رواية يا دنبا لا تسكبي الدمعة على خدِ حساس بقلم صديقتي

آيا تسحب يد اكيرا : مافيه شيء يالله اكيرا خلينا نروح للفصل تأخرنا ....
توما ووجهه متغير : يونا وش عندك جايه لفصلي بغيتي شيء..
يونا من شكله نست هي اصلا ليش جايه : آه لا ولا شي انا استأذن ..
توما حرك كتوفه و اعطاها ظهره ودخل فصله ..
يونا تناظر تصرفاتهم و مو مصدقه اللي تشوفه : وش جاهم هذولا مو صاحين ..اقول ارجع لفصلي احسن لي ..
عند فصل آيا و اكيرا:.
آيا تكلم اكيرا وهي مغتاظه : اعوذ بالله ... الله لا يبلانا بأمثاله مسكينه راي ابتلشت به ...
اكيرا : الحين قوليلي بالضبط من الصادق بينكم انتي ولا توما ؟؟
آيا تناظره : اقولك شيء ..
اكيرا متحمس : وشو ..
آيا : مالت عليك انت بعد .......
اكيرا بتعجب : وش دخلني ؟؟
آيا تمشي و تخليه : اقول ورى ما تسكت ازين لك .... وخلينا ندخل للفصل ....
اكيرا وهو يتبعها: والله عجيبه تغلط وتحطها فيني ...
آيا التفتت عليه : قلت شيء
اكيرا يحرك يدينه : لا ابد ما فيه شيء ..
آيا بارتياح: اشوى احسبك مثل صديقك ..
وتوجهت لكرسيها
اكيرا يتنهد : اف وش هاليوم و بهدوء جلس في مكانه ..
مر اليوم على كذا ..من حصه في حصه و من ماده في ماده الى ان جت الطلعة ...
نزلو كلهم مستعدين للطلعه و عند باب المدرسه اجتمعو..
تكلمت آيا وهي تنافخ: الوعد اليوم العصر ... تفهم ولا لا ؟؟
توما يميل فمه : وش شايفتني متخلف ؟؟
آيا : انت اكبر متخلف ....
توما طلعت عيونه : اقول ....
اكيرا يسكر فم توما : لا تقول وفكنا .....يالله مشينا ..و قبل لايمشي قرب لأذن آيا و همس لها : آيا لاتنسين اللي اتفقنا عليه ..
آيا : اكيد ..
اكيرا يأشر لهم بيده : يالله مع السلامة ...
الكل مع السلامه ..
يونا تلتفت على آيا : آيا بطلب منك طلب....
آيا : آمري يا حبي ..
يونا بإحراج : الله يخليل يا عسل .. شوفي المعلم طلب مني ترتيب الدفاتر وامي تبيني اجي الحين ... ممكن ترتبينها بدالي ....
آيا : ابشري ما طلبتي شيء .. خلاص انتي روحي وانا الحين اروح للفصل ...
يونا : مشكوره يا قلبي ... الله لايخليني منك ..
آيا : ولا منك ..
وتأشرلها بيدها يالله مع السلامة لاتتأخرين .....
يونا وهي تودع آيا : مع السلامه وراحت تركض التفتت لأيا و ارسلت لها قبله في الهواء و اشرت لها بيدها يعني مع السلامه ..
آيا ابتسمت لها و ردت عليها بنفس الحركه وراحت للفصل ...
عند بيت آيا ..
وصل اكيرا لبيت آيا وينتظرها عند الباب ...
اكيرا بتفكير: هذي وش عندها تأخرت اللي اعرفه انها بتجي وراي على طول .....
وبعد ربع ساعة ....في المدرسه ..
آيا تجلس استراحه : اففف اخيرا خلصت من هالدفاتر ياكثرها .. وترفع يدها
بتشوف الساعة كم...
آيا طلعت عيونها ووقفت : يا مااااامي ....تأخرت على اكيرا ...
تنزل مع الدرج وتطلع من المدرسه و تركض بأسرع ما عندها .... يا ربي عسى ما يكون زعل ......
عند اكيرا :.
اكيرا يشوف ساعته : يالله مرت ربع ساعه اكيد انها ماراح تجي ..
اكيرا بتفكير : و اكيد انشغلت مع يونا ونستني ....... اروح اصرف لي من هالانتظار ...ومشى لبيته ..
بعد قليل ..
وصلت آيا للبيت ومالقته موجود .....
آيا وهي تلهث : يا الله راح ......
جلست عند الباب تستريح وهي زعلانه : الحين وش اقوله و كيف اعتذر له عن تأخري ....حطت يدها على راسها ..
في الطريق :.
اكيرا وهو يمشي ... تحسس جيبه : وين المفتاح ؟!
دخل يده يبحث : يا الله هذا وين راح ...
اكيرا بتفكير : اخاف طاح مني وانا ما دريت ؟ طيب وين طاح ؟!
شكلي بأرجع اتتبع طريقي يمكن القاه ما بعد بعدت مره عن بيت آيا .........
آيا توها بتدخل لبيتهم وتدعس مفتاح اكيرا .. تشيله
آيا : هذا مو مفتاحنا ولا يمكن جولي غيرت ميدالية مفتاحها ... بأجربه على الباب واشوف ..
يقرب اكيرا من عند البيت .....
اكيرا : يا الله هذي ما بعد رجعت .... اخاف صار لها شيء .... بأتصل واشوف
ويدق اكيرا على آيا وهو يمشي للبيت عشان يدور على مفتاحه ....
آيا : يا الله هذا رقم اكيرا ...... وش اقوله ؟! يا ربيه
وترد آيا واكيرا واقف عند الباب .....
آيا : الوه
اكيرا : الوه آيا انتي وينك ؟؟
آيا : انا عند الباب ...... انت وينك ؟؟ ليش رحت بهالسرعة ......
اكيرا يلتفت على الباب الداخلي ..وهو مبتسم : انا هنا ما رحت ...
آيا فرحانه و ما تدري وش تقول : والله اني جيت طايره عشان ما اتأخر عليك .....
واكيرا يوقف وراها ...
اكيرا : طيب انا الحين عند الباب .....
آيا لما التفتت تدوره : والله وين....
اكيرا يروعها : بوو
آيا تصارخ وتحط يدها على صدرها : حرام عليك روعتني ....
اكيرا يضحك عليها : ههه ليش تأخرتي ؟؟
آيا بتبرير : والله ان يونا نادتها امها وانا رحت بدالها عشان ارتب الدفاتر و.....
اكيرا يهديها : خلاص صدقتك .. بس لما تأخرتي توقعت ان جاك شيء ....
آيا تحط يدها على صدرها : بسم الله علي .....
اكيرا : طيب ورا ما دقيتي علي وقلتيلي ...
آيا : بطاريتي الحين بتقضى عشان كذا قلت اخليه للضروره .....
اكيرا بضيقه مصطنعه : ياسلام عليك وانا عادي انطق في الشارع .....
آيا : الجو بارد ....... يعني ما فيه شمس تحرقك ..
اكيرا يمثل الزعل : لكن فيه برد يكسر العظام ....
آيا بإحراج : طيب خلاص انا آسفه ...... والله ما اكررها ....
اكيرا يبتسم : طيب طيب قبلنا اسفك ..
ايا ابتسمت ..
اكيرا يمد يده لها : يالله الفستان والجزمة ......
آيا : طيب ... بس كنت اجرب هالمفتاح ما ادري هو حق مين ....
اكيرا : هذا حقي عطينياه تو طاح مني ...
آيا تعطيه المفتاح : طيب ثواني وانا جايبة الكيسة .....
اكيرا يستعجلها : بسرعة ...
آيا : اوكي ....
وتدخل آيا للبيت وتجيب له الكيسة ...

يتبع .....

اكيرا بتردد : آيا ... انتي وش تحبين من الالوان ؟؟
آيا : احب الوردي ..
اكيرا بابتسامة : الوردي .... طيب خلاص مع السلامة .....
آيا : مع السلامة .....
ويروح اكيرا للبيت ....
آيا تدخل لبيتهم و على غرفتها ...
العصر :.
اجتمع توما و آيا و توجهو لبيت راي .... يوقفون قدام الباب ...
توما يلتفت لآيا : الحين وش اقول لها ؟؟
آيا بصرامه: اعتذر ..
توما تغير و جهه : شلون اعتذر و انا ما غلطت.....
آيا : قول انا اسف ان شاء الله معد اكررها ....
توما : اقولك وش سويت ... تقولين معد اكررها .... ؟!
آيا تسبقه للباب : الحين خلينا ندخل افضل من وقفتنا اللي مالها داعي .....
ترن الجرس ..
الأم : من عند الباب ..
آيا : احنا اصدقاء راي ..
تفتح لهم الام و بابتسامه : هلا و الله تفضلو ..
آيا ترد لها الابتسامه : الله يخليك يا خالتي ..
توما : ممكن نشوف راي ....
آيا : احنا جايين نتطمئن عليها لانها غايبة .....
الام : اكيد ممكن تشوفونها .. بروح اناديها لكم ..
آيا : لا ما يحتاج احنا نروح لها ..
الأم : هي في غرفتها ..
آيا : شكرا ...
الأم : حياكم الله ..
وصعدو لراي في غرفتها....
آيا تطق الباب ....
راي : مين ..
آيا : راي هذي انا آيا ممكن ندخل .. ؟؟
راي : تفضلي ...
وتدخل آيا ووراها توما .... تشوفه راي وتنزل راسها ....
آيا : السلام عليكم ...
راي : وعليكم السلام .. تفضلو اجلسو ..
آيا تمسك يدها : سلمات ليش اليوم غايبة ؟؟ ولا زعلانه من احد ؟؟
راي بضيقه: لا مافيه شيء ... بس تعب شوي ...
آيا : تعب من ايش بسم الله عليك .....
راي : سهرت في الليل ... وحسيت بتعب اليوم الصبح ....
آيا تهز يدينها : بس ... هذا السبب ؟؟
راي لازالت منزله راسها : ايه ...
توما يوقف : اجل الحمد لله على سلامتك ...... انا استأذن ...
آيا تترك يدين راي و تلتفت عليه : خير وش اللي يوديك .... ؟؟
توما يناظرها بعين : خلاص عرفنا ان مافيها الا العافية .....
آيا تلتفت على راي و تهزها : قولي الصدق انتي ليش غايبه اليوم ؟؟
راي : قلتلك ...
توما يناظرها بعتب : راي طيب ليش خليتيني اقلق عليك .... ليش ما دقيتي وعلمتيني . ؟؟
راي ترفع نظرها له و عيونها مليانه دموع: اسأل نفسك المفروض انك انت اللي تتصل ......
آيا بدفاع بدون ما تشوفها : معها حق .. ليش ما دقيت عليها ... ؟؟
توما بتعصيبه : قوليها ... اذا كنتي زعلانه مني قوليلي ....
راي نزلت دموعها : ايه انا زعلانه منك ...... اصلا انت ما صرت تحس بي ..
توما يناقشها بقهر : وش اللي سويته ؟؟
راي توخر و جهها عنه : اسأل نفسك .....
توما يروح لها و يمسك وجهها بيدينه : ناظريني و قولي لي انا وش مقصر عليك به ...... ليش انا ضاربك ولا مصادق احد غيرك ...
راي توخر يدينه عن و جهها بقوة و توقف : الحين قلتها ... الظاهر من دون قصد .... لكن اذا كانت عاجبتك خلاص تهنى بها ....
توما يمسكها مع كتوفها و يوجه و جهها لجهته : من هذي ..... اصلا انا ....
راي مقاطعه لكلامه : اصلا انت ايش ؟؟
توما بهدوء و مركز نظره على عيونها : راي وش فيك كذا فجأة ..... ما كنتي كذا ؟؟
راي بدموع تنزل لا اراديا : صبرت قلت مو معقوله ان توما يلتفت لاحد غيري .....
توما و هو يمسح دموعها بحنان : من هذي اللي التفت عليها وتجاهلتك ؟؟
راي توخر و جهها عنه : انت عارف ليش اقول ...
آيا بقهر: راي قولي ... يعني لازم تخلين توما يعصب ...
راي بدأت تعصب : اقول .... انتي صادقه تبيني اقول .....
آيا تغير و جهها : راي وش فيك ... ؟؟
راي تفك يدين توما عن كتوفها وتتوجه لآيا : اذا كنتي مصره اقول من هذي البنت ....
و تأشر عليها بيدها : تراها انتي ..انتي يا آيا ..
آيا منصدمه تأشر على نفسها : انا ؟؟
توما بصدمه اكبر : راي وش هاللي تقولينه ؟؟؟ انتي استخفيتي ؟؟
راي صارت تشوفهم و عيونها تدمع : ايه استخفيت ..... اذا كنت خنتني مع صديقتي اكيد بأستخف .....
توما لازال مو مستوعب : رااااي انتي انجنيتي ....
راي : ايه انجنيت واستخفيت وكل شيء ..... خلاص ..
وفي لمحة بصر قرب توما من راي ... وصفقها مع وجهها .....
آيا تشهق تحط يدينها على فمها : لااااااا ليش كذا ؟؟
راي تحط يدها على خدها : هذي النهاية .... تضربي ؟؟
توما يلهث و كأنه مسوي مجهود : انتي اللي خليتيني اسوي هالحركة ؟؟
راي صارت تصارخ بلا وعي : ايه طلعت على حقيقتك ....
توما ما رد عليها و طلع من الغرفه غضبان ....
آيا تقرب من راي : ليش قلتي هالكلام ؟؟
راي تسد اذانيها ماتبي تسمع شيء: اطلعي بعد انتي خلاص لا انتي صديقتي ولا انا اعرفك .......
وبصراخ تأشر على الباب : اطلعي برا
آيا بدهشه : معقوله اللي قاعده اسمعه منك يا راي ...
راي بتعصيبه : اللي سمعتيه ويله اطلعي ما ابي اشوفك ..... برا برا
آيا بدأت تتجمع الدموع في عينها : انا طالعه بعد ما سمعت هالكلام اللي ما اسمعه من عدو .... ما اقول الا ..
راي بصراخ : برا .... اطلعي برا
طلعت آيا بهدوء ودموعها تنزل على خدودها بانسياب ......
لما طلعت آيا جلست راي على السرير و اطلقت العنان لدموعها صارت تصيح بقوة صياح يعور القلب .....

يتبع ....

وفي الطريق :.
آيا وهي تمشي تمسح دموعها اللي مو راضيه توقف : ليش ... ليش كل هذا يصير لي ..... ليش الكل ما يرحمني .... لييييييييييه ؟!
عند بيت اكيرا :.
رن الجرس على اكيرا ..
اكيرا : مين عند الباب ..
توما : انا توما افتح ..
اكيرا : توما اش عندك في هالوقت ..
توما بتعصيبه : الحين انت بتفتح و لا اروح ..
اكيرا : طيب ثواني بس ..
فتح اكيرا الباب و شاف وجه توما متغير : تفضل ادخل ..
دخل توما و جلس في الصاله : تكفى جب لي مويه احس اني عطشان ..
اكيرا هز راسه و راح يجيب له مويه ......مدها له و قال : الحين انت منت قايلي وش سالفتك ووش قصتك ورى وجهك كذا كأنك متطاق مع احد ..
توما لما شرب المويه تنهد و تسند على ظهره : ايه متظارب بس هالمره غير ..
اكيرا بقلة صبر : الحين انت منت قايلي السالفه تراني ما احب الألغاز ..
توما تعدل في جلسته و قال لأكيرا كل اللي صار من اخذ آيا الى ان جا له الحين ..
توما : وهذي كل السالفه
اكيرا بدهشه : معقوله ؟؟
توما بضيق : هذا اللي حصل ...
اكيرا بقهر : ليش ضربتها ليش ما مسكت نفسك يا غبي ؟؟
توما يحط يديه على راسه: ما اعرف شلون سويت كذا .... لكن ما توقعت هالشيء يجي من راي ابدا ...
اكيرا بتفهم: كان جلست معها وفهمتها بهدوء ليش انفعلت كذا مو من طبعك يا الراكد ( الهادي ) .....
توما بقل حيله : علمني .. انا الحين غلطت على راي وبعد آيا المسكينه دخلتها معي مع انها كانت تبي تصلح بيني وبينها ....
توما بضيق شديد : ليتها ما سمعت راي ... يا ليتها ما سمعتها ......
اكيرا في نفسه : آيا تخلت عنك صديقتك للمره الثانية .....
اكيرا يوقف: انا لازم اصلح اللي صار ....
توما يوقف معه : علمني ...
اكيرا يأشر له : خلها علي وانا اعرف كيف اتصرف .....
اكيرا بابتسامه يربت على كتف توما : اعتمد يالحبيب..
ابتسم توما و ضم اكيرا له : الله يخليك ..
اكيرا يبعده عنه و يأشر له على الباب : يالله اطلع و من غير مطرود ابي اشوف اموري..
توما بابتسامه : كلش ولا امورك يالله انا استأذنك ..
اكيرا يوصله للباب : مع السلامه ..
توما : مع السلامه ..
دخل اكيرا و راح لغرفته و اخذ جواله و دق على راي .....
راي لازالت على شكلها من طلعت آيا من عندها .. دق جوالها .. رفعت راسها واخذت جوالها وردت ..
راي بإرهاق : الوه ..
اكيرا : الوه .. السلام عليكم
راي جلست : وعليكم السلام ..اكيرا ؟!
اكيرا بضحكه: ههه ايه اكيرا .. سلمات ليش اليوم غايبة ؟؟
راي بضيقه : ليش ما علمك توما .. ؟؟
اكيرا بإنكار مصطنعه : لا ما شفته عقب المدرسه ابد .... ليش هو جاك ؟؟
راي بصوت مرتجف : ايه جاني وصار شيء فضيع .....
اكيرا يمثل الدهشه : وش صار ؟!
راي بضيقه : سالفه طويله خل توما يقولها لك ...
اكيرا : لا انا ابي اسمعك انتي ..... ما فيه مكان اقدر اقابلك فيه ... ؟
راي فرحانه لقت احد تفضفض له : طيب اقابلك عند النهر ...
اكيرا : اوكي انا الحين جاي لك ...
راي : مع السلامة ...
اكيرا : مع السلامة .....
راي سكرت الجوال و على طول للحمام ..
اكيرا حط جواله و راح يغير ملابسه ..
بعد ربع ساعه وصلت راي و جلست على الكرسي بانتظار اكيرا ..
وصل اكيرا و شافها جالسه و واضح انها سرحانه قرب من عندها : آسف عسى ما تأخرت عليك .....
راي توها تنتبه : آه لا ما تأخرت ...
اكيرا يجلس جنبها : عسى ما شر وش اللي صار ؟؟
راي تنزل راسها و تتلمس خدها : توما مد يده علي وصفقني .....
اكيرا بتفاعل : كيف ... وليش ؟؟
راي ترفع راسها و تناظره : ما ابغى هالكلام يطلع لغيرك ... توعدني ؟؟
اكيرا يهز راسه لها : اوعدك ...
راي رجعت تناظر الأرض : الصراحة توما صاير متغير علي من بداية هالسنة ...... صاير ما يعطيني بال ... بعد حركاته وتصرفاته مو مثل اللي كان عليها من قبل ..
اكيرا : وليش متغير ؟؟
راي : عشان وحده ... التفت عليها وتجاهلني وحبها .... صار ما يهتم الا لها ..... واللي يقهرني اكثر انها قريبه مني كثير وعزيزه وغاليه علي ..
اكيرا بتساؤل : من هذي ؟؟
راي بتردد : بس ما تعلم يونا ....
اكيرا : و الله ما اعلم احد بس تكلمي ..
راي بحزن : آيا ...
اكيرا بإنكار : آيا ؟؟ لا مستحيل ..

راي تلتفت عليه : اللي سمعته .... وضربي اليوم عشانها
اكيرا يناظرها بإستنكار : معقوله تشكين بآيا يا راي ... وآيا اللي حبتك من قلبها ... لا مستحيل ... ما توقعت ابدا منك انك تشكين فيها ... وتوما .... توما اللي ما يطري على لسانه الا انتي .. تشكين فيه ؟؟ .... توما وآيا ما لهم أي علاقه ببعض وانا اعرف توما قبل ما تعرفينه وانا اعرف عن آيا اللي ما تعرفينه ..... راي انتي تعرفين توما زين ... توما لانه اجتماعي مع اية شخص كان يعامل آيا كأي صديقه وكأي وحده ... واذا كان يتكلم معها كثير كان هذا بس قدامنا ... وقدامك بعد عشان ما تشكين فيه ابد وانه يكون واضح قدامك ....
راي تنزل الدموع من عيونها : لكنـ ... ليش اليوم يضربني .. ليش ما قالي اللي قاعد الحين تقوله لي .. ليه ؟؟
اكيرا يلف و جهه عنها : ما خليتي له فرصه صح.... و اكيد يوم شافك تشكين فيه مع آيا ... غضب .... لانه يكره اي احد يشك في صديقه ....فكيف انتي و آيا ..
راي مو مقتنعه : لكن اذا كان هو البرئ .... آيا مو بريئة ..
اكيرا رجع ظهره يتسند : ما فيه ابرأ من هالمسكينه اللي الحين يتقطع قلبها عليك وانتي تسبين فيها وتتهمينها اتهام باطل .....
راي بدفاع : ليش كانت تتقرب من توما .... مو انا صديقتها ... وهي تعرف اني حساسه من هالشيء ليش تتصرف كذا قدامي ...
اكيرا التفت عليها : واذا كانت تتصرف قدامك بجراءة على توما ..... ليش ما فكرتي ان آيا دائما كذا تصرفاتها مع الشباب ... ليش ما قلتي ورا تصرفاتها مع اكيرا كذا ليش ما قلتي ليش تصرفاتها مع سوما كذا ... ليش قلتي ليش تصرفاتها مع توما كذا .. ؟؟! ليه ما قلتي تصرفاتها معهم كلها سوا .. يعني تتقرب مننا كلنا ؟؟ ليش قلتي بس تتقرب من توما .... ؟؟
راي مصره : وانا وش دخلني فيكم ... يعني عادي لو تتقرب منكم لان مالكم رفيقات بس توما رفيقته مو أي رفيقه .... رفيقته صديقتها
اكيرا التفت لها بجسمه كامل وهو يناظرها : عشان كذا ... عشان كذا المفروض ما تشكين فيها .... معناته انه هذي طبيعتها ...
راي : لكن ما زلت ما اقتنعت باللي تقوله ..... يعني وش الدليل ان آيا ما كانت تتقرب من توما ..... ؟؟
اكيرا ما قدر يتحمل اكثر : انتي وشو ...... وش اقول عليك ؟؟ ما اقول الا خساره آيا عليك يا الخاينه ... يا اللي تبيعين الغالي برخيص يا اللي ما عندك احساس ..
راي عيونها امتلت دموع : ليش تهاوشني ؟؟
اكيرا يوقف : آيا وهي صديقتك من عامين .. ما بعد عرفتيها زين ... انا وهو اللي ما اعرفها مثل معرفتك لها .... ما اقدر اقول عنها كذا ..... ولا بعد مستحيل ......
راي وقفت : انا ..
اكيرا يلتفت عليها وهو واصل حده : انتي وشو ..... انتي ولا شيء .. وما تستحقين تكونين ظفر من اظافر آيا ...
راي : وانت الحين تدافع عن آيا ليش ؟؟
اكيرا يعطيها ظهره : هذا همك ليش ادافع عنها ... انتي لو تسمعين اليوم آيا وش قالت لتوما اليوم الصبح .... كان ما تقولين عنها هالكلام ... انتي داريه اننا كلنا عارفين انك كنتي زعلانه من توما .. من سمعت آيا هالشيء وراحت على طول لتوما ... وقالت له اعتذر منها ... وخلته ما يسوى شيء عندك ... وتدافع عنك .. وتقولين هالكلام عليها . ؟؟
راي تحط يدينها على و جهها و تصيح ..
اكيرا يناظرها بضيق ..
راي ترفع راسها ووجهها مليان دموع :اكيرا الله يخليك .. علمني كيف اصحح خطئي ...انا غلطت على آيا وما اعرف كيف اعتذر لها. ؟؟
حطت يدها على فمها : و توما كيف اعتذر لتوما ..... ؟؟ قولي ....ارجوك ..
اكيرا توجه للنهر : بأعلمك شيء ...
راي تشوفه : وشو ؟؟
اكيرا: تعرفين ان آيا صار لها صدمه كبيره مثل هذي في الماضي ..... ؟؟ تعرفين انها تحاول كل يوم تكسب رضاكم عشان ما تتخلون عنها ؟؟ تعرفين انها تسعد اذا شافتكم سعيدين ؟؟ تعرفين انها افضل شخص قابلته في حياتي ؟؟؟؟
راي تشوفه بتعجب والدموع تنزل من عيونها وتهز راسها يعني ايه ...
اكيرا يلتفت عليها : راي ....تعرفين انك جرحتيها جرح كبير ...آيا ما تستاهله روحي لها قبل ما ينزف الجرح وما تقدرين تداوينه و تخسرن آيا للأبد ....
راي وقفت و مسحت دموعها بظهر كفها : اكيد .. لازم اصحح خطأي...
ومشت شوي و بعدها التفتت على اكيرا :اكيرااا شكرا من اعماق قلبي على النصيحه ..
اكيرا بابتسامه : العفو ...
راي بإمتنان :انت ريحتني كثير بكلامك ...... ابيك تعتذر لي لتوما وتقول له اني ابي اقابله اليوم عاجل .....
اكيرا : طيب اللي تبينه بيصير ..بس اسرعي الشمس غربت..
اشرت له بيدها : مع السلامه ..
و انطلقت لبيت ايا .. ودعها اكيرا وراح لبيته .......
اكيرا يستلقي على السرير ..
اكيرا بتنهيده : آآآآآآآه يا الله .. يا مسكينه يا آيا ما ترتاحين شوي الاويصير شيئ يزعجك .....
عند بيت آيا:.
وصلت راي للبيت ووقفت عند الباب متردده : ياربي اطق الباب ..
مدت يدها ورنة الجرس ... تفتح لها جولي ...
راي : السلام عليكم ...
جولي : وعليكم السلام ....
راي : ممكن اقابل آيا .. ؟؟
جولي : امممم والله ايا تعبانه شوي.. رجعت قبل فتره ودخلت غرفتها وسكرت على نفسها وقالت لنا ما تبي تشوف احد..
راي انبها ضميرها : كلميها كأنك انتي اللي تبينها ..تكفين ابي اكلمها ضروري..
جولي : والله ما ادري اش اقولك بس مو راضيه تسمع لنا..
راي بتودد : .طيب لا تقولين انه انا... حاولي فيها الين تفتح انا ما راح اطلع قبل لا اكلمها..
جولي : اوكي بحاول معها ان شاء الله تفتح ..
توجهو الثنتين لغرفة آيا....
جولي تدق الباب : آيا ممكن تفتحين لي الباب ؟؟
آيا بصوت منهك : جوليا معليش ... اتركيني لحالي
جولي :آيا بليز ابي اقولك حاجه مهمه لازم تسمعينها..
آيا تقوم من سريرها : طيب استني شوي و بأفتح لك .....
قامت ايا ودخلت الحمام غسلت وجهها ومسحته وحاولت قدر الامكان ما يبين التعب على وجهها..توجهت للباب وفتحته بدون ما تشوف من الي دخل وراحت تجلس على سريرها
آيا تعطي الباب ظهرها: وش عند جولي وش هالحاجه المهمة اللي تبين تقولينها لي..
راي لما شافت آيا نزلت دموعها : حاجتي عندك يا آيا ......
تلتفت آيا وتشوف راي .....
آيا تغيرت ملامح وجهها : اطلعي برا انا ما ابي اشوفك ......
راي تقرب عندها : اسمعيني يا آيا انا عندي كلام ابيك تسمعينه ....
آيا تحط سبابتها على فمها : اصصصصصصص انا ما ابي اسمع منك شيء ....
وتأشر على الباب: اطلعي برا ...
راي تمسك يد جولي : جولي اطلعي برا وانا بأجلس مع آيا شوي ... شكرا على الخدمة ......
جولي متعجبه منهم : طيب
آيا تأشر لراي : قلتلك اطلعي معها انا ما بيني وبينك كلام ....
راي تسكر الباب وتتسند عليه : راح تسمعيني ..... لو اجبرك ...
آيا تسد اذانيها بيدينها : ما فيه احد يقدر يجبرني على شيء انا ما ابيه ..... وانتي برا ...
راي بحزن : ايا انا كنت غلطانه اليوم و ابي اعتذر منك .....
آيا تقوم من محلها وتمسك يد راي وتسحبها وتفتح الباب و تطلعها غصب برا ....
راي تمسك الباب قبل لا تسكره : انا ما راح اطلع لين تفهمين اللي قاعده اقوله .....
آيا تحاول تسكر الباب بس عشان الهزال والتعب فما قدرت : وانا ما اتقبل منك شيء ... خلاص اذا كنتي بعتيني بسهوله .... انا ابيعك بالمثل ....
راي تدخل عليها في الغرفه و تمسك يدينها : اترجاك تسامحيني .... ايا انا عرفت خطاي سامحيني ... و والله معد اسويها طول عمري .....
آيا ودموعها بدت تنزل : بعد ايش قاعده تقولين هالشيء ..... انا خلاص ماصرت اثق فيك وانتي الحين آخر اهتماماتي ....
راي بدت تصيح : لا حرام تقولين لي هالكلام القاسي حرام ....
آيا تبعد يدين راي بقوة : وانا مو حرام تجرحيني باللي سويتيه فيني .... تشكين فيني ... تشكين في صديقتك الغاليه .. اللي تفتدي نفسها عشانك .... انتي الغلطانه
راي بتوسل : انا الغلطانه والحين عرفت غلطي عشان كذا اطلب منك السموحة ...
آيا بحزن شديد : انا يوم كنت ابيك تسمعين مني طردتيني .... والحين تبيني اسمعك ؟؟
راي بتذلل : آيا تكفين انا ما كان معي عقلي .... تكفين انا نادمه ... انا نادمة يا آيا ....
آيا تكفين ما كنت اعرفك قاسية تكفين سامحيني و خلينا نرجع صديقات و والله لو اترك كل هالعالم بس ما اتركك .... آيا تكفين خفي علي تكفين ..
آيا تنزل منها الدموع تأشر لها بيدها وهي ترتجف : كيف ... كيف تبيني اسامحك .... راي انتي ما جرحتيني بس انتي فتحتي جرح حصل لي من قبل .. وانا بمجرد اتذكر الماضي ... قلبي يقسى زياده عليك .... راي انا مجروحة جرح كبير ...
راي تقرب منها : اداوي كل جروحك .. بس اترجاك تسامحيني .... آيا انتي غالية علي كثير ورضاك يهمني .... آيا لا تخليني ابكي طول الليالي حسره عليك ..
آيا انا جيتك في نفس اليوم اللي صار فيه كل شيء .... عشان كذا وقبل ما تكبر الفجوة اللي بيننا .... سامحيني يا الغالية ....
آيا تهز راسها : ما اقدر ما اقدر ....
راي برجاء : آيا ارجوك انا ماراح اطلع من هنا الا وانتي مسامحتني ....
آيا تنزل منها الدموع تروح لراي ضمتها لصدرها بقوة : مسامحتك يا راي روحي انا مسامحتك ..
راي ودموعها تنزل بغزاره : شكرا يا اغلى صديقه عندي في هالدنيا ...... آيا شكرا من قلبي لك ... وانا اوعدك ما اسوي هالشيء طول عمري ...
آيا تبعد راي عنها بهدوءوتمسكها مع كتوفها : راي روحي انا ابي ارتاح شوي ....
راي تأشر لها على عيونها والابتسامة على فمها : من عيوني يا الغالية ... انا بطلع الحين ولنا لقاء مره ثانية بعد ما ترتاحين ..
باستها مع خدها وودعتها وطلعت من عندها ..
رجعت آيا لسريرها وانسدحت عليه تبغى تفكر فما خلاها النعاس فغالبها وبعدها نامت بدون ما تحس بأي شيء..
في الطريق اتصلت راي على اكيرا..
راي بسعاده لا توصف : الوه ... السلام عليكم
اكيرا : وعليكم السلام ... شلون الاخبار ...؟؟
راي بضحكه :ههه تمام وآيا قلبها طيب وسامحتني ....
اكيرا ابتسم : قايل لك ...
راي بتفكير : قلت لتوما ؟؟
اكيرا : روحي للمكان اللي شفتك فيه ....
راي : عند النهر ؟؟
اكيرا : ايه ...
راي : اوكي .....
وتسكر السماعة ......
اكيرا يلتفت على توما : سمعت يا توما .....
توما : سمعت ..... والحين انا مرتاح
اكيرا : روح لها وابيك تتفاهم معها بهدوء .....
توما : اكيد .. شكرا اكيرا ....
اكيرا : عفوا .. وانت دائما تسوي لي معروف ... والحين جاء الوقت اللي ارده لك ....
توما مبتسم : ما بينا معروف ... يا الغالي ...
ويروح توما لراي ... ويتصالحون ويرجع كل واحد للثاني ....
وينتهي اليوم على كذا ......
مرت 7 ايام على مصالحتها مع راي ... واليوم يوم اجازة ... يوم زواج اخو اكيرا ....

أحداث الفصل الرابع ::
الجزء الاول :
كيف ستكون نظرات الناس لآيا ؟؟
ومن ستختار ؟؟
وما هو قدر هذه الليلة ؟؟
الحقوق محفوظة للمؤلفة
...{To♥oma

واخيرا وصلنا الى الفصل الرابع المليئ بالاحداث الرائعة .... وهو بداية الاحداث المتصله ...
اتمنى تستمتعون بقراءته .....

رفيقتي هي انتي .... (( الفصل الرابع – الجزء 1 ))
مر 7 ايام على مصالحتها مع راي ... واليوم يوم زواج اخو اكيرا ....
انفتح باب غرفتها بقوة ..
آيا من الفجعه صحت من النوم و جلست ماتدري وش السالفه ..
الام تقرب لها و هي تستعجلها : آيا ... آيا .. يالله قومي بسرعة .....
آيا تحك راسها : يا مامي اش صاير..
الام : اقول قومي بسرعة .....
آيا و بعناد : مو اليوم اجازة خليني انوم يا ماما .....
الام : ايه اجازه بس قومي بسرعه انا ما اكلم جدار..
آيا : طيب طيب بس شوي ..
آيا تفكر : اليوم زواج اخو اكيرا ..يوووه شكل اكيرا نساني ... من ذاك اليوم اللي اخذ مني الفستان ما كلمني عن زواج اخوه ابد ..... شكله خلاص مايبغاني احضر ..
الام بدأت تعصب فقالت بصراخ : في ناس يبونك تحت تحركي بسرعه....
آيا انتفضت من الروعه : ط...ط...طييب
و طمرت للحمام وهي تفرش اسنانها طلت براسها على امها و سألت: ماما مين الناس اللي قلتيلي عنهم ؟! و وش يبون ؟؟
الام متكتفه : مدري عنهم بس شكلهم ناس كباريه ...استعجلي
آيا مستغرنه : وشو ؟؟ ....
الام طفح بها الكيل: اقول سكري فمك و غسليه زين و بسرعه حولي وشوفي وش يبون منك انا بنزل ....
طلعت الأم .. بعد دقايق نزلت آيا ببجامتها وتشوف قدامها حرمتين ورجالين اشكالهم مريبه.....
آيا مرتاعه : نعم انا آيا اي خدمه ؟؟
لما قدمت نفسها توجهو لها و سحبوها للسياره على طول .....
آيا تحاول تبعدهم بيدينها : هيييي انت ابعد عني عورتني ..
تكلم الحرمه : انت ماعندك احساس عاجبك كذا شكلي على الاقل خلوني اغير ملابسييييييي ...... <<< وآيا كعادتها ما يهمها غير مظهرها
محد عطاها اي اهتمام و فتحو باب السياره و دخلوها ..
جوا السياره :.
ايا معصبه و تسب ما درت عن اللي بجنبها ..
توما بضحك: هههه و الله انك يا ايا توحفه اول مره اشوفك بهالشكل يا آيا ...
آيا توها تنتبه له : يمامي انت من وين طلعت ؟؟ وش جابك هنا ؟؟
توما بابتسامه : ليه انتي ناسية ان اليوم زواج اخو اكيرا .. ؟؟
آيا تتعدل في جلستها و تضبط بلوزتها : لا ما نسيت بس اكيرا من بعد ذاك اليوم ما كلمني عن الزواج ... توقعت انه نساني ....
توما : اما ينساك ..
آيا استغربت الكلمه فناظرته نظرة تساؤل ..
توما يصرف : اوه اقصد ان الغلط مني انا .... نسيت اعلمك امس ان اليوم بتجي هالسياره عشان تاخذك ....
آيا كأنها تذكرت شيء: ايه صح .... من هذولا ؟؟
توما : وحده مصممة والثانية الكوفيره والرجاجيل واحد السواق والثاني مدري بس يمكنه المفصل الرجالي .... هذا اللي عرفته من اكيرا ...
آيا تهز راسها و هي تتسند : آها .... الحين فهمت .. طيب الحين وين بنروح بهالشكل ....؟؟ << اشرت على نفسها
توما بدون ما يناظرها: انتي بس اللي شكلك حوسه اما انا لابس ...
آيا وشوي تنط عليه من القهر : الغلط منك يا المتخلف اجل فيه احد ينسى .....
توما يهديها : ياختي مافيه احد ما ينسى و بعدين لا تنشبين لي اكيد ما راح تحظرين بهالبجامه..
آيا تحاول تضبط نفسها : يعني وش بنسوي ..
وفي هالحظه وقفت السياره ..
آيا : وش فيه وش عندكم و من هذا بيته هالفخم ..
توما : انتي ما تعرفين تسكتين شوي لازم تسألين ..
تلتفت على توما وتسكر على اسنانها : انت مالك دخل ما سألتك ..
المصممة : هذا مو بيت هذا مكان العمل اللي نشتغل فيه ....
آيا : آها ..
المصممه : ممكن يا آنسه تتفضلون بالدخول ..
فتح السواق لهم الباب و نزلو الأثنين و دخلو ..
آيا و هي تتفرج على المكان : طيب وش تسوون فيه ؟؟
المصممة : طبعا .. نصمم فيه الفساتين ونخيطها وكل هالشغلات ....
آيا : طيب كم تحصلون في اليوم ؟؟
توما يشوفها وهو مو مصدق : وش هالقافه ..
آيا تشوفه من فوق لتحت ولا ردت عليه ..
المصممة : وش نحصل ؟؟
آيا وكأن احد مكلمها من قبل: يعني الزباين ... واضح انكم غاليين ..
المصممة : احنا نشتغل عند عوائل معينه تحجزنا باليوم .... واحنا نسوي لها اللي تطلبه مننا ... واليوم السيد اكيرا حاجزنا لك ولهذا الولد ....
توما في نفسه : الله من زين الاسلوب ..قولي على الاقل الشاب مو ولد كأني اصغر عيالك ..
ابتسم مجامله في وجهها ..
آيا : آها ....
آيا في نفسها : وناسه صرتي شخصيه يا آيا ....
توما يميل فمه : اخيرا فهمتي ...
آيا بتقهره : بعد لازم اسأل.. تبيني كني غبية ما افهم شيء .....
توما بابتسامه ساخره : لا خذي راحتك ...
آيا تلعب بشعراها : احلف عاد .. اصلا ما طلبت رايك ..
المصممه تفتح باب غرفه طويل و تأشر لهم : تفضلو ادخلو ....
آيا تدخل و هي منبهره : واو ..
توما ... لاتعليق ..
المصممة تتوجه لدولاب و تفتحه و تطلع منه فستان فخم. فستان خيالي ... فضيع بمعنى الكلمة ... ضيق على الجسم من فوق ومنفوش من تحت
ولونه وردي فاتح ... وحركة الفستان كله على شكل فيونكة .. طويل ومكسر طبقتين الطبقة التحتية مزخرفة الى الركبة
والطبقة الفوقانية حرير مكسر فوق الركبة وووو ......
آيا فاتحه فمها : واو وش هالفستان الرووووعه ..
المصممه تتقدم لآيا و تمد لها الفستان بابتسامة : تفضلي قيسيه يا قمر ....
آيا بتعجب : اقيسه انا ..
المصممه تمسك يدها و تعطيها الفستان : ايه فستانك و انا اللي مصممته ..
آيا طايره من الفرحة مو مصدقه : طيب طيب ...من جد هذا مو فستان هذا تحفة فنية .....
المصممة : تستاهلينه وانا متأكده انه ما يلبق الا عليك ..... وطبعا صممنا له شنطة وجزمة مناسبين ومعطف من الفرو الطبيعي .....
آيا : يا الله احس اني في حلم ماني في واقع .....
توما : يله روحي والبسيه خلينا نشوفه ....
المصممة : لازم نشوفه عليك اذا يبغى تعديل نعدله قبل الحفلة .....
آيا ابتسمت و اخذت الفستان: افا عليك الحين اروح طيرااااااااان ....توجهت لغرفة القياس..
المفصل : طيب سيد توما ممكن نروح للغرفة الثانية عشان تستعد ...
توما بابتسامه : طيب ..
المفصل :تفضل من هنا ..
طلع الأثنين .. بعد 10 دقايق ...
طلعت آيا وهي لابسه الفستان والجزمة .....اش رايك يا تو...
تتلفت : وين راح توما ؟؟ ..
المصممه : راح يتجهز ..
آيا : اها ..
المصمه بابتسامة شاقه وجهها : آنسه آيا انت روعه و الفستان عليك يجنن ..
آيا بخجل : شكرا من ذوقك ..
المصممه : يالله يا حلوة تفضلي عند الكوافيره عشان تسرح شعرل و تحط لك مكياج ..
آيا : اوكي ..
وتوجهت للكوافيره ..
وجلست وبدأ الشغل تزين لها شعرها .... وتحط لها مكياج روعة ..
بعد شوي ..
المصممة : وصل اخيرا الطقم .. .
آيا : أي طقم .... ؟؟
المصممة : طقمك ..
وتفتح لها الطقم وتتجنن آيا عليه ......
آيا : هذا حقيقي ؟؟
المصممة : هذا الماس مصمم خصيصا لك من باريس ..
آيا : وكم سعره ؟؟
المصممة : عشرين مليون ين.....
آيا تفتح عيونها : 20 مليون ين ...
آيا في نفسها : وجع وجع ياليتها كاش في يدي
المصممة : تستاهلين افضل منه يا انسه ....
آيا ولا زالت مفهيه : تسلمين
المصممة : وش فيك متعجبة من كل شيء هذا شيء طبيعي هنا ....
آيا متورطه : هاه لا مو كذا ... بس اقصد اني مو انا اللي مختارته .... هه هه ..
المصممة : ههههههه احلى مفاجأة صح اجل ازيدك من الشعر بيت صممو ساعة يد الماس
تأشر عليها بيدها: وش رايك فيها .....
آيا : واااااااااااااااااااااو تجنن .... اوه اقصد كيوت .... هه هه
آيا في نفسها : وش هذا انا في حلم ولا في علم ...... اكيرا انت وين حطيتني فيه ... ؟؟

يتبع .....

وتخلص آيا من المكياج والتسريحة وتلبس الطقم والساعة ...
المصممة : آنسة آيا ممكن تعطيني جوالك ..
آيا : جوالي في البيت ....
المصممة : اوه ليش ما جبتيه معك ... ؟؟
آيا : لانكم اخذتوني بملابسي كيف تبيني افكر بجوالي او اجيبه .. ؟؟
المصممة : آسفين بس من توصيات السيد اكيرا اننا نجيبك في الحال ما صار الا الخير نرسل الحين السواق يجيبه لك ....
راحت المصممه تتصل على السواق ..
الكوفيرة : يا آنسه خلصنا من المكياج ما تبين تشوفين نفسك....
آيا : خلاااااااااااااااااص اقدر اشوف شكلي ؟؟
الكوفيرة : اكيد وصايره كأنك قمر14 .....
آيا : والله شكرا هذا من ذوقك ...
توقف آيا قدام المراية ......
آيا : ياااااااااااااااااااااااااااي هذي انا ؟؟!!!
الكوفيرة : وش رايك ؟؟؟؟
آيا : في احلامي ما تخيلت نفسي بهالشكل ......
بعد ثواني رجعت المصممة : وااااااااااو صايره خيال وجنان
الكوفيرة : انتي الحين في الواقع .... تدرين ؟؟
آيا : وشو ؟؟
الكوفيرة : على كثر ما التقيت ببنات .... انتي احلاهم واجملهم ....
المصممة : وانا اشهد على كلامها.....
آيا : لا تبالغون .. فيه كثير احلى مني .....
المصممة : ما راح انافقك لكن جسم وطول وجمال ... ما شفت مثلك....
آيا : لا تحرجيني بكلامك الحلو ......
الكوفيرة : والله هذا الصدق ماكذبت ....
آيا : ممكن اطلب منكم شيء ؟؟
المصممة : تفضلي ....
الكوفيرة: آمري.....
آيا : هنا تصورون ؟؟
المصممة : ايه
آيا : طيب اقدر اصور ...
المصممة : اكيد تقدرين بس هل باستطاعتك الانتظار لان يبغالي اتصل على المصورة تحضر..
آيا : لا لا خلاص ... مشكورة مايحتاج...
الكوفيره : وليش لا ؟؟ والله انك خيال حرام ماتصورين..
المصممة :انا بتصل وبتصورين عشاننا اوكي ......
آيا : اوكي براحتك......
وفي نفس الوقت ينطق الباب ....
الكوفيره: نعم ..
السواق : جبت الجوال ....
الكوفيره تروح وتاخذ الجوال منه ......
آيا : وش عندك بالجوال ....؟
المصممة : بأدخل شريحتك بجهاز ثاني .....
آيا : ليش وش فيه جهازي حلو .....
الكوفيرة : ارسل لنا السيد اكيرا جهاز جوال لك ......
وتطلع المصممة جهاز الجوال .....
آيا تشوف الجهاز الجديد وتنهبل ....
آيا في نفسها مندهشة: آخر جوال نزل بالسوق مستحيل ....
آيا تروح للمصممة وتاخذ الجهاز الجديد وتاخذ جهازها من الكوفيرة وتبدأ تفتح وتطلع الشريحة وتدخلها في الجوال الثاني .....في هذي الاثناء....
المصممة : ما تحسين فيه شيء يضايقك بالفستان او الجزمة او الخاتم وغيرها ..
آيا : الصراحة الفستان احسني ما اقدر اتنفس من ضوقه ...
المصممة : ضيق ؟!
آيا : ايه شوي ....
المصممة : لكن نفس الفستان اللي جانا بالضبط .....
آيا : الفستان اللي عطيتك اياه حق الصيف الماضي والحين احنا في الشتاء .... عشان كذا سمنت ...
المصممة : كذا .... طيب ليش ما قلتيلنا ....
آيا : كنت اتوقع اني ما سمنت ..... معليش الغلط مني ....
المصممة : طيب خلاص .... معليش تحمليه شوي لين تنتهي الزفة ....
آيا : اوكي يصير خير ....
وينطق الباب ....
المصممه : مين ؟؟
المصوره : هذي انا المصورة....
فتحت الباب :
المصممة : هلا بك ....
المصورة :هلا فيك ..
المصممه : تفضلي احنا بإنتظارك ..
المصوره : وين البنت اللي بأصورها ... ؟؟
المصممة تأشر على آيا : هذي القمر .... بالله ما تستاهل التصوير .؟؟
آيا بإبتسامه خجل ..
المصورة منبهره : الا والله .....تستاهل ..
آيا بإحراج : تسلمون ..
المصممه : يالله تفضلي ..
المصوره : اوكي ..
بدأت آيا تصور انواع الحركات و تدلع مره واقفه و مره نايمه ومره ماسكه ورده و من هالحركات الناعمه ..
وبعد شوي دخل توما عليهم .....
آيا متعجبه : واو توما اول مره اشوفك مرتب وحلو ..... صاير شخصية ...
توما طاحت عيونه : انتي آيا ؟؟ شلون انقلبتي كذا ....... ؟!
آيا بتعبيسه : ما عجبتك ؟؟
توما مو مصدق شكلها : لا مو كذا قصدي ... قصدي انك صايره جميلة ....
آيا بفرحه : والله ..... اجل عجبتك ..
تتعدل في جلستها : شفت شفت من قدك اليوم بأصير اختك ....
توما يزين ياقة رقبته : ويا سعدك اليوم بأصير اخوك ....
دخل السواق .. ممكن تجهزون لان بنروح الحين ..
المصممة : طيب ... يالله روح وقرب السيارة ....
الكوفيره : انسة آيا خذي والبسي هذا الجاكيت ..
آيا : واو فرو ..حتى هذا تبع الفستان ....
الكوفيره : ايه ..
آيا : اها شكرا ..
توما : يالله آيا خلينا نمشي السواق ينتظرنا..
آيا : يالله ..
طلع الأثنين و ركبو السياره
وراحو للقاعه ..
امام قصر كبير وقفت السياره ..
نزلت آيا و توما و دخلو القاعه .. الخدم منتشرين في جميع انحاء القصر ..ايا تتفكر في هالقاعة و روعتها ..
مسكها توما بيدها : خلينا نروح نوقف مع الحضور هناك ....
آيا ما قالت ولا كلمه و اكتفت بالمشي معه .. بعد شوي..
آيا تتلفت يمين و يسار : توما ... وين اكيرا ما اشوفه ؟؟
توما يناظر في الحضور : ما ادري .. يمكن في الزفه راح يطلع لانه اكيد لازم يوقف مع اخوه ...
آيا تحط يدها على ذقنها بتفكير : ما عمري شفت اخوه .... شكله زين زي اكيرا ....
توما يضربها من جنبها بكوعه : خير لا تفشلينا نزلي يدك اللي يشوفك يقول المحقق كونان جالسه تحلل في جريمة قتل ...... واسمعي لازم نسمي اكيرا بأسم ثاني عشان محد يدري اننا نحكي عنه ....
آيا تكشر في وجهه : ياربي منك ما عندك وقت و بعدين تعال وش نسمي اكيرا بأسم ثاني.. ؟؟
توما وده يطقها: آيا لاتصيرين غبيه قلتلك لا تنطقين اسمه
وبصوت واطي قال : اكيرا خلينا نسميه اسم ثاني وش رايك بسوما ..
آيا بغت تطلع حنجرتها من التحمس : وععع من حبي لسوما عشان اسمي اكيرا بأسم صديقه ....
توما طلعت عيونه : بس بس لا تتقطع احبالك الصوتيه كل هذا كره في سوما ...
ايا تصرف : لا لا مو كذا .. اقول وش رايك نسميه " ني "
توما بتعجب : " ني " ؟
آيا تهز راسها : ايه حلو مره ...
توما بدون اعتراض: خلاص بكيفك ..... ني ني ..
طفت الانوار ..الا اضاءه بسيطه مسلطه على باب ..
آيا تمسك كم بدلة توما : وش السالفه ؟!
توما يبعد يدها : وشو يعني اكيد الزفه بتبدأ ..
وبالفعل بدأت الزفة و انفتح الباب و طلع العريس و من خلفه يوقف اكيرا ....
آيا تضرب توما بكوعها : مو هذا ني ؟؟
توما بتألم: آي من هو ني ؟؟
آيا : يعني اكيرا .... امداك تنسى
توما : ايه والله هذا هو .....
آيا : خلينا نأشر له عشان يشوفنا ...
توما :آيا اعقلي و لا تفشلينا عيب ...
آيا : وش فيك الحين شلون بيعرفنا بين هالعالم .....
توما : ما يحتاج يعرفنا .... اقول اسكتي تكفين .....
آيا : طيب .... هذا اخوه ... تصدق " ني " احلى منه بكثير ...
توما : صح صح .... بس العروس حلوه صح ؟؟
آيا : ترى بأعلم راي ....
توما : ياختي عادي ابدي رأيي .....
آيا : لا مو عادي ممنوع .....
توما : طيب خلاص خلينا نتفرج و احنا ساكتين ..
انتهت الزفه .....
جت خادمه متوجهه لآيا : آنسة آيا ....
آيا باستغراب : نعم ..
الخادمه : ممكن تتفضلين معي..
آيا تناظر توما : وش تبي فيني هذي ..
توما : و الله مدري بس خلينا نروح معها و نشوف ..


يتبع ....

آيا تكلم الخادمه : وين اتفضل ..
الخادمه : من هنا ...
وهم متجهين للمكان المراد .. مرو من عند قاعه في قمة الفخامه ..
آيا منبهره تأشر على القاعه : توما لا يفوتك..
توما يلتفت لمكان المأشره عليه : شكل هذي اللي بيصير اليوم فيها الحفلة ....
آيا : واو وش كبرها ..خياليه ..
توما : خلينا نمشي الخادمه سبقتنا ..
ايا: معاك حق ..
الخادمه فتحت لهم الباب تأشر لهم على الغرفه : سيدي آنستي تفضلو بتجلسون في هذي الغرفة وقت الاستراحة ......
توما على طول جلس على الكنبه و مد يدينه : ياسلام مريح ..
آيا تشوف ساعتها : الساعة الحين 6 وبتغرب الشمس بعد شوي ... متى بتبدأ الحفلة ...
الخادمه : الساعة 8 ونص .....
آيا تلتفت على توما : ساعتين .... وش بنسوي فيها يا توما .... ؟؟
توما يأشر لمكان جنبه : تعالي ارتاحي الحين بعدها سوي كل اللي تبين واذا بغيتي بعد نومي ....
آيا تجلس جنبه : اما انوم ... خير ان شاء الله ....
دخلت عليهم المصممة ..
آيا باستغراب : المصممه هنا ..اش عندك ؟! ..
المصمه بابتسامه : مو قلتي ان الفستان ضيق عليك ؟؟
آيا لازالت مندهشه : ايه قلت انه ضيق ..
المصممة زادت ابتسامتها من منظر آيا : خلاص عطينياه وانا الحين اوسعة شوي ....
آيا : و كيف ابدله ما معي غيره ..
المصممه تريحها : ومن قال اني راح آخذ لبسك بدون ما اعطيك بديل ..
توما يضحك على تفكير آيا : هههه من جد انتي و اكيرا مناسبين لبعض ..
آيا تلتفت عليه : وش قلت ..
توما : سلامتك بس كنت اقول لو تبدلين ازين ما يروح الوقت ..
آيا تأيده : ايوه معاك حق ..
تكلم المصممه : وين اللبس البديل ..
ابتسمت المصممه لبراءتها العفويه و طلعت فستان ابيض مره نعوم و مدته لها : تفضلي يا آنسه و آسفه اذا ازعجتك ..
آيا بامتنان : لا عادي لا ازعاج ولا شي ..
اخذت منها الفستان وراحت تبدل ....هي دخلت غرفة التبديل من جهة و رن جوال توما من الجهة الثانية.....
دخل توما يده بجيبه و طلع جواله كان عارف مين المتصل من النغمه المخصصه له..
توما مبتسم رفع السماعه : هلا ني ..
اكيرا تغير وجهه : خير وش تخربط وشي ( ني ) هاللي قلتها عسى ماشر..
توما يضحك : خخخخ ماشر كنت امزح معك بس ..( في نفسه لو تعرف ان حبيبة القلب مسميتك هالاسم كان ماقلت خرابيط )..
اكيرا بابتسامه :اها .. كيف الاحوال ؟؟
توما فرحان لخويه و في نفس الوقت خايف عليه : كل شيء تمام ... بس تتوقع هالخبله بتقدر على...
اكيرا تذكر شكل آيا و بابتسامه قال : انا واثق .. ولا تخاف على آيا الحين اعطيها كم كلمة .... وهي عاد تمسك الدور ... لا تنسى انها ممثلة بارعة ...
توما بهدوء : طيب نشوف يا الواثق ....
اكيرا : اسمع ... انتم الحين في غرفة الاستراحة اللي في القاعة . ؟؟
توما : ايه ...
اكيرا : طيب بعد ساعة وشوي راح اجي اوكي .... ؟؟
توما : اوكي انتظرك ....
مر الوقت سريع جات فيه الكوفيرة و غيرت تسريحة آيا .... توما يعدل جيكيته ....
دق الباب ودخلت المصممة : آنسه آيا تعالي يالله البسي الفستان عشان اشوفه ان كان يحتاج زيادة توسيع .....
آيا : طيب ..
يرن جوال توما ..
توما : هلا ..
اكيرا مستعجل : انا الحين جاي عساكم مستعدين .... لاني ابي اشوفكم قبل ما تطلعون ....
توما : جاهزين ننتظرك ...
اكيرا : اوكي .... مع السلامة ...
لبست آيا الفستان ...
المصممة : هاه شلون الاخبار ؟؟
آيا وهي تستعرض عند المرايه : تمام احس الحين براحة مره حلو ..... تسلمين ....
المصممة : الحمد لله ..... طيب يالله حطي شوية قلس لان بعد شوي بتطلعين للحفلة ...
آيا : حاضر ...طلعت برى الغرفه و راحت لشنطتها ..
انطق الباب .... توما راح وفتح الباب .....
توما انبهر بشكله: الله الله وش هالكشاخة يا اكيرا .....
اكيرا : والله انت اللي صاير كشخة ... حركات ...
آيا وهي تحط القلس الوردي على شفايفها و معطية ظهرها الباب : توما .... جاء اكيرا ؟؟
توما وهو يدخل اكيرا قال بصوت مرتفع شوي : ايه ...
دخل اكيرا وشاف آيا من ظهرها ......
اكيرا بابتسامه : آيا هاه كيف الفستان ؟؟
سكرت آيا القلس و التفتت عليه ....
اكيرا انحرج من شكلها الآسر فنزل عيونه : آيا هذي انتي ؟؟
آيا تدور على نفسها مبسوطه : ايه انا والفستان جنان ..
اكيرا بصوت منخفض : انتي اللي محليته .....
آيا قربت من عنده: وش تقول ؟؟
اكيرا في نفسه : آيا ارحميني ولا تقربين ..
اكيرا باستحياء : صايره جميله مره يا آيا ....
آيا عايشه عالمها : والله ... اخيرا اكتشفتو جمالي ..... هههههه .. طيب ورا ما تصور معي تراها فرصة ما تعوض
اكيرا في نفسه : انتي ناويه تجيبين خبري اليوم .. فيه احد ما يبي يصور مع ملاك ..
آيا قربت منه وصارت تأشر بيدها على وجهه : هي وين رحت تراني لازلت عند كلمتي ..
اكيرا ذاب من كلامها و قربها : هاه لا يكفي عيوني صورتك ....
آيا : هههههه الله كلامك مره حلو .....
اكيرا يحاول يصرف لان لو بتل معها كان خطفها وخرب كل مخططاته : مرتاحة في الفستان .... والطقم عساه جازلك ؟؟
آيا بابتسامه ساحره : كل شيء حلو مشكور اكيرا ........
اكيرا بهدوء مناقظ لضربات قلبه اللي بتطلع : آيا ابي اكلمك شوي ...
آيا : تفضل ...
مسكها من يدها و جلسها على الكنبه و صار مقابلها وجه لوجه : آيا ابيك اليوم تصيرين شخصية مره .... يعني كلامك , اسلوبك , تصرفاتك .... وامشي كثير بين البنات وخليهم يشوفون شكلك من اولك لآخرك ........
آيا بحماس: بس هذا اللي تبيه مني .... ابد اللي تبيه بيصير ....
تكلم بهدوء : وانتبهي تبعدين كثير عن توما خليك معه ..... واذا سألك احد قولي انه اخوك ..... واذا سألو عن مدرستك قولي انك جاية من كوريا ...
آيا تهز راسها: طيب ....
اكيرا : وبعد ...انتي عارفه ان اختياري للبنت راح يكون بالترشيح عشان كذا لما تختارين لي البنت اللي تناسبني اوقفي جنبها على اليمين لما اجي اختار .... وبعد ابيها لابسه فستان وردي وشعرها بني لحد كتوفها ..
آيا باستغراب : وش هالصفات ؟؟
اكيرا يمسك يدينها الثنتين : اهم شيء تسوين اللي اقوله لك ..... خلاص ... ؟؟
آيا تأشر على عيونها وهي مبتسمة : اوكي من عيوني وراح اختار البنت اللي تستحقك ....
اكيرا في نفسه : يالله يخليلي هالعيون و صاحبتها والله ما استحق الا انتي يا حبي ..
اكيرا يتعدل في جلسته : واذا طلعت البنت من الترشيح لا تطلعين معها اختاري وحده ثانية واوقفي جنبها ...... خلاص ؟؟
آيا تهز راسها متحمسه : خلاص ... فهمت
اكيرا بثقه : ما اوصيك .....
آيا تمسك يده كتشجيع : لا توصي حريص ......
اكيرا نسى نفسه و قرب منها اكثر .. قاطعته بغمزه من عينها :انت تستاهل كل خير .....
اكيرا انتبه لنفسه و حمد ربه ان آيا ما انتبهت له وقف بسرعه مايبي يجلس اكثر : طيب الحين استأذن لازم اطلع قبل ما يشوفوني الناس معك .....
آيا تودعه : بالتوفيق اكيرا مع السلامة .....
اكيرا يروح يقرب من توما : قلتلك انا واثق ....
توما يسايره : نشوف الله يستر .... مع السلامة
طلع اكيرا ....
المصممة : يالله استعدي انسة آيا عشان تطلعين للحفلة .....
آيا بابتسامه تهز راسها : شكرا على كل شي سويتوه لي .....
الكوفيره والمصممة : لا شكر على واجب ......
تطلع آيا ومعها توما ويروحون يدخلون للقاعة من بوابتها ....
آيا طايره عيونها من هول المنظر : واو كل هذولا معارف اكيرا ؟؟
توما : هههه اغلبهم اصدقاء ابوه والباقي اصدقاء اخوه و البنات اللي يبون نصيبهم ....
آيا تتكتف: اها ... اشوفك فاهم كل شيء ؟؟
توما يمسك يدينها و ينزلها : كم مره بأقولك هالحركات العربجيه خليها انتي في فصل يوم تتكتفين و بعدين من متى وانا صديق اكيرا .... اكيد بأعرف كل شيء عنه ..
آيا تتأفأف : اففف ياربي منك يعني حرام انسى ..
توما : ايه هنا حرام تنسين ..
آيا تلف وجهها للجهة الثانية يقالها زعلت .. وفجأه مسكت توما مع كمه و هي تهزه : شف شف هذولا البنات ..... الظاهر بأبدا شغلي ...
توما ابتسم لطيبة قلبها في نفسه : ياحليلك يا آيا مسرع ما نسيتي الزعلة و الله يا اكيرا تستاهل آيا وهي كمان تستاهلك ..
آيا توها بتتحرك .. مسكها من يدها : اهم شيء لا تبعدين عني كثير فهمتي ... ؟؟
آيا تلتفت عليه : وش شايفني عندك بزر ....
ترك توما يدها و ابتسم : روحي روحي نار شابه يا كافي ..
راحت آيا بدون ما ترد عليه.. وصلت عند البنات ووقفت جنبهم ..
البنات يتكلمون ...
البنت 1 : ياي كنت دائما احلم اني اكون زوجة لابناء " ساسو " وجاء اخيرا اليوم اللي بيتحقق فيه حلمي .....
البنت 2: مصدقه نفسك انتي انه بيختارك .....
البنت 1 : وليش ما يختارني ... جمال وبنت عز ....
البنت 2 : وع من زينك ..... تكفين الجميل ما يختار الا الجميل .... وانا احلى وحده وبكل وثوق .....
آيا في نفسها : عشتو .. يا ناس وش هالوثوق .....
البنت 1: مسكين اصلا لو اختارك ... انتي ما تخلين الواحد في حاله كل يوم سفره وشايفه نفسك على لا شيء .....
البنت 3 : حبايبي ما راح يختارك لا انتي ولا انتي ..... تكفين وش بيلقى فيكم ... وانتي " البنت 1" كل يوم مع واحد المنتحر اللي بيتزوجك ...
البنت 4 : ولا عاد انتي " البنت 3 " تكفين وش فيك زود على كل هالبنات اللي في هالمكان فيه الف اجمل منك .....
آيا في نفسها : اقول هالبنات رايحات وطي ..... وحده كل يوم طايرة لديره والثانية كل يوم مع واحد شكل ...... اقول اغيرهم اصرف ..
وتروح آيا لتوما .....
توما جالس على طاوله و معه عصير و بشبه ابتسامه : كيف الاخبار ؟؟
آيا تجلس على الكرسي جنبه و تميل فمها : ما الوم اكيرا اذا كرههم ...
توما يضحك: ههه اجل في القائمة السوداء ....
آيا تشرب من العصير : مليون مره .....وع وش هذولا ..
آيا تذكرت حاجه فحطت العصير على الطاوله : الا تعال بقولك من هو " ساسو " ؟؟
توما مستغرب: ما تعرفين منهو ساسو ؟؟
آيا : لا ما اعرفه بس سمعت البنات قبل شوي يتكلمون عنه .....
توما : الله يخلف عليك ... هذا ابو اكيرا ....
آيا تلف عليه مندهشه : جد !! ابوه .. ؟؟

يتبع ...

توما يهز راسه : يس .. توك تعرفين اسم ابو اكيرا ؟؟
آيا تشرب من العصير: ايه ..
توما : آيا افهم انك توك ماكنتي تعرفين اسم اكيرا الكامل ؟!
آيا تعبس في وجهه : ايه و الله يعني بأكذب عليك...
توما : الحمد الله انك عرفتي الحين ولا كان تفشلينا صدق .....
آيا اخذت كاسها ووقفت : شكرا على هالاسلوب ...
وأشرت على بنتين : بأروح اشوف هذولاك البنتين اللي لابسات وردي وشعورهم لأكتافهم .....
توما حس انه زودها ففضل السكوت .... راحت آيا ووقفت جنبهم وهي تشرب العصير ...
البنت 1 : لا لا لا مستحيل ..... اصلا انا خلاص عندي رفيقي جون ....
البنت 2 : تكفين هذاك امريكي وش تبين به ..... خذي واحد من اهل ديرتك ......
البنت 3 : ما عليك منها خليها ان شاء الله يصير من نصيبنا .....
البنت 2 : انا الصراحة ما يهمني اكيرا اصلا ماني داخله عشان يختارني انا داخله عشان اخوه عشان اصبح كل يوم على وجهه ......
البنت 3 : اخوه اعوذ بالله منك ....... اما انا لا .. انا ما يهمني الا ثروته بعد ما يموت ابوه ...
البنت 1 : اف الله يفكني منكم با الثعابين ....
آيا في نفسها : والله ورحت فيها يا اكيرا افكار هالبنات هبال .... اغيرهم وابعد عن شرهم اصرف ...
و هي في طريقها للرجعة .. نادتها بنت ..
البنت : لو سمحتي انتي ؟
آيا تأشر على نفسها : انا ؟
البنت : ايه تعالي شوي .....
آيا في نفسها : رحت وطي .... وش تبي هذي فيني .؟؟
البنت 1 : وش اسمك ؟؟
آيا بابتسامه مسطنعه: اسمي آيا ...
البنت 1 : واضح عليك غريبة في هالمكان ؟؟
آيا في نفسها : انكشفنا ...
البنت 1 : صح ؟؟
آيا : ايه ... شلون عرفتي ؟؟
البنت 1 : انا اعرف كل الموجودين هنا .... وانتي الغريبة بينهم ..
آيا : ما شاء الله عليك ......
البنت 1 تناظرها من فوق لتحت منبهره : واو فستانك مره نايس .... جاهز ولا تفصيل ؟؟
آيا بشوية غرور : لا تفصيل .. وبعد من ذوقي الخاص ...
البنت 1 لازالت منبهره : واو طقمك خيالي .....
آيا بحيا و هي تلمس طقمها : مشكوره ....
البنت 1 باستغراب : بس ما عمري شفته في السوق طبعا انا اعرف كل الطقوم الجديده ...
آيا شافت نفسها : لا ما حبيت احد يكون مثل طقمي عشان كذا هذا مصنع خصيصا لي .......
البنت 1 طلعت عيونها : اوه ...
في هالثناء رن جوال آيا ....
آيا تستأذن من البنت : بعد اذنك بأرد على الموبايل ..
البنت : خذي راحتك ..
تبعد آيا شوي عنهم و تطلع الجوال من الشنطة و ترد بصوت منخفض....
آيا : هلا توما .....
توما بقلق: وينك يا بنت وراك اختفيتي ... ؟؟
آيا : انا جايه لك الحين بس دقايق ...
توما باستعجال : يالله تعالي انا في مكاني انتظرك ......
آيا : اوكي ..
سكرت السماعه و في رجعتها للبنات شافت بنت جايه لهم ...
البنت 2 تكلم 1: هلا يا عسوله ..
البنت 1 : هلا بك من زمان ما شفتك .... وش هالغيبة ؟؟
البنت 2 : والله انشغلت ..... اعذريني ..
جات آيا لهم ..
البنت 1 تعرف صديقتها على آيا : شفتي هذي بنت تو متعرفة عليها اسمها آيا ....
البنت 2بابتسامه لآيا : تشرفت بمعرفتك يا آيا .....
ايا تبادلها نفس الابتسامه : الله يخليك زادني الشرف ..
آيا توجه كلامها للبنت 1 : حبيبتي انا استأذن اخوي تو اتصل علي يبغاني اروح له ......
البنت 1 تمسكها من يدها : اجلسي شوي معنا ...
البنت 2 بإلزام : اجلسي ودي اتعرف عليك ...
آيا بحيا : مره ثانيه الحين لازم اروح ...
البنتين : على الأقل بس 10دقايق ..
آيا استحت منهم و في نفسها : وش شايفه نفسك عليه يا آيا اجلسي شوي توما ماراح يطير ..
آيا بابتسامه : اوكي بس ثواني اخبر اخوي ...
البنات استانسو ..
آيا مثلت قدامهم انها تدق على اخوها و تكلمه و تقوله انها راح تجي بعد 10دقايق و بعدها قفلت الجوال و دخلته في الشنطه و جلست معهم ..
البنت 2 : واو جوالك جديد ؟؟
آيا بدأ غرورها : ايه طبعا انا احب اجدد في اغراضي .....
البنت 2 : انا كنت ناويه اشتريه لكن تحسفت بجوال اللي نازل قبله ....
آيا : اها ....
جلسو سوالف و بعدها وقفت آيا: طيب انا استأذن لازم ما اتأخر على اخوي ....
البنت 1 : فرصة سعيدة آيا ...
آيا : وانا اسعد .....
رجعت آيا لطاولتهم و شافت
توما حاط رجل على رجل و يهزها بقوة ..
آيا بابتسامه: هاي ..
توما شبه معصب : وين رحتي ؟؟
آيا تجلس على الكرسي : قعدت مع بنتين ....
توما يرجع ظهره على ورى : ما شاء الله اشوفك طقيتي صداقة ....
آيا : لا مو انا اللي رحت لهم ..... هي نفسها نادتني ....
توما : طيب كيف الاحوال ؟؟
آيا : لا البنت اللي كلمتها واللي معها راعيين مظاهر مره ...
توما : الظاهر بتنتهي الحفلة ما لقيتي له رفيقة .....
آيا تهز راسها : لا انا مستحيل اخلي اكيرا يطيح في يدين هالثعابين ...... بأدور وادور لين القى اللي تناسبه ..... بس انت اصبر علي شوي ...
شافت آيا مجموعة بنات لابسة وحده منهم وردي ...وقفت بروح لهذولاك .. وراحت ..
توما : ياربي يا آيا والله انك مخلصه يعني الا تجيبين له عروس والله ماراح يدخل مخه غيرك ...
هناك عند آيا و البنات..
طبعا آيا تتسمع لهم ..
البنت 1 : تكفين الجامعة ارهقتني .....
البنت 2 : حبيبتي جامعة امريكا فيها الرفاهية ...
آيا في نفسها : لا لا هذولا ما ينفعون اكبر من اكيرا ......
وتلتفت وتشوف مجموعة ثانية وحده لابسه فستان وردي وتروح توقف عندهم .....
البنت 1 : انا من كنت صغيره وانا اعرفه .... وبعد درست معه في الابتدائي ...
البنت 2 : تكفين تعرفين وين دارس المتوسط والثانوي ؟؟
البنت 3 : ايه وع مع العامة هذولا الحثاله .....
آيا في نفسها : والله لا اوريك يا بنت اللذينا .... اجل احنا حثاله يا عديمة الأخلاق .....
البنت 1 : واذا كان دارس معهم وش الفرق اهم شيء انه اكيرا ...... وانا احبه من كنت صغيره ... ولو علي كان درست معه في العامة ...
آيا في نفسها : يا زين الزين هذا الكلام الصح ....
البنت 2 : وش شايفة فيه يا حظي ؟؟
البنت 1 : يكفي انه جميل ورجولي وطويل وانا من عمري اعرفه حتى قبل ما يجي الاختيار وانا احاول قدام ابوه اتصرف بأني افضل بنت عشان احصل عليه ... اكيرا حبي الاول ....
آيا في نفسها : هذي المطلوبة وتستاهل اكيرا ... وبعد لابسة وردي وشعرها بني لكتوفها .... واه اخيرا لقيت لك المناسبه لك يا اكيرا ....ارتاحت ايا فقررت ترجع ..
شافها توما مقبله و وجهها مشرق و فرحتها لا توصف كأنها حققت شيء صعب المنال ..
ابتسم لشكلها .....
آيا بفرحه لاتوصف : ابشرك يا توما لقيت له الرفيقة اللي تستاهله .....
توما بدهشه : والله ؟!
آيا تهز راسها بحماس : ايه والله بنت سنعة كلها اخلاق وتحب اكيرا من كانت صغيره ...
توما بابتسامه عريضة : زين ... اجل اوقفي جنبها عشان يشوفها اكيرا .....
آيا تناظره بشك : وانت وش دراك ان اكيرا قايل لي هالكلام .... ؟؟
توما يأشر لها بأيدينه : لا لا بس سمعته وهو يحاكيك هه هه ...
آيا تتنهد براحه : خلاااااص كذا الحين ارتحت واقدر اجلس ....
توما يناظرها بامتنان : شكرا آيا على كل شي سويتيه ..
آيا بابتسامه : عادي احس اني اسوي انجاز و ما اخفي عليك احس بالمتعه ..
و تغمز له .. ضحك توما و بدأو يسولفون و يضحكون ..

يتبع ....

مرت ساعه تقريبا .... وبدأ الترشيح (وقت الاختيار) ... البنات المرشحات على الجهة اليمنى .... وباقي الحضور الجهة اليسري ..
توما يستعجل آيا : يالله قومي وروحي اوقفي جنب البنت لا تضيع منك ويتورط اكيرا بحياته ...
آيا توقف و تزين لبسها : طيب .. شكلي زين ..
توما بعجله : زينه تهبلين بس روحي ..
آيا بابتسامه : اوكي مع السلامة ....
توما يبتسم: روحي و الألب داعيلك ....
مشت آيا للبنت ووقف جنبها ....
في هالأثناء تقدم اكيرا وطلع على المنصة انطفأت الانوار الا نور كان مسلط على اكيرا .. اخذ اكيرا المايك ....ودفع نظره للجمهور دار بعيونه بشكل عام.... شاف آيا مبتسمه و تأشر لها على البنت اللي اختارتها له
ابتسم اكيرا بسمة بسيطة ....بعدها بدأ خطابه :.
اكيرا : في البداية احب اشكر والداي العزيزين لاتاحة المجال لي باختيار شريكة حياتي وزوجتي في المستقبل ......كما اتقدم بالشكر الجزيل جميع من شرفني فرحتي بحضوره اليوم ... سكت شوي و التفت على المرشحات موجه الكلام اللي راح يقوله لهم ..
عذرا على ما سأقول الآن و لكن ما كان اوله شرط فآخره نور ..
اكيرا : اليوم احب اتكلم عن نفسي بداية ً والتي لا يعجبها ما لدي تخرج مكرمة .....
البنات بدأو يهمهمون متساءلين عن الكلام و الشرط اللي يتكلم عنه شيا فشيأ الصوت في ازدياد ..
اكيرا يهديهم : الرجاء من كن عدم مقاطعة حديثي الى ان انتهي ..
سكتو احترام له ..
اكيرا يرجع لمحور حديه و بهدوء : احم انا بطبيعتي متواضع لااحب التكبر على اية شخص ... وايضا كما يعرف البعض اني درست المتوسطة والثانوية في مدارس العامة ...
الى هنا اكتفي بالحديث عن نفسي ... الآن اريد ذكر الصفات التي لا اريدها في شريكة حياتي ....لااريدها متكبره ... وترى من اقل منها كحثالة.. ايضا تريد استغلالي من جل ثروتي .. او ربما من اجل ان تتقرب من غيري .. ومن هذه اللحظه من ترى فيها واحدة من تلك الصفات تتفضل بالخروج مكرمة ... لان سواء اليوم او غدا او بعد حين سوف اكتشف صفاتها ولكن سوف الومها على وقفتها اليوم امامي ...بدأت الأصوات بالهمهمة و شوي شوي يقل العدد الى ان بقي القليل ..
اكيرا : شكرا لمن قدرت طلبي و خرجت ..الآن ارى بان العدد قل .... اعتقد اني اخترت رفيقتي .....
سوف اصف رفيقتي الآن والتي بها هذه المواصفات تبقى والتي غير ذلك تخرج مكرمة ..... اولا رفيقتي اليوم ترتدي فستان وردي ..
آيا في نفسها : عشان كذا يا اكيرا خليتني اختار وحده لابسة وردي ..
اكيرا : رفيقتي شعرها لونه بني و يصل الى اكتافها ...
وهكذا بدا اكيرا و قول المواصفات الى ان بقي العدد 10 بنات ....
اكيرا : تفضلو بالدخول الى غرفة التصوير كي نلتقط لكن بعض الصور ومن ثم نقوم بعرضها على الشاشة ...... توجهو البنات لغرفة التصوير ...
المصور يوقف البنت اللي اختارتها آيا : لو سمحتي شوفيني ... البنت شافته بدون اي تعبير.. صورت ....
آيا تقرب من عندها: حبيبتي ليش معبسة في الصورة ابتسامتك مره نايس ....
البنت مستحيه : والله ...الله يخليك ..اجل راح اصور مره ثانيه.......
نادت المصور وطلبت تصور صوره ثانية لكن اكيد هالمره مبتسمة .....
المصور : التالية ....
آيا : انا ؟!
المصور : ليش ما تبين تصورين ولا ايش ؟؟
آيا : لا لا اكيد اصور ..
وتصور آيا وهي مبتسمة .....و اخيرا البنات كلهم صورو ..رجعو للقاعه .....
اكيرا يأشر على الصور المعروضه: آخر شيء اقوله في رفيقتي من خلال هذي الصور ..... ان رفيقتي مبتسمة في الصورة ....
البنت تضم آيا : واو ما اصدق .... شكرا شكرا لك انتي اللي قلتيلي اني ابتسم ...
آيا في نفسها : اصلا هو قاعد يوصفك ..... طلع 7 بنات و باقي ثلاثة اللي هم ...... البنت اللي اختارتها آيا , وآيا , وبنت ثالثة .....تقدمو الثلاث ووقفو قدام اكيرا ....
آيا تبتسم في وجه اكيرا وتأشر له على البنت ....
اكيرا : وحده منكم هي اللي بتكون رفيقتي .... فلازم تتأقلم على حياتي ....
وينزل اكيرا عيونه للارض ثم يرفعها ......
اكيرا : رفيقتي هي انتي ................

احداث الجزء الثاني – الفصل الرابع ::
من ستكون رفيقة آكيرا ؟؟
وهل هي اختيار آيا ؟؟
وما هو الموقف ؟؟
وما هو رجاؤها ؟

هذا رجائي ... (( الفصل الرابع – الجزء 2 ))
اكيرا بكل حب: رفيقتي هي انتي .....
وهو مواجه لها مسك يدها كانت آيا هي اختياره .....
اكيرا وهو ثاني ركبه و الثانيه قائمه على الارض وهو لازال ماسك يدها << مثل اعراس النبلاء .....
اكيرا بكل رزانه : اتقبلين ان تكوني شريكتي ؟؟
آيا في نفسها مو مصدقه اللي قدامها : وش اللي قاعد يصير ؟؟ ..... اكيرا وش سويت ؟؟ ...... انت وش ناوي عليه..... ؟؟ يمامي وش اسوي الحين
ابي اجوبة على هالاسئلة ؟؟
اكيرا يرفع عيونه لها وفي نفسه : آيا تكفين اقبلي ...
توما ضام يدينه و بصوت هامس : آيا اقبلي اقبلي ....
الكل يشوفها متحمس ومترقب..
اكيرا على اعصابه و برجاء ضغط على يدها ....
آيا من حركته على طول قالت: انــــــا اقبل.....
اكيرا اول ما سمع موافقتها وقف و بحركه سريعة ضمها لصدره بأقوى ما عنده ....
الكل عجبته الحركه وبدأ التصفيق الحار تعبير عن الرضا ..
اكيرا بصوت هامس : اخيرا حصلت عليك .....
آيا بصوت منخفض : اكيرا خنقتني خف علي احس ضلوعي بتتكسر ..
اكيرا يخفف ضغطه عليها بفرحه لاتوصف : آسف بس فرحان ..
آيا بتعجب : اكيرا وش اللي قاعد يصير علمني ..... ؟؟
توما يتنهد براحه : واه الحمد لله بس اخيرا ... والله يا اكيرا انك متهور ..... قدام هالخلق تعترف لها .......
اكيرا بعد آيا عنه ومسك يد آيا ونزل من المنصه وراحو داخل .....
آيا تحاول تفك يد اكيرا: اكيرا انت وش سالفتك آي يدي شوي و تنقطع وين بتوديني و لا تستعجل احس اني مع الكعب راح اط...
تعثرت آيا وقبل لاتطيح على الأرض مسكها اكيرا ..
اكيرا بخوف : اش فيك آيا تعبانه .. ؟؟
آيا وهي متمسكه فيه و منقهره : و الله شكلك انت المريض ساحبني معك بقوه وما تبيني اطيح ..
اكيرا بحيا و مو عارف كيف يتصرف من الفرحه : آيا و الله آسف بس لازم امي تشوفك ...
آيا تتعدل و توقف زين و تزين فستانها : عاد انا قلت لا ماني رايحه معك انت حتى ما علمتني و طاير اشوى ان كعب جزمتي ما انكسر كان صدق ما اقابل امك ..
اكيرا بابتسامه ساحره : طيب يا مدام آيا تفضلي معي و يمد يده يمسكها ..
آيا تمسك يده : انت لو تفكني من الحركات اللي الى الحين مدري وش سالفتها ولو سمحت بلا مدام و خرابيط ..
اكيرا يمشي و في نفسه : مدامتي غصب وغيرك ما راح آخذ لو اموت تفهمين يا قلبي ..
وصلو للغرفه ووقفو عند الباب آيا تبعد يدها و تعدل شعرها : اكيرا وش رايك بشكلي مرتبه ..
اكيرا يناظرها و في نفسه : انتي تجننين في جميع حالاتك و مثلك ماشفت ..
آيا تطق اكيرا بشويش : هي انا اكلمك لا تسفه ..
اكيرا في نفسه : والله ما اسفه بس اللي يشوف شكلك غصب عنه ..
انتبه لنفسه : ايه ايه زينه يالله بس خلينا ندخل ..
طق الباب ودخلون
كانت جالسه بهيبه و حاطه رجل على رجل و في قمة الاناقه << ام اكيرا .....
آيا من شكل الأم خافت فضغطت على يد اكيرا بدون شعور.. اكيرا ضغط عليها يطمنها
اكيرا يوقف قدام امه وقدام آيا لها و حط يدينه الثنتين على كتوفها : يماه ... اقدم لك اختياري .....وشريكة حياتي ..وزوجة المستقبل ..
الام تشوفها من فوق لتحت ..
آيا التفتت على اكيرا ..
اكيرا هز راسه لها يعني تكلمي
آيا بأدب : السلام عليكم....
اكيرا بكل فخر : هذي رفيقتي آيا ....
الام بابتسامة : و عليكم السلام ..آيا صدق انك آية من الجمال .....
آيا باحراج دخلت في اكيرا : من ذوقك يا خالتي ..
الام في نفسها : ادب ونعومه وجمال وجسم وطول ..... والله انك تعرف تختار يا اكيرا ...
اكيرا استغل احراجها و ضمها له على خفيف : اهم شيء عسى ذوقي في محله ....
الام برضا تام : ما اظن ان فيه افضل منها .... تفضلو يا حبايبي روحو اقضو احلى اوقاتكم مع بعض...
آيا تبعد عن اكيرا و بكل احترام قالت: شكرا يا خالتي سعدت بلقائك..
الأم بسعاده : وانا اكثر ..
اكيرا طاير من الفرحه : مامي احنا الحين نستأذن ..
مسك يد آيا : مع السلامه ..
آيا برزانه : مع السلامه..
الأم بابتسامه حب : في حفظ الله ..
ويطلعون ......
آيا تكلم و هي راصه على اسنانها من العصبيه : اكيرا ابغى اكلمك في مكان محد يشوفنا فيه ....
اكيرا بابتسامه : طيب فيه غرفة قريبه هنا خلينا نروح لها ......
ويروحون ويدخلون للغرفة ......
اكيرا : هذا المكان مثل ما بغيتي محد يشوفنا فيه ... وش اللي تبين تقولينه لي ؟؟
آيا بكل قوتها فكت يدها عن يد اكيرا ..و تهز من القهر : وش تبيني ابدا به ..... انا عندي مليون سؤال ابي اطرحة عليك ......
اكيرا باستغراب : اش فيك قولي اللي تبينه ..... انا بأسمعك .....
آيا تقرب منه معصبه : اصلا سواء براحتك او اجبار بتسمعني بتسمعني .....
اكيرا تغير وجهه بدهشه : وش فيك ايا وراك قلبتي علي كذا .....
آيا تمسك لبسه من الصدر : اسأل نفسك يا ابن النبلاء يا ابن الطبقة العالية ..... ايه عشان كذا مصر اني اجي للحفله ... يا ليتني ما جيت
اكيرا مرتاع من تصرفها : آيا ما فهمت وش اللي تبين توصلينه لي ..... فهميني . ؟؟
آيا تبعد عنه و تعطيه ظهرها لانها ماتبيه يشوف عيونها المليانه دموع : وينك يا النبيه الحين صرت ما تفهم .....
ماصبرت فألتفتت عليه والدموع صارت تنزل تأشر على نفسها : تستغلني لاني اقل منك طبقة .. ليه يا اكيرا انا توقعتك افضل من كذا ... ليش تشوه الصوره اللي كانت في بالي ....
و بصرخه : ليييه ؟؟
اكيرا انجن لما شافها تصيح الا آيا ما يبيها تصيح ... قرب منها و مسكها مع كتوفها و صار مواجه لوجهها : آيا حبيبتي وش الاستغلال اللي تحكين عنه.... آيا انا ما استغليتك ......
آيا تشوفه بيأس : اجل وش معنى حركتك اللي سويتها .... تختارني ليه ؟؟ ... مو عشان تفتك من البنات اللي ما تحبهم ... بعدين تقول لامك اني ما نفعت لك وتروح انت من نفسك تختار وحده يمكن كانت آسره قلبك ......
اكيرا يسمعها ومو مصدق صار يهز راسه بمعنى لا : هذا الكلام مو صحيح آيا انتي كيف تفكرين كذا .... آيا و الله احبك ..
توه بيضمها ابعدته آيا عنها لان قربه يضايقها : انت ما عندك احساس ..
فكت الساعة والخاتم ورمتهم : تغريني بهالاشياء هذي الاشياء عمرها ما همتني ... خذها بس اهم شيء عندي عزة نفسي وكرامتي فوق كل شيء ...

يتبع .....

اكيرا لازال صابر : وش هالقصة اللي تقولينها لي ..... ؟؟ آيا انتي فاهمة غلط .....
آيا تعبت من الوقفه فجلست وحطت يدينها على وجهها : اجل شلون تبيني افهمك هاه ؟؟؟ قولي ..
اكيرا يجلس عند رجولها و يمسك يدها : آيا انا ما استغليتك .... انا اخترتك لانك انتي صدق اختياري ....
آيا وخرت يدينها عن وجهها و الدموع حايسه وجهها : ما لقيت الا انا عشان تختارها .... انا كنت معك من سنتين كاملات توك تفكر انك تبيني اكون رفيقة لك .
اكيرا يمسح دموعها بيده : آيا انتي تعرفين من قبل ما كان لي حرية الاختيار كان ابوي بيجبرني على وحده ما ابغاها لكن يوم قالو لي اني اقدر اختار خطرت على بالي هذي الفكرة .....
آيا تناظره بألم: طيب ليش ما قلتلي من قبل انك تبيني اكون رفيقة لك .... ليش في هالوقت الحرج ....
اكيرا يبعد عيونه عنها : ماحبيت تتعلقين فيني وانا اتعلق فيك بعدين القدر يفرقنا ... انا ما اعلم الغيب ... عشان كذا سويت الحركة اللي اليوم ...
آيا تنزل دموعها : يعني انا عبارة عن تجربة يمكن تنجح ويمكن تفشل .....
اكيرا يوقف جنبها و ضمها لصدره : آيا انتي ليش كذا تفكيرك ليش تستهزئين بي كذا انا كل الايام الماضية ما افكر الا فيك واحاول بقدر المستطاع اني القى الطريقة المناسبة اللي اعترف لك فيها ..
آيا دموعها ما وقفت : اكيرا انا ما اقتنعت باللي تقوله ... احس فيه شوية الغاز ما عرفت شلون احلها ....
اكيرا يزيد في ضمها : اسألي وانا اجاوبك .... بس تفهميني
آيا نزلت راسها : اخاف تصدمني ويكون كل اللي قاعد تقوله كذب في كذب وضربتين في الراس توجع ....
اكيرا يمسح على راسها : صدقيني لا والله لا مو كذب...و الله انك لما قبلتي طلبي فرحت فرحه ماتوصف يا آيا
آيا تحاول تمسح دموعها : اكيرا تعرف ليش قبلت ؟؟
اكيرا : لا ؟؟
آيا ترفع راسها تشوف وجهه : لاني حسيت في ذاك الوقت انك صادق في كلامك .... عشان كذا تكفى لا تخيب ظني فيك .... وانا ما كنت اثق في احد لكن وثقت فيك ..
اكيرا يناظرها : لو السماء والارض تشهد و الجدران تتكلم وقلبي يطلع لك وينطق ..... ما راح يقولون لك الا انتي الاختيار يا آيا ..... آيا اذا بغيتي ترتاحين اسألي توما ..... وتوما اكثر واحد يعرفني ... آيا انا قلت لك من قبل اني اكره بنات الطبقه العاليه واحب بنات البساطة ... آيا انا من قبل ما حبيتك لاني ما كنت اعرفك صدق ... بس القدر خلى الاحداث تتسلسل عشان يجمعنا سوا .....
اكيرا نزلت منه دمعة بدون استأذان : آيا انا أحبكـ .........
آيا تحط راسها على صدره تنزل الدموع من عيونها : كنت طول عمري احلم اني اسمع هالكلمة موجهه لي .... لكن كنت اتمنى اني اسمعها وانا انتظرها ...
اكيرا يبعدها عنه و يمسك وجهها بيدينه و دموعه في نزول مستمر : آيا لا تعذبيني اكثر .... كفاية اللي صار معي ... كفاية ......
آيا تمسح دموع اكيرا : اكيرا اللي اقدر اقوله الحين ..... اني اثق فيك ..... واقبل حبك .... لكن لا تصدمني هذا رجائي ....
اكيرا يضمها له و تصيح على صدره ....
اكيرا : ما راح اتخلى عنك ابد مهما حصل ........
دق جوال اكيرا .. تبعد آيا عنه و تمسح دموعها .. اكيرا رد ..
اكيرا شاف المتصل و على طول مسح دموعه و عدل صوته .. رفع الخط : هلا توما ..
توما : هلا فيك ... يا اخي لهالدرجة تنساني .. انا يوم تصير راي رفيقتي ما خليتك يا الخاين .....
اكيرا يتعدل في جلسته و هو يناظر آيا و هي تمسح دموعها : اعذرني بس صارت شوية اشياء ولهيت .....
توما بتساؤل : انت معك آيا ؟؟
اكيرا بابتسامه: ايه ..
توما بضحكة : بالله انت وش عذبت قلوب هالبنات ..... مساكين ماغير صياح ونياح كأن احد ميت ...ووحدة منهم راحت وطي ...
اكيرا و الضحكه تملأ وجهه : ههه يستاهلون .. ما يهموني اللي ابيها معي هذا اهم شي اما الباقي ..
ضربته آيا يعني اسكت ..
ابتسم اكيرا لها : اقول احنا الحين راح نجي اوكي ..
توما : طيب انا بانتظاركم .. مع السلامة ..
اكيرا : مع السلامه ..
آيا توقف : يالله خلينا نروح له بسرعة ......... حرام جالس لحاله ...
اكيرا : يالله ..
آيا تروح لمرايه تعدل وجهها و تزين شكلها ..
اكيرا يوقف يزين نفسه ..
ويطلع صوت موسيقى ....
اكيرا يلتفت لآيا: بدت الحين الحلفة حقتي وحقتك .....آيا بسرعه ..
آيا : طيب بس بأزين مكياجي لانه شوي خرب والبس الاشياء هذي ...
اكيرا : طيب انا عندي شيء بأروح واقضيه وانتي لما تخلصين روحي لتوما ..
آيا تناظره في المرايه : طيب ..
اكيرا دق على توما ..
اكيرا : الو توما ؟
توما : هلا نعم
اكيرا : الحين انت وينك فيه عشان آيا تجيك .....
توما : في نفس مكاني هي بتعرف ....
اكيرا : خلاص اوكي الحين هي بتجيك .... مع السلامة
ويسكر اكيرا السماعة ......
اكيرا : توما في نفس مكانه يقول انك تعرفينه ....
آيا : ايه خلاص ......
اكيرا بتوديع: اشوفك بعدين ...
آيا تهز راسها : مع السلامة .....
طلع اكيرا ...التفتت آيا للباب وسرحت في تفكيرها
آيا : معقوله اللي صار ولا انا في حلم ..... اكيرا ... اكيرا هو اللي يصير رفيقي ...... ياه في هالوقت اللي ما توقعت ولا واحد بالمية اني القى لي رفيق .... لكن انا شلون نسيت يونا ... انا لازم اقول لاكيرا ....
خلصت آيا تعديل في نفسها و طلعت رايحه لتوما .... وكل نظرات البنات تجاهها ....
توما جالس وواضح عليه الملل ..
آيا تبتسم و تقرب للطاوله : هلا اخوي وحشتك ..
توما يناظرها بزعل : الحين انتي يوم تطولين خير ان شاء الله .. كل هذا فرحه ..
آيا تناظر حولها : الحين وراهم يشوفويني كذا ؟؟
توما بصوت منخفض: قصري صوتك لا يسمعونك ثم عاد يفجرون فيك ......
آيا مستعربه: خير وش سويت لهم ولا هالنظرات لان اكيرا اختارني ؟؟
توما يتسند على الكرسي : وتحسبين هالشيء هين ؟؟
آيا تحط رجل على رجل : وليه الحين يتحسفون به ..... اصلا هم ما يستاهلونه ....
توما : اقول كم مره قلت لك اخفضي صوتك ..... تفهمين ولا لا ؟؟
آيا تاخذ كاس عصير و تشرب منه : طيب طيب ....
توما يناظرها : شلونك معه ؟؟
آيا تناظر في الناس : زين ...
توما بتردد : لا مو اقصد كذا ..... اقصد انك .. يعني
آيا تلتفت عليه : و الله فاهمتك .. الصراحه انا في البداية تطاقيت معه انه مستغلني لكن اكيرا اقنعني والحين انا راضية ....
توما : آيا ... اذا كان في قلبك شيء تبين تقولينه قوليه لي ....
آيا : لا تخاف توما انا قلبي الحين مرتاح وما فيني شيء ابد .....
توما ابتسم بعد ما سمع كلامها : مبروك يا آيا ......
آيا تبتسم : مشكور توما ... مشكور يا اخوي ..

احداث الجزء الثالث – الفصل الرابع ::
مالذي حدث لآيا ؟
وماذا كان ردها ؟؟
وهل ستكون قوية ؟؟ش

هذه انا البنت التي اختارها اكيرا (( الفصل الرابع – الجزء 3 ))
بعد دقايق جاء اكيرا لطاولة آيا و توما ....
آيا كانت تسولف مع توما شافت اكيرا متجه لهم .. ابتسمت له ..
اكيرا يبادلها الابتسامة : هلا ....
آيا توقف : هلا بك ....تفضل..
اكيرا يشوف توما : آيا من اللي معاك ماعرفتينا عليه ؟؟
آيا تأشر على توما و بابتسامه : هذا اخوي توما ....
توما يوقف يمد يده يسلم على اكيرا ...
اكيرا : تشرفت بمعرفتك ..
توما : وانا اكثر ..
اكيرا : فرصة سعيده نورت حفلنا بحضورك....
توما : وانا اسعد .... تفضل اجلس ..
جلسو الجميع و صارو يتكلمون و كأنهم صدق مايعرفون بعض بسبب هالاعيون اللي حولهم و تناظرهم .. بعد مرور الوقت ...
وقفت آيا : انا بروح اجيب لي موية
وقف اكيرا معها و قال : انا اخليهم يجيبون لك مويه بس اجلسي ..
في هالوقت .. مرت بنت معها عصير من عند آيا واكيرا وتوقف جنب آيا ... وتميل كعبها تحاول تكب العصير على فستان آيا ...
اكيرا انتبه للبنت فسحب آيا له وبصوت مسموع قال : آيا انتبهي ....
وينكب العصير على الطاوله ...
البنت تمثل البراءه : آسفه ... عسى ما توسختي ؟؟
آيا وهي تبعد عن صدر اكيرا لانه سحبها له بقوة : لا جت على خير ..
اكيرا يناظر البنت باحتقار : اتمنى المره الثانيه تنتبهين لطريقك ..
البنت طاح وجهها : طيب ..
تلتفت على آيا : آسفه مره ثانية ..
آيا باستعطاف : عادي ياحبيبتي الحمد الله ماصار شيء ..
راحت البنت و هي ودها تذبح آيا من القهر و الغيره ..
اكيرا : آيا وش رايك نغير المكان ....
آيا تعدل نفسها : اوكي ..
اكيرا يكلم توما : روحو لطاولة ثانيه انا بروح اقول للخدم يجيبون مويه ..
توما : طيب ..
راحو غيرو مكانهم .. بعد مارجع اكيرا لهم وجلس..
اكيرا : قلتلهم يجيبون لك مويه ..
آيا بإحراج : شكرا ..
جاء وقت الرقص و الكل قام هو و رفيقته ...
اكيرا يلتفت على آيا : آيا ترقصين معي ؟؟
آيا بصوت منخفض منحرجه : لكن تراني ما اعرف ارقص زين ....
اكيرا يقرب من اذنها و بابتسامه : اهم شيء انك تعرفين الاساسيات ..... والباقي علي ..
آيا اقشعر جلدها من قربه : اخاف افشلك ...
اكيرا ماتحمل وقف ووقفها معه و مسكها مع يدها وتوجهو لدرج المنصه و رقو عليها .....
آيا تقرب من اكيرا و بصوت منخفض : اكيرا لا تفشلني قدام هالعالم .....
اكيرا يمسك يدها : لو سمحت اعزف الموسيقى اللي اخترتها ...
ويبدؤون بالرقص وآيا على اعصابها تحاول انها ما تغلط .... شوي ويميل كعبها ترجع على ورى كأنها بتطيح ويمسكها اكيرا بيده مع ظهرها و تصير وجيههم قريبه من بعض ....
آيا تترجاه : خلاص انا ابي اوقف ..... تكفى لا تجبرني هالمره ....
اكيرا يوقفها : طيب ....
حولت آيا من المنصة ..... و على الحمامات مباشره قابلتها بنتين كانو واقفين عند المغاسل ..
آيا مرت من عندهم ..
بنت 1 تميل فمها : حتى الرقص زي الناس والعالم ما تعرف ترقص ....
بنت 2 تنفض في شعرها من القهر : شايفه نفسها على ايش .......
آيا معصبه و مو ناقصتهم يكفي ان رجلها انعصفت و جو هالثنتين يكملونها عليها التفتت عليهم : ما اقول الا الله يشفيكم من هالغيرة اللي ذابحتكم ... تحسبون هالكلام بيحرك فيني شيء ... حتى ما حرك شعره من شعرات راسي ......
بنت 1 قربت منها و مسكتها من ملابسها : انتي تعرفين من تكلمين يا الوقحة ....
آيا تعبس بوجهها لان الحركه عورت رجلها : ابعدي يدك لاني اخاف تلوث لبسي ....
وتعصب البنت وتصفقها مع وجهها ......
آيا ترجع تناظر البنت بقوة تعكس دواخلها : واذا ضربتيني ..... بيغير في الموضوع شيء ... تأشر على نفسها بكل ثقه : هذا انا البنت اللي اختارها اكيرا وفضلها على الكل ....
البنت 2 بتنفجر من الغضب : يا الوقحة شلون تتجرئين وتقولين هالكلام .....
آيا تعدل لبسها و تأشر بأصبعها عليهم من فوق لتحت : مع الاسف اعتقد انكم تتكلمون عن انفسكم لان ما فيه احد هنا وقح الا انتم .....
البنت 1 تبعد عن آيا رايحه بتاخذ شنطتها : والله لا اوريك يومك الاسود يا قبيحة .....
آيا تعطيها ظهرها : وش بتسوين يعني؟؟تصدقين اني ارحمك ..
البنت 1 وهي تفتش في شنطتها بعصبيه : وش بأسوي انا ما يهمني احد ..... انا اعلمك من اللي ينرحم ..
وتطلع مقص من شنطتها .....
البنت 1 : وهذا المقص ...
آيا لما سمعت هالكلمه التفت عليها و بثبات مناقض للخوف اللي تحس فيه : وتعتقدين اني بهالسهوله ارضى عليك .... انا تو عاملتك كغايره ..... لكن الحين بأعاملك كمجنونه ....
البنت توجهت لآيا ثايره ما تشوف طريقها و تمسك فستان آيا و توها بتقصه ...
آيا تمسك يد البنت و تسحب منها المقص .....
توجهت بنت 2 ومسك آيا مع راسها هي وصديقتها ويدخلونها في الحمامات ...
آيا بصمود : خساره فيكم الاحترام ... لكن الحين اكتشفت انكم حثالة العالم .....
وتمسك آيا يد البنت 1 وتصقعها في الجدار ....
البنت1 تطيح في الأرض وهي تتألم : آآآي ....
تدفع آيا البنت الثانيه تحاول تبعدها عنها عشان تطلع من الحمام ..
البنت 2 وهي تطيح على صديقتها من قوة الدفع: وش هالجرأة اللي فيك يا حقيره انتي ....
آيا وصلت للباب وقبل لا تطلع التفتت عليهم : بأعلمكم شيء واحد ... انا اهزم الرجال فشلون اقابل بنات .... انتم ما تستحقون حتى اني احط راسي براسكم يا حثاله ...
توها بتطلع آيا من الحمامات ... وقفت بنت 2 و اسرعت لآيا و بكل قوتها معطت "شدت " شعرها مع ورا ....
وتقوم آيا وتضربها مع بطنها ....... تبعد البنت عنها ...
وتطلع آيا وهي تعرج وتروح بسرعة لغرفة الاستراحه...
تدخل الغرفه و حالتها حاله تجلس على الأرض وهي تصيح صياح يقطع القلب ..
المصممة : آيا وش فيك عسى ماشر ؟؟

احداث الجزء الرابع – الفصل الرابع
لماذا البكاء ؟؟
وهل ستستمر ؟؟
ما حصل اليوم حقيقة ام حلم ؟؟

يتبع ....

الذي حصل اليوم قصة وانا بطلتها .. (( الفصل الرابع – الجزء 4 ))

آيا تصيح وتقعد على الارض .....
المصممة تقرب منها و تجلس معها : آيا وش فيك ؟؟
آيا وهي تصيح ترمي الشنطه قدام المصممه : اتصلي على توما او اكيرا انا ابي اروح للبيت ....
المصممه : طيب حبيبتي بس انتي اهدي ..
ايا بصراخ : دقي عليه الحين ابي اروح ما ابي اجلس ...و ترجع تكمل صياح ..
المصممه ماتدري وش السالفه اخذت الشنطه و طلعت الجوال ..دقت على توما .....
توما بدهشه: تبي تروح للبيت .. ليش وش صار ؟؟
المصممة تناظر حالة آيا : والله ما اعرف بس جتنا وشكلها مبهذل وقعدت تصيح وتقول انها تبي تروح للبيت .....
توما باستغراب : طيب خلاص انتي هديها وشوي وانا جاي ....
وتسكر المصممة السماعة وتروح لآيا .....
المصممة و هي تضمها : خلاص ياقمر يكفي صياح و قوليلي من اللي سوا فيك كذا ؟؟
آيا تبعدها عنها : لو سمحتي الله يعافيك انا ابي اروح للبيت الحين ....
المصممة يأست منها :طيب خلاص بس قومي عن الأرض..؟؟
ويدخل توما عليهم ووراه اكيرا ...
توما يناظر حالها: آيا وش فيك ؟؟
اكيرا ماتحمل شكلها على طول راح وقرب منها : آيا ليش تصيحين ؟؟
آيا تصيح وهي تناظر وجهه : اكيرا اذا صدق تحبني رجعني للبيت ...
اكيرا قبضه قلبه من كلامها : من اللي سوا فيك كذا ... ؟؟
آيا وهي تصيح : انا ما ابي اجلس ولا ثانية هنا خلاص انا اكره كل البنات اللي هنا اكرههم ....ابي ارجع لبيتنا ..
اكيرا يمسح على راسها : طيب بأرجعك بس بالأول علمينا وش القصة ؟؟
آيا تشوف وجهه اذا صادق و لا لا .. اكيرا ابتسم لها .. هدت شوي بعدين قالت لهم السالفة ....
توما بتعجب فظيع: اعوذ بالله هذولا وش اسميهم ..... ؟!
اكيرا يناظر توما : ما نقدر نسوي شيء معهم ....
يلتفت لآيا : بس اللي سويتيه يا آيا زين مره تلقينهم الحين براكين ...
آيا بدت دموعها تملأ عيونها : انا خلاص ما ابي اجلس هنا انا ابي اروح للبيت .......
اكيرا يكلمها بلين : كذا بيحسبون انهم هزموك ...
و يمسك يدها :آيا اطلعي الحين وبكل ثقة وانا وتوما بنصير معك طول الوقت الباقي ......
آيا تنزل راسها بعبره : احسني ما ابي اشوفهم ......
اكيرا يرفع راسها و يحط عينه بعينها : بالعكس شوفيهم وبعد بأستحقار خليهم يحترقون زياده ...... ساد فيهم ....
آيا من كلام اكيرا حست بالشجاعه و قالت في نفسها : و الله ان اكيرا معاه حق ..
اكيرا بهدوء : آيا ما بقى غير وقت قصير ولازم تاكلين العشاء مع امي ...
آيا تبعد يدها عن اكيرا : طيب انا موافقة .... بس ما تخلوني ابد خلاص ....
اكيرا بابتسامة: اوعدك ...يالله قومي خلي الكوفيره تعدل شكلك ..
وقفت آيا وراحت للكوفيره تزينها .....
اكيرا يتابع ايا الين دخلت لغرفة الكوفيره تنهد بعمق : الله يخليك لي يا اطيب بنت شفتها في حياتي ..
توما يناظر خويه اللي عايش في احلامه: هي يالأخو شكلك امس شايف فلم روميو و جولييت ..
اكيرا يمثل العصبيه : وش دخلك الله من الغيره ..
توما بابتسامه: ياسرع ماتقلب تو مع حبيبة القلب بينشق صدرك و الحين معي و دك تكفخني هييي لاتنسى اني اخو زوجة المستقبل ترى ان ما احترمتني فاعرف ان ماعندنا بنات للزواج ..

يتبع .....

اكيرا مات من الضحك : ههه و الله انك خطير خلاص بحترمك مو لسواد عيونك بس عشان اختك ..
توما يبتسم : شاطر خلك كذا دايم ..
توما يناظر ساعته : يالله انا اقدر الحين انصرف الوقت تأخر......
اكيرا ومن ابتسامه للجديه : ليش ما تكمل يومك ..
توما يتوجه للباب: انا بكره بروح للمدرسة .....
اكيرا يلحقه : ياخي وش بيضرك لو غبت يوم ..
توما يلتفت عليه : يكفي اللي حضرته و الغياب بأحتاجه يوم ثاني..... اترك الباقي عليك ..
اكيرا بابتسامه : براحتك .... وشكرا على كل شيء ....
توما رد له نفس الابتسامة: انا اللي اشكرك على الدعوة ..... سلملي على آيا .. اشوفك على خير..
اكيرا : يبلغ مع السلامه ..
طلع توما وراح اكيرا لغرفة الكوفيره طق الباب و دخل اول ماشاف آيا ابتسم و آيا ردت له الابتسامه ...
اكيرا يكلم الكوفيره : انتهيتي .... ؟؟
الكوفيره : ايه .... كذا تمام وش رايك يا آيا ؟؟
آيا تقرب للمرايه و تشوف نفسها : ايه مره حلو الله يعطيك العافية ...
الكوافيره بابتسامه : الله يعافيك ..
وقفت آيا و اتجهت لاكيرا : يالله انا جاهزة ..
طلعو الأثنين ..
آيا باستغراب : وين توما ؟
اكيرا : راح لبيته ؟؟
آيا بضيقه : تونا ما بعد خلصت الحفله ليش مستعجل ..
اكيرا : يقول انه تأخر و بكره عنده دوام في المدرسه ..
آيا : يعني ماينفع يغيب ..
اكيرا : الصراحه قلتله قال الغياب احتاجه ليوم ثاني ..
آيا بتفكير :طيب انا من ارجع معه .....
اكيرا يناظرها بطرف عين : ليش انا مو مالي عينك مو انا رفيقك ؟؟ انا اللي بأرجعك ....
آيا تنزل راسها بإحراج : معليش بس ما بعد تعودت عليك ..
اكيرا يمسكها مع يدها : راح تتعودين مع الوقت ... يالله خلينا نمشي لقاعة العشاء.. طلعو و توجهو لطاولة ام اكيرا .....
اكيرا بأدب : عسى ما تأخرنا ؟؟
الام : لا ماتأخرتو تفضلو اجلسو ...
آيا باحترام : آسفين ....
الام : عادي حبيبتي ..... يله تفضلو على العشاء ..
جر اكيرا لآيا الكرسي .. جلست آيا بكل هدوء ..راح اكيرا و جلس قدامها و الأم في رأس الطاوله ..
آيا تناظر ام اكيرا كيف تاكل .. في نفسها : انا واتكيتي شلون بآكل مع ام الاتكيت هذي .... يوه الله يستر ما اتفشل ...
الام تناظر صحن آيا : آيا وراك حبيبتي ما تاكلين ....ليش صحنك فاضي..
آيا بورطه : آه شبعانه ياخالتي ...
الام تبتسم : شبعانه ؟! انا اعرف هالحركات .... لا تنحرجين واعتبريني مثل امك ....
آيا باحراج : والله معتبرتك اكثر من ام بس ..
اكيرا يغمز لها : لا بس ولا شيء كلي يا آيا ولا تخيبين ظن امي فيك ....
آيا تأشر لاكيرا بالرفض ..... واكيرا يلمح لها يعني كلي وبس ....
الام : وش فيكم تناظرون بعض وما تاكلون ؟؟
اكيرا ينكب لآيا : هههه لا ما فيه شيء ... الحين اخليها تاكل ..
آيا ترجف رجل اكيرا من تحت الطاوله ..
اكيرا : احـ... اح
الام : وش فيك حبيبي ؟؟
يناظر آيا و بابتسامه مصطنعه : احبك ..ويرجف رجل آيا ..
آيا تغير وجها وش يبي ذا ..
الأم استحت من جرأة ولدها مادرت انه يصرف خخخ..
آيا عورتها الرجفه : اييـ...
الام تشوفها : وش فيك حبيبتي ؟؟
آيا بحيا مع الام: لا ما فيه شي بس حسيت فيه حاجه قرصتني..
آيا تناظر اكيرا وتعبس في وجهه .. واكيرا يطلع لسانه .. ثم بدت آيا تراقب الام شلون تاكل وتقلدها حتى في اختيار الاطباق .....
الام باعجاب : الظاهر تحبين اللي احبه ؟؟
آيا بابتسامه : صدفة ...
الام : تحبين الصوص مع المحشي .....
آيا تنزل راسها و بأدب : ايه احبه ...
الام : اجل هذا الاختلاف اللي بيني وبينك انا ما احبه ....
آيا في نفسها : رحت فيها هذا شلون يوكل ...
الام : ما اشوفك تاخذين منه ليه مو تحبينه ؟؟
آيا : هاه لا مو اني ما احبه لكن ما اشتهيته .... والحمد لله خيرات ربي كثيره ....
الام : الحمد لله انا شبعت ..... انصرف واخليكم مع بعض ....
اكيرا يناظر امه لين راحت: اجل تحبينه هاه .... يا شيخة في نفسي ضحكة وكاتمها شكلك وانتي تقلدين امي في كل شيء يضحك ...
آيا : اسكت كني ناقصتك ... يكفي رجفتك يالعربجي و الله عورتني..
اكيرا يقلدها : من بدأ اول و الله انك عورتيني بس عرفت اصرفها ..
آيا تميل خشتها : الله من زين التصريفه و الله انك احرجتني انا و امك ياخي يا جرأك ..
اكيرا بضحكه : ههه احمدي ربك جت كذا ولا سويت شيئ افظع ..
آيا تصرف تقلب الأكل بالملعقه : تكفى هالاكل ما يعطيني الراحة الكل يشوفني هنا ..... اف انا احب اكل لين اشبع ..... لكن في هالمكان ما اظن ابد ..

يتبع ....

اكيرا : آيا شوفيني .....
آيا ترفع راسها تناظره: وشو ؟؟
اكيرا يمسك المنديل ويمسح فمها ....
آيا تحط يدها على فمها : كان قلت لي ان فيه شيء على فمي وانا امسحه من نفسي ...توقعت عندك سالفه ..
اكيرا بصوت منخفض : آيا خلاص خلينا نقوم ....
آيا بقهر : انا توني فرحانه ان امك قامت عشان اكل براحة تروح وتقومني .....
اكيرا يقوم و يتوجه لها و قرب عند اذنها : اقول قومي وانتي ساكته ... لاتقولين شيء..
آيا توقف ولاتنطق ولا كلمة .. ويقومون ويروحون يغسلون ....
اكيرا : يالله تبين نروح للبيت ؟؟
آيا : أيــــــــــه تكفى ....
اكيرا : طيب يله خلينا نطلع السواق ينتظرنا عند الباب ..
آيا اوكي ..
مسكها مع يدها و توجهو للبوابه
و قدام البوابة فيه سيارة مره كشخة .....
وقف السواق و فتح لهم الباب..
اكيرا يأشر لها : يالله تفضلي ...
آيا تستهبل: انت متأكد اركب هالسياره اللي ما اشوفها الا في الاعلانات ....
اكيرا يبتسم: اركبي وانتي ساكته تكفين ...
وتركب آيا ويركب معها اكيرا ...
السواق : سيدي وين تبغى تروح ..
اكيرا : لو سمحت لبيتي ....
آيا بصوت منخفض : اكيرا وانا ما يوديني لبيتي ؟؟
اكيرا بصوت منخفض : بأعلمك كل شيء بعدين .... بس لا يسمعك ..
وفي الطريق آيا نامت ... وحطت راسها على كتف اكيرا ....
اكيرا يحط راسه على راسها و يمسك يدها : الى الان ويدك بارده يا آيا ......
رفع يده و صار يتلمس خدها ...
اكيرا : آيا يا ليت الطبقات والعوائل تختفي .... ونبقى انا وانتي سوا ... بعيدين عن المشاكل .....
صار يفكر بحالهم الين و صلو للبيت......وقفت السياره و حول السواق يفتح لهم الباب..
اكيرا يصحي آيا : آيا يله بننزل ...
آيا تفتح عيونها: يوه انا نمت .....
اكيرا يبتسم لها : ماتنلامين اليوم متعب ..انزلي يالله ونومي وغوصي في احلامك .....
آيا تبتسم : يوه انت مره رايق ....
وينزلون ...... ويدخلون للبيت ....
آيا تتذكر: صدق اكيرا ليش ما تبيني اروح للبيت ؟؟
اكيرا يجلس على الكنبه : فيه سيارة تلحقنا لحد البيت .... وانا اخاف يشوفونك وين تنزلين وتخرب القصة .....
آيا تقرب و تجلس حوله : طيب متى اروح ؟؟
اكيرا يلتفت عليها: ما ادري .. بس انتي بكره بتغيبين خلاص فوق فيه غرفة فاضية نومي فيها .....
آيا توقف: اكيرا لاتستهبل .... تبني اقعد معك لحالي ؟؟
اكيرا يناظرها : ما استهبل اتكلم جد وش بسوي لك تراني ما آكل بشر ... و بعدين بكره اول ما نصحى الصبح نروح نفطر واوديك لبيتك ؟؟
آيا بتفكير : طيب اقتنعت بكلامك ..
ضحك اكيرا من شكلها و كلامها .......
آيا : وش تضحك عليه ..
اكيرا: كلامك مضحك ..
آيا شكل فيك النوم رح نم بس ..
اكيرا يوقف: و الله انتي صادقه فيني نوم عجيب تصبحين على خير .. توجه للدرج ..
آيا تذكرت : اكيرا..
اكيرا يلتفت عليها : هلا ..
آيا تنزل راسها و تلعب بأصابعها : كيف انوم بالفستان .....
اكيرا يبتسم: آه ذكرتيني المصممة ارسلت لك لبس تلبسينه بكره ... وهي تقول انها ماخذتك ببجامتك خلاص نامي فيها ...
آيا تقرب : طيب وين اغراضي ؟؟
اكيرا : فوق في الغرفة .... اللي نمتي فيها من قبل ..
آيا : شكرااا ... تصبح على خير ....
اكيرا : وانتي من اهله .....تعالي ارقي معي..
وترقى آيا فوق وتدخل الغرفة و اكيرا لغرفته... تغير لبسها ... وتجلس على السرير ....
آيا : اللي حصل اليوم .... ما اضن انه حلم ... اللي حصل اليوم حقيقة .... اللي حصل اليوم قصة وانا بطلتها ... بس ما اعرف احس خانقتني العبره وودي اطلعها ...
وتحط آيا وجهها على المخدة وتصيح ......
اكيرا طلع من غرفته بيروح يشوف وش اخبار آيا و اذا تبغى حاجه لما وقف عند بابها سمع صوت صياحها ....
اكيرا لما سمعها حز بخاطره بس مو قادر يسوي شيء
اكيرا : طلعي كل اللي عندك يا آيا ....انا ما الومك ياحبي ... اللي جاك اليوم مو بسيط بس ان شاء الله تكون آخر مره تنزل فيها دمعتك .....
رجع لغرفته ودخل .... و ينتهي اليوم على كذا ....

أحداث الجزء الاول – الفصل الخامس ::
لماذا آيا حزينة ؟؟
وما موقف يونا ؟؟
وكيف ستكون المقابلة ؟؟

سامنع وصول هذه الاوراق لتلك الشركة (( الفصل الخامس – الجزء 1 ))

تصحى آيا من النوم 8و نص الصبح ... وتدخل تتروش وتطلع تلبس شيال جنز وتحته بلوزة صفرا .... تعدل شعرها وعلى الساعة 9 جهزت
تمد يدينها بحيويه : ياااه يازين الدش بعد مانصحى من النوم احس فيني نشاط
تطلع من غرفتها و تنزل تحت تروح للمطبخ و تاخذلها كاس و تفتح الثلاجه وتصب لها موية ....
آيا وهي تشرب تفكر : الساعة الحين 9 وش يحتري اكيرا ما يقوم .... شكلي بروح اصحيه ...
ابتسمت لهالفكره .. و اول ماخلصت شرب موية رقت فوق و توجهت لغرفته ..
وتطق الباب .....
آيا : اكيرا الساعة الحين 9 يله قوم ..... اكيرا ~
اكيرا : طيب طيب ان الحين قايم ... شوي و انزل اسبقيني تحت ..
اكيرا في نفسه : آه هالبنت قايمة مبكره .....
آيا تقرب من ورى الباب : اوكي بأنزل وازين الفطور خلاص ..... ؟؟
و توها معطيه الباب ظهرها ..اكيرا يفتح الباب و يطل براسه
اكيرا : لا لا لاتسوين شيء بنروح نفطر في أي مطعم ......
آيا تلتفت له و لماشافته ضحكت : ههه طيب انت روح غسل و جهك يالتحفه و لا تتأخر انا انتظرك تحت ..
يسكر اكيرا الباب ويروح يدخل الحمام يتروش لما طلع لبس و ما بقى الا الجاكيت دوره مالقاه...وهو ماله نفس للبحث يفتح الباب ...و طل على آيا من فوق ..
اكيرا : آيا تكفين جيكيتي ما لقيته تعالي دوريه معي ....
آيا تناظره رافعه راسها له : طيب بس رح مشط شعرك انا الحين اجي ..
ترقى طقت الباب و فتحته و دخلت .....
شافت اكيرا قدام المرايه يكد شعره ..
آيا : فيه احد ما يعرف وين اغراضة ..... ؟؟
اكيرا يلتفت عليها و بابتسامه: ايه انا ...
آيا تميل فمها : الله يخلف عليك .. الحين وين تبيني ادوره و بعدين تعال هذي غرفة آدمي ولا حضيرة ..
اكيرا يأشر لها : شوفي هالدولاب بتلقينه فيه لونه رصاصي فيه خط احمر من الكم ....و خليك من التطنز ....
آيا في نفسها : شغالة ابوك انا .. بس بحشمك عشانك استقبلتني في بيتك و نومتني ..
تفتح آيا الدولاب وتلقاه ...
آيا تلتفت عليه : اصلا انت تشوف .... اعتقد انك اعمى الجيكيت قدامك ولا تشوفه ....
اكيرا : الصراحه مادورته بس قلت انتي فاضيه بأشغلك لين اخلص ...
آيا توقف وترمي الجاكيت على اكيرا : احد اشتكى لك .. يالدب ..
اكيرا بضحكه : ههه لا ..
آيا تتكتف وتلف بوجهها عنه يقالها زعلانه وتشوف على الكمدينه جنب السرير صورة اكيرا وهو صغير ومعه بنت .....
آيا تنسى الزعلة و توها بتتوجه لها وقف اكيرا قدامها ....
اكيرا : حبيبتي شكرا على الجاكيت و آسف اذا زعلتك ممكن تنتظريني تحت شوي وانا جاي ...
آيا نست الصور : طيب بس استعجل الحين بتجي الساعة 10 و احنا ما تحركنا.....
اكيرا : طيب بس ثواني ..
طلعت آيا و بعد شوي طلع اكيرا من غرفته و نزل لها لقاها فاتحه على التلفزيون وتتفرج عليه بطفش ..
اكيرا يالله آيا مشينا ..
سكرت آيا التلفزيون ووقفت و اخذت شنطتها : مابغيت تخلص سيد اكيرا ......
ابتسم اكيرا على تعليقها ماتقدر تسكت اللي في قلبها على لسانها ..
طلعو و ركبو السيارة ..... في السياره ..
اكيرا يلتفت على آيا : أي طعم تبين نروح له ؟؟
آيا تفكر: امم أي شيء .....
اكيرا تذكر : خلاص عندي مطعم فضييع واكله حلو .....
آيا بابتسامه : اجل يالله خلنا نروح له ....
حرك اكيرا و توجهو لمطعم فخم وقف : يالله آيا انزلي ..
نزلو الأثنين و دخلو للمطعم و جلسو على احدى الطاولات .....
آيا تناظر المكان و بصوت منخفض : اكيرا المطلعم شكله غالي ....
اكيرا يقرأ المنيو : لا تهتمين من اللي بيدفع انا ولا انتي ؟؟خذي المنيو اطلبي اللي تبين ..
آيا اخذت المنيو : طيب براحتك.....
طلبو لهم ..وبعد دقايق... جابو الطلب ...
تناظر الاكل و بيدها الشوكه سرحاااانه..
اكيرا مستغرب: آيا وش فيك ما تاكلين ؟؟ الاكل ما عجبك ؟؟
آيا انتبهت : آه لا لا معجبني مره ...
اكيرا : طيب وش سرحانه فيه ؟؟
آيا تناظره : الصدق انا ضايق صدري على يونا ...
اكيرا بدهشه : ليه ؟؟
آيا حطت الشوكه و صارت تتكلم بجديه : انا يوم اصادق يونا كانت توها منفصله عن رفيقها وكانت تصيح طول الوقت .. رحت لها وواسيتها ويوم درت ان ما عندي رفيق قالت لي ...
خلاص اجل خلينا نتعاهد ان اللي بتلقى لها رفيق اول انها ما تتغير على الثانية ونكون صديقتين الى الابد وحلمنا سوا اننا نرسم مظلة الحب في يوم واحد ...... لكن هالمره انا سبقتها وهي بقت من دون رفيق ...
آيا تغير وجهها : عشان كذا اكيرا ممكن اننا ما نعلم أي احد كان اننا صرنا ارفقاء لين يصير ليونا رفيق ....
ايا تمسك يده : تكفى ...
وفي نفس الوقت في المدرسة وآيا وهي تتكلم مع اكيرا ...
توما يرسم على السبورة مظلة حب آيا + اكيرا .....
يونا مو مصدقه في نفسها : اكيرا يا آيا ؟؟ الله يوفقك بس وين حلمنا .......
وعلى هالتفكير خانتها دموعها طلعت بسرعة من الفصل ...ماتبغى احد يشوفها او ينتبه .. لحقها توما لانه كان يراقبها ..
توما : يونا وقفي ...
يونا توقف بدون ماتلتفت عليه....
توما يدري انها تصيح : ما فرحتي لصديقتك الغالية آيا .....
يونا بابتسامة حزينه : الا اكيد الله يوفقها .....
توما طيب ليش معطيتني ظهرك..
يونا تلتفت عليه ..
توما يمثل الدهشه : يونا ليش الدموع ؟؟
يونا وهي تمسحها : هذي دموع الفرح .....
توما : انتي كنتي تحلمين ويا آيا انكم ترسمون مظله الحب سوا .... صح ؟؟
يونا باستغراب : مين قالك ..
توما بابتسامه : من غيرها راي ..
يونا بابتسامه جانبيه : الله يخليكم لبعض بس هذا كان حلم قديم ...
توما : طيب ليش ما ترسمين مظلة حبك ....
يونا تبتسم بسخريه : مظلتي ؟!
توما يلتفت للجهة الثانية : اطلع ... يكفي ما سويت .... كلنا حسينا فيك الا هي ...
يونا تناظر الشخص اللي طلع قدامها و بتعجب : انت .....
في المطلعم :.
آيا مو مصدقه : سوما ؟!
اكيرا : ايه سوما ..... سوما من عام وهو يحب يونا ودايم يقول لنا انه ما يعرف شلوب يعترف لها ......
آيا ترجع ظهرها : ما اصدق ...
اكيرا يتكتف : ليه ؟؟
آيا تهز راسها مو مقتنعه : ما ادري بس احس انه ما يصلح ليونا ....
اكيرا : بيصلح ... انتي ما تعرفين سوما على حقيقته ......



يتبع ...

في المدرسة :.
يونا : توما ....
توما يمسك سوما و يقدمه ليونا : خلاص يا سوما خلي حلمك وحلم يونا يتحقق وهذي ساعتكم ....
سوما باحراج : يونا .... تقبلين تكونينـ...
قطعت يونا كلامة : تسوي هذا الشيء عشان صديقك اكيرا ؟؟
سوما بكل اندهاش من ردة فعلها : لا مو عشان احد ...
يونا : صدق ؟؟
سوما بكل احراج : يونا .... انا راغب فيك بنفسي ومو عشان احد ...
يونا تنزل راسها للارض : انا منفصله من قبل عن شخص ثاني ...
سوما يقطع كلامها : يونا تكفين اقبلي بدون هذا الكلام انا اعرف كل شيء عنك .. تكفين كوني رفيقتي ...
يونا حطت عيونها بعينه وشافت فيها الجديه ......
يونا : لكن انا راح اقبل عشان آيا ... آسفه ....
سوما : راح اخليك تحبيني ...
توما يصفق : واااو مبرووووووك ...
انا بروح ارسم المظلة الثانية ....
سوما و يونا ينزلون روسهم من الخجل..
راح توما للفصل و على السبورة رسم المظلة الثانية ....الطلاب بدو يصفرون و يصفقون ..
توما يتفيخر قدام الطلاب : ياحبيلي انا ابو الأخبار السعيده
و طلع جواله ..
في المطعم :.
ايا مو عاجبها الكلام : ما اعرف بس يمكن لاني ما احب سوما ....
اكيرا يناظرها بطرف عين : ولا كنتي تحبيني بعد صح ؟؟
آيا نزلت راسها : آآه .... كنتـ..
جات رساله على جوال اكيرا ...
اكيرا يطلع جواله : هذا وقت الرسايل ..
آيا : وراه الرسايل لها وقت ..
فتح الرسالة و كانت وسائط ....
اكيرا و هو يشوف الرساله يرفع عيونه على آيا ....
اكيرا : والله ما تتوقعين اللي اشوفه ....
آيا : وشو ؟؟
اكيرا يعطيها الجوال ....
وتشوف آيا مظلتها ومظلة يونا في سبورة وحدة ....
آيا عيونها مليانه دموع : ما اصدق ...... ياااااااااااي تعرف هذي اسعد لحظة في حياتي ....
اكيرا بابتسامه : آيا خير وشوله الدموع ..
آيا تمسح دموعها : خلني انا فرحانة وما اصدق اللي اشوفة .
تضم آيا الجوال لصدرها : مبرووووووووووووووووك يا حبي يا يونا ....
اكيرا بضحكه : ههه عليك حركات هذا و انتي ما بعد شفتيها اجل لو شفتيها وش بتسوين ...اقول عطيني الجوال خليني أرد على توما ....
آيا تدلع لسانها : مالك دخل فينا و لوسمحت ارسل لي الصورة ابيها ...
اكيرا بابتسامه يأشر على عيونه : طيب من عيوني ....
آيا بامتنان : تسلملي عيونك ..
اكيرا يأشر على الأكل : ماودك تاكلين خلاص حبيبت قلبك و لقت لها رفيق وش ازين من هالخبر يالله مدي يدك وكلي قبل لا يبرد الفطور ....
آيا بفرحه لاتوصف : حااااضر...
اكلو ولما خلصو..
آيا تسند ظهرها : الحمد الله احس اني بأنفقع من الشبعه مشكور يا اكيرا على الفطور........
اكيرا يمسح فمه بالمنديل: مطرح ما يسري يمري ....
آيا تبتسم : شكرا ....
اكيرا يوقف : يالله ماودك نمشي ..
آيا تنزل المنديل و تحطه على الطاوله و توها مرجعه الكرسي على ورى في نفس الوقت مرت وحده ماكانت منتبه للكرسي
اكيرا بيلحق : انتب...
صدمت البنت في الكرسي طاحت البنت على الارض و انتثرت الاوراق اللي كانت معها .....
اكيرا : سلمات .... عساك بخير .....
آيا باعتذار :آسفه و الله آسفه ..
البنت : لا لا انا بخير ..... يوه الاوراق انتشرت ....
آيا باحراج: بنجمعها لك ...
واكيرا يجمع الاوراق .... قرا اللي فيها ..
اكيرا في نفسه : وش هذا ؟؟ مستحيل ....
آيا تمد الاوراق للبنت: وهذي الاوراق خلصت من تجميعها ......
البنت: مشكورين على المساعده ...
اكيرا : لا عادي بس لو سمحتي ممكن اسألك سؤال .....
البنت : تفضل ....
اكيرا : انتي من هذي الشركة ...؟؟
البنت : لا انا مراسلة من شركة الاستثمار .... لكن احنا نتعاون مع هذي الشركة ....
اكيرا : طيب عشان ما تعنين .... تبين اوديها انا .. انا اعرف هذي الشركة وابوي يعمل فيها ....
الموظفه : لكن انا موصيه بها وهذي وضيفتي ....
اكيرا : طيب انا اصلا لازم اروح للشركة ..... يعني اوصلها على طريقي وبعد ابوي مرتبته عالية ...
الموظفه : آسفة .... لكن هذي امانة ولازم اوصلها ....
اكيرا : طيب تعرفين وش المكتوب فيها .... ؟؟
الموظفة : مالي أي حق بالاطلاع عليها ..
اكيرا : انا آسف لكن انا قريت وفهمت اللي مكتوب فيها .....
الموظفة : وش اللي فهمته ؟؟
اكيرا : هذي الشركة ناوية نية شينه عليكم وعلى كل الشركات المكتوبة في الورقة ....
الموظفة : وش تقصد ؟؟
اكيرا : آسف انا تو كذبت عليك ..... لكن ابوي يكون مدير شركة kfs للمواد الصناعية .....
الموظفه : انت ولد رجل الاعمال ساسو ؟؟
اكيرا : ايه نعم انا اكيرا ساسو ..... الابن الاصغر ....
الموظفة تشوفه بدهشة ...
اكيرا : وراح امنع وصول هذي الاوراق لذيك الشركة .... وانتي هذي فرصتك انك تحمين افلاس شركتكم .... لازم تعلمينهم بكل شيء .... وبسرية
الموظفة : اكيد ..... راح اسوي اللي تبيه
اكيرا : انا راح آخذ الاوراق هذي لشركتنا ... وانتي خذي الاثبات قبل ما يسألون عنها ...
الموظفه: طيب ...
آيا : اكيرا وش اللي قاعد يصير ....؟؟
اكيرا : آيا تعالي معي .....
الموظفة : هذا رقمي .....
اكيرا : شكرا .... راح اتصل عليك ...
الموظفة : مفهوم ....
وينفصلون وكل واحد راح في طريقه.... اكيرا راح لشركة ابوه .... ويرقى عند السكرتير ...
السكرتير : هلا بك سيد اكيرا ...
اكيرا : ابي اقابل المدير عاجل ...
السكرتير : على امرك ......
اكيرا : آيا انتظريني هنا .....
ويدخل اكيرا على ابوه .....
الاب : اكيرا .... وش عندك هالوقت ؟؟ وليش لابس كذا ؟؟
اكيرا : مو هذا وقته ..... ابوي لازم تطّلع على المكتوب هنا ......
ويعطيه الاورق ... ويقراها الاب ....
الاب : وش هذا ؟؟
اكيرا : اللي تشوفة ... وانا قابلت المراسلة .... واكتشفت هذا الشيء ....
الاب : هين يا شركة السرقة انتي ...... اكيرا ... خذ هذي الاوراق ووصلها لمكتب الحسابات ....
اكيرا : طيب ...
ويطلع اكيرا ...
آيا : وش اللي صار ؟؟
اكيرا : انا مشغول شوي انتظريني هنا ..... ما راح اتأخر ...
آيا : طيب
ويمر الوقت ..... وتنحل المشكلة ....
الاب : احسنت يا اكيرا .... الحين عرفت انك تحرص على امور الشركة .....
اكيرا : هذا رزقنا واجب نحرص عليه ....انا استأذن بطلع ..
الاب : ليش مستعجل وراك شيء ..
اكيرا : ايه معي رفيقتي .....
الاب : رفيقتك ؟؟

اكيرا بفخر : ايوه رفيقتي اللي اخترتها امس و اللي راح تكون شريكة حياتي ..
الأب : أها و ماودك تعرفني عليها واشوفها ...
اكيرا باحراج : اكيد راح اعرفك عليها بس قلت انت مشغول متى ما فضيت جبتها لك في البيت تشوفها ..
الاب : اليوم مره مناسب روح نادها ...
اكيرا بإحترام : طيب ..
ويطلع اكيرا ....
اكيرا يقرب جنبها : آيا ..
آيا : هلا ..
اكيرا يكلمها بصوت منخفض : ابي اقولك شيء ضروري و ابيك تسمعينه زين....
هزت آيا راسها بالموافقه ..
اكيرا : وهذا كل شي ..
آيا باستفهام : اقابل ابوك ؟!
اكيرا يمسك يدها و يضغط عليها : ايه وسوي كل اللي قلته لك .....
آيا بخوف : بس انا ما استعديت ...
اكيرا يسحبها : اقول يالله ادخلي .... لا يقول وراها تأخرت ....
آيا تمشي برزانه : طيب
طقو الباب و دخلو ...
اكيرا وهو يقدم آيا : هذي رفيقتي ... واسمها آيا ...
الاب يمد يده يسلم : هلا بك آيا ...
آيا تسلم عليه و هي منزله راسها : هلا يا عمي ...
الابو يصرف: اكيرا .. خذ هذي الاوراق ابيك تخلصها لي الحين .....
اكيرا بأدب : حاضر ...
ويطلع اكيرا ...
الاب يجلس على مكتبه : تفضلي يا بنتي اجلسي <- يأشر لها على كرسي قدام مكتبه ..
آيا بكل احترام تجلس : زاد فضلك يا عمي ..
الأب بابتسامه : ما قلتيلي وش عائلتك يا آيا ؟؟
آيا بدون ماتشوفه : انا اسمي آيا ريونجي .....
الاب : انتي بنت ريونجي ؟؟
آيا : لا انا حفيدته .....
الاب : يوه من متى عن ريونجي ... كيفه و وش اخباره ...؟؟
آيا تمثل الحزن: جدي توفى من 6شهور تقريباً
الاب بألم : اووه ... كيف ما دريت .... انا اسف
آيا ترفع راسها له: لا عادي
الاب : طيب وين ابوك ....
آيا : انا هنا لحالي .... وابوي وامي واختي في كندا ....
الاب : كندا ... وليش لحالك ؟؟
آيا : انا جاية عشان ادرس هنا الثانوي والجامعة.... ما حبيت ادرس في غير وطني ...
الاب : وانتي كنتي معهم في كندا ؟؟
آيا : لا انا كنت في كوريا مع جدي ... لكن بعد وفاة جدي جيت لليابان ...
الاب : شكلك متعلقة فيه مره ؟؟
آيا : ايه مره
الاب : شلون حصلت لك الفرصة لحضور زواج ولدي الكبير ....
آيا : انا اعرف هنا شوية بنات وهم انعزمو ويوم دريت انه زواج ابن ساسو تذكرت كلام جدي عنكم وعن كرمكم وشهامتكم ..
وجدي كان يتمنى شوفتك ... لكن ما حصل له بسبب المرض قبل ما يموت .. فقلت احقق امنية جدي بحضور الزواج ....
الاب : ايييه .... كان صديق عزيز علي ...
آيا في نفسها : يا الله اول مره اكذب كل هالكذب ..... متى ينتهي من تحقيقه معي ....
الاب : انتي تدرسين الحين في أي مدرسة ؟؟ .... اقصد انك يعني عشان اكيرا
آيا : لا تهتم لمدرستي الاولى .... انا خلاص بأدرس مع اكيرا في المدرسة العامة ..
الاب : وليه ؟!
آيا : لو قلت ان اكيرا يدرس معي اخاف يكرهني ... وبما ان المدارس العامة ما اثرت عليه خلاص انا اصير معه واراقبه طول اليوم ......
الاب : بس انا ودي ان اكيرا يدرس في المدارس الخاصة ...
آيا : يعني وش بيضره هذي السنه .... هو خلاص درس كل السنوات الماضية في مدارس عامة ... بنوقف على سنه وحده ...
خلاص ما بعدها الا الجامعة والجامعة فيها كل الطبقات .... احسن من اني اخلي اكيرا يكرهني من البداية ....
الاب في نفسه : كلامها كله سليم .... هذي البنت مهيب سهلة .. وبتقدر تقنع اكيرا بالسفر لبريطانيا ...
آيا : وش رايك ؟؟
الاب : يعجبني فيك الذكاء والبديهة .... وكلامك في مكانه ... لكن ابيك تصيرين طبيعية مثل اكيرا في المدارس العامة .....
آيا : هذا اكيد .. وعشان احافظ على مستقبل اكيرا ومستقبلي ....
الاب : بأطلب منك طلب .... ابيك تخلين اكيرا يكثر زيارات لامه لانها تشتاق له ...
آيا : ان شاء الله ..
ويقوم الاب ويسلم على آيا ...
الاب : انا سعيد جدا بمقابلتك يا آنسة آيا ..... واتمنى انك تكونين قد الثقة اللي عطيتك اياها يا حفيدة صديقي العزيز ....
آيا : وانا اسعد يا عمي .... وتشرفت كثير بمعرفتك عن قرب ....
الاب : تقدرين تتفضلين ....
آيا : شكرا .....
وتطلع ايا من عنده ..... آيا تلتفت على السكرتير
آيا : ممكن اعرف وين دورة المياه ؟؟
السكرتير : اطلعي من هنا وتلقينها على يمينك ..
آيا : شكرا ..
وتروح آيا للحمامات وتسكر الباب ....
آيا : اففففف احس كنت مكتومه ...... اخيرا خلصت
وترفع آيا السماعة ..
آيا : سمعت ؟؟
اكيرا : ايه سمعت كل شيء ..... وتعجبيني يا آيا ...
آيا : يا الله احسني رحت فيها ...
اكيرا : معليش كل شيء بيصير تمام ....
آيا : خلصت اللي معك ....
اكيرا : الظاهر الشغل كثير .... اصلا دائما كذا اذا جيت ما طلعت ... ابوي يحب اني اشتغل .....
آيا : طيب ... هذا الريونجي هو صدق ميت وعائلته ؟؟

اكيرا : ريونجي له حفيدتين وحده اصغر منك بسنه والثانية صغيره يمكن 3 سنوات وماله الا ولد واحد وكلهم عايشين في المكسيك ...
وريونجي كان صديق عزيز مره على ابوي لكن بعد ما راح لجنوب افريقيا انقطعت اخباره ... و دقينا على ولده يوم كانو في جنوب افريقيا قالو انه مات .... لكن محد علم ابوي ... قالو ما نبيه يحزن .... لكن الحين مر على وفاته سنتين ونص ... قلت اخليك حفيدته بما انهم ما عنده نيه للرجعة وهم ما يعرفون ابوي بس الجد .... والجد مات .... شفتي شلون ؟؟
آيا : خليتني بدون عائلة ....
اكيرا : مالي غير هالشيء ...
آيا : بس ربي سترها ..... لو انه سائلني بعد زياده كان انفضحت وانا اكلمه على اعصابي ....
اكيرا : يا حليلك .... اسمعي حولي الحين للكافيه وانا لما اخلص شغلي باجي لك ..... اوكي ...
آيا : اوكي ... مع السلامة
وتسكر آيا السماعة ....
آيا : اشوني حاطه السبكر عشان اكيرا يسمع من نفسه .......
احداث الجزء الثاني – الفصل الخامس ::
الرجال : وش حابة تشربين ؟؟
آيا : شاهي .....
.........
آيا : انا ما همني الجوال نفسه ... لكن اكيرا اذا اتصل علي ويشوف الجوال مقفل ....
.......
اكيرا : منهو هالواحد اللي رحتي معه ولا قلتيلي ؟؟

الفتاة ستموووووووت ... (( الفصل الخامس - الجزء 2 ))
تطلع آيا من دورة المياه وتمشي وتمر من عند بنت وتتعداها ..... توقف عند المصعد ... ويوقف واحد جنبها
الرجال يناظرها وده يتكلم بس متردد .
آيافي نفسها : وش يبي ذا وش هالنظرات احس ان عيونه بتحكي الحين ..
الرجال بتردد : ام ..
آيافي نفسها : اخيرا بتتكلم
آيا : نعم ..
الرجال بتساؤل : انتي الآنسه اللي امس ترشحت انها تكون رفيقة لسيد اكيرا ؟؟
آيا بفخر : ايه هذا انا ..
الرجال بلقافه : وش عندك في الشركة ؟؟
آيا ببراءه : جاية اسلم على عمي ... انت تشتغل هنا ؟؟
الرجال بابتسامه : ايه ..
ايا بتفكير : طيب كيف عرفتني ؟؟
الرجال : انا امس كنت حاضر ...
آيا : اها ..
انفتح المصعد و دخلوا ..
الرجال : آنسه انتي اي دور تبغين ..
آيا : ابغى الدور الارضي ..
ضغط على زر ‎( G ‎)‎
الرجال : انتي جايه لحالك ؟؟
آيا : لا انا جاية مع اكيرا .... لكن عنده شوية اشغال وبنتظره في الكافيه ....
الرجال بضحكه : ههه وانا بعد كنت رايح للكافيه ...اش رايك نجلس سوا ؟؟
آيا بابتسامه : عادي ..
وصلو للدور الارضي و توجهو للكافيه اخذو لهم طاوله و جلسو عليها ..
جاهم الجرسون ..
الرجال : وش حابة تشربين ؟؟
آيا : امم شاهي .....
الرجال : لو سمحت ... واحد شاهي وواحد كافيه غير محلى ....
آيا تتفرج حواليها : المكان مره كبير .....
الرجال : لا بعد هو اكبر من كذا ..... ما بعد شفتي الجزر ؟؟
آيا : لا ما بعد شفتها .... طيب جزر ايش ؟؟
الرجال : اش رايك تشوفين الميناء ....
آيا : فكره حلوه .. بأقول لاكيرا
الرجال يوقف : انا عندي اتصال بأقضيه وارجع لك ...
آيا : اوكي ...
وتدق ايا على أكيرا ....
اكيرا : هلا آيا ..
آيا : هلا اكيرا ..
اكيرا : رحتي الكافي ..
آيا : ايه رحت بس كنت بأقولك اني بأروح اتمشى واذا بغيتني دق علي وارجع للكافيه ..
اكيرا : اوكي خذي راحتك ..
آيا : شكرا مع السلامه ..
سكرت الخط و جاء الشاهي شربت آيا رِشفة منه ...
آيا تحط يدها على فمها : اي حار ... حرق فمي ...
جاء الرجال : عسى ما تأخرت عليك
آيا تنزل يدها : لا ابد ...اجلس اشرب الكافي قبل لا يبرد ..
الرجال جلس : اش قلتي للسيد ؟؟
آيا : قلت له اني بأتمشى و اذا خلص يدق علي ارجع للكافيه ..
الرجال : كويس اجل خلينا نشرب و بعدها نروح ....
آيا : اوكي
بعد ثواني ..
الرجال : ما اشوفك تشربين الشاهي ما عجبك ؟؟
آيا : الا حلو لكن توه حار ...
وتشرب آيا منه شوي : طيب انت خلصت ؟؟
الرجال : ايه ...
آيا : اجل خلينا نروح ...
الرجال : والشاهي ؟؟
آيا : اصلا انا ما اشتهيته .. خلنا نروح انا مره متحمسه ..
الرجال : اوكي
ويقومون ويتمشون ويوصلون للميناء ......
آيا بدهشه : واو المكان مره حلو ....
الرجال يأشر لها : شفتي هذا المكان ... شوفي هناك ذيك الجزيرة اللي على اليمين .....
آيا تهز راسها : ايه شفتها وش فيها ؟؟
الرجال : هذي واللي جنبها للبضائع ... تجينا السفن من كل دول العالم على هذا الميناء والثانيه اللي نصدرها احنا ....
آيا : واو بس ما اشوف سفن ...
الرجال : اول اليوم الصبح رايحة سفينه .... وبتجي وحده بعد نص ساعة ....
آيا : ما شاء الله تعرف كل شيء ....

الرجال : انا اشتغل هنا من زمان عشان كذا اعرف كل شيء .... تعالي خلينا نروح نرقى ذيك السفينه عشان تشوفين باقي الجزر ..
ويروحون ويوقفون في حافة السفينة ....
آيا : واو المنظر من هنا خيال ....
الرجال : تشوفين ذيك الجزيرة ...
آيا : ايوه ...
الرجال : هذيك خاصة بالضيوف اللي يجون للمدير .... يسكنون على هذي الجزيرة اذا كانو جايين من دول ثانية ....
آيا : حلو .... طيب هذيك الجزيرة وشولة ؟؟
الرجال : ما اعرف هي للمدير وهي ابعد جزيرة في ملكه ...
آيا : يعني الحين فيه اربع جزر ؟؟
الرجال : لا هي خمسة ...
آيا : وين الخامسة ؟؟
الرجال : اللي الحين احنا عليها كمان جزيرة ...
آيا : مره المكان حلو ....
الرجال : وش رايك اوديك للجزيرة حقت البضائع وتشوفين الشغل ؟؟
آيا : ودي ...
الرجال : طيب دقي على اكيرا وشوفي اذا كان بيطول نروح ...
آيا : اوكي ... لحظه شوي بأسوي اتصال سريع ...
دقت آيا على اكيرا ....
اكيرا : هلا ..
آيا : اكيرا .... انتهيت من شغلك ولا مطول ؟؟
اكيرا : كل شوي تجيني اوراق .... الظاهر اني بأطول ....
آيا : طيب عادي اروح الميناء و اتمشى فيه ...؟؟
اكيرا : وش عندك في المينا ؟؟
آيا : امم و الله ودي اشوفه ..
اكيرا : طيب خذي راحتك ... وانا ادق عليك اذا خلصت شغلي ...
آيا : اوكي مع السلامة ...
وتسكر السماعة .....
الرجال : هاه يا آنسه بتروحن للجزيرة .؟؟
آيا بابتسامه : ايه .....
توها بتنزل جا اثنين يتضاربون عند آيا لما حاولت تبعدت عنهم زلقت و طاح جوالها في البحر ....
آيا تصرخ : لااااااااا
والرجال يهاوش للمتضاربين : انتم روحوا لشغلكم ومره ثانية ما اشوفكم بهالشكل !!
الرجال حاول يمسكها : سلمات يا آنسه عسى ما يألمك شيء ..
آيا بخوف : لا ما فيه شيء يألمني بس جوالي ... رجع لي جوالي .....
الرجال تغير وجهه : والله آسف يا آنسه بس عمق البحر هنا مره عميق .... والجوال اكيد ....
آيا بحسره : انا ما همني الجوال نفسه ... لكن اكيرا اذا اتصل علي ويشوف الجوال مقفل ....
الرجال يهديها :ولا يهمك ... انا اعرف رقم السيد اكيرا وراح اتصل الحين عليه واقول له عن جوالك .... انتي ارتاحي و روحي واركبي هذيك السفينه ...
آيا تروح و هي تحس بألم بسيط في ساقها .. وهو يمسك الجوال ودق ....
ركبت آيا السفينه و جلست مسترخية و في نفس الوقت ضايقه ..
لحقها الرجال للسفينه ..
آيا اول ماشافته : وش قال لك ؟؟
الرجال يريحها : قال خلاص انه اذا بغاك بيدق علي انا ....
آيا بارتياح : الحمد الله .... مشكور اخوي..
الرجال : هذا واجبي لك ....

ركب معهم في السفينه بنتين وولدين ..... ولما انتصفو الطريق ...
آيا بدوخه : ما اعرف ليش احس بدوخة .... هو فيه هنا دوار بحر ؟؟
الرجال بمكر : لا ما فيه شيء .... اللي فيه انك الحين في يدينا .....
آيا تحاول تفهم : في يدينكم ؟! وش تقصد ؟؟
البنت 1: نسيتينا يا آيا ؟؟
آيا تشوفها : انتي ؟؟؟!!!
البنت 2 : عرفتينا الحين .....
آيا باستنكار : انتم ليش هنا .....
تلتفت على الرجال : جاوبني ؟؟
الرجال بابتسامة شيطانية : كل اللي قلته لك كذب وانا اشتغل عند الانسة " ماكو "
آيا بتعجب : من هي " ماكو "؟؟
البنت 1تأشر على نفسها : ماكو هي انا ؟؟
الرجال يقرب جنب ماكو : وانا اعمل على كلامها ....
البنت 2 : وتحسبين اكيرا الحين يعرف انك هنا ؟؟ خلاص الحين انتي في يدينا ؟؟
آيا بدهشه : انتم وش تبون مني ؟؟
البنت 1 بوجه حاقد: نتخلص منك ... هذا اللي نبيه ...
آيا بدت تدوخ : انت وش القصة علمني ؟؟
الرجال : انا كذبت عليك من البداية من التقيت معك عند المصعد ....
آيا بتعجب : كيف ؟!
الرجال : انا ما اشتغل لشركة ساسو ...... وانا حطيت لك مخدر في الشاهي حقك .. وانا اللي خليت الرجالين يتظاربون عشان يدزونك لكن جت منك و زلقتي و طاح جوالك في البحر
وانا ما دقيت على اكيرا ولا قلت له شيء ....
آيا بهزال : وليييييييييه كل هذا ؟؟
البنت 1 تقرب عندها : انتي اللي بديتي ؟؟
آيا تناظرها مافيها حيل : عشان امس ؟؟
البنت 1 تصر على اسنانها : لا ما اقصد اللي امس صار بيننا ... انتي اخذتي مني اكيرا ؟؟ والحين اقدر اتخلص منك وراح اكون انا رفيقة اكيرا ....
آيا : وش بتسوين فيني ؟؟
البنت 2 تقرب وتضرب آيا مع راسها : ثواني وانتي مودعة المكان بعدين تروحين مع سفينه بضايع لاي دوله بعيده ..... كذا بتختفين من حياتنا ....
آيا معد تشوف طريقها : انتم انس بصورة شيطانين ...... انتم مو بشر ... انتم شياطيـ..
وتدوخ آيا وتطيح ....
البنت1 بفرحه : انتهينا من هالعقربة ....
الرجال : ترانا وصلنا للجزيرة ....
في المكتب :.
اكيرا بملل : يا الله هذي الاوراق ما راح انتهي منها .... احس انها مو لي ..... بروح اسأل ؟؟
في الجزيرة :.
البنت 2 : هذي السفينه بيّنت ...
البنت 1 تكلم الرجال : عسى ما قامت ؟؟
الرجال معتفس : لا توني شايفها ... بس اخاف تقوم في أي وقت ؟؟
البنت 1 : ليه ؟؟
الرجال : لانها ما شربت من الشاهي الا رشفة .... اخاف المخدر ما يأثر عليها مره ...
البنت 1 بضيقه : انا بروح واشوفها و اتأكد ..
تصحى آيا في هاللحظه و تفتح عيونها تشوف المكان تحاول تتذكر شيء ....ثواني و تذكرت كل الي صار ...
آيا : ياربي انا هنا محتجزه وش اسوي الحين ... الحمد لله اني ما شربت كل الشاهي .... شكل المخدر ما اثر علي مره .. بس الحين انا ما اعرف شيء هنا .... والجزيرة مره واضحة .....
وتقوم وتشوف السفينه متوجهه لهم .....
آيا : السفينه جات .... وش اسوي الحين ... يا ربيه اكيرا وينك ؟؟
وتشوف آيا البنت مقبله لها ....

تقرب البنت من المكان ....
البنت 1 : وين راحت هذي عسى ما هربت ..
وتوقف آيا وراها ... وتطقها من اسفل الرقبه وتصرخ ويغمى عليها .....
آيا : عسى ما بالغت ...
وتشيلها آيا ..... وتحط آيا في نفس مكانها حصى وتغطيه .....
الرجال : ما سمعتو صرخة ؟؟
البنت 2 : الا .... عسى ما صار لماكو شيء ؟
الرجال : خلينا نروح ونشوف ...
ويوم راحو يشوفون ...
ايا استغلت هالفرصة ركبت هي والبنت في السفينه ...
البنت 2 تقرب من مكان آيا ....
البنت 2 بدهشه : ايا اختفت بعد كانت خادعتنا بالحجاره اللي حاطتها مكانها ......
في السفينه :.
آيا : وش هالاشياء وش ارص بالضبط ......
الرجال طلع برا و شاف آيا صرخ : آيا في السفينه ....
آيا مرتاعه تنتفض : كشفوني يمامي لازم اسوي شيء ...
وترص الزر الاخضر وتشتغل السفينه .....
البنت 2 تطلع على صراخ الرجال : ياويلي اختطفت معها ماكو اخاف تسوي فيها شيء روحو وتصرفو ..... خذو الدبابات البحرية والحقوها بسرعة ....
آيا ماتدري كيف تتصرف : يا الله الحين انا امشي سيييده شلون اقدر اتحكم في الاتجاهات ..... يا ربييييييييييييييييييييييييييييييييييه .....
في الشركة :.
اكيرا : شلون يعني جاء واحد وقال اني ابيها ؟؟
السكرتير : ايه ...
اكيرا : طيب خلاص انت خلصها ... وخذ هذي الاوراق اللي خلصت منها وودها للوالد ...
السكرتير : طيب ...
اكيرا يطلع ويدق على آيا .....
اكيرا بطفش يسكر السماعه : ليش مقفله جوالك؟؟ يا الله عليك هذا وقت التقفيل ....
شكلي بروح للميناء عساني القاها ...
آيا ترصص كل اللي قدامها والسفينه ما صارت تتحكم فيها ....
وشوي تقوم البنت ماكو اللي معها ....
البنت ماكو تشوف آيا وتتلفت وتشوف كل اللي حولها بحر
البنت : وش سويتي فيني انتي ؟؟
آيا مو فاضية لها : بعدين نتكلم في هذا الموضوع ... المهم الحين شلون اتحكم في هالسفينه اللي كلها ازرار ....
البنت 1 تقوم وتمسك ملابس آيا من صدرها ...
البنت1 : ناوية تهربين ؟؟؟ ما تقديرن تهربين مني ..
آيا تصارخ : السفينه .... السفينه .. حياتي وحياتك في خطر .... !!
البنت 1 تتنفس بسرعه : جعلك تموتين هالحظة قبل اللي بعدها .....
آيا تحاول معها : وانتي ما تهمك حياتك ؟؟
البنت 1 منقهرة : عادي اموت بس المهم انك تموتين معي .....
ايا طلعت عينها : انتي مو صاحية ؟؟
البنت 1" ماكو" تمسك آيا وتضربها ....
في الميناء :.
اكيرا : راحت مع واحد ؟؟ طيب مشكور .....
ويروح اكيرا ويوقف قدام البحر ....
اكيرا بضيق : ليه يا آيا مقفلة جوالك ؟؟ ومنهو هالواحد اللي رحتي معه ولا قلتيلي ..... خليني اروح للجزيرة ....
ركب اكيرا سفينه ...