رواية يا دنبا لا تسكبي الدمعة على خدِ حساس بقلم صديقتي

اعذر جميع الناس واخفي عذابك ... (( الفصل العاشر – الجزء 2 ))



بعد ما راح اكيرا دخل اندو لبيتهم وتسند على الباب و ببكاء غير مسموع : يااااارب ارحمني ...
تحرك ببطء شديد راسه مصدع وحالته يرثى لها توجه للدور الثاني وبالتحديد غرفته توجه لمكتبه وجلس على الكرسي رفع راسه للطاولة وشاف فيها ورقته اللي كاتب عليها شعره اللي ما بعد كمله ...
تذكير (( الفصل التاسع – الجزء 2 ))
اندو : فيه وحده الحين انا حافظها لكن ما بعد كملتها ..
آيا : قول ..
اندو : يا قلبي لا تشكي همومك على الناس ما كل شخص يعذرك في مصابك لا تسكب الدمعة على خد حساس لا تحرق اوراق الزهر في عتابك
ولا تضيق الصدر المولع بالانفاس ولا تقطع عروق بكت عند بابك ..< بس لين هنا ما بعد كملتها ....
.....
اندو يطلع الورقة ويقراها ... ثم يطلع قلم ..
يقعد على الطاولة .. ويبدا يكتب ...
وبعد نص ساعة :.
اندو : انتهيت ....
يقراها بصوت متحسر تملاه العبرة والحزن : ياقلب لاتشكي همومك على الناس
ماكل شخص(ن)يعذرك في مصابك


لاتسكب الدمعه على خد حسـاس
ولا تحرق اوراق الزهر في عتابك<~~ لما قرأ هالمقطع سقطت من عيونة دمعة حارة حراراتها صادرة من الم وهم كبيرين


ولا تضيق الصدر المولع بالانفاس
ولاتقطع عروق(ن)بكت عند بابك


ياقلب والله مابقى بعيني نعـاس
يومك شكيت الحب محد(ن)درا بك


النار ماتحرق سوى رجل من داس
واللي كواه الحب يفهـم خطابـك


قبلك شرب مجنون ليله من الكاس
واليوم نفس الكاس تسقى شرابك


ياقلب اعرف معدنك معدن الماس
توفي الحبيب الروح لو هو رما بـك


ياقلب خلك بالشدايد قـوى بـاس
لا تلتفت للجرح لوهـو سطا بـك


ياقلب لا تسقي عروقك من الياس
وخل الامل والصدق دايم زهابـك


مادام طاحت فاسك اليوم بالـراس
اعذر جميع الناس واخفي عذابـك .......
ويترك الورقة على الطاولة ويقوم وينسدح على السرير ....
اندو : اعذر جميع الناس واخفي عذابك ... الظاهر راح يكون هو جوابي على نفسي ...
عند بيت آيا :.
اكيرا: يالله يا آنسه آيا ما ودك تنزلين ترى عادي آخذك لبيتي..
آيا تفتح الباب بسرعة : اقول اشوفك على خير انا ناقصة بعد ..
اكيرا يضحك: ههههه مسرع ونزلتي ..
آيا : قول ماشاء الله وتيسر لبيتك..
اكيرا: ياكافي ما عندك نية تدخليني صح اني ماني داخل بس على الأقل مجاملة..
آيا : شف عاد انا ما عندي مجامله ابدا عشان كذا الوقت متأخر وبكرا عندنا مدرسه مافيه وقت اضيفك يادوب ادخل واغير واناااااااااااااام...
اكيرا يميل خشته : الله يخلف على اندو وهو اندو التعبان ما خلاني اوصله واروح قالي تفضل..
آيا تذكرت : اي صدق اش اخباره ..
اكيرا: مسكين شكله مره تعبان ان شاء الله بكره يتشافى ويجي ياخذ سيارته..
آيا : حرام عليك يا اكيرا الولد تعبان ليش تخليه يجي ياخذ سيارته انت ودها له..
اكيرا : لا وش اوديها هو قالي بيجي ياخذها وانا اعرفه ماله الا علمه فأنا وافقته..
آيا: آها على راحتكم يالله اخرتني ..
اكيرا عصب: نعم انا اللي اخرتك ولا انتي الي مسوية علي استجواب..
آيا بكبرياء : احمد ربك اسأل عن ولد عمك هذي النهاية..
اكيرا : مدري عنك تقولين اخرتني كنه انا اللي حالف عليك الا تسمعين سالفته..
آيا: طيب.. ياربي منك ما تواطن شيء..
اكيرا : يالله مع السلامه اشوفك بكره بالمدرسه ...
آيا قرصت خشمه : طيب بس لا تزعل مع السلامه..
راحت قبل لا تسمع رده ..
اكيرا يشوفها وهي تركض داخله لبيتها بس قبل لا تدخل التفتت عليه بابتسامه واشرتله بيدها يعني مع السلامة وبعدها اختف من عينه..
اكيرا: ياحظ قلبي دام لي مثلك حبيب .. انسان مثلك لو بغى الروح تفداه ..
بعدها شغل سيارته ومشى..
في بيت آيا:.
دخلت آيا لبيتهم وتوجهة للدور الثاني وبالتحديد غرفتها .. دخلت الغرفه وحطت شنطتها على الطاولة وراحت تنسدح باهمال التفتت لصورة حاطتها على كمدينتها كانت صورة لها وليونا و لراي وماري وكلهم مبتسمين ..
مدت آيا يدها واخذت الصورة ...
آيا تكلم الصورة : يونا وينك والله لك فقدة يالغالية وحشتيني .. وحشتني القعدة معاك .. يونا اليوم ما احس براحة احس ان قلبي ناغزني .. وخايفة ما ادري من ايش ... لكنه احساس ما يعجبني ... ما ادري وش هو بالضبط .... ودي انك الحين موجوده معي عشان اقولك هذا الكلام وتعطيني بعض الكلمات اللي تبعد عني هالاحساس ... بس من الحين راح ابعد هالاحاسيس اللي ما احبها ... وخلاص راح اريحك مني ....
بعدها ابتسمت للصورة ورجعتها في مكانها... وقفت وراحت تغير ملابسها وتفرش اسنانها...
بعد ربع ساعه طلعت تشحن جوالها وفي هالاثناء تذكرت اندو وكلامه..
آيا تكلم نفسها : ليه حبها من اصل اذا كان عندها حبيب ..... اندو انا اعرف ان قلبك هو اللي صار يتحكم فيك ... معذور اكيد معذور ..
راحت لسريرها ونامت..

في اليوم التالي ....
الكل في المدرسه والحصص تمشي كالمعتاد الى ان جت الطلعة ...
وفي الطلعة :.
آيا تكلم اكيرا مو مستوعبه اللي قاله : ايش قلت ؟؟
اكيرا : مثل ما سمعتي بروح وارجع بكره ....
آيا : طيب وين ؟؟
اكيرا : ابوي طالب مني اني اروح بدال اخوي عشان اشرف على المشروع هناك .. وبما ان اليوم ليلة اجازة وكلّني بهالموضوع ...
آيا بارتياح : وانت جاهز ولا لا ..
اكيرا بابتسامه : الا جاهز و الشنطة جاهزة ترى ما يسوى كلها يوم وانا راجع ...
آيا : الله يوصلك بالسلامه لا تنسى تدق علي اذا وصلت ...
اكيرا بابتسامة : طيب يا آنسة آيا..
آيا بابتسامة تمد يدها : ابي مفتاح بيتك ..
اكيرا مستغرب : ليه وش تبين فيه ...
آيا : ابي اروح ارتبه بما اني فاضية اليوم .. عشان بكره ترجع وتشوفه مرتب ....
اكيرا يمسك يدها بحنان : ما تقصرين بس ما يحتاج تتعبين نفسك الخدم اقدر اطلبهم وهم اللي يجون ويرتبونه ...
آيا تناظره : لكنك ما تحب احد يرتب غرفتك من الخدم ... عشان كذا انا بروح وارتبها ...
اكيرا بابتسامة: اذا كنتي مصرة انا ماعندي مانع ..
بعدها شد على يدها : اجل يالله تعالي نروح للبيت عشان اعطيكياه ...
آيا بابتسامة رضا : يالله ....
ويروحون للبيت وياخذ اكيرا شنطته ويعطي آيا المفتاح ويروح وتبقى آيا في بيت اكيرا ....
آيا : من وين ابدا ..؟؟
وتجلس آيا تنظف المكان ... وتدخل المطبخ وتشوف الفاكهة ...
آيا : وزي العادة يا اكيرا الفاكهة عندك هرم ولا تاكلها ....
ثم تروح للدور الثاني وتدخل غرفة اكيرا ...
وترتب السرير ثم تروح للدولاب وتسفط الملابس ثم تروح لمكتب اكيرا .. وهي قاعدة ترتبه تشوف ملف ازرق تحت كل الاوراق ....
تطلعة آيا وتفتحه ....
وتشوف فيه صور .. قديمة وجديده .. وبعض الاوراق ..
تتفرج آيا على الصور القديمة ...
آيا : هذا شكله نيزو ما تغير من ذاك الوقت .... وهذا شكله اندو ... واو مره متغير في الصورة ...
بعدها اخذت الاوراق تقرأ ايش مكتوب فيها
بدت تقرا بصوت عالي شوي : إن بعض القول فن _ فاجعل الإصغاء فناً .... نحن نحب الماضي لأنه ذهب , ولو عاد لكرهناه ...
لا تستحِ من إعطاء القليل فإن الحرمان اقل منه ... الصديق القديم يعطي لماضيك معنى، والصديق الجديد، يعطي لحاضرك طراوة ..
عندما تقول أحبك فلا بد أن تعنيها ... عندما تدرك أنك أخطأت , قم بتصحيح ذلك مباشرة ...
وتسكر آيا الورقة : واو وش هالكلام الروعة يا اكيرا .... حتى انت تكتب هالكلمات ...؟؟
ثم شوي تقلب الورقة وتشوف مكتوب بخط صغير ... من صديقك المخلص والناصح لك " اندو ^_^ " ...
آيا بابتسامة : صرت انت صاحب هالكلام الرائع يا اندو ... الحين بس عرفت مين اللي طالع على الثاني ... انت الاساس ..
وبعد ربع ساعة سمعت صوت جرس ..
آيا باستفهام : مين اللي جاي هالوقت ؟
وتحّول تحت وتشوف من الكاميرا ...
آيا : اندو ؟!
وتروح وتفتح الباب ....
اندو بابتسامه : بوو ؟!
آيا مرتاعه تحط يدها على صدرها : يمه..
اندو مرتاع : آيا ..!!
آيا تهز راسها بدون ما تنطق ..
اندو ضاع ما يدري وش يسوي من جد روع البنت : آسف آيا والله توقعتك اكيرا قلت بسوي فيه مقلب.. والله ما كنت قاصد آسف..
آيا تهز راسها يعني عادي ما صار شيء: ..
اندو لازال مأنهبه تضميره فألتزم الصمت..
آيا لما شافته جلست تضحك: ههههههه
اندو انهبل قال البنت اكيد انجنت ناظرها مرتاع..
ايا تضحك على شكله : ههه تصدق اني داريه انك انت اللي عند الباب ومع ذلك خفت ..
اندو يضحك يسايرها : هههه اجل وين اكيرا ؟؟
آيا : مو موجود سافر ...
اندو : وين سافر له غريبه ماقالي ...... ؟؟
آيا : عمي وكّله بمهمة وراح ينجزها كل شيء صار بسرعه حتى انا مادريت الا اليوم في المدرسه بس ترى ما راح يطول بكره بيرجع ....
اندو : طيب انتي ليه هنا ؟
آيا : انا جيت انظف وارتب البيت .... انت قولي اش اخبارك بعد امس ؟؟
اندو : الحمد الله احسن يالله انا بروح ..
آيا : لا وين تروح تفضل شوي ...
اندو : لا لا خلاص اجي بكره ..
آيا : طيب ادخل على الاقل خلينا نشرب العصير مع بعض ...
وتسحب يده : يالله يا اندو ليه انت دائما متردد ...
ويدخلون للبيت .. وتجلس هي وياه في الصالة..
آيا : مايخالف اندو ثواني وانا جاية..
تروح آيا تسوي بالفاكهة عصير..
بعد 5 دقايق ...
آيا بابتسامة : احلى عصير فرش لاندو ...
اندو : مشكورة ..
آيا : وش تحب أي نوع من العصيرات .... ترا كل شيء موجود ..
اندو : لا خلاص يكفي البرتقال...
آيا : ترى كل انواع الفاكهة موجوده ... اكيرا مسرف ومخلي الفاكهه بالكوم في المطبخ بدون ما ياكلها بس يخليها تخرب ... فقلت اعصرها عشان نستفيد منها
اندو يشرب شوي : حلو تسلمين ....
آيا :الله يسلمك يا شاعرنا الرائع ....
اندو : مشكورة ..
آيا : الا صح .. ما بعد كملت الشعر اللي قد قلته لي من قبل ؟؟
اندو في نفسه : ليه تسألين عنه ؟؟
اندو بدون اهتمام : ايه كملته ..
آيا تميل فمها بزعله : ليش ما سمعتني اياه مو انا قايله اول ما تخلصها تعلمني ..
اندو في نفسه : يارب وش هالبلوى ؟: معليش كنت مشغول ولا قدرت اسمّعك اياه ...
آيا بحماس: حافضها الحين ؟؟
اندو بتفكير : امم لا لو بقولها بيكون فيها اغلاط ...
آيا مستانسه : انت من زمان تكتب خواطر او كلمات معبرة ؟؟
اندو يحط العصير على الطاولة : ايه ..
آيا : ودي اشوف كل اللي كاتبه لان فيها كلام مأثر في نفسي .... اندو انت تكتب اللي داخلك واللي تحس فيه ؟؟
اندو يتسند ويوخر نظره عنها : الاغلب اني اكتب اللي داخلي ...
آيا بتفكير: اندو اليوم انت فارغ ؟؟
اندو التفت عليها باستغراب : ايه ليه وش عندك ؟؟
آيا بابتسامة : ودي تجيب اشعارك وخواطرك ونقراها في مكان احبه .....
اندو في نفسه: لالالا ما ابي تكفين فكيني الا هالشيء ما ابي اروح مكان لحالنا لاتزيدين علي .. مكان تحبينه بعد .. لا راح يكون كل شيء صعب علي ..
اندو مايدري وش يقول : هه مكان تحبينه ؟؟
آيا تهز راسها : ايه طبعا اذا ما كان عندك مانع ....
اندو في نفسه: لازم ما احسسها بشيء اكثر لانها راح تسألني ....
اندو يبتسم مجامله : لا ماعندي مانع في اي وقت تبين عادي
آيا فرحانه : خلاص اتفقنا...
حددت آيا الوقت اللي راح يلتقون فيه ..
اندو وقف : شكرا على الضيافه .....
آيا تبتسم : حياك في أي وقت ....
يمشي اندو متوجه للباب وآيا توصله .....
آيا : الا صح وش كنت تبي من اكيرا ؟؟
اندو : جيت آخذ سيارتي ....
آيا : اها يالله بكره راح يجي ...
اندو : طيب انا استأذن يالله مع السلامة
آيا : مع السلامة ....
وبعدها طلع اندو ورجعت آيا تكمل ترتيب الغرفه ..
و بعد ساعه ونصف [ عند النهر ] :.
اندو وصل للمكان المحدد شاف آيا تتفكر في النهر اللي قدامها ومع اضاءة القمر صاير شكلها فاااااااااااتن
اندو: يا الله يا آيا حتى مكانك حلو وجميل مثلك ..
اندو انتبه انه يتكلم بهمس : اندو هي ارجع لصوابك هذي حبيبة ولد عمك انتبه ..
تقدم لها اندو : عسى ما تأخرت معليش بس لاني ما دليت المكان صح ....
آيا تلتفت عليه بابتسامة ثم وقفت : لا ابدا ما تأخرت ....
اندو في نفسه : حتى ابتسامتك حلوة ..
ابتسم اندو : هذا المكان اللي تحبينه ؟؟
آيا تتقدم للنهر : ايه هذا المكان كثير ما جلست انا وصديقتي العزيزة فيه وبعد كل ما حسيت بضيقه اجلس هنا ... اذا كان النهر قدامك ولونه اسود والقمر ساطع عليه .. يكون منظر يحتاج تأمُل .... اجلس هنا في اسعد اوقاتي واضوقها .... عشان كذا انا احب هالمكان ....
وتلتفت آيا عليه وتغمز : ويكون اجمل اذا كتبتَ شعرك هنا ..... وانا اسمعه هههه
اندو يشوفها ويبتسم ويقول في نفسه : أميره{بكلمتك}ذوق{بهمستك}حلوه{بضحكتك}عذااب{بغيبتك}أ تمنى{شوفتك}اغليك وارتاحلك ..وان غبتِ اشتاقلك من يعرفك{يحبك}ومن يحبك{يهواك}ومن يهواك{ماينساك}ومن ينساك{مايعرف غلاك} ....
آيا تستهبل تسوي نفسها مستحية : اندو وراك تشوفني كذا ... تراك تحرجني ..
اندو انتبه : اوه آسف ...
آيا تضحك : هههههه امزح امزح ..
وتقرب من عنده : هاه جبت خواطرك واشعارك ؟؟
اندو : ايه .....
آيا تجلس : يالله اجل اول شيء تقولي شعرك اللي كملته ....
اندو : مره متحمسه ....
آيا : ايه يله قول تكفى ....

يفتح اندو الورقة ويبدا يقراها بصوت مسموع : ياقلب لاتشكي همومك على الناس
ماكل شخص(ن)يعذرك في مصابك

لاتسكب الدمعه على خد حسـاس
ولا تحرق اوراق الزهر في عتابك

ولا تضيق الصدر المولع بالانفاس
ولاتقطع عروق(ن)بكت عند بابك

ياقلب والله مابقى بعيني نعـاس
يومك شكيت الحب محد(ن)درا بك

النار ماتحرق سوى رجل من داس
واللي كواه الحب يفهـم خطابـك

قبلك شرب مجنون ليله من الكاس
واليوم نفس الكاس تسقى شرابك

ياقلب اعرف معدنك معدن الماس
توفي الحبيب الروح لو هو رما بـك

ياقلب خلك بالشدايد قـوى بـاس
لا تلتفت للجرح لوهـو سطا بـك

ياقلب لا تسقي عروقك من الياس
وخل الامل والصدق دايم زهابـك

مادام طاحت فاسك اليوم بالـراس
اعذر جميع الناس واخفي عذابـك .......

لما خلصها حس بضيق ما عرف كيف يتكلم
اندو في نفسه : اندو انتبه لا تفضح نفسك تحمل لا تخليها تنتبه لك..
آيا تصفق فرحانه : واو واو واو كلام اكثر من روعة يا اندو ....
اندو ما يرد ولا يبتسم حتى ..
آيا تغيرت ملامحها من فرحه الى استفهام : اندو وش فيك ؟؟ انت كاتب هذا الكلام على ذيك البنـ...
اندو يعطيها ظهره و يقطع كلامها : ايه ... كتبته عليها .....
آيا وقفت : ودي لو تعرفّني عليها ..... ودي اكلمها واشوف حالها ..... ودي اشوفـ...
اندو يسكتها ما يبيها تكمل : لا مايحتاج هي حالها زينه وهي في اسعد اوقاتها الحين ....
آيا تقرب منه : تتكلم معها يا اندو ؟؟
اندو يقرب للنهر : ايه اتكلم معها كثير ... لكن هي تعتبرني صديق لا اكثر .....
آيا بضيقه : آآه ...
آيا ودها تغير الموضوع بالمره ... قربت منه وضربته بخفه على كتفه وتلتفت وتبتسم في وجهه ممكن آخذ صوره..
اندو انتفض من حركتها ..
آيا تضحك : ههههه لما الخوف يا فتى .. ؟؟
اندو يناظرها مبلم هذي مو صاحية وفجأه شاف اذنيها وبدون مقدمات : آيا
آيا باهتمام : نعم ..
اندو يناظر حلقها : ما زلتي تلبسين الحلق اللي عطيتكياه ؟؟
آيا وهي تلمس حلقها : ايه انا احب اذا عطاني احد هدية تنلبس البسها طول الوقت .. وحتى حلقك من ذاك الوقت والى الان ما فسخته ولا مره .. الا عند النوم هههه
اندو : فيه احد معطيك شيء ثاني ؟؟
آيا ترفع جوالها : ايه هذي العلاقة من صديقتي العزيزة ...
ثم توريه الاسواره : وهذا الاسواره من اعز انسان ...
اندو : وهذا الحلق ؟؟
آيا بفكير : امممم ... من افضل شاعــــــــر ...
وتبتسم في وجهه ثم توقف ..
آيا : ما ودك نشرب كافي ..
اندو ساكت ...
آيا : يله اجل على حسابي .. انتظرني شوي ..
وتروح آيا ....
اندو : من اعز صديق ومن اعز انسان .... وانا من افضل شاعر بس ؟؟ ماني عزيز ابداً عليك يا آيا ......
ويوقف اندو ويمشي ...
آيا عند كشك الكافي ..
آيا : شكرا ..
صاحب المحل : عفوا ...
وتروح آيا تركض للمكان وهي ماسكه الكوبين ...
آيا مستغربه : وين راح ؟؟
وتتلفت ولا تلقاه .... وآيا تشوف من جنب النهر .. والجنب الثاني يمر اندو بسيارته ويتعداها ......
آيا تجلس بنفس المكان وتحط الكوب .....
آيا بضيقه : وش فيه ؟؟ ليه راح كذا فجأه ؟ انا قايله لك اني بارجع ..... اندو من جد ما عرفت لك ..
وآيا سرحانه تشرب رشفة من الكافي وينكب على لبسها ... آيا تصارخ وتقوم وينكب الكافي على الارض ..
آيا تنفض بلوزتها : آآآآه .... آآآآآي .... حار حرقني .. احوووووك ..
وتقوم آيا وتقرب من النهر وتغسل فمها ورقبتها اللي توسخو من الكافي ..
آيا تتلمس ذقنها : ياربي مره ويألم ...
تطّلع مراية من شنطتها وتحط عليه كريم ..
آيا : واو احمر و حار ...

وتسكر المراية وتقول في نفسها : انا الحين احس بحرارة عادية والم بسيط كلها ساعات ويختفي .. لكن شلون الم اندو وشلون كانت الحرارة اللي في قلبه .... ؟؟
وتقوم آيا وتروح للبيت ...
اندو يدخل غرفته ويرمي مفتاح السيارة على الطاوله ويفسخ جيكيته ويرميه على الكرسي وينسدح على السرير ويحط يده على عيونه ..
اندو : ليـــــه ؟؟ ليــــــــــــه ؟! ليه رحت وخليتاها يا اندو ؟؟ آيا ليه تعامليني كذا ؟؟ ليه ما فيه حتى مكان لي في قلبك ؟؟ انا اتعب كثير ... انا تعبان .. تعبان ... وابي احد يداويني ...
ويقوم يقعد وينزل رجوله من على السرير ويمسك شعره بيدينه الثنتين ....
اندو : اذا كنت تحبها صدق .. فلازم تبعد وتخليها تعيش حياتها سعيده مع من تحب ... لكن اظهر لها اذا كانت في اصعب اوقاتها لعلها تشوفك .... اسف آيا لكن عشانك بس ... ما راح تشوفين افضل شاعر الا في المناسبات ......
في غرفة آيا :.
آيا جوا الحمام تتروش وتكلم نفسها : هل يمكن يوم اجرح احد بدون ما ادري ؟؟ هل يوم راح اندم على شيء اسويه بدون ما ادري ؟؟ لكنـ.. انا اذا جرحت احد لازم انا نفسي اداويه .. ولازم ما اندم ابدا ... واذا ندمت اتمنى يكون قدامي فرصة اصلح اللي ندمت عليه ..
وتطلع من الحمام وتوقف قدام المراية تمشط شعرها : انا الحين عرفت من وين اكيرا كان يجيب قوته .... كلمات اندو ثمينه ....
[[ إن بعض القول فن _ فاجعل الإصغاء فناً .... نحن نحب الماضي لأنه ذهب , ولو عاد لكرهناه ...لا تستحِ من إعطاء القليل فإن الحرمان اقل منه ... عندما تقول أحبك فلا بد أن تعنيها ... عندما تدرك أنك أخطأت , قم بتصحيح ذلك مباشرة ... ]] اندو حساس وانجرح .... راح يكون صعب كثير انه يتحمل اللي داخله .. ليتني يا اندو اساعدك لانك شخص عزيز علي ...... وحتى في شعرك الاخير خاطبت نفسك بقول " اعذر جميع الناس واخفي عذابك " .. هل كانت نصيحتك لنفسك يا اندو ؟؟
وبعد شوي يرن جوال آيا تروح له بسرعه ويصير اكيرا ..
آيا : اكيرا .....
اكيرا : هلا آيا ؟؟ كيف حالك ؟؟
آيا : انا تمام ... كيفك انت ؟؟ خلصت اشغالك ؟؟
اكيرا : ايه وان شاء الله بكره راح اكون في طوكيو الظهر ....
آيا : كيف كان العمل ؟ متعب ؟
اكيرا : المتعب هو فرقاك ...
آيا انحرجت من كلمته : وانا اشتقت لك كثير .....
اكيرا بابتسامة : يله حبي تصبحين على خيــر ...
آيا : وانت بخيــر .....
وينتهي اليوم على كذا .. لتمر الايام وتجي مناسبه ويحضرها آيا واكيرا ....
آيا تشوف اندو وتروح له ....
آيا بابتسامة : هلا اندو كيف حالك ؟؟
ويمشي اندو حتى ما التفت عليها ...
اندو يكلم واحد ثاني : خلينا نشوف هناك ...
ويروح وآيا واقفه في مكانها ...
آيا في نفسها : اندو ليه يوم شفتك بعد فتره طويله حتى السلام ما تسّلم علي ؟؟
وتنزل راسها وهي ضايق صدرها ...
ويلتفت عليها اندو وهو يمشي ثم يقول في نفسه : آسف يا آيا .... لاني ما اقدر اشوفك حتى ... آسف
تروح ماري لآيا ...
ماري : وش فيك يا آيا ؟؟
آيا : ما ادري لكن اندو من زمان ما شفته ويوم شفته انشغل ولا شافني ..
ماري : والله ؟؟ عاد اندو يحب يكلمك عادي ...
آيا : مع اني من زمان ما شفته ...
ماري : من متى ؟؟
آيا : تقريبا من ذاك اليوم اللي سويتو فيه حفله عشان حمل شيري ....
ماري : والله ؟؟ يوه يعني تقريبا من شهر الا يومين .....
آيا : بس راح اتجاهل هالشيء واقول يمكن ما شافني ..
ماري : يوووه ما بقى غير شهر ونخلص من الثانوي وندخل الجامعه ...
آيا : الجامعه ؟؟ يعني التخرج من الثانوي ؟؟ يااااه يا سرع الايام ..
ماري : وانتي الصادقة .... يا سرعها من جد ..
وتمر الايام والحاله ما تغيرت .... لين يجي يوم التخرج ...

لنرا الاحداث الجديدة في الجزء القادم .... لنترقبها ^_* .....


اتمنى لكم قراءة ممتعه


ونلقاكم في الجزء القادم ...... ^_^

" يوم كنتي معي " ؟؟ (( الفصل العاشر – الجزء 3 ))


آيا و هي تلبس حلقها قدام المراية تكلم نفسها : يونا اليوم يوم التخرج اللي تمنينا اننا نوقف جنب بعض ونقول انشودة التخرج سوا ..
الام تنادي من تحت : آيا ..... آيا ... يالله بتتأخرين على حفل التخرج ....
تبتسم آيا لنفسها و تاخذ شنطتها و تنزل تحت لأمها : يماااامي والله اني خايفه
الام تعطيها كاس عصير : ليه ؟؟
آيا تاخذ العصير بيد تنتفض : انا موكله اني اقول خطاب الطلاب .... وخايفة من مقابله الطلاب كلهم ...
الام تبتسم وتناظرها بإعجاب: والله وكبرتي يا آيا ..
آيا استحت : ماما لاتحرجيني ..
حطت آيا العصير على الطاوله : يالله لازم ما اتأخر ...
الأم تودعها عند الباب : انتبهي لنفسك يا حبيبتي ..
آيا تاشرلها و هي مبتسمة يعني مع السلامه ..
وبعد عشر دقايق وصلت آيا للمدرسه... شافت المعلم قدامها ..
المعلم : ليه تأخرتي كذا يا آيا ؟؟
آيا باعتذار: آسفة من جد ..
المعلم يلتفت لمنظمة الحفل : استاذه ريكو اعطي آيا الخطاب اللي بتقراه ؟؟
المعلمة وهي تبحث عن الورقه : يوه وين راحت ما لقيتها ...
المعلم : يووه الحين بتطلع على المسرح وتقولين ما بعد لقيتيها ..
المعلمة : والله ما ادري ..
صوت المسرح : لهذا يسرني ان اقدم لكم خطاب طالبتنا المتفوقة , مقدم من آيا باكورا .. من الصف B3
وصوت تصفيق ...
آيا بجديه : راح اطلع بدون ورقة ...
المعلمة بدهشة : شلون والكلام من وين ؟؟
تمشي آيا وبدون ما ترد متجهه للمنصه ...... على المنصة ... والكل يصفق لها ...
راي تكلم توما بصوت منخفض : شوف شوف آيا طلعت ياحبيلها
توما يضرب كوع اكيرا : شوف آيا اقبلت ..
اكيرا مسوي نفسه ثقل : هذا انا اشوفها لاتسوي حركات مالها داعي ..
آيا تمسك المايك تاخذ نفس ثم تقول: في السنين الثلاثة التي قضيناها في هذا الصرح الشامخ قد عشنا اياماً تملؤها الحب والصداقة .. مرت بها الفصول , عشنا جميع احوالها .. عندما دخلت هذه الثانوية ثانوية قيشالي العليا أخبرتني ان في الحياة معجزات وان هذه المرحلة التي اقدمت عليها ستكون ايامها وسنينها ذكرى يوماً ما بعد ان اجتازها ... انتظرت المعجزات التي اخبرتني عنها انتظرتها طويلاً وقد حصل ما اخبرتني به .. والان ارى الايام التي هنا قريباً ستصبح ذكرى لن انساها ابداً ... عشنا الفرح والحزن والحب وايضاً الفراق ... في وقت قد مضى التقيت بشخص فارقته من عامين وفي وقت قريب فارقت شخصاً , هذه طبيعة الحياة لقاء ففراق .....
ثم نزلت منها دمعه ..
آيا وهي تمسح دموعها : صحيح اننا بعد هذا الجمع الرائع سنفترق .... ولكنـ .. ولكن يجب ان لا ننسى بعضنا ابداً ....
وتوقف كلامها وتبدا تصيح ...
راي تدمع عيونها وتقول في نفسها : خلاص يا آيا ... ما اقدر اسمع اكثر ...
ويقوم أكيرا ويطلع ......
تحاول آيا تمسك نفسها وتقول : آسفة لاني ما اقدر اواصل كلامي .. لان اللي في داخلي صعب تعبيره ... وآسفة اذا يوم غلطت على احد ... آسفة
تبتسم آيا وتنحني والدموع تملى عيونها ....
والكل يصفق بصوت عالي ... وتسمع كلمات : مبدعة يا آيا ...... ما راح ننسى بعضنا ابدا ..... احسنتي التعبير يا آيا .....
وتدخل آيا وهي تمسح دموعها .... يقابلها اكيرا بتصفيق حار : برافو يا آيا .. مثل ماعودتينا دائما مبدعة
آيا لما شافته امتلت عيونها دموع و نزلت راسها ..
اكيرا يقرب منها ويرفع راسها بيده ناظر في وجهها : ليه الدموع ؟؟ مو انتي الطالبة المتفوقة في ثانوية قيشالي العليا ...
آيا تهز راسها : الا .... لكن قلبي امرها تطلع ....
اكيرا يمسح دموعها بيده : قلبك ؟؟
آيا : ما قدرت اتحمل وطلعت الدموع من نفسها .... كنت احاول امسكها لكن ما قدرت ...
اكيرا بابتسامه : طيب خلاص يكفي لاتنزل دموع اكثر .. ابتسمي يا آيا مو حلوه عليك الدموع .. ترى بسوي شي تندمين عليه
قرب منها اكثر ..
آيا تبعد عنه وتمسح دموعها : خلاص الحين ..
اكير يقرب : لا مو خلاص ما ابتسمتي ..
آيا تحط عينها بعينه و تبتسم ..
ابتسم لها اكيرا و مسكها مع يدها : يالله يا حلوة خلينا نروح كل الصفوف الحين بيقولون نشيد الوداع ......
آيا تضغط على يده : يالله ...
ويطلعون ..........
في شركة ابو اكيرا :.
الابو يكلم نيزو : اليوم تخرج اكيرا وآيا ؟؟
نيزو : ايه ...
الابو : ودي اعطي آيا حقها اللي تركه جدها ريونجي ...
نيزو : وش تبيني اسوي ؟؟
الابو : روح وجيب كل الملفات اللي تتعلق بريونجي وتعاونه مع شركتنا وبشوف اللي تركه واعطيه لآيا ..
نيزو : حاضر ....
الابو : تقدر تنصرف ...
ويطلع نيزو ....
في المدرسة :.
راي : ياي يا آيا كلامك مره اثر فيني ...
آيا : هههههه هذا المطلوب ....
راي : شوفو هالمخادعة ..
آيا : ههههه بس تذكرت يونا وتمنيت انها تكون معنا .....
توما : يالله بنقول نشيد الوداع كل واحد يروح مكانه .
راي : طيب ..... يالله يا آيا ..
آيا : طيب

كل واحد ياخذ مكانه ... آيا توقف وترفع راسها للسماء ..... وتتذكر
اقتباس من (( الفصل التاسع – الجزء 4 ))
[يونا : ودي الساعة في هذي اللحظة طولها طول السنة ... و ودي انا وياك نوقف جنب بعض في يوم التخرج من الثانوي ... و ودي باشياء كثيرة اسويها معك ..
آيا : نقدر نخلي الساعة كنها سنة ... ونقدر في هذي اللحظة نسوي الاشياء اللي نقدر عليها .. لكن اننا نوقف جنب بعض في يوم التخرج يكفيني انك توقفين جنب سوما .. ولمى يجي يوم التخرج وانتي واقفة في ذاك اليوم ارفعي راسك للسماء ... وانا راح ارفع راسي للسماء وبكذا نكون سوينا نفس الشيء وكأننا واقفين جنب بعض في السماء ...
يونا : ايه .... ما راح انسى هذا الشيء ابداً ...]
......
آيا تتكلم في نفسها : يونا انا الحين ماسكه بايدك .. انتي ماسكه بايدي ؟؟ انا الحين انشد انشوده الوداع ... انتي الحين تنشدين ؟؟ ليتني اعرف جوابك .......
وشوي يدق جوال آيا وهي تنشد .... ترفع السماعة ... وتشوف انه يونا .... بدون تردد ترفع السماعه
آيا : يونا ...
يونا : آيا انا الحين واقفه انشد نشيد الوداع .... انتي مثلي ؟؟
آيا بنبرة فرح على حزن وبهدوء : أيـــه ...
يونا : انا وياك الحين واقفين جنب بعض ...... صح ؟؟
آيا بنفس النبرة : أيـــه ....
يونا : آيا انتي رافعة راسك للسماء .؟؟
آيا : أي
يونا : ممسكه ايدي ؟؟
آيا : اي
يونا بنفس نبرة آيا : آيا مبروك التخرج ... لنا .....
آيا بابتسامه : الله يبارك فيك يا حبي .....
يونا بدت تكمل الانشوده وآيا سوت مثلها ... وكأنهم واقفين جنب بعض ويقولون نشيد الوداع سوا .... ولما انتهو من النشيد باركت آيا ليونا و انهو مكالمتهم بدموع ..
التفت اكيرا على آيا و شافها ضامه جوالها على صدرها و الدموع تنزل على خدها : آيا عسى ماحصل شي ..
وقبل مايتحرك شاف راي تكلمها وآيا ترد عليها و هي تمسح دموعها بعدها راي ضمتها و هي تضحك .. ارتاح اكيرا لمنظرهم و عرف ان آيا تصيح عشان الوداع
اكيرا : دايما حساسه يا آيا
ابتسم وقال : حبك داخلي ورده سقاها عمر احساسك احبك يا هوى عمري احبك والغرام اسباب..
جا توما لاكيرا وشافه يهمهم ضربه على كتفه : وش عندك تهمهم يا ابو الشباب .. وش تقول ما فهمت شيء من اللي قلته..
اكيرا التفت عليه و دلع لسانه قال : مالك دخل الكلام مو موجه لك ..
ضحك توما : خخخخ تعجبني بس مو لازم تحرجني ..
بعدهاالتفت عليه وضمه : مبروك التخرج يا صديقي العزيز ..
اكيرا مستغرب : الله يبارك فيك وش سالفتك صاير كأنك بنيه عسى ما اخذت العاده من راي..
توما: ياخي ياشينك انت وردود افعالك على كثر ما تفشلني على كثر ما احبك انت ووجهك..
اكيرا ضحك : ههههه الله يبارك فيك يا خوي انت مو صديق بس انت اخو..
توما بعد عنه يسوي نفسه بيصيح : اكيرا احسك صاير رومانسي اليوم انتبه تراني مو آيا..
اكيرا ضربه على كتفه : يااااااااااااابيخك يالماصل اقول ابعد عن وجهي ... الشرهه مو عليك علي انا معطيك وجه.. روح لراي طلع حرتك فيها..
توما يجاريه: ايه بروح لها وبآخذ آيا معي..
التفت اكيرا عليه : نعم نعم وش قلت وش تبي بآيا ..
توما يبي يقهره: وش دخلك يا خي صديقتي في المدرسه وصديقة حبيبتي المقربه عندك مانع..
اكيرا يسوي نفسه ماهتم : ايه خذها عاد انا وش علي منك هذا اصلا اذا طاعتك انا اعرفها اكثر منك ..
توما يدلع لسانه: طيب يا اكيرا انا اوريك..
اكيرا يعطيه ظهره ..
توجه توما لآيا وراي ..
اكيرا التفت بيشوف هل صدق آيا بتروح معهم ولا لا .. شاف توما يحاول هو وراي يقنعونها وهي رافضه .. ابتسم ابتسامة نصر : هههه انا اعرفها اكثر منـــ
ما امداه يكمل الا وآيا تروح معهم.. انهبل ويحاول يكذب اللي يشوفه.. لحقهم وهم متوجهين لخارج المدرسه وهو يردد في نفسه : آيا ما تسويها تروح وتخليني انا اعرفها ..
آيا وقفت قدامهم سلمت على راي وودعتهم عند الباب.. لما شاف اكيرا ان آيا ما راحت ارتاح ..بس في هالحظه رفع توما عيونه وشاف اكيرا من بعيد وابتسم ..
اكيرا تخبا: شافني الزفت الله يعيني عليه ..
وما امداه يكمل كلامه الا جواله يدق شاف المتصل : يوووه توما اكيد بيتميلح علي الله يعييني عليه اعرفه عياّر ..
رفع الخط
توما : اكيراااااا مسوي نفسك ثقل يقالك ما همك الحمد الله ان عيونك ما طلعت من مكانها من الصدمه بس انا قاصد قايل لآيا على الاقل وصلينا للباب اذا منتي رايحه معنا ..
بعدها ضحك : هههههه والله انك اتحف واحد شفته في حياتي بس والله انك عرفت تختار..
بعدها قال بهدوء : اكيرا الله يسعدك ويوفقك آسف اذا سويت فيك هالمقلب والله اني امزح معك .. تمنياتي لك بقضاء امتع الاوقات مع من تحب الى اللقاء يا صديقي العزيز..
توه بيسكر رد اكيرا بابتسامة امتنان : توما اشكرك من اعماق قلبي على كل شيء ..
بعدهاسكر الخط ..
وبعدها رفع راسه يشوف اش صار على آيا و راي شاف توما توه جايهم وتكلم معهم شوي وبعدها اخذ توما راي وراحو مع بعض .. وبقت آيا عند البوابه منزلة راسها كأنها حزينه..
طلع اكيرا وتوجه لها ومشي بهدوء من وراها وغمض عيونها ..
آيا تتحسس ايدينه بعدها ضغطت عليها بقوة ..
اكيرا آلمه ضغطها : اي اي اي فكي يدي يامتوحشه.
آيا تركت يده بعدها ضحكت ضحكه فيها صيحه: هههههه كنت حاسه انه انت..
اكيرا بتفكير: وش معنى انا..
آيا بدون ما تلتفت عليه : لاني اعرف ملمس يدينك..
اكيرا باستفهام يلمس يدينه: تعرفين ملمس يديني؟؟
آيا التفتت عليه و مسكت يدينه : ايه اعرف ملمسها دايما دافية ورقيقة ..
بدون سابق انذار ضمته بقوة وصارت تصيح ..
اكيرا انجن وش سالفة هالبنت مو صاحيه : آيا..
آيا تدخل راسها اكثر وتصيح اكثر..
اكيرا يلمس شعرها : آيا حبيبتي وش فيك حصل شيء .. ؟؟
آيا : تهزر راسها يعني لا..
اكيرا متعجب: طيب ليه كل هالصياح ..
آيا بدون ما تناظره ودافنه راسها في صدره : مشتاقه ليونا ..
اكيرا مو مصدق : كل هذا عشان يونا..
آيا تهز راسها : ايه..
اكيرا يبعدها ويشوف وجهها : آيا مو كذا تصيحين روعتيني بس عشانك اشتقتي ليونا ..
آيا تشهق وهي تصيح : يو..ي..يونا..اا كلمتي واحنا نقول نشيد الوداع ..
اكيرا في نفسه : آها عشان كذا كانت تصيح وهي ضامه جوالها ..
اكيرا: طيب واذا صار..
آيا تصيح: ما نست وعدي لها كلمتني وقلنا النشيد مع بعض ..
اكيرا يضمها : وفية مثلك يالغلا لاتبكين .. اليوم يوم حلو المفروض نفرح فيه مو نحزن ونكدر يومنا ..خلاص يكفي دموع خلصتي دموعك على هاليوم ..
يمسك وجهها ويمسح دموعها : يالله ياقمر مو حلو عليك الدموع خلينا نستانس والله لو تدري يونا عنك تزعل منك ..صح علي والا انا غلطان؟؟
آيا تهز راسها وهي تمسح دموعها بطرف لبسها: صح صح..
اكيرا بابتسامة: وبهالمناسبة الحلوة انا عازمك على العشاء في احلى مطعم .. اش رايك ؟؟
آيا تهز راسها وهي منحرجه يعني طيب..
اكيرا يغمز لها: خلاص انا بوصلك لبيتكم تاخذين لك شور وتستريحين وتبدلين وعلى الساعه 8 المساء بكون عندك اوكي..
آيا بابتسامة : طيب..
وصّل اكيرا آيا لبيتهم وراح هو لبيته يرتاح ويغير وينام .. وعلى الموعد قام وعدل نفسه و توجه لآيا واخذها وراحو المطعم وقضو الليلة كلها بابتسامه وضحك حاول اكيرا بشتى الطرق انه يخليها تستانس و تفرح لان حاس ان هاليوم يوم التخرج غالي بالنسبة له . ..
بعد ما قضو هذي الليلة الرائعه طلعو من المطعم متوجهين للبيت آيا ..لما وصلو التفتت آيا على اكيرا : مشكوووووووووووووور يا اكيرا على هاليوم الرائع ومبروك التخرج ..
اكيرا بثقل : الله يبارك فيك ..
بعدها التفت عليها وابتسم: احنا حاظرين للطيبين ولو كم آيا عندي ..
آيا انحرجت .. ونزلت بدون اي رد ..
توجهت لجهته وطقت القزازة ..
اكيرا باستغراب فتح الدريشه : وش عنــ
ما امداه يكمل .. الا ببوسة على خده من آيا
آيا : الله لا يحرمني منك يا اعز الناس..
وراحت تركض ودخلت بيتهم.. تسندت على الباب ومسكت قلبها باحراج : ياربي وش سويت احس ان دقات قلبي بتطلع من مكانها ..
في الجهة الثانية :
اكيرا مبلم ويلمس خده : انا في حلم ولا علم .
قرص خده بيده: اي اي .. لا انا في علم أيا قبلتني للمره الثانية وقالتلي يا اعز الناس لا مستحيل ..
مسك جواله وكتب بحماس : (احلى هدية تخرج من زهرة غلا في قلبها حب ووفا وفي عطرها روز و شذا مشكورة يا لمسة دفا تصبحين على خير يا كل الحلا ) ارسل الرساله لآيا ومشي راح لبيته..
صوت مسج جاي لجوالها انتفضت.. طلّعت جوالها من الشنطة وفتحت الرسالة ولما قرأتها باست الجوال وضمته : وانت من اهله يا اغلى من الغلى ..
وينتهي يوم التخرج بابتسامة العاشقين ...
وبعد مرور 4 ايام في العطلة الصيفية ....
آيا توقف قدام المراية : يونا وسوما بيسجلون في جامعة اوساكا ..... راي وتوما بيسجلون في جامعة طوكيو قسم الكيمياء ... ماري بتسجل في قسم الهندسة المعمارية ..... انا واكيرا اليوم راح نتفق على ايش ؟!.... لكن انا في نفس الوقت ابي ادخل طب ... بس ما ادري عن اكيرا .... يس راح اقوله اليوم ..... اوكي انا جاهزة ......
في شركة ابو اكيرا :.
نيزو : زين هذي كل الملفات ؟؟
السكرتير : ايه هذي كل الملفات اللي حصلناها الى وفاته ....
نيزو : شكرا تقدر تنصرف .....
نيزو يتصفح الملفات ويفتح عيونه : معقوله ؟؟ لا مستحيل .....
ويقعد يفتح الملفات شوي شوي ويقرا كل شيء بعناية ....
عند النهر المعتاد :.
آيا تشوف اكيرا جالس ابتسمت وتقدمت: عسى ما تأخرت عليك ؟؟
اكيرا يلتفت عليها : لا ابدا ....
آيا تحاول تهوي على نفسها : يااااه الجو مره حار ......
اكيرا اجلسي ارتاحي شكلك تعبانه من الركض..
آيا تجلس: من جد تعبت مدري ليش انا كذا..
اكيرا ينفض شعرها بطريقه فوضويه: انتي كذا احلى لا تتغيرين..
آيا تصفصف شعرها: اكيرا يابايخ ساعه ارتب فيه ليش تحوسه..
اكيرا يناظرها باستفهام: الله وكبر اللي يشوفك يقول مسويه تسريحه في صالون
آيا: مو لازم ازين شكلي في صالون عشان احرص على شكلي المرتب .....شء
اكيرا توه بيمد يده يحوسه ضربته على يده بخفه
اكيرا : اي .. خلاص توبه بس تصدقين في جميع حالاتك حلوة يعني ارتاحي ..
آيا : شكرا على المديح بس هذي انا ماراح تغيرني بكلمتين ههههه..
اكيرا ابتسم: آيا وش تحبين اكثر الصيف ولا الشتاء ؟؟

آيا بثقه: اكيد الشتاء ....
اكيرا : ليه ؟؟
آيا بابتسامة : لان فيه المطر والثلج ..... وانا احب هالاثنين
اكيرا : اوووه من قبل كنتي تقولين بس المطر ......
آيا تدخل يدها تحت يده وتحط راسها على كتفه وبابتسامه قالت : لكن حبيت الثلج بعد ما عرفت اكيرا ...
اكيرا ابتسم : آيا وش رايك نروح للبحر ؟؟
آيا ترفع راسها : البحر ؟
اكيرا: ايه ... تغيير جو .....
آيا بتفكير : امم فكره حلوة .. متى ؟؟
اكيرا يناظر للسماء : متى ما بغيتي .....
آياترفع راسها وتلتفت عليه: بعد اسبوع ...
اكيرا يرفع حاجب ويناظرها : اسبوع ؟؟ وليه هالفتره الطويله ؟؟
آيا تغمز له : عشان اتجهز ....
اكيرا ضحك لحركتها : هههههه خلاص اوكي بعد اسبوع .....
آيا توقف بنشاط : ياااااااااي راح اترقب ذاك الوقت ...
اكيرا يوقف معها : وانا بعد ....
آيا تلتفت عليه : صح اكيرا ... ؟؟
اكيرا يناظرها : هلا ؟؟
آيا : وش ناوي تسجل في أي جامعة ؟؟
اكيرا : ما بعد عرفت انا وش ودي ادخل ...... آيا انتي وش ودك تدخلين ؟؟
آيا تتقدم من النهر : امممممم انا قد قلت لك من قبل .... انا ابي اكون دكتورة .....
اكيرا : طب ؟؟
آيا تهز راسها : ايه وانا قدها وقدود .......
اكيرا يقرب لها ويحط يده على كتفها : بالتوفيق.... اتمنى لك حظاً سعيداً .....
آيا : شكرا .. بس ما قلتلي انت وش ناوي عليه ؟؟
أكيرا بتفكير وهو يناظر في النهر : اممم عادي لو ننقسم في الجامعات المهم اننا نلتقي باقي اليوم ..... وبعدين انا مو قد الطب ...
آيا بضيقه : يوه انت لو تدخل اي شيء كلها اربع سنوات وانت متخرج لكن انا ست سنوات ..... طويله صح ..؟؟
أكيرا : لا مو طويلة كلها كم سنه وتعدي ماراح تحسبن فيها وبعدين احسن اني اتخرج قبلك ...
آيا تلتفت عليه : ليه ؟؟
أكيرا يقربها له ويناظرها بابتسامة : عشان اسنع حياتي قبل ما تتخرجين ....
آيا تبتسم ويمشون .....
في مكتب نيزو :.
نيزو : شلون صار كذا ؟؟ شلون .... ريونجي له حفيدتين وحده اصغر من آيا بسنه والثانية صغيره يمكن 3 سنوات الحين وماله الا ولد واحد وكلهم عايشين في المكسيك... و الحين مر على وفات ريونجي ثلاث سنوات تقريبا ... شلون آيا قالت انه مات من نص عام يوم نلتقي بها ؟؟ .... شلون .. شلون قالت ان اهلها الحين في كندا ؟؟ شلون قالت انها كانت تعيش هي وجدها في كوريا وهو مات اصلا في جنوب افريقيا ؟؟ آيا ريونجي كانت مزيفة ومالها وجود من الاصل ..... اجل من هي آيا اللي الحين معنا ؟؟؟!!!
ويقوم نيزو ويتصل على واحد .....
نيزو : ابي منك معروف ؟؟؟
المتصل عليه : تفضل وانا في خدمتك ....
عند آيا واكيرا :.
آيا : مشكور اكيرا .... استمتعت في وقتي ...
اكيرا : لا تقولين كذا .... مع السلامة .....
آيا : تصبح على خير ؟؟
وتحول آيا من السيارة وتدخل لبيتهم .....
ويروح أكيرا .....
تتوجه آيا لغرفتها ترمي الشنطه على مكتبها وتنسدح على السرير: ياااااه البحر ...... من زمان ما رحت للمحيط الهادي ...... كان ودي من زمان اني اسبح فيه ... شكرا اكيرا لانك بتحقق لي هالشيء .....
وبعد مرور 6 ايام :.
الساعة 3 الظهر :.
اكيرا يكلم في التيلفون : اليوم ؟؟
ماري : ايه ابوي يقول تعال انت وآيا الحين ...
اكيرا : وليش؟؟
ماري : كانك تدري فانا ادري .....
اكيرا : اوكي ... راح اجي ....
اكيرا يسكر السماعة : غريبه اول مره ابوي يطلبنا فجأه ......
في بيت ابو اكيرا :.
الابو : اتصلتي على اكيرا ؟؟
ماري : ايه ...
وشوي يدخل نيزو ومعه مجموعة ..
نيزو : هلا ....
ماري : هلا بك ...
عند آيا واكيرا :.
تركب آيا السيارة : وش القصه ؟؟
اكيرا : والله ما ادري اتصلت علي ماري وقالت ان ابوي يبينا ...
آيا : الله يستر ما يكون فيه شيء ...
ويوصلون للبيت ... يدخلون ويشوفون الكل موجود .. [ ام اكيرا وابوه ونيزو وماري والجماعة ]
اكيرا : السلام عليكم ....
الابو : وعليكم السلام .... تعالو اجلسو هنا ...
يجلسون مقابلين هالجماعة .....

في الشارع :.
اندو يلبق سيارته ويشوف سيارات اكيرا ونيزو ملبقه ....
اندو : وش القصه ؟؟ ليه كلهم موجودين .....
ويروح ويوقف عند الباب ويسمعهم يتكلمون بدون ما يدخل ....
جوا البيت :.
الابو : تعرفون من هذولا ؟؟
اكيرا : لا
الابو : وانتي يا آيا ؟؟
آيا : لا
الابو : متأكدين ؟؟
اكيرا يلتفت على آيا وآيا تلتفت عليه ثم يجاوبون بصوت واحد : متأكدين .....
الابو : لكن انا اعرفهم ....وعشان كذا بخليهم يعرفون انفسهم عليكم ... تفضل يا ابو " لانا " .....
ابو لانا : هذي زوجتي " شيبرا " وهذي بنتي الكبيرة " لانا " وهذي بنتي الصغيرة " مايو " وانا اسمي " جون ريونجي " .....
اكيرا وآيا يفتحون عيونهم .... وماري تحط يدها على فمها وهي متفاجئة ...
الابو : شلون يا آيا ما تعرفينهم ؟؟
آيا قامت تقلب عيونها ونزلت راسها وعضت على شفتها السفلية ثم ابتسمت بسمه خفيفة ثم رفعت راسها ...
آيا : ايه اكيد ما اعرفهم ...
الابو : ليه ؟؟
آيا : ما جمعتوهم كذا قدامي الا لانكم تعرفون الجواب .....
نيزو : نبي نسمع الجواب منك ......
اكيرا يلتفت على نيزو : اسكت ...
نيزو : تدافع عنها ؟؟؟
الابو : تجاوبين ؟
آيا في نفسها : ليه كذا متردده ؟؟ في هالحاله ... الكذب ما راح ينفع ابدا ...
آيا تقرص فخذها من التوتر ... ثم ترفع راسها وتحط عينها بعين الابو : هذي عائلتي المزيفة ....
الام تشهق ... واندو يفتح عيونه برا ...
اندو في نفسه : آيا ؟!
أكيرا يناظر آيا بدهشة : آيا ....
الابو بابتسامه : انتهى كل شيء .... ابعدي عن ناظري ولا ابيك تقربين من اكيرا ..... ولا تشوفينه ......
اندو يفتح الباب شوي ويطل ...
اكيرا يوقف قدام ابوه : هيييييه آيـ...
ويقطع ابوه كلامه بصفقه على وجهه خلته يسكت ...
آيا بصرخه : لااااااااااااااا .....
الابو : قلت انتهى كل شيء ويله انت ارقى فوق لغرفتك وبيتك راح اسكره ..
ويلتفت على آيا : وانتي اطلعي برا ...
أكيرا يمسك يد آيا ويناظر في ابوه : وين ما تروح بروح معها .....
الابو : انت ما تفهم ... اتركها .. هذي لعابه وكذبت عليك وعلينا بكذبها .. هذي طمعانه فيك
اكيرا بصوت عالي وهو حمقان : يكفيييييييي ..... اللي خلا آيا تسوي كذا كان انا .... واللي خلا لها عائله مزيفه هو انا .... وانا اللي حبيتها اول .... آيا ماهي طمعانه فيني ..... آيا عزيزة نفس وما راح تسوي كذا ....
آيا وهي تصيح تبعد عن اكيرا وتقعد على الارض وتمسك رجول ابو اكيرا : لا والله انا ما رضيت اني اكذب الا عشاني احب اكيرا ..... انا ما طمعت فيه والله ..
الابو : تبيني اصدقك انك صدق تحبينه ...... هههه ما تمشي معي هالحركات يكفي انك قدرتي تكذبين علي طول هذي المده يا المخادعة ...
آيا تمسك رجوله : اترجاك ...... اترجاك .. لا تبعدني عن اكيرا .... انا ما ابي شيء غير اكيرا ..... تكفى ..... تكفى
وتقعد تصيح وهي تقول : تكفى
اكيرا : ابوي انا احب آيا ومستحيل اتخلى عنها يوم .... اذا كنت تبي تعاستي ابعد آيا عني .... لكن اذا كنت تحب ولدك لا تبعد آيا .. آيا هي سعادتي لا تبعدها عني .....
الام : ساسو ... اكيرا وآيـ...
الابو يقطع كلامها وبغضب : انتي مالك دخل اسكتي واقعدي مكانك ....
اكيرا : ابوي .......
الابو يكلم خدامين عنده : خذوه ....
ويجون يمسكون اكيرا ...
اكيرا : هييييه اتركوني ... وخرو ...
آيا توقف : اترجاك تكفى ... تكفى ......
الابو : خذوها هي بعد .....
والخدم متجهين لآيا .. تركض آيا وتخم اكيرا وهي تصيح ...
آيا : آسفه اكيرا ..... كان المفروض اني ارفضك من ذاك الوقت واريحك وارتاح ..... لكن في نفس الوقت انا كنت سعيده يوم كنت معك ....
أكيرا بدهشة : آيا وش تقصدين بكلمه " يوم كنتي معي " ؟؟
آيا : أكيرا .... قلت لك من زمان ... راح يجي اليوم هذا ..... سواء بماري او بغيره ... والحقيقه راح تظهر مهما خبيناها .........
اكيرا : آيا .....
ويسحبون الخدم آيا وهي تحاول تمسكه واكيرا يمسك يدها ....
وتنفصل الايادي ....
آيا بصوت عالي وهي تصارخ والدموع تنزل منها : ليييييييييييييييييييييه ؟؟؟؟؟!!!!!!!!
اكيرا نزل راسه واخذوه الخدم وآيا ما زالت تصرخ باسم : اكــــــيرااااااااااا



قراءه ممتعه القاكم الجزء المقبل ..
ادعولي ^^

الان بدأ مشواري الحقيقي ... (( الفصل العاشر – الجزء 4 ))

ويدخلون اكيرا لغرفته القديمه ويقفلون عليه ...... ويدخلون آيا لغرفه فارغة ويقفلون عليها .....
اكيرا يخبط على الباب وهو يصارخ .... وآيا جلست على الارض وهي منهارة من الصياح ....
وتروح ماري لغرفتها وتقعد تصيح على السرير ... اندو نزل راسه وركب سيارته وراح .. والام رقت لغرفتها .... والابو دخل لمكتبه ....
نيزو طلع مع عائلة ريونجي
وبعد فتره قصيره رجع للبيت .. رقى لغرفة اكيرا ويفتح الباب ويدخل ...
نيزو : اليوم الساعة 5 تنتظرك طيارة متجهه لبريطانيا ...... لدراسة التجارة هناك ....
اكيرا يرفع راسه بعيون فيها الغضب : نيزو ... انتـ...
نيزو : لا تسأل عشان ترتاح ...
يقوم اكيرا ويمسك ملابسه من صدره : انت اللي سويت كذا ... ؟؟ قول
نيزو : واذا قلت ايه .... وش بتسوي ؟؟
اكيرا يضربه مع وجهه ..
نيزو : انت قد هالحركة ؟؟
ويضرب نيزو اكيرا بنفس الطريقه ....
نيزو : اذا كنت حمقان لا تحط حيلك في غيرك .....
ويمشي ثم وقف عند الباب : لا تحاول اكثر ... راح تتعب نفسك بس .. ابوي مخطط لكل شيء بدقة ....
ويطلع ويسكر الباب ويقفله ...
ويقوم اكيرا بتكسير كل اللي عنده في الغرفه ...
اكيرا يجلس على السرير .....
اكيرا بتفكير : بقي ساعتين بس ... لا لا مستحيل اروح لبريطانيا .. آيا ..... آيـــــــا ....
ويروح نيزو لآيا ويدخل عليها ...
نيزو : اكيرا بيروح لبريطانيا بعد ساعتين ...
آيا ترفع راسها وبدهشة :.............
نيزو يناظرها بطرف عين : بس حبيت اخبرك ... لا تحاولين تربطين نفسك باي شخص مننا ..
آيا تمسك يده : نيزو انت ليه تغيرت ؟؟
نيزو يبعدها بأقوى ما عنده : انا ما تغيرت ....انتم اللي تبون كذا ...
ويطلع ويسكر الباب ويقفله ....
آيا تحط يدينها على فمها : لا لا .... اكيرا .. اكيرا ..
الابو يتصل على اندو ويخليه يجي .....
اندو في مكتب ابو اكيرا :.
اندو : نعم يا عمي ..
الابو : اكيرا راح يسافر لبريطانيا ...
اندو متفاجئ : راااح يسافر ؟!
الابو : اليوم الساعة 5 ..... انا طلبت من الخدم انهم يروحون لبيته وياخذون كل الاغراض اللي يحتاجها ... وانا ابيك توصله للمطار وتكون معه لين تقلع الطيارة ....
اندو : ليه بتخليه يروح لبريطانيا ...
الابو : للدراسه .. نفذ اللي اقولك اياه ....
اندو : وآيا ؟
الابو : انساها ...
اندو في نفسه : لا مستحيل .... ما توقعت ان عمي بهالقسوة ...
الابو : روح رتب الامور وبعد ساعة تعال ....
يطلع اندو من الغرفه ويوقف
اندو في نفسه : ليه وصلت الامور بهالشكل ؟؟
في غرفة اكيرا :.
يفتح اكيرا جواله ويدق على آيا ...
آيا بنبرة صياح : اكيرا ؟
اكيرا : آيــــــا ... آسف على كل الجروح .... آسف اني عذبتك معي .... آيا انا ..... انا ..
آيا : انت خليت الفتره اللي عشتها معي اسعد ايامي ولحظاتي ... أكيرا اشكرك من اعماق قلبي لانك خليتني اقع في حبك ... آسفه يوم اقولك اني ليتني ما قبلتك ..... هذا كان بس عشاني ... عشانيـ......
اكيرا بقطع كلامها : آيا ... بعد ساعتين راح يغيب صوتي ...
آيا : اعرف انك بتروح لبريطانيا واعرف انهم بيدرسونك في الجامعه اللي انت ما تبيها ... اعرف ....
اكيرا : آيا ..... انتي
آيا : بقولك شيء حصل من زمان .... يمكن تتذكره ويمكن لا ... تذكر في الامتحانات النهائية الفصل الدراسي الاول .... كنت حاملني على ظهرك وكنت احلم ....
أكيرا : ايه .. اذكر ....
آيا : قل لي وش كنت اقول ؟؟
أكيرا : كنتي تقولين لا لا تكفى .... اكيرا لا تتركني وكذا ..... وكنتي تصيحين .....
آيا بنبرة حزن : حلمي كان .. عن هذا اليوم .... وكيف كان موقفي
اكيرا متفاجئ : اليوم ؟؟
آيا : ايه كنت في الحلم اترجى عمي انه ما يبعدك عني .... وكنت اصيح من جد .. كان ذاك الحلم رعب بالنسبه لي .... كنت اقول اكيرا لا تتركني وكنت تبعد عني شوي شوي وكل ما حاولت اقرب منك تبعد اكثر ......
اكيرا : آيا انا .... انا ...
آيا تقطع عليه : روح وانت مرتاح ..... روح لبريطانيا .. لا تتردد ... لكن بعد ما ترجع راح تشوف آيا اللي تقدر تواجههم .... آيا القوية ..... روح وكون مرتاح مع نفسك ....
وشوي بدت آيا تصيح ... واكيرا تنزل دموعه ...
آيا : بأصبر وانتظر .. عشانك .... عشان كذا لا تنساني .....
اكيرا يكتم عبرته : آيا قلت لك من قبل ما ابي اشوفك تصيحين ... اوعدك ماراح يكون في خيالي ولا احلامي ولا حتى حياتي كلها احد غيرك .... ثقي فيني ..
آيا : اثق فيك ..... اثق فيك من كل اعماق قلبي .... وانا راح انتظرك ...... على احر من الجمر ... مهما طالت المده ومهما كانت بيننا المسافه راح تكون في قلبي ..... أكيرا انا .... انا أحبك ...
وتسكر السماعة وتقعد تصيح ..
اكيرا يمسك الجوال بغضب ونزل راسه وبدا يصيح بهدوء ...
اكيرا : وفري دموعك يا عيون قدامنا عذاب طويل ..
وبعد مرور نص ساعة ...
الابو يكلم الخادمة : نادي لي آيا بدون ما يدري احد وخليها تجي عندي في المكتب ....
تدخل الخادمة على آيا وآيا منزله راسها وضامه الجوال
الخادمة : لو سمحتي .. السيد ساسو يبيك في مكتبه ..
آيا ترفع راسها : يبيني ؟؟
الخادمة : ايه تعالي اوصلك ...
تقوم آيا وتروح معها وتدخل عليه ......
الابو : اجلسي ...
آيا تجلس .....
الابو : وش تبين ؟؟
آيا : شلون ما فهمت قصدك ؟؟
الابو : اطلبي طلب واحد وراح البيه لك ..
آيا بدهشة : ليه تلبي لي طلب ؟؟
الابو : ما فيه شيء تبينه ؟؟
آيا : لا .... مشكور وما احتاج شيء ......
الابو : لا تنسين انك انتي اللي اخترتي هذا الشيء من نفسك
آيا في نفسها : انا لازم ارجع لهم بقوة واقدر اواجههم ....
آيا تعكس كلامها : لا عندي طلب ...
الابو : وشو ؟؟
آيا : ابيك تدخلني لافضل جامعة ... جامعة ياماناشي لدراسة الطب البشري ....
الابو في نفسه : كلكم طبع واحد ..... هذاك بعتي اكيرا بمستقبلك ...
الابو : اوكي ..انا راح ادخلك افضل جامعة طب في اليابان كلها.. لكن ما ابي اشوفك قدامي ابدا ... تفهمين ؟؟
آيا : اوكي ....
الابو : الحين انتهى اللي بيننا ... روحي وراح توصلك شهاده القبول .....
آيا : لبيتي ؟؟
الابو : ايه ..... وهذي آخر مره نشوفك فيها ...
آيا توقف .... وتروح توقف عند الباب :.
آيا والدموع في عيونها : بقولك شيء قبل ما اروح .. لما اطلع من هالمكان ... راح تقفل طريق سعاده اكيرا ..... وللمعلوميه ... مو انا اللي رحت لاكيرا ... اكيرا هو اللي جاني .... اكيرا هو اللي حبني اول .. ثم انا لانه .... لانهـ... لانه عطاني كل حبه ..... عطاني القوة .. عطاني الحب .. عطاني الحياة .. عطاني التفاؤل ..... اكيرا شخص حبيته من قلبي ولا احد يقدر يفرقنا عن بعض .... من قبل كنت اعرف ان هذا اليوم راح يجي ..... وكنت مستعده له .... لكنـ.. ضاعت كل حروفي وكلماتي ... يمكن اذا قلت لي اني ابعد عنه ابعد ...... لكن اكيرا راح يجي وراي ... لانه وعدني انه ما يترك يدي .... اكيرا هو حبي الاول ومستحيل استغني عن حبي الاول بهالبساطه ..... آسفه ....
وفي نفس الوقت اللي كانت آيا تتكلم فيه مع ابو اكيرا ... جاء اندو وطلع مع اكيرا للمطار .....

في السيارة ::
اكيرا يناظر الدريشة بوجه كله حزن ...
اكيرا بصوت خفيف : كل ما اشعلت شمعه في دربي تنطفي .. كل ما ابتسمت ترجع البسمه و تختفي .. حياتي احباط .. لكن من يوم ما عرفتك تغيرت دنيتي .. غيرتي لي حياتي من يوم ما عشت معك .. شكرا آيا ....
وبعد وقت .. وصل اكيرا واندو للمطار ... وجلس في ساحة الانتظار ..
اكيرا يشوف ساعة يده ( 5 الا ثلث )... ورفع راسه وهو يشوف الطيارات اللي تقلع عبر الزجاج ...
اكيرا : بقي ثلث ساعة واودع هالارض ....
في بيت ابو اكيرا :.
آيا ماشيه بتطلع وتلحقها ماري ..
ماري : آيا انتظري ...
تلتفت عليها آيا بوجه حزين ...
ماري تركض لها تخمها وتصيح ...
آيا : ماري لا تسوين كذا ...
ماري : والله مو انا السبب ... انا ما كنت اعرف شيء عن الموضوع وكنت متفاجئة ...
آيا : انا عارفة ... عارفة انك مو انتي السبب ...
ماري : آيا لا تتركين اكيرا ...
آيا : آسفة ماري ...
توخر ماري عنها ....
ماري : اكيرا الحين راح للمطار وبيروح لبريطانيا يمكن كل سنوات الجامعة الاربع ... معقوله يا آيا تروحين وتتركينه بدون ما تشوفينه وهو الى الان في اليابان .... آيا معقوله ما تودعينه او تشوفينه لآخر مره ...
آيا تحجرت الدموع في عيونها : ماري ....
ماري : آيا على الاقل شوفيه لآخر ثانية في اليابان لانه ان راح يمكن ما تشوفينه مره ثانيه الا بعد سنين كثيرة وبالشقى ...
تفهم آيا كلامها وكأنها اثرت فيها ...
آيا باصرار : انا بروح ... بروح اشوف اكيرا ...
وتروح بسرعة وتركب مع تاكسي ..
ماري تشوف آيا وهي تروح : آسفة يا آيا اني ما بيدي شيء اسويه ...
في المطار :.
اكيرا يشوف المكان بصمت وهو حزين ....
اندو : اكيرا ؟؟
يلتفت اكيرا عليه ..
اندو بوجه حزين : انت صادق ... انت مستسلم
اكيرا منزل راسه : أيــــه ....
اندو معصب : معقوله تستغني عن آيا بهالبساطة ...
اكيرا بنفس الحالة : هذا حكم القدر ...
ويضربه اندو مع صدره وهو حمقان : اكيرا .. ما توقعتك بهذا الضعف ... اكيرا انت تحب آيا صدق ؟؟
اكيرا يشوف اندو ويكلمه بصوت غاضب : حبي لها هو اللي خلاني اسوي كذا ...
اندو حمقان : شلون ما فهمت .. علمني ؟؟
اكيرا يلتفت ويعطيه ظهره ويتكلم بهدوء : لما اجلس هنا راح احرق قلبها ...ابعد احسن لي لان ما راح نقدر نلتقي بسبب اهلي ... و راح اكون مجبور على طاعتهم واني اعمل لهم طول وقتي .. راح ارجع مثل حالتي الاولى .. كل شيء اجباري ... عندي اني اروح هناك وارتاح منهم ولا انهم يحرموني من الشخص اللي حبيته .. انا بابحث هناك عن الحرية .. انا هناك راح اعيش الحرية ... وراح ادرس بدون ازعاجهم ... وبكذا راح انساهم ... وارتاح منهم ..
اندو بهدوء : وآيا ؟؟
اكيرا : آيا قوية ووفية وماراح تخوني وراح تكون متمسكة بي ... مثل ما انا متمسك بها ....
اندو : لكن شلون راح تعيش من دونك بعد ما تروح وتخليها ...
اكيرا : تعيش من دوني وانا بعيد ولا اني اكون معها في نفس الدولة والمدينه ولا نقدر نتقابل ....
اندو يسكت وينزل راسه ...
آيا في السيارة :.
آيا : لو سمحت استعجل .... تكفى ..
السواق : انا سالك الطريق المختصر ...
آيا : مشكور ... يا ربي اوصل في الوقت المناسب ...
في المطار :.
اكيرا : اندو ممكن اطلب منك معروف ...
اندو : قول ..
اكيرا يمد له ورقه : هذا عنوان بيت صديقين عزيزين علي ... اخاف يزعلون علي اذا ما خبرتهم بسفرتي ... روح لهم وقول ان اكيرا سافر لبريطانيا للدراسه ولا تجيب طاري آيا ابدا ...
ويطلع رساله من جيبه ...
اكيرا : وهذي عطها لتوما ...
اندو ياخذ الورقة والرساله ويدخلها في جيبه ..
"" نداء"" (... يرجى من حضرات ركاب طائرة طيرات اليابان رحلة رقم 7 والمتوجهة لندن هيرثو الرجاء التوجه للطائرة من خلال البوابة رقم 2 )
اكيرا : حان الوقت ...
عند باب المطار ::
تدخل آيا للمطار وهي تركض تدور انتظار بريطانيا ..
عند اكيرا واندو :.
يلتفت اكيرا على اندو ...
اكيرا : غريبه انت مو متفاجئ
اندو : انا معك ... في صفك وصف آيا ... ما اهتم للي قاله لي عمي ...
اكيرا : ما تغيرت يا اندو ... هذا صديقي وقريبي اللي اثق فيه ...
اندو : انا مثلك عشان كذا انا معك ....
اكيرا : اندو .. ابي اطلب منك الطلب الاخير من ولد عمك ...
اندو : قول يا ولد عمي ...
اكيرا ابتسم بسمة حزن : اوصيك على آيا يا اندو .... آيا مالها احد .... كان لها ثلاث صديقات ومنهم ماري ... صديقتها الاولى سافرت لاوساكا والثانية في مدينه قريبه من طوكيو لكنها في سكن الطلاب ... وماري مستحيل ابوي يسمح لها انها تلتقي مع آيا .. مالها احد الا انا .. وانا الحين بروح وبتكون بعدي وحيده .. راح تحزن كثير يا اندو ... آيا امانه في يدك ... اذا كنت تحبني ولي معزة عندك احرص عليها ...
اندو يقرب ويخم اكيرا وتنزل دمعه منه : آسف يا اكيرا اني ما اقدر اسوي لك شيء ... خليتك تروح وبس ...
اكيرا يحط يده على ظهر اندو : اندو لا تخليني احزن اكثر ... وانت تقدر تجيني في بريطانيا وتزورني متى ما بغيت ...
ويبعد اندو عنه ...
اكيرا : مع السلامة يا ابن العم ...
اندو : توصل بالسلامة ... وكل اللي قلته لي راح اسويه ... روح وانت مرتاح ...
عند آيا ::
آيا تركض وهي تصيح تدور عن انتظار بريطانيا ..وتشوف الشاشة وتعرف انه في البوابة الثانية .... تركض بكل سرعتها ... متجهه للبوابة ...
عند البوابة الثانية :.
اكيرا : كنت اتمنى اني اشوف آيا لو لآخر مره ...
يسلم على اندو ويدخل للبوابة وفي نفس الوقت آيا توصل للبوابة الثانية ...
آيا : وين الركاب ؟؟
وتشوف ساعتها ( 5 تمام )
آيا تجلس على الارض : ليييييييييييه ؟؟؟؟!!!!!! اكيرااااااااااا
وانهارت من الصياح ...
اندو حس انها وراه ويلتفت ويشوفها .....
اندو يشوفها باستغراب : آيا ؟؟

ترفع راسها والدموع تنهمر من عيونها : اندو ؟؟؟
اندو : آيا انتي وش تسوين هنا ؟؟؟
آيا ببكاء : وين اكيرا ؟؟ ابي اشوفه لآخر ثانية في اليابان ...
ويتذكراندو كلام اكيرا:: [ اكيرا : كنت اتمنى اني اشوف آيا لو لآخر مره ... ]
ويلتفت اندو ويشوفهم يسكرون البوابة ...
اندو يمسك يدها ويركض ...
اندو : لو سمحتو اسمحو لها انها تدخل تودع امها ...
الحارس : والله ما نقدر ...
اندو : هذي امها .. وهي ما شافت امها من 9 سنين .....
ويشوف الحارس دموع آيا على وجهها ...
الحارس : بس دقيقتين ...
اندو : مشكور ...
ويفتح الحارس لهم البوابة ويدخلون وهم يركضون ...
آيا : شكرا يا اندو ...
اندو : اشكريني بعد ما تشوفينه ...
ويدخلون للطيارة ....
اندو ينادي : اكيرا ؟؟؟ ... اكيرا ~
ويرقون للدرجة الاولى وتشوف آيا اكيرا من بعيد فاتح الجوال ...
آيا تدمع عيونها ... وتبتسم بسمة صفرا ...
اندو : آيا روحيـــ.....
آيا بصوت هادي : خلاص انا شفته الحين لآخر ثانية في اليابان ...
اندو : آيا ...
آيا : اندو خلينا نرجع ....
وتلف آيا وتمشي .. ثم يرفع اكيرا راسه ويشوفها من ورا ....
أكيرا يكلم نفسه : لا يتهيأ لك يا اكيرا ان آيا راح توصل لك لهالمكان ... هذي اكيد وحده تشبهها ...
وينزل راسه للجوال مره ثانية ... تطلع آيا من الطيارة ...
الحارس : شفتي امك ؟؟
تمشي ولا كأنها سمعته ...
اندو يسلك : ايه ... ايه ... لكن شوي حزينه انها ودعتها ...
وتجلس آيا على كراسي الانتظار وابتسمت بسمة حزن وهي تشوف الطيارة من ورا زجاج مشاهدة الطيارات ...
اندو يجلس جنبها : ليه ما رحتي له ؟؟
آيا : لاني اخاف اروح له ولا اقدر ارجع ... اخاف امسك يده ولا اقدر اطلقها ... اخاف يحزن .... كذا افضل على الاقل شفته ...
جوا الطيارة :.
""نداء"" ( يرجى من جميع الركاب اغلاق هواتفهم الشخصية ) ....
اكيرا يضغط على زر ارسال ..... ويقفل جواله ...
في صالة الانتظار :.
آيا يرن جوالها رنه رسالة ....
تفتح الرسالة وتكون من اكيرا ... رسالة صوتية ....
تفتح الرساله صوت اكيرا يتكلم ( آيا .... راح ارجع بقوة ... ثقي فيني .. بس يمكن في هالفتره اللي بغيب فيها تشتاقين لي ... اذا اشتقتي لي ارفعي راسك للسماء في الليل لما تكون صافية ما فيها لا ثلج ولا مطر .... بيكون فيها بس النجوم ... دوري على اكبر نجم وشوفيه .... واعرفني اني راح اشوف ذاك النجم دائما كل ما اشتقت لك ... هههه ... كلامي شوي غريب صح ؟؟ يله يقولون سكرو جوالاتكم ... مع خالص حبي ) ..
آيا تضم الجوال لصدرها وتصيح صياح يقطع القلب ..ترفع راسها وتشوف الطيارة
اندو بعد ما سمع الصوت نزل راسه ...
تجلس آيا تشوف الطيارة لآخر رمق والدموع في نزول مستمر لين تعدت ناظرها ...
جوا الطيارة اكيرا ملتفت على الدريشة ويشوف المطار ...
اكيرا : يالله هلي يا دموع يالله انزلي على خدي .. جاء وقتك يالشموع دام النور غاب من عندي ..اشوف الدنيا ظلام انساك هذي اوهام .. حتى بسكوتي كلام .. لك انتي كل اهتمامي ..وشفيك يا قلبي حزين مو هذه الي اخترتها ... لكن وعد مني راح ارجع لها .....
في المطار ::
اندو : اوصلك ؟
آيا : ....
اندو : اذا ما كان ودك نروح للبيت خلينا نروح نجلس في مكان ...
ويروحون يركبون السيارة وآيا انظارها على السماء ...
اندو يناظرها ثم يشوف الطريق ويتذكر
اقتباس من (( الفصل العاشر – الجزء الثاني ))
ويمشي اندو ويمر من عندها وهي منزله راسها واندو مكتئب ....
آيا : اندو لما تنفصل البنت عن الشخص اللي تحبه راح تحتاج لشخص يمد لها يده ويواسيها ويمكن كذا تكسب حبها لانك ظهرت لها في اصعب اوقاتها .....
اندو وقف وسكت .....
.....
اندو في نفسه : ليتني سألتك شلون .....
وهم في الطريق :.
اندو : اوصلك للبيت ؟؟
آيا : انت تعرف وين بيتي ؟؟
اندو : ايه ...
آيا بدون اي اهتمام تسكت ويكملون طريقهم ......
وبعد شوي .. يوصلون للبيت ..
آيا : شكرا على كل شيء يا اندو ...
اندو ابتسم في وجهها : اهتمي بنفسك ..
آيا : ان شاء الله .....
وتمشي ...
اندو يناديها : آيا ~ ..... اذا بغيتيني اتصلي علي في أي وقت ...
آيا تهز راسها : طيب.....
تدخل آيا البيت وعيونها مليانه دموع توجهت لغرفتها ... رمت اغراضها على الكرسي ... وانسدحت على السرير ...
آيا وهي تصيح : و في غمضت عين بعدت عني يا اكيرا .؟! . بعدت قبل لا نروح للبحر مع بعض. ؟.بعدت وما ادري هل لي لقاء آخر معك .. !!
مسحت آيا دموعها: لازم تكونين قويه يا آيا لازم تكافحين عشان من تحبين ..

وبعد مرور ثلاث ايام ....
يرسل اندو رسالة سلام لآيا .....
تفتح آيا الرسالة وتبتسم ....
ثم تدق عليه : السلام
اندو : هلا آيا ..... كيفك ؟
آيا : انا بخير ....
اندو : اذا كنتي فاضية تطلع سوا ...
آيا بابتسامة
ويروحون للنهر ...
آيا : هذا المكان ..... !!
اندو : مو هذا المكان اللي تفضلينه ..... نسيتي اننا جلسنا هنا سوا ...
آيا بحزن : وتذكر انك رحت وخليتني ... ضيقت لي صدري .. استغربت انك رحت حتى بدون ما تقول مع السلامة .. وبعدها ما صرت تتكلم معي ابدا وكل مره اشوفك فيها تتجاهلني ....
اندو يلتفت عليها ويمسك يدينها : آيا ..... انا ..
آيا تناظر يد اندو بدهشه : اندو ؟؟
اندو يبعد يدينه عنها بسرعة : آسف .. خلينا نروح نجلس هناك ....
آيا : لا اخاف تروح وتخليني ... خلينا نروح نجلس في غير ذاك الموقع ..
اندو : اختاري أي مكان يعجبك ...
وتروح آيا وتجلس في مكان بعيد عن النور تحت عند النهر ...
آيا تلتفت عليه : هنا احسن مكان ......
اندو في نفسه : كنها الحين مرتاحة .. افضل من قبل ..
وينزل لها ويجلس جنبها ...
آيا سافطه رجولها وضامتها : الجو حار معننا في الليل ..
اندو : لانه الصيف ...
آيا تشوف النهر بتمعن ......
آيا بدأت تتعبر: المفروض قبل يومين نروح انا واكيرا للبحر .. اكيرا كان واعدني بهالرحلة من اسبوع ... وانا اللي اخترت ذاك اليوم ... ليتني بكرت اكثر .. المفروض ما ااجله لمده طويله ... بس ما كنت اعرف ان الامور بتكون كذا ....
اندو يشوفها وهي بالوجه الحزين ...
آيا تلتفت عليه : اندو انت ليش تكلمني عادي ولا كأن صار شيء .... ولا كأني كنت لاعبه عليكم .... ولا كنيــ...
اندو يقطع كلامها : لاني كنت اعرف من زمان ....
آيا : تعرف من زمان ؟؟
اندو : حوالي شهرين ..... كنت ادري عن كل شيء عنك وعن اللي صار بينك وبين اكيرا ..
آيا : شلون ؟؟
اندو متورط : آآه ... نسيت ..
اندو يوقف : بروح اجيب لنا مشروب يريحك شوي..
يروح اندو وتجلس آيا تناظر للنهر تبصمت ....
رجع اندو ومعه عصيرين برتقال .. تفضلي ..
آيا ترفع راسها له وتاخذ منه العصير بصمت..
اندو لازال واقف ..
آيا تناظر في العصير : اندو انت انقلبت علي عشانك تعرف حقيقتي ؟؟
اندو ضاع :لالالا الموضوع مختلف ....
آيا : اجل ليه ما قلت لي ....
اندو نزل راسه : خفت ..
آيا بضحكه استهزاء : خفت ؟؟ من ايش ..
اندو تقدم للنهر : خفت اذا يوم انفضحتو انك تقولين اني انا سبب فضيحتكم ...
آيا ترفع راسها له : لا .. مستحيل ..
اندو ما علق ضل ساكت وهو معطيها ظهره..
حكت آيا : انت شخص غريب ما ينعرف لك ...
اندو التفت عليها بدهشه:............
آيا تكمل : شخص غامض ما اقدر احدد انت وش قاعد تفكر فيه ... تصرفاتك يوم عن يوم تختلف ..
اندو : الحياة نفسها هي اللي تغير تصرفاتي ... لان يوم عن يوم يحصل شيء جديد يخليك غصب تتغير عن اللي كنت عليه امس ....
آيا تنزل راسها : صح ...
اندو يبي يغير الجو يروح ويجلس جنبها وهو يناظر النهر : آيا .. وش القسم اللي بتدخلينه ؟؟
آيا على نفس الوضعية : بدخل طب ...
اندو : طب ؟؟
آيا : ايه ...
اندو : كم نسبتك ؟؟
آيا ترفع راسها وتشوفه : 100%
اندو : تمزحين معي ؟؟
آيا تبتسم : لا ابدا هذا الصدق .. تراني انا المتفوقة على كل مدارس حينا .. لاني الوحيده اللي اخذت 100%
اندو : شلون ؟؟
آيا : لاني من زمان كنت حاطه في بالي اني بدخل طب ... فاجتهدت بقوه وحتى في اجازات الترم الثاني كنت اذاكر طول الوقت ...
اندو : حلو ...
آيا : وانت يا اندو .. ؟
اندو يناظر للنهر : انا اسلك نفس درب ابوي .... عشان كذا لازم ادرس ادارة الاعمال .....
آيا : وين ؟؟
اندو : شلون يعني وين ؟؟
آيا : في أي دوله ؟؟
اندو : هنا ...
آيا : معقوله .....
اندو : ليه ؟؟
آيا : لانك ولد تجار يعني عيالهم دائما يدرسون يا في فرنسا ولا امريكا ولا اسبانيا ولا ...
وتغير نظرتها لنظره حزينه : ولا بريطانيا ..
وتنزل راسها : ليه ما تروح تدرس في بريطانيا مع اكيرا .... عشان تونسه وما يصير لحاله ...
اندو : انا بصير معك .... عشان اونسك ولا اخليك لحالك .. اكيرا عنده من يونسه لكن انتيـ ......
ثم يمد اندو يده لآيا : تعالي معي ..
آيا التفتت عليه وابتسمت ... ما عطته يدها ... ووقفت
آيا : انا قويه وما احتاج لاحد .....
اندو يناظر يده وبخيبه : اوه ..صح .. يمكن
آيا باصرار وهي تناظر النهر : الا اكيد .... اندو انت ما تعرفني صح ..... انا قدها وانا الحين بدا مشواري الحقيقي .... راح اهزمهم ....
اندو نزل راسه : تذكرين يا آيا .. اني قد قلت لك اني احب وحده تحب واحد ثاني ..
آيا تلتفت عليه : أيــه اذكر ...
اندو : البنت اللي احبها تفرقت عن حبيبها ... لكن يوم مديت لها يدي قالت انا ما احتاجك ....
وقام وبدا يمشي ...
آيا : ووش سويت انت ؟؟
اندو وقف : لاني اعرف انها قد كلمتها ...... وانها صدق ما تحتاجني .. قمت وتركتها ...
ويلتفت عليها اندو : يله عشان اوصلك .....
آيا بدت تعصب : اندو .... ليه .. ليه تقول لي كلمتين ثم تسكت وكأنك تقول ليتني ما قلت لها شيء ...
اندو بحزن : آيا .. وش تبيني اسوي معها .. ؟
آيا : حتى وان قالت لك هالشيء ... كون معها ... لا تتركها ..
اندو : آيــا ~...
آيا : اذا كنت دائما .. دائما صامت ما راح تحس فيك .... وفي النهاية انت اللي تتعذب ..
اندو : لكن ما اقدر اسوي اكثر من اللي سويته ...
آيا : الحين بدا مشوارك ... من قبل يمكن صح ما تقدر لكن الحين .... الطريق قدامك ..
اندو : الطريق قدامي ؟؟
آيا : ايه .. اندو لازم تتحرك ...
اندو وهو يبتسم وهو يشوف الارض : اتحرك ! ....
يمشي ويروح يركب السيارة ..... تروح آيا وراه وتركب ..
يوصلها للبيت بدون اي حديث في السيارة ...
تحول آيا من السيارة ..... تلتفت عليه ...
آيا : شكرا اندو ... اشوف في وقت ثاني .....
اندو : اوكي .... راح اكون دائما قريب منك ... اتصلي علي في اي وقت ...
آيا تبتسم في وجهه .... وتعكس اتجاهها وتدخل للبيت ...
اندو يلبق سيارته على جنب ويحط راسه على الدركسون .. وبدت تنزل منه الدموع ...
اندو : بطل يا اندو .. بطل .. ما قدرت تسوي أي شيء للبنت اللي حبيتها ... شفتها تبكي وقعدت صامت .. مديت لها يدك ويوم ما مسكتها رضيت .. شفتها شلون تفترق عن حبيبها وسويت نفسك ما شفت شيء ... تركتها بدون ما تعبر لها شيء عن اللي داخلك .. بطل .. بطل ..
وينتهي اليوم على كذا ....
وبعد مرور 9 ايام رن جرس بيت آيا وعطاها ورقة القبول في افضل جامعات الطب في اليابان (جامعة ياماناشي ) .... تمر الاجازة الصيفية ...
اليوم هو يوم ما قبل انتهاء الاجازة بثلاث ايام ....
اسرة آيا جالسين في الصالة :.
آيا : الجامعة بعيده شوي عشان كذا بروح اعيش في سكن الطلاب .....
الابو : حاولي تزورينا على الدوام يا آيا ....
آيا : شكرا لك يا بابا ...
وتروح آيا لسكن الطلاب واليوم اول يوم دراسة في الجامعة ...
آيا توقف قدام الجامعة : أكيرا ...... عشانك راح اكون قوية ... وراح اواجههم بكل قوتي ....
وتبدأ الدراسة وتمشي الايام والاسابيع والشهور والسنوات .....

لتعود الاحداث بعد مرور ثلاث سنوات ....

وبكذا يكون انتهى الفصل العاشر
لندخل في قصه جديده وبداية جديده مع الفصل الحادي عشر
الى ذلك الحين
اتمنى لكم قراءة ممتعه ..... ^_^

أخاف ترفضني ... (( الفصل الحادي عشر – الجزء 1 ))

الساعة 10 صباحا :.
يوكي تشوفها وهي جالسة على السرير : آيا وش عندك قايمه من صباح الله خير احنا الحين في اجازة الشتاء ...
آيا مبتسمه : لاني بروح اقضي اجازة الشتاء مع اهلي ...
يوكي طلعت عيونها : ما شاء الله الاجازه اللي راحت رحتي لصديقتك يونا وقضيتي اغلب وقتك معها .. وهالسنه بتروحين لاهلك ؟؟ خييييير ورى ما قلتيلي من قبل ؟؟
آيا تجمع اغراضها في شنطتها : لا تحسديني وبعدين حبيت اسويها مفاجاه لك..
يوكي بضيق: امحق مفاجأه .. والله مفاجعه مو مفاجاه..
آيا تلتفت عليها بروعه : ليش مفاجعه؟!
يوكي حزينه : يعني ما تعرفين .. والله انتي مونستني هنا واذا رحتي مين بيقعد معي يشاركني غرفتي ويسولف معي ويوسع صدري..
آيا تقرب منها وتضربها على كتفها: يابايخه روعتيني توقعت عندك سالفه اللي يسمعك يقول بروح بدون رجعه كلها كم يوم وراجعه .. خخخخ ما راح تفقديني كثير ..
يوكي تبتسم مجاملة : طيب متى بتمشين ؟؟
آيا : بعد شوي ...
يوكي : بالقطار ؟!..
آيا بفرحه : لاااااا بسيارتي نسيتي اني اخذت رخصة القياده ...
يوكي فرحانه لها : لا ما نسيت من قدك يا آنسه آيا ..
آيا تجلس جنبها بسعاده : اي والله من قدي اخيرا اقدر اسوق بحرية ....
يوكي : هالسنة ماراح تشوفين صديقتك ماري؟؟
آيا بدت تتضايق : ياليت بس انتي تعرفين من سنتين ولا اتصلت فيني ولا اقدر اوصلها ولا ادري عنها الا من ولد عمها اندو ..
يوكي: احمدي ربك انك بعد تعرفين اخبارها من اندو واحد من افراد عائلتها..
آيا بتفكير: الحمد لله بس حتى اندو من فترة ماكلمته لاني انشغلت بدراستي وهو بعد انشغل بحياته..
يوكي تواسيها : ايه ان شاء الله تشوفينهم هالسنه و تملين عينك بأهلك وكل احبابك..
آيا ابتسمت لصديقتها ..
يوكي تغير الموضوع : ياربي آيا كيف بتروحين تتركين صديقتك لحالها في هالسكن الممل .....
آيا بضحكه : لا تخافين ما راح اتركك الا وانا مطمنه عليك وحاطتك بين ايدي امينه..
يوكي تناظرها باستفهام: وش تتكلمين عنه انتي؟؟!
آيا تناظر فوق تصّرف : امممم اقصد لان فيه من يدورك ويشتاق لك ..
يوكي تحمست : مين تقصدين؟؟
آيا تناظرها في عيونها: اقصد * اكو * تقدرين تواعدين " اكو " وتطلعين معه ..
يوكي تغير لون وجهها مستحية : آيا لا تحرجيني .... تونا ما تواعدنا الا يوم واحد .. لا تقولين كذا ....
آيا : لازم تكثرين طلعات معه عشان تتعرفون على بعض اكثر ..تراه مهتم فيك ..
يوكي تناظرها ما تدري كيف ترد عليها : ........ شكرا على النصيحه الصراحة قبل ما ادخل هذا السكن كنت خايفة مع مين راح اعيش .... كنت خايفة ان البنت اللي تكون معي وحشية ..
آيا : والحين انتي مرتاحه اني معك ؟؟
يوكي : مرتاحه وماودي تفارقيني بعد ...
آيا تضحك : احم احم من قدي فيه ناس ما يقدرون يعيشون من غيري ....
يوكي تضربها على كتفها : اقول لا تشوفين نفسك مره تراني اكذب...
آيا بنظره شيطانيه : نياهاها ما تقدرين تغيرين الصدق من اول كلمه قلتيها..
يوكي ترمي عليها الخداديه: انتي ما ينقال لك شيء ..
آيا ميته تضحك : هههههه الله يعينك على فراقي اليومين الجايات على العموم بترك لك ملابسي كل ما خذتي لك شوي وحسيتي انك مشتاقه لي شميها خخخخخخخخ ....
يوكي تصارخ عليها : آيااااااااا~ ....
آيا تمسك بطنها من الضحك : هههههههههه خلاص خلاص اتوب ما اقول شيء ..
يوكي تشوف ساعتها : يالله آيا احس انك تأخرتي ما ودي توصلين في الليل خطر عليك..
آيا تشوف ساعتها وقفت : والله معاك حق ..
اخذت شنطتها وتوجهت للباب : يالله قلبو اشوفك على خير مع السلامه
يوكي توقف وتودعها عند الباب : اهتمي بنفسك ..مع السلامة
آيا تبتسم لها وتطلع تركب سيارتها ...
آيا في السيارة : يا حبيلك يا يوكي والله انك صديقه رائعه الله يديم صداقتنا ولا يفرقنا ..
سكتت شوي وبعدين ضاق صدرها : مرت سنتين وهذي الثالثة وينك يالغايب عن عيني وسمعي و كلي .. اكيرا ليش الى الآن ما عندي لك اخبار .. غيرت رقم جوالك من ذاك الوقت وايميلك هجرته ولما اسأل اندو عنك يقولي انه ما يعرف شيء عنك.... لكن كل مره اشتاق لك فيها اشوف النجوم في السماء الصافية .... وكل مره اشوف فيها الثلج اتذكر اجمل اوقاتي معك ... وكل ما شفت المطر ابتسم .. وكل ما شفت صورتك في خيالي بكيت ... لكن ما زلت اقدر اواصل الطريق ... الطريق قدامي طويل ....
وكملت آيا سيرها للمدينه ...
بعد مدة :.
وصلت لبيتهم ..
آيا تنزل وتمد يدينها " تتمغط" : يااااااااااااااااااه اشتقت لاهلي وبيتنا ..
ابتسمت ودخلت للبيت..
آيا وبابتسامة وسيعه : تداااايماااااااااااااا ( لقد عدت ) بابا .؟؟ ماما.؟؟ جولي ؟؟ ..
آيا مستغربه : وين راحو مالهم حس غريبة ...
وحطت شنطتها على الارض .... وفتحت الانوار .. ثم بعد فتح الانوار ..
العائلة : كل سنة وانتي طيبة يا حبيبتنا ....
آيا مندهشة : تناظرهم متفاجئه .....
الام تتقدم لها وتضمها : اليوم عيد ميلادك يا بنتي .. كل سنة وانتي طيبة يا قلبي ..
آيا تجمعت دموعها في عيونها : وانتي طيبة يا ماما ..
الابو يقرب منها : ما ودك تعانقين بابا يا آيا....
آيا تروح لبوها وتضمه : الله يخليكم لي يا اغلى ما في الوجود..
جولي تكلمت : يعني خلاص انا مالي داعي هنا كل الانظار على آيا وانا صفر على اليسار..
الام والابو يضحكون... ايا تركت ابوها وتوجهت لجولي ..
آيا : كلش ولا اختي جولي من لي غيرك بعد بابا وماما..
جولي حبتها وباركت لها ..
الام : يالله بيروح الوقت وانتم تسلمون على بعض خلونا نحتفل في آيا..
الكل وافقها وقضو الوقت مع بعض ...
بعد مرور ساعتين :.
الام : آيا وين بتروحين اليوم ؟؟
آيا : راح اجلس في البيت معكم ..
الام : لكن السنه اللي راحت واللي قبلها جلستي في البيت .... حبيبتي اطلعي انتي وجولي و احتفلي بميلادك وتمتعي بوقتك مع بعض..
آيا : امم فكره والله مو شينه .. اش رايك جولي ؟؟
جولي : اكيد موافقه ....فيه احد يحصله يحتفل بميلاد آيا ..
آيا بضحكه : والله مدري وش ورا هالمدح ..
جولي تضحك: خخخخخخخ انتي فاضحتني .. بقولك عندي شرط اذا بتشترين كل شيء لي ؟؟
آيا : يالله عليك ما تغيرتي ...
جولي : طيب .... خلينا نروح لسوق توه فاتح ... يحكون عنه صديقاتي ...
آيا : اوكي .... راح نروح له ....
جولي : واااااو وناسه.... الحمد لله ان عندي اخت اسمها آيا ....
الام : يووه منك يا جولي ...
آيا تبتسم وهي تشوف جولي ....
طلعو آيا وجولي وركبو السيارة متجهين للسوق ....
وبعد ما انتهو من التمشي .... راحو وجلسو في كافي ...
آيا تشرب الكوفي : كيف حالك يا جولي مع رفيقك " لينت " ؟؟
جولي بابتسامة : علاقتنا زينه مره ....

آيا بنصيحة محب : حاولي تحافظين على علاقتك معه .... وتتمسكون في بعض اكثر ....
جولي : وانتي يا آيا ؟؟
آيا : وش فيني ؟؟
جولي : لين متى راح تنتظرين اكيرا ؟؟
آيا حطت اللي بيدها على الطاولة : اذا حبيتي لينت من قلبك راح تعرفين ليش انا الا الان انتظره .....
جولي : لكن يا آيا طوّل ...
آيا سرحت : راح انتظره لو دهر .... لاني اعرف انه في يوم راح يرجع ....
جولي ضايق صدرها على اختها : انتي صبورة يا آيا مره ...
آيا ابتسمت مجاملة : الصبر هو مفتاح الفرج ... وانا راح اصبر على مرور الاشهر والسنين ..
جولي حطت يدها على خدها : ما صرت افهمك يا آيا ابدا ...
آيا تناظرها بطرف عين : لما تكبرين راح تفهميني .....
جولي بتعصيبه : وش تقصدين .....؟؟ تراني الحين في ثالث ثانوي وانتي ما زلتي تشوفيني صغيره ....
آيا تبي تقهرها : راح تكونين دائما صغيره في نظري ...
جولي تناظرها : يا ربي متى راح تتغير نظرتك هذي ....
آيا ضحكت : ههههههه .....
ولما خلصو طلعو راجعين للبيت ....
آيا توقف السيارة وجولي تفتح الباب ...
جولي تلتفت على آيا : كأنك ماراح تنزلين ؟؟
آيا ابتسمت : ايه .... فيه مكان ابي اروح له ....
جولي باستفهام : الحين ؟؟
آيا: ايه الحين احلى وقت ..
جولي : اوكي ...انتبهي لنفسك و لا تتأخرين كثير لان الساعة الحين 11 الليل .....
آيا : طيب يا آنسه جولي.. اي اوامر ثانية ..
جولي ابتسمت :سلامتك .. مع السلامة..
آيا : مع السلامة...
نزلت جولي ودخلت للبيت لما تأكدت آيا انها دخلت حركت سيارتها متجهه للنهر ...
وصلت ووقفت تشوف النهر ......
آيا بانتعاش : يوووه من زمان عن هالمكان ..... مرت فتره واشتقت له ...
وتمشي آيا بتروح تجلس على الكرسي اللي مطل على النهر وتلمح من بعيد شخص جالس عند النهر تحت ....
آيا بشوق : اكيرا ...
وتمشي رجولها متجهه له لا شعوريا ...
ولما قربت ..
آيا بدت توضح لها الصورة : ا .. ا. اندو ؟؟
التفت اندو لها ولما شافها وقف لا شعوريا : آيا ؟...
آيا بابتسامة : مرت فتره طويله ما شفتك فيها ...
اندو بتعب : .....اممه
آيا تناظره متعجبه : اندو ؟؟ ... وجهك ... انت مريض ؟؟
اندو وهو يتنفس بصعوبه : لا لا ..... لا تهتمين كثير ... انا بخير
وتحط يدها على جبهته .....
آيا : اندو مستحيل انك بخير ... انت اكيد مريض ... بس ليه طالع في هالبرد ؟؟ وليه لابس خفيف ؟؟
اندو يبعد يدها .....
اندو يمشي بكل جهده يجر رجوله جر : انا ما فيني شيء ..
آيا تلحقه و تمسكه مع كتفه شلون تقول انك منتـ..
وينقطع كلامها لما التفت عليها اندو اغمى عليه و طاح عليها ..
طاحت ايا واندو على الارض آيا وهي ماسكته : اندو .... اندو ؟؟ ...
وبدت تحركه وهي تصرخ : اندوووووو ...
صارت تضرب على خده : اندو قوم اندو اندو ...
اندو لا رد: ........
تركته على الارض وصارت تركض تدور احد يشيله يحطه في سيارتها عشان تنقله للمستشفى .. لقت لها شخصين يمشون مسكت واحد من يده: ارجوك ساعدني ساعدني..
الرجل لا اراديا تبعها لان شكلها يوحي انها مصدومة فمشى معها وصلو لاندو وهو لازال لا حراك ومتمدد على الارض ..
طلبت منهم انهم ينقلونه للسيارة حقتها .. استجابو لطلبها و كانو بيرافقونها بس هي رفضت ..
وفي خلال دقايق وصلت للمستشفى ..
اول ما وصلت هبو الممرضات اللي عند الباب وانقلوه لغرفة الطوارئ..
بعد فترة ... آيا رايحه جايه : ياربي اشفيه يارب .. وهي تبكي..
طلعت الممرضة من الغرفة ..
آيا تتوجه لها : دكتوره اش اخباره ؟
الممرضة : هو بخير وراح يستعيد وعيه عن قريب ....
آيا : هو وش فيه ؟؟
الممرضة : ارهاق بس ... اكيد انه اجهد نفسه ..
آيا : عملي او نفسي ؟؟
الممرضة : ارهاق نفسي ...
آيا : آآه ....
الممرضة : استأذنك .
آيا : شكرا ...
تدخل آيا عنده في الغرفة ..تشوفه متمدد والارهاق لاعب في شكله لعب ..
آيا بضيق : ليه يا اندو تسوي في نفسك كذا ؟؟ ....
قربت له و جلست على الكرسي الي بجنب سريره..
آيا تشوفه وتبتسم : ليه تجيب لي لمحة اكيرا .... لدرجة اني احس انك اكيرا الحقيقي ..... ؟؟
وتمسك يده ...
الساعه 9 الصباح :.
اندو بدا يفتح عيونه وهو يشوف السقف : مستشفى ؟! ليه انا في المستشفى ؟؟
ثم يفز من السرير : آيا ؟
ثم يلتفت ويشوفها نايمة وهي ماسكة يده ....
اندو باستغراب : آيا ؟؟
شوي بدت تتحرك آيا ثم فتحت عيونها : اندو ؟؟
وتقوم : انت صحيت ؟؟
اندو : آسف على امس ...
آيا بابتسامة : ما عليه .. المهم انك الحين طيب ...
اندو : انتي جالسه هنا من امس ؟؟
آيا : ما كنت اتوقع اني بنوم كذا .... آسفة اذا كنت ازعجتك بنومي ..
اندو : لا لا ابدا ...
آيا تنتبه انها ماسكه يده ... وتبعد يدها بسرعة ..

آيا : آسفة ...
اندو : لا عادي ...
آيا مبسوطه : بروح اقول للممرضه انك صحيت .. عشان تجي تشوفك ونطمن عليك ..
تقوم آيا بسرعة وتطلع ...
اندو ينسدح ويفكر : من كنتي تتخيليني يوم تمسكين يدي ؟؟ انا عارف انه اكيد شخص غيري .....
وبعد شوي تدخل آيا للغرفة ومعها الممرضه ....
الممرضه : انت صحيت يا اندو ..
اندو يجلس : الحمد الله ..
الممرضه وهي تكشف على ضغطه وتشوف حرارته : ليش ما انتبهت لصحتك مو زين عليك الارهاق .. لازم تعتني بنفسك اكثر انت توك شباب وفي اول عمرك ليش التعب ..
اندو يناظر في الجهة الثانية: ............
آيا تصرف داريه انه ما يبي يحكي : دكتوره متى راح يطلع اندو..
الممرضه : الحمد الله يقدر يطلع اليوم كل شيء تمام ..
التفت عليها اندو : طيب شكرا....
الممرضه احترمت نفسها وطلعت..
آيا بابتسامة : يالله يا سيد اندو ماودك تطلع ..السياره تحت ..
اندو ابتسم مجاملة : طيب روحي انزلي انتي اول وانا راح انزل وراك .....
آيا : اوكي ...
وتنزل آيا تحت وتطلع في الشارع تقرب سياراتها لباب المستشفى وتوقف قدام بابها ...
بعد شوي لمحت اندو يطلع مع الباب تروح آيا له وهي تركض شوي قبل ما توصل له ينكسر كعبها وتطيح على صدره ....
آيا : آآآه .... اح اح .... رجلي مالت ..
اندو وهو ماسكها بدهشة : آيا انتي بخير ؟؟
آيا : رجلي مدري وش فيها ... شكلها مالت
اندو شالها بين يدينه : برجعك للمستشفى ...
آيا : لا لا .. اندو انت تحرجني ... ليه شايلني كذا .... حولني ما يحتاج مستشفى ..
ويوديها ويقعدها على كرسي في الشارع ...
اندو : متأكده انك بخير ؟؟ خلينا نروح للمستشفى يشوفون وش في رجلك ...
آيا : ما يحتاج مستشفى ... لا تكبر الموضوع .. طيب شوف هناك صيدليه جيب منها لفة قدم و عصار عضلات ... هذا اللي دايم استخدمه اذا مالتـ..
وبدون ما تكمل حكيها يروح يركض للصيدليه .....
آيا : ههه يا حليلك يا اندو ما بعد خلصت كلامي ....
ويرجع اندو بعد شوي ..
اندو يطلع العصار من الكيس : هذا هو ؟؟
آيا : ايه .. عطنياه ...
اندو ينزل لرجلها وهي جالسه : انا اللي باداويها ....
آيا : انا اقدر ..
اندو : اقبلي اني اسوي لك شيء واحد على الاقل ....
آيا مستغربه من لهجة كلامه : اذا كان هذا يرضيك ......
وتفسخ آيا بوتها ... ويدهن رجلها ..
آيا في نفسها : انت عطوف يا اندو كثيـــــر ...
ثم تبتسم وهي تشوفه ...
اندو وهو يدهن رجلها : آيا متى جيتي لطوكيو ؟؟....
آيا بضحكة : ههه امس المغرب..
اندو طلعت عيونه : امس .. يؤ والله آسف خربت عليك يومك..
آيا متكتفه : لا ما خربت علي ولا شيء اصلا كل شيء سويته احتفلت بميلادي امس مع اهلي وطلعت السوق مع اختي وشربنا كفي يعني كل شيء سويته وقلت قبل ما انام اروح اشوف النهر لاني مشتاقه له..
اندو نسى كل شيء وركز على كلمتين: امس يوم ميلادك ؟؟
آيا : يس امس والله اني ناسية بس اهلي يا حبيلهم ما نسو وسووها لي مفاجاة ..
آيا تناظر قدامها : واحلى مفاجأة..
اندو انتهى من لف رجالها : كل سنه وانتي طيبه ولو انها جت متأخر..
آيا : وانت طيب ومشكور على الاسعافات الاوليه اللي سويها لي..
اندو وقف : ما سوينا اكثر من اللي سويتيه لنا ..
آيا منحرجه : اخجلت تواضعي هه..
اندو : لازم ما تسوقين عشان تريحين رجلك ...
آيا يالله توقف : ليه توني شاريه هالسياره ودي افرح بها واسوق بها ليل ونهار ...
اندو : ما شاء الله .. الله يعطيك من خيرها ويكفيك شره ..
آيا بتفكير : شكرا.. اقول اندو وش رايك نروح نفطر سوا ؟؟
اندو : لكن انتي تعبانه ....
آيا : لا لا عاااادي .. يله انا مره جوعانه .....
اندو : اوكي بس انا اسوق سيارتك الجديده ...
آيا : هههه .... اوكي من قدك اول واحد يركبها من بعد صاحبتها ....
جلس اندو قدامها وهو معطيها ظهره ...
آيا : وشو ؟؟
اندو : اركبي على ظهري ...
آيا : لا لا بامشي ...
اندو : انتي بطيئه ومتى بتوصلين للسيارة.. و انا جوعان عجّلي اركبي ...
آيا : طيب طيب يالدب ..
اندو ابتسم لكلمتها ..
وتركب آيا على ظهره ....
اندو : واو خفيفه ...
آيا : لا تبالغ .. انا مو خفيفه مره ....
ويركبون في السيارة ... وهم يمشون في الطريق .. يلف اندو ويلبق ...
آيا بدهشة : خير ؟؟
اندو : انتظريني لثاوني ..... شوي وبأرجع ..
يحول اندو من السيارة ويروح ....
آيا باستغراب : وش فيه ؟!
ويرجع بعد شوي وهو معه كيسه ..
يركب ويمد لها الكيسه .....
آيا : وش هذا ؟؟
اندو : افتحيه ....
آيا تفتح الكيسه وتلقى فيه بوت ....
اندو : بوتك تو انكسر كعبه ... عيد ميلاد سعيد ..
آيا بسعاده لا توصف : مشكوووور يا اندو ....
وتفسخ بوتها اللي عليها وتلبس الجديد ..
اندو : عساه مقاسك ؟؟ .
آيا : تمام مره ...
اندو: جبت لك مثل مقاس ماري ...
آيا لما سمعت اسمها حزنت شوي : اها .. اصلا انا وماري نفس المقاس ....
ابتسم اندو بدون تعليق وحرك السيارة ....

اندو يكلمها بدون ما يشوفها : وش ودك نروح أي مطعم .... ؟؟
آيا بهدوء : ابي اروح للمطعم اللي رحت انا و اكيرا نفطر فيه لاول مره ....
اندو يقاطعها: عرفته ...
آيا تلتفت عليه بدهشة : عرفته !؟
اندو يهز راسه : ايه اعرفه و اعرف كل شيء عن اكيرا ....
آيا تذكرته : اها ..
اندو : لا تستغربين لاننا كنا نجلس مع بعض كثير ......
آيا : ............
ويروحون ويدخلون للمطعم .. يجلسون على طاوله ...
اندو : وش تبين ؟؟
آيا : تعرف وش بعد كان يطلب اكيرا ؟؟ اذا كنت تعرف انا ابي مثله ..
اندو : اكيد اعرف ..
ويطلبون ...
آيا : انت تشوف ماري ؟
اندو : ايه دائما ....
آيا : كيف حالها ؟؟ هي مرتاحه ؟
اندو : طيبه ... ومرتاحه ...
آيا : واكيرا ... تعرف شيء عنه ؟؟
اندو : على ما اعتقد انهم يقولون انه بيجي في اجازة الشتاء هنا اربع ايام ..
آيا مو مصدقه الخبر : والله ؟؟ متى ؟؟
اندو بتفكير : ما ادري ...
آيا تبي تسمع اي شيء عنه : طيب ليه بيجي ؟؟
اندو : اكيد بيرجع عشان شيء مهم .. وانا سمعت هالشيء من ابوي يعني ما ادري اذا كان صدق بيجي ...
آيا توضح على وجهها ملامح الحزن ....
اندو : آيا انا اسف اذا كان هذا الموضوع ازعجك .....
آيا : لا ابدا ما ازعجتني يا اندو .... انا افكر بس ...
اندو : تفكرين ؟؟
آيا : في هذي الاربع ايام بأقدر اشوف اكيرا لو لمحه ..... ؟؟
اندو يشوفها ويحزن .. وكلهم سكتو ....
بعد ما فطرو يطلعون .... توقف آيا قدام اندو ...
آيا : واااه مشكور يا اندو ... مره شبعت ..
اندو : بصحه وهناء ...
آيا : لازم الحين اروح للبيت ...
اندو : بوصلك ....
آيا : ما يحتاج رجلي خف المها واقدر اسوق ...
اندو : لكن ...
آيا : انا داخله طب وافهم متى يتوجب علي اني ما اسوق ....
اندو : صح انتي اخبر ....
آيا : بخليك توصلني لمكان سيارتك وبعدها انا بسوق ....
اندو : اوكي ....
ويروحون للنهر ... يحولون ...
اندو : مشكورة وآسف في نفس الوقت ... تعبتك معي امس ...
آيا : وانا اشكرك على اللفه والهديه والاكل .. هههه انت سويت لي اكثر ...
اندو يبتسم : مع السلامة ..
آيا : لا ترهق نفسك ابدا ... انتبه لصحتك .....
اندو : اوكي ..
وينفصلون .....
تروح آيا وتدخل لغرفتها وتنسدح على السرير ....
آيا : آآآآآآآآه ...... واو يا زين النوم .....
وتنقلب مع الجهه الثانيه : اندو ... كل يوم اكتشف فيك شيء جديد ... لكن كل اكتشاف افضل من اللي قبله ....
وفي نفس الوقت اندو يروح للبيت ويجلس على مكتبه ...
اندو : اللي حصل اليوم فرحني مع انه بسيط ... على الاقل قدرت احضنها ولو لثواني ...
وبعد يومين ...
آيا طالعه بتروح للسوق .. وهي موقفه عند الاشارة فجأه سمعت فحطة سيارة وفجاة صدمت في سيارتها ..
آيا وهي حمقانه : يؤ سيارتي الجديده انصدمت ...
وتحول حمقانه من السياره متجهه للسيارة اللي وراها ... وتطل ...
آيا : انت ما تشوف طريقك ؟؟
ويلتفت عليها : آسف منتبهـ..... آآآياا؟؟
آيا متفاجأه : مورا ؟؟؟؟
مورا : انتي صاحبة السيارة اللي قدامي ؟؟
آيا : أيــــه ....
مورا : آسف ما انتبهت ...
آيا تناظره باستنكار : مو من عادتك ... انت دائما نبيه ....
مورا : خلاص اذا كان فيها أي مخوش او اي شيء انا راح اوديها للمصلح .. وعلى حسابي ... الحين رضيتي ...
آيا تبتسم : ايه رضيت ...
مورا فيه الضحكة : آيا بهالمناسبة الحلوة خلينا نروح نجلس سوا في مكان ...
آيا : امحق مناسبة ههه اوكي يالله اختار مكان وانا معك ...
ويقولها مورا مكان وتولع الاشارة وتروح آيا تركض لسيارتها وتركب ...
يروحون يجلسون في مقهى ..
مورا : متى جيتي يا آيا لطوكيو ؟؟
آيا بتفكير: امممم يمكن من اربع ايام ..
مورا: وش جايبك؟؟
آيا تتميلح : يعني ايش ما تبيني اجي ياخي عندي اجازة قلت اجي اشوف اهلي .. وللمعلومية كل اجازة شتاء اجي .. هناك ملل..
مورا : ما شاء الله حلو..
آيا: وانت ايش عرفك اني ادرس برا طوكيو؟؟
مورا يبتسم: سوما قالي..
آيا : اها .. الاجازه اللي راحت قابلت يونا و سوما وجلست معهم وقضينا اوقات حلوة..
مورا : واو رحتي لهم في اوساكا..
آيا : ايه رحت لانها قريبه من المدينه اللي ادرس فيها ..
مورا : وانتي وش تدرسين ؟؟
آيا: ما تعرف وش ادرس ؟!
مورا منحرج : ........
آيا تضحك : هههه عادي الحال من بعضه ..انا ادرس الطب ....
مورا : ما شاء الله ... هاه ان شاء الله درجاتك زينه ؟؟
آيا : اللي يجتهد ما يضيع جهده .... وانت كيف حالك ؟؟
مورا : انا تمام ..
آيا : وش تدرس ؟؟
مورا : اها عشان كذا قلتي الحال من بعضه خخخخخ
آيا ضحكت : ههههههه
مورا : انا ادرس فن العماره ...
آيا : أي قسم ؟؟
مورا : تصميم داخلي ...
آيا : ما شاء الله ... شكله صعب ولا لا ؟؟
مورا : ماشي حالي فيه ...
آيا : الحمد الله..
مورا يبتسم : آيا انتي تغيرتي لكن للاجمل ..
آيا ضحكت ضحكة خفيفه : هه لا تحرجني يا مورا
مورا : كيف حالك بدون حبيب الروح ؟؟
آيا : انت عرفت ؟؟
مورا : ايه عرفت .. اكيرا ارسل لي شخص وعلمني .... ضاق صدري شوي بس هذا مستقبله .....
آيا : صح هذا مستقبله .. سألتني عن حالي .. انا بخير ومرتاحة ..
مورا: كويس انتي دايم قوية ما شاء الله ..
آيا : غصب عننا ..
سكتو الاثنين جا الجرسون وقدم لهم العصير ..
آيا وهي ترشف العصير: مورا ما بعد صار لك رفيقه ؟؟؟
مورا : لا ...
آيا : وش تنتظر اكثر ؟؟
مورا يفكرك : ماودي انتظر بس احتاج مساعدتك..
آيا تحمست: اساعدك في ايش ..انا مستعدة ..
مورا بابتسامة : فيه بنت معي في القسم معجب فيها ...
آيا حطت العصير على الطاولة : واااااااو ... وشلون شكلها ؟؟
مورا بدا يناظر فوق : ما اعرف اوصف .. لكن هي عاجبتني من كل النواحي ... جميله وخلوقه واجتماعيه والكل في القسم يحبونها ...
آيا : امممم .... طيب اعترفت لها ؟؟
مورا : هذا اللي ابيك تساعديني فيه ....
آيا : كيف ؟؟
مورا مايدري كيف يفهمها : انا ابي ... ابي اعترف لها بحبي واعجابي بها ... لكن كل مره اتردد ...
آيا : ليه تتردد ؟؟
مورا : لاني اخاف ... اخاف ترفضني ...
آيا : وليه ترفضك .. ناقصك شيء .. الصراحة اذا جاء الجد انت كل شيء فيك زين ... رزه وجمال وخلق واحوالك الماديه زينه .... على ايش ترفضك ؟؟
مورا : ما ادري .... لاني انا جديد في شعبتها ... اخاف ما تتقبلني ....
آيا : ما توقعتك كذا يا مورا ... انت حاول مره واذا رفضتك حاول تطور من نفسك وتعترف لها مره ثانيه ... وما اظن انها بترفضك مرتين ..
مورا : امممم ..... آيا ليه ما تقابلينها ؟؟
آيا : نعم ؟!
مورا : بس كيف؟؟ ياربي اخاف تحسبك رفيقتي ... يووووه ...
آيا شافته محبط .....جت في بالها فكرة..
آيا بحماس : بس لقيتها ..
مورا يناظرها بتعجب : وش لقيتي ؟؟
آيا : الفكره .. جت في بالي فكره حلوه .....
مورا : انتي متأكده من النتائج ....
آيا : لا ... لكن فكرتي ما فيها فشل او تدمير لك ... اعتمد علي ....
مورا : وش بتسوين ؟؟
آيا : الحين عندك اجازة ولا لا ؟؟
مورا : بتبدا اجازتنا بعد ثلاث ايام ........
آيا : وهي تجي كل يوم ؟؟
مورا : ايه ...
آيا : وش اسمها ؟؟
مورا : مايا ...
آيا : بكره متى بينتهي دوامك ؟؟
مورا : بكره ... امم 11 ونص .... لان ما عندنا محاظرات كثيره ...
آيا : ممكن تقوم وتوريني جامعتك ؟؟
مورا : الحين خلينا نشرب العصير اول ؟؟
آيا تقومه غصب: مورا انا تحمست لا تقول خلينا وما خلينا قم وخلاص وخذ معك العصير سفري..
مورا وقف: طيب طيب .. بس وش تبين في جامعتي؟؟
آيا : ماراح اقولك لانك راح تكون فقط متفرج ....
مورا : متفرج ؟؟؟
آيا تبتسم وتلتفت عليه : يله قوم ورني جامعتك الحين .....
وفي اليوم التالي :.
الساعة الان 11 وثلث الصبح :.
آيا واقفه قدام الجامعة ..... وتروح تدخل .....
تدور قسم التصميم الداخلي وتدخل فيه .... يقابلها الاستاذ ...
آيا : لو سمحت استاذ؟..
الاستاذ : نعم ..
آيا : ممكن اعرف وين قسم فن العمارة ؟؟

الاستاذ : في كذا فصل في فن العمارة ..
آيا تورطت : اممم ابي فصل الطالب مورا هيكارو من قسم التصميم الداخلي ..
الاستاذ عرفه : اها عرفته ..
آيا : اقدر اقابله الحين .........
الاستاذ : ما اعتقد لاني اظن ان عنده الحين محاضرة .. بقي 4 دقايق وينتهي الدوام تقدرين تنتظرينه عند قاعة المحاضرات رقم 3 بتلقينه هناك ..
آيا : مشكور ....
الاستاذ : العفو .....
وتروح آيا للدور الثاني متجهه للقاعة الثالثه وتوقف عند الباب .. تشوف ساعتها وتنتظر شوي .. وبعد شوي يطلعون الطلاب من القاعة ..
آيا تكلم واحد من الطلاب : لو سمحت ممكن اعرف وين الاقي مايا ؟؟
الطالب يلتفت على القاعة ويأشر عليها : هناك ...
آيا :مشكور ..
الطالب : العفو..
وآيا بتدخل يقابلها مورا ....
مورا : آيا ؟! وش قاعده تسوين هنا ؟؟
آيا : اشش .. روح انت وخلني لحالي ....... بسرعة..
مورا خايف من نظرتها : طيب .. طيب ...
ويروح مورا وما يبقى غير مايا في القاعة .. آيا تمثل انها تدخل وهي تركض ...
آيا : وااااااااه وينه هذا ... يووووه ما امداني عليه ...
وتروح آيا لمايا .....
آيا : لو سمحتي ؟؟
تلتفت عليها مايا : بغيتي أي شيء ؟؟
آيا : ما شفتي مورا ؟؟
مايا : مورا ؟؟ الا توه طالع .....
آيا : يوووووه على هالاخو ... دايم يتهرب مني ..
مايا : انتي اخت مورا ؟؟
آيا تبتسم : ايه .. و كبره بعد ....
مايا بتعجب : كبره ؟؟ كيف ؟؟
آيا تجلس على الكرسي : ما تلاحضين اني ما اشبهه حتى ؟؟
مايا تجلس قريب منها : الا .....
آيا : انا اخته من الابو بس ... عشان كذا كبر بعض ....
مايا : اخته من ابوه ؟
آيا : أيــه ... واسمي آيا ..
مايا تمد يدها مصافحه : تشرفت ... وانا اسمي مايا ....
آيا طلعت عيونها : انتي مايا ؟
مايا : أيــه ....
آيا : اوووووه اخيرا شفتك ...
مايا : ليه لهالدرجة تبين تشوفيني ؟؟
آيا : مورا ما يتكلم الا عنك ... يقول ... عندنا طالبه رائعة خلوقه طيبه ومتعاونه والكل يحبها ... وكل يوم على هالقصه .... والصراحة اخوي هاليومين متغير ....
مايا مندهشة ...
آيا تلتفت على الدريشة : من قبل كان يجلس معي لكن الحين صار يتهرب .. ابوي يقول انه يوم كان صغير كان يتصرف مثل مورا يوم حب ... لكن ما بعد عرفت من هي البنت اللي متجنن عليها ... يووووووه ليتني ادري .....
وتلتفت عليها آيا : انتي تعرفين وحده يمكن يحبها مورا ؟؟
مايا : انا الصراحة اشوف ان مورا عملي وما يهتم لاحد .. ولا قد شفته يمشي مع أي بنت ....
آيا : يووووووه اخوي هذا ما يتغير ... من قبل في الثانوي كان ما يهتم في احد وكم مره اقوله دور لك رفيقه ... تعرفين وش يقول ؟؟
مايا : وش يقول ؟؟
آيا : انا اهم شيء عندي الاخلاق .. واذا يوم حبيت راح احب هذا الشخص من كل نواحينه اذا كانت اخلاقه من النوع الراقي ... شفتي اخوي قد ايش مشخص .... هههههه
آيا في نفسها : يووه عسى ما بالغت شوي في الكذب .... الظاهر اني غيرت كلياً شخصيه مورا الحقيقيه ..
مايا : نظرته تعجبني .... الصراحة انه غامض ما توقعت ان يطلع منه هذا الكلام ...
آيا : الا هو غامض مع الناس كلها الا انا ... اكيد لاني الوحيده اللي افهمه ....
مايا : حلو ان يكونون الاخوان كذا ...
آيا : مايا .. تساعديني على اننا نعرف من هالبنت اللي هابله مورا ... ؟؟
مايا : ما ادري لكن مو زين نتدخل في حياته الخاصه ....
آيا : وش حياته الخاصه انتي ... عادي عادي تراه اخوي ولازم اعرف عنه كل شيء ....
مايا : وش نسوي ؟؟
آيا : اليوم بأطلع انا ومورا عند النهر وانتي تعالي ..
مايا : وانا وش دوري ؟؟
آيا : انا بحاول معه بنفسي واذا ما قدرت تعالي انتي كأنك شفتينا فجأه واقعدي وانا بأشكي قدامك وكذا بينحرج ويقول ... وش رايك ؟؟
مايا : انتي متأكده انه بيتكلم لو قلنا كذا ؟؟
آيا : خلينا نجرب ...
مايا بتفكير : خلاص... اوكي
آيا : عطيني رقمك عشان اعلمك مكاننا بالتحديد ...
مايا : طيب ....
وبعد ما انتهو من كلامهم ...
آيا : الله يعطيك العافية يا مايا مشكوره مقدما على المساعده ..
مايا انحرجت: لا والله عادي ما سويت شيء..
آيا: ياحبيلك يالله يا قلبو انا طالعه لا يروح ويخليني .....
مايا ابتسمت : مع السلامة ...
آيا : مع السلامة ...
وتطلع آيا وهي تركض ... يوم وصلت للدرج لقت مورا منتظرها ...
مورا : آيــا ليش سويتي كذا ؟؟
آيا : هذي الطريقة الصحيحة ....
مورا : وش طريقة صحيحه انتي مجنونه تقولين لها هالكلام ... وبعدين قصة الاخوه هذي ما دخلت راسي .. آيا اكيد بعدين بتعرف الصدق وبتعرف اننا كذابين ..
آيا تبتسم : انت قلت بعدين ... صح ؟؟ معناها بعد ما تعرفك على حقيقتك .... وانا مستحيل اصير دائما اختك راح اعترف لها بطريقتي وراح تتقبل .
مورا : ينخاف منك ...
آيا : هههه حرام عليك ....
آيا تلتفت وتشوف مايا تمشي من بعيد ....
آيا : بسرعة بسرعة خلينا نرووووووووح ....
ويروحون وهم يركضون .... و يركبون السياره ...

آيا : بما انك سمعت كل شيء خلاص امش على كلامي .... اوكي ؟؟
مورا : آآه طيب ..
الساعة الان 7 الليل :.
مورا وآيا جالسين عند النهر ....
مورا : هنا ؟؟
آيا : هذا المكان اللي احبه ....
مورا : آيا .. انا ما احس براحـ....
آيا تقطع كلامه : اسكت بأكلم مايا ....
مورا يسكت .....
آيا : الوه ...
مايا : انا وصلت للنهر لكن ما ادري انتم وين ؟؟
آيا : عندنا لوحة كافي خضرا ...
مايا : آآآه هذي هي قدامي اشوفها ...
آيا : يالله هذا هو مورا وصل باي ...
مايا : باي ...
آيا : راح ادخل بموضوع على طول خلاص ...
مورا : خلاص ...
مايا توقف عند اللوحة .. تشوفها آيا ...
آيا تبدا التمثيل : لين متى يا مورا ؟؟
مورا : وش عندك ؟؟
آيا : علمني من هي ؟؟
مورا : آيــا انا ما بعد عرفت هي وش تشوفني بأي نظره ..
آيا في نفسها : الرجال شكله نسى انها ورانا ...
آيا : مورا ... انا اختك ومن حقي اعرف مين اللي شاغل تفكيرك ... على الاقل قول وش لون شعرها طويل ولا قصير ومن هالناحية ...
مورا : اذا كنتي تبين تعرفينها ابحثي عن وحده خلوقه , طيبه , محبوبه , متعاونه , وبعد لطيفة ....
آيا : مورا كل يوم تقول لي نفس الكلام ... غيـّر ....
مورا : البنت هذي في نفس قسمي ... واسمها ..
آيا : وش اسمها .؟؟
مورا : نفس اسمك بس زيد في البداية حرف..
مايا فتحت عيونها وتقول في نفسها : آيا؟؟ بنات القسم كلهم اعرفهم .. اسومي , رولا , سارز , ...
آيا بتفكير : نفس اسمي وازيد حرف واحد في البداية ...
تسوي نفسها ماقدرت تعرفها : موراااااا حرام عليك وانا وش عرفني باسماء بنات قسمك ...؟؟
مورا يلتفت عليها : شوفي يا آيا اذا بتقعدين تزنين من هنا الى بكره ماراح اقولك .. انا اعطيتك تلميحات لها بس اني اقولك اسمها ما اراح اقوله ..
آيا بضجر: موراااااااااا..
مورا يسكتها : انا بروح عندي شويه اشغال يبغالي اخلصها......
آيا : لا تروح بســــ ...
راح مورا وتركها قبل لا تكمل كلامها..
آيا جلست على الكرسي بقهر : آآآه من هالاخو ...
تفتح آيا جوالها وتكتب رسالة ...
آيا تقرا الرساله في نفسها : [ مورا لا تروح انا بعدل الامور انتظرني في السيارة ^_^ آيــا ]
تسكر آيا الجوال .....
وتلتفت آيا على مايا : مايا تعالي .... راح وبدون ما يعلمني حتى ....
تجي مايا وتجلس جنبها ....
آيا : شفتي شلون هالاخو معذبني ؟؟... دائما كذا ....
آيا في نفسها : وااااو والله انك تعجبني يا مورا ... البنت وصلها الارسال .... ياي ما بقى غير النتايج ..
مايا : انا اعرف كل بنات القسم ...
آيا : يله قولي اسمها ....
مايا : بس ما فيه ولا بنت اسمها نفس اسمك ....
آيا : هو قال نفس اسمي وبزيادة حرف في البداية والله يا مايا انه قاهرنـ..
آيا كأنها تذكرت لحظه مـ..مــ.. مـ..ايا ؟!!!
وتلتفت آيا عليها بتعابير الدهشة : مايا انتي اللي اسمك مثل اسمي ...
مايا مو مصدقه : هاه ..
آيا تفهمها: انتي مثل اسمي ولما ازيد الحرف يصير مايا .. لالالالالا مو مصدقه..
آيا بفرحه : وااااااااه اخيرا ... والله اخوي عنده ذوق ....... مشخّص من جد ...
مايا انحرجت : .................
آيا تلتفت عليها : مايا اش رايك بمورا ؟ .... لا تجاملين قولي الصدق ...
مايا ابتسمت ونزلت راسها : الصراحة .. نوع مورا هو اللي يعجبني ...
آيا في نفسها : يس ... يس ... يسسسسسسس
آيا بحماس : يعني .. اسميه قبول ؟؟
مايا تضحك ضحكة بسيطه : وليه ما اقبل بشخص من النوع اللي احبه ....
آيا تضمها : مبرووووووك يا رفيقة اخوي الحلوة.....
مايا مستحية : .......
آيا حطت يدها على كتف مايا وغمزت لها : اخوي عرف يختار ....
مايا انحرجت من كلام آيا .. في هالاثناء رن جوال مايا ...
مايا تلتفت على آيا : هذي امي لازم الحين اروح ..... مشكوره آيا وان شاء الله راح نلتقي كثير في الايام الجاية ...
آيا : ان شاء الله ....
تقوم مايا وتروح ......
آيا توقف وتصرخ في اتجاه النهر : ياااااااااااااااااااااااااااااااااه ..... نجحت الخطة ... يس يس يس يسسسسسسس .....
وتروح آيا تركض لسيارة مورا ......
آيا توقف قدام السيارة والابتسامه والسعاده لا توصف ... وفي نفس الوقت اندو يلبق سيارته بمكان قريب من سيارة مورا ...
اندو : آيـــا ؟؟
آيا تركب سيارة مورا ....
آيا : مبروووووووووووووووووووووووووك ....
مورا : والله ... يعني قبلت ؟
آيا : يب ..
وفي نفس الوقت اندو يناظرهم ..
اندو بدهشة : آيا ... ليه ؟؟ .... ليه انتي مع صديق اكيرا ؟؟ وتضحكين بعد ؟؟
في السيارة :.
مورا : مشكورة ...
آيا : لا تشكرني ... انا سويت لك هالشيء لاني ابغى اسويه ....
مورا : على كذا اشكرك ...
آيا تبتسم : في أي وقت .. يا اخوي
مورا : لا تصدقين كذبتك مره ........
آيا : المهم لما تزين علاقتكم قول كل اللي سويناه لها .. اوكي
مورا : طيب....
آيا : يله مع السلامة ...
مورا : مع السلامة .....
وتحول آيا من السيارة وهي مبتسمه وتودعه لين راح ..... بدت تمشي ويقابلها اندو .....
آيا : اندو ؟؟
اندو : متفاجئة ؟؟
آيا : على العكس ...
اندو : آيا ... ابي اتكلم معك شوي ....
آيا : طيب ...
اندو : خلينا ننزل للنهر ...
آيا : طيب ...
آيا في نفسها : نبرته تخوفني وش فيه ؟؟
ويقعدون قدام النهر ...
آيا : وش رايك نجيب كافي ؟؟
اندو : لا تجيبين شيء ... انا بس ابي اسألك سؤال واحد واتمنى انه جوابه يكون كافي ...
آيا : تفضل ..
اندو ماسك اعصابه : آيــا .. انتي ليه كنتي مع مورا ؟؟؟

وبكذا يكون البارت انتهى .....
ان شاء الله تستمتعون بقراءته ...
وانتظروني ببارت جديد .....

لمذا اقلق عليـــــك ؟! (( الفصل الحادي عشر – الجزء 2 ))


اندو ماسك اعصابه : آيــا .. انتي ليه كنتي مع مورا ؟؟؟
آيا متفاجئة : مورا ؟؟؟؟
اندو : أيـــه مورا انتي ليه كنتي معه في السيارة ؟
آيا : انت تعرف مورا ..؟؟ توني ادري
اندو : لا تحاولين تتجاهلين سؤالي ولو سمحتي جاوبي بصدق ..
آيا ضحكت : اندو انا مو من ذاك النوع .. ولا تنسى ان مورا يكون صديق لاكيرا ..
اندو : اجل يالله برري لي ..
آيا : حتى وان كانت القصة طويله ؟؟
اندو : راح اسمعك ..
آيا تقول له السالفه كلها ..
آيا : وعشان كذا جيت اقول له انها قبلت ...
اندو بدا يضحك ضحك هستيري : اوه .. اوه .. هههههه هذي آيا اللي اعرفها ...
آيا : هههه وهذا اندو اللي اعرفه ...
وبدو يضحكون ...
آيا : يالله جاوب على سؤالي هالمره ..
اندو : وشو ؟؟
آيا : انت شلون تعرف مورا ؟؟
اندو : يوم كنت انا واكيرا في المطار ... عطاني عنوانين لصديقين له عشان اوصل لهم رساله منه واسمائهم كانت توما والثاني كان مورا .. ويوم وصلت لهم خبر سفر اكيرا شفتهم وعشان كذا عرفته يوم شفته معك ...
آيا : آها اجل انت الشخص اللي جبت الخبر لمورا ...
اندو : أيــه ...
آيا : وش عندك جاي هنا ...؟
اندو : احب هالمكان ..
آيا : والله ... انا احب هالمكان ...
اندو : انا ما حبيته الا لانك انتي تحبينه ...
آيا : هاه ؟!
اندو تورط : اه اه .. اقصد ان ذوقك في الاماكن يعجبني .. والمكان هذا حلو مره ...
آيا : ههه حلوه ذوقي في الاماكن ... بس كلامك غريب ...
اندو ينسدح على الثيل : وش الاماكن اللي تحبينها ؟؟
آيا : هذا المكان ... و بيت اكيرا .. هههه حلوه صح ...؟؟
اندو : تبين تروحين لبيت اكيرا ؟؟
آيا : لا لا كنت امزح معك ...
اندو : طيب من تحبين تجلسين معه ؟؟
آيا وهي تناظر النهر: احب اجلس مع ناس كثير .. ناس فقدتهم وناس ما زالو معي ... اللي فقدتهم هم اكيرا ويونا و ماري .. واللي معي هي عائلتي وراي .. و .. و أنـــــت ...
ثم تلتفت آيا على اندو وتشوفه مغمض عيونه ونايم وحاط يده على عيونه....
آيا : اندو .... ؟؟ هذا بعد ارهاق ولا لا ؟؟ ..
تمسكه وتحاول تقومه تحسست تنفسه : نايم ؟؟ ..
حطت يدها على قلبها : آآآآه اهم شيء انك حي ..
وتقرب آيا من عنده وتفسخ شالها وتلفه على رقبته ...
آيا : ليـه كل مره اذا قعدت معك حسيت انك اكيرا .. ليه تشبه اكيرا بهذا الشكل ؟؟ حتى وانت نايم تشبه اكيرا ... كأنكم اطفال ...
وتحط آيا يدها على شعره وتمسح عليه ...
آيا بابتسامة : عرفت احساس اكيرا بالثلج لكنـ.. ودي اعرف احساسك انت بعد ....
ثم تنسدح مثله .....
آيا : اندو .. ليتني اعرف من هذي البنت اللي خلت الحساس يتعب ... ليه ما تحس فيك ؟؟ ليتني اقابلها واقول لها انك مخلص .. واني ما قد شفت مثلك في حياتي ... ودي اقول انك افضل شخص ..... و تعجبني كثير ...
ثم غمضت آيا عيونها ....
آيا بدت تلحن لحن اغنية .. ثم سكتت .... تمد يدينها على الارض ..
آيا : ملل .. ما احب اجلس كذا ... لكن وش اسوي اذا نمت .. وانا غصب تكفلت بك .... اندو .. صارحني انت ليه ما تثق فيني ؟؟ ما تقول لي عنك شيء ؟؟ انا دائماً اعلمك عن أي شيء يحصل معي ... فليه ما تعلمني شيء ؟؟ ......... اندو .. الصراحة اذا شفتك حسيت بفرح .. واذا ابتسمت في وجهي احس بحنانك ... ولما اتكلم معك ودي تكون الدقيقه سنه ... واذا جلست معك .. واذا جلست معكـ... حسيتـ... ان نبضات قلبي تزود .. ما ادري ليه ... لكنـ.. احس براحة وشوي بارتباك ... ما اعرف .. لكن هذا احساس لا يوصف .. لو اني اعرف اكتب مثلك واعبر في كلامي ... كان قدرت اعبر ولو بشوي .. لكن انا فاشله .. فاشله في التعبير .. لدرجة اني ما عرفت وش اعبر لاكيرا قبل ما يروح واعبر ليونا قبل ما تروح ولا اخليها تبكي .. والحين اتكلم معك وانت نايم ... هذا لان ما عندي أي شجاعه اني اقول لك هذا الكلام ..... ما ادري ليه انحرج من هالكلام مع انه شيء زين ... تدري اندو ؟؟ انا انانية .. لاني ما بعد ساعدتك على انك تلقى لك رفيقه .. لاني خايفة انك تتركني لحالي وتلهى معها ... انا انانية لاني احب نفسي كثير ... انا انانية .. لاني ابي الكل حولي دائما ولا ابي افارقهم ... كأني ابي املكهم لنفسي وبس ... اندو ؟؟ هو هذي انانية وإلا لاني احبهم ... ؟؟ ...
ثم يتحرك اندو ويحط يده على يدها ... آيا تفتح عيونها وتلتفت عليه ...
آيا بروعة تشوف في وجهه : اووووه نايم اشوى احسبه سمعني ..
ثم تشوف يده وهو ماسك يدها ...
آيا تبعد يدها بسرعة : وش هذا الاحساس اللي جاني ؟؟
وتحط يدها على قلبها ...
آيا : رجعت تتسارع نبضات قلبي ...
ثم ترفع راسها للسماء وتعاتب نفسها وهي تقول : آآآآآآه آيا وش اللي قاعده تقولينه طول هالوقت ... الظاهر اني اشتقت لاكيرا .. من جد ... ياااه السماء مليانه نجوم .. وين نجمي الكبير اشتقت لك......
ثم شوي تناظر السماء بتأمل : هذا المنظر يذكرني بذاك اليوم ..
وتغمض عيونها .....
تتذكر آيا ... اقتباس من (( الفصل التاسع – الجزء 3 ))
آيا ترفع راسها للسماء ....
آيا : قلت لك ما فيه شيء اسمه مستحيل ...
اكيرا يلتفت عليها : وشو ؟؟
آيا : كنت اعتقد انها النجوم لكن الحين عرفت انها الثلوج ...
ويتساقط عليهم الثلج ....
اكيرا يرفع راسه : يعني السماء ما كانت صافيه وصارت الثلوج كانها نجوم ...
آيا ترفع يدينها : ياااه يجنن كنه قطن ...
وتلتفت على اكيرا .
آيا : وش احساسك ؟؟
أكيرا يبتسم : احساسي ما يوصف .... تعرفين ليه ؟؟
آيا : ليه ؟؟
أكيرا : لانك انتي احساسي ..
......
ثم تحس ببروده على عيونها .. تفتح عيونها وتشوف الثلج يتساقط ...
آيا : اثلجت .... اثلجت ... يااااه اخيرا بدا موسم الثلج الكثيف ...
تلتفت آيا على اندو وتشوف قطعة ثلج تنزل على عين اندو وتتحول لسائل كأنها دمعه ....
آيا تشوف هالمنظر وتتكلم بهدوء : انـــدو .... صايره الثلجه كأنها دمعه على خدك ..
تمد يدها وتحطها على خده وهي تمسح الدمعه ...
آيا تتذكر اقتباس من (( الفصل العاشر – الجزء الثاني ))
يفتح اندو الورقة ويبدا يقراها بصوت مسموع :
ياقلب لاتشكي همومك على الناس
ماكل شخص(ن)يعذرك في مصابك

لاتسكب الدمعه على خد حسـاس
ولا تحرق اوراق الزهر في عتابك

ولا تضيق الصدر المولع بالانفاس
ولاتقطع عروق(ن)بكت عند بابك

ياقلب والله مابقى بعيني نعـاس
يومك شكيت الحب محد(ن)درا بك

النار ماتحرق سوى رجل من داس
واللي كواه الحب يفهـم خطابـك

قبلك شرب مجنون ليله من الكاس
واليوم نفس الكاس تسقى شرابك

ياقلب اعرف معدنك معدن الماس
توفي الحبيب الروح لو هو رما بـك

ياقلب خلك بالشدايد قـوى بـاس
لا تلتفت للجرح لوهـو سطا بـك

ياقلب لا تسقي عروقك من الياس
وخل الامل والصدق دايم زهابـك

مادام طاحت فاسك اليوم بالـراس
اعذر جميع الناس واخفي عذابـك .......

آيا تصفق : واو واو واو كلام اكثر من روعة يا اندو ....
ويسكت اندو حتى بدون ما يبتسم ...
........
آيا وهي تناظر في وجهه بحزن : (( لا تسكب الدمعه على خد حساس )) ... اندو اعتقد اني اخيرا فهمت وش معنى كلامك .... اخيرا بديت افهم احساسك .. لكن في نفس الوقت اتمنى ما يصح فهمي لكلامك هذا .... لانه يحزنني .... انا شكيت همومي عليك .. انا دست على النار وكواني الحب ... لكن انا قدرت اغلب هذا الاحساس اللي تكلمت عنه انت في شِعرك .... لكن .. لكن انت كنت تخاطب نفسك يا اندو ... صح ؟؟ انت بكيت يا اندو .. صح ؟؟ ليه ما تبي تشكي همومك ؟؟ ليه تقول ان محد درا بك مع اني كنت ادري لكن انت ما خليتني اقدر اساعدك في ذاك الوقت .... ليه توفي هالحبيب اللي رماك وتركك وخلاّك تتعذب عشانه ؟؟ ليه تخفي عذابك ؟؟؟ ليـــه يا اندو ؟؟ ليه وصل حالك انك تطيح ساكت بسبب الارهاق النفسي ؟؟ ليه بديت اقلق عشانك ؟؟ ليه صرت كذا يا اندو ؟؟ قول ...
وتنزل منها دموع ..
آيا تمسح دموعها : آآه بس لو اعرف من هالبنت الحقيره اللي ما عندها احساس ... والله لا اوريك فيها .. انا راح امسح دمعتك وانزل دمعتها ..

تبعد آيا يدها عن خده وتقوم توقف .. ترفع راسها ..
آيا : راح يكثر الثلج ... لكن وش اسوي باندو ....؟؟
تمشي شوي وهي تفكر وش تسوي ...
آيا : اقومه واخليه يمشي ؟؟ لا لا الولد تعبان ومرهق ما ابي اخرب عليه نومته ... طيب اشيله على ظهري ؟؟ لا لا بيصير ثقيل ... ما يهم بأقدر اشيله .. لا لا لا يا آيا شلون بيكون شكلك قدام الناس ... بنت شايله ولد كبرها .... نو نو نو بيصير المنظر محرج ... آآآآه اصلا السياره بعيده ولا اقدر حتى اقربها .. باتطيح اكتافي قبل ما اوصل للسياره .. نو نو نو فكري زين يا آيا ..
آيا وهي تفكر بعمق : امممم بس جتني فكره جهنمية ...
وتروح آيا ترقى للممشى وتتلفت وتشوف ذاك الرجال الطويل العريض يتمشى في الممشى ...
آيا : هذا المطلوووووووب .... يس ...
وتروح آيا وتوقف قدامه وبدأ التمثيل ....
آيا تتدلع في كلامها : لو سمحت ... ممكن تساعدني ؟؟
وتحط يدينها على بعض : تكفى .... انا محتاجتك ..
الرجال بدا يخق معها : وش تبين وانا كلي لك ......
آيا : ابيك تساعدني في حمل ...
آيا توقف عن كلامها وبدت تتكلم في نفسها : حمل ؟؟ وش اسمي اندو ؟؟ لو اقول ابوي بتنكشف كذبتي شلون ابوي يصير كبري هذا متى متزوج ؟؟؟ لا لا ... طيب لو اقول حبيبي ... لاااااااااااااااااا ... اخاف يرميه ويروح ... نونو نو ... اقول .. اقول ايش ؟؟
الرجال : يا انسة ؟؟
آيا تنتبه : آآه نعم ؟؟
الرجال : من تبيني اساعدك في شيله ؟؟
آيا : اخوي ... ايه اخوي اللي نعيش لحالنا مع بعض بعد ما توفو والدينا وصار هو المسؤول عني ... اخوي بالنسبه لي اخو وابو وصديق ... وانا ما عندي حتى الرفيق .... و الصراحة اخترتك بالذات من بين الناس .. لانك .... لانك من النوع اللي يعجبني .. يوه بديت احس بالاحراج ....
الرجال وهو من جد خاق : وين اخوك واذا بغيتي اشيله لين بيتكم ...
آيا : ما يحتاج لين بيتنا ما ابي اتعبك بس لين السياره .......
وتروح آيا وهالرجال لاندو ويشيله ...
آيا : تكفى بهدوء عشان ما ينزعج منك بعدينـ...
الرجال : اكيد راح اشيله بكل هدوء .....
ويوصلون للسياره ويرّكب الرجال اندو ورا وآيا تركب في مكان السواق ......
الرجال يعطيها ورقه : هذا رقمي ...
آيا : مشكور ..
الرجال : انا في الخدمه ..
آيا : تسلم .. مع السلامة ...
الرجال : مع السلامة ....
آيا تمشي شوي بالسياره وتلبق .... تفتح الدريشة وترمي رقم الرجال ...
آيا : من جد ناس ضايعه ... يحسبني بأكون له ... والله اعتقد ان أي بنت بيشوفها مثلي راح يسوي نفس الحركة ... المهم اني استخدمته ههههه..
وتسكر الدريشة وتقعد تشوف السماء ثم تلتفت وتشوف اندو في المرتبه الخلفيه منسدح ...
آيا : اندو ... الدنيا تثلج ما ودك تقوم وتعلمني وش احساسك ...... ؟
وتبعد انظارها عنه وتسدح مرتبتها .. وتقعد تشوف السماء ...
آيا :
Every now and then, we find a special friend
Who never lets us down
Who understands it all, reaches out each time we fall
You're the best friend that I've found
I know that you can't stay, but part of you will never ever go away
Your heart will stay

(Chorus)
I'll make a wish for you and hope it will come true
That life will just be kind, to such a gentle mind
If you lose your way, think back on yesterday
Remember me this Way
Oooooo Remember me this Way

وهي تغني تغمض عيونها وتغفو ....
الساعة الان 4 الفجر :.
اندو بدا يفتح عيونه .....
اندو : سياره ؟؟ انا في سياره ؟؟ ..
ويفز ويتلفت ...
اندو : سياره ؟؟؟!!! ....
ويلتفت ويشوف آيا نايمة ...
اندو يرتب افكاره : لحظه .. لحظة .. وش القصه ؟؟ انا كنت مع آيا عند النهر نسولف وفجأه ... آآآآه انا نمت ؟؟؟؟؟ طيب اذا كنت نمت عند النهر شلون وصلت للسياره ؟؟ آآآآه آيا هي اللي نقلتني للسياره ؟؟ يووووه وش هالفشيله يا خزيااااه ...
ويشوف الدريشة ...
اندو : كان فيه ثلج .... اها عشان كذا احنا في السياره ...
ويلتفت على آيا ويشوفها متكتفه وواضح انها بردانه ....... يفسخ جاكيته ويقرب من عندها ويحطه عليها ...
اندو : آيا اثلجت .... ما ودك تعرفين وش احساسي وهي تثلج ؟؟
يبعد اندو عنها ويحول من السياره ... شوي وآيا فتحت عيونها .. ثم تشوف الجاكيت عليها .. تفز وتلتفت على المرتبه الثانيه ...
آيا : اندو ؟؟ وينه .....
ثم طلت مع الدريشة وتتلفت يمين يسار ... ثم شافت الساعة ..
آيا بدت تتحجر الدموع في عيونها : معقوله راح وخلاني زي ما سوى ذاك العام ... معقوله تركني في آخر الليل لحالي ؟؟ معقوله يروح حتى بدون ما يقول لي شيء ؟؟ ..
.. اندو يطق الدريشة اللي من جهتها ..
آيا تلتفت : اندو ؟؟
وتفتح الباب وتنزل ...
آيا تمسح دموعها : وين رحت وخليتني لحالي ؟؟
اندو : رحت اجيب سيارتي وعلى طول رجعت .. ولقيتك قايمه ...
آيا : صدق ؟!
اندو يناظر في عيونها : آيا كنتي تبكين ؟؟
آيا ترفع عيونها عشان ما تنزل الدموع : لا وعلى ايش ابكي ..
اندو : آيا انتي خفتي اني رحت وخليتك ؟؟
آيا : مو على انك رحت وخليتني ... يعني بالمنطق فيه احد يترك بنت نايمة وفي آخر الليل في سيارتها لحالها ....؟؟
اندو بأسف : آسف آيا بس ما توقعت انك بتقومين عشان كذا قلت اني منب متأخر والسياره مو بعيده ..
آيا بابتسامة : لا خلاص صدقتك ... بس مره ثانيه قومني لا تتركني نايمة ...
آندو : اوكي .. الا صح ...... آسف لاني امس نمت فجأه وخليتك تبلشين بي ....
آيا : لا تتأسف انا افرح انك تنوم اذا صرت معي ... معناه انك تكون مرتاح ... وهذا شيء يسعدني ...
اندو يشوفها باستغراب ...
آيا : صح اني بديت احس بالطفش لاني احب اتكلم معك .. لكنـ.. في نفس الوقت كنت فرحانه ... ما ادري ليه ... مع انك نايم لا تحس ولا تسمع للي كنت اقوله ....
اندو : للي كنتي تقولينه ؟؟
آيا : ايه كنت اتكلم واسولف بس انت نمت وخليتني اكلم نفسي خخخ .....
اندو سكت منحرج: ....
آيا : يالله انا استأذن بروح لبيتنا تأخرت ..
وتوها بتركب السياره .....
استوقفها اندو : آيا انتظري ..
آيا تلتفت : نعم اندو ....
اندو : ممكن تروحين معي لمكان ... ؟؟
آيا تشوف ساعتها : مكان في هذا الوقت ...؟؟

اندو : لان هذا احسن وقت لذاك المكان ... انا متأكد انه راح يعجبك ...
آيا بابتسامة : ما راح ارفض ..
وتسكر آيا سيارتها وتركب مع اندو ...
أندو : ابيك مغمضة عيونك طول الوقت ....
آيا : اسكر عيوني ؟؟!
اندو : ايه سكريها الين اقولك افتحي افتحيها ....
آيا تهز راسها : طيب.. وسكرت عيونها..
ناظرها اندو بابتسامة حرك سيارته الى ان وصلو للمكان وآيا ما زالت مغمضة عيونها ...
اندو : وصلنا ..
آيا تلتفت عليه : يعني افتح عيوني ؟؟
اندو : لالا انا بفتح لك الباب وامسكك عشان تحولين واذا جا الوقت المناسب قلتلك تفتحينها..
آيا : طيب .. والله حمستني افتحها..
ضحك اندو ونزل وفتح لها الباب ومسكها عشان تنزل..
أندو يوقف ومسكها مع اكتافها وقدمها قدامه ..
آيا تمشي بحذر..
اندو : لما اعد الى الخمسه افتحي اوكي .........
آيا تهز راسها بالموافقه..
اندو: واحد .. اثنين .. ثلاثه .. اربعه .. خمسه ...
آيا فتحت عيونها ..
آيا منبهرة : وااااااو .. منظر روووووووووووووووووعه ..
التفتت عليه والابتسامة شاقه وجهها : وين احنا يا اندو ...
اندو يوقف جنبها مبسوط : هذا شروق الشمس .. وش رايك بمنظر الشمس الساطع على النهر ... واللي يضيء لنا الحياة ...
(( طبعاً هو مكان على النهر من جهه ثانيه ما يكون قدام ناظرهم الا النهر والشمس تشرق وهي ساطعه عليه وما فيه مباني قدامهم )) ..
آيا : اجمل منظر شفته في حياتي .... يااااه لو اقعد طول الوقت وانا اشوفه ما راح امل ....
اندو : هذا المكان مكتشفه من فتره .... عجبني منظر الغروب فحبيت اوريك الشروق لاني اعرف انه بيكون اجمل ....
آيا تستنشق الهوى : ياااااااااه النسيم هنا صافي وبارد ومنعش ...
اندو يشوفها بابتسامه ثم يلتفت على النهر ...
آيا تلتفت عليه : اندو ... شفت هذي الشمس .....
اندو : ايه ...
آيا : هذي الشمس كأنها انت .... وهذا النهر كأنه انا .... كل ما صرت في ظلام تجي انت وتنور علي دنيتي .. فتروح كل الظلمات اللي فيني واصير صافيه ما فيني هموم مثل منظر النهر الازرق الصافي ....... وكل ما غبت ترجع لي ظلماتي ....
اندو توتر مو مصدق اللي يسمعه : .....................
آيا تلتفت عليه : مو صح ..
اندو ضاعت علومة : هه ايه صح ما شاء الله عليك عندك مواهب تعرفين تشبهين زين ...
آيا انحرجت : شكرا من بعض ما عندكم ...
اندو بدا يحس بحراره من التوتر : تعالي خلينا نجلس هنا << اشر لها على كرسي قريب منهم...
آيا راحت تجلس وهي ساكته حست انو مافيه موضوع تفتحه ..
تكلم اندو بدون ما يناظرها : ما عندك مواهب ثانية....
آيا تفكر : آآآآآآآآآآآه الا عندي اشوى انك ذكرتني ..
التفتت عليه : انا كتبت كلام من زمان كل مره بأقولك اياه لكن انسى ..
اندو تحمس : وش كاتبه عنه ؟؟
آيا بهدوء : عن اكيرا ...
اندو : ...
آيا ابتسمت : تراني حافظته ؟؟ ما ودك تسمعه؟؟
اندو : اكيد ابي اسمعه اذا ما يضايقك؟؟؟
آيا متحمسه : لالا ابدا ما يضايقني اصلا انا كنت ابي اقوله لك بس انسى و حلو انك ذكرتني فيه الحين..
اندو ابتسم لحماسها : قولي راح اتمعن في كلماتك ...
آيا : طيب ... اسمعني بعناية ..
رفعت راسها للسماء ثم تتنفس ونزلت عيونها على النهر : تغيب وتبتعد لكن غلاك بناظري ما غاب .... تعيش بداخلي آخر قصيده عطرها انفاسك ... غلاك إن جيت والا رحت لو اكتب ما كفاه كتاب .... وحبك داخلي ورده سقاها العمر باحساسك ... أحبك يا هوى عمري أحبك والغرام أسباب ..... حبيبي كل هالدنيا تضيع بلحظة غيابك .....
وآيا نزلت راسها ثم شافته وابتسمت بسمه حزينه : وش رايك ؟؟
اندو يصفق لها بحراره : روعة يا آيا ابدعتي ....
وفي نفسه يقول : طلع الكلام من الخاطر ... عند ذكر حبيب الروح !
آيا تناظره بامتنان : شكرا اندو ..
اندو باستفهام : على ايش تشكريني ؟؟
آيا بابتسامة صادقه : اشكرك لانك سمعتني ... لان ما فيه احد سمع كلامي هذا .. الا انت ....
اندو من الارتباك وقف : هه عادي احنا مثل الـ.. الـ..
آيا تكملها وهي توقف جنبه : مثل الاخوان صح ..
اندو يكلمها بدون ما يشوفها : صح .. صح مثل الاخوان ..
اندو يلتفت عليها يصرّف : اقول آيا اذا كنتي تكتبين مثل هالكلام المعبر .... معناته انك تعرفين تكتبين اشياء كثيره ..
آيا تتقدم للنهر : من اول كنت اعرف ... في ايام المتوسط و الثانوي لما اطفش من الدرس افتح آخر دفتري واكتب أي شيء يخطر في بالي ...
اندو يتكتف : والحين ؟؟
آيا تلتفت عليه ويهب شويه هوا يطير شعرها ...
اندو في نفسه : ياربي شكلها فاتن كذا مع شعرها صايرة اميره ..
آيا : تركت هالعاده من التقيت باكيرا ويوم فارقته صرت اكتب مثل اول ...
اندو مفهي : .......
آيا : اعتقد اني اعرف اعبر عن الشيء اللي يحزنني لكن اللي يفرحني اعجز ..
اندو انتبه لنفسه فقال باهتمام : انتي عندك الكلام اللي كنتي تكتبينه من قبل ؟؟
آيا تحط يدها على ذقنها : اممم ... اعتقد لاني ما ارمي دفاتري واحفظها عندي .....
اندو : تقدرين تجيبين لي كلامك اللي كنتي تكتبينه ؟؟
آيا ابتسمت : اوكي راح ادور في كل دفاتري عشانك ...
اندو انحرج : شكرا ...
آيا : ليش تشكرني المفروض انا اللي اشكرك ... لانك تهتم للي اكتبه ...
اندو ابتسم ....
آيا قربت منه : ماودك يا اخ اندو نرجع ..
اندو : براحتك يالله مشينا ..
مشو الاثنين وركبو السيارة ووصلها للنهر شكرته ثم راحت تركب سيارتها و افترقو كل واحد راح لبيته ...
بعد 10 دقايق:.
وصلت آيا لبيتها وعلى غرفتها مباشرة ...
لما دخلت على طول رمت الشنطه على مكتبها وانسدحت على السرير : ياااااااااااه اليوم يوم حلو منظر الشروق كان رايق ...
انقلبت على جهة المكتب وشافت دفترها فزت من سريرها : دفاتري وين حطيت دفاتري .. ؟؟
جلست على السرير تفكر : امممم اشيائي حقت الثانوي وين حطيتها ؟؟
ومع عصر المخ تذكرت انها جمعتهم في كرتون وحطتها فوق دولاب اختها جولي ..
آيا : كويس اذا جا بكره قلت لجولي تنزلها لي .. اروح اغير وافرش اسناني وانااااااام ياربي ما فيني حيل ..
وهي متوجهه للحمام شافت نفسها قدام المراية ...
آيا تحط يدها على فمها : يوووه كيف نسيت جيكيت اندو معي ؟!
فسخته وحطته على الكرسي ...
آيا بابتسامه : راح اغسله واعطره واقدمه لاندو كشكر ...
بعدها غيرت ملابسها و فرشت اسنانها وراحت في سبات عميق ......
وفي الجهة الاخرى :.
دخل اندو لغرفته وتوجه للدولاب يغير ملابسه لقى شال آيا لازال عليه ....
اندو باحراج : يوووووه كيف نسيت شالها علي ؟؟ ...
فسخه و شمه وبعدها ضمه : عطرتيني و دفيتيني به طول الليل ... راح انظفه و اعطره باحسن العطور وارده لك كشكر ....
ابتسم لتفكيره .... وكمل تغيير ملابسه و فرش اسنانه ونام ..
الساعة 2 الا ربع ظهرا :.
في غرفة ماري:.
ماري وهي تمشط شعرها قدام المراية : ياربي لين متى هالحالة الكئيبه ؟؟انا لازم اكلم ماما والله طفشت..
حطت الفرشة على الكمدينه ونزلت تحت... شافت امها جالسة في الصاله تقرا مجلة ... توجهت لها وجلست جمبها مسكت الريموت وفتحت التلفزيون ..
الام شافتها : ماري وش فيك؟؟...
ماري بهدوء : ما فيني شيء..
الام: الا فيك مو من عوايدك تجين وتجلسين بدون اي كلمة..
ماري : كنت افكر ..
الام : تفكرين في ايش ؟؟
ماري تلتفت على امها : ماما ... ابوي راح للعمل اليوم ؟؟
الام تهز راسها : ايه هو كل يوم يروح ..... يعني هي غريبه ؟؟
ماري تقرب من امها زياده وتمسك يدها : لا مو كذا قصدي ... الصراحة يا ماما ... ودي اطلب منك شيء ...
الام باستفهام : وشو ..؟؟
ماري : ابوي ما راح يرجع اليوم الا بوقت متأخر .. عشان كذا .. ابي اطلع ....
الام : وين بتروحين ؟؟
ماري بضيق : باتمشى ... مليت من القعده في البيت ....
الام حاس ببنتها بس وش تسوي : ........ طيب اخاف ابوك يرجع مايلقاك وبعدها وش بيصير فيك..
ماري : ماما ان شاء الله برجع قبل لا يجي بابا بس الله يخليك اسمحي لي اطلع..
الام: طيب عشانك ... خلاص روحي الحين لكن ترجعين قبل ما تغرب الشمس ...
ماري توقف بفرحه : اببببببببشري ....
تطلع ماري لغرفتها ركض تبدل ملابسها وتطلع وتركب سيارتها ....

ماري مبسوطة تحرك سيارتها وعلى بيت آيا ...
وبعد ما وصلت وقفت عند الباب : آيا اشتقت لك ....
رفعت يدها ترن الجرس وبعد شوي انفتح الباب ..
ماري مبتسمة : مرحبا.....
جولي مو مصدقه : ماري ؟؟
ماري تهز راسها : ايه بشحمها ولحمها .. كيفك جولي ؟؟
جولي تميل فمها وتتكتف : وش جاية تسوين ؟؟
ماري متعجبه : جولي وش هالاسلوب ؟؟
جولي منقهره : وش تبيني آخذك بالاحضان ؟ ولا افرح بجيتك بعد ثلاث سنوات غياب حتى بدون ما تسألين او تتطمنين ؟ ..باللهي عليك تسمين نفسك صديقه ..
ماري ضاق صدرها : لي اسبابي ..
جولي : اصلا معد صار لك عذر .. اقل شيء تدقين عليها ....
ماري بدت تتضايق : جولي اللي بيتكلم معك راح يتعب ...
جولي : وش قصدك ..
ماري : ما اقصد شيء بس ممكن تنادين لي آيا والله مشتاقه لها..
جولي: آيا نايمة الحين ...
ماري توقعتها تكذب فقالت اجاريها
ماري : طيب بليز قوميها عشاني تكفين ابي اشوفها ضروري ...
جولي : ماريـ...
ماري برجاء : جولي بليز ..
جولي : طيب طيب .. انتي ادخلي اجلسي على بال ما اقومها وتنزل لك.....
ماري بامتنان : مشكوره جولي ..
دخلت ماري وجلست في الصاله .. وجولي رقيت فوق لغرفة آيا عشان تصحيها ...
ماري تتفرج على البيت : يااااااااه من زمان ما دخلته ومن زمان ماشفت اهله .. حطت عينها على الدرج : ياترى هل آيا بتصير كذا ردة فعلها مثل اختها جولي ..
حاولت تشيل هذي الفكره من راسها : لالا انا اعرف آيا بتعذرني صديقتي وانا ابخص بها ..
في غرفة آيا:.
دخلت جولي بكل قوتها تقوم آيا من النوم : آيا .. آيا ..~~
آيا وهي مغمضه وفيها النوم : خيييييير .....
جولي : قومي قومي تحت فيه شخص من زمان ما شفتيه يبي يقابلك ....
تفز آيا من السرير : شخص من زمان ما شفته ؟؟
جولي : ايه ....
آيا بلهفة : مين ؟؟
جولي وهي واقفه عند الباب : حولي وشوفيه من نفسك .... مهمتي انتهت .....تطلع وتتركها في تفكيرها ..
آيا في نفسها : مين يا ترا ؟؟ لا يكونـ...
وبعد هالتفكير لا اراديا فتحت الباب ونزلت تركض وهي بالبجامة .. لما وصلت آخر الدرج شافتها وهي معطتها ظهرها كانت جالسة .....
آيا : مـ..ماري؟؟
تلتفت ماري عليها ثم توقف .. تركض لها وتضمها : آيا وحشتيني ..
آيا فرحانه بشوفتها بس ما بينت : وش اللي ذكرك فيني يا ماري ؟؟!!
ماري : اصلا ما نسيتك عشان اتذكرك .. والله آسفة ... آسفة يا آيا على قطعتي هذي .... لكن والله معذوره ...والا انا من زمان كنت ابي اجي لك ...
ثم تبعد ماري عنها ....
آيا : طولتي الغيبه يا ماري ... على الاقل كان اتصلتي بي ؟؟
ماري تمسكها مع اكتافها : راح اقولك كل شيء ..بس مو هنا ؟؟
آيا : وين ؟؟
ماري : نطلع نتغدا مع بعض وهناك بأقولك عن كل شيء حصل .....
آيا تهز راسها : طيب ..
ماري طايره من الفرحه : راح اوديك لاحسن مطعم في طوكيو و على حسابي كمان ...
آيا ابتسمت : دقايق ابدل ملابسي وانزل ... يا ليت تنتظريني شوي ..
ماري تأشر على عيونها : من عيوني الثنتين ..
وتروح آيا وترقى فوق ..... تلتفت على غرفة جولي وتروح وتدخل ..
آيا تطق الباب ..
جولي: ايوه ادخل ...
دخلت آيا مبتسمة ..
جولي تناظرها باستغراب : آيا ..
آيا : جولي ودي اطلب منك طلب..
جولي : اطلبي ..
آيا تأشر على كرتون فوق دولاب اختها : شفتي هذا الكرتون ابيك تنزلينه بتلاقين فيه دفاتري حقت الثانوي ..ابيك تكفين تفتحين اوخر الدفاتر حقتي بتلقين فيها كلام امزعي الاوراق ودبسيها ابيها الحين .. بروح البس واجي آخذها منك..
جولي : انتي بتطلعين ؟؟
آيا : ايه بروح اتغدا مع ماري ....
جولي في نفسها : يا طيبتك يا اختي
جولي : طيب .. خلاص الحين انزلها..
آيا قبل ما تطلع التفتت عليها : مشكورة جولي ..
ابتسمت جولي وتروح آيا لغرفتها وتغير ملابسها
آيا تناظر نفسها في المرايه : يوكي تحقق كلامك .. هالاجازة فيها مفاجآت كثيره .... اندو ثم مورا والحين ماري ..
ابتسمت وهي تشوف نفسها : من جد انا سعيده لعودتك يا ماري .. بعد ربع ساعه خلصت آيا وتجهزت راحت لغرفة اختها جولي..
آيا: جولي خلصتي ..
جولي وهي تدبس الاوراق : ايه خلصتهم ..
تمد لها الاوراق : خذي ..
آيا وهي تاخذها منها : الله يعطيك العافية ...
جولي : الله يعافيك .. يالله لا تتأخرين على البنت تراها تستناك تحت ولا نسيتي ..
آيا تاخذ الاوراق وتحطها في ملف وتدخلها في شنطتها : لا ما نسيت يالله مع السلامه.... و تكفين خبري امي وابوي ..
جولي : طيب مع السلامة..
طلعت آيا ونزلت تحت ..
شافتها ماري : يالله نمشي..
آيا: لايكون تأخرت عليك..
ماري : لا ما تأخرتي ولا شيء .. يالله بس خلينا نطلع ..
طلعو البنات وتوجهو لاحسن مطعم مثل ما قالت ماري..
ماري وهي تجلس على الكرسي : الصراحة ما كان ودي ان تكون حالتنا بهالشكل ... يعني ثلاث سنوات ما نشوف بعض ولا نقدر نتصل على بعض على الاقل .. احزني هالشيء كثير ...
آيا : وش اللي منعك ؟؟
ماري : من ذاك اليوم اللي سافر فيه اكيرا وانتي رحتي .. ابوي شدد المراقبه علي بشكل ... ابوي شديد كثير .. وحتى في السنه الاولى من سفر اكيرا ما كنت حتى اقدر اتصل على اكيرا ولا أي احد مرتبط باكيرا او بك .... اخذ جوالي مني وشرا لي جوال ثاني .... راقبني عن طريق النت حتى .... يخاف اني اتكلم مع اكيرا او انتي بالايميل ... حسيت اني كأني في سجن .... لدرجة اني بديت اكره ابـ.....
تقطع آيا كلامها : لا تكملين ... يكفي اللي قلتيه يا ماري ... عذرتك ...
ماري بدت تتحجر الدموع في عيونها : آيا انا مو بس ابيك تعذريني ..... انا اشكي لك ... لاني ما قدرت القى احد يسمع لي ... الصراحة بعدك انتي واكيرا عني خلاني كثير من الليالي اصيح احس اني بديت ارحم نفسي على الحاله اللي انا فيها ... وبعد لما افكر فيكم انتم يالاثنين احس الدنيا قاسيه ... قاسيه كثير ... ولما افكر في ان المسبب الاكبر هو اخوي نيزو .. ولما اشوف ان اللي فرقكم عن بعض هو ابوي ... اقول في نفسي ليتني ما عرفت عائلتي وعايشة مع اللي تبناني بهناء بعيده عن المشاكل بعيده عن الظلم ... احسني صرت بالنسبه لابوي مثل الآلة يقول روحي يمين اروح يمين يقول روحي يسار اروح يسار ... كل شيء سمعاً وطاعة .... بديت احس اني مملوكه ماني حره ... ما اقدر اقابل احد.. و كل يوم كل يوم ادرس وادرس وبس .. انا على هالحالة من ثلاث سنوات .....
وبدت ماري تصيح : انا ودي نرجع زي اول ... انا وانتي واكيرا .... ارجع اعيش مع اكيرا اقومه كل يوم بنفسي تجين انتي واشوفك طول الوقت ومتى ما بغيت نجلس انا وياك على النهر ... المكان اللي تعودنا نجلس فيه كثير من وقتنا ... نتكلم عن ذكرياتنا .. نضحك سوا .. نبكي سوا .. نشيل هموم بعض ... تبقى صداقتنا قوية .... وانا بعد حبيت راي ويونا .. وحتى اصدقاء اكيرا ... توما ومورا وسوما ... في كل مره اشوف صورتنا الجماعية في بيت اكيرا ... اتمنى الف مره لو نجتمع مع بعض زي ذاك اليوم ...
آيا ترفع عيونها لفوق عشان ما تنزل دموعها .....
ماري : آسفة آيا .. اني اجي بعد هالفتره الطويله واقولك مثل هالكلام .... انا .. هذا لاني .. لاني .. محتاجه لك ... محتاجه اجلس معك وقت طويل .. نسوي فيه كل شيء ...... محتاجة اتكلم معك .... محتاجه احد يسمعني ........
آيا : ماري ليه تمنيتي انك ما رجعتي لاهلك ؟؟
ماري : زي ما قلت لك ....

آيا : ليه بس تتذكرين الاشياء السيئه .... ليه ما تتذكرين انك يوم رجعتي عشان تدورين على اهلك اننا انا وياك رجعنا صديقات مثل اول ... ليه ما قلتي على الاقل قدرت اشوف اكيرا ...... قدرتي تشوفين امك ... قدرتي تلتقين باشخاص كثيرين .. زي ما قلتي ضحكنا سوا وبكينا سوا وعشنا وقت كان بالنسبه لي اجمل لحظات حياتي ..... ليه ما قلتي الحمد لله اني قدرت اعيش معهم ذيك اللحظات ... اسمعيني يا ماري ... انا واكيرا كنا نعرف انه بجي يوم ونتفرق لكن ما خلينا كل ايامنا اكتآب وبس شايلين هم فضيحتنا .. عشنا وقتنا كامل .... سوينا كل شيء سوا ... اكيرا ترك لي ذكريات ما راح انساها طول عمري ... ليه ما قلتي راح اتذكر اجمل ايامي مع اصحابي واخوي ... ماري .. علمتني الحياة ان مو كل شيء تبينه يحصل لك وانتي جالسه في مكانك .. ما راح يحصل الا بالعمل والاجتهاد ..... عشان كذا انا اللي علي اني اعمل باللي اقدر عليه واني احاول اني اعيش الوقت باكمله ... بعد ما فارقت اكيرا ما خليت حياتي كلها جحيم ... لاني اعرف لو وصل هذا لاكيرا راح يحزن .... عشت بامل .. بتمني .. بذلت جهدي عملت كل اللي اقدر اسويه .. ما وقفت لان قدامي طريق طويل ...... انا يوم ورا يوم اخطو خطوه للامام .. ما راح اندم على اي شيء حصل لي في الماضي ... الخطأ اللي سويته في الماضي عهدت مع نفسي اني اصححه في المستقبل ....... عشان كذا يا ماري .. عيشي بتفاؤل ... ابذلي جهدك .. وصححي خطأك .....
ماري تبتسم وهي تمسح دموعها : ما ادري اقول آسفة ولا شكرا .. آيا ... احس الحين اني مرتاحة من الكلام اللي قلتيه لي .... بس المهم اني بالتقي معك كثير في الايام الجاية .... ابوي كان مشدد علي المراقبه لكن الحين خلاص معد صار احد يراقبني لانه شافني بس لم الدراسه .. ما درى اني انتظر الفرصه هذي عشان اجي واقابلك .... قال لي اندو انك تجين في الاجازات الطويله مثل الاجازة الصيفية وهذي الاجازة ... عشان كذا اخترت يوم يكون بعيد عن عيد ميلادك عشان ما يشكون اني باقابلك ....
وتطّلع ماري من شنطتها هدية مغلفة وتمدها لآيا ...
ماري مبتسمة : صح متأخر .. لكن عيد ميلاد سعيد آيا ...
تاخذ آيا الهدية : شوفتي لك هذي احلى هدية .. ما كان يحتاج تتعبين نفسك وتجيبين لي هدية ميلاد ...
ماري : الا لازم ...
ويجي النادل ويحط الاكل على الطاولة ....
آيا بابتسامة : ياه شكله شهي ..
ماري تشوف آيا وتبتسم ...
ويقعدون ياكلون ..
ماري : معليش ... لكن انا مستغربة شيء ..
آيا : وشو ؟؟
ماري : يعني توقعت انك بتسأليني عن اكيرا .... بس ما اشوفك جبتي طاريه .. او سألتي عن احواله ....
آيا وهي تاكل : هذا لانك قلتي انك ما تقدرين تكلمينه ..... فليش اسألك عن شخص انتي نفسك ما تدرين عن اخباره .....
ماري : يوم يحرمني ابوي من اني اكلمه كان بس في السنه الاولى .. لكن السنتين الثانيات كنت اكلمه ويكلمني ...
آيا تترك الشوكة على الصحن : اكيرا فيه شيء ؟؟
ماري : ما كان كذا قصدي ... لا لا هو بأحسن حال .... انا بس اقولك يعني اني اكلمه .. لكن قليل او بالاصح نادر ....
آيا : ليه ؟؟
ماري : ما ادري لكن يمكن لان ما عندنا شيء نتكلم عنه ... اذا اتصلت عليه طول المكالمة يكون جوابه بايه .. طيب .. لا .... بس .. يعني اسأله عن حاله يقول طيب ... اقول تروح كل يوم للجامعة يقول ايه .. بس صايره اسأله لين نهاية المكالمة ... وبعدها نقول مع السلامة وكذا كل مكالمة ..
آيا : اهم شيء انه بخير .. صح ؟؟
ماري : ايه بخير مره ..
آيا في نفسها : لا ما اعتقد انه بخير ......
ماري : خلينا نغير الموضوع ... شلونك مع الطب .. صعب صح ؟؟
آيا : ايه والله مره صعب ... بس انا اجتهد عشان اقدر انجح .... كل شيء بالاجتهاد ... وانتي شلونك مع دراستك ؟؟
ماري : قسم ممل الصراحة وفي نفس الوقت صعب ويدوخ .. بس ما اعتقد انه بيكون ولا ربع صعوبة قسمك ...
آيا تبتسم : صح ... انا نفسي ما احس ان فيه اصعب من الطب ...
ماري : مرتاحة فيه ؟؟
آيا : ايه والله مرتاحة الحمد لله .... وبعدين كل الطلاب اللي معي حليوين ويدخلون القلب ...
ماري : والسكن زين ؟؟
آيا : ايه مره حلو ومريح ....
ماري : اكيد فيه احد مشاركك صح ؟؟
آيا : ايه اسمها يوكي .. قلبها صاااافي وفضيعة مره ...
ماري : اجل احوالك زينه ؟؟
آيا : مره .. وانتي يا ماري حاولي تلقين لك صديقات يعاونونك في دراستك ويونسونك ... لا تقولين يكفيني آيا حتى لو قلتي انك بتجين تشوفيني انا ما راح اكون دائما موجوده .... عشان كذا صادقي البنات اللي معك .. وترا الجامعة غير الثانوي فيه جميع الطبقات اذا كنتي ما تبين تصادقين وحده بنت عز .. او مغرورة شوفي اللي تناسبك ....
ماري : فيه بنت دائما نجلس انا وياها جنب بعض في المحاضرات اعتقد انها طيبه لان أي شيء ما افهمه تعلمنياه بصدر رحب ....
آيا : حلو ... صادقيها ....
ماري : في الايام الاخيرة قبل الاجازة كنا نتكلم مع بعض كثير اعتقد اننا نقدر نكون صديقات ..
آيا : اجل اذا صادقتيها سلميني عليها وقولي آيا صديقتي العزيزة و تسلم عليك وتوصيك علي ......
ماري : هههههه صرت بنتك انا عشان توصينها علي ..
آيا : هههههههه لا مو قصدي انك بنتي ...
ماري : عارفه عارفه و بقول بعد تراها داخله طب يعني شخصية ...
آيا : ايه ايه امدحيني عندها ...
وبعد ما خلصو من الاكل يطلعون من المطعم ....
آيا : ياااه مره شبعت ...... شكرا ماري الاكل كان فضيع ولذيذ ....
ماري : هذا شيء يسعدني ...
آيا : ما ودك نروح في مكان ثاني ؟؟
ماري تميل فمها : ودي لكن ما اقدر ..........
آيا متعجبه : ليه ما تقدرين ....؟؟
ماري : لازم ارجع للبيت قبل ما يكشفوني ... آسفة آيا ....
آيا : لا عادي ليش تتأسفين ...
ماري معبسه : لاني ما لبيت طلبك..
آيا : انا والله سعيده اني قدرت اشوفك بعد هالسنين ..شكرا ماري لعودتك من جد مبسوطة برجعتك..
ماري: وانا اكثر يا قلبي ..
آيا: اهتمي بنفسك يا ماري...
ماري بابتسامة توقف : طيب اشوفك على خير يا آيا ...
آيا وقفت معها وراحت تضمها : راح توحشيني ...
ماري تبعدها : وانتي اكثر..مع السلامه..
آيا تأشر لها بيدها ك: مع السلامه..
وتطلع ماري بتركب سيارتها ..
آيا تذكرت الاوراق وراحت لسيارتها تجيب الاوراق ثم تلحقها...
و آيا تركض لها في نفس الوقت ماري تشغل سيارتها وتمشي ...
آيا : مااااااري ~~ ماااااااااااااريـ~~~~
ماري تشوف آيا مع المراية الجانبية : آيا؟؟
لبقت على جنب و فتحت دريشة السياره ...
آيا توقف عند الدريشه و هي ماسكة بطنها راكعه تتنفس بقوة..
ماري باستفهام : وش فيك يا آيا؟؟!
آيا تمد لها الملف : ماري عطي هذا لاندو .....
ماري : اندو ؟!
آيا : اذا كنتي تقدرين ...
ماري تاخذ منها الملف : اكيد اقدر ....
آيا : شكرا مقدما ...
ماري : عفوا .. مع السلامة ...
آيا : اهتمي بنفسك ...
ماري تبتسم وتشغل السياره وتروح ....
آيا تبتسم وهي تشوفها : اشوني تذكرت في الوقت المناسب ....
وترجع آيا للبيت وتفتح دفتر يومياتها ....
آيا تكتب كالتالي : اليوم الثلاثاء التاريخ 27 / 11.... وقفت انا واندو نتفرج على منظر شروق الشمس كان منظر رائع لابعد الحدود ... ولما رجعت نمت وقمت على صوت جولي وهي تقول لي قومي فيه شخص من زمان تبين تقابلينه تفاجئت من كلامها سألتها لكن بغتني اشوفه بنفسي .. كانت ماري مر على أخر لقاء لنا في اليوم اللي فارقت فيه اكيرا .. طلعنا سوا نتغدى في مطعم وكان من محور حديثنا المتواصل انها تكلمت عن الفتره اللي عاشتها في الثلاث سنوات اللي فاتت .. كانت حزينه ووحيده وكانت تبكي ... ما عرفت وشلون اطلعها من حالتها .. ضاعت كل حروفي قلت اقل من اللي كان في قلبي .. لكن ما كان ودي احزنها اكثر بكلامي .. غيرنا الموضوع ودخلنا في موضوع اكيرا ..... احزنتني اخباره لانها ما تطمني .. ليه اكيرا صار بارد كذا .. معقولة تغير ؟؟ ... ليه ما سأل عني ؟؟ معقوله نساني ؟؟ اسئلة كثيره تدور في بالي .. لكن اقدر اعرف جوابها اذا قابلت اكيرا ...... يوم ورا يوم اترقب يوم الكريسماس يا ترا بينزل فيه الثلج ؟؟ ... -_- ".......
وتسكر آيا الدفتر ....
آيا : انا كل يوم اكتب اللي حصل معي ... لكن لما افتح صفحات الماضي اندم على اللي كتبته وفي نفس الوقت ما اندم ... حتى ما عرفت ليه انا كل يوم اكتب اللي يحصل معي ..... انا غبية ...
وبعد مرور 3 ايام :.
الساعة 4 العصر يدق جوال آيا ...
آيا تمسك الجوال : الوه ؟؟
مورا : هلا آيا كيف حالك ؟؟
آيا : تمام شلونك انت ؟؟ وشلون مايا ؟؟
مورا يضحك : قلت لمايا عن اللي سويناه
آيا : وش كانت ردة فعلها ؟؟
مورا : امس سألتني عنك وقالت وين آيا من ذاك اليوم ما شفتها .... رديت عليها وقلت خلاص انتهت مهمتها كأخت لي ... استغربت كلمتي وقالت شلون ؟؟ قلت لها انك صديقتي وعن اللي حصل ... تتوقعين وش قالت ؟؟
آيا : وش قالت ؟؟
مورا : قالت آآآآآآه لو هي هنا كان ذبحتها هالكذابه من جد صدقتها ....
آيا : والله ؟؟!!!!!!
مورا : هههههههههههههههه كنت اكذب عليك .... لا والله قالت انها تبي تقابلك
آيا : تقابلني ؟؟
مورا : قالت لي كذا وبس ... تقدرين تقابلينها اليوم ؟؟
آيا : ايه وخلها تحدد المكان اللي تبي .....
مورا : اوكي ....
آيا : انتظر اتصالك مع السلامة ...
مورا : مع السلامة ....