رواية يا دنبا لا تسكبي الدمعة على خدِ حساس بقلم صديقتي

ويمر الوقت وتروح آيا وتقابل مايا ويتكلمون في مواضيع عدة ..
رجعت آيا في آخر الليل وكالعاده فتحت دفتر يومياتها وبدت تكتب اللي حصل معها ..
والمكتوب كالتالي : قال لي مورا انها تبي تقابلني ... حددت لي المكان وتقابلنا في بدايتها توقعت انا بتعاتبني لاني لعبت عليها ... لكن بدت تشكرني وتتكلم عن الاشياء اللي كنت امثلها .... قضينا الوقت كله واحنا نسولف الصراحة دخلت قلبي ... مره حبوبه ... تستحق مورا ومورا يستحقها ..
وتسكر الدفتر .. شوي يرن جوالها ...
آيا : مين اللي يدق في هالوقت المتأخر ؟؟
تروح آيا وتمسك الجوال وتشوف انه اندو ....
آيا : اندو ؟!
ترفع السماعة : الوه ..
اندو : الوه .. آسف اذا كنت ازعجتك بهالوقت ...
آيا : لا لا ابد ....
اندو : بغيت اعلمك اني قريت كتاباتك ...
آيا فرحانه : والله .... هاااه وش رايك ؟؟
اندو : آسف لكن مو ذاك المستوى اللي كنت متوقعه ....
آيا : كيف ؟؟
اندو : توقعت انه بيكون مثل جمال الكلام اللي كتبتيه لاكيرا .... لكن اعتقد انك كنتي تتكلمين عن اشياء معينه وتحاولين تخفينها في كتاباتك ..
آيا : هذا اكيد .... لاني كنت انا الوحيده اللي افهم معناها ... يمكن عشان كذا ما عجبك شيء ...
اندو : لا فيه كلمات عجبتني وحسيت بمعانيها ...
آيا : حسيت بمعانيها ؟؟
اندو : لاني فهمتها مثل فهم اكيرا لها ....
آيا : اكيرا ؟!
اندو : ايه كان رد اكيرا عليك هو اللي خلاني اتفكر فيها ...
آيا : اكيرا قاريها ؟؟ لكن اكيرا اصلا ما قد شافها ...
اندو : هاه ... اجل شلون رد عليك ..
آيا : رد علي ؟؟
اندو : كان اكيرا نفس ذوقي .. رد عليك ببعض ما كتبتي ...
آيا : وش رد ؟؟
اندو : راح اقرا لك .... اممم .. [[إحساس فضيع أن تفقد شيئأ تحبه . . ولكنَّ الأفضع من ذلك أن تفقد ذاتك
عندما نغوص في أعماق السعادة ... نكتشف أحياناً أن سعادتنا مجـــرّد وهم .. فنعود للتقوقع داخل ذواتنا وكأن شيئاً لم يكن !
من السهل ان تطرد جيشاً استعمر وطنك ..... ولكن ..... من الصعب أن تطرد حباً استعمر قلبك
ليه الرحيل اصبح اغلى امانيك؟؟؟ ......... وليه ذبحي صار اسهل وسيله.؟؟
خيل السعاده بالهوى خالفتني........ خالفة معها عيد قلبي وريفه .... لا ياسعاده ... ماصدقت جمعتنا الدروب .... ليه تبين تتركيني .... ]] بس هذي هي اللي عجبتني واللي رد عليها اكيرا ....
تذكير(( الفصل الثالث – الجزء 1 ))
(( آيا لما كانت فيها حمى في المستشفى ... ويونا واكيرا تقاسمو كتابة ملخصات آيا اكيرا فتح الصفحات الاخيره الغلط ))
آيا : اه تذكرتها ... ممكن تقول لي وش رد علي اكيرا ....
اندو : قال [[ لن تستطيع أن تمنع طيور الهم أن تحلق فوق رأسك و لكنك تستطيع أن تمنعها أن تعشش في رأسك ..... لا يحزنك إنك فشلت مادمت تحاول الوقوف على قدميك من جديد .. لا تفكر في المفقود حتى لا تفقد الموجود .. ]] ثم كتب بعدها بالعامي [[ مع اني ما فهمت وش قصدك مره لكن اعتقد ان كلامي يمكن يخفف ]] ... هذا كان رد اكيرا ...... مع توقيعه باسمه ....
آيا تغير صوتها : ياااه كان اكيرا كاتب لي هالكلام الروعة وانا ما انتبهت له الى الحين .. الكلام اللي كتبه لي كان اكبر راحه لي في ذاك الوقت ...
اندو : يعني انتي ما قريتي كلامه ؟؟
آيا : لا .. ما كنت ادري اصلا انه كاتب لي شيء ....
اندو : المهم انها وصلت ... احسن من انها تكون مدفونه الى الابد ...
آيا : صح انت صادق ..
اندو : طبقي اللي قاله الحين ...
آيا : هههه على ايش ؟؟
اندو : على كل شيء وخليها حكمتك المفضله ...
آيا : شكرا اندو ...
اندو : على ايش ؟؟
آيا : على اللي وصلته لي من اكيرا ...
اندو : انتيـ...
آيا تقطع كلامه : انا في قلبي شيء ودي اقوله لك ....
اندو متعجب : وشو؟؟
آيا حطت يدها على قلبها : انا .. من فتره مو طويله بديت احس بأشياء غريبه فيني ما كنت احس بها ....
اندو : مثل ايش ؟؟
آيا : ما اعرف وش هالاحساس .... لكن ما يحصل لي هالاحساس الا اذا كنت معك ...
اندو باستغراب : معي ؟؟
آيا : أنا .. اذا جلست معك ..
وتضغط بيدها على بلوزتها وبتردد : احس .. احس اني .. والحين بعد رجع هالشيء فيني ...
اندو : قولي وش فيك ؟؟
آيا ترتجف يدينها وتغمض عيونها : جسمي كله ... وقلبـ.....
ينقطع الخط ...
تكمل آيا كلمتها بقول : قلبي تتزايد نبضاته
اندو : آيا .. آيا ... ؟؟
آيا تفتح عيونها و تشوف الجوال : يوه انتهت البطاريه .... نسيت اشحنها .. صح تو يقول البطاريه شبه فارغة آآآآه نسيت شلون ؟... آآآآآآآآآآآآآآآآآآآآآآآآآآآآآآآآآآآآآآه .... جوالي الحقييييييييييييييييييييييييييير .....
اندو يضغط على جواله ويسكر دفتر آيا ....
اندو : آيا وش فيك بالضبط ؟؟ احس من طريقة كلامها كأنها ترتجف وش اللي تحس فيه ورجع لها لما كلمتها لايكون تخــ....
اندو يحرك راسه يمين ويسار : لالالا آيا ما تخاف منك وعلى ايش تخاف منك ... طيب ليه سكرت الخط في وجهي ؟ وش كانت تبي تقول لي ..... ؟
آيا تشبك الجوال في الشاحن ثم تنسدح على السرير ....
آيا تكلم نفسها : انا احس اني تغيرت من فتره ... قبل شوي حسيت بحرارة في بعض اجزاء جسمي مثل خدي وصدري واذنيني ... احس بخجل فضيع ... لدرجة ما اقدر انطق الحروف صحيحة ... ما اقدر الحين احط عيني بعين اندو .. اخاف .. اخاف يكرهني لو درا ... هذا الاحساس اوصفه ..
وتفز من السرير و يدها على فمها : يؤ كيف قلت له الكلام اللي قبل شوي انا وش احس فيه ...
حطت يدها على قلبها : لاااااااااااا مستحيل ...انا حبيــــت اندو .... !!

وبكذا ينتهي البارت
ان شاء الله تستمتعون بقراءته
ااعتذر لتاخري عندي اختبارات ^^

يا دنيا لا تسكبي الدمعة على خدِ حساس ... (( الفصل الحادي عشر – الجزء 3 ))


آيا تكلم نفسها : انا احس اني تغيرت من فتره ... قبل شوي حسيت بحرارة في بعض اجزاء جسمي مثل خدي وصدري واذنيني ... احس بخجل فضيع ... لدرجة ما اقدر انطق الحروف صحيحة ... ما اقدر الحين احط عيني بعين اندو .. اخاف .. اخاف يكرهني لو درا ... هذا الاحساس اوصفه ..
وتفز من السرير و يدها على فمها : يؤ كيف قلت له الكلام اللي قبل شوي انا وش احس فيه ...
حطت يدها على قلبها : لاااااااااااا مستحيل ...انا حبيــــت اندو .... !!
آيا : هذا الاحساس ما يجي للشخص الا اذا حب شخص ... لا لا مستحيل ليه اندو يا آيا ؟؟ اكيرا ..... اكيرا ...
وتقوم من السرير وتحط يدينها على اذنيها : لا لا .... انا بس احب اكيرا ومستحيل احب غيره .... اكيرا ... اكيرا هو حبي الوحيـد...
بدت اطرافها تنتفض : لـ.. لـ..لساني ... قـ قـ..قـ..قلبي .. عيوني .. يديني .... جسمي كله .. ما يستجيب للي ابيه .... لساني ما ينطق اللي ابي اقوله ... قلبي يتوجه لغير الوجهه اللي ابيها ... عيوني ما تشوف اللي ابي اشوفه .. يديني ما صارت تستجيب لي .. جسمي معد صار يشيلني ...
وتقعد على الارض وهي ضامته بيدينها والدموع خذت مجراها على وخدها : ليه ؟؟ ليه ؟ ليــــــــــــــــــــــــــــــــــــــــــــــــ ه ....
وبدت تلوم نفسها الى ان نامت والدموع لازالت على خدها ...
وبعد مرور الايام ...
الساعة الان 11 الليل في بيت ابو اكيرا :.
ماري تمر من عند غرفة امها وابوها وتسمعهم يحكون .... وقفت عند الباب ..
الام : لكن اخاف ما يرضى ....
الابو : يرضى ولا ما يرضى ..... انا ما طلبت انه يجي هنا الا عشان هالخطبه ...
ماري تتفاجأ وتحط يدها على فمها ...
الام : لكنـ...
الابو : لازم الحين اخطب له عشان اقطع اي صلة تربط بينه وبين آيا .....
الام : لكن هم الحين مابينهم صلة ....
الابو : حتى ولو .. البنت هذي مو سهله .. لازم اخلص من هالموضوع بسرعة ...
ماري تروح تركض لغرفتها ... تصك الباب وتدور في الغرفه بتوتر : مستحيل .. ابوي يبي يخطب لاكيرا ... وآيا ! .... وآيا .. مستحيل اكيرا ياخذ بنت غير آيا ..... انا ما اقدر اسكت على هالموضوع .... انا لازم اوقف هالخطبه باللي اقدر .... انا من قبل ما قدرت اسوي شيء لكن الحين لازم ....
وتوقف : لحظة اكيرا بيجي بعد بكره ... لازم اتصرف بسرعة ... اكيد اكيرا ما يدري ليه ابوي طالبه ..
وفي نفس الوقت آيا منسدحة في غرفتها على السرير ...
آيا : اكيرا بيجي قريب .... هو بكره ولا بعده ؟؟ ... وبعده راح ارجع للسكن ....... لكن بعد بكره راح يكون يوم الكريسماس .. ياه اني التقي باكيرا بعد ثلاث سنوات في يوم الكريسماس ... يااااه شعور يحسسني بالفرح ..
وفي اليوم التالي :: الساعة الان 2 الظهر :.
ماري تتكلم مع اكيرا في الجوال ..
ماري : اكيرا .. كيف حالك ؟؟
اكيرا : تمام شلونك انتي ...؟؟
ماري : انا تمام .. اكيرا راح تجي بكره صح ؟؟
اكيرا : ايه ...
ماري : انت تعرف ليه بتجي ؟
اكيرا : لا .... دق علي سكرتير ابوي وقال اني لازم اجي ... بما انه هو اللي دق اكيد عشان العمل ...
ماري : آآه ... معليش بأسألك سؤال ما له دخل في الموضوع ..
اكيرا : قولي ...
ماري : اكيرا .... انت ما زلت تحب آيا .... ؟؟
اكيرا ضحك ضحكة خفيفة : انتي تعرفين الجواب فليش تسألين من الاساس ....
ماري تصرخ : اكيرا اذا كنت تحب آيا لا تجي ...
اكيرا متفاجيء : ليش ؟! ...
ماري : ..........
اكيرا : ماري بتتكلمين ولا لا.. ماري آيا فيها شيء .. ؟؟ ..
ماري بهدوء: لا ما فيها شيء....
اكيرا حس ان صوتها تغير : ماري لا تخوفيني تكفين .. ابوي سوا شيء لآيا ؟؟
ماري بخوف و توتر: لا لا والله .... اكيرا انا بسكر مع السلامة ...
اكيرا : انتظريــ....
طوط طوط طوط .....
اكيرا : ماري ليه ماتبيني اجي ؟؟ ووش هالسؤال اللي سألتيني اياه؟؟ ماري وش صاير ؟؟
في غرفة ماري :.
ماري تقضم اضافرها : ياربي اللي سويته صح !! .. شكلي روعت اكيرا .. ياربي غصب عني والله غصب حسيت اني المفروض اكتفي باللي قلته يارب تجي العواقب سليمة ...
.....

وفي اليوم التالي :.
الظهر في غرفة آيا :.
راي تتكلم مع آيا في التلفون :.
راي : اليوم يوم الكريسماس وهو موجود باليابان ... لازم تلتقون بعد هالمده الطويله ....
آيا باستحياء : ودي ... لكن كيف ؟؟
راي تحمسها : انتي اختاري مكان اللقاء ... وعلمي ماري تقول له ...
آيا : تتوقعين راح يجي ؟؟
راي : هذا اكيد يا آيا .... اكيرا اكيد مشتاق لك .. وبعدين بيجيك على الاقل عشان هذا اليوم ....
آيا صار وجهها احمر : امم .. صح .. اكيد اكيرا يبي يشوفني ... راح اقول له ...
راي : بالتوفيق .... ولا تنسين تعلميني كل شيء ...
آيا : هههه اكيد راح اعلمك ....
راي : مع السلامة ...
آيا : مع السلامة ..
تسكر آيا التلفون ....
آيا : ما اقدر اكلم ماري ... لكن راح اقول لاندو .. اندو اكيد بيشوفه اليوم ...
تروح آيا وتكلم اندو ..... وهذي هي المكالمة ..
آيا : كيفك اندو ؟؟
اندو : انا تمام ... كيفك انتي ...؟؟ من فتره ما تكلمنا ..
آيا : انا بخير ...
اندو : وش عندك ؟؟
آيا بتردد : اكيرا وصل امس صح ؟!
اندو ابتسم : على ما اعتقد مو متأكد...
آيا: اها طيب ..
اندو حس ان عندها كلام تبي تقوله : اليوم بروح لبيتهم و بشوفه .. تبين اوصل لاكيرا شيء؟! ..
آيا انحرجت من رده في نفسها : يؤ لهالدرجة واضحه يا آيا ..
تلون وجهها احمر وبتردد : ما ادري شلون اقولك .. لكنـ..
اندو : وش عندك قولي ..
آيا بسرعه : الصراحة ودي اقابله اليوم ...
اندو مندهش : تقابلينه ؟؟
آيا بحب : ايه .. الصراحة انا ما صدقت انه بيرجع .. عشان كذا يمكن ما اقدر القى لي وقت ثاني ونتقابل .. وشفت ان هذا انسب يوم لي
اندو يبتسم بسمه خفيفة : اوكي راح اخبره .. لكن قولي وش تبين اوصل له ؟؟
آيا : قول له اليوم راح انتظره الساعة 9 عند المكان اللي جلست انا وياه فيه يوم الكريسماس .... هو راح يفهم .. تكفى ..
اندو : ان شاء الله ...
آيا : مشكور .... مع السلامة ...
اندو : مع السلامة ..
ويسكر اندو السماعة ...
اندو : المكان اللي جلستو فيه ذاك اليوم ..... المكان اللي لا يمكن انساه ...
وقعد على الكرسي : اعتقد اليوم بيسوون له حفله بمناسبه عودته ...
ويمسك جواله ويكتب لاكيرا رساله على جواله الياباني ..
اندو : بكذا اكون تممت اللي بغته آيا ...
في بيت ابو اكيرا :.
الابو يكلم سكرتيره : وينه ما اشوفه .. هو مابعد وصل ؟
السكرتير : آسف سيدي بس هو رفض انه يجي...
الابو : رفض يعني افهم انه لازال في بريطانيا؟؟
السكرتير : ايه .. امس قلنا له ورفض بشده بعد ...
الابو : ليه رفض ؟؟
السكرتير : ما عطانا سبب رفضه .. حاولنا نقنعه لكن رافض بشده ...
الابو في نفسه : هذي مسويه له سحر ؟؟؟ ليه رفض من دون سبب .......
السكرتير : وش تبيني اسوي ؟؟
الابو : راح افكر واعطيك رد .....
السكرتير : اوكي ...
ويسكر الابو السماعة ...... وماري تشرب الشاهي وهي تشوفه حمقان ...
الام : ليه ما جاء ؟؟
الابو : ما يبي ...
الام : ليه ؟؟
الابو : هذا اللي محيرني ... ما ادري ليه رافض ...
ماري : بابا انت ليه متحمس انه يجي ؟؟
الابو يشوفها .. ثم يروح ويخليها ...
ماري : ماما .. ؟؟
الام : ماري لا تعلمين احد ان اكيرا كان بيجي ولا جاء .. خلاص حبيبتي ..
ماري : اوكي ..
وتروح الام .......
ماري تكلم نفسها : ما ادري حتى متى الخطبه كيف اخبر اكيرا .. ؟؟
وتقوم ماري وتاخذ جوالها وتروح للقبو وتتصل على اكيرا ......
ماري : الوه ....
اكيرا : ماري ؟!
ماري : اكيرا ... زين انك رفضت ..
اكيرا : لازم الحين تعلميني ليه ما تبيني اجي ... لانهم يحاولون يجبروني ..
ماري : اكيرا ... ابوي يبيك تجي عشان يخطب لك .....
اكيرا بتفاجؤ : يخطب لي ؟!
ماري : بس المشكله انا ما اعرف هي مين او متى الخطبه عشان كذا حاول انك ما تجي الا بعد سنه يالله اضمن لك ...
اكيرا حمقان : ليه ؟؟ ليــــه ابوي يسوي شيء بدون ما يشاورني حتى ... هو انا لعبه عشان يتحكم فيني ؟؟
ماري : اكيرا انا ما اقدر اطول معك .. آسفة...... يله مع السلامة ...
اكيرا بهدوء : مع السلامة ..
ويسكر اكيرا السماعة وينسدح على السرير ...
اكيرا : مع اني كنت مشتاق لآيا وفرحت اني اقدر اقابلها ..... لكن آسف يا آيا انا ما جيت كله عشانك ... ليتك تعرفين ...
الساعة 9 الليل :.
آيا واقفه عند المطل وتطل وهي تنتظر ...
آيا : المفروض يجي الحين لي نص ساعة انتظر ... وينه ؟؟
اندو يطلع من المكتبه .. ويشوف ساعة يده ..
اندو : غريبه ليش ما دق اكيرا علي ؟؟
ويطلع الجوال من جيبه ويتصل على اكيرا ...
الجوال : ان الهاتف المطلوب لا يمكن الاتصال به الان ..
اندو : غريبه ليه مسكره ؟؟
بأدق على ماري اكيد عندها الاخبار ..
اندو : الوه .. السلام
ماري : هلا اندو .......
اندو : ماري وين اكيرا ؟؟
ماري : اكيرا في بريطانيا ..
اندو متفاجئ : نعم ؟؟؟!!!
ماري : ايه اكيرا ما جاء ...
اندو : ليه ؟؟
ماري : مادري .. اتصل عليه وخليه هو اللي يعلمك بنفسه ...
اندو مستغرب : طيب.. ارسلي لي رقمه الحين ...
ماري : طيب ..

اندو : انتظر رسالتك ....
ويسكر السماعة ..
اندو : شلون ما جاء ؟؟ ليه ؟؟ وآيا ؟؟
توصل له الرساله ويفتحها ويتصل على اكيرا ....
اكيرا : الوه ؟
اندو بدون حتى تحيه : اكيرا ليه ما جيت ؟؟؟
اكيرا متفاجئ : اندو ؟ ...
اندو وهو حمقان : ليه ما جيت ؟؟ رد ؟؟ وش السبب اللي منعك ....؟؟
اكيرا مستغرب : اندو وش فيك ليه حمقان ؟؟
اندو بغضب : جاوب ....
اكيرا : حصل بعض الاشياء هي اللي منعتني ...
اندو : ما راح اعذرك على أي شيء .... اليوم ... اليوم يوم الكريسماس والحين تنتظرك ..... تنتظرك ومشتاقه لك .....
اكيرا مصدوم علطول عرف قصده : اش عرفها اني بجي ..
اندو: آيا كانت تعرف انك بتجي عشان كذا طلبت مني اني اقولك انها تنتظرك في المكان اللي جلستو فيه مع بعض قبل ثلاث سنين .... تتذكر
اكيرا بتفاجؤ : آيــــا ...!!
اندو بحسره : وش تبيني اقول لها ؟؟ اكيرا ما جاء عشان عنده اشغال ... هااااه ؟؟
اكيرا بألم : اندو ... السبب اللي ما خلاني اجي هي آيا ....
اندو : وليه آيا بالذات ؟؟
اكيرا وهو بصوت حزين مع قهر: اندو .. تعرف ليه ابوي يبيني ارجع لليابان ؟؟
اندو : لا
اكيرا : ابوي .. كان يبي يزوجني ... يزوجني بوحده غير آيا يا اندو ....
اندو متفاجئ : ........؟؟
اكيرا : عشان كذا رفضت اني اجي وهو ما يدري اني اعرف انه يبيني عشان الخطبه .... اعتقد ان تصرفي كذا احسن ...
اندو : لكنـ...
اكيرا : اندو لا تقول لآيا عن أي شيء بالنسبه للخطبه ... لكن اذا سألتك باصرار ليه ما جيت ....قول لها ..
اكيرا يغمض عيونه وتنزل دمعه حاره على خده : قول اكيرا ما جاء لانه يحبك ... اندو ... آيا هي اهم شخص في حياتي عشان كذا .. تكفى اهتم بها .....
اندو بدت تخنقه العبرة : ........... اكيد ... راح اهتم بها ...
ويسكر اندو السماعة ... ونزلت من عينه دمعه قهر ....
اندو يمسحها : آيا ... الى الان وهي تنتظر ...
وبدا يمشي وهو يركض ...
عند آيا :.
آيا ترفع راسها للسماء : ليه ما نزل ثلج ... انا ابي الثلج اليوم يتساقط مثل ذاك اليوم .....
تنزل راسها وتخم الكيسه اللي معها : اكيرا ... ليه تأخرت كثير ......؟؟ انا شفقانه على شوفتك .. اطلع يا فارس احلامي ..
اندو وهو يركض يدق على جوال آيا ....
اندو : الوه ؟؟
جولي : الوه ؟؟
اندو : آيا ؟؟
جولي : لا انا اختها ....
اندو : وين آيا ؟؟
جولي : آيا راحت من فتره لكنها نست جوالها في البيت ....
اندو : شكرا ..مع السلامة ...
ويسكر السماعة .....
اندو يضرب على جبهته : ياربيه وش هاليوم ضاع الوقت و الطريق طويل ومافيه سيارات .. اسرع يا اندو يكفي ما انتظرت آيا ..
في بيت ابو اكيرا :.
ماري تمشي بتطلع من البيت ..
الابو : ماري ~
ماري تلتفت : نعم ....
الابو : تعالي شوي ..
ماري تروح وتجلس : نعم بابا ..
الابو : انتي قايله لاكيرا شيء عن جيته لليابان ...؟؟
ماري : يعني ايش باقول ؟؟
الابو : أي شيء ...
ماري توخر عيونها عنه : لا
الابو يناظرها بتفحص : لاتكذبين ....
ماري وهي مرتبكة : لا لا ما قلت شيء ...
الابو : اجل ليه مرتبكه ؟؟

ماري تتعدل بجلستها : لا ابدا بس الكرسي شوي مضايقني .....
الابو : ماري انتي تدرين ليه انا طالب اكيرا ... صح ؟؟
ماري : اكيد عشان الشغل ...
الابو : لا تسوين نفسك بريئه انا اعرفك زين ....
ماري توقف : بابا انت وش فيك علي ؟؟ ..
الام : ساسو .. اترك البنت .. لا تضغط عليها .. قالت انها ما تدري خلاص ... حبيبتي روحي لمشوارك ..
ماري تشوف ابوها : عن اذنك بابا..
وتطلع برا وتوقف عند الباب ...
الابو : ما ادري لكن حسيت انها معلمه اخوها .. وانتي تعرفين الساحره آيا .. اكيد انها ساحره بنتك وولدك ..
الام : خلاص الحين تأكدت انه مو منها ..؟؟
الابو : الى الان شكي موجود في مكانه ..
الام : وعائلة "كاياما" وش بتقول لهم ؟؟
ماري وهي تتسمع من ورا الباب : كاياما ؟؟؟
الابو : ما اعرف لكن باحاول اتأسف منهم ونأجل الخطبه ...
الام : لكن انت ما شاورت اكيرا حتى ... اخاف ما يرضى ..
الابو : وهو على كيفه ... لا تنسين ان عائلة كاياما من اكبر مؤسسات الاستثمار ... وانا الصراحة ابي ولدي ياخذ بنت من عائله صح ..
ماري تركض وتروح تركب سيارتها ...
ماري بقهر : معقوله ابوي ما يهمه غير نفسه لهالدرجة ...
وتشغل سيارتها وتمشي ..
بعد شوي توقف عند الاشاره ..
ماري بأستفام : اندو ليه كان متحمس ؟؟ وكان بعد يبي يكلم اكيرا ... راح اتصل على اكيرا وهو بيعلمني كل شيء ..
عند آيا :.
آيا وهي ملت الانتظار وحاطه راسها على ايدينها وتطل على المدينه : I'm so tired of being here
Suppressed by all my childish fears
And if you have to leave
I wish that you would just leave
'Cause your presence still lingers here
And it won't leave me alone
These wounds won't seem to heal
This pain is just too real
There's just too much that time cannot erase
................
When you cried I'd wipe away all of your tears
When you'd scream I'd fight away all of your fears
And I held your hand through all of these years
But you still have
All of me
You used to captivate me
By your resonating light
Now I'm bound by the life you left behind
Your face it haunts
My once pleasant dreams
Your voice it chased away
All the sanity in me
These wounds won't seem to heal
This pain is just too real
There's just too much that time cannot erase
..........
I've tried so hard to tell myself that you're gone
But though you're still with me
I've been alone all along
اندو يرقى الدرج وهو يركض ...
آيا تحس ان فيه احد ورها ..
آيا تلتفت بفرحة : اكيرااااا .......
ثم يطلع لها اندو ....
آيا بتفاجؤ : انـ.. اند.اندو ..؟!
اندو يتنفس بتعب وهو راكع بسبب الركض : ليه الى الان وانتي هنا ؟؟
آيا : اندو .. وش فيك ؟؟ ليه انت هنا ؟
اندو يمشي ويقرب لها : ليه انتظرتي كل هذا الوقت ؟؟
آيا تشوف ساعتها ( 11الا ربع )
اندو : ما تلاحظين ان الوقت تأخر ... ليه انتظرتي ؟؟
آيا بابتسامة : لان اكيرا ما بعد جاء ..
اندو اشفق على حالها : اذا شفتي الوقت تأخر ... المفروض ترجعين للبيت .. آيا الانتظار هذا ما ينفع ...
آيا تبدلت ابتسامتها بخوف : وش معنى كلامك ؟؟ اندو .. اكيرا .. اكيرا حصل له شيء ؟؟
اندو يبعد عيونه عنها : لا ما فيه شيء ...
آيا تقرب منه : اندو اجل وش قصدك من الكلام اللي قلته قبل شوي ... ؟
اندو رحمها بس ما بيده حيلة لازم يخبرها : آسف آيا ... لكن اكيرا في بريطانيا ...
آيا طاحت منها الكيس اللي بين يدينها وعيونها على طول امتلت دموع : ليش لا زال في بريطانيا ؟؟!
اندو : اكيرا ما جاء .. عشان كذا آسف اني ما خبرتك مبكر .. لاني ما كنت ادري ..
آيا بدت تنزل منها الدموع : ليه ... ليه يوم حصلت له الفرصه انه يجي ما جاء ؟؟ ليه ما حس ان فيه شخص ينتظره ؟؟ ليــــه ؟!
يحط اندو يده على قلبه ويمسك بلوزته ويضغط عليها بقوه ثم قال : آيا ... اكيرا ما جاء لانه ... لانــــه ....
ويرفع راسه لها بجديه : لانه يحبك ...
آيا بحسره : يحبني ؟؟
اندو : اكيرا رفض انها يجي لليابان عشانك انتي وبس .....
آيا تصرخ بقهر : واللي يحبني يتركني كذا ؟؟؟!!!
وبدت تصيح وركضت ..
اندو يروح يلحقها ويمسك يدها ...
اندو بغضب : آيا ... ليه كل مره تبكين فيها تهربين ؟؟ ليه دائما تظهرين لي البهجة وتخفين الحزن ...
آيا تناظره والدموع تنزل لا اراديا :..............
اندو ما تحمل شكلها الحزين الآسر وبدون مقدمات ضمها لصدره : اذا كنتي بتبكين ابكي علي ... مو من قبل قلتي لا تتركني ؟؟ طلعي كل اللي عندك .. انا هنا عشانك ..... ما راح اتركك ابدا ..
آيا غمضت عيونها وبدت تبكي بقوه ......
اندو يمسح على شعرها : ليش تشيلين هموم وانتي توك في اول عمرك .. طلعي كل اللي في قلبك ..
اندو نزلت من عينه دمعه .. وبعد دقايق بدت تتساقط الثلوج ..
حست بالثلج فأقشعر جلدها من البرد تذكرت انها لازالت بين يدين اندو : حاولت تمسك نفسها وابعدت نفسها عن اندو وهي منزلة راسها منحرجة من اللي صار .. بدت ترتجف وهي ضاغطه على عضودها
اندو : آيا انتي بردانه..
آيا تهز راسها : لـ..لا .. آسفه ..
اندو قرب منها : ليش تتأسفين..
آيا دموعها لا زالت تنزل: ......
لما شافها اندو على هالحال قرب زياده لها و حط يدينه على خدها ومسح دموعها ...
اندو بابتسامة مصطنعه : ابتسمي .... لان الابتسامة اجمل على وجهك ....
تنزل آيا راسها وتحاول تبتسم ثم تناظر في وجهه...
اندو ابتسم في وجهها ..
آيا بدت ترتجف رجولها .. ثم جلست على الارض ونزلت راسها للارض ..
اندو مرتاع : آيا وش فيك ؟؟
آيا في نفسها : ليه بالذات اندو ؟؟ آيا ليه ما مسكتي نفسك ؟؟
اندو : آيا .. آيا .. وش فيك ؟؟
آيا ترفع راسها وتشوفه : ما فيني شيء .. لكن رجولي معد صارت تشيلني ...
اندو : رجولك ؟؟
ويلتفت اندو ويعطيها ظهره ...
اندو : اركبي على ظهري خلينا نروح للمستشفى ..
آيا تمسح دموعها : لا لا انا ما احتاج مستشفى ..
ويلتفت عليها : اجل وش فيك ليه جلستي على الارض كذا فجأه ...
آيا : لان جسمي صار يتحكم فيني مو انا اللي اتحكم فيه ....
اندو : نعم؟!
آيا في نفسها : لانك هنا ..... ما اقدر ...
توقف آيا بسرعه تبي تبعد عنه ... يمسك اندو يدها ..
اندو : آيـــا .. اهدي ... خلينا نجلس شوي وارتاحي ....

مسكها مع اكتافها وبقت آيا صامته .... وصلو للمطل وجلّـس اندو آيا على الكرسي ... وجلس جنبها ....
آيا بصوت هادئ تحاول تنسى اللي صار قبل شوي : اندو .. شلون عرفت مكاني ؟؟
اندو : بعدين اعلمك لكن قولي لي وش فيك ...
آيا : انا ما فيني شيء لكن اعتقد لاني طولت وانا واقفه .. تعبت وبغيت اجلس ... انت قول لي شلون عرفت مكاني ...
اندو وقف والتفت على المطل وهو معطيها ظهره ....
اندو : هذا المكان دائما اجيه في كل يوم كريسماس من كل عام ...
آيا فتحت عيونها .... وناظرت فيه ...
اندو : غريبه ما علمك اكيرا اني انا وياه كنا نجلس في هذا المكان في كل عام ...؟؟
آيا بدون ما تناظره : لكن الاغرب انك عرفت اني اليوم راح اكون فيه ؟؟
اندو فتح عيونه وهو متفاجئ ...
آيا تكمل : او اعتقد ان اكيرا قال لك اليوم في المكالمة صح ؟؟
اندو : آيــــا ....
آيا تلتفت عليه : نعم ..
اندو : في ذاك اليوم اللي كنتي انتي واكيرا في هذا المكان .. جيت له كالعاده .. لكن يوم عرفت ان اكيرا اختارك انتي تكونين معه في هالمكان تركته لكم يالاثنين .... عشان كذا انا من ذاك الوقت ما كنت اجيه ..
آيا : اختارني اكون معه ؟؟
اندو : انا واكيرا كنا نقول ان هذا المكان ما يجلس فيه الا اثنين ما يزود عليهم اكثر ....
آيا وقفت وقربت من اندو ووقفت جنبه ...
آيا : اكيرا ما اختارني عوضا عنك ... انا اذكر كلامه صح ... قال ان الشخص اللي كان يجلس معه ما صار اكيرا يلتقي به .. فصار اكيرا وحيد في هذا المكان ... هو بغاني اشوف مكانه المعتاد لكن ما قال انه اختارني عوضا عنك .....
يلتفت اندو وهو يشوفها ..
آيا : انت جيت مشي ؟
اندو : أيـــه ..
ايا : انت تعرف ليه اكيرا ما جاء صح ؟؟
اندو متفاجئ : أيـــه ...
آيا ابتسمت : الحين ارتحت ...
اندو يحط يدينه على فمه : يوووه برد ...
آيا تقرب من عنده وتمسك يدينه ..
اندو انحرج وبعد يده ..
آيا : يدينك مثل يديني تبرد .... اعتقد ان هذا الفرق اللي بينك وبين اكيرا ... اكيرا كانت دائما يدينه دافيه بعكس يديني دائما بارده ...
اندو : انتي ليه دائما تدورين الفروق بيني وبينه ... انا غير اكيرا في كل شيء ......
آيا : اذا كنت تعتقد هذا .. فتراك غلطان .. انت تشبه اكيرا كثيـــر ... ما تهم ملامح الوجه اذا اختلفت شوي .. لكن انت مثل عيونه وشكل رسمه جسمه من ورا ...
آيا تفتح كيستها وتطلع منها كرتون ازرق ... وتمده لاندو ...
آيا : صح اني كنت باقدمه لاكيرا .. لكن احس الحين انه بيكون لك انسب .... تقبله مني كشكر ....
اندو متفاجئ ... ثم ياخذ الكرتون ويفتحه ... يلقى فيها قفازات من صوف لونها تركوازي ...
آيا طبقت يدينها على بعض : ما قد لاحظت اني دايما البس هذي القفازات ؟؟
اندو : قفازاتك ؟
آيا : هي غاليه علي كثير تعرف ليه ؟؟
اندو : ليـــه ؟؟
آيا : لانها اول هديه لي من اكيرا ......
اندو : اول هدية ؟!
آيا : قبل ما نصير ارفقاء .. انا اتذكر كل شيء حصل في ذاك الوقت ... يوم اكيرا يجبرني اني اروح معه هو واصدقائنا لنزهه .. لمس يدي وحس ببرودتها .. من بكره جاء لي وكنت محبطه ... مد لي كيسه وكان شكله مضحك لانه ما يعرف حتى شلون يقدم هديه لاي شخص .. قال البسي هذي القفازات لان يدينك بارده ... وانا من ذاك الوقت وانا البسها ...
وتلتفت على اندو ...
آيا : البسها عشاني على الاقل .....
وتلتفت آيا على المطل وتشوف المدينه ....
اندو يناظر القفازات ويبتسم ثم يلبسها ..
آيا ترفع راسها للسماء : اللي يحصل اليوم مثل ذاك اليوم بالضبط ... كنت اعتقد ان السماء صافيه ... لكن اثلجت في وقت التقاء اثنين ...
آيا التفتت على اندو ...

آيا : من وقت طويل كنت ابي اعرف احساس شخصين بالثلج .... الاول كان اكيرا وعلمني وش احساسه .... والثاني على طول المده اللي اجلسها معه الا انها ما تثلج معه ابدا ... لكن الحين .... اثلجت يا اندو ......... هل اقدر اعرف احساسك بالثلج يا اندو ؟؟؟
اندو يشوفها بدهشة ثم يقول في نفسه : احساسي ..
وبحسره يقول في نفسه : انا نسيت شلون كان احساسي من ذاك اليوم ..
اندو نزل راسه : آيا ... اخاف لما اقول لك احساسي تتحسفين انك سألتيني عنه ....
آيا : ما راح اتحسف .... قول لانها كانت مثل الامنية بالنسبه لي ...
اندو يرفع راسه للسماء : احساسي .... لا يوصف ...
آيا : هاه ؟؟
اندو يلتفت عليها ويقرب من عندها ..
آيا : اندو ؟!
اندو يخمها : لانك انتي احساسي ...
آيا تفتح عيونها وترجع بها الذاكره ...
اقتباس من (( الفصل التاسع – الجزء 3 ))
آيا : وش احساسك ؟؟
أكيرا يبتسم : احساسي ما يوصف .... تعرفين ليه ؟؟
آيا : ليه ؟؟
أكيرا : لانك انتي احساسي ..
........
آيا في نفسها : شلون ؟؟ شلون يكون مثل الجواب ......؟؟ ليه يكون كذا جوابك يا اندو .....
آيا ترفع يدينها وتحطها على ظهر اندو ..
اندو في نفسه : آيــا ... كان فعلي هذا اصعب شيء في حياتي ....
ويبعد اندو شوي عن آيا .. ويشوف في عيونها شوي دموع ....
اندو وهو يشوف في عيونها : * يـــا دنيا لا تسكبــي الـــدمعـة على خدِ حســــــاس * .......
آيا فتحت عيونها وهي تشوفه بتعجب ....
ويلتفت اندو على المطل ..
اندو : الوقت تأخر .. نروح البيت ؟؟
آيا من الصدمه وقفت في مكانها بدون أي رد ....
اندو : راح نمشي لين نوصل لشوارع المدينه وراح نلقى اكيد تكسي ...
ويمشي اندو .... وآيا وافقه في مكانها ...... شوي ويلتفت اندو عليها .....
اندو : آيا ؟!
آيا بدت ترتجف وتركض وتتعداه .....
اندو : آيــــــا ~
ويلحقها .....
وتجي سياره مسرعه متجهه لهم ..
اندو : آيا انتبهي ....

سأسمعك كلماتي .. (( الفصل الحادي عشر – الجزء 4 ))

وتجي سياره مسرعه متجهه لهم ..
اندو : آيا انتبهي ....
آيا تلتفت على اندو ...
وتوقف السياره عند آيا وتحول منها ماري وتخم آيا ...
آيا متفاجئة : ماري ؟؟!
ويركض اندو ويشوف انها ماري ...
اندو : ماري ؟؟
ماري تبعد عن آيا ..
ماري : آسفة آيا .. ما كنت ادري انك كنتي تعرفين ان اكيرا كان بيجي .... ابوي كان يبيـ...
ويمسكها اندو ويحط يده على فمها ...
آيا : اندو ؟؟
ويبعد اندو ...
اندو وهو متورط : ههه ممكن اكلمك شوي يا ماري .....
ماري : وش عندك ؟؟
اندو : آيا اركبي السياره انا ابي اكلم ماري شوي ..
آيا : طيب ..
وتروح آيا وتركب ورا ..
اندو : انتي شلون عرفتي المكان ؟؟
ماري : انت شلون وصلت هنا ؟؟
اندو : ما يهم ... المهم لا تقولين أي شيء عن الخطبه لآيا ... فهمتي ؟؟
ماري : ليه لكن آيا اذا ما عرفت بتكره اكيرا ....
اندو : انا خلاص حليت المشكله قبلك .. خلاص خلينا الحين نوصلها للبيت ولا تحاولين تفتحين هالموضوع معها مره ثانيه ... اوكي ...
ماري : اوكي ...
ويروحون يركبون السياره وطبعا ماري هي السائق عشان السياره سيارتها واندو راكب قدام وآيا في المرتبه الورانيه ...
يلتفت اندو على آيا ويشوفها نايمة ..
اندو : امداها تنوم ؟؟
ماري : شكلها تعبانه شوي ...
اندو : اكيد بتتعب عقب اليوم ......
ماري : انت اللي معلم آيا صح ؟؟
اندو : لاني انا الوحيد اللي اقدر اجيب لها اخبار اكيرا ...
ماري : اتصلت باكيرا وعلمني على مكانها عشان كذا علطول سكرت منه السماعة وجيت طايره لآيا .. ما توقعت انك سابقني لها ...
اندو : بعد ما كلمت اكيرا رحت علطول لآيا ... وصلحت كل الامور .. لكن .. كيف عرف اكيرا ان عمي يبي يزوجه ؟؟
ماري : انا علمته
اندو : انتي ؟؟
ماري : سمعت ابوي يكلم امي عن الخطوبه وبدون ما يدرون دقيت على اكيرا وقلت له ما يجي ... لاني مستحيل اخلي اكيرا ياخذ شخص غير آيا ..
اندو : طيب لين متى اكيرا ما راح يجي ؟؟
ماري : المشكله اني ما ادري ابوي متى ناوي يخطب له .. انا قلت لاكيرا لا يجي السنه هذي ابدا لليابان ...
اندو : ابوك يشك بآيا انها السبب ؟؟
ماري : ما ادري .. لكن هو شك اني انا اللي معلمه اكيرا ... لكن بطريقة قدرت ابعد الشك عني ..
اندو : لكن اعتقد انه فيه شك لو بسيط بآيا ....
ماري : وليه اصلا يشك بآيا ؟؟
اندو : ما ادري لكن احس ان عمي بيحاول يدور آيا هاليومين ...
ماري : تقصد انه بيقابلها ...
اندو : اخاف يقابلها ويقول لها كلام يحزنها .......
ماري : اجل لازم نبعد آيا عن انظاره ...
اندو : وين بتودينها ؟؟
ماري : ما ادري ..
اندو : ما فيه الا مكان واحد ما راح يخطر في بال عمي ..
ماري : ما يخطر بباله ؟؟
اندو : أيـــه ... بس لازم تساعديني شوي ...
ماري : اوكي ..
اندو : اسمعيني زين ....
ويقولها اللي عنده ...
ويروحون لبيت ابو اكيرا :.
ماري حاول تخفي نفسك لان ابوي دائما يحب يطل ويشوفني وانا اركب السياره ....
اندو : اوكي ...
وتحول ماري وتدخل للبيت وهي تركض متجهه للدرج ...
الابو والام جالسين في الصاله ..
الام : ماري .. وش فيك مستعجله ؟
ماري : فيه شيء نسيته في غرفتي وبروح اجيبه وارجع للبنات ..
الابو : لكن الوقت متأخر المفروض ترجعين للبيت خلاص ..
ماري : طيب طيب الحين بروح اودي لها هالغرض وارجع بس ...
الابو : لا تتأخرين ..
ماري : اكيد ..
وتروح ماري بسرعة لفوق وتدخل لمكتب ابوها وتفتح درج المفاتيح ...
ماري : هذا هو ...
وتاخذ مفتاح وتحطه في شنطتها وتحول ....
ماري : باي ...
الابو : علطول ارجعي ...
ماري : اوكي ...
وتروح ماري وتركب سيارتها وابوها يطل عليها من الدريشة ...
تمشي شوي بالسياره وتطلعها على الشارع ..
يقوم اندو ويجلس على المرتبه زين ...
اندو : يوه عورني ظهري وانا داعس نفسي في هالخفس ...
ماري : آسفة ..
اندو : اهم شيء جبتي المفتاح ..
ماري : اكيد ...
ويروحون ويوقفون قدام فلة اكيرا ..
ماري : شلون جاء على بالك بيت اكيرا ؟؟
اندو : لانه هو المكان الوحيد اللي مستحيل يخطر في بال عمي ....
وتفتح ماري البيت بالمفتاح ..
اندو : يوه كنت ناسي ... اكيد البيت مغبر ...
ماري : لا مو مغبر ...
اندو : هاه ؟؟
ماري : لا تنسى ان الكل كان يحسب ان اكيرا بيجي عشان كذا ابوي طلب امس من الخدم انهم ينظفون بيت اكيرا له ... عشان كذا الحين هو نظيف .
اندو : اوه كأنه مجهز لآيا .....
ماري : اندو روح شيل آيا فيما افتح الانوار ...
ويروح اندو ويشيل آيا على ظهره ... ويرقا بها لفوق ....
اندو : وين احطها ؟؟
ماري : ما نظفوا غرفتي عشان كذا حطها في غرفة اكيرا ...
وتفتح ماري غرفة اكيرا ويحط اندو آيا على السرير ....
اندو : لازم تجلسين عندها يا ماري ما ينفع تجلس لحالها ...
ماري : توني جايه اقول نفس الكلام ... لكن آسفة انا ما اقدر اقعد عندها ... عشان كذا ممكن تجلس عندها يا اندو ..
اندو : ليه ؟؟

ماري : ابوي ما يسمح لي اني ابيت عند أي احد ... عشان كذا بيشك واخاف يدري عن آيا ...
ويطفون اللمبات ويحولون تحت ..
ماري : آسفة اني اجبرك على هالشيء .. لكنـ...
ويقطع اندو كلامها : لا يهمك شيء .. لكن بأطلب منك طلب ..
ماري : وشو ؟؟
اندو : بروح معك ابيك توديني لبيتنا عشان اخذ سيارتي ...
ماري : اوكي ..
ويروحون وياخذ اندو سيارته ...
اندو : تصبحين على خير ..
ماري تبتسم : وانت من اهله ...
ويفترقون ويرجع اندو لبيت اكيرا ويدخل ويجلس على الكنبة ثم ينسدح ويحط يده على عيونه ..
اندو : اللي صار اليوم غريب .. كأنه لمصلحتي ..... لكن اعتقد ان آيا تشوفني كاكيرا .. لكن ليه كل مره اسمع آيا فيها تتكلم عن اكيرا احس ان قلبي ينعصر .. انا من قبل ما احبها وانا عارف انها تحب اكيرا ... فليه الحين انقهر .. انا احب اكيرا واتمنى له السعاده وفي نفس الوقت ما ابي ادمر سعادة آيا .. ما اعرف اذا كانت آيا تكن لي اية مشاعر ..لكن في بعض الاحيان اعتقد ان عندها كلام تبي توجهه لي لكن ما تعرف ... لكن راح انتظرها لين ترتب الكلام اللي تبي تقوله لي ...
ويغمض عيونه ويغط في النوم ... وبعد مرور 5 ساعات .. يعني الساعة بتكون 5 الفجر ..
آيا بدت تتقلب ثم فتحت عيونها ..
آيا وهي تشوف السقف : هذا المكان ؟؟ وين ؟؟
ثم تفز وتتلفت ..
آيا : هذي الغرفة ؟؟ غرفة اكيرا ...
آيا بتفكير : لكن انا ليش في غرفة اكيرا ..؟؟
وتقوم وتفتح الباب ...
آيا : انا في حلم ؟؟ صدق انا في بيت اكيرا ... ؟
وتقرب وتطل على الصاله وتشوف اندو نايم على الكنبه ..
آيا : اندو .... هو اللي جابني لبيت اكيرا ..؟؟ لحظه لحظه انا كنت في سيارة ماري يوم كان اندو يبي يكلمها شوي .... شكلي نمت من جد في السيارة
وتروح آيا لغرفة اكيرا وتفتح الدرج وتشوف فيه اوراق وقلامه ...
آيا : انا حمّلت اندو فوق طاقته احسني مللته دائما .. دائما اخليه يشيل معي همومي ... هذي المره لازم ابعد انظاري عنه وابعد ...
وتحول آيا وتحط ورقة على الطاوله اللي قدام اندو ...
آيا تشوفه وهي مبتسمه : مع السلامــة اندو .. وشكرا على كل شيء .....
وتطلع برا البيت وتلتفت على بيت اكيرا ....
آيا : حنيت لهالمكان كثير .... لكن ما اصلح اكون فيه بدون صاحبه .....
وتروح تمشي ..... تدخل لبيتهم وتروح لغرفتها وتاخذ اغراضها ... تكتب ورقه وتحطها على طاوله المطبخ ... تطلع وتروح تركب السياره ...
اندو يتقلب وصدمت يده في طرف الطاوله .. يبعد يده ويقوم ..
اندو وهو ماسك يده : احح طقيت نفسي بقوه ..
يشوف ساعته .....
اندو : واو يا سرع الوقت توقعتها بس غفوه والحين الساعة 6 الا ربع ...
ويقوم ويشوف الورقة على الطاوله ..
اندو : وش هالورقة ؟؟
يروح يفتح اللمبة ويقراها .. والمكتوب كالتالي ( آسفة على كل شيء سببته لك .. راح ارجع من المكان اللي كنت فيه .. شكرا اندو .. آيـــــا )
اندو : هذي البنت بتجنني ..
ويروح بسرعة يركب السياره ...
اندو : هذي وين راحت بالضبط الحين ؟؟
ويروح يوقف عند باب بيتهم ولا يشوف سيارتها موجوده ... يشوف مكان السياره بسبب الثلج واضح ان السياره مو من زمان مأخوذه..
اندو : معناها انها توها رايحه ....
وهو يمشي يمر من عند النهر ويشوف ان النهار بدا يهل والشمس بتشرق ...
اندو : معقوله تكون في هذا الوقت .... يمكن ...
ويروح بسيارته طاير .....
آيا تلبق في نفس المكان اللي وداها اندو له المره السابقة في وقت الشروق .....
آيا : يااه النسيم بجد روعه هنا ...
وتقعد تشوف شروق الشمس وهي مبتسمه ... يوصل اندو ويحول .....
اندو : آيـــا ~ ....
تلتفت آيا وتشوفه ....
آيا : اندو ؟؟ انت صحيت ؟؟
اندو : ليــه ..... ليه تروحين كذا بصمت ؟؟
آيا : انا كتبت لك ورقه علمتك فيها اني باروح ......
اندو : ما فيك حتى فضول تعرفين ليه كنتي في بيت اكيرا ؟؟
آيا : هو اكيد بيكون فيني فضول لكن تبيني اقومك من نومك عشان اسألك ؟؟
اندو : انتي ليه رحتي كذا فجأه .. مو قلتي انك بتروحين بكره ؟؟
آيا : واليوم وش يصير ؟؟ انا قلت هذا الكلام امس معناه اني بأرجع للسكن اليوم ..
اندو : من الفجر ؟؟؟؟
آيا في نفسها : عشانك رحت من هالوقت .....
اندو : ليه الى الان ما سألتيني ؟؟
آيا : ما احتاج اسأل اذا كنت من اساس راح اترك المكان ..... انا بأرجع للسكن واعتقد بدال ما اجلس في بيت غيري ارجع لمكاني الصحيح ولا اكون عبء على احد .....
اندو : آيـــا ...
آيا : خلاص الموضوع واضح ... اكيرا ما جاء من بريطانيا واهلي اكيد يبون يسألوني عن يومي .... انا ما اقدر اقولهم ان اكيرا ما جاء .... وشوله اجلس خليني ارجع للسكن احسن انا فيني فيني ارجع اليوم سواء الفجر او العصر .... ما تفرق ....
آيا عضت على شفايفها : وبما اني في هالوقت ما زلت اقدر احكم في نفسي ... راح ابعد بقدر المستطاع ....
اندو : يعني تعلميني انك بس عشان اكيرا ما جاء واهلك تنحرجين تقولين لهم انه ما جاء ... ما تحسين باي شخص حولك ؟ بأي شخص يهتم لك ؟!!
آيا : اندو ....
اندو : على الاقل قومتيني وقلتيلي بنفسك هالكلام مو تكتبين على ورق ؟؟
آيا : اندو ..انا من فتره كتبت كلام طالع من قلبي .. بغيت اوجهه لشخص كان من اهم الناس .. وافضلهم .. واسميه الصديق المخلص الوافي ... صح ان كلامي اناني .. لكن كان مو بس مجرد كلام .. كان خطاب ... خطاب من خوفي من شيء اخاف يحصل وحينها راح احزنـــ...
ويقطع اندو كلامها : قولي .. راح اسمع ...
آيا : اندو ...
اندو : احب اسمع الكلمات اللي تكتبينها .. عشان كذا قولي هذي الكلمات واذا كان فيها اية اخطاء راح اصححها ..
آيا عضت على شفايفها : يعني انت ما تقدر تتعرف على هذا الشخص ....؟؟
اندو : اللي اعرفه انه لشخص كان من اهم الناس بالنسبه لك .. وافضلهم .. وتسمينه الصديق المخلص الوافي ......
آيا بدت تتعبر : طيب ما قدرت تعرف من هذا الشخص ؟؟
اندو : انا ما اعرف من هذا الشخص .. لكن بطريقة كلامك اعتقد انه ..
آيا تناظره بتحمس ..
اندو : انه شخص محترم ......
آيا : بـــس ؟!
اندو : أيـــــه ....
آيا : اجل عشان تقدر تتعرف عليه ... راح اسمعك كلماتي ..
اندو يناظرها بدهشة ..
آيا في نفسها : ليه ما تحاول انك تحط نفسك من ضمن الاختيارات ؟؟
آيا تاخذ نفس عميق : اندو اسمعني بكل عناية ..... " أمانه لا تجي منك ... مواقف تجرح الاحساس .. انا من غيرك اشكي له اذا صار الزمن قاسي ... أمانه لا تخليني على همي اعد خطاي انا قلبي يعذبني وفكري بالزمن سارح ... وأمانة لا تخليني اذا نفسك تبي فرقاي انا مابي يجيلي يوم واكون لعزتي جارح .... "
وتلتفت آيا على اندو : هاه ؟؟
اندو بدون ما يلتفت عليها ابتسم بسمه خفيفة : حلوه ....
آيا : يعني ما قدرت تتعرف على هذا الشخص ؟؟
اندو في نفسه : يمكن ...
اندو : ما تقدرين تعلميني مو هو ؟؟
آيا بحمقة : ليـــه تسوي نفسك غبي ؟؟
اندو بدهشة : غبي ؟؟
آيا : مين اللي دائما اشكي له همومي ؟؟ مين اللي في اوقات ضيقي القاه ؟؟ مين اللي ساعدني بالرغم من فراقي من اكيرا ؟؟ مين اللي .. مين اللي ..
وحطت يدها على قلبها ...
آيا : مين اللي معي في هاللحظة ؟؟
اندو بدهشة يناظرها ...
آيا بصوت عالي : ليه ما تحاول تقول انا ؟؟!! انت يا اندو .... هو هذا الشخص ...
والتفتت من الجهة الثانيه وهي ما تعرف شلون قالت كذا ....
اندو : انـــــا ....
وتلتفت آيا عليه بدهشة ....
اندو : اذا كنت انا .... فهل لي مكان في قلبك ؟؟
آيا تناظره بتعجب ..
آيا : اكتشف هالشيء من نفسك ......
وتمشي شوي ... وهي معطيته ظهرها ....
آيا : انا قلت كل اللي عندي ... لا تتبعني اكثر وارتاح مني ... اندو .. شكرا وآسفة على كل شيء ...
وتركض وتروح تركب سيارتها ..... اندو يناظرها لين اختفت عن انظاره ...
اندو يبتسم بسة حزن : انا اللي اشكرك اكثر ..
ويلتفت على جهة النهر ...
اندو تنزل منه دموع .. ثم يمسح على خده ويشوف الدمع في يده
اندو : طلعتي من حرارة قلبي ؟؟ مالك نصيب يا اندو .... المفروض انك عارف هالشيء من زمااااان .......
آيا في السيارة حاطة يدها على فمها وهي تبكي ...
آيا : اندو.... آسفــــــــه .... آسفه على انانيتي ...... آسفه اني حبيتك ...
وبعد مرور الوقت يتصل اندو على ماري ويقولها عن روحة آيا ..
المكالمة :.
اندو : ... وراحت للسكن ..
ماري : زين .. وانا بعد تأكدت من ابوي والخطوبة ...
اندو : كيف ؟؟
ماري : انتهى كل شيء ... وابوي ما بحث عن آيا ولا فكر فيها ....
اندو : يكون احسن ...
ماري : مثل ما قلت .. احسن .....
وآيا جالسة في الليل تطل من الدريشة وهي تناظر السماء ..
تدخل عليها يوكي ..
يوكي : آيــــــا ~ ..
تلتف آيا عليها وعيونها مليانه دموع : يوكي .. ما جاء يقابلني ... عشانه يحبني ..
يوكي : آيـــــا .. حصل شيء .. صح ؟
آيا تخم يوكي وتصيح ...
آيا : جسمي كله ما يستجيب لي ... وحتى عيوني .. ما قدرت حتى اني احط عيني بعينه اكثر .... تركته بكل انانية ...
يوكي : آيـــا اهدي ....
آيا : ليـــه كل هذا يحصل معي ؟؟
تنتهي الاحداث في هذي الفتره ... لتعود بعد مرور سنة .....

مشكوره
يعطيك العافيه
تقبلي مروري

انتهى وقت الحب (( الفصل الثاني عشر – الجزء 1 ))
ماري جالسة في حديقة بيتهم حاطه رجل على رجل تكلم آيا بالجوال .....
ماري : مالك حق ... على الاقل كان جيتي ..
آيا باعتذار: غصب عني يا قلبو يالله الحين اقولها لك وبصوت عالي بعد ... مبرووووووووووووك التخرج يا ماري القمر....
ماري تبعد السماعه عن اذنها : بس بس فجرتي اذني ..
آيا تضحك : هههههه.
ماري ترجع تحط السماعه باذنها : بس ولو يا ايا كان باركتيي من زمان مو الحين انتي تدرين متى متخرجة ؟؟
آيا : ايه ادري من ثلاث اسابيع ... بس انا ارسلت لك رساله فيها تهنأة ....
ماري : ما تكفي الرساله كنت ابي اقابلك واشوفك واجلس معك بعد ...
آيا : والله انا ودي بس والله وش اسوي انتي عارفة انا بقي لي سنتين ثم اتخرج والحين ما زلت ادرس يعني لازم اشد حيلي اكثر من اول .. هالسنتين مهمة بالنسبة لي ولمعدلي يعني لازم اهتم واجتهد..
ماري حست فيها : طيب طيب .. عذرتك خلاص ....
آيا لازالت تتأسف : والله آسفة ...
ماري بضحكه : ههههه ما عليه خلاص عذرناك ....الى متى بتعتذرين .. ؟
آيا : وش اسوي فيك انتي تخليني اغصب اعتذر احسك ما صدقتيني...
ماري : والله مصدقتك بس انتي مدري من وين تجيبين افكارك..
آيا بتقهرها : يعني من وين بجيب افكاري الا منك ومن ولد عمك اندو..
ماري : خييييير وشدخلني ووشدخل ولد عمي .... ايييييييييييييه على فكره يا آيا على طاري اندو انتي من متى ما كلمتيه ؟؟
آيا بتفكير : اممممم يمكن آخر مره كان يوم تخرجه ...
ماري مندهشه : يووووووووه من زمااااااااااان ... ليــه طولتي انتي من قبل كنتي تتصلين عليه بفترات متقاربة لكن هالسنة تطولين ..
آيا ما تدري كيف ترد : هه معليش .. انا ما اعرف اذا كان مشغول عشان كذا ما ابي ازعجه ....
ماري : ايه انتي معاك حق تدرين انو انا واندو نشتغل مع بعض في شركة ابوي وشغلنا متواصل..
آيا : والله ؟؟ وش شغلك ؟
ماري : مديرة الحسابات ...
آيا : يوه شكل وظيفتك متعبة ...
ماري : لا لا مو متعبة مره لان فيه موظف معي يساعدني بس قولي متواصله .....
آيا : مين اللي يساعدك اندو ؟؟
ماري : لا .. اندو وظيفته اعلى بكثير ..
آيا : جد ؟
ماري : ابوي عطاه وظيفه مو سهله .... بس قال بابا ان اندو هو انسب واحد يشغل هالوظيفه ...
آيا : وش شغلته ؟؟
ماري : هو يقابل الوفود الزائرة لشركتنا من دول ثانية ويسوي معهم الصفقات عشان البضايع وكذا ... لكن الناس اللي يقابلهم مو سهلين بعض الاحيان نشوفهم في التلفزيون ...
آيا : وليه عمي حطه في هالوظيفة الصعبة ؟؟
ماري : لان عنده اسلوب وهو ذكي في التعامل مع هالكبار .... وارتفعت اسعار البضايع من مسك اندو هالوظيفة ...
آيا : آآه ... اندو رائع ..
ماري : ايه وانا بعد اراه كذا ......
آيا : واكيرا ... ما راح يرجع ويتوظف في الشركة معكم ..؟؟
ماري : لا اكيرا بقي له سنتين ..
آيا : ليه هو ست سنوات ؟؟
ماري : هو اربع .. لكن بياخذ سنتين ماجستير ...
آيا : يعني هذي السنة واللي بعدها ...
ماري : حتى انتي كذا صح ... بقي لك هالسنة واللي بعدها ....؟؟
آيا : أيــــــــه .....
ماري : الله يوفقك ان شاء الله.. يالله قلبو طولت عليك انا لازم اسكر الحين .. اكلمك بعدين مع السلامه.....
آيا : مع السلامة ...
آيا كانت جالسه على كرسي في حديقة السكن وبعد ما انهت مكالمتها ضمت جوالها لصدرها...
آيا : آآآآآآآآآه .. وحشتوني يا اهل طوكيو ..
وقفت وبدت تمشي متجه لمبنى السكن .....
آيا : مرت سنة وهذا حالي ما تغير شيء كل شيء توقف و كل يوم يمر علي روتيني ... تخرجو اصحابي كلهم بس لاني ما قدرت اروح للمدينه عشان ابارك لهم بنفسي ارسلت لكل شخص منهم رسالة تهنئة .... لكن اندو ما قدرت ارسل له رساله حبيت اسمع صوته واباركله في اسعد لحظاته .... من طريقة كلامه عرفت انه مبتسم , مبتهج .. كان سعيد ... فرحت لفرحته ... وكمان اتصلت على راي تكلمت معها على التلفون ثلاث ساعات ما ملينا من حديثنا المتبادل ... والحين انتهيت من محادثني مع ماري ... لكن يونا كل ما حاولت اتصل عليها يصير مشغول .. بس ارسلت رسالة تهنئه وانتظرت اتصالها ..... من بعد ذاك اليوم حاولت اني ابعد نفسي عن اندو .. تجيني لحظات اشتاق لقعدتي معه ... لكن شوقي لجلستي مع اكيرا كانت اكبر .. ودي اكلمه .. لكن رغبتي باتصالي باكيرا اكثر .. محتاره .. لكن عن قريب راح اعرف انا وش اتجاهي .....
واثناء ما آيا كانت تفكر شافت يوكي تأشر لها عند باب المبنى : آيــــــا ~
آيا راحت متجهه لها ولما قربت من عندها : هلا..
يوكي : آيــــــا فيه اتصال لك ..
آيا : اتصال لي ؟
وتدخل آيا للمبنى حق السكن وتتوجه لغرفة المراقبة ( مراقبة الاسكان) و تمسك السماعة : الوه .....
يونا : آيـــــا ؟؟
آيا بشوق : يونا ... هلاااااااااا والله
يونا بابتسامة : هلا بك ... كيف حالك من زمان عنك يا دوبا ....؟؟
آيا : انا تمام والحمد الله انتي اللي كيفك يا القاطعة ؟؟
يونا : انا تمااااااااااااااامو وبصحه وعافيه ومتخرجه بعد ....هههههه
آيا : ايه صح ... مبرووووووووووووووووووووووووووك التخرج ......
يونا : هههههه مبكره ...
آيا : انا ارسلت لك رسالة .. وصلت لك ؟؟
يونا : أيـــه ... لكن كنت مشغوله شوي عشان كذا ما قدرت اتصل عليك .....
آيا : اها ريحتيني توقعتها ما وصلت لك .....
يونا مبسوطه : آيا عندي لك خبر يجنن ..
آيا تحمست : وشو ؟؟
يونا تبي تقهرها : توقعي ..
آيا من الحماس مسكت السماعه بقوة : قولي والله من الحماس مو قادره اتوقع .......
يونا بفرحه و صراخ : بأرجع لطوكيووووووووووو ....
آيا بسعاده : يااااااااااااي والله ... يااااااااااه يعني خلاص بتستقرين في طوكيو ؟؟
يونا : أيــــه ... اذا تذكرين انا قلت لك ان عمي بيروح بعثة لثلاث سنوات ..
آيا : ايوه ..
يونا : المفروض اني ارجع السنة اللي راحت لكن قلت بأكمل هالسنة واتخرج هناك ثم ارجع ..
آيا : وسوما ؟؟
يونا بابتسامة : راح يرجع معي ....
آيا تناقز : ياااه مو مصدقه يعني اخيرا بنتقابل بعد هالمده ؟؟
يونا تضحك : ههههه آيا ترانا نتقابل في الاجازات الصيفية ....
آيا : تراها شهر في السنة تسمينها تقابل ...
يونا : ههههههه ....
آيا : ومتى العودة ؟؟
يونا : بكره ...
آيا بحماس : يااااااااااااااي وناسه ....
يونا : لازم اشوفك ...
آيا : ان شاء الله لكن بكره ما اقدر .... بس بحاول اجي ...
يونا : ما علي منك غصب بشوفك دبري نفسك ..... يله مع السلامة بأتصل على راي واخبرها ..
آيا : هه طيب مع السلامة ..
وتسكر آيا السماعة ....

يوكي سمعت كل المحادثه لانها كانت جنب آيا : هذي يونا ؟؟
آيا بفرحه : أيـــه راح ترجع .. ياااااي ياحبيلها والله مره مشتاقه لها ....
يوكي فرحانه لفرحة آيا : حلو ... كل الناس تخرجو قبلنا احس باحباط ..
آيا : ههههههه حلوه .. انتي كيف تفكرين كذا ....
يوكي : بتروحين لها بكره ؟؟
آيا : لا ما اقدر بكره بنطلع متأخرين .. وبصير تعبانه وابي انوم ..
يوكي : طيب بعد بكره بيصير اجازة .... بتروحين لها ؟؟
آيا : اكيد .... الا صح .. يوكي انتي ما قد شفتي صديقاتي صح ؟؟
يوكي : الا انتي وريتينياهم في الكاميرا والصور ....
آيا : لا لا اقصد انك ما قابلتيهم ....
يوكي : لا .. لانك تشوفينهم في الاجازات وانا انشغل ..
آيا : طيب اسمعي انا ودي اسوي لهم حفلة بمناسبة تخرجهم .... وش رايك تجين فيها وتتعرفين عليهم عن قرب .. ؟
يوكي عجبها الاقتراح : مو شينه الفكره .. بس متى ناوية تسوين هالحفلة ؟؟
آيا : بعد بكره ..
يوكي : مره قريب ....
آيا : في الكاريوكي ..... عادي بقي لنا اليوم وبكره نقدر نسوي كل شيء يلزمنا ....
يوكي : ما تلاحظين انك تجمعين ؟؟
آيا : الا يعني انا وانتي ؟؟
يوكي بنذاله: وانا اعرفهم اصلا عشان اسوي لهم حفلة ؟؟
آيا ماسكه يدها بترجي : تكفين ما اقدر اسوي كل شيء لحالي ...
يوكي بضحكه: ههههه طيب بس لاني بصير فاضية ..
آيا تطمر وتخمها : ياااااااااه ..... شكرا يوكي ...
ومن بكره :.
آيا تكلم توما ...
آيا : انت و راي .....
توما : وش المناسبة ؟
آيا : خلاص تعالو ولا تعلمون احد لانه خاص بكم انتم يا الاثنين ...
توما : الله يعيننا عليك يا آيا انتي ومناسباتك ..
آيا باصرار : توما خل عنك الكلام الفاضي هاه بتجون ترى غصب..
توما بضحكه: ههه طيب طيب خلاص مانبيك تغصبينا ..
آيا بابتسامه : يالله مع السلامة..
ومن ثم تكلم مورا ....
آيا : انت ومايا ...
مورا : وش المناسبة ؟؟
آيا : الصراحة من زمان عن مايا .. المناسبة خاصه بكم انتم يا الاثنين ....
مورا : شكرا آيا .. خلاص تم ....
آيا : مع السلامة..
وتتصل على ماري ...
آيا : انتي واندو ..
ماري : وش المناسبة ؟؟
آيا : ابي اجلس معكم يالاثنين ....
ماري : ابــــــــشري غالي والطلب رخيص حتى انا ابي اجلس معك..
آيا بابتسامه: اجل على موعدنا..
ماري : ان شاء الله ...
آيا : مع السلامة..
وتتصل على سوما .....
آيا : يوه من زمان عنك كيفك ؟؟
سوما : والله تمام عايشين ...
آيا : حتى انا عايشه خخخ ...سوما!!
سوما : هههه هلا..
آيا : ابيك تجي انت ويونا بكره في الكاريوكي ..
سوما : انا و يونا ؟؟
آيا : بس اسمع لا تعلمها اني ابي اقابلها هناك ابي اخليها مفاجأة لها ...
سوما : طيب ...
آيا بابتسامة : شكرا مع السلامة....
وتسكر آيا السماعة ....
آيا : يااااه خلصت ..
وتنزل آيا تحت وتلقى يوكي في المطبخ ....
آيا : وش تسوين ؟؟
يوكي : كيكة ..
آيا تقرب وتطل عليها ..
آيا : كيـــكة .؟؟ لبكره ؟؟
يوكي : أيـــه ...
آيا : ياحبي لك ......

يوكي : تو كلمتيهم ؟؟
آيا : أيــه ..
يوكي : بيجي اندو ؟؟
آيا : انا قلت لماري انه يجي معها ... لكن ما ادري اذا كان بيجي او لا ...
يوكي : مشاعرك له .. تغيرت ؟؟
آيا نزلت راسها وبدت تتلاعب بفمها ...
يوكي : هاه ما اسمع ردك ...
آيا : ليه هالسؤال المفاجئ ؟؟
تلتفت يوكي عليها : بكره الكل بيكون موجود ..... وانتي قلتي انك اذا صرتي معه ما تتحكمين في تصرفاتك ..
آيا : قلت لك اذا صرت معه ... يعني لحالنا ..
يوكي : معناته انك بتستمرين كذا ؟؟ آيـــا ..... اكيرا بس اسمعك تتكلمين عنه ولا اشوف انه فكر فيك ... آيا المدة طالت ... حتى لو كان .. اللي يحب ما يطول عن حبيبه ...
آيا : انا اعرف ... اعرف ان المده طالت .. لكنـ... بعد اعرف ان اكيرا ينتظر اللحظة اللي نتقابل فيها ... هو ما يقدر ولا انا اقدر ...
يوكي : واندو ... اندو اللي دائما حولك .. انتي تحبينه .. صح ؟؟
آيا : كل الناس مثلي واي وحده في مكاني بيصير لها اللي صار لي بس مستحيل اكون رفيقه لاندو .. يوكي انتي مجنونه ... اندو ولد عم اكيرا ... لا لا مستحيل ....
يوكي : اللي علي وقلته ... كل واحد عقله في راسه ويعرف خلاصه ....
آيا تروح وتخلي يوكي .... تجلس في الغرفة وتطل من على الدريشة وتناظر النجوم ( طبعاً الوقت ليل ) ....
آيا : اكبر نجم ... اكبر نجم ...
ثم نزلت عيونها ...
آيا : معد صرت اقدر افرق صارت النجوم كلها كبر بعض ..... انا اعرف .. تفكيري كان صواب ... بُعدي عن اندو كان صواب ... حبي لاكيرا كان صواب ... اكيرا .... انا متأكده انك ما زلت مخلص لي ... وانا راح ابقى مخلصة لــــك .... تكفى خلني دايم على بالك ...
ينتهي اليوم على كذا ... ومن بكره .. تروح آيا للكاريوكي من العصر وتصلح كل التجهيزات ...
الساعة 7 الا ربع .. ينطق الباب ...
آيا تفتحه ويقابلها توما وراي ........
آيا : رااااااي ..... بالاحظان يا قلبي ...
راي : آيــــــا من زمان عنك بالدوبا ..
ويضمون بعض ... ثم يبعدون عن بعض وتلتفت آيا على توما ...
آيا : هلا توما ؟
توما : هلا بك ......
آيا تأشر بيدها : تفضلو ...
راي تجلس على الكنبة : وش المناسبة يا آيا ؟؟
آيا : المناسبة الحين بتعرفونها لكن انتظروا ..
ويجي بعدهم مورا ومايا ..
توما : اجل هذي مايا ؟؟
مايا : سعيده بمقابلتك ......
راي : مايا .. انا صديقة مورا وآيا واكون رفيقة لتوما ..... سعيده بمقابلتك ..
مايا بابتسامة : وانا اكثر ..
تجي آيا وتجلس معهم ...
آيا : هاه شلونك مع مايا يا راي ؟؟
راي : كنك تعرفينها مره ؟؟
آيا : اكيد اعرفها قبل الكل ... صح يا مايا ؟؟
مايا : هههه .. أيـــه ...
وينطق الباب ....
آيا : بروح واشوف مين ...
وتقوم آيا وتفتح الباب ..
يوكي : آسفة آيا تأخرت .... جاء احد ؟؟
آيا : ايه ... توما وراي ومورا ومايا ......
يوكي : معليش انشغلت شوي ..
آيا : ما تأخرتي كثير يله ادخلي بس ...
وتدّخل آيا يوكي ...
آيا تمسك يوكي مع كتوفها في اتجاههم : هذي صديقتي في السكن يوكي ..
وتأشر آيا على توما ..
آيا : يوكي هذا توما ... وهذا مورا .. هذي راي ومايا ....
يوكي بابتسامة تنحني : سعيده بمقابلتكم ....
توما : واحنا اكثر ...
تروح يوكي وتحط كرتون الكيكة على الطاولة .. تقوم راي وتروح لايا .....
راي : آيا ... الحين ما عرفت وش المناسبة ؟؟ توقعت بس عشان نقابل مايا ... لكن صديقتك يوكي ليه جت بعد ؟؟ انتي تبين تعرفينا على بعض ؟
آيا بابتسامة: لا تسبقين الاحداث ...
راي : حركات عجبتني الكلمة يا المهمة ... طيب راح اترقب ...
وينطق الباب .....
تفتح آيا وتقابلها ماري واندو ..
آيا تبتسم وتضم ماري ...
آيا : وااه اخيرا شفنا بعض ..
ماري : ترانا امس مكلمين بعض ...
آيا : غير الشوفة ....
ماري : آيا انتي قاصه شعرك ؟؟
آيا : لاحظتي ... ها وش رايك فيه ...؟؟

ماري : يجنن ....
وتلتفت آيا على اندو ...
آيا : هلا اندو ... من فتره طويله ما شفتك ....
اندو : انا تمام .... كيفك انتي ؟؟
آيا : طيبة ..
وتدّخلهم .......
توما بتفاجؤ : اندو ؟؟
اندو بنفس الشيء : توما ؟
آيا : اعتقد اني ما احتاج اعرفكم على اندو ...
توما يبتسم : من زمان عنك ...
اندو : مرت فتره طويله ..
وينطق الباب ...
آيا : انا بروح افتح ..
تناظر يوكي في اندو بنظره تعجب ...
يوكي في نفسها : هذا اندو يا آيا ؟؟
تفتح آيا الباب ويقابلها سوما ويونا ...
آيا تصارخ : واااااااااااااااااااااااه .....
يونا : واااااااااااااااااااااااااااااااه .......
وتضم آيا يونا بقوه ....
آيا : ياي ياي ما اصدق ....
يونا : يووووووووه والله مشتاقة لك .....
سوما يبتسم ويلتفت لجوا ...
مورا : هنا .. هنا ...
سوما يدخل ويسلم على توما ومورا والباقي ....وتدخل آيا ويونا ...
تروح آيا وتمسك الميكرفون ....
آيا : هذي المناسبة ... عباره عن مناسبتين مو مناسبه وحده .. حبيت اجمع احباب قلبي كلهم في يوم واحتفل معهم ... في البداية اقول مبروك التخرج للكل ....
وتلتفت آيا على يوكي ..
آيا تبتسم : الا اللي مثلي ما بعد تخرجو هههه ..... وآسفة ان هالتهنئة متأخره شوي ... لكن في ذاك الوقت كان الوقت ضيق ولا قدرت اقابل أي احد منكم .... وثانيا ... الحمد لله على سلامة يونا ... ومبروك لرجوعها لنا ولاهلها .... هذي المناسبتين اللي جمعتكم اليوم عشانها ... اتمنى نستمتع بوقتنا .......
وتقوم آيا وتفتح الكيكة ومكتوب عليها [ الى احباب قلبي ] ... وتقوم يوكي وتفتح الكيكة اللي سوتها ... ويقطعونها ويصبون العصيرات ..
ثم يقعدون يسولفون ..
يوكي قاعده تسولف مع مايا .... ويونا مع راي وآيا مع ماري .. مورا و سوما وتوما مع اندو ...
ماري تتكلم بصوت منخفض : تدرين يا آيا .... احس هاليومين باشياء غريبه فيني ....
آيا : وش فيك ؟؟
ماري : انا لما اقابل اندو ... احس ان نبضات قلبي تتسارع ... واحس باحراج كبير .....
آيا تفتح عيونها وترتجف يدينها ...
آيا في نفسها : ماري ... تحب اندو .؟؟ ما توقعت ابدا هالشيء ....
ماري وهي ما زالت تعبر : ما ادري وش هالاحساس ... لكنـ.. اعتقد اني احب اندو ...
وتلتفت على آيا ...
ماري : آيـــا وش فيك ؟؟
آيا تنتبه : لا لا ولا شيء ....
ماري : انتي تسمعين وش اقول ؟؟
آيا بارتباك : آآه افهم افهم ....
ماري : انا ما قلت فهمتي انا قلت سمعتي ؟؟ آيا شكل بالك مو معي ....
آيا في نفسها : كوني طبيعية يا آيا .... انتي تعرفين اتجاهك .....
آيا تبتسم : الا معك ... انتي .. انتي تحبينـ....
ماري تقطع كلامها : ايه احبه .. والله احبه .. آيـــا تساعديني لاني ما اعرف شلون اعترف له بهالشيء ...
وآيا كانت ماسكه عصير في يدها ... تتحرك شوي وينسكب شوي على ملابسها ..
ماري : واه انسكب انسكب ...
وتحط آيا الكاس وتمسحه بالمنديل ..
آيا : بروح اغسله في الحمام انتظري شوي ....
وتروح آيا للحمام وهي تغسله تشوف نفسها في المراية .....
آيا : خلاص يا آيا ... المفروض من زمان تدركين هالشيء ..... انتي ليه انانية ؟؟ خليه يعيش حياته .... انتي غبيه .. تحبينه وتكتمين هالشيء ... معناها انه ما راح يدري بحبك ... لو كنتي صدق تحبينه كان من زمان ساعدتيه على انه يلقى من يخفف عليه ويسعده .... خلاص انا لاكيرا وبس ...
وتطلع آيا وترجع لماري ...
ماري : طولتي ...
آيا بعزيمه : انا بأساعدك ... لكنـ... ما اعرف وش تبيني اساعدك به بالضبط ..
ماري تبتسم : مشكورة يا آيا ...
آيا : في ايش اساعدك ؟؟
ماري : انا ابي تكون علاقتي باندو مثل علاقتك مع اكيرا .... قوية ..
آيا متفاجئة : مثل علاقتي ؟؟
ماري : انتي واكيرا كل يوم يزود اعجابي بكم .... مخلصين برغم طول المده اللي انفصلتو فيها ..... آيا انتي تجلسين مع اندو كثير ... صح ؟؟
آيا : من قبل ...
ماري : يعني اكيد تتكلمون كثير ..... اندو يعاملني باحترام كوني بنت عمه ..... لكن ما يكلمني في أي شيء في حياته .... انتي مستحيل يحكي معك عن العمل .. اكيد عن حياته .. قولي لي من اندو ؟؟ .... هو غامض وما ينعرف له ... عشان كذ ابي معلومات عن شخصيته المخفيه ...
آيا : اكيرا يعرفه اكثر مني ليه ما سألتيه ؟؟
ماري : اكيرا كان يعرف اندو يوم كانو صغار لكن الحين .. كبر وتغير .. وانتي اللي تعرفين ...
آيا : انا ما اقدر اقولك أي شيء ...
ماري متفاجئة : ليه ؟؟ مو قلتي انك بتساعديني ؟؟
آيا : ماري .. حياته لازم انتي تعرفينها من نفسك ... لازم تجلسين معه وتتكلمين معه عن حياته ... حاولي انك تفهمين وش احساسه ... لازم تعطينه الراحة وتحاولين انك تسعدينه ... بكذا يكون اعترفتي له بحبك ... حاولي انك ما تكتمين حبك كثير ...
ماري : آيا ... انتي تقدمين لي النصيحة ؟؟
آيا : هذا اللي اقدر اقولك اياه ... آسفة .....
ماري : لا لا تتأسفين ... بالعكس انا اشكرك ... الحين انا فهمت ... راح اعرف كيف اتصرف ...
آيا : اطلعي معه ... تمشو وتكلمو ...
ماري ابتسمت وهزت راسها بـ ـ ـ يس ......
توما يوقف ...
توما : اندو خلينا نروح شوي ونتمشى ..
اندو : يالله مشينا..

توما : بنرجع بعد شوي ...
آيا : مع السلامة ..
يونا : آيا ماري تعالو سولفو معنا ...
يطلع توما واندو في الشارع ويتمشون رجلياً ...
توما : فتره طويله ...
اندو : أيـــه ...
توما : طالت مدته .... وآيا لحالها كذا ..
اندو : هو مجبور وهي بعد ...
توما : اكيرا كان غبي ... كان يفكر في الامور في فتره محددة كان يعتقد ان موضوعه هو وآيا بسيط ...
اندو : ما نقدر نسوي شيء ... عمي مو بسيط .... حتى ماري اجيبها بخفيه عشان تقابل آيا ...
توما : تكلمه ؟؟
اندو : شبه معدوم ...
توما : ليـــه انت قادر انك تكلمه ...
اندو : انا اقابل آيا كثير .. واخاف لو كثّرت اتصالات على اكيرا يشك عمي وتحزن آيا ...
توما : موضوعه يقلقني ...
اندو : انت تعرف كل شيء من البداية صح ؟؟
توما : من قبل ما يصير شيء ...
اندو : ليه ما وقفته ذاك الوقت ...
توما : ما راح اوقف في طريقه ... حتى ذاك الوقت كان مستحيل اني افكر بيوم ان هذي نهايتهم ..
اندو : انا ابي اكلمه ...
توما : كلمه ...
اندو : مو اتصال .. ابي اروح له هناك واقابله ...
توما : عندك شيء بتقوله ؟؟
اندو : كل يوم اتردد فيه ... لكن انا حمقان عليه شوي ..
توما : فكرت زين في اللي بتسويه ...
اندو : أيـــه ...
وبدو يخوضون في مواضيع ثانية ...
وينتهي اليوم ويرجع كل واحد لبيته ...
تمر يوكي من عند غرفة آيا وتسمع صوت باكي .. تدخل يوكي وتشوف آيا جالسه على السرير وتبكي ..
يوكي تقرب من عندها ..
يوكي : آيا وش فيك ؟؟
آيا وهي تصيح : يوكي .. مشاعري له ... هالمره اعتقد ..
يوكي : آيــــا
وتخمها ...
آيا : اليوم .. ماري قالت لي .. قالت انها تحب اندو ....
يوكي متفاجئة : ماري ؟!
آيا : طلبت مساعدتي ..... انا ما عرفت حتى كيف اساعدها .... حسيت ان قلبي ينعصر ... انا ليه انانية ؟؟ يوكي ... ابي اساعدها وتنجح علاقتها مع اندو ..... لاني ... لاني احب اندو واحب ماري .... ابي اكون طبيعية معها .... ما ابيها تلاحظ أي شيء علي ....... اخاف تكرهني ....
يوكي : ما راح تكرهك ...
آيا : يوكي وش اسوي ؟؟
يوكي : قلتي لها شيء ؟؟
آيا : قدمت لها نصيحة ........ قلت [حياته لازم انتي تعرفينها من نفسك ... لازم تجلسين معه وتتكلمين معه عن حياته ... حاولي انك تفهمين وش احساسه ... لازم تعطينه الراحة وتحاولين انك تسعدينه ... بكذا يكون اعتراف له بحبك ... حاولني انك ما تكتمين حبك كثير ... ] حسيت ان هذا اقل شيء اقدر اسويه لها ......
يوكي : اللي قلتيه كان كافي .... حاولي انك تهدين نفسك ... مو قلتي انك تبين السعاده لاندو ؟؟
آيا تهز راسها : اكيد ابي سعادته ....
يوكي : وانتي تحبين اكيرا ؟؟
آيا : اكيد احبه..
يوكي : آيــــا ... اسمعي كل اللي اقوله لك الحين ..
انتهى اليوم على كذا ..
وبعد مرور 5 ايام ....
ماري تدخل على اندو في المكتب ...
اندو : ماري ؟؟
ماري : انت اليوم فاضي ؟؟
اندو : اعتقد ... ليه فيه شيء ؟؟
ماري : بس حسيت شوي بملل ودي نتمشى اليوم ...
اندو : متى ؟
ماري : اذا كنت فاضي .. لا تضغط على نفسك ...
اندو يبتسم : ما راح اضغط على نفسي ... انا احس بملل بعد ...
ماري : خلاص بعد الغداء راح اتصل عليك ..
اندو : اوكي ..
وتقوم ماري وتطلع برا ...
ماري : راح اعترف له اليوم ....
وينتهي الدوام وترجع ماري للبيت ...
ماري تدخل للبيت وتشوف امها في الصاله ::.
ماري : سلام ماما ...
الام : يالله روحي بدلي ملابسك وتعالي تغدي ....
ماري : طيب.....
وتروح ماري وتبدل ملابسها وتنزل .. تقعد على السفرة ...
ماري : انا بأطلع بعد الغداء ...
الام : وين بتروحين ؟
ماري : مع اندو .... بروح نتمشى ...
الابو : لا تشغلينه يا ماري اندو عنده اشغال كثيره هاليومين ...
ماري : ابوي ما تعتقد انك مصعب العمل على اندو ... خفف عليه ... حط معه احد يساعده ...
الابو : انا احتاج احد اثق فيه .... ما فيه احد ينوثق فيه غير اندو ...
ماري : وانا ؟
الابو : ليه انا قلت اني ما اثق فيك ؟
ماري : انا ابي اشتغل معه ...
الابو : ماري عمل اندو ما يناسبك ...
ماري : انا ابي اكون مساعده له ... مو زي وظيفته ...
الابو : ليــه ما ارتحتي في عملك ؟
ماري : لا انا ما اقصد كذا ... بس ودي اعاونه ..
الابو : راح افكر ...
ماري تبتسم : مشكور بابا ...
وتقوم من السفره ...
الام : وين ما بعد كملتي صحنك ؟؟
ماري : شبعت ..
وتروح ماري وهي تركض ...
الام : يا سرعها ...
الابو : كلي بس كلي ...
وترقى لغرفتها .. ترفع الجوال وتدق على اندو وتجلس على السرير ...

ماري : الو ..
اندو : هلا ماري ..
ماري : تغديت ؟
اندو : توني منتهي ...
ماري ما تعرف شلون تدخل في الموضوع ..
ماري : اليوم ..
اندو : راح نتقابل في حديقة الحيوان ...
ماري : حديقة الحيوانات ؟؟؟!!
اندو : المكان ما يعجبك ؟؟
ماري متورطة : لا مو قصدي كذا .. اقصد .. اني انا ...
اندو : تخافين ؟؟
ماري منحرجة : شلون عرفت ؟؟
اندو : ههههه .... شلون تخافين منهم وهم بعيدين عنك وما راح يوصلونك ...
ماري : اخاف من اصواتهم حتى ..
اندو : راح اكون معك ...
ماري متفاجئة من كلمته .....
ماري في نفسها : ماري .. لا تكونين غبية .... اندو من نفسه قال انه بيحميك .... اقبلي وبابتسامة ...
ماري مبتسمة : موافقة ....
اندو : هههه ما كأنك اللي تو تكلمني ..
ماري : هههه ... متى ؟
اندو : الحين .. هم بيسكرون الساعة 6 .... والحين الساعة 3 .... قدامنا ثلاث ساعات نتمشى فيها ...
ماري : طيب ...
اندو : جهزي نفسك .... بأمرك ....
ماري : اوكي ... مع السلامة .....
اندو : مع السلامة ..
تروح ماري وتلبس فستان وردي انيق فيه وردة بيضاء على الصدر وتلبس معه قباعة وردي وفيها نفس الوردة البيضاء ... يمر اندو وتركب معه ..
اندو : وش هالحركات متكشخة اكثر من العادة ...
ماري منحرجة : يعني حلو ؟؟
اندو بابتسامة : مره .....
يحرك اندو السيارة متجهين لحديقة الحيوانات ...
يوصلون وينزلون من السياره ...
ماري في نفسها : الله يتمم هاليوم على خير ...
وهم يتمشون ...
اندو : ماري انتي تخافين من البطاريق ؟؟
ماري : ما توصل اني اخاف منهم .... انا بس اخاف من الحيوانات المفترسة ....
اندو : هههههه ... حيوانات مفترسة ... طيب ... وش تحبين من الحيوانات ... ؟
ماري : امم .. الارانب و الكتاكيت ...
اندو : كتاكيت ؟؟ انتي من جد تتكلمين ؟؟
ماري : وش فيك ؟؟
اندو : الحين احنا في حديقة حيوانات تروحين تقولين كتاكيت ؟؟
ماري : انت سألتني وانا جاوبت ..
اندو يضحك عليها
وماري تشوفه باعجاب : ليه من قبل ما كنت اشوفك ؟ كل هالسحر فيك !
اندو يلتفت عليها : انا اسألك هالسؤال عشان نروح للحيوانات اللي تحبينها .... بس يالله نروح للارانب ....
ويمشي اندو ويتعداها ...
ماري تبتسم وتتكلم مع نفسها : ياي اندو كله ذوق ...
ويروحون عند الارانب ...
اندو : شوفي شوفي هذي امهم .. يااي سبعة مره وحده ...
ماري : هههههه .. حلوه سبعه مره وحده يعني تبيهم دفعات ....
اندو يتلفت ويشوف الناس يتفرجون عليهم ...
اندو : وش قصتهم على هالنظرات ؟؟
ويلتفت ويشوف ماري ماسكه يده وصايرين كأنهم في موعد ....
اندو يبعد يده باحراج ..
ماري : وش فيك ؟
اندو يحاول يضيع الموضوع : هه هه لا ما فيه شيء بس خلينا نجلس في مكان ...
ماري : طيب...
ويروحون ويجلسون على طاولة ... ويطلبون ايسكريم ...
ماري : اندو ... انت تضغط على نفسك في العمل كثير ..
اندو : هذي وظيفتي ...
ماري : بس حاول انك تاخذ اوقات استراحة انا كل ما اشوفك الا وانت معك الف ملف وفاتح الكمبيوتر وحالتك صعبة ...
اندو يضحك ...
ماري : على ايش تضحك ؟؟
اندو : اضحك على كلامك ....
ماري : ليه كلامي فيه شيء خطأ ...
اندو : عشان اريحك بس .... بعد هالشهر راح تخف اعمالي .... معروف ان الواحد توه ماخذ الشغله يحاول يستعجل في عمله ولا يرتاح عشان يرتاح في الايام الجاية ... انا الحين اخلص كل الاعمال اللي فاتت .. ولقائي الاخير راح اشتغل عليه بكره .. وبعدها خلاص تصير كل المعاملات جاهزة ....
ماري : يعني ما تحتاج احد يساعدك ؟؟
اندو : لا .. ما احتاج ...
ماري : آآه كذا ..
اندو : انتي طفشانه من عملك ؟؟
ماري : لا لا عملي مريح ومعي ناس يساعدوني ...
اندو يسكت .... وياكل الاسكريم ...
ماري باندفاع : اندو ... انت فيه احد تحبه ؟؟
اندو : أيــــه ..
ماري في نفسها : بكل هالبساطة ؟؟ آآآه صار هالموعد ماله فايده ....
اندو بابتسامة حزن : لكن الشخص اللي احبه ... الحين توقفت عن حبه ...
ماري متفاجئة : توقفت عن حبه ؟؟
اندو : لاني احبه في داخلي وهو ما يدري عن هالشيء .... وعشان سعادته لازم ابعد عن طريقه ....
ماري : سعادته ؟؟ كيف ؟؟

اندو : هذا موضوع قديم نوع ما ...
ماري وهي تناظر وجهه بدا ينقلب ...
ماري : انت الى الان تحبها صح ؟
اندو يناظرها بدهشة ...
ماري : هذا واضح في عيونك ...
اندو : البنت اللي احبها ... صح اني الى الان احبها ... لكن .. خلاص .. انا من نفسي بديت هالحب وانا اللي انهيه ...
ماري : ليه تبعد عن طريقها ؟؟
اندو : لاني مو انا الشخص اللي تحبه ... هي تحب شخص ثاني وهذا الشخص الثاني يحبها ... انا لازم ابعد عن طريق سعادتهم .. هذا كل الموضوع ..
ويقوم اندو ويمشي ...
يلتفت على ماري ثم يبتسم : نروح مكان ثاني ؟ عندي لك مكان حلو ....
ماري تبتسم بحزن وتهز راسها بالموافقة ... يمشي اندو ويركب السيارة وتركب ماري ....
ماري : ويــــن ؟؟
اندو : مكان حلو ...
ويمشي بالسيارة .....
ماري في نفسها : ليتني اعرف من هالبنت يا اندو ... من هالمحظوظه .. اللي حبيتها ... هل يوم بيعلمني من هي ؟؟ .. لكن انا اليوم كنت حاطه في بالي اني اعترف له ... متى اقدر ؟؟ .. لكن هل بيتقبلني .... اخاف يصدمني بعد ما سمعت كلامه ....
اندو : ماري ..... لا تشغلين تفكيرك بالكلام اللي قلته ..
وتلتفت ماري عليه بتعجب ...
اندو : قلت لك ... انا انهيت حبي ... انا من قبل كنت اتكلم معها كثـــير ... لكن هي نفسها ما حست بحبي .. معناها اصلا ما تتقبلني ...... هي طول هالفتره تعتبرني صديق .. وانا الحين اقول بعد انها مجرد صديقه حبيتها فتره والحين انتهى وقت الحب ....
ماري عصبت : مستحيل يتحول الحب لصداقة ... مستحيل ... انت ما راح تشوفها كصديقة عادية ...
اندو : اذا شفتها سعيده .. راح افرح .... يكفيني سعادتها ......
ماري : اندو وش هالتفكير ؟؟ ...
اندو : ماري انتي تبين تعرفين من هالبنت ؟؟
ماري متفاجئة ....
اندو يلتفت عليها : عشان كذا تحاولين انك تسحبين مني الكلام صح ؟
ماري ارتبكت وصارت تشوف قدام : لا ... ما ابي اعرفها ... اللي ابي اعرفه هو انت ....
اندو بتعجب : انا ؟؟
ماري تلتفت مع الجهة الثانية وتقول في نفسها : ياااااااي يا ويلي احسني تهورت في الكلام ..
اندو : ههههههه .... انتي تشبهين آيا كثيـــر .....
ماري تلتفت عليه وتناظره بتعجب ...
ماري في نفسها : آيـــــا ؟؟ انا اشبه آيا .....
يلبق اندو سيارته في الموقف وينزل .....
راح لجهتها وفتح الباب : انزلي يا آنسه ماري المكان بنروح له مشي ...
تنزل ماري وتمشي بصمت جنبه ........
اندو يحط يده على راسه ...
ماري : فيك شيء ؟
اندو يبعد يده : لا لا ولا شيء ...
ماري : نخلي الطلعة مره ثانيه خلينا نرجع للبيت ...
اندو : لا لا انا بخير ... لازم اوديك ذاك المكان ... لاني احبه ...
ماري في نفسها : يوريني المكان اللي يحبه ؟
اندو : بأسبقك والحقيني ...
ويركض اندو ..
اندو يمسك راسه بقوه ..
اندو في نفسه : راسي وش فيـــه ؟؟ احسني ما اقدر اركز ...
ويحرك يدينه ويحطها على اذنينه .....
تركض ماري له ....
ماري : اندو انت مو بخير ... خلينا نرجع ....
اندو : احس اني ما اقدر اتوازن .. ما اقدر اسمع غير صوت ازعاج في أذاني ...
وتمسك ماري يده وتسحبه بترجعه للسياره .... تنطلق يده عن يدها ويدوخ ويطيح و يرتطم راسه بسياره كانت في موقفه قريب منه وينزف .....
ماري تقرب من عنده : اندو ...
وتقرب زياده وتمسكه من بين يدينها وتشوف الدم ...
ماري بخوف : اندو .... اندو ... ~
وتخمه برعب وبصرخه مدويه : انـــدوو~
ماري والدموع تملا وجهها : لااااااااااااااااا ...
وبكل شجاعه تحاول انها ترفعه وتركبه معها في السياره حقت اندو .. تمشي به للمستشفى ....
يدخلونه للعمليات .. وتقعد على الارض منهارة ولبسها مليان دم ...
ماري وهي تصيح بقوه : آآآآآآآآآآآآآآآآآآآآه ..... اندوووووو ....
في مكتب ابو اندو ::
ابو اندو يكلم التلفون : اوكي خلاص اتفقنا .. شكرا لك ... مع السلامة ....
ويسكر السماعة ... يرن جواله ..
ابو اندو يلتفت ويمسك الجوال .......
ماري وهي تصيح : عمي ...
الابو مرتاع من صوتها : وش فيك يا ماري ...... ؟
وتعلمة السالفه ....
الابو يقوم من كرسيه : كيف؟!
وبعد شوي في المستشفى ...
يجي والدين اندو وهم يركضون وابو اكيرا ... ويشوفون ماري جالسه على الارض ملطخه بالدم وترتجف ..
يروح العم لها ويمسكها مع كتوفها ...
العم بصراخ : اندو .... وينه ؟؟
ماري وهي تصيح تأشر على غرفة العمليات: .....
يروح ابوها لها .....
ابوها : وش صار يا ماري ؟؟
ماري وهي ما تقدر تتكلم والدموع من عيونها تسيل ....
الابو يضمها : معليش يا ماري اهدي اهدي يا بنتي ....
وام اندو منهاره جالسه تصيح ..
يطلع الدكتور عليهم ..
يروح ابو اندو له : وين اندو ؟؟ وش فيه ؟؟
الدكتور ساكت .... تقوم ام اندو وتمسك الدكتور ..
الام : ابي اشوف ولدي .... ابي اشوف اندو ...
ماري من ملامح وجه الدكتور صارت تصيح ....
وشاع المكان ظلام وحزن .... وبكاء
ينتهي البارت الى هذا الحد
علما انو ماراح يكون التنزيل كل يوم مثل اول
لكن اتمنى تستمتعون بقراءته

اندو انا احبك (( الفصل الثاني عشر – الجزء 2 ))

يطلع الدكتور عليهم ..
يروح ابو اندو له : وين اندو ؟؟ وش فيه ؟؟
الدكتور ساكت .... تقوم ام اندو وتمسك الدكتور ..
الام : ابي اشوف ولدي .... ابي اشوف اندو ...
ماري من ملامح وجه الدكتور صارت تصيح ....
الدكتور : سيد ديجير اتمنى تجي معي ...
الاب تبعه وهو مهموم ..
راحت ام اندو الى ماري وضمتها وصارو يبكون هالثنين على حال اندو المجهول ..
في مكان آخر وبالتحديد سكن الطلاب :.
آيا جالسه في الحديقة تشرب عصير : اخيرا فهمت .... انا ليه حبيت اندو .....
يوكي : كيف؟؟ ...
آيا : لا ماراح اقولك كيف الا لما اقول هالشيء لاندو نفسه..
في المستشفى .....
طلع ابو اندو من عند الدكتور ..
ابو اندو : في غيبوبه ... يقول الدكتور ان الضربه كانت في الراس وزين انه سلم منها .....
ماري جالسه على الارض تسمع الكلام وماتتكلم من الصدمة ..
الام وقفت و الدموع تسيل على خدها : يعني ما راح يصحى ؟؟
ابو اندو : لا انا ماقلت انه ماراح يصحى انا اقول الدكتور قال انه بيدرس حالته اثناء الغيبوبه ... يقول ما فيه أي جروح او اصابات في راسه ..... معناه انه بيرجع طبيعي .. لكن يقول ان فيه شيء

يبي يتأكد منه ... وما علمني وش هو ...
ابو اكيرا : طيب متى راح يصحى ؟؟
الاب : ما ادري ما قال لي الدكتور وقت محدد ....
الام حطت يدينها على وجهها وصارت تصيح ..مسكها ابو اندو وصار يواسيها : تقدرين تشوفينه خلف العازل الزجاجي ...
الام تصيح بألم : انا ما ابي اشوفه خلف العازل انا ما ابيه على السرير الابيض ..ابي امسكه بين يديني واضمه لصدري وحيدي غلاي اللي مالي غيره في هالدنيا اعز ما املك ..ابي ولديييييييييييييييي

..
ابو اكيرا: يا ابو اندو خذ ام اندو للبيت خلها ترتاح ..
الاب : خلاص يا حبيبتي خلينا نرجع للبيت مو لازم توشوفينه الحين ..لما ترتاحين نرجع نزوره يالله يا ام اندو ..
توقف الام وهي حزينه رجعت مع زوجها لبيتهم..
ابو اكيرا : ماري حبيبتي خلينا نرجع احنا عشان تغيرين اللي عليك وترتاحين ماله داعي قعدتنا في المستشفى ..
ماري وقفت: باب روح انت قبلي ... انا بأرجع بسيارة اندو ... اسبقني .....
الابو : بس يا مار....
ماري تروح وتتركه ....
وتروح وتوقف قدام العازل الزجاجي تناظره وهو على السرير الابيض ...
ماري تنزل دموعها لمنظره ...
ماري : عمري ما تصورت اني بشوفك بيوم كذا يالغالي .. بس الحمد لله انك عايش...و اسفه كانت غلطتي .. سامحني ...
تجي ممرضة لها ..
الممرضة : لو سمحتي ؟؟
ماري تمسح دموعها و تلتفت عليها : نعم ...
الممرضة : انتي من اقارب المريض صح؟؟...
ماري تهز راسها : ايه انا بنت عمه ..
الممرضه: انتي الي نقلتي المريض الى هنا..
ماري : ايه انا..
الممرضه : الدكتور يبي يتكلم معك ممكن تتفضلين معي..
ماري: طيب ..
وتروح معها الى غرفة الدكتور ..
تدخل ماري على الدكتور ..
الدكتور : تفضلي اجلسي ......
ماري تجلس
الدكتور : انت اللي جبتي المصاب لهنا ...
ماري : أيــه ..
الدكتور : فيه شيء استغربته ... انتي قلتي اول ما جبتيه حادث سياره .. لكن جسمه معافى بالكامل .... ابيك تعلميني كيف صار الحادث ...
ماري : في الحقيقة هو مو حادث هو سقط مغمى عليه ..
وقالت للدكتور كل شيء حصل من وصلّها للمكان الى ان جابته للمستشفى..
الدكتور : شكرا على المعلومات ... تقدرين تروحين وترتاحين ....
ماري : العفو...
وتوجهت للباب طالعه عند الباب التفتت على الدكتور ...
ماري : دكتور ... ممكن اسأل سؤال ؟؟
الدكتور : تفضلي ...
ماري : انت وش اللي ما خبرته لعمي ؟؟
الدكتور : ما راح اقول شيء انا نفسي ما ادري اذا هالشيء فيه او لا ...
ماري : لو لا قدر الله حصل اللي تفكر فيه لاندو ... هل بيرجع طبيعي وما راح يأثر فيه ؟؟
الدكتور متفاجيء : لا تسبقين الاحداث .... وانا دكتور ومهمتي اني اداوي .... لا تخافين .....
ماري : اتمنى ان ما يكون فيه شيء .........
وتفتح الباب وتطلع ..
تروح تركب السياره ... ترفع يدينها وتشوف فيها دم ...
ماري : منظر مرعب ....
وتحط راسها على الدركسون .....
ومن بعد يومين .... الساعة 2 الظهر في سكن آيا ...
يوكي : آيـــا ~ ...... جوالك يرن ..
آيا في الحمام : انا اتروش شوفي مين ؟؟
يوكي تمسك الجوال وتشوف ان المتصل ماري ....
يوكي : ماري ...
آيا : ماري ؟! ..... تكفين يوكي ردي عليها ...
يوكي : لكن هي تبيك انتي ..
آيا : هي ما تحب اني ما ارد عليها ... على الاقل شوفي وش تبي .....
يوكي : اوكي ...
وتمسك الجوال وترد ..
ماري : السلام ..
يوكي : وعليكم السلام .....
ماري : انتيـ...
يوكي : انا يوكي ...
ماري : ممكن آيا .....
يوكي : آيا تاخذ شور.. تبين ابلغها شيء ..
ماري : اها ..خلا..
تطلع آيا بروبها من الحمام
يوكي : لحظه ماري هذي هي طلعت خذيها ....
وتمسك آيا الجوال ..
آيا : هلا ماري ..
ماري صوتها بدأ يتعبر : آيا ..
آيا مستغربه : فيه شيء ... اول مره تدقين علي الظهر ..
ماري : انا الحين قريبة من سكنك ..
آيا : هااه ..
ماري : فيه شيء ابي اقولكياه ...
آيا : طيب حياك ...
ماري : كم رقم شقتك ؟؟
آيا : C33
ماري : طيب .. انا جاية..
آيا : انا بانتظارك ..
تسكر آيا الجوال ولازالت متفاجئه ...
يوكي : وش عندها ؟؟
آيا : الحين بتجي ..
يوكي : هاه ..
آيا : بروح البس ..
يوكي : اوكي بأجهز الشاهي ..
توصل ماري وتوقف قدام مبنى السكن حق آيا ..
ماري في نفسها : لازم امهد لها ..... انا ما اقدر اني اخبي اكثر عنها ..
تنزل وتتوجه لقسم ( c) لشقة ( 33) ولما وقفت قدام الشقة رنت الجرس ..
فتحت يوكي الباب ..
يوكي : هلا ماري تفضلي ..
ماري : هلا بك..
يوكي : تفضلي..
تدخل ماري وتقعد في الصالة .. طلعت آيا من غرفتها وسلمت عليها ..
آيا : هاه وش الموضوع ؟؟
ماري متوتره : انـا ...
يوكي تدخل عليهم: جهز الشاهي ..
وتحط الشاهي على الطاوله قدامهم ...
يوكي : آيا انا بأروح للغرفة ... ماري خذي راحتك ....
تبتسم ماري في وجهها .. وتروح يوكي..
آيا : تحبين احلي لك الشاهي اكثر ..
ماري : أي شيء ..
آيا : ايوه وش الموضوع ؟
ماري : آيا انا قبل يومين طلعت مع اندو ...
آيا وقفت عن تحريك السكر في الشاي ..
آيا ببسمة : وكيف الحال ؟؟
ماري : انا ما طلعت معه كموعد .. انا قلت له اني طفشانه وطلعنا ..
آيا : هذا اللي بتخبريني به ..؟؟
ماري : لا ..
آيا : فيه شيء ثاني ؟؟ حصل شيء ؟
ماري نزلت عيونها للارض ..
ماري : يوم كنت اتمشى وياه .. حس اندو بدوخة ...
آيا بجدية : ايش .. حس بدوخه ؟! ..
ماري : ايه واغمى عليه ..
آيا في نفسها وبخوف : نفس ما حصل ذاك اليوم ..
آيا تحاول تكون طبيعية : اكيد بسبب انه ارهاق نفسي .. او بسبب ضغط العمل ..
ماري : كيف ؟؟

آيا : اندو مره حصل له هالشيء من قبل واغمى عليه ...
ماري : اندو اغمى عليه معك ؟؟
آيا : شفته مره بالصدفة وكان تعبان .. وبعد ما وديته المستشفى صار ارهاق نفسي .. لكن اعتقد هالمره انه عمل لانك قلتي لي انه يعمل طول الوقت
ماري : آآه ... كذا .
آيا : بس تراه يصحى من ثاني يوم يعني عادي ..
ماري : لا ...
آيا : هاه ..
ماري : اندو ما صحى ..
آيا تفتح عيونها : وش قصدك ؟؟
ماري بارتباك : اندو .. في ..
آيا بقلق : وش فيه اندو .. تكلمي تكفين ؟؟
ماري : اندو الحين في غيبوبه ...
آيا تشهق وتحط يدها غلى فمها من الصدمة : غيبوبه ؟؟؟!!
ماري بألم : لانه اصطدم بسياره عند اغماءه .. وقال الدكتور انه بيصحى بعد ست ايام .. يعني اربع ايام من اليوم ..
آيا : وليش توني ادري ..
ماري : والله حالتي حالة من عرفت عنه وما قدرت اعلمك ..
آيا : هو في اي مستشفى ..
ماري : في Asahi Hospital Tokyo.
آيا بقلق : اعراضه ؟؟ كيفها ؟؟
ماري : قال الدكتور ان جسمه ما تضرر .. لكنـ...
آيا : لكن ايش ؟؟
ماري : فيه شيء مارضى الدكتور يقوله لي ..
آيا : وشو ؟!
ماري : مدري بس انتي اكيد بتعرفين وش في اندو ... عشان كذا آيـا ...
آيا توقف : ماري انا بروح لاندو ..
ماري : آيــــا ..
آيا : انا بروح اشوف اندو ..ثواني بس ..
وتروح آيا لغرفتها وتاخذ شنطتها وجوالها وبطاقتها الجامعية بسرعه..
يوكي كانت جالسه على السرير تقرا كتاب : آيا وش فيك ؟؟
آيا : يوكي مافيه وقت اقولك الحين .. انا بروح ويمكن اتأخر لا تنتظريني ..
يوكي تهز راسها وهي مو فاهمة شيء : طيب ...
طلعت آيا لماري : يالله ماري انا طالعه بسيارتي الحقيني ...
وركبو الثنتين سياراتهم..
آيا تضرب على الدركسون : ليتني عرفت مبكر ....
وبعد ساعتين ونص .. يوصلون للمستشفى ... آيا تنزل وهي تركض ..
ماري شافت آيا وهي تركض ....
ماري باستغراب : وش هالاحساس اللي جاني ؟
آيا تكلم الاستقبال : وين جناح التنويم ؟؟
الاستقبال : في الدور الثالث ..
آيا : شكرا ...
وتركض للمصعد ... تركبه وتتوجه للدور الثالث وتسأل عن اندو ويعلمونها عن غرفته ... تروح لغرفته وتشوفه ...
كانت واقفة خلف العازل الزجاجي شافت اندو قدام عينها على السرير الابيض ... بدت تتعبر وتنزل منها دموع ...
آيا : ما تخيلت بيوم اني باشوفك في هالمكان ؟
تروح آيا وتستأذن بالدخول رفضو وحاولت وطلعت بطاقتها وبعدها سمحو لها بالدخول ..
ماري جالسة تراقب آيا وتحركاتها بصمت ....
تدخل آيا على اندو وتقرب ... تمسك يده وتبدا دموعها تنزل بغزاره .. تناظرها ماري خلف العازل ...
ماري تحط يدها على قلبها : ما ادري .. او ما توقعت .. او اني اعتقدت شيء ثاني .... لكن حسيت اني اشوف عاشقة تبكي على محبوبها ...
آيا تتكلم مع اندو :.
آيا : ما اقدر اتحمل اكثر اني ما انطقها ... لكنـ... لكنـ.. اندو .... انا ما اقدر اخبي مشاعري عليك ... مشاعري لك توصفها كلمة اندو انا احبك ....
تمسك يده وتحطها على جبهتها ... تدخل ماري بهدوء في الغرفة ...
آيا وهي مغمضة عيونها وعلى نفس الوضعية : اندو .... آسفـة .. اني ما كنت قريبة منك في هالوضع .. انت كنت دائما معي .. حبيتك على طيبتك... تمنيت انك دائما تكون معي ...
ماري فتحت عيونها .. وطلعت من الغرفة بدون ما تلاحظها آيا ....
ماري في نفسها : مستحيل .... مستحيل ..
وتروح وتجلس على الكراسي اللي برا ... وبدت تتذكر : اقتباس من (( الفصل الثاني عشر – الجزء 1 ))
[ اندو : البنت اللي احبها ... صح اني الى الان احبها ... لكن .. خلاص .. انا من نفسي بديت هالحب وانا اللي انهيه ...
ماري : ليه تبعد عن طريقها ؟؟
اندو : لاني مو انا الشخص اللي تحبه ... هي تحب شخص ثاني وهذا الشخص الثاني يحبها ... انا لازم ابعد عن طريق سعادتهم .. هذا كل الموضوع .. ]
.............
[ اندو : قلت لك ... انا انهيت حبي ... انا من قبل كنت اتكلم معها كثيييير ... لكن هي نفسها ما حست بحبي .. معناها اصلا ما تتقبلني ...... هي طول هالفتره تعتبرني صديق .. ]
..................
[ اندو : ههههههه .... انتي تشبهين آيا كثيـــر ..... ]
............
ماري مصدومة : البنت اللي كان يحبها هي آيا ؟!
وتتذكر منظر آيا قبل دقايق وكيف كانت حالتها وكلامها .....
ماري مو مستوعبه : وآيــــا ؟؟ آيا كيف حبت اندو .... هي ما كانت تحب اكيرا وبس ؟؟ لا لا ... انا ما استوعب ... لازم اتأكد من هالشيء ....
تطلع آيا من الغرفة وتشوف ماري سرحانه بافكارها ...
آيا : ماري ....
ماري تنتبه لها : نعم ؟
آيا : انا باتأكد من كلام الدكتور .... لازم اعرف وش خايف منه ......
تمشي آيا شوي .... تقوم ماري من مكانها .....
ماري : آيا ~ ....
تلتفت عليها آيا ...
ماري : انا احب اندو ..
آيا تهز راسها : عارفة ..
ماري : اذا خبرك الدكتور اي شيء ... ابي اكون اول شخص يعرف من بعدك ..
آيا تبتسم : هذا اكيــــد .....
وتروح آيا بهدوء وتدخل على الدكتور ..
الدكتور : تفضلي ...
آيا : شكرا ...
وتجلس ...
آيا : انا من اقارب المريض ديجير اندو ... اسمي آيا
الدكتور : اهلا آيا .. اي خدمة أي استفسار ؟؟
آيا تطلع بطاقتها الجامعية ..
آيا : انا ادرس الطب ...
الدكتور : رائع ...
آيا : هل لي الاحقية اني اعرف حالة اندو بالتفصيل .....
الدكتور : اكيد ..
ويطلع ملف اندو ... ويمده لها ..
تفتح آيا الملف وتقرا ....
آيا : هذا كله كنت اعرفه .... لكن بأسألك ... ما فيه أي تطور في حالته ؟؟
الدكتور : ما ادري الشيء اللي ودي اتأكد منه ما يتضح الا بعد ما يقوم ...
آيا : يعنيـ....
الدكتور : يعني لازم ننتظر لين يصحى ....
في غرفة اندو .. تدخل ماري وتجلس عنده ....
ماري : بعد ما تصحى تكفى علمني من هي ؟؟ وامنيتي انها ما تكون آيــــا ...
تطلع آيا من غرفة الدكتور ..... تمر من عند العازل الزجاجي وتشوف ماري قاعده عند اندو .. ثم تناظر اندو ..تنتبه ماري لآيا وتقوم بسرعة ..
ماري : آيــــا ~
ترفع آيا راسها وتشوف ماري ...
ماري : آيــا ...
آيا : خلينا نروح ونجلس تحت .....
ويروحون يجلسون في ردهة المستشفى ...
ماري : آيـــا ... انتي عرفتي وش في اندو .. صح ؟؟
آيا : ما عندي شيء اقوله ...
ماري : شلون ؟
آيا : الدكتور ما قال لي شيء جديد .. قال انه بيشوف حالته بعد ما يصحى ...
ماري : يعني ما فيه اية تطورات ؟؟
آيا : راح ننتظر ...
بدت ملامح حزن على وجه ماري وتشوف آيا حالتها ...
آيا : اندو راح يكون بخير .... اندو شخص ما يحب ان احد يقلق عليه كذا .... لانه ما يبينا نحزن ..... عشان كذا راح يكون بخير ..... زي ما عودنا
ماري بنفس الملامح : اكيد لانه آندو الرائع ....
وبعد مرور الوقت ترجع آيا للسكن وتروح ماري لغرفة اندو ... توقف عند العازل الزجاجي ...
ماري وهي تناظر اندو : اندو وش فيك بالضبط ؟؟ اصحى يكفي نوم وحشتنا واشتقنا لك ..
ونزلت دموعها ..
في مكان آخر:
دخلت آيا لشقتهم وهي ما فيها حيل تعبانه ....
يوكي كانت في الصاله تتفرج على التلفزيون وسمعت صوت الباب: آيا ؟؟ وش فيك ليش حالتك كذا ؟؟ انتي تعبانه..
آيا ترمي شنطتها على الكنبه وتروح للثلاجة وتفتحها بدون اي كلمة...
يوكي : آيا .. حصل شيء ؟؟ وجهك ما عجبني ...
تطلع آيا الموية من الثلاجة وتصب لها في كاس ..... وتشرب
يوكي : آيــا ~ ...
آيا : اندو ...
يوكي : وش فيه ؟؟
آيا : في غيبوبة .......

يوكي اصدمت : ايش ؟؟ وش صار ؟؟ ليــه ؟؟
آيا : هذا اللي حصل ..
تدخل آيا الموية جوا الثلاجة وتروح تنسدح على الكنبة في الصالة ...
تروح لها يوكي وتجلس قدامها ...
يوكي : قولي وش السالفه علميني ....
آيا وهي متمدده وحاطه يدها على راسها : ما اعرف .. لكن ما ادري احسني ما تطمنت ...
يوكي : وش تتطمنين عليه ؟
آيا : الدكتور قال ان حالة اندو بتتضح بعد ما يقوم من غيبوبته ... لكن ما ادري وش الاحساس اللي فيني ...
يوكي : آيا انتي تعبانه الحين قومي روحي لسريرك ونامي وبعدين لما تصحين اسمع منك كل القصه ...
آيا توقف: معاك حق انا ما فيني حيل يالله بروح انام ...
يوكي تناظرها وهي تتدخل الغرفة : الله يرحم حالك يا آيا ..
وبعد مرور اربع ايام ...
ماري تطلع من الدوام ويدق جوالها ... تمسك الجوال وترد ..
ماري : الو ...
المتصل : الو السلام عليكم...
ماري: وعليكم السلام..
المتصل : انتي ماري ؟؟
ماري : نعم انا ماري ...
المتصل : انا دكتور اندو ...
ماري : آه الحين عرفتك ........
الدكتور : حبيت ابلغك ان المريض اندو صحى من غيبوبته ...
ماري متفاجئة : والله ؟!
الدكتور : كنت احاول اتصل على اولياء امره لكن جوال ابوه مشغول والام ما عندي رقمها .. عشان كذا اتصلت عليك ...
ماري : اقدر اجي ؟؟
الدكتور : اكيد تقدرين .. اتمنى تبلغين اهله عشان بعض الاجراءات..
ماري بفرحه : طيب ..
تسكر ماري ومباشرة تدق على عمها وما رد عليها : بعدين اقولهم اهم شيء اني استعجل واروح اشوفه.....
في السكن :.
آيا جالسة تذاكر كتاب ترفع يدها وتشوف الساعة .. ثم تحط يدها على خدها ..
آيا : اليوم .. فيـه شيء ... لكن وشو ؟؟ شلون نسيت ؟؟
في المستشفى :.
تدخل ماري وتكلم الرسبشن حق الدور الثالث ...
ماري : ممكن اعرف وين اندو ديجير ..
الاستقبال : اها هذا المريض نقلوه للدور الاول غرفه رقم 102 ...
ماري : شكرا..
وتنزل للدور الاول وتروح لغرفة 102 ولا تلاقيه وترتاع .. سمعت صوت موية في الحمام وارتاحت عرفته انه يتحمم ..
طلعت متوجهه للدكتور فيما يطلع اندو من الحمام : طقت الباب ..
الدكتور: تفضل..
دخلت ماري ...
الدكتور: اهلا ماري .. ان شاء الله شفتي اندو..
ماري : لا ما بعد شفته لانه كان يتحمم..
الدكنور: آها..
ماري : دكتور كيفها حالته ؟؟
الدكتور : ما بعد بين شيء ....
ماري : شكرا دكتور على كل شيء ..... يعني ارتاح ؟
الدكتور : تقريباً ...
وتروح وهي تركض متوجهه لغرفة اندو.. اندو قدام المراية يناظر نفسه ...
اندو : قالو لي حادث .. لكنـ.. ما اشوف علي أي ضرر ... شيء غريب مع ان الحادث امس الا اني ما اتذكر كل شيء بوضوح .. وراسي ما فيه الا جرح بسيط .... غريبه ..
ويطلع من الحمام وفي نفس الوقت تدخل ماري على غرفته ..
ماري : اندو ..
اندو ببرود : نعم ...
ماري : انت بخير ..
اندو بضحكه جانبية : الحمد الله يعني ماتشوفين ..
ماري استنكرت اسلوبه : هه الحمد لله انك بخير .. كنت قلقانه عليك ....
اندو وهو يتوجه لسريره : تقلقين علي ؟! ليه من انتي ؟
ماري تفتح عيونها : اندو انت ما تذكر من انـــــا ؟؟
في السكن :.
يوكي : والله اليوم الدكتور ما فهمت وش كان يتكلم عنه ..
آيا : بسبب النوم .... قلت لك امس نومي مبكره ما راح يفيدك الفلم اللي كنتي تشوفينه ...
يوكي : أيـــه ... أيـــــه .... المهم انتي فاهمة وبتعلميني .....
آيا : يا عيني عليـــك ...
يرن جوال آيا ...
يوكي : جوالك يرن ..
آيا تروح وتاخذ الجوال ...
آيا : الو ..
ماري : انــــدو ...
آيا : ماري ؟!
ماري وهي تصيح : آيـــــا .... اندو ما عرفني ......
آيا متفاجئه : لحظه لحظه هدي نفسك انا مافهمت وش تقولين ؟!
ماري وهي تحاول تمسك عبراتها : اندو فقد ذاكرته يا آيا ....
آيا خافت : فقد ذاكرته ؟؟
وتنتبه يوكي لكلامها ....
ماري : قال لي من انتي ....
آيا : ماري ... انا الحين جايه .....
وتسكر آيا السماعة وتاخذ شنطتها وتركض ....
آيا : يوكي انا رايحة لطوكيو ....
يوكي : آ.آيـ ـ ـ ـا ~ ....

ركب آيا السياره وتحرك .. متوجهه للمستشفى ...
توصل بعد ساعتين و تنزل ركض .... تشوف ماري موقفه عند باب غرفة اندو وشكلها حزين .....
آيا : ماري ؟
ماري : ليـــه تأخرتي كذا ..
آيا : انتي عارفه اني برا المدينه .... وين اندو ؟؟
ماري : جوا ..
تدخل آيا عليه وتشوفه يتصحف جريده .....
آيا : اندو ...
يلتفت عليها ...
اندو :........
آيا بشوق : كيف حالك ؟؟
اندو : تمام ..
آيا : ما تحس بأي الم ؟
اندو : لا انا طيب ...
آيا : الحمد على سلامتك ....
اندو : الله يسلمك ....
تدخل ماري وتناظرهم بتعجب ...
آيا في نفسها : نظراته لي واضح انه ما عرفني ...
آيا : تبي تطلع ؟؟
اندو : أيــه .. ريحة المستشفى تقرف ...
آيا : طيب بروح اشوف اذا كان الدكتور يسمح لك بالخروج ....
وتطلع آيا تلحقها ماري ....
ماري : آيا ... شلون عرفك ولا عرفني ؟؟
آيا بقهر : ومن قال انه عرفني ؟؟ .. اندو ما عرفني ... ما عرفني
ماري : آيــا
آيا : بروح اشوف حالته .... بأسأل الدكتور ..
تطق آيا الباب ...
الدكتور : تفضل ....
تدخل آيا عليه ...
الدكتور : هلا آنسة آيا تفضلي اجلسي ..
تروح آيا وتجلس ...
الدكتور : بتسألين عن حالة ديجير اندو .... صح ؟؟
آيا : أيــه ...
الدكتور : اجل اسمعي .....
بعد ربع ساعة ...تطلع آيا والدكتور معها ...
الدكتور : الحين اوضح لك كيف ..
آيا : يا ليت ....
ماري : آيـــا ؟ ... وش صار ؟؟
آيا : تعالي معنا ...
يدخل الدكتور على اندو ... وتبقى آيا ومعها ماري برا بس يسمعون ...
الدكتور : كيف حالك ؟؟
اندو : انا تمام ....
الدكتور : ممكن اسألك بعض الاسئلة ... ويا ليت تجاوب بدون ما تسأل ..
اندو يتكتف : تفضل ...
الدكتور قرب من عنده كرسي وجلس : وش اسمك ؟؟
اندو : ديجير اندو ...
الدكتور : وش عاصمة امريكا ؟؟
اندو : واشنطن ....
الدكتور : كم عدد فصول السنة ؟
اندو : اربع ....
الدكتور : عندك اعمام ؟؟
اندو : أيــه عندي عم واحد ...
الدكتور : عنده ابناء ؟؟
اندو : أيــــه ...
الدكتور : وش اسمأئهم ؟؟
اندو : نيزو و أكيـــرا ....
الدكتور : بس ؟
اندو سكت شوي ...
ماري في نفسها : ليــه ما قال اسمي ؟؟
اندو : أيــه بس ....
ماري تفتح عيونها .....
الدكتور : عندك اصدقاء ؟؟
اندو : اغلبهم زملاء ...
الدكتور : انت متخرج ؟
اندو : أيــــه ..
الدكتور : وش قسمك ؟؟
اندو : ادارة اعمال ....
الدكتور : اوكي الحين انتهيت من الاسئلة .. شكرا لتعاونك ..
اندو : ليـــه تسألني ؟
الدكتور : لو قلت لك عند عمك بنت بتصدقني ؟
اندو : من وين له .... هو كبير ومستحيل الحين يجيب عيال ...
الدكتور : طيب انا بروح الحين ... ارتاح ...
اندو : شكرا ....
يطلع الدكتور ويوقف قدام آيا...
الدكتور : هاه كيف شفتيه ؟؟
آيا : مثل ما قلت ..
الدكتور : انا عندي الحين عمل ... اشوفكم بعدين ..
آيا : شكرا لك ..
ماري : آيـا .... انا مو فاهمة ... وش القصة ؟؟
آيا : خلينا نطلع ونجلس في مكان عشان نتكلم ... وشيء ثاني اتصلي على العم ديجير خليه يتطمن على ولده ....
ماري : تو اتصلت عليهم ...
آيا : اجل خلينا نمشي قبل لا يشوفوني ...
تطلع آيا وماري يروحون للنهر ويجلسون ..
آيا : اندو ... فاقد جزء من ذاكرته ...
ماري : جزء ؟؟
آيا : قال لي الطبيب .... من اثر شيء محدد اندو نسى الاشخاص اللي قابلهم في الست او السبع السنوات الماضية ....
ماري : كيف ما فهمت ممكن تشرحين لي ؟!
آيا : قال انه نسى شيء ويتذكر شيء ... مثلا هو ما نسى انه متخرج من قسم ادارة اعمال ... مع ان هذا الشيء مو من زمان حاصل .. يعني من ضمن هذي السنوات ... والشيء الثاني .... انه

نساك ونساني .... هو ما قابلنا الا في هالست سنوات الماضية ... ولاحظي انه يعرف كل اهله واسمه..وهذا يدل انه يذكر كل اللي كان قبل ... وهذا هو فقدان الذاكرة الجزئي ...
ماري : ومتى راح ترجع له ذاكرته ؟؟
آيا : هو لازم يذكرنا .... لكن هذا الشيء بجهدنا ... لازم نحاول نخليه يتعرف علينا ...
آيا بدت تمتلي عيونها دموع ...
آيا : انا ما اتحمل انه ناسيني ..... معقوله اقضي كل هالسنوات معه وفي النهاية في يوم وليله .... ما يقدر يتعرف عليـ... ما اقدر اتحمل ...

ماري تناظر آيا بتعجب ..
ماري : آيـــــــا ...
آيا : نعم ...
ماري : اندو ... وش يعني لــــك .....
آيا في نفسها : انا ما استعديت لهالسؤال ... وش لازم يكون جوابي لها ...
ماري : صديـــق ؟؟ زميـــل ؟؟ قريــــب ؟ ولا شخص تعرفتي عليـــــه عشان اكيرا ؟؟
آيا : يعني لي ... صديق .... زميل .... قريب ... وشخص عرفني عليه اكيرا .... و شخص عزيــــز .... شخص غالي علي ....
سكتت ماري ...
آيــــا : انا بروح ...
ماري : تونا ...
آيا : جلوسي هنا ماله داعي ... راح ارجع للسكــــن ....
تقوم آيـــــا وتمشي وعيونها مليانه دموع ... تناظرها ماري وهي حزينه ...
توقف آيـــا وتتكلم معطيه ماري ظهرها ...
آيــا : ماري .... تذكري .. اندو ... ما نسى الا انا وياك ... مع اننا اكثر ناس اقرب له ..... اندو ... مستحيل يقعد ما يتذكرك .. اما انا فهو افضل انه ما يتذكرني .... لان هذا راحه لي ولـــــه .... ماري ... حاولي ان اندو يعرفك ....
وتروح ...
ماري : معقوله ؟ ... آيـــــا تقول هالشيء ... بعد ما عاشت هالمده الطويله معه ......
تركب آيا سيارتها وتمشي .... وهي في الطريق تبكي ...
آيا : كوني قويه آيــا ..... كذا افضل ..... كذا .. افضـ ـ ـ ـل ......
وتمسك جوالها وتدق ..
ماري في نفس المكان جالسة ..
ماري في نفسها : آيــــــــــــــا .... شعوري لفقدان اندو لذاكرته ... اسعدني واحزني في نفس الوقت ... لاني كرهت اني اسمع من اندو انك انتي الشخص اللي يحبـــــــــه .....
آيا تروح وتجلس في كافي ..
دخلت يونا للكافي وشافت آيا قدامها وواضح انها مهمومة ...
يونا : هلا ايا كيفك؟!
آيا بحزن: .......
يونا : وش عندك يا آيا طالبتني ؟؟
آيا : تفضلي يونا ..
يونا : آيـــا وش فيك وجهك ما عجبني ....
آيا عيونها امتلت دموع : يونا ... انا محتاجه لك ....
يونا خافت عليها : آيـــا وش فيك قولي لي ؟؟
آيا تمسح دموعها : راح اعلمك كل اللي حصل من البداية .. لاني اثق انك دائما بتساعديني ...
يونا : آيـــا ...
آيا : الحقيقة اللي وصلت لكم كانت غلط ....
يونا : هاه ؟؟
آيا : من وقت طويـــل مره .... من بداية عام ثالث ثانوي .... من التقيت باكيرا ... انتي فيه اشياء كثيره ما علمتك بها ...
تفاجات يونا من نبرة كلام آيا
آيا تكمل حديثها : يونا .. تذكرين يوم تجيني حراره واتنوم في المستشفى .؟
يونا : أيــه ...
آيا : من ذاك الوقت انا حكيت مع اكيرا بكل شيء ... وحتى هو قال كل شيء لي ...وقالي انه لازم يتزوج بنت من نفس طبقته ... اكيد تعرفين ان اكيرا مو من طبقتنا ..؟؟
يونا : ايوه ...
آيا : عزمني على زواج اخوه نيزو ... فصّل لي فستان وكشخني .. قال لي اختاري لي بنت تناسبني .. انا بحثت له ... في ذيك الليله اعترف لي بحبه .. واختراني قدام كل الناس ... بعدها نسبني لعائله هو يعرفها ... عشان يحسبوني اهله اني من نفس طبقتهم .. عشنا على هالكذبه .. طلعت لنا ماري ..... ومن بعدها عرفني اكيرا على ولد عمه اندو .. كانت ماري تدري عن كل شيء بيني وبين اكيرا ... بعد التخرج ... انقطع حبل كذبتنا واتضح كل شيء .... وكانت سفرة اكيرا معناها فراقنا .....
يونا فتحت عيونها ..
آيا : افترقت عن اكيرا مجبوره وهو بنفس الشيء .... بعدها اللي واساني واعتنى بي كان ولد عمه اندو .... عاملني معامله كأنه اخوي واكثر .... لكن بعد ما طالت المده .... قلبي معد صرت اتحكم فيه ما صرت اقدر اسيره ... حصل اللي خفت منه ... وحبيت اندو .. وزاد على كذا ان اكيرا كان بيرجع و ما رجع ..قبل سنه قلت لنفسي ابعد عن اندو ... بعدت حاولت اني اكون مثل ما كنت .. لكن حصل اللي ما توقعته .. في حفلة التخرج اللي سويتها لك .. قالت لي ماري انها تحب اندو .. تفاجأت .... لكن فكرت .... قلت ماري مناسبة لاندو .... انتي شفتيه .. يشبه اكيرا كثير صح ؟؟
يونا تهز راسها بالموافقة..
آيا تسترسل: في البداية كنت اعتقد اني حبيته لانه يشبه اكيرا ... لكن بعدها ... انا حبيته على انه اندو .... كرهت نفسي بسبب هالشعور ... كثير اقول لنفسي .. اشتاق لشوفه اندو .. لكن شوقي لشوفه اكيرا اكبر ... اكيرا قال لي اذا اشتقتي لي دوري في السماء لما تكون صافيه في الليل عن اكبر نجم ... لاني راح اكون اشوفه لما اشتاق لك ... لكنـ .... نجوم السماء صرت اشوفها كلها كبر بعض ... يمكن ما تفهمين انا وش غايتي من هالكلام ... لكن حبيت اني اقول كل شيء لك ولا اخبي عنك شيء اكثر .....
يونا ما تدري وش تقول وبادرت بسؤال : طيب اندو ؟ يحبك ؟؟
آيا : ما ادري ... لكـــن اعتقد ان هذا مستحيل .. لا تنسين ان اكيرا يكون ولد عمه ... ما يهم اني الحين اتكلم في هذا الشيء .... لانه انتهى
يونا : انتهى ؟!
آيا : من مده حصل لاندو حادث ... جلس في غيبوبه لمده وقام اليوم .... واعلن نسيانه لي بكل صراحة ....
يونا : كيف ... تقصدين انه ما يبي يقابلك ؟؟
آيا بدت تتعبر ودموعها تنزل بحرارة والم : اندو .... اندو .. نساني ... اندو فقد جزء من ذاكرته ومن ضمن هذا الجزء كان انا .....
يونا فتحت عيونها ...
آيا تمسح دموعها : هو ما نساني انا بس .... نسى ماري بعد .. ما ادري هل انا سعيده بهالشيء ولا حزينه .... انا كنت افكر اني ما اظهر قدامه ابدا .... والحين صار يشوفني بنت غريبه .. بكذا اكون ما احتاج اني ابعد عنه ... اللي لازم اسويه اني ما اخليه يتذكرني .. وبكذا حتى هو يرتاح ... يونا .. انا صحيح حبيت اندو .... لكن حبي لاكيرا ما تغير .. تذكري هذا .. اكيرا هو حبي الاول ومستحيل اني اختار غيره حتى لو حبيته ..
يونا : كل هذا حصل معك يا آيـا ؟ ... كل هذا تحملتيه لحالك ؟؟ ..... ليه توك تعلميني .... ؟؟ ليـــه ما قلتي لي كل شيء عشان اساعدك ؟
آيا : لين متى اعتمد عليك ... لازم اتحمل هالشيء بنفسي .... الحين حسيت اني وصلت حدي .... عشان كذا قلت لك كل اللي حصل في السنوات اللي نساها اندو .....
يونا : اسمعي نصيحتي ... انا ما اقدر انصحك بأي شيء حصل في الماضي ... لكن قبل شوي قلتي انك ما راح تخلينه يتذكرك .... هذا كيف يحصل .. آيا انا بأتكلم معك بصراحة .. الشخص اذا حب شخص ثاني والطرف الثاني ما حس فيه يبكي ... يبكي من حرته على اللي ما حس بحبه ... انتي اللي بتسوينه نفس هذا الكلام ... راح تبكين كثير وراح تحزنين كثير ... وهو ما درى عنك ... آيــا انتي قلتي انه اعتنى بك وساعدك .. تتوقعين ان كل اللي كان يسويه معك .. ما يبي يتذكره ؟؟ .. الا بالعكس لازم تساعدينه على انه يتذكرك .... لازم يعرف انه غالي عندك ... ومن جهة الحب .. انتي
قلتي ان مشاعرك لاكيرا ما تغيرت ... وقلتي ان اندو ما يدري انك تحبينه ... آيا .. كل شيء حصل .. المتعذب الوحيد فيه هو انتي .. قاومي فكري بعقلك .. وينك يا آيا ؟ ... من قبل كنتي تصرفين كل شيء بحكمة ... آيا لا تخلين مشاعرك وعواطفك تتغلب عليك في كل شيء .... انتبهي لكل خطوة تخطينها ...
آيا عيونها امتلت دموع : يونا ..
يونا ابتسمت: هذا اللي اقدر اقوله لك ..... يمكن ما يعجبك بس لا تنسين هذا تفكير عقلاني ....
في بيت ابو اكيرا " غرفة ماري " :.
ماري تنسدح على السرير ...
ماري بتفكير : لـــيه قالت لي كذا ؟؟ .... معقوله يكون تفكيري من الاصل خطأ .... يمكن تشابه في القصة .. اندو بس صديق لآيا ..
وتنقلب مع الجهة الثانية ....
ماري : المفروض الحين افكر كيف اخلي اندو يتذكرني .. معقوله كل هالمده اللي عشتها معه ينساها كذا ... آآآآآآآآآآآه ما ابـييييييييي ....
وبعد يومين ...
تصحى ماري وتركب سيارتها رايحه للمستشفى لان اليوم بياذنون له بالخروج ...
ماري : ياربي على اني كل يوم ازوره الا انه لازال ما يتذكرني ويعاملني بجفا واسلوبه بارد وعنيد ياربي الله يصبرني عليه بس والله شيء يقهر ما نسى الا انا وآيا بس اما الباقي عرفهم كلهم والله ما الومك يا آيا ماجيتي تزورينه من بعد ما نساك ... اليوم اجازة ... اتمنى كل شيء يكون بخير ...
تروح ماري وتنزل للمستشفى تشوف آيا واقفه عند باب المستشفى ..
ماري : هلا آيا ..
آيا : ليش تأخرتي مو انا كلمتك امس وقلتلك لا تتأخرين..
ماري باعتذار: والله اسفه غصب عني ..الا تعالي ليــــه ما دخلتي ؟؟
آيا : خفت يكون فيه احد .... عشان كذا ادخلي قبلي وشوفي ...
ماري : طيب ...
تدخل ماري وتتأكد ولا تلقى احد تتصل على آيا وتقولها تعالي .... تروح آيــا وتدخل على اندو .....
آيا : السلام ...
اندو : وعليكم السلام ....
ماري : اليوم بتطلع ......
اندو : علموني اني باطلع العصر ...
ماري : فرحان ؟؟
اندو : انا بس ابي افتك من هالريحة .....
آيا : اندو .. كيفك مع ماري ؟؟
اندو : انتي صديقتها ؟؟
آيا : أيــــه ... وصديقتك بعد
اندو : وليــه تسأليني عن هالشيء ؟؟
آيا : لاني اشوف ان معاملتك معها تغيرت ...
اندو : ليه انا كنت اعرفها من قبل ؟؟
آيا : أيـــــه ... ماري بنتـ...
وتقطع ماري كلامها بكلمه : آيـــــــــا ....
آيا تناظرها باستنكار ..
ماري: بعد اذنك يا اندو ..
اندو يناظرها بلا مبالاة..
مسكت ماري آيا مع معصمها وطلعو برا ....
آيا: ماري وش فيك؟
ماري : آسفة ما قلت لك من قبل شيء ....
آيا : وشو ؟؟
ماري : بعد ما درو اهلي ان اندو ناسيني ... قال لي ابوي اني اظهر له كشخص جديد احسن ... ابوي قال له امس هذي بنتي كانت في امريكا وتوها راجعه ... رد عليه اندو بكلمة [ انت اصلا مالك بنت ] ... قال ابوي هذي بنتي ولازم تعرف انها بنت عمك ... وانه يوم كان في ايطاليا اكتشوفو اني ما مت ورجعت الحين .... عشان كذا انا باكون شخص جديد عليـ...
آيا تقطع كلامها : شلون قلتو كذا ؟؟ انتو كذبتو عليه ...
ماري : لا احنا ما كذبنا انا صدق بنت عمه ...
آيا : راح يجي يوم ويتذكر .... راح تكونين كذابه ... اندو لازم يعرف انك كنتي معه طول هالمده ... مستحيل تمحين ست سنين من عمرك ناسيها ..... وهي بالنسبة لك اهم سنين حياتك ... هي اللي عشتي معه فيها وحبيــــــــــــــــــتيه .... اندو لازم يعرف انك كنتي دائما معه وجنبه ... حركتك غلط .. ماري الحين لازم تثبتين له انك تحبينه ....
سكتت ماري شوي ثم ....
ماري : آيـــا ... ~
آيا : نعم ..
ماري : اندو راح ينسى كيف كان شعوره تجاه الناس صح ؟؟
آيا : ايوه ..
ماري : اندو ... قال لي من قبل انه يحب وحده ..
آيا : ايوه ..
ماري : هل ممكن انه الحين ما يحبها ؟؟
آيا بحسره : لا .... مو انه ما يحبها ... لكن يكون ناسي وش مشاعره تجاهها .... يمكن يكون ناسيها ...يعني راح يعاملها معامله عادية زي أي شخص .... ماري ... هذي فرصتك ....
ماري : هاه ...
آيا : البنت اللي كان يحبها راح يعامها مثل أي شخص .... جاء دورك ... قلبه ما فيه احد ... اسكنيه ...
ماري باستغراب : اسكنه ؟؟
آيا : حاولي ..
ماري في نفسها : كيف تنصرني عليها ... الشخص اللي كان يحبه اندو هو آيا .... والحين آيا تعطيني مكانها في قلبه ... كيف قدرت تستغني عنه ..
آيا في نفسها : ليتني على الاقل عرفت انا ويني في قلبه ...
ماري باصرار : راح اسكنه ....
آيا ابتسمت لها بسمه حزن : صح كلامك ...
ماري : اندو هو حبي .. وراح اخليه يحبني ..... راح اصبر .. لين اكون في قلبه ...
آيا ابتسمت وتقول في نفسها : ماري حاولي ...
تجي بنت جميله تركض ومعها باقة ورد ..
البنت : لو سمحتو ممكن اسألكم ؟؟
آيا : تفضلي .
البنت : وين غرفة المريض ديجير اندو ...
آيا وماري متفاجئين ...
البنت : انتو تعرفون ؟؟
آيا تأشر على غرفته : هذي هي غرفته ....
البنت : شكرا ...
تدخل على الغرفة ويدخلون وراها آيا وماري ....
البنت : اندووو ...
وتحط الباقة على الطاوله وتضمة ...
البنت : خفت عليـــــــك كثير ..
آيا وماري واقفين في مكانهم من المفاجئة ....
وبكذا ينتهي البارت
واونيجاي ما موت أندو كله خوف اني اصدق هههه .....^^"
اتمنى لكم قراءة ممتعة

هل تريد تذكُّرنا ؟ (( الفصل الثاني عشر – الجزء 3 ))
البنت : اندووو ...
وتحط الباقة على الطاوله وتضمة...
البنت : خفت عليـــــــك كثير ..
آيا وماري واقفين في مكانهم من المفاجئة ....
ماري في نفسها : وش هذا اللي يحصل قدامي ؟؟
آيا : مين هالبنت ؟ كيف تعرف اندو ؟؟
اندو يحاول يبعد البنت : ساكورا بعدي عني بتخنقيني ...
في هالحظة تكلمت الثنتين آيا وماري بصدمة: تعرفها؟؟
اندو يناظرهم ببرود : اي اعرفها عندكم مانع؟؟
آيا وماري :...................!!
ساكورا مسكت يدينه باهتمام سألت : كيفك وايش اخبارك ؟؟ يألمك شيء ؟؟
اندو يمسك يدينها ويبعدها : انا الحمد الله بأحسن حال وطيب مافيني الا العافية ...
ساكورا بارتياح : آه .. تصدق لما خبرني كيبا انك في المستشفى على طول جيت ....
اندو ابتسم لها : اجلسي ارتاحي .. مين خبّر كيبا عن اللي صار..
ساكورا وهي تجلس : امممممم شكلهم اهلك لانه يقول انه دق على جوالك كم مره ما رديت فخاف عليك وراح لبيتكم وهناك على ما اعتقد قالتله امك..
آيا وماري يشوفونهم وهم يتكلمون ومو مصدقين المنظر...
اندو: وليــــه ما جاء كيبا معك ؟
ساكورا ابتسمت باحراج : الصراحه انا ما صبرت قلت بروح قبله لانه مطّول بس هو قال انه راح يجي بس ما ادري متى .... المهم .. كيف صار لك الحادث ....
اندو : ما ادري ... حاولت اني اتـ....
ماري مقاطعه : جت سيارة وصدمته .. عشان كذا ما يتذكر كيف صار الحادث ..
تلتفت ساكورا ... ثم توقف ..
ساكورا : انتو من معارف اندو ؟؟
ماري : أيـــه .... انا بنت عمه ..
وتأشر على آيا ....
ماري : هذيـ...
ويقطع اندو كلام ماري : هذي صديقة ماري آيـــــــــا
آيا تنصدم من كلمة اندو .. ثم تنزل راسها ...
ماري : طيب من انتي ؟
ساكورا : انا صديقة اندو .... واسمي ساكورا ..
ينطق الباب ويدخل الدكتور ...
اندو: اهلا دكتور..
الدكتور : كيفك يا اندو.. ؟
اندو: تمام استنى لحظة الخروج ..
الدكتور يضحك : لهالدرجه تبغى ترتاح مننا..
اندو بثقه: ما ابي افتك منكم بي ابي افتك من المستشفى ..
ضحك الدكتور وقال : ممكن يا بنات تتفضلون بالخروج برا دقايق فقط الى ان انتهي من الكشف على اندو..
طلعو البنات بناء على طلب الدكتور... و راحو يجلسون على كراسي الانتظار.....
ساكورا تكلم ماري بحماس : تصدقين توني ادري ان عند اندو بنت عم ... ما عمره حكالي عنك ..
ماري تبتسم مجامله : لاننا ما كنا نلتقي من قبل .....
آيا باستفسار : انتي كيف تعرفين اندو ؟؟
ساكورا : كنا اصدقاء في ايطاليا ...
آيا : يوم كان اندو في ايطاليا ؟؟
ساكورا : أيـــه ... لاننا كنا يابانيين انا واندو وكيبا ...
ماري : من هذا كيبا ؟؟
ساكورا : صديقنا .. انا وكيبا كنا نعرف بعض قبل ما نتعرف على اندو .... وبعد ما انتقل اندو للدراسة في نفس مدرستنا .. عرفنا انه ياباني وكان وحيد تعرفنا عليه ومن ذاك الوقت صرنا اصدقاء ..
ماري : آآه كذا ..
آيــا : علاقتك باندو ... بس صداقة ؟؟
ساكورا ابتسمت شوي ثم قالت : حب ..... حب من طرف واحد ...
ماري : حب ؟!
ساكورا : راح اقول لكم الصراحة ... انا في الفتره اللي عشتها مع اندو حبيته فيها كثيــر ... لكن ما قدرت اعترف له بحبي .. لاني حسيت ان اندو بس يعتبرني صديقة ... خفت انه يرفضوني وخفت بعد ما اعترف تتغير معاملته معي .. كتمت حبي مده طويله ... ثم قلت لنفسي انهي هذا الحب اللي ماله معنى ..
آيا : والحين ؟
ساكورا : حبي حب مراهقة .... حب بدا في الـ13 وانتهى بالـ17 .... والحين اندو مجرد صديق حبيته فتره وانتهى ذاك الحب ....
آيا : وليـــه انهيتي حبك ؟
تندهش ماري من سؤال آيا .....
ساكورا : لاني راح اتزوج ..
ماري : تتزوجين ؟؟
ساكورا : ابوي يقول انه في شاب بيتقدم لي .. هو انا اصلا محجوزة له من سنة ... يعني انتهى الموضوع بزواج من اختيار ابوي ....
آيا : يعني انتي مجبورة على هذا الزواج ؟؟
ساكورا : لا ... عادي عندي ... اصلا انا مالي رفيق ... عشان كذا اللي بيتقدم لي بأوافق عليـــه ...
ماري : تقابلينه ؟؟
ساكورا : لا ... ما عمري شفته .. اللي اعرف انه ولد صديق ابوي .. اصلا انا ما همني شيء عنه ... متى ما تمت الخطبة ذيك الساعة اتعرف عليه عن قرب ....
آيا : ومتى زواجك ؟؟
ساكورا : انا انهيت دراستي الجامعية في ايطاليا والحين رجعت عشان امور الزواج ..
آيا : طيب اشتغلتي ؟
ساكورا : انا درست المحاماة ...
ماري : روعة ..
ساكورا : هذا اللي كان يبيه ابوي .. لكن انا الحين امارس مهنتي اللي احبها .... وهي الرسم ...
آيا : انتي رسامة ؟؟
ساكورا : أيـــه ... ولي معارض في ايطاليا ... تحبون تجون لمعرضي الجديد ؟؟
آيا : يا ليت ..
ساكورا بسعاده : انا الحين اشتغل عليه لكن بعد بكره راح نفتتحه ... واااااااو لو تحضرون تكتمل فرحتي ....
آيا : انا احب المعارض كثيـــر ....
ماري : احنا ما عندنا مانع نجي ....
ساكورا : يااااي ... خلاصـ....
وينقطع كلام ساكورا برنة جوالها ....
ساكورا : لحظة .. بأكلم شوي ...
آيا : خذي راحتك ...
تقوم وتكلم بالجوال ....
آيا تكلم ماري .....
آيا : واضح عليها مره طيوبه ...
ماري : وانا بعد اشوف انها كذا .... كلامها فيه برائه ....
آيا : هههههه ... بس ودي اتعرف عليها اكثر ونصادقها ....
ماري : يا سرع ما تصادقين ..
وترجع ساكورا لهم ...
ساكورا : معليش بنات لكن عندي بعض الاشياء لازم انجزها .. ولازم اروح ... كان ودي اتعرف عليكم اكثر .. واتطمن على حالة اندو بعد ..
وتفتح شنطتها وتطلع منها بطاقة ... تمدها لآيا ...
ساكورا : هذا رقمي وفيه اسم المعرض ... راح يكون بيننا اتصال .... لازم تكونون اول الحضور .... يله ما اطول باي ....
يوقفون ماري وآيا : باااااي ....
وتروح ساكورا وهي تركض ..
ماري : والله حبيتها ...
آيا : وانا بعد ...
ترفع آيا بطاقتها ......
آيا : " كاياما ساكورا " ...
تفتح ماري عيونها .. وتتذكر ..
اقتباس من (( الفصل الحادي عشر – الجزء 3 ))
[ الابو : الى الان شكي موجود في مكانه ..
الام : وعائلة "كاياما" وش بتقول لهم ؟؟
ماري في نفسها : كاياما ؟؟؟
الابو : ما اعرف لكن باحاول اتأسف منهم ونأجل الخطبه ...
الام : لكن انت ما اخذت رأي اكيرا حتى ... اخاف ما يرضى ..
الابو : وهو على كيفه ... لا تنسين ان عائلة كاياما من اكبر مؤسسات الاستثمار ... وانا الصراحة ابي ولدي ياخذ بنت من عائله صح .. ]
.......
[ ساكورا : ابوي يقول انه في شاب بيتقدم لي .. هو انا اصلا محجوزة له من سنة ... يعني انتهى الموضوع بزواج من اختيار ابوي.. ]
.........
[ ساكورا : لا ... ما عمري شفته .. اللي اعرف انه ولد صديق ابوي .. ]
........
ماري في نفسها : مستحيل ...... مستحيل تكون ساكورا هي زوجة اكيرا المختاره ....
آيا : ماري وش فيك سارحة ؟؟
ماري تحط عيونها بعيون آيا ...
ماري بصدمه : آيـــا ... ساكورا ... ساكورا تكونـ....
ويطلع الدكتور من الغرفة ...
الدكتور : تقدرون تدخلون .... آسف على الانتظار ...
آيا : ما له داعي تعتذر .. شكرا لك ..
ويروح الدكتور وماري سرحانه ...
آيا : ماري ... كملي اللي كنتي تتكلمين عنه ....
ماري تنتبه لنفسها : هاه .... لا خلاص ما فيه شيء ..
آيا مستغربه : ماري وجهك متغير وش فيك ؟؟ تعبانه ؟؟
ماري تصرف : آيا مو عندك دراسة بعد بكره ؟؟ ليه تكلفين على نفسك وتروحين للمعرض ....
آيا ابتسمت: ابيها تفرح بقدومنا .... وبعدين انا احب المعارض ... عادي لما اطلع من الكلية راح اجي هنا وما راح اطول ... ترى المسافة اللي بين السكن وطوكيو ماهي طويله مره .... ماري لا تهتمين كثير عشاني .. انا اعرف اضبط وقتي ...
ماري تبتسم مجاملة : آآه ... صح ....
آيا بعزيمة : خلينا ندخل على اندو ونخبره الحقيقة ...
ماري توها بتمشي وقفت : أي حقيقة ؟
آيا تناظرها بتعجب : ماري ... انتي عقلك مو معك من جد ...
ماري تمشي : لا لا انا معك ...
آيا تفتح الباب : يالله ندخل ....
ويدخلون عليه في الغرفة ...
اندو مستلقي على السرير وموجه نظره للباب..
لما شاف آيا وماري بس استغرب : وين ساكورا ؟؟
آيا : جاها اتصال وراحت بسرعة ..
اندو : اها ...
آيا تجلس على الكرسي : اندو .. تبي نعلمك وش فيك بالضبط ؟؟
اندو : ......... ؟!
آيا بجدية : اندو فيه شيء لازم تعرفه ... انت لازم تعرف انت وش فيك بالضبط ...
اندو بسبب كلام آيا حس بالخوف : ليـــــه انا فيني مرض خطير ؟؟
آيا تحرك راسها تنفي كلامه : لا ابدا .. مو مرض خطير ..
اندو يجلس : اجل وشو ؟!!!
آيا : انت عندك فقدان ذاكرة جزئي ....
اندو باندهاش : فقدان ذاكره جزئي ؟؟
آيا : أيـــه ..
اندو : هههههه ... تمزحين معي انتي ؟؟
آيا : اذا كنت اكذب عليك ... بأسألك من انا ؟؟
اندو : صديقة ماري ..
آيا بهدوء : بس ؟؟
اندو : اجل من تكونين ؟؟
آيا توقف : سؤالك لازم انت تعرف جوابه ....
آيا تكلمه معاتبة : اندو انت ليه ما قدرت تتعرف على ماري .. مو هي بنت عمك ؟؟
اندو ببرود : لانها توها راجعة انا ما كنت اعرفها ....
آيا تنرفزت وصارت تصارخ : ماري دارسة معك ثالث ثانوي والجامعة وهي من اقرب الناس لك ...
اندو : ماري توها راجعة من امريكا ....