قامت رويدا من النوم ناظرت في فستانها اللي تقطع وخرب من امس وهي في الحاله الجنونية التفتت شافت هتاف نزلت من السرير وانصدمت بشكل الغرفة القزاز طايح في كل مكان والمرايا مكسورة راحت للدولاب طلعت لها سكيني اسود وتيشيرت فوشيا ودخلت الحمام >> الله يكرمكم أخذت شور سريع ولبست ملابسها وطلعت نزلت لمستوى الأرض وجلست تشيل العطور اللي موجودات على الأرض شوي حست بألم بظهرها طلعت منها صرخة صغيرة وقصيرة وزاد الألم انسدحت على الأرض وهي تتلوى من الألم وفجأة حست بنفس السكين تدخل بظهرها صرخت بأقوى ما عندها من الألم
فزت هتاف بخوف من صرختها قربت منها : رويدا حبيبتي فيك شيء ؟؟
رويدا : هـ...ت..اف ظهري
سندتها هتاف وسدحتها على السرير : الحين وش فيك ؟؟
رويدا : أنا حامل
سكتت هتاف من صدمتها وبعد سكوت مر دقائق : أيييييييييش ؟ حامل (( ووقفت وهي تسحب يد رويدا )) تعالي نقول لوليد أكيد راح يفرح ويغير رأيه عن الزواج
رويدا بسرعة : لاااااا لا تقولين له
هتاف حطت يدها على قلبها : ليكون مو ابوه
ناظرتها رويدا بحدة : طبعا أبوه
جلست هتاف على طرف السرير : أوه أسفة رويدا بس ليش ما تبغين تعلمينه ؟؟
رويدا ناظرتها بحزن : لأنه راح يقولي نزلي البيبي وبعدين ما راح تتغير نظرته بالزواج وليد يبغى يتزوج لمار وحط العذر أني أنا ما أجيب عيال
هتاف : طيب شوفي يعني مثلا جربي تقولين له وشوفي ردة فعله
نزلت رويدا من السرير وهي تقول : مدري افكر
هتاف : وين رايحة ؟؟
رويدا بألم ؛ للدكتور بشوف البيبي فيه شيء الألم مو طبيعي
هتاف فزت بفرحة : الاااه وناسة راح أصير عمه
رويدا وهي تلبس عبايتها : هتو ممكن تجين معي وربي احس أني راح أدوخ
قامت هتاف ولبست عبايتها وأسندت رويدا وطلعوا نزلوا مع الدرج ومروا من عند الصالة
.........: وين رايحين ؟؟
التفتت هتاف ورويدا وشهقت هتاف : ولييد
ناظرته رويدا بحزن وألم وبعدين نزلت عيونها
ورفعت عيونها وتغيرت 180 درجة عن رويدا اللي قبل ناظرته بعين قوية وقالت :رايحين على اللي رايحين له انت وش دخلك ؟؟ ( وسحبت هتاف وطلعت))
جلس وليد بصدمة من تصرفها بعدين طلع
في أراضي لندن
في المستشفى
دخلت أميره غرفة شوق : شوقا الدكتور يقول راح تطلعين اليوم
شوق بفرحة : جد راح اطلع اليوم
أميرة : إيه
شوق : طيب والجبس اللي بيدي
أميرة : أكيد راح تراجعينهم
شوق : طيب راح أريح شوي
أميرة وهي تطلع : احبك شوقا
شوق ابتسمت : وانا اكثر
في مكان اخر
جالسين في مطعم
جوه مرررة رومنسي
ينبثق منه صوت موسيقى كلاسيكية هادية راقية
بنت لابسة الفستان الأحمر الطويل الراقي اما الشاب فلابس البدلة الرسمية الخاصة بالأماكن الراقية
جالس هناك
بطلين من أبطالنا
تركي ووتين
تركي : وتين أنا احبك
وتين سكتت مستحية
تركي : يالبى المستحيين ..... وتين وش فيك الفترة اللي راحت ؟؟ أسف على التدخل بس جد أنصدمت منك
تغير وجهه وتين وراحت الأبتسامة اللي كانت مرسومة على وجهها وبكذب : سوري بس ماما وبابا شوي تزاعلوا
تركي بتفهم : لا أن شاء الله يتفاهموا انتي لا تضيقين صدرك حياتي
وتين : طيب حبيبي نعست يلا نطلع
تركي أبتسم : يلا
نرجع للسعودية
في المستشفى
الدكتورة : لازم تهتمين بنفسك الشهور الأولى من الشهور المتعبة عشان كذا أهتمي بنفسك زين ونامي وأنتي مرتاحة وكولي وأشرب الحليب ترى مرررة زين للحمل راح أعطيك هذا الكتاب وشوفي النصائح وأمشي فيهم زين
رويدا والدموع تجمعت بعيونها : طيب البيبي بخير
الدكتورة : إيه الحمد لله
طلعوا رويدا وهتاف من غرفة الدكتورة
هتاف : اسمعي كلام الدكتورة وأهتمي بنفسك
رويدا : أن شاء الله
هتاف : اذا جبتي بنت وش راح تسمينها ؟؟
رويدا : مدري ما فكرت بس احس حلو اسم امل او غلا
هتاف : لااااااا توقعتك تقولي اسميها هتاف
ضحكت رويدا لكن سرعان ما أختفت الأبتسامة ورسم على وجهها علامات الحزن والصدمة
هتاف : رودي وش فيك ؟؟
وناظرت هتاف لوين ما تناظر وشافت اكبر صدمة
وليد مع لمار
هتاف : هذي لمار ؟؟
هزت راسها رويدا ودموعها على خدها
هتاف سحبت رويدا وطلعوا
عند وليد ولمار
لمار : حبيبي متى تطلع التحاليل ؟
وليد : بس خمس دقائق وتطلع
لمار بخبث : ما تفكر تطلق رويدا
وليد : مدري أفكر
النيرس : انتوا هذا نتيجة تحليل ( ومدت لهم ظرف )
فتحه وليد وشاف النتيجة متطابقة
لمار : واو أشوى
وليد أبتسم : الحمد لله يلا روحي تجهزي حبيبتي عشان الليلة ليلتنا بعد الملكة راح يجمعنا سقف واحد
لمار بدلع : هههههههه حبيبي بس لا تنسى ترسلي كوفيرة اوك راح يعجبك فستاني تشااو حوبي
وليد تنهد : الله يصبرني لليل
وراح للقصر
في القصر
في غرفة رويدا
هتاف : لازم تحظرين الملكة وتكونين قوية وتسوين نفسك مبسووطة أولي >> قوي >> مررة
رويدا بتفكير : طيب وش البس الفستان اللي ارسله وليد خرب وش ألبس ؟؟
هتاف : سهلة تعالي معي لدولابك أكيد عندك ملابس حلوة
وراحت هتاف لدولاب رويدا وطلعت لها فستان الى تحت الركبة لونه أسود ماسك الجسم ومفتوح من عند الصدر ماله أكمام
هتاف : واو هذا راقي ألبسيه والحين تجي الكوفيرة وتسوي لك ميك أب وشعرك خليه ستريت وتطلعين راقية وكشخة
رويدا : اوك راح ألبسه
انفتح الباب بقوة وبعربجية طبعا من اللي فتحه
ريم
رويدا : يا حمارة هبلتيني ما تعرفين تفتحين الباب بنعومة بأنوثة
ريم : اقول بلا نعومة بلا هم الكوفيرة جت وأمي تحت تحوس والخدمات كأنهم نمل الله يعين
هتاف : رودي بسرعة ترى شوي يأذن المغرب
ولا تخافين مو جايين كثير بس صحبات ماما وخالاتي حتى بنات خالاتي مو جايين
رويدا : اوك نادي الكوفيره
دخلت الكوفيره غرفة رويدا : لك شو قمر كيفك يا عسل ؟؟
رويدا ببتسامة : الحمد لله وانتي ؟؟
الكوفيره : منيحة يلا نبدأ
رويدا : اوك سوي لي ميك أب ناعم وشعري سويه ستريت
الكوفيرة : لك تؤمري أمر راح أخليك ملكة الحفلة
وبدأت الكوفيرة بالشغل
رويدا وكأنها تذكرت شيء: هتو ممكن جوالك ؟؟
ريم : لييش؟؟
رويدا : الظاهر قلت هتاف ما قلت ريم بس راح أشبع فضولك وأقولك انه بكلم صديقتي اللي في لندن
هتاف : وليش ما تكلمينها من جوالك ؟؟
رويدا : مافيه رصيد
هتاف تمد لها الجوال : خوذي بس مو تطولين ويخلص رصيدي
رويدا : هههههههه طيب
كتبت رويدا رقم شوق ودقت عليها
شوق : الوو
رويدا تجمعت الدموع بعيونها لما سمعت صوتها : هلا شوقا أنا رويدا أخبارك وحشتيني
سكتت شوقا وهي منصدمة : باي رويدا
رويدا : شوقا سامحني لو تدرين .......
قاطعتها شوق : باي باي رويدا
رويدا ودموعها تنزل : شوق لا تضغطيني شوق وليد اليوم راح يتزوج لمار
سكتت شوق وسكرت الخط بهدوء
وإنفتح الباب ودخل عبد الله : هلا شوق أخبارك ؟؟
شوق : وليد راح يتزوج لمار اليووم
عبد الله سكت شوي بعدين بفرح : طلق رويدا
شوق : فال الله ولا فالك يا دلخ
عبد الله يحك راسه : إيه والله أني دلخ
شوق : توك تدري يلا انقلع أبغى اقعد لوحدي
عبد الله وهو يتجهه للباب : باي
طلع عبد الله
وأنفتح الباب من جديد
فيصل : شوق
شوق التفتت وناظرته وأبتسمت بحب : لبيه
فيصل بجد : شوق بصراحة اما افكر لما أخطبك
شوق سكتت مستحية
فيصل : يالبى المستحين ..... راح أخليك تفكرين راح أطلع باي
شوق : باي
شوق (( الله يصلحك يا فيصل ما جيت تعلمني الى اليوم الحين أفكر فيك ولا في رويدا الله يعين ))
في أرض السعودية
بعد ساعتين
في قصر أبو وليد
الصالة ممتلئة بالحريم الكبار والصالة المقابلة موجود فيهم كم بنت ومنهم هتاف وريم
نزلت رويدا من الدرج لابسة الفستان الفوشيا الماسك على جسمها وشعرها القصير من جهه قصير ومن جهه طويل لونه البني ستريت ووجهها وبياضها الطبيعي على عيونها الضل الأسود وبلشر وردي وروج فوشيا ساطع كانت ملكة جمال وكل من شافها قال ( ما شاء الله ، الله يحفظها ، ملكة جمال ، بنت مين ، اخطبيها ، ليتي ما زوجت وليدي عشان ازوجه هذي )
دخلت صالة الحريم بمشيتها الراقية وثقت نفسها وبدأت تسلم على الحريم
بالباب الخلفي
لمار تكلم وليد بالجوال : وليد أنا بالباب الخلفي قول لوحدة من خواتك تجي تساعدني أنا مخلصة لابسة كل شيء بس اطلع
وليد : طيب يلا جتك اختي الصغيرة ريم
لمار : اوك يلا
سكر وليد وكلم ريم وقالها تروح للباب الخلفي
راحت ريم الباب الخلفي وفتحت للمار دخلت لمار وطبعا ولأول مررة لمار لابسة عباية طبعا مو من نفسها وليد أصر عليها تلبس فكت حجابها وريم اول ما شافت وجهها كشرت كانت كابه كل الميك أب على وجهها
ريم وهي مكشرة : وعععع مو مكياج بوية >> صبغة
لمار بدلع : أف انتي وش دراكي عن الميك أب
ريم : بسرعة أخلصي علينا عشان تطلعين للحريم >> وطلعت
اما لمار فجلست تجهز نفسها
عند الحريم
ام وليد وهي مستحية : هذي رويدا زوجة وليد الأولى
تجمعت الدموع بعيون رويدا وهي تشوف الناس تتغير نظراتهم من الإنبهار الى الرحمة وبعضهم الحقد وبعضهم الإستحقار وبعضهم الإنبهار بقوة رويدا وأنها جاية تحظر ملكة زوجها وبدأ الحريم يتساسرون بينهم
طلعت رويدا من صالة الحريم بإنزعاج وراحت لصالة البنات سلمت على البنات وجلست جنب هتاف
هتاف : ترى جت لماروه
رويدا : طيب
وكملوا سوالف
بعد ساعة
وقفت ام وليد : ابشركم توها وقعت العروس وملكوا
سكتت رويدا وهي الحين متأكدة ان اللي يصير مو حلم حقيقة وان وليد صار لغيرها من لها لحالها نزلت منها دمعة بهدوء لكن بسرعة مسحتها قبل لا ينتبه احد لكن على مين انتبهت هتاف وقربت منها وهمست : خليك قوية
ام وليد : والحين راح يدخل الزوج والزوجة
طفوا النور وتسلط نور على اول المنصة وانفتح الباب وخرج منه وليد ولمار وهنا نزلت دموع رويدا وهي بين الحظور طبعا من دون عباية وصلوا لأخر المنصة وقف وليد قدام لمار وباس جبينها وجلسوا تقدموا الحريم بعباياتهم يسلمون عليهم ويباركون لهم لما ابتعدوا جيش الحريم قربوا هتاف وريم وسلموا على وليد وعلى لمار بس عشان الناس جاء وقت رويدا تجي تسلم وتبارك صعدت رويدا المنصة برشاقتها وجمالها تقدمت لوليد وهي تحبس دمعاتها وترسم على وجهها ابتسامة مصطنعة قربت من وليد ومدت يدها : مبروك وليد منك المال ومنها العيال
وراحت للمار وسلمت عليها : مبروك لمار
ووقفت جنب هتاف
قربت هتاف من رويدا وهمست : عجبتيني هذي رويدا القوية ولا بلاش
لبسوا الشبكة واستأذنوا وليد ولمار وصعدوا لغرفهم
اما رويدا فصعدت لغرفتها
وهتاف جلست مع الحريم
في غرفة العروسين
لمار ووليد جالسين على طرف السرير
طبعا لمار فاسخة الحيا
لمار : وليد أقولك شيء بس ما تزعل
وليد بهيام : قولي يا بعدي
لمار : ماما ما عندها قضية ولا شيء بس أنا حبيت اكذب عليك عشان تتزوجني
وقف وليد بعصبية : لماار يعني كل هذا كذب
لمار : إيه >> شين وقوة عين
وليد : لما تعرفين خطأك وتعتذرين قوليلي وطلع من الغرفة
وهو متجه لغرفة
رويدا
فتح الباب شاف رويدا جالسة على السرير وتقرأ كتاب >>> طبعا وشو الكتاب كتاب نصائح الحمل
اول ما شافت وليد ارتجفت ودخلت الكتاب تحت الوسادة
وليد ناظرها بحدة : وش تقرين ؟؟
ارتجفت رويدا : اقرأ ااااا اقرأ كتاب خاص بالحريم ما يصلح تقراه
سكت وليد وجلس على الكنبة
استغلت رويدا الفرصة وقربت من وليد وجلست جنبه وقالت : وليد
أنا حـــــــــــــامـــــل
أنا حـــــــــــــامـــــل أنا حـــــــــــــامـــــل
