رواية يا دنبا لا تسكبي الدمعة على خدِ حساس بقلم صديقتي

ويمد الشنطه : خذي هذي شنطت آيا اللي تركتها في الكاريوكي .. كان ودي انا اللي اعطيها لها لكن ما حصل .. اعطيها ايها وسلميلي عليها ..
جولي بامتنان تاخذ منه الشنطه : يوصل ان شاء الله و مشكور ماتقصر .. ....
وراح أكيرا لبيته .. دخل البيت و توجه لغرفته وعلى المكتب جلس .. فتح النت ... ويدخل على عنوان المدرسة ...
يدور اسماء خريجين دفعة آيا ....
أكيرا : ماري ساسون ... ماري ساسون ..... هذا هو ؟؟
ويدخل على ملفها الشخصي ...
أكيرا : ممنوع الاطلاع ؟؟ راح تشوفون من اللي بيقرا ....
ويخترق أكيرا الصفحة ويفتح ملفها ...
أكيرا متفاجئ : مو معقوله ... شلون صار كذا ... ماري شلون مالها أي معلومات ؟؟
ويدقق اكيرا في صورة ماري ... وينصدم
اكيرا : ماري .. ماري تكون ... ؟؟ لا لامستحيل ... البنت اللي معي في الصور هي ماري ؟؟
تذكير :: (( الفصل الخامس – الجزء 1 ))
تلتفت آيا وتشوف صور اكيرا وهو صغير ومعه بنت .....
آيا : من صوره هذي ؟؟؟
......
اكيرا : لا لا اصلا هذي بنت عمي .... انا شلون راحت عن بالي .... بنت عمي اكبر مني بسنه وست شهور ...
ويلتفت اكيرا على الشاشة ويشوف صورة ماري وهي في ثالث متوسط ..
يقوم وياخذ وحده من الصور ويحطها جنب الشاشة ....
أكيرا : نفس العيون ... نفس لون الشعر ..... نفس الفم .. هذي نسخة من الصورة لكن بعد ما كبرت .... هذي البنت تشبهني كثير .. نفس العيون والفم ...
أكيرا يمسك راسه : وش اللي قاعد يصير ... هالبنت من تكون ؟؟
في الصباح الباكر::
صحى اكيرا بنشاط غير .. عنده مهمه .. راح غسل وجهه و غير ملابسه و توجه لبيت اهله ... يدخل اكيرا على امه وهي جالسه في الصاله ....
اكيرا يتوجه لامه يسلم عليها : كيفك يمه ..
الام : اكيرا ..... من زمان عنك يا حبيبي ....انا بخير الحمد الله..
أكيرا يجلس : آسف لكن الدراسة اشغلتني ....
الام بتساؤل : ما اشوف معك آيا ..... وينها ؟؟
أكيرا : مريضة شوي ؟؟
الام : وش فيها ؟؟
أكيرا بابتسامه: لا تخافين شوية زكام ... انتي تعرفين احنا في الشتاء والكل يجيه انفلونزا ....
الام بارتياح: الحمد لله ...
أكيرا صار جدي: يماه ...
الام : هلا ..
اكيرا متردد: امم ودي اسألك سؤال ؟؟ بس ابيك تجاوبيني بصدق وبكل صراحة ...
الام : تفضل يا حبيبي عساني اقدر اجواب عليك ....
أكيرا : يوم كنت صغير كنت اصور مع بنت .... من هذي البنت ؟؟
الام مرتبكه : هذي بنت عمك ؟؟
أكيرا حس ان فيه شي : يماه قلت قولي الصدق ... وبعدين بنت عمي اكبر مني .... لكن اللي معي في الصورة كبري تقريبا وتشبهني ..
الام تصرّف : هذا اللي عندي ؟؟ اكيرا لا تهتم في هالشيء ....
أكيرا في نفسه : احس ان عندي ذاكره مشوشه ماهي صافيه .. اعرف انكم تخبون عني شيء ... بس راح اعرفه سوا الحين او بعد حين ..
اكيرا : اخوي ما بعد رجع من شهر عسله ...؟؟
الام : لا بس راح يجي عن قريب ان شاء الله ...
أكيرا : أييه .... طيب يماه انا بروح ..
الام : توك جاي ..
أكيرا : خليها في زيارة ثانية مع آيا ...
الام : مع السلامة ...
يطلع اكيرا ويوقف في الشارع ...

أكيرا في نفسه : مالي إلا هو .... هو اللي يعرف كل شيء في الماضي ...
ويروح اكيرا لأكبر الخدم <~~ كبير في السن وهو يشتغل عندهم من قبل ما ينولد أكيرا واخوه ....
يوقف اكيرا ويأشر بيده يعني السلام ... يجي له الخادم
أكيرا : تقدر تعطيني شوي من وقتك ؟؟
الخادم : اكيد يا سيد اكيرا ..
ويروحون ويجلسون في مكان بعيد شوي في حديقه البيت...
أكيرا : انا ابي أسألك وابيك تجاوبني بكل صدق ولا تكذب ...
الخادم : انا بين يديك ..
أكيرا يطلع الصورة ....
أكيرا : من هذي ؟؟
الخادم ارتبك : يعني ما تعرف ؟؟
أكيرا : قول لي ....
الخادم : مع انهم مانعيني اني اقول لك ... لكن اعتقد أني لازم اعلمك ....
أكيرا : مانعينك ؟؟
الخادم : البنت اللي معك في الصورة ......اختك التوأم ... " مارينو ساسو "
أكيرا متفاجئ : اختي التوأم ؟؟
الخادم : هذا الصدق ..
أكيرا : طيب وين اختي الحين ؟؟
الخادم : ماتت وعمرها 3 سنوات ..
أكيرا : شلون ماتت ؟؟
الخادم : اختك كانت مريضة ... وبعد ماطلعت من المستشفى قررو انهم يرحون ويتمشون في كيوتو ... وفي محطة القطار عمك فجأة هون لان عنده شغل .. لكن البنت كانت قريبة من باب القطار وركبت فيه ... وبعدها راحو ودوروها في كيوتو ثم ما لقوها وقالو انها ماتت ...
أكيرا : وليش قالو انها ماتت .... هم ما لقوها بس .. صح ؟؟
الخادم : لكن الحين مر على غيابها 14 سنه هي مختفيه تتوقع انها عايشة ؟؟
أكيرا : وليه لا ...
وينزل راسه : المهم اني عرفت الحين الحقيقة ....
الخادم : ما سألتني ليش ما كانوا يبغون يعلمونك ؟؟
أكيرا : ليه ؟؟
الخادم : خافو انك تروح تدور عليها .....
أكيرا : وهذا فيه كلام ... اكيد بأدور على اختي ..... لو طول عمري لكن ما اخليها تعيش حياة مظلمه بدون عائلة ...
ويقوم اكيرا ...
الخادم : سيد اكيرا ..~
أكيرا : مشكور على كل شيء ... ولا تخاف ما راح اعلمهم انك انت اللي علمتني ...
ويروح اكيرا ويركب سيارته ....
أكيرا : ما فيه غيرها ... ماري هي اختي ... ماري واختي اسمها مارينو ... الاسماء تتشابه ... حتى اسماء الاباء ساسون ..... وساسو ...
هالمره انا ما ادورها عشان اعرف وش تبي من آيا ... انا الحين ادور اختي اللي فقدتها ...... من 14 سنه ....
أحداث الفصل السابع ::

تنزل راسها ثم ترفعه وتشوف اكيرا : اعتني بآيا احسن اعتناء ولا تغلط وتتخلى عنها ...
أكيرا : أكيد ..
.............

ماري واقفة .. وتناظر المكان من حولها ....
ماري : وداعاَ طوكيو ... انا بغيب عنك ....

.............

ماري واقفة عند الباب وتناظر آيا ...
ماري : وش الاحساس اللي جاني ... حسيت بنغزة في قلبي .... وش السبب ؟؟

.............

راي : ماري ؟!
آيا : انتي تعرفين ماري ؟؟

وصلنا للفصل السابع وراح نتعمق اكثر في الاحداث ....
تابعو البارت .....

ليس لدي سؤال آخر .. جوابك كفاني عن كل الاسئلة ... (( الفصل السابع – الجزء 1 ))
ويروح أكيرا لبيت آيا ... وتطلع له جولي ..
جولي : وش عندك يا أكيرا ؟؟
أكيرا : لازم ندور على ماري بأي طريقة ....
جولي : كيف ؟؟
أكيرا : اركبي وانا اعلمك كيف ..
وتركب معه جولي ....
أكيرا : وش اخبار آيا اليوم ؟
جولي : ما طلعت من غرفتها من امس وحتى ما فطرت ....
أكيرا : راح تتحسن عن قريب
جولي : اتمنى ....
اكيرا : جولي انتي تعرفين الاماكن اللي كانو يجلسون فيها آيا وماري من قبل ؟؟
جولي : بعضها مو كلها .. يعني هم اصلا دائما يغيرون ما لهم اماكن محددة ....
أكيرا : طيب خلينا نروح للي تعرفينه ...
ويبدون يدورون في كل الاماكن ويدخل اكيرا كل الفنادق ويسأل عنها لكن ما لقاها ...
أكيرا : ما لقيتها .....
جولي : كيف راح عن بالي .. ؟؟
أكيرا : وشو ؟؟
جولي : ليش ما نروح لبيتها اللي كانت ساكنته من قبل ....
أكيرا : ايه صح وانا بعد كيف راحت عن بالي ...
ويروحون لبيتها ...
أكيرا : البيت كأنه مهجور ....
جولي : شكله من زمان محد دخله ...
أكيرا : وين اهلها ؟؟
جولي : هي عايشة مع جدها .. وتقول ان امها وابوها ماتو يوم كانت صغيرة ...
أكيرا في نفسه : هذا الرجال اللي رباها اجل ....
جولي : ندخل ؟؟
أكيرا : لا ... لكن بحط كاميرا تصور اللي يدخل هالمكان وآخذها بكره ...
جولي : كاميرا ؟؟
أكيرا : كاميرا ما توضح ...
ويحط الكاميرا عند المدخل بحيث انها ماتوضح...
أكيرا : كذا بنعرف اذا كانت في هذا البيت ولا لا ؟؟
جولي : وآيا ؟؟ وش ناوي عليه ؟؟
أكيرا : لازم نعرف هي وش تبي من آيا ... ونعلمها عن الماضي اللي حصل لآيا بعدها .. لازم نخليها تعتذر عن كل اللي سوته مع آيا ..
جولي : وش سوت مع آيا ؟؟ أكيرا انت تعرف شيء ؟؟
أكيرا : خلينا نروح ....
جولي في نفسها : اكيرا ما احس انك تدور عليها بس عشان تعرف هي وش تبي من آيا ...
أكيرا : جولي وش فيك رحتي بعيد ؟؟ يالله اركبي ....
جولي انتبهت له : هاه طيب طيب ...
ركبت وهي في راسها اسئلة كثير: انا لازم اعرف وش اللي حصل بين آيا وماري في الماضي ... بأسأل آيا ....
طول الطريق و جولي صامته تفكر كيف بتستدرج آيا و كيف تسألها .. بعد دقايق وصّل اكيرا جولي لبيتهم..
تنزل جولي : شكرا اكيرا على توصيلك لي ..
اكيرا ابتسم .. و لما تأكد انها دخلت بيتهم راح ..
جولي تدخل البيت وعلى غرفة آيا .. تدق الباب .....
جولي : آيا ممكن ادخل..
آيا مكتأبه : وش بغيتي ؟؟
جولي تميل فمها : طفشانة ابي اجلس شوي معك ...
آيا تقوم وتفتح لها الباب ... تدخل جولي وتروح آيا وتجلس على السرير وتجلس جولي على الكرسي بالعكس و تتكتف وتحط ذقنها على مسندة الكرسي ..
جولي بضيق : آيا ليه مسكره الباب من امس وليش ما نزلتي وافطرتي معنا ؟؟
آيا ترفع مجله تسوي نفسها ماهمها : مالي نفس للأكل ...
جولي تحمست تعرف الصدق : آيا ليش امس رجعتي مبكرة وزعلانه ... فيه احد مزعلك ... يونا .. راي ؟؟
آيا بانكار : لا لا ما لهم دخل ...
جولي ترفع حاجب : اجل ايش ؟؟
آيا تحاول تبرر : انا ما حسيت براحه وراسي صدّع عشان كذا رجعت ....
جولي تأكدت ان فيه شيء : واللي تعبان ومصدع يدخل ويقفل على نفسه ولا يكلم احد ... ؟؟
آيا بدت تتضايق : جولي لو سمحتي تكفين يكفي أسئله ....
جولي زعلانه من اختها اللي ماتخليها تشاركها همومها : آيا .. ليش يوم دخلتي الثانوي تغيرتي ؟؟
آيا تنزل راسها : ما ادري ...
جولي تتعدل في جلستها : اخاف تتغير شخصية صديقتي ...
آيا رفعت راسها: ليه ؟؟
جولي بتعبيسه : صديقتي العزيزة بدت تتغير علي ... معقوله زعلتها ؟؟
آيا بنصح : راقبي نفسك ...... واذا كنتي مزعلتها اعتذري لها .....
جولي منزعجة : اخاف تروح عني قبل ما اعتذر لها .....
آيا مستغربه: تروح ؟؟ كيف ؟؟
جولي بضيق : يعني تغيرني بصديقات ثانيات و صايره تشوف نفسها علي لانها لقت لها رفيق وهي صغيرة ...
آيا بصرامه : اتركيها ....
جولي مندهشه : ليه ؟؟
آيا باحباط : اتركيها لا تسمـّعك كلام يدور في راسك طول العمر ..
جولي بتساؤل : وش تسمعني مثلا ؟؟
آيا تعطيها ظهرها: اي شيء .... المهم انك تبعدين عنها ....
جولي تقرب من عند ايا : كذا اكون اني انا اللي تخليت عن صداقتها ...
آيا تلتفت عليها : جولي لا تتعبيني وروحي وخليني لحالي ... (اونيجاي شماس)
جولي ضاقت لحزن اختها : اوكي .. بطلع بس قبل لا انسى اكيرا يسلم عليك ..
آيا بحزن : الله يسلمك ويسلمه ..
وتطلع جولي ... تنسدح آيا على السرير وتخم المخده وهي نايمه على بطنها ...
آيا بحزن : اكيرا وينك انا محتاجه لك محد يدري عن قصتي غيرك ..
جولي واقفه عند غرفة آيا : كذا يا آيا ... الحين عرفت وش اللي حصل بينك وبين ماري ...
في اليوم الثاني ::
كانت آيا غايبه عن المدرسه .. مرت الحصص بسرعه و بعد نهاية الدوام ... راح اكيرا لبيت ماري لما وصل اخذ الكاميرا ....وقبل لايتحرك فتحها ..
أكيرا بدهشه : إلا هي ... هذي ماري .... بس ليش شافت الكاميرا وخلتها .... شيء غريب ..
ويلتفت على البيت .....
اكيرا بتفكير: طيب الحين هي وينها ؟؟
ماري تطلع من وراه : انا هنا ...
التفت أكيرا عليها ... وناظرها .. مره كانت قريبه من اكيرا لما تأكد من ملامحها
اكيرا في نفسه :هذي اختي
بابتسامة : ماري ؟!
ماري باستنكار : كيف تعرف اسمي ؟؟ ومن تكون ؟
أكيرا يقرب منها شوي : انا ابي اجلس شوي معك .....
ماري بحترام : تفضل ...
ويدخل اكيرا لبيتها ..
ماري : معليش البيت مغبر شوي لان من زمان محد دخله ...
ويرحون ويجلسون في الصاله ...
أكيرا : انا آسف على التطفل .. لكن انا ابي اسألك وتجاوبيني بدون ما تردين علي السؤال .... وبعدها اعلمك كل شيء ووش اصير ..
ماري : تفضل قول اللي عندك ...
أكيرا يتعدل في جلسته : انتي قبل امس جيتي لآيا في الكاريوكي ....... وش بغيتي منها ؟؟
ماري في نفسها : يعرف آيا بعد مو انا بس ..
اكيرا : يا آنسه ماري ماجاوبتيني ..
ماري : هاه امم بغيت اقابلها بعد طول غياب ...
أكيرا باستجواب : ووش قلتي لها ؟؟
ماري خافت من استجوابه : كلمتها في موضوع خاص ..
أكيرا بهدوء : ما راح اجبرك على الاجابة ... لكن تعرفين وش صار لآيا بعد ما تخليتي عنها وسافرتي ...
ماري نزلت راسها : أيه اعرف ..... واعرف كيف كان شعورها ..
أكيرا توتر : تعرفين وتتصرفين بهالطريقة ؟؟
ماري ببرود : لان قلبي كان قاسي ... لكن الحين عرفت اني غلطانه ....
أكيرا عصب : انتي ؟؟ وش اقول عنك ؟؟
ماري ترفع راسها: انت وش تصير ؟؟ومن تكون ؟!
أكيرا يسكتها : لو سمحتِ ما بعد خلصت من كلامي ...
ماري : ....
أكيرا : اللي افهمه انك تبينها تسامحك ؟؟
ماري تهز راسها : ايه ..
أكيرا : و بايش ردت عليك ؟؟
ماري توقف و تعطيه ظهرها : ليش ما سألتها ؟؟
أكيرا يوقف : انا اسألك انت فممكن تجاوبيني
ماري خنقتها العبره : ما سامحتني .. وراحت وخلتني ...
أكيرا : يعني ؟؟
ماري تلتفت عليه : لا تسأني اسألها هيـ ...
أكيرا في نفسه : معقوله اختي تكون بهالقسوة ؟؟ ياليته يكونـ ...
ماري بسخرية: انتهت اسألتك ؟؟
أكيرا بهدوء : باقي لي عندك امر ...
ماري : وشو ...
اكيرا : آيا الحين محتاجه لك اكثر من أي وقت فات .... وانتي تعرفين آيا صح .... آيا قلبها طيب وبكلمتين منك واصرار راح تسامحك و ترجعون صديقات .....
ماري بضيق : هذا طلبك ؟؟
أكيرا يهز راسه : أيه ...
ماري تضحك تحاول تضيع الموضوع : بأفشل ... من الحين اقولها ...
أكيرا مندهش : وليه واثقة كذا ..
ماري تغير وجهها : لاننا ما راح نرجع صديقات .... انا غلطت في حقها ... وغلطتي كانت قوية ... يمكن تسامحتي لكن مستحيل نرجع صديـ ..
أكيرا ضاق صدره على اخته وزياده على كذا آيا غاليه عليه.. قال مقاطعها : حاولي و جربي لانك ما راح تخسرين ...
ماري تحط عينها بعينه وتشوف في عيونه الحماس : قبلت طلبك وراح اسويه .. الحين احسن ان فيه شي طاح من بالي لكن باقي الثاني و بعدها ارتاح للأبد ..
أكيرا : فيه حاجه ثانيه ..
ماري : ايه ...
أكيرا : وشو ؟؟
ماري بابتسامه : احب احتفظ به لنفسي .. انتهت أسألتك صح ؟؟
أكيرا : اسف اذا كثرت الاسأله و احب اعرفك على نفسي انا أسمي اكيرا و انا اكون رفيق آيا ...
ماري تفتح عيونها : رفيق آيا ؟؟
أكيرا : ايه ليه متفاجئة .. في آيا شيء عشان ما يكون لها رفيق ...
ماري : لا ما اقصد كذا ...
تنزل راسها ثم ترفعه وتشوف اكيرا : اعتني بآيا احسن اعتناء ولا تغلط وتتخلى عنها ...
أكيرا : أكيد ..
ماري : ما عندي سؤال ثاني .. جوابك كفاني عن كل الاسئلة ...
أكيرا يستأذن : انا ماشي ....
قبل لايطلع التفت عليها : ولو سمحتي اذا رحتي لآيا لا تذكريني في الموضوع ..
بعدها طلع و خلاها ....
ماري بتفكير : وش هالاحساس اللي جاني .... احس ان هالشخص اعرفه ... وين .... وين شفته ؟؟
وتشوف أكيرا وهو يروح بالسيارة ....

ماري في نفسها : آيا .... بأحاول مره ثانية ... تكفين لا ترديني ...
لما تأكدت ان اكيرا راح طلعت وراه متوجهة لبيت آيا .. لما وصلت وقفت قدام البيت ...
ماري بتوتر : آيا امهليني ... تكفين ابي اطبق وصية جدي ...
وتطق الباب ...
تفتح لها جولي ....
جولي بدهشه : مـ..مـــ... ماري ؟؟
ماري بابتسامة : جولي ؟؟ كبرتي كثير .....
جولي بدون اي تعبير : عامين ما تبيني اكبر فيها ...؟؟
ماري : كيفك ؟؟
جولي : تمام ... وش عندك ؟؟
ماري بدأ التوتر يرجع لها : ابي اقابل آيا ...
جولي بعصبية : لكن آيا ما تبي تقابل احد .... وخصوصا انتي ...
ماري بضيق : هي اللي قالت لك كذا ...؟؟
جولي بقهر ممزوج بحزن : من رجعتي وآيا على هذي الحالة ...
ماري برجاء : تكفين يا جولي خليني اقابلها ....
جولي بهواش : وش تبين منها .... ؟؟ ما يكفي اللي سويتيه فيها ؟؟
ماري : لا تصيرين قاسية علي يا جولي ... انا ابي اتصالح مع آيا ... ابي نرجع صديقات
جولي : بعد سنتين توك تفكرين ؟؟ وينك عن آيا في ذاك الوقت ولا ما كان عندك احساس ؟؟
ماري : جولي .... تكفين .. خليني اقابلها ...
جولي تميل فمها : طـــيب ..
ماري : مشكورة يا قلبي .....
وتدخل ماري للبيت وترقى فوق ...
جولي : آيا شكلها نايمة .. تجينها في وقت ثاني ؟؟
ماري : ابي ادخل عليها ...
جولي : سوي اللي تبين انا بروح لغرفتي شوي ....
ماري تفتح الباب .... وتدخل وتوقف عند راس آيا وهي نايمه ....
ماري : آيا ليه ما تسامحيني وتخليني ارتاح ... آيا انا نادمه على اللي سويته .... آيا انا كرهت الدنيا بعدك .... آيا ؟؟ ليه ما تجاوبيني ؟ ليه تعامليني كذا ...؟؟ آيا انا الحين محتاجتك ؟؟
وتنقلب آيا مع الجهة الثانية ...
ماري : ما ظنيت انك بترفضيني كذا ... آيا انا اوعدك الحين .. ماني رايحه و متخليه عنك او ما ودعتك ....... عشان كذا سامحيني .. انا راجعه للمكان اللي جيت منه ...
وتطلع ماري من الغرفة ...
آيا و الدموع تنزل لا اراديا : سمعت كل اللي قلتيه يا ماري .. انا مسامحتك ما دام اني ما راح اشوفك بعد هاليوم ....
وتطلع ماري من البيت مكسورة الخاطر ... تقوم آيا وتطل عليها من الدريشة ....
تروح ماري لحديقة الحي ... وتجلس على كرسي
ماري : ما توقعت ان قلبك قاسي يا آيا .... لكن لازم ارجع من المكان اللي كنت فيه .... الظاهر ان هذا الوقت المناسب اني ادور حقيقتي اللي في الماضي ...
وتروح ماري لبيتها وتدور في كل صناديق واغراض جدها .... وتلقى رسالة وصورة .. تقعد وتقراها ....
ماري متفاجأه : كيييييييييييف ؟؟
الساعة 4 العصر جاء اكيرا.... وينطق الباب ..
تفتح له ماري الباب ... ووجهها مكتأب ...
ماري : نعم ..
اكيرا : ابي اكلمك ..
ماري : طيب بس خلينا نروح لمكان ثاني احسن ...
اكيرا : براحتك ..
وتركب مع اكيرا ويروحون للنهر .....
أكيرا : رحتي لآيا ؟؟
ماري : أيه ...
أكيرا : وش صار ؟؟
ماري : ما كلمتها .... لانها كانت نايمة
أكيرا : اوه .... طيب متى ناوية تروحين لها مره ثانية .... ؟؟
ماري : منب رايحه لها ...
أكيرا : ليه ؟؟
ماري : لانها بترفضني ...
أكيرا : قلت لك جربي ...
ماري : انت ليه مهتم كذا بالموضوع ؟؟
أكيرا متفاجئ من سؤالها : لا ولا شيء .... لكن ما احب اشوف آيا زعلانه ....
ماري : راح ترجع طبيعية وراح تنساني ... لاني خلاص بأترك هالمكان وارجع للمكان اللي كنت فيه ....
أكيرا : وين بتروحين ؟؟
ماري : لا تسألني .... لاني ما بعد سويت شيء ...
ماري بتردد : بس فيه شيء او خلاصـ ..
أكيرا : ما صرت افهم لك ...
ماري : ودع لي آيا اذا شفتها ..
وتقوم ماري ....
أكيرا : ماري ؟؟
ماري : معليش بس هذا آخر يوم تشوفني فيه ...
وتركض ويقوم اكيرا ويلحقها ... تقطع الشارع واختفت عن ناظره ...
أكيرا : ماري ليه .... ماري انا عندي لك كلام ليه رحتي ... ؟؟
ويروح اكيرا ويركب سيارته ويدورها ..... ولا يلقاها
أكيرا يدق على آيا ....
آيا تشوف الجوال ....
آيا : اوه اكيرا اشتقت اسمع صوتك ..
وترفع السماعة ....
اكيرا : آيا ؟؟
آيا : هلا اكيرا ....
أكيرا : ليش غاب صوتك ؟؟ وليش اليوم غايبة من دون ما تقولين لي ؟
آيا : آسفة اكيرا .... بس راحت علي نومة هه هه ....
أكيرا : اقدر اقابلك ؟؟
آيا في نفسها : لازم احسسة ان ما فيني شيء ....
آيا : اكيد ... بس وين ؟؟
أكيرا : نتمشى شوي ...
آيا : اوكي ...
أكيرا : على بال ما تجهزين عندي شيء بأقضيه وامرك ....
آيا : اوكي انا في انتظارك ...
ويسكر اكيرا السماعة .....
أكيرا في نفسه : ماري انتي صدق بتروحين بس لوين ؟؟
أكيرا يتذكر ...
اقتباس من (( الفصل السابع – الجزء 1 ))
ماري : راح ترجع طبيعية وراح تنساني ... لاني خلاص بأترك هالمكان وارجع للمكان اللي كنت فيه ....
أكيرا : وين بتروحين ؟؟
ماري : لا تسألني .... لاني ما بعد سويت شيء ...
........
(( الفصل الثالث – الجزء 2 ))
آيا تنزل منها الدموع: انا كان لي صديقة عمر حبيتها من قلبي ... درست معها الابتدائي وبعد المتوسط ........ إلخ
بعدها كرهت نفسي .. وكرهت الدنيا بكبرها .. هي سافرت لكيوتو ...ولا حتى اتصلت ....
........
أكيرا : كيوتو ... المكان اللي كانت فيه كيوتو ....

احداث الجزء القادم ::

ماري : آيــــا ...
اكيرا يلتفت على ورى متفاجئ ..
ماري تمشي تجاه آيا ... وآيا واقفه في مكانها ما تتحرك ....
..............

آيا تمسح دموعها بضيق : اتضحت الصورة .... ما توقعتها منك يا أكيرا ...
................
ماري : آيا انتي تعذبيني بتصرفاتك ... ليه تسوين فيني كذا ؟؟ الماضي ماضي وانسيه عشاني انسيه ....
.................

:: نلقاكم في الجزء القادم ::

ماري يا اكيرا ؟! (( الفصل السابع – الجزء 2 ))
أكيرا : كيوتو ... المكان اللي كانت فيه كيوتو ....
ويروح اكيرا للمطار ..
أكيرا : فيه رحلات اليوم لكيوتو ؟؟
الرسبشن : ايه فيه رحلة اليوم الساعة 9 تمام ..
أكيرا : شكرا ...
أكيرا في نفسه : معقوله بتروح اليوم ؟ خليني القى احد واوصيه ..
ويروح يشوف عاملة ...
أكيرا : لو سمحتي ؟؟
العاملة : نعم ....
أكيرا : ممكن اطلب منك خدمه ...
العاملة : تفضل ؟؟
أكيرا يطلـّع من جيبة صورة ماري
أكيرا : اليوم بتقلع طيارة متجهة لكيوتو ابيك تراقبين كل المسافرين واذا شفتي هذي البنت منهم اتصلي علي ... وهذا جوالي ....
ويمد له ورقه مكتوب جواله عليها ....
العاملة : بس تبي هالشيء ؟؟
أكيرا : ايه تكفين ....
العاملة : اوكي
أكيرا : اعتمد عليك تكفين ..
العاملة : ان شاء الله ....
ويروح اكيرا لسكة الحديد وسأل وقالو له ان فيه رحلة لكيوتو الساعة 8 وربع ...
ويسوي مثل ما سوا في المطار .. ويروح لباصات النقل الجماعي ويسوي المثل ....
ثم يروح لبيت ماري ولا يلقاها ويشوف البيت واضح ان ما فيه احد ....
أكيرا : اتمنى القاك يا ماري ...
ثم يروح لبيت آيا ....
أكيرا يدق على آيا : يالله يا آيا انزلي انا تحت ..
وتنزل آيا وتركب ...
آيا : وينك ليه تأخرت ؟؟
أكيرا : كان عندي شوية اشغال ... هاه وين ودك نروح ؟؟
آيا : اللي تبي ..
أكيرا : خلينا نروح لعالم التزلج ...
آيا : حلو ... يالله ...
وصلوا لعالم التزلج الساعة 6ونص ..
ويقعدون يتزلجون وأكيرا مشغول باله مع ماري وينتظر اتصال ..
آيا تحاول انها ما توضح ان صار شيء لها ..
راحو وجلسو عى طاوله يشربون كافي ... في وسط الحديث
آيا : امم انا يوم كان عمري اربع سنين طحت طيحه قويه من الدرج وانكسرت رجلي وغبت اسبوع عن المدرسه لكن الحمد لله ما كان شيء كايد
اكيرا : يعني ما عندك اي اثر له
آيا : لا ابدا
اكيرا : اممم انا في اعلى يدي اليسرى ندبه طويله شوي ..
آيا : وش سببها ؟؟
اكيرا : ما ادري .. سألت امي عنها قالت انه صار لي هالشيء يوم كنت في ثلاث سنين واني طحت ولا كملت لي السالفه ...
آيا : واضحه ؟؟
اكيرا يحط يده على كتفه : تبين اوريكياها ؟؟
آيا تأثر بيدينها بالرفض : لا لا .... ما يحتاج
اكيرا : ههههه لاننا في الشتاء ما تشوفين يدي ابدا ... راح يجي يوم واوريكياها ..
آيا تبتسم : اوكي ...
يدق جوال أكيرا ..... يقوم اكيرا شوي عن آيا ويرد ...
أكيرا : الوه ...
العاملة في المطار : لقيتها موجوده ...
أكيرا : شكرا انا جاي الحين ....
ويشوف اكيرا ساعة يده الساعة 8 ونص ....
أكيرا : آيا انا بروح لشيء مهم ..
آيا : ما كنا بنروح للسنما ؟؟
أكيرا : معليش في يوم ثاني ... يالله خلينا نروح بسرعة .....
ويقومون من الطاوله .. ويركبون السيارة واكيرا يسرع في الطريق .....
آيا : اكيرا وين بتروح ؟؟
أكيرا : للمطار .... بس بأوصلك اول لبيتكم ..
آيا : لكن المطار اقرب من بيتي وانت واضح انك مستعجل ....
أكيرا يصّرف : لا عادي بأحاول اسرع ...
آيا : انا ما ابي اروح للبيت بأروح معك ....
أكيرا في نفسه : يا الله وش اسوي اخاف ماري تروح .. وآيا اخاف تشوف اني بأقابل ماري .... آآآآآه وش اسوي ..؟؟
ويروح اكيرا للمطار .... ويوصل الساعة 9 الا عشر ....
أكيرا : آيا خليك في السيارة شوي وانا راجع ....
ويروح .. تلتفت آيا على مقعده وتشوف جواله .......
آيا : اووه نسى جواله هنا .... بأوديه له ...
واكيرا يركض ... وتحول آيا وتلحقه بالجوال .....
"" نداء"" (... يرجى من حضرات ركاب طائرة طيرات اليابان رحلة رقم 3 والمتوجهة لكيوتو الرجاء التوجه للطائرة من خلال البوابة رقم 2 )
أكيرا : لا لازم اسرع اكثر ...
وآيا تلحقه ...
أكيرا يقابل العاملة : وينها ؟؟
العاملة : راحت للبوابة الثانية ....
واكيرا يركض ...
ماري واقفة .. وتناظر المكان من حولها ....
ماري : وداعاَ يا طوكيو ... انا بغيب عنك ....
أكيرا يوصل للبوابة وآيا من وراه تلحقه .. وماري توها بتدخل ....
أكيرا بنداء : ماريييييييييييييييييييييييي ...... ~
تلتفت ماري عليه ... وآيا توقف من اللي سمعته من أكيرا ....
ماري متفاجئة: أكيرا ؟!
أكيرا يركض لها ...
أكيرا يلهث : لا تروحين ؟؟
ماري : انت وش تبي ؟؟
وتشوف ماري آيا وراه ....
ماري : آيــــا ...
اكيرا يلتفت على ورى متفاجئ ..
ماري تمشي تجاه آيا ... وآيا واقفه في مكانها ما تتحرك ....
ماري بفرحه : آيا انتي اللي تبين تقابليني ؟؟ قبل شوي قالت لي العاملة لكن ما صدقتها ...
آيا في خاطرها بعض الكلام وفي نفس الوقت متفاجئه ..
آيا تنزل راسها : ماري ...
ماري : نعمـ .....
آيا ما تدري شلون تقول : انا .. انا سامحتك ..... لكن اتمنى لو ترجعين للمكان اللي جيتي منه .... روحي مسامحه .. روحي
وتروح آيا عنها .... وتحط يدها على فمها تحاول تكتم العبره ....
ماري تنزل منها الدموع .. وهي تشوف آيا وهي تركض بعيد عنها ....
ماري : لك اللي تبينه .... وانا رايحة ...
وتركض آيا والدموع في عيونها .... تمشي ماري من عند أكيرا بتروح تركب الطيارة ....
أكيرا يمسك يد ماري : ماني مخليك تروحين .. راح امنعك ... ارجعي وفكري في الموضوع ....
ماري تشوف يده ..
اكيرا انتبه لفسه و بعّد يده ..
ماري ببكاء: شفتها بعينك ترفضني ....
أكيرا بتفاؤل : لكنها سامحتك .. معناها انك ما فشلتي .... ارجعي وارجعو صديقات ...
ماري وقفت في مكانها بدون ما تتكلم ... تشوف اكيرا وهو متحمس وماسك يدها ..
ماري تمسح دموعها : اوكي ما راح اروح ..... لكن روح لآيا ....
وتلتفت عليه : روح ....
أكيرا : وعد ...
ماري : لآخر محاولة ...
اكيرا بابتسامة : ( اريجاتو ) شكرا ...
تركها ورجع للسيارة.. و ماري طلعت من باب ثاني غير اللي دخلت معه ....
وصل اكيرا للسيارة و شاف آيا جالسه و تمسح في دموعها تنهد و فتح الباب وركب ..
آيا بعتاب: هذا الشخص المهم اللي تبي تشوفه ...؟؟
أكيرا يشغل السيارة بدون اي رد ...
آيا التزمت الصمت وصارت تناظر الطريق ..
وبعد شوي كسر اكيرا هذا الجو ...
أكيرا يلتفت عليها : اوصلك لبيت اهلك ؟؟
آيا ماده البوز : لا ما ابي ارجع الحين ....
أكيرا يتنهد : طيب نروح لبيتي ؟؟
آيا بدون ماتناظره : احسن من بيتي ...
سكت اكيرا و توجه للبيت وقف السياره و فتح الباب لها : تفضلي ..
نزلت آيا ..اكيرا دخـّلها و جلسها في الصالة ...
أكيرا : اكيد جوعانه فيه مطعم هنا اعرفه بروح اجيب طلب سفري وارجع ... اوكي انتظريني ...
ويروح اكيرا للمطعم ... آيا جالسه في مكانها وتفكر ...
آيا : لازم انساها..
وتقوم من مكانها : بأنظف هالبيت الحوسه .... وتاخذ آيا ملابس اكيرا اللي في الصاله وتروح تدخل غرفته ... تعلق الملابس وتلتفت على المكتب وتشوف صورة ماري في تخرجها من المتوسط ...
آيا مصدومه : ماري يا اكيرا ؟؟
ترمي ملابسه على السرير ... وتروح وتطلع من البيت بسرعة وهي مصدومه و حزينة .....
آيا و الدموع تنزل بغزاره : لازم اسأله ... ليه صورة ماري عنده .... أكيرا في المطار راح يقابل ماري ويمنعها من الروحة ... معقوله ... !!
في مكان آخر ::
قابل أكيرا ماري في الشارع اللي قدام المطعم بالصدفة....
ماري : صدفة ..
أكيرا : ما رحتي ...
ماري : انا وعدتك ....
وتمر آيا من الجهة المقابلة لهم ..... وتوقف وتشوفهم وهم يتكلمون مع بعض ...
آيا تمسح دموعها بضيق : اتضحت الصورة .... ما توقعتها منك يا أكيرا ...
وتروح آيا ركض لبيتها ....
أكيرا : لازم الحين ارجع للبيت ....
ماري : بأحاول اسوي اللي قلته لي ...
أكيرا : مع السلامة
ويرجع للبيت ويشوفه مرتب ..
أكيرا : رتبت المكان ....
أكيرا يناديها : آيا ... آيــا ... ؟؟ وين رحتي ؟؟
اكيرا يرقى فوق ويشوف غرفته منوره وبابها مفتوح و ..
أكيرا مصدوم : لا ..
ويروح بسرعة ويدخل للغرفة ولا يلقاها موجوده يشوف المكتب وصورة ماري موجوده ...
أكيرا : لا يا آيا .... لا .. معقولة ؟؟
ويروح يمسك الجوال ويدق عليها ..
آيا من نغمة الجوال عرفت انه اكيرا .. تجاهلته .. وتدخل للبيت ..
آيا تتكلم: ماراح ارد يا اكيرا لو ايش مهما كان مو انا اللي تلعب عليها ....
وتطـّلع الجوال و تحطه على الصامت و ترميه على المدخل وترقى لغرفتها ... ويكرر اكيرا الاتصال مرات المرات ....
أكيرا : يا الله ... وش اسوي وحتى لو رحت لها في البيت كمان حركة غلط ... بكره افهمها في المدرسة اذا جت ...
وفي اليوم التالي آيا في طريقها للمدرسة ... الا وتقابلها ماري ...
آيا تصد عنها كأنها ما شافتها ..
ماري : آيا خلينا نتكلم ..
آيا ملتزمة الصمت وتكمل طريقها ...
ماري : آيا انتي تعذبيني بتصرفاتك ... ليه تسوين فيني كذا ؟؟ الماضي ماضي وانسيه عشاني انسيه ....
وفي طريقهم طلع اكيرا ...
آيا بصدمه و في نفسها : اووه الرجال متابعها ويعرف وين تقعد ...
أكيرا باستعطاف : آيـــا ابي اكلمك بموضوع امس ....
آيا تمشي ولا عليها منهم ....
ماري بعتاب بصوت عالي : آيا ليه تعاملينه كذا ؟؟ انا يمكن .. لكن اشوف انك مع الكل تغيرتي .....
آيا تركض ... اكيرا يلحقها ويمسك يدها ....
أكيرا بعصبية : آيا اسمعي اللي يكلمك .... لازم تتفاهمين ....
آيا تبعد يدها عنه وتسرع وتروح بتقطع الشارع عشان تبعد عن أكيرا ...
وتجي ذيك السيارة المسرعة وتوها بتصدم في آيا إلا واكيرا يصرخ بأسمها ويبعدها عن الطريق ويصير هو المصدوم ..
آيا تلتفت من دهشة ما شافت .. وماري خلاص حست باليأس ففكرت ترجع و توها معطيتهم ظهرها راجعه إلا تسمع صرخه آيا بأسم اكيرا .. ماري عورها قلبها وجاها احساس بأكيرا .... وتلتفت هي الثانية ....
آيا تقرب من عنده .. ودمه ملى المكان .....
آيا تهزه بخوف : أكيرا ... أكيرا ؟؟ أكيرا جاوبني ... ؟؟ أكيـــــرااااااااااااااااااااااااااااااااااااااااا اااااااااااا .....
وماري تشوف المنظر المؤلم بكل رعب ....

أحداث الجزء الثالث – الفصل السابع :.
ما الذي شعرت به ماري ؟؟
وكيف سيكون حال اكيرا ؟؟
وهل ستكتشف آيا علاقتهما ؟



كوميه عارفه اني اطولت وان البارت من قصرها ما ترضي
لكن ان شاء الله ما بقى الا القليل وتطول البارتات

:: نلقاكم في الجزء القادم ::

أرأيت حقيقتك يا ماري او يا مارينو ..... (( الفصل السابع – الجزء 3 ))

آيا تقرب من عنده .. ودمه ملى المكان .....
آيا تهزه بخوف : أكيرا ... أكيرا ؟؟ أكيرا جاوبني ... ؟؟ أكيـــــرااااااااااااااااااااااااااااااااااااااااا اااااااااااا .....
آيا : أكيرا انا بأسمعك اكيرا بس تكفى جاوبني جاوبني .... أكيرااااا
وتجي ماري وتوقف وعلامات الخوف على وجهها ... وهي تشوف آيا في اصعب حالاتها ....
ويجي صاحب السياره اللي صدمته ...
صاحب السيارة : لازم ناخذه للمستشفى ....
ويروح ويشيل اكيرا ويركبه ...
آيا : انا بجي معك ...
ماري : وانا بعد ....
وتركب ماري قدام وآيا حاطه راس أكيرا على حضنها وتصيح .....
آيا : أكيرا تكفى لا تموت ..... أكيرا انا غلطت في حقك وراح اسمعك .... راح نتفاهم .. بس انت اصحى ..
ويدخلون للمستشفى من باب الطوارئ ويدخلونه على غرفة العمليات ....
صاحب السيارة : اتمنى له الشفاء وانا بأعطيكم تعويض ...
آيا : ما يهمنا إلا صحة اكيرا ...
تطلع ممرضة من غرفة العمليات .. وتوقف دكتور ..
الممرضة : نزف كثير وهو محتاج دم .....
آيا تسمعهم ...
آيا : انا بتبرع بدمي ..
ماري : وانا بعد .....
ويدخلون لغرفة التبرعات ....
الممرضة تسأل آيا : تعانين من شيء ؟؟
آيا : لا ... لكن انتي تأكدي ...
وبعد التأكد صار في آيا فقر دم ورفضو انهم ياخذون من دمها ...
ماري باستعطاف : طيب انا ؟؟
الممرضة : فصيلة الدم نفسها وهذا يساعدنا اكثر ..
آيا تلتفت عليها : وانا بعد لو تاخذون كل دمي لكن يدخل دمي في اكيرا .... مو الغـُرب ...
ماري شافتها بضيق ..
الممرضه : ممكن يا آنسه تجين تجلسين ..
جلست ماري على الكرسي اللي اشرت عليه الممرضه ..
اخذو من ماري واخذو قليل من آيا عشان رغبتها .... بعد ماسحبو الدم من آيا تعبت شوي و صارت ما تشوف طريقها فحست بدوخة وطلبت منها الممرضة انها ترتاح
بعد ساعه ::
صحت آيا لقت ماري جالسه عندها : أكيرا ... وش صار لأكيرا ؟؟
ماري : الحمد الله تعدى مرحلة الخطر والحين يسوون اجرائات بسيطة لا تخافين ....
آيا : يعني ما مات .. ؟؟
توها ماري بترد دخلت عليهم الممرضه ..
الممرضة : انتي صحيتي .
آيا : دكتوره اش هذي الاجراءت يعني اكيرا ما مات..
الممرضه : ايوه ما مات
آيا تصيح من الفرحة ...
ماري واقفة وتناظر آيا ...
ماري في نفسها : وش الاحساس اللي جاني ... حسيت بنغزة في قلبي .... وش السبب ؟؟
وبعد ثلاث ساعات ...
يروحون ماري وآيا لغرفة أكيرا ...
آيا تدخل بسرعة ...
آيا : ليه ما قام ؟؟
ماري : هم يقولون انه الحين غايب عن الوعي .... لكن راح يصحى ...
آيا تلتفت على اكيرا وتناظره بحزن : بسرعة اصحى يا أكيرا ... عندي كلام لك ...
ماري : انا رايحة ....
آيا تلتفت على ماري : ماري ... ~
تلتفت ماري عليها ....
آيا : ابي اكلمك ..
ويطلعون برا الغرفة ...
آيا : ليه ما رحتي امس ؟؟
ماري : رفيقك منعني ...
آيا : وانتي شلون عرفتي أكيرا ؟؟
ماري : هو اللي جاني وطلب مني اني اروح لك للمرة الثانية واتسامح منك ... ما كنت اعرفة وسألني عن أشياء كثيرة .... ووبخني عشانك .. هو يعزك كثير وما يحب يشوفك زعلانه ... عشان كذا ما بغى اني اروح بدون ما نرجع لبعض ..
آيا في نفسها : عشان كذا بحث عنها بدون ما ادري .... ؟؟ انا ظلمت أكيرا ...
ماري : لكن هذي محاولتي الثالثة .. انا راح ارجع من المكان اللي جيت منه وهالمره ما راح اتردد ....
آيا : وانا راح امنعك من انك تغيبين مره ثانية عني ..
ماري تشوفها بتعجب : آيا ... آيــا ... يعني تبين نرجع صديقات ؟؟
آيا : لكن والله لو صدمتيني مره ثانية ما راح اسامحك طول عمري ...
ماري تضمها : آيا ما تعرفين شلون انا فرحانه ... مشكورة يا الغالية ...
آيا ساكته ....
ماري : انا بروح اشوف متى يمكن يرجع اكيرا لوعية ...
وتروح ماري ....
آيا وهي تناظر ماري : اخذت منك لكن ما بعد وثقت في كلامك ..... اشوف اكيرا واسمعه ثم احكم .....
وتدخل آيا على اكيرا وتجلس على الكرسي وتمسك يده ..
آيا : انقذتني .... وانت اللي تصير بهالوضع ... اكيرا تمنيت اني انا الوحيده اللي دمي يدخل في عروقك ... وودي دمك يدخل في عروقي ...
آيا بسبب التبرع كانت تعبانه شوي ونامت على السرير وهي ماسكه يده ...
ماري ترجع وتدخل ...
ماري : آيا ... أكيـ....
وتشوف آيا ببتسامة : نمتي بدون ما اعلمك .....
ماري : طلبو منك انهم ياخذون معلومات .... لكن الظاهر اني انا اللي بسوي هالشيء ....
وتروح ماري ...
وبعد مرور يومين وآيا تزورة كل يوم من بعد ما ترجع من المدرسة الين الليل ...
وعلمت صديقاتها ومجموعة أكيرا وقالت انه حصل له حادث بدون تفاصيل ....
واليوم ليلة اليوم الرابع ...
آيا جالسة عنده وتقرا رواية عطتها اياه صديقتها يونا ...
شوي واكيرا بدا يفتح عيونه ...
أكيرا في نفسه : وش اللي حصل ؟؟ انا ويني فيه ؟؟
ويلتفت ويشوف آيا وهي تقرا متحمسة مع الرواية ....
أكيرا بصوت خفيف : آيا ؟؟
آيا تلتفت عليه ويطيح الكتاب من يدها وتقوم وتضمه ...
أكيرا بتعب : آيا اختنقت ....
آيا وهي تصيح : اخيرا صحيت يا اكيرا ... اخيرا ...
أكيرا : كنتي خايفة علي ؟؟
آيا تبعده شوي لانها حست انها جد خنقته : أكيد خايفة عليك ...
أكيرا : ليه تخافين علي وانتي كنتي سافهتني ؟؟
آيا بحب : انت مجنون ... اكيد اخاف عليك .... لأني أحبــك ...
أكيرا بابتسامة صفرا: الله اخيرا سمعتا منك يا آيا .... اجل دائما بأسوي حادث عشان تخافين علي وتحبيني ....
آيا تبعد عنه : لاه تبي تقتلني انت .... اقولها لك طول الوقت لكن ما تغيب وتخليني كذا ...
أكيرا يبتسم : يا حبي لك ... على طول صدقتي ...
أكيرا يمد يده ويمسح دموعها ....
أكيرا : ما ابي اشوف هذي الدموع مره ثانية .. ابتسمي لانها انسب عليك ....
آيا : أكيرا انا مستعده اسمعك طول الوقت ... لكن لا تموت وتخليني ....
أكيرا : آه يا قلبي ...
آيا تقرب من عنده : وش فيك ؟!
أكيرا يمسكها ويضمها : اللي فيني انك اخذتي قلبي من مكانه ....
آيا : ليه تسوي فيني كذا ؟؟ روعتني ..
أكيرا يوخر يده عنها : آيا انتي مستعده تسمعيني ؟؟
آيا : قول وانا راح اسمعك ..
ويقولها نفس اللي قالته لها ماري ..
آيا : أكيرا .... انا وماري رجعنا صديقات .....
أكيرا : صدق ؟؟
آيا : يسعدك هذا الشيء ....
أكيرا : أكيد ... لاني ما ابي شيء يضيق لك صدرك ...
وتدخل الممرضه عليهم ..

الممرضة : انتهت الزيارة .....
تلتفت آيا عليها ...
آيا : اوكي ..
أكيرا : وش اوكي انا توني واعي ... ودي اتكلم معك اكثر .....
آيا : الايام الجاية .. انا عندك طول الوقت ....
وتقوم آيا وتبتسم فرحانه ان اكيرا رجع لصحته ...
وتروح آيا للبيت مطمئن قلبها ...
آيا : الحين اكون مرتاحة ... بكره بروح لماري واعلمها .... واعلم الكل ....
وفي اليوم التالي .... تروح آيا للمدرسة وتعلم الاصحاب وقالو انهم بيجون بعد العصر ....
وتروح آيا لبيت ماري اللي ما شافته بعد سفرتها لكيوتو ....
آيا : هذا انت من قبل ثلاث سنين .....
تطق آيا باب البيت ... تفتح لها ماري ...
ماري : آيا ؟
آيا : مفاجئة ؟؟
ماري تبتسم : هلا بك ....
آيا تدخل للبيت ...
ماري : معليش فوضى شوي ...
آيا : عادي متعوده على اكيرا ... ابو الفوضى ..
ماري وهي ترتب المكان : شلون اكيرا عساه بخير ... ؟؟
آيا : امس رجع لوعيه ...
ماري : مبروك ... معليش اعذرني ما شفتك بعد ذاك اليوم ...
آيا : معليش وحتى انا كنت مشغوله ...
ماري : عطيني رقمك الجديد ....
آيا : ما غيرت رقمي ...
ماري : كل مره احاول اتصل عليك لكن اتردد واقول اكيد انك غيرتي رقمك ...
آيا : لا ما غيرته انا ما احب اغير ....
ماري : كذا ريحتيني ورقمك محفوض عندي ....
وتجلس ماري مع آيا ...
ماري : آيا فيه شي ودي اقولك اياه ... بس اخاف تظنين فيني ظن خطأ ...
آيا : قولي ...
ماري : آيا انا مات جدي او اقول اللي تبناني ..
آيا : تبناك ؟؟
ماري : ايه انا كنت احسبه جدي لكن قبل ما يموت قال لي انه تارك هنا رسالة لي عشان اقراها لما ارجع لطوكيو ...
آيا : وش مكتوب فيها ؟؟
ماري : انتظري شوي بروح واجيبها ...
آيا : اوكي ..
وتروح ماري وتجيب الرسالة ..
ماري : تبين تقرينها ولا اقراها لك .....
آيا : لا اقريها انتي ....
ماري : اول شيء رساله لي .. [ عزيزتي ماري وانتي تقرين هالرساله اكيد اني مو موجود على هذي الدنيا .... في هذي الرسالة الحقيقة اللي خبيتها عنك طول هالسنين ... انا مو جدك ولا ابوك ولا حتى اقرب لك .. انا الشخص اللي تبنيتك من كان عمرك ثلاث سنوات .. بأسرد لك كل اللي حصل في الماضي .. انتي من عائلة غنية ونبيله مره .... عائلتك مكونه من اربع افراد وانتي الخامسة ... امك وابوك كانو توهم في الشباب وكان عندك اخو اكبر منك بحوالي خمس سنوات او اكثر او اقل ... ونجي لآخر واحد اللي هو توأمك الثاني ذكر ...
وانتي كنتي في المستشفى بسبب الحمى ... وانا كنت في الغرفة اللي جنبك .... سمعت في ليلة مظلمة من الممرضات ان عمك يبي يتخلص منك ... وتموتين ... السبب ما اعرفه مع الاسف ... قالو انك بكره بتصحين واذا صحيتي بتروحين انتي واسرتك لمدينه ثانية للتنزه عن طريق سكة الحديد بمناسبة خروجك من المستشفى .... وقالو انه و بهالطريقة بيقدرون يتخلصون منك ... رحت من الصبح لسكة الحديد وانتظرت قدومك ... وعرفت وش المدينه اللي بتروحين لها وحجزت عليها .. وكنتي انتي الاقرب لبوابة القطار وكان اخوك التوأم ماسك يدك وفرحان فيك .... ويتكلمون الآباء مع بعض وشوي الا عمك راح وبعد ماراح بدأ القطار يتحرك في هذي الاثناء وبدون سابق انذار سحبك واحد من داخل القطار واخوك ضربه باب القطار لانه بيمشي وحصل له جرح طويل في يده واهلك انشغلو معه وهو كان ينادي مارينو .... وكذا عرفت اسمك ... لقيتك تبكين في القطار وعرفت انهم يبون يتخلصون منك بهالشكل .. اخذتك وراعيتك وخليتك مثل بنتي ولا حسستك اني متبنيك وغيرت اسمك وخليتك ماري وخليت اسم ابوك اللي كنت اتذكر منه ساي واضفت عليه الواو والنون وخليته ماري ساسون ...... لكن الحقيقة لازم تظهر ... وانتي لازم ترجعين لاهلك .. صح الوقت مو مناسب لكن مالك بعدي الا اهلك .. وابيك ترجعين لآيا صديقتك اللي اخلصت صداقتها لك .. وتتسامحين منها لانك غلطتي وانا اختبرتك وارسلت لك رفيق عشان اشوف وش بتسوين مع صديقتك ... وقلت له بعد موتي تخلى عنها واتركها مثل ما تركت صديقتها ولما ترجع لصديقتها ارجع انت لها ... لكن لا تمنعها عن البحث عن اهلها ... شفتي حقيقتك يا ماري او يا مارينو ..... هذا اللي عندي واتمنى لك السعاده يا بنتي .... ]
ماري تنزل منها الدموع ....
آيا : ماري انتي اول مره تقرينها ... ؟؟
ماري : ثاني مره ..
آيا : طيب ليه تبكين ...
ماري : انا افكر في رفيقي اللي تخلى عني ....
آيا : وش فيه ؟؟
ماري : تعرض لحادث وقالي قبل ما يموت انه مأمور انه يتخلى عني وبعدها مات .. ما عرفت وش كان يقصد لكن الحين عرفت .. عشان كذا كنت اكثر اصرار معك لاني خفت انك ما تسامحيني واصير ما طبقت ولا شيء في هالرسالة ....
آيا : آسفة ...
ماري تمسح دموعها : معليش الحين لجدي نص عام من وفاته ورفيقي بعده بشهرين .. عادي انا الحين نسيت كل شيء لاني ما بعد حبيته ....
ماري تفتح اللي ورا الرسالة وتشوف صورة ... تطـّلعها ..
وتقرا المكتوب من وراها ..
ماري : هذا اخوي ؟؟
آيا : وشو ؟؟
ماري : المكتوب :: ( هذي صوره لك انتي واخوك التوأم في عمر ثلاث سنين ما لقيت في غرفتك غيرها ) ....
آيا : وريني اياها ...
ماري خذي ...
آيا تشوف الصورة ....
آيا تفتح عيونها : معقوله ؟!

قراءهـ ممتعهأ اتمناها لكم .....

هذا الاثبات .... (( الفصل السابع – الجزء 4 ))

آيا تشوف الصورة ....
آيا تفتح عيونها : معقوله ؟!
ماري تشوف آيا ليه متفاجأه : آيا فيه شيء ؟؟
آيا بجديه تلتفت على ماري : اسمعي يا ماري انا بروح شوي وراجعه لك خلاص ..
وتقوم آيا ومعها الصورة ...
ماري : آيا وش فيك ؟؟
تروح آيا وبدون ما ترد عليها .... وتجلس ماري في حيرتها ...
آيا وهي في طريقها ....
آيا بتفكير : معقوله الصورة ... التوأم ! .. أكيرا وماري ؟!
وتروح تركب مع تكسي متجهه لبيت أكيرا .. توصل للبيت ..
آيا تكلم صاحب التكسي: لو سمحت انتظرني شوي وانا جاية ...
التكسي : طيب ...
تنزل آيا وتفتح البيت <~~ طبعاً هي ماخذه شنطة اكيرا بعد الحادث عشان كذا معها المفتاح ...
وتدخل وتروح سيييده لغرفة اكيرا وتتوجه للصور .. وتقارن بين الصورتين ...
آيا بتعجب : كيف كذا !! متطابقة ... اكيرا يكون توأم لماري ؟؟
توقف آيا وتشوف مكتب اكيرا ..
آيا : معقوله اكيرا عشان كذا يدور عليها ؟؟ لانها اخته ؟؟
تطلع آيا من الغرفه وترجع لماري ..
ماري : وش فيك ؟؟
آيا تقرب من ماري تحط يدينها على كتوف ماري : لقيت لك عائلتك يا ماري ...
ماري متعجبه : نعم ؟! وش تقولين انتي ؟!
آيا تهز راسها : اي و الله لقيت لك اهلك ...
ماري مو مصدقه : انتي اكيد تمزحين صح ...
تبعد يدينها وتمسك يد ماري ...
آيا بفرح : يالله تعالي وقابلي واحد منهم على الاقل ...
ماري مبلمه: ............. ؟؟
آيا تأشر بيدها : هي يابنت و ين رحتي ترى بغير رأيي و اجلس ..
ماري توها تتنبه : هه لا وين تجلسين قومي يالله ..
آيا بابتسامه كبيره: اجل اتبعيني وإلا رحت وخليتك ..
ماري بفرحه: قدام ....
وتروح آيا للمستشفى ....
ماري باستغراب : ليه احنا في المستشفى ؟؟
ايا تتميلح : ما تبين تشوفين اكيرا و تطمنين عليه بعد ما اعطيتيه من دمك <~~ قالت كلمتها الأخيره و هي تغمز لها ..
ماري بابتسامه : طيب ..
وصلو الثنتين لغرفةاكيرا .. آيا تدق الباب ...
اكيرا بابتسامة : اتفضلي يا آيا ...
آيا تدخل مندهشه: كيف عرفت انه انا ؟؟
اكيرا يضحك : ههههه ياحبيلك اعرف اميز دقك على الباب انتي غير عن كل الناس ..
آيا استحت و فجأه تذكرت ماري : اوه نسيت ماري ؟؟
اكيرا بروعه : ماري وش فيها ؟
آيا بضحكه : هههه شوي شوي طلعت عيونك مافيها شيء بس هي جايه معي و نسيتها عند الباب ..
اكيرا براحه : اها اشوى ..
آيا تسوي نفسها ماتعرف شي : ليش خايف عليها هالكثر ؟؟
اكيرا تلعثم ....
آيا بابتسامه تسكته : خلاص خلاص لاتبرر انا اعرف كل شي .. بروح انادي ماري ؟؟
راحت آيا ..
اكيرا مبلم وفي وجهه مية استفهام : هذي وش تقول وش اللي تعرفه وش سالفتها مبتسمه لايكونـ ...
ماري منحرجه : شلونك اكيرا ؟؟
أكيرا تغيرت ملامح وجه صار مشرق : تمام ...
آيا : و اخيرا يا ماري اجتمعتي مع احد افراد اسرتك ..
ايا تأشر على اكيرا بكل حب : اعرفك على اخوك التوأم اكيرا ساسو ..
أكيرا يشوف آيا ...
ماري تشوف اكيرا مصدومه : اخوي ؟!
اكيرا يهز راسه : أيه اخوك التوأم .... أكيرا ....
ماري تلتفت على آيا : آيا وش تقصدين ؟؟ وش تخربطين فهميني ؟!
آيا بدت تخنقها العبره: متفاجئة صح ؟؟
تلتفت آيا على اكيرا : اكيرا وش اسم ماري ؟؟
أكيرا حط عينه بعين ماري : ما راح احيرك اكثر يا مارينو ..
ماري مصدومه وتحس انها ضايعه : وش الاثبات ؟؟ آيا انتي تمزحين معي صح ؟
أكيرا ماقدر يتحمل فتح البلوزة و طلعت الندبه الي تسبب فيها القطار لما كان عمره 3 سنوات ...
اكيرا : هذا الاثبات مايكفي ....
ماري راحت بسرعة لاكيرا وضمته مثل الطفل وجلست تصيح ..
أكيرا يحط يده على راسها ويمسح على شعرها ...
آيا تشوفهم و عيونها مليانه دموع فرحانه انها جمعتهم و زياده على كذا كلهم يعنون لها الكثير هذا حب حياتها و هذي صديقة طفولتها حست انها سوت شيء عظيم ..
وبعد الصياح و النياح سكتو شوي ... ماري جالسة على سرير اكيرا ....
آيا تمسح دموعها بظهر يدها ..
اكيرا يبي يرفع ضغطها ضحك عليها :ههه شوفي مارينو كيف آيا تصيح ..
ماري تشوفها و تبتسم ..
آيا : خيير هذي دموع الفرح .. و المفروض تشكرني لاني ياحبيلي جمعتكم ..
اكيرا و ماري يضحكون على قلبها الطاهر: هههه اي و الله ماقصرتي ..
آيا كأنها تذكرت شيء حطت يدها على ذقنها : امم اقول اكيرا انت ما كنت تعرف ان ماري اختك ؟؟
أكيرا : الا .. لكن ما كنت متأكد ..
ماري بلهفه : ليه ما سألتني ؟؟
أكيرا ينزل راسه: كنت خايف من النتيجة ... آسف ماري
ماري تهز راسها يعني لا تعتذر
ماري : في قلبي اسئله كثيره ...
اكيرا يمسح على شعرها : وانا جاهز للرد علي كل اسألتك ..
ماري : وين امي وين ابوي وين اخوي ؟؟ابي اعرف كل شيء؟؟
أكيرا بابتسامة : على مهلك شوي شوي ابشرك اهلك طيبين وكلهم بصحة وسلامة ...
ماري : طيب ليش ما دورتو علي ليه نسيتوني ؟؟
أكيرا : وصلهم خبر وفاتك .. وهذا اللي خلاهم ما يدورون عليك ....
لحظة صمت ...... ماري توقف وتمد يدينها ...
ماري : يااااااه من زمان ما فرحت قد الفرحة اللي انا الحين فيها برجعتي لصديقتي ورجعتي لاهلي .. واسعد بشوفة اخوي ..
آيا تبتسم : ان شاء الله من اليوم ورايح حياة سعيده ... وكلها مليانه فرح .....
ماري تناظر آيا بامتنان : ما ادري وش اقولك يا آيا ....
آيا : تكفيني شوفتكم سعيدين ...
اكيرا : شفتي ياماري اختيار اخوك ..
ماري بابتسامه : ونعم الاختيار الله يوفقكم و يسعدكم ..
آيا : الله يخليك ..
اكيرا باصرار : خلاص يا ماري بتجين تعيشين معي في البيت ..
ماري باستغراب : واهلي ؟؟
أكيرا بتفاهم : لما تهدأ الامور افكر في الموضوع ..
ماري تهر راسها : طيب يالله انت شد حيلك و اطلع لنا بالسلامة ...
آيا بسعاده : ابشرك اخوك قطو بسبع ارواح خلاص بيطلع بكرة ....
ماري : قولي ماشاء الله الحين تطيرين اخوي وانا مابعد تهنيت فيه ولاجلست معه ؟؟
اكيرا يسوي نفسه معصب : اي والله اختي صادقه بسم الله علي من عيونك ..
آيا تحاول تكتم ضحكتها : لاتخاف عيوني بارده مو بازوكا ..
آيا تسوي نفسها زعلانه : مالت عليك انت واختك .. وبعدين ماتلاحظ انت وياها مسوين علي حزب انا خلاص بطلع و اخليكم ..
وتوها بتتحرك نقزت ماري وضمتها فديت اللي يزعلون والله كنت امزح معك كلش ولا الغاليه آيا ..
آيا بابتسامه : تسلمين ياقلبو ..
اكيرا يضحك : خخخ و انتي ماصدقتي احد يراضيك على طول رضيتي ..
آيا تناظره بنص عين : حبيبه ياحبيلي ما اعرف ازعل خاصه على ماري .. انت خلك في تميلحك ..
آيا تلتفت على ماري : ابشرك يا ماري اخوك المصون راح يقعد على السرير في البيت وانتي بتراعينه يعني بترتاحين من الحوسه و الفوضى <- لما قالت جملتها الأخيرة كانت تناظره بتقهره ..
اكيرا اغتاظ منها : نعم فوضى و حوسه ..
التفت على ماري : اقول ماري ذي (يقصد آيا ) لا تكلمينها شكلها بتخربك علي ..
آيا تحط يدينها على جنوبها : عسى ماشر شايفني بنت شوارع و لا بنت شوارع ..
اكيرا باستنكار : اعوذ بالله مين قال لاتقولين اشيا ماقلتها ..
ماري بصراخ هادي : خلااااص انتي و اياه ..
تلتفت على اخوها اكيرا : يكفي
تلتفت على آيا : وانتي منتي رفيقته ليش ماتراعينه؟؟
آيا تلعب بشعرها : بس انتي اللي بتصيرين معه في البيت ...
أكيرا : اعوذ بالله منكم جعلي اطلع من هالمكان وخلاص انا اراعي نفسي مستغني عنكم ...
آيا : لا انا اراعيك ...
ماري : مو من حقك انا اللي براعيه مو انا اخته .... ؟؟
آيا : ومو انا رفيقته ؟؟
أكيرا بنداء : يا ممرضااااه انا مريض واحتاج هدوء اطردي هالثنتين اللي عندي ...
آيا : هي اللي تكلمت اول ...
ماري : لا والله انتي يا كذابه ...
آيا : شوفو الكذابين ....
اكيرا ينسدح وينقلب من الجهة الثانية ويغطي راسه بالمفرش ...
آيا تناظر الساعه : اوه الساعه3ونص انا رايحة بروح اتغدى احس اني جوعانه وودي آخذ شور وارتاح عشان اقدر اجي مع الشلة ..
ماري : وانا بعد بروح معك ..
اكيرا : لحظه آيا ما قالو الشله متى بيجيون ؟؟
آيا : امم بعد العصر ...
أكيرا : اوكي بس تعالي معهم مو تنامين ولا تجين ..
آيا : ههه اوكي .. مع السلامة
ماري : مع السلامة ...

طلعت ماري وآيا وهم يمشون خارجين من المستشفى...
آيا تدور سالفه : الحين اناديك ماري ولا مارينو ؟؟
ماري بابتسامه : ماري .... ماعجبني مارينو ....
آيا : طيب مارينو هو اسمك الحقيقي ...
ماري : لكن اسمي هذا من الشخص اللي تبناني ... من جدي وانا ما راح اغيره ...
آيا : اتذكره كان طيب ..
ماري : بعض الاحيان اشتاق له ....
آيا : ايه كلنا بنموت ...
ماري تهز راسها ..
ماري : انا بروح اظف عفشي .. وبعدين بدق عليك توصفين لي بيت اكيرا ...
آيا : طيب اش رايك الحين اوديك لبيت اكيرا و تشوفينه بعدين تروحين لبيتك لان اخاف اروح ارتاح في بيتنا و انسدح و انوم وما اقوم الا بكره انا اعرف نفسي اذا نمت خلاص لحد يدورني ههه ..
ماري تضحك : خخخخ لازلتي نومك ثقيل .. اها عشان كذا اخوي يحرص عليك شكله داري انك راح تنامين .. اوكي قلبو اجل خلينا نروح لبيت خيو بعدها روحي ارتاحي ..
آيا : يالله ..
بعد العصر اجو الجماعة ..
توما داخل بحماس : ما تشوف شر يا حبيبنا..
أكيرا : جعلك ما تشوفه ..
سوما : يالله عجّل وارجع معنا ترانا فاقدينك ...
أكيرا : بجي بهجوم جديد ...
الكل : ههههههه
مورا : شلون حصل لك الحادث ؟؟
أكيرا : كنت اقطع الشارع وصدمتني سيارة ..
يونا : الحمد لله جت على كذا ..
توما : ايه والله الحمد لله ...
راي : ان شاء الله تطلع عن قريب ....
اكيرا : ان شاء الله ...
يونا : ما جت آيا ؟؟
أكيرا : بعد شوي بتجي ....
آيا تدخل : هاي عسى ما تأخرت عليكم ..
يونا : الطيب عند ذكره .. تونا نحكي عنك...
آيا : وش تحكون فيه ؟؟
راي : لا آيا اليوم صايره احسن من كل الايام ...
يونا : جعله دووووم ....
آيا : تسلمون حبايبي ..
وتلتفت آيا للباب ...
آيا : ادخلي .. هذولا بس اصدقائي انا واكيرا ...
وتدخل ماري منزله راسها ...
راي : ماري ؟!
آيا : انتي تعرفين ماري ؟؟
يونا : اجل هذي ماري يا راي ؟؟
ماري تبتسم وتنحني شوي وترفع : قابلتك المره الاولى ... بس ما حصل لي الفرصة اني اتعرف عليك ...
راي : انا اسمي راي وهذي صديقتي يونا واحنا كلنا صديقات لآيا ...
ماري : اعّرف بنفسي ..
راي : صديقة آيا في الابتدائي والمتوسط وانتي اعز صديقة عند آيا من قبل .....
ماري : من قبل ؟؟
راي : ايه لاننا انا ويونا غطينا عليك .... صح يا آيا ؟؟
آيا : هههه يا الله عليكم .. ماري هذولا اصحاب أكيرا ... توما , سوما , مورا .....
ماري : تشرفت ...
مورا : احنا اكثر ..
أكيرا : وش رايكم بماري ؟
سوما : ليه وانت بعد تعرفها ؟؟
أكيرا : ما علمتك ان ماري اختي التوأم ...
الكل : ( نااااااااااااااانيييييي ) شلوووووووووووووووووون ؟!
أكيرا يضحك : ايه ما تشوفون الشبه اللي بيني وبينها ....
مورا : الحين عرفنا من اللي توسط بين آيا واكيرا .....
توما : قايل لك .. انا ...
سوما : توما كان يكذب علينا ...
توما : هيه هيه وين حقوقي يا اكيرا دافع عني شوي ...
راي : خير انت وياه ما بقى الا تحكون في توما وبعدين ماري توها جاية من سفرها يعني اللي متوسط بين اكيرا وآيا هو انا وتوما .....
توما : وانتي وفد مرافق .... بس انا وشوله انتي ...
راي : شوفو ... اجل اقلبو عليه ما يستاهل ...
ويضحك الكل .... ويمر اليوم على كذا يطلعون البنات ويروحون شلة اكيرا إلا توما ...
توما : أكيرا انا ما خبرت ان عندك اخت ..
أكيرا : شفت شلون طلعت فجأة ...
توما : كلمني بجد ....
أكيرا يعلمه السالفة ...
توما : شلون صار هذا كله واحنا ما ندري ....
أكيرا : ما حبيت تكبر السالفة ...
توما : واهلك ؟؟
أكيرا : الحين افكر ..... بس بخليها تعيش عندي ...
توما : بيجي يوم وتشتاق تشوفهم وتقعد معهم ..
أكيرا : صعب يا توما ... اخاف تزل وتقول شيء عن آيا والكل يعتقد الحين ان آيا من نفس طبقتي ...
توما : حذّرها .... وقولها السالفة ...
أكيرا : انا ما بعد رتبت افكاري .... راح اشوف وش انسب شيء واسويه ....
توما : واذا بغيتني بشيء لا تتردد ....
أكيرا : مشكور يا الغالي ....
ويروح توما ... ومن بكره يطلع اكيرا من المستشفى ويقعد في البيت لمده اسبوعين ..
وبعد مرور شهر .....


احداث الفصل الثامن ::
الجزء الاول :
آيا : يوه وش البس ؟؟ حفلة فخمة ؟ يعني كل اللي فيها راقين مره .. آآه وش احسن فستان ؟؟
............
أكيرا : هذا اندو ولد عمي الوحيد ....
آيا تفتح عيونها : ولد عمك ؟
الجزء الثاني :
آيا : اجل وش بغيتني فيه ؟؟
أكيرا ما يعرف كيف يدخل في الموضوع .. يلتفت على آيا وبحماس : آيا فرضاً فرضاً ... بغت ماري تشوف اهلي .. وش اسوي ؟؟
.............
ماري : ليه فيه شيء يفرقكم ؟؟
آيا : ما ادري هو يفرقنا او لا .. بس الاحتمال الاكثر انه بيفرقنا ...
الجزء الثالث :
أكيرا يتلفت عليه : الغلط مني ؟!
نيزو بعتاب : انت وينك عن امك ... ما تحس انها محتاجه لك ..
.............
أكيرا يرفع راسه وهو يشوفها ....
آيا : بقولك الصدق يا اكيرا ... انا خايفة ... خايفة اني اقربـ.. منــــــك ...
الجزء الرابع :
آيا : يا الله توني ادري ... عشان كذا صار اكيرا بهالشكل يبيني احس ....
...........
آيا بدت تصيح : أكيرا .... أكيرا
أكيرا : نعم وش فيك ... آيا انا هنا ...

وصلنا للفصل الثامن وان شاء الله بعد هالبارت والبارت اللي بعده راح تطول البارتات وعساها ترضيكم ........

هكذا هي القصة ؟! (( الفصل الثامن – الجزء 1 ))
ماري : اكيرا ...... اكيرا يله قوم ..... بتتأخر على المدرسة ......
أكيرا : يا الله ساعتي ما نبهتني خليني انوم شوي ....
ماري : من سنه وهي ترن انا قمت من النوم بسببها ... وانت ما تحس ؟؟
أكيرا : كم الساعة طيب ؟؟
ماري : سبع ...
اكيرا يفز من السرير : نعم سبع ؟!
ماري : ايه يا كسلان ...
ويقوم أكيرا سريع سريع يلبس ويخلص ويتوجه للمدرسة ...
اكيرا : صباح الخير ..
آيا : مساء الخير .... صرت هاليومين كسلان ما تجي مبكر ...
أكيرا : الا قولي من جتني ماري ... كثر التعب وصرت احتاج لنوم دائم ..
آيا : دخلت ماري للدراسة الخاصة ؟؟
أكيرا : ايه والحين مستقرة امورها .....
آيا : تمام ...
ويمر اليوم على كذا ...
الطلعة :.
يرن جوال اكيرا ...
اكيرا : هذا اخوي ...
آيا : رد عليه شوف وش عنده ..
اكيرا : الوه ...
نيزو : الوه السلام ..
أكيرا : وعليكم السلام ...
نيزو : أكيرا اليوم فيه الاحتفالية .... لازم تحضر انت وآيا ..
أكيرا : وليه آيا ؟؟
نيزو : مو رفيقتك ؟؟
اكيرا توه يذكر : هه كنت امزح معك...
نيزو : اوكي الموعد الساعة 8 الليل ...
أكيرا : وبتجي زوجتك ؟؟
نيزو : اكيد .... يله مع السلامة ....
ويسكر اكيرا السماعة ....
آيا : وش يبي منك ؟؟
اكيرا : كنت ناسي ان اليوم الاحتفالة بمناسبة ترقية اخوي ..
آيا : وهو ولد المدير بعد فيه ترقية ... ؟؟
أكيرا : ايه ابوي ما يعطينا المناصب الكبيرة عشان كذا يخلينا نتنافس في العمل من اللي بيصير في منصب ابوي انا ولا اخوي .. لكن انا ما يهمني بخلي اخوي ياخذ منصبه ... ولا ودي حتى اشتغل في شركة ابوي ابد ...
آيا : وليه ما عندك روح التنافس ؟؟
أكيرا : روح التنافس ؟؟ تنكتين انتي ؟؟
آيا : لا
أكيرا : المهم تراك بتروحين معي ؟؟
آيا : وش دخلني ؟؟
أكيرا : لازم .. اكيد مو انتي رفيقتي .. على العموم جهزي نفسك لحفلة فخمة ...
آيا : طيب .. لكن ماري وش بتقول لها ؟؟
أكيرا : بقول ان عندي حفله .... عادي
آيا : يعني اقصد .. ان الحفلة لاخوك ويعني
أكيرا : ما راح اقول انها لاخوي .... بقول حفله وبس .... خلاص انا بأعرف اتصرف معها .....
آيا : اوكي
يوصـّل اكيرا آيا لبيتهم .. ويروح البيت ...
ماري : وراك اليوم طوّلت ..؟؟
أكيرا : معليش آسف .... تراني جوعاااان
ماري : الحين احطه على السفره يله روح وبّدل ملابسك ....
في بيت آيا :.
آيا تفتح الدولاب ...
آيا : يوه وش البس ؟؟ حفلة فخمة ؟ يعني كل اللي فيها راقين مره .. آآه وش احسن فستان ؟؟
ينطق الباب ..
آيا : ادخل
جولي : آيا يله الغدا ..
آيا : طيب شوي وانا جاية ..
جولي : اوكي
آيا : لحظة جولي
جولي : نعم
آيا : شوفي ابيك تدورين لي فستان مره حلو ..
جولي : وين ؟؟
آيا : من فساتيني اللي في الدولاب .
جولي : وع كلها شينه ...
آيا : بس انا بروح لحفلة فخمة وش اسوي ...
جولي : خلاص نطلع اليوم السوق ونشتري فستان ...
آيا : اوكي اجل لا ننوم اليوم القيلوله ونروح بعد الغدا ...
جولي : اوكي ... بس يله الغدا برد ...
آيا : اوكي .... جاية ...
في بيت أكيرا :.
وهم يتغدون ...
أكيرا : ماري انا اليوم طالع
ماري : وين ؟؟
أكيرا : فيه حفلة بأحضرها ..
ماري : زواج ؟؟
أكيرا : لا حفله بسيطة ....
ماري : ومتى بترجع ؟؟
أكيرا : بأرجع متأخر شوي عشان كذا نومي ...
ماري : طيب بيروح معك احد ؟؟
أكيرا : ايه آيا ..
ماري : يعني المناسبة عند آيا ؟؟
أكيرا : لا آيا ولا انا ... واحد من زملائنا ....
ماري : اها ..
أكيرا بابتسامه : تسلم يدك على الغدا الذيذ شبعت ..
ماري سعيده : بالعافية ..
اكيرا يوقف : يالله انا بروح اغسل و اطلع انام ...
ماري : اوكي ..
ويروحون آيا وجولي للسوق ويشترون فستان ويرجعون للبيت ....
الساعة 8 :.
أكيرا : انا طالع تبين شيء ؟؟
ماري : سلامتك ...
في بيت آيا :.
جولي : ما قلتيلي وش حفلته ؟؟
آيا : اذا رجعت قلت لك ... يله مع السلامة أكيرا ينتظري تحت ...
جولي : مع السلامة
وتطلع آيا وتروح مع اكيرا للحفلة ...
نيزو : هلا بأخوي وآيا ..
أكيرا : عسى ما تأخرنا ..
نيزو : لا وقتكم مره تمام .... انسة آيا كيف حالك ؟؟
آيا تبتسم : تمام
نيزو : صايرة اليوم مره حلوة
آيا : من ذوقك ..
أكيرا : وين زوجتك ؟؟
نيزو : هناك روحي لها يا آيا ...
وتروح آيا لزوجة نيزو وأسمها " شيري " ....
آيا : السلام عليكم ...
شيري : وعليكم السلام ..
آيا : انا آيـا رفيقة أكيرا ...
شيري : هلا والله كان ودي اشوفك من زمان لكن معليش الظروف ما سمحت لنا ...
آيا : ايه ما عليه عادي ...
شيري : اعرّفك على صاحباتي ... هذي صديقتي في الكلية "مايو" والثانية صدقتي في الجامعة الامريكية " كاثرين "
آيا تنحني : تشرفت ...
شيري : اتمنى تستمتعين في وقتك في الحلفة ...
آيا : شكرا .....

وتلتفت آيا وتشوف " ماكو " وصديقتها << البنت اللي ورطتها ذاك اليوم في الشركة ..
ماكو تأشر لها ...
آيا : مرحبا ...
ماكو : هلا بك ...
آيا : وانتم بعد حاضرين ؟؟
ماكو : ايه هذي المناسبة مهمة ...
آيا تبتسم ...
ماكو : تدرين عم أكيرا بعد ترقى لكن غريبة ما سوو حفلة بهالمناسبة ....
آيا : أي عم ؟؟
ماكو : اصلا العم " ساسو" ما عنده إلا اخو واحد وهو " ديجير " ...
آيا : الحين اكيرا بس عنده عم واحد .... ؟؟
ماكو : ايه
صديقة ماكو : انا اعرف ليش ما سوو له حفلة بمناسبة ترقيته ...
ماكو : ليه ؟؟
صديقة ماكو : سمعت ان وظيفته المفروض لبنت ساسو لكن لان ساسو ما رزق ببنت صارت الوظيفة للعم ..
ماكو : والله ؟
آيا في نفسها : شلون ؟؟ الوظيفة المفروض لماري ؟؟ معقوله هذا السبب ؟!!
ماكو : آيا وش فيك ؟؟
آيا : لا لا ما فيه شيء ..
ماكو : شلون عرفتي ؟؟
صديقة ماكو : سر ... على العموم الموضوع لا يطلع خلاص يا بنات ..
ماكو وآيا : طيب ...
وبعد فتره راحت آيا لأكيرا ...
آيا : أكيرا فيه موضوع مره مهم ابي اكلمك عنه ..
أكيرا : خلاص بكره في المدرسة ...
آيا : لا لا ما ينفع في المدرسة
أكيرا : اجل بكره بعد المدرسة في البيت ...
آيا : لا لا
أكيرا : وش فيك مرتبكه ؟؟
آيا : خلينا اليوم نطلع من الحفلة مبكرين لان الموضوع جد مهم ...
أكيرا : اوكي خلاص بأدق عليك ونطلع روحي الحين مع البنات ...
آيا : اوكي ...
أكيرا في نفسه : وش فيها ؟؟
ولد عم أكيرا : أكيرا ~
أكيرا : جايك ...
ولد عمه : وين من زمان عنك
أكيرا : انت القاطع...
ولد عمه : معليش انشغلت شوي مع الدراسة ....
أكيرا : من متى رجعت من ايطاليا ...
ولد عمه : مو من زمان يعني من اسبوعين ...
أكيرا : ورا ما علمتني ...
ولد عمه : معليش اعذرني .... صح مبروك الترقية لنيزو ...
أكيرا : واردها لك في عمي ..
ولد عمه : عقبالك ...
أكيرا : ايه ما فيه امل ما احب الشغل في الشركة ....
ولد عمه : ليــه ؟!
أكيرا : نيزو يكفي ..
ولد عمه : مع ان رتبت ابوك هي الاعلى المفروض تتنافس عليها مع اخوك ...
أكيرا : يا " اندو " انا اكره التجارة وتبيني اشتغل فيها .... اقول غيّر الموضوع لاني احس بطفش ...
أندو : طيب على راحتك ..
أكيرا : اوكي تعال ناكل من المشاوي ...
أندو : طبعك واحد الى الان وانت تحب المشاوي ..
وهم ياكلون تجي آيا ....
آيا : أكيرا ؟؟
أكيرا : نعم
آيا : متى ؟؟
اكيرا يمسك آيا ويوقفها قدام اندو ...
أكيرا : أندو هذي رفيقتي اعرّفك عليها واسمها آيا .....
أندو : تشرفت ...
آيا باحراج : وانا بعد ...
أكيرا : هذا اندو ولد عمي الوحيد ....
آيا تفتح عيونها : ولد عمك ؟
أكيرا : فيه شيء ؟؟
آيا : لا لا لا ... اقصد اني توني ادري ان عند عمك ولد ...
أكيرا : هو نفس عمري لكن اكبر مني بأربع شهور ..
أندو : اترككم ..
ويروح ...
آيا : اكيرا الموضوع لازم اقوله لك الحين ...
أكيرا : طيب خلاص يله خلينا نروح ....
ويركبون السيارة ..
أكيرا : وش عندك ؟؟
آيا : خلينا نجلس في مكان هادي ..
أكيرا : اوكي ...
ويوقفون عند النهر ...
أكيرا : اظن ان هالمكان هو احسن مكان للكلام ...
آيا : بأبدا مباشرة ...
أكيرا : وش فيك ؟؟
آيا : أكيرا ماري من سكنت عندك ما قالت لك شيء ؟؟
أكيرا : مثل ايش ؟؟
آيا : رسالة الشخص اللي متبنيها ..
أكيرا : لا بس هي قالت وش جواها ....
آيا : وش قالت ؟؟
أكيرا : انها درت ان اسمها مارينو وانه مو ابوها وانه تبناها وكذا ...
آيا : ما قالت لك من اللي خلاها تروح بالقطار .. ؟؟
أكيرا : لا .. وش السالفه من اولها ؟؟
آيا : انا ما ابي افتن بينك وبين عائلتك لكن اليوم سمعت شيء من البنات وكان هو السبب في ابعاد ماري عنكم ..
أكيرا : ابعاد ماري عنا ؟؟ يعني فيه احد مخطط لهالشيء ؟؟
آيا : اسمعني بعناية ...
وتقول آيا السالفه من طقطق للسلام عليكم ...
أكيرا متفاجئ : عمي يسوي كذا ؟؟
آيا : ماني متأكده لكن يوم سمعت اللي قالوه البنات تأكد لي شكي ....
أكيرا مصدوم : مو معقول ؟!
آيا : أكيرا فكر بهدوء ورتب افكارك .... راح يجي اليوم اللي تقول ماري فيه ابي اقابل اهلي ... ويمكن يصعب الموضوع اكثر ....
أكيرا : آيا يله بأرجعك للبيت ....
وتوقف ويمشي قدامها ..
آيا : آسفه اكيرا ...
أكيرا يلتفت عليها ويبتسم : ( اريجاتو ) اشكرك ...
ويروح يودي آيا للبيت ويروح يجلس في الحديقة ..
أكيرا : عمي ؟؟ هو الليـ ....
آيا تجلس في الغرفة ..
آيا : اللي سويته صح ولا غلط ؟؟ يا الله وش سويت انا ؟؟ ليه استعجلت ؟
وتدق آيا على اكيرا ....
الجوال : ان الهاتف المطلوب لا يمكن الاتصال به الآن ..
آيا : يا الله وينه ؟؟
أكيرا : لازم اعرف من نفسي ...
يمشي اليوم على كذا ..
ومن بكره في المدرسة :.
آيا : أكيرا عن اللي قلته لك امس ..
أكيرا : لا تقولين شيء ..
آيا : لكــن ...
أكيرا : زين انك علمتيني وانا راح اتصرف صح ...
آيا : انا ما اقصد كذا انا يعني اقول اخاف شيء ما يكون صح وكذا .....
أكيرا : بعد راح اعرف اذا كان ظنك صحيح ولا لا .... لا تخافين وتشيلين هم ...
وتصفر ::
وبعد مرور الوقت ..
يطلع اكيرا من المدرسة للبيت ويشوف ماري قاعده تزين له غدا ..
أكيرا : يمكن اتأخر شوي فوق ناديني بدون ما ترقين ...
ماري : اوكي ...
يرقى اكيرا ويبدل ملابسه ويروح لغرفة ماري ... يدور في الدروج وكل مكان لين لقى الرساله .. يفتحها ويقراها ...
ماري : أكيرا ~ أكيرا ~ يله الغدا جاهز ....
أكيرا : كذا القصة ؟!
ماري توقف عند الدرج ..
ماري : أكيرا ~ وينك ؟
أكيرا يطلع مستعجل من الغرفة ...
أكيرا : جاي جاي انتظري شوي ...
ماري : يله بيبرد ..... استعجل ...
أكيرا : اوكي اوكي ...
ويروح الغرفة ويرجع كل شيء مكانه وينزل يتغدا ..
أكيرا : ماري ..
ماري : نعم .
أكيرا في نفسه : لا لا مو كذا يا اكيرا ... خطأ خطأ
ماري : اكيرا وش فيك ؟؟
أكيرا : لا لا ما فيه شيء ... بس اليوم بأطلع ويمكن اتأخر شوي ...
ماري : وين بتروح ؟؟
أكيرا : عندي شوية اشياء ابي اخلصها ..
ماري : اوكي .. بس اكيرا الاختبارات بتبدا عن قريب لازم تهتم في دراستك ...
أكيرا : اكيد ...
ماري : أكيرا ... ودي اقول لك شيء لكن مدري احسني خايفة ..
أكيرا في نفسه : لا يكون بتتكلم عن الرساله وانا توني ما رتبت افكاري ...
ماري : أكيرا مر اكثر من شهر وانا معك في هالبيت .. انا ودي واتمنى شيء بس اخاف انك ترفض
أكيرا : قولي ...
ماري : انا ودي اشوف اهلي ...
أكيرا تطيح منه الشوكه ويشوفها بدهشه ...
ماري خايفة : خلاص خلاص انسى الموضوع ....
وتقوم من السفرة وترقى فوق لغرفتها ...
أكيرا : اللي كنت خايف منه حصل وفي هذا الوقت .... وش اسوي انا الحين ..... ؟
ويقوم اكيرا ويطلع من البيت ....
ماري تطل عليه من الدريشة ...
ماري : يا ربي يا ليتني ساكته هذا هو حمق وطلع من البيت ... يوووووووه ....


احداث الجزء القادم ::
أكيرا : لكن يا آيا انتي ما تخافين اننا ننفضح ....
آيا : احرمها من اهلها عشان فضيحتي .... هذي انانية يا اكيرا ..
.....................
آيا : اذا كنت خايف اني ادري بالموضوع ترا هذا الموضوع يخصنا احنا الثلاثة ... عشان كذا ابيك تكون يا اكيرا انت المتفرج ...
أكيرا : متفرج ؟ شلون ؟؟


والله ما لقيت اقتباسات كوكمينا ساي





نراكم في الجزء القادم ان شاء الله

الاحتمال الاكثر اننا سنفترق .. (( الفصل الثامن – الجزء 2 ))


أكيرا يروح لخادمهم << اللي قد تكلم معه عن ماري .....
أكيرا : ابيك ضروري ...
الخادم : طيب انا وراك ....
يروحون ويجلسون في الحديقه ...
أكيرا : قول لي ابوي قد قال شيء عن ماري في ذاك الوقت ....
الخادم : من أي ناحية ؟؟
أكيرا : مثل منصب او وضيفة ؟؟
الخادم : تكلم عن هذا الشيء لكن هو موضوع قديم ...
اكيرا : قول لي ... منصبها الحين لمين ؟؟
الخادم : عمك السيد " ديجير " ... بعد فقدان مارينو اخذ المنصب بأمر من سيدي ...
أكيرا في نفسه : اجل القصة صارت صحيحة ...
أكيرا : طيب خلاص مشكور ......
ويروح اكيرا ويطلع برا ... والخادم يشوف اكيرا وهو مرتبك .....
أكيرا : وش اسوي الحين ؟؟
يروح اكيرا لتوما ويقول له السالفة ....
توما : تبي تقابل اهلها ؟؟
أكيرا : ايه .. وش اسوي ؟؟
توما : وش صار في الموضوع من حقها انها تشوف اهلها وتتقرب منهم ...
أكيرا : انت ما فهمتني صح ...
توما : علمني وش عندك اجل ؟؟
أكيرا : انا خوفي ان ماري تزل عند اهلي عن موضوعي انا وآيا وانت عارف اني حاط ان آيا من عائلة غنية .... وماري تعرف اصل آيا ..
توما : ولين متى ناوي تخلي ماري كذا عندك ؟؟
أكيرا : انا عشان كذا ابيك تعلمني وش اسوي ؟؟
توما : انت دايم تحل مشاكلك بنفسك .. لهالدرجة هالموضوع صعب ..؟؟
أكيرا : ايه ...
توما : طيب اسمع .. لو قلت لماري عن موضوعك انت و آيا راح تتفهم المشكلة وماري تحب آيا ومستحيل تسوي شيء يضرها ... وانت بعد لا تنسى انك اول واحد تشوفه من اهلها وهي تحبك ومستحيل تخّرب عليك سعادتك ... ماري عايشة مثل عيشة آيا وانزل بعد .. ما اظن انها تسوي شيء .....
أكيرا : انا مو قصدي ان ماري بتقول لهم الحقيقة ... لكن انا اعرف اهلي زين ... بيروحون يدورون على ارشيف حياتها واكيد راح يعرفون ان عندها صديقة اسمها آيا ....
توما : والحين العالم كله ما فيه بنت اسمها آيا غير آيا ..... أكيرا لا تحط في بالك شيء وبعدين حتى لو عرفو ان عندها صديقة اسمها آيا هم بيلقون لها صورة او شيء ؟ .... أكيرا رتب افكارك وصدقني الامور بتهون .....
أكيرا : ما اعرف ...
توما : روح وارتاح وفكر بهدوء .. وشوف وش بتسوي وفكر في كلامي زين ... و اذا بغيت مني أي شيء حاضر ..
أكيرا : مشكور توما .... ريحتني شوي ...
توما : انا حاضر في أي وقت ...
اكيرا : يالله انا ماشي تآمر على شي ..
توما بابتسامه : تسلم ما ابي الا سلامتك ..
اكير ا: الله يسلمك مع السلامه ...
يقوم اكيرا ويرجع للبيت .....
اكيرا: ماري انا بنوم قوميني بعد ساعة ...
ماري : اوكي ...
ويرقى اكيرا فوق ..
ماري بتساؤل : وش فيه ..... الله يستر .... يووووه
الساعة 5 العصر :.





يتبع

ينزل اكيرا من الدرج ...
أكيرا : انا طالع ....
ماري : اكيرا ... ابي اروح للسوبر ماركت ..
أكيرا : اوكي خلاص خذي بطاقة الصراف حقتي تلقينها فوق ... تبين شيء ثاني ؟؟
ماري : لا ولاشيء ..
أكيرا : اوكي انتبهي لنفسك ولا تتأخرين ...مع السلامة ....
ماري : شكله هدا .... الحمد للـــــه ...
يروح اكيرا للنهر ..
آيا : عسى ما تأخرت عليك ..
أكيرا : لا ابد توقيتك صحيح ... اجلسي .
أيا : وش عندك ؟
أكيرا : آيا انا تأكدت من الموضوع وصار الموضوع صحيح ..
آيا : طيب وش بتسوي ؟؟
أكيرا : و الله مدري ربي يحلها ..
آيا تناظره بتعجب : الحين مناديني عشان تقولي ربي يحلها !!
اكيرا محتار : لا و الله ..
آيا مستغربه: اجل وش بغيتني فيه ؟؟
أكيرا ما يعرف كيف يدخل في الموضوع .. يلتفت على آيا وبتردد : آيا كنت بأخذ رايك لو ماري طلبت مني انها تشوف اهلي .. وش اسوي ؟؟
آيا : ليه هي طلبت منك انها تشوفهم ؟؟
أكيرا : يابنت الحلال قلتلك لو... قولي وش اسوي ؟؟
آيا بكل هدوء: اكيد تخليها تشوف اهلها هذا من حقها ....
أكيرا بضيق: لكن يا آيا انتي ما تخافين اننا ننفضح ....
آيا طلعت عيونها : احرمها من اهلها عشان فضيحتي .... هذي انانية يا اكيرا ..
أكيرا يناظرها: طيب يمكن ندّخل في مشاكل مالها آخر ... ونفترق ..
آيا تجلس مقابلته : أكيرا اسمعني ..
أكيرا بجديه : وشو ؟؟
آيا تكلمه بكل ثقه : هل انت واثق ان كذبتنا راح تستمر ؟؟
أكيرا يهز راسه : وليش ما تستمر من بيكشفنا ؟
آيا : يعني بعيش انا على اسم عائلة ثانية .... ولين متى بجحد اهلي ..
أكيرا يبرر : انا ما كان وديـ....
آيا تحط يدها على فم اكيرا : صدقني يا اكيرا بيجي يوم ويكشفون كذبتنا .. ويمكن نفترق ... ويمكن بعد يتفهّمون الموضوع ... هذا الشيء حاصل عاجلا ام آجلاً .... انا عارفة انك ما تبي ان ماري
تشوف اهلها عشاني ..... عشان كذا لما تطلب منك هذا الشيء صير مستعد له وقول لها طيب ...أكيرا ماري انحرمت من اهلها سنين كثيرة ولما لقتهم ما تقدر تعيش باقي حياتها معهم .. لا لا
مستحيل انا ما ابي اصير انانية وما يهمني غير نفسي .. انا كنت اترقب طلبها... عشان كذا فكرت كثير ... ولقيت الطريقة الانسب ....
أكيرا : وش هالطريقة ؟؟
آيا : لما تطلب ماري منك ... راح اعلمك ....
أكيرا بارتياح : طيب .. لما يجي الوقت بأتصل عليك ....
آيا تمسح على راسه بحب : اكيد هذا الموضوع اللي شاغل بالك و حاس انك مشوش ..
وبابتسامه قالت :لاتاكل هم ترى الحل بسيط ....
أكيرا مسك يدها اللي كانت على راسه و باسها : تقدرين تقولين ....بس بعد كلامك احس اني شوي ارتحت ..
اكيرا يمسك يد آيا و يوقفها : اش رايك نروح نتمشى شوي ....
آيا باستسماح : لا و الله ما اقدر انا لازم اروح الحين ليونا طالبتني قبلك ....
أكيرا تضايق شوي : ياخساره ......
آيا رحمته بس مابيدها حيلة: آسفة اني ما قبلت لك طلبك ....
أكيرا حس انو مابيدها حيلة : لا لا عادي اصلا كنت ناوي اروح لسوما بعد ....بس قلت نتمشى شوي ..
آيا : طيب كويس ريحتني يالله مع السلامه ....
أكيرا بابتسامه:مع السلامة ....
ويجلس اكيرا .... وتروح آيا ...
أكيرا : الله يخليك يا آيا ماعمري شفت مثل طيبتك و قلبك الطاهر ..




يتبع ..

تنهد بعمق : الحمد الله احس ان الموضوع هان و الحين عرفت وش بسوي .... بس يبغالي ارتاح شوي و ارتب افكاري ...
يرجع أكيرا للبيت ....
أكيرا : ماري ~
ماري : نعم
أكيرا : تعالي ابي اكلمك شوي ..
ماري تجلس عنده : وش عندك ؟
أكيرا : بخصوص الموضوع اللي قلتيه لي ....
ماري : أي موضوع ؟؟
أكيرا : متى تبين تشوفين اهلي او .. اهلك ؟؟
ماري : اذا كان الموضوع يزعجك خلاص انا ..
أكيرا يقطع كلامها : متى ؟
ماري : متى ما بغيت ...
أكيرا : الاسبوع الجاي يناسبك ؟
ماري : هذا يعني بعد يومين ؟؟
أكيرا : ايه .. اذا ما عجبك وقت ثاني ...
ماري : لا لا مو كذا قصدي
أكيرا : شلون ؟
ماري : خلاص اوكي ... لكنـ..
أكيرا : نتكلم عن الموضوع في وقت ثاني ... انا بروح احل واجباتي ..
ماري : طيب ...
ويروح اكيرا ويرقى فوق ....
ماري : يا ربي وراني مرتبكه و انا اتكلم معه ؟؟ بأكلم على آيا واقولها ...
وتروح ماري وتدق على آيا ... وتعلمها الموضوع
آيا : بعد يومين ؟؟
ماري : ايه ... بس ما ادري عن اكيرا احسنه ما يبيني التقي بأهلي ...
آيا : ليــه ؟
ماري : كذا احساس ..
آيا : ماري فيه موضوع ابي اعلمك اياه ....
ماري : وشو ؟؟
آيا : خلينا نلتقي عند النهر ...
ماري : اوكي ..
آيا : باي ..
تسكر آيا السماعه وتدق على يونا .....
آيا : الو
يونا : هلا
آيا : حبي آسفه والله ما اقدر اجيك الحين .....
يونا : ليه ؟؟
آيا : شوفي باجيك بعدين بيني وبينك اتصال ...
يونا : اوكي انتظرك ....
تسكر آيا السماعه وتتنهد ......
عند ماري ::
ترقى لفوق ....
ماري : أكيرا انا طالعة ...
أكيرا : وين ؟؟
ماري : بروح لآيا .....
أكيرا : آيـــا ؟!
ماري : وش فيك ؟
أكيرا : لا لا ابدا خلاص روحي ...
ماري : باي ..
يدق اكيرا على آيا ....



يتبع ....

أكيرا : آيا وش عندك مع ماري ؟؟
آيا : ابي اتكلم معها .. ليه فيه شيء ؟؟
أكيرا : هاه لا ولا شيء ....
آيا : انا من مده ما شفتها وودي نسولف مع بعض ...
أكيرا : وين ؟؟
آيا : عند النهر ...
أكيرا : طيب خلاص اوكي .... مع السلامة ..
آيا : انتظرك
أكيرا : نعم !
آيا : تعال لنا بعد ساعة ...
أكيرا : وشوله ؟
آيا : كذا ...
أكيرا ابتسم : اوكي ........
تروح ماري لآيا ويقعدون ...
ماري : وش الموضوع اللي تبيني فيه ؟؟
آيا : ماري تعرفين من متى انا واكيرا صرنا ارفقاء ؟؟
ماري : لا بس اظن من مده طويله ..
آيا : شهرين ونص تقريبا بس ...
ماري : والله ؟؟
آيا : ايه لكن في هذي المده القصيرة صارت اشياء كثيرة ...
ماري : توقعت انها اطول من كذا ....
آيا : اكيرا يخاف اننا نفترق ..
ماري : ليه فيه شيء يفرقكم ؟؟
آيا : ما ادري هو يفرقنا او لا .. بس الاحتمال الاكثر انه بيفرقنا ...
ماري : وش هذا الشيء ؟؟
آيا : بأعلمك شلون كانت حياة اكيرا اللي انتي ما تدرين عنها وبأعلمك شلون اجتمعنا .... وشلون كذبنا ..
ماري : كذبتو ؟!
آيا : اسمعيني لين النهاية .....
وتقول لها آيا السالفة .....
ماري : شلون ؟! آيا انتي واكيرا ...
آيا : ايه .. هذا اللي حصل ..
ماري : ليه سويتو كذا ؟؟
آيا : هذا السؤال ما يوجه لي يوجه لاكيرا ... واكيرا ما كان يدري ان عنده اخت توأم له .. وما كان يدري ان اخته تكون صديقه لي وما توقع اشياء كثيرة .. كان يحسب ان الامور سهله لكن مع مرور الوقت كل مره يصعب الموضوع .. انا ودي ابعد كل هموم اكيرا لكن ما بيدي شيء اسويه واذا اعترفت لاهله راحـ .....
ماري تقطع كلامها : انا فاهمة ...
آيا : عشان كذا اكيرا كان خايف انك تقابلين اهلك .. يخاف تزلين وينفضح الموضوع ... لكن انا ما راح اخليه يسوي هذا الشيء ...
ماري : انا قلت لك اني بأقابلهم بعد يومين ....
آيا : ماري .. ابيك تسوين اللي اقولك اياه عشان يرتاح اكيرا ..
ماري : اللي تبينه بأسويه ....
وشوي يجي اكيرا ...
آيا : انت جيت ؟
ماري : اكيرا ...
أكيرا : ما تبون كافي خذوه حار ..
آيا : شكرا ..
ويعطيهم الكافي ويجلس جنبهم ....
ماري : اكيرا انا باعرف اتصرف لما اقابل اهلي ....
أكيرا : نعم ..؟!
آيا : اكيد راح تتصرف صح .....
اكيرا : ماري ~



يتبع ...

آيا : اذا كنت خايف اني ادري بالموضوع ترا هذا الموضوع يخصنا احنا الثلاثة ... عشان كذا ابيك تكون يا اكيرا انت المتفرج ...
أكيرا : متفرج ؟ شلون ؟؟
آيا : بكره راح اعلمك ....
ويمر اليوم على كذا ويجي من بكره وتعلم آيا اكيرا معنى كلامها .......
يوم اللقاء ::
ماري جالسة هي واكيرا على الطاوله الصباح
ماري في نفسها : اليوم الاحد ....... يعني اليوم بشوف اهلي ...
اكيرا : ماري كلي فطورك ...
ماري : اه آكل آكل ...
أكيرا : مستعده نفسياً وعقلياً ... ؟؟
ماري : وش هالكلام اللي قاعد تقوله ؟
أكيرا : اسأل عن حالك الحين .. لاني ما اشوف ان صحنك تغير ....
ماري : لا لا بس كنت سرحانه شوي ...
وينطق الباب ... اكيرا يقوم ويفتحه ....
آيا : صباح الخير ...
أكيرا : صباح النور ...
آيا : افطرتو ؟؟
أكيرا : قاعدين نفطر ....
آيا : يوه شكلي تأخرت .... على العموم انا جاية افطر معكم وجايبه معي وجبه ....
أكيرا : ليه ما دقيتي وقلتي لنا ....
آيا : حبيت اخليها مفاجئة ... يله ما ودك تدخلني تراني ميته من الجوع ....
وتدخل آيا وتروح تسلم على ماري ....
أكيرا يشوفها ويبتسم : مفاجئة اجل ... هه هه
آيا : متى بتروحون ... ؟؟
أكيرا : الساعة 2 الظهر حلو عشان اتغدا عند امي ...
آيا : هاه يا ماري مستعده ؟؟
ماري : اكيد ....

احداث الجزء القادم ::
ماري تحط يدها على قلبها
ماري : وش هالاحساس ؟؟
.........................
يفصخ اكيرا جيكيته ويحطه على آيا ...
أكيرا : ليه ما نمتي فوق يا آيا ؟؟ كذا يمكن تمرضين بسبب البرد ...
..........................
أكيرا : آيا انتهت هذي السنة ؟؟
آيا : لا تونا في وسطها ....
أكيرا : اجل فيه امل ... آيا خلي الامل شعارك وراح تنتصرين على الظلمة ... انا ما قلت لك هذا الكلام من قبل ؟
............................
أكيرا : محبوبتي آيا ..... اوصلك للبيت ؟




القاكم الجزء المقبل قراءهـ ممتعهـ وشيقهـ ...

نني خائفة ان اقتربـ... منك ....(( الفصل الثامن – الجزء 3 ))

الساعة 2 الظهر :.
وصل اكيرا لبيت اهله ..
رن الجرس و فتحت له الخادمه : سيد اكيرا تفضل ..
دخل أكيرا : وين المدام ؟؟
الخادمة : في الصالة جالسه مع السيد نيزو ...
أكيرا بتساؤل : نيزو موجود ؟
الخادمة : ايه لكن زوجته مو معه ....
اكيرا : اوكي ..
توجه اكيرا للصالة
وشاف امه واخوه يسولفون....
الام لما شافته فرحت : اكيرا ؟ وش هالمفاجئة ... ؟؟
أكيرا بابتسامه : حبيت اتغدا عندك اليوم ..و عشان اشوف اخوي بعد ...
الام مبسوطه بقدومه : حياك الله ياحبيبي ..
نيزو : مشكور فيك الخير ..
تقدم اكيرا وسلم على امه و جلسو يسولفون عن اخبارهم..
وبعد نص ساعة :.
جات الخادمه : مدام الغدا جهز و حطيناه على السفره ..
الأم : طيب ..
راحت الخادمه ..
الأم تلتفت على اولادها يالله حبايبي الغدا جاهز قومو غسلو ايديكم خلونا نتغدى ..
قامو الشباب وغسلو اديهم و توجهو لصالة الطعام و جلسو على السفره ..
نيزو يكلم امه : مرتاحة مع علاجك ؟؟
الام : ايه مرتاحة ...
اكيرا : وجهك ما عجبني اليوم ...
نيزو : يماه لازم تهتمين في نفسك لا تهملينها ابد ...
الام بحب: قربكم هو اللي يخليني ارتاح ...
أكيرا في نفسه : صدق تحتاجينـ ....
نيزو : شلونك مع آيا ؟؟
أكيرا انتبه : آه .. تمام الحمد الله ... وانت شلونك مع زوجتك ؟
نيزو : امورنا متيسرة
أكيرا بمزح : اجل عجّل ابي اصير عم .. بس بشرط الطفل الاول بنت ...
نيزو : وليه بنت ؟؟
أكيرا : لان هالبيت ما فيه انثى ...
الام : اذا كان ما فيه انثى اجل جيبو لي اللي يملون عيني ...
أكيرا : انا بأجيب 3 بنات وولدين ....
نيزو : خمسة ؟؟
أكيرا : ايه .. وانت ؟؟
نيزو : يكفيني ثنين بنت وولد ...
وشوي وهم يحكون ... الام تمسك راسها
نيزو : يماه انتي بخير ؟
أكيرا : ارقي لغرفتك وارتاحي ..
الام : لا لا انا كذا مرتاحة .... شوي الم في راسي
أكيرا : يماه داخلك برد ؟؟
الام : لا لا ...
وتوها بتوقف الا يختل التوازن عندها ويغمى عليها وتطيح على الارض ..
نيزو واكيرا : يماااااااااااااااااااااه ....
يقوم نيزو ويمسك الام ..
نيزو : اكيرا اطلب الاسعاف بسرعة
ويركض اكيرا ويتصل على الاسعاف .....
نيزو : يماه يماه ردي علي ...
وتجي الخادمة
الخادمة : مداام ... مدام
اكيرا ماسك الجوال وهو يضرب برجله في الارض ..
أكيرا يسأل الخادمه : وش فيها ؟
الخادمة : هي تجيها حالات تعب والدكتور يقول انها يمكن يغمى عليها اذا ضغطت على نفسها ...
وفي مكان آخر ::
ماري واقفة قريب من بيت الجيران ..
ماري : هذا وقتي ؟؟ ادخل الحين ولا انتظر شوي بعد ؟
وتلتفت وتشوف سيارة الاسعاف تمر من عندها ..
ماري تحط يدها على قلبها
ماري : وش هالاحساس ؟؟
وتلتفت وتشوف اكيرا و نيزو شايلين الام ...
ماري مصدومه : وش حصل ؟!
ويركب أكيرا ونيزو مع امهم سيارة الاسعاف ...
ماري تروح للشارع العام تركض وتوقف تاكسي ...
ماري : الحق سيارة الاسعاف هذيك ....
في سيارة الاسعاف ::
أكيرا في نفسه : اشوى ان ماري ما بعد جت ولا درت عن اللي حصل ......
نيزو : الغلط منك يا اكيرا ..
أكيرا يتلفت عليه : الغلط مني ؟!
نيزو بعتاب : انت وينك عن امك ... ما تحس انها محتاجه لك ..
أكيرا : وانت وينك عنها بعد مو امك محتاجة لك ..؟؟
نيزو : انا حالي غير حالك ... انت فاضي ....
أكيرا : وانت من تزوجت وانت لاهي بعد .... وانا ما كنت ادري ان امي تعبانه ولا كان جلست عندها .
نيزو : ليه ما تسأل عن حالها ؟؟
أكيرا : لما اسأل عن حالها يقولون انها بخير ....
ويلتفت مع الجهه الثانية : سكـّر على هذا الموضوع لاننا كلنا غلطانين ..
نيزو يحط يده على وجهه : ايه .. كلنا غلطانين ...
أكيرا : إتصل بأبوي وعلمه
نيزو : علمته وهو الحين في الطريق ..
بعد شوي يوصلون للمستشفى ....ويدخلون ... ويجلس اكيرا ونيزو في الانتظار ...
وبعد10دقائق:: طلعت الطبيبة
أكيرا يقوم لها : شلون امي الحين ؟؟
ماري من بعيد سمعت سؤال اكيرا من الصدمه جلست على الارض و حطت يدينها الثنتين على فمها و عيونها مليانة دموع : امي ؟؟!
الطبيبة : اجهاد بسيط عشان كذا اغمى عليها ..
نيزو : نقدر ندخل
الطبيبة : ايه والحين بتستعيد وعيها ....
نيزو واكيرا : اريجاتو قوزايماس ( شكرا لك )
ويدخل اكيرا ونيزو للغرفة ....
أكيرا توجه لسرير امه ومسك يدها و هو يبكي: آسف ياأمي .... آسف اني مقصّر معك ...
ونيزوبضيق واقف يناظر في اكيرا ..
عند الاستقبال ::
جلست ماري تبكي وهي حاطه يدينها على وجهها ...و فجأه مر من عندها رجال وتبعه رجالين ...
ماري رفعت راسها تشوفهم..
توجه احد الرجلين للإستقبال يسأل عن غرفة ام نيزو ( ريكا)....
الرجال يكلم سيده : سيد ساسو قالو انها في غرفه رقم 4 و راح تفيق الحين
ماري فتحت عيونها متفاجأة : من ..... من منـ ؟! ابـ.. ابــ. ابوي ؟!
يدخل الابو للغرفة .. ويتوجه للام .. واكيرا ونيزو منزلين روسهم ...
الابو يناديها بهدوء : ريكا ... ريكا ؟؟ << اسم الام
وبعد شوي تفتح عيونها ...
الام تناظر المكان من حولها : ساسو .. أكيرا ... نيزو ...
أكيرا يقرب من امه : نعم يماه احنا كلنا هنا ....
الام تتكلم بتعب: لا تروحون ابيكم دائما عندي ...
نيزو : اكيد ما راح نبعد عنك ....

يتبع ..

برا الغرفة :.
ماري توقف متردده : اروح ولا اجلس و اطمن على امي .. لالالا لازم اروح هذا مو وقت مناسب ..و توها بتقوم من مكانها بترجع للبيت..الا و تقابلها آيا ...
ماري : آيـــا ؟
آيا تمسكها مع كتوفها و بتشجيع : هذا وقتك .... هم .. مو كثيره اجتماعاتهم وهذي فرصتك انك تفـّرحين امك برجعتك ...
ماري تمسح دموعها : لكن يا آيا ...
آيا تقاطعها : صيري قوية ... اذا ما سويتيها هالمره راح تندمين ... وراح تقولين يا ليتني سويتها ودخلت ....
ماري : انا خايفة من المواجهة .. خايفة يا آيا ....
آيا : وين الوثوق فيك من قبل .... اشوفك صرتي ضعيفه .. عشان امك ..... واكيــرا ...
ماري تنزل راسها ...
آيا بعتاب : مارينو ... امك .. ابوك واخوانك محتاجينك الحين ... لا تقهرين قلب امك عليك اكثر ...
ترفع ماري راسها وتعكس اتجاها متوجهه للغرفة وتفتح الباب بقوة وتدخل .....
الكل يلتفت عليها .....
أكيرا يفتح عيونه ...
الابو يوقف : من انتي ؟؟
ماري تشوف كل واحد وتمتلي عيونها دموع ... ويوقف نظرها على امها
ماري : ام ... امـ .... امي ؟ اب .... ابـ... ابوي ؟ اخواني ؟؟
ماري تنزل دموعها : انا مارينوووووووووووو .......
وتضرب على صدرها : انا بنتكم
الكل يفتح عيونه ....
الابو : وش هاللي قاعده تقولينه انتي علينا ؟؟
ماري وهي تصيح : انا .. انا بنتكم اللي فقدتوها من 14 سنه .... انا مارينو ...
نيزو متفاجئ : معقوله ؟!
الام تمتلي عيونها دموع : مارينو ... انتي عايشة يا مارينو ...
ماري تنزل منها الدموع : أيـــه انا مارينو ... انا مارينو ساسوووو ......
الابو بغضب : وش الاثبات .. ؟؟
ماري مصدومه : ابوي انت ما تصدقني ؟؟
الابو : لا تقولين ابوي انا بنتي ماتت ..... بنتي مارينو ماتت ....
الام تمسك يد الابو : لا لا تقول ان بنتي ماتت .... بنتي انفقدت بس ....
تلتفت الام على ماري : تعالي تعالي لحضن امك ....
وتروح ماري وتخمها وتصيح عليها .....
الابو ما زال ما صدق : واذا كنتي كذابة ... ؟؟
تبعد ماري عن امها .. وتوقف قدام نيزو ....
ماري : نيزو ؟؟ انت نيزو اخوي اللي اكبر مني بخمس سنوات ...
وتروح وتوقف قدام اكيرا ....
ماري : اكيرا اخوي التوأم .... اخوي الغالي ....
وتروح ماري وتوقف قدام ابوها ...
ماري : ابوي ساسو .... صاحب اكبر شركات اليابان .... الرجل اللي تمنيت شوفته اكثر من اني اعرف نفسي ...
وتروح وتوقف قدام امها ....
ماري : امي ... امي اللي اشتقت طول عمري اني اكون في حضنها الدافئ .... اللي تمنيت اني اعيش كل طفولتي وشبابي معها .... وبين يدينها ..
أكيرا : اذا كنتي انتي صدق اختي ...
ويلتفت اكيرا على ابوه : ليش ما نتأكد من الحمض النووي .. ؟؟
ماري : انا مستعده اثبت لكم بالحمض النووي ....
الابو بصرامه : اجل خلينا نروح ونشوف ....
الام : اذا حتى لو ..
ماري تقطع كلام امها : ثقي بي .... لاني بنتك ..
وتروح ماري مع ابوها واخوانها .... وحللو دم ماري وابوها ...
وبعد الانتظار نصف ساعة ... تطلع الطبيبة ..
الابو : وش النتيجة ؟؟
الطبيبة : اثبتت النتيجة انهـا .... بنتك ...
أكيرا ابتسم : الحمد لله ...
ماري توقف قدام ابوها ...
ماري : احضني يا ابوي لاني محتاجة لحنانكـ ....
ويخمها ابوها وتقعد تصيح عليه .... وبعد شوي يروحون لغرفة الام ...
ويعلمونها السالفة .. وتفرح ماري بجلستها مع اهلها ....
أكيرا يرسل لآيا رسالة ....
في مكان آخر ::
يرن جوال آيا نغمة رسالة .....
آيا تقرا الرساله : [ اختي مارينو الحين بين اهلها .. ^_^] .... الحين ارتحت ...
في المستشفى :.
الطبيبة تكلم الام : تقدرين تطلعين الحين بس لازم تعتنين بنفسك ....
الابو : نيزو انا عندي شغل خذ امك واخوانك وارجعو للبيت ...
نيزو : طيب ....
يرجعون للبيت ويجلسون في غرفة الام ...
الام : مارينو حبيبتي شلون عشتي حياتك ؟
ماري : رعاني واحد ما راح انساه عمري كله ....
الام : وينه نبي نشكره ونعطيه حقه ....
ماري : كنت اتمنى انه يكون معي في لحظة سعادتي .. لكن توفى ...
الام : يا الله ... طيب ليش ما جيتي .... ؟؟ ليش ما جيتي ابكر ؟؟
ماري : انا ما اعرف شيء عنكم وكنت اعتقد انه هو ابوي وهو كل حياتي لكن بعد وفاته ترك لي رساله كتب كل الحقيقة فيها ..... والحين انا جيت باحثة عنكم ...
الام : شلون جيتي في المستشفى .... ؟؟
ماري : بحثت عنكم ورحت للبيت لكن في نفس الوقت جت سيارة الاسعاف ورحت وراها ....
الام : يا حياتي ... عشتي حياة قاسية .. صح ؟؟
ماري تبتسم : ما اسميها حياة قاسية مره .... لان اللي رباني ما قصر علي بأي شيء ..
نيزو : من اللي علمك عنا ؟؟
ماري : اللي يسأل ما يضيع ...
الام : وين اغراضك الحين يا حبي ؟؟
ماري : في المكان اللي اسكن فيه ... وش تبين منها .؟؟
الام : عشان ننقلها .... بتعيشين عندنا
ماري متفاجأه : هاه .... اقصد اني ..
أكيرا يقطع الكلام : طيب هي الحين لازم تدرس وانا ادرس ليش ما تجي وتعيش عندي عشان نذاكر سوا .....
نيزو : ليه وين آيا ما تذاكر معك ؟؟
أكيرا : لا ما اقصد كذا بس ابي اختي معي ..... وابيها تتعرف على آيا بعد ...
ماري : وانا ودي اعيش ما اكيرا ... وبأجي ازور امي دائما وما راح انقطع ولا ابعد عنها ....
الام : ليه يا مارينو ما تبين تعيشين معي ....
ماري : ماما اذا بدا الفصل الدراسي الثاني اوعدك اني اجي واعيش عندك .... بس خليني هالمره مع اخوي ...
اكيرا : هاه يماه رضيتي الحين .....
الام : اذا كنتي بترتاحين عند اخوك ..... خلاص روحي معه لكن لا تقطعين زيارات .....
ماري : اكيد وانا اوعدك ...
أكيرا : طيب انا الحين طالع .... مارينو بتجين معي ولا بعدين .؟؟
ماري : لا بروح معك وبعد عشان نمر وناخذ اغراضي من سكني ....
أكيرا : اجل يله مع السلامة يماه ولا تضغطين على نفسك اكثر .....
الام : خلاص بتصير عندي بنتي وما راح يكون عندي ضغوطات ......
نيزو يبتسم : اكيرا اجل كم بتجيب من بنت .؟؟
اكيرا : على نفس رايي .....
الكل : ههههه
ماري : يله مع السلامة ....
ويطلعون من الغرفة ويركبون السيارة ....


يتبع ...

ماري تتسند وبراحه : وااه اخيرا انتهى كل شيء ......
أكيرا : كل اللي سويتيه من تعليمات آيا ......؟؟
ماري تبتسم : ايه بالتفصيل وحتى جواب الاسئلة ....
أكيرا يضحك : والله وقلتيها يا آيا بصير المتفرج ....
ماري : أكيرا بعد آيا هي اللي قالت لك عن الحمض النووي ....
أكيرا : ايه كل شيء ...
ماري : لكن ودي اعرف شلون آيا جت للمستشفى .... هذا ما كان من الخطة ..
أكيرا : بسبب الرسالة اللي ارسلتها لها ....
ماري : رسالة ؟!
أكيرا : قلت لها ان الاوضاع مو زينه انك تجين .... وقلت ان امي في المستشفى عشان كذا جت للمستشفى ولقتك عارفة على ما اعتقد ....
ماري : يا حبي لك يا آيـــا ......
أكيرا : اضن ان الرأس المدبر الحين ينتظرنا على احر من الجمر ....
ماري : صادق ....
ويروحون للبيت ....
أكيرا : آيا ~ آيـــا ~
ماري : غريبة وينها ؟؟
أكيرا يروح للصالة ويلقاها نايمة على الكنبة ...
أكيرا : هي هنا .... ونايمة ..
ماري : يا حياتي يا آيا تلقاها شايلة هم عشان كذا ما ارتاحت في نومها اليوم ...
أكيرا : لازم اقومها واعلمها اننا رجعنا
ماري : خلها ترتاح ولما تقوم نقول لها عن كل اللي حصل ....
أكيرا : شكلها بردانه ...
ماري : الجو مره بارد .... انا برقا فوق
تروح ماري متوجهه للدرج ...
يفصخ اكيرا جيكيته ويحطه على آيا ...
أكيرا : ليه ما نمتي فوق يا آيا ؟؟ كذا يمكن تمرضين بسبب البرد ...
ويقعد أكيرا مقابل لها يلمس شعرها و يمر على خدها الناعم وهو يشوفها : فنانة حتى في احداث المستقبل تخططين لها صح ... مو مثلي في اصعب الاوقات افقد عقلي ...... دائما كوني كذا
وخليكِ طيبة .. تبقى قريـّبة .. وازرعي قلبك رحمة وخير .. قدمي خيرك .. ساعدي غيرك .. خليك دايما قلب كبــير .. لاني احبك كذا ...
شوي آيا تتحرك وتفتح عيونها …. تفز من الكنبة مرتاعه ..
آيا : أكيرا ؟ رجعتو ؟
أكيرا يبتسم في وجهها : ايه رجعنا ..
آيا بعجله: كيف الاخبار بشر ؟؟
أكيرا يسوي نفسه حزين: مع الاســف …..
آيا منصدمه : معقوله ؟! وش اللي صار ؟!
أكيرا : ماري الحين من اهلي..
آيا تناظره ما فهمته : وش تقصد ؟؟
أكيرا يغمز لها : مع الاسف ان ماري صارت اختي هههههه
آيا تضربه مع كتفه : يووووه لا تمزح هالمزح ضيقت لي صدري
أكيرا : شكلك تعبانه .. ليه ما نتمي فوق في غرفة ماري ؟؟
آيا : لا لا ابدا ماني تعبانه
أكيرا : وش اسّمي نومك على الكنبة في هذا البرد ؟؟
آيا : لاني كنت انتظركم ومدري شلون نمت بدون ما ادري ....
أكيرا : ارقي نامي ...
آيا : لا لا .... اصلا انا بس ابي اطمئن على حالكم وبروح الحين وانوم في بيتي ... وانت بعد نوم وارتاح ولا تفكر ...
أكيرا : اجل يله خليني اوصلك ....
آيا : بروح رجليه ... ما يحتاج تجي معي .....
وتوقف ..
اكيرا يمسك يدها : انا بوصلك مايهون علي ان آيا حبيبتي تروح رجليه و انا فاضي ..
آيا بحيا : ورا ماتقصر حسك تراني استحي من هالكلام ..
اكيرا يسحبها و يضمها لصدره : فديت اللي يستحون انا ..
ايا تدزه بأقوى ماعددها : انت شكل صابك التماس في راسك ياخي استح على وجهك افرض اختك شافتنا و الله مو زينه ..
اكيرا يضحك : هههه الله يسعدك يا آيا ..
آيا تروح عند الباب : انا رايحه مع السلامة .... و وصل تهنأتي لماري .... او مارينو ساسو
أكيرا يتبعها : ان شاء الله .... آيا تناظره باستفهام : الحين انت وش جابك وراي ..
اكيرا : بوصلك هذا اعتذار مني لك عن حركاتي اللي سويتها .. آيا تناظره بنص عين : انا ماطلبت منك اعتذار رح ارجع لبيتك ..
اكيرا وقف : طيب انا راجع .. رجع اكيرا ودخل البيت ..
اكيرا ينادي : ماري ماري ..
ماري تطل عليه من الدور الثاني : هلا ..
أكيرا : انا طالع بوصل آيا لبيتهم ...
ماري بضيق : انت صحيتها !؟
اكيرا مستعجل : لا هي صحت من نفسها ..يالله انا رايح ..
توه بيطلع تذكر :.
اكيرا : ماري لحظه ..
ماري : نعم ..
أكيرا : آيا تهنيك يا مارينو ساسو .....
ماري تبتسم ..
برى البيت :.
ايا تكلم نفسها : مالت عليك ماصدقت اقولك ارجع على الأقل جاملني .. توها بتمشي الا طلع اكيرا .. جاها مسرع و ضمها من ورى : ليش هالتعامل كأني بخليك تروحين رجليه لاتفرحين موصلك موصلك ..
آيا تكلمه وهي عاضه على اسنانها : اكيرا فضحتنا عند الله و خلقه فكني ..
اكيرا يفكها : ياختي عادي الكل يعرف انك رفيقتي عادي ..
آيا تسوي نفسها زعلانه :انا داريه بس ما احب هالحركات قدام الناس .. وبعدين ماتقولي وش رجعك ..
اكيرا : انا قلت لك اني ماراح اوصلك ؟!
ايا : لا ..
اكيرا بابتسامه : خلاص يعني معناته لازلت مصر علي توصيلك لبيتك سالمة..
آيا : اجل وش كان قصدك يوم قلت انا راجع تصدق ضيقت صدري قلت انك ماصدقت اني اقولك ارجع ..
ا كيرا يناظرها باعجاب عاجبته صراحتها : يا حبي انا رجعت عشان اخبر ماري اني بطلع اوصلك لبيتك عشان ما تدورني .. هذي كل السالفه ..
آيا : اها ..
اكيرا : يالله تفضلي ياحبيبتي الزعوله ..
آيا : والله ماتلقى مثلي و طيبتي ..
اكيرا يفبتح لها باب السياره : وانا اشهد ماراح القى مثلك ابد..
تركب آيا وهي مبتسمه : شكرا ..
ركب اكيرا و توجه لبيت حبيبة قلبه نزلها ورجع لبيته دخل غرفته ورمى بنفسه على السرير و راح في سابع نومه ..
الساعة 8 الليل :.
صحى اكيرا من النومه .. يناظر الساعه : يوو 5 ساعات نمتها غريبه وين ماري ماصحتني ؟!
قام .. و غسل وجهه ..و بدل ملابسه بعدها طلع برى : ماري~ .. نزل تحت دخل المطبخ راح للثلاجه يبغى يشرب مويه شاف ورقه معلقة على الثلاجه مكتوب فيها :
[ خيو اكيرا .. انا رحت اشوف ماما و اتطمن عليها .. حاولت اصحيك عشان اقولك بس شكلك كنت مرهق مارديت علي فقلت اكتبلك هالرساله .. ماري ^ _ ^ ]
اكيرا بارتياح : زين ماسويت يا ماري ..
أكيرا يضحك : ياحليلك ههه وحاطه الرساله على الثلاجه يعني عارفه اني اول ما اصحى من النوم لازم اشرب موية..
طلع من المطبخ وجلس في الصاله و الله مشتاق اجلس مع آيا من زمان ماجلسنا سوا لوحدنا .. تذكر حركاته لها اليوم وردود افعالها ضحك من قلب : ههههه والله انك تحفه يا آيا .. طلع جواله وارسل لها رسالة ....

آيا تفتح الجوال ....
آيا : [ هلا يا حلوة اذا كنتي فاضية ... ممكن نلتقي ................ أكيرا .. ^_^ ]
آيا ترسل له رسالة ....
أكيرا : [ ايه فاضيه وين تبي نروح اصلا كنت استنى منك رسالة ... ههه ....لاتصدق نفسك ^^ ]
اكيرا يرد عليها ...
آيا : [ ههه اوكي القاك عند النهر ... ابي اسولف معك ]
وترد عليه ....
أكيرا : [ انا هناك ...... ^_^ ]
وترسل رسالة ثانية ....
أكيرا : [ هههههه حلوه الكذبة .... بس كأننا في مسن على هالتراسل ..... يله شوي وانا عندك ] هههههه حلوه يا آيا ..
وتروح آيا و تغير ملابسها .... ويلتقون عند النهر ..
أكيرا : عسى ما تأخرت عليك ....
آيا : لا ...
أكيرا : امسكي هذا كوفي ....
آيا : شكرا ..
ويقعدون جنب بعض ..
آيا : وين ماري ؟؟
أكيرا : راحت لامي .....
آيا : وليه ما رحت معها ؟؟
أكيرا : ابيها تكون لحالها افضل ....
آيا : اكيرا كنت افكر .. انت صدق ما تزور امك كثير
أكيرا : لا تهتمين كثير ...
آيا : لا تقول كذا .... انا بطبق كلام ابوك ... ابوك وصاني وانا لازم اقوم بهالوصية
أكيرا : وصية ايش ؟؟
آيا : ابوك وصاني اني اخليك تكثـّر زيارات لامك ... نسيت المقابلة .. ؟؟
أكيرا : اها اها الحين ذكرت ....
آيا : لا تقطع بأمك يا اكيرا ودائما زورها لو وقت قصير ...
أكيرا : ماري الحين عندها ما تحتاجني ...
آيا : الحين عرفت انك بوجهين ..
أكيرا متعجب : انا بوجهين ؟!
آيا : تلعب على امك وعلى ماري وكل واحد غير معاملة
أكيرا : وضحـّي ...
آيا : أكيرا انت تهتم في ماري اكثر من امك ؟؟ ماري حتى لو كنت من زمان ما شفتها وانك فاقدها ... ترا امك تفقدك ..
أكيرا يتذكر ...
اقتباس من الجزء الثالث – الفصل الثامن ..
نيزو : الغلط منك يا اكيرا ..
أكيرا : الغلط مني ؟!
نيزو : انت وينك عن امك ... ما تحس انها محتاجه لك ..
.......
أكيرا : معاك حق انا صدق مقصّر معها ....
آيا تناظره بحماس : خلاص انا فكرت ..
أكيرا متعجب: وش فكرتي فيه ؟؟
آيا بابتسامه : نزورها يوم ورا يوم .... انا وانت
أكيرا فتح عيونه : انا وانتِي ؟!
آيا تهز راسها: ايه - اكيرا اخاف امك تكرهني بسبب انك ما تزورها
أكيرا : لكن انا ما كنت ازورها قبل ما ....
آيا تقطع كلامه : الموضوع الحين مختلف .... انا ابي امك تفرح اكثر انك لقيت لك رفيقة تغير شيء من حياتك ... وبعد ابيها ...
أكيرا يقطع كلامها : صح انا لقيت لي رفيقة تغير شيء من حياتي ...
ويلتفت على آيا ويبتسم : انا لقيت آيا .. ولاني ما افكر صح وابيها تفهّمني وتعلّمني .... واختارت اول خطوة هي امي ..
اكيرا يلتفت على النهر : صح يا آيا انا اليوم امي كانت تقول انها محتاجة لنا .. لكنـ ..
آيا تقطع كلامه : خلاص نبدا من بعد بكره .... لازم ما تقطعها يا اكيرا ....
وتوقف آيا وتقعد تمشي شوي ..
آيا تتكلم بخوف : يمكن يا اكيرا اذا سوينا هذي الخطوة .... ما نفترق ...
أكيرا يرفع راسه وهو يشوفها ....
آيا بضيق: بقولك الصدق يا اكيرا ... انا خايفة ... خايفة اني اقربـ.. منــــــك ... ما ادري ليه ...
أكيرا وقف وقرب جنبها : انا آسف اني اضغط عليك بكلامي .... لكن يا آيا انا اعرفك قوية .. لا تخافين ... لان حتى لو حصل ما راح نفترق ..
مسك يدينها بيدينه : راح تكون يدي بيدك وامسكها بكل قوتي ...
آيا تناظر يدينهم و بيأس قالت : لكن لو حصل وفلتها ؟؟ بنفترق صح ؟؟
أكيرا رفع يدها وحطها علي قلبه : بيصير قلبي هو اللي متعلق بك و ينطق بأسمك .. وما راح احد يقدر يبعده عنكـ او يسكته..
آيا عيونها امتلت دموع ناظرت في وجهه : اخاف تطـّول المده .... أكيرا الامل اللي كنت تقول عنه بدا يتلاشى انا .... انا .. احس ان الموضوع بيصعب
وتنزل راسها ..
أكيرا يرفع راسها ويحط عينها في عينه: آيا انتهت هذي السنة ؟؟
آيا و الدموع بدت تنزل: لا تونا في وسطها ....
أكيرا وهو يمسح دموعها: اجل فيه امل ... آيا خلي الامل شعارك وراح تنتصرين على الظلمة ... انا ما قلت لك هذا الكلام من قبل ؟
آيا تميل براسها: لكنـ.. الوضع مختلف عن الموضوع اللي قبل يا اكيرا ....
أكيرا يقربها من عنده : لا متخلف ولا شيء كلها حلها واحد ... اننا ما نستعجل بالاحداث ....
آيا : ما ادري ...
أكيرا : يعني يا آيا انتي متحسفة انك خليتي ماري تقابل اهلي ؟؟
تلتفت آيا عليه ....
آيا تهز راسها : لا يا اكيرا لا ... انا اتكلم من طرف ثاني .... انا ما حطيت أي سبب انا اقول اللي في خاطري .. بس
أكيرا : اجل بلاش هالدموع خلينا نعيش يومنا .... احنا ما ندري وش بيصير بكره ... عشان كذا احنا دائما في انتظار ...
ويمشي اكيرا ... ثم يلتفت عليها ...
أكيرا : محبوبتي آيا ..... اوصلك للبيت ؟
آيا تبتسم وهي تمسح دموعها: ايه....
أكيرا بابتسامة : يالله وراي ...
آيا هزت راسها ومشت وراه .......
آيا في نفسها :لم أكن أتوقع بأنك ستخترق قلبى إلى ذاك الحد .. لم أكن أعلم بأنك ستسافر بى إلى ما بعد الوجد
يامن شق الفؤاد فإستقر فيه حبك.. وتربع على عرش الهوى فى صمت بلا أدنى صد .. ستظل بداخلى مهما كانت الرياح .. ومهما قالوا.. سأظل معك على العهــــد
وتسرع آيا وراه وتمسك يده ...
أكيرا يشد على يدها و هو مبتسم ...
ويرجع كل واحد لبيته وينتهي اليوم على كذا ....

ومن بعد بكره تبدا احداث جديدة .... لنترقبها في الجزء القادم ... ^^

ما راح احط لكم هالمره اقتباسات الجزء الجاي لاننا خلاص راح ندخل في موضوع جديد ..
يعني ما تحتاجون تلميحات
وراح تجي احداث تعجبكم كثير ان شاء الله

عيد ميلادي اليوم الرابع (( الفصل الثامن – الجزء 4 ))

في طلعة المدرسة :.
أكيرا : متى نروح ؟؟
آيا : العصر ...... وخلينا نخليها مفاجئة .....
أكيرا : حلو .. حركه نخليها مفاجئه....
آيا تغمزله: انا كلي حركات ..
آيا تحط يدها على ذقنها : امم و عشان تكمل الفكره خل ماري تروح قبلنا ولا تعلمها اننا بنجي ...
أكيرا يرفع يده ( حركه عسكريه ): عُلم يا آنسه آيا ..
ضحكت آيا على حركته : ههه يالله انصرف يا عسكري اكيرا ..
اكيرا بعصبية مصطنعه : عسكري يا آيا عسكري كان قلتي مشير مو عسكري ولا حاقرتني .. ( ملاحظه : مشير اعلى رتبه )
آيا طلعت عيونها : و الله مو حقران بس انا وش دريني بالمراتب العسكريه ماجا في بالي الا عسكري ..
اكيرا يقاله زعلان : تقدرين تقولين ضابط يعني افهم انك ماقد سمعتي بهالمسمى ..
آيا بإعتذار : ياربي يا اكيرا وش فيك قلبت كنت امزح معك خلاص لاتزعل انا آسفه ..
اكيرا لما شافها صدقته فطس ضحك : ههه و الله انك توحفه ..
آيا تضربه مع كتفه : يا باااايخ الشرهة علي اني اصدقك لا بعد اعتذر مالت علي ..
اعطته ظهرها زعلت ..
اكيرا يقرب منها : يالله عاد انتي مايمزح معك تو انتي قلتي انك تمزحين علي يالله عاد بلا دلع بنات ..
آيا تناظره بطرف عين : يعني يوم جات علي قلت دلع بنات وانت قبل شوي بغيت تنفجر عشان قلت عسكري ..
اكيرا بهدوء : يابنت الحلال خلاص انا آآسف هذا يرضيك ؟!
آيا تهز راسها : ايه يرضيني يا الله روح لبيتك وارتاح قبل لايجي العصر ..
اكيرا يقرصها مع خشمها : اوكي يالله مع السلامه يالزعوله ..
آيا : والله ماتلقى مثلي ياحبيلي
اكيرا ابتسم لكلامها وراح و خلاها ...رجعت آيا لبيتهم ..
العصر :.
مر اكيرا و اخذ ايا من بيتهم و توجهو للقصر ... وصلو للبيت ...
اكيرا يلتفت على آيا : يالله خلينا ندخل ..
آيا تهز راسها بالموافقه .. دخلو الاثنين قابلتهم الخادمة
أكيرا يسأل الخادمة : وين امي ؟؟
الخادمة : في غرفتها وعندها الانسة مارينو
أكيرا : اوكي ..
التفت لأيا : يله خلينا نروح فوق ...
توجهو للمصعد و صعدو لفوق راح لغرفة امه و دق الباب
الام : ادخل ...
أكيرا يفتح الباب ويدخل ....
أكيرا بصوت عالي : سبرااااااااااايز .......
ماري : اكيرا ؟!
الام بفرحه : هلا حبيبي ....
وتدخل آيا وراه .....
آيا : السلام عليكم ....
الام : وعليكم السلام ...
ماري : آيا ؟! وانتي بعد جيتي ؟؟
أكيرا : شلونك يماه ؟؟
الام : تمام
آيا : الحمد لله على سلامتك يا خالتي ....
الام : الله يسلمك يا عمري ...
ويجلس اكيرا وآيا .... وآيا جالسة جنب ماري ...
أكيرا يقعد يسولف مع امه ....
و ماري تكلم آيا بصوت خفيف ...
ماري : وش المناسبة ؟
آيا : احنا راح نجي دائما نزور خالتي .... وانا ابي اكيرا يزور امه كثير ...
ماري : زين ما سويتي تو امي كانت تقول انها تشتاق لاكيرا ونيزو كثير بس ما تحب تزعجهم وهم لاهين في حياتهم ....
آيا : عشان كذا اقترحت اننا نزورها يوم ورا يوم ...
ماري : كثير على الاقل في الاسبوع يوم ....
آيا : لا لا اصلا الاختبارات جاية عشان كذا ابيه يكثر زيارات قبل الاختبارات .....
ماري : يوه انا شايله هم هالاختبارات ...
آيا : هذا وانتي تدرسين دراسة خاصة ..
ماري : ابوي قال بما اني في الترم الثاني بعيش معهم بأدخل مدرسة خاصة وبأكون مع ولد عمي " اندو "
آيا : آه عرفته ...
ماري : تعرفينه ؟؟
آيا : ايه قد شفته مره وعرفنّي اكيرا عليه .....
ماري : هو ونيزو وزوجة نيزو بيجون بعد بكره عندنا في البيت عشان اتعرف عليهم ....
آيا : طيب عمي ساسو بيجي بعد .....؟؟
ماري : ايه هذا اكيد ...
آيا : وعمك " ديجير " ماراح يجي ؟
ماري : ما اظن لان ابوي ما قال انه بيجي ..... وقال انه بيدق على اكيرا ويعلمه ... هو ما دق ؟؟
آيا : ما ادري بس ما قال لي اكيرا شيء ....
ماري : ياي دائما تعالي يااختي لك وحشة
آيا : اكيد انا دائما بصير موجوده .....
ويمر الوقت وينتهي اليوم على كذا وكل واحد يرجع للبيت ...
في اليوم الثاني يدق ابو اكيرا على اكيرا ويقوله عن الجـَمعة ...
ومن بعد بكره ... يروح اكيرا وآيا لبيت اهله ....
يدخلون وتستقبلهم ماري ...
آيا : ما بعد جاء احد ؟؟
ماري : هم في الطريق .....
وينطق الباب ويصير اندو ..... يستقبله اكيرا ...
أكيرا : هلا ما بغيت تجي يا شيخ ....
أندو : هههه معليش كان عندي شوية اشغال ...
ماري تكلم آيا بصوت منخفض ...
ماري : هذا ولد عمي اندو ؟؟
آيا : أيـــه ...
ماري : يوه كله ملح .... فيه من اكيرا
آيا : لان اكيرا يشبه ابوك وابوك يكون اخو ابو اندو ...
ماري : ههه وش هالشرح
آيا : بالمختصر اندو يشبه عمي ...
ماري : ياه بأدرس معه والله شكلها وناسة ...
آيا : الله يا انتي بنت ....
أندو : السلام يا آيا
آيا تنحني : هلا اندو
اندو يلفت راسه على ماري
اندو : انتي مارينو ؟؟
ماري منزله راسها : ايه
أندو يلتفت على اكيرا : يا الله نسختك يا اكيرا ...
أكيرا يضحك : مو مره لا تصير كذاب .....
اندو : وش الله حادني على الكذب بس الصدق والله تشبهون بعض ...
آيا : انت صادق ..... بعض الاحيان اكلم اكيرا واحسني اكلم ماري ...
اندو : ماري ؟؟

آيا : هه هه اقصد مارينو ... بس اسمها شوي طويل عشان كذا اختصره
ماري : نادني انت بعد ماري .... اسم مارينو طويل ومتعب
أندو : اوكي يا ماري .....
أكيرا يشوف ساعته : ورا نيزو تأخر كذا ....
ويدخل نيزو ومعه زوجته ....
اندو : الطيب عند ذكره .....
نيزو : اجل سبقتني يا اندو ....
أندو : ههه اكيد انا امشي على قدام مو على ورا .....
الكل : ههههه
أكيرا : اقول يالله خلينا ندخل يكفي تأخير ......
ويروحون الشباب اول ...
آيا : بما اني انا اللي اعرفكم انتم الثنتين بعرفكم على بعض .... ماري هذي زوجة نيزو واسمها " شيري " .. شيري هذي مارينو واظنك عرفيتها ..
شيري : كنت متحمسه اشوفك مره ......
ماري تنحني : تشرفت بمعرفتك ....
شيري : كيفك يا آيا ؟؟
آيا : تمام كيفك انتي ... هاه ما فيه بيبي بالطريق ...
شيري تضحك : لا تونا مبكرين ماني بحاجه غثى الحين .....
آيا : لا ما عندنا هالكلام اقول عجلي وجيبي النونو ...
ماري : يله ابي اصير عمه ...
شيري : ههههههه لهالدرجة مستعجله يا العمة ...
ماري : ابد انتم جيبوه وخلوه عندي وانا اراعيه اذا بغيتو بعد ....
شيري : ما تقصرين ........
وتتلفت شيري : وين خالتي ؟
آيا : يوه نسينا هي في الصالة وعمي ...
ماري : يله خلينا نروح لهم ...
ويجلسون مع بعض ويسولفون ... ينتهي اليوم على كذا
وصارو يكـّثرون زيارات لبيت اهل اكيرا وبعد مرور الايام ....
تبدأ الاختبارات النهائية للفصل الاول ....
آيا ويونا يطلعون من قاعة الامتحان ....
يونا : يا الله الاختبار مره كان صعب ....
آيا : تونا ما مر على بداية الامتحانات إلا اربع ايام وما زلتي تقولين انها صعبه .... تعودي
يونا : انتي ما تصيرين في الايام العادية شاطرة لكن في الاختبارت شعله ...
آيا : لاني ابي انجح بمستوى عالي عشان ادخل القسم اللي ابيه ....
يونا : اوه ساعديني على الاقل في الرياضيات والانجليزي ....
آيا : اوكي الرياضيات بيصير علينا يوم الاثنين تعالي عندي في البيت يوم الاحد وخلينا نذاكر سوا .....
يونا : اوكي ....
آيا : بس بعد بكره بيصير علينا انجليزي ... يوه انا مو مره في الانجليزي ...
يونا : يا الفالحة وانا معتمده عليك ....
آيا : يوه منك يا المصلحجية ....
يونا : هههه إلا راي وينها
آيا : خلينا نروح ونشوف وينها ....
وفي نهاية الدوام ....
آيا تروح للبيت .... تدق عليها ماري
آيا : هلا
ماري بتعصيبه : هلا بك ....
آيا : وش فيك كنك بتهاوشين ؟؟
ماري : اجل ما اهاوش يا القاطعة ....
آيا : انا قاطعة ؟؟
ماري : بسم الله عليك انتي ما تقطعين يا الدافورة ....
آيا تضحك : ههه من جد وش فيك ؟؟
ماري : لك الحين خمس ايام ما شفت رقعة وجهك ... يااختي ما تستحين على الاقل دقي ...
آيا : والله اني لاهية مع الامتحانات ...
ماري تذكرت : إلا صح ..طيب انتي ورا ما تجين وتذاكرين مع اكيرا ؟؟
آيا : وليش اذاكر معه ؟؟
ماري : اجل مخليته لحاله يذاكر
آيا : كل العالم يذاكرون لحالهم .....
ماري : اقول انتي اكبر دبشة في الكون .... ابي اشوفك
آيا : ماري عندي بكره امتحان احياء والله صعب
ماري : طيب تعالي وذاكري الاحياء مع اكيرا هالكسلان
آيا : ليه كسلان ؟؟
ماري : طول يومه نايم ويروح للمدرسة مواصل ... وفي النهاية يرجع ويقول اني ما حليت شيء وكل شيء صعب
آيا : معقوله ؟!
ماري : هو ما يحاول حتى يفتح الكتاب ويذاكر باخلاص قال ايش تونا في الترم الاول بجتهد في الترم الثاني ... ودي اعرف وش الفرق ؟
آيا : ياالله وراه صار كذا ؟؟
ماري : تعالي وادبيه خليه يستحي فيك ويذاكر مثل الناس والعالم ....
آيا : خلاص اوكي بجي بعد العصر واذاكر معه
ماري : زين انا في انتظارك ....
آيا : ايه صح انتي بدت امتحاناتك ؟
ماري : ايه من ثلاث ايام ..... يعني ابتديت بعدكم بيومين وبنتهي بعدكم بيومين
آيا : يا مسكينه الله يعينك
ماري : الله يعينا كلنا .... يله باي
آيا : باي
وتسكر السماعة .....
آيا : يا حبي لك يا ماري والله اني اسفة ....
وتسكر الجوال وتفكر : هو صدق كل الناس والعالم يذاكرون مع ارفقاهم ... بسأل يونا واشوف ...
وتدق آيا على يونا ..
آيا : حبيبتي بأسألك سؤال خاش عرض ...
يونا : قولي وش عندك ...؟
آيا : انتي تروحين تذاكرين عند سوما ؟؟
يونا : ايه دائما من بدت الامتحانات ...
آيا : و راي بعد ؟؟
يونا : هذا اكيد ... وراك تسألين ؟؟
آيا : لا لا ولا شيء يالله باي ...
يونا : باي ..
وتسكر آيا السماعة .....
آيا : يا الله توني ادري ... عشان كذا صار اكيرا بهالشكل يبيني احس ....
وبعد العصر راحت آيا لبيت اكيرا ..
وتطق الباب ... تفتح لها ماري ...
ماري :اخيرا جيتي ما بغيتي ....
آيا : جبت معي الاحياء وبذاكر اليوم عندكم ...
ماري : مو بس اليوم الا قولي دوووووم ....
آيا تبتسم وتدخل جوا ....
آيا : وين اكيرا ؟؟
ماري : تو قاعده اقومه ولا طاع يقوم ..... جثة

آيا : ترا البرد يساعد الواحد انه ما يقوم
ماري : آيا روحي وقوميه ....
آيا : وليه انا اللي اقومه ؟؟
ماري : ايه انتي قوميه عشان يستحي ويقوم ...
آيا : لا ما يحتاج انتي قولي اني جاية ابي اذاكر معه يمكن يقوم ...
ماري تمسكها مع اكتافها : اقول يله روحي وقوميه ... ويصعدون فوق ...
آيا تطق الباب : أكيرا ... اكيرا يله قوم ... اكيرا انا جاية اليوم اذاكر معك
ماري : باللهي عليك كذا بيسمعك واحد نايم ..... ادخلي وقوميه ... انا نازله بسوي شاهي ...
آيا : ماري
وتروح ماري وتنزل تحت ...
آيا تدخل الغرفة وتهز رجله ...
آيا : أكيرا .. اكيرا ~ .... يله قوم
أكيرا : ماري ارحميني شوي وخليني انوم
آيا : أكيرا انا آيـــا .....
اكيرا يفز من السرير ...
أكيرا : آيا وش جابك هنا ؟؟
آيا : زين انك قمت ....
أكيرا متفاجئ : وش عندك ؟؟
آيا تنزل عيونها للارض من الاحراج ....
آيا : جاية اذاكر معك ..
أكيرا يبتسم : والله ؟!
آيا : ايه عشان كذا يله قوم .. الاحياء طويل ويالله يمدينا نخلصه ....
أكيرا : اليوم علينا احياء ... توقعت فيزياء
آيا : ليه انت ما عندك جدول .....
أكيرا : لا بس اتصلت على توما وعلمني الايام ....
آيا : لا والله تكلـّفت .... تراها اختبارات نهائية مو لعب عيال ...
أكيرا : على طول الواحد يقدر يلعب عليك ... كنت ابي اشوف وش ردة فعلك ...
آيا عصبت : وانت قاعد تتميلح الحين .... خلاص انا برجع واذاكر لحالي اصرف ...
أكيرا : امزح امزح .... يله روحي تحت وانا بغير ملابسي واجيب كتابي وانزل .....
آيا : وين بنذاكر ؟؟
أكيرا : في الصالة ....
آيا : حتى اماكن المذاكره ما تعرفها .. الواحد يذاكر في الشتاء في مكان دافئ مو في مكان البرد الحقيقي ....
أكيرا : وين ودك نذاكر ؟؟
آيا : في غرفة دافية ..
أكيرا : ادفى غرفة هي غرفة النوم ...... عادي نذاكر هنا ؟؟
تدخل ماري خاشه عرض ::
ماري : ايه عادي ..... يله يا اكيرا روح وغسل وغير ملابسك
أكيرا : طيب ... طيب
ماري : اسمع انا بروح وبرجع بعد ما اخلص مذاكره ...
آيا : وين ؟؟
ماري : مع بنات الخاص مثلي كلنا نجتمع ونذاكر سوا .....
آيا : اها .....
ماري : يله باي ..
آيا : باي ..
يدخل اكيرا للحمام وآيا واقفه في الغرفة وتتلفت وتشوف الحوسة ...
آيا : على الاقل رتب غرفتك ....
آيا وهي تحط الشاهي على الطاوله : طيب فيما تخلص من تغيير ملابسك برتب لاني ما استحمل الحوسة ...
آيا تحط شنطتها على الارض وترتب كل الغرفة ...
اكيرا يطلع من الحمام لما شاف الغرفه رجع دخل للحمام ..
آيا تناديه بتعجب : اكيرا وش عندك رجعت للحمام ..
طلع اكيرا : هذي غرفتي ؟؟
آيا : ايه رتبتها .... لاني ما اتحمل الحوسه
اكيرا بدهشه : اوه كنت اتوقع اني غلطان في الغرفه و دخلت غرفة الجيران ..
آيا : هه تعرف تنكت ..اجل هذي غرفه ..
أكيرا يضحك : بتتعبين مني
آيا : اسمع اذا شفت غرفتك كذا بكره ترا ما راح اجي ابداً ....
أكيرا : هههههه تهددين .... طيب خلاص بتصير مرتبه على الاقل لين نهاية الاختبارات ......
آيا : وما بعد انتهاء الاختبارات
أكيرا : عاد هذي قوية بتصير فيه اجازة الشتاء ما تبيني حتى اخذ راحتي في الغرفة ....