بسم الله الرحمن الرحيم
(( اللهم لا سهل إلا ما جعلته سهلا وانك تجعل الحزن إن شئت سهلا ))
الفصل الأول
اليوم الكل مربووووووش والاستعداد عند الكل على أخره كل البنات والحريم بالمشغل الكل يستعد ويتعدل لعرس مها دلوعة العيله وحبيبه الكل مها ما عند أهلها غيرها وماجات أمها الا بعد 10 سنين من المحاولالالات مها كانت حلم وتحقق...
الكل فرحان ومبسوط وأخيرا فرحنا بمها بعد ملكه سنه كاملة بسبب ظروف عند أهل المعرس بس الحمد لله اليوم أم مها سوت العرس اللي تحلم فيه كل بنت على قولت أمها العرس الأسطوري لمها
البيوت كانت فاضيه كل أهل الاحساء والرياض وجده نازلين الخبر عشان زواج مها وفي بيت أبو فهد بالتحديد
ديما: فجر وبعدين خلاص عاد مو عارفه ارسم الآي لنر لا ترمشين تعبت عاد
فجر:شنو ديوم مو قادره بكيفي أنا بكيفي
والله لو أني رايحه المشغل مع الكل ومو مخليه نفسي تحت رحمتك أحسن لي
ديما:ههههههههههههههه
أيه عشان تخرعينا مثل عرس منيرة السنة اللي فاتت
فجر: وجع دويم صج عاد كان شكلي يخرع
ديما :لالالا مو يخرع بس فجور أنت ناعمة واجد وملامحك حلوه ما شاء الله ليه المشغل هم ما يستانسون إلا لين يلطخون وجيهنا بهل مكياج ويخلونا شيف وأنت شويه مكياج وتطلعين قمر ليه مشغل بعد
فجر:بعد عمري أنت ديوم بس أنا خبله ما ادبر روحي بالمكياج مو مثلك ما شاء الله عليك فنانه حتى شعري مدري شلون سويتيه صاير يجنن كثير وحيوي ماكانه شعري
ديما :هههههههههههههههههه أيه شنو على بالك أنا ديما لا اي أي ولا زي زي
هههههههههههههه هاتي الفلوس يله ماعندي أنا بلاش
فجر :دويييييييييييييييييييييييييييم الله ياخذك بتاجرين علي بعد ولا جالسه في غرفتي
ديما :يمه يمه كلتيني امزح وربي امزح بعد تطرديني اليوم وين انام يعني يبتكم مليان
فجر :ههههههههههههههه أيه تعدلي والا.................
ديما:اقول فجور تراك عورتي راسي قومي يله شوفي روحك وين عيونك النتف شوفي شلون خليتهم تقولين زي عيوني الا شوي
((ديما معروفه بجمال عيونها واسعه ولوزيه مميزه عن كل بنات العيله بعيونها يعني اذا احد يمدح وحده يقول الا مكياجك مخلي عيونك عيون ديما مضرب المثل صايره))
فجر :صج والله وخري خل اشوف
وراحت تركض عند المرايه وساعه تطالع في روحها من اليمين ومن اليسار وشوي تضحك وشوي تسوي روحها تسلم يعني وشوي ترقص بدون موسيقى ولاشي على روحها هذي البنيه ينقال لها تدرب على شكلها
لفت فجور بعد انسجامها التام مع روحها على ديما وتطالعها بنظرات يعني أنا حلوه
ديما ميته عليها ضحك مسكينه فجور حالتها حاله اول مره ماتتخرع من المكياج الثقيل والالوان على عيونها بالعكس كان شكلها مبسوطه وهذا خلى ديما ترتاح لانها طوال الوقت تحاتي رده فعل فجر على روحها وردت فعل الكل على شكل فجر
فجر بنت بسيطه ماتفهم في المكياج والزينه الموضه وموديلات الشعر دايم بنطلون جينز وتيشيرت اوبديهات يعني ماتتعب روحها رغم الجمال والنعومه الي فيها ديما كانت حاطه في بالها لالالازم هذي المره تطلع فجوره بشكل يبهر الكل يكفي اخر عرس شنو صار فيه
ديما :هافجور عجبك ماندمتي أني أنا مكيجتك بدك الكوفيره
فجر :ديما انا اموووووووووووووووووووت عليك صرت اجنن هههههههههههه
ديما :ههههههههههههههههههه
ديما :فجور يله روحي لبسي وخليني البس بسرعه طلعي عاد
فجر:بس بسرعه احنا تاخرنا واااااااااجد امي اتصلت علي 3 مرات تقول الساعه 10 والناس بدت تجي واحنا لا
ديما :ومين ذنبه هذا انا ولا.......
فجر:خلصي يله اخوي بيجي
ديما:نعم نعم وليه اخوك
فجر:امي مو راضيه السواق ياخذنا خايفه يخطفنا هههههههههههههههه
وطلعت فجر تلبس وديما بعد بسرعه غيرت ولبست فستناها كان جنان موديله بسيط بس فخم لونه لؤلؤي وقماشه فيه لمعه بسيطه وله ذيل طووووووووووويل ومقطع من عند الخصرالى اخر الذيل يعني الكل جن على فستانها يوم كانت تشتريه خصوصا ان جسمها يجنن مع الفستان يعني صايره مودل كيف لو شافوها مع المكياج والزينه والشعر والله يموتون البنات منها قهر هي بنت مو جميله حيل بس جذاااااااااااااابه بشكل كبير يعني الواحد مايقدر يشيل عيونه من عليها وزياده على الجاذبيه العيون الواسعه الي تاخذ العقل وهي عارفه كيف تهتم في حالها بحيث كل الي يشوفونها يحسونها احلى بنت رغم انها مو احلى وحده
وشعرها الى نص ظهرها ومسويته زي تسريحه نانسي عجرم يعني تموجات بسيطه وحاطه تاج بسيط كله كرستالات اووووف صج طالعه ملكه بهذا التاج قاعده تتغزل في روحها البنت
وديما تلبس الحلق الكبير الي مليان من الكريستال ويعطي انعكاسات تجنن اسمعت ضرب على الباب وبسرعه انفتح قبل لاترد ديما لفت تبي تخانق فجر وش فيها هاذي جنت تفتح الباب كذه
الا الي بالباب
فهد:فجر رررررررررررررررر بسرع.......
انصدم مين هاذي القمر مين ذي مو فجورتم سنه يطالع في ديما بدون ماينزل عيونه مصدوم منها وموعارف يوخر عينه من عليها والله البنت ملكه مو بنت عاديه ولاهذا الفستان بعد الي كان عاجبه من الراشد بس مستحيل تشتريه فجوره بس على البنيه صاير احلى واحلى من العرض تم يطالعها من فوق الى تحت بصراحه جرئ
ديما من الصدمه تمت جامده مكانها مو عارفه ايش تسوي عيونها طلعت كلها مسكينه ارتاعت على بالها فجر يطلع فهد ولا بعد يطالعها بهذي النظرات بسم الله كانه بياكلها
بعد فتره انتبه فهد لنفسه وبسرعه سكر الباب بدون مايقول ولا كلمه وراح لسياره وظل يدق على جوال فجر عشان يقولها تطلع خلالالالالالالاص هو مو قادر يرجع يدخل بس مين هاذي والله حلوه شنو حلوه حلوه شويه عليها هي ملكه ملكه جمال
ديما ماكانت حاسه انه سكر الباب وراح كانت مصدرومه وحالتها حاله ولا حست الا وهي ترمي بروحها على سرير فجر يارب شنو هذي الفشله طول عمري اتهرب من فهد بعد ماكسر رجلي وخرب احلى ايام عمري خرب طفولتي
فهد كان دايم يتريق على ديما يوم كانو صغار بصراحه ماينلام كانت ضعيييييييييفه حيل ووجها صغير مافيه الاعيونها الكبار الي مع ضعف وجهها خلتها تخوف وزياده على كذه كانت ام كشه ولالالالادلوعه بعد مالت كنه يناسبها كان دايم يردد عليها هذا الكلام ويتريق مع الكل عليها لغايه مافي يوم وافقت تلعب معهم غميمه وفهد اصر انه يمسكها وهي معروفه بالعناد والمكابر يعني نفسها عزيزه عليها حيل كان وراها وتارك الكل مايبي يمسك الا اهي لغايه ماوصلت عند الدرج والبنت ببالها انها طرزان ولا توفان(( توفان الله يسلمكم فلم هندي قديم بطله اميتا بشان مسوي نفسه البطل الخارق))
المهم طبت من الدرج وطبعا طاحت وانكسرت رجلها ومن يومها وهي تتجنب فهد لدرجه انه ماشفها لغايه اليوم ولا اهتمت بكلام احد عنه اوكلام البنات الي ذابحينا عليه بس والله مزيون ماينلامون بس بس ديما وش خربطين هذا فهيدان الي خلى طفولتك جحيم وهي قاعده تخربط وتتذكر ماحست بتلفون فجر الي له فتره يرن
فجر رجعت تركض وحالتها حاله هي مو متعوده على الفساتين ولالالابعد بذيل طويل يارب منك ياديما عليك تحكمات شنو هذا صوت جوالي وديمو هذي ليه ماترد يوووووه
دخلت فجر بسرعه وديما ارتاعت على بالها فهد مره ثانيه
فجر: ديمو وجع ما تسمعين جوالي يرن ليه مارديتي الله الله سبع مكالمات من فهد
ديما هنا ماتت مو حاسه بروحها فهد ........ اووووووووه من فهد
فجر:يووووووووووه الله يعني هلحين بيقد يتحلطم على راسي
وترجع فجر تدق على فهد
فهد :فجر وينك انا تحت من زمان يالله طلعي
فجر:ان شاء الله من عيوني
فجر لفت على ديما وهي مستغربه وش فيه هذا لاصرخ ولا هاوش بس طلعي غريبه مو من عوايده يرضى احد يلطعه هذي اللطعه صدق غريبه
فجر:ديما يالله بسرعه فهد من زمان بره لا نتاخر عليه
ديما:هاه
فجر:هوى شنو هاه يالله امشي بسرعه
طلعت فجر وحالتها حاله ولا مع العبايه بس يبغى لها صوره يعني تموت ضحك .. فهد كان معصب شوي
اولا تاخرت وثانيا يبي يعرف مين البنت الي بغرفتها بس اول ماشاف شكل فجر نسى العصبيه والقهر واللطعه و مات من الضحك والله انها مسخره هلبنت مو راضيه تتعدل وتصير وزي البنات
ديما كانت تمشي ورى فجر وطبعا مختلفه عن فجر تماما شكلها كان مرتب وماسكه ذيل الفستان بايدها والشنطه لؤلؤيه على لون الفستان باليد الثانيه وقاطه الشيله على وجهها علشان المكياج والتاج والتسريحه لا يختربون ماتغطت عدل
وفهد يطالع فيها طارت عيونه عليها شوف هذا البنات مرتبه لالالالا فهد هذي مو أي بنت يافهد هذي الملكه الا على صوت الباب يفتح
ركبت فجر اولا قدام طبعا وهي تتنفخ وتسحب في الذيل وحالتها حاله كل ثانيه اوف بموت يمه اما ديما اركبت وراها بس بهدوووء وبسكينه حتى سلامها ماينسمع بس همس بسيط
وفهد عينه عليهم اولا فجر وطريقه ركوبها وخبالها وبعدها الملكه على قولته وطريقه ركوبها الا بصوت فجور يخترق الصمت وسرحان فهد فيهم وكيف يختلفون تماما عن بعض
فجر:اوووووووووف شنو هذا الذيل انا مو مالت هذي السوالف والله مو عارفه امشي
هنا راح انتباه فهد كله لفجوره دلوعته وتذكر كيف كانت تمشي من شوي ورجع يضحك
فهد:هههههههههههههههههه فجوره والله شكلك نكته
فجر:نكته بعينك ......بس ماالومك انا قلت مااحب فستان بنطلون احسن
وكان في نظراتها عتاب ولوم ليه ماتلبس بنطلون ممكن يكون كشخه وتكون مرتاحه
فهد:شنو بنطلون حتى بالعرس بنطلون مايصلح
فجر:هذا رأي ديما بعد هي الي اختارت فستاني وقالت الفستان اكثر انوثه واكشخ
فهد:غريييييييييييييييييبه ديموه ماغيرها العصلى ((يعني الضعيييييييييييييفه بس باسلوب تتريق)) ههههههه ام كشه من وين تعرف الذوق فستانك عاد قويه انا بصراحه مااصدق فستانك يجنن فجور لالالا مو ام عيون ذي قولي الصدق عاد يالله
هنا ديما الي كانت ساكته طوااااااااااال الحوار حست انها راح تفجر صج قليل حياء هذا مايستحي شلون يتكلم عني كذه ولالالالالالابعد ينقال عنه ولد عمي وولد خالتي مالت عليه مايستحي على وجهه اصلا هو شنو ذكره فيني عشان يحكم علي مالت عليه قليل الذوق مالت بعد يشك ان هذا ذوقي يعني ينقال اذا اعجبه يصير احلى مافي السوق
وقبل لاتتكلم ديما سبقتها فجر لانها عارفه لوديما تكلمت راح تصير حرب وماراح يوصلون العرس سالمين
فجر:فهد شنو هذا الكلام استح عاد والله سخيف اصلا ديما قمر بس انت شنو فهمك وام الذوق بعد كلنا خذنا رايها في فساتينا
فهد:هههههههههههههههههه قمر عاد قويه فجورولا تعرف الذوق هههههههههههههههههه
هنا ديما ماقدرت تسكت صج مايستحي انا لك يافهد
ديما:عندك مانع اخ فهد
قالت هذي الكلمه باسلوب يخلي الواحد يجمد مكانه ديما لها شخصيه قويه وعندها عزه نفس تتوزع على بلاد ولالالا فهد من بين كل الناس الي مستحيل تتقبل منه كلمه
فهد هنا ارتاع شنو فيها الحلوه معصبه ماتكلمت طوال الوقت ويوم تكلمت كان ودها تذبحني بس والله صوتها حلو وفيه قوه صوتها مو غريب علي بس انا عمري ماسمعته متاكد بس نبره القوه هذي والتفاخر في الكلام واسلوب الاستعلاء هذا مو غريب ابدا ومن غير مايحس رد
فهد:شنووووووووو؟؟
ديما: والله اظن عيب عليك تتكلم عن أي بنت من عيلتك او من برى العيله بعد بهذا الاسلوب فيه شي اسمه ذوق واحترام للاخرين وبعدين مو انت الي تحكم علي طيب ولو سمحت خلني بعيد عن احاديثك وتريقتك لو تكرمت يعني
هنا فهد انصدم وكان واااااااضح عليه فاك عيونه على اخرهم وجميع علامات التعجب مرسومه على وجهه هو من يوم انكسرت رجل ديما وعمرها 13 ما شافها ابدا هذي الملكه الحلوه تطلع ديما لالالا فيه شي غلط مستحيل الحلوه ملكتي تطلع العصله ام عيون وبعدين وين الكشه المنفوشه مالتها لالالا فيه شي غلط لالالازم اتاكد
فهد:ديييييييييييييييييييييييييييييما!!
هنا ديما اسوعبت وش سوت وحست الدنيا تدور فيها ياربي ليه كل هذا بيوم عرس مهويه قمر العيله يووووووووه استغفر الله خلني اسكت عنه والحقران يقطع المصران ليه احط عقلي بعقله اصلا هو اخر واحد يهمني رايه وتدخلت فجر على طول ماودها السالفه تطول هي تدري ديما عنيده واخوها اعند يعني مو خالصين اليوم وبعدين يكفيني الي احاتيه شلون بمشي بهذا الفستان طوال اليوم يوووووووه خلني اسكتهم احسن لي والفستان اشوف لي صرفه كيف اتحرك فيه وعلى طول تكلمت قبل ترد ديما او يتكلم فهد
فجر :فهد اسكت خلالالالالالالاص ايه ديما الله يفشلك فشلتنا مع البنيه اسكت هذا احنا وصلنا
ولفت على طول تشوف ديما وفي نظراتها اعتذار ورجاء ان ديما تسكر الموضوع مع فهد وطالعت فهد بنظره تفهمه ان عشاني اسكت عنها وخلها الا صوت جوالها ورنه امها ((يا بعدهم كلهم ))هنا نستهم كلهم وحست انها راح تتهزاء على التاخير
فجر:هلا يا يمه وبسرررررررررعه
نزلت فجر مستعجله تبي تفتك من الموقف الزفت الي انقطت فيه وبعدين لان امها تصرخ وتخانق وينكم وبعدين....... ومن هذا الكلام فما حبت ترد قالت تشوفني بوجهها احسن وارحم لي ونست ديما بالسياره
ديما اول ماحست ان فجر انزلت ولا عبرتها انزلت بسرعه بس قبل لا تنزل نادها فهد هو في باله لالالا لازم اكلمها الملكه ذي مدري ليه بس ابي اكلمها وافهمها هي وين وانا وين
فهد:ديما لو سمحتي ممكن ثواني
تكلم وفي وجهه ابتسامه ارعبت ديما زياده هلحين هذا بعد كل التهزئ الي قلته يضحك والله امرك عجيب يافهد من يوم يومك غريب وتصرفاتك مااحد يتوقعها غير فجور هي الي تعرف لك
ياترى ليه فهد وقف ديما وش يبي فيها وشنو رده فعل ديما على الموقف
وفجر ايش راح يكون تعليق الكل على شكلها لاول مره بفستان سهره ولا معه ذيل بعد؟؟؟؟؟؟؟؟؟؟؟؟!!!!!!!!!!!!!
عدل سابقا من قبل محبة ديووووووم في الثلاثاء مايو 03, 2011 1:35 am عدل 2 مرات