رواية يا دنبا لا تسكبي الدمعة على خدِ حساس بقلم صديقتي

بسم الله الرحمن الرحيم
السلام عليكم ورحمة الله وبركاته


اعتقد واضح من العنوان والقسم انها روايـــــة ..... وقبل ما ابدا بأي شيء راح اقول لكم " كيـــف اللفت هالرواية اليابانيــة "
السنة الماضيـــة على نهاية العام الدراسيTo♥oma} ... البنت النشيطة بين صديقاتها واللي دائماً تسولف ... خلصت سواليفها وجالسة طفشانه مع ثلاث من صديقاتها , طلعت قلس من جيبها وحطته بس على الشفة السفلية فسألت وحده من صديقاتها : To♥oma} ... ليه بس حطيتيه تحت .....؟؟
ومن ذاللحظة بدا الفقش بكلمة : هذا مسلسل ياباني قاعده اتابعة هاليومين , البطله بس تحط قلس على شفتها السفلية " وللمعلومية :: في ذاك الوقت كنت مجنونة يامابي ومعروفه إلى الان اني مجنونة اليابان " نرجع للسالفه
قالت وحده : وش قصته ؟؟ فبدا التأليف وكان الغرض منه تغيير الجو الممل ... سألوني : وش اسم البطله ؟؟ .. وبدت الورطة دايركت الجواب : توني في الحلقة الاولى ما بعد حفظت الاسماء ... بديت اكمل التأليف واشوفهم تحمسوا ... هم متعودين علي أي مسلسل انهبل عليه اجي اقولهم القصه بالتفصيل وبالحركات وانا معروفه اني اذا تكلمت عن شخصيه تقمصتها صح ... لدرجة انهم يحسون اني انا ذاك الشخص ..... فهالمره صار اسهل اني اجيب شخصيات من خيالي واتقمصها ... انتهت الفسحه وقلت زيييين خلاص بارتاح واسكر على الموضوع ... الا وفي الطلعه : يالله يا To♥oma} ... كملي والله اني ما فهمت وش تقول الاستاذه بس افكر وش بيصير ..... وكذا صرت مجبوره اكمل فقشي وصرت كل يوم اقولهم ومن اليوم الثاني قلت لهم : تراني حفظت الاسماء ... لانها سهله شوي ... قلت البطله اسمها آيا في خيالي نسبه للبطله في مسلسل لتر من الدموع لاني كنت مره متأثره ... والبطل اسمه اكيرا .. في خيالي نسبه ليامابي في مسلسل نابوتا لاني كنت مجنونته ... وقلت ياجيما نسبه ليامابي في مسلسل دراقون ساكورا وكذا كذا وانا اطلع الاسماء من المسلسلات اللي شفتها .... والحين غيرت اسم ياجيما بعد ما انهبلت على ايكوتا توما وصار بداله اسم توما ..... قعدت كل يوم احضـّر وش بقولهم بكره وصرت حتى انا متحمسه اقولهم ... لين آخر يوم في الامتحانات النهائية وانا ارويها بلساني وختمتها في آخر يوم طبعاَ بنهاية غير النهاية اللي هنا ... وبعد ما خلصتها اعترفت بالحقيقه لهم وصارت بعض الاشياء لكن ما احتاج اذكرها ..جت الاجازة الصيفية وصرت اروح لبنت خالتي باليوميه بس ناقص النوم عندها..... وقعدت اقولها عن صديقاتي قالت لي طيب قولي لي القصه , قلت لها والاخت الثانية تحمست وانا انبح صوتي من الكلام المستمر .... وبعدين قالت لي اكتبيها والله حرام يروح خيالك ومن هالحكي ... انا كنت راااااافضة مرررره لاني اكره الكتابه من اعماق قلبي .... لكن بعد فتره حسيت بشوي ملل ما عندي شيء اسويه .... ثم قلت خليني اجرب واكتب ومتى ما مليت بوقف .... وسويتها وكتبتها واستمريت بكتابتها الى هذا اليوم وما بعده وصار عندي طموح اني انزلها ويكون لي مشجعين .... هذي هي قصتي ... واليوم اخيرا بأبدا ...


والحين راح انتقل الى نقاط بسيطه عن الرواية :.
1- الروايــــة طوييييله .....
2- الرواية عباره عن قصة يابانية بحته ..
3- كتبتها باللهجة السعودية " لهجة اهل الرياض "
4- بتلقون كلمات مثل " السلام عليكم – ان شاء الله وغيرها " لا تستغربون او تضحكون الرواية بلهجتنا وبنفس كلامنا بالضبط ...
5- طريقة تقسيم الرواية بتكون بالفصول وكل فصل فيه اربع اجزاء .... وبيكون مثل كذا (( الفصل الاول – الجزء 1 )) ... وبيكون لكل جزء عنوان ... مثل الحلقات في الدراما .....
6- يمكن تمر عليكم كلمات ما تفهمونها لانها رياضيه بحته ... يعني لاهل الامارات او مناطق المملكة الاخرى اذا فيه شيء ما فهمتوه من الكلام قولو لي واقوله باللغة العربية الفصحى ..... ^_^
وللمعلومية : انا ما قد قريت رواية ابدا عشان كذا انا ما اعرف اسلوب الروايات ... لكن انا اسلوبي كأنكم تشوفون مسلسل مو تقرون رواية .... عشان كذا عيشوا الجو صح ....


ننتقل الان الى الهدف الرئيسي وهي الرواية ...
اقدم لكم اول رواية لي بعنوان " يا دنبا لا تسكبي الدمعة على خدِ حساس "
وهذا هو غلاف الرواية ..




القصة :
تحكي القصة عن فتاة رقيقة في داخلها ونشيطة ومرحة في ظاهرها ,
فتاة ذات ضجة كبيرة لمن حولها
متعجرفة في التعامل مع شبان مدرستها
وبالأخص مجموعة شبان وهم مكونون من أربعة أفراد .
بطلتنا " آيا " لها صديقة حميمة تدعى " يونا " فتاتان في عمر 18
تحلمان في إيجاد رفيق مناسب رغم فشل المحاولات
فقررتا أن يتعاهدا إن حصل لإحداهن ووجدت لها رفيق
أن لا تتغير على الأخرى وتكونا صديقتين إلى الأبد
وحلمتا أن يرسمان سوية مظلة الحب .
" آيا " تعتبر زعيمة و المدافع الأول لبنات المدرسة ضد الشباب ,
وبشخصيتها القوية دائما ما تكون في خلاف مع احد أفراد تلك المجموعة
نبدأ بتعريف أسماء هذه المجموعة " أكيرا " وهو الزعيم , " توما " وهو نائب الزعيم ,
سوما و مورا
لنتعرف على شخصيات و مميزات أبطال القصة ...




وهنا فكره تسهل عليكم حفظ العلاقات في الرواية .....
هنا حطيت بس اللي بيطلعون في هالاجزاء الاولى وعلاقتهم ببعض ..
ولما تتطور الاحداث راح اطلعون كل اللي في الصوره كاملين
وبتكثر الاسهم كماااان ....
تابعوا الصوره عشان تفهمون اكثـــــر ....... ^_^


وصلنا الى الاساس ووضعت لكم الجزء الاول + هدية الجزء الثاني
عشان الجزء الاول مره قصيـــر
وللمعلوميه : اذا ما شفت حماس ما راح اكمل ..

في صباح يوم جديد ... (( الفصل الأول – الجزء 1 ))

الام : آيا ... آيا .. يله قومي ... يله بسرعة عشان ما تتأخرين عن المدرسة يله اليوم أول يوم مدرسي وتتأخرين عليه يله عجلي قبل ما يبدون مراسم الافتتاح ...
آيا وهي على السرير ونعسانة : طيب .. طيب خمس دقايق تكفين
الام : يله شوفي الساعة كم !!
آيا تشوف الساعة وتطمر من السرير : يماه ليش ما قومتيني مبكرة
الام : أشوى مير من سنه وأنا أقومك
آيا: توقف قدام المراية و تعدل شعرها , حلقتين مختلفات في اللون , مناكير إصبع إيه وإصبع لا , قلس وردي على الشفه السفلية ... << برأيها هذي الموضة
وتحول مستعجلة و تاكل الفطور ...
آيا : مع السلامة
الام : أتمنى لك التوفيق
وتركض تخاف إنها تتأخر أكثر ...
اجتمعوا كل الطلاب وبدأت مراسم الافتتاح ...
المدير : والآن نبدأ عام جديد ....
يونا وهي تكلم راي : وين آيا من اول يوم تتأخر
راي : يا رب توصل قبل ما تنتهي المراسم ..
آيا وهي تركض مستعجلة تسمع صوت جرس انتهاء المراسم : لاااااا يا ويلي وش بيصير عذري لأول يوم آآآه ...
تدخل وتشوف يونا وتسلم عليها ...
يونا : وينك من الصبح وانا انتظرك ... وراك تأخرتِ ؟
آيا : راحت علي نومه ... معليش اعذريني ....... المهم انا وياك في فصل واحد ولا لا ؟؟
يونا : توني ناويه أروح اشوف ... زين انك جيتي خلينا نروح ونشوف ...
راي وهي تركض : هيييييي بنات صرنا في فصل واحد ....
يونا وآيا بصوت واحد : والله ياااااااه ما اصدق ويطمرون و يصفقون يدينهم ببعض وطايرين من الفرحة ...
يروحون لفصلهم ويدخلونه ... إلا ويقابلهم توما
تسأله راي : توما أنت في أي فصل ؟؟
توما : انا في هذا الفصل ... ولا من حسن حظي كل ربعي معي
آيا وهي مرتاعة : نعم نعم لا تكفى لا يكون أكيرا وسوما هنا ؟؟؟
توما وهو يناظرها باستهزاء : اجل منهم ربعي ؟؟ المهم لا يكون أنتي معنا ؟؟
آيا بنفس النظرة : اجل وشوله أسألك ... من تعس حظي الظاهر بأقضي كل سنوات الثانوي معكم في نفس الفصل
توما مبتسم : يا سعدنا بنلقى واحد يوسع لنا صدرنا ...
سوما : توما .. ما بعد جاء أكيرا و مورا ؟؟
توما : يعني ما تعودت على تأخرهم أصلا متى قد جو مبكرين
وهم يتكلمون يدخل مورا ونصه نوم ..
مورا : صباح الخير
سوما : المفروض نقول مساء الخير
مورا : يا ابن الحلال ... ناسي إن اليوم مدرسة وراحت علي نومه ..
مورا وهو يناظر الفصل : ما شاء الله الشبيبة هم هم ما تغيروا من السنة اللي راحت
وتروح آيا تطل من الدريشة ... إلا وهي تناظر واحد يطيح الطير من السماء ... وتنهبل : يونا يونا لا يفوتك نص عمرك
يونا متفاجئة : وش عندك ؟
آيا : شوفي شوفي ... خلاص انا قررت هذا هو حبيبي المنتظر
وتركض بتروح تشوف هو في أي فصل
يونا : هييييييه آيا وين بتروحين ؟؟؟!!!
آيا وهي تركض ما تشوف طريقها وتروح لزاوية عشان تشوف بيدخل أي فصل وتعرف انه مو بفصلها وانه في الفصل اللي جنبهم ... وترجع مسرعة ضايق صدرها وهي منزله راسها من الحزن وتصدم بأكيراوتطيح على الارض ..
آيا : وجع ما تشوف طريقك
اكيرا : والله مدري من اللي ما يشوف طريقه
وتشوف آيا مدرس الأحياء .. وتبدأ التمثيل ...
آيا : آآآآآآه رجلي رجلي انا وش سويت عشان تضربني من اول يوم
اكيرا بتعجب : خير من تكلمين .. ؟!
آيا : آآه آآه أستاذ أستاذ ؟
ويجي المعلم : خير ؟ وش صاير ؟؟
آيا : ما ادري لكن ضربني فجأة وصار يهددني لأنه صار بنفس فصلي
أكيرا بتعجب : نعم نعم وش قاعدة تألفين أنتي ؟؟
المعلم : ليش كذا سويت معها ؟؟
اكيرا : والله إني ما سويت شيء خير قاعدة تألف عليك وتصدقها , انا كنت امشي بأمان الله وتجي هي تركض وتصدم فيني وتطيح وما ادري ليش قاعدة تألف
آيا وهي تمثل الصياح : هااااا أنت اللي تألف وش هالحكي اللي قاعد تقوله ...
المعلم : تعالوا تفاهموا عند المدير
آيا تتصنع الدموع وببتسامة جانبية : صادق .. طيب الحين بنروح له ...
اكيرا : هييييه وين نروح انا توني جاي وبتودوني الإدارة بسبب كذبها ...
آيا : إذا كنت صادق تعال ودافع عن نفسك
أكيرا في نفسه : يقطع أبو الوثوق يا الكذابة
ويروحون للمدير
آيا تمثل : أستاذ أستاذ شوف هذا الولد يضربني من دون سبب ويهددني
اكيرا : لا تصدقها انا وش مصلحتي من ضربها من اول النهار حتى إني ما بعد رحت لفصلي وتوني جاي
آيا : هو هددني لأني بنفس فصله عشان كذا انا ما اقدر أعيش معه في نفس الفصل
اكيرا : أصلا انا ما بعد عرفت وش فصلي يالكذابة شلون أهددك عشانك في نفس فصلي
آيا : حتى لو ما كنت في نفس فصلي لكن لازم ابعد عنك على الأقل في الفصل
المدير حمقان: خير وش هالحكي من اول يوم انتم يا الاثنين قبلكم مزعجيني من اول ما دخلتو هالثانوي ما عندي مشاكل غيركم ؟؟؟
آيا : عاقبه وغير لي فصلي انا أبي أصير في الفصل اللي جنبي ..
اكيرا : ايييه الدعوة مهيب عشاني أكيد صديقاتك في الفصل اللي جنبنا
المدير مرتفع ضغطه : خلاص بأرفع عليكم انتم يالاثنين عقاب بأفصلكم من المدرسة لأسبوع وارتاح ...
اكيرا وآيا بصوت واحد ....... : لاااااااااااااااااااااااااااااااا
آيا : خلاص عاقبني إني أصير في فصل ثاني غير فصله وصدقني منب متطاقه معه تكفى
اكيرا : انا ما أبي أتعاقب بسببها وانا برئ هذا مو عدل ...
المدير يمسك أعصابه : خلاص بأنقلك للفصل اللي جنبكم .. وياويلكم اذا تمشكلتو مع بعض ترى ما يردكم الا بيوتكم
آيا وهي طايره من الفرحة : ابشر ما راح نعيدها ...
اكيرا مميل خشته : ان شاء الله ..
المدير : يله تفضلو اطلعوا برا روحو لفصولكم ... يا صبرني عليكم
ويطلعون .... ويمشون سوا
اكيرا : خير وش هالحركة اللي سويتيها انا عارف إن عندك غاية من حركتك بس وش عندك في الفصل اللي جنبنا ؟؟
آيا : وش دخلك ؟؟
اكيرا : ترى بقوم اكفخك عاد ..
آيا : اقدر أصارخ وأقول انك ضربتني وهالمره بكون صادقه ...
اكيرا : الله يعين هذي بداية السنة ...
آيا شافت معلمه وحبت ترفع ضغط اكيرا ...
آيا تطيح على الأرض : آآآه آآه
اكيرا التفت عليها : خير وش فيك فجأة ؟
آيا : شلني رجلي تعورني ( طبعاً عادي في اليابان الولد يشيل البنت على ظهره )
اكيرا : احلفي عاد .. ما بقى إلا هو تغلط وتبيني أشيلها
أيا بصوت منخفض : معلمة الجغرافيا هنا ... وإذا ما شلتني بأقول انك ضربتني لأني قلت الصدق عند المدير
اكيرا وهو مرتفع ضغطه : أقول كنك كذبتي كذبة وصدقتيها ...
أيا : شلني ولا ترى بأصارخ
اكيرا مشى ولا عليه منها
آيا بصوت عالي عشان تسمعها المعلمة : آآآه أيه أنت دائم كذا تضربني عشاني قلت الحقيقة هين آآآه
اكيرا يرجع مستعجل : الله ياخذك انكانك بلشه
آيا بصوت منخفض : بتشيلني ولا أصارخ ؟؟
اكيرا : يله اركبي على ظهري يا البثرة
آيا : ههههه طيب ...
ويمشي بها وهي طايره من الفرحة وتغاير كل البنات إنها محمولة على ظهر واحد جميل ...
ويوم وصلوا للفصل ...
آيا : خلاص خلاص وقف بسرعة
اكيرا : خير ؟؟
آيا : وقف لا يشوفوني صديقاتي
اكيرا واصل حده : انزلي يا مال النزلة المعوية
آيا : الله ياخذك ... قل آمين ..
وتحول ....
اكيرا : وانتي معي اجمعين ...
آيا تكش عليه تدخل للفصل : بنات .. بنات
يونا : وين رحتي ؟؟
آيا : خلاص انا صرت في الفصل اللي جنبنا
راي : ليه ما كنتي في فصلنا ؟؟!
آيا : إلا بس انتقلت
يونا : آه خسارة كنت فرحانة انك معي
آيا : أسفه بس انا الصراحة كنت أبي أصير مع الطالب الجديد يمكن هو أملي الوحيد وحتى انه ما يعرف شخصيتي في المدرسة
بأمثل عليه شوي وأخليه يحبني .. وبعد انا ما اقدر أعيش مع هالشلة .. لو بقعد معهم خمس دقايق بأتفجر ...
يونا : يا حياتي انتي ..
آيا : يله ابذلي جهدك ودوري لك رفيق عشان نكون سوى
يونا : يله جت الاستاذه لازم تروحين فصلك ...
آيا : صادقة يله باي
وتدخل آيا الفصل تلف يمين يسار تدور الطالب الجديد الى وتلقاه يقرا كتاب ...
وتروح تنتص في الطاولة اللي جنبه ...
آيا : امممم à يعني انتبه لي ..
الطالب وهو يرفع راسه : هلا ..
آيا بدلع : امممم شكلك طالب جديد ... صح ؟؟
الطالب يعدل جلسته ويناظرها : أيه .... هذا اول يوم لي بالمدرسة هذي ...
آيا : اها .. انا لي سنتين في هالمدرسه عشان كذا اعرف الطلاب الجدد والقدامى
الطالب : واضح .. على طول عرفتي إني طالب جديد
آيا : إذا بغيت أي مساعده مني انا حاضرة
الطالب : شكراً
أيا : وش اسمك ؟؟
الطالب : رانجي
آيا : تشرفت بلقائك رانجي انا اسمي آيا
الطالب : اووه آيا اسمك حلو ..
آيا بحيا وهي توقف : الله يحلي ايامك ..
وتمشي خطوتين ثم تلتفت عليه وتقول بخجل : اذا بغيت أي مساعده مني انا حاضرة
الطالب طايره عيونه من انقلاب حالتها : شكرا ..
راحت وجلست في مكانها وهي طايره من السعاده ..
ودخل المعلم وبدأ الدرس .... ومر الوقت وبعد انتهاء الحصة الثالثة صفرت الفسحة ...
آيا تتوجه لرانجي : اممم رانجي اش رايك نتفسح سوا ..
الطالب : كان ودي بس ناقصني شوية ملخصات ... من الحصص اللي قبل
آيا : اها ... آسفه على الازعاج ... خذ راحتك
رانجي : لا عادي .. شكراً
وتروح لفصل صديقاتها ...
يونا تلتفت على آيا : هاه وش الأخبار؟؟
آيا : تونا ما صار شيء بس شكلها بداية موفقة ...
راي : يااااااه أخيرا بيصير لك رفيق
آيا : ادعيلي
يونا : اجل يله خلينا نروح نفطر قبل ما تنتهي الاستراحة ..
ويروحون سوا ...
توما يروح لراي : راي تعالي شوي أبيك ...
راي : وش عندك بروح افطر
توما : شوي بس
راي : طيب
مسك يدها وبعدها شوي عن صديقاتها وقال : ليه آيا غيرت فصلها مو كانت معنا ؟؟
راي : إلا لكن لقت لها طالب وتبي تكون رفيقته عشان كذا نقلت لفصله
توما : من هو هذا الطالب ؟؟
راي : طالب جديد ما نعرفه
توما : طيب ليش آيا ما جلست معه هماها تبي تصير رفيقته ؟؟
راي : هو ناقصة شوية ملخصات عشان كذا جالس في الفصل يكملها في فترة الاستراحة ...
توما فرحان : اها زين
راي : وش عندك على هالاسئلة ؟؟
توما : بس حبيت اعرف ليش آيا غيرت الفصل فجأة
راي : اجل يله انا الحين بروح عشان ما أتأخر على البنات ..
ويتوادعون ...
ويروح توما لأكيرا ويعلمه السالفة ...
أكيرا : زاد طبعها متغير ... والله كنت حاس إن عندها غاية من اللي قاعدة تسويه .. على العموم هو الحين لحاله في الفصل صح ؟؟
توما : إيه وش عندك ؟
اكيرا : شوية انتقام من آيا لاستغلالي ...
توما : بدينا من اول يوم
سوما : انا مستعد ...
مورا : يوه حركاتكم حركات بزارين ... انا بروح افطر ومالي دخل فيكم ..
اكيرا : مطرح ما يسري يمري
يروح سوما ويدخل الفصل ويقعد جنب الطالب ويتكلم معه ..
ومشا اليوم وآيا لا تسعها الفرحة ....
ترجع للبيت وتستلقي على السرير وتفكر وش بتسوي في المستقبل ...
وفي اليوم التالي ..

لماذا هم في طريقي (( الفصل الأول – الجزء 2 ))

تقوم آيا بنشاط وحيوية ... توقف قدام المراية , و تعدل شعرها , حلقتين مختلفات في اللون ( فوشي و ابيض ) ,
مناكير إصبع أيه وإصبع لا( فوشي ) , قلس وردي على الشفاه السفلى بس ...
وتحول تاكل فطورها ... وتروح المدرسة طايره من الفرحة
تدخل الفصل : صباح الخير
تتلفت يمين يسار ما تلقى رانجي ......
تروح لفصل صديقاتها : يونا راي~
يونا : وش فيك ؟؟ وراك تنادين بصور عالي ؟؟
آيا : ما شفتي الطالب الجديد
يونا : امممم إلا كان مع توما وشلته ..
آيا : نعم .. لا يكون بيخربونه علي ... وينهم ؟؟
يونا : برا في السيب اللي جنبنا ..
وتركض آيا وتشوفه مع الشبيبة
آيا حمقانه : أكيرااااااااا ليش رانجي عندكم ؟؟
الطالب : أوه صباح الخير
آيا انتبهت لنفسها : آه صباح الخير ... كنت أدورك لان المعلمة جت
الطالب : والله غريبة مره مبكرة على جيتها للفصل
آيا : أيه هي مزاجية .. وش رايك تسبقني للفصل ... انا عندي شوية كلام مع أكيرا
الطالب : لا تتأخرين ... مع السلامة
آيا : مع الف سلامة ...
وبعد ما تأكدت انه راح تلتفت على الشبيبة بنظرة مرعبة : وش كنتو تتكلمون عنه ... ؟؟
أكيرا : انا عرفنا انه حبيبك المنتظر عشان كذا لازم نعلمه عن شخصيتك
آيا : نعم نعم .... من اللي أذن لكم إنكم تعلمونه عني شيء
اكيرا : هههه امزح ولا شيء بس حبينا نعرف من هو اللي هابلك بس
آيا: الله من اللقافة .... إياني وإياكم تكلمونه مره ثانية وانا ما أعرفكم ولا انتم تعرفوني .... خلاااااص
اكيرا بصوت منخفض : عقب ايش ياماما .. قد هاوزت
وتروح آيا بسرعة للفصل وتدخل .. وتروح تقعد محلها
الطالب رانجي : ما بعد جت المـُدرسة ليش قلتي إنها جت ...
آيا متورطة : هههه صارت في الفصل اللي جنبنا وحسبت إنها بتدخل فصلنا ههه ههه
الطالب رانجي : اها
آيا : وش كنت تسوي مع شلة الشباب اللي قبل شوي ..... ؟؟
الطالب رانجي : ابد كانوا يتكلمون عنك
آيا : والله ... وش كانوا يقولون ؟؟
الطالب : امممم يعني شوية كلام عادي انك كنتي في الفصل اللي جنبنا و انتقلتِ هنا عشان واحد و انك درستي معهم في نفس الفصل سنتين
ومن هالقبيل ....
آيا : بس ؟؟
الطالب باستفهام : أيه ... ليه فيه شيء غريب ؟؟
آيا مرتاحة : ههه لا بس انا مشهورة شوي في المدرسة عشان كذا كل الطلاب يعرفوني هه هه
الطالب رانجي وهو يشوف فمها واذنينها ويدينها وهو يتكلم : اها .... واضح
دقيقة صمت بين الاثنين بعدين تكلم رانجي : آيــا
آيا باهتمام : نعم ....
رانجي بخجل : حلقك اللي لابستهم مختلفين في اللون ...
آيا تسوي نفسها ما تدري : هاه اوه كيف لا بسـ .... خلاص بفسخه وتفسخه وتحطه بجيبها ....
الطالب : ليش أظافرك بعضها فيها مناكير والباقي لا ... خلصت مناكيرك ؟؟؟
آيا متورطة : هاه لا بس انا أحبهم كذا إذا كان ما يعجبك خلاص أحط بكل أظافري
الطالب : انتي تعبانه من اول النهار من اول ما تكلمتي وانا ملاحظ ..... شفايفك واحد فيه لون وواحد لا ... انتي تعانين من حاجة في شفتك ؟؟
آيا : واه لا لا ما كنت تعبانة بس من العجلة على المدرسة نسيت احط قلس على كل شفايفي.... اشونك نبهتني بحط بكل شفايفي ...
وتطلع القلس من الشنطة وتحط على كل شفايفها ...
آيا وهي تبتسم : كذا يعجبك ؟؟
الطالب : الصراحة ما كنت منتبه من هالاشياء لكن طالب اسمه سوما قالي انك بتطلعين على شخصيتك الحقيقية إذا قلت هالاشياء وانك تعصبين من اللي يقولها ... بس ما عنده سالفه ...
آيا واصله نفسيتها أف : آه سوما قالك هالشي ؟؟
الطالب : أيه جاني أمس وقالي
آيا في نفسها : والله لأقتلك انت و زعيمك آآآآآآآآه
الطالب : وش فيك ؟؟
آيا انتبهت : آآه لا ولا شيء
وتدخل المعلمة ويسكتون ... يمر الوقت ويطلعون للفسحة ... آيا سيييييده على الشلة : سومااااااااااااااااا
يلتفت اكيرا : شباب شباب البنت شكلها عرفت ....
تجي آيا معصبه : سوما وش هالحركة اللي سويتها
سوما : وش سويت
آيا : يعني يقالك ما تعرف وش سويت ؟؟؟
سوما : انا ما سويت شيء
آيا : وش هالكلام اللي قلته لرانجي
سوما : آه فهمت لا تسأليني اسألي اكيرا انا مالي دخل بشيء
آيا : نعم
أكيرا : إحنا بس حبينا نعرف هو ينفع لك ولا لا ؟؟
آيا : شكراً بس انا ما طلبت منكم هالشيء
أكيرا : بس ترانا اكتشفنا انه ما ينفع لك
آيا باستهزاء : لاه أشوى مير .. و وشو هالاكتشاف الخطير ... ؟؟
اكيرا : هو راعي غياب كثير ... وبعد يقول انه عادي يغيب ثلاث أرباع السنة ولا يهمه احد وبارد الطباع مره
آيا : طيب وإذا كان ... يعني هالشيء يخليه ما ينفع يصير رفيق لي .. ؟؟
اكيرا : شلون بتعيشين مع واحد زي كذا ... أنتي حارة ما ينفع تعيشين معه
آيا : مالك دخل ... انا اعرف شلون بأتصرف
اكيرا : طيب خلاص مالنا دخل .. إحنا علمناك وبس ...
آيا : الله من اللقافه ...
وتروح آيا لصديقاتها ... : اوووووووه انا وش أسوي بهالشلة .. اقتلهم ليش دائم يوقفون في طريقي .. ؟؟
يونا : وش فيك ؟؟
آيا تقولها كل شيء وتقعد يونا تواسيها ... وترجع آيا للبيت ...

هل هذه نهايتي ؟؟ (( الفصل الأول – الجزء 3 ))

تقوم آيا من النوم ... توقف قدام المراية , حلقين نفس اللون , مناكير على كل الأظافر , قلس على كل الشفا يف ..
آيا: كذا بيعجبه ... ^^
تحول و تاكل الفطور وتروح بسرعة للمدرسة تدخل الفصل ما تلقى الطالب
تروح سييييييييده للشلة ولا تلقاه معهم ... تسأل صديقاتها وبعض الطلاب يقولون أنهم ما شافوه ....
يضيق صدرها وتقعد تنتظر دخل المعلم وبدأ الدرس ... وصار غايب
جلست محبطه طول الوقت ....
جو صديقاتها لها في الاستراحة ولقوها حاطه راسها على الطاولة ...
يونا : آيا وش فيك ؟؟
راي : عادي كل الناس يغيبون
آيا ساكتة وما تتكلم ....
وشوي التفتت عليهم : بنات روحوا انا ما أبي افطر ... معليش أبي اقعد لحالي ...
ويروحون وتصير لحالها في الفصل ...
يدخل توما ويروح لها : امممم كل هذا عشانه ؟؟؟ عادي الناس كلهم يغيبون وإحنا أمس قايلين لك انه كثير الغياب ... لازم تتعودين اذا كان اختيارك
آيا ساكتة ولا كنها تسمع
توما عيونه على السقف : آه صح راي تقول تو إنها تبيك عاجل روحي لها
آيا ترفع راسها وباهتمام : وش فيها ؟؟
توما : شكل عندها شيء مهم حتى إنها أرسلتني ...
آيا توقف : وش صاير .... طيب هي وينها الحين ... ؟؟
توما : تعالي انا بروح لها بعد ... تجين معي ..
آيا وقلبها بيطلع من مكانه : اكيد ..
وتروح آيا معه لمعمل الكيمياء .... يوقفون قدام باب المعمل
توما : ادخلي هي هنا
آيا تدخل بسرعة تبي تشوف صديقتها وش صار فيها ... تفاجأت ان المعمل مظلم وما فيه احد وما درت الا بتوما يسكر الباب عليها ...
آيا: هيه توما خير افتح الباب ...
تطق بالباب وهو مقفول ... وتنهبل
وتجيها يد من وراها وتصير على كتفها ..... وتصارخ بأعلى صوت من الروعة وتروح للزاويه يجيها شيء يتدحرج تصرخ مره ثانية ولا حياة لمن تنادي عاشت حاله رعب في المعمل غير طبيعية ... فجأة ينفتح النور وتطلع ضحكات شخص تكرهه ..
اكيرا ميت من الضحك : ههههه حلوه والله انك خوافة وتحفة ...
سوما يمسح دموعه من الضحك : يا حليلك شكلك متي من الرعب حسيت اني بفلم وانتي البطله ههههههه
مورا : مسكينة على هالحاله زاد أنتي ليش تصدقين توما عارفته كذاب ؟؟
ويفتح توما الباب ويدخل مرعوب من الصرخات << يخاف احد يسمعه من الطلاب .....
آيا رايحه وطي والدموع في عيونها .... تتكلم وفمها يرتجف : اكيرا تحفة وخوافه
وتلتفت على سوما : بطلة فلم
دارت بنضرها على توما ومورا والدموع تنزل منها ..... صرخت صرخة مدويه هزت المدرسه قايله : اكرهكممممممممممممم ......
وتطلع بسرعة وهي تصيح ...
اكيرا مفجوع : الظاهر هالمره بالغنا صح ؟؟
مورا : قايل لكم بيت الرعب ما يونسها ...
توما : يوه الظاهر صدق كرهتنا .. !!
سوما : وش بنسوي الحين ؟؟
وتروح آيا وتصيح على الطاولة من اعماق قلبها ...
وتصفر الفسحة ....
آيا تمسح دموعها قبل ما يدخلون الطلاب الفصل ويشوفونها تصيح .... عاد يبدا الاستجواب س و ج ... صار عندها الحصة الرابعة فراغ ....
جاء طالب للفصل ويقول : فيه طالبة اسمها آيا هنا ؟؟
آيا : نعم هذي انا
الطالب : ممكن تطلعين فيه شخص يبغاك ...
آيا خذها فكرها بعيد : معقولة قلق علي وجاء يشوفني
وتطلع بسرعة معه
وتحول تحت وتلقى قدامها أكيرا
الطالب : هذا هو الطالب اللي يبيك
ويروح الطالب ... تقعد آيا مميله فمها ... : خير وش تبي ؟
اكيرا : تعالي معي
آيا : وش تبي ؟؟
اكيرا : اخلصي
ويمسك يدها ويسحبها وراه
ويمشون إلا والشبيبة كلها قدامها
سوما : ساعة بسرعة يله قبل ما يدري احد
اكيرا : يله يله بس افتح الباب
توما : خلاص فاتحينه بس يله بسرعة
آيا في وجهها الدهشة : خير وين بنروح ؟؟
ويدخلون لصالة كرة السلة ويطلعون من بابها الثاني اللي يطلع للشارع ...
وفيه سياكل <<< جمع سيكل يعني دراجة
يركبون السياكل ... وآيا واقفة ما تبي تركب
آيا : خير وين بتودوني ؟؟ انا ما أبي أروح معكم
أكيرا : اركبي وراي واخلصي وأنتي ساكتة
آيا : على كيفك انا برجع للمدرسة
أكيرا يمسك يدها : يله اركبي وراي
يسحبها غصب وتركب وراه ويسرعون بالنحشة عن المدرسة ...
آيا خايفه : وقف وقف نزلني
وتطق على ظهره ... يلتفت عليها أكيرا : أعلمك شيء
آيا: نعم
اكيرا : تدرين إن طقك لي مثل قرصه النملة ... تراني ما أحس أبدا بها ........ بس تعورين يدينك ...
آيا : آآآآه ترى بصارخ وأقول انك مختطفني
اكيرا : الله يبلشك .... أقول اسكتي ... مالقيت إلا أخطفك انتي ... لو اخطف كل بنات المدرسة ولا أخطفك انتي منطقة خطر
آيا : طيب علمني انا رايحين وين .. ؟؟
اكيرا : توما انا بأسرع اوكي ..
توما : اوكي
ويطير اكيرا من السرعة
آيا : هيييييييييه هدي هدييييييييي ... تكفى انا بموت من الرعب ... آآآآآآآآه أخاف تجي سيارة وتصدمنا ..
اكيرا : لو تسكتين اصرف من إزعاجك ...
ويمشي الوقت على كذا ... ويوقفون قدام بيت
أكيرا : وصلنا
آيا : وش هالبيت .. هذا بيتك ؟؟؟
اكيرا : لا .. خلينا نشوف هو بيت مين
يرن مورا الجرس ... وهو ينفتح الباب
آيا : أصلا انا غلطانة يوم أجي معــ .....
وتشوف الطالب رانجي هو صاحب البيت ... تتمالك نفسها وتعدل شعرها وتنزل عيونها بالأرض
الطالب رانجي : أوه انتم ... هلا والله
سوما : ههه معليش على الزيارة المفاجئة
الطالب رانجي : لا عادي تفضلوا
كلهم بصوت واحد : زاد فضلك ....
ويدخلون وآيا ذايبة من الحيا ...
يتوجهون لمكان الجلوس ويقعدون ....
الطالب رانجي : مو المفروض تصيرون الحين في المدرسة
اكيرا : هو المفروض لكن قلقنا عليك وتركنا المدرسة وجينا
الطالب : يعني هاربين ؟!
توما : لا ... لا تسميه هروب لكن تقدر تسميه زيارة قلق هه هه
سوما : آه بالمناسبة ليش اليوم غايب . ؟؟
الطالب : والله راحت علي نومه
اكيرا : وانت عادي انك تغيب
الطالب وهو يوقف متجه للمطبخ : عادي انا ما تهمني المدرسة ... عن اذنكم
الكل : اذنك معك ...
غاب رانجي بضع دقائق يجيب لهم حاجة تنشرب لزوم الضيافه ....
آيا فيه هذي الاثناء كانت تدور بنظرها في جميع الزوايا وفجأة تطيح عينها على صوره لرناجي ومعه بنت لا ارادياَ انقزت ومسكت الصوره وجلست تتأملها ...
وفي رجعته شاف آيا ماسكة الصوره ...
وهو يحط الصينية على الطاوله
رفعت آيا نظرها وقالت : من هذي البنت ... اختك ؟؟
الطالب : لا هذي رفيقتي
الكل ناظر بعض بدهشة وحولو نظرهم لآيا ... وآيا بدت ترتجف يدينها ... وعيونها تجمعت فيها دموع .. تدراكت نفسها ونزلت عيونها على الصورة ...
آيا بتحسر : آه رفيقتك اجل ... ما شاء الله حلوه ..
الطالب : تسلمين ما عليك زود ...
اكيرا : طيب هي وينها ؟
رانجي وهو يوزع كاسات العصير : هي في المدرسة اللي كنت فيها ... لكن أشوفها كثير ...
آيا وكن ناغزها شيء وقفت فجأه وعطتهم ظهرها : شباب انا رايحه المدرسة ... شكرا رانجي على الضيافة ..
الطالب : توك جاية اقعدي شوي
وتمشي آيا ما كأنها سمعته والدموع في عيونها ....
سوما : إحنا بنقعد ترى ... هييييييه آيا ؟؟
وتطلع برا ضايق صدرها تمشي وقلبها بينشق نصين من قوي العبره تقول في نفسها : شكل دموعي بتخلص وبرجع من الصفر ... ثم تلتفت على البيت وتاخذ نفس عميق وتمسح دموعها تحاول ترجع طبيعية : وجع محد لحقني يواسيني ........ على الأقل يوصلني للمدرسة
مير عناد فيهم بآخذ واحد من سياكلهم ....
وترجع للسياكل ... مسكت سيكل اكيرا وتحس واحد واقف وراها تلتفت وتلقى اكيرا ...
اكيرا : وش عندك ؟؟ ليش طلعتي فجأة ؟؟
آيا تتكلم تدرعي القوه : يعني يقالك ما تفهم ...
اكيرا : ما كنا ندري صدقينا
آيا : لا انا اعرف انكم تبون تقهروني ... بس كل هذا عشاني ركبت على ظهرك ؟؟
اكيرا : لا لا السالفة مو كذا ... طيب يله اركبي بوصلك للمدرسة وبحكي لك في الطريق ....
وركبت معه بالسيكل ومشوا ...
اكيرا : احنا شفناك متضايقة ليش ان رانجي غايب اليوم وزياده على كذا متعدله وسويتي كل اللي كان يبيه منك يعني كل اللي تقولين موضه تنازلتي عنها بسببه .... فكرت إني غلطت مره يوم أوسع لك صدرك وأحط لك بيت رعب فقلت مهيب فرحانة إلا لما تشوفه .. وخذناك له
لكن اضن فشلنا للمرة الثانية .... انا آسف
تفاجئت آيا من أسلوبه اللبق معها بدت تتكلم معه بهدوء وقالت : شكرا لك اكيرا لو ما رحت اليوم لبيته كان ما عرفت إن عنده رفيقه ... هو بس عجبني عشانه وسيم ولان ما عندي رفيق ... حبيت أصادق واحد ما يعرفني من قبل ...
وقف اكيرا والتفت عليها : آيا انتي تبين رفيق ؟؟
انا أعرفك من فتره واعرف وش اللي يعجبك في أي ولد عشان كذا انا بساعدك على إيجاد رفيق جديد
ناظرت آيا له باستغراب : انت صادق بكلامك ولا تمزح ؟؟
اكيرا : لا انا ما امزح هالمره انا صادق
آيا : طيب من هو هذا اللي ينفع لي ... ؟؟
اكيرا : واحد اعرفه يوم كنت في المرحلة المتوسطة بس يوم رحنا الثانوي ما صار في مدرستنا وصار في الحي اللي جنبنا .... بس بيعجبك لأنه وسيم مره وبعد أجمل مني .
آيا لما عرفت انه جميل : طيب شلون بتعرفني عليه ... ؟؟
اكيرا : طيب انتي اسمعي لتعليماتي وبكره لازم ننفذها ...
آيا : يعني بقابله بكره
اكيرا : أيه ... بس يله بقولك كل شيء وأبيك تنفذينه بدقة ... خلاص ؟؟؟
ويرجعون للمدرسة بخلسه ويدخلون ... وآيا مستعدة لمقابله رفيقها المنتظر ...

لماذا الفشل يتبعني (( الفصل الأول – الجزء 4 ))

تقوم آيا من الصباح تستعد وتتشيك عشان تقابل رفيقها المنتظر ...
تحول وتأكل فطورها .. وتروح المدرسة بسرعة ...
تدخل المدرسة وتروح الفصل ويمر اليوم إلى الحصة الخامسة ...
بعد انتهاء الدرس:
آيا توقف: أستاذ ... أستاذ ....
المعلم يرفع نظره لها : نعم....
آيا:ممكن أروح لدورة المياه ؟؟
المعلم:طيب بس لا تتأخرين ؟؟
آيا : طيب ..
وفي فصل اكيرا ....
اكيرا : أستاذ .. أستاذ ...
المعلم :نعم
أكيرا :ممكن أروح لدورة المياه ؟؟
المعلم : لا
اكيرا :استاذ ضروري تكفى..
المعلم: طيب بس ياويلك ان تأخرت
اكيرا: طيب
هناك في سطح المدرسة آيا تنتظر اكيرا ..جاها طاااااااير ويالله يتنفس..
آيا : سلمات وش صار ؟
اكيرا : الله ياخذ هالمدرس ما بغى يطلعلني نشب في حلقي
آيا: ايه اهم شيء انك طلعت يالله قبل ما يدرون عننا
اكيرا: يالله
ويمشون سوى بسرعة وينزلون من الدرج ... تشوف آيا معلمة الرياضيات
فجأة تطيح من الدرج .. ويسرع وراها اكيرا
آيا وهي ماسكه ركبتها : آآآه رجلي رجلي تعورني
اكيرا : وش فيك ؟؟
تجي المعلمة بسرعة : سلمات ماتشوفين شر وش فيك ؟؟
تمثل آيا إن فيها جرح وهي تحط القلس على ركبتها
آآآآآآآآآآآآآآآآآآآآآآآآآآآآآآآآآآآآه ركبتي ..تهي تهي آآه
المعلمة ماتدري وش تسوي: قومي قومي اوديك للطبيبة
اكيرا : يا الله تنزف ركبتها .
المعلمة :بسرعة لازم ناخذها للطبيبة ..
اكيرا بثقه : لالا سمعت اليوم إن الطبيبة ما حضرت
المعلمة : ياربي صح ...وش السوات
اكيرا بكل بساطة شال آيا بين يديه وهو يقول للمعلمة :انا بوديها للمستوصف القريب من المدرسة ..استاذة روحي خذي لنا اذن من المدير لان اصابتها قوية يالله الحق عليها
المعلمة طايرة بوهتها: طيب طيب ..لحظه وش أسمائكم ...
اكيرا وهو يركض : انا أكيرا وهي آيا
ويطلعون من المدرسة وينزل اكيرا آيا
اكيرا :الظاهر الأمور تمشي زي ما بغينا ...ويرفع يده يصفقها بيد آيا
آيا : يس مثل بغينا ....وفجأه تغيرت ملامحها الى استفهام: لحظه لحظه انت وش دراك ان الطبيبة غايبة اليوم؟؟
أكيرا وهو يعدل ياقة بلوزته: احم احم سمعتها أمس تكلم المدير وتقوله إنها اليوم مهيب مداومة
آيا : اها ..ربي يحبنا ههههه
اكيرا : هههه ...
اكيرا يغير نظرته اقول يله بسرعة نروح للمستوصف القريب لان إذا تأخرنا بيسألون المستوصف عنا عاد تخيلي ننكشف عقب الفلم اللي سويناه
آيا وهي تمسح القلس من ركبتها وتحط لزاق جروح: يالله بسرعه مو ناقصين..
وينطلقون بسرعة برا المدرسة متجهين للمستوصف لقو عندهم زحمة حمدو ربهم ان عندهم عذر عشان يقدمونه للمدير اذا رجعوا..
ويتجهون الى مدرسة صديق اكيرا..ويدخلون بكل ثقة ..
الفراش من وراهم : هيه يا اولاد
اكيرا وآيا يلتفتون: نعم
الفراش: من انتم ..لبسكم ما يدل انكم من هالمدرسه ؟؟
اكيرا : أيه إحنا من مدرسة قيشالي العليا ( اسم مدرستهم ) ..
الفراش: طيب وش عندكم في مدرستنا ... ؟؟
اكيرا : احنا المسئولين عن صحة الغذاء المدرسي (صحة الغذاء المدرسي هي عباره عن مجموعة طلاب يطبقون على مدارس تختارها لهم مدرسة للتأكد من صحة الغذاء يكونون مرتدين نفس لبس المدرسة و توزع عليهم بطاقات تدل انهم من المسؤولين عن صحة الغذا)
ويطلع بطاقتين ( مزوره ) انهم من المسئولين عن صحة الغذاء المدرسي
الفراش : آه بس هم وعدونا انهم بيجون بعد شهر ...
اكيرا : لا تغير الوقت وصارت بعض اللخبطة شوي عشان كذا اليوم هو يوم الزيارة لهالمدرسة ..
آيا تشوف أكيرا بتعجب من وين خرف هالكلام ...
الفراش : آسف على ازعاجكم ..طيب تقدرون تروحون تفضلو من هنا الكفتيريا ويأشر بيده لناحية الكفتريا..
اكيرا نزل راسه :لاعادي بالعكس هذا يدل على حرصك على المدرسة
آيا: شكرا ياعم ..
الفراش مبتسم: لاشكر على واجب
اكيرا يلتفت على آيا وهو يغمز لها: يالله مشينا ويتجهون للكفتيريا
آيا وهي متشققه من اللعبة : والله انك خطير عليك تأليف عجيب
اكيرا مستانس: اعجبك انا اكيرا مو حيالله.ههههههه
آيا:ياشين الوثوق ههههه
اكيرا:امشي امشي بس
دخلو الكفتريا
آيا تشوف الغذاء : يوه الصراحة انا ما أحب أكل المدارس أبدا وهذا طعمه شين ما يعجبني
اكيرا : هو فيه احد مشاورك ... أقول عبي الاستبانه بكلمه ممتاز خلينا نخلص ...
آيا : بس احنا ما قلنا الصدق
اكيرا : سوي اللي أقوله لك وأنتي ساكتة ..
ويخلصون من تعبئة الاستبانات بسرعة و يرقون للدور الثاني ...
يتلفتون عليهم كل الطلاب لان لبسهم مختلف
آيا في نفسها: ياكرهنيلي لهالنظرات
اكيرا : يوه ذا وين فصله ؟؟
آيا :اسأل احد من هاللي بياكلونا بنظراتهم كأننا كائنات فضائية
اكيرا: وانتي الصادقة
توه بيتحرك إلا يسمع احد من وراه يقول لوسمحت..
اكيرا يلتفت ويكلمه : هلا
ويقابلهم طالب : انت اكيرا ؟؟
اكيرا : أيه..من معي
الطالب : ما اصدق انك ما تذكرني ؟؟
اكيرا : لا .. من انت ؟؟
الطالب : انا تيدوس كنت معك في المتوسط نسيت ... يوه مرت سنتين ما شفتك ... الصراحة تغيرت
اكيرا بكذب : اها تيدوس اي اتذكرك والله المتوسط كانت ايام حلوة
الطالب: ايوة صدقت.
اكيرا : بالمناسبة تعرف وين " اساوا " ؟؟
الطالب : ايه هو في فصلي ...
اكيرا : والله ياليت توديني له
الطالب : ابببشر.. أممم من هالبنت الجميلة اللي معك ؟؟
آيا تبتسم وتوها بترد
اكيرا : وين اساوا ؟؟
آيا ميلت خشتها على جنب وفي بالها : ياخي خلني ارد ماتسمعه يقول جميلة مالت عليك
الطالب وعينه على آيا: ههه تفضل تفضل من هنا..
ويروحون للفصل و اساوا حاط راسه على الطاولة ..
اكيرا : آيا اوقفي عند الباب لين اقولك ادخلي اوكي ؟؟
آيا منقهره يقطع ام الذل: طيب
يدخل اكيرا الفصل...
آيا في نفسها : من اجل عين تكرم مدينة
وعيونها ترمش بترقب للرفيق الجميل المنتظر ..
اكيراوهو يتقدم لصديقة ويوقف قدام طاولته: احم احم
اساوا يرفع راسه ...هنا آيا دوروها فاتحة خشتها وعيونها بتطلع من مكانها من هالمفاجئة
اكيرا مبتسم وهو يمد يده : من فتره طويلة ما شفتك ... شلونك ؟؟
اساوا يوقف ويسلم وهو مبسوط: انا بخير الحمد لله ... شلونك انت ؟؟
اكيرا : تمام
اساوا : والله أمس يوم اتصلت علي وقلت انك بتجي استانست مره ...
اكيرا: الله يخليك
اساوا بتسائل: مو قلت انك بتجيب معك شخص ثاني وينه ما اشوفه!؟..
اكيرا : ايه لحظه شوي...
ويلتفت اكيرا ويقول : آيا ادخلي
آيا وهي ما ودها تدخل وتقول في نفسها : نعم يبيني ادخل
اكيرا : تعالي ولا تستحين
آيا في نفسها : الله من قله .. ما لقيت إلا انا استحي منك و من أشكالك
وتدخل يالله يالله وتوقف جنب اكيرا منزله راسها ..
الطالب اساوا عاجبته آيا قال : ماشاء الله من هذي يا اكيرا ؟
آيا وهي ميتة رعب .. في نفسها : تكفى لا تقول
اكيرا : هذيــ ...<<<< وتضغط آيا على رجله
اكيرا : اح اح .. هذي << و تضغط مره ثانية
اكيرا وبصوت عالي : هذي رفيقتي
آيا بدهشة تشوفه
الطالب اساوا : وااااااااااااااااو اكيرا عندك ذوق
اكيرا بورطة : هه ههه هههه .تسلم
الطالب اساوا : مره تناسبون بعض ..
آيا ببتسامه تخفي دهشتها و تقول في نفسها : ايه مره ... كثر منها
اكيرا: يالله يالحبيب صار لازم نرجع لمدرستنا الحين .. مع السلامة
ويسحب آيا ويطلعون برا بسرعة
الطالب اساوا: وش فيه اكيرا الحين مكلمني عشان يوريني صديقته ..؟!
بعدين يبتسم وهو يتذكر شكلها : والله عندك ذوق يا اكيرا هالزين من يتركه ..
هناك قدام مدرسة اساوا وقفو الاثنين واكيرا يلهث وفي نفس الوقت مستحي من آيا تناظر لوجهه تستنى منه مبرر للي سواه
يوقف اكيرا قدام آيا بكل استحياء: آسف
آيا حمقانه : آسف على ايش على الحركة اللي سويتها وتقلده (هذي رفيقتي )ولا من هالصديق اللي فجعتني فيه قال ايش وتقلده (اجمل مني بيعجبك) هاااه..... انت تبي تحرجني بس ؟؟
اكيرا : لا والله ما كان قصدي كذا والله..الصراحة كان اجمل مني يوم كنا في المتوسط ما توقعت انه في سنتين بيتغير ... وعشان أطلعك من المشكلة قلت انك رفيقتي .. فهمت ؟؟
آيا بحزن : ايه فهمت ... فهمت إن مالي نصيب أبدا ... وكل مره أحاول فيها افشل ... انا مالي نصيب ابدا
اكيرا رحمها: انا بحاول اساعدكـ...
آيا تقطع كلامه وهي تحرك راسها يمين ويسارو تسد اذانيها : خلااااااااااااااااااص ... خلاص انا ما أبي اسمع أكثر
وتمشي شوي وتلتفت عليه والدموع في عيونها : شكرا لك اكيرا ..
بعدها راحت تركض ما تشوف دربها من الدموع
لحقها اكيرا وعلامات الحزن عليه لانه يحس ان هذي ثالث مره يتسبب في حزنها ونزول دموعها ..
يرجع الاثنين حزينين بدون اي فايدة و يدخلون المدرسة وتقابلهم مدرسة الرياضيات
المعلمة باهتمام: هاه بشروا وش اخبار ركبتك يا آيا؟؟
آيا ترفع راسها ووجهها يدل على إنها ميته من الصياح
اكيرا يتكلم بسرعه: ما فيها الا العافية يقول الدكتور إنها حاله عادية ... والحمد لله ما صار لها شيء غير جرح بسيط في ركبتها ...
يلتفت على آيا :صح آيا
تناظره آيا بعيون انهكها التعب و تمشي بهدوء وترقى الدرج ولا كأن احد كلمها...
نزل اكيرا راسه وقال في نفسه :ما الومك كل هاللي جاك مني......
المعلمة تناظر اكيرا :وجهها ما يعجبني ... ليش صايره كذا .. ؟؟
اكيرا يصرف:ههه ايه هي تقول إن الجرح شوي يعورها ..
ويحرك يدينه :دلع بنات دلع بنات لا تاكلين هم ويمشي ويخليها في حيرتها ..
يمر اليوم وآيا بحزن ترجع البـيت وتصيح على السرير ... واكيرا يرجع للبيت مهموم من اللي صار فيها ..
أحداث الفصل الثاني::
الجزء الأول :
اكيرا : المهم هيئي نفسك لان الحفلة الساعة 8 ونص الليل ... خلاص ؟؟
آيا : قلت لك منب جاية وشوله مصر
الجزء الثاني :
توما : آيا ممكن أسألك سؤال ؟؟
تلتفت آيا عليه ... : قول
توما : انتي تكرهينا ؟؟
الجزء الثالث :
الطالب كيو : انا وأنتي كلنا مالنا أرفقاء واجتمعنا اليوم ... كأن القدر يبي
آيا : وش يبي ؟؟
الطالب كيو يمسك يد آيا : آيا تصيرين رفيــــ.....
الجزء الرابع :
اكيرا : آيا .. أيا ردي آيا
ويهزها وما تتحرك ...
اكيرا : آيا .... آيا ........ ؟؟

دخلنا الى الفصل الثاني ....
وراح تزيد الاحداث اكثر واكثر .... عشان كذا ركزو وكل شيء دخلوه في الراس ........

انا لست مجبورة (( الفصل الثاني – الجزء 1 ))
الام : آيا .. آيا .. يله قومي ليش اليوم متأخرة
تدخل الام على آيا و توخر الفراش عن وجهها : آيا ياالله قومي
آيا : يماه ما أبي اليوم اروح المدرسة
الام : خير ليش وش فيك ؟؟
آيا : احس بتعب وما اقدر اروح للمدرسة
الام باستنكار: لكن ...
الام وهي تشوف وجه بنتها ماعجبها: خلاص نومي وارتاحي ...
في المدرسة ::..
في الطابور الصباحي تتلفت يونا تدور آيا.
يونا : يوه هذي وينها اليوم ؟؟
راي : مين ؟.. آيا؟
يونا : ايه ... ما شفتيها ؟؟
راي : لا ما شفتها ..
يونا و هي تشوف طابور فصل آيا: ما اشوفها في الطابور انا من شفتها امس يوم رجعت شكلها ما يطمن لايكون غايبه ؟
راي : لا ما يكون الا الخير خلينا ننتظرها الى انتهاء الحصه الأولى اذا ماجت نسأل عنها فصلها و بعدين هي من النوع اللي يتأخر ؟
يونا : طيب ننتظر .. توقعتها هالسنه بتتعدل عن هالتأخير لكن ابو طبيع مايترك طبعه..
في عالم التنصت ::
اكيرا لما سمع كل كلمه قالوها انبه ضميره فحط في باله قبل لايدخل فصله يروح لفصلها يسأل عنها ...
دخل الجميع الفصل وجا الأساتذه بعد دقيقه وحده استأذن اكيرا بيروح للحمام ( اعزكم الله )وطلع راح بسرعة لفصل آيا يتلفت يمين يسار ما لقاها ... سأل المعلم اللي في فصل آيا : الطالبة آيا اليوم غايبه
المعلم : ايه ولي أمرها تو متصل وعلمنا انها تعبانه وما تقدر تجي..
اكيرا بخيبه امل: آه شكرا
يتوجه لفصله و يدخل بهدوء و يجلس على كرسيه
بعد انتها الدرس
يشوف اكيرا يونا وواضح انها قلقانه على صديقة عمرها وقف و راح لها
اكيرا: يونا لا تنتظرين آيا لأنها مهيب جاية
يونا ترفع راسها: والله ..وش دراك؟
اكيرا : قبل شوي وانا طالع للحمام مريت من غرفه المدير وسمعت
يونا : وش فيها ... عسى ما تكون مريضة ؟؟ كانت أمس مهيب بخير ..
اكيرا في نفسه :كأنك حاسه
اكيرا يرد عليها بسرعه: او يمكن راحت عليها نومه هه هه
يونا : يمكن .. الله يستر على العموم شكرا اكيرا انك علمتني ماتدري وش كثر كنت قلقانه عليها ..الحين نسبيا ارتحت
اكيرا: لا ولو ماسوينا شي
صفرت الحصه و الكل رجع مكانه استعداد للماده التالية ... مر اليوم بدون اي حدث جديد...غير ان فيه بعض من ابطالنا مشغول باله بالتفكير بحال آيا..
جرس البيت يرن ...
الام : مين << وتفتح الباب
اكيرا : مساء الخير انا اكيرا صديق ايا بالصف
الام : مساء النور هلا ياولدي تفضل
اكيرا : زاد فضلك بس كنت جاي اتطمن على آيا لأها غايبة فجبت لها دروسها اللي فاتتها .. ممكن اعطيهياه
الام : الله يعافك و يجزاك خير تعبت نفسك .. والله هي تعبانه شوي
وتمد الام يدها للداخل و تقول : ادخل ياوليدي بروح أقومها لك ..
اكيرا : لايا خاله مايحتاج تقولينها وهي تعبانه انتي عطيهياه و انا بروح ..وهوفي نفسه وده يتطمن عليها
الام : والله ماتروح وانت بنفسك بتسلمها الوجبات بيدك .
اكيرا مستانس بس ماوضح: ياخاله يوم ثان.....
الأم تمسك يده و تجلسه و تقول : بروح اناديها لك ثواني بس ..
تروح و تخليه قبل ماتسمع منه اي رد.
تدخل غرفة آيا وتبعد الفراش عنها : و تهزها آيا ... آيا ..قومي يالله بسرعه فيه واحد يبغاك تحت
آيا فاتحه عين وحده : واحد ولا وحده ؟؟
الام : واحد واحد..قومي انقزي عيب في الولد ينتظر ساعه
آيا تفز : من هو ؟؟
الام تتصنع عدم المعرفه: وش دراني انا ..بسرعه بس بلا هالأسئلة اللي مالها سنع
آيا : وش اسمه ؟؟
الام بقلة صبر: مااااا ادري .. بتقومين ولا اوريك الشغل السنع
آيا بخوف: طيب طيب
وتحول ببجامتها من الاستعجال ... وتقابل اكيرا من على الدرج .. الشوشه منفوشه , حفيانه , وجه معفوس
رفع راسه اكيرا متفاجئ :آيا ؟؟
آيا بدهشة : أ..أ..أ...أكـــيراااا
اكيرا استانس: واو متغير مره شكلك ما كأنك ذيك المهتمة بشكلها
آيا ترجع ركض لغرفتها تطمر درجتين درجتين .. سريع سريع تزين شعرها وتبدل ملابسها وتغسل وجهها وتحط قلس ..
وتحول بكل هدوء و رويه... ^^"
تشوف اكيرا لازال على وضعيته مبلم على الدرج تتجه له وتسلم عليه وقف لها ومد يده وصافحها
آيا: تفضل اجلس
اكيرا جلس بكل هدوء: شكرا
آيا: اكيرا وش عندك جاي ؟؟
اكيرا : مو المفروض تضيفيني في بيتك
آيا : آه اسفه ثواني بس ..
تروح بسرعه و ترجع و في دها صينية فيها كاسين عصير ..
آيا و تمد له كاس عصير: تفضل ..
اكيرا وهو ياخذ منها الكاس: شكرا .. وش فيك اليوم غايبه ؟؟
آيا: مالي نفس اروح المدرسة وأحس بشوية تعب
اكيرا : على الاقل كان قلتي ليونا امس انك بتغيبين لأنها المسكينه كانت تحتريك ..
آيا: يا الله ... شلون نسيت ياقلبي عليها أكيد الحين بتزعل علي بأعتذر لها وهي بقلبها الطيب راح تعذرني
اكيرا : ماشاء الله عليكم .. الله يخليكم لبعض ... بس مره ثانية علميها عشان قلبها الطيب ؟؟
آيا بابتسامه هادئة: ان شاء الله ..الا ماقلتي وش عندك جاي في عز الظهر ؟؟
اكيرا مبتسم : سمعت انك غايبة قلت بشوف وش اخبارك عسى ما يكون بسبب اللي حصل امس و عشان أعطيك اللي فاتك من الدروس
آيا بشويه ارتباك تحاول تخفيه: لا لا مو بسبب اللي صار امس اصلا نسيته ..
آيا تغير الموضوع على فكره من هو الطالب اللي في فصلي عطاك دفاتره
اكيرا : محد
آيا باستغراب : هاه اجل شلون جبت لي الدروس
اكيرا : ايه صح ما علمتك ...
آيا : وش صار ؟؟
اكيرا : صرت في فصلك ..
آيا بدهشة : نعم ... لا مستحيل
اكيرا باستغراب : وشو المستحيل ؟؟
آيا : طيب ليش نقلوك لفصلي
اكيرا : بسببك اليوم ما لقيت احد أتطاق انا وياه و تطاقيت انا وسوما .. وقرر المدير يغير لنا فصولنا وانا نقلوني لفصلك
آيا : يعني ما اقدر ارتاح منكم يا هالأربعه لو سنه لازم واحد منكم يصير معي ... انا قايله إن حظي ردي
اكيرا مبسوط انها رجعت طبيعيه و تغير الموضوع: والله انا اللي حظي ردي أني صرت معك ..
آيا : طيب .. الطالب رانجي اليوم جاي ؟؟
اكيرا : آه رانجي إلا جاي وسأل عنك ...
آيا بصوت منخفض : أوه يا ليتني موجوده ...
اكيرا : ايه صح تذكرت ... آيا اليوم انتي فاضيه ..
آيا : بأكمل دفاتري و... ما ادري
اكيرا : اليوم ليله إجازة تقدرين تجين لحفله اليوم باسويها
آيا : حفله ؟!
اكيرا : ايه انا خلاص بعيش لحالي في بيت ... واليوم احتفاليه عشان هالمناسبة
آيا : آه مبروك .. بس تراني منب جايه
اكيرا : ليش ؟؟
آيا : ما لقيت إلا أقابل وجهك من حبي لك ...
اكيرا : افا ... ليه ؟؟ بس ترى كل الشباب بيحضرون وحتى صديقاتك
آيا بكبرياء : وإذا ...انا مشغولة ومنب جايه
اكيرا : طيب يونا وراي بيصيرون موجودين
آيا : انا مصدع راسي ومالي خلق للإزعاج
اكيرا : طيب وإذا قلت إني ما شاورتك تجين ولا ما تجين ؟؟
آيا : نعم
اكيرا : المهم هيئي نفسك لان الحفلة الساعة 8 ونص الليل ... خلاص ؟؟
آيا : قلت لك منب جايه وشوله تصر
اكيرا : انا قلت اللي عندي ... يله انا بروح مع السلامة .. أشوفك اليوم
آيا : ايه مع السلامة ... وللمعلوميه تراني منب جايه لا تحاول
اكيرا : طيب طيب
ويروح .. يمر اليوم وتحل آيا كل الدروس اللي فاتتها وكل واجباتها وتناظر للساعة إلا هي 7ونص
آيا : آه منب رايحه عناد له ...
ويمر الوقت وهي بدت تحس بالطفش
تشوف الوقت 9 إلا ربع
آيا : المسكين راح الوقت ولا جيت هه عناد
ويرن جوالها رنه رسالة ...
تمسك الجوال وتقرا الرسالة من رقم غريب ] عساك جاهزة ... تراني عند باب بيتكم انتظرك نروح مع بعض ... رانجي [ ^_^
تطير من الفرحة وتطل من الدريشة وتشوفه لابس قباعة
تروح وتلبس أحسن فستان عندها وتتشيك على الآخر ...
تحول مسرعة وتفتح الباب ...
آيا : عسى ما تأخرت عليك
يرفع راسه ...
آيا : أ..أ..أكيرا
اكيرا : واو أشوفك ما صدقتي إني أرسلك رسالة ... على طول طلعتي هذي المشغولة ؟؟
آيا متورطة : نعم انا خلصت شغلي لا لا انا الحين عندي شغل وبرجع
تلف بترجع ويمسك يدها ..
اكيرا : انتي مجبورة هالمره
تحاول توخره ما قدرت
اكيرا : يله اركبي السيارة يكفينا ما تأخرنا ...
آيا : قلت لك منب رايحه
اكيرا : اخلصي
ويفتح الباب ويدخلها بالغصب ...
ويروحون للبيت .. يلبق
آيا : وين بيتك ؟؟
اكيرا : هذا هو ما تشوفين ؟؟
آيا : انت تمزح ... هذا بيت أمراء
اكيرا يضحك : إذا ما صدقتي ادخليه
وتحول آيا من السيارة توقف قدام الباب
اكيرا : افتحوا الباب
وينفتح الباب تصفير وصراغ وبلونات ووو ....
آيا : واو يا الله
يونا : أخيرا جيتي
راي : تأخرتي
توما : والله و سويتها يا اكيرا
اكيرا : إذا قلت شيء لازم يصير
سوما : يله يكفينا ما تأخرنا ... يله خلينا ناكل الكيكة ترا طاحت سعابيلي من الشهوة ..
ويدخلون للبيت اللي على قولة آيا بيت أمراء
بيت في منتهى الروعة , وتصميمه الداخلي يجنن , الأثاث ألوانه متقاربة وحلو ....
آيا بواقفه جنب يونا وبصوت منخفض : يونا بالله عليك هذا بيت اكيرا ؟؟
يونا : ايه شفتي شلون يجنن ... واضح إن اكيرا مو من طبقتنا
آيا : معقولة ؟؟
يونا : انتي شوفي واحكمي ... مافي أمل يصير بيت مثله لنا ..
آيا : واو صدق انه غريب حتى انه ما وضح عليه هالشيء
اكيرا بصوت عالي : يالله نبدأ حفلتنا ^_^
ويبدون بتقطيع الكيكه اللي على شكل بيت , يلعبون شوية بالبلياردو , والبنات يسولفون
ومشت الساعات على كذا ...
آيا انسدحت على الكنبة وحاطه يدها على راسها ...
يونا : آيا وش فيك .. يعورك راسك ؟؟
آيا : لا مو كذا بس ودي ارتاح شوي انا ما أحب الصوت العالي ...
يونا : أقول لأكيرا ؟؟؟
آيا : لا لا .. الله واكبر على غفلة بموت عادي ما فيني شيء ... خليه يستانس مع ربعة ...
يونا : على راحتك ..
آيا : ايه تذكرت ... تكفين لما تروحين انا ابي اروح معك ... لان محد بيجي ياخذني
يونا : طيب ...
آيا : شكرا
راي تنادي : يونا يونا تعالي شوي ابيك
يونا : طيب
وتروح وتصير آيا لحالها ... تغمض عيونها إلا وهي نايمه ...
يجي اكيرا : هاه عسى الحفلة عجبتــ... آيا انتي نايمه ؟؟
ويقرب منها ويعرف أنها نايمه ...
اكيرا في نفسه : أخليها ولا أوديها فوق ترتاح ؟؟
اكيرا : يونا ... آيا من متى نايمه ؟؟
يونا : نامت ؟؟
اكيرا : ايه
يونا : يوه انا قايله لها ؟؟
اكيرا : بشيلها واوديها فوق تنوم
يونا : وين بتنوم ؟؟
اكيرا : يعني وين بتنوم في السرير
يونا : أي سرير ؟؟
اكيرا : السرير اللي في غرفة النوم
يونا : أي غرفة نوم ؟؟
اكيرا : انا عندي فوق غرفتين وحده أنوم فيها والثانية فاضيه .. بخلي آيا تنوم فيها ..
يونا ارتاح بالها : اييييييه .. صح خلاص !!
اكيرا يشيلها ويوديها فوق يحطها على السرير ويفسخل لها نعالها ويطفي النور ويطلع ويكمل سهرته ...
بعد مده ..
يرن تلفون يونا ...
يونا : الو ؟؟
الام : يونا يله انا جايه آخذك
يونا : طيب بس ترى صديقتي بتجي معي
الام : والله ؟؟ بس السيارة ما تكفي
يونا : ليه من معك ؟؟
الام : معي صديقاتي ولا يكفي إلا شخص واحد ..
يونا : يوه طيب ...
الام : يله انا قريبه من الباب .. اطلعي
يونا : طيب
وتروح يونا بسرعة لراي : راي راي ممكن تروح آيا معك
راي : ليش هي ما كانت بتروح معك ؟؟
يونا : حصل شيء ما يخليها تروح معي
راي : طيب
يونا : مع السلامة
راي : مع السلامة
ويمر الوقت والكل يروح
راي : اكيرا وين الغرفة اللي نايمه فيها آيا ؟؟
اكيرا : اول ما ترقين اول غرفة في الجهة اليسرى ..
راي ترقى وتروح تدخل الغرفة تفتح النور .... وتتهول من جمال الغرفة
غرفة حمراء متدرجة إلى اللون العنابي ...
راي تروح لأيا : آيا آيا يله قومي عشان نروح
آيا : نروح ؟؟
راي : ايه يونا راحت وانا اللي بوصلك
تقوم آيا مفزوعة : انا ويني فيه ؟؟
راي : في بيت اكيرا الجديد
آيا : و ليش انا في هذي الغرفة ؟؟
راي : بجاوبك على كل أسألتك بس في السيارة يله انا بحول والحقيني خلاص ؟؟
آيا : طيب
تقوم آيا وتعدل الفراش وتلبس جزمتها ... تلتفت وتلقى اكيرا
آيا : شكرا .. مع السلامة
اكيرا : مع السلامة ؟! مع مين بتروحين !!؟
آيا : مع راي
اكيرا : لكن راي راحت تو
آيا : ادري هي تقول الحقيني
اكيرا : لا انا قلت لها تروح
آيا : نعم
اكيرا : قلت انا اللي جايبها وعشان كذا انا اللي برجعها
آيا : مستحيل ... بروح وألحقها
وتحول بسرعة تطل ما تلقى احد
آيا بخوف : ليش ما فيه احد في البيت
اكيرا : كلهم راحوا
آيا : يعني ما فيه احد غيرك ؟؟
اكيرا : لا
آيا مبتسمة بسمة خوف : طيب مع السلامة بروح مشي
اكيرا : هاه مشي في هالليل ؟؟
آيا : ما علي خوف .. اقدر
اكيرا : انا ما خليت راي تروح عشان تروحين مشي ... انا زي ما جبتك برجعك
آيا : شكرا ما ابي
اكيرا : انا ما قد شاورتك تبين ولا ما تبين ... يله تعالي أوصلك
آيا مالها حل ثاني تروح وتركب في السيارة .... اكيرا يركب بمكان السواق
آيا : انت تعرف تسوق ؟؟
اكيرا : اجل وش مركبني هنا
آيا : طيب يوم تجي تاخذني من البيت كان فيه سواق
اكيرا : عشان ما تستاحشين ... أقول تعالي اركبي قدام وراك ورا .. ؟؟
آيا : طيب
وتركب قدام .. وساكتة طول الوقت
اكيرا : شلون كانت الحفلة اليوم ؟؟
آيا : حلوه ... مبروك البيت
اكيرا وهو مبتسم : يوه مره مبكرة في التهنئة ...
آيا : معليش توني ألقى الفرصة
اكيرا : أهم شيء انتي استانستي ؟؟
آيا : ايه ... شكرا
ويوصلون لبيت آيا ... يلبق
اكيرا : أوه صح ... قالت لك يونا شيء عن بكره ؟؟
آيا : لا وش بيصير بكره ؟؟
اكيرا : بكره بنروح كلنا لنزهة
آيا : آه وانا منيب رايحه ؟؟
اكيرا متفاجئ : ليش ؟؟
آيا : مالي نفس ..
اكيرا : الحين مالك نفس بس بكره بيكون لك نفس
آيا : بس ..
اكيرا حس ان يبغالها ضغط بسيط و توافق: بلا بس بلا خرابيط تبين تزعلين صديقاتك مره ثانيه مايكفي انك اليوم تأخرتي على الحفله
اكيرا:بتروحين غصب و على الساعة 10 الصبح بنمشي...
آيا : ما احب احد يغصبني على شيء ما ابيه و بعدين انا ابي أنوم في يوم الإجازة
اكيرا : يكفي اللي نمتيه اليوم .. ماتشبعين النوم مل منك
آيا معصبه: بكيفي انت وش دخلك انوم ما انوم وش عليك ... أقول يله مع السلامة
اكيرا مستانس على عصبيتها: أشوفك بكره .. مع السلامة
آيا : ماراح اجي... انا مو مجبورة ..
وتروح وتدخل البيت وتنوم ... واكيرا يضحك على تصرفاتها
يرجع البيت اللي كأنه مزبله من الحوسة ...
يتصل على اهله : الوه ...خلو الخدم بكره يجون و ينظفوا بيتي الساعة 11 اوكي ؟؟
قفل السماعه و على طول راح يفرش اسنانه و غير ملابسه و راح في سبات عميق...

وهذا البارت الجديد اتمنى يعجبكم ........ ^_^

أنا آسفة " أكيرا " (( الفصل الثاني – الجزء 2 ))
الام : آيا ... آيا بسرعة بسرعة قومي ...
آيا : وش تبين تكفين يماه ابي أنوم شوي ... تونا مبكرين
الام : بسرعة بسرعة ابيك تروحين لأبوك
آيا : وش فيه أبوي .. ؟؟؟
الام : يبغاك توصلين له شوية أغراض ... مستعجل
آيا : آه
الام : يله انا عندي أشغال عشان كذا ما اقدر أوصله له ...
وتقوم آيا تلبس وتزين شعرها بسرعة ..
وتحول وتلقى الشنطة وتاخذها تطلع برا .. وتقابل أكيرا
آيا : و.. و ..و وش جابك ؟؟
أكيرا : هذي اللي ما تبي تروح معنا ؟؟
آيا : انا أصلا بروح لأبوي يبي هالشنطة وبوديها له
اكيرا وهو يضحك : هذا الكلام انا اللي قايله لامك
آيا : مستحيل ... انا راجعة
اكيرا : وبعدين معك دايم بتأخرينا يالله اركبي في السيارة ..
آيا : السيارة ؟؟
اكيرا : ايه الكل موجود جوا .. بسرعة اركبي ..؟
آيا وميله فمها على جنب مالها خلق بس مستحية من اللي في السياره ينتظرونها .. ركبت ...
يونا : آيا صباح الخير
آيا : صباح النور
يونا : انا آسفة أمس رحت
آيا : لا عادي وشكرا انك قلتي لراي
راي : شلون رجعتي؟! ... مع اكيرا ؟؟
آيا : ايه .. بس اسمعي المره الثانيه حتى لو قالك أي شيء لا تروحين وتخليني وانتظريني.. اوكي ..
راي : اوكي و آسفة اذا ازعجك تصرفي .
ايا حست انها زعلتها: لا عادي ما ازعجتيني بس ماكنت ابغى اخليه يرجعني ما يكفي انه جابني عاد ما ابي امصخها ^.^
مو كلامي صح و الا انتي اش رايك ؟؟
راي و هي مبتسمه : الا صح ...وكلامك عين العقل .
بادلتها ايا الابتسامه..ومر الوقت الى ان وصلوا للمنتزه الساعة 11 ونص ...
مكان أروع من الروعة وفي قمة جبل بعد ....
اكيرا : هاه عسى المكان عجبكم ؟؟
توما : واو الصراحة مكان روعة
اكيرا : هذا مكان خاص ... وانا حاجزه امس ..
يونا : واو من جد خيالي ؟؟
اكيرا و هو يبتسم: اجل يالله نحط الفطور عشان نتمشى ترانا ميتين جوع و مافينا طاقه..
ضحك الجميع على اسلوبه المرح و فرفشته باستثناء آيا اللي ودها تذبحه ..
و قعدو و بدأت كل وحده تطلع اللي جايبته معها <<< سنعات
يونا : هذي فطائر انا سويتا اليوم الصباح ... عساها تعجبكم ..
راي : وانا سويت كيكة بالجبن ومعها شاهي ..
آيا نزلت راسها لأنها ما جابت شيء ...
اكيرا يبي يستفزها : آيا وش جبتي ؟؟
آيا رفعت راسها : ... نـ ...نـ..نعم ؟
اكيرا : وش جبتي معك لنا ؟؟
آيا : انا ما دريت إني بجي بهالطريقة ولا كان سويت شيء وجبته معي .... كله منك >.<
اكيرا : مني انا ؟! وش دخلني ؟
آيا : أسأل نفسك .. من اللي جابني ....
يونا تقاطعها : خلاص لا تتطاقون
آيا تقوم حمقانه وتمسك شنطتها بتطلع منها منديل وتشوف معها حافظتين
تفتحها وتلقى جواها توست محشية ببيض مقلي بالجبنه وخيار ... والكمية كبيره
وتفتح الحافظة الثانية وتلقى جواها توست فيها تونه بالذرة والمايونيز ... والكمية كبيره
بغت تنهبل من الوناسه وتذكرت كلام اكيرا فقالت في خاطرها : والله لا اوريك يا اكيرا الحقير ...
وتاخذ معها الحافظتين ...
آيا : بنات انا ماودي أوري اكيرا انا وش جايبه معي وماراح اعطيه منه بعد ...
اكيرا : يعني جايبه معك شيء ؟؟
آيا : ايه اجل فيه مره اروح فيها نزهه وما معي بيدي شيء ؟؟
يونا تفتح الحافظتين : واو حركات متى سويتيها
آيا : أأأ امي سوتها لي
راي : واو امك تسويها لك ؟؟
آيا : بس اليوم ....لأن قمت متأخره فما امداني والمره الجايه انا بسويها
سوما: يله ساعه تتكلمون انا ميت من الجوع
توما: وأنا بعد ... يله تعالوا
اكيرا و هو يناظر آيا مبتسم من حركتها ويقول :وانتم صادقين تعالو اقعدو حطو فطوركم خلونا ناكل عشان يمدينا نستانس ...
و بعد ما الكل شبع و خلص صارو يسولفون..
أكيرا : تحت هذا المكان فيه المنتزه اللي احنا جايين عشانه ...
توما : ووش فيه ؟؟
أكيرا : شوف بنفسك ...
سوما : اجل يله خلينا نروح
أكيرا : ذاك المكان نروحله رجليه يعني السياره بتصير هنا ..... يله خلونا نشيل كل الاغراض و نحطها في السيارة
ويشيلون الاغراض ويحطونها وينزلون من الجبل على مدينه العاب في قمة الروعة ...
ينبهرون من اللي يشوفونه ... ويروحون يلعبون بالالعاب ومونسين انفسهم آخر حد ...
اكيرا : هناك فيه تلفريك اش رايكم نروح نركبه ...
آيا : لا انا ما احب اركبه
اكيرا : انتي شايفه نفسك على ايش ؟؟
آيا ووجهها يتلون من الخوف : انا ما شفت نفسي بس و والله ما احبه واخاف منه ...
توما من وجهها رحمها: خلاص خلاص انا ماراح اركب لاني اكرهه بجلس معها ..
أكيرا ولاكأنها موجوده: اذا كان كذا خلاص المهم ان احد معها ...
ويروحون ويركبون كلهم ... يقعد توما على الكرسي وتقعد آيا جنبه ...
توما : صدق انتي تخافين من التلفريك ؟؟
آيا : ايه .... وانت تخاف من ركوبه ؟؟
توما : لا انا ما اخاف بس احس بالغثيلان والدوخة إذا ركبته ..
آيا : اها ... اجل تكره الطيارات بعد .. صح ؟؟
توما بضحكه : ايه ..
آيا : لا انا عادي عندي الطيارات ....
توما : آيا ممكن اسألك سؤال ؟؟
تلتفت آيا عليه : قول
توما : انتي تكرهينا ؟؟
آيا بدهشه عفويه : لا ..
توما : طيب أكيرا وسوما
آيا واللي في قلبها على لسانها: ايه شوي لانهم يرفعون ضغطي
توما باهتمام : تكرهينهم ؟؟
آيا ببراءه: اقولك الصراحه بس ما تعلمهم ...
توما مبتسم : لا ماراح اعلمهم ..
آيا تناظر في اللي يتمشون: انا ما اكرهم ابداً .... بالعكس احس اني اروح المدرسه كل يوم سعيده لاني الاقي الرباعي المرح ^.^
توما ابتسم من كلمتها الرباعي المرح وبعدين سألها: انتي ما تحبين حركات اكيرا معك هاليومين ؟؟
آيا : ايه ما احبها لانه يغصبني على اشياء ما ابيها ...
توما يضحك : معقوله ؟
آيا تشوفه بدهشة
توما : احس اني اكلم طفله
آيا : لا والله تستخف دمك انت ؟؟
توما وهو يضحك : ياحليلك ... بس لا تكرهين اكيرا تراه يحب يسعدك
آيا تشوفه باستغراب
توما : كان يقولنا "هذي بنت يرتفع ضغطها بسرعة وفي نفس الوقت مرحة وتغير الجو بسرعة ... وهي الوحيده اللي بتنفع معنا ..." عشان كذا يوم شافك ضايق صدرك ذاك اليوم حاول يسوي أي شيء يرجعك
لطبيعتك ... واقترح علينا بيت الرعب ويوم فشل حاول مره ثانيه ورحنا لبيت الطالب رانجي ... لكن مازال يحاول ينسيك حزنك .. احتفل امس ببيته وهو المفروض الاسبوع الجاي وقرر يسوي اليوم نزهة عشانك
...
آيا تناظره بدهشة واستغراب ... وسكتو وبدت آيا تفكر بكلامه
توما : وش رايك اجيب لك معي موكا؟؟
آيا : لا شكرا
ويروح توما يشتري موكا وفي نفس الوقت يرجعون الجماعة من التلفريك
يونا : واو آيا فاتك نص عمرك ... المناظر خيااااااااال
آيا ببتسامة: اهم شيء استانستوا ؟؟
راي : ايه ما ناقصنا إلا انتي وتو مـ... تلتفت يمين و يسار وين توما ما اشوفه ؟؟
آيا : راح يشتري له موكا ..
اكيرا بتعصيبه: نعم نعم راح وخلاك .. انا اوريه ...
آيا : لا لا توه رايح حتى انه ما كان وده يروح ويخليني لكن انا غصبته ...
ويرجع توما : هلا رجعتوا ؟؟
أكيرا بهواش: ايه رجعنا وين كنت ؟؟
توما : كنت رايح اشتري موكا اتسلى عليه شوي ..
اكيرا مفحم :و ليش تارك آيا لحالها و بعد ما شريت لها معك ؟
توما بهدوء:انا قلت ان المكان مو بعيد و ماراح اطول كلها موكا و انا راجع و بعدين انا سألتها و قالت انها ما تبي..
اكيرا : لا تشاروها
آيا : ايه ما ابي انت وش حارق رزك ياخي ما اشتهيت .. والله ان توما غصبني بس انا عييت لا تهاوشه
اكيرا بتطلع عيونه من الحمق : هه اشوفك تدافعين عنه ؟؟
آيا خايفه وحاطه عيونها بعيونه : أأ..ا. القصة مو ادافع عنه بس اقول الصدق
اكيرا حس انه زودها شوي: طيب طيب ....
بعدين قال بهدوء يغير الجو اللي تسبب فيه : هنا في لعبة التزحلق من على المنحدرات ...وش رايكم نروح له ؟
آيا فرحانه لأنه بدأ يهدأ: والله ؟؟ الله انا احبها مرررررره
اكيرا يناظرها بحاجب مرتفع: يعني تعرفين تترلجين ؟؟
آيا بثقه: اكيد اجل شلون احبها
اكيرا عجبه و ثوقها قال: تتحديني من يسبق الثاني ... ؟؟
ايا : ايه اتحداك
اكيرا : طيب من اللي يعرف يتزلج لو يكثر العدد يصير التحدي احسن ...
مورا : انا بأتزلج
راي : وانا بعد ...
اكيرا : اوكي يالله خليونا نروح للقمه عشان نسوي السباق .
الكل : اوكي يالله .
و صل الجميع لقمة الجبل و كان الجو بااااارد و المنظر خيالي ...قص توما للي بيتزلج تذاكر و بعدها توجهو للبدء بالسباق و كان ترتيبهم كالتالي من اليمين : مورا > اكيرا > آيا > راي
..

يتبع ...

يبدأ السباق3- 2 – 1 انطلق ...
يبدون بالتزلج ...
اكيرا : انا المركز الاول
آيا : ههه انا المركز الاول ...
ويكملون ..... مورا طاح الاول ...
اكيرا : مع السلامة وانا المركز الاول
آيا : ههه طيب نشوف يا المركز الاول
ويكملون وتطيح راي
ويكملون ويشدد اكيرا سرعته ويسبق آيا بمسافة ويهب هوا قوي ويتساقط ثلج
اكيرا : يوه هالجو على حظنا ...
ويشوف مسار آيا إلا فيه ارتفاع صخره يوقف يحاول يوخرها بس ما قدر مع قوة الهوا
فكر في الموضوع ........ فكان ان لو آيا بتمشي بسرعة بتطيح على فكها والطيحة بتصير خطيره لانها بتتعثر
صرخ اكيرا بصوت عالي لآيا : آيا روحي لمسار راي روحي لمسار رااااااااي .......
آيا تحاول تسمعه بس المسافه وقوه الهوا ما تخليها تسمعه بوضوح
آيا : يا الله هذا وش يقول ...... اييييه اكيد يقول انا المركز الاول ... طيب طيب لا تفرح بأسرع واوريك ..
اكيرا : آيا روحي لمسار راي بسرعة بسرعاااااااااااااااااااااه ...
آيا تزود سرعتها تقرب وبدت تفهم وش يقول
آيا : اروح لمسار راي ؟؟ اكيرا ليش اغير مساري ؟؟
اكيرا : غيريه وبس بسرعة بسرعة ..
آيا بخوف : لكن انا ما اعرف اغير المسار ...
اكيرا : حاولي
آيا : ما اقدر صدقني والله ...
وبدت آيا تقرب من الحصاة ... اكيرا مد يده
اكيرا : آيا اذا قربتي من يدي اقفزي بمسافة ...
آيا وهي ميته من الخوف : طيب ...
وقربت من يده رفعت رجلها ومالت رجلها الثانيه
اكيرا انتبه انها راح تطيح ... وقفز لمسارها وطاحت على صدره ... ضمها بقوه وتقلبوا بقوه واكيرا ماسكها بحذر
وصلوا للنهايه ... اكيرا بتعب ابعد يدينه عنها ويتنفس بتعب وهو مغمض عيونه ...
ايا بعدت عن صدره وهي تشوفه في رقبته مخوش ويدينه فيها دم ...
صارت تهزه بخوف وعيونها مليانه دموع : اكيرا ... اكيرا ..رد علي تكفى ..
صارت تصرخ بدون شعور ..
في مكان ثاني..
راي بروعه :مو كأن هذا صوت آيا ..
الكل : ايه صوتها ..
توما :اكيد حصل شي ..
يونا : يمامي عسى ما جاها شي خليا نروح نشوفها ..
الجميع اتجهو لمكان الصوت شافو آيا تصيح و اكيرا بين ايديها مليان دم ... منظرها يبكي..
قال سوما انا بروح انادي الاسعاف شكل اكيرا حالته خطيره ..
توما : صادق بسرعه عجل ..
سوما : طيب ..
راح الباقي لأيا ..
آيا وهي تصيح : اكيرا ... اكيرا انا اسفه اكيرااااااا اه اه اه
اكيرا بصوت منخفض : آيا لا تصيحين انا بخير ... اهم شيء انتي بخير ؟؟
آيا : انا اسفه اكيرا
وتمسك يده وتضمها بقوة و تصيح ...
ثواني و الاسعاف شايل اكيرا متوجه للمستشفى ..
بعد عشر دقايق...
آيا جالسه على الكرسي وهي تصيح وما وقفت و تقول : اتأخر سوما اكيد اكيرا صار فيه شي ..
جاها توما وقعد جنبها .... طلع من جيبه منديل وعطاهياه
توما : امسحي دموعك ما فيه الا العافيه بس انتي تحسين انه طول ولا تو نا ماراح الا عشر دقايق لا تصيحين ما صار شيء
آيا : انا السبب انا اللي سببت هذا لاكيرا
توما : ما يكون الا الخير ..
جاهم سوما و هو مبتسم : ابشركم مصار له شيء خطير ... بس رضوض في يده اليسرى وجروح بسيطة في رقبته ...
آيا تحاول تمسح دموعها : و الله اجل و ينه ما طلع معك..
بعد كلامها مباشره طلع اكيرا ويشوفها جالسه مع توما وتكلم سوما بحماس و علامات الحزن عليها ...
اكيرا من بعيد : آياااااا ...
ترفع راسها يوم شافته يبتسم في وجهها .... طاحت دمعه لا اراديا من عيونها .. و طمرت من مكانها رايحه له : الحمد الله على سلامتك و آسفه لأني تسببت في المك ..
اكيرا يرد عليها بهدوء و على وجهه ابتسامه حلوة : لا مو بسببك و لا شي و ما صار الا الخير هذا انا قدامك طيب لاتخافين قطو بسبع ارواح
و يغمز لها ..
ايا صارت تضحك من قلب على كلمته الأخيره ..
جاء توما : مطولين هنا يالله مشينا الكل يستنى في السياره.. ابتسمو وقالو مشينا راحو يركبون في السيارة ...لما ركب اكيرا الكل تحمد له بالسلامه و اشوى ان ما صار اعظم ..
كان ترتيبهم في السيارة بالشكل التالي :
قدام اللي يسوق مورا و جنبه سوما
في المرتبة الثانية على اليمين آيا ثم اكيرا وجنبه توما
في المرتبة الاخيرة على اليمين يونا وجنبها راي
الكل ساكت ....
توما يبي يغير جو : شباب ماعندكم نكت ؟؟
ويناظرونه ويسكتون
توما بإحراج : طيب انا عندي نكته حلوه
راي عرفت قصده : والله قلها انا مشتاقه للنكت
توما : وحده حلمت ان محشش يلاحقها قالت له :وش تبي؟ قال:مدري عنك انت اللي تحلمين.
والكل ضحك ..
يونا : وانا بعد عندي نكته .. واحد سأل غبي قال له : البنك فاتح ..... رد عليه لا غامق
توما : تافهه غيريها ...
يونا : يا شين طبعك على الاقل قول حليوه
راي : ماعليك منه والله حلوه ... عطينا وحده ثانية
يونا : محشش يسال خويه كم الساعه قال مدري قال غريبه أنا عندي مدري ألا خمس
والكل ضحك ..
اكيرا : وانا بعد عندي نكته
توما : يله ورنا بس تراني ما احب التافه ...
اكيرا :طيب ... أثنين أغبياء راحوا حديقة الحيوان سأل الأول :ليش رقبة الزرافة طويله؟؟؟؟؟؟؟؟؟......رد عليه الثاني: يا غبي لأن راسها بعيد......
اكيرا يلتفت على آيا : هاه وش رايـ...
آيا مغمضه عيونها ونايمه ابتسم لشكلها البريء وبعدها تكلم راي : حلوة يا حلو ههههههه..
سوما : طيب انا عندي .. واحد اشترى مرسدس ووقفها عند بيت مسكون ليش؟
مورا : ليه ؟؟
سوما : عشان تصير شبح ...
ويضحك مورا وتوما ....
راي : وع تافهة ... عطونا شي احلا
مورا : فيه واحد نذل عازم اخوياه في السطح ليش؟؟
اكيرا : ليش ؟؟
مورا : عشان تكون علاقة سطحية
توما : هههه طيب خذو هذي ... واحد محشش علق ثوبه وجلس طاح الثوب قال اشوا ما كنت فيه
اكيرا : حرامي نذل دخل على بيت يبي يسرق لقى عجوز بردااانة شغل عليها المكيف ..
راي : نمله ناشبه في مغناطيس ليه ؟
يونا : ليه ؟؟
راي : مركبه تقويم
توما : ياه يا شين نكت البنات الماصله
راي : خير ان شاء الله .... تراها احسن من نكتكم البايخه
توما : طيب اسمعي هذي .... ********* شوارع مر من قسم الشرطة وشاف ********* بوليسي قال : اه لو مكمل الدراسه
اكيرا : الله من الغش هذي انا اللي معلمكياها قاعد تتفيلح عند البنات ان عندك نكته زينه ...
يونا : هههههههههههههه
توما : يا عيني اجل ورنا اللي عندك
اكيرا : فيه محشش بينتحر ما يدري وش يسوي قاله واحد طب من اعلى عمارة قال : اخاف اموت
يونا : هههه حلوه ... طيب خذو هذي .. فيه نذل قال لعياله الثلاثه بكره كل واحد يسوي نذاله جاء بكره سأل الاول قال وش سويت قال دزيت عجوز عطاه عصير جاء الثاني قال وش سويت قال طيحت شايب عطاة
عصير جاء الثالث قال وش سويت قال حطيت في عصير اخواني سم
والكل ضحك وقعدو كل واحد يجيب اللي عنده من النكت .... وبعدها الكل تخدر ونام
إلا مورا واكيرا وتوما ...
اكيرا يسولف مع توما و يتعدل في الجلسه ويحط يده على يد آيا ...بحركه سريعه صار يشوف حرارته وبعدين يرجع يلمس يدها ..
توما : وش فيك ؟؟
اكيرا يبعد يده : يدها بارده
توما : واذا ..طبيعي لان الجو بارد ؟؟
اكيرا : طيب ليش يدي انا مو بارده مثل برودتها ..
توما يمسك يد اكيرا : حتى انا مثلك ...
اكيرا : اخاف انها مريضة ..
توما : لا لا بس فيه ناس كذا مع الجو تبرد يدينهم ...
اكيرا بدأ يرتاح شوي في هالوقت تحركت آيا و طاح راسها على كتفه ....
اكيرا برجفه : ايا ... ايا
توما بقلة صبر: وشفيك عليها خلها صدقني نايمة ...
اكيرا متوتر: ياخي راسها على كتفي وانا مافيه احد نام على كتفي ..
توما باستغراب: انت منت صاحي وش فيها تراك انت مره نمت على كتفي عادي..
اكيرا منحرج : معاك حق ..
سكتو الجميع بعدين حس اكيرا بالنعاس وما درا الا راسه على راس آيا ورايح في سابع نومه ..
توما يشوفه ويبتسم : اجل ما تنوم على كتف احد بس تنوم على راس اللي نايم عليك ههه...
مورا : ياخي انسى ...
توما : والله الود ودي ان اللي وراي تجي جنبي ...
مورا : يا سبحان الله ...
وبعد التعليقات على النايمين والسوالف اللي تضيع الوقت وصلو لطوكيو و توجهو لبيت كل واحد ونزلوه في بيته...
طبعا اكيرا قريب من بيت آيا عشان كذا صارو هم الاخيرين ...
مورا : آيا آآآآآآآآآآآآآآآآآآآيا وصلنا البيت يالله قومي ..
آيا تفتح عين وحده : هااااه ..
وتوها تستوعب فتحت عيونها الثنتين على وسعهم وتشوف انها على كتف اكيرا وتنحرج : اكيرا آسفه
مورا : الولد في سابع حلم ... اقول يله ترانا وصلنا لبيتك حولي ...
آيا : آآآآآآآآآآآآآآآآ سفه على الازعاج وشكرا على التوصيل اشوفك بكره مع السلامة..
مورا : مع السلامة ..
وبعدها وصل الجميع لبيته وانتهى يوم عطلتهم البسيط باصابة اكيرا خخخ

هذا بارت لعنونكم الحلوهـ لاني بتأخر بتنزيل البارت الجاي ..

دوزو .... ^_^



معقوله ؟! (( الفصل الثاني – الجزء 3 ))

الام : ايا ... ايا يله قومي .... يله تأخرتي على المدرسة ...
آيا : يماه احس بالتعب تكفين خليني انوم ..
الام : يله بلا دلع بنات مافيك الا العافية ...
ايا تقوم مغصوبة وتلبس وتروح للمدرسة مالها نفس وزياده على كذا نست تاخذ فسحتها
تدخل على الصف وتشوف اكيرا مقابلها
اكيرا : صباح الخير
ايا مبتسمة : صباح النور .... شلونك عساك بخير ؟؟
اكيرا بيرفع ضغطها : وش عساني بخير ما قدرت انوم من وجع يدي
ايا ببراءه: والله يعني انت جاي مواصل
اكيرا بحزن: ماغير ادعي عليك طول الليل
ايا خنقتها العبرة : انا اسفه ... والله اني آسفه ..
اكيرا عرف انها صدقت: امزح امزح يا بنت الحلال انتي ما ينمزح معك..
ايا وبوزها متر : كذااااااااااب .. ياثقل دمك يالزفت الشرهه مو عليك على اللي يسأل عنك..
اكيرا مايدري وش يسوي : والله بس حبيت اشوف رده فعلك والله اني نمت احسن من نومك ولا احس بألم ابد ...
ايا زعلانه ولاتكلمه و تروح لمكانها وتقعد ... اكيرا يروح عندها
اكيرا : هييي آسفين يا الله ماصارت مزحه عديها يا بنت الحلال ....
اكيرا يبتسم: وبالمناسبه فيه شيء ابي اعطيكيـــــــاه...
آيا ساكتة ولا كأنه موجود..
دخل معلم الرياضيات...
المعلم : يله كل واحد مكانه ...
ويرجعون الطلاب لأماكنهم ..وبدأ الدرس طبعاً الفصل كله دوافير ...
آيا طفشت من الهدوء متعوده على النحشات والسوالف جوا الحصه ..... اكيرا مثلها ما غير يشوفها ويضحك ...
وقفت ..
المعلم : ايا وش عندك واقفه ..
آيا : ممكن اطلع لدورة المياه..
المعلم : لا يالله اجلسي ..
آيا : بليز..
المعلم : لا يعني لا اجلسي ضيعتي الحصه ..
آيا : استاذ ضروري ...
المعلم : انا ما احب احد يطلع برا الحصة ..
آيا : تكفى كل المعلمين يقولون نفس الكلام .... تكفى ضروري..
الملعم : طيب لكن لا تتأخرين ..
آيا : طيب..
اكيرا في نفسه : الله من الكذب
وتطلع فرحانه انها مفتكه من حصة الرياضيات ...تتوجه لحمامات المعامل عشان فيها مرايا..
توما في نفس الوقت : استاذه ممكن اطلع ...
المعلمة : ممنوع
توما : استاذه بروح دورة المياه شوي
المعلمه : ارجع بسرعة ولا تطوف على المدرسة
توما : لالا يا استاذه ابد خمس دقايق وانا راجع ..
طلع لحمامات المعامل عشانها بعيده عن فصله يمديه يتمشى..
في حمامات المعامل ..
آيا تعدل شعرها وتحط قلس ... تطلع من الحمام ويقابلها توما ... تصدم فيه
آيا وهي تشوف الارض : آآآي وجع ما تشوف !!
توما يرفع راسه : آسف ...بدهشه آيا ؟؟!!
آيا نفس الدهشه : توما ؟؟
توما : وش جابك هنا ؟؟
آيا : يرجع عليك السؤال ؟؟
توما : انا مليت من الحصة وبغيت اتمشى شوي
آيا : انا جيت للحمامات اللي هنا عشان فيها مراية
توما : ما سلمو منك حتى ... شايلين كل المرايات اللي في المدرسة بسببك ... وصلتي للمعامل
آيا : لا والله ... على الاقل انا اروح اتزين قدام المراية ... مو مثلك مغير ادور في الاسياب
توما وهو يضحك : خخخخخخخخخ يا حليلك..
آيا : يالله انا استأذن بروح لفصلي..
توما : تونا مبكرين بقي نص الحصة..
آيا : احنا علينا رياضيات على الاقل احضر نص الحصه عساني افهم ..
توما : احنا علينا ادب طفشت ...
آيا : اجل حالي من حالك
توما : اجل لا نرجع للفصل
آيا : وش نسوي ؟؟
توما : نقعد في المعمل ما فيه احد الحين
آيا : ومن وين بتجيب المفتاح يا شاطر ؟؟
توما : ولو خلي هالاشياء علي وانا اوريك
ويروحون للمعمل ويفتحه توما ...
آيا : شلون فتحته بسرعة ؟؟؟
توما : الحصة اللي قبل كان علينا كيمياء ... والاستاذ طلب من مورا لانه من نادي الكيمياء انه يقفل المعمل ويجيب له المفتاح لكن انا قلت له ما يقفله وانتهى ...
آيا بتعجب : عندكم تخطيط سابق ...
توما بابتسامه : نعجبك
آيا بتفكير : اها عشان كذا ذاك اليوم سويتو بيت رعب في المعمل
توما يغمزلها بعينه : بالزبط ...
آيا بقهر: اجل بأعلم المعلم خليه يدري عنكم
توما باستفهام : افا ليه ؟؟
آيا ببراءه : عشان ما تسوون شيء افضع من بيت الرعب لي ...
توما يضحك : هههههههه حلوه الصراحة ... بس لا تعلمين احد ... تراني اول مره اعترف لاحد بهالشيء..
آيا : يالله انا رايحه...انتو لكم سوابق وش يجلسني معك ... اش رايك انادي راي عشان تقعد تونسك^_*..
توما بتساؤل : ليه منتي جالسه معي ...لايكون خايفه مني ؟؟
ايا بضحكه: خخخخخ اخاف منك ضحكتني لا والله بس بروح اكمل الحصه حقت الرياضيات
توما : اجل ما يسوى علي اني افتح لك المعمل ..
آيا وهي توقف بتطلع : محد طقك على يدك وقال افتحه انت الفتحته بنفسك ههههههههه يالله باي ...
توما وهو يضحك : باااااااي ... و لا تنسين تفهمين زين عشان تشرحين لي المعادله ... اوكي
آيا : كثر منها ... قول لراي خليها تشرح لك تراها احسن مني في الرياضيات ..
يدخل توما الحمام ويغسل وجهه ... يطلع ويشوف عند باب حمامات البنات بوك طايح ...
يمسكه توما .. يفتحه يبي يعرف صاحبه ..
توما : ما فيه حتى صوره ... بس محد يجي هالحمامات ... لحضه لحضة
يوم كنا في المعمل طلعوا ثلاث طالبات من الحصه للحمام .. مين يا ترا ... او يمكن يصير حق آيا ...
يا الله يأروح اوديه للأمانات ...
آيا تلمس جيبها تحس فيه شيء ناقص تدخل يدها ولا تلقى بوكها ...
آيا : يا الله وين هالبوك راح ؟؟؟ يمكنه طاح مني وانا امشي
وترجع على نفس طريقها ....
اكيرا في الحصة : هذي وراها تأخرت مو من عادتها تتأخر مره كذا ... لهالدرجة تكره الرياضيات ...
توما يعطيه الامانات ... ويروح لحصته ...
آيا توصل للحمامات ما تلقاه ...
آيا : يا ربيييييييه وين راح ... ؟؟ كني ناقصه
يمر طالب من عند آيا يشوفها ضايق صدرها ...
الطالب يحط يده على كتفها : فيك شيء ؟؟
آيا برجفه : لا لا ابداً
الطالب : طيب ليه انتي هنا المكان بعيد عن الفصول ...
آيا : الصراحه كنت ادور بوكي ...
الطالب : ضايع منك ؟؟
آيا : لا انا كنت هنا والظاهر انه طاح ما دريت
الطالب : طيب لقيتيه
آيا : لا راح ادوره زين لين الاقيه ...
الطالب : لكن الحين الحصه الثالثة بتنتهي وبعدها فسحه والطلاب بينتشرون ... طيب شوفي الامانات ..؟؟
آيا : لا لا لانه توه ضايع ومحد يجي هنا ...
الطالب : طيب بأدور معك ...
آيا : لا شكرا ما يحتاج
الطالب : لا لا بأساعدك ...
آيا تبتسم ...
الطالب : وش اسمك ؟؟
آيا : اسمي آيا ...
الطالب : في أي سنه ؟؟
آيا : في السنه الثالثه ... وانت وش اسمك وفي أي سنه ؟؟
الطالب : اسمي كيو وانا في السنه الثالثة ...
آيا : في أي صف اول مره اشوفك ؟؟
الطالب كيو : انا في الصفB5 وانتي ..
آيا : انا B2 ...
الطالب كيو : واه فصلك مره بعيد عن فصلي ...
آيا : انا اول مره اشوفك مع اني اعرف كل الطلاب ...
الطالب كيو : انا ناقل للمدرسه هذي السنه ...
آيا : ايه عشان كذا ما عرفتك انا من السنتين الماضيه ...
الطالب كيو : انتي آيا اللي ضد شباب المدرسه ... ؟؟
آيا متفاجئة : كيف؟؟ ... قصدي من اللي قال هالكلام .. ؟؟
الطالب كيو : سمعت من فصلي ان فيه بنت اسمها آيا ضد الشباب دائما ...
آيا في نفسها : في المدرسة كلها ما فيه غيري اسمه آيا ... هذا شلون اكذب عليه ؟؟
الطالب كيو : آيا وين رحتي ؟؟
آيا : ههه لا لا ما فيه شيء ... اصلا ما فيه احد غيري في المدرسه اسمه آيا ...
الطالب كيو : اجل هي انتي ؟؟
آيا : اشاعة اشاعة ... هم دائما يطلعون علي اشاعات هه هه ...
الطالب كيو : ليه ؟؟
آيا في نفسها : انا وش ورطني بهالشخص ياليته راح ولا جلس معي اصرف من هالاسئله اللي يسألها لي... يا ربي وش اسوي ؟!
آيا : لا مو انا لوحدي اللي يطلعون علي اشاعات بس يمكن لاني دافوره...
الطالب : اها ..
آيا في نفسها : وش هالكذبة الجديده لا انا دافوره ولا هم يحزنون انا ام التهويه والتتطنيش .. صدق ادخل نفسي في مشاكل ...
الطالب بيأس : شكل البوك مو موجود ..
آيا بإصرار: بألقاه بألقاه ... انت روح وما عليك ....
وتصفر الحصه ....
آيا في نفسها : يااااااااااربيييييي وش اسوي الحين ما لقيت بوكي ولا حضرت الحصه آآآآآآآآه ...
الطالب كيو : اوه صفرت ...
آيا : الحين بألقاه ...
الطالب كيو :طيب اليوم الفسحة علي ....
آيا : أي فسحة ؟؟
بعدين تذكرت انها نست فسحتها ..قالت بصوت مسموع كملت ..آآآآآآآآه
الطالب كيو: وشو اللي كملت ..
آيا : لالالالالا ولا شيء اقول ان الحصه صفرت وانا ما رجعت لها خايفه ان المعلم يهزئني..
الطالب كيو : طيب وش قلتي خلاص فسحتك علي اليوم بمناسبة التعارف...
آيا : هه هه شكرا ...
الطالب كيو : طيب اعتبريها عزيمه ..
آيا استحت فيه : اوكي بس مره ثانيه علي ..
الطالب كيو بابتسامه : اوكي .. يله نروح نتفسح وبعدين نروح للأمانات ونشوف .... اكيد احد بيلقاه ويوديه لهم ....
آيا بابتسامه شكرا تعبتك...
الطالب كيو: لا عادي ..

يتبع

ثم بدو يمشون جنب بعض ....
آيا بتساؤل: انت مالك رفيقه ؟؟
الطالب كيو بدأ الحزن على وجهه : كان ..
آيا متعجبه : ليه كان ؟؟
الطالب كيو بألم : توفيت في حادث السنه الماضيه ؟؟
آيا بحزن : اه انا اسفه ...
الطالب كيو وابتسامه صفرا : لا لا عادي ... ما يحتاج تتأسفين .......... طيب انتي عندك رفيق ؟؟
آيا : لا
الطالب كيو : ولا رفيق سابق
آيا : لا بس عندي صديقات
الطالب كيو : غريب انتي في السنه الثالثه وبنت جميله والله شيء غريب
آيا منحرجه و خدودها بدت تورد وفي نفسها : يكفي ما تعودت احد يمدحني ...
الطالب كيو ابتسم ....
وصلو للكفتريا ..
كيو: آيا انتي وش تحبين تاكلين اطلب لك ...
في مكان آخر
في الفصل b1
يونا : وين آيا ؟؟ غريبه ما مرت على فصلنا
راي : ما ادري العاده تمر ...
يونا : بروح اشوف
تطلع يونا من الفصل ويقابلها اكيرا
يونا : اكيرا آيا في الفصل ؟؟
اكيرا : لا ليش ما جتكم
يونا : لا
اكيرا : هي طالعة من نص الحصه ولا رجعت الى الان
توما : انا شفتها تحت كانت في حمامات المعامل تتزين قدام المراية .. لكن غريبه هي رجعت للفصل قبلي شلون ما جتكم
اكيرا : لا والله ما جت
يونا : يا ربي وين راحت
اكيرا : خير يعني بيسرقها الجني ... عجبتها القعده تحت ولا رجعت بس ...
يونا : مو من عادتها
اكيرا : عادي فيه حركات تطلع عن العاده ... صدق انك تكبرين السالفه
يونا : ياخي صديقتي وعادي اقلق عليها ... تعال هنا فيه احد اشتكى لك ...
اكيرا : انتي سألتيني ...
توما : خلاص الحين بترجع ... راي تكفين روحي دوريها وفكينا من يونا ...
راي : يا ذكائكم كلكم ... ترا فيه شيء اسمه جوال دقيت عليها وقالت لي انها تحت ....
توما : الحين ورا ارسالك متأخر كان قلتي من زمان ...
يونا : يله راي خلينا ننزل لها
راي : تقول انها مع واحد
والكل يلتفت عليها
راي بتعجب تشوفهم : هو وش فيكم ؟؟
توما : مع واحد ؟؟
راي : ايه تقول بعد انها بتتفسح معه ..
اكيرا وعيونه بتطلع من الدهشه : نعم اش قلتي بتتفسح معه ...
راي تلتفت عليه: ايه .. اسمعو سالفتها ....
وتروي راي لهم السالفه .......
توما يتذكر: اها البوووووووووووووك انا لقيته بعدها ووديته للامانات..
اكيرا في عالم آخر: موب هذا المهم ... المهم ان هالطالب لعاب ...
يونا : يا ربي
سوما بتأكيد : معروف انه لعاب وكل يوم مع بنت ...
راي اجل لازم ننقذ آيا منه ...
الكل : اكيـــــــــــــــــــــد
تحت في الساحة ::
الطالب كيو : بما اننا ... كلنا ....
آيا : وشو ؟؟
الطالب كيو : انا وانتي كلنا مالنا ارفقاء واجتمعنا اليوم ... كأن القدر يبي
آيا لازالت تسمع له ..
الطالب كيو يمسك يد آيا : آيا تصيرين رفيــــ.....
وفي هاللحظة ينطق اكيرا: لا ما تقبل
آيا تقوم متفاجئة وتشوفهم : خير وش صاير ؟؟
يوخر اكيرا يده عن يد آيا : لا ما تقبل تصير رفيقتك يا كذاب
آيا : اكيرا وش هاللي تقوله انت صاحي ؟؟
اكيرا : ايه هذا كذاب ولعاب وكل يوم مع بنت
الطالب كيو : خير وش هاللي تقوله ؟؟
اكيرا : انت جيت للطريق الغلط ... آيا مهيب لعبه لك
آيا : اكيرا يكفي وش لعاب وش كذاب ؟!
يونا : آيا هذا الولد يبي يلعب عليك ...
آيا : ووش غايته
توما : الاستمتاع هذي هي غايته ...
آيا : لا تتعجلون في اتهامه ... هو كان يدور معي بوكي اللي ضايع ...
توما يطلع البوك من جيبه : هذا هو بوكك ؟؟
آيا : ايه
توما : لقيته عقبك ووديته للأمانات
الطالب كيو : يا شباب وش فيكم كذا روعتوني ... ووش اللي قاعدين تقولونه
اكيرا : انت مشهور ... صح مهوب في هذي المدرسه لكن نعرف عنك في مدرستك الاولى ...
الطالب كيو : ووش اللي تعرفونه ؟؟
اكيرا : نعرف اهم شيء عنك وهو انك كذاب ولعاب وكل يوم مع وحده تكذب عليها ...
الطالب كيو : ووش الدليل ؟؟
اكيرا : مورا ...
الطالب كيو : مورا ؟؟
ويطلع مورا قدامه ...
الطالب كيو بصدمه ساكت...
مورا : عرفتني ؟؟
الطالب كيو : هههههه ايه اعرفك ... العبقري في نادي الكيمياء
مورا : واللي يعرف عنك كل كبيره وصغيرة ...
الطالب كيو : فيه اشياء كثيره صارت بعد ما افترقنا ... انا تركت اللعب اللي في الماضي والحين ابحث صدق عن رفيقه لي ...
مورا : انا عارف انك نقلت لهذي المدرسة وقبل يومين شفتك مع وحده ... سألتها وقالت لي عن علاقتك معها ...
الطالب كيو يفتح عيونه
مورا : وتبي تشوف تعيسة الحظ السابقة ... اسومي
الطالبة اسومي : كيو .. ناوي تكذب على وحده ثانية ولااااا بعد آيا ... يوم حكيت عنها رحت تلعب عليها
آيا وعيونها مليانه دموع : معقوله كل هذا يا كيو ؟!
يونا : آيا حبيبتي ما عليك منه..
آيا من الصدمة راحت تركض بسرعة ويلحقونها يونا وراي ...
الطالبة اسومي تتقدم بكل ثقه للطالب كيو و تصفقه على وجهه وتروح ....
مورا بعتب : جايزلك هذا ؟؟
الطالب كيو بلا اهتمام : هه هههههههههه تعودت على هالحركة عادي دائما كذا يصيحون في النهاية ههههههه
واكيرا بكل قوته يعطيه كف مع وجهه : اسكت يا حقييييير ... امثالك ما يستحقون الحياة حتى ...
الطالب كيو لا زال يكابر: اول مره احد يدافع عن بنت بهذا الشكل ...
و يعطيهم ظهره بيمشي ..
اكيرا بهواش: لحظه انا ما بعد خلصت من كلامي ..
الطالب كيو يلتفت عليه : وصلني كل اللي تبي تقوله ... عرفت الحين اني ماشي في الطريق الخطأ ... يمكن لاني ماقد شفت احد يدافع عن وحده من قبل ... بس ماراح اتوقف ... لان هذي حريتي الخاصة ..
اكيرا بتهديد : اسمع ... انا اكره امثالك بشكل ما تتصوره ... وعلمن يوصلك ويتعداك اذا شفتك يوم لو بعد كم سنه مع وحده تلعب عليها ... فأعرف انك شفت الموت ...
ويمشي الطالب كيو ولا كأنه سمعه ....
أكيرا بتعصيبه : راح تشوف ..
ويلتفت عليه : اهتم للاشخاص اللي حولك ولا تتدخل في غيرك ..
صفرت الفسحه والكل راح لفصله..
فصل b2 ::
يونا : آيا ...
آيا : يونا اتركيني لحالي تكفين ...
راي تحط يدها على كتف يونا وتهز راسها بـمعنى ما فيه امل... طلعت يونا و راي وراحو لفصلهم.....وهم بالطريق
يونا : آيا صارت لها اشياء كثيره هالسنه وكلها ورا بعض ...
راي : ما بيدنا شيء نقدر نسويه عشانها ....
في فصل آيا..
يدخل اكيرا الفصل .. يروح لدرجه ويطلع منه كيس ثم يروح عند آيا
اكيرا يمسك يد آيا : يوه يدك دائما كذا بارده ؟؟
آيا ساكته ....
اكيرا : يدك تحتاج شيء يدفيها
ويعطيها الكيسه ...
ترفع آيا عيونها عليه : وش هذا ؟؟
اكيرا : هذا اللي تحتاجه يدينك ...
آيا تفتح الكيس وتشوف فيها قفازات وردية انيقة ...
آيا : ليش هذا ؟؟
اكيرا : هدية ...
آيا : ووش مناسبتها .. ؟؟
اكيرا : ولازم يكون للهدية مناسبة
آيا : هذا اللي اعرفه ..
اكيرا : طيب مناسبتها ... اممممممم تحميها من ايادي الشياطين
آيا بتعجب : ايادي الشياطين ؟؟؟
اكيرا: آآه خلاص عشان تدفي يدينك ...
آيا : والله كان قلت من زمان كذا بدال كلمة ايادي الشياطين ... شكرا اكيرا ..
ويدخل المعلم ويرجع آكيرا لمكانه ... يمر باقي اليوم .. يطلعون الطلاب لبيوتهم
آيا وهي تمشي في الطريق تلبس القفازات ..
آيا : واو دافيه مره عكس حقتي ...
في هذي الاثناء نزل المطر وبدأ بغزاره ...
آيا : يا الله ... ما معي مظله ..
وتروح توقف تحت مظلة المواقف ...
آيا : ياااه وش هذا البرد ومتى يوقف المطر ...
بعد ربع ساعة وقف المطر ورجعت آيا للبيت ما فيها حيل توقف من التعب ... تدخل على طول غرفتها تنسدح على السرير وتنااااااااااااااام ...
بعد ساعات..
الام : آياااااااااااااااا قومي يله ناوية تنومين كل اليوم .. خير بقي ساعتين وتغرب الشمس ... قومي لا تسهرين كل الليل
آيا : يماه تكفين خليني انوم
الام : وبعدين ليش نايمة بالجزمه وملابس المدرسة ..
آيا : يماااه تكفين خليني بأموت من التعب ...
الام : ليش بتموتين ؟؟
آيا : آآآآآآآه بعدين اقولك تكفين ابي انوم ...
الاب : يله الغدا برد ...
الام : سمعتي ابوك وش يقول يله انزلي كلي ....
آيا : طيب طيب اسبقيني ...
وتقوم آيا مغصوبة .... تحول وتاكل الغدا ... وتروح تحل دروسها ...
تطل مع الدّرَج : يماه تراني ما ابي اتعشى خلاص بنوم ....
الام : خير وش هالنوم ما يكفي نمتي كل اليوم ...
آيا : يمااه والله ما اقدر اشوف تصبحون على خير و تراني بكره ماني رايحه المدرسه ...
الام : خيييييييير ليش منتي رايحه ؟!
آيا : بكره اقولك السبب الحين ما اقدر مافيني حيل اتكلم ... تصبحون على خير ..
وتروح آيا تنوم ....

كوميــــــه على التأخر .......
واخيرا انتهاء الفصل الثاني بهذا الجزء ........
وبعدها ندخل لاحداث جديده ومشوقه ...... إلى ذلك الحين ......


لماذا ليست لدي الحرية ؟! (( الفصل الثاني – الجزء 4 ))

الام : آيا .. آياااااا يالله قومي ...
ايا تتبيكا: اهه اهه نعم مو انا قايله لك يايمه اني راح اغيب ...
الام : خير عسى ماشر كل يوم غايبه جازت لك قعدت البيت ....
آيا بجديه: يمه تكفين احسني تعبانه ....
الام : وش متعبك ؟؟
آيا : متضاربه مع بنات في المدرسه ...
الام : هذا السبب ؟؟
آيا : ايه
الام : اقول بلا دلع بنات وقومي روحي للمدرسة ....
آيا بيأس : يماااااه مابي اروح تكفين ..
الأم بإصرار اكثر : قومي و بدون نقاش يالله تحركي قدامي..
وتقوم آيا مغصوبة وما تتزين ولا تحط مكياج ابدأ ...
تنزل زعلانه ولا تاكل فطورها وتروح للمدرسة ....
ما مرت على فصل صديقاتها وتروح على طول لفصلها يقابلها اكيرا
اكيرا بابتسامه: صباح الخير
آيا بدون نفس : صباح النور
وتروح على طول لمكانها .... اكيرا يناظرها الى ان جلست على الكرسي..
اكيرا واتجه لها وهو مستغرب : ايا وش فيك ؟؟
ايا مميله فمها : مغصوبة على الجية ...
اكيرا : من اللي غاصبك ؟؟
ايا تحط يدينها على الطاوله وتتكلم بقهر : امي
اكيرا بهدوء : اكيد تبي مصلحتك..
ايا ترفع راسها له : انا عارفة والله عارفه.... بس اليوم احس اني تعبانه شوي ومالي خلق احضر
اكيرا بتفكير : طيب احضري نص اليوم ثم استأذني ...
ايا طفشت : لا خلاص نومي و خرب والجيه للمدرسه وجيت وش بقى بكمل ما يسوى اني ارجع عقب كل هالمشوار ..
اكيرا بتفهم : اجل اذا بغيتي شيء قولي لي ...
آيا بابتسامه بارده : شكرا..يالله ارجع مكانك جاء الاستاذ..
اكيرا رد لها الابتسامه وراح رجع مكانه..
الكل ضجه و مستغربين مو عليهم رياضيات ليش الاستاذ حق هالماده جايهم..
الاستاذ يضرب بالسبوره: هدوووووووووء انا عندكم حصة انتظار .. بلاش كلام ..
آيا لما سمعت كلامه حطت راسها على الطاولة وخذت لها غفوة..
اكيرا كان يناظرها حس انها مره تعبانه بسبب تعبيرات وجهها ....
وقف واتجه لها وبكل هدوء حركها مع كتفها : آيا ... آيا..
آيا مغمضه عيونها وتتكلم بتعب : هممممممم والله تعبانه اتركوني..
اكيرا : آيا اش رايك تروحين للطبيبه ؟؟
آيا انتبهت لنفسها ورفعت راسها وتكلمت بإحراج : لا لا ما يحتاج ..
اكيرا بتفاهم : ليش ما يحتاج على الاقل عندها هدوء مو هنا ازعاج .... روحي ارتاحي ..
آيا ناظرته وكأنها تقول معاك حق .. وقفت ووقف معاها اكيرا توجهو للاستاذ....
آيا : استاذ ممكن اروح للطبيبه احس اني تعبانه وما فيني حيل اوقف ..
الاستاذ لما شاف وجهها وعلامات التعب واضحه : تفضلي .. انت بتروح معها<< يقصد اكيرا..
اكيرا : ايه اخاف يغمى عليها في طريقها للطبيبه ..بروح معها عشان اساعدها ..
الاستاذ : اوكي روحو بس انت لا تتأخر ارجع اول ما توصلها..
اكيرا في نفسه ايه هين : طيب ..
آيا واكيرا في الطريق للممرضه ..
آيا : انت ليش جيت معي ..عادي اقدر اروح لحالي.
اكيرا : مو مسأله تقدرين ولا ما تقدرين ما فكرت فيك اصلا ..
آيا بتعصيبه: اجل وش كلامك للاستاذ و تقلده (اخاف يغمى عليها في طريقها للطبيبه ..بروح معها عشان اساعدها ) وش معناته هالكلام..
اكيرا يضحك عليها لانه رفع ضغطها ببساطه : خخخخخخخخخ بس ما ابي اقعد وش اسوي حصة فراغ وملل قلت اغير جو اجي معك .
آيا : الحين الطبيبه تغيير جو الله يخلف عليك بس..
اكيرا يأشر على باب الطببيبه : اقول ادخلي ولا تكثرين كلام ..
طقو الباب ودخلو ..
بعد دقائق من الفحص..
الطبيبه : داخلك برد ليش جاية اليوم ؟؟
آيا بكذب : ما ابي يفوتني شيء من الحصص ..
الطبيبة: انتي كذا تتعبين نفسك زياده ..لازم ترتاحين..
آيا : عادي كلها شوي وراح اطيب..
الطبيبه : بأدق على اهلك واخليهم يجون ياخذونك ..
ايا بسرعه : لا ما يحتاج هم الحين في دواماتهم وما ابي ازعجهم ..
اكيرا ما عجبه كلام آيا : انا بوديها ؟؟
الطبيبه : لازم تحضر حصتك ..
اكيرا : عندنا فراغ الحين ..بوصلها للبيت وارجع .. بيتهم مو بعيد ..
الطبيبة : ممكن تعطوني اسماءكم ..
ويعطيها اكيرا اسمائهم ...
الطبيبه : انتظروني هنا بروح استأذن لكم دقايق و راجعه ..
ايا و اكيرا : طيب ..
و بالفعل بعد 5 دقايق رجعت الطبيبه و معها كرت السماح بالخروج .. استأذنو كل من ايا و اكيرا و طلعو من عند الطبيبه بعد تحريصها الشديد لايا انها ترتاح و لا ترهق نفسها شكروها و بعدها طلعو من المدرسه ..ركبت آيا مع اكيرا في المقعد الثاني من سيكله ..
وفي الطريق
تحط آيا راسها على ظهر اكيرا...
اكيرا بتساؤل : آيا تعبانه تحسين بالبرد ؟؟
آيا بهدوء: لا مو تعبانه بس احس شوي بالبرد ..
اكيرا لما سمع كلمتها الأخيره على طول وقف و فسخ جيكيته ولبسهياه..
ايا بامتنان : شكرا..
سكت اكيرا و ما رد عليها الى ان وصلو للبيت ..
تنزل آيا و تمد له الجيكت : شكرا ..
اكيرا :خليه عليك ..
ايا : لا خلاص انا و صلت البيت ما احتاجه ..
اكيرا ابتسم لها .. بعدها تكلمت
آيا : ادخل شوي اكيرا
اكيرا : انا قايل بس بأوصلك وارجع
آيا : ما يصلح اطلعك من المدرسه و توصلني و ما افطرك ..
اكيرا : يوم ثاني اخاف اتأخر على المدرسه و يسوون لي سالفه ..
آيا : ماراح يسوون لك شيئ ..و اذا تأخرت بندور لك عذر بس ادخل وكل معي فطور ما احب افطر لحالي ...
اكيرا : وين امك مو موجوده ؟؟
آيا : لا في عملها ...
اكيرا بإحراج : طيب بس شوي خلاص ؟؟
آيا بابتسامه : اوكي ..
وتأشر بيدها داخل البيت تفضل .. ويدخلون تتوجه للصاله و تقول تفضل بالجلوس انا دقايق و اجيب الفطور ..
اكيرا بابتسامه : شكرا ..
تتوجه ايا للمطبخ المطل على الصاله و تلبس المريله و تبدأ بالفطور ...هذا كله يراقبه اكيرا وقف و اتجه لها في المطبخ وقف عند الباب مستحي ..
ترفع آيا راسها له و هي منغمسه في الشغل : تبي شيء ؟؟
اكيرا بإحراج: ممكن أساعدك؟؟
آيا و تكمل شغل: لا لا مايحتاج روح اجلس بس ..
اكيرا بقلة صبر: لكنك تعبانه..
ايا بعدم مبالاة: ما علي ... شوي وانا خالصه ..
اكيرا يرفع اكتافه علامة اليأس : براحتك بس لاتقولين اني ماعرضت خدماتي ..
ايا بضحكه : هههه لا ماني قايله روح اجلس بس ..
اكيرا وهو طالع من المطبخ: اوكي أنتظرك..
ايا بصوت شبه عالي : اجلس على الطاولة ..
اكيرا و هو يقعد على الطاوله : طيب ..
بعد دقايق ..
ايا تطل من دريشة المطبخ: اكيرا تبي ناكل الفطور في المطبخ ولا برا ؟؟
اكيرا و هو يوقف متجه لها: لا في المطبخ احلى ....
تبتسم ايا ..
ويدخل اكيرا عندها و يساعدها في حط الفطور على السفره...
آيا تأشر لأكيرا على الكرسي : تفضل ... ^^
اكيرا : شكرا
يبدأون بالأكل ..
اكيرا يذوق الاكل ... وآيا تشوفه
اكيرا باستفهام: ورا ما تاكلين ؟؟
ايا تتدارك نفسها: آه لا بآكل ... لكن الطعم زين ؟؟
اكيرا : حلو مره
آيا : صدق ... والا تبالغ ؟؟
اكيرا : والله صادق ... يله بسرعة كلي ... انا لازم اروح للمدرسة
آيا : طيب ..
مدت يدها بتاكل شوي .. فجأه تمسك راسها وتغمض عيونها ...
اكيرا مرتاع: آيا فيك شيء ؟؟
آيا بأنفاس سريعه : لا شوية دوخة ..
وتقوم وتتجه للجلسه اللي في الصاله
اكيرا بخوف يلحقها : خليني اشوف
ويقرب من عندها ...
آيا برجفه: ما فيني شيء صدقني ..
اكيرا بإصرار: طيب بتأكد
ويقرّب اكيرا راسه من راس آيا عشان يقيس درجة حرارتها..
آيا في نفسها : اكيرا لا تقرب اكثر احس قلبي تسرع نبضاته ...
ويبعد اكيرا عنها : حرارتك مرتفعـــ ....
فجأه تفقد ايا وعيها وتطيح على صدره ...
اكيرا يضمها قبل لاتطيح على الأرض و هو مرتاع : آيا .. أيا ردي آيا
ويهزها وما تتحرك ...
اكيرا و هو يرتجف من الخوف: آيا .... آيا ........ ؟؟
يشيلها و يسدحها على الكنبة ...
يفتح الجوال بيدين ترتجف ويدق على طبيبه الخاص : الوه ... الو
الطبيب : الو
اكيرا يتكلم بسرعه: مرحبا .. انا تعبان وابيك تجي بسرعه...
الطبيب : طيب طيب انت في البيت ؟؟
اكيرا : لا انا في شارع ....
ويعلمه اسم الشارع اللي قدام بيت آيا ...بسرعه لاتتأخر ..
سكر الخط ..


يتبع ........ ^_^

توجه لآيا و شالها وودها لغرفتها و نومها على سريرها ....نزل تحت و طلع في الشارع .. تحت تساقط الثلج وفي البرد .... ينتظر الطبيب يجي ..

بعد دقائق و صل الطبيب و شاف اكيرا واقف ينتظر..
الطبيب : ليش انت هنا وانت مريض ؟؟
اكيرا يستعجله: مو هذا وقته عجل و تعال معي بسرعه ..
الطبيب : طيب طيب بس وين ؟؟
اكيرا يمسك يد الطبيب و يسحبه: تعال معي داخل ..
وصل الطبيب لحد باب غرفة آيا ..
ويدّخل اكيرا الطبيب على آيا
اكيرا باستعجال: هذي زميلتي في المدرسه وصلتها لبيتها واغمي عليها ... ابيك تداويها زي ما تداويني ....
الطبيب بتفهم: اكيد ...
ويكشف الطبيب على آيا ويشوف انها مصابه بحمى شديده ...
بعد ثواني طلع الطبيب ..
اكيرا برا رايح جاي قلقان لما شاف الطبيب وقف : هاه شلونها ؟؟
الطبيب : هذي وين اهلها عنها ؟؟
اكيرا : ليه وش فيها ؟؟
الطبيب : هي مصابه ببرد والحين صارت حمى شديده ...
اكيرا : طيب وش بتسوي ؟؟
الطبيب : لازم نوديها للمستشفى بأسرع و قت ممكن ...
اكيرا مايدري وش يسوي: طيب واهلها .. اقصد وش اقول لهم
الطبيب : قول انها جتها نزلت برد فوديتها المستشفى ...
اكيرا : طيب طيب عجل خلنا نوديها ...
الطبيب يتصل على المستشفى يعلمهم ان فيه حالة طواري راح تجي بعد شوي... واكيرا يتصل على ام آيا ويعلمها ...
الطبيب يحمل آيا و ينزل و يركبها ورى و يركب معها اكيرا .. بعدها انطلقت السياره متوجه للمستشفى ..
في الطريق دق اكيرا على المربي حقه : الو ..
المربي : هلا سيدي ..
اكيرا : اسمع انا طلعت من المدرسه لحاجه ضروريه في حال دقت المدرسه عليك قول لهم انك اخذتني لشيء مهم واني ماراح ارجع للمدرسه ..
المربي : حاضر سيدي ..
( ملاحظه : اكيرا حاط ولي امره المربي حقه عشان ياخذ راحته )
في المدرسة :.
صفرت الحصة الاولى .. اتجهت
الطبيبه لفصل آيا و اكيرا بتتأكد ان اكيرا رجع لكن شافت انه ما رجع ... فأضطرت تبلغ المدير وتعلمه ...
يدق المدير على ولي امره : الوه
ولي الامر : الوه
المدير : السلام عليكم
ولي الامر : وعليكم السلام
المدير يعلمه السالفه .... المربي طبعا قال نفس اللي قاله اكيرا وانتهت المكالمة ...
بعد مرور الوقت جت الفسحه في فصل صديقات آيا .....
يونا تشيل اغراضها من على الطاوله: غريبه آيا اليوم ما سيرت علينا و لا شي ؟؟
راي بمزح: انتي صادقه بس تلاقينها راحت تدور بوكها ضايع مثل هذاك اليوم ...
في هالحظه جاء توما : راي تعالي شوي ...
راي تلتفت للباب مستغربه مجيء توما المفاجئ طلعت له : هلا ..
تناظره بتفحص : لش وجهك كذا صاير شي ..
توما مايدري اش يقول : آيا اليوم غايبة لانها مريضة وهي الحين في المستشفى
راي بصوت عالي : نعم وش فيها ؟؟؟
توما : اخفضي صوتك ... ما فيها شيء خطير دخلها برد وارتفعت حرارتها
راي و عيونها مليانه دموع تذكر كلامها تو عن آيا : يابعد عمري يا آيا ....
توما : خير بتصيحين تراها ما ماتت ... وبعدين علمي يونا لكن لا تروعينها ...
تروح راي وتوما ليونا ويعلمونها بهدوء ...
يونا تحط يدها على فمها تكتم شهقتها: ياقلبي عليك يا آيا ....
راي و يونا بصوت واحد اي مستشفى ..
توما : الحين اتصل على اكيرا اسأل عنه عشان نروحلها آخر الدوام ..
راي : اكيرا معها ..
توما : ايه هو اللي موديها اصلا ... خلاص اكيرا رد ..
سأل عن صحة آيا و اخذ اسم المستشفى ...
في المستشفى :.
دخلت ام آيا للمستشفى و شافت اكيرا قدامها واقف عند الاستقبال اتجهت له...
الام بضيقه : شلون آيا ؟؟
اكيرا يهون عليها : ما فيها شيء خطير ... اغماء بسبب ارتفاع درجة الحرارة والطبيب يقول يمكن تقوم بكره ...
الام مأنبها ضميرها : كله بسببي هذي غلطي انا ...
اكيرا يمسكها ويجلسها على اقرب كرسي : هدي نفسك ... وعادي الحمى دائما تجي في فصل الشتاء يعني شيء معروف ... وان شاء الله بتقوم بالسلامة
الام بعيون مليانه دموع : مشكور انك جبتها للمستشفى ....ما قصرت معنا تقدر تروح ترتاح انا خلاص جيت يكفي كلفنا عليك وتعبناك روح لبيتك انت اكيد تعبت من الصباح وانت معها ...
اكيرا : لا عادي وآيا زميلتي واي واحد بمكاني راح يسوي نفس اللي سويته ..
يوقف : انا الحين استأذن اتركك تتطمنين على بنتك .. مع السلامة
الام توقف تودعه : مع السلامة..
تدخل الام عند آيا وتشوفها مغمضه عيونها ولا تدري باللي حولها تقدمت لها ومسحت على شعرها وحبتها على جبهتها وجلست على اقرب كرسي و مسكت يدها ...
الام وهي تبكي: آسفه حبيبتي اجبرتك تروحين للمدرسه بدون ما انتبه لك انك مريضة ... سامحي امك..
راح اكيرا لبيته واول ما شاف السرير طاح بجسمه عليه وراح في سبات عميق وبعد مرور كم ساعه صحى من النوم وعلى طول تحمم وغير وراح للمستشفى.....
وبعد انتهاء الدوام المدرسي راحت راي ويونا متجهات لزيارة آيا ..
في المستشفى:
وصلو البنوتات للمستشفى وسألو عن غرفة ايا واتجهو لها..
طقو الباب ودخلو لقو عندها اسرتها ...
يونا تسأل الام : شلون حالتها الحين ؟؟
الام : الحمد لله مستقره ودرجة حرارتها كل ما تنزل ...
راي : الله يشفيها عن قريب
الام : آمين ...
يونا : نستأذنكم ..
الام : توكم جايين ..
راي : احنا جينا نطمن عليها بس لكن لنا جيه ثانية لما تصحى و نجلس عندها ..
يونا : و بعدين لازم ما نتأخر ...
الام متفهمه لكلامهم : شكرا على جيتكم اذنكم معكم ..
البنات: مع السلامه..
الام : مع السلامة ..
طلعو من الغرفه وقابلو اكيرا وربعه ...
راي : جايين كلكم تزورون آيا ؟؟
اكيرا : ايه
توما : ليه هي موب صديقتنا زي ما تصير صديقتكم
يونا : بتفرح آيا ...
اكيرا : هي قايمة .. ؟؟
يونا : لا بس لما تقوم ..
توما : بتروحون ؟؟
راي : ايه
توما : ليش ما تجلسون معنا شوي ... موب زينه لحالنا ...
يونا : البنت الحين نايمه راح نجي وقت ثاني لما تصحى....
اكيرا : آها .. طيب اوكي مع السلامة ...
توما : لا تروحون خلينا نجلس مع بعض في الكافي بعد ما نطلع ... انتظرونا في الكافي
راي : اوكي
ويروحون ينزلون تحت ويدخلون الشباب عند آيا ...
اكيرا : السلام عليكم ...
الاب : وعليكم السلام
اكيرا : احنا زملاء آيا في الصف وجايين نطمئن عليها ...
الاب : هلا بكم ...
جلسو شوي يتكلمون وطلعو ...
الام لحقتهم توصلهم وزياده تبغى تلحق على اكيرا..
بعد ما ودعتهم قالت موجهه الكلام لاكيرا : لو سمحت ..؟؟
اكيرا : نعم
الام : ممكن اكلمك شوي ...
اكيرا : طيب ... شباب اسبقوني ...
مورا : اوكي
الام : عفوا لكن ممكن تذكرني باسمك ...
اكيرا : اسمي اكيرا
الام : بغيت اسألك .. هو لازم تقعد آيا في هذا المستشفى ؟؟
اكيرا : ووش المانع ... احسن لها
الام : اقصد .. ما ينفع ترجع البيت وانا ....
اكيرا : ما ادري ... لكن بأسأل الطبيب
الام : طيب اذا كان لازم تجلس في المستشفى ... قول له عادي نوديها مستشفى ثاني ؟؟
اكيرا : وليش مستشفى ثاني ... هذا المستشفى ممتاز .. وانا دائما اجي له ...
الام : آه قول له وخلاص ...
اكيرا : اللي تبينه ....
الام : شكرا ...ورجعت للغرفه ..
توجه اكيرا للطبيب....
طق الباب وبعد الاستأذان دخل.....
الطبيب يوقف ويسلم على كيرا : هلا اكيرا اي خدمه..
اكيرا : بأسألك المريضة آيا اللي بالغرفه رقم 207.. عادي ترجع للبيت ولا لازم تجلس هنا؟؟
الطبيب : افضل انها تجلس ...



يتبع ...

اكيرا : طيب هل بالامكان يودونها مستشفى ثاني .. ؟؟
الطبيب بتعجب : اكيرا اول مره تسألني هالاسئلة ...
اكيرا : ممكن جاوبني
الطبيب بتفكير : انا افضل انها تجلس عندنا خصوصا ان فيه طبيب مختص يشرف على هذي الحالات ...
اكيرا : طيب كم يلزمها من يوم .؟؟
الطبيب : يومين
اكيرا : آها ...
الطبيب : بغيت اسألك ... وش في يدك ؟؟
اكيرا : رضوض ..
الطبيب : من متى ؟؟
اكيرا : امممم من يومين اليوم الثالث ...
الطبيب : وليش ما علمتني ... مو انا طبيبك ؟؟
اكيرا : ما يستاهل اني اقوله لك ... خلاص داواني واحد غيرك ...
الطبيب : حتى ولو علمني على الاقل ...
اكيرا : اوكي ... يالله انا طالع..
الطبيب : تفضل ..
اكيرا قبل لا يطلع تذكر : اسمع ..
الطبيب : هلا ؟؟
اكيرا : المستشفى هذا غالي صح ؟؟
الطبيب : ليه تسأل ؟؟
اكيرا : لا ما في شيء ...
بعد دقايق .. اتجه اكيرا لغرفة آيا ... وقف عند الباب
اكيرا في نفسه : اللي سويته صح ولا غلط ... ما يهم ... يكفي اني مقتنع انه صح ..
ويطق الباب تطلع الام ...
الام : سألته ؟؟
اكيرا : ايه
الام : قول لي ..
اكيرا : هو يقول انه مو زين عليها ترجع للبيت .. و
الام : طيب اننا نغير المستشفى ؟؟
اكيرا : يقول انه يفضل هذا المستشفى لان فيه طبيب مختص وزين شغله ...
الام : آآه كذا ... طيب شكرا
اكيرا : و ترا آيا بتجلس يومين هنا
الام : ليه مو قايل انها بتطلع بكره ...
اكيرا : لا بتجلس يومين
الام : آه شكرا اكيرا ...
وتدخل الام ويروح اكيرا تحت عند الكافي ...
توما : وراك تأخرت ؟؟
اكيرا : شوية كلام
يونا : وش كانت تبي منك ؟؟
اكيرا : مو كلام مهم مره ... المهم ليش ما طلبتو لي شيء
بعد ما شربو الكوفي تفرقو وكل واحد راح لبيته ..
توما يمشيء مع اكيرا ....
توما : وش قاعد تفكر فيه ؟؟
اكيرا : ما افكر بشيء
توما : انا اكثر واحد اعرفك ... قولي وش قاعد تفكر فيه ...
اكيرا : ولا شيء ..
توما : طيب على راحتك ... بغيت اقولك .
اكيرا : وشو ؟؟
توما : انت ليش وديتا ايا لذاك المستشفى ؟؟
اكيرا : وش فيه ؟
توما : المستشفى حق ناس من طبقه عالية مو من طبقتنا ...
اكيرا : آآه
توما : تتوقع كم بيكلف عائلة آيا عشان بس حمى ..
اكيرا : آه عارف ...
توما : اجل بما انك عارف ليه وديتها له .... ؟؟
اكيرا : كنت ناسي نفسي وحبيت اوديها عند احد اعرفه ..
توما : لكنك غلطت ..
اكيرا : عارف عشان كذا افكر ...
توما : يعني كنت تفكر في هذا
اكيرا : ايه ...
ويوقف اكيرا ويلتفت على توما ...
اكيرا : بس تعرف سويت شيء
توما : وش سويت . ؟
اكيرا : آيا بتجلس في المستشفى ليلتين ...
توما : ايوه ..
اكيرا : دفعت ثلاث ارباع المبلغ
توما : شلون ؟؟ يعني بقى ربع المبلغ على عائلة آيا ؟؟؟
اكيرا : ايه والليله الثالثه دفعت عنها ... اللي سويته صح ولا غلط ... علمني ؟؟
توما : ما ادري وش اقولك ... لكن هو غلط وصح في نفس الوقت
اكيرا : شلون ؟!
توما : بيدرون اهلها انك انت اللي سويت كذا ...
اكيرا : لا ماراح يدرون ..
توما : شلون ما يدرون ..
اكيرا : قلت للمحاسب انه يطلب منهم بس الربع وكذا بيحسبون ان بس هذا المبلغ ...
توما : مع اني احس ان هذا مستحيل لكن ما ادري عنك ...
اكيرا : انا مقتنع انها حركه زينه ..
توما : امممم نشوف ... اتمنى يمشي كل شيء تمام ...
اكيرا : ان شاء الله
توما : طيب انا عندي شغل بأروح ... بس لا تفكر اكثر اوكي
اكيرا : اوكي ... مع السلامة
ويروح اكيرا للبيت .... يدق تلفونه
يمسك التلفون ..
اكيرا : الوه ..
المتصل : الوه
اكيرا : ابوي .. ؟؟
الاب : ابيك تجي عندي ..
اكيرا : وين ؟؟
الاب : في الشركة
اكيرا : طيب ..
ويسكر السماعه
اكيرا : وش تبي بعد ... ما صدقت اعيش لحالي في بيت عشان ارتاح ...
ويروح اكيرا ياخذ دش , يلبس لبس رسمي , يكد شعره , ويتعطر
ويحول يركب السياره ويروح للشركة ...
يدخل الشركة ويرقى لمكتب ابوه ...
اكيرا : السلام عليكم
السكرتير : وعليكم السلام ... المدير ينتظرك تفضل ..
اكيرا : شكرا
السكرتير يطق الباب : سيدي جاء السيد اكيرا
ويدخل اكيرا
اكيرا : وش بغيت مني .. ؟؟
الاب : الناس يسلمون
اكيرا : السلام عليكم
الاب : وعليكم السلام .. اقعد
اكيرا يقعد على الكرسي ...
اكيرا : بغيتني بشيء .. ؟؟
الاب : اول شيء ابيك تزور امك ولا تتركها ... اشوفك من سكنت هالبيت حتى اتصال ما اتصلت
اكيرا : كنت مشغول
الاب : بايش ؟؟ اللي يسمع كلامك يقول الولد يشتغل بالشركه كله كلام فاضي بس لعب
اكيرا : اشتغل بدراستي وحياتي الشخصية
الاب : اسمع شيء ثاني اخوك زواجه الاسبوع الجاي ...
اكيرا : مبروك ..
الاب : ابيك تروح وتبارك له ولأمك ... لما تروح من عندي روح للبيت وبارك له ...
اكيرا : طيب
الاب : وابيك تجي تتعلم شغل الشركة ولا كل شيء على اخوك الكبير ...؟؟
اكيرا : نيزو " اسم الاخ الاكبر " يفهم في الشركة اكثر مني ..
الاب : طيب تعال وصير مثله
اكيرا : انا ما احب التجاره ولا احب الشغل في الشركة
الاب : لكن مصيرك تمسك مكاني يوم من الايام ...
اكيرا : قلت لك ما ابي اشتغل في هالشركة ... انا ابي اشتغل في الشيء اللي احبة
الاب : وش اللي تبي تشتغله .. هاه ؟؟
اكيرا : وقتها بأعرف
الاب : انت مالك غير مهنه ابوك واخوك ...
اكيرا : قلت لك اللي عندي
الاب : وتراني سجلتك في جامعة التجارة في بريطانيا ..
اكيرا : وانا ما ابي اسافر لدوله ثانية عشان ادرس انا بأدرس في الجامعات اليابانية ...
الاب : انتهى اللي بينا ونتكلم في هالموضوع بوقت ثاني لاني مشغول ... اسمع تطلع من عندي تروح لامك وتبارك لهم ..
اكيرا : طيب
الاب : تقدر تنصرف

يتبع .....

ويطلع اكيرا مرتفع ضغطه ... يطلع للشارع ويركب السيارة .... يحط راسه على الدركسون
اكيرا : افففففففففف كل شيء اجباري ... ليش مالي حرية شخصية ...
ويروح اكيرا لبيت اهله .. يدخل وتقابله خدامه
اكيرا : وين امي ؟؟
الخادمة : في الصاله ...
اكيرا : فيه اخوي ؟؟
الخادمة : بيجي بعد شوي ..
اكيرا : شكرا .. تقدرين تروحين لشغلك
ويروح اكيرا ويدخل على امه
الام : اكيرا ... وينك يا حبيبي .. ليه ما تتصل على امك ...
اكيرا : آسف يمه .. بس كنت مشغول
الام : كذا تسوي في امك على الاقل اتصل وريح قلبي ...
اكيرا : اللي تبينه بيصير .. مبروك خطوبة نيزو
الام : زين عرفت ... طيب باركت له
اكيرا : لا بأبارك له لما يجي ...
الام : شلونك في البيت الجديد ... مرتاح
اكيرا : مرتاح كثير
الام : ومدرستك ؟؟
اكيرا : تمام
الام : ابوك امس كلمني عنك ...
اكيرا : وش كان يقول ؟؟
الام : كان وده تدرس سنتك الاخيره في مدرسة خاصه .. بدال المدرسة العامة
اكيرا : انا مرتاح في المدرسة العامة
الام : لكنـ ....
اكيرا : يماه انا افهم وانا كبرت ماني طفل صغير .. فهمي ابوي وخليه يعطيني الحرية ...
الام : ما اقدر انت تعرف ابوك شديد في بعض الامور
اكيرا : لكن انا ما ابي اشتغل في الشركة ..
الام : ابوك يبغاك تاخذ منصبه ... واحنا ما رزقنا الا بأنت واخوك ... حبيبي ريح ابوك ... ابوك يتعب
اكيرا : لكن ..
ويدخل عليهم نيزو ...
نيزو : السلام عليكم
الام : وعليكم السلام
نيزو وهو يجلس : اوه اكيرا عندنا...
اكيرا: مبروك يا نيزو الخطوبة ..
نيزو : الله يبارك فيك ...
اكيرا : اجل سعيدة الحظ " شيري "
نيزو : اكيد هي البنت اللي اخترتها قبل ما تصير زوجه لي ... هذي اللي اخترتها في مدرسة خاصه .. مو في مدرسه عامه بيصير من المستحيل اختار وحده من العامه ...
اكيرا يناظره بتعالي: وانا شاكي لك ...
نيزو : لا ... لكن لو انك مطيع ابوي وكنت في مدرسة خاصه كان بمقدورك تختار البنت اللي تحبها
لكن الحين ابوي هو اللي بيختار لك بنت ..
اكيرا بدأ يعصب : استأذن ... انا بروح
الام : توك جاي اجلس شوي
اكيرا ماسك اعصابه: يكفي ما جلست ...
الام : عيدها ..
اكيرا : اكيد ... مع السلامة
الام ونيزو : مع السلامة ...
ويطلع اكيرا وهو مرتفع ضغطه ...
اكيرا في نفسه : الله يصبرني
تجي الخادمة الخاصة بالام ...
الخادمة : سيد اكيرا ..
اكيرا : نعم
الخادمة : بغيت اعلمك شيء ..
اكيرا : قولي
الخادمة : تكفى سيد اكيرا لا تنقطع عن السيده لانها مريضة وتحتاج قربك ...
اكيرا : فهمتك ... ان شاء الله ...
ويطلع اكيرا ... ويروح لبيته ... يغير ملابسه ويستلقي على السرير ... يرن جوال .. ونغمة غريبة
يمسك الجوال ويشوف انه جوال آيا واللي يتصل يونا ...
اكيرا : يوه نسيت اعطي امها جوالها ...
ويرد
اكيرا : الوه
يونا : مين ؟؟
اكيرا : هذا انا اكيرا
يونا : ليش الجوال مو مع اخت آيا " جولي "
اكيرا : لا نسيت اعطيه لامها ..
يونا : اها
اكيرا : تبغين شيء ..
يونا : آه يمكن تعرف ... اكيرا آيا متى بتطلع من المستشفى ... ؟؟
اكيرا : بعد يومين ..
يونا : زين ...
اكيرا : ليه ..؟
يونا : لاني ابغى اطلب من احد في فصل آيا عشان انقل لها الدروس
اكيرا : وانا وين رحت ؟؟
يونا : هاه ..
اكيرا : خلاص انا بأعطيك دفاتري وملخصاتي واكتبيها لآيا ..
يونا : شكرا اكيرا ..
اكيرا : اسمعي انا وآيا نعتبر اليوم غايبين عشان كذا خذيها من بكره ...
يونا : اكيد ... مع السلامة ..
اكيرا : مع السلامة
ويسكر السماعة ...
اكيرا : يا الله بس الوقت مو زين اروح لأهل آيا ... اعطيهم آياه بكره بعد المدرسة ...
وينتهي اليوم على كذا .. ثم يروح ينوم ...

أحداث الفصل الثالث ::
الجزء الاول :
اكيرا : الحين انتي ليش دقيتي علي ... ليش ما دقيتي على ابوك ولا امك ولا احد ثاني ..
آيا منحرجة : ما ادري ... لكن يمكن لانك آخر واحد شفته ..
الجزء الثاني :
اكيرا : امممم يوه هذي السالفة مرة قديمة ...
آيا : بس ودي اعرفها ...
الجزء الثالث :
الام : في زواج اخوك بيحضر الكل .. وابوك خلى الحفلة الليلية تختار فيها رفيقه لك ...
اكيرا : شلون ؟!
الجزء الرابع :
راي : انا انهبلت واستخفيت وكل شيء ..... خلاص ..
ويقرب توما من راي ... ويصفها مع وجهها .....

سأسمعكِ حتى النهاية ... (( الفصل الثالث – الجزء 1 ))


في الصباح بيت اكير..
المنبه يرن يصحى اكيرا من النوم ..و سيده على الحمام يتروش و يلبس و يتأنتك و ينزل تحت يحط شنطته على الاريكه في الصاله بعدها يتجه للمطبخ و يجيب التوست ويدهن فيها جبن و ياخذ له عصير برتقال من الثلاجه ... يطلع للصاله يسمع جواله يرن نغمة توما .. طلع الجوال من الشنطه و رد ..
توما : الو
اكيرا : هلا
توما :يالله انا عند الباب
اكيرا : اوكي
ابتسم اكيرا و اخذ فطوره و شنطته و طلع..
وتوما مار عليه عشان يمشون سوا ...
توما : صباح الخير
اكيرا : صباح الخير ..
توما : ساعة
اكيرا و هو يأشر لتوما بالتسته: اسويلي فطور
توما : وليش ما سويتلي معك
اكير بإحراج: والله ما دريت انك ما افطرت كان سويت لك معي
توما يضحك: ههههه امزح امزح مفطر و خالص تبغاني استناك كان مت من الجوع ..
ضحكو مع بعض و كملو طريقهم للمدرسه...دخلو الاثنين للمدرسه و اتفرقو كل واحد لفصله .. في دخلة اكيرا الصف قابلته يونا ...
يونا : صباح الخير اكيرا ...
اكيرا : صباح النور .. وش عندك في فصلي .. ؟؟
يونا : كنت ابي اخذ ملخصات ايا اللي فاتتها امس ..
اكيرا : ما شاء الله عليك حريصة ... اها عشان كذا آيا تكثر غياب
يونا : لا مو كذا ... بس انا وهي متفقين اذا غابت وحده مننا الثانية تآخذ عنها واجباتها و ملخصاتها ...
اكيرا يحط يده تحت ذقنه : والله فكره بأسوي الحركة مع الشباب ... ما فيهم خير ما قد فكرو في شيء فيه فايده ..
يونا : ههه .. تراني اخذت الملخصات ...
وتمد يدها : هذا دفتر آيا اكتب فيه ملخصات اليوم..و خذ منه الملخصات اللي ناقصتك .. وراح أجي اخر الدوام اخذه اوكي .. ؟؟
اكيرا يبتسم : اوكي
طلعت يونا لفصلها ودخل اكيرا وراح يجلس بمكانه ...شاف دفتر آيا و صار يقلب فيه و يتصفحه انفتحت له صفحة و شاف فيها كتابات بدأ يقراها ..
اكيرا يقرا : إحساس فضيع أن تفقد شيئأ تحبه . . ولكنَّ الأفضع من ذلك أن تفقد ذاتك..
بدأ يفتح صفحه ثانيه ..
عندما نغوص في أعماق السعادة ... نكتشف أحياناً أن سعادتنا مجـــرّد وهم .. فنعود للتقوقع داخل ذواتنا وكأن شيئاً لم يكن !
اكيرا مندهش و هو يفتح الصفحه الثالثه:
من السهل ان تطرد جيشاً استعمر وطنك ..... ولكن ..... من الصعب أن تطرد حباً استعمر قلبك
اكيرا : يا الله وش هالبنت ...
ويفتح الصفحة الرابعه ...
اكيرا يقرا : ليه الرحيل اصبح اغلى امانيك؟؟؟ ......... وليه ذبحي صار اسهل وسيله.؟؟
خيل السعاده بالهوى خالفتني........ خالفة معها عيد قلبي وريفه .... لا ياسعاده ... ماصدقت جمعتنا الدروب .... ليه تبين تتركيني
اكيرا بلا مبالاة : يا الله يا كثر كلامها على غير سنع ..
ويسكر الدفتر ويفتحه من اوله و بدأ يكتب الملخصات اللي ناقصته .. مر اليوم هادي جدا ... في نهاية الدوام جت يونا و اخذت الدفتر .. شكرها اكيرا و كل واحد راح في طريقه ..
توجه اكيرا بعد المدرسة لبيت آيا ..يرن الجرس و يرن ولا احد يرد عليه
اكيرا بتفكير : معقوله ما فيه احد .. وين راحو او صح يمكن راحوا لآيا ...
في هاللحظه يدق جوال آيا ... ارتاع اكيرا من الرنه مسك الجوال ويشوف ان المتصل يونا ...
اكيرا رد : الوه
يونا تبعد الجوال عن اذنها كأنها تتأكد انها دقت على آيا : الوه اكيرا ... ؟؟
اكيرا : ايه اش عندك .
يونا : الجوال معك ما رجعته لاهل آيا
اكيرا : ما لقيتهم في البيت يمكن عند آيا في المستشفى ...
يونا : آه
اكيرا : وش بغيتي ...
يونا : هاه ولا شيء
اكيرا : قولي
يونا : كنت ابي " جولي "
اكيرا : انتي ممكن تعلميني من هي جولي ؟؟
يونا : ما تعرفها ؟؟
اكيرا : لو اني اعرفها ما سألك
يونا منحرجه : هذي اخت آيا الصغيرة هي مو صغيرة مره عمرها 15 في ثالث متوسط
اكيرا : آها بس ما عمري شفتها
يونا : الا جاية في المستشفى امس ... ما شفتها ؟؟
اكيرا : لا ... بس ماقلتي انتي وش كنتي تبين منها ؟؟
يونا : الصراحة ابيها تساعدني في كتابة الملخصات والواجبات ..
اكيرا : ليش ما قلتيلي اكتبها في حصص الفراغ ..
يونا : ما ادري ...بس ما كنت ودي اتعــ ....
اكيرا يقاطعها: انتي وينك راح أجي اخذ منك نصها ...
يونا : اوكي .. انا في البيت .. لكن روح لحديقة (...) راح أجي ..
اكيرا : خلاص اشوفك هناك ..
سكر الخط و راح للحديقه قابل يونا و اخذ منها الملخصات بعدها راح لبيته ..
دخل البيت تعبان رمى اللي في يده على مكتبه و راح يستلقي على سريره بالعرض و رجوله متدليه..
اكيرا يفكر: الحين انت يا اكيرا من حبك للكتابه يومنك ما خذ ملخصات تكتبها لصديقتك كان خليت اختها تساعدها يوم تدخل نفسك ..
رفع جسمه و هز راسه يبعد هالتفكير عنه : بأخلي الكتابه بعدين الحين آخذ لي قيلوله اريح فيها جسمي شوي حط راسه على الوساده و نااااااام ..نسى يوقت المنبه ...
الساعه 6.30 بعد غروب الشمس ..في غرفه اكيرا ..
فاتح عين ومسكر عين يشوف الساعة ...فجأه
اكيرا يجلس: يوه شلون كذا .... الساعة 6و نص ..
ويلتفت على الدريشة ... يشوف الدنيا ظلام ...
يطمر من السرير ...
اكيرا مرتبش: يا اللــــــــــــــــه !! وش ذا قضى اليوم وانا نايم ...
ويقوم يغير ملابس المدرسه و ياخذ فوطته و يدخل الحمام ياخذ دش و يطلع يلبس ... شاف قدامه الملخصات ...
اكيرا يضرب على جبهته : يوووووه نسيتها ... ياويلي من يونا مسوي فيها فاهم وانا منب كفو هالحركة ...
راح جلس على المكتب و بدأ يكتب ملخصات آيا وواجباتها و واجباته هو كمان والوقت يمر لين اكيرا معد يشوف وتعب من القعده رفع راسه على الساعة شافها 02:56 ...تنهد بتعب و رجع راسه على الكرسي و ما امداه يغمض عيونه الا يدق الجوال ...فتح عيونه بفجعه و شاف جواله على الطاوله ..
اكيرا ماسك راسه : من هاللي يدق هالوقت ...
مد يده اخذ الجوال ورفعه لنظره ... الرقم غريب
اكيرا بتعب: الوه ..
المتصل : الوه .. اكيرا ؟؟
اكيرا يتعدل بجلسته : مين ؟؟
المتصل : وينك اكيرا ليش انا لحالي ؟؟
اكيرا بتعجب: من انتي ؟؟
المتصل : انا آيا ...
اكيرا وعلامات الاستفهام كبر راسه : قمتي؟؟ .. متى؟!
آيا : وينك انا اخر شيء اتذكره انك تاكل معي الفطور ...
اكيرا نسى التعب : وين يا عمتي لك يومين مغمى عليك ...
آيا : والله ؟؟ طيب انت وينك ؟؟
اكيرا : في البيت
آيا صوتها يرتجف: ما تقدر تجي لي ؟؟
اكيرا : نعم ... في هالوقت
آيا بخوف : تعال ... تكفى
اكيرا : وش فيك ... خلاص بكره لما اجي من المدرسة بأجيك ...
آيا تتلفت: انا خايفه ما اقدر انتظر لبكره ..
اكيرا : وش خايفه منه ... نامي انتي الحين و الصباح رباح ..
آيا خنقتها العبره : ما اقدر انام تعاااال ...
اكيرا في نفسه : انتي ليش دقيتي علي و كيف جبتي رقمي ... ليش ما دقيتي على امك ..
اكيرا يهديها: خلص خلاص شوي و انا عندك ...
آيا: لاتتأخر .. تسكر السماعة ...
اكيرا : هذي وش مقومها في انصاص الليالي .. توني فرحان اني خلصت من الملخصات ... ابي انوووووم .. وقف و راح يبدل اخذ معه جوال آيا وتوجه للمستشفى ...
الاستقبال : آسفين لكن الزياره تبدأ من الساعة 12 الصباح وتنتهي الساعة 8 المساء ...
اكيرا يطلع بطاقة الهوية ...
الاستقبال : تفضل سيدي و آسفين على الازعاج...
راح لغرفة آيا فتح الباب شوي شوي ... يشوف آيا جالسه وضامه رجولها و مدخله راسها بينهم ... ابتسم من شكلها
اكيرا بهدوء: آيا
ترفع راسها : اكيرا .. ؟
اكيرا بابتسامه و هو يجر الكرسي عشان يجلس عليه: ايه اكيرا الحمد الله على سلامتك خوفتينا عليك مره ثانيه ريحي نفسك فجعتينا ..
آيا بإحراج : الله يسلمك آسفه على اللي سويته لك بس مو بيدي ..
اكيرا يضحك : هههه عارف عارف انو مو بيدك بس كنت امزح معك اهم شي قمتي لنا بالسلامه ..
آيا تبتسم ..
اكيرا يلعب : تصدقين ما توقعتك بتقومين لاني قلت آيا اللي تفضل النوم على الطلعه يحصلها يومين و ما تنومها مستحيل و غمز لها بعينه...
آيا مميله خشتها : ما تضحك مالت عليك ..
اكيرا : ههه ..


ي ــــــــــــــــــــــــــــــــ ت ـــــــــــــــــــــــــــــــ ب ـــــــــــــــــــ ع

بعدها تذكر : ايه تعالي هنا مناديتني في هالليل و تقولين خايفه سلمات وش جاك المستشفى مهوب فاضي
آيا تنزل راسها و تلهي نفسها بمنديل تلفه على اصبعها : انا ما احب اجلس لحالي في ظلام ...
اكيرا استانس عليها: هاه اجل شلون تنومين في غرفتك لحالك
آيا باستنكار ترفع راسها : من قال اني لحالي ... اهلي كلهم معي في البيت
اكيرا يرجع بظهره على ورى: وهنا نفس الشيء الممرضات والمرضى معك ...
آيا ضايعه : ما ادري ما احس براحة ..
اكيرا يتقدم لها : هذاني جيت ... الحين مرتاحة ؟؟
آيا بإحراج: انا آسفة ... ازعجتك في آخر الليل ...
اكيرا : ما عليه ...
ويطلع الجوال من جيبه ...
اكيرا : خذي هذا جوالك ...
آيا : شكرا .. صار معك .. ؟؟
اكيرا : ايه ... بس فيه سؤال ممكن ؟؟
آيا : قول
اكيرا : الحين انتي ليش دقيتي علي ... ليش ما دقيتي على ابوك ولا امك ولا احد ثاني ..
آيا منحرجة : ما حبيت اصحي اهلي و اتعبهم و يونا بنت و اخاف اروعها فما جا على بالي الا انت يمكن لانك آخر واحد شفته ..
اكيرا مبتسم لعفويتها و صدقها: ما شاء الله حافضة رقمي
آيا : ايه لانه نفس جوال يونا بس تغيير آخر رقم 7 ونحط بداله رقم 2 ...
اكيرا : آها .. كذا
آيا انعفس وجها كأنها تذكرت شي..
اكيرا: وش فيك و ش تفكرين فيه ؟؟
آيا تشوفه : اكيرا انا كيف جيت هنا ؟؟
اكيرا : اغمى عليك بسبب ارتفاع درجة الحرارة ونقلوك للمستشفى ...
آيا : يوه اجل غثيتك ...
اكيرا يبتسم : ما غثيتيني ... لكن روعتيني ...
آيا : اسفة ..
اكيرا : يكفي اسفه اسفه ... على الاقل غيري الكلمة
آيا تضحك ... ويبتسم اكيرا
اكيرا يوقف: طيب ... انا استأذن لازم اروح
آيا بضيقه: ليه توك جاي ...
اكيرا يناظر ساعته: لا خلاص و ين راحت ساعه و نص و انتي تقولين توك لازم ترتاحين ...و بكره بـاجي انا والبنات وشلتي ...
آيا : اجل محد زارني ...
اكيرا : إلا كلنا زرناك وامك كانت جالسه عندك بعد ...
آيا بارتياح : يا حبيلهم اشتقت لهم احس اني من زمان ماشفتهم ..
اكيرا : ايه صادقه يومين مو شويه .. و يونا ما قصرت معك اخذت كل الملخصات اللي فاتتك وكتبتها لك ..
آيا : يا حبي لها ...
اكيرا : بروح تبين شيء ...
آيا بحزن: شكرا لك ...مع السلامه
اكيرا : مع السلامة
ولما طلع طاح جواله بدون ما يدري ... توجه لـ ( للاصانصير) و لما وصل له تحسس جيبه ما لقى جواله
اكيرا : يوه هذا وين راح ... شكله طاح عندها ..
رجع لغرفتها و شافه طايح عند الباب توجه للغرفه و لما وصل عند الباب ... وقف على صوت صياح .. فتح الباب شوي شوي وطل ... شاف آيا تصيح ... فتح عيونه
اكيرا في نفسه : ليش تصيح ؟؟
فجأه فتح الباب و دخل معه سرير متحرك ( السرير حق الطوارئ )...
آيا تمسح دموعها مرتاعه : وش عندك يا اكيرا ؟؟
اكيرا لازال يسحب في السرير: صدقتي اني بروح ...
آيا باستفهام : وش تقول انت ؟؟
اكيرا و هو يعدل السرير في مكان اختاره: رحت آخذ اذن اني اصير مرافق ... والصراحة غرفتك كبيره عشان كذا جبت معي سرير عشان انوم عليه ...
آيا تبتسم : صادق ولا تستهبل ؟؟
اكيرا يناظرها بطرف عين و يأشرلها على السرير : يعني كل هالسرير ولا صدقتي ..
آيا بتتشقق من الفرحه: ههه بس ما توقعت ... توقعتك تمزح معي ..
اكيرا ينسدح على السرير و يعدل الوساده : آه خلاص بطاريتي انتهت ...
ويحط ذراعه على عيونه ... آيا تناظر تحركاته و هي مبتسمه ..
اكيرا تكلم فجأه : عندك حكي تبين تقولينه ؟؟ .... كلام تبين تطلعينه ... قوليه لي ..... قولي همومك وانا راح اسمع لك ...
آيا تغيرت ملامح وجهها متعجبه و مستغربه...
اكيرا لازال على و ضعيته: بأسمعك حتى النهاية ...
آيا تلتفت ناحيه الدريشه : وش تبيني اقول ... انا عندي كلام ما ينتهي ... كلامي ماله نهاية ...
اكيرا : قولي اللي تقدرين عليه..
آيا : احكي من أي جانب ... ووش اقول .. ؟؟
اكيرا : قولي اللي في خاطرك ...
آيا ببراءه: في خاطري ... اشياء كثيرة .... آآآآآه لما افكر اني بأنتهي من المرحله الثانويه و اطلع منها بدون رفيق والكل اللي في عمري لقو لهم ارفقاء ... تجي في قلبي ضيقة ... واقول في نفسي ليش انا مو مثلهم ليش انا مكروهة من جانب الشباب ... يمكن لان شخصيتي شبابيه ... طيب انا ما كنت كذا من قبل
انا كنت بنوته ... لكن ... لكن ... حالتي الحين تختلف عن قبل ... فيه اشياء كثيرة حصلت في سنوات قليلة ... انا احس اني الحين ابغى امل .. صحيح ان يونا مثلي مالها رفيق ... بس هي كان لها رفيق سابق .. لكنـ .. انا ...
هنا بدأ صوت آيا يتغير و الدلوع سلكت مجراها على خدها الناعم ...
وآكيرا معطيها ظهره ويسمعها ..
آيا وهي تمسح دموعها بظهر يدها : انا وش هالكلام اللي قاعدة اقوله .... تلتفت على اكيرا و تشوفه معطيها ظهره توقعت انه نايم قالت : آسفه اكيرا قلت كلام ما قد سمعته مني ...
اكيرا فاجأها برده : هذا الحد اللي تقدرين توصلين له ..
آيا بصدمه : انت مانمت ..
اكيرا : لا .. لكن ماجاوبتيني على سؤالي>>هذا الحد اللي تقدرين توصلين له ..
آيا و عيونها اغرورقت من الدموع : انا ما اقدر اتحمل لما اتكلم تنزل دموعي غصب عني ...
اكيرا يلف عليها : هذي السنه انتهت ؟؟
آيا : لا تونا في بدايتها
اكيرا و وهو يجلس : اجل فيه امل ...
آيا تناظره بتعجب ....
اكيرا : غمضي عيونك
آيا غمضت عيونها علطول وهي تسمع كلامه .....
اكيرا : ... شوفي قدامك ....... بتشوفين .... نور بسيط ..... تعرفين وش هذا النور ؟؟
آيا خذها خيالها لكلامه ......
آيا : لا ........ لكنـ ... هذا النور ضعيف
اكيرا : هذا النور نورالامل ...... وانتي اللي تقدرين تخلينه قوي وينتصر على الظلمة اللي فيك ... خلي الامل شعارك وراح تنتصرين على الظلمة ...
آيا تفتح عيونها و تشوف اكيرا بدهشة : اكيرا ..
اكيرا : نعم
آيا : ممكن اسألك سؤال ؟؟
اكيرا : قولي
آيا باستغراب : انت ليش مالك رفيقة؟؟
اكيرا يدعي الامبالاة : انا ما ابي
آيا تحط يدها على ذقنها بتفكير : لكن ... شيء غريب كل واحد ... لازم يكون عنده رفيقة ... طيب متى بيصير لك رفيقة ؟؟
اكيرا ينسدح و يعطيها ظهره : انـا بيصير لي رفيقة اكيد ... لكنـ مو في الوقت الحالي ...
آيا : اهــــا ...
ويلتفت اكيرا عليها : انا بأنوم اوكي ... لا تزعجيني ..
آيا ونظراتها على اكيرا تقول في نفسها : اكيرا ... انت شخص غامض .. وشو اللي مخبيه .. ؟؟
نزلت عيونها للأرض وتشوف جواله ... تنزل من السرير وتشيله ...
آيا : اكيرا جوالك طايح هنا ... اكيرا ؟؟
وتروح تقرب من عنده ... تطل في وجهه وتلقاه نايم ...
آيا : يوه يا سرع ما نام .
حطت الجوال عند راسه و راحت اخذت الشرشف من سريرها ولحفته ...ولما وصلت عند وجهه ... وصارت قريبه منه قالت في نفسها : ياه صاير كأنه طفل صغير وهو نايم ... اكيرا توني ادري انك حنون ...... شكرا لك ... احس بشوية راحة ...
ابتسمت ورجعت لسريرها ونامت هي الأخرى ...

واخيرا الجزء الجديد ...... دوزو

انا لا أثق بأحد (( الفصل الثالث – الجزء 2 ))
وبعد 3ساعات .. صوت المنبه يرن ..
اكيرا يمد يده يقفل المنبه يفتح عين ويشوف الدريشة : الدنيا نهار ؟؟
يشوف الساعة في الجوال ... يضرب بيده على جبهته : يوووووه الساعة 6 يا ويليي ..
تحركت آيا من صوته ..
اكيرا حط يده على فمه و نزل من السرير و طلع بهدوء من الغرفة ...
صحت آيا من النوم شافت سرير اكيرا فاظي نزلت عيونها للساعه شافتها 6:05 ..
آيا كأنها تذكرت شيء : يوووه ... اليوم مدرسة و اكيرا يداوم .. ياربي ياليتني ذكرت امس كان خليته يروح لبيته ... ان شاء الله ماتأخر ..
اكيرا المسكين يدخل للبيت يركض للدرج يرقى درجتين درجتين من العجله يدخل غرفته ويغير ملابسه وياخذ الملخصات من مكتبه ويحطها في الشنطه ... نزل تحت و للمطبخ على طول اخذ له توسته و دهنها بجبنه و طلع بسرعه بياكلها في الطريق ...
اكيرا وهو يركض : يا الله ... وش بسوي مع هالتأخييييير .......
ويدخل المدرسة الأسياب هدوء لما ماشاف احد عرف ان الناس بدأت حصصهم ..
توجه لفصله شاف استاذ الرياضيات يشرح عرف ان اليوم ماراح يعدي على خير.. طق الباب ..
ودخل : صباح الخير ...
المعلم بوجه عابس: اي صباح اللي تتكلم عنه الا قل مساء الخير .........
اكيرا ساكت و منزل راسه للأرض ..
الاستاذ : ممكن تتفضل و تطلع برا ضيعت الحصه ..
اكيرا : انا كنت في الـ....
ماخلاه الاستاذ يكمل ..
الاستاذ : لو سمحت اطلع برا ما ابيك تحضر الحصة .......
اكيرا بأسف : آسف دخلني الحين و اوعدك تكون هذي آخر مره ..
المعلم حمقان : ماراح تدخل عشان تعرف مره ثانية ما تتأخر ........
اكيرا بدون اي جدال طلع من الفصل..
اكيرا بضيقه : آآه كأني ناقص ...ياربي وش اسوي الحين ..
جلس على كرسي جنبه و حط يده على راسه سمع المعلم يهزء في الفصل اللي جنبهم ( فصله السابق )
اكيرا : مير من زمان عن فصلي الاول بروح اشوف وش احوالهم ..
وقف وراح للفصل لما وصل عند الباب طل من الدريشة .. شاف سوما واقف على الجدار ورافع رجل ...
اكيرا بضحكه خفيفه: هههههه و الله انك تحفه ياسوما من زمان ما شفتك واقف كذا ... هه هه اللي يشوفني الحين ما كأني مطرود من الفصل ...
بعدها رجع قعد على الكرسي وجلس يفكر ...
اكيرا في نفسة : ما كأنه صدق ... كأنه حلم ... فيه ناس كثير تعاني ... مو انا بس .... صار الشخص اللي ابدا ما توقعت انه يكون بهالحزن مهموم وحزين ...... انا صح مكتوم ..... لكنـ انا لما اطلع من اللي انا فيه يمكن اصير طبيعي ... لكن هي ... مفتوح لها ولا قدرت ... في حياتي ما قد قابلت شخص مثلها ... الحين بس عرفت شلون هي قوية ...
المعلم يطلع من الفصل ينادي: اكيرااا ..
اكيرا لازال يفكر لاحياة لمن تنادي ..
المعلم يقرب من عنده : هي انت كأن الجلسة برا جازت لك ...
اكيرا توه ينتبه للمعلم: هاه ... لا لا من قاله ....
المعلم بتعصيبه : ساعه اناديك يالله قدامي ادخل الفصل ..
اكيرا : آسف يا استاذ و دخل الفصل ..
في المستشفى :.
آيا تكلم في الجوال : والله يا ماما انا طيبة ...... خلاص ابي اطلع من هالمستشفى
الام : لازم ترتاحين ......
آيا : طيب متى بتجون ... انا مليت
الام : خلاص .... الزيارة من الساعة 12 يمكن نجي 1 ......
آيا : آآه الوقت طويييل ... تونا الساعة 7 ...
الام : نومي لين نجي .....
آيا : مليت من النوم مايكفي نمت يومين متواصله ..
الأم راحمه بنتها : طيب ياماما اش اسوي هذا وقت الزياره ولا لو علي جيتك الحين ...
آيا بضيقه : الله يخليك لي ..
الأم : يالله حبيبتي ارتاحي الحين..
توها بتسكر..
ايا تذكرت حاجه : لحظه ماما
الأم : هلا ..
آيا : ابيك تحطين لي ملابس في شنطه وتحطينها عند الشجره عشان يونا تجيبها لي لما تطلع من المدرسة
الام : انتي قلتيلها ..
آيا : لا بقولها ..
الأم :طيب ...... يالله مع السلامة ...
آيا : مع السلامة ..
وتسكر آيا السماعة .....
آيا وهي تتمغط: وااااااه ما فيني نوم توني قايمة ....... يا ربي وش اسوي ؟؟
اخذت جوالها و فتحت على لعبه و بدأت تلعب ..
و ياسرع ما مر الوقت ....
في المدرسة :.
صفرت الحصه الأخيره و الكل طلع رايحين لبيوتهم بس قبل لايتفرقون تكلم الكيرا : هاه خلاص نزورها الساعة4 ......
توما : لا وش الساعة 4 ....... نروح لها الحين ثم عقب الزياره نروح ننوم القيلوله ...... وش رايكم ؟؟
يونا : طيب ..... خلينا نروح الحين للبيت لمدة ساعة نسوي شيء تاكله على الغدا واحنا نتغدا عندها ...... وش رايكم ؟؟
راي : حلو رأي يونا ..... منها نريح شوي ومنها نجيب شيء معنا .....
سوما : حلو وانا موافق ...
اكيرا : اوكي خلاص يله كل واحد على بيته ... ترى احتمال اتأخر في الجية ..... اوكي
الكل: اوكي على راحتك .......
تفرقو ..و لما كان اكيرا يمشي في الطريق ... رن الجوال ..
طلعه من جيبه شافه رقم غريب .. رد
اكيرا : الوه
آيا : الوه ....هلا ؟؟
اكيرا عرفها من صوتها : هلا فيك ..
آيا : كيفك وش اخبارك ؟؟
اكيرا : تمام ..انتي كيف صحتك ؟
آيا : بخير الحمد الله ما ناقصني الا شوفت صديقاتي ؟؟
اكيرا بضحكه: ههه حلوة اجل خلاص بنجيك نزور تجهزي ..
آيا : و الله بتجون تزوروني ..
اكيرا مبتسم : ايه و الله اتفقنا نجيك بعد ساعة ونتغدا عندك بعد ..
آيا بتطير من الوناسه : واو فكره حلوه من فكر فيها..... ياي وناسه ..
اكيرا : يونا ...و حتى من الحماس راحت مستعجله لبيتها بتسوي غدا ..
آيا تفكر في كلامه يعني مافيه امل تقول ليونا تجيب شنطتها لانها اكيد مشغوله ..
اكيرا : الو آيا و ين رحتي ..
آيا ترجع من سرحانها : هلا معك اجل قلتلي فكره يونا يالبا قلبها ..
اكيرا و هو يضحك عليها : تبين شيء ثاني ؟؟
آيا بتفكير: اممم اكيرا انت فاضي ...
اكيرا : ايه فاضي تبين شيء .....
ايا : فيه شنطه عند ولا اقولك خلاص خلاص مو لازم ..
اكيرا تحمس: قولي وش عندك.... عادي انا ما عندي لا شغل ولا مشغله ..
ايا بإحراج: طيب تقدر تجيب لي شنطتي تلقاها عند شجرتنا اللي قدام البيت ...
اكيرا : هاه ... وش فيها ؟؟
ايا : وانت وش دخلك وش فيها ... اذا كنت تقدر تجيبها جبها ...
اكيرا يبعد السماعه عن اذنه: طيب طيب... مع السلامة
ايا : شكرا ... مع السلامة ...
سكر اكيرا من آيا و غير اتجاهه لبيت آيا وصل لبيتهم ولقى الشنطة واخذها و راح للمستشفى توجه لغرفتها وطق الباب ..
آيا : تفضل ..
دخل اكيرا و سلم عليها و بعدين مد لها الشنطه واعطاها الشنطه ...
ايا و تاخذها منه: شكرا اكيرا ..... واسفة اني اطلب منك هالشيء .. تعبتك ..
اكيرا : العفوا...ماتعبيني ولا شي يله انا بروح ... تآمريني على شيء
آيا : ولا شيء ... شكرا ..... بس توك جاي اقعد ريح ...
اكيرا : لا بروح البيت اتروش احس قرفان من نفسي .. راح اجي مع الكل على الغدا ..
آيا تمسك يده : اقعد بس خلنا نسولف لاحق على الترويشه ..
رضخ اكيرا لطلبها وقعد ...
اكيرا: هذا انا جلست ... الحين ارتحتي
آيا : مو انا اللي ارتاح انت اللي ترتاح ...
اكيرا يبتسم : طيب ... فهمنا وش عندك من السواليف ؟؟
آيا : اكيرا ... منهو اعز اصدقاءك ... يعني اللي في شلتك ؟؟
اكيرا : ليه ؟؟
آيا : ابي اعرف ... بس
اكيرا يناظرها : طيب انتي مين تتوقعين ...
آيا تحط يدها على ذقنها بتفكير: امممم احس انه ..... توما ... صح ؟؟
اكيرا مبتسم: ايه صح .. بس وش معنى اخترتي توما ؟؟
آيا : لأن معاملتك معه غير الباقي ......
اكيرا بدهشه : والله ؟؟
آيا بابتسامه: ايه و الله .....
اكيرا يهز راسه علامة الفهم ..
آيا : طيب قول لي ليه هو الاعز .. ؟؟
اكيرا يرجع ظهره للكرسي : يمكن لانه اول صديق ... وبعد صديق طفولة ...
آيا بدهشه: والله توما اول صديق ... وبعد صديق طفولة .... ؟!
اكيرا مبتسم : ايه ..ليش شيء غريب هو ؟!
آيا بإحراج :لا اقصد يعني كيف التقيت به ...... وكيف صادقته ... ؟؟
اكيرا بتفكير: امممم يوه هذي السالفة مرة قديمة ...
آيا بفضول : بس ودي اعرفها ...
اكيرا اتسعت ابتسامته: طيب ...اسمعي هذا يوم كان عمري 9 سنوات ... كنت اتمشى انا واخوي في المدينة ... ومرينا على حديقة .. قال اخوي : اجلس هنا بروح اجيب لنا شيء يبرد علينا و برجع .....
هزيت راسي بالموافقه و جلست انتظره بعد شوي شفت اولاد يتضاربون مع ولد وهذا الولد هو توما ...
آيا : الله كأنك تتكلم عن دراما ..
اكيرا يناظرها بطرف عين: خير .. كنك تستهزين بكلامي ؟؟
آيا تأشر بيدينها : لا لا والله بس هذا من الانسجام مع القصة ...
وقف اكيرا وراح لعند الدريشة و كمل كلامه...
اكيرا : فزعت معه ورحت وضربت واحد من الاولاد بقوه .. وعلى طول راحو .... شكرني توما على المساعدة ... ومد يده يسلم علي .... مديت له يدي ... قال : انا اسمي توما ... وانت ؟؟ ...... رديت عليه وقلت اسمي ...... رد علي بابتسامه ... انت احسن واحد لانك تساعد الناس مع انك ما تعرفهم ...... وراح .... قعدت افكر في كلامه واسلوبه ..... انا اللي علموني اياها اهلي ... ان الناس اللي اقل مننا طبقة ..... ناس اسلوبهم قذر وما يحترمون احد .. وقالو عنهم الشيء اللي ما شفته في توما بس قلت يمكنه في طبقتي .... بغيت اتعرف عليه ... ورحت ولحقته ... التفت علي وسألته ..... انت في أي مدرسة ؟؟ ..... رد علي وقال مدرسته ... وصارت مدرسته لاهي اللي خاصة ولا شيء ... قررت اني اترك مدرستي الخاصة ... وادخل المدرسة اللي فيها توما .. رحت لأمي وحكيت لها عن اللي صار .. وقلت لها عن قراري ... بس ردت علي بالرفض ..... لان ابوي مستحيل يدخلني مدرسه عامة ... ترجيت امي وحاولت تقنع ابوي ... ابوي شرط علي ان كل اللي في المدرسة ما احكيلهم عن طبقتي ... ودتني امي لمدرسته وجلسوني جنب توما ... تصادقت انا وياها .. ودخلنا سوا للمتوسط وبعد الثانوي ..

يتبع .....

آيا بحالميه : اللـــــــــــــــــه القصة مره حلوه .... صداقتكم فيها الوفاء ..... يمكن يكونون الاولاد اوفى من البنات في الصداقة ...
اكيرا يلتفت عليها: آيا ... انتي في الاونة الاخيرة متغيرة شخصيتك مره ما كأنك ذيك البنت الاولى ... وصرتي حساسه ما تتحملين .. صرتي تصيحين بكثرة .. ليه ما ترجعين لشخصيتك الاولى .. ؟؟
آيا بدأت تخنقها العبرة لفت وجهها عنه و قالت : ووش سوت لي شخصيتي الاولى .... هذي انا لا لي رفيق والكل يتخلى عني .. انا بشخصيتي صرت عار لغيري ...
اكيرا طارت عيونه : ومنهو هذا اللي صرتي عليه عار ؟؟
آيا تتحجر في عيونها الدموع : انا كان لي صديقة عمر حبيتها من قلبي ... درست معها الابتدائي وبعد المتوسط ... لكن في ثالث متوسط .. تخلت عني ... ويا ليتها تخلت عني بهدوء لكن .. قالت لي اقوى كلمة .... وجرحتني ... وعشان ايش .. لقت لها رفيق ..... ولا.. تقول .. انتي ما قد حسيت انك بنت كأنك ولد بحركاتك وتصرفاتك .... انا اصلاً ما قد حبيتك ..... لا انا اكرهك ..... و ما شفتها بعد ذاك اليوم ..... بعدها كرهت نفسي .. وكرهت الدنيا بكبرها .. هي سافرت لكيوتو ...ولا حتى اتصلت ....و تبيني اقعد على ذيك الشخصية ؟؟ ... خلاص انا فاض بي الكيل ... الكل من حولي يتخلى عني .. عارفه بتقول يونا .. يونا صديقتي في الثانوي ما تدري عن أي شيء حصل لي في المتوسط ... يونا ما تقصر معي ... لكن هي كانت احسن منها .. خوفي يجي لي يوم وتتخلى عني يونا .. احاول كل يوم اكسب وارضي يونا اكثر منها .. بس انتهت علاقتي بها من سنتين .. صحيح ما نسيتها لكن الحين يونا تحل مكانها .....
واكيرا يشوفها وهي تصيح ....
آيا و هي تحاول تمسح دموعها : انا خلاص ما اثق في أي احد حتى لو جلس معي طول عمري ..... انا خلاص تعقدت ..
آيا مسكت راسها و تهزه يمين و يسار : ابي انساها وانسى كلامها لكن كل يوم يدور كلامها في راسي ....... انا خلاص ما اثق في احد .. ما اثق في احد ...
اكيرا يقرب من عندها وجلس على السرير وصار يمسح دموعها بيده ..
اكيرا بهدوء : في هذا العالم الخائن والوفي .. بس مو اذا خانك شخص وتخلى عنك تعميمن هالشي على الجميع و تقولين ان الكل بيتخلى عنك ... بالعكس فيه امثالك .. انتي شوفي نفسك ... ما خنتيها و لازلتي تتذكرينها مع انها خانتك ... وذكرتي محاسنها بعد .... يمكن هي الحين نادمة على كل كلمة قالتها لك ...
ويمكن بعد كرهت الدنيا بعدك ... انتي ما تدرين عنها .... بس لازم انك تثقين بالناس ... حتى لو صدمك واحد هذا ما يعني ان الكل مثله ... انا اثق في توما واثق في سوما و في مورا .....و كمان واثق فيك ... واحنا بعد يمكن نخطي ... لكن لازم نصحح خطأنا ...
آيا بدأت تهدأ: اكيرا ... احس اذا سمعت كلامك ارتاح ....
اكيرا ابتسم لها ..
آيا : طيب انت ما عندك هم؟؟
اكيرا : محد في الحياة ماعنده هموم ..
آيا : قول لي همك ...راح اسمعك بأذان صاغيه ..
آيا في نفسها : على الأقل ارد لك المعروف ...
اكيرا قام من سريرها : يمكن تفهميني او ما تفهميني ..
التفت عليها : لكن بأقول اللي عندي .. وبأخلي احد يشاركني في حل مشكلتي ....
ايا تهز راسها ..
اكيرا وقف عند الدريشه : همي كله من اهلي ...انا مثل العصفور في قفص .. وصاحب هذا القفص هو اللي يتحكم فيني .. روح يمين اروح يمين روح يسار اروح يسار .. يطيروني اطير .. مالي اية حرية ... كل حياتي مملوكة ... كل شيء اجباري .. حياتي صعب فيها العناد .... انا حياتي كتبوها بيدهم ... في العمر الفلاني يصير كذا وفي العمر الفلاني يصير كذا .. كل شيء على رغبتهم ...
التفت عليها بحزن : آيا سألتيني امس ليه مالي رفيقة إلا الان ... صح ؟؟
آيا وهي محزونه من حالها و حاله هزت راسها : ايه
اكيرا يكلمها بضيقه: لان حتى الرفيقه هم اللي يختارونها لي ما اقدر احب ما اقدر اختار البنت اللي احبها ..... لازم اخذ بنت من طبقة عاليه .... واذا بغيت اختار ... لازم ادخل مدرسه خاصه واتعرف عليها فيها واحبها .. لكن انا اكره كل البنات اللي في المدارس الخاصة .. اكرهم ومستحيل احب وحده منهم ..
التفت للدريشه يشوف السماء : شفتي همي كيف ماله حل و صعب علي حله ...
آيا وهي تشوف ظهر أكيرا : تصدق من عرفتك الى الحين عمري ما توقعت ان اكيرا عنده هم كبير ....
اكيرا بابتسامه صفراء : لهالدرجه ..
آيا : لا بس ماعمرك وضحت ... انت مره صبور..
اكيرا بابتسامه هاديه: وانتي بعد ما توقعت ابدا ان في داخلك هم ..... ما وضح عليك ..... انتي قويه ..
توجه لها ومسك يدها : احنا لازم نتمسك بالامل .... ما ندري وش بيصير بكره .. و مثل ما قلتلك انتي اللي تقدرين انك تنتصرين على الظلمه ... ودائما فيه امل لو بسيط .....
فك يدها ومسك راسها ... حبها مع جبهتها بين عيونها.... بعدها اعطاها ظهره وقال
اكيرا : انا بأروح ... مع السلامة ..
آيا متفاجئة : ..............
طلع و سكر الباب وراه ترك آيا في صدمتها ......
آيا تحط كفها على جبهتها : اكيرا ... انا اول مره احد ..
واكيرا يمشي في السيب ..
مر من غرفة فك الضمادات .. شاف يده .. توجه للغرفه وطق الباب ..
الطبيب : تفضل ..
دخل اكيرا و فك الضماد ..
الطبيب : تقدر تحركها بسهولة ؟؟
اكيرا : ايه بس فيه الم جدا بسيط ...
الطبيب : صحيح لان يبيلك يومين عشان تتشافا مره ... انا ما راح احط لك ضماد بس حاول انك ما تشيل بها شيء ثقيل ..
اكيرا : اوكي ... شكرا ...
طلع من الغرفه وهو بيطلع من المشفى قابله توما داخل ..
توما مستغرب: وش عندك هنا ؟؟
اكيرا : جيت افك يدي ..
توما : طيب ليش بتطلع ..
اكيرا : بأروح اغير ملابسي وآخذ دش و أجي ..
توما :اها اجل ما ااخرك مع السلامة ..
اكيرا : مع السلامة ..
يروح توما لغرفة آيا يفتح الباب ..
آيا : هييييه لا تدخل انا قاعده ابدل ملابسي ..
يطلع توما : آسف آسف ما دريت ..
ويقعد عند الباب ... تجي يونا ...
توما : لا تدخلين لانها تغير ملابسها .....
يونا : يوه شفتها وهي تغير ملابسها ... يلي ما تستحي ..
توما : خير خير وراك هجمتي علي ... لا لا ما شفتها بس يوم جيت ادخل قالت لا احد يدخل لانها تغير ملابسها ...
يونا : وانت ما تطق الباب على طول تدخل ...
توما : كنت ناسي خلاص ..
آيا : تومااااا تقدر تدخل ..
يونا انا بأدخل قبلك ..
وتجي راي ..
راي : لا انتي ولا انت .. انا بأدخل قبل ..
يونا : لا والله انا جاية قبلك
راي : انا اكبر منك بثلاث شهور احترميني .. انا الكبيرة
يونا : لاه ما بينا الا شهرين يا كذابه ...
توما : خلاص انا اكبر منكم كلكم .. بأدخل الاول واقعدو انتم تظاربو اوكي ...
ويدخل توما ...
توما : الحمد لله على السلامة ..
آيا : الله يسلمك
توما : وراك واقفه اجلسي وارتاحي ...
آيا : انا بخير
يونا وراي : آيا من الاكبر انا ولا هي .. ؟؟؟
آيا : خلاص انتم كبر بعض وحتى بنفس اليوم ... ادخلو مع بعض هههه
يدخلون بشق الانفس ...
يونا : الحمد لله على سلامتك يا آيا ... اشتقت لك ..
آيا : وانا بعد اشتقتلك
راي : اقول لا تنافقين ... انتي مشتاقه لي اكثر منها
آيا : مشتاقه لكم كلكم ...
توما : صدق انكم مخكم ضارب .. بالله وحده نايمه شلون بتشتاقلكم ؟ ... في حلمها ... ؟؟
آيا : يعني مشتاقه لهم من قمت ... لا يهمكم يا بنات انا صدق مشتاقه لكم وبعد اللي بين يدينكم ههههه
يونا : اعوذ بالله ما تفكر الا بمعدتها ..
سوما : السلام عليكم ...
الكل : وعليكم السلام ..
يدخلون ويجلسون ..........

البارت هالمره طويل ...... راح يعجبكم ان شاء الله ......


انا احب شخص آخر .. (( الفصل الثالث – الجزء 3 ))


في بيت اكيرا ..
دخل اكيرا للبيت بتعب راح للدرج رقى متوجه لغرفته .. فتح الباب و رمى الشنطة على الكرسي حق المكتب و انسدح على السرير .....
اكيرا : آآآآآآه احس فيني نوم غير طبيعي ....
يلتفت على جنب ويقعد يفكر ..
اكيرا : يا الله كنت اتوقع اني انا المهموم بس ...... لكن صار فيه ناس غيري مهمومين .. رجع ظهره و صار يشوف السقف : آيا صدق انك غريبة ... ليش صرت اهتم للي تقولين ؟؟ ..ليش صرت ابي اشوفك دائما ؟؟... ليش ابيك تتكونين سعيده ؟؟ .. ليش صرت افكر فيك قبل نفسي ؟؟ ........
على افكاره جلس على حيله في السرير ...
اكيرا يضرب راسه بيده : وش هالكلام اللي قاعد اقوله ..... يهز راسه .. يوووه هو لازم اخذ الحين دش ؟؟
رجع حط راسه على المخده.... اقول انوم ارحم لي ...
على آخر كلمه سكر عيونه و استسلم للنوم ..
في المستشفى ...
مورا يناظر للساعه : وين اكيرا مره تأخر ؟؟
توما : شفته قبل لا تجون طالع من المستشفى ... ويقول انه بيروح ياخذ دش ويجي ..
يونا مستغربه: شفته هنا ... وش كان يسوي ؟؟
آيا نزلت راسها وفي نفسها : ياربي رحت فيها ؟؟
توما يلتفت عليها : جاء عشان يفك الجبيرة اللي بيده ...
يونا : اها ...
وينطق الباب ...
راي بابتسامه: اكيد هذا اكيرا جاء ..
ما امداها تكمل كلامها الا بأم آيا تدخل ..
الام : السلام عليكم ..
آيا مبسوطه: وعليكم السلام ..... ليش تأخرتو .. ؟؟
الاب باعتذار : معليش يا بابا انا طولت شوي في الدوام ..
الام مبتسمه و تناظر الكل: اشوف اصحابك سابقينا ....
يونا بإحراج : احنا كنا قلقانين على آيا شوي ... قلنا نجي نطمن عليها ..
الام بذات الابتسامه : ما تقصرون الله يخليكم ..
الجميع : الله يسلمك يا خاله..
جوليا " الاخت الصغري لآيا " باعجاب: واو ما شاء الله اصدقاءك يا آيا كثيرين ...
آيا تبتسم لكلامها : شفتي عاد ..
الام توجهت لآيا و مسكتها مع يدها : شلونك الحين ؟؟
آيا بابتسامه : انا تمام وابي اطلع اليوم ...
الاب : طيب ... بأروح اشوف يقدرون يطلعونك اليوم ولا لا .. واعطيكم خبر ...
طلع الاب و بعدها تكلمت آيا موجه الكلام لأمها و هي تناظر الجميع بحب : ماما شفتي اليوم اصدقائي بيغدوني ...
الام باعجاب : سنعات البنات .....
يونا و راي مستحيات: شكرا ..
وبعد السوالف و الضحك دخل ابو آيا مبتسم ..
آيا بحماس : بشر بابا ..
الأب : مستعده تطلعن اليوم الساعه 8 المساء..
آيا بتتشقق من الفرحه : والله يعني خلاص اقدر اطلع اليوم ...
الاب يهز راسه بالموافقه ..
آيا : الحمد الله .. انبسط الجميع على هالخبر و رجعو يسلفو و يتكلمو ..مرت ساعة وبعدها استأذنو اهل آيا و راحو عشان تاخذ راحتها مع اصحابها ... بعد ما طلعو اهل آيا تكلمت يونا : اقول ماكأن اكيرا تأخر و الغدا برد دقو عليه شوفو و ينه ..
راي : معك حق مره تأخر ..
توما : انا بدق عليه...
ويدق ... يرن الجوال وما احد يرد ....
توما وهو يأشر على الجوال : ما يرد ... شكله نايم..
راي : هذا وقت النوم ... ليش ما نام قبل لا يفك ضمادة يده يعني كان بيضره ...
آيا : اممم طيب اش رايكم نتغدا و نخلي له شوي .. لان مافيه وقت الزياره بتنتهي ...
سوما : معها حق ... خلاص خليله من كل نوع شيء ...
البنات : اوكي
و بدأو يصفون الغدا و يحطون اطباقهم و يرتبون السفره و طلعت راي صحن و بدت تحط لاكيرا من كل الاطباق ..
يونا: يالله ياحلوين تفضلو على الغدا اللي على شرف حبيبتنا آيا ..
آيا : شكرا يا حبي .. يالله تفضلو قبل لايبرد اكثر ..
ابتسمو الجميع وقربو و بدأو ياكلون .. بعد نص ساعة ...
سوما يمسح يده بعد ما غسلها: شكرا يا بنات على الغدا يالله انا لازم امشي الحين ..
آيا تمسح فمها بمنديل: تو الناس ... ليش مستعجل ؟؟..
سوما يناظر ساعته: خلاص كلها ربع ساعة والزياره منتهية ... وانا عندي اشغال ..
مورا يوقف: وانا بعد أستأذنكم بروح وراي واجبات ابي احلها ... نشوفك بكره في المدرسة ...
آيا : مع اني ابيكم تجلسون ... بس مادام انكم مشغولين اجل ما نقطعكم .. مع السلامة و شكرا على الزياره ...
الشباب : العفو و ماسوينا شي نشوفك على خير مع السلامه ..
ودعتهم آيا الين طلعو مع الباب و رجعت للباقي ..
في مكان آخر :.
اكيرا يصحى من النوم ... يفتح عين ويشوف الساعة ...
اكيرا يجلس من الروعه و يضرب بكفه على جبهته : يا الله الزياره انتهت والناس اكيد تغدو وخلوني .......
ويقوم بأسرع ما عنده ويلبس وهو مستعجل اللي يشوفه قدامه .... نزل تحت وهو يركض طلع و ركب السياره وعلى اقرب مطعم .... و بعدها على المستشفى
يونا توقف : يالله يا قلبو احنا لازم نروح ... تقومين بالسلامه ..
آيا : الله يسلمك بس ليش مابعد شبعت منكم ..
يونا : خلاص انتهت الزياره
آيا : لكن ما بعد قالوا انها انتهت .....
راي : لازم يطردونا يعني خلينا نطلع بكرامتنا احسن ..
آيا : ياحبيلكم و تسلم يدينكم على الغدا اللذيذ..
توما في عالم ثاني في نفسه : هذا وينه بيجي في الزياره الليلية ومو لاقي آيا في المستشفى ..
البنات : يالله توما ترانا بنمشي..
توما توه ينتبه : هاه .. ايه يالله مشينا ..
التفت على آيا و سلم عليها باليد : ماتشوفين شر مع السلامه ..
آيا : الله يسلمك و مشكور على الزياره ..
طلعو و هم في طريقهم قابلهم اكيرا
يونا بدهشه: اكيرا ؟؟
توما حاط يده على فمه : هههههههه وش هالشكل يا اكيرا والله انك توحفه ودك من ياخذلك صوره ....
راي بإحراج : شكلك مستعجل لدرجة انك ما شفت نفسك في المرايه ..
ويشوف اكيرا نفسه ... ازرار البلوزه مسكره بس كل واحد في غير محله .. حزام البرمودا ما تسكر .. الشعر طاير واضح انه ما كده ..
اكيرا وهو يرتب نفسه : خير خليتني مضحكه .......
توما : يا اخي مبكر في الجية ورا ما تأخرت بعد شوي ...
اكيرا : نمت ولا حسيت بالوقت ...
يونا : الحين يتجي الممرضة وتقول برا انتهت الزياره ...
راي : على فكره ترانا بقينا لك من الغدا ....
اكيرا : والله يا ليتني داري كان ما وقفت عند مطعم اخذ وقتي لاني ماتوقعت انكم خليتولي كان بكرت شوي ..
يونا : اذا كنت شبعان خلاص تاكله آيا بعد شوي..
اكيرا : كويس ....
توما : انت بتجلس ولا تروح معي ؟؟
اكيرا : لا ماراح اجلس بس انتظرني شوي تحت لازم اسلم على آيا ...
توما : اوكي ...
ويطق الباب اكيرا...
آيا :ادخل..
دخل اكيرا عليها و سلم و قعد اكيرا على الكرسي ...
آيا هي منزله راسها و منحرجه....
اكيرا فهم سبب تصرفها هذا: صحيح .... انا آسف على الحركة اللي سويتها ..... لكن والله ان امي دائما تسويها لي يوم كنت صغير اذا جت تواسيني ... عشان كذا انا اخذتها عاده بس ...
آيا بإحراج: آآآه عادي ماصار شيء .. و حتى انا امي كانت تسويلي كذا يوم كنت صغيره ...
اكيرا بابتسامه: الظاهر الامهات طبعهم واحد مع اطفالهم ...
آيا ترفع راسها مبتسمه: يمكن ..
اكيرا حط رجل على رجل : يله اخلصي ...
آيا : على ايش ..
اكيرا : انا وش مجلسني عندك الحين ..؟؟
آيا : وش دراني انت قلت جاي تسلم علي؟! ...
اكيرا : انا مسلم عليك من امس ...


يتبع

آيا : اجل وش تبي ؟؟
اكيرا : غداي يااختي ؟؟
آيا : هماك متغدي وش تبي به ؟؟
اكيرا بدهشه: وش دراك اني متغدي !!..
آيا : سمعتك و انت تتكلم مع البنات ..
اكيرا : ما يخفى عليك شي ..
آيا : طبعا ...
اكيرا : اقول اللي يسمعك يقول مسيكينه ما تغدت ..
آيا تناظره بطرف عين: بأخليه للمستقبل
اكيرا فتح عيونه: وجع ... خليني اذوقه .. انتي ذقتيه ....
آيا تمده له بدون نفس : طيب خلاص رحمتك خذه عافته نفسي ...
اكيرا يميل فمه : خلاص ما ابيه ... ياكافي اطره منك طراره وهو حلالي ..
آيا تضحك: هههههه و الله انك توحفه ... كنت امزح معك ..... ههههههه
اكيرا يتكتف : وش سالفتك انتي و توما طايحين لي بكلمة توحفه ..
آيا تبتسم : لانك جد توحفه ..
اكيرا : الحين يقالك ترجمتيها ..
آيا : تعال هنا ماقلتلك تراني اليوم بأطلع ...
اكيرا مبسوط ( نسى سالفة الغدا ) : والله .. متى ؟؟
آيا بحماس :الساعة 8 بيجون اهلي ويونا و راي ياخذوني من المستشفى ...
اكيرا : واو تمام ... الحمد لله على سلامتك ...
آيا : الله يسلمك .. لكن ليش ما تجي معاهم ؟؟ ...
اكيرا : لا عندي شوية اشغال ..
ايا بضيقه : لا عاد مالك داعي ...
اكيرا رحم شكلها و بتفكير: خلاص بأشوف ...
وقف : يالله انا استأذن بروح توما ينتظرني تحت ..
آيا : اوكي مع السلامة ....
آكيرا وهو معطيها ظهره متوجه للباب أشر لها بيده يعني بيباي و طلع ... نزل تحت و شاف توما جالس على الكراسي ينتظر ..
توما يوم شاف اكيرا جاي وقف : ياخي وراك تأخرت ترا كلها سلام وانت خالص ...
اكيرا يمشي بيطلع من المستشفى : انت قاعد عندها اكثر من ساعتين وتقارنها بدقيقتين ..
توما سكت: ......
اكيرا هذيك السياره انتظرني بجيبها هنا ..
توما : طيب ..
في السياره .. رن جوال اكيرا ...
طلع جواله و شاف المتصل فأستغرب ؟!
اكيرا : هلا ماما..
التفت عليه توما ..
الام : هلا اكيرا ... كيف حالك ؟؟
اكيرا : انا بخير ... وش عندك داقه هالحزه تبين مني شيء ؟؟
الام بإهتمام : ابغاك تجي الحين لاني بأقولك شيء مهم ..
اكيرا حس انو في شي : طيب نص ساعة وانا عندك ... مع السلامة
ويسكر السماعة ..
اكيرا يلتفت على توما : صح ! ماقلت لك عرس اخوي الاحد اللي بعد الجاي ..
توما بابتسامه : مبروك ..
اكيرا : الله يبارك فيك و تراك اول المعزومين
توما بدهشه : وش دخلني ؟؟
اكيرا بنص ابتسامه: ليش انت مو صديقي ... اكيد تحضر عرس اخو صديقك ..
توما مايدري وش يقول : يوه بسـ ...
اكيرا يحط يده على فم توما : لا بس ولا يحزنون ... بتحضر يعني بتحضر ...
توما هز راسه : طيب .. وانا وش عندي اكثر من غلاك ..
اكيرا ابتسم على كلامه : تسلم يا اخوي ..
وصـّل اكيرا توما لبيته ...وبعدها راح يبدل ملابسه .. ثم توجه لبيت امه ...
في بيت اهل اكيرا :.
اكيرا : السلام عليكم ...
الام : وعليكم السلام ..اجلس
اكيرا وهو يجلس: وش الموضوع المهم اللي تبني فيه ...
الام بتردد ماتدري كيف تبدا ..
اكيرا : وش السالفه تكلمي ..
الأم : في زواج اخوك بيحضر الكل .. وابوك خلى الحفلة الليلية تختار فيها رفيقه لك ...
اكيرا يوقف متفاجئ : كيييف ؟!
الام توقف معه بتفهم : اسمعني بيحضرون كل البنات في الحفلة الليلية .. عشان كذا اقنعت ابوك انك انت تختار البنت اللي تعجبك في الحفله .. احسن من ان ابوك يختارها لك .. وش رايك ؟؟
اكيرا بشوية راحه: شكرا ماما لان لو قلتيلي من قبل كان قلتلك تقنعين ابوي اني اختار البنت اللي تعجبني ..
الام : انت كذا راضي ..
اكيرا : راضي بس اهم شيء اختارها بدون ما يعترضني احد ..
الام بتنبيه : بس تكون من البنات اللي طبقتهم عالية ...
اكيرا سرحان : البنت اللي عجبتني اخترتها وخلصت .....
الام : اكيرا وين رحت ؟؟
اكيرا مبتسم : لا انا هنا .... شكرا مامي .. اعذريني لازم اروح الحين
الام : لكن توك جاي ...
اكيرا : معليش في يوم ثاني ..... مع السلامة ..
طلع اكيرا من البيت و ركب السياره وعلى طول على بيت توما ......
في بيت توما ...
جالس يتفرج على التلفزيون دق جواله ... رفع الجوال بيشوف مين المتصل و باستغراب : اكيرا وش عنده توه حاطني الله يستر..
رفع السماعه : هلا اكيرا ..
اكيرا : هلا فيك .. اطلع انا عند الباب ..
توما : خير وش عندك ..
اكيرا : ماصار الا كل خير اطلع بس ابي اجلس معك شوي ..
توما : طيب انا طالعلك الحين بس ثواني .. قام من مكانه و سكر التلفزيون و دخل الجوال بجيبه و طلع شاف اكيرا نازل من سيارته و متسند على باب السياره .. توجه له و قال بابتسامه : اوه اكيرا حركات متأنق و كاشخ ..
اكيرا يأشر على السياره : اقول اركب اركب بس ..

يتبع ...

ركب توما وراحو يجلسون في كافيه .... في مكان هادي جالسين :.
توما : وش عندك وراك كذا مستعجل ؟؟
اكيرا يحط يدينه على الطاوله يتكلم جد: اذا كان فيه شخص دائما تفكر فيه .. وودك يكون دائما سعيد ... وتشتاق تشوفه كل ثانية ...... هذا وش يعني ؟؟
توما : من هو هذا اللي مجننك ...و يأشر عليه بيده اكيرا انت عارف وضعك ......
اكيرا تغير وجهه : جاوبني على سؤالي وخلاص .....
توما بتفهم : معناه ان هذا الشخص انت تحبه ........
اكيرا بجديه: انت صادق ؟؟
توما بدهشه: احس انها ما تحتاج لسؤال .. اذا كان قلبك نطق لك ..
اكيرا رجع ظهره يتسند و بتفكير حط يده على ذقنه : تعرف اليوم اللي فيه زواج اخوي .... ؟؟
توما : ايه الاحد اللي بعد هذا .....
اكيرا ولازال على و ضعيته : تعرف وش بيصير في ليلته ؟؟
توما يشرب من قهوته : وش يدريني ....
اكيرا قرب للطاوله : في ذيك الليله بيصير فيها حفله و بأختار البنت اللي تعجبني ...
توما يرجع ظهره للكرسي و يتكتف : طيب وش المشكله زين انك تقدر على الاقل انك تختار ......
اكيرا عصب و وقف : لكن انا احب شخص ثاني غير كل البنات .....
توما يوقف معه مرتاع من ردة فعله : طيب طيب الحين انت اهدأ و اجلس ..
اكيرا جلس و هو يتنفس بسرعه من العصبيه ..
توما : الحين قل لي من هي اللي تحبها ؟؟
اكيرا يناظره : أنا احب آيا ...
توما بصدمه : آ . آ .. آيـــــا ؟!
اكيرا : ايه آيا و مستحيل اختار غيرها ... انا خلاص حطيتها في قلبي قبل بالي ....
توما بهدوء : لكن انت ما تفكر صح .... اهلك .. ابـــــوك .. وش بتقول لهم وهم يبغونك تختار بنت من طبقتك .. ؟؟
اكيرا وشبح ابتسامة على فمه وقف : خلاص انا جتني فكره ما راح يدرون ..
توما ما ارتاح لهالابتسامه: وش بتسوي .. ؟؟
اكيرا : انا اعرف اتصرف ....
توما يأشر له بيده : هييييييي انت من بيرجعني للبيت ؟؟
اكيرا يكلمه وهو طالع لاتروح دقايق و راجع لك ..
مشى اكيرا وراح يركب السياره ....
في المستشفى :.
ترتب آيا ملابسها وتحطها في شنطتها ..
يدخل اكيرا عليها ......
آيا تحط يدها على قلبها : يماي .. يا اخي طق الباب قبل لا تدخل طيحت قلبي ...
اكيرا يلهث وهو راكع : آسف كنت ناسي ..
آيا تناظره من فوق لتحت : وش فيك .. كأنك مستعجل ؟؟
اكيرا يتعدل في وقفته : لا مو مستعجل ولا شيء بس كنت ابي اتكلم معك شوي ...
آيا هزت راسها : أها طيب اجلس ..
جلس اكيرا على الكرسي ..
ايا : وش هالكشخة صاير تجنن ..
اكيرا بإحراج : شكرا من ذوقك ..
آيا ابتسمت لشكله بعدها قالت : اش الكلام اللي تبغى تقوله ؟!
اكيرا برويه : آيا زواج اخوي بعد عشر آيام .....
آيا بفرحه : الله اخوك بيتزوج ... مبرووووك ..
اكيرا : ايه الله يبارك فيك ... وتراك اول المعزومين ..
آيا تأشر له بيدها : لا لا خير وش دخلني ؟؟
اكيرا : انا عازمك ....
آيا : وبأي صفة ؟!
جلست قدامه بتناقشه .:.
آيا : لو قلنا صديقة بيعصب عليك ابوك .. واذا قلنا زميله بيقول ليش هي بالذات ..
رجعت ظهرها لورى و هي تأشر له بيدها : لا لا ما راح احضر ولا تحاول تقنعني ..
اكيرا بتفهم: يابنت الحلال اسمعيني ...
آيا : طيب قل ..
اكيرا : انتي معزومه بصفة انك تختارين لي الرفيقة اللي تناسبني ..
آيا : كيف ؟.... يعني انت بتختار رفيقه لك في زواج اخوك ... ليييه ؟؟
اكيرا : في ليلة زواج اخوي بتصير فيه حفله وبيحضرون كل البنات اللي نعرفهم ... انتي بذوقك .. اختاري لي البنت اللي تناسبني
آيا : اها كذا .. طيب بأقعد لحالي في العرس بدون ما احد اعرفه ...
اكيرا : وليه .. توما بيصير معك في الحفله ..
آيا : يعني هو رفيقي في الزواج عشان يدخلوني عادي ..
اكيرا : انتي من وين طلعلك هالغباء ... انتي بتصيرين اخته ... فهمتي اخته ..
آيا بتساؤل: وليه ما اصير رفيقته يعني لازم اخته .. ؟؟
اكيرا يكتم غضبه : نفذي اللي اقوله لك وبس ...
آيا بتردد: لكن .. يعني .. كل اللي بيجون في العرس ... اقصد
اكيرا : وش فيك ؟؟
آيا بتنهيده : انا ماني رايحة للعرس ....
اكيرا بضيقه: قبل شوي كنتي موافقة ليش هونتي بهالسرعة ...
آيا شايله هم : اقصد ان كل البنات اللي بيحضرون بيصيرون من طبقة عالية وملابسهم بتصير ..
اكيرا حس فيها : لاتشيلين هم .. انا راح اجيب لك الفستان لان اعرف مصممة زينه بأخليها تصمم لك فستان ... اسمعي بكره بعد المدرسة بأجي لبيتك ..وعطيني لك فستان سهره قدك .. وجزمه مقاسك ..
آيا براحه : طيب خلاص اتفقنا ..
اكيرا بابتسامه : يالله مع السلامة
آيا : مع السلامة ...
طلع اكيرا من عندها و رجع لتوما ......
في الكافيه :.
جالس سرحان يفكر في كلام اكيرا ..
دخل اكيرا و شاف خويه على ماهو عليه و في نفس الطاوله بس سرحان .. تقدم له وقاله : يالأخو وين وصلت .. ؟؟
توما انتبه له و كلمه بعصبية: بالله عليك تروح وتخليني ليه ؟؟
اكيرا و هو فرحان : خلاص آيا بتجي للحفله ......
توما : أي حفله ... بالله وش سويت ...
جلس اكيرا: اسمع السالفه ..
لما خلص قال : وهذا اللي صار ....
توما مفتح عيونه: انت مهبول ... كان شاورتني على الاقل ... ؟؟
اكيرا بوثوق : ليش انا سويت شيء غلط .....
توما بينفقع: انا وش اسوي فيك ؟؟
اكيرا يتكتف و بتفكير : الحين انا ما ارتاح بالي ... وما راح يرتاح .. إلا لما يمشي اللي في راسي ...
توما يسايره : لا تتهور وتطيح نفسك في مشاكل انت مو ناقصها ..
اكيرا بابتسامه: لا تخاف علي .. انا قد حركتي ...
ويمشي الوقت ....
الساعة 8 :.
ام آيا و صديقاتها عندها في المستشفى :
آيا بفرح تمد يدينها: اخيرا بأرجع لحياتي الطبيعية ... اف يا شين ريحة المستشفى والاكتئاب اللي فيه .....
الام فرحانه بشفاء بنتها : يالله خلينا نطلع والا تبين تجلسين ؟؟
آيا تعفس وجهها و بقرف قالت: وع ابي الفكة من هالمستشفى ...
الام : يا حبيلك ...
وهم يمشون ...
آيا : ذا المستشفى شكله غالي ...
الام : ما ادري شلون ... بس تصدقين توقعت ان الليله الوحده غالية مره صارت زينه بالنسبة لعنايتهم فيك ...
آيا : يعني مو غالي ؟؟
الام : ابوك يقول لا ... يعني على فخامته وخدمته يعتبر رخيص ...
آيا : انتي صادقه ..
ويطلعون ...


يتبع .....

يونا : واااو اخيرا بترجعين للمدرسة ... المدرسه من دونك ولا شيء ...
آيا : تسلمين يا حبي ...
وتتلفت آيا تدور اكيرا ...
يونا : وش فيك . ؟؟ كأنك تدورين احد ...
آيا : لا ابداً
يونا : يله وتراني جايبه معي ملخصاتك وكل اللي فاتك ...
آيا في نفسها : اكيرا ليش ما جيت لهالدرجة عندك اشغال ... ؟؟
يونا : آيا وين رحتي ؟؟
آيا : انا هنا ...
ويرجعون للبيت ... تعطي يونا ملخصات آيا ....
آيا : يوه ثقلت عليك ..
يونا : مو انا اللي سويت هذا لحالي ..
آيا : اجل مين اللي مساعدك ؟؟
يونا : اكيرا ساعدني ....
آيا : والله ؟؟
يونا : ايه اخذ نص الملخصات ... والله ما يقصر ..
آيا في نفسها : شكرا من قلبي اكيرا ... شلون ارد لك المعروف ...
يونا : يوووه آيا وش فيك صرتي تسهين كثير ... ؟؟
آيا : لا سهيت ولا يحزنون ..
يونا : طيب يله انا بروح ..
آيا : تونا
يونا : بأروح اتعشى وانوم وش تبين .. قعدت معك من اول اليوم لآخره ..
آيا : طيب اجلسي شوي عشاني ..
يونا : وش عندك ؟؟
آيا : لو سوا واحد لك معروف .. شلون ارد له المعروف .. ؟؟
يونا : امممم طيب هو شخص تمونين عليه .. ؟؟
آيا : مو مره عشان كذا ابي اعطيه شيء ... يعني .. يا اختي افهمي ..
يونا : اوكي ... وش اللي تعرفين تسوينه ؟؟
آيا : من أي ناحية ؟؟
يونا : يعني ... طيب اطبخي او خيطي او ...
آيا : خلاص خلاص ...
يونا : هاه وش بتسوين ؟؟
آيا : بأسوي حلى ..
يونا : حلى ؟!
آيا : ايه حلى ليش مو فكره زينه .. ؟
يونا : امممم زينه ... بس ما قلتيلي من هذا الشخص ؟؟
آيا : ما لك دخل ؟؟
يونا : اقول اخلصي وقولي لي ؟؟
آيا : امي ارتحتي ؟؟
يونا : ساعة مسوية قضية عشان امك ... يختي امك ما ينرد له معروف .. خير تراها امك ؟؟
آيا : ابي اسعدها ..
يونا : طيب .. يله مأخرتني ومسويه قضيه توقعت انه شخص غريب .. بالله ما تمونين على امك ؟؟
آيا : هاه ليش انا قلت ما امون عليها .. ؟؟
يونا : الظاهر تقولين غير اللي في راسك ... اقول تصبحين على خير ..
آيا تبتسم : مع السلامة ..
وتروح يونا .. آيا تروح سيييده على المطبخ وتسوي حلى بسيط وحلو ..
الام : وش تسوين ؟؟
آيا : بأعطيه لراي اليوم قايله انها مشتهيته ..
الام : وهذا وقته .. خليه بكره ..
آيا : لا حلاتها في وقت شهوتها ..
الام : بتروحين في هالليل ..
آيا : وش ليل ترانا تونا الساعة 9 ..
الام : لا متأخرين ..
آيا : هو تصير بعد العشا ..
الام : طيب لا تتأخرين ..
آيا : طيب ما راح اتأخر ..
وتطلع آيا ... تسرع وهي تمشي ...
آيا في نفسها : يا رب يعجبه .....
وتروح توقف قدام بيت اكيرا ......
آيا : اتركه واروح ... ولا اعطيهياه بيدي .. يا ربي احسني مستحية .. اقول لا اتأخر ...
وترن آيا الجرس ...
اكيرا : من اللي بيجيني هالوقت .. ؟؟
ويشوف من الكاميرا ..
اكيرا : آيــــا ؟!
ويروح بسرعة للباب .... ويفتحه
اكيرا : آيا ... وش عندك في هالوقت ... اقصد انه مو زين بنت لحالها تطلع في هالوقت ....
آيا تمد له الصحن ...
آيا منزله راسها : هذا مني .. رد للمعروف اللي سويته لي ... تكفى اقبله ..
اكيرا : رد للمعروف ؟! وهو بيننا معروف .... ؟؟
آيا : انت سويت لي معروف ... وانا ما اعرف شلون اشكرك ...... عشان كذا ... تكفى اقبل مني هذا الشيء ...
اكيرا : جاية في نص هالليل في هالبرد وانتي مريضة عشان هالشيء ... انا ما انتظر منك شكر ...
((اكيرا في نفسه : انا انتظر منك حب .. ))
آيا : طيب عشاني قطعت مسافه في هالليل ... خذه
اكيرا : طيب ادخلي وخلينا ناكله سوا ..
آيا : لكن انا لازم اروح بسرعة ...
اكيرا : ادخلي ... شوي وتدفي عن هالبرد .. وبعدين ارجعي ..
وتدخل ايا ...
اكيرا مبتسم : معليش البيت شوي حوسه .. لكن .. يعني عزوبي ..
آيا : لا ما عليه انا اللي جيت فجأة ...
اكيرا يفتح القصدير : هذا شلون يوكل ؟؟
آيا : لا هو ما يوكل كذا ... بروح اقطعه واجيبة في صحون ..
وتشيل آيا الصحن : اكيرا وين المطبخ ؟؟
اكيرا : هناك على اليمين ...
تدخل آيا المطبخ وتقطع الحلى ... وتلتفت وتشوف انواع الفاكهة ...
اكيرا : آيا وش عندك ؟؟ وراك تأخرتي كل هذا عشان تقطعين حلى ؟؟
آيا : طيب طيب شوي وجاية ...
وتجي آيا جايبة الحلى ومعها عصير برتقال طازج ..
اكيرا : من وين جبتي هالعصير ؟؟
آيا : لقيت مليون برتقاله قلت احسن فيك واعصرها ...
اكيرا : والله فكره ؟؟
آيا : مالت عليك حتى الفاكهة تخرب ما تستفيد منها ...
وياكلون الحلى ويشربون العصير ...
آيا : عسى الحلى عجبك ؟؟
اكيرا : مره حلو ... تسلم الايادي
آيا : شكرا .. طيب بروح واغسل الصحون ...
اكيرا : لا لا بيجون بكره الخدامين وينظفون ..
آيا : لا انا طبعي ما احب اترك شيء وراي ....
وتشيل الصحون وتروح تغسلها ... ويوم خلصت
آيا : استئذنك اكيرا ... انا الحين بروح ...
اكيرا : لكن عندي شيء ابي اقولك اياه ...
آيا : وشو ؟؟
اكيرا : طيب اجلسي ..
تجلس آيا : هاه وش اللي تبي تقوله لي ؟؟
اكيرا : آيا انتي تعرفين ترقصين ... ؟؟
آيا : نعم .. خير وش هالسؤال ؟؟
اكيرا : يعني اقصد الرقص الثنائي ...
آيا : لاااه بعد رقص ثنائي ..
اكيرا : يا بنت الحلال افهمي ... في الحفلة اكيد بيصير فيه رقص ثنائي ... عشان ما تتفشلين اسألك ؟؟
آيا : طيب واذا كان الجواب لا وش بتسوي ..
اكيرا : ليه انتي ما تعرفين .. ؟؟
آيا : جاوبني على سؤالي اول
اكيرا : اكيد باعلمك ...
آيا : لاه ما يحتاج ارقص اصرف من انك تعلمني ..
اكيرا : طيب انتي تعرفين ولا لا ؟؟ بس جاوبي
آيا : قبل ثلاث سنوات رحت مع وحده من صديقاتي كانت ترقص الرقص الثنائي تعلمت منها شوي .. يعني ما دخلت اتعلمه ..
اكيرا : يعني تعرفين ...
آيا : قلتلك شوييي ..
اكيرا : اوكي اوكي ... خلاص لا تاكليني .. اهم شيء لا تنسين بكره الفستان ...
آيا : اكيد .. طيب الحين اقدر اروح ..
اكيرا : طيب بأوصلك ..
آيا : لا تونا مو متأخرين بأرجع لحالي ...
اكيرا : اوكي .. مع السلامة ... وتصبحين على خير ..
آيا : مع السلامة ...
وترجع آيا للبيت ... وتنوم برضى

الحقوق محفوظة للمؤلفة To♥oma} ...

نلقاكم في الجزء القادم ....

ابغى تفاعل لا تزعلوني منكم .....

هل تعلمين انها افضل شخص قابلته في حياتي ؟؟ (( الفصل الثالث – الجزء 4 ))

تقوم آيا في الصباح وتدخل الحمام وتغسل وجهها وتفرش اسنانها
..تطلع وتلبس وتتزين و تاخذلها كيسه وتحط فيها فستان اختارته من امس وجزمة.. تنزل تحت وتفطر فطور سريع وتطلع متوجهة للمدرسة..
في المدرسة...
قابلت آيا يونا في طريقها للفصل ..
يونا مبتسمة : صباح الخير ..
آيا ترد لها الابتسامة : صباح الخير ..
آيا باستغراب: غريبه وين راي مو بالعاده اشوفك لوحدك..؟؟
يونا بزعل : غايبة ...
آيا بدهشه : ليش وش فيها ؟؟
يونا تلعب بأصابعها : .........
آيا : وش فيها قولي؟؟
يونا متردده : اعلمك ... بس ما تعلمين احد ..
آيا بدأت تتوتر : اخلصي علي وش فيها ؟؟
يونا بضيق : زعلانه من توما ..
آيا تغيرت ملامح وجهها : ليه وش سوا لها ؟؟
يونا : تقول انه صار ما يعطيني بال ... وحركاته ما تعجبها ..
آيا بدفاع : ما بقى إلا هو بعد يزعل راي ... والله لا اوريه ..
يونا : خير آيا احنى نبي نطفي النار اللي بينهم تروحين وتشعلينها زياده ...
آيا : اجل عاجبك انه مزعلها ..؟؟
يونا : راي على طول تزعل وانتي عارفتها ..
آيا : تزعل علينا معليش لكن على توما لا .... بأروح واربيه
وتروح آيا لفصل توما ..لما وصلت للباب شافته جالس ويسولف وهو يضحك..
ضربت الباب فأنتبه لها.. اشرت له بيدها يعني تعالي ابيك..احترم رغبتها وقام لها ..
عند الباب.. ......
توما بابتسامه : اهلا آيا .. صباح الخير
آيا مكشره : صباحك ظلام ...
توما اندهش : سلمات وش فيك ... ؟؟
آيا تفور من العصبية : علمني بالله منهي اللي ماخذه بالك ؟؟
توما لازال مو مستوعب : وش اللي قاعده تقولينه ؟؟
آيا تتكتف وهي تنتفض : ليش مزعل راي ... حبيبتي ؟؟
توما بتعجب : هي زعلانه ؟؟
آيا بدت تنفجر : ياللي ما عندك احساس تزعـّل العالم ولا تحس بهم ؟؟
توما : بس انا اقول اني ما سويت شيء يزعلها ...
آيا : انت مسوي شيء ما سويت شيء ... ما يهم .. المهم الحين انك تروح اليوم وتزور راي وتراضيها ... فهمت ولا لا ؟؟
توما ما فهم شيى بس مرتاع من آيا : طيب طيب ... محد يقدر عليك ...؟؟
آيا : العصر .. ابيك تروح لها اليوم العصر وانا بروح معك عشان اصير شاهد ...
توما يمسك راسه وهو يسند ظهره على باب الفصل: يا الله عليك انتي وصديقتك ...
في هاللحظه جا لهم اكيرا ..
اكيرا مبتسم: صباح الخير ...
توما : صباح النور ...
اكيرا : وش عندكم واقفين عند الباب ..وانت وراك ماسك راسك عسى ماشر ..
توما يأشر على آيا : انا ادري عنها .. اسألها ..
اكيرا يناظر آيا : خير ان شاء الله ... وش صاير .. ؟؟
آيا تناظره وتلف و جهها عنه ولا ترد عليه من التعصيبه ..
توما منقهر : رجعت آيا المدافع الأول للبنات ... قال ايش اني مزعل راي ..
اكيرا مستغرب : انت مزعل راي ؟؟ ليش ؟
توما : اسمح لي اني اقولك ... انك دلخ..
اكيرا : افا وش جاك انقلبت علي ؟؟
توما : اقولك انها تتهمني اني مزعل راي ....
آيا بدفاع : ايه مزعلها هي قالت كذا ... ما تشوفها اليوم غايبة ... يااخي حس ..
توما : توني اعرف انها غايبه ..
آيا : اكيد توك تعرف اصلا لو كنت حاس فيها كان عرفت عن غيابها ..
اكيرا : وش فيك يا توما على راي ... ما خبرتك تزعل احد ...
توما بينفجر من اكيرا : وانت صدقتها ... راي اكيد اشتاقت لحماية آيا الخاصة ... فقالت اتغلى شوي واكيد بيراضيني ...
آيا تقرب لوجهه : نعم نعم ... كنك غلطت علي وعليها ... خلاص الحين عرفتك على حقيقتك ... يا ابو وجهين ..
توما : وش قلت ... تراني ما قلت الا الصدق ... وراك شبيتي فيني ..
وتصفر الحصه معلنة عن بدايتها.....
اكيرا يهديهم : يا شباب خلاص ما صار الا كل خير ...
يلتفت على آيا : آيا صفرت خلينا نروح للفصل لا نتعاقب اليوم على التأخير ...
آيا تعطي توما ظهرها : اكيد .. عشان افتك من وجهه .....
توما يعطيها ظهره بيدخل الفصل : ولا عاد من حبي لشوفة وجهك ......
آيا تلتفت عليه معصبه: نعم نعم ...
توما يأشر بيده على اذنه و هولازال معطيها ظهره : اللي سمعتيه ..
آيا تتكلم و هي مسكره على اسنانها : طيب نشوف من اللي في النهاية بيخسر ... وبيتحسف على اللي قاله ...
اكيرا مو مصدق اللي يشوفه ..
توما بلا مبالاة: محد متحسف غيرك ...
اكيرا يحاول معهم: هييييييييه خير وشفيكم انجنيتو ... فضحتونا في المدرسة
توما : اايه هذا الي انت شاطر فيه حتى ما فكرت تدافع عني .... شوف البنات شلون يدافعون عن بعض ... مالت عليك .. صرت في صفهم
اكيرا : لا والله ... وانت ولامره وقفت في صفي .... مالت عليك ما استفدت منك شيء من صادقتك
توما : ولا انا عاد ما شفت منك خير
اكيرا : شوفو من يحكي .....
آيا : شباااااااااب ..... خير بتقلبونها مضاربه. ؟؟
توما واكيرا بصوت واحد : اسألي نفسك .....
آيا : اشوفكم انقلبتو علي ؟؟ خير انا تراني ماني سهله ..... وشوفو وفائي مع صديقتي الامورة راي ... مو مثلكم مالت عليكم ...
يونا كانت جايه لفصل توما و شافت الثلاثي الكوكباني يتلاسنون و حالتهم صعبه ..اسرعت في مشيتها
يونا : هي سلمات وش صابكم السنتكم واصله لآخر الممر..

يتبع ...
اتمنى عدم الرد ...