يروح

جدتي:: زين سويت فيهم سليم
والله عارف لكم

انا: سليم جواب نهائي روح مطعم ..
البندري: احذف اجابتين ..
جدتي: انشالله من اللي بيدفع
انا: عيب جدا عيب عازمتكم اليوم
جدتي: والله خايفه تسوين فيني مثل ذاك اليوم موديتي المطعم وبالاخير انا اللي دفعت الحساب
انا: لا هالمره بتدفع الحساب هند خخخخخخخخخخخخخخ
هند: لا والله أي شي ادفع الحساب لاقيه اكل انا اعشيكم مطعم سليم هونا رجعنا البيت
انا: يما يابخلكم خلاص سليم تدفع لنا ..
سليم: انا ودي كل فلوس هند ماكو فلوس
انا: أي صدقتك انا المهم شلون نبي مطعم جدا عاد يالله افتحي الخزينه وعشينا
جدتي: موافقه بس عشاكم مايتعدى 20 دينار
انا: 20 دينار اجل امشو نروح مطعم هندي يعشيكم ب10 دنادنير ليش وجيه مطاعم كشخه انتم
جدتي: أي ياحلو المطعم الهندي
سليم: في مطعم هزا واجد زين اكل واجد فلوس شويه
انا: ودنا له لا يطق بجدي عرق ..

ورحنا المطعم كان الدكوريشن راقي جدا والخدمه شي وكان المطعم مزدحم فيه ناس واجد
اخذينا لنا كبينه على عددنا 6
اول مادخلنا بديناها ضحك وعبط

انا: يالله بنات شتبون نطلب
هند: مايبله برياني ودجاج بصلصة الكاري واكلات هنديه
انا: ليه قايله لك بطلب لك قوزي اكيد بطلب برياني
نوره: تبون نظام كل واحد بروحه ولا نجيب وكل واحد يغرف بصحن
انا: لا شنو كل واحد بروحه لا نجيب وكل واحد ياخذ له بصحن
خمس دقايق
ويجينا هاك الهندي اللي مدهن قذلته ومشطها على جنب ومعاه نوته يكتب الطلبات

انا قلت بجنن فيه :
انا واطق عيوني حول ..
انا: صديق باسب شنو فيه اكل
هو: فيه منيو ما يشوف
انا: لا مايعرف يقرى عربي
هو: ههههه فيه كذا كذا وكذا
انا: عطنا ثنين شورما
هو: ههه مافي شورما
انا: اجل شحقه فاتحين مطعم
هو: في اكل هندي
البندري: يؤؤؤ خلصينا صديق شوف عطنا كذا وكذا وكذا
وعقبها اخذ منا المنيو وراح
هند: بعرف متى تعقلين
انا: انشالله عما قريب بيفتحون باب التسجيل وبسجل
نوره: ملاغاا
انا: شب بس
جدتي: يمال الغضر الللي يغضركم اسكتن فضحتنا بالناس اللي حولينا
انا: ياعمي حنا بكبينه محدن عارفنا
البندري: بنات اسكتوا اسمعوا شنو يقول اللي جنبا حق زوجته

وكلنا سكتنا وقمنا نسمع

هي: حياتي ليش ماتاكل
هو: اذا انتي تاكلين انا كني ماكل
انا: بصوت عالي: يمال الحريمه اكل تراها ماهي بنافعتك
هو: عن اللقافه وخليك بنفسك
كلنا: هههههههههههههههههههههههههههه
انا: احد كلمكم اللمهم جدا هاتي لنا من قصيد
جدتي: شايفتني دوانية النبط عندك وانا مدري وشعرفني بالقصيد
انا: والله الجلسه اللي تملل .
هيونه: وتدق الصحن : عاوزين ناكل عاوزين ناكل
هند: وتسكر حلقها بس فضحتينا

بعد ربع ساعه جانا الاكل وكلينا وشبعنا وقمنا روحنا لبيتنا
جدتي راحت رقدت وهند ونوره راحوا ينامون بعد
انا والبندري وهيونه رحنا السطح نلعب بالديارف ..

الساعه 12 بليل امي وخالتي عبير جو وقامو يقلون لنا وش شافوا من عجايب كشخة الحريم
وهذي شلابسه وعلانه وين مسويه مكياجها وعن اكل خالتكم <<< سوالف حريم ماتخلص

عقبها رحنا نرقد كلنا

التكمله بعد 2 رد و 2 تقيمـ و { كل عام و انتم بخير عيد سعيد }

اسفة اذا كنت ازعجتك يا ديووومه قلبي

تقبلي اسفي

الجزء (

قرب موعد عرس هنوده اختي ايه صح اقولكم بنت الحلال وافقت وملكت وبعد بكره عرسها
طبعا سبقها شهر نجهز لعرسها من دخله وفستانها ومياجها وذهبها ودراريع <<< يعني جهاز عروس

المهم

هند: تكلم الفلبينيه اللي تسوي لها تنضيفات .. أي عورتيني
الصالونه: مدام شنو يسوي لازم عور عشان يطلع زين
هند: انا هلحين مدام انا عروس
انا: شفيك منتي مصدقه انك عروس خخخخخخخ
البندري: وهي جايه لابسه ثوبها شرايكم بالثوب مضبوط علي ولا يبي له تعديلات
انا: بنظره تمحيص وتقحيص: لا شكلك تووووووب مايبله شي
هند: بس احس ناقصه شي
البندري: شناقصه

هند: اممممممم لالا خلاص مع الكياج والاكسسوار والتسريحه بتطلعين شي
البندري: اشووووه
هند: نوره ماجابت ثوبي من المصمم
انا: اول كلمتها تقول بالطريق بس راحت تأكد على راعي المسكه والدخله
هند: اها والله خايفه احس بيصير شي بالعرس
انا: لا انشالله كل شي جاهز اجهازك امي وخالتي راحو يودونه لبيتك
وثوبك جاي بالطريق والمسكه والدخله راحت تأكد الحجز ما ناقصك شي

هند: امبلاا اتصلتي على الصالون اكدتي حجزي عندهم
انا: ايه من الصبح وانا متصله
هند: الحمد لله واليوم بعد اخر جلسه لي تجهيز عروس واخلص
انا: زين بس شوفي ابيها تنقش لي حنه

هند: قولي لها ماهي قايله شي
انا: انا بروح ازيت شعري عشان يطلع مضبوط بالعرس
هند: هههههههه اوكي نادي البندري بعد اذا تبي شي منها
انا: اوكيكو

ورحت اجيب زيت واحطه بشعري وانادي البندري تضبط روحهاا

وعقب ماخلصنا من الصالونه راحت تقيس هند ثوبها طالع خيال عليهاا ..؟..

يوم العرس

اليوم العرس رحنا الصالون وانقسمنا قسمين اللي مع العروس واللي مع امي

انا ونوره والبندري مع العروس لانا بندخل معاها
واما امي وخالاتي وهيونه راحو صالون ثاني عشان يحظرون العرس من اوله

صارت: لنا قصه بالصالون الاخت اضربت عن الطعام وكل شوي تبي الحمام
وجتها حاله هستريا من البكا وطبعا انا ميته ضحك
وطقيت صحبه مع نص اللي بالصالون كان هو صالون عرايس فيه حوالي 15 عروس

دخلت اختنا العاروس تحط مكياج وعقبها لبسة ثوبها وسوت تسريحتهاا وحنا طبعا بعد رحنا حطينا مكياجنا وسوينا تسريحاتنا ورحنا صورنا لان المصوره من الصبح تنطر اختي

كانت هيونه تجنن مو طبيعيه ..

ثوبها سكري مو نفاش كان خصر واطي ومن تحت خامات مقطعه تختلط الوانها بين الابيض والذهبي وكانت بينهم ورد احمر جوري طبيعي ..؟..

واما عن اللي فوق فكان كت وكان الظهر شفاف عليه لمعه وغيوط مربطه نازل منها اكرستالات لونها ابيض واحمر

وماكانت لابسه طرحه لفتها على رقبتها وخلت الباقي منها يلتف على ايدهاا ولبست فوقها اكسوار لولو ونزلته على ايدها

واما مكياجها فكان الخطه من الاذن لي الاذن كان حيل ثقيل وشعرها رافعته كله ومركبه عليه لولو مع قبعه فخمه

اما مسكتها فكانت جدا كلاسكيه ورد احمر جوري ملفوف بشال عليه لولو

ولابسه تراجي لبنانيه فخمه حيل
اغنت عن العقد

اما انا لابسه ثوب اصفر مع عباد شمس ثوبي جدا بسيط
اللي محليه حركات اللي عليه
ورد تباع الشمس على كبرها على جنب خصري ونازل منها خامات وسلاسل
ولافه شال على شعري مثل الطرحه
وكنت مسوي شعري ديرتي ومكياجي كان ثقيل بعد

اما نوره فكانت لابسه ثوب لونه اخضر فيه كم واحد على ايدها اليسار كمها كان متقطع
ثوبها قصير من قدام وطويل من ورى
ثوبها كان نظام حديقه فيه حمام وفراش بس هالحركات ورى ثوبها اما قدام
فكان اغصان وعليها فرشات صغيره مع ورود حلوه

كانت قاصه شعرها مدرجات فاماسوت تسريحه لان قصتها ماتحتاج
شي ومكياجها ناعم حيل لانها تحب النعومه ..؟.؟..

والبندري: لابسه ساري هندي لونه سماوي بس كان جنان اصلي ومضبوط
حطت لها خزامه ووصلتها لين اذنها واكسسوار هندي على شعرها

وطبعا انقشت ايدها نقش هندي روعه ..؟.؟.

عقب ماخلصنا تصوير وصل اللموزين اللي كنا طالبنها للعروس
واول مانزلنا استقبلوها بزفه مصريه وعقبها ركبنا اللموزين
ورحنا للصاله

دخلت على اغنيه طالبينها يغنيها يوسف العماني وعقبها اغنيتين لخوات العروس
وعقبها جاء المعرس اخذ عروسته بس من كثر الحيا ماقدر يرفع عينه يطالع زوجته
كان الموقف ربكه

وطلعوا من الصاله وحنا تمينا نرقص ونستهبل وعقبها خلص العرس ورحنا البيت

فراشة وردية / لا اختي ما زعلت ولا شي و اكيد اقبل اسفك

رجــآآآء اللي يتابعوون خلف الكواليس يردوون عشان اكمل البارت الجــآي

شكرا يا عسسسسسل

كملي كملي ارجووووووكــ؟!؟!؟ [ندعوك للتسجيل في المنتدى أو التعريف بنفسك لمعاينة هذه الصورة] وجااااااري التقييم+

الجزء (9)

انا: واطيح على السرير شتتوقعون هند تسوي اللحين
نوره: شتسوي باجر تتزوجين وتعرفين
انا: ايه امين
البندري: ياقلبي عليها اليوم تعبانه كم صار لها ما نامت شكلها اليوم وجهاا متصفق
ولا زوجها المسكين
يتبلعم وتقول داش اختبار فيزياء
انا: ههههههههههههههههههه لا والله مو امتحان فيزياء امتحان دنيا اليوم يتحدد المصير يالبيض يالسود
نوره: وجع انشالله استحي يابت
انا: وش قلت هذا شرع ربي ياربي دخيلك
امي: بلا هبال نامو احسن لكم وفكونا من صجتكم تراي تعبانه مرره
انا: أي والله يبيلي نومه مدة 3 ايام كتعويض
البندري: ياحظي نامي نامت عليك طوفه

بعدها رحنا نمنا
.................................................. ........

صوت المنبه

قمت بتثاقل : يؤؤؤؤ من داق علي هلحين الساعه كم 6 الصبح حسبي عليك

وليد: نـــــعم ..بصوت واحد نايم
متعب : نعامه ترفسك وينك فيه اللحين
وليد: شتبي الاخ زوجتي مالك شغل انا وين
متعب: قول بسرعه في البيت جايك اللحين انا
وليد: الله لا يحيك في احد يجي الساعه 6 الصبح
متعب: أي انا قوم سوي لي فطور جوعان حدي
وليد: يا اخي روح المطعم انا بنام شوي الساعه 9 وراي شغل مالي نفس لك
متعب: والله منت رجال يارخمه اللحين بجيك وتطردني
وليد: من قال بصير رجال مع السلامه

سكر التلفون بوجهه وضحك وحط سايلنت لانه عارف متعب ماراح يخليه لحاله

..........................

متعب ولد عمي صالح يتيم ماعنده احد يروح له
ابوه عايش بس متزوج ومرت ابووه اقشرانيه ماتحبه ان جاء البيت تطرده
عشاان كذا هو عايش بشقه مع ثنين من ربعه عزابيه ويشتغل مع وليد بشركته
وعلى فكره هو اخو سلطان زوج هند ...؟.؟...

............................

وليد ماقدر ينام وتحسف انه سكر التلفون بوجهه متعب رفع التلفون بيتصل على متعب
ولا يلاقي مكالمتين لم يرد عليها ورساله..

قرى الرساله وضحك ودق على متعب..؟..

متعب: نعــــــم من غير نفس
وليد: تريقت
متعب: ايه شعليك انت
وليد: تطلع معاي نتريق
متعب: لا طالع مع ربعي
وليد:ههههههه اوكي يامال العافيه جيبو لي معاكم
متعب: معصي اجيب لك شي
وليد: ياولد كبر عقلك ولا تصير حريمه زعول وجيب لي معاكم 2 فلافل
متعب: انزين امش معانا حنا الحين طالعين اجهز على مانجيك
وليد: من معاك
متعب: في غيرهم عيد وسعد
وليد:خخخخخخخخخ شلون عيد عقب الدقه اللي سويتوها فيه
متعب: اسكت لو تشوف شكله من الخوف بس يتلفت قلت له انا اللي داق عليك يقول كذاب
وليد:ههههههههههههههههههههههههههههههههههههههههه
متعب: هههه نمرك ابو خالد
وليد: هااااه يالله مروني بس لازم الساعه 8 ونص انا بالبيت
متعب: تامر امر
وليد: يالله اقلب وجهك
متعب: أي صفحه

وسكر التلفون منه

جلس وليد مايقارب خمس دقايق على سريره وعقبها قام راح للحمام اللي بغرفته غسل وجهه
وتسبح ولبس له بدله عاديه وطلع لانه بيتريق ويرجع

وهو نازل حصل اخته الاصغيره سارا جالسه قبال الاب توب وتلعب

وليد: وانتي من امس على الاب توب
سارا: شاسوي ماعندي شي اسويه... وتطالعه بنظرات زعلانه .. الاخ ماراح يسفرني
وليد: خلاص ابشري بكنسل اقامتك وسفرك
سارا: تضحك علي انت
وليد: انزين وين شابكه أي موقع
سارا: داخله مواقع صور ومنتداي اشارك فيه
وليد: وانشالله منتدى مختلط
سارا: لا انشالله وانا اقدر منتدى نسائي
وليد: انزين بطلي ايميلك ماشفته الاسبوع هذا
سارا: شنو مافي ثقه
وليد: يعني اللحين اذا خفت عليك ماكو ثقه انتي
عارفه من قبل لا نشتري الاب توب شنو شروطي مواقع محدده تدخلينها لاغير وايميلك كل يوم اشوفه وماتضيفين وحده لا لما تقولين لي
سارا: بضيقه هاك شوفه
وليد: عفيه على اختي لو اني ماخاف عليك كان ماقعت وراك اشوف كان عادي عندي
انتي اختي جوهرتي بنتي صح
سارا: ايه صح
وليد: خلاص لعيونك بنسافر ةاختاري المكان اللي تبينه
سارا: صج أي مكان
وليد: أي مكان يالله انا طالع تبون شي ناقصك شي
سارا: أي ابي فلوس
وليد: مو قبل امس معطيك وين وديتيهم ترى هالايام صايره مسرفه
سارا: شسوي شريت لي بدله فيها وخلصت فلوسي واليوم بروح المدينه مع بنات عمي وماعندي فلوس
وليد: ليش ماقلتي لي انك بتروحين المدينه
سارا: كاني قلت لك
وليد: يعني لو كان عندك فلوس كان ماقلتي لي
سارا: يؤؤؤ لاتكبر الموضوع بتعطيني ولا لأ
وليد: بعطيك والله بلشه غير فلوسك من الدوله 200 دينار مناشبتني بعد
سارا: 200 دينار تكفي شي اصلن راحت على تراجي شريتها
وليد: مبطل عينه تراكي 200 دينار الله واكبر شصاير بالعالم
سارا: انت ماتعرف شي هذي سوالف حريم
وليد: تلوموني يوم ابي لي وحده راعيه غنم يالله انا طالع

وراح وليد مع ربعه يتريقون بأحد هالمطاعم

.................................................. ......

في بيت ام هند

هند: بنات يالله قوموا بسافر اللحين
انا: ماتشوفين شر
هند: هين ماراح اجيب لكم معاي صوغه
وقمنا كلنا على حيلنا سلمنا على هنوده اللي جات تسلم علينا وبتسافر

لماليزيا ديرة العرساان

بعدها ماجاني نوم رحت جلست بالصاله اتريق واطالع لي مسلسل

امي: داخله علي: شواقه شوفي شنو معاي
انا: وااااااااو متى جبتي الليسن
امي: توني اليوم طلعته
انا: خالي معاك
امي: يب تدرين خالتك بتسافر بكره
انا: وين
امي: بتروح لسويسرا وباريس
انا: اشلع شعندها
امي: رجالها عنده شغل هناك فقالت بتسافر معاه
انا: وخالي ماراح يسافر هالسنه
امي: امبلا بيسافر سعوديه بيروحون عمره وجوله على مناطق سعوديه وهم بيروحون عند اهل امي برياض
انا: الله السنه هذي بتروح جدتي الرياض تكفين خلونا نروح معاهم
امي: لا ماقدر نروح اولا اختك نوره عندها معهدها وثانيا ماعندي فلوس حق السفره اعرفكم كل شي تبونه السنه الجايه انشالله
انا: يما بروح عمره تكفين
امي: توك جايه من لندن قبل شهر ماشبعتي
انا: ليش هو اكل عشان اشبع مابي بروح
امي: قولي مني لين باكر مافي روحه

وراحت امي تطبخ الغداا وبعدها قامت البندري وانسدحت بالغنفه اللي قدامي
كنت اجننها اقط عليها المخده وبطل الصحه ابيها تقوم

البندري: يؤؤؤؤؤؤؤؤؤؤؤؤ ملاغه
انا: شب قومي يالله يابقره عندي لك سالفه
البندري: تقوم شنو
انا: ماراح اقول لين تسوين لي عصير
البندري: قولي يالله
انا: لا لا روحي جيبي لي عصير
البندري: اوووووووووووووف وراحت تجيب لي عصير

انا: مشكوورره السالفه تقول ماعندي سالفه
البندري: وتقوم نتاخذ مني العصير ياحماره عطينياه
طبعا العصير انكت كله على الزوليه
وامي بغت تموت وعقابا لي رحت مسحته ..؟..
انا: امسح الفرشه واسولف على نوره والبندري : تدرون ان خالي وخالتي بسافرون
نوره: ندري
انا: وتدرون ان المدرسه باقي عليها شهر واحد
البندري: يابقره ليش تذكريني
انا: يالله باقي لي سنه وافتك
امي: من شنو تفتكين
انا: من الدراسه
امي: خير انشالله ليش
انا: بس اخر سنه ولا بعد تبيني اكمل وبدخل انشالله الجيش
امي: الله يوفقك يارب
انا: هيه امي موافقه ادخل الجيش خخخخخخخخ
البندري: مالت عليك انا ببرد قلب امي وبدخل الهندسه وارفع راسها مو مثلكم
امي: أي بنتي قلبي تبي ترفع راسي مو بعض الناس

.................................................. ..........

وليد: ياولد تكفا وقف
متعب: نيهااهاهاهاي ماكو
وليد: لا تبعد عن البيت وراي مراجعه مهمه
متعب: خلاص بوقفك هنا
وليد: من صجك ياولد بعيد البيت عني انا خبل اللي رحت معاكم
متعب: خخخخخخخخخ
سعد: اجل تخطط تسوي لعيد دقه ومانسوي لك مايصير
عيد: هالله هالله يقول الشاعر الباكستاني كما تدين تدان .
متعب: يوقف السياره يالله انزل
وليد: من صجك حرك ابرك لك
سعد : ويفتح الباب وعيد يدز وليد لين طاح

وليد: ونزل بوسط الشارع

وطبعا متعب والشباب حركو ويلتفتون على وليد وهم ميتين ضحك.

وليد واقف بشارع والشمس طاقته وهو يتوعد ويتحلف بالشباب مايخليهم لحالهم
بعد مرور نص ساعه مر من قدامه تاكسي
وقفه وركب معاه وقاله يروح بيته

ولما وصل راح يركض يلبس ملابسه
لبس دشداشه و غتره وقام يركض بيلحق على الاجتماع.

وركب سياره وداس العداد حده وصل الشركه حتى ماصفط سيارته قط المفتاح على الحارس وراح يركض لقاعة الاجتماعات

يطالع بالساعه صار لهم ربع ساعه بادين ..؟..

دخل القاعه ..

وليد: اسف على التأخير بس سيارتي كانت مبنشره
متعب: لا عادي كان داق علي امرك
وليد: ويطالعه بنظره ماراح اخليك : لا مابغيت اتعبك
ابو محمد : نبدي الاجتماع
وليد: ابدي يابومحمد

وبدوا يتكلمون في المناقصات ومن خرابيطهم ..

بعد ساعتين خلص الاجتماع ..

وراح وليد مكتبه وقال لسكرتيره ..لا تدخلين احد علي واولهم متعب
السكرتيره رويدا : بس استاذ وليد استاذ متعب مابيرد علي
وليد ويلف عليها : والله اذا دخل مخصوم منك دبري روحك ويسكر الباب وراه

السكرتيره رويدا: أي انشالله تؤبرني يختي على هالطول والرجوله ااه لو بس بيكلمني مابيعديني وش يا امي لحأي علي ابل ماموت

وليد ويكلمها بالانتركوم : رويدا اطلبي لي شاي .
رويدا: امرك امر استاذ وليد

وليد وهو يقعد على الكرسي ويتنهد يفتح ازرار دشداشته اللي فوق ويقط غترته وعقاله
ويلعب بشعره

مسك تلفونه وطلب رقم لكن قبل لا يتصل ضحك وقال : شمسويه فيني انتي
وعقبها قطعت عليه حبل افكاره رويدا والشاي

وليد معصب : انا كم مره قايل لك انك انتي ماتدخلين علي الشاي وين عبدالرحمن
رويدا: أأأأ نسيت ومافيها شي
وليد: حطي الشاي وتوكلي على الله

ويدخل متعب: افا شفيك انت على هالاموره
رويدا: وتبتسم .. يخللي ياك وطلعت من الغرفه
وليد: اذا تبي روحك توكل على الله لاني واصل خشمي توكل على الله مالي نفس اشوفك
متعب: ياعيني انت ياللي واصل خشمك ههههههههههههه
وليد: متعب وانا اخوك تعرف الباب
متعب: تبيني ادليك اياه
وليد: لا ابيك تقضبه
متعب: ويقوم خلاص كفايه اهانات انتهينا انتهينا
وليد: ماتشوف شر ... وهو يلعب بالتلفون حقه
متعب: المهم اليوم في عشاء عند ابوي حياك الله
وليد: انت بتكون هناك
متعب: طبعا
وليد: ماني جاي
متعب: ابرك وفرت عشاء
وليد: ههه اوكي أي ماقلت لك
متعب: شنو
وليد: يمكن اسافر
متعب: وين انشالله
وليد: مدري خلي الغاليه تحدد واسافر تخاوينا
متعب: منو سويره هالنزغه بتسافر لا ماروح
وليد: ليش تحط عقلك عقل بنت عمرها 12 سنه جاهل تراها لالحينها ورعه تصدق لالحين تلعب بعرايس
متعب: خخخخخخخخخخخخخ اجل بمسكها عليها اوكي اسافر بس على شرط
وليد: احمد ربك باخذك معانا
متعب: الحمد لله بس ودي نسافر دزني لاند هالسنه
وليد: بقول لها واشوف ..
متعب: ليش تقول لها تحمد ربها ياعمي شوري عليك خلها تولي وانا وياك نسافر احلى سفره مع عيد وسعد نروح اسبانيا
وليد: ياعمي نفس السنه اللي طافت فضحتوا فينا لا توبه اسافر معكم
متعب: بذمتك ماكانت وناسه
وليد: ألا بس خثا المهم اقلب وجهك وراي معاملات بخلصها
متعب: والله متعب روحك انت ياعمي انت صاحب هالشركه وتخلص معاملات عطها واحد من اللي يشتغلون عندك وفك عمرك المهم انا طالع مع السلامه
وليد: باللي مايحفظه
متعب: هههههههههههههه مردوده

راح اخذ وليد التلفون وقام يتصل بالرقم وطلعت له بنت صغيرونه ..؟..

البنت: ألووووو منو يتكلم
وليد: هههه هلا هيونه شلونك
هيونه: امممم يما شعرفك اني هيونه
وليد: لاني ساحر خخخخخ
هيونه: مامي شواقه في ساحر بالتلفون
شوق: قولي له يسوي عمل يخلي امي تخلينا نسافر
هيونه: شواقه تقول لك سوي لها عمل تخلي امي توافق انا حنا نسافر
وليد: قولي لها اقضبي ارضك احسن
هيونه: يقول اقضبي ارضك احسن
شوق: منو هذا
هيونه: منو انت
وليد: اممممم قولي منو انا
هيونه: امممممم سلطانوه
وليد: لالالا عطيني شوقي
هيونه : شواقه تعالي كلميه
شوق: نعم من معاي
وليد: هلا بالصوت
انا: وقف قلبي عرفت هالصوت قام يتصبصب العرق من اسفل ظهري: من معاي << على بوني ماعرفه عبط بنات
وليد: اهااا ماعرفتيني يالله ماكو شكال نقول انا الاشقر المزيون
انا: خخخخخخخخخ لالحينك ذاكر شتبي ياشقر
وليد: لا بس كذا داق اتطمن عليك
انا: اها بخير بغيت شي
وليد: بعرف انتي شفيك كل ماكلمتك صرفتيني
انا: لان عيب اكلم رجال وبعدين شتبيني اقول لك ياحبيبي
وليد: لا قولي حياتي
انا: اقلب وجهك زين بسكر التلفون ولا عاد تتصل ترى قسم بالله بقول لبوي
وليد: اهاا قولي لبوك وانا بسبقه بقول هي تقول لي اشقر ومزيون
انا: انا قلته متى ياكذاب
وليد: يوم كنتي بلندن
انا: اصلن ماعرفك منو معااي
وليد: ههههههههههههههههههههه بدينا
انا: الو الو الصوت يقطع ما اسمعك يؤؤ باااااي <<<< سكرت السماعه بوجهه

ااه حسيت سكرت قلبي معااه << هذي شوقه

وليد: خخخخخخخخخخخخخخخخخخخخخخ والله خبله ورقله وو مالكه قلبي
ياما انذلوا تحت رجلي بنات بس عشان اكلمهم وهذي اللي ماقدرت لها

كمللللللللللي كملي وجاااااااااااري التقييم+

يسلمووو

يسلمووو

كملي ارجووووووووكي

» روآيــه :- قلبي مــآت { مضحكـه جدآ و للغــآيـه }
» روآيه لـ طيور آلجنه / بعنوآن/ خآنني ورآح لغيري حسآفه ليتني مآ حبيتك/ للكـآتبـآت البمدعـآت محبه عبـ السلام ـد ™ و.. بنوته وحيـآتهآ توته روـآيتنآ الاولى..
» سجل حضورك بإسم روآيه أو قصه تحبها
» سجل حضورك بإسم روآيه أو قصه تحبها
» روآيه احلى صدفه بحيآتي ♡