رواية يا دنبا لا تسكبي الدمعة على خدِ حساس بقلم صديقتي

عامل الميناء : لو سمحت ؟؟
اكيرا يأشر على نفسه : تكلمني؟؟
عامل الميناء : ايه
اكيرا : نعم ... وش تبي مني ؟؟
عامل الميناء : آسفين بس الحين ما تغادر أي سفينة من الميناء .....
اكيرا : وش قصدك ؟؟
عامل الميناء : الحين الساعة 11 ترجع كل السفن وينتهي شغلنا لين الليل ...
اكيرا : طيب الحين كل السفن رجعت ؟؟
عامل الميناء : لا بقي سفينه راحت لجزيرة نقل البضائع ...
اكيرا : اسمح لي ..... انا بروح اشوف وين هالسفينه .....
عامل الميناء : هذا شغلنا واذا تأخرت اكثر بندور عنها ...
ويلتفت اكيرا ويشوف من بعيد سفينه تروح لاتجاه خطأ ....
اكيرا : هذيك السفينه اللي ما بعد رجعت ؟؟
عامل الميناء : الظاهر ايه ..... بس وراها كذا سريعة ومتجهه للطريق الخطأ ...
اكيرا يدقق النظر وحس انه يشوف بلوزة صفرا .....
اكيرا : آيـــا ؟؟!
ويمسك السفينه ويشغلها
عامل الميناء : وين رايح ؟؟
اكيرا ما يعطيه بال ويروح طيران لسفينه آيا .....
اكيرا في نفسه : ليش جاني احساس شين ....
ويلتفت ويشوف دبابين بحريين يلحقون سفينه آيا ...
في سفينه آيا :.
آيا تحاول تبعد البنت عنها : خليني .... السفينه بتودينا بعيد عن الميناء ....
البنت1 بجنون : احسن خليك تايهه .....
آيا بروعه : لكن السفينه .....
ويرن صوت من السفينه وتلتفت البنت على ازرار السفينه وتشوف ان الوقود ينفذ بسرعة .....
البنت 1طارت عيونها : انتي وش سويتي في السفينه ؟!
آيا ضايعه : قلت لك ..... احنا في خطر واذا نفذ الوقود مع هذي السرعة بتتفجر السفينه ......
البنت 1 تمسكها مع ملابسها وهي تنفظها : انتي السبب ؟؟ اخذتيني معك عشان اذا متي اموت معك .... آآه يا النذلة
آيا تحاول تدافع : انا ما سويت شيء ...
وتسحب البنت آيا مع شعرها وتمسكها على حفة السفينه ......
يقرب اكيرا من عندهم ويشوف البنت زانطه آيا وتدزها للبحر ......
آيا تحاول تفكها : باموووووت اتركيني .... فكيني
البنت 1 بألم : ذوقي الالم اللي سويتيه فيني ....
وتمسكها وترميها على البحر في نفس الوقت يصدم اكيرا بسفينتها وتطيح آيا في سفينته....
اكيرا : آيا ؟؟
آيا بهستيريا : السفينه الوقود بتتفجر البنت بتموت كذا .... اكيرا البنت بتموووووووت الحق عليها تكفى ...
البنت 1 صارت تحوس : يا ربي انا الحين وش اسوي بتتفجر هالسفينه ..... لاااااااااااااااااا
ويقـّرب اكيرا سفينته من جنبها .... آيا تمد يدها ...
آيا : يالله تعالي امسكي يدي ...
البنت 1 تهز راسها : لا انا ما اصدقك تبين تغرقيني في البحر ..... انـ....
آيا توترت : بسرعة .... الوقود بينفذ والسفينه طايره والحين بتتفجر .... يالله تعالي ..... عجلي ..
البنت 1 ترتجف : انا اخاف ....
آيا تقرب يدها زياده : انا ماده يدي بسرعة اقفزيييييييييييييييييييييييييييييييييييييي ......

أحداث الجزء الثالث – الفصل الخامس ::
الوقود , السفينة , الموت .... ماذا سيحل بالفتاة ؟؟
ما اعتراف يونا لآيا ؟؟
ما سبب غضب الاب ؟؟

انتي تحبيني ؟؟ (( الفصل الخامس - الجزء 3 ))

البنت 1 : انا اخاف ....
آيا : انا ماده يدي بسرعة اقفزيييييييييييييييييييييييييييييييييييييي ......
البنت مدت يدها وهي ترتجف .......
مسكتها آيا بأقوى ماعندها و سحبتها لها البنت اندفعت بسرعه و طاحت على آيا .. رجعت آيا على ورى من قوة السحبه و صقع راسها بالعمود وفقدت وعيها ...
اكيرا يروح يمسكها و هو يضربها على وجهها بخفيف : آيا ... آيا ؟؟
ويلتفت اكيرا على البنت ....
اكيرا بصراخ : انتي وش اللي سويتيه فيها ؟؟
البنت 1 تنتفض خوف : خلينا نبعد عن السفينه .....
اكيرا بدأ وجهه يحمر من العصبيه : ليه آيا مـ....
البنت 1 تهديه : بأقولك كل شيء ....بس انت الحين ابعد عن السفينه و خلنا نودي آيا للمستشفى بسرعه ..
اكيرا يترك آيا و يتوجه للبنت : والله لو صار لها شي لاتلومين الا نفسك .. روحي حاولي تفيقينها الين نوصل ..تركها اكيرا و راح لمقود السفينة و توجه للميناء ..
البنت راحت ركض لأيا و صارت تحاول تسندها و تقومها ..
اكيرا يتصل على الاسعاف : الو السلام عليكم ... لوسمحت فيه حالة طارئه ... عند مينا الـ......لو سمحت استعجل البنت في خطر ... اوكي احنا بانتظاركم ...
بعد دقايق و صلو الميناء و استقبلتهم سيارة الاسعاف و اخذوها و نقلوها للمستشفى..
اكيرا يكلم البنت : قوليلي وش عندك مع آيا وش السبب اللي خلاك انتي و ياها في مركب واحد ..
البنت بحزن قالتله كل شيء حصل من البداية الى هاللحظه........
اكيرا يعطيها ظهره : للأسف انتم ناس ماتستحقون الحياة ناس فاشله مالها اي هدف ..قال كلماته و راح ركب سيارته ولحق الاسعاف ..
البنت جلست على الارض وصارت تصيح ..
الساعة الحين 5 العصر ...
آيا تفتح عيونها ... تلتفت وتلقى اكيرا قاعد يقرا مجلة ....
آيا تناظر الغرفه : اكيرا ليه انا في المستشفى ؟؟
اكيرا يرفع راسه لها لما شافها قام من مكانه وقعد على السرير
اكيرا : لانك طحتي و اغمى عليك ..
آيا تذكرت اللي صار و بخوف : البنت اللي اسمها ماكـ...
اكيرا يحط يده على فمها : راحت من زمان ... ولا تخافين عليها هي بخير ... وبعد طلبت منك انك تسامحينها
آيا نزلت راسها : اكيرا انت عرفت كل اللي صار ؟؟
اكيرا : ايه ....
آيا امتلت عيونها دموع : تقول اني اخذتك منها ...... انا احس ان اللي سويته غلط انا جرحت كم بنت امس ...
اكيرا يضربها على يدها بحفيف : لا تفكرين بهالشكل ... قولي لي كيفك الحين تحسين بشي يعورك ؟؟
آيا تهز راسها : لا ..
اكيرا يرفع راسها بيده : طيب ليش منزله راسك و تصيحين المفروض تستانسين لان ماكو قالت لي انك افضل وحده لي ... قالتها بعضلة لسانها ...
آيا تناظره : ما عد صرت اعرف الصح من الغلط .....
اكيرا بابتسامه : انسي اللي صار .... ولا تقولين هالخرابيط انتي دايم صح لا احد يهمك ..
آيا تبتسم لثقته فيها ..
اكيرا بتشجيع : ايه خليك كذا على طول .. الصياح ما يناسبك ..
آيا بامتنان : شكرا اكيرا .....
اكيرا بغمزه : يالله آنسه آيا ماودك تطلعين ..الحمد الله اصابتك ماهي كايده ...
ايا تمسح دموعها : الا اكيد ..
اكيرا يوقف : يالله تفضلي بالخروج عشان تروحين لاهلك اكيد قلقانين عليك ...
آيا توقف : اي و الله اهلي و حتي جوالي مقفل ياويلي .....اهم يدرون اني في المستشفى ؟؟..
اكيرا : لا ..
آيا بارتياح : اشوى زين ما سويت .
اكيرا ابتسم لها ..
طلعو الاثنين و هم يمشون متوجهين للسياره ..
اكيرا بصوت منخفض: آيا انا آسف لاني صرت من نصيبك ....
آيا تناظره تسوي نفسها ماسمعته : وشو؟! ..
اكيرا : ولاشي ..
آيا : كأني سمعت اسمي ؟
اكيرا يضحك : هه يتهيألك.. شوفي السياره انا بأسبقك لها عشان افتحها لك ..اوكي ..
آيا بابتسامه : اوكي ..
اكيرا في نفسه وهو متجه للسياره : آسف آيا لكن خايف يجي يوم و تقولين لي ياليتني ما عرفتك و تتحسفين على موافقتك علي ......
آيا تناظره وهو رايح : بالعكس يا اكيرا انا افتخر انك نصيبي ..
ركبت السياره ساد الصمت الين وصلو لبيت آيا .....
نزلت آيا وودعت اكيرا ..
دخلت البيت و استقبلتها امها ..
الام معصبه : آيا وين كنتي امس والى اليوم ما رجعتي .....وليش جوالك مقفل ..
آيا بهدوء: كنت نايمه عند صديقتي ... و جوالي مفتوح طول امس بس تقفل اليوم لان خلص شحنه و صديقتي جوالها غير شاحن جوالي ..
الام : وليش ان شاء الله نايمه عند صديقتك والمدرسة ؟؟
آيا : صديقتي كانت مره تعبانه وهي يتيمه وامها عجوز فقلت اقعد عندها واراعيها لين تستعيد صحتها ...
الام : طيب منهم هذولا اللي جو قبل امس واخذوك ؟؟
آيا بتفكير : من اللي اخذني ؟؟
الام : الحرمتين والرجالين .....
آيا تذكرت : آها هذولا يصيرون اخوان صديقتي .....
الام : هذي اليتيمه و عندها كل هالاخوان .. تكذبين علي يا آيا ؟؟
آيا متورطه : لا هذولا اهل صديقتي الثانية .....
الام تتكتف : ماشاء الله اشوف صديقاتك كثرو ..... انا ما اعرف الا يونا وراي واذكر بعد " ماري " .... من هذولا الجدد ما عرفيتني عليهم ....
آيا بهدوء : ماما هذولا صديقات جدد السنه هذي تعرفت عليهم ....
وبحزن قالت: الله يخليك يا ماما لا تجيبين طاري " ماري " مره ثانيه ....
الام : وش في وجهك ؟؟
آيا تحط يدها على الجرح : لا لا هذا لاني زلقت في حمامهم ....
الام : انتبهي على نفسك ....
آيا : ان شاء الله ...


يتبع ...

وتروح آيا وترقى فوق لغرفتها تدخل الغرفه وتسكر وراها الباب و تروح لسريرها ترمي نفسها عليه باهمال سيرة ماري ضيقت صدرها بمجرد انها تسمع اسمها ...آآه طلعت منها بضيق شديد ..
انطق الباب ...
آيا مالها نفس احد : مييين ؟؟
جولي : هذي انا ...
آيا تتعدل و تجلس على حيلها : ادخلي يا جولي .......
فتحت الباب ودخلت مبتسمه توجهت لآيا وجلست مع آيا على السرير ....
آيا بابتسامه : وش عندك ؟؟
جولي : وين كنتي امس ؟
ايا تدلع لسانها : ماراح اعلمك..
جولي سوت نفسها زعلانه : هين يا آيا و انا اللي جايتك عشان اقولك اخبار عن يونا .. صدق ماتستاهلين وقفت ..
آيا لما سمعت اسم يونا على طول مسكتها مع يدها : وش فيك انتي ما احد يمزح معك خلاص بأقولك و ين كنت بس تقولين لي بالأول وش سالفة يونا ..
جولي ترجع تجلس : وعد
آيا تهز راسها : ايه بس ياله قولي حمستيني ..
جولي تبتسم : يونا اتصللت عليك ..... وقلت لها انك مو موجوده ... قالت اذا رجعت خليها تدق علي ...
آيا بحماس : ايوه ..
جولي باستغراب : بس هذا كل شي ..
آيا بقهر : ومسويتلي سالفه شي عن يونا قلت بس جابت خبر العيد في النهاية هالكلمتين .. مالت عليك اقول قومي عن وجهي .
جولي بعصبيه : والوعد ..
آيا : انسيه ماقلتي شي يستاهل .. بس ان يونا كلمتني ..
لما تذكرت اسم يونا ابتسمت وبعدها تكلمت لاشعوريا : ياحبيلك يا يونا ..
جولي منقهره و حبت توري آيا شغلها فجأه لمست جبهة آيا بيدها : سلمات آيا عسى منتي مريضه ؟؟
آيا بدهشه : ليش وش فيني .. والله ما فيه اطيب مني ...
جولي : مدري عنك فجأه صرتي تحاكين نفسك قلت البنت اكيد مريضه قاعده تهلوس ..
آيا بتعجب : متى كلمت نفسي لاتقعدين تخربطين علي ..
جولي : لا لا آيا انتي من جد مخك فصل اكيد فيك شي؟؟
آيا : هي انتي وش تبين خليتيني مهبوله ما ناقص الا توديني مستشفى الصحه النفسيه ..
جولي تهز راسها مؤيده للفكره : و انتي الصادقه لازم نعالجك اجل تكلمين نفسك ..
آيا تصر على اسنانها : جولي يالزفت ترى اذا ماقلتي وش الكلام اللي قلته بطلعك برى بس بعد ما احوسك ..
جولي تقرب منها و كأنها بتقول شيء خطير : انا لما قلتلك ان يونا اتصلت عليك .. قلتي ياحبيلك يايونا .. قلت بس اختي مريضه تحاكي نفسها ..
آيا عصبت و مسكت اختها مع اذنها : الحين خليتيني مهبوله و محتاجه لعلاج عشان هالكلمتين ..
جولي تمسك يد آيا و فيها الضحكه : آي عورتيني لا انتي جد لازم نعالجك حالتك في تدهور ..
آيا تقومها : لا و الله انتي شكلك من زمان محد كفخك ..
جولي باستعطاف : آيا انا عارفه انك الحين مو في عقلك بس هذا كله لمصلحتك ..
آيا تفتح باب غرفتها و تطلع جولي : طيب ضفي وجهك لا ارتكب فيك جريمه و اصير صدق مهبوله ..
جولي : ايه و الله انتي صادقه .. آيا لازم تفكرين انك تتعالجين ..
آيا فسخت جزمتها بتكفخ اختها بس اختها سبقتها و دخلت غرفتها ..ضحكت آيا على حبابة اختها و رجعت لغرفتها فسخت الجزمه الثانيه و راحت اخذت التلفون الثابت واتصلت على يونا .... وتطلب يونا من ايا انها تقابلها في الحديقة ....
آيا وصلت قبل يونا و بعد شوي جات يونا و الابتسامه تملأ وجهها توجهت لآيا ... آيا اول ماشافتها ضمتها بقوة و بفرحه قالت: تباركين لي اول ولا انا اسبقك ؟؟
يونا بسعاده : مبروك يا الغلا ....
آيا تبعدها و تناظر وجهها : ومبروك لك يا اغلى من الغلا ....
يونا بحيا : كنت اتمنى اني انا وانتي اللي نرسم المظلتين بس اخذها مننا توما ...
آيا تغمز لها : اهم شي انها انرسمت وانا وانتي مع بعض .....
يونا تهز راسها : صح .. الا تعالي من متى وانتي حاطة عينك على اكيرا ؟؟
آيا بتفكير : امم اعتقد اليوم ....
يونا تضربها بخفيف على كتفها : تستهبلين معي انتي ؟؟
آيا تضحك : ههه الله يسعدك ..

يتبع ...

و تسحبها وتجلسها على كرسي و تقابلها : انا ما حطيت عيني عليه هو اللي حاط عينه علي و الله ....
يونا بتفكير: اها اجل باعلمك شيء .... لكن هو في الماضي ... ولا تهتمين فيه مره ... باقول بس عشان ارتاح وتعرفين اني كل شيء اعلمك اياه ...
آيا بحماس: وش عندك ؟؟
يونا : انا كنت حاطه عيني على اكيرا من نص سنه ...... لكن ما اعترفت له لاني ابيك تلقين لك رفيق ويتحقق حلمنا سوا ....
آيا تناظرها وساكته تستناهها تكمل كلامها ..
يونا شافت آيا ساكته : آيا آسفه اذا ضايق...
آيا تسكر فم يونا بيدها وبابتسامه : ولا كلمه وش هالخرابيط كل هذا كان في الماضي صح ..
يونا وعيونها نزلت منها الدموع : يا حبيلك يا آيا..
آيا تمثل الدهشه : ليش الدموع عسى سوما مهو عاجبك ؟؟
يونا تمسح دموعها : لا لا لا تفهميني غلط صح سوما ما كنت افكر فيه ابد ... لكن مو هذا السبب ..
آيا تببسم : فاهمتك يا قلبو بس حبيت استهبل معك و بعدين لاتصيرين حساسه مره..
يونا بابتسامه : اليوم اكتشفت انك انتي يا آيا المناسبة لاكيرا وانا المناسبة لسوما .... عشان كذا انا راضية على كل اللي حصل .......
آيا فجأه : يونا .... احنا تعاهدنا صح ؟؟
يونا تناظرها : ايه
آيا بتساؤل : يونا انتي تحبيني ؟؟
يونا باستغراب: اكيد يا ايا ..... اصلا هالسؤال معروف جوابه انتي تعرفين غلاك عندي .....
ايا برجاء : يعني ما راح تتخلين عني يوم ؟؟؟؟
يونا تغير وجهها : آيا وش هالكلام اللي قاعده تقولينه ... اول مره اشوفك كذا ...
آيا في نفسها : لاني خايفة يا يونا .....
آيا تصرف: كنت امزح معك شوي ... بغيت اشوف ردة فعلك ..
يونا تعطيها ظهرها يقالها زعلانه : يا بايخه هذا وقت المزح ...
آيا تلفها لجهتها : انا آسفه ماني مسويتها مره الثانيه ..
يونا تبتسم و تمسك آيا مع معصمها : الا صح ليش معصمك ملفوف و وش في وجهك ... ؟؟
آيا تورطت : هاه .. ايه زلقت في الحمام ..
يونا بعدم تصديق : واللي يزلق يصير معه كذا .....
آيا تصرف : ايه بعض الاحيان ..... يعني مثلي على طول اتكسر وتوضح علي الضربات ....
يونا بتفكير : آها عشان كذا غايبة اليوم ؟؟ماتشوفين شر يا قلبو ..
آيا : الشر مايجيك يارب ..
يونا : ومتى طحتي ؟
آيا : امس في الليل ....
يونا في نفسها : شلون جولي تقول انها مو موجوده وانها ما شافتها من امس .. والحين آيا تقول انها طاحت في الحمام امس .....
آيا : هي يونا و ين رحتي ..
يونا انتبهت : هه هنا يعني و ين بروح ..
آيا تناظرها بطرف عين : مدري عنك يمكن عند حبيب القلب ..
يونا : انتي لاتناظريني كذا و الله اني ما فكرت فيه ..
آيا تضحك عليها : ههه يالله يا حلوه انا استأذن ...
يونا : تونا ليش مبكره ..
آيا : وين تونا الحين بتغيب الشمس لازم ارجع مبكره وراي اشغال و واجبات ..
يونا : اوكي براحتك بس لا تنسين جمعتنا الاسبوع الجاي .....
آيا تضرب على جبهتها : يوووه كنت صدق ناسيتها .... مشكورة على التذكير ماراح انساها ان شاء الله .. يا الله مع السلامه ..
يونا : مع السلامة ...

يتبع ...

في هالحظه دق جوال يونا ...
يونا ردت وهي مستغربه : هلا اكيرا ..
اكيرا : هلا يونا كيفك ؟؟
يونا : بخير ..
اكيرا : يونا آيا معك صح ..
يونا : ايه و هذي هي بتروح لبيتهم ..
اكيرا بعجله : الله يخليك عطيني اكلمها ..
يونا : طيب طيب ..
يونا تنادي : آيا آيا ~
آيا تلتفت ...
يونا تأشر لها تعالي ..
رجعت آيا مستغربه : هلا وش عندك في شي نسيتي تقولينه ..
يونا تمد الجوال لها : خذي كلمي هذا اكيرا يبيك...
أخذت آيا الجوال : يبيني و على جوالك اللهم اجعله خير ..
آيا ردت بهدوء: الوه..
أكيرا : هلا آيا ..
آيا : هلا فيك وش عندك داق على جوال يونا ليش ما دقيت على جوالي ..
اكيرا : انتي نسيتي ان جوالك غرق ؟؟
آيا : ايه صح من جد كنت ناسية ... لكن اش عرفك اني مع يونا ؟!
اكيرا : اتصلت على البيت وعرفت انك مقابله يونا .. عشان كذا دقيت عليها عشان اوصلك ..
آيا : أها اش كنـ ..
أكيرا يقاطعها : آيا ابي اقابلك الحين ...
آيا : ليش وش عندك ؟؟
اكيرا : اذا قابلتك بتعرفين ..
آيا : طيب وين فيه ؟!..
أكيرا : في حديقة حيكم ...
آيا : اوكي انا الحين جاية...
أكيرا : انتظرك ...
وتسكر السماعة ....
آيا تمد الجوال ليونا : مشكورة ....
يونا : العفو ..وش كان عند اكيرا ..
آيا تهز كتوفها : و الله مدري وش يبي قال ابي اقابلك واذا جيتي بتعرفين وش عندي ..
يونا : ليش ما دق على جوالك ..
آيا : لأن ما معي جوال ..
يونا وين راح ..
آيا بضحكه : ههه غرق ..
يونا بصدمه : غرق ؟!! ووين ؟؟
آيا : في النهر كنت اتمشى عليه وطاح وغرق ...
يونا : اها ...
آيا : يالله قلبو بروح تأخرت على اكيرا مع السلامة ....
يونا بابتسامه : طيب مع السلامة ...
ويفترقون
وتروح آيا لحديقة الحي وتشوفه جالس على الكرسي وبيده شي مربع يلعب فيه توجهت له...
آيا بابتسامه : عسى ما تأخرت عليك ؟؟
أكيرا : لا ما تأخرتي بس كنت متوقع تتأخرين اكثر من كذا...
آيا : يا بيخك اصلا ما كنت بعيده ... وش اللي معك قاعد تلعب فيه ؟؟
أكيرا يمدها لها .. خذي هذي مو لعبه هذي هدية لك ...
آيا بدهشه : لي ؟؟
أكيرا يحط رجل على رجل: اجل لمين .... في احد غيرك ؟؟
آيا بوناسه : وش فيها ؟؟
أكيرا يأشر لها : افتحيها ..
آيا لما فتحت الهديه وشافته فرحت : واو هذا جوال ....
أكيرا فرح لفرحتها : عجبك ؟؟
آيا تهز راسها بكل سرور : ايه يجنن مشكور اكيرا ..
أكيرا يحاول يكتم تعبيره: قلت لهم يطلعون جوالك من البحر ... لكن الجوال راح في خبر كان... بس الشريحة سليمة ... دخلت لك شريحتك في جوالك الجديد ..


يتبع ...

يجيء منكِ اكثر ... (( الفصل الخامس – الجزء 4 ))
تقوم آيا وتروح للمدرسة ... متشيكة ومتكشخة غير كل الايام ...
وتمر من عند الطلاب والكل يبارك لها ....
راي تخمها وهي مبسوطه : آيا مبروووووووووووووووووك يا عمري ....
آيا بابتسامه: مشكوره يا قلبي ..
توما غاير: محنا ناقصين نفاق اجتماعي .. عمري , حياتي , روحي .... كل كلامكم نفاق
راي تدلع لسانها تغايض توما : بلاك غاير .... آيا اكيد عمري .....
آيا بضحكه : ههه الله يخليك يا الحلا كله ..
ويوقف سوما .....
سوما بابتسامه : مبروك لك ولاكيرا ......
آيا بصيغة امر : إسعد يونا .....
سوما : اشوفك ما باركتي لي ما همك غير يونا؟؟
آيا : الله يبارك فيك ..و انت مبرووووووووووووووووووووووووووك عليك يونا ....اسعدها تراها تستاهل تعطيها قلبك ..
سوما : الله يساعدني و اسعدها ..
مورا يصفق : مبروك للكل ....و عقبالي ..
سوما : يالله يا مورا ما بقى غيرك ..... عجـّل علينا .....
مورا : ايه و الله كني حسيت بالغيره .. و بابتسامه كمل :. ان شاء الله بلحقكم عن قريب ....
توما بلقافه : واو مورا حركات تخبي علينا .. قلنا منهي تعيسة الحظ ....
مورا يناظر راي بشفقه : و الله محد تعيس الا راي انها صارت لك ...
سوما تحمس: اخلص علينا .... يالله من هي ؟؟
مورا يناظرهم بتعجب : وش فيكم ؟؟ ما بعد اخترت ....
توما يتميلح : علينا يا الدب وش خايف و الله ماراح نخطفها منك .. بس قل لنا منهي .. ؟؟
سوما : هي معنا في المدرسه ؟؟
راي : وش شكلها ؟؟ بليز اوصفها لنا ..
يونا : مورا بتتكلم و لا نزاعلك << تسوي حركات البزارين ..
مورا طلعت عيونه : خيييير وش فيكم منتو صاحين و الله مابعد اخترتها و ما فيه احد في بالي حتى و لو باختار ما اخذت وحده من المدرسه ..
آيا بدفاع: وراه وش فيهم بنات مدرستنا مو عاجبينك ..
راي تحط يدينها على خصرها : اي و الله آيا صادقه بنات مدرستنا مافيه احلى منهم ..
مورا يهديهم : انتو وراكم كلتوني بقشوري انا ما قلت ان بنات مدرستنا شينات بس قلت ما ابي آخذ منهم ..
توما واقف بصف راي : اجل ليش ما تبيهم ..
مورا : لان و بكل بساطه ما ابي وحده تعرفني و دارسه معي ..
سوما بخيبه : مالت عليك نحسب عندك خبر..
اكيرا دخل عليهم : السلام يا شباب ....
مورا لقى من يحط حيله فيه : هذي تحية واحد توه لاقي له رفيقة .....؟؟
اكيرا مستغرب : وش فيها ؟!
سوما : الظاهر يحسب نفسه لازال في ايامه الخوالي ...
اكيرا يتمسخر : هاها ها ضحكتني وانا ما ابي اضحك ..
توما : وراكب على صديقي الغالي ..
راي تستغل الفرصه : الله من زين النفاق الاجتماعي و تقلده ( صديقي الغالي ) اقول بلا نفاق اجتماعي ..
توما ناظرها و ابتسم : انتي ما تضيعين ولا تنسين ..
آيا : لوسمحت قل ماشاء الله لا توديها في داهيه من عيونك ..
اكيرا يضحك : لا توما عيونه بارده ..
توما يقرب لاكيرا : تسلم يا الحبيب ..
ويغمز لراي .. ابتسمت راي له ..
اكيرا يناظر الشباب و يسوي نفسه زعلان : الحين انا من جيت محد فكر انه يباركلي بس طقاق و مناقر كأني ما هميتكم ....

سوما يبي يقهره : ما يكفي اننا باركنا لايا ....
اكيرا : لا مايكفي .. اجل خلاص ماني مبارك لك .. تكفي يونا عنك ..
سوما : عادي انا و يونا واحد ..
مورا يصفر : واو يا حركات ..
سوما : انت ورى ماتسكت ما تلاحظ انه طلع لك لسان ..
مورا يحط يده على فمه يعني خلاص سكتنا ..
ضحك الكل على حركاتهم و جلسو يسولفون شوي الى ان تصفر ....جات آيا وجلست معهم ..وبعد ربع ساعه صفرت ..
اكيرا وقف : يالله صفرت بروح للفصل ..
وقف الكل : كلنا بنروح لفصولنا .
آيا : انتظرني بجي معك ..
اكيرا : اوكي ..
راي مسكت يد آيا و بهمس قالت :آيا متى بتروحين للمدير ؟؟
آيا : وقت الفسحة ..
راي : تبيني اصير معك ؟؟
آيا : لا مشكورة .. انا ابي اسوي كل شيء لحالي ..
راي : على راحتك ..
آيا : ياالله انا بروح اكيرا ينتظرني ما ابغى أاخره و انا ابي اروح للفصل قبل لايجينا المدرس.....
راي : اوكي باي ...
راحت آيا هي و اكيرا للفصل
مر الوقت وجا وقت الفسحة .....
اكيرا : يووه لك ساعة وانتي تكتبين الملخص يا آيا .... بتقضى الفسحة
آيا : آسفة اكيرا .... لكن ما راح اتفسح معك اليوم ...
اكيرا : ليه ؟.
آيا : احس اني مطوله انت روح اسبقني و انا اذا خلصت جيت ..
اكيرا : اوكي على راحتك ....
لما طلع اكير من الفصل قامت آيا وطلعت للمدير ..
وصلت لغرفته .. طقت الباب:.
المدير : تفضل ..
آيا دخلت: السلام عليكم ....
المدير : وعليكم السلام ...
آيا : هو انت طالبني ؟؟
المدير : لا
آيا : اجل استأذن ...
المدير : آيا ؟؟
آيا : نعم
المدير : ما قال لك ابوك شيء ... ؟؟
آيا : عن ايش ؟؟
المدير : اني كلمته ؟؟
آيا : لا ...... وليش كلمته ؟؟
المدير : تعالي ابي احاكيك شوي ...
وتدخل آيا وتوقف قدامه
المدير : آيا انا اعرفك من سنتين ... لكن ما قد وصلني عنك شيء سيء ...
آيا : وليش تبي يجي عني شيء شين ؟؟
المدير : لا ما اقصد كذا ..... اقصد
آيا : وشو ؟؟
المدير : امس وصلتي رسالة ... او اسميه بلاغ عنك ....
آيا بفضول : ووش هالبلاغ ؟؟
المدير : آيا انتي ليه تدعين البنات كل يوم ؟؟
آيا باستغراب : ادعوهم ؟؟ لوين ؟؟
المدير : للملاهي الليليه ...
آيا انهبلت : انا ادعوهم للملاهي الليلية ؟؟
المدير : هذا اللي وصلني وكثير من الطلاب والاهالي متأذين من هذا الشيء ..
آيا تهز راسها بالنفي : انا عمري ما سويت هالشيء ... وبعدين حتى انا وصديقاتي ما نروح لها .....
المدير : آيا لا تبرئين نفسك .... لان البنات نفسهم قالوا لي هالشيء وانك انتي اللي داعيتهم ...
آيا بدت تخنقها العبره: مستحيل اسوي كذا ومن هذولا البنات ووش اسمائهم... ؟؟
المدير : هم قالو لي اني ما اقولك من هم لانهم يقولون انهم يخافون تسوين لهم شيء ....
آيا بتنجن: يا استاذ انت تعرفني زين ... معقوله تتوقع مني هالشيء ؟؟
المدير : انا متعجب لاني اعرفك .... آيا ما ابي اسمع شيء ثاني عنك ... وهالمره باسامحك ...
آيا تحاول ان دموعها ما نتزل : مع اني عارفة ان هذي اشاعة ..... لكن تكفى حط في بالك اني بريئة كذا بارتاح ......
وتطلع آيا والدموع في عيونها ......
راي كانت تنتظرها برا ...
راي : آيا وش صار ... ؟؟
آيا : راي الظاهر اني بعيش دائما مظلومة .....
راي : تعالي لفصلك و قولي لي وش اللي صار ؟؟
راحو للفصل و جلست آيا و الدموع تنزل بلا توقف و قالت لراي كل اشي حصل ..
آيا : وهذا اللي صار ..
راي : ليه كذا .... من هالغاير اللي يسوي فيك كذا ..؟؟
آيا : انا ما توقعت ان القصة كذا .... ودي اعرف من هالبنات على الاقل ....
راي : جتني فكره .... اسمعي ...
وتقول راي لايا ...
ويمر الوقت ..
وآيا كل حصة تستأذن من المعلم للخروج لدورة المياه ... وتروح عند باب المدير ... وفي الحصة السادسة ...
آيا توقف عند مكان بعيد شوي عن غرفة المدير وتشوف ثلاث بنات متوجهين لغرفة المدير ..... تسمع حديثهم قبل ما يدخلون عليه ....

يتبع ...

الطالبة1 : اكيد الحين راحت له ..
الطالبة 2 : احنا جايين الحصة الثالثة ولا شفناها تروح له .....
الطالبة 3 : اكيد الحين تصيح ومتحسفة انها خذت اكيرا ..
آيا في نفسها : اكيرا .. السبب اكيرا ؟! يعني هذولا البنات اللي ورطوني في هالمشكلة ؟.... خليني انتظر واشوف ...
ويدخلون على المدير وتروح آيا وتوقف عند الباب تتسمع ....
الطالبة 2 : استاذ ما جت لك ؟؟
المدير : البنت صارت متفاهمة وقالت انها ما راح تسويها مره ثانية ....
الطالبة 1 : يعني اعترفت بخطأها على طول ؟؟
المدير : ايه ... وانا من جهتي سامحتها
الطالبة 3 : طيب اذا كانت تكذب عليك وترجع لعادتها الاولة .. ؟؟
المدير : لكل حادث حديث ..... يله روحو وارجعو لفصولكم ..
الطالبة 1 : طيب انت علمتها اننا احنا اللي اشتكينا عليها ..... ؟؟
المدير : طبعا لا .... وحتى هي ما سألت لانها اكيد عارفة من اللي خذتهم للملهى ....
الطالبة 3 : هي تخلي كل بنات المدرسة مو وحده او ثنتين ....
المدير : خلاص انتهينا من الموضوع ويله على فصولكم ...
وتبعد آيا من الباب وتروح تتخبا ...
ويطلعون البنات ...
الطالبة 1 : شلون كذا ؟؟
الطالبة 3 : هي ذكية ومو بسيطه ...
الطالبة 2 : شلون سامحها ..... هذي اكيد ساحرة ... سحرت اكيرا وبعد المدير ....
الطالبة 1 : يله خلينا نروح للفصل لا نتأخر ...
آيا في نفسها : المدير هو اللي ساعدني هالمرة ... الله يستر وش بيسوون بعد ... انا لازم انتبه اكثر لتصرفاتي عشان ما يطلعون شيء علي بعد ..
وترجع آيا للفصل وتجلس وتحط راسها على الطاولة .... اكيرا يناظرها باستغراب ....
وتجي الحصة السابعة .... يجي طالب لآيا ويعطيها ورقة .. آيا تفتح الرسالة ...
آيا : من مين ؟؟
الطالب : وحده ما اعرفها عطتني اياها ....
آيا : طيب شكرا ....
آيا تقرا الرسالة ....
((" بعد نهاية الدوام روحي للمسبح بدون ما يكون معك احد " ))
آيا : راح اقابلهم ؟؟ لازم اشوف غايتهم بنفسي ...
وينتهي الدوام ...
اكيرا : آيا وش فيك اليوم مو على بعضك .... ؟؟
آيا : لا ما فيه شيء لكن فيني نوم شوي .....
اكيرا : يله خلينا نروح ...
آيا : آسفة اكيرا بس وعدت راي اننا نرجع سوا .....
اكيرا : طيب اوكي خلاص ... باي .
آيا : باااي
وتجلس آيا في الفصل وتجي راي لها .....
راي : آيا وش صار ؟؟
آيا : ما صار شيء جديد ..
راي : يعني ما عرفتيهم ...؟؟
آيا : مع الاسف ...
راي : اشوفك ما رحتي مع اكيرا ....
آيا : كان عندي شوية ملخصات ناقصتني وقلت له يروح ....
راي : اساعدك فيها ؟؟
آيا : مشكورة يا قلبي الحين اخلص ...
راي : اجل استعجلي عشان نروح ...
آيا : راي انتي روحي وانا بروح لحالي ..
راي : ليه ....
آيا : مكلفني المعلم بشيء وبطول ما خلصته .....
راي : طيب ... اجل مع السلامة ....
آيا : مع السلامة ....
تطلع راي وتضف آيا شغلها .. وتمر دقيقتين ....

يتبع ...

آيا : اضن اني لازم الحين اروح لنادي السباحة ...
آيا تاخذ شنطتها وتروح للنادي تشوف باب النادي مفتوح وتدخل ....
آيا : فيه احد بغاني هنا ..
وتشوف واحد يأشر لها من بعيد ..
آيا في نفسها : ولد ؟! توقعت اني بقابل البنات ...
وتروح آيا له ...
آيا : انت اللي طالبني ؟؟
الطالب : ايه .... انا واصحابي هذولا ..
ويأشر عليهم ..
آيا : وش تبون مني ؟؟
الطالب 1 : احنا من نادي السباحة .... وانتي بنت معروفة في المدرسة شهرتك وصلت هنا .....
آيا : والمطلوب ؟؟
الطالب 2 : نبيك تشاركين معنا في النادي ....
آيا : بس انا ما اعرف اسبح ....
الطالب 2 : راح تتعلمين مع الممارسة ...
آيا : اسفة لكن ما راح اشارك ....
الطالب 1 : وليه ؟؟
آيا : انا ما احب السباحة ...
الطالب 3 : راح تحبينها ..... وبعد لازم كل واحد يعرف يسبح ....
آيا : لكن التسجيل في النوادي يكون من اول السنه مو الحين .....
الطالب 1 : نقدر نتوسط لك ...
آيا : طيب راح افكر في الموضوع ....
الطالب 1 : ودنا نعرف قرارك الحين لانهم مهلونا يوم ...
آيا : لكن انا ما اعرف اقرر بسرعة ...
الطالب 2 : طيب خلاص خذي جوالي واذا قررتي دقي علي ....
آيا : اوكي .... ومشكورين على الدعوة ..
ويمر اليوم وآيا تفكر .... جالسه على السرير وماسكه المخده ..
آيا : ما ادري بس احسني ما ارتحت لهم ابد ... والصراحة انا ما ودي اشترك في ناديهم .... خلاص قررت اني منب مشاركة وافك روحي من هالنادي .....
وتدق آيا على الطالب ....
آيا : الوه ...
الطالب : اوه ... هلا ايا ..
آيا : انا آسفة ... لكن قررت اني ما اشارك ...
الطالب : وليه ؟؟
آيا : ما ادري لكن ما ودي ...
الطالب : طيب ممكن اشوفك ؟؟
آيا : ليه ... ؟
الطالب : ودي اقنعك بالموضوع ... لكن التلفون ما ينفع .....
آيا : هالوقت ؟؟
الطالب : ايه
آيا : بس انا خلاص ما راح اتراجع ...
الطالب : ابي السبب ..
آيا : من دون سبب ...
الطالب : يله عاد .... تكفين خليني اكلمك طيب ...
آيا : اوكي ... وين تبيني اشوفك ...
الطالب : في الممشى ...
آيا : خلاص اوكي .....
الطالب : مع السلامة ..
آيا تروح وتلبس .... وتطلع في الشارع .. يدق جوالها ....
آيا : الوه ...
اكيرا : هلا ايا ....
آيا : هلا بك ...
اكيرا : تطلعين معي الحين ؟؟
آيا : وين ؟؟
اكيرا : نتمشى ...
آيا : طيب خلاص بس انا بروح الحين اقابل واحد في الممشى وانت تعال هناك وخذني ...
اكيرا : من بتقابلين ؟؟
آيا : واحد من نادي السباحة ..
اكيرا : وش عندك معه ؟؟
آيا : يبوني اشترك معهم في النادي ....
اكيرا : هالوقت .... الناس تسجل من اول السنة ....

يتبع ...

آيا : قالو انهم يقدرون ..
اكيرا : وانتي تبين تشاركين ؟؟
آيا : انا رفضت .... لكن هو قال انه يبي يقنعني ..... واصر اني اقابله ...
اكيرا : لهادرجة يبونك ؟؟
آيا : يقولون اني مشهورة .... واكيد انشهرت زياده يوم صرت رفيقتك هههه ... يله مع السلامة اشوفك في الممشى .....
وتسكر آيا السماعة ...
اكيرا : مشهورة اجل ... ولا بعد انشهرتي زياده يوم صرتي رفيقتي ...
آيا تروح للممشى .... وتشوف الطالب ...
آيا : السلام ..
الطالب : وعليكم السلام ...
وتجلس آيا ويقعد يحاكيها وهو يقنعها ..
اكيرا وهو في الطريق ...
اكيرا : طلاب نادي السباحة ما يحبون الطلاب المشهورين في المدرسة .... توما كان في هالنادي وكان يقول انهم ما يحبونهم ....
في الممشى :.
آيا : طيب ودي اسألك سؤال ؟؟
الطالب : وشو ؟؟
آيا : ليش ما جيتو من انفسكم ودعيتوني .... ليش ارسلتو لي رسالة .....؟؟
الطالب : كنا خايفين انك ترفضين ..... ثم نتفشل ....
آيا : طيب ليش قلتو في الرسالة .... محد يجي معي ... يعني لحالي ؟؟
الطالب : كنا خايفين تنحرجين من اللي معك وترفضين ....
آيا : اها ..... طيب في النهاية .... انا رافضة ...
الطالب : راسك يابس ...
آيا : آسفة ...
وتوقف آيا ...
الطالب : وين ؟؟
آيا : بروح مابيني و بينك كلام ..
الطالب : لايكون زعلتي ؟..
ايا : مازعلت بس اتركني في حالي انا رايحه ..
الطالب : يمسكها مع يدها : آيا انتظري ..
آيا ارتاعت من جرأته .. ابعدت يده عنها : لوسمحت لاتلمسني ..
الطالب يسوي نفسه متأسف : آسفه ما كان قصدي بس كنت بأقولك خليني اوصلك ..
آيا بقرف تعطيه ظهرها : مشكور ماتقصر .. بيجي اكيرا ياخذني من هنا ...
في هاللحظه جاء اكيرا ..
الطالب : انتبه لاكيرا ... اسرع لآيا وضمها له من ظهرها ...
آيا تحاول تبعده: ابعد عني يا وقح وش تبي مني ؟؟
وفي نفس الوقت ينزل اكيرا ويشوفهم ..
آيا بكل قوتها : قلتلك ابعد عني..
الطالب لما تأكد ان اكيرا شافه بعد عنها ...
آيا شافت اكيرا وكان وجه متغير
آيا : اكيرا انت جيت ؟؟
اكيرا وجه كله الوان من الصدمه: وليش متفاجئة ... الظاهر انك ما تبيني اجي ..... ؟؟
آيا مرتاعه تهز راسها : لا مو كذا قصدي ....
اكيرا بدأ يتنفس بسرعه من شدة المنظر : ما توقعت منك يا آيا ...... لكن يجي منك اكثر .....
اسرع اكيرا لسيارته وركب فيها وطار بسرعه جنونية ..
آيا تلتفت على الطالب ولا تلقاه موجود ...
آيا بصرخة مظلوم : لااااااا ...خدعتوني ياحقيرين ..... ليييييييييييييييييييه ؟؟!!
وتقعد آيا في الأرض وتصيح صياح يقطع القلب ....
آيا وهي منهاره : كله منكم يا كذابين ..... كله منكم شككتو اكيرا فيني .... ؟؟
جلست على حالها مده بعدها وقفت ورجعت لبيتهم تتسحب مافيها طاقه كل قوتها راحت مع الصياح .. دخلت للبيت توجهت لغرفتها راحت لسريرها و نامت مكسورة القلب ....
في الصبح :.
الام : آيا يله روحي للمدرسة ...
آيا : ما ابي اروح اليوم ...
الام : لكن هالسنة كثرتي غياب ...
آيا : انا ما ابي اروح للمدرسة ابد ...
الام : طيب ... خلاص على راحتك ...
في المدرسة :.
يونا : صباح الخير راي
راي : صباح النور ....
ويمر اكيرا من عندهم ...
يونا : وش فيه حتى ما سلم علينا ...
راي : الا وين آيا ؟؟
يونا : ما ادري عنها ... ما بعد جت ....
توما : شفتو اكيرا ؟؟
يونا : تو مر من عندنا ... لكن اليوم مو على بعضه ...
توما : وش فيه ؟؟
راي : ما ندري ..... روح اسأله وعلمنا ...
توما : طيب ... يونا ما جاء سوما ؟؟
يونا : قال لي امس انه بيتأخر عشان مباراة نادي السلة يبي يستعد لها ...
توما : ايه والله كنت ناسي ...
ويروح توما لاكيرا ويشوفة جالس على الكرسي وحاط راسه على الطاولة .....
توما : صباح الخير ..
واكيرا ساكت ..
توما : اكيرا ... وش فيك يا اخوي ؟؟
اكيرا : توما خلني لحالي .... تكفى
توما : ما اشوف آيا هي جت ؟؟
اكيرا في نفسه : ولها وجه بعد تقابلني .....
توما : اكيرا .... ياخي قلي وش فيك ؟؟
اكيرا : راح اقول لك لكن تكفى بعدين ....
توما : اوكي ... يله انا بروح الحين قبل ما يجي المعلم ..... اشوفك بعدين وبحالة احسن من كذا ..
توما قدام راي يتكلم معها ...
راي : متغلق ؟؟
توما : لكن لما اعرف وش فيه راح اقولكم ..
راي في نفسها : آيا لا يكون اللي ورطوك امس بعد مسوين لك شيء اليوم ..... بس وش اللي صار آيا شكلها غايبة ... آآه لو اعرف من هالبنات.
ويمر اليوم واكيرا ساكت وما قال شيء لتوما .....

يتبع ..

يقوم اكيرا من كرسيه بيطلع من الفصل ... ويقابله سوما ومورا وتوما ....
توما : مر اليوم كله .... وانت ما حكيت ولا بحرف ....
سوما : اكيرا ....هذا الوجه مو وجهك اللي نعرفه ..
اكيرا : توما ~
توما : نعم
اكيرا : انت كنت في نادي السباحه صح ؟؟
توما : ايه ...
اكيرا : تعرفهم كلهم ؟؟
توما : اممم ما اقدر اقولك اني اعرفهم كلهم لان اكيد فيه ناس سجلو من بعدي ....
اكيرا تغير وجهه ولا يدري وش يسوي ...
توما : اكيرا ؟؟ حصل شيء بينك وبين آيا ؟؟
يمشي اكيرا ويخليهم ... يناظرون بعض باستفهام ويمشون وراه .... يروحون لنادي السباحه ويدخل اكيرا وهو يتلفت على كل الطلاب .....
توما : تدور على مين ؟؟
اكيرا : وين المدرب ؟؟
توما : اعتقد طلع ... لكن فيه " كي " هو يعرف كل اللي هنا ؟
اكيرا : وينه ؟؟
توما يتلفت ويشوفه من بعيد .....
توما بنداء : كيييي ~~
يلتفت " كي " ويبتسم يوم شاف توما ويجي لهم .....
يسلم توما عليه .....
كي : وين من زمان عنك يا المتقاعد ...
توما : خلاص هالنادي صار من الماضي ....
كي : على هالسنتين تكبرت علينا ....
توما : ايه وسع صدرك خلاص انا مليت .... اهم شيء اني اعرف الاساسيات ....
كي : ما راح اكثر معك عارفك راسك يابس ...
توما : صديقي اكيرا يبي منك معروف ..
ويسلم اكيرا عليه : آسف اننا جينا لك وانت مشغول ....
كي : لا عادي لا مشغول ولا شيء .. تفضل اطلب اللي تبي ...
اكيرا : الله يعافيك .... بس بس بغيت اشوف ملف المسجلين في النادي ..
كي : عندك عضو هنا تبي تقابله ؟؟ طيب عطني اسمه وانا اطلعه لك ..
اكيرا : مع الاسف انا ما اعرف اسمه لكن اعرف شكله ....
كي : وش يصير لك .. قريب ؟؟
اكيرا : لا معرفه بس ... وبغيت اعرف اسمه ...
كي : على راحتك .. تعال معي واعطيك الملف لكن تبي أي مرحله ؟
اكيرا : ثالث ثانوي ...
كي : اوكي تعال معي ...
يروح اكيرا معه ويبقى توما مع الباقي ...
سوما : غريبه وش عند اكيرا ؟؟ من هالشخص اللي يبي يعرف اسمه ..
توما : والله حتى انا مستغرب ... تصرفاته غريبه ....
مورا : انا مو مرتاح من هالتصرف ...
سوما : اذا كان فيه شيء حصل بين اكيرا وآيا اكيد واصل لراي ... توما اسألها ...
توما : اوكي بحاول اليوم اتصل واعرف كل شيء ... وعسى عندها الاخبار ....
اكيرا قاعد يتصفح الملفات ويشوف صور المسجلين ولا لقا الشخص اللي كان مع آيا ...
اكيرا : هذولا كلهم ؟؟
كي : ايه ....
اكيرا في نفسه : وكنتي تكذبين علي انه من نادي السباحه يا آيا ...
اكيرا : شكرا لك ..
كي : ما لقيت الشخص ؟؟
اكيرا يحاول يصرف يفتح واحد من الملفات ويأشر على واحد ....
كي : هذا ؟؟
اكيرا : كنت احسبه انه هنا لانه يشبه هذا العضو .... آسف ازعجتك بطلبي ....
كي : لا عادي لا ازعجتني ولا شيء ...
يسلم اكيرا عليه ويطلع ويروح لربعه ....
توما : وش عندك ؟؟
اكيرا : كنت مشبه ... ما فيه شيء ....
يرجع الكل من الدوامات ....

يتبع ..

الابو يدخل البيت يصارخ : آيــــــــا ........ آيــــــــــــــــــــــــــــا ... ؟؟
آيا تقوم مفزوعة : وش السالفة ؟؟
الام : هد بالك ...... وش اللي صار ؟؟
الابو : وينها ..... وين آيا ؟؟
آيا : انا هنا وش فيك يا ابوي ....
الابو يحاول يمسك اعصابه ويروح لآيا
الابو : فضحتيني وسودتي وجهي ... مو هذي تربيتي فيك ....
آيا ما تفهم وش يبي يوصل له: ابوي ؟؟
الابو : يا قليلة الحياء ....
آيا : وش سويت ؟؟
الابو : تفشليني عند المدير وعند الناس والعالم ......
آيا : وش سويت علمني ؟؟
الابو : قولي لي قبل امس وين كنتي بالضبط ....
آيا : قلت لكم اني كنت عند زميلتي مريضه ...
الابو : وينها ؟؟
آيا : معي في المدرسه ... زميله بس
الابو : وين بيتهم ابي اروح لهم ..
آيا بخوف : ليه تبي تشوفها ؟؟
الابو : وينها ؟؟
آيا : بيتها مره بعيد خلاص انا اخليها تجي لنا ...
الابو : واذا كان بيتها بعيد ليه تصير معك في مدرستك ليه ما تكون في مدرسه قريبه منها ؟؟
آيا حست انها تورطت مع هالكذبه ....
آيا تعض على شفتها : آسفه .... ما كنت عند زميلتي ..
الابو حمقان : وتكذبين علي بعد ...
آيا : مو هذا المهم ... انت وش فيك علي ؟؟
الابو : فضحتيني ... ما توصل ان بنتي بهالشكل ....
آيا حمقانه : لا تحاكيني بالالغاز ووضح لي ؟!!
الابو ما قدر يمسك نفسه وصفق آيا مع وجهها ...
الام وجولي شهقو ..
آيا تحط يدها على خدها : وتضربني حتى بدون ما اعرف السبب ... هذا ظلم
الابو : اطلعي برا لا انا ابوك ولا اعرفك ... ولا ترجعين لهالبيت مره ثانية .... برا
آيا : تطردني يا ابوي من بيتك ...... تطرد بنتك ... ؟؟!
الاب : اطردك و اطرد كل من يمشي ممشاك ...
آيا تقعد على الارض عند رجول ابوها وهي تصيح : احب رجولك لا تتبرأ مني .... تكفى يا ابوي ..
الابو : اذا رجعت وشفتك في هالبيت بتشوفين الموت ..
طلع وخلاها في دوامه جديدة..
آيا تناظر امها و دموعها تسيل: يمه ابوي تبرا مني تبرأ مني ... لا ما ابي الشارع ابي اهلي يمه ابيكم و الله انا مظلومه .. جولي انا مظلومه لاتصدقين كلام احد و الله انا مظلومه.. يمه انا تربية يدينك والله عمري ماسويت شي مايرضيك .. جولي انا اختك نقيه و ما ارضى على نفسي الفساد تراني مظلومه ..وصارت تصيح بهستيريا ..
الأم تصيح مع بنتها و هي ضامتها : مصدقتك يا بنتي يا قلبي انتي انا اعرفك و اعرف تربيتي فيك انتي آيا بنت بطني من لحمي و دمي ..
جولي موقفه مكانها و تصيح على حال اختها وهي حاطه يدها على فمها تكتم شهقاتها ..
حال البيت ما يسر .. فجأه
قامت آيا وهي تصيح وطلعت برا البيت ...
الام تلحقها : آيـــــا ~
توقف آيا وتلتفت على امها
آيا : ما ابي ابوي يقتلني يا يمه ...
الام : وين بتروحين ....؟؟
آيا : اي مكان اي مكان ...
وتروح آيا وهي تركض .....
الام : آياااااااااااااااااااااااااااااااا ..... ارجعي يا بنتي ....
رجع الابو ودخل البيت ..
الام : حرام عليك في اللي تسويه في بنتك .....
الابو : خليها تروح ..... روحه بلا رده ...
وجولي من هول المنظر طلعت لغرفتها راحت تبكي .. اختها الوحيده المظلومه اللي ماتعرف وش سبب تبري ابوها منها قعدت تصيح على تغير حالهم ...

أحداث الجزء الاول – الفصل السادس ::
ماذا ستفعل آيا ؟؟
وهل ستظهر برائتها ؟؟
وهل سيندم أكيرا ؟؟


خلصنا من الفصل الخامس وراح ندخل للفصل السادس ...
يله ان شاء الله تستمتعون به ...
جانئ حبايبي ... ~

سلامووووووووون ميناآ ..........
واخيرا وصلنا الى الفصل السادس ...... يله غيرو جو عن المدرسه واقرو شيء خخ ....
اتمنى تستمتعون بقراءته ..... ^_^


انا كاذب .. انا خائن (( الفصل السادس – الجزء 1 ))


آيا : وين بروح بعد كل هالجروح ؟؟ اذا كان ابوي ما يثق فيني من بيثق ؟؟
وتدق آيا على راي .....
راي : الوه ...
آيا وهي تصيح : ابوي تبرأ مني يا راي ..... ابوي طردني واكيرا كرهني ...
راي منبهره : آيا ... وش السالفة ؟؟ لا تصيحين .... انتي وينك ؟؟
وتقابل راي آيا على الجسر ....
راي : من اللي سوا فيك كذا .؟؟ ليش وجهك كذا يا آيا ؟؟
آيا : راي .... ابوي ضربني وطردني والا الان ما اعرف وش السبب .... راي انا بريئة ...
راي: انا مصدقتك يا آيا ...
آيا : اكيرا ..... اكيرا كرهني كرهنيييييييي ...
راي : آيا وش القصة ؟؟ قولي لي من البداية ؟؟
وتقعد آيا تقول كل شيء راي ....
وفي نفس الوقت يتقابل توما مع اكيرا ...
راي : يوم عرفتيهم ... ليش ما رحتي لهم وتكلمتي معهم ؟؟
آيا : كنت اقول في نفسي ما ابي مشاكل اكثر معهم
راي : والحين اللي انتي فيه .... ماهو مشكله ؟؟
آيا : الا مشكلة واكبر مشكلة بعد ...... خلاص انا محد يبي وجودي ... المفروض اني ام اكون موجوده بالاصل ...
وتقوم آيا وترقى على الجسر ..
راي تقوم وهي مندهشه : آيا وش تسوين ؟؟
آيا وهي واقفه على حفه الجسر ...
آيا : خلاص انا ما اقدر اتحمل اكثر ... ما ابي اعيش بهالشكل المرعب ... انا كرهت نفسي ....
وآيا بتطب وتجي راي وتمسكها وتقعها على الارض وتصفقها كف على وجهها ....
راي وعيونها مليانه دموع : انجنيتي انتي ؟؟؟ وين آيا القويه ؟؟؟ بتنتحرين !!!
آيا : ثاني صفقه على وجهي اتلقاها .... وبعد في نفس اليوم ...
راي تمسك آيا مع وجهها : ليه تفكرين كذا ؟؟ ليه تعتقدين ان وجودك ماله معنى ؟؟ انا , يونا , امك , جولي وناس كثير ...... ما نقدر نعيش من دونك ...... لا تصيري كذا آيا ....
وتخم راي آيا وهي تصيح بقوه ... وآيا بلا حراك ولا أي تعبير ....
بعد شوي تبعد راي عن آيا وتقوم وترفع آيا ...
راي : اسمعي انا ما اقدر ادخلك معي لبيتنا ... خلينا نروح ونحجز لك في فندق لين نلقى حل لهالمشكلة ...
آيا بدون أي اجابه ..
راي تمسك يد آيا وتمشي بها ....
ويروحون ....
توما : نادي السباحة ؟؟
اكيرا : هذا اللي قالت لي اياه .....
توما : اكيرا .... ما ادري بس آيا مو من هذا النوع ..
اكيرا : طيب وش اسمي اللي شفته بعيوني ...
توما : اقصد لو كانت بتواعده من وراك كان ما قالت لك مكانها وكان قالت انها بتقابل وحده مو واحد ......
اكيرا : ما ادري يا توما .... انا محتار محتااااااااار ..... رحت لنادي السباحه اليوم عشان اقابله واتكلم معه .... لكن ما صار من النادي .. يعني آيا كذبت علي ...
توما : يمكن هو بعد لاعب عليها ..... يمكن قابلته في النادي وتوقعت انه منه ..
اكيرا : شلون ؟؟
توما : في النادي يجون زوار في آخر الدوام ....
اكيرا نزل راسه بدون استجابه ....
توما : طيب ليش ما تقعد معها وتتفاهمون ....
اكيرا : انا ما اطيق اشوفها ..... احسنها ما تحس في اللي سويته عشانها ....
توما : اكيرا هذا وانت كنت حال مشكلتي انا وراي بالتفاهم الحين ما تحل مشكلتك بمثلها ... ؟
اكيرا : كان الموضوع غير ..
توما : اوكي انا بروح لآيا في بيتها واجلس معها واشوف وش عذرها .... ثم نشوف الحل الامثل ..
اكيرا : سو اللي تبيه .... واتمنى ما يصح ظني ....
تنتهي محادثتهم وبعدها افترقو ... يروح توما لبيت آيا وتفتح له الام وتعلمه اللي حصل ...
توما : والحين هي وينها ؟؟
الام : ما ادري بس الابو مانعنا اننا ندورها .... تكفى تكفى اترجاك رجع لي بنتي .. بنتي اكيد كانت مظلومة ...
توما : طيب
جولي : انت ... ؟؟
توما : نعم
جولي : آيا اكيد كان فيه احد يبي يورطها ... آيا مستحيل تسوي كذا .... اصلا الصور تدل انها مظلومة ....
توما : أي صور ؟؟
جولي : ابوي يوم جاء كان معه ظرف فيه صور ...
توما : وهو عندك الحين ؟؟
جولي : ايه
وتروح وتجيب له الظرف ...
توما : اوكي ... احاول القى آيا وارجعها ...
الام : مشكور ...
ويروح توما ويفتح الظرف ويشوف الصور ....
توما : لا لا آيا اكيد احد ملفق لها هالفضيحة .... انا لازم انهي هالموضوع قبل ما ينتشر اكثر على وحده مظلومة ....
ويدق على آيا ...
آيا : من اللي يدق يا راي ؟؟
راي : هذا توما ...
آيا : ردي عليه وقوي اني نايمة ... ولا تعلمينه وين مكاني ...
تهز راي راسها يعني اوكي ...
راي : الوه
توما : الوه آيا ؟؟
يونا : لا هذي انا راي ؟؟
توما : راي !! ... طيب عندك آيا ؟؟
راي : ايه
توما : عطيني اياها ابي اكلمها ضروري .....
راي : لكن آيا الحين نايمة ...
توما : وينها هي عندك في البيت ؟؟
راي : لا
توما : وينكم انا ابي اشوفها ....
راي : هي ما تبي تقابل احد ...
توما : راي ... تكفين انتي ما تعرفين شيء .. انا لازم اكلم آيا ....
آيا : خليه يجي ... لكن لحاله ....
راي : آيا قامت وقالت تعال ....
توما : وين ؟؟
وتعلمه راي الفندق ويروح لهم ... ينطق الباب ..
وتروح راي تفتح الباب ..
توما: آيا شلونك ؟؟
آيا : زي ما تشوف ....
توما يشوفها بدهشة ... وجهها واضحه عليه الضربه ... وواضح عليه التعب ..
آيا : وش تبي ؟؟
توما : آيا انا رحت للبيت وامك تبيك ترجعين ....
آيا : غيره ..
توما : امك محتاجتك واختـــ ....
وتلتفت آيا مع الجهة الثانية .....
يتبع ..

آيا : هذا الموضوع .... طيب خلاص فهمت فيه شيء ثاني ؟؟

توما : تبين تعرفين السبب اللي خلا ابوك يسوي فيك كذا ....؟؟

وتلتفت عليه ....

آيا : ايه ...

توما : بسبب هذي الظرف .....

ويعطيها الظرف وتفتحه .. الا فيه صورتها والولد خامها ... ورساله مكتوب فيها " شكرا استمتعت كثير في ذيك الليله " ..

آيا : لا لا لا هم كذابين هم اللي سوو فيني كذا ... راي هذا هو هذا هو ...

توما في نفسه : زي ما توقعت .....

راي : هذا هو ؟؟

آيا : ايه هو لعب علي ... هو واخوياه

توما : ممكن اعرف وش اللي صار يا آيا ...

آيا : زي ما تشوف في هالصور ... بعد ما صدقت ... اكيرا صدق وليه انت ما تصدق بعد ؟؟

توما : آيا اكيرا كان في لحظة مفاجئة وما كان معه عقله ....

آيا : خلاص اذا كان يبيها من الله هذا هي جت ....

توما : آيا مو هذا وقت هالكلام ....

آيا : انا ما احب احكي عن هالموضوع ...

راي : انا اللي بعلمك ... هذي مؤامرة ... ولازم يعرف اكيرا ان آيا شريفة .....

وتقعد راي مع توما تحت في الكافيه وتعلمه السالفه ....

توما : معقوله ؟؟

راي : هذي القصة .... وآيا تورطت فيها ... واكيرا زاد عليها انه تركها في اصعب اوقاتها ...

توما : طيب يا راي ..... شلون نصلح الموضوع ؟؟ هالمره فيه ابوها .. وما اظن راح يصدق كلامنا بهالسرعة ..

راي : اول شيء نخلي اكيرا يرجع لها .... ثم نصلح بينها وبين ابوها ...

توما : واللي ورطوها ؟؟

راي : الى الان وانا افكر فيهم ..... هم مجموعة مهيب سهلة ....

توما : لازم هذا الموضوع ما يطلع لاحد .... اوكي ؟؟

راي : اكيد ...

ويمر الوقت ..... يروح توما لاكيرا ...

توما : آيا تبهذلت يا اكيرا ..... وضربها ابوها وتبرأ منها وطردها ....

اكيرا : شلون ؟!

توما : رحت لآيا وما توقعت اني باشوفها يوم بهالشكل .. آيا تعذبت وفي النهاية هي بريئة .....

اكيرا : وليش الا الان وانت تقول انها بريئة ... ؟؟

توما : انا عرفت كل الموضوع ..... اكيرا آيا تعذبت عشانك ... وانت سحبت ثقتك بها وتركتها ...

اكيرا : وش قصدك ؟؟

توما : آيا عشانها صارت رفيقه لك .... اشتغلت الغيره بين البنات وسوو لها هالمؤامرة وصورو الموقف اللي شفته وغير وعطوه لابوها ..

اكيرا : علمني كل شيء من البداية ... انا ما فهمتك ....

توما : ما راح اقولك اكثر من اللي قلته لك .... انت وضميرك .. انا بروح

اكيرا : على وين ؟؟

توما : بروح افكر في هالمسكينه ... اللي تخليت عنها ...

ويروح توما ويخلي اكيرا لحاله ...

اكيرا : توما .... وين آيا ؟؟

توما : في فندق ..... وما راح اقولك ايهم ... اكتفي باللي قلته ...

ويقعد اكيرا ...
ويتذكر الماضي .....
اقتباس من (( الفصل الثالث – الجزء 1 )) ::
اكيرا : قولي اللي في خاطرك ...
آيا : في خاطري ... اشياء كثيرة .... آآآآآه لما افكر اني بأنتهي من هالثانوي والكل اللي في عمري لقولهم ارفقاء ... وانا بس اتفرج عليهم تجي
في قلبي ضيقة ... واقول ليش انا منب مثلهم ليش انا مكروهة من الجانب الولادي ... يمكن لان شخصيتي ولادية ... طيب انا ما كنت كذا من قبل
انا كنت بنوته ... لكن ... لكن ... حالتي الحين تختلف عن قبل ... فيه اشياء كثيرة حصلت في سنوات قليلة ... انا احسني الحين ابغى امل ..
اقتباس من (( الفصل الثالث – الجزء 2 ))
اكيرا : في كل العالم فيه الخائن والوفي .. مو اذا خانك شخص وتخلى عنك .. ان الكل بيتخلى عنك ... بالعكس فيه امثالك .. انتي شوفي نفسك
ما كفرتي عشرتك معها مع انها خانتك ... وذكرتي محاسنها بعد .... يمكن هي الحين نادمة على كل كلمة قالتها لك ...
ويمكن بعد كرهت الدنيا بعدك ... انتي ما تدرين عنها .... بس لازم انك تثقين بالناس ... حتى لو صدمك واحد هذا ما يعني ان الكل مثله
انا اثق في توما واثق في سوما واثق في مورا ..... واثق فيك ... واحنا بعد يمكن نخطي ... لكن لازم نصحح خطأنا ...
اقتباس من (( الفصل الرابع – الجزء 2 ))
آيا : اكيرا تعرف ليش قبلت ؟؟
اكيرا : ليه ؟؟
آيا : لاني حسيت في ذاك الوقت انك صادق في كلامك .... عشان كذا تكفى لا تخيب ظني فيك .... وانا ما كنت اثق في احد لكن وثقت فيك ..
اكيرا : لو الجدران تشهد والسماء والارض تتكلم وقلبي يطلع لك وينطق ..... ما راح يقولون لك الا انتي الاختيار يا آيا .....
اقتباس من (( الفصل الرابع – الجزء 2 ))
آيا : اكيرا اللي اقدر اقوله الحين ..... اني اثق فيك ..... واقبل حبك .... لكن لا تصدمني هذا رجائي ....
اكيرا : ما راح اتخلى عنك ابد مهما حصل ........
****************
اكيرا مسك براسه وبكل غضب يضرب على راسه : انا كذاب .. انا خاين .. آيا انا ما وفيت باللي قلته .. آيا انا آسف .. آيا سامحيني انا صدمتك يا آيا .. آيا انا غلطان انا شلون شكيت فيك ؟؟
ويقوم اكيرا بسرعة ويركب سيارته .....
يونا : معقوله يا آيا ... ؟؟
آيا : راي انا عطيت اكيرا ثقتي .. لكن هو ما وثق فيني ....
راي : لكن هذا خلاف بسيط ....
آيا : هو ما يعرف غلاي .... وانا لو اجلس طول عمري بدون رفيق خلاص انا عفته ....
راي : كل واحد يخطئ .... وحتى هالشك دخل بيني انا وتوما ... والحين تصالحنا ... آيا لا تحطين في بالك هالكلام ...
آيا : انا الحين ما يهمني اكيرا ... ما همني الا ابوي وامي وجولي .....
راي تشوفها بحسرة .....
آيا : انا بنتقم منهم منتقمه منتقمة .... في قلبي حره وودي اطلعها عليهم ...
يونا : وش بتسوين ؟؟
آيا : راح تشوفين ..... عن قريب ... لكن راي ابي اطلب منك ...
راي : قولي ...
واكيرا يدور بين هالفنادق ويسأل .....
آيا : مشكورة يا راي .... تعبتك معي ..
راي : تعبك راحة يا الغالية ..
وتطلع راي من عند آيا ......
وتروح لبيتها .....
اكيرا : لو سمحت عندكم اليوم وحده سكنت باسم آيا ....
الرسبشن : انتظر شوي ...
اكيرا في نفسه : درت كل الفنادق وينك يا آيا ..... ؟؟
الرسبشن : عندنا ثلاثة بهالاسم .... ممكن تعطيني اسم العائلة ..
اكيرا : طيب محد منهم حاط اسمه بدون العائلة ...
الرسبشن : الا وحده ....
اكيرا : من متى هذي جاية ...
الرسبشن : اليوم مو من زمان ...
اكيرا : كم رقم غرفتها .... ؟؟
ويروح اكيرا مستعجل ويطق الباب ....
آيا : ما اقوى اروح افتح .... مين اللي جاء ؟؟
وتقوم آيا وتشوف مع العين السحرية ..
آيا : من هذا ؟؟ ما وضح ....
آيا : مين ؟؟
وتفتح آيا الباب ويقابها اكيرا ....
آيا : انت ؟!

إما ان تموت او انا اموت ... (( الفصل السادس – الجزء 2 ))

وتفتح آيا الباب ويقابها اكيرا ....
آيا بصدمه : انت ؟!
اكيرا تغيرت ملامح وجهه اول ما شافها ....
آيا تعطيه ظهرها : وش تبي ؟؟
اكيرا يمسكها مع كتفها : آيا انا ابي اكلمك ....
آيا تبعد يده عن كتفها بقوة و تلتفت عليه و عيونها مليانه دموع : وش تبي تقول ... يكفي فعلك .. انا اكتفيت .....
اكيرا برجاء مايتحمل دموعها : آيا ارجوك انا محتاج منك انك تسمعيني
آيا تسد اذانيها ماتبي تسمعه : وانا آسفة مو محتاجه لك ولا ابي اسمعك ...
اكيرا بدأت العبره تخنقه : آيا قلبـ...
آيا بصراخ ودموعها تنزل بغزاره : لاتقول قلبي انت كذاب كذااب ..
تأشر له يطلع برا : ولو سمحت المكان اللي جيت منه ارجع له ...
اكيرا : آيـ..
وتسكر في وجه الباب بأقوى ماعندها ...
اكيرا بدأ صوته يتغير : آيا اسمعيني لو ورا هالباب ... آيا انا اعترف بخطأئي .... آيا انا كنت في لحظة ما كان عقلي معي .. آيا انا نادم من صدقي نادم ...
آيا تحط يدها على فمها تحاول تكتم شهقة بكاء طالعه من صميم قلبها و دموعها تنزل بلا توقف ...
اكيرا بصوت كسير : ايا ردي علي لاتسكتين تكفين ..
آيا : قبلت أسفك .... لكن ما راح ارجع لــــــــك ..
اكيرا وقرب للباب: آيا انتي تعرفين المعاناة اللي عانيتها عشانك ....
آيا بغضب: وانت ما قدّرت اللي سويته لك .... وين الثقه اللي كنت تقولها ......
اكيرا بحنان: لا يا آيا لا ... آيا انا اثق فيك ولين الحين وانا اثق فيك ... آيا خلينا نرجعـ...
آيا بإصرار مجروح: ماراح ارجع ...
أكيرا بضيق: هذا قرارك ؟؟
آيا والدمعه تخونها تودع الحبيب : ايه هذا قراري ..
سكت اكيرا بيأس و ألم تسند على الباب ...
آيا نفس الحالة .....
أكيرا في نفسه : من بعدك اعيش الموت الف مرة …. خذيني وين ما كنتي … ما ابي اصير بعيد عنك …. حبك مازال وماراح ينتهي …. في عروقي يا بعد عمري ....
ويروح اكيرا مكسور الخاطر .... وبدون ما تحس آيا به ....
آيا تجلس على الارض وتصيح بحسرة ....
آيا بألم : اكيرا ... انا آسفة لكن بعد اللي صار ما اقدر اثق انك ما راح تسويها فيني مره ثانية ....
اكيرا يطلع في الشارع ... ويرفع راسه لدريشه آيا ...
اكيرا ودمعه خاينه نزلت: ما الومك .... لكن الوم نفسي ...
آيا تروح للدريشة وتطل وتشوف اكيرا وهو يركب سيارته..
آيا بحزن تتلمس الدريشه : أكيرا ...
ويمر اليوم و آيا في غرفتها ....
وفي اليوم التالي ...
يونا تقابل راي : صباح الخير ....
راي بابتسامه: صباح النور ...
يونا بتساؤل : وين آيا ؟!
راي : ماراح تجي .. دقت علي امس وقالت لي انها بتغيب ....
يونا بخوف : عسى ما شر وش فيها ؟؟
راي بضيق: زلقت في الحمام ...
يونا شهقت : يو يا حياتي .... عسى ما جاها شي قوي
راي : لا لا مو مره و ان شاء الله بتخف بعد يومين ..
يونا بضيق: اجل خلينا اليوم نروح نزورها ....
راي : لا لا ما يحتاج نروح .... ندق عليها ويكفي ..
يونا : ليه ... الا احسن نروح لها .....
راي : خلينا نريحها وندق بس ....
يونا : طيب ...
في الجهة الأخرى
توما يروح لفصل اكيرا ...لما وصل للباب شاف اكيرا وجهه مو زين .. توجه توما له وجلس جنبه : صباح الخير ؟
اكيرا : .....
توما يحط يده على كتفه : كيف الاحوال ؟
اكيرا بضيق شديد : توما ... رفضت ... رفضت ترجع لي .... آيا كرهتني يا توما ....
توما بدهشه : وش اللي تقوله ؟؟ قولي السالفة من اولها ....
ويقول اكيرا كل شيء لتوما ...

توما في نفسه : ما توقعت ان آيا هي اللي ترفض .... ليه يا آيا ؟؟
اكيرا برجاء : توما قول لي وش اسوي ؟؟
توما يحط يده تحت ذقنه يفكر : اممم و الله ما اعرف .. لكن يا خوي لاتلوم البنت ترى معها حق في اللي سوته... اكيرا اللي سويته في آيا مو بسيط ... انت عارف آيا كانت واثقه فيك ... واللي سويته يعتبر صدمه بالنسبة لها .....
اكيرا ينزل راسه : يعني تبيني ايأس ..... ؟؟
توما : انتظر على آيا شوي ...
اكيرا يمسك راسه بيدينه : تعبت من التفكير يا توما احس اني مخنوق ..
في هاللحظه دق الجرس :.
توما يوقف : يا ابن الحلال عطها مهلة صدقني آيا طيبه بس يبغالها وقت و ترجع مثل اول ... يالله يالحبيب انا استأذن بروح لفصلي صفرت ...
اكيرا : شكرا على النصيحه ..
ويمر اليوم على كذا .... وفي الطلعة ..
توما : ما راح تروح للبيت ؟؟
اكيرا : ابي اجلس شوي ... روح انت ....
توما : اوكي على راحتك ....
الطالبات في نادي السباحة :
الطالبة2 : بتقعدين هنا ؟؟
الطالبة 1 : ايه .. انا الحين ارتحت آيا وتخلصنا منها ....
الطالبة 3 : طيب يله مع السلامة ....
الطالبة1 : مع السلامة ....
ويطلعون ويروحون لبيوتهم ...
بعد فتره :.
آيا توقف قدام المدرسة ...
آيا : انا جايه اليوم منتقمه ... منتقمه منك ....
آيا تروح لنادي السباحة وتدخل ....
الطالبة واقفة ومعطيتها ظهرها ....
الطالبة : رجعتو .... تبون شيء ؟؟
آيا : أيه ابي منك شيء ....
وتلتفت الطالبة عليها : انتي ؟!
وفي نفس الوقت ::: //راي تطق باب غرفة آيا ....
راي : وراها ما ترد .... او يمكنها نايمة ..
وتمر منظفة من عندها ...
راي : لو سمحتي صاحبة هذي الغرفة شفتيها طالعه ؟؟
المنظفة : ايه و سلمتني هذي الرساله و قالت اذا جت و حده اسمها راي اعطيها لها ؟؟
راي : انا راي ..
المنظفة : تفضلي هذي لك منها ....
وتعطيها رساله ...
راي تفتح الضرف و تقرا الرسالة ....
راي بصدمه: لاااااا .... وش اسوي .... بأدق على توما ...
وترفع السماعة ....
الهاتف : ان الهاتف المطلوب لا يمكن الاتصال به الان ...
راي : هذا وقته ؟؟ توما وينك ؟؟ مالي إلا ادق على اكيرا ..... //
في المدرسة في نادي السباحه :.
آيا بابتسامه : متفاجئة ؟؟
الطالبة بقوة وجه: نعم وش تبين ؟؟
آيا تتكلم و هي ماسكه اعصابها : ابي اعرف السبب .... ليه سويتو فيني كذا ؟؟
الطالبة : وش قاعده تتكلمين عنه ..
آيا بدت تعصب : لا تمثلين دور البريئة .... كل هذا عشان اكيرا .... دمرتي حياتي كلها .... انتي ما تحسين ؟؟؟؟
الطالبة بحقد : لا انا ما احس ... انتي ساحره .... سحرتي اكيرا واخذتيه مني ؟؟ بأدمر حياتك زي ما دمرتي حلمي ..
آيا بسخرية : حلمك ؟؟
الطالبة تتكلم بكره : طول عمري ما كنت افكر الا في اكيرا .... ويوم اعترفت له السنه الماضية ... قال لي .. آسف ما اقدر اكون رفيقك .. وماراح يكون لي رفيقة ابد .. ارتاحي .....
آيا بصدمه : اعترفتي له ؟؟
الطالبة باشمئزاز: والحين اشوف ... البنت الولد تكون رفيقة له ...
آيا تأشر على نفسها : انا البنت الولد ؟؟
الطالبة بضحكه : الكل يقول عنك كذا .... لو تحاولين تكونين انثى ما راح تقدرين .... لان الكل يعتبرك ولد ....
آيا بصراخ : احترمي الفاضك .... اني اكون ولد ..... ولا اكون بنت حقوده مثلك ... قولي اللي تقولينه ماراح يغير في الموضوع شيء ..
الطالبة : وش تقصدين ؟؟
آيا تعظ على اسنانها : انا جاية الحين لك لغرض .... انتي سويتي اعظم من ان اكيرا يتركني .... انتي خليتي ابوي يشك فيني و يكرهني .... بأوريك العذاب الحقيقي ..
وفي نفس الوقت مع مكالمه راي لأكيرا :::
اكيرا : شلون ؟؟
يونا : ساعدها ؟؟ آيا بترتكب جريمة يا اكيرا .....
واكيرا يسكر السماعة ويروح يركض لنادي السباحة .... //

الطالبة : أي عذاب ؟؟
وآيا تطلع من شنطتها سكين وتركض تجاهها والدموع في عيونها ....
آيا : عذاب الموت وانتي حية .... بس انا بريحك واطردك من هالحياة لانك ما تستحقينها .....
لما وجهت السكين لها .. وقفها اكيرا بيده ...جرحته بس كان اقوى منها ..
آيا مصدومه و دموعها تسيل : اكيرا .... ؟؟!
سحب السكين من يدها و اعطاها كف بنفس اليد فطبع دم يده على وجهها ....
اكيرا بغضب : آيا انتي في وعيك ؟؟
الطالبة تجلس على الارض من الرعب ....
آيا تحط يدها على خدها وهي تصيح : خلني ارتاح ....
اكيرا مرتاع مو مصدق اللي صار : آيا انتي انجنيتي ... تقتلين يا آيا ؟؟ تصيرين مجرمه ؟؟ هذي هي الراحة ؟؟
آيا وهي تصيح : يا تموت يا انا اموت .... ماراح اسامحها ابداً ...
وآيا تبعد عن اكيرا وتروح للبنت وتسحبها وترميها في المسبح و تطب معها ...
أكيرا : آيــــــــــاااااااااااااااااااااااااااااااااااااا ااااااااااااااااااااااا ......
وتحاول ايا انها تغرقها وآيا بعد تغرق ....
الطالبة : ما ابي اموووووووووت .. اتركيني
آيا : هذا في احلامك .... خلينا نموت سوا احسن ....
وتبعد الطالبة آيا عنها وتهرب منها وتطلع من المسبح <~~ طبعاً هي تعرف تسبح .. لكن آيا لا ..
آيا تغرق ....
أكيرا يطب في المسبح ويمسك آيا ويطلعها ...
أكيرا يضربها على وجهاها بخفيف : آيا ...... آيا ؟؟ جاوبيني يا آيا ..... آيا .. لا تموتين يا آيــــااااااا .....



احداث الجزء القالدم ::
راي : ليه يا آيا سويتي في نفسك كذا ........ ليه ؟؟
......
اكيرا : آيا .. في اليوم اللي غابت فيه كانت معي ..
الابو متفاجئ : معك ؟؟
.....

أحضني انا محتاجه إليك ... ((الفصل السادس – الجزء 3 ))
أكيرا يطب في المسبح ويمسك آيا ويطلعها ...
أكيرا يضربها على وجهها بخفيف : آيا ...... آيا ؟؟ جاوبيني يا آيا ..... آيا .. لا تموتين يا آيــــااااااا .....
ويشيلها ويوديها للمستشفى ......
دخل قسم الطوارئ مرعوب و نادا ممرضه تسعفها جابو السرير و نقلوها لغرفة الفحص .. راح هو لقسم الاسعاف و لف يده المجروحه اللي سببه السكين و توجه لغرفة آيا ينتظر الدكتوره تطلع ..
بعد شوي .. اكيرا رايح جاي مايدري وش يسوي ومره يجلس و يوقف بسرعه قلقان مو راضي يهدأ ..
تطلع الدكتوره من عند آيا .....
اكيرا يفز لها و بقلق : بشري يادكتوره كيف آيا ؟؟
الدكتوره : هي شربت موية وهذا اللي خلها غايبة عن الوعي .... لكن راح تستعيد صحتها عن قريب وتصحى ....
اكيرا تنهد : الحمد لله .... اقدر ادخل عندها ..
الدكتوره : اكيد تقدر بس تراها ماراح تحس بوجودك لانها لازالت غايبه عن الوعي ..
اكيرا بضيق : آسفين يا دكتوره تعبناك ..
الدكتوره : لاتتأسف على واجب .. هذا عملي .. انا استأذن ..
اكيرا : شكرا اذنك معك ..
راحت الدكتوره و توجه اكيرا لباب غرفة آيا و قبل لا يدخل اخذ نفس عميق و بعدها فتح الباب شافها مستلقيه على السرير بشكلها البريء و فمها المايل للزرقه اعتصر قلبه الم على شكلها شاف يده الملفوفة و ضاق صدره على حالها .. توجه لها وجلس قريب منها ومسك يدها ....
أكيرا بعيون دامعه : كيف فكرتي تسوين كذا يا آيا ؟؟ كيف ؟؟
ضم يدها بيدينه الثنتين وحطها على جبهته وصار يبكي بكاء حار على حبيبة قلبه ...
في الجهة الثانية :.
راي تروح للمدرسة وتتوجه لنادي السباحة ... توقف وتتلفت ولا فيه احد ...
راي في نفسها : وش اللي حصل ؟؟
وتطلع البنت عليها ....
البنت : وش صار لها ؟؟
راي تنتبه لها : انتي ؟؟
البنت : وش صار لآيا يوم غرقت ؟؟
راي تشهق : آيا غرقت ؟! انتي وش تخربطين ؟؟ علميني ؟؟
في المستشفى :.
بعد مرور ساعة ....
آيا تفتح عيونها شوي وتشوف السقف ....تعبانه تحس انها مسويه مجهود .. تحس ان يدها مضغوطه ..
آيا : أنا حية ولا ميته ......
ولما تذكرت اللي صار قامت مفزوعة ناطقة : البنت ....
وتلتفت وتشوف أكيرا نايم وهو جالس على الكرسي و حاط راسه على سريرها وهو ماسك يدها ..
آيا : أكيرا ... ~
وتحط يدها على راسه وتمسح على شعره ... تبتسم
آيا خنقتها العبره : أكيرا ما راح اخالفك هالمرة ... وانا هالمره ما كنت في وعيي ..... عرفت في غياب العقل تطلع تصرفات خارجه عن العاده .. أكيرا اقبل ارجع لكـ .......
في المدرسة :.
الطالبة : هذا اللي عندي ... وانا خايفه .. ابيها تسامحني خلاص انا عرفت خطأي ..
راي : اذا بغيتي صدق انها تسامحك روحي واصلحي بينها وبين أهلها اللي شككتيهم فيها ...
الطالبة : أكيد .... وانا الحين اعترف بخطأي ....
وتطلع الطالبة من المكان .... وتنزل دمعة من راي ....
راي : آيا ..... اتمنى ترجعين لنا بالصحة والعافية ... وترتاحين من المشاكل يا صديقتي العزيزة ...
في المستشفى :.
بعد ربع ساعة ...
أكيرا يقوم من النوم وتبعد آيا يدها عن راسه بكل احراج و تمسح دمعه متمرده نزلت بدون استأذان ....
أكيرا ينتبه لآيا ويوقف و بابتسامة فرح : آيا ... الحمد على السلامة يا آيا ...
آيا تلتفت مع الجهة الثانية ....
آيا بتعبيسه : ليش ما خليتني اموت .... ؟؟
أكيرا يتوجه للدريشه : ليش ما خليتك تموتين ؟؟
آيا مستغربه سؤاله : ايه .. كان خليتني ارتاح ..
اكيرا يلتفت عليها : بكل بساطه ما ابي افقدك ..
يقرب لها ويجلس مقابلها في السرير و يمسك يدها : آيا .. آيا انا ما كنت في وعيي في ذاك الوقت .... آيا الكل يخطيء لكن انا ابي منك تسامحيني .... آيا هالمره اقولها من قلبي .... آيا انا ما اقدر على فرقاك ولا اقدر اتخلى عنك .... آيا ارجعي لـ...
آيا و بدون مقدمات ضمته : ارجع ... وهالمره انا ماني مجبورة .. لانك الحين صدقتني ... وانا لو كنت تاركني اسوي الجريمة ما سامحت نفسي .. أكيرا انا ما كنت في وعيي ذاك الوقت .. وعرفت شلون الواحد يتحسف على اللي سواه ويتمنى انه يتسامح ....
اكيرا: آيا انا آسف على كل شيء ...
وفجأه ينطق الباب و يبعد الأثنين عن بعض.... ويروح اكيرا يفتح الباب
دخلت راي وتروح لآيا وتضمها وهي تصيح ....
راي : ليه يا آيا سويتي في نفسك كذا ........ ليه ؟؟
آيا تمسح على راسها: انسي اللي صار .. لحظة ومرت ....
أكيرا : راي شلون عرفتي ان آيا هنا ...
راي تبعد عن آيا : توما علمني ...
وتلتفت راي على آيا ....
راي : آيا معي شخص يبي يقابلك ...
آيا : مين ؟؟
راي تلتفت على الباب : ادخلي ؟؟
وتدخل الطالبة ....
اكيرا تنرفز وده يطقها : نعم وش تبين ؟؟

آيا : خلها ...
الطالبة : آيا ... عارفه ان مالي وجه .. لكن سامحيني انا غلطت في حقك .. انا مجنونه في تصرفاتي .. تكفين سامحيني .... تكفيــــن
آيا تلتفت مع الجهه الثانيه : اذا كان كل شيء ينحل بكلمه " آسف " ليش وجدت الشرطه و انحطت القوانين كان اجل المجرم بيقول آسف وتنتهي المشكله ...
الطالبه : انا عارفه ان اللي سويته مو بسيط ... لكنـ...
آيا تقطع كلامها : طيب اذا سامحتك .... بتقدرين ترجعين لي عائلتي ....
الطالبة كانت منزله عينها على الارض : مو اقدر ....
وترفع عينها على آيا : لاني قدرت ... هذا اثباتي ..
وتلتفت على الباب : رجعو بنتكم لكم وسامحوني ....
آيا تلتفت للباب ... ويدخلون أهلها .....
آيا : ابوي ؟ امي ؟؟ جولي ..... !!
الابو ما يعرف وش يسوي ..
الابو : آيا .... انا ظلمتك يا آيا ... سامحي ابوك ...
آيا تنزل الدمعة من عينها وتقوم من السرير وتروح تخم ابوها .....
آيا : انا محتاجتك يا ابوي كثير .... احضني انا محتاجه لك ..... ومحتاجه لحنانك ....
ويمر الوقت على كذا ... وتروح الطالبة وبعد راي ....
الابو : انت اللي انقذتها ؟؟
آيا : ايه .. أكيرا هو اللي انقذني ..
الام : انت اللي اخذت آيا المره اللي قبل للمستشفى ؟؟
أكيرا : ايه ...
الام : مشكور وما نعرف نرد لك المعروف .....
أكيرا : لا لا ما بيننا معروف ...
ويبتسمون لكلمته ...
اكيرا باحراج : تسمحون لي اني اطلب منكم شيء ؟؟
الابو : تفضل ...
أكيرا بتردد: انا ... ابيكم ... ابيكم تقبلوني كرفيق لآيا ....
آيا تناظر اكيرا بتعجب ...
الابو : آيا وش رايك ؟؟
آيا : اكيرا هو الشخص اللي اخترته وماراح القى افضل منه ....
الابو : كذا اكون مرتاح اكثر على آيا .....
اكيرا : شكرا على ثقتك بي .... وبغيت اقول لك شيء بعد ..
الابو : قول ؟
اكيرا : آيا .. في اليوم اللي غابت فيه كانت معي ..
الابو متفاجئ : معك ؟؟
اكيرا : كنت انا وهي وصديق لنا مع بعض وتأخر الوقت وقلت لها تبقى وتروح من بكره ... آسف على هذا التصرف ..
الام : لا تعتذر لانك تحمي آيا من الخطر في آخر الليل .... المفروض نشكرك على هذا التصرف ...
وشوي :.
اكيرا : بروح اشوف اذا آيا تطلع معكم ...
ويطلع اكيرا من الغرفه ...
الابو : آيا ... انتي ترتاحين له ؟؟
آيا : أكيرا اعرفه .. كان زميل لي من سنتين وهالسنه بعد ... اكيرا هو الشخص اللي تمنيته ....
وابتسمت ونزلت راسها للارض ...
الام : وليه ما قلتي لنا شيء عنه ؟؟
آيا : لاننا تونا ما صار لنا الا يومين او ثلاثه ....
تدخل الممرضه عليهم ....
الممرضة : لو سمحتو انتهت فترة الزيارة ....
الام : شكرا ..
آيا : انتم روحو وانا بأرجع مع اكيرا .....
الام : على طول ؟؟
آيا : فيه اسئله ابي اسألهياه ....
الابو : اوكي وبنروح للفندق وناخذ اغراضك ...
آيا : مشكورين يا احلى عائلة في الدنيا ..
ويطلعون ...
يدخل آكيرا ...
اكيرا : آيا وينهم ؟؟
آيا : انتهت الزيارة وخليتهم يروحون ....
اكيرا : اها ...
آيا : اقدر اطلع ..
اكيرا : اكيد وهاللحظة ...
آيا : مشكور يا اكيرا ...
وتطلع آيا وتركب السيارة معه ....
آيا : أكيرا الا صح متى علـّمت توما اني في المستشفى ..
أكيرا : يوم كنتي غايبة عن الوعي ...
آيا : تتوقع ان المشاكل انتهت ولا لا ؟؟ ولا انا راح تكون المشاكل ملازمة لي ؟
أكيرا : لا تفكرين كذا ...
آيا : صح ... ليش انا كذا ..... ؟؟
أكيرا : وش فيك ؟؟
آيا : اليوم سمعت شيء ذكّرني بالماضي ....
أكيرا : وش سمعتي ؟؟
آيا : قالت لي ذيك الطالبة ...
اقتباس من (( الجزء الثاني – الفصل السادس)) ::.
الطالبة تتكلم بكره : طول عمري ما كنت افكر الا في اكيرا .... ويوم اعترفت له السنه الماضية ... قال لي .. آسف ما اقدر اكون رفيقك .. وماراح يكون لي رفيقة ابد .. ارتاحي .....
آيا بصدمه : اعترفتي له ؟؟
الطالبة باشمئزاز: والحين اشوف ... البنت الولد تكون رفيقة له ...
آيا تأشر على نفسها : انا البنت الولد ؟؟
الطالبة بضحكه : الكل يقول عنك كذا .... لو تحاولين تكونين انثى ما راح تقدرين .... لان الكل يعتبرك ولد ....
.......



ايا : من قبل سمعت هالشيء ... هو انا صدق كذا ؟؟
اكيرا : آيا هي ما كانت تعرفك صح ...
آيا بضيق : اسمعها منها عادي .... لكن هذي الكلمة سمعتها من " ماري " عشان كذا اشتعل غضبي ...
أكيرا : انسي الماضي المظلم... وشوفي المستقبل بألوانه ...
آيا : انا احاول ...
اكيرا يمسك يد آيا ويضغط عليها ويبتسم ... وترد آيا له البسمه بوجه اصفر ...
وترجع آيا للبيت ...... وينتهي اليوم على كذا ..
حتى تمر الايام .... :: اليوم السبت :: دورية البنات اللي ذكـّرت يونا آيا بها وهي في كل شهر يوم يكون ليلة احد ....
آيا : اليوم اول دورية لي مع البنات .... وانا بصحبة رفيق ....
آيا تروح للمدرسة وترجع لحيويتها ...
وصارت تتواعد مع أكيرا ... وحياتها ماشية بهناء ....

لكن ماذا ينتظرها في ذلك اليوم .. ؟؟

كيف يكون ليس لها أي معلومات ؟؟! ...(( الفصل السادس – الجزء 4 ))
في الطلعة :.
يونا تودع آيا : انا ماشية الحين لا تنسين الموعد اليوم ...
آيا بابتسامة : اكيد ...
أكيرا مبسوط يتركى على كتف آيا : اجل اليوم دوريتكم ؟؟
آيا بحيويه : يس ..
أكيرا : كم انتم ؟؟
آيا تفكر : اممم طبعا انا ويونا و راي وبعض بنات الفصل و بعضهم اللي كانو معي في المتوسط ما اشوفهم الا في هالدورية ..... مجموعنا 11 ...
أكيرا يشيل تده عن كتفها : ما شاء الله .. زين عددكم .... طيب وين ؟؟
آيا : في الكاريوكي ...( عباره عن غرفه فيها تلفزيون و مايكرفونات للي يبغى يغني و جلسه بسيطه و هناك متوفر الشراب و الأكل)
اكيرا : الساعة كم ؟؟
آيا مبسوطه : لانها ليلة اجازة نروح من الساعة 8 ونرجع آخر اليوم ....
أكيرا مبسوط لها : حلو ... اتمنى لك قضاء امتع الاوقات .....
آيا تزم فمها من الحيا : اريجاتو ( شكرا ) .... وانتم مو راحين لشيء ؟؟
اكيرا : الا اكيد بنطلع عطله و نجلس ما يصير ..
آيا بابتسامه : وين بتروحون يا اهل الدوران ..
اكيرا ضحك على كلمتها الاخيره : ههه حلوه اهل الدوران طول الله عمرك ( و القارئين ) باطلع انا وسوما ... مسوين تحدي في كره السله ...
آيا بفرحه: ياي حلو تعرف تلعبها ؟؟
اكيرا يعدل لبسه من التفيخر: احم انا اعرف لكل الالعاب الرياضيه ....
آيا تضربه مع جنبه بكوعها : واو يا حركات انت ..اجل لازم تفوز على سوما ....
اكيرا بحماس : اكيد ...
آيا بتقهره : ترا سوما مو هين ... لا تستخف به ... الحين يفوز عليك ..
اكيرا بتحدي : ههه اعرف ... انا قدها و قدود..
آيا : طيب نشوف.. يالله انا رايحه ..
اكيرا بابتسامة : مع السلامه .. انتبهي لنفسك ..
آيا تبادله نفس الابتسامه : اوكي مع السلامه ..
تفرقو الاتنين .. ويمر الوقت ..
في غرفة آيا ..
واقفه عند المرايه تحط اللمسه الأخيره : ياي يازين لون هالقلس على فمي
و لما خلصت و قفت قدام المرايه تشوف شكلها النهائي
آيا : يا حبيلي صايره اجنن و ترسل لنفسها قبله وتاخذ شنطتها و تطلع متوجه لمكان جمعتهم ..
وصلت للكاريوكي و دخلت ...
آيا : هاي بنات ؟؟
يونا بدهشه: مرحبا ..
آيا تلتفت : وين الباقي ؟؟
راي : بعد شوي بيجون ....
يونا : اقول آيا وش هالزين صايره كاوايي ( لطيف ) ..
آيا تدور على نفسها : شكرا يونا قلبو عيونك الحلوة ..
راي تبي تحرجها : وين اكيرا يشوف هالزين ان كان يدوخ..
ايا توقف : بايخه .. اقول ما ودكم اطربكم ...
يونا بحماس : افا عليك فيه احد يعاف صوت آيا ..
ايا و هي تمسك المايك : تسلمين يا حبي ...
وتوها بتبدأ تغني انطق الباب ..
تروح راي وتفتحه ..
راي تلتفت على آيا : آيا فيه وحده تبيك ؟؟
آيا تأشر على نفسها : تبيني انا ..
راي : يس انتي ..
آيا مستغربه : من هي ؟؟
راي تتكلم بصوت منخفض: وانا وش يدريني ما اعرفها .... لكن تقول انها تبي تقابلك عاجل ...
آيا بتعجب : طيب انا جاية ...
وتطلع آيا وتشوفها ...
آيا : منـ...
البنت تقطع كلامها : ماعرفتيني يا آيا ؟؟
آيا منصدمه : أنتي ؟! مــــاري !!
ماري : أيه هذي انا ....
آيا تغير وجهها : وش تبين ؟؟
ماري بضيق : فيه احد يقول لصديقة عمره وش تبين بعد غياب ؟؟
آيا تعطيها ظهرها : اكيد اقول لان هالشخص ماهو صديق عمري ولا عاد يهمني .....
ماري تتكلم بندم : آيا .. انا جايتك ابي منكـ .. انك تسامحيني ...
آيا تتحجر الدموع في عيونها وتحاول تكون قويه : وجاية بكل بساطة بعد سنتين تقولين سامحيني ؟؟ شلون تبيني اسامحك بعد اللي سويتيه فيني ... شلون ؟؟
ماري تحط يدها على كتف آيا : كان طيش
آيا تبعد يدها بقوة و تلتفت عليها : اجل تحملي طيشك وارجعي من المكان اللي جيتي منه ولا ابي اشوفك ....
ماري تنزل الدموع منها : آيا انا مالي احد غيرك الحين يا آيا ...
آيا تدعي القوة : آسفة لكن ما اسامحك .. تعطيها ظهرها و تطلع برا للشارع وتركض الى الاّ مكان مسكره اذانيها و بصراخ حزين : ليه يا ماري ؟؟ .... ليه رجعتي .. ليــــه ؟؟
في غرفه الكاريوكي ::
راي تناظر ساعتها : اقول يونا ..
يونا تلتفت عليها : هلا ..
راي : ما كأن آيا طولت ...
يونا تناظر الساعه : الا والله خلينا نروح نشوف وين راحت ..
راي : انتي خليك انا بروح ..
يونا : لكن ..
راي : يابنتي لازم وحده تروح ماينفع كلنا بعدين باقي البنات بيلاحظون انا ما ابيهم ينتبهون ..
يونا : معاك حق .. اوكي انتي روحي و انا بجلس ..
وتطلع راي وتشوف ماري ... وهي بتمشي راجعه...
راي بصوت عالي : لو سمحتي ؟
ماري تلتفت : نعم ..
راي : وين آيا ؟؟
ماري : انتي صديقتها ؟؟
راي : ايه ....
ماري بحزن : حاولي انك ما تخسرين آيا مثل غيرك والحين نادم على اللي سواه ...
راي : من انتي ؟؟
ماري: انا ماري ...
راي بتعجب: ماري ؟؟
وتروح ماري بكل صمت ....
راي ترجع : من هذي ووش هالكلام اللي تقوله ؟؟
يونا تناظر راي داخله وتكلم نفسها : راي ؟؟ وين آيا ؟؟
راي تضرب على جبهتها : يوووه نسيتها ..
يونا : يا الله .....
راي بتساؤل متعجبه : يونا تعرفين من هي ماري .....
يونا بتفكير : امم لا ...
وحده من البنات اللي كانت تدرس مع آيا في المتوسط .. جالسه وانتبهت لكلامهم
البنت التفتت عليهم : انتم قلتو ماري ؟؟
يونا : ايه ..
البنت : وينها ؟؟
يونا : راحت .... انتي تعرفينها ؟؟
البنت : ايه ..... هي صديقة آيا الروح بالروح في المتوسط والابتدائي ....
يونا : وش سالفتها ؟؟
وتعلمهم البنت وش تصير لآيا ......

آيا تدخل للبيت وهي تصيح وتروح لغرفتها وتقفل الباب .... تقعد على السرير ...
في غرفه الكاريوكي ::
يونا : صديقتها الحميمة ؟؟
البنت : ايه .. لكن بعد ما دخلت للثانوي تغيرت كثير .... آيا ما كانت كذا شخصيتها من قبل ..
راي : طيب شلون افترقو ؟؟
البنت : ما ادري لكن هذا كان في آخر يوم في الدراسة (( ثالث متوسط ))....
يونا تناظر راي : تتوقعين اش اللي حصل بينها وبين آيا ؟؟
راي : مدري بس لازم نعرف .....
آيا جالسه في غرفتها وتحكي مع نفسها ::
آيا : وش اللي رجعك ..... ؟؟ انا كنت مستانسه اني نسيتك ؟؟ ليه ترجعين ..... وترجـّعين جروحي معك ؟؟
أكيرا يدق على آيا ..
أكيرا : وراها ما ترد ....
ويدق مره ثانية ...
يونا تسمع صوت جوال آيا
يونا : آيا نست شنطتها هنا ؟؟
راي : مين اللي يكلمها ؟؟
يونا : هذا اكيرا ؟؟
راي : يمكن عنده خبر ... ردي عليه واسألي عن آيا وماري ....
يونا : الوه
اكيرا : الو آيا ؟؟
يونا : لا انا يونا ......
اكيرا : ليه وين آيا عن الجوال ؟؟
يونا : آيا ... وبعدها حكتله عن كل اللي حصل ..
اكيرا باستغراب : ماري ؟؟
يونا : ايه اسمها ماري .... ما تعرف عنها شيء ؟؟
اكيرا : لا ....
يونا : آآآآآه
اكيرا : يونا انا جاي عطيني شنطتها ....
يونا : طيب ...
بعد ربع ساعه وصل اكيرا ..
دق على الجوال و طلعت له يونا و معها شنطة آيا ..
اكيرا وهو ياخذ الشنطه : شكرا يونا...
يونا : العفو..
طلع اكيرا و ركب سيارته..
اكيرا بتفكير: ماري ؟؟ ... احس ان آيا قد حكت عنها .....
ويقعد يتذكر ...
(( الفصل الثالث – الجزء 2 ))
آيا تنزل منها الدموع: انا كان لي صديقة عمر حبيتها من قلبي ... درست معها الابتدائي وبعد المتوسط ...
لكن في ثالث متوسط .. تخلت عني ... ويا ليتها تخلت عني بهدوء لكن .. قالت لي اقوى كلمة ....
وجرحتني ... وعشان ايش .. لقت لها رفيق ..... ولا.. تقول .. انتي ما قد حسيت انك بنت كأنك ولد بحركاتك وتصرفاتك ....
انا اصلاً ما قد حبيتك ..... لا انا اكرهك ..... و ما شفتها بعد ذاك اليوم .....
بعدها كرهت نفسي .. وكرهت الدنيا بكبرها .. هي سافرت لكيوتو ...ولا حتى اتصلت ....
و تبيني اقعد على ذيك الشخصية ؟؟ ... خلاص انا فاض بي الكيل ... الكل من حولي يتخلى عني ..
((الفصل السادس – الجزء 3 ))
ايا : من قبل سمعت هالشيء ... هو انا صدق كذا ؟؟
اكيرا : آيا هي ما كانت تعرفك صح ...
آيا : اسمعها منها عادي .... لكن هذي الكلمة سمعتها من " ماري " عشان كذا اشتعل غضبي ...
.............................
اكيرا : إلا هي ..... هي ماري اللي تخلت عنها ..... ليش رجعت ووش كانت تبي من آيا ؟؟
ويروح أكيرا لبيت آيا .. تفتح له جولي ..

اكيرا : آيا موجوده ...
جولي : هلا اكيرا ... ايه موجوده .....
اكيرا : ممكن اقابلها ؟؟
جولي : لكن هي جت ودخلت غرفتها وقفلت على نفسها ... وقالت انها ما تبي تشوف احد ...
أكيرا : كذا .. طيب جولي ممكن اسألك سؤال ؟؟
جولي : تفضل ..
أكيرا : انتي تعرفين كل صديقات آيا ... القديمات والجدد ؟؟
جولي : مو كلهم لكن اللي تعزهم آيا وتتكلم عنهم ....
أكيرا : طيب تعرفين ماري ؟؟
جولي متفاجأه : ماري ؟! وانت شلون عرفتها ؟؟
أكيرا : جاوبيني ....
جولي : اعرفها اكثر من كل صديقاتها ..
أكيرا : طيب ... تعالي معي ..
جولي : وين ؟؟
أكيرا : نتمشى شوي في حديقة الحي ..... وابي اسألك بعض الاسئله ...
جولي : اوكي .. بروح البس جيكيتي واجي ....
آكيرا في نفسه : كذا يمكن اعرف كل شيء عنها .... وليش رجعت .....
وتطلع جولي مع اكيرا ويمشون متجهين للحديقه ...
جولي : وش اللي تبيه ؟؟
أكيرا : وين ماري الحين ؟؟ انا مع آيا من سنتين لكن ما قد شفتها ...
جولي : ما ادري ... لكن الظاهر انها سافرت بعد المتوسط ....
أكيرا : قوليلي وش سالفتها من الاول ....
جولي : ماري اعز صديقة عند آيا وهي تكون صديقتها من الابتدائي نعرفها زين ودائما تجي عندنا .... انا احبها لانها تعاملني مثل اختها ... كانت حنونة مره واخلاقها عالية ... دخلت هي وآيا للمتوسط سوا وعاشو كل سنينها مع بعض ... لكن في آخر يوم رجعت آيا للبيت تصيح ... لا يمكن انسى صياحها ... صياحها كأن احد مات ..... قفلت على نفسها الغرفة وجلست آيا على حالتها وصارت ما تاكل ولا تشرب شيء ... سألتها ... وش فيك ؟؟ ... ردت ... قالت الم الفراق .... قلت فارقتي مين ؟؟ ... قالت واحد كان بالنسبة لي اغلى الناس .. تركني وراح ... ولا سمعني كلمة طيبة ..
أكيرا : طيب شلون كانت شخصية آيا من قبل ؟؟
جولي : قبل ما تروح ماري كانت آيا بنت مرحة وانوثية كثير وكنت اغار منها لاني كنت عربجية عندها ... لكن بعد ما دخلت للثانوي تغيرت كثير ما صارت ذيك البنت اللي اعرفها ...
أكيرا : طيب في ثالث متوسط ..
جولي : آيا كانت كثير عربجية وكأنها ولد .... لكن كانت قوية شخصية وكانت تحب ماري وبس ..
أكيرا : ماري وش اسمها الكامل ؟؟
جولي : ماري ساسون ..... هذا اسمها الكامل .
أكيرا : طيب عندك لها صورة ؟؟
جولي : كان لكن آيا حرقت كل الصور اللي فيها ماري .....
أكيرا : آيا كانت في أي مدرسة يوم كانت في المتوسط ؟؟
جولي : مدرستي اللي فيها الحين .... اسمها " مانومي " ....
أكيرا : شكرا لك جولي .. ما قصرتي معي ...
جولي : جاء دوري في الاسئله .....
أكيرا : وشو ؟؟
جولي : وش تبغى من ماري ؟؟
أكيرا : بأعلمك بس عشان تساعديني .... بس ما يطلع ... فهمتي ؟؟
جولي : شايفني بزر عندك ....
أكيرا : اسمعي اجل ....
ويقول لها ان ماري رجعت وان اللي في آيا الحين بسبب رجعتها وكذا ..
جولي : بسببها ؟؟
أكيرا : ايه .... وانا ابي اعرف وش قالت لآيا .... عشان كذا انا بدور عليها ....
جولي : اوكي انا معك ..
أكيرا : كل اللي علمتكياه لا يطلع لأحد ...
جولي : اوكي .....
اكيرا : يالله لازم نرجع الحين ..
لما وصلو للبيت ..
اكيرا : شكرا جولي على جيتك معي و مساعدتك في الاجابه على اسألتي ..
جولي بابتسامه : العفو و كل هذا عشان اختي شكرا لاهتمامك بها ..
اكيرا : تسلمين انا استأذن ..
جولي : مع السلامة ..
اكيرا توجه لسيارته وشاف شنطة آيا فألتفت على جولي : جولي استني ..
جولي توها بتدخل بيتهم سمعت اكيرا يستوقفها التفتت عليه : هلا ..
اكيرا يقرب و بابتسامه : بغيت انسى..