رواية يا دنبا لا تسكبي الدمعة على خدِ حساس بقلم صديقتي

آيا : اقول لا تكثر سوالف ويله تعال خلنا نذاكر ...
أكيرا : اوكي ...
ويجيب كتابه ويجلسون على الارض ...
أكيرا : شلون نذاكر هالكتاب العملاق .....
آيا : انا ملخصته واخذت منه المهم .... خلاص نذاكر من كتابي .....
ويبدون المذاكرة ويمر اليوم لين الساعة 11 الليل ....
آيا : يااااااه اخيرا خلصت ...
أكيرا : ياااااه ما بعد حفظت
آيا : يا كسلان لك ساعة وانت تحفظ
أكيرا : وش اسوي احسنها ما طاعت تدخل في مخي ..
آيا : طيب ... طيب يله بفهمك اكثر ...
أكيرا : ما يحتاج بحاول افهمها من نفسي .. انتي ارجعي للبيت لان الوقت متأخر ولازم تروحين تنومين ...
آيا : لا لا انا ما احس باي نعاس يله اخلص ...
أكيرا : طيب بروح اجيب لنا عشاء من المطعم ....
آيا : لا تتهرب
أكيرا : تراني منب بزر .....
آيا : والله مدري ...
ويطلع اكيرا ويحول تحت ...
آيا تحط يدها على راسها : يا الله ورا راسي بدا يعورني ....
وتنسدح على الارض ...
آيا : يا زين الاسترخاء ...
وتغمض عيونها وما درت الا وهي نايمة ...
بعد فتره يرجع أكيرا و يدخل الغرفة ...
أكيرا : هاه عساني تأخرت بس العشاء حاااااار ويجنن ...
يقرب ويحط العشاء على الطاوله ويلتفت على آيا : آيا ~ آيا ~ ؟؟
ويقعد و يهزها ...
أكيرا : آيا من صدق نمتي الحين انتي ؟؟ قال ايش ما فيني أي نعاس .... هذا انتي ما صدقتي اطلع الا وانتي نايمة .....
ويقوم وياخذ لحاف من السرير ويغطيها ويقعد يحفظ ...
الساعة 1 الليل :.
ترجع ماري ثم ترقى فوق وتشوف لمبة غرفة اكيرا مولعة ..
ماري : ما بعد رجعت آيا لبيتهم ..
وتروح وتفتح الباب وتشوف اكيرا منسدح على الارض والكتاب على وجهه و آيا على نومتها ..
ماري : يا الله عليكم وبس نمتو وتركتوا المذاكرة ...
وتروح وتوخر الكتاب من وجه اكيرا ..
ماري : اكيرا .... اكيرا وراك نايم كذا .... وليش آيا ما بعد رجعت لأهلها ....
يقوم اكيرا مفزوع ...
أكيرا : كم الساعة ؟؟
ماري : الساعة الحين وحده وربع ....
أكيرا يضرب على راسه : يا الله ....
ماري : ليش ما بعد رجعت آيا لبيتهم ؟؟ وانت ليش نمت ولا كملت مذاكرتك
أكيرا : انا يوم خلصت من المذاكرة نمت ما دريت عن نفسي ... وآيا نايمة من زمان بس قلت بخلينا تنوم شوي بعدين اقومها لكن شكلي لحقتها ...
ماري : يا الله عليك انت وياها .... قم يله شيل آيا وودها لبيتهم
أكيرا : خليها تنوم اليوم عندنا
ماري : و وين بتنوم ؟؟
أكيرا : عندك ....
ماري : اقول يا العجّاز لا تكثر كلام ويله شلها وودها لبيتهم
أكيرا : طيب بقومها وخري شوي عن طريقي
ماري : لا تقومها حرام عليك البنت تعبانه يا اخي شلها ....
أكيرا : طيب السيارة حقتي في الصيانه ... يعني تبيني اشيلها لين نوصل لبيتها ؟؟
ماري : ما يضرك رجال وبعدين آيا نحيفة ومهيب ثقيله
أكيرا : انهبلتي ؟!
ماري : اخلص قبل ما يتأخر الوقت اكثر ....
أكيرا : طيب طيب ...
يقوم اكيرا ويلبس جيكيته ..ويشيلها على ظهره ويحول بها تحت .... يطلع ويمشي بها في الشارع ...
أكيرا : ياه الطريق طويل .. يا ليتك تقومين وتريحيني من هالمشوار .... آآه لو فيه تكسي هالوقت
وهو يمشي في الطريق .... آيا بدت تتكلم وهي نايمة ....
آيا بصوت حزين : لا لا تكفى لا
أكيرا : آيا ؟؟ آيا وشو اللي لا
آيا بنفس الصوت : اترجاك تكفى لا تسوي هالشيء فينا اترجاك
أكيرا : آيا وش فيك ؟؟
وتتحرك آيا ...
أكيرا : هيه هيه لا تتحركين بعدين تطيحين ...
ويروح اكيرا ويحطها على كرسي في الحديقة ...
أكيرا : آيا .. آيا .. ~
آيا بدت تصيح : أكيرا .... أكيرا ~
أكيرا : نعم وش فيك ... آيا انا هنا ...
ويمسك يدها ..
آيا تنزل منها دمعة ..

آيا : لا تروح ... لا تروح وتتركني
أكيرا : انا هنا ومنب رايح عنك ابداً .. آيا قومي وشوفيني انا هنا
وتقوم آيا مفزوعة .....
آيا : لااااااا
أكيرا : وش فيك روعتيني ....
آيا : أكيرا احنا وين ؟؟
أكيرا : كنتي نايمة عندي في البيت وانا الحين برجعك لبيتكم
آيا : نمت ؟؟
أكيرا : ايه وحلمتي بعد .... آيا وش كان حلمك ؟؟
آيا : حلمت ؟!
أكيرا : أيه وتقولين لا لا تكفى .... اكيرا لا تتركني وكذا ..... وكنتي تصيحين
آيا : صدق ؟؟!
أكيرا : يعني بألف كلام من عندي
آيا : من جد ما اذكر شيء ... بس اللي اعرفة انه افزعني
أكيرا : اجل زين انك قمتي .... يله عشان تمشين على رجولك بدال ما اشيلك على ظهري
آيا : ليش شايلني ؟؟ وين السيارة
أكيرا : في الصيانة وقلت اني منب محتاجها في الاختبارات ....
آيا : آسفة شكلي كنت ثقيله ....
أكيرا : ما يهم .... يله خلينا نروح لبيتك الوقت مره متأخر
آيا : كم الساعة ؟؟
أكيرا : 2 الا ربع
آيا : يا الله ...
أكيرا : يله اجل خلينا نستعجل
وهم يمشون في الطريق .......
آيا : أكيرا في أي يوم انت مولود ....
أكيرا : انا مولود في شهر 4 تاريخ 7 يوم الخميس
آيا : انا مولوده في شهر 11 تاريخ 22 يوم الاثنين
أكيرا : يوه انتي اصغر مني 7 شهور ....
آيا مبسوطه : ايه انا مولوده في هذا الشهر اللي احنا فيه ...
أكيرا بابتسامة : ايه صح ناسي اننا في 11 واو بقى لك 8 ايام على اتمامك الـ18 وتدخلين الـ19
آيا تهز راسها : بالضبط ..
أكيرا بضيق : ليه ما علمتيني من قبل عشان اجيب لك هدية ... << يقصد عشان عيد الميلاد
آيا بابتسامه : خير اكيرا ليش متضايق خلاص الحين عرفت صح ... قدامك 8 ايام والحفلة بتكون في كاريوكي ...
أكيرا : اها كاريوكي ؟؟ بس وش معنى اخترتي هالمكان << غرفة يغنون فيها ....
آيا : ايه لانها مكان دافئ وانا مشتاقة اغني ...
أكيرا : يعني أي يوم في الاجازة ؟؟
آيا بتفكير: امم بيكون عيد ميلادي اليوم الرابع من الاجازة الشتوية ....
أكيرا : اها ... طيب آيا وش رايك بعد ما ننتهي من الاختبارات نروح للملاهي اول يوم اجازة ...
آيا : الله فكره حلوه بس ماري بيصير عندها اختبارات ...
أكيرا : بنروح انا وانتي بس ...
آيا : حرام ماري ....
أكيرا في نفسه : انا ما اخترت هاليوم الا عشان ما تجي معنا ماري ....
أكيرا يمسك يدها : يابنت الحلال نروح احنا و نروح مره ثانيه معها الايام ماخلصت ..
آيا تضغط على يده : اوكي خلاص اتفقنا ....
ويرجع كل واحد لبيته وينتهي اليوم على كذا ....
وتمر ايام الاختبارات ..... ويجي يوم الملاهي ...

احداث الفصل التاسع ::
الجزء الاول :
آيا واقفه وهي تناظر المطر : اكيرا وش تحب المطر ولا الثلج ؟؟
أكيرا : كلهم
آيا : طيب اكثر ..؟؟
أكيرا : احب الثلج ....
................
ويروح اكيرا ويقعد اندو ......
اندو يحط يده على وجهه: لــيه ؟؟ ليه كذا ليه ما صرت اسمع الا كلام يسم البدن .... من كل الاتجاهات ... من اللي اقدر اتكلم معه واطلع كل اللي عندي ... متى ارتاح من هالجبال اللي في قلبي ....
..................
الجزء الثاني :
أكيرا : آيا ابيك تروحين للفندق القريب من شركة ابوي بعد نص ساعة ....
آيا : يعني مجهزلي هديتي هناك ؟؟
................
آيا في نفسها : ياه يا اندو من جد تشبه اكيرا وفي كل شيء بعد ..
اندو : آسف اذا كان هذا الكلام يضايقك ...
................
والباقي افضل انها تكون في وقتها ......




ان شاء الله يكون البارت اعجبكم
وانا كثير متحمسه لكم في الفصل التاسع << كف
نلقاكم الفصل القادم

وصلنا للفصل التاسع اللي كل بارت منه قصه مختلفه وبارتات طويله مثل ما قلت لكم .....

من هو الظالم ؟؟ (( الفصل التاسع – الجزء 1 ))
تنزل آيا من الدرج وتتوجه للصاله وشافت امها وجولي يشربون شاهي .....
آيا بابتسامه عريضه : ماما صباح اول يوم اجازة عليك بخير ....
الام تصب لها شاهي في الكوب : لهالدرجة فرحانة بالاجازة
آيا تجلس وتتسند بارتياح : اخيرا خلصت امتحاناتي ...
الام وهي تمد لها كوب الشاهي : ومتى بتطلع النتيجة ؟؟
آيا وهي تاخذ الكوب: اول يوم في الترم الثاني ....
الام : كنك بتروحين اليوم لشيء ؟؟
آيا بابتسامه تهز راسها: ايه بروح للملاهي ..
الام بدهشه : الملاهي في هالوقت مو كأنك مبكره؟؟.
آيا : لا مو مبكره انتي تعرفين الملاهي تسكر على المغرب ابي استمتع باليوم كااامل ..
جولي وهي تلتفت على امها : و انا بعد ياماما بروح مع صديقاتي اليوم ..
الأم : بكيفكم بس لاتتأخرون ..
آيا تحط كوب الشاهي على الطاوله و توقف : طيب ... يالله انا طالعة مع السلامة
الام : مع السلامة ...
تطلع آيا وتمشي بالطريق وتوقف تاكسي وتركب معه ..
آيا تدق على اكيرا ...
آيا : اكيرا انا في الطريق ..
اكيرا : بمر عليك ...
آيا : لا لا رحت مع تاكسي راح استناك عند بوابه الملاهي ..
أكيرا : طيب انا الحين طالع ....
ويسكر أكيرا السماعة ..
اكيرا واقف يمشط شعره عند المرايه وماري جالسة على السرير و معها كتابها....
ماري : موعد ثنائي ؟؟
أكيرا هز راسه : ايه
ماري تميل فمها : ضاقت انكم تستانسون في ايام اختباراتي ياحظكم ؟؟
أكيرا حط المشط على التسريحه و التفت عليها يبي يقهرها : انا قاصد اخليه وقت اختباراتك ..
ماري ترمي عليه الكتاب منقهره : مالت عليك يا الشرير ...
أكيرا يضحك : ههههه لا تصيرين حسوده ويخرب موعدنا
ماري : ماشاء الله مو عشانك عشان آيا بـــــــس ...
أكيرا اخذ كتابها و توجه لها : الحمد الله ان فيه احد غيري ...خذي كتابك و بالتوفيق يا اختي العزيزة ....
ماري تاخذ منه الكتاب بعنف : هات ورح عن وجهي لا احط حرتي فيك وقالت وهي تقلده ( يا اخوي العزيز ) .....
اكيرا ابتسم : يالله مع السلامه ..
ماري : مع السلامه ..
ويطلع اكيرا ويتوجه للملاهي و بعد 10 دقايق وصل ...شاف ايا تنتظره عن البوابه راح لتجاهها ..
أكيرا : عسى ما تأخرت عليك ؟
آيا تناظر ساعتها : شوي مو كثير ...
أكيرا : الجو اليوم غايم ...
آيا بابتسامة : توني اقول في نفسي نفس الكلام ....
أكيرا ابتسم : بس الحمد الله هذا الغيم يدل انه بكره بتمطر مو اليوم ....
آيا : ما شاء الله يا المتخصص في الاحوال الجوية ...
أكيرا مسك يدها : اقول يالله خلينا نروح ونلعب ...
آيا تشد على يده : اوكي مشينا ..
دخلو الملاهي و هم يتمشون ...
اكيرا يلتفت على آيا : وش رايك اي لعبه نركبها اول ؟؟
آيا بتفكير: امم اش رايك نركب قطار الموت ...
أكيرا : خلاص نركبها بس اول خلينا نقص تذاكر ...
وبعد ما قصو التذاكر راحو للعبه وصفو في المسار ينتظرون دورهم.. اكيرا يلتفت ويشوف يونا وسوما في اللعبة اللي جنبهم ..
أكيرا في نفسه : يا الله ضاقت الايام الا اننا نجتمع في مكان واحد .... اللي علي اني ما اخلي آيا تشوفهم ولا هم يشوفونا ....
أكيرا يصرف : آيا وش رايك نغير اللعبة ؟؟
آيا باستنكار : ليه ؟؟
أكيرا : يعني بناخذ اقل شي ساعة عشان ندخل قطار الموت ... خلينا نلعب باقي الالعاب ثم نرجع ونلعبها ...
آيا مستغربه : الزحمة ما راح تتغير سواء الحين او بعدين ...
أكيرا يكذب : الصراحه ماودي العب قطار الموت اول لان احس معدتي بتعورني ..
آيا باستفهام : معدتك وش فيها ليش بتعورك ..
اكيرا ضاع : مدري بس احس احساس لا اكثر انها بتعورني عشان كذا خلينا نغيرها احسن ..
آيا مو فاهمه شيء : انت ما تحب هاللعبة ؟!
أكيرا طلعت عيونه : لا لا انا احبها مره .... بس خلينا نلعب الشواية قبلها ...
آيا تسايره : طيب اوكي .... بس اللعبة اللي بعد الشواية قطار الموت ..
أكيرا : طيب طيب .... يله خلينا نطلع بسرعة ...
يمسك يدها ويحاولون يطلعون من بين الناس ...
آيا : لو سمحتو بنطلع ممكن شوي ...
ويطلعون ...
أكيرا : يله خلينا نركض اسرع لنا ...
وهم يركضون تلتفت آيا ...
آيا : مو هذي يونا ؟؟
أكيرا يمسكها بقوه ويسرع اكثر : هاه لا لا يله خلينا نلحق على اللعبة ...
آيا : لا لا وقف بشوف .....
وتبعد يدها عنه ...
أكيرا بخيبه : آيـــــــــــا ...
آيا تروح لهم ....
آيا تطل في وجه يونا : يونا ؟!
يونا تنتبه لها : آيا ؟؟ وش هالصدفة ؟
آيا تطامر : يااااي حلوه نلتقي في هالمكان
يونا : قررنا انا وسوما نجي اليوم للملاهي .... وانتي بعد ؟؟
آيا : ايه ...
ويجي اكيرا ورا آيا ووجهه منقلب ...
يونا تتشابك يدينها بآيا ويتطامرون : الله وناسة خلينا نلعب سوا ....
آيا : يالله احنا بنروح للشواية بتروحون معنا ؟؟
يونا : حلو
سوما : سلام يا اكيرا ...
أكيرا : هلا بك ...
سوما : انت تو شفتنا صح ؟؟
أكيرا : اخفض صوتك ..
سوما : انا نفس الشيء يوم شفتكم ما كان ودي ان يونا تعرف ان آيا هنا
أكيرا : اظن الموعد بيصير جماعي
سوما : ما لنا الا كذا ...
ويمر نصف الوقت والرباعي يلعبون مع بعض الالعاب ...
سوما : يالله اجل باي احنا بنروح ...
أكيرا : مع السلامة ....
يونا : مع السلامة آيا ....
آيا : مع السلامة ...
ويروحون سوما ويونا .......
ويقعدون آيا وأكيرا يتمشون ثم جلسو على طاولة كافي في الملاهي ...
ايا تمسك راسها ....
اكيرا : وش فيك ؟؟
آيا : ما ادري .. بس راسي احس انه مصدع شوي ...
اكيرا : تبين مسكن الم ....
آيا : معك ؟
اكيرا : بروح ادور صيدلية ....
وفيه رجال في الطاولة اللي جنبهم
الرجال : انا معي مسكن الم ...
ويقوم ويعطيه لاكيرا ....
اكيرا : مشكور ..
آيا : مشكور ..
الرجال : في هالاماكن لازم تجيبين معك مسكن الم لان اغلب الاحيان الناس تعورهم روسهم بسبب الازعاج ...
آيا : مشكور وان شاء الله راح اجيب المره الجاية .....
اكيرا : وجهك مألوف ....

يتبع ...

الرجال : وانا بعد احس اني اعرفك ...
اكيرا : انت طبيب ؟؟
الرجال : ايه انا دكتور جراحة ...
اكيرا : وش مستشفاك ؟؟
الرجال يقول اسم المستشفى ....
اكيرا : الحين عرفت ليش وجهك مألوف ...
الرجال : ليه انت تعرفني ؟؟
اكيرا : انا اسمي ساسو اكيرا ...
الرجال : اها ... الحين عرفتك ... كيفك ووش اخبارك ؟
اكيرا : تمام ....
آيا باستغراب : اكيرا من هذا لاني ما عرفته ..
الرجال يلتفت على آيا ويبتسم : ما راح تعرفيني .. انا دكتور جراحة وهذي بطاقتي .. اذا بغيتي أي شيء مني تعالي ...
ويعطيها البطاقة ...
آيا : شكرا ....
الرجال : عفوا ... استأذنكم ..
ويروح ...
آيا : حتى بعد البطاقة حقته ما عرفته ...
اكيرا : هذا الرجال مستشفاه هو اللي ولدت فيه ... وكانت كل مواعيدي عندهم لكن غيرت المستشفى من سنتين بس ....
آيا : آها ..... شكله حبوب
اكيرا : ايه مره وكل الاطباء يحبونه بعد ..
آيا : دكتور جراحة اجل ...... حلو ...
ويمر الوقت ويقعدون يتمشون ....
آيا : يوه الشمس غربت ... ما احب الليل في الشتاء ...
أكيرا : ليه ؟
آيا : لان الليل يصير بارد مره ..
أكيرا : بس هذا السبب .. ؟؟
آيا : لا و لانه يعلن عن نهاية اليوم ....
أكيرا : تونا في بداية الليل .... والحين احنا في اجازة يعني اسهري لين تقولين بس ....
آيا : اذا سهرت الليل بيعلن لي عن نهاية نهار بكره ...
أكيرا : ليه ؟؟
آيا : لاني بصير نايمة كل نهار اليوم اللي سهرته .....
أكيرا : عليك تفكير غريب ..
وينزل شوية مطر ...
آيا تمد يدها : آآه امطرت ..
أكيرا : مطر خفيف لا تهتمين ...
آيا ترفع راسها للسماء : احب المطر واحب منظره وهو يتساقط من السماء ..
و بعد دقائق بدأ المطر يتزايد ....
أكيرا يمسك يد آيا : آيا لازم نبعد عنه لا نمرض ....
ويروحون لموقف انتظار الباص اكيرا جلس و آيا واقفه تتأمل منظر سقوط الأمطار..
آيا : اكيرا وش تحب المطر ولا الثلج ؟؟
أكيرا بتفكير : امم كلهم ..
آيا تلتفت عليه : طيب اكثر شيء ..؟؟
أكيرا : احب الثلج ....
آيا بفضول : وش السبب ؟؟
أكيرا : ما ادري اذا كان فيه سبب .... لكن اذا شفته يذكرني باشياء احس انها حلوة ...
آيا متحمسه: وش هي ؟؟
أكيرا يضحك : ما اعرف وش هي لكن حلوه وبس ....
آيا تلتفت لجهة المطر و من قلبها دعت : يا ربي ينزل علينا ثلج عشان اشوف احساس اكيرا ...
أكيرا يناظرها باعجاب : يارب عشان انا بعد ادري وش الاشياء اللي احسها حلوة ..
آيا رجعت تناظره بمزح قالت : يمكن انا من الاشياء الحلوة ..
اكيرا يجاريها و بابتسامه قال : يمكن ليش لا .. تعالي اجلسي احسن من وقفتك ...
راحت آيا وجلست جنبه وهي ساكته ..
اكيرا يمسك يدها : بردتي ..
آيا تهز راسها : لا ..
اكيرا متعجب : اجل ليش سكتي فجأه ؟!
آيا : تذكرت عمك...
اكيرا بدهشه : عمي ؟!
آيا : اي عمك .. ماقلتلي وش بتسوي معه بخصوص موضوع ماري ..
أكيرا تنهد : آه هذا الموضوع شاغل بالي ..... انا قلت لماري عن كل شيء .. بس ردت علي وقالت " خله ياخذ اللي يبيه انا ما يهمني المنصب ... اللي يهمني اني ما افرق بين ابوي وعمي " وقفت على كلامها وسكتت ...
آيا : تفكيرها صح وغلط في نفس الوقت ....
أكيرا : شلون ؟؟
آيا : هي فكرت ان هالمشكله بتفرق بين عمي ساسو وعمك ديجير ..... لكن في نفس الوقت عمك ما فكر بابوك ورمى ماري بعيد وخلاها ميته ..... قلبه ما فيه رحمة لبنت صغيرة بريئة ...
أكيرا : لكن هذا قرار صاحبة الشأن ...
آيا : حتى لو كان .. اقل شيء ان عمك يدري انكم دارين عن الموضوع وان ماري سامحته عشان ابوها .. تقدرون تخلون الموضوع سري بينكم بدون ما يدري عمي وخالتي ونيزو .....
اكيرا : اجل تشوفين اني اخلص الموضوع بسرعة ... ؟؟
آيا : ايه .... وحتى لو ما تدري ماري عن الموضوع بعد ...
أكيرا : متأكده انـ...
آيا تحط يدها على فمه : ايه متأكده ميه بالمية ..
أكيرا ينزل راسه : طيب نشوف ....
آيا تغير الموضوع : اكيرا كان ودي اسألك من زمان ....
أكيرا يرفع راسه : تسأليني؟؟
آيا تهز راسها : ايه ..
اكيرا باهتمام : اسألي ..
آيا : انت وش بتدخل قسم في الجامعة ؟؟
أكيرا بتفكير : اممم ما ادري ...
آيا بصدمه : وش ما ادري ..... ما بقى وقت كثير على القرار ...
أكيرا : طيب انتي وش بتدخلين ؟؟
آيا بابتسامة : انا مقررة من زماااااان .... اني بدخل طب ....
أكيرا طلعت عيونه : طب ؟!
آيا بثقه : ايه انا فكرت في اقسام كثيرة .. لكن فكرت كثير في الطب ..... الطب هو عبارة عن دراسة الامراض وكيفية علاجها .... انا ابغى يكون لي دور كبير في المجتمع واني افيد الكثير و ان يكون لحياتي معنى .. اني اعيش لأن الكل محتاجني كبير وصغير طبعا بعد الله.. كل مريض يحتاجني اقدر امد يد العون له .... واني اشوف بسمة المريض فرحان بشفائه .... هذا هو تفكيري ...
أكيرا معجب بها وبتفكيرها : تفكير سليم الله يوفقك وتدخلين للقسم اللي تبينه ..
آيا تبتسم : اللهم آمين .. شكرا على الدعوة .....
أكيرا بادلها الابتسامه ..
آيا التفتت لجهة المطر : اكيرا وقف المطر خلينا نرجع ...
أكيرا يناظر ساعه يده : الساعة الحين 10 الا ربع خلينا نروح نتعشى في أي مطعم قريب ...
آيا توقف: طيب ....
ويروحون ويتعشون في مطعم ويطلعون ويفترقون .....
أكيرا وهو يمشي متجه لبيته قاعد يفكر في كلام آيا عن عمه ....
أكيرا : ماري الحين تذاكر وتحسبني مع آيا ... وابوي وامي لاهين .... اضن هذا افضل وقت اقابل فيه عمي ...
ويروح اكيرا مغير اتجاهه لبيت عمه .... ويلقى ولد عمه اندو مقابله ....
اندو : اكيرا ؟؟
أكيرا : عمي في البيت ؟؟
اندو : لا في العمل يقول ان عنده اشغال كثيرة اليوم ...

يتبع ...

أكيرا : كذا ....
اندو : وش تبي منه هالوقت ؟
أكيرا : لا لا ولا شيء ......
ويعطيه ظهره بيروح ثم يلتفت على اندو : ولا اندو انت صديقي صح ؟؟
اندو يضحك على كلمته : افى عليك ...
أكيرا : اجل خلينا نروح لمقهى ونتكلم في موضوع ...
اندو : يله قدام .... بس ترا الحساب عليك
أكيرا يضحك : ايه ايه عادي ....
ويروحون ويجلسون في مقهى ...
أندو : الجو اليوم برد ....
أكيرا بجديه : اندو ....
اندو يناظر اكيرا بجديه : نعم ...
اكيرا يتنهد ما يعرف كيف يبدا : الصراحة الموضوع عن ماري
أندو : وش فيها ؟
أكيرا : انت تعرف ليش ماري مفقوده من 14 سنه ؟؟
اندو : يقولون انها ضاعت في قطار وراحت لمدينه بعيده ولا لقوها وحسبوها ماتت ...
أكيرا : ما تدري عن التفاصيل ؟؟
اندو : اكتفيت بهذا الكلام ...
أكيرا : انا بقول لك الحقيقة كامله اللي ما يدري عنها الكل .... واللي مكتوبه في وصية الرجال اللي تبنى ماري عنده .....
اندو : قول ...
ويقول اكيرا السالفة بالتفصيل ....
اندو متفاجئ : معقوله ؟؟ ابوي يسوي شيء زي كذا ...
اكيرا : هذا كل الموضوع
اندو منفعل : مستحيل معقوله ابوي يسوي كل هذا وبدون محد يدري حتى ....
أكيرا : وتعرف وش رد ماري ؟؟
اندو : وشو ؟؟
اكيرا : " خله ياخذ اللي يبيه انا ما يهمني المنصب ... اللي يهمني اني ما افرق بين ابوي وعمي "
اندو يقوم من الحماس : لا مستحيل انها تسامحه بهالشكل الضعيف ... حتى لو كان ابوي .. انا ما ارضى ان ابوي يكون مجرم
اكيرا يوقف قدامه : اللي ابيه الحين منك انك توصل له اننا دارين عن كل شيء وان ماري قلبها طيب و ماكرهته ... بس فيه شرط
أندو : قول ؟؟
أكيرا : أي شخص كان .. ما يدري عن هالموضوع .... ولا حتى ماري نفسها .... الموضوع بيني وبينك
اندو : وصـّل هالكلام بطريقة غير مباشرة لماري مني ....
أكيرا : وشو ؟؟
اندو : الظالم يظل ظالم طول حياته ..... وما تنفع الطيبه معه ... لازم الواحد يعلمه وينبهه انه ظالم ...
أكيرا يحط يده على كتف اندو : مشكور ياابن العم لاستماعك لي ... كنت خايف انك تكون في صف ابوك ... لكن اثبت انك صديق يعتمد عليه ...
اندو : انا بكون في صف الحق بس
أكيرا : راح اثق في كلامك ....
ويبتسم اندو بسمة صفرا ....
اكيرا : يله مع السلامة انا رايح .....
أندو : راح اتصرف مع الموضوع بحرص ....
ويروح اكيرا ويقعد اندو ......
اندو يحط يده على وجهه : لــيه ؟؟ ليه كذا ليه ما صرت اسمع الا كلام يسم البدن .... من كل الاتجاهات ... من اللي اقدر اتكلم معه واطلع كل اللي عندي ... متى ارتاح من هالجبال اللي في قلبي ....
ويروح اندو للبيت ويقعد في الصاله ... يرجع ابوه من العمل ...
الأب ديجير : اندو ليش جالس لين هالساعة ؟؟
اندو : كنت انتظرك ابي اتكلم معك في موضوع مهم ....
الاب : انا توني راجع من العمل وتعبان اتكلم معك بكره .....
ويمشي ابوه بيرقى الدرج ... يوقف اندو ..
اندو : انا ما صرت اشوفك ابدا ... طول يومك في العمل .. عشان كذا على الاقل اقعد معي الحين لان الموضوع مهم من جد ....
رجع ابوه وجلس قدامه ...
ابوه بإرهاق : هاه وش عندك ؟؟
اندو حاط عينه على وجه ابوه : يقولون ان الظالم يردون عليه الناس بنفس ظلمه ..... لكن ياسعد اللي يظلم شخص قلبه صافي من الحقد والكره ... لكن اللي حول هذا الشخص راح يقسّون قلبه عشان يقدر يتعايش مع الناس اللي حوله ... صح هذا الكلام ؟؟
ابوه يناظره بملل : وش هالكلام انا ما فهمت شيء ...لاتقعد تتفلسف ..
اندو بشدة : انا ما اتفلسف لكن انت ما تبي تفهم .... لكن اللي يدفن الماضي ويخلي اللي حوله ينساه .....لابد و يطلع له شخص ويفضحه ويقول كل شيء سواه في الماضي ....
ابوه حمق : عطني الزبده لاني تعبان وابي انوم ....
اندو : مارينو ..... ليه اختفت في الماضي وتوها ترجع ؟؟
ابوه متفاجئ : مارينو ؟؟ رجعت ؟!!
اندو : الكل يعرف ان بنت عمي رجعت الا انت ياللي منشغل طول وقته في العمل ....
ابوه : مارينو .. وين ؟؟
اندو : الحين هي عايشه مع اخوها اكيرا ..... وراح تعيش مع اهلها بعد نهاية اجازة الشتاء ....
ابوه : طيب واذا رجعت هذا خبر سار .....
اندو باستهزاء : متأكد انت سار صح هو خبر سار للكل لكن ما اعتقد سار لك ...
ابوه : وليه هي مو بنت اخوي لازم افرح لها ...
اندو بصراخ : وليش ما فكرت انها بنت اخوك قبل 14 سنه .... ؟؟
ابوه يوقف معصب : اندو اقصر صوتك وقل وش عندك ؟؟
اندو ماسك نفسه و يناظر في عيون ابوه : ممكن تقول لي وش صار قبل 14 سنه اللي مضت ....
ابوه يبعد عينه عن عين اندو : نفس ما قلت لك انها ضاعت في قطار وراحت لمدينه بعيده ولا لقيناها وحسبناها ماتت ...
اندو يقرب من عند ابوه : آآه نفس هالكلام ابيك تقوله لي بالتفصيل ...
ابوه : انت سامع شي ثاني غير هالكلام ...
اندو : لا ابدا انا سمعت نفس هالكلام ........ لكن بالتفصيل ....
ابوه : اجل براحتك انا برقى فوق وانوم...
ويمشي ابوه شوي ...

يتبع ...

اندو يناظر ابوه بحسره : الشخص اللي يدفع حياة شخص ويخليه ميت عشان منصب ... يسمى ظالم وفي القانون مجرم ....
ابوه يلتفت عليه : وش معنى كلامك يا اندو ؟؟
اندو بابتسامة جانبيه : معناه نفس اللي يدور في راسك الحين ......
ابوه جاه صفقه كف على وجهه : اسكت يا قليل الادب ...
اندو بيأس : وانا اسمع الحقيقة قلبي يتقطع بعد كل كلمه اسمعها ... ما توقعت بيوم ان ابوي يكون بهالحسد والظلم والاجرام .....خلاص من اليوم ورايح ما تقدر تسوي شيء في هالوقت بعد ما رجعت مارينو بالحقيقة ...
ابوه راح يصعد فوق لكن استوقفه سؤال ولده ..
اندو : ابوي بأسألك سؤال .....
ابوه وقف يسمعه بدون لا يلتفت عليه ...
اندو : هل بصير مثلك في يوم من الايام ..... ؟؟ ما يهمني غير نفسي ..... ؟
ابوه : لا ما راح تصير مثلي ابدا ....
وتوه بيكمل صعود سمع اندو يقول ..
اندو : الحمد لله معناها انك عارف انك غلطان ....
ابوه التفت عليه بدهشة ...
اندو يناظره بضيق : مهما كان انت ابوي .... ما راح احرق قلبك زياده .. مع اني كنت حاط في بالي اخليك ما تنوم براحة هاليوم ....
ويقرب اندو من ابوه ....
اندو : عمي و زوجتة وولده نيزو وزوجته وامي ومارينو .... ما يدرون عن أي شيء في الموضوع اللي يدور بيني وبينك .... لكن اكيرا ومارينو يدرون عن كل اللي حصل وانا الحين ثالثهم ......وهذا جواب مارينو لك ... " خله ياخذ اللي يبيه انا ما يهمني المنصب ... اللي يهمني اني ما افرق بين ابوي وعمي " تفكير هذي البنت افضل من تفكيرك .. صارت هي العاقله وانت المجنون .. مجنون بالمنصب والمال .... الموضوع لين هالحد انتهى .... لكن اللي نبيه يوصل لك .... انك ظــــــالم ...
ويروح اندو ويصعد فوق ....
ابوه يجلس في الصالة ....
ومن بكره ..... يطلع ابو اندو بيروح للعمل ويشوف اندو بيركب سيارته ...
ابوه : اندو ~
اندو يلتفت عليه ....
ابوه : انا فكرت كثير بالكلام امس .. وابي اقابل اكيرا ...
اندو : متى ؟؟
ابوه : اليوم في أي وقت كان ...
اندو : طيب خلاص بدق عليه واشوف ....
وصار وقت اللقاء العصر ....
توجه اندو وابوه لمقابلة اكيرا في فندق ....
اكيرا : وش حابين تشربون ؟؟
ابو اندو : احنا عندنا كلام سريع و بنمشي ..
اكيرا : تفضل ..
ابو اندو : في ذاك الوقت اللي انفقدت فيه مارينو ... حصلت اشياء ثانية بعد ما اكتشفتوها ...
اكيرا واندو يناظرونه بتعجب ...
ابو اندو : كنا موصّين شخص يعتني فيها إلى ان يموت ويكتب لها رسالة يخليني انا المذنب الاكبر فيها ... لاني كنت ابغى مارينو ترجع حاقده علي ..... انا صح اخذت المنصب لكن في نفس الوقت كان اغلب راتبي ينصرف على مارينو عشان تعيش حياة هنية بعيده عن الشقاء ... وكنت عارف انه بيجي هذا اليوم واللي بتفضحني فيه مارينو ... لكن ما حطيت في بالي ابدا ان جواب مارينو علي بهالقسوة خلتني احس صدق اني سويت شيء غلط ..... لو انها اخذت كل حقها مني كان ارتحت وعوقبت على فعلتي لكن الحين خلت الموضوع ولا كأنه حصل .. اذا كنتم تبون تعرفون وش السبب الحقيقي اللي خلاني اسوي هذا الشيء .... فقولو ليه غيـّر اسم مارينو لماري وهو متبنيها .....
اكيرا : الكلام الاخير اللي قلته ما قدر مخي يستوعبه ...
ابو اندو : هذا الموضوع قديم مره ... واعتبره من الماضي البعيد قبل ما يكون عندي ولد اسمه اندو ....
العم وقف : افضـّل ان الموضوع يكون سري الى الابد واني اتحمله طول عمري .... الحين انا مرتاح لرجوع ماري ...
وبعد كلامه راح وخلاهم ..
اندو واكيرا صارو يشوفون بعض و هم ساكتين مافهمو اي شيء ..... وبعد دقايق تكلم اكيرا ..
اكيرا : اندو .... اذا كنت فاهم ممكن تفهمني
اندو : اكيرا ....
اكيرا : من الظالم الحين ؟؟ وشو الماضي اللي قبل ما ننولد؟؟ اللي سمعته تو حقيقة ولا خيال ؟؟
اندو : ماري ؟!
اقتباس من (( الفصل الثامن – الجزء 4 ...
ماري : نادني انت بعد ماري .... اسم مارينو طويل ومتعب
أندو : اوكي يا ماري .....))
........
اندو : اكيرا ؟
اكيرا : نعم
اندو : يوم رجعت مارينو هي قالت ان اسمها ماري
اكيرا : ايه ... وقالت بعد نناديها ماري ..
اندو : وليش حتى آيا تناديها ماري ؟؟
اكيرا : هذا لان ماري قالت لها ان اسمها ماري قبل ما تقول ان اسمها مارينو ...
اندو : ليه سماها ماري ؟؟ ليه ما خلاها مارينو ؟؟
اكيرا : هذا اللي افكر فيه الحين يا اندو ....
اندو : ليه ما تسأل ابوك ؟؟
اكيرا : نعم ... ؟!
اندو : انا متشوق اعرف السر ....
اكيرا يوقف : انا محتاج افكر شوي في الموضوع ..... يالله انا رايح ...
طلع اكيرا برا وركب سيارته.....
اكير بتفكير : ما لي الا ارشيف الماضي اللي عند خادمنا ......
شغـّل اكيرا سيارته متجه لبيتهم وبالاخص للخادم ...
دخل البيت و راح مباشره لمسكن الخدم ..
شافه الخادم العريق : سيد اكيرا وش عندك ؟! ..
اكيرا : بأسألك ..... اسم مارينو واسم ماري له قصة .... ؟؟
الخادم : وش اللي تبي تتوصل له ؟؟
اكيرا : الموضوع بين عمي وابوي ...... ماري ومارينو لهم علاقة .... ما تذكر أي شيء يخص هالموضوع ؟؟
الخادم : ما ادري اذا كان الموضوع مهم .... لكن عمك ديجير كان عنده بنت قبل ما يرزق باندو وكان اسم البنت ماري على ما اظن ....
اكيرا : طيب وين بنت عمي ؟؟
الخادم : ماتت يوم صار عمرها ثلاث سنوات ....
اكيرا : من ايش ؟؟
الخادم : حادث سيارة ...
اكيرا : مع عمي ؟؟
الخادم : لا مع السيد الكبير العم ساسو .....
اكيرا : الحادث حصل للاثنين بس ؟؟
الخادم : ايه ...
اكيرا : وبعد كذا ؟؟
الخادم : العم ساسو نجا لكن البنت ماتت في الحادث على طول .....
اكيرا : وبعد ؟؟
الخادم : ما حصل شيء اكثر ...
اكيرا : متأكد ؟؟
الخادم : امممممممم ...... الا صح تذكرت
اكيرا : وشو ؟؟
الخادم : يوم انجبتك امك واختك ..... كان عمك يقول لابوك انه يسمي البنت ماري .... لكن العم ساسو رفض وسماها مارينو ...
اكيرا يتذكر ...
اقتباس من (( الفصل التاسع – الجزء 1 ...
ابو اندو : اذا كنتم تبون تعرفون وش السبب الحقيقي اللي خلاني اسوي هذا الشيء .... فقولو ليه غير اسم مارينو لماري وهو متبنيها .....))
.......
اكيرا في نفسه : كان يبي يكون اسم مارينو ماري وينتقم من ابوي عشان بنته اللي حصل الحادث لها مع ابوي ؟؟
الخادم : هذا اللي اعرفه صدق .....
اكيرا تنبه : مشكور انا اخذت منك اللي ابيه بالضبط ...
ويطلع اكيرا ويروح يقابل آيا ويعلمها كل السالفة ....
آيا : وش هالكلام اللي اسمعه يا اكيرا ؟؟
اكيرا : تتوقعين اللي دار في راسي هو الصحيح ؟؟
آيا : ايه وهل في ذلك شك ؟؟
اكيرا : وش اسوي ؟
آيا : لا تسوي شيء ...... هذا شيء حصل في الماضي وطوته الايام ... وعمي ما فعل شيء غلط هو يسمي بنته اللي يبي وعمك كان يراعي ماري واذا كان رجوع مارينو باسم ماري يفرحه خله .... وسكـّر على الموضوع ... تم حل المشكلة ...
اكيرا : تعتقدين ؟؟
آيا : ايه ..... بس كلام عمك لازم يوصل لماري حرفينا ..
اكيرا : هذا اكيد ....
وينتهي اليوم على كذا ... ويخـّبر اكيرا ماري و اندو ويتسكر على الموضوع ....

وبعد يوم يكون عيد ميلاد آيا .... خلينا نشوف وش بيصير فيه .. لنترقبه في الجزء القادم .... ^_^

احب ان احتفظ بهمومي داخلي .. (( الفصل التاسع – الجزء 2 ))

الام : آيا ~.. آيا ~.. يالله اصحي...
آيا تتقلب بضيق : ماما تكفين خليني شوي ...
الام تسحب البطانية منها : يالله اليوم يوم ميلادك مو مهم لك هذا اليوم ......
آيا تو يوصلها الإرسال .. فزت من السرير ...
آيا : اليوم يوم ميلاااااااادي ......
الام : كل سنة وانتي طيبة يا حبيبتي .....
آيا تبوس خد امها : وانتي بألف صحه وسلامه يا الغلا.....
الام بابتسامة : يالله البسي وحولي اقاربك الحين بيجون ...
آيا بحماس : اكيد ....
الام تمد لها كيسه : خذي هذا هدية مني ....
آيا تضم امها : مشكوره يا احلى ام
الام : البسيه وحولي ....
وتروح الام ....
تفتح آيا الكيسة وتشوف جواها فستان ومعه شال وقباعة ...
آيا : يا حبي لك يا ماما ...
وتلبسه وتحول تحت والكل يعطيها هدية ميلادها .... ويمر الوقت على كذا لين غربت الشمس .....
آيا : مع السلامة انا الحين بروح احتفل مع اصحابي ...
الام : مع السلامة ....
تطلع آيا من البيت وتوقف تدخل جوالها جوا الشنطه .....
آيا : زين هالمرة حجزت غرفة اكبر من العام الماضي .......
وتروح آيا وتدخل غرفة الكاريوكي ...... وتشوفها مظلمة .... تفتح اللمبة ....
الكل : هابي بيرثدي تو يو ...... هابي بيرثدي تو يو ....... هابي بيرثدي تو آيا هابي بيرثتي تو يو..
بعدها الكل صفق لها تصفيق حار ..
آيا : وااااه افزعتوني .....
يونا : ( اميدتو ) مبروك آيا .....
ايا بابتسامه : الله يبارك فيك ..
راي : يالله يا آيا كبرتي وصرتي عروسه .....
آيا تضحك مازحه : و انتي كبرتي و صرتي ام ههه ..
راي مدت البوز يقالها زعلت..
الكل : فطس ضحك على شكلها ..
توما : كل سنة و انتي طيبه ....
آيا : وانت طيب ..
ماري : مبرووووووووووك يا عجوزة .....
آيا : الله يبارك فيك يا نونو..
ماري بصدمه : يمه منك ماتفوتين ولا كلمة..
راي بقهر مصطنع : وانتي ماتعرفين تردين بكلام زين..
آيا تدلع لسانها : محد قالك تحرشي ..
الكل ضحك على مناقرهم ..
سوما : مبروووك يا آيا .....
مورا : مبروك .....
وفيه بعض البنات من جمعة الدورية حقت آيا .....
آيا : مشكورين .... يا حبايبي ....
وتجلس آيا .. شوي وتتلفت ...
آيا : وين اكيرا ؟!
توما يسلك : هه هه الحين بيجي ....... استمتعي بوقتك ولا تهتمين ...
ويقوم توما ويبعد شوي ويدق على اكيرا ......
توما : الوه ... اكيرا وينك ؟؟
اكيرا : آسف عسى ما جت آيا ؟؟
توما : الا جت وسألت عنك بعد ....
أكيرا : انا بتأخر شوي ...
توما : وش عندك ؟
أكيرا : طلبني ابوي قبل شوي ....
توما : قول لابوك ان اليوم عيد ميلاد آيا وبيعذرونك ....
أكيرا : احتفلو بدوني وانا بهتم بالموضوع ....
توما : اوكي ...
ويسكر السماعة ...
اكيرا يروح لابوه : ابوي ... انا ابي اطلع
ابوه مستغرب : وش عندك مستعجل ؟؟
اكيرا متردد : امم الصراحة اليوم عيد ميلاد آيا .... وودي احتفل معها ..
ابوه : صدق اليوم عيد ميلادها ؟؟
اكيرا : ايه
الام : اذا كان اليوم عيد ميلادها واهلها يا حياتي مو موجودين معها هنا خلها تجي واحنا نسوي لها افضل احتفالية ....
اكيرا : لا لا ما يحتاج ...
ابوه : اتصل عليها وقل لها تجي في الفندق القريب من الشركة الساعة 9 اليوم ...
اكيرا : ابوي ...
الام : خلاص انا بجيب لها افضل هدية واسوي كل التجهيزات .....
اكيرا : يماه ....... ؟!!
ابوه : صح صح يالله روح وقولها تجي هناك ولا تقول اننا بنسوي لها حفلة بمناسبة يوم ميلادها قول لها تجي وبس ....
الام : عشان تصير مفاجئة ...
اكيرا متورط : طيب ...
الام : وقول لماري بعد خلاص حبيبي ....
اكيرا : طيب
ابوه : وراح انادي نيزو وزوجته واندو بعد ......
اكيرا : طيب
ابوه : انت شريت لها هدية ؟؟
اكيرا : الصراحة لا لان طول الوقت وانا عندكم ما امداني اشتري لها هدية ...
ابوه : طيب خلاص انت الحين روح قدامك 3 ساعات بإمكانك تشتري فيها هدية ...
أكيرا : طيب ....
ويروح اكيرا ويطلع برا ....
اكيرا : يا الله ما توقعت انهم بيتحمسون كذا ....
ويروح اكيرا للكاريوكي ... يدخل عليهم وتلتفت آيا عليه وتروح له ....
آيا : اكيرا وين كنت ليش تأخرت ؟؟
اكيرا : معليش كنت مشغول ....
توما : مالك حق ياخي مره تأخرت ....
أكيرا : يا اخي خلاص ...
يونا : يله يا آيا تعالي وغني لنا ...
آيا : اوكي ....
وتروح آيا وتوقف وتمسك الميكروفون ....
آيا : Boy meets girl
you were my dream
my world
but I
was blind
so on my own
I feel so all alone
though I know it's true!
I'm still in love with you
I need a miracle
I want be your girl
give me the chance to see
that you are made for me
I need a miracle
please let me be your girl !
one day you'll see it
can happen to me
I need a miracle
I want be your girl
give me a chance to see
that you are made for me
I need a miracle
please let me be your girl !
one day you'll see it
can happen to me
day..and night
I'm always by your side
cozy I know
for sure
my love is real
so take a try
no need to ask me why
cozy I know
it's true
I'm still in love with you
I need a miracle
I want be your girl
give me a chance to see
that you are made for me
I need a miracle
please let me be your girl !
one day you'll see it
can happen to me
............لين نهاية الاغنية ......

ويمر الوقت وتجي الساعة 8 ونص ..... يروحون ويطلع اكيرا و آيا يتمشون ...
أكيرا : آيا ابيك تروحين للفندق القريب من شركة ابوي بعد نص ساعة ....
آيا : يعني مجهزلي هديتي هناك ؟؟
أكيرا : روحي وتعرفين كل شيء .... ولا تغيرين فستانك اللي عليك الحين ....
آيا : اكيد ما راح اغيره لانه هدية من امي ...
أكيرا : زين .. يالله نلتقي هناك....
آيا : طيب.... مع السلامه ....
وراح اكيرا للسوق و هو في الطريق دق على ماري وعلمها تجي للفندق ... بعدها وصل للسوق ...
أكيرا محتار : الحين وش يحبون البنات في اعياد ميلادهم ؟؟
شاف حرمه تتمشى فستوقفها : لو سمحتِي..
الحرمه : نعم ..
اكيرا منحرج : ممكن سؤال ..
الحرمه جاها فضول ودها تعرف وش عنده : تفضل .
اكيرا :ممكن اسألك وش افضل شيء نهديه للبنات في اعياد ميلادهم ؟
الحرمة : على حسب الشخص اللي بتهدي له الهدية ....
اكيرا بحيا : بأهديه لرفيقتي لاول سنة ميلاد لي معها ......
الحرمة بابتسامه : اها .... فيه خيارات كثيرة ...... البنت اكثر شيء تحبة الاكسسوارات ..... يعني حلق او عقد ... او خاتم
اكيرا : طيب ممكن تختارين لي ....
الحرمة : كذا ما تصير الهدية على ذوقك ..... اسمع انا بخيرك بثلاث وانت اختار منهم وقدمه لها ...
اكيرا : مشكورة .. وانا ما يهمني السعر ابدا ...
في الفندق:.
وصلت آيا في الموعد المحدد دخلت وتوجت للاستقبال....
الاستقبال باحترام : مرحبا .. اي خدمة ..
آيا : انا مدعوة هنا
الاستقبال : وش اسمك لو سمحتي ؟؟
آيا : اسمي آيا
الاستقبال : آأه عيد ميلاد سعيد آنسة آيا ..... الكل ينتظرك بالداخل ..... تفضلي
آيا باستغراب : الكل ؟!!
وتدخل وتشوف الكل موجود ...
الام تمسك يدين آيا ...
الام : مبروك يا حبيبتي ... والله انا فرحانه مره لك ...
الابو : مبروك يا آيا ...
آيا في وجهها الدهشة : مشكورين ...
الام : اجلسي يا حبيبتي اجلسي هنا واكيرا الحين بيجي ما ادري ليه تأخر كذا ...
الابو : في الطريق الحين هو ...
الام تعطيها هدية مغلفة ...
الام : مبروك وهذا مني .......
آيا : ليه كلفتي على نفسك يا خالتي ...
الام : لا ابدا يا حبيبتي وامك مو قريبة من عندك اعتبريني امك اليوم ...
آيا بابتسامه: مشكورة ياخالتي الله يخليك ...
الاب بعد يعطيها هدية ونيزو وزوجته ....
اندو : مبروك آيا بس آسف لاني ما دريت الا قبل شوي ان اليوم عيد ميلادك ....
آيا باحراج : لا لا عادي اهم شيء حضورك هه هه
ماري تغمز لها : مبروك يا آيا ...
آيا بقهر مخفي : الله يبارك فيك
وبصوت خافت قالت : يانونو ....
ضحكت ماري عليها : مابعد نسيتي يالبعير ..
آيا تقرصها مع يدها : تستاهلين يالخايسه ليش ما قلتيلي عن هالحفلة ..
ماري بدفاع : و الله توني ادري اليوم ..
آيا تهز راسها : ايه صدقتك ..
و في هاللحظه دخل اكيرا ..
نيزو : توك تجي
أكيرا بضيق: عاد انا كنت ابي اتأخر غصب عني لأن الجو يمطر والدنيا زحمة ....
الام جابت عربه وكان فوقها كيكه مكتوب عليها كل سنه و انتي طيبه يا آيا ... الأم توها تنتبه انو اكيرا جا
بابتسامة قالت : انت جيت يا اكيرا ..يالله اجل خلونا نحتفل بآيا .....
تلتفت على آيا : تعالي يا آيا طفي الشموع وقطعيها...
تقدمت آيا للعربه و قرت الكلام المكتوب عليها و بابتسامة طفت الشموع في تصفيق حار من اكيرا و اهله ..
ماري بسعاده : يالله يا آيا قطعيها بسرعه تراني مشتهيتها...
الكل ضحك عليها ..
الام تغمز لاكيرا يعني روح جنبها وساعدها ..
قرب اكيرا من آيا ولما بدأت آيا تقطع الكيكة حط اكيرا يده فوق يدها وقطع الكيكة معها ..
الام بسعادة لا توصف عقبال ما تقطعونها في زواجكم ان شاء الله..
آيا هنا ضاعت معالمها من الحيا واكيرا ابتسم وهو من جوا مبسوط على كلام امه..
ماري : آمين .. يالله بس بسرعه ابي قطعه ..
اكيرا يناظرها بطرف عين : انتي لا تصيرين مشفوحة شوي شوي لا تقطع آيا يدها..
ايا قرصته من جنبه وبصوت غير مسموع : اقطع يدي وش شايفني هبلا وبعدين خير وش هالحركات مو قدام اهلك ..
اكيرا التزم الصمت وكملو تقطيع الجاتوه ..وبعد ساعه من الوناسة والسوالف والضحك..
تكلمت آيا : صح الجو في ايام الشتاء يحتاج مكان دافيء وحلو ..
الام : صح
آيا متحمسة: اش رايك يا خالتي نروح للينابيع الحارة بكره ونقضي فيها يوم كامل ...
الام باستفهام : الينابيع الحارة ؟؟
الابو مؤيد : فكرة حلوه ....
الاب يوجه الكلام للام : وانتي يا ريكا الدكتور وصاك بالمياه المعدنية الحارة حلو انك تروحين معهم ....
الام باقتناع: طيب خلاص بس وين ؟؟
آيا تفكر: امم فيه اماكن كثيرة للينابيع ....
الاب : فيه الينابيع الخاصة بالعائلة بقولهم يجهزون بكره المكان وروحو له من الظهر ... لان المشوار لمده ساعة ونص بالسيارة
ماري : الله والله شكلها بتصير وناسة ...
نيزو باعتذار : احنا اسفين لاننا ما نقدر نروح معكم ..؟؟
اكيرا : ليش مو رايح معنا؟؟
نيزو : لان انا زوجتي بنروح نشتري اثاث للبيت مابعد جهزنا شيء..
ماري : اها .. الله عينكم ان شاء الله..
الاب: وانا كمان مو رايح معكم لان بكره عندي ثلاث اجتماعات
الام بتفهم : خلاص انا وماري وآيا واكيرا واندو .....
اندو منحرج : لا يا عمتي انا مالي داعي اروح معكم
اكيرا بزعل مصطنع : لالا مالك داعي وليش ما تروح معنا .. يعني يرضيك اروح واجلس اسبح في قسم الرجال لحالي انت عارف ماتعودت اجلس لوحدي..
ضحك الكل على تعابير وجهه وهو يتكلم ..
اندو يضحك: ههههه لا والله مايرضيني .. خلاص اجل عشانك بس ...
اكيرا بحماس : اتفقنا بكره نروح الساعة 2 الظهر وننوم ليله ونرجع من بعد بكره .....
الام : خلاص تم ...
ويمر اليوم والكل يرجع لبيته
وتطلع آيا تركب مع اكيرا عشان يوصـّلها ....
آيا بسعاده لا توصف : ما توقعت انهم بيفرحون لي هالفرحة .....
أكيرا : هذا لان امي رحمتك لان امك مو موجوده ولا احد من اهلك ...
آيا حست بالذنب : يعني صرت كذابة وانا محتفله مع اهلي واصحابي ....
اكيرا : لا تقولين كذا .....
آيا : بس هذا اسعد حفلة ميلاد لي .... عكس السنه اللي فاتت .... كان اتعس حفلة ميلاد ...
اكيرا يحط يده على راسها : احذفي ميلاد السنه اللي راحت وحطي بداله ميلاد هالسنة ....
آيا بابتسامة : يعني هذي هدية ميلادي منك ؟؟
اكيرا : وشي ؟؟
آيا : اني احتفل مع اهلك
أكيرا : لا هذا كان مفاجأة منهم ....
آيا تهز راسها : اها ... ياحبيلهم والله انهم ونسوني مره الله يخليهم لك ..
اكيرا يوقف السيارة ويلتفت عليها بابتسامة : ولك انتي بعد....
ايا بابتسامة : آمين.. بس وش عندك وقفت السيارة ؟؟
أكيرا : الحين بتعرفين بس غمضي عيونك اول ...
آيا تغمض عيونها : طيب هذا انا غمضتها ..
مسك اكيرا يدينها وحط فيها علبة ..
آيا : ياه يدينك دافيه احس بها في يدي ....
اكيرا بابتسامة : افتحي عيونك ...
وتشوف آيا العلبة وتفتها وتشوف فيها اسوارة ذهب مثل الساعة لكن العين حقتها مغلقة ..
لما فتحت العين شافت فيها صورة لاكيرا ....
آيا طار عقلها : ياااااااا اللـــه تجنن ...
اكيرا يطـّلع اخت اللي معها بس لونها فضي : وهذا الثاني لي .... بس ممكن تعطيني صورة لك ...
آيا تهز راسها : طيب بكره اعطيكياها ....
اكيرا انبسط : اوكي ....
حرك اكيرا سيارته ووصل آيا لبيتها وهو رجع لبيته ..
ومن بكره :.
الساعة وحدة ...
المنبه تتتتتتتتتتتتتتتتت <<< صوت المنبه
آيا تقوم منزعجه تسكر المنبه : وجع يا شين صوتك الله يا انت مزعج ...
آيا تتمغط : آآآه احس اني متكسرة .... يالله خليني اقوم واتجهز ...
دخلت الحمام وغسلت وجهها واسنانها طلعت وتلبست واخذت معها شنطه حاطه فيها باقي لوازمها ....
وفي نفس الوقت ...
في بيت اكيرا ::
ماري : اكيرا يالله قم واخلص علينا .... يالله جهزت شنطتك لك بس قم لا نتأخر اكثر
أكيرا : يا الله على ذا الاخت المزعجة ...
ماري : قوم خلنا نروح ... يالله امي تو متصله
ويقوم اكيرا مفزوع : ليه كم الساعة ؟
ماري : الساعة 1 ... يله الطريق ساعة ونص نبي على الاقل نصير مستقرين الساعة 3
أكيرا : طيب .. طيب اخذتي لي اغراضي
ماري : ايه بس انت قوم والبس ...

ويحّول اكيرا ويقابله اندو ...
اندو : صباح المساء
اكيرا : يا اخي فيني نوم غير طبيعي
اندو : اتصلت بزوجة عمي وقالت انك في بيتك ..
اكيرا : يله هذانا طالعين
اندو : وآيا
اكيرا : طيب انت خذ ماري وانا بروح امر عليها ...
اندو : اوكي بنصير في بيت اهلك ...
اكيرا : طيب
ويروح اكيرا ويمر على آيا ...
أكيرا : من متى قايمة ؟؟
آيا : مو من زمان لاني مجهزة اغراضي من امس ....
اكيرا : جبتي لي صورة ؟؟
آيا : ايه خذ هذي آخر صورة التقطتها ...
اكيرا : آيا مو هذي الصورة يوم زواج اخوي ؟؟
آيا : الا يوم زينوني صورت كم صورة وهذي من الصور ....
أكيرا : انتي فضيحة
آيا : ودها لمحل وخلهم يزينونها لك عشان تكون نفس مقاس عين السوارة ...
أكيرا : اوكي اجل بخليها في جيب الجاكيت عشان ما انساها ..لاننا ماراح ناخذ هذي السيارة
آيا : اجل بنروح بأي سيارة ؟؟
أكيرا : سيارة العائلة اكبر من سيارتي تكفينا كلنا ...
آيا : وش نوعها ؟
أكيرا : جيب رحلات ...
آيا : هو نفسه اللي رحنا به احنا وباقي الاصحاب ...
أكيرا : في ذيك الرحلة اللي انكسرت فيها يدي
آيا : اف منك ما تتذكر الا الشين ...
أكيرا : بالنسبة لي مو شينه .
آيا : طيب طيب لا تذكرها قدامي لانها عندي شينه ...
أكيرا : حااااضر .....
ويوصلون ويحولون و يركبون في سيارة الرحلات على قولة اكيرا ...
وتصفيفهم في السيارة كالتالي ...
اللي يسوق هو اندو واللي جنبه هو اكيرا
وفي المرتبة الثانية الام خلف اندو و ماري في الوسط و آيا خلف اكيرا ...
آيا تشوف الكل ساكت وودها تحط في السيارة جو ....
آيا : وش رايكم نقول الغاز ....
اندو : حلو يالله انتي ابدي وانا اللي راح احله ..
آيا : اممم .... ما هو الشيء الذي نأخذه منك قبل ان تحصل عليه انت ؟؟
اندو : كل شيء تاخذونه مني قبل ما احصل عليه ....
اكيرا طلعت عيونه: الله من زين الجواب..
ماري: وش اللي ناخذه منك قبل لا تاخذه..
الام تصرف : ايا غيري اللغز ..
آيا : طيب طيب الجواب هو الصورة الفورية ... بأغير السؤال ... هو شيء امامك ولكن لا تستطيع ان تراه ؟؟
اندو : واضح ... المستقبل
آيا بدهشة : شلون عرفت الجواب بهالسرعة ؟؟
اندو بثقة : منب كاذب عليك لان اللغز اقدم من عهد جدي ...
آيا : هه وش اسوي هذا اللي انا حافظته .. طيب بقول واحد ثاني... ارسلت ابنة الخال الوحيد لبنت اخت والدك الرسالة فمن هي ؟؟
أكيرا : اختي
آيا : صح
اندو : انت غشاش المفروض اني انا اللي اجاوب
أكيرا : لاني عرفت الجواب جاوبت بس
الام : طيب هذا سؤال صعب اتحداكم تعرفون جوابه ....
ماري : قولي وانا بجاوب
الام : ترك احد الملوك لبناته خواتم ذهبية فورثت الاولى خاتما و سبع ما تبقى ثم اخذت الثانية خاتمين وسبع ما تبقى ثم اخذت الثالثة ثلاث خواتم وسبع ما تبقى وهكذا الى ان أنتهت الخواتم فكم خاتم وكم بنت ؟
وقعدو الكل ساكتين ...
الام : وينكم يا الرياضيات ؟؟
آيا : انا عرفت كم خاتم
الام : يله كم ...
آيا : 36 خاتم .... واذا كان 6× 6 = 36 معناه ان البنات 6 بنات .... صح ؟؟
الام : برافو عليك يا آيا انتي الافضل ...
أكيرا : ايه والله شلون راحت عن بالي
أندو : الحين اكتشفت اني فاشل في الرياضيات ...
ماري : الى الان و انا ما عرفت الجواب .... الصراحة صعب
في مكان آخر :: مكتب ابو اكيرا ::
الابو يوقع على بعض الملفات ...
يدخل السكرتير : سيدي .. السيد ديجير يبي يقابلك ....
الابو : دخله ...
السكرتير : طيب ....
يطلع السكرتير ويدخل ابو اندو ....
ابو اندو : السلام عليكم ...
الابو يرفع راسه عليه : وعليكم السلام .... تفضل .....
ابو اندو : زاد الله فضلك ...
ويجلس ابو اندو على الكنب ويقوم ابو اكيرا ويجلس قدامه ....
ابو اندو : ما ادري يمكن مكان العمل مو كويس .. لكن ما فيه وقت كبير ... وو..
ابو اكيرا يقاطعه : قول .. ما يهمني المكان ....
ابو اندو : الموضوع يخص مارينو .....
ابو اكيرا شوي تنهد وتسند : مثل ما توقعت ....
ابو اندو بدهشه : توقعت ؟!
ابو اكيرا : اعرف وش ناوي تقول ...
ابو اندو : اعتقد انك تكرهني .... ومالي اي عذر ....
ابو اكيرا : الخطأ بدا مني انا .... ما توقعت ان اخوي كرهني بذيك الدرجه ..... يوم طلبت مني اني اسمي مارينو ماري ... ما حبيت اني اسميها بها الاسم عشان ما اعيد اوجاعك .. ولا توقعت اني بهالطريقه خليتك تكرهني .... اعرف احوال الحادث اللي حصل معي وماري بنتك .... انا اعرف اني غلطان ... وفي ذاك الوقت ما اهتميت الا لروحي .... لو مهتم اهتمام لو بسيط .. كان كانت ماري على قيد الحياة .... الخطأ كان مني .... ظلمت البنت ... وفي النهايه تكون بنتي هي الضحيه لاخطأي .... غلطت في الماضي ... وانت غلطت في صالح مارينو ....
ابو اندو : انا مستعد اترك العملـ...
ابو اكيرا يقطع كلامه : ماري ما تدري اني اعرف كل شيء .... الخطأ كان مننا انا وانت .... ما ابي ماري تحزن ... ما ابيها تحس انه بجيتها حصل شيء سيء ... مارينو .. نسيناها الحين بنتنا هي ماري .. انت كنت احسن مني واعتنيت بها واهتميت لها .. ما راح اقسي عليك .. يكفي اللي صار في الماضي ...... خل الايام تطويه ... ماري ما تعرف شيء وتوها في عمر 18 ... قدماها مستقبل ما ابيها تعيش مثل ما عاشت من قبل ... راح اعوضها عن كل شيء .....
نزل ابو اندو راسه وضاعت كل كلماته .....
وفي مكان آخر : عند طلعه الشباب مع امهم :
وصلو ودخلو للمكان ....
آيا : المكان من جد روعة ....
ماري : والله انك صادقة خيااال ....
اندو : اذا كان عندنا مكان زي هذا ليش ما قد رحنا له ؟؟
الام : آخر زيارة لهذا المكان في اول ايام زواجي ...
اكيرا : من جد ؟؟!!
الام : ايه كانت ايام حلوه ...
ماري : يا حركات يا عروس ....
الام : يالله يا بنات ساعدو الشباب في التنزيل الاغراض
اكيرا : لا .. لا ينزلون شيء.. احنا بننزل الاغراض انا و اندو .. بس انتو ادخلو جوا واستكشفو المكان ..اندو تعال وساعدني في تنزيل الاشياء .....
اندو : طيب ...
وينزلون الاغراض وبعد شوي رجعو البنات من التمشي ..
الام : يالله يا بنات خلونا نعد الغداء ..
اكيرا انا بروح اشب الفحم...
اندوا : وانا بجيب اللحم المتبل من الثلاجه ..
البنات : واحنا راح نسوي السلطة..
الام : وانا بساعدكم..
آيا : لا ياخالتي انتي ارتاحي احنا نكفي ..
الام: لا اجل بأشرف عليكم..
ماري: يعني لازم تسوين شيء..
الام : اكيد ما احب اجلس مسفطه يديني واتفرج عليكم..
آيا بابتسامة: الله يخليك ..
بدون يشوون الشباب ...
بعد نص ساعة:.
أكيرا جايب معاه الشوي : احلى شوي لاحلى ام ...
الام : ياحبيبي يا اكيرا يكفي اللي شويتوه تعال انت واندو كلو ...
آيا : مو لازم ياكلون خلينا نخلصه عنهم ...
أكيرا بقهر: يا الطماعه احنا نتعب ونشوي وانتي تاكلينه عننا ... اجل خلاص ولا لقمة ثانية ....
آيا : على كيفك انت ...
اكيرا : عطيني حصتك يكفي ما كلتي ...
آيا : لو تموت ...
ويشوفهم اندو ويضحك ...
ماري : هيه انتم خير ..
اكيرا : شوفيها هي الغلطانه
ماري : انت بزر ؟؟
اكيرا : نعم نعم كأنك صرتي في صفها
اندو : اكيرا خلاص زاعلهم زاعلهم وتعال ناكل انا وانت ونبعد عن شرهم
ماري : خير خير وش شايفنا اسووود ...
آيا : والله وانتي الصادقة
اكيرا : اندو شفت شلون رد المعروف احنا نزين لهم الشوي وهم ياكلون ويشبون فينا ...
آيا : ايه انتم ما خليتوه اكل هني خليتوه سم ...
أكيرا : وجع ان شاء الله ...
الام : اكيرا خلي آيا تاكل ...
آيا بدلع : شفتي شلون اكيرا يعاملني ...
أكيرا يشوف آيا ويقول في نفسه : الله يا انتي شريرة ....
آيا تبتسم وتاكل ...

ويمر الوقت ...
آيا : خالتي يله خلينا نروح وناخذ حمام .....
الام : يله اسبقوني انتي وماري ...
راحو الثنتين وغيرو ملابسهم ولبسو مايوهات السباحة
توجهو للمياه الحارة ..
دخلت آيا رجلها : ياااااي مره دافية .. ونزلت كلها وسط الموية..
آيا باستمتاع : ياي تجنن ....
ماري : انا خايفة ...
آيا : يله اخلصي والله الموية جنان ...
(( طبعا بين قسم النساء والرجال مثل الحاجز يعني يقدرون يسمعون بعض لو يتكلمون ))
اكيرا : يا خوافة طبي ...
ماري : وش دخلك فيني ؟؟
اندو : الموية حلوه مره طبي ..
آيا : شفتي شلون ...
ماري تدخل رجولها ...
ماري : ياااااااااااه حارة ما اقدر ....
وتجي الام ...
الام : يالله تذكريني بنفسي يوم ذيك المره ما قدرت ادخل جوا الموية وقعدت 7 ساعات ... لين دخلني ابوك غصب ..
أكيرا : يماه تبيني اجي وادخلها غصب ...
ماري : لا لا ولا تقّبل حتى ...
أكيرا : هاه يا آيا وش رايك ...؟؟
آيا : بعد لين عشرة واذا ما طبت فيها سامحه لك ...
ماري : على كيفكم انتم ؟؟
آيا : واحد .. اثنين .. ثلاثة
ماري : خلاص خلاص بطب برضاي افضل من الاجبار ...
وتدخل رجولها
ماري : آآآآه حار والله حار ....
آيا : اربعة .. خمسة ..
وتدخل ماري جوا الموية ....
آيا تصفق : مبرووووووووووووك ....
ماري تصارخ : حارة حاااااااااااارة ....
اندو : هذا لانك حاطة في بالك انها حارة .... استرخي وصدقيني بترتاحين ...
آيا ترش عليها الموية ...
ماري : لا لا تكفين
آيا تضحك وترش عليها ... وترد ماري عليها الرش ويقعدون يستمتعون ويضحكون بوقتهم ....
طلعو البنات بعدين ورجعو وجلسو مغطسين رجولهم في الموية..
الساعة الان 10 الليل ....
أكيرا : انا بنوم ....
اندو : تصبح على خير ....
وآيا وماري قاعدين ومدخلين رجولهم على الموية ...
ماري : انا حاسة اني دايخة بعد اليوم بروح انوم ...
آيا : الجو حلو تونا على النوم ..
ماري : اعذريني والله ميته من الارهاق ..
آيا : تصبحين على خير ...
وتدخل ماري وتروح تنوم وآيا جالسة على الموية ...
وشوي تسمع آيا صوت من قسم الرجال ...
آيا : اكيرا ؟؟
اندو : اكيرا نام ...
آيا : اندو انت تسبح ؟؟
اندو : لا بس اغطس رجولي في الموية ...
آيا : وانا حتى فاضية تعال خلنا نجلس ونشرب كابتشينو مع بعض ...
اندو : ليه وين ماري ؟؟
آيا : نامت هي وخالتي ....
اندو : طيب شوي وانا جاي ..
آيا : اجل بروح واسوي كوبين ...
وبعد شوي تجي آيا ومعها الكابتشينو ...
آيا : تفضل
وتمد له الكوب ..
اندو : مشكورة ..
وتجلس آيا جنبه ... وترفع راسها للسماء ...
آيا : غريبه السماء اليوم صافية عكس امس كانت كلها غيوم ...
اندو : ايه والنجوم مره واضحة ....
آيا : احب السماء الصافية ...
اندو : ليه ؟؟
آيا : لاني اقدر اشوف فيها النجوم ... وانا احب منظر النجوم في السماء ...
وتنزل راسها وتشوفه ...
آيا : اندو انت تحب المطر ولا الثلج ...؟؟
اندو : كلهم ..
آيا : طيب مين اكثر ؟؟
اندو : احب الثلج .....
آيا : فيه سبب ؟؟
اندو : ما ادري لكن احس بفرح وتبعد عني كل الهموم ...
آيا : يوه ودي اعرف ليش كلكم كذا ...
اندو : مين ؟؟
آيا : انت واكيرا .... نفس الجواب ونفس السبب ...
اندو : والله ؟؟
آيا : ايه .....
اندو : طيب انتي وش تحبين اكثر ؟؟
آيا : احب المطر ...
اندو : ليه ؟؟
آيا : يمكن لان ميلادي في موسم الامطار ...
اندو : ايه صح ذكرتيني ....
آيا : وشو ...
اندو : بروح شوي وارجع ...
آيا : خذ راحتك ..
وبعد شوي يجي اندو ومعه هدية ....
اندو : عيد ميلاد سعيد آيا ... آسف عشان الموضوع امس جاء مفاجيء ....
آيا : ليه تكلف نفسك .. والله ما يحتاج
اندو : ما يصلح اني ادري عن الشيء ولا اجيب لك هديه .....
ويعطيها الهديه ...
آيا تبتسم : اريجاتو ( شكرا )
تفتح آيا العلبة وتلقى فيها حلق ...
آيا : ياه يجنن .... مشكور يا اندو ....
اندو : ما سويت شيء كايد ..
وتطلعه آيا وتلبسة ...
آيا : وش رايك ؟؟
اندو : مره حلو عليك ...
آيا تنسدح : ياه الجو من جد روعة .... ومع هالنجوم اروع ..
وتلتفت عليه ...
آيا : اندو انسدح وجرب السدحة ...
وينسدح اندو ...
آيا : اذا شفت النجوم وش تذكرك به ؟؟
اندو : ما تذكرني بشيء ...
آيا : دائما افكر اذا انسدحت ... كم شخص الحين منسدح مثلي ويشوف النجوم ... عدد النجوم اللي في السماء ولا اكثر ولا اقل .... قعدت ذاك اليوم اعد النجوم لكن بعد فتره اكتشفت اني نمت قبل ما اخلص من عدها ...
اندو : خلينا الحين نعدها سوا ....
آيا : اخاف انوم هنا ...
اندو : لا تورطيني بك ....
آيا : تراني خفيفة لا تخاف ..
اندو : هههههه امزح
آيا : ههههه
ويسكت اندو ويبتسم بسمة خفيفة ..

اندو : آيا اظن ان ما عندك هموم .... عشان كذا انتي سعيده ...
آيا : هموم ؟؟
اندو : ايه هموم ...
آيا : الا قول ما اظن ان فيه شخص بدون هموم ... من قال ان ما عندي هموم
اندو : وش همومك ؟؟
آيا : احب احتفظ بهمومي داخلي ... بس اللي اقدر اقوله ان همي واحد لكن كبييير .... وانا اعيشة يوم ورا يوم وما يفارقني ولا لحظة ....
اندو : ايهم افضل هم واحد وكبير ولا هموم متعددة ؟؟
آيا : انا جربت كل الاثنين .... وشفت ان الهموم المتعددة البسيطة ازين من هم واحد وكبييير ...
اندو : انا عكس وجهة نظرك ..... انا عندي هم واحد يمكن اتخلص منه في يوم لكن الهموم الكثيرة كل ما خلصت منهم يبقى الكثير ...
آيا : اجل واضح ان عندك هموم متعددة ....
اندو : ما ادري هي هموم ولا غيرة ...
آيا : اذا كنت تبي قول اللي تقدر عليه لي .... يمكن اقدر اساعدك لو بمواساة ...
اندو : انا ما احب احد يواسيني لانه يعطيني ضيقة صدر اكثر .... واحس انه بس يشفق علي من دون ما يحس فيني ...
آيا : طيب انت ما قد قلت لاحد همومك ؟؟
اندو : ما لقيت الشخص اللي احس اني مرتاح اقوله كل شيء ...
آيا : ما عندك اصدقاء ...؟؟
اندو : زملاء بس ...
آيا : انا اشوف علاقتك مع اكيرا زينه
اندو : اكيرا في ذاك الوقت كانت عنده نفس همومي ولا حبيت ازود عليه لان اللي فيه كافيه ...
آيا : عطني شيء ..
اندو :ما ادري الحين احس اني ودي صدق احكي ...
آيا : راح اكون مستمعه ....
اندو يبتسم لها ويناظر قدامه : انا اعيش ضيقة في صدري .... ابوي ما يهتم الا في عمله وامي ما اشوفها الا في المناسبات ... ابوي محملني اكثر من اللي اقدر عليه .. وكل شيء غصب ولا اقدر اعارض على أي شيء ... قبل 3 سنوات سافرت لايطاليا وبعدت عن اهلي وكل اللي اعرفهم لاني ابي ارتاح ... ودي ابوي يفهمني ودي امي تسمعني .... انا تعبان في داخلي ... ودي يجي يوم وارتاح من كل شيء .. اكيرا احس انه سعيد انه لقى بنت مثلك تخفف عنه همومه ... واضح على وجه اكيرا السعادة وزوال الهموم ....
آيا : اندو انت لك رفيقة ؟؟
اندو : لا
آيا : وليه وش تستنى؟؟
اندو : الطريق قدامي طويل وش معجـّلني ؟؟
آيا : انا ما اقصد كذا ....... انا اقصد اذا كان فيه شخص معك دائما يعاونك ويشاركك همومك ويساعدك ... بتروح عنك كل همومك وما راح تحس بضيقة او فراغ ... وابوك اكيد ما راح يضغط عليك مره مثل الحين .. وبعدين يكون لك هدف في عملك وتتحمس للافضل ...
اندو : الصراحة ودي بعد كلامك ... لكن
آيا : لكن ايش ؟؟
اندو : آسف اني اقولك هذا الكلام وانتي من طبقة عالية ... لكن انا فيني من طبع اكيرا ما احب بنات الطبقات العالية ... يمكن تقولين انك منهم لكن يمكن تكونين 1 بالمليون منهم ... واكيرا ما شاء الله عليه نظرة ثاقبة وقوية انه عرف يختارك بس بالنظر ..
آيا في نفسها : ياه يا اندو من جد تشبه اكيرا وفي كل شيء بعد ..
اندو : آسف اذا كان هذا الكلام يضايقك ...
آيا : طيب وش رايك في وحده تناسبك ؟؟
اندو : مين ؟؟
آيا : ماري ...
اندو : لا لا ماري مستحيل ..
آيا : وليه ؟؟
اندو : معليش بس لا توصّلين هذا لها ... انا ما اقدر اختارها ابدا ...
آيا في نفسها : يوه كنت ناسية قصة ابوه ... لازم اغير الموضوع ......
آيا : طيب حاول ... انت الحين بتبدا الترم الثاني من ثالث ثانوي حاول تتعرف على احد فيها ...
اندو : آيا انتي كنتي تحبين اكيرا قبل ما تكونين رفيقته ؟؟
آيا : ما راح اكذب عليك ولا على نفسي ... انا حبيت اكيرا بعد ما صرت رفيقة له ... لان اكيرا كان دائما معي ودائما يبي يسعدني ودائما يواسيني في ضيقتي حتى من قبل ما نصير ارفقاء ... عشان كذا حبيته ...
ويشوفها اندو ثم يبتسم ...
آيا : شوف شوف شهاب ...
اندو : فاتني ...
آيا : مسكين انه فاتك ...
اندو : اجل بنتظر واحد ثاني ...
آيا : هههههه .... اندو وش هوايتك ؟؟
اندو : الكتابة .....
آيا : كتابة ايش ؟
اندو : خواطر ونثر ....
آيا : الله ... ياي حلو .... عطني شيء من اللي كتبته
اندو : كثير ما اقدر اتذكر ...
آيا : معليش أي شيء .. خاطرة اوشعر ... تكفى
اندو : فيه وحده الحين انا حافظها لكن ما بعد كملتها ..
آيا : قول ..
اندو : "يا قلبي لا تشكي همومك على الناس ما كل شخص يعذرك في مصابك لا تسكب الدمعة على خدِ حساس لا تحرق اوراق الزهر في عتابك
ولا تضيق الصدر المولع بالانفاس ولا تقطع عروق بكت عند بابك .." بس لين هنا ما بعد كملتها ....
آيا : واو كلامها مؤثر مره ... بس توعدني لما تكملها تعطينياها لاني ابي اتأمل في كلماتها .....
اندو يبتسم : اوكي ..
ثم تقوم آيا وتمد يدينها ...
آيا : آآه احسني استرخيت كثير ورجولي تخدرت ...
وتلتف آيا عليه وتمد يدها .
آيا : عطني يدك وقوم ...
اندو يمد يده ويمسك يدها ويقوم ...
اندو : كله منك يا آيا .... النوم مودعني ...
آيا : انا الكابتشينو ما يأثر علي .... عشان كذا فيني النوم الحين ...
اندو : وبس ورطتيني فيه وبتروحين تنومين ..
آيا : ههه .. آسفه مادريت انك ماتنام منه خلاص بجلس لين يجيك النوم..
اندو: لا روحي امزح معاك..
آيا : لا انا اللي خليت النوم يطير منك وابجلس لين يرجع الطير واروح..
اندو: خخ حلوة الطير خلاص روحي نامي بس .. تصبحين على خير ....
ايا بابتسامة : تراك اذنت لي مو تقول ما صدقت على الله بس من جد مافيني حيل اوقف من النوم .. تصبح على خير..
وتروح آيا وتدخل ...
يقعد اندو ويغطس رجولة في الموية ..... ويقعد يفكر في كلام آيا ....
ينتهي اليوم على كذا ...
ومن بكره :.
اندو : اكيرا ركّبت كل شيء ؟؟
اكيرا : ايه خلاص ..
يفصخ جاكيته : اليوم حر ..
اندو : لا مو حر بس يمكن عشانك تشتغل احتريت ..
اكيرا : يمكن يالله انا بروح انادي امي والبنات واجي ...
اندو : يالله انا انتظركم في السيارة ..
ركب اندو السيارة .. ويلتفت ويشوف جاكيت آكيرا وفي الجيب الداخلي الصورة اللي آيا عطتها لاكيرا ...
اندو حس بالفضور وسحب الصورة : واو صايرة جميلة في هالصورة ....او لانك دائما جميلة ومجملة الصورة ...
ويطـّلع جواله ويلتقط صورة لصورة آيا اللي معه .. ثم يرجعها لمكانها ..
يجون الباقي و يرجعون للمدينة وتنتهي رحلتهم بالتوفيق ..


وننتظر احداث جديدة في الجزء القادم ... ^_^

تغير احساسي يا آيا الان ... (( الفصل التاسع – الجزء 3 ))

وتمر الايام حتى بقي يوم على نهاية ايام اجازة الشتاء ..
اليوم هو يوم الكريسماس .. [ في اليابان الكريسماس ليس وقت لتجمع العائلة و الأسرة ( مثل أمريكا ) الا في بعض الحالات بل هو وقت للعشاق تماما مثل يوم Valentine عيد الحب , المهم هو مناسبة للعشاق لتبادل الهدايا و التعبير عن حبهم لبعضهم , هذا اليوم أيضا يبوح كل صبي او فتاة بحبه للآخر ان كانوا لم يفعلوا حتى الآن و بذلك دعوة الشاب للفتاة بقضاء يوم الكريسماس معه له معنى كبير ]
آيا قاعده قدام المراية وتكلم نفسها : وش اسوي اليوم لاكيرا ؟؟ اعطيه ورده حمرا ... لا لا ... اعطيه شوكولاه على شكل قلب ..
راحت جلست على سريرها و تنهدت : آه وش اعطيه ؟؟ انا محتارة .....
شافت جوالها على الكمدينة : شكلي بأكلم راي هي متخصصة في هذي الاشياء ....
آيا مسكت الجوال ودقت على راي : الو
راي : هلا بالقاطعة ...
آيا تتربع : حرام عليك ... والله مو قاطعه
راي : طيب نحاول نسلكها عليك .... وش بتسوين اليوم لاكيرا ؟؟ مره متحمسه لك
آيا : ههههه يا حبيلك ... والله عشان كذا انا داقة عليك .... راي انتي وش تعطين لتوما ... علميني وش كانت هداياك السنوات الماضية ....
راي : امممم ... مره سويت له كيكة كبيرة على شكل قلب ومكتوب عليها محبوبي توما ....
آيا : الله رومانسية مره ... والثانية ؟؟
راي : كانت الهدية من توما لي ...
آيا : وش عطاك ؟؟
راي : قدم لي باقة ورد فيها ساعة ... وتعشينا سوا ....
آيا : حركات يا توما والله عنده رومانسيات ..
راي : والسنة هذي ما زلت افكر وش اسوي له ...
آيا : وش اعطي لاكيرا ؟
راي : هو ازين شيء يكون شغل من صنع يدك ... تكون اغلى بالنسبة له ...
آيا : مثل ؟؟
راي : أي شيء انتي تتقنينة ...
آيا : انا اعرف انسج واخيط هذا اكثر شيء اعرفه ....
راي : مثلا بلوزة او منديل وغيرها كثير .....
آيا : آآه ..... مشكورة راي ...
راي : عاد لما تخلصين لازم تعلميني وش سويتي ...
آيا : اكيد .. يا ملكة الرومانسية ..
راي : يله الحين الساعة 3 الظهر والكريسماس يبدا بعد غروب الشمس ... ابذلي جهدك ....
آيا : مشكورة .... يا روحي ..
راي : مع السلامة
آيا : مع السلامة .......
وتسكر آيا السماعة ...
آيا : شيء اسويه بيديني ... يوه يا ليتني سائلتها من زمان الوقت ما يكفي اسوي له بلوزة ....
ثم توقف وتلتفت على دالوبها : او جتني فكره ..
في بيت اكيرا وبالتحديد في غرفته :.
ماري جالسه على السرير: أكيرا ... وش بتسوي لآيا اليوم ؟؟
أكيرا جالس على مكتبه يتصفح الانترنت: ما ادري لان ما عندي أي فكره عن الكريسماس واللي يحصل فيه .....
ماري طلعت عيونها : معقوله ؟؟ و انا كنت اتوقع انك تتصفح النت تبغى تطلع افكار تسويها لآيا بهالمناسبه بس ما اقول إلا مالت عليك مسكينه آيا عندها واحد ما عنده اية رومانسية .....
أكيرا سكر الجهاز و التفت عليها : و الله ماجاني تفكيرك هذا وش اسوي علميني ؟؟
ماري بتفكير: اهدي لها هدية ......
أكيرا : اكسسوارات ؟
ماري : لا لا ... الصراحه مافي بالي شيء..... يمكن مثل كيكة شوكولاته او...
أكيرا يقاطعها : هو لازم هدية ؟؟
ماري بتعصيبه: اجل وشو ؟
اكيرا بملل : يوووه طيب خلاص قولي وش آخذ وفكينا ...
ماري بتفكير : وش تحب آيا ؟؟
اكيرا : تحب المطر .........
ماري لاشعوريا رمت عليه المخده : تتريق انت ؟؟
اكيرا يصد المخده : ماري وش فيك عصبتي ....
ماري : ياخي ترفع الضغط اجل بالله عليك هذا جواب احر ما عندي ابرد ما عندك ..
اكيرا ببرود : و الله اني صادق آيا تحب المطر ..
ماري يأست منه : انت شخص ميؤس منه اسمع اعزمها على سينما اتذكر ان آيا تحب السينما ...
اكيرا باستفهام: سينما ؟؟
ماري تهز راسها : ايه .... ابيك تروح اليوم لافخم سينما بكل المدينة ...
اكيرا باقتناع : طيب .. فكره لا بأس بها ....
ماري وقفت و توجهت له مسكته مع يده : زين يالله قم روح الحين واحجز .. ان شاء الله تلقى تذاكر بعد .. الناس زحمة على السينما ...
أكيرا يوقف: طيب يا اختي العزيزة وين بتروحين في هذا اليوم السعيد ؟؟
ماري توجه للباب : بروح لامي الله يخليها لي باشيل كل اغراضي وانقلها هناك ... انت عارف ان بعد بكره يبدا الترم الثاني من الدراسة مافيه وقت ....
أكيرا : يالله مسرع و خلصت الاجازة .....
ماري : اي و الله معاك حق .. يالله انا رايحه لغرفتي اشيل اغراضي ...
طلعت ماري .. اكيرا اخذ جواله و مفاتيح سيارته و طلع اكيرا برا البيت .... رفع راسه للسماء ...
أكيرا : الكريسماس .... دائما نشوف في الافلام انها تثلج في هذا اليوم .. بس اظن ان الواقع مختلف لان السماء صافية ...
ويروح اكيرا ويحجز لشخصين وياخذ التذاكر ..
يطلع ويدق على آيا ....
أكيرا : آيا ..
آيا : هلا .....
أكيرا : انتظرك اليوم عند سينما Bon-Bon ... لا تنسين الموعد الساعة 7 .....
آيا تبتسم : اوكي .. راح اكون على الموعد ...
اكيرا : انتظرك ...
ويسكر اكيرا السماعة ....

آيا : سينما ؟؟ اكيرا اختار السينما في هذا اليوم ... ولا بعد Bon-Bon .. افضل سينما في اليابان كلها .... ياااااااه وناسة .. يوه الساعة 7 الوقت مره مبكر يا ليتها الساعة 9 او 10 .... لازم اخلص من اللي في يدي بسرعة ...
وتقوم آيا وتطل من الدريشة وهي تشوف السماء ...
آيا : السماء صافية ..... ياه يا ليت اليوم كان مهرجان الالعاب النارية لانها بتصير احلى في هالسماء .....
فجأه تذكرت آيا حاجه : الا صح ما سألت يونا وش بتسوي في اول كريسماس مع سوما ...
وتروح آيا وتمسك الجوال ...
آيا : اخاف انها مشغوله .... وشوله ازعجها بخلي المكالمة بكره ....
في مكان آخر ::
ماري تروح لبيت اهلها وتشوف اندو عند الباب ....
ماري : اندو ؟؟ هلا
اندو : هلا ماري ... كيف حالك ؟؟
ماري : تمام ... وش عندك ؟
اندو : ابوي يبيني اوصل هالاوراق لعمي في العمل لكن فضلت اني اشوفه في البيت عشان تصير زيارة ...
ماري : اجل من حظك انا اليوم ناقله لاهلي ..
اندو : مبروك النقل اجل ...
ماري : الله يبارك فيك .... على طاري التهنئة ما عندك اليوم شيء تسويه في الكريسماس ... ؟
أندو : لا .. وانتي ؟؟
ماري : ولا شيء .... فاضية على الاخر ..... توقعت ان عندك موعد مع حبيبتك ....
اندو بضحكه : ما عندي .. اقول خلينا ندخل عن هالبرد ....
ويدخلون للبيت ....
يمر الوقت ...الساعة 7 :.
اكيرا واقف قدام بوابة السينما ....
أكيرا : وينها هذي ..
ويشوف ساعته ....
في بيت آيا ::
آيا : آآآه اخيرا خلصت ......
وتشوف ساعة الحائط .....
آيا بروعه : أكيرا ...... واااااااااااااااااه تأخرت متى بأوصل للسينما .....
وتقوم آيا بسرعة وتبدل ملابسها ... وتركض في الشارع ...
آيا : يا الله في يوم الكريسماس ما يصير فيه تكاسي .... آآآآآآه .. بأدق عليه واقوله ..
وتفتح آيا الشنطة ..
آيا : يوووووووووه نسيت الجوال ...
أكيرا يدق على جوال آيا ... يرن الجوال على سريرها ........
اكيرا : غريبة ليش ما ترد ..!
في بيت اهل اكيرا :.
الابو : اندو ليش ما تاخذ ماري وتروحون تتمشون مثل الناس ..
الام : روحو وسعو صدوركم و تمشو ...
ماري : و الله فكره.. اش رايك يا اندو ؟؟
اندو : بما ان هذا طلب عمي و خالتي انا ماعندي مانع.......
طلعوا ماري واندو برا البيت .. فجأه رن جوال ماري ...
ماري : هذا اكيرا ؟
اندو : ردي ...
ماري : الوه
اكيرا : الوه ... ماري ما دقت عليك آيا ؟؟
ماري : لا ... اكيرا الساعة الحين 7 وربع ما بقى شيء على تسكير باب السينما ...
أكيرا : لكن آيا ما بعد جت ولا حتى ترد على تلفونها ....
ماري : طيب انا بحاول ادق عليها واكلمك ..
اكيرا : استعجلي ...
ماري : يله باي ......
وتسكر السماعة ....
اندو : وش السالفة ؟
ماري : اكيرا عازم آيا على السينما بمناسبة اليوم ... لكن يقول انها ما بعد جت والسينما تغلق ابوابها الساعة 8 تمام ...
ويركبون السيارة .. وتدق ماري على آيا ... والجوال على السرير ...
ماري : غريبة لا يوجد رد .....
اندو : خلينا نروح لاكيرا ونشوف وش بنسوي ..
ماري : طيب يله على سينما Bon-Bon ..
وآيا قاعده تركض تتعثرت وتطيح على الارض .. تجلس على الارض وتشوف في ركبتها جرح ..
آيا تتألم: آآه وش هالحرارة في هالجرح .... هذا وقتك ؟؟
وتتلفت وتشوف كبينه وتروح له وتمسك السماعة وتدق على اكيرا ..
وفي نفس الوقت توصل ماري لاكيرا ...
ماري : هاه ما دقت عليك ؟؟
أكيرا : لا .. ليه قالت لك انها بتدق ؟؟
ماري : لا طلع لي لا يوجد رد ...
ويدق جوال اكيرا ..
اكيرا : يمكن تكون آيا ..
ويرفع السماعة : الوه
آيا خانقتها العبرة : آسفة اكيرا ... بس جوالي في البيت ولا قدرت اتصل عليك ..
أكيرا : آيا انتي وينك ؟؟
آيا : آسفة اكيرا انا بعيده عن السينما والوقت تأخر ...
أكيرا : طيب وينك الحين ؟؟
وتقول آيا له مكانها ...

يسكر أكيرا السماعة ...... ويلتفت على ماري واندو ..
أكيرا : خذو هذي تذكرتين لدخول السينما .... التذاكر غالية عشان كذا لا تفوتون الفلم .. يله ادخلو
ماري : أكيرا .... طيب انت وآيـ..
ويروح اكيرا يركض ..
ماري : وش فيه ... ووش في آيا ؟؟
اندو : ما صار شيء بس شكل آيا ما تقدر تلحق على السينما ..... يالله خلينا ندخل للسينما .. افضل من انهم يسكرون البوابة ...
ماري : طيب ..
ويدخلون للسينما ......
آيا جالسة على كرسي وتصيح ...
آيا : ليش كذا .... ليش يوم دعاني اكيرا ما قدرت احضر معه في يوم الكريسماس ... انا غبية ... انا ما استاهل اكيرا .... تجاهلت الوقت و نسيت الجوال وخليته يقلق علي .. والحين ما اقدر امشي بسبب هالجرح .... ليه كل هذا حصل لي في وقت واحد ...
ويجي اكيرا ويوقف قدامها وهي منزلة راسها ...
أكيرا وهو راكع يتنفس بقوه من الركض : ليه انتي هنا ؟؟
ترفع راسها و دموعها تنزل: ما قدرت اوصل في الوقت المحدد .. بسبب هالجرح..
اكيرا شاف ركبتها ينزل راسه ويشوف الجرح ...
أكيرا : وش في رجلك ؟
آيا : كنت اركض عشان الحق على السينما لكن تعثرت وطحت ولا قدرت اكمل طريقي ....
اكيرا يمسح دموعها : عادي يا قلبي ماصار الا الخير ..
آيا تناظره : بس ..
اكيرا يحط يده على فمها : و لا كلمه انتظري هنا بروح اجيب لك مطهرات ولزاقات للجروح ...
آيا تهز راسها : طيب ..
اكيرا قام وراح لأقرب صيدلية..
في السينما :.
أندو في نفسه : وش فيك يا آيا ؟؟ تعبيرات وجه اكيرا ما تطمني عليك ..
ماري : أندو ؟ اندو هييه
اندو انتبه : نعم نعم ..
ماري : وين سارح ؟؟
اندو : لا لا معك ...
ماري : اجل وش قلت لك قبل شوي ؟؟
اندو : نسيت
ماري : اللي يشوفك عاشق وتفكر في معشوقك ...
اندو : معشوقي ؟؟
ماري : ايه .. محد يسرح كذا الا يفكر في حبيبه ....
وتلتفت ماري للسينما ...
ماري : البطلة ظريفة صح ؟؟
أندو في نفسه : صح .....
ويسكتون ......
عند آيا واكيرا :.
يرجع اكيرا ويلزق لها ركبتها ...
ثم قعد جنبها ..
أكيرا ماسكها مع يدها : ترا كذا احراج .... لا تبكين في مثل هذا اليوم قدام الناس وعندي ....
آيا تمسح دموعها : انا متضايقه خربت عليك الموعد ... وراحت تذاكر السينما على الفاضي .. وخليت لك يوم الكريسماس اشين يوم ..
أكيرا مسكها مع اكتافها و خلها مقابله لوجهه: آيا انتهى اليوم ؟؟
آيا تهز راسها : لا
أكيرا بابتسامة : معناه ان يوم الكريسماس بالنسبة لي توه يبدا .. الحين الساعة 8 صح ؟؟
آيا : ايه
اكيرا : طيب قدامنا كم ساعة نقدر نقضي احلى اوقاتنا فيها...
آيا : وين ؟
اكيرا : اصلا ما كان السينما هي اختياري ... كان اختيار ماري والحين ماري هي اللي حاضرة الفلم .... لا يهمك ...الصراحة حبيت في هذا اليوم اوريك مكان كنت اجلس فيه كل عام ....
آيا : مكان ؟ تجلس فيه كل عام ؟
أكيرا يرفع عينه للسماء و بابتسامه : ايه دائما اجلس فيه في يوم الكريسماس ... لانه يطل على المدينة وتصير اضاءة المدينه كلها حمرا .... فيصير المنظر روعة ..
ويقوم اكيرا ويوقف قدام آيا ...
اكيرا : واخيرا آيا بتعرف مكاني السري ...
آيا تبتسم : يا سلام ....

ويروحون لمطل الالعاب النارية <<< مكان يكون بعيد عن المدينه وهو عبارة عن مطل مرتفع على طرف حديقة في تل ...
آيا تنزل من السياره و تروح تطل : واااو منظر المدينة من هنا يجنن ... صادق المدينه كلها حمرا ...
التفتت عليه : لكن شلون خطر في بالك مطل الالعاب الناريه ؟
أكيرا و هو متجه لها : الناس ما تجي هالمكان الا في مهرجان الالعاب النارية لكن باقي ايام السنة يكون مهجور على الاخر ....
آيا ترجع تناظر المدينه : من متى وانت تجي هنا ؟؟
اكيرا يوقف جنبها : من زماااااان وكان يجي معي شخص ... وكنا نجي هالمكان ونطّلع كل اللي فينا من هموم ... لكن في السنوات الخمس الماضية ما كان معي....لكن على كذا كنت اجي للمكان واطلع كل اللي فيني من هموم ....
آيا : والحين ؟؟
أكيرا : ما ادري عنه اذا كان ما زال يجي هالمكان ...
آيا : شلون تطـّلعون همومكم ؟؟
أكيرا : كنت اصرخ باعلى صوت لي واقول اللي فيني من الهموم ...
آيا تلتفت عليه : اجل انت تكره هالمكان .. لانه يذكرك بالهموم السابقة ؟؟
أكيرا يتسند على حاجز المطل معطي المدينه ظهره : بالعكس ... لاني كل ما طلّعت اللي عندي هنا تنحل مشكلتي ويزول عني همي ... عشان كذا افرح بهذا المكان ...
آيا تطل على المدينة و تستنشق الهوا ...
آيا : واو النسيم من هنا صافي وبارد ...
ويسوي اكيرا نفس حركتها ...
أكيرا : في العام الماضي كان هذا المكان ابيض من الثلوج ... لكن هذي السنة السماء صافية ... معقولة ينزل الثلج في هذا الجو الصافي ..
آيا ترفع راسها للسماء ...
آيا : وليه لا .... الصيف يدخل فجأة والشتاء بالمثل .... فليش مستحيل انها تثلج في مثل هذا الجو ..
اكيرا : هذي احوال جوية مو لعبة ....
آيا : اكيرا انا هالمره ابيها تثلج مع اني احب المطر .... تعرف ليه ؟؟
أكيرا : ليه ؟؟
آيا وتلتفت على اكيرا وتبتسم : عشان اعرف وش الاحساس اللي يحس به اكيرا ....
أكيرا ابتسم لها : موسم الثلوج بينتهي بعد نصف شهر ..... يمكن يتوقف من الحين .... يعني ما تقدرين تشوفين احساسي اذا ما جاء ثلج ...
آيا : في هذي الحالة .... بأنتظر موسم الثلوج في السنة الجاية ... وراح اعرف احساس اكيرا ...
أكيرا في نفسه : السنة الجاية ؟؟ وليه لا
أكيرا راح يجلس على الكرسي : لكن انا اتمنى تشوفين احساسي هذي السنة ....
آيا تلتفت من على المطل : يقولون في الافلام .... عند التقاء العشاق في يوم الكريسماس تتساقط الثلوج لتملأ لهم جو الرومانسية .... انا ودي احس بهذا الجو ...
اكيرا ينزل راسه للارض ....
أكيرا : هذي في الافلام و الواقع صار العكس .....
وفي نفس الوقت في السينما :.
اندو : ماري بأرجع آخذك بعد ما ينتهي الفلم ....
ماري بضيق : ليه منت مكمل الفلم معي ..
اندو يشوف الساعه : عندي مكان لازم اروح له..
ماري : ضروري
اندو : ايه .. يالله انا استأذن .. بس لاترجعين مع تكسي انا اللي برجعك ..
ماري ماعجبها العجب : طيب ..
ويطلع اندو من السينما ...
عند أكيرا وآيا :.
آيا ترفع راسها للسماء ....
آيا : قلت لك ما فيه شيء اسمه مستحيل ...
اكيرا يلتفت عليها : وشو ؟؟
آيا وهي متوجه له : كنت اعتقد انها النجوم لكن الحين عرفت انها الثلوج ...
ويتساقط عليهم الثلج ....
اكيرا يرفع راسه : يعني السماء ما كانت صافيه وصارت الثلوج كانها نجوم ...
آيا ترفع يدينها : ياااه يجنن كأنه قطن ......
آيا وقفت عند راس اكيرا : وش احساسك ؟؟
أكيرا يبتسم : احساسي ما يوصف .... تعرفين ليه ؟؟
آيا بابتسامه : ليه ؟؟
أكيرا يوقف و يبتسم في وجهها : لانك انتي احساسي ..
آيا تضحك باحراج : ههه وش هالكلام ...
أكيرا : الحين يوم قلت لك احساسي .. قلتي وش هالكلام .... لو اني داري كان ما قلت لك ....
آيا : مو قصدي كذا .....

واندو يركض في الطريق ...
اندو : يوه تثلج ...
ويبتسم : وينك يا آيا تشوفين احساسي بالثلج ...
عند اكيرا وآيا :.
وتشوف آيا الكيسة اللي معها في السيارة...
آيا : ايه تذكرت ..
اكيرا: وشو ؟؟
بروح للسيارة شوي عطني المفتاح ..
اكير : وش عندك ؟ ..
آيا : ياخي عطني المفتاح وبس ..
اكيرا : روحي ما قفلتها تلاقينها مفتوحه ..
تروح آيا بسرعه للسيارة اخذت الكيس و رجعت مسرعه ..
اكيرا يشوفها تلهث ..
قربت منه و باسته على خده بعدها اعطته الكيس : ميري كريسماس يا اكيرا ..
اكيرا يحط يده على خده مو مصدق اللي سوته و ناظر الكيسه بتعجب : وش هذا ؟؟
آيا تضحك على شكله : ههه افتحها ..
ويفتح اكيرا الكيسة ويلقى فيها شال بتدرج الوان التركوازي من الصوف ...
أكيرا طلعت عيونه : الله وش هالحركات ؟
آيا : هذا الشال سويته بيديني وهو السبب في تأخري على موعدي معك .. معليش يمكن ما يكون بذاك الجمال لكن لانه شغل مستعجل ....
أكيرا : بالعكس روعة مره ...
مسك يدين آيا : والاروع انه من هاليدين ..
بعدها باس كل يدينها الثنتين : مشكوره يا حبي تعبتك ..
آيا تنزل راسها وتبتسم باحراج ...
أكيرا : اجل انتي فنانة في النسيج ؟؟
آيا : هذا اللي اتقنه ... اتمنى انه اعجبك ...
اكيرا : كثير ...
آيا تخم أكيرا ... واكيرا متفاجئ ...
آيا : ابي اكون معك للابد ....
أكيرا يبتسم ويحط يدينه عليها ...
اكيرا : هذا وعد ...
ومن ورا الشجرة اللي عندهم ...
أندو ينزل راسه ..
اندو في نفسه : ما زلت تجي المكان يا اكيرا ... بالرغم انه مكان سري بيني وبينك ... جيت له زي ما تعودت ....
ويمشي شوي ويلتفت ...
اندو في نفسه : تغير احساسي يا آيا الحين .....
ويروح بصمت .... يرجع اندو لماري وهو منزل راسه ...
ماري : وش فيك ؟ وين رحت ؟؟ لنا ساعة واحنا خالصين من السينما .. الصراحة جاني احراج اني واقفة انتظرك كذا ..
يرفع اندو راسه : آسف يله خلينا نروح ..
ويركبون السيارة ..
ماري : اندو ؟
اندو : نعم
ماري : وين رحت ؟؟
اندو : مكان خاص ...
ماري : حركات يا مكان خاص ....
ولا يرد اندو عليها ...
وتسكت ماري وتشوف للطريق ...
ماري في نفسها : وش فيه متغلق ؟؟
اندو في نفسه : انا ليه مهتم فيها لهالدرجة ؟؟ وش فيني بالضبظ ؟؟
ويكملون طريقهم ويرجع كل واحد لبيته ...
وينتهي يوم الكريسماس على كذا ....

ولننتظر احداث جديدة في جزء القادم .... ^^


نلقاكم الجزء القادم ان شاء الله ,,,,

جانئ ~

هذه العلاقة هي التي تجمعنا .. (( الفصل التاسع – الجزء 4 ))

الساعة 10 الصباح :.
آيا قدام المراية ...
آيا : يووووه يا سرع ما خلصت الاجازة من جد ... بكره بتبدأ الدراسة يارب على الكآبة ...
وتروح وتجلس على السرير : وش اسوي اليوم ؟؟ اشتري لوازم المدرسة ؟؟ لالا بعد اسبوع احسن ..... يووه قايمة من الصبح عشان اعود نفسي واشوف نفسي فاضية بزيادة ..
وتقوم وتحول تحت وتروح للمطبخ وتفتح الثلاجة ....
آيا : يوووه حتى امي وابوي يشتغلون وانا فاضية وجولي امس سهرانه مره والحين نايمة .... آآآآه ملل
وتاخذ لها جبن وتجلس على الطاولة وتدهن التوست .....
شوي ويدق جوالها ....
آيا : ياااااااه اخيرا فيه احد قايم في نفس وقتي ..
وتقوم وتمسك الجوال ... الا هي يونا
آيا ترد وبنشاط : صبااااااااح الخيييييير .....
يونا بصوت هادي : صباح النور آيا ...
آيا : وش فيك توك قايمة من النوم ؟؟
يونا : آيا انا ما نمت من امس اصلا .....
آيا : وش فيك ؟؟
يونا : آيا انتي فاضية الحين ؟؟
آيا : ايه مره ...
يونا : ابي اقابلك ...
آيا : اوكي
وتقول لها يونا المكان اللي يلتقون فيه وهو الحديقة .....
في الحديقة :.
آيا : عسى ما تأخرت عليك ؟؟
يونا بوجه حزين : لا لا ابدا ...
وتجلس آيا جنبها ..
آيا : يونا وجهك ما يعجبني وش فيك ؟؟
يونا بدت تصيح ثم حطة راسها على آيا وصاحت وهي تقول : آيا .. آيا ما لقيت غيرك اشتكي له اللي فيني ...
آيا : قولي وبصير مستمعه لك ......
يونا : ما كان ودي اضيق لك خلقك ...... لكنـ..
آيا ترفعها : قولي لي وش فيك؟!
يونا تمسح دموعها : الصراحة انا هذا الترم ما راح ادرسه معكم .....
آيا بتعجب : ليه ؟؟!
يونا : قبل اسبوعين قالو لي امي وابوي اني بروح اعيش عند جدتي اللي ساكنه في اوساكا ...
آيا : في اوساكا ؟؟ طيب ليه ؟؟
يونا : من قبل كان عمي عندها لكن عمي جته بعثة لامريكا وبيروح بعد يومين من الحين ..... وابوي ما يقدر يخلي عمله اللي هنا ويروح لها وانا الحفيده الوحيده عندها وانا الكبيرة يعني اخواني الصغار بيجلسون هنا ...
آيا : وبتقعدين عندها كم ؟؟
يونا : 3 سنوات لين يرجع عمي من بعثته ....
آيا : انتي تدرين من اسبوعين ولا علمتيني ؟؟
يونا : ما حبيت انكد عليك اجازتك وانك تشيلين همي معك .....
آيا : ووش ناوية تسوين الحين ؟؟ بتروحين ؟!
يونا : ما فيه خيار ثاني ... بس انا ما اقدر اطلع من هالمكان من بين اهلي واصحابي .. صعب مره علي .. وبعد امس في الكريسماس ما علمت سوما عن هالموضوع ولا اعرف شلون بأعلمه ... آيا وش اسوي انا لازم اروح لكن سوما .. سوما وش اسوي معه ؟؟ انا ما نمت من رجعت للبيت امس .... وقعدت افكر هل اروح بدون ما يعرف احد عن الموضوع .... بس خفت اخلف وعدي معك وتحسبيني تخليت عنك .... قلت اعلمك واخليك توصلين لسوما والباقي .... قلت اخاف ان سوما يكرهني .. ما عرفت وش اسوي ولقيت نفسي اصيح .... آيا انا تعبانه من هالهم ولا اعرف وش اسوي .... علميني ؟؟ ارشديني ؟ انصحيني ؟؟ انا محتاجتك ...
وتخمها آيا وتصيح يونا عليها ...
آيا في نفسها : الحين يوم احتاجتك صديقتك يا آيا ما عرفتي شلون تواسينها .... تخمينها وتخلينها تصيح عليك تعتقدين هذي مواساة ؟؟ بس انا ما زلت مصدومه من اللي اسمعه من يونا .. ليه الدنيا ما ترضي احد ؟؟ ليه ما تمشي الامور مثل ما نبي ؟؟ ليه دائم فيه مصاعب ؟؟ انا نفسي احتاج لهذي الاجوبة فشلون اجاوبك يا يونا ؟؟ وشلون اواسيك ؟؟ وينك يا آيا ياللي تعرفين تواسين الكل ؟؟ تغيرتي كثير يا آيا ..تغيرتي .....
وتقوم يونا منها ...
يونا : آيا آسفة ....
آيا : متى بتروحين ؟
يونا : بعد بكره ...
آيا : يونا انتي تحتاجين ترتاحين الحين ..... ارجعي للبيت ونومي وصديقتك آيا بتساعدك باللي تقدر عليه ..
يونا تبتسم ابتسامه صفراء : ما ادري لكن احس الحين براحة اني طلّعت اللي عندي لاحد ؟؟
آيا : لكن بأسألك قبل ما تروحين ...
يونا : قولي .. وش سؤالك ؟
آيا : اهلك يدرون ان سوما رفيقك ....
يونا : لا ... لان ما حصل لي الفرصة اني اقولهم او اعرفهم عليه .. هم دائما يشتغلون وما حبيت ازعجهم ..
آيا : آآآ ه فهمت ..
وتقوم يونا ......
يونا : شكرا آيا ...
آيا تبتسم في وجهها والدموع في عيونها : تشكريني على واجبي لصديقتي ..
يونا : اكيد ...
وتروح يونا وتقعد آيا .....
آيا : وبس يا آيا انتي ما سويتي شيء لها ؟؟ .... ما سويتي شيء لصديقتك اللي دائما توقف معك في طريقك ؟؟.... ليه يا يونا ؟؟ ليه بترحلين ؟؟ ليه الدنيا تبي تبعدني عن كل حبايبي ؟؟ من قبل ماري والحين يونا .. من في الطريق ؟؟!
وتوقف آيا ...
آيا : على الاقل لازم اسوي لها و لسوما شيء احسن من جلستي كذا ......
وتمشي شوي : خلاص انا عرفت شلون اتصرف ....
وتروح آيا للبيت وتلبس وتروح توقف قدام وزارة المياه ....
آيا : اضن ان يونا قد قالت لي ان امها تشتغل هنا .....
وتدخل وتروح وتسأل عنها وتوصل لسكرتيرتها ....
آيا : لو سمحتي ممكن اقابل " ماسو كارين " << اسم ام يونا ....
السكرتيرة : انتي حاجزة موعد ؟؟
آيا : لا لكن قولي لها يونا .....
السكرتيرة : اوكي .. لحظة
آيا : اوكي ..
وتقول لها السكرتيرة وتسمح لها بالدخول ..
السكرتيرة : تفضلي ..
آيا : شكرا ...
وتدخل آيا
الام منزلة راسها على المكتب : يونا وش عندك جايتني في العمل ؟؟
آيا : آسفة اني كذبت وقلت اني يونا ....
وترفع راسها : آيا ؟!
آيا : آسفة لكن حبيت اقابلك ضروري ..
الام : ليه ما قلتي آيا وراح ادخلك .........
آيا : معليش اعذريني ..
الام : ما عليه اجلسي .....
آيا : آسفة اني جيت وازعجتك في عملك .... لكن انا عندي كلمتين ودي اقولها ..
الام : قولي اللي عندك ؟؟
ومر الوقت على محادثتهم ...
آيا : شكرا لك لحسن استماعك وتضييفك لي ...
الام : وانا ارد لك الشكر على هذي الزيارة الهامة بالنسبة لي .... وان شاء الله راح اسوي اللي قلتي لي عليه ..
آيا : استأذنك ...
الام : تفضلي .....
وتروح آيا وتطلع برا الوزارة.....
تلتفت آيا على الوزارة : هذا اقل شيء اسويه لك يا يونا .... انا آسفة ...
الساعة الان 5 العصر :.
في الكافيه .. سوما يشوف ساعته ..
تجي الام : عسى ما تأخرت عليك ؟؟
سوما يوقف : لا لا ابدا ...
ويسلمون باليد على بعض ....
الام : آسفة اني ما علمتك من اكون في المكالمة ..... لكن انا والدة يونا
سوما باحراج : تشرفت .. وكنت من زمان ابي اقابلك ....
الام : آسفة لكن كنت منشغلة
سوما : لا عادي ......
الام : الصراحة الموضوع عن يونا ... وابي انك تسمعني بهدوء ...
سوما بهدوء : تفضلي ..
الام : جدت يونا ساكنه في اوساكا هي وولدها اللي هو عم يونا الوحيد قبل اسبوعين جت لعمها من الجامعه بعثه لامريكا بما انه راح يسافر لازم احد ينتقل و يعيش معها و يكون عندها عشان يرعاها لانها كبيرة في السن ..... زوجي ما يقدر ولا انا بسبب العمل هنا .. ومالها ابناء غير زوجي وعم يونا .. وما فيه حفيد لها غير يونا .. وهي الكبيرة بين اخوانها .. عشان كذا بتروح يونا تعيش عند جدتها وتكمل الثانوية هناك ..
سوما بصدمه: يعني يونا بتروح لأوساكا ؟؟
الام تهر راسها : ايه و بتجلس عند جدتها 3 سنوات لين يرجع عمها من امريكا ...
سوما نزل راسه من اللي سمعه : ليه يونا ما قالت لي شيء عن هالموضوع ؟؟
الام : احنا آسفين لكن ما قدامنا شيء نقدر نسويه .. لكن في النهاية هذي جدتها وواجب عليها مراعاتها .. و الصراحة احنا ما كنا نعرف ان يونا عندها رفيق ... وما دريت الا اليوم .. وعرفت ليه يونا ضايق خلقها من فتره .... لكن بأطلب منك الطلب الاول والاخير ...
سوما يرفع راسه : طلب ؟!
وبعد فتره ..
الساعة الان 7 :.
يرسل سوما ليونا رسالة .. ويلتقون
في الممشى :.
يونا : سوما وش بغيت مني ؟؟ تقول في الرسالة انك تبي تقابلني ضروري ..
سوما يبتسم : اشتقت لك ..
يونا تبتسم بحزن : آآه آسفة لاني ما اتصلت عليك اليوم ..
سوما : ما ودك نتمشى في آخر يوم في الاجازة الشتوية ......
يونا : اكيد ودي .. اذا كنت مع سوما ..

وهم يتمشون ويونا ساكته ....
سوما : يونا انتي مريضة ؟
تلتفت عليه يونا : لا لا ابدا ..
سوما : اجل ليه وجهك اصفر .. صايرة كنك مريضة ....
يونا : ما ادري ..
سوما : من قبل قلنا اننا بندخل للجامعة سوا صح ؟؟
يونا : ايه
سوما : وش ودك ندخل أي جامعة ؟؟
يونا : أي شيء ..
سوما : الصراحة ما ودي ادخل الجامعات اللي هنا .. لكن عشان يونا ادخل اللي تختارها ..
يونا : ليه وش ودك تدخل أي جامعة .. ؟؟
سوما : الصراحة ما اعرف .. لكن احس ان جامعة اوساكا احسن جامعة ...
وتلتفت يونا عليه بدهشة : اوساكا ؟
سوما : لان فيه واحد اعرفه تخرج منها ويمدحها لي .. و يقول بعد ان احلى ما فيها ان طلابها اقل من الجامعات اللي هنا .
يونا تنزل راسها : سوما .. انت ليه ذكرت طاري جامعة اوساكا الحين ؟؟
سوما : نسولف عن المستقبل والجامعات .. عادي .. ليه تبينا نصير ساكتين طول الوقت ؟؟
يونا : لا ما اقصد كذا ..
سوما : اجل ما تعجبك الجامعات اللي خارج العاصمة ؟؟
يونا : ولا اقصد كذا ..
سوما : يونا وش فيك ؟؟ اجل وش تقصدين ؟؟
يونا تلتفت عليه وتقول بنبرة هادية : فرضاً يا سوما قلت اني ابي ادخل جامعة اوساكا .. بتجي معي ؟؟
سوما : اجل تعجبك الجامعة ؟؟
يونا : قلت لك فراضاً ..
سوما : ايه اكيد ... وبعدين انا خلاص خلال هالسنة اقدر اعيش في المكان اللي ابي .. وقد قلت لك من قبل اني باعيش لحالي هالسنة .. سواء هنا او في مكان ثاني .. واكيد راح اكون مع يونا ..
يونا بنبرة حزن : آسفة سوما .. لكن فيه موضوع كان ودي اقوله لك .. لكنـ..
سوما : لكن ايش ؟؟
يونا : كنت خايفة من ردة فعلك ..
سوما : وش هالموضوع اللي انتي خايفة من ردة فعلي عليه ؟؟
يونا : قبل اسبوعين تقرر اني اروح اعيش عند جدتي في اوساكا .. لان عمي جته بعثة لامريكا ..
سوما : اوساكا ؟؟
يونا : ايه وراح اعيش هناك حوالي ثلاث سنوات .. وتقرر اني اروح بعد بكره ..
سوما : هذا الموضوع اللي كنتي خايفة من ردة فعلي عليه ؟؟
يونا : ايه .. كنت مترددة اني اعلمك .. وعلمت آيا من قبل .. قالت انها راح تتصرف مع الموضوع .. لكن الحين انا ارتحت لاني انا اللي علمتك مو احد غيري ....
سوما : بعد بكره .... مره قريب .
يونا : آسفة اني ما علمتك في وقت ابكر .... لكن تكفى اعذرني ..
سوما : آها .. كذا اجل ..
يونا : وش تقصد بـ آها كذا اجل ؟؟
سوما : لا لا ولا شيء ..
ويسكتون ويمشون وشوي ..
سوما : راح اجي معك .. راح ادرس الترم الثاني هناك وراح ندخل سوا جامعة اوساكا ....
يونا تشوفه بتعجب : وش هالقرار السريع ؟؟
سوما : انا كذا ...
سوما في نفسه : هذا طلب امك الاخير لي يا يونا وفكرت فيه مده طويله لين لقيت لنفسي القرار ..
تذكير ::
الام : احنا آسفين لكن ما قدامنا شيء نقدر نسويه .... لكن بأطلب منك الطلب الاول والاخير ...
سوما يرفع راسه : طلب ؟!
......
يمشي اليوم على كذا ...
وتوصل لآيا رسالة .. تفتح الرسالة ..
آيا : [ قدرت اقول لسوما الموضوع وتقبله مني بهدوء .. والحين انحلت مشكلتي .. ^_^ .. المرسل يونا ]
تسكر آيا الجوال ... وتنسدح على السرير ....
آيا : مشى كل شيء مثل ما بغيت ... اول شيء اني اقول لام يونا تقابل سوما وتكلمه بهدوء وتطلب منه انه ينتقل مع يونا اذا كان يقدر ويعطي الام خبر اذا كان رافض .. لكن اذا كان يقدر وقابل يونا ويقول لها عن جامعة اوساكا اللي قريت عنها في النت وشوي اعرف يونا ما راح تتحمل وبتقول له السالفة وكذا يتقبل سوما للموضوع بهدوء عشان تفرح .... هذي كانت خطتي .. وبكذا قدرت احل مشكلة صديقتي العزيزة ..يمكن لآخر مره اشوفها فيها واسمع لها ......
الساعة 10 :.
يتصل سوما على آيا ...
آيا : الوه ...
سوما : السلام عليكم ...
آيا : هلا سوما ....
سوما : شكرا آيا ......
آيا متعجبة : على ايش ؟؟
سوما : كانت واضحة .. ووضحت زياده يوم قالت لي يونا انها علمتك قبلي .... معناه انك انتي اللي طلبتي من ام يونا تقابلني صح ؟؟
آيا تضحك بخفيف : نبيه ... برافو انا اللي قلت بعد للام تقولك ذاك الكلام حرفياً ...
سوما : ليه ؟؟
آيا : لاسباب .. اولها ابي اساعد صديقتي العزيزة على قلبي ... ثاني شيء لاني ابي ان اللي يقولك الموضوع يونا نفسها .. لانها لو ما قالت لك يتوجب علي انا اللي اقولك ... وانا في نفسي حزينة ان يونا راح تبعد عني وعرفت شلون بيصير شعورك وانت رفيقها .... وفي نفس الوقت كنت خايفة ما تصدقني وتكره يونا ... هذي الاسباب اللي خلتني اسوي كذا .....
سوما : وانا اشكرك آيا ..
آيا : انا هذا كله سويته عشان يونا .... لاني ما اقدر اوفي حقها علي ابداً ....
سوما : لكن يونا الحين ما تعرف انك انتي اللي سويتي كذا ...
آيا : ما يهمني لاني كنت ابي انها تعتقد ان هذا القدر ... وان كل اللي يحصل لها معجزات ..... لاني انا نفسي احب يكون لي معجزة ..
سوما : طيب بأسألك ..
آيا : قول ؟؟
سوما : لو كنت رافض اني اروح لاوساكا وش كنتي بتسوين ....
آيا : في هذي الحالة كان عندي حل .. لكن الحين نسيته ...
سوما : شلون ؟!
آيا : يله انا ابي انوم لا تنسى بكره مدرسة .... تصبح على خير ...
سوما : ههه يله اجل تصبحين على خير ....
وتسكر آيا السماعة ..... وتروح تنوم .....
وفي اليوم التالي :.
راي : شلوووووووون .... جاية تسحبين ملفك ؟؟
يونا : ايه لاني بروح اعيش عند جدتي وبكره رحلتي ....
توما : وانت بعد ؟؟
سوما : ايه ..
راي : ومن متى ما شاء الله قررتو هالقرارات الجنونية ؟؟
سوما : وليه جنونية ؟؟ احنا قررنا هذا امس ...
توما : ما شاء الله يعني الموضوع طازج ....
سوما : هههه ايه طازج ....
ويجي مورا ...
توما : شوف شوف صديقك المخلص .. بيخوننا ويروح لاوساكا ...
مورا : ايه امس كلمني عن الموضوع ....
توما : يعني انا آخر من يعلم ...
ويجي اكيرا : خير خير صوتكم واصل الدور الارضي ...
توما : لا بعد قول انت تدري ان صديقك الخاين بيروح لاوساكا ....
اكيرا : مين اللي بيروح لاوساكا ؟؟
توما : لا الحمد لله اجل انا قبل الاخير ...... اجل اسمع صديقك الخاين سوما جاي اليوم هو ويونا يسحبون ملفاتهم عشانهم بيروحون يعيشون في اوساكا ....
اكيرا : اوساكا ؟؟
توما : اللي سمعته ....
اكيرا : يوه بعيده .. وش عندهم فيها ؟؟
سوما : يونا بتعيش مع جدتها هناك وانا ودي ادخل جامعة اوساكا فقلت اكمل الترم الثاني هناك ...
ويضربه اكيرا مع كتفه : بالتوفيق يا بطل كرة السلة ...
سوما : مشكور يا زعيمي الرائع ...
وتجي آيا تركض ....
آيا : صباح الخير ......
راي : وكالعادة آخر من يجي ...
آيا : وشو ؟؟ والله راحت علي نومه انتم عارفين اليوم اول يوم مدرسي والناس متعودة على نوم النهار وسهر الليل ...
راي : دريتي ؟؟
يونا : آيا انا بروح لاوساكا ....
آيا : بالتوفيق يا يونا .... واتمنى لك السعادة ....
راي : هذي ردة فعلك يا آيا ؟؟!! المفروض تهاوشينها
آيا : راي كل واحد يعرف طريقه وانا ما راح اردها عن طريقها ...
راي : اذا كانت العاقله تقول كذا معناه ان كلامها صحيح ...
وتضم راي يونا ..
يونا : راي ؟!
راي : معليش انا يمكن افاجئك لكن من زمان كنت ابي احضنك ....
يونا : راي لا تخليني اصيح ...
راي تنزل منها الدموع : آسفة يونا ...
آيا في نفسها : توني ادري عن راي انها كذا تحب يونا وتصيح عشانها .....
آيا : هييه شباب بنات ... جتني فكره ....
اكيرا : فكره ؟؟
آيا : بما ان يونا و سوما راح يطلعون من شلتنا في هذا اليوم ... عشان كذا خلينا نسوي احتفالية بسيطة اليوم ونقضي كل اليوم مع بعض ...
اكيرا : فكره حلوة .... خلاص تعالو اليوم في بيتي من الساعة 7 ...
توما : الفكره حلوة ... انا موافق ...
والكل وافق ...
آيا : اوكي لا احد ينسى الموعد ....
الكل : اوكي ...

يمر الوقت والحين الساعة 7 :.
تروح آيا لبيت اكيرا وتلقى الكل موجود وحتى ماري ..
راي : يالله خلينا ناكل الكيكة ....
توما : من الصبح وانتي تطربين عليها ...
راي : يونا تعالي انتي وافتحي الكرتون عشان تكونين اول شخص يقرا الكلام المكتوب على الكيكة .....
يونا تفتح العلبة و بصوت عالي : الى حبيبة الروح يونا .. راح نشتاق لك ...
يونا تلتفت على راي : مشكورة يا بعد عمري ..
سوما : وانا مالي رب ؟؟ وراه بس بتشتاقون ليونا وانا ؟
توما : لا يهمك كلام النفاق الاجتماعي اللي بين البنات ..... اصلا هي كانت ناوية تكتب على الكيكة ... ( الله ياخذك راح نشتاق لك ) لكن انا قلت لها تغيرها احترام للحضور ....
راي تحط يدينها على خصرها : خيير توما وش اللي قاعد تقوله ؟؟!
ويضحك الكل ....
مورا : يالله عاد نبي ناكلها بدال ما نتفرج عليها كذا ...
راي : يالله يا سوما عشانك قطع انت الكيكة ...
ويقطعون الكيكة .. تجيب يونا لآيا قطعة كيكة في الصحن ....
آيا : شكرا ..
وتقرا الجزء المكتوب على الكيكة ...
يونا : هذي الكلمة الموجهة لك يا آيا ..
آيا تقرا الكلمة : راح نشتاق لك ..... عشان كذا كبرتي القطعة ؟؟
يونا : اوكي راح اكلها انا وانتي مع بعض ....
وتروح تجلس آيا ويونا جنب بعض وهم ياكلون الكيكة ....
يونا : آسفة آيا اذا كنت قصرت معك في شيء .....
آيا : انا اللي اشكرك على الصداقة اللي منحتيني اياها ...
يونا : ودي الساعة في هذي اللحظة طولها طول السنة ... و ودي انا وياك نوقف جنب بعض في يوم التخرج من الثانوي ... و ودي باشياء كثيرة اسويها معك ..
آيا : نقدر نخلي الساعة كنها سنة ... ونقدر في هذي اللحظة نسوي الاشياء اللي نقدر عليها .. لكن اننا نوقف جنب بعض في يوم التخرج يكفيني انك توقفين جنب سوما .. ولمى يجي يوم التخرج وانتي واقفة في ذاك اليوم ارفعي راسك للسماء ... وانا راح ارفع راسي للسماء وبكذا نكون سوينا نفس الشيء وكأننا واقفين جنب بعض ...
يونا : ايه .... ما راح انسى هذا الشيء ابداً ...
آيا توقف وبصوت مسموع : راي جابت الهدية وكانت كيكة .... لكن انا هديتي مختفلة ...
راي : اكيد ما راح تصير احسن من هديتي ...
آيا : الكل ابيكم توقفون عند ذيك الكنبة ....
توما : شلون ...
آيا : راح يكون التصفيف كذا ... اللي يجلسون على الكنبة هم يونا وراي وانا ... طبعا انا من الجهة اليمنى و الوسط يونا واليسار راي ... والشباب يوقفون ورا الكنبة ... اكيرا خلفي وسوما جنبه يعني ورا يونا وتوما ورا راي .... ومورا يوقف جنب توما وماري جنب اكيرا .... اوكي ؟؟
اكيرا : اوكي يله كل واحد يروح مكانه ..
راي : وش هالاسلوب كنك ترتبينا في القطار ..
ويضحك الكل ...
يصفون ....
آيا عند الكاميرا : راح اوقتها ..... واحد .. اثنين ..
وتروح تجلس في مكانها ...
وتلتقط الكاميرا احلى صورة لاحلى شلة شباب وبنات .......
آيا : اكيرا عندك آلة نسخ الصور << مثل اذا جينا نصور عشان الجواز تطلع الصورة منها 6 نسخ ....
اكيرا : ايه عندي ...
آيا : تكفى انسخ الصورة على عددنا ...
اكيرا : اوكي كم تبين مقاسها ؟؟
آيا : صورة نقدر نحطها في البوك ...
اكيرا : اوكي ... استأذنكم بروح انسخها فوق ..
ويلتفت : ماري وين حطيتي الجهاز ؟؟
ماري : بروح معك انا اعرف مكانه .......
ويرقون فوق ....
يونا : آيا .. راي .. خلينا نروح نتمشى في الحديقة برا .....
آيا : اوكي
ويطلعون برا ...
راي تحط يدينها على عضودها: ياي الجو بارد ...
يونا : راي افتحي يدك ... وانتي بعد يا آيا ..
آيا وراي بفتحون كفهم ...
آيا : وشو ؟؟
يونا : خمضو عيونكم ...
ويخمضون .. وتحط يونا لكل وحده تعليقة على شكل فيونكة ... آيا لون تعليقتها وردية وراي حمرا ....
آيا : نفتح ؟
يونا : ايه ..
تفتح آيا عيونها : واو وش هالتعليقة النايس .... مشكورة
راي : الله حقتي حمرا ...
يونا تطلع نفس التعليقة من شنطتها ...
يونا : وهذي حقتي لونها ابيض ........ هذي التعليقة هي اللي تجمعنا .. ابيكم تحطونها في جوالاتكم ...
آيا : اكيد ...
راي : مشكورة وبعد تناسب مع جوالي ...
آيا : وحتى انا نفس لون جوالي ..
يونا : انا جايبتها عشان تكون نفس لون الجوال ....
تطّلع آيا جوالها من الشنطة وتعلقها عليه ...

آيا : ياي صايرة تجنن .....
راي : يونا متى بتروحين بكره للمطار ؟؟
يونا : بروح العصر .. طيارتي الساعة 4 العصر ...
آيا : سوما بيروح معك بكره ؟؟
يونا : لا بيجي بعد اسبوع ....
راي : ليه ؟
يونا : لانه يجهز لشقته اللي هناك ولازم يعدل اغراضه ويرسلها قبله ... ويقول ان فيه واحد يعرفة اختار له شقة هناك وحجزها له ...
آيا : تمام وعمك راح لبعثته ولا لا ؟؟
يونا : لا بيروح بعد بكره عشانه هو اللي بيستقبلني هناك ...
راي : الله ييسر لك امورك ....
يونا : الحمد لله ميسرة ...
ويقعدون يدورون في الحديقة ... ويمشي اليوم ويجيب اكيرا لهم الصور وكل واحد يدخل صورة في بوكه ....
ينتهي اليوم وكل واحد يرجع لبيته ..
وفي اليوم التالي :.
الساعة 4 الا ربع .. في المطار :.
يونا تشوف الساعة : وينهم الطيارة الحين بتقلع ....
آيا في السيارة مع الشبيبه كلهم ...
آيا : بسرعة ما بقى وقت ؟؟
توما : كله بسبة اكيرا كنه بيموت لو ما نام اليوم القيلوله ....
اكيرا : يا اخي انا ما اعرف اعيش باقي اليوم بدون ما انومها .... الواحد جاي من الدوام ولا تبيه يرتاح
توما : لا ترتاح اذا كان وراك موعد مهم ....
راي : المطار بعيد لهالدرجة ؟؟ يوووووه متى نوصل ..؟؟
اكيرا : خلاص خلاص وصلنا ....
ويوصلون للمطار والكل يركض ....
يونا تشوف الساعة : وينهم ؟! وراهم تأخرو كذا .......
"" ندا"" ( يرجى من حضرات ركاب طائرة طيرات اليابان رحلة رقم 1 والمتوجهة لأوساكا الرجاء التوجه للطائرة من خلال البوابة رقم 4 )
آيا : يووووووووووووووووووووووووه وين البوابة ؟؟
اكيرا : خلينا نسرع اكثر ....
سوما يلتفت : شباب البوابة الرابعه تعديناها ؟؟
راي وآيا : هااااااااااااااااه .....
في مكان آخر ::
وتمشي يونا وهي تتوجه للبوابة ....
عند الشباب ::
أكيرا : شباب اذا كنا بنروح للبوابة الرابعه مع نفس طريقنا بنتأخر ..
آيا : وش تبينا نسوي اجل ...؟؟
أكيرا : جتني فكره ... الحقوني ....
ويروحون ويركبون على سير الشنط عشان يوديهم للجهة الثانية ......
حارس الامن : انتم ؟؟ هييييييه ممنوع ...
آيا : يا ويلنا ...
اكيرا يمسك يد آيا : خلاص طبي .. طبي ....
ويوصلون للجهة الثانية << لان الشناط تمر من الجهتين وبين الجهتين حواجز ولازم الواحد ياخذ لفة كامله عشان يروح للجانب الثاني ..
ويركضون ...
يونا تنزل راسها : شكلهم مهوب جايين ...
وتمد رجلها بتدخل للبوابة ....
آيا : يوناااااااااااااااااااااااااااااااااااااااااااا ~
وتلتفت يونا : آيا .. سوما .. راي والكل ..
وتخم آيا يونا
آيا : آسفة تأخرت ...
يونا : المهم انكم هنا ...
وتبعد آيا عنها والدموع في عيونها ...
آيا : ما راح اقول وداعاً لكن بقول الى اللقاء .....
يونا : ايه .. راح نلتقي ...
وتقرب راي وتخمها ..
راي : بنفقدك يا يونا ..
يونا : وانا بعد ..
توما : اتمنى لك السعاده ..
اكيرا : انتبهي لنفسك ...
ماري تنزل منها الدموع وتروح ليونا ....
ماري : كان ودي نجلس مع بعض اكثر .....
يونا : المهم اننا التقينا .... وعشنا مع بعض فتره لا بأس بها ...
مورا : راح اجيكم كثير ما راح تفقديني ...
يونا تبتسم : هذا شيء يسعدني ..
سوما : اهتمي في نفسك لين اجي ....
يونا : بأكون في انتظارك ...
اللي ياخذ التذكرة : لو سمحتي ما بقى غيرك .. يله الطيارة بتقلع ...
يونا : انا جاية ...
وتلتفت عليهم ......
يونا : يله مع السلامة ....
وتمشي يونا بتدخل للبوابة ..
تلتفت والدموع تنزل من عيونها : ما قد حبيت في حياتي كلها احد مثل ما حبيتكم ... اشكركم من قلبي
وتدخل للبوابة وهي تركض ....
آيا تنزل دموعها : مشكورة يا يونا على صداقتك .... من جد مشكورة ...
ينتهي اليوم على كذا ... ويمر اسبوع ويروح سوما ويودعونه اصدقائه في المطار ...
تمر الايام والحياة ماشية بهدوء .....

وبعد مرور شهرين ونصف تعود الاحداث من جديد .....
فترقبوها في الفصل العاشر .... ^_^

قلبي هو المتعب ..(( الفصل العاشر – الجزء 1 ))

في مدرسة ماري واندو الخاصة :.
اندو : صباح الخير ....
ماري : صباح النور ....
اندو : زين اليوم جاية مبكرة ؟
ماري : خير ان شاء الله بس عشاني تأخرت 7 مرات قلت لي هالكلام ؟؟
اندو : وتحسبين السبع مرات شوية ؟؟
ماري : ايه .. لانك ما تعرف اني من قبل ما كنت اروح للمدرسة الا آخر الطلاب .... وكان عادي
اندو : اف اجل يا صبر صديقاتك عليك اول ...
ماري وهي تطلع الدفتر من الشنطة : ايه عادي كلهم يتأخرون حتى آيا كانت تجي بعدي ...
اندو : اجل صديقاتك كلهم مثلك ؟؟
ماري : ايه ..
اندو : يالله انا بروح لفصلي عندي حصة ....
ماري : اشوفك في الفسحة لا تنسى ...
اندو : كل اليوم تقولين هالكلام ما مليتي .......
ماري : اقول اخلص تراك عطلتني يله روح لفصلك .....
اندو : الشرهى مو عليك الشرهى على المسكين اللي يجي ويسلم عليك ...
في مدرسة آيا وقت الفسحة :.
آيا حاطة يدها على ذقنها متركية على الطاولة : اكيرا وين ماري من زمان عنها ؟؟
أكيرا وهو يحط اكله على الطاولة ويجلس : صادقت لها بنات في المدرسة الخاصة ....
آيا بابتسامة: ما شاء الله حركات ماري....
اكيرا يضحك : هههه صدّقتي .... تراني اكذب ... اصلا ماري ما تبي حتى تتعرف عليهم ... تقول ان اندو كافيها عن كل الصديقات
آيا ايا تاكل : آآه يا حليله .. هو في نفس فصلها ؟؟
أكيرا : لا .. وحتى فصله في دور غير الدور اللي فيه ماري ....
آيا : ليه ما صارو سوا ....
اكيرا : كذا التوزيع ...
آيا : والله لو كنت مكانها كان رحت امثل قدام المدير .....
اكيرا : وتبلشين واحد بعد على الطريق وتتهمينه انه طقك وباقي المسلسل عليك .....
آيا تناظره بطرف عين : وش قصدك ؟؟
اكيرا : ايه ... نسيتي وش سويتي فيني اول يوم من هالسنة ؟؟
آيا تميل فمها : لا ما نسيت ...
بعدها ابتسمت : تصدق عاد لما اتذكره استانس ...
أكيرا ياكل بدون ما يناظرها : ايه اكيد تستانسين لانك كنتي تلعبين في الناس على كيفك .....
آيا تبي تقهرة : وليه كنت .. ؟ انا الى الان وانا العب ....
أكيرا رفع راسه منصدم : نعم نعم .. مين تعيس الحظ اللي تلعبين به الحين .....
آيا تناظره بعيونها : قلبك ....
بعدها ضحكت : ههههههههههههههه
أكيرا : حلوه اجل صار قلبي هو المسكين .... بديت ارحم نفسي .. تصدقين ؟؟
آيا تشرب العصير: لا ما اصدق لانك دائما تكذب .... وما لقيت غير قلبك تقول له مسكين .. تكفى المسكين اللي انت تسيطر عليه ...
أكيرا ترك اكله: نعم ؟؟
آيا وهي تناظره بقوة عين : ايه ما كذبت في ولا كلمة ..نسيت شلون كنت تجبرني على كل شيء وكنت لعّاب .. خليتني اروح لحفلة سكنك للبيت الجديد مجبورة وخليتني اروح من بكره للمنتزه مجبورة .... ما تعتقد انك كنت تلعب فيني ؟؟
أكيرا : مو مثل لعبك ....
آيا تحط يدها على راسها: شوفو وش يقول ........
اكيرا رجع يكمل اكله: انتي لعبك يضر الناس ..... لكن انا ما اضر احد .....
آيا منقهرة: يوه واللي تسويه فيني ما يضرني ؟؟
اكيرا بكل برودة اعصاب : لا ما يضرك ...
آيا طلعت عيونها: خير وش شايف ما عندي احساس .....
جتهم راي ومعها اكلها: خير .. وانتم كل يوم على هالحالة طقاق وهواش تراكم تحرجونا مع الناس والعالم
آيا تناظرها بغرور : نحرجك في أيش ؟؟
راي تجلس على الكرسي : استحي اني اقول هذولا اصدقائي .....
أكيرا بصف آيا: بالله صرنا احنا اللي نحرجك .... اجل وش نسمي الكائن اللطيف اللي معك .... هو اكبر احراج لك
توما : لو سمحت يعني انا ما تكلمت ولا قلت شيء عنكم ... ليش تدّخلني في السالفة ؟؟
أكيرا بابتسامة: لانك انت نقطة ضعف راي ....
واستمر الطقاق بينهم وهم كل يوم على هالحالة .....
في مدرسة ماري الخاصة في الطلعة :.
اندو : بالله ما بعد صادقتي احد في فصلك ؟؟
ماري : لا كلهم ثقيلات دم وحتى الاولاد مغرورين بزياده ...
اندو : و الى متى ؟؟
ماري : الى الابد ... وشو عاد بعيش معهم بس هالترم بعدين افتك من وجيههم النحسه...
اندو : من متى ما رحتي لاكيرا في بيته ؟؟
ماري : والله لهيت شوي مع الدراسة وصرت اذاكر ولا اقدر اطلع واروح له ... بس هو و آيا يجون عندنا في البيت لكن عشان هالايام ايام مذاكرة وانت عارف السنة الاخيرة في المدارس العامة تصير متعبة .....
اندو : ايه الله يصبرنا وياهم .....
ماري :ايه والله .....
اندو : عسى اكيرا احواله زينه مع آيا ؟؟
ماري : ايه تمام ... لا تخاف عليهم يعرفون لبعض زين .... تراهم دارسين كل الثانوي سوا ..
اندو في نفسه : دارسين كل الثانوي سوا ؟؟
ماري : يالله مع السلامة ... اشوفك بكره ....
اندو : مع السلامة ....
طلع اندو وركب سيارته ....
اندو بتساؤل : وش تقصد انهم دارسين كل الثانوي سوا ؟؟ معقوله يعرفون بعض من زمان ؟؟
ويتذكر :
ماري وهي تطلع الدفتر من الشنطة : ايه عادي كلهم يتأخرون وحتى آيا بعد كانت تجي بعدي ...
.....
اندو : صديقة ماري في المتوسط اسمها آيا ؟؟ غريبة نفس اسم رفيقة اكيرا ... وش هالصدفة ؟
ويمشي بالسيارة ...
اندو يتذكر ...
اقتباس من (( الفصل التاسع – الجزء 2 )) ..
اندو : آيا انتي كنتي تحبين اكيرا قبل ما تكونين رفيقته ؟؟
آيا : ما راح اكذب عليك ولا على نفسي ... انا حبيت اكيرا بعد ما صرت رفيقة له ... لان اكيرا كان دائما معي ودائما يبي يسعدني ودائما يواسيني في ضيقتي حتى من قبل ما نصير ارفقاء ... عشان كذا حبيته ...
......
اندو يحط يده خده ويفكر : هل معنى كلام آيا انها كانت تدرس معه في نفس المدرسة قبل ما يصيرون ارفقاء ؟؟ شلون ما كنت انتبه لكلامها .....
اندو يدعس : انا لازم اتأكد ...
وفي اليوم التالي :.
يغيب اندو عن المدرسة ويروح لمدرسة اكيرا وآيا ..... يوقف قدام المدرسة
اندو : كني اذكر ان ماري قالت لي ان هذي مدرستهم ....
وفي الطلعة يدخل للمدرسة .. يشوف طالب ..
اندو : لو سمحت وين القى فصول طلاب صف ثالث ثانوي ؟؟
الطالب : في الدور الثالث .....
اندو : مشكور ...
ويروح اندو وهو يركض للدور الثالث .... يدخل على اول فصل ويلقى مجموعة بنات ما بعد راحو لبيوتهم مجتمعين ....
اندو : السلام ....
تلتفت عليه طالبة : وعليكم السلام .....
اندو يطلع جواله ويفتح على صورة آيا اللي قد التقطها من قبل ...
تذكير .. اقتباس من (( الفصل التاسع – الجزء 2 ))
اندو ياخذ الصورة : واو صايرة جميلة في هالصورة ....او لانك دائما جميلة ومجملة الصورة ...
ويطلع جواله ويلتقط صورة لصورة آيا اللي معه .. ثم يرجعها لمكانها ..
.......
اندو : تعرفين هذي البنت ؟؟
الطالبة : ايه هذي آيا ... واو بنات تعالو شوفو شلون صايرة آيا حلوه في هالصورة .....
ويجون البنات كلهم ....
اندو : كلكم تعرفونها ؟؟
الطالبة 2 : ايه آيا مره مشهورة .....
اندو : ليه ؟؟
الطالبة 2 : هي معروفة في هالثانوي لانها هي اللي حركتها من اول سنه لها فيها ...
الطالبة 1 : وبعد كانت كذا في المتوسط ... بنت مقلعة مره ......
الطالبة 3 : تبي تعرف هي في أي فصل ؟؟
اندو : لا لا .... بس هي دارسة هنا من أي مرحلة ؟؟
الطالبة 4 : من اولى ثانوي ... وبعد كانت معك " الطالبة 1 " صح ؟؟
الطالبة 1 : ايه انا اعرفها من زمان ..... من دخلنا المتوسط سوا وكنا في فصل واحد ...
اندو : هو كان لها صديقات في المتوسط ؟؟
الطالبة 1 : ايه كان لها صديقتين وحده اسمها كانون لكنها ما جلست معهم الا سنه ونقلت والثانية كانت ماري لكنها ما درست معها الثانوي .....
اندو بتعجب : ماري ؟!
الطالبة : ايه ..
اندو : وش اسم آيا الكامل ؟؟
الطالبة 4 : باكورا آيا .... هذا اسمها الكامل .....
اندو : انتم تعرفون بيتها ؟؟
الطالبة 3 : ايه انا اعرفه ....
اندو : ممكن توديني له ....
الطالبة 3 : لكن بيتها في طريق غير بيتي وانا اروح مشي ....
اندو : انا معي سيارة وراح اوصلك لبيتك بعد ...
الطالبة 3 : اوكي متى ؟
اندو : الحين ...... وتكفون ممكن ما تطلع هالمحادثة لايا او غيرها ... هذا سر بيننا ....
الطالبة 1 : طيب ممكن نعرف انت ليش جاي تدور على آيا .... ترا آيا عندها رفيق ......
الطالبة 2 : ولا بعد اكيرا يعني محد يقدر يقرّب منها.....
اندو يسلك : واحد مرسلني ابحث عن احوالها .... ما افكر مثل ما تقولون ..
الطالبة 3 تشيل شنطتها : يله انا جاهزة ......
اندو : يله .... ومشكورين جميعاً ....
ويروح اندو والطالبة لبيت آيا ......

ي بيت آيا :.
جولي : آيا .... آيا .. ~
آيا : نعم ......
جولي : امي تبيك تروحين لأم الجيران لان عندها شيء بتعطيه لامي ....
آيا : ورى ما تروحين انتي ..؟؟
جولي ماسكة سماعة التلفون : انا قاعده اكلم صديقتي ..... مو فاضية .....
آيا : توك جاية من المدرسة امداك تشتاقين لها ؟؟
جولي : لا .. هي اليوم غايبة .. وقاعده اقولها وش صار اليوم في المدرسة .........
آيا : طيب يله انا رايحة ... بس هذي آخر مره ... مره ثانية سكري السماعة وروحي انتي
جولي : طيب ... طيب ....
وتطلع آيا من البيت وفي نفس الوقت يلبق اندو سيارة في مكان بعيد شوي عن البيت ...
اندو يناظر آيا وهي تطلع من البيت : هذا بيتها ؟؟
الطالبة : ايه ..
اندو : هي عندها اهل ؟؟
الطالبة : ايه وبعد عندها اخت اصغر منها بثلاث سنوات ...
اندو : فهمت .... يله مع وين اروح لبيتك ؟؟
ويروح يوصل الطالبة لبيتها .... ثم يروح يوقف في المكان اللي راحو آيا واكيرا له في يوم الكريسماس ...... يرفع راسه ويعظ على شفته السفليه ...
اندو : اندو اصحى ... انت اكيد في حلم .... اصحى لان هذا الحلم ما يعجبني .... هذا حلم .. حلم وقريب راح اصحى منه ....
ويضرب بيدينه على وجهه : قوم قوم من نومك يا اندو ... قوم وانسى اللي شفته وسمعته ...
ويغمض عيونه ويتذكر ......
اقتباس من (( الفصل الثامن – الجزء 1 ))
[أكيرا : أندو هذي رفيقتي اعرفك عليها واسمها آيا .....
أندو : تشرفت ...
آيا : وانا بعد ...]
.......
اقتباس من (( الفصل التاسع – الجزء 2 ))
[اندو : آيا اظن ان ما عندك هموم .... عشان كذا انتي سعيده ...
آيا : هموم ؟؟
اندو : ايه هموم ...
آيا : الا قول ما اظن ان فيه شخص بدون هموم ... من قال ان ما عندي هموم
اندو : وش همومك ؟؟
آيا : احب احتفظ بهمومي داخلي ... بس اللي اقدر اقوله ان همي واحد لكن كبييير .... وانا اعيشة يوم ورا يوم وما يفارقني ولا لحظة ....]
.......
[اندو : آسف اني اقولك هذا الكلام وانتي من طبقة عالية ... لكن انا فيني من طبع اكيرا ما احب بنات الطبقات العالية ... يمكن تقولين انك منهم لكن يمكن تكونين 1 بالمليون منهم ... واكيرا ما شاء الله عليه نظرة ثاقبة وقوية انه عرف يختارك بس بالنظر .. ]
.......
اندو يمسك راسة من الصدمة : شلون شلون ما كنت احس باللي تقوله ؟؟ وشلون قلت لها كل شيء براحة ؟؟ ليتني ما التقيت بها ولا عرفتها يكون اهون ...
ويجلس على الارض وينزل راسه ويتذكر ...
اقتباس من (( الفصل التاسع – الجزء 3 ))
[آيا تخم أكيرا ... واكيرا متفاجئ ...
آيا : ابي اكون معك للابد ....
أكيرا يبتسم ويحط يدينه عليها ...
اكيرا : هذا وعد ...]
........
اندو يجلس على الارض ويتسند على المطل : آيا كانت خايفة على علاقتهم واظن ان هذا كان همها اللي تعيشة كل يوم ..... لكنـ.... آيا ريونجي و آيا باكورا ..... شخص واحد !!.... معنى هذا ان عمي وزوجته ويمكن بعد نيزو او الكل ما يدري عن الحقيقة الا آيا واكيرا وماري وخلو الموضوع سري بينهم ....
ويرن جواله ..... يفتح الجوال
اندو : الوه
ماري : السلام
اندو : وعليكم السلام
ماري : سلمات يا اندو ليش اليوم غايب ؟؟
اندو يصرف : تعبان شوي ...
ماري : تراك اليوم معزوم ...
اندو : وين ؟؟
ماري : عندنا في البيت ...
اندو : وش المناسبة ؟؟
ماري : هي مفاجئة عشان كذا ما اقدر اقولك ... المهم تعال الكل بيصير موجود ......
اندو : آسفـ..
وتقطع ماري كلامه : ما عندك عذر وعمي وزوجته بيجون ويقول عمي انك اليوم مره فارغ .. لا تكذب ولازم تجي ...
اندو : ماريـ.. لا تجبريني
ماري : الا والمناسبة مهمة لنا كلنا ... اندو ترا الكل بينقد عليك .... عشان كذا تعال
اندو يسكت شوي ثم : اوكي ... لكن متى ؟؟
ماري : الساعة 7 ....
اندو : طيب.. راح اجي ..
ماري : يالله مع السلامة
وتسّكر السماعة .....
اندو : ليه تبيني اقابلها في نفس اليوم ... كان صبرتي علي شوي ...
ويمر الوقت ... ماري تكلم آيا ....
آيا : وااااااو مبرووووك
ماري : الله يبارك فيه ......
آيا مبسوطة: يااااااااي اجل خلاص بتصيرين عمه ؟؟
ماري : شفتي شلون يا آيا ......
آيا : متى كشفت ؟؟
ماري : امس وقالو انها حامل من شهر ونص ...
آيا : ياي واخيرا ماري بيتحقق حلمها وتلّعب طفل .....
ماري : ههه واي ياقلبي اموت على الصغنونين ..........
آيا : خلاص ان شاء الله راح نكون موجودين في الموعد ..

لساعة الان 7 :.
يدخلون آيا واكيرا .....
آيا بابتسامة واسعة : مبرووووووووووووك ... اخيرا بتصيرين ام ؟؟
شيري بفرحة : مشكورة يا آيا ....
أكيرا : مبروك لكم
نيزو بابتسامة: الله يبارك فيك وعقبال مانشوف عيالك .....
اكيرا انحرج : ههه توني مبكر على اني اكون اب ...
الاب : اكيرا ما اتصل عليك اندو ؟؟
اكيرا : لا
ابو اندو باستنكار : غريبه قايل انه بيجي معكم ...
ماري : ما قال لي ؟؟
آيا : واحنا بعد ما ندري عنه وما قال لنا شيء ..
وبعد ساعة ونصف:.
جاء اندو ..
ماري تتقدم له بتوتر: اندو .... ليه تأخرت كذا والله اقلقتنا عليك ....؟؟
اندو بضيق : آسف بس جتني شوية اشغال ......
ماري حرام عليك كان علمتنا .. على الاقل تركت جوالك مفتوح مو مغلق..
اندو متوهق : وش اسوي خلص شحن جوالي وانا ما كنت قريب من عند مكان وحتى بعد ما معي شاحن..
ماري تمسكه مع يده: مره ثانية لا تسفهنا وكلمنا لو من هاتف عمومي..
اندو يبتسم مجاملة: اسف آنسة ماري والله ما اعيدها مرة ثانية..
ماري تبتسم : زين..
اندو تذكر: آه ماقلتيلي وش المناسبة على الحفلة..
ماري بفرحة وابتسامة شاقة وجهها تغمز له : باصير عمه ....
اندو يجاريها : والله ما شاء الله مبروك يا عمة ماري ...
ماري : الله يبارك فيك .. يالله ادخل جوا الكل ينتظر جيتك..
ويدخل اندو ويبارك لنيزو وشيري ويجلسون ...
ابو اندو : ليش تأخرت ومقفل جوالك حرام عليك خليتنا نوسوس ان صارلك شيء..
اندو باحراج : واللله آسف بس غصب عني..
الاب متفهم لان وجه ولده يدل انه صدق غصب عنه : طيب يالله روح سلم على عمك والباقي..
اندو في نفسه: الله يساعدني ويصبرني على ما اواجه : طيب ..
وهو متوجه لعمه قابل آيا :
آيا بابتسامة : اندو انت جيت والله الكل قلق عليك وينك و ليش ما ارسلت لنا رساله عشان نمرك ....
اندو في نفسه : اندو خلك طبيعي وابتسم في وجهها ....
اندو بابتسامة متغصبها : آسف بس غصب عني انشغلت وما كنت ابي ازعجكم ......
آيا ما عجبها كلامه : لا والله عادي وش تزعجنا احنا اهل ما بيننا هالحزازيات...
اندو في نفسه : ياليتنا مو اهل ولا عرفناك من اصل ..
اندو : كل واحد منشغل في حياته الخاصة ...
آيا بابتسامة: هاه محد عجبك الى الان ... ؟؟
اندو يصرف : انا بروح اسلم على عمي وحرمته ما بعد سلمت عليهم ...
شوي ويقوم اندو ويطلع برا ... وتلحقه آيا ....
آيا منحرجة منزلة راسها: اندو انا آسفه اذا كنت ازعجتك بسؤالي ....
اندو معطيها ظهره: لا ابدا ....
ويلفت عليها .......
اندو بكل ضيق الدنيا باينه على وجهه : آيا ..
آيا من شكله على طول ردت : نعم .......
فجأة نطق : لا ولا شيء ..
آيا تقرب من وجهه : اندو وجهك ما يطمن .... انت مريض ؟؟
اندو يلتفت مع الجهة الثانيه وبحسره : انا قلبي هو التعبان .. قلبي مجروح ....
ويمشي اندو شوي....
اندو : وعشان كذا طلعت برا يمكن اللي في قلبي يلتأم ...
آيا : اندو ؟ وش فيك ؟؟ من اللي جرح قلبك .. وسوا فيك كذا ؟؟
اندو رفع راسه : هذا الشخص اللي سرق قلبي ..... جرحني وما توقعت انه هو اللي يسوي فيني كذا ....
آيا : وهذا اللي مخليك اليوم متأخر..
اندو يهز راسه: ايه ..
آيا حزنت له : مين يا اندو ؟
ويلتفت اندو عليها ....
اندو : هذا الشخص هو ....
آيا تشوفه وهي تتحرى وش بيقول .....
اندو : البنت اللي حبيتها ...
آيا : اندو يعنيـ...
اندو : ايه حبيت وحده لكن هذي الوحده تحب شخص ثاني وانا من البداية كنت اعرف انها تحبه لكن قلبيـ...
آيا تمسكه مع يده وتجلسه : انت اهدأ شوي وارتاح بروح اجيب موية وأجي..
راحت آيا بدون ما تستنى منه رد..
راح اندو للحمامات فسخ ساعته وصار يغسل وجهه..
اندو يناظر وجهه في المراية و هو مهموم : ياربي ليش خليتها هي اللي تسمعلي ياربي ابعدها عني وابعدني عنها..
رجعت آيا له ومعها مويتين .. ما لقته فوقفت تستناه في مكانه..
رجع اندو وجلس : آسف ..
آيا تمد المويه له : خذ اشرب شوي ..
اندو اخذ منها الموية وشرب منه شوي وهو ساكت..
آيا تجلس جنبه: اندو ..
اندو : بدون رد التفت عليها..
آيا بهدوء بدون ما تناظره: حبيبتك وش صدمتك فيه ؟
اندو حزن: توقعت انها البنت الصادقة المميزة الرائعة .... لكن .. لكنـ صارت مخادعة وكنت انا من ضحاياها ..
آيا مندهشه : مخادعة ؟!
اندو عيونه تجمعت فيها الدموع : لكن مو هي المخادعة الشخص اللي تحبه هو اكيد اللي خلاها كذا ... لا لا حبيبها شخص رائع وانصدمت بعد فيه .. لا اكيد الدنيا خلتهم يخدعون .....
آيا : اندو انا ما صرت افهم وش تعني بكلامك ... وضّح لي ؟؟
اندو يوقف يبي يبعد عنها ومايبيها تشوف دموعه عطاها ظهره ...
اندو يمسح دموعه ويعدل صوته : ما اقدر اقول اكثر من اللي قلته .... لكن ودي لو لحظة تلتفت لي وتشوفني وتحس بالنار اللي فيني ... هي وهو بيجي يوم اكيد وينفصلون انا اعرف ان هذا اليوم راح يجي ...... لكنـ.. في نفس الوقتـ..
آيا تقطع كلامه : اندو خلاص لا تقول اكثر ..... لاني ما اقدر اتحمل اللي تقوله .... آسفة اندو ....
اندو : لا لا ما يحتاج تتأسفين ... انا الآسف على ازعاجي لك ..
ويمشي اندو ويمر من عندها وهي منزله راسها واندو مكتئب ....
آيا بدون ما ترفع راسها : اندو لما تنفصل البنت عن الشخص اللي تحبه راح تحتاج لشخص يمد لها يده ويواسيها ويمكن كذا تكسب حبها لانك ظهرت لها في اصعب اوقاتها .....
اندو وقف وسكت وشوي .....
اندو : اتمنى ان كلامك اللي قلتيه الحين ما تنسينه.....
ومشى وخلاها..
آيا تناظره بدهشة من رده فعله للكلمة اللي قالتها .....
آيا في نفسها : اندو ؟ انت من جد غامض ولا ينعرف لك ....
وتنزل راسها وتقول في نفسها : ليتني اعرف من هالبنت واعّلمها مقدار اخلاصك وحبك لها ......
وتمشي آيا وراه ...
اندو يلتفت عليها: آيا انا بطلع بروح ما اقدر اجلس اتمنى توصلين سلامي لعمي واكيرا لاني ما اقدر اشوفهم ..
آيا : طيب الله يكون بعونك.. مع السلامة
وتروح آيا .... وطلع اندو ويركب السيارة ..
اندو يحط راسه على الدركسون : اندو وش هالكلام اللي قلته ؟؟ انت من جد مجنون ... شلون قلت لها هالكلام ؟؟وليش وصيتها توصل سلامك لاهلك انتي بأي عقل كنت تتكلم؟؟
وجوا البيت :.
اكيرا : آيا وين اندو ؟؟
آيا : توه راح .. وقال سلميلي على عمي واكيرا.
اكيرا بصدمة: ليش وش صار له..
آيا : تعبان وراسه يعوره فقال بروح ووصاني اوصل سلامه لك ولعمي..
اكيرا : يوه من متى راح؟؟
آيا: هالدقيقة ....
ويروح اكيرا يركض للباب ....
آيا : وش فيه ؟؟
ماري : اكيرا لقى ساعة اندو في الحمامات فخذها عشان يعطيهاله ....
برا البيت :.
اكيرا يضرب دريشة اندو في السيارة ... يلتفت عليه اندو ويشوفه بدهشة .... يفتح الباب ويحول ..
اندو : اكيرا ؟!
اكيرا : سلامتك آيا تقول انك تعبان وراسك يعورك..و حاط راسك على الدركسون ؟؟ تعبان مره؟؟
اندو في نفسه : آيا ارحميني ..
اندو : لا لا ما فيني شيء بس صداع يمكن لاني امس ما نمت زين ..
اكيرا : موب زين تسوق وانت مرهق او تعبان ..
اندو : لا لا ما فيني الا العافية ...
اكيرا : وين مفتاح السيارة ؟؟
اندو : هذا هو في السيارة .....
اكيرا : روح اركب ... انا بوصلك ...
اندو : والله ما يحتاج اقدر اسوق ..
اكيرا : يا ابن الحلال روح اركب وخلني اوصلك ....
اندو : شلون بترجع ؟؟
اكيرا : بآخذ سيارتك وارجع بها وبكره تعال خذها من بيتي ....
اندو : اقول بدال هالمشوار خلني اروح بنفسي وانت اجلس .........
اكيرا : انا ما شاورتك .... اركب .. اركب بس
ويركبون السيارة ويسوق اكيرا باندو ... اندو مغمض عيونه ومنسدح شوي على المرتبه .....
اكيرا : وانت بهالحال كنت تتوقع انك بتقدر تسوق ....؟؟
اندو يرد عليه وهو بنفس الحالة : ايه .. كنت اقدر ..
اكيرا : والحين ؟؟
اندو : ما اقدر على شيء .....
اكيرا : وش فيك ؟؟
اندو : ما فيني شيء ...
اكيرا : انا اعرفك زين .... وحالتك كذا ما تسّرني ...
اندو : تسلم يا الغالي ... بس احس ان راسي شوي مصدع
اكيرا : من ايش ؟؟
اندو : اليوم احسني ما ارتحت ....
اكيرا : حصل شيء ؟؟
اندو : ايه حصل شيء فاجئني مره .... وخلاني طول الوقت قلق .....
اكيرا : وش صار ؟؟ يمكن اقدر اساعدك بشيء ...
اندو : ما تقدر .. وتكفى ما فيني حيل اتكلم اكثر من اللي قلته ....
اكيرا بدون رد : ....
اندو : اكيرا بأسألك ؟؟
اكيرا يلتفت عليه: نعم ...
اندو : لو خيروك بين الحبيب و الصديق من بتكون معه ؟؟
اكيرا : ما فهمت قصدك ؟
اندو : لو يوم حبيت شخص وهذا الشخص يحب شخص ثاني والشخص الثاني عزيز وغالي عليك .... وش بتسوي ؟؟
اكيرا : يعني كلهمـ.....
يقطع اندو كلامه : متى اقدر اعبر عن حبي لذاك الشخص ... انا ما ابي ادمر علاقتهم ... لكن قلبي صار يتحكم في مشاعري ... ما اقدر اتحمل اني اشوفها مع واحد ثاني ..... بس المشكلة هو ذاك الشخص اللي تحبه .... لاني انا بعد اغليه ولا اقدر اخرب عليه ..
اكيرا : ما ادري ..... راح اكون محتار كثير ......
اندو : شفت ... حتى انت اللي دايم تلقى حلول ما لقيت لهالمشكلة حل ...
اكيرا : اندو انت ؟
اندو : لا مو انا ..... هذا شخص اعرفه وعزيز علي مره ..... وودي اساعده باللي اقدر ....
اكيرا : انا آسف ... لكن احتاج وقت عشان اقدر اجيب لهالمشكلة حل عادل ....
اندو : ايه .... تقدر تاخذ الوقت اللي يناسبك .... لكن لو لقيت ...
وينزل راسه وبصوت خفيف : راح تنصرنــــي عليك ...
اكيرا: وش تقول..
اندو: ولا شي..
ويوصلون للبيت ...
اندو : تفضل ..
اكيرا : مشكور لكن بروح ارجّع آيا لبيتها ...
اندو في نفسه : لبيتها مع اهلها ..
اكيرا بابتسامة: سلامتك ياولد العم ما تشوف شر ..
اندو ينزل: الشر ما يجيك يالله مع السلامة ..
اكيرا : مع السلامة ....
وفجأه تذكر: فتح الباب ونزل لولد عمه..
اندو مستغرب : وش فيك؟؟
اكيرا يضحك : ههه نسيت الشيء اللي لاحقك عشانه..
اندو مستغرب: وشو؟؟
يمد كيرا له الساعة : خذ نسيتها ..
اندو يضرب راسه : يوووه جد نسيتها مشكور يالحبيب..
اكيرا: الله يشفيك يالله روح ادخل وارتاح .....ولا تنسى تجي بكره وتاخذ السيارة من بيتي ...
اندو بابتسامة صفرا : طيب ... مع السلامة
اكيرا ابتسم له ورجع لسيارته ..
ومع تواصل الاحداث صار صعب اني احط اقتباسات لانها راح توضح الاحداث الجايه وانا ما ودي احرقها عليكم ....
مع اكمال الحدث نلقاكم في الجزء القادم ......