رواية يا دنبا لا تسكبي الدمعة على خدِ حساس بقلم صديقتي

ماري كانت موقفه عند النافذه وتسمع كلامهم بس لما حست انه مصر على جوابه ما قدرت تصبر اكثر و تكلمت بمراره : لا ... انا اصلا ما قد رحت امريكا ... انا كنت هنا ومعك ..
اندو يلتفت عليها : مو انتي قلتي هالشيء امس ؟؟
ماري تتكلم وهي تتعبر : لانـ.. نـ ..ننا كنا خايفين على مشاعرك اذا خبرناك عن فقدانك لذاكرتك ...
اندو يتكلم معها وهو مو مصدق : اجل ليه اتذكر كل شيء وانتو بس اللي ما اتذكركم ... ؟؟
ماري تمتلي عيونها دموع : وهذا اللي قاهرنا ... انت بس نسيت الاشخاص اللي قابلتهم في الست سنوات الماضية ....
اندو : اقول لا تكثرون خرافات ... لان ما فيه شيء كذا ...
آيا من قهرها تروح تمسك ملابسه من جهة الرقبه : تبي تسأل الدكتور ... اسأله .. وانت تعرفني من قبل وكنا نلتقي كثير .... انت الحين تقول انك اول مره تتعرف علي ...
تتركه وتاخذ جوالها و تفتح على صور تجمعهم هم الاثنين .. اخذت جوالها وحطته قدام عيون اندو
آيا : من هذولا ؟؟ مو انا وانت ؟!
اندو فتح عيونه : احنا التقينا ؟
آيا تبعد الجوال وتحطه في شنطتها : الحين صدقتني ؟؟
اندو بلا اهتمام : يمكن كذب انتي مركبتها ...
آيا عصبت : مو انا اللي اكذب عشان تفاهات...
ماري ضاق صدرها : اذا ما كنت مصدقها .... راح اخليك تشوف حاجة ثانية ...
وتفتح جوالها على فيديو مصورته ماري واندو كان موجود فيه ....
ماري : اذا كنت توني راجعة من امريكا كيف صرت معك في هالفيديو ؟؟
اندو : انتم ... ليه قلتو لي هالشيء ؟؟
آيا ابتسمت ابتسامة الضعيف : لاننا بغينا انك تعرف اننا كنا دائما معك حولك...... اندو ... انت شخص غالي علينا احنا الثنتين وما بغينا نكذب عليك في أي شيء ...
اندو : انتي من تكونين ؟؟
آيا بيأس : لما ترجع لك ذاكرتك راح تعرف من انا ....... عشان كذا تكفى حاول تتذكرنا .... احنا بنكون في انتظار ......
اندو : ههههه ....... على العموم هو ماضي يعني ما راح يرجع ...... ما يهمني هالماضي ابداً .... انا الحين مرتاح ....
ماري تعظ على شفتها السفلية وتقول بصوت منخفض : انت ترتاح واحنا نحترق قهر ... هذا مو عدل ...
وتحط يدها على فمها وتطلع ....
اندو : هذي البنت .. ليـــه تتصرف كذا ...
آيا تتماسك الى آخر لحظه وقبل لا تطلع و بدون ما تلتفت : انت فكر ليــــه وراح تعرف الجواب من نفسك ....
طلعت آيا تلحق ماري ....
آيا : ماري ~..
ماري وهي تصيح : بابا كان معاه حق لما قال اني اطلع له بشخص جديد افضل من انه يكون مرتاح بنسياني ..
آيا تواسيها : مو انتي الوحيده اللي نساها حتى انا يا ماري .. صدقيني هو يقول كذا لانه ما يعرفك ....
ماري تحاول تمسح دموعها : آيا ... انا بروح قبلك ... بـــــاي ..
وتروح ماري .... ايا ضاق صدرها على حال ماري : بالرغم اني كنت احبه ... الا اني ما حزنت حزن ماري عليـــه .... ايهم افضل اني اكون كذا او اصير زيها ..... ؟! انا لازم اكلم اندو..
وترجع آيا لغرفة اندو وتشوفه سارح بتفكيره ....
آيا : بأسألك ؟
اندو يلتفت عليها ومستغرب من عودتها : نعم ....
آيا : انت تبي تذكرنا ؟
اندو يسكت وهو ما يعرف وش يقول ...
آيا : انا ادرس طب ... وافهم حالة المريض مهما كانت نوعية مرضه ... الدكتور قال ان احد الاشخاص اللي نسيهم هو سبب فقدانك لذاكرتك .... شخص مهم في حياتك ... هذا الشخص انا ما اعرفه ومحد يعرفه غيرك انت .... هذا الشخص كان شاغل تفكيرك .... ما تبي تذكر هذا الشخص ...؟؟
اندو : الا ..... بس انا ما ابي اتذكر عشان هذا الشخص اللي شاغل تفكيري ..... انا ابي اتذكر ماري ..... لاني اعتقد انها كانت شخص مهم ..
آيا متفاجئة وفي نفسها : يبي يتذكر ماري .... ماري مبروك عليك سكنتي قلب انـــدو .......
اندو : آيا ... ليه ساكته ؟؟ ..
آيا : لا ما فيه شيء .. انا اقول لك هالشيء ... ماري صدق شخص مهم ... لكن في شخص ثاني بيك تعترف باهتمامك له ...
اندو : هاه .....
آيا نزلت راسه وهي تتكلم بهدوء : اذا بغيت انك تتذكر حاول تتذكر اللي تقدر عليه ... اسأل نفسك كثير وافتح اشرطة الكاميرا .... حاول تتذكر ... لان مرضك من نفسك تداويــه ....
اندو يناظر آيا ...
اندو : هو انـــا شخص محبوب ؟!
آيا ترفع راسها وتبتسم : محبوب كثيـر ..... كثير يا اندو ....
وتلف مع الجهة الثانية ....
آيا : تذكر ... لان فيه شخص محتاج لــــك .....
وتسكت وتبلع ريقها وهي تتعبر ...
آيا : انا رايحة .... الحمد على سلامتك يا اندو ....
وتطلع وهي تعبانه نفسيتها ....
اندو بعد هالموقف : الحين عرفت ... الست سنوات اللي نسيتها ... كانت من اهم لحظات حياتي ..... ابي املكها ما ابي انساها .....
ماري تسوق السياره ....
ماري : ماري وقفي عن تفكيرك باندو ... لان فيه موضوع اهم لازم تفكرين فيـــه ....
في بريطانيا :.
اكيرا يكلم بالجوال ....
اكيرا : آه .. الزواج راح يكون في بريطانيا ..
الام : اكيرا .. !!
اكيرا : راح اتزوج " كاياما ساكورا " برغبتي ...
ومن بكره الساعة 5 العصر :.
اندو يجمع اغراضه ويحطها في شنطته .. تدخل ماري عليــــه ....
اندو : جاء الكل ؟؟
ماري : لا ما بعد بس انا جيت قبلهم ...
اندو : ما راح يجون ؟؟
ماري : اندو ... انا باطلب منك شيء ابيك تسويه ....
اندو يترك اللي في يده : قولي ...
ماري : آيا ...
اندو : وش فيها ....؟؟
ماري : لا تجيب طاريها قدام احد من اهلنا ولا أي احد ...
اندو : ليـــــه ؟؟
ماري : لان آيــا تكـــونـ...
وينفتح الباب وتدخل ام اندو .....
الام : حبيبي كيف حالك الحين ؟؟
ماري تشوفها وتنزل راسها ..
اندو : بخير ...
الام : معليش تأخرنا ....
اندو : لا ابدا ما تأخرتو ....
الابو : كيفك ماري ؟؟
ماري : تمام يا عمي ....
الابو : جايه عشان اندو ....
ماري تبتسم : أكيد ...
الابو : اندو اخذت كل شيء ...؟؟
اندو : أيــــه ...
الابو يروح وياخذ شنطة اندو ....
الام : يالله خلينا نروح ..
اندو : انتم اسبقوني وانا بأجي وراكم ..
الابو : طيب ...
ويطلعون امه وابوه ....
ماري : وانا بروح ..
اندو : لحظة ..
ماري : اللي عندي قلته ...
اندو : انتي ما قلتيلي وش السالفة ...
ماري : افضّل انك ما تعرفها .... المهم لا تجيب طاريـها مهما كان الحديث حولها ..
اندو : لكن لازم اكون اعرف عن الموضوع ما احب اكونـ....
وتمشي ماري بصمت بتطلع ....

اندو : هيــه ماري لحظة ...
وتمشي ما كأنها سمعته ... تطلع ويطلع وراها ... يمسك يدها ويوقفها ....
ماري تمتلي عيونها دموع وتصرخ قايله : اندو ... مو انت مرتاح انك ناسيها .... ما يحتاج تتذكرها وتهتم كذا لها .. مو هذا كلامك ؟؟
وتبعد يدها عنه وتروح .... يرن جوال اندو ...
اندو : الوه
الام : اندو وينك ؟؟ ليه طولت ؟؟
اندو يلتفت ويشوف ماري تدخل المصعد .....
اندو : الحين الحين جاي ..
ويسكر السماعة ويروح ينزل من مصعد ثاني ...
تطلع ماري وتمر من عند ابو اندو ...
الابو : ماري وش فيك ؟؟
ماري تلتفت عليه وتبتسم : بروح ...
الابو : منتي جاية معنا ؟؟
ماري : لا تو جتني مكالمة ولازم اروح .... اسفة عمي ...
الابو : براحتك ....
يطلع اندو ويشوف ماري وهي تكلم ابوه ... يركض عشان يلحق على ماري ...
وتقابله امه ...
الام : وش فيك ؟؟
وهو يشوف ماري تروح وتركب سيارتها .....
اندو : راحت ...
الام : هاه من اللي راح ؟؟
اندو ينتبه لامه : لا لا ولا شيء كنت اكلم نفسي ....
ويشوف مع امه كيس ...
اندو : وش فيها ؟؟
الام : الكيس ؟؟
اندو : أيــــه ...
الام : ادويتك ..... حبيبي لازم تستمر عليها ... الدكتور حرصنا عليها كثير ...
اندو يحاول يختبر امه ...
اندو : انا وش مرضي ؟؟
الام تبتسم : انت جاك حادث والحين وعيت منه ... بس
اندو : وبما اني خلاص شفيت ليه آخذ هالادوية ؟؟
الام : لانك ما بعد وصلت للشفاء التام ....
الابو ينادي : يالله...
الام : جايين ...
ويروحون ويركبون السيارة ....
تدخل ماري لبيتهم ...
الام : ماري حبيبتي ... اليوم بنروح لبيت عمك ديجير ...
ماري : متى ؟؟
الام : بعد المغرب ....
ماري : طيب ...
يدخل اندو للبيت ويتلفت ....
اندو في نفسه : صح ... البيت متغير ما كان كذا ....
الام : اندو ...
اندو : نعم .....
الام : حبيبي روح وارتاح في غرفتك .... بعد المغرب بيجون اقاربك ...
اندو : اش المناسبة ؟؟
الام تبتسم : بمناسبك خروجك من المستشفى ... جهز نفسك
اندو : طيب....
ويروح ويصعد لغرفته ويدخل ...
اندو : غرفتي ما تغيرت كثير ......
يفتح درجة ويشوف ملفاته ...
اندو يفتح ملفاته ويقرا ..
اندو : [ انت اقرب الناس .. وانت محبوبي .. وانت القريب البعيد .. ومني وفيني .. انت الأمل .. انت عمري .. انت مطلوبي .. وانت القصايد وشعري .. وفرحة سنيني .. وش فيه لاصرت احبك وانت محبوبي .. في ذمتك بعد هذا .. وش تسميني ؟] [تسمع من العالم احاديث ساعات .. أبيك تسمعني مجرد ثواني ..أبختصر وأقول لك بعض كلمات .. يامن وجوده في حياتي اماني .. ماهمني بالناس غير انت بالذات .. لك في عيوني ياعيوني مكاني ..]
[ياقلب لاتشكي همومك على الناس
ماكل شخص(ن)يعذرك في مصابك

لاتسكب الدمعه على خد حسـاس
ولا تحرق اوراق الزهر في عتابك

ولا تضيق الصدر المولع بالانفاس
ولاتقطع عروق(ن)بكت عند بابك

ياقلب والله مابقى بعيني نعـاس
يومك شكيت الحب محد(ن)درا بك

النار ماتحرق سوى رجل من داس
واللي كواه الحب يفهـم خطابـك

قبلك شرب مجنون ليله من الكاس
واليوم نفس الكاس تسقى شرابك

ياقلب اعرف معدنك معدن الماس
توفي الحبيب الروح لو هو رما بـك

ياقلب خلك بالشدايد قـوى بـاس
لا تلتفت للجرح لوهـو سطا بـك

ياقلب لا تسقي عروقك من الياس
وخل الامل والصدق دايم زهابـك

مادام طاحت فاسك اليوم بالـراس
اعذر جميع الناس واخفي عذابـك ....... ]
معقوله هذا الكلام انا كاتبه ؟؟ .. ليه ما اذكر ؟؟ وانا كاتبه لمين ؟؟ .... شيء غريب ..
ويحط ملفه على الطاوله ويجلس ...

انسدح على السرير وغمض عيونه وهو يفكر ....
يتذكر اقتباس من (( الفصل الثاني عشر – الجزء 3 ))
[ اندو : ههههه ....... على العموم هو ماضي يعني ما راح يرجع ...... ما يهمني هالماضي ابداً .... انا الحين مرتاح ....
ماري تعظ على شفتها السفلية وتقول بصوت منخفض : انت ترتاح واحنا نحترق قهر ... هذا مو عدل ...
وتحط يدها على فمها وتطلع ....
اندو : هذي البنت .. ليـــه تتصرف كذا ...
آيا تتماسك الى آخر لحظه وقبل لا تطلع و بدون ما تلتفت : انت فكر ليــــه وراح تعرف الجواب من نفسك .... ]
..........
يفتح اندو عيونه .... ويقوم من سدحته ....
اندو : لحظة .. معقوله انا كنت احب ماري ؟؟!!!
في السكن :.
يوكي : آيــا ...~
آيا : نعم ...
يوكي : يالله الغدا ..
آيا : الحين نازله ...
وتحول آيا وتجلس على السفره ...
آيا : وش مسويه لنا اليوم ؟؟
يوكي : دجاج بالكريمة .....
آيا : ياي تعرفين ذوقي ...
وتحط آيا في صحنها منه..
يوكي : ما اتصلت عليك ؟؟
آيا : مين ؟؟
يوكي : ماري ...
آيا : ليــه تتصل ؟؟
يوكي : اليوم .. مو هذا اليوم اللي قال الدكتور ان اندو....
آيا تقطع كلامها : ايه والله ..... غريبه ليه ما دقت ..
يوكي : ليش ما تتصلين عليها بعد الغدا وتتطمنين ......
آيا : اكيـــد راح اتصل ...
وبعد ما انتهو من الغدا تروح آيا وتمسك السماعة وتتصل على ماري ..
ماري جالسة في غرفتها .. يرن الجوال وترد .
آيا : هاي ماري ؟
ماري : هلا بك ....
آيا : بغيت اعرف اذا كانـ......
ماري تقطع كلامها : ايه طلع والحين هو في بيتهم .....
آيا : كيفه..؟؟ بخير ؟؟...
ماري ببرود : أيــــه بخير ..
آيا متحمسه : اليوم بروح انوم عند اهلي ... عشان بكره ما اتاخر على ساكورا ...
ماري : والكلية ؟؟
آيا مبسوطه : الدكتور بكره مو جاي وما عندي غير محاضرة وحده عشان كذا باغيب ... ولا عندي شيء ثاني
ماري : آيا انتي صدق ما عندك شغل بكره ؟؟
آيا : لا ما عندي شيء ابدا ...
ماري : لا تجاملين اذا كان عندك شيء مو لازم تجين ....
آيا : لا ما عندي شيء ابدا ... وانا بعد ابي احضر المعرض ... وساكورا من نفسها عزمتني ... لازم اروح ...
ماري : آآه ... اوكي براحتك ...
آيا : ماري انتي بتروحين معي للمعرض صح ؟؟
ماري : هاه ؟
آيا : وش رايك نخلي اندو بعد يجي اذا شافنا كثير احتمال يتذكر ...
ماري : آآه ..فكره مو شينه ..
آيا : بكره نلتقي في التقاطع الشرقي الساعة 2.5 الظهر .... اوكي
ماري : اوكي ....
في غرفة اندو :.
يفتح درجة ويشوف فيه كاميرة الفيديو ..
يتذكر :.اقتباس من (( الفصل الثاني عشر – الجزء 3 ))
[ آيا نزلت راسها وهي تتكلم بهدوء : اذا بغيت انك تتذكر حاول تتذكر اللي تقدر عليه ... اسأل نفسك كثير وافتح اشرطة الكاميرا .... حاول تتذكر ... لان مرضك من نفسك تداويــه .... ]
...........
ياخذ الكاميرا ويفتح شريط ويقعد يتفرج عليـــه ...
في مكان آخر :.
تدخل آيا لبيت اهلها .....
آيا : سلاااااااااام يا اهل البيييييييييييييت......
تنزل جولي من الدرج : آيا ؟!
آيا تفتح يدينها بسعاده : سبرايز ... !
جولي مبسوطه : مفاجئة حلوه ....
آيا : وين امي وابوي ؟؟
جولي وهي تقرب منها عشان تسلم عليها : راحو قبل ساعة لكن ما ادري لوين ......
آيا تحبها على خدها : وانتي اش قاعدة تسوين ؟؟
جولي تضحك : ههه جالسة على النت ...
تروح آيا وتجلس في الصالة و تلحقها جولي وتجلس معها .....
جولي : وش المناسبة ؟؟ ما عودتينا انك تجين وتنومين في نص الاسبوع ....
آيا : بكره بروح لمعرض صديقتي اول مره تفتتحة ولازم اجي مبكر عشان كذا قلت باجلس اليوم معكم وارجع بكره ....
جولي : معرض ايش ؟؟
آيا : رسم .... هي رسامة ....
جولي : واو حلو .....
آيا : تجين معي بكره ...
جولي : لا لا انا بكره عندي بعض الاشياء باسويها ..
آيا : شكل اهلي مطولين ... بروح انسدح شوي على السرير فوق ....
وتقوم آيا وتصعد لغرفتها وتنسدح على السرير ... تدخل وراها جولي وتجلس على الكرسي ...
آيا : كيف احوالك مع " لينت " ؟
جولي تغيرت ملامح وجهها ونزلت راسها على الارض ...

آيا : جولي ؟؟
جولي : انا احس اني تغيرت ....
آيا : تغيرتي ؟؟
جولي : بعد ما انفصلنا انا ولينت في الجامعات كنا نتصل على بعض كثير في البداية ... بعدها قلّت اتصالاته وكل ما حاولت اتصل عليه يعتذر مني ويقول انه مشغول .... وبعدها انعدمت اتصالاتنا ....
آيا : ايوه ؟
جولي : لينت كان حبي الاول ... لكن الحين حبيت واحد ثاني التقيت به في الجامعه ... وهو بادلني هالشيء .... حسيت اني احبه اكثر من لينت .... يقولون اعظم حب الحب الاول .... لكن انا احس اني ضد هالكلمة الحب الاول ما يستمر ... مشاعر لينت لي ومشاعري له تلاشت ... حبنا انتهى ... آيا هل يمكن ان الحب الثاني يغلب على الحب الاول .... ؟؟
آيا تناظر جولي وتفكر في نفس الوقت ....
آيا في نفسها : هل حبي لاندو ممكن يغلب على حبي لاكيرا ؟؟!! .... هل الحب الثاني يغلب ؟ انا نفسي ما اعرف الجواب .... يمكن بعض الاحيان يغلب .. لكنـ.. انا اعرف اتجاهي .... وانا اخترت اكيرا فوق كل الناس ....
جولي : آيا .. انتي معي ؟؟
تنتبه آيا لها ....
آيا : ايوه معك ..
جولي : ليه ما تجاوبيني ؟
آيا : الحب الاول ما في مثله .... لانه يبقى راسخ .. ودليل انك ما زلتي تحبين لينت ... انك حزنتي يوم سألتك عنه ... هذا يعني انه ما زال في قلبك ... يمكن يكون قدرك بحبك الثاني .. لكن ما راح تكرهين لينت .. اذا ما نجحتي في حبك الاول حاولي تنجحين في الثاني ... اتجاهك راح تعرفينه مع مرور الايام ... لكن اذا كنتي تبين تعرفين هو ليه دايم عنك مشغول ..... اطلبي منه انكم تتقابلون وقولي كل اللي عندك .. بعدها راح ترتاحين ..وفي ذيك الحالة راح تعرفين اتجاهك .. وصلت يا جولي ؟؟
جولي تبتسم : وصلت .. بكره راح اترك كل اللي عندي واقابله ... لازم اعرف ليه ما صار يهتم فيني ....
آيا : اذا بغيتي اية نصيحة انا عندك هاليومين استغليني ....
جولي تبتسم وتبادلها آيا البسمة ...
جولي : طيب اتركك ترتاحين ...
وتطلع جولي ... تحط آيا راسها على المخدة .....
آيا في نفسها : على الاقل تقدرين تقابلينه وتعرفين كل شيء منه .... اما انا اتمنى لو اسأله وينه عني .... ودي اسمع صوته ويكفيني .....
بعد المغرب :.
ينزل اندو من فوق ويلقى بعض اقاربه يروح ويسلم عليهم ..... وهو يتكلم مع الشباب يلتفت ويشوف ماري تدخل ورا امها وابوها .. ويدخلون وراهم نيزو وزوجته وبنتهم ...
يروح اندو ويسلم على ابو اكيرا ....
ابو اكيرا : كيف حالك الحين يا اندو ؟؟
اندو : بخير جعلك بخير يا عمي ..
ابو اكيرا : يالله ارجع لصحتك عملك ينتظرك .....
اندو : آآه ..... ان شاء الله راح اداوم بعد بكره ......
اندو: كيفك يا ماري؟؟
ماري يهدوء : تمام..
اندو: تفضلوا..
ويروحون يجلسون .. تقوم ماري وتروح للمغاسل .. يلحقها اندو ...
اندو : ماري ~ ..
توقف وتلتفت عليه ....
كيبا يجي من بعيد ...
كيبا : الحمد على سلامتك يا الغالي ما تشوف شر .....
اندو : الشر ما يجيك ...
يتلفت اندو ...
اندو : وين ساكورا ؟؟
تلتفت ماري على اندو متفاجئة ...
كيبا : آآه ساكورا .. ما جت ..
اندو : ليــه غريبه مو من عوايدها ..
كيبا : تقول انها شافتك واطمئنت عليك في المستشفى .. وهي بكره بتفتح اول معرض لها عشان كذا مشغوله اليوم ....
واندو وكيبا يسولفون ...
ماري ساكته وتقول في نفسها : الحمد لله انها ما جت .. لو انها جاية كانت بتصير مشكلة ..
وتروح ماري بكل هدوء وتتركهم يكملون سوالفهم ....
كيبا : آآه اندو تراني ما بعد سلمت على احد ... وين العم ديجير ؟؟
اندو يأشر على ابوه ..
اندو : هناك جالس مع عمي ...
كيبا : بروح اسلم عليه واطلع ....
اندو : تطلع ؟؟
كيبا : والله ان عندي اشغال كثيره بس قلت بأجي اسلم واروح ... يالله اشوفك على خير والحمد على السلامة الف ...
اندو : ابي اشوفك ..
كيبا : ان شاء الله ... يالله مع السلامة ...
ويروح كيبا .. يتلفت اندو ولا يلقى ماري ...
اندو : هذي البنت بتجنني ...
ويمشي شوي ويشوفها واقفه عند الدريشة .. يروح لها ويوقف جنبها ...
اندو : على اللي صار اليوم ... انا آسف ..
ماري : الا انا اللي آسفة .. قلت لك كلام ما كان لازم اني اقوله ....
اندو : ما عليه ما صار شيء ...
ماري : ساكورا .. بكره بتفتتح معرضها الاول ...
اندو : ايه قبل شوي خبرني كيبا ...
ماري : ساكورا عزمتني انا وآيا على افتتاحها ...
اندو : شكلكم صادقتوها ..
ماري : تروح معنا ؟
اندو : انا ؟؟
ماري : أيـه انت صديقها وحلو انك تجي لمعرضها وتبارك لها على الافتتاح ...
اندو : ساكورا ما عزمتني لانها تعرف اني ما احب المعارض ..
ماري : يعني ما راح تروح ؟؟
اندو : راح اروح بس عشان افاجئها ....
ماري : بكره راح نلتقي في التقاطع الشرقي الساعة 2.5 الظهر ..... لا تنسى الموعد ...
اندو : اطيب...
في بيت آيا :.
الابو يدخل للبيت والام ..
آيا : سبرايز ....
الام : آيا ؟؟
آيا : اخيرا جيتو ... وين كنتو ؟؟
الابو : رحنا لجدك ......
آيا : جدي ... يوه من زمان عنه كيف حاله ؟؟
ويقعدون على الكنب وهو يتكلمون ..
الابو : تمام ..... وتراه يسلم عليكم ...
تنزل جولي ...
جولي : وليه ما اخذتوني معكم ؟
الام : المكان بعيد وانتي وراك كلية .. قلنا نخليكم تروحون معنا المره الجاية ..
الابو : الا صح .. وش عندك آيا جاية اليوم عندنا ؟؟
آيا : اليوم بنوم عندكم .. بكره بروح لمعرض صديقه لي ..
الام : مين ؟؟
آيا : ساكورا .... توني مصادقتها ...
الام : والجامعة ؟؟
آيا : بكره ما عندي شيء ..
وتوقف آيا ...
آيا : تعشيتو ؟؟
الابو : لا تونا .....
آيا : اجل انا بأسوي العشاء .... وش رايكم اسوي لازانيا ...
جولي : وااااو من زمان وانا مشتهيتها ...
الام : يالله ورينا طبخك الحلو فيها ..
آيا : اوكي ...
في بيت ابو اندو :.
ماري تلّعب بنت اخوها .. وتلتفت ولا تلقى اندو في المكان ...
ماري تكلم بنت اخولها ...
ماري : حبيبتي روحي لماما انا بروح شوي للحمام طيب ...
بنت نيزو : طيب..
وتروح ماري تمشي وهي تدّور اندو ولا تلاقيه مع احد لا مع الشباب ولا مع اهله ولا مع احد ..
ماري : غريبه وين راح ؟؟
وتروح تصعد لغرفته وتشوف من تحت باب غرفته نور ... تطق الباب ...
اندو : من ؟؟
ماري : ممكن ادخل ؟؟
ويقوم اندو ويفتح لها الباب ويجلس ...
ماري : ليه جالس لوحدك ؟؟
اندو : ما جلست لوحدي صعدت عشان آخذ دواي ثم انزل ..
ماري : اها ..آسفه على تطفلي .. بروح انزل...
وتلف بتطلع ..
اندو : ماري ...
تلفت عليه ماري ...
ماري : نعم ..
اندو : اجلسي ودي اكلمك شوي ...
تجلس ماري على الكرسي ويقوم اندو ويسكر الباب ...
ماري : وش تبي مني ؟؟
اندو : ما ابي احد يسمع عشان كذا سكرت الباب ..
يروح ويجلس مقابلها ...
اندو : اليوم بعد ما رجعت من المستشفى فتحت شريط كاميرة الفيديو .... كان يوم نزور .. زوجة نيزو وهي والدة ببنتها ... في ذاك الوقت دقيتي علي وقلتي لي اجيب كاميرتنا لانك نسيتيها في البيت ..
ماري تفتح عيونها : اندو انتـ...

اندو : لا ... ما اتذكر هالشيء ... عرفت هالشيء لانك جوا الكاميرا قلتي كذا ... وانا اشوف الشريط عجزت اتذكرك مع اني تذكرت اغلب الاشياء في ذاك الوقت ...
ماري : طيب ... وش تبيني افهم من كلامك .... ما تغير شيء ....
اندو : ذيك البنت قالت ان احد الاشخاص اللي نسيهم هو سبب فقداني لذاكرتي ... شخص مهم في حياتي .. بغيت اعرف شيء واحد بس ..
ماري : شيء واحد ؟؟
اندو : ماري ..... انا وانتي ... كنا نحب بعض ؟؟
ماري تتفاجأ من سؤاله ...
ماري في نفسها : ماري انتي مستوعبة اللي تسمعينه ..... اندو يسألك اذا كان يحبك ... وش بيكون جوابك ... السؤال هذا ما بعد استعديت له ...
اندو : ماري ؟...
ماري : اذا كنت تحبني الحين معناه انك كنت تحبني قبل ... لكن من طرفي انا ..
اندو يقطع كلامها وهو حمقان : انتي عارفه اني ما اتذكر كيف باعرف ان كنت احبك ولا لا ؟؟ هاه ..... ؟!
ماري بغضب : وانا وش دراني اذا كنت تحبني او لا ... اللي اعرفه انك كنت تحب ... لكن الشخص اللي تحبه محد يعرفه غيرك ...
وتوقف ماري تمشي بتطلع ...
اندو : ماري .... صدق انا كنت احب ...؟؟
ماري توقف في مكانها : كنت تقول انك تحب شخص يحب شخص ثاني ...... وان علاقته بالشخص الثاني حب متبادل ...
وتفتح الباب وتطلع وتسكره ... تروح توقف عند الدرج وتكلم نفسها ...
ماري : يا الله للمره الثانية اسويها .. ما كان لازم اقول هالكلام ما كان لازم اقوله ..... يا اللـــه ..... !!
في غرفة اندو :.
اندو يجلس على الكرسي ...
اندو يكلم نفسه : انا كنت احب شخص يحب شخص ثاني ؟؟ انا ليه حبيت شخص له علاقه بشخص ثاني ... ؟؟ مين هالشخص ؟؟ ..
تنزل ماري تحت وهي حمقانه من نفسها وتفتح جوالها ثم يسقط من يدها ويطيح على الارض ويرتطم على الارض ويصير قريب من مقعد ابوها ... تنزل يدها عشان تاخذه وتسمع ابوها يقول ....
الابو : الخطبه بنخليها في بريطانيا ...
ابو اندو : طيب ليه ما تخلي اكيرا يجي هنا وتسوون الخطبه بما ان عائلة " كاياما " موجودين هنا ....
الام : اكيرا هو اللي طلب ان الخطبه تكون هناك ...
الابو : بعد زين اخاف يحن اذا جاء هنا .. ما صدقنا يوافق انه يتزوج ساكورا ...
وتفتح ماري عيونها وتحط يدها على فمها ...
ماري في نفسها : معقوله ..... اكيرا موافق انه يتزوج ساكورا ؟؟!!

ينتهي البارت الى هذا الحدث
ونلقاكم مع حماس اكبر في البارت القادم
جانئ ~

حان دوري الآن ...(( الفصل الثاني عشر – الجزء 4 ))

وتفتح ماري عيونها وتحط يدها على فمها ...
ماري في نفسها : معقوله ..... اكيرا موافق انه يتزوج ساكورا ؟؟!!
وتاخذ الجوال بدون ما يشوفونها وتروح ....
وبعد مرور الوقت ... رجعت ماري وامها وابوها للبيت ولما دخلو ...
ماري : انا بطلع لغرفتي بروح انام تصبحون على خير..
الام والاب: وانتي من اهله..
طلعت ماري لغرفتها وغيرت ملابسها وحست انها عطشانه تبغى تشرب .... ولما طلعت من غرفتها بتنزل تحت للمطبخ شافت نور غرفة امها وابوها مضاءه والباب مو مره متسكر قربت من الغرفه وسمعت امها تتكلم..
الام : ليه خبرت اخوك عن الخطبة ؟؟
الابو : لاني باخلي ماري تسكن عندهم خلال سفرتنا لاننا ما راح نطول بس اربع ايام ....
الام : طيب ليه ما ناخذها معنا يعني الخطبه خطبة اخوها ..
الابو : انتي نسيتي انها صديقة آيا من قبل و اكيد تحبها .... وهي بعد كانت متستره على آيا .... لو آخذها اخاف تأثر على اكيرا بكلامها و يبطل الخطبه ..
الام : طيب متى ؟؟
الابو : بعد يومين .. ولا تجيبين طاري عن هالموضوع لماري .... اوكي
وتبعد ماري عن الباب وتروح لغرفتها وتنسدح على السرير وتدمع عيونها وهي تتكلم ...
ماري: ليــه انا اللي اسمع كل شيء ليه انا اللي اتحمل بس ..... تعبت .. اول شيء اتعرف على ساكورا واعرف انها هي مخطوبه اكيرا .. وثاني شيء اسمع اندو يسألني ان كان يحبني .... وثالث شيء اسمع ان اكيرا موافق على زواجه من ساكورا .... وانا المشاهد فقط ... ما في يدي أي شيء اسويه ... ازين علاقة آيا بالبنت اللي بتاخذ اكيرا منها ! .... اكيرا ليه وافقت ؟؟ ليه طلبت ان الخطبه تكون في بريطانيا ليه ما قلت شيء لي .. وش القصة ؟؟؟ انا الوحيده اللي ما اعرف شيء ...
ومن بكره :. الساعة 3.5 العصر :.
آيا واقفه في التقاطع وتشوف ساعتها .....
آيا : وينها .... هالبنت ..
ويجي اندو وهو يركض ..
اندو : هلا ...
آيا مستغربه : هلا بك وين ماري؟! ما جت معك ؟؟
اندو يتنفس بقوة وهو يهز راسه : لا ..
آيا : غريبه .... المفروض انها تجي معك ...
وتفتح آيا جوالها وتدق عليها ....
آيا : الوه
ماري : هلا آيا ...
آيا : وينك ؟؟
ماري : معليش آيا آسفه امس ما نمت مبكره وتوني بانوم ... ما راح اجي
آيا : يووه خسارة ...
ماري : جاء اندو ؟؟
آيا : أيـه
ماري : آسفه اني ما دقيت وعلمتك ..
آيا : عادي يا قلبو لا تتأسفين يالله ما اطول عليك نوم الهنا ان شاء الله ..
ماري: الله يخليك..
آيا : يالله مع السلامة ...
ماري : مع السلامة ...
وتسكر آيا السماعة ....
اندو : وينها ؟؟
آيا : ما راح تجي ...
اندو : ليه ؟؟
آيا : تقول انها ما نامت امس مبكره ....
وتدخل آيا جوالها جوا الشنطة ..
آيا : تغديت ؟؟
اندو ابتسم : لا..
آيا : حلو حتى انا ما تغديت خلينا نروح نتغداء .. عشان المغرب نروح للمعرض اش رايك؟؟
اندو : ماعندي مانع يالله ..
ويروحون الاثنين للمطعم ويتغدون وبعد ما انتهو توجهو لمقر المعرض..
آيا : واو المكان شكله خيالي ..
وتلتفت على اندو ...
آيا : صح ؟؟
اندو : هذا شيء عادي ....
ويمشي اندو ..
آيا : شيء عادي .... يا الله على عيال هالعز كل شيء عندهم عادي ...
اندو يلتفت عليها ...
اندو : تكلميني ؟؟
آيا : لا لا .... كنت اكلم نفسي .....
ويدخلون للمعرض ...
آيا : يوه مره زحمه .... كيف بنلقاها ..
ويمشي اندو ...
آيا : هيه اندو وين رايح ؟؟
وتمشي وراه ...
يدخلون في غرفة ...
آيا : عيب تدخل بدون اذن ....
اندو : سلام .....
ساكورا : اندو ..؟ هلا
اندو : كنت عارف اني بألقاك هنا ...
ساكورا : انا كنت اتجهز عشان اطلع ..
وتلتفت وتشوف آيا واقفة ورا اندو ..
ساكورا تقرب من آيا وهي مبتسمة ...
ساكورا : ياااااه والله اني فرحانه بجيتك ....
آيا : وانا اسعد ..
ساكورا : طيب وين ماري ؟؟
آيا : تعبانه شوي ولا قدرت تجي ....
ساكورا : يوه حسافتها .. الله يشفيها ...
اندو : بتطلعين ؟
ساكورا : يس .... انا جاهزة ....
وتطلع ساكورا وتسوي حفل بمناسبة افتتاح معرضها في قاعة خاصة .... وآيا واندو حاضرين الحفل ....
وساكورا تلقي كلمتها .... آيا تشوفها و الابتسامة مرسومه على وجهها ..
آيا : حلو مره ...
اندو : تكلميني ؟؟
آيا : حلو مره انها تنجح في مهنتها ... ياااه قدرت تنمي موهبتها والحين تحتفل ... اعتقد ان هذا اليوم مهم مره بالنسبة لها .....
اندو : آآه من وقت طويل كان هذا حلمها ...
آيا : احس انها فخوره ...
وبعد ما القت كلمتها الكل صفق لها بحراراه ..نزلت من المنصه وتوجهت لاندو و آيا..
آيا واندو سلمو عليها وهنونها ....
آيا: ما شاء الله القاءك مره رائع ..
ساكورا انحرجت: من ذوقك يا عسل.. اش رايكم نتفرج على اللوحات مع بعض ابي رايكم وانتقاداتكم..
آيا مبسوطة : أيــه والله متحمسة اشوفها .....
ساكورا تكلم اندو : وانت يا ابو الشباب ما اعطيتنا رايك؟؟
اندو: رايي اكيد مثل راي آيا فيه احد يفوت رسومات ساكورا..
ساكورا ابتسمت : يالله تفضلو ..
ويروحون يتفرجون على اللوحات وساكورا تشرح لهم وش تعني الرسمات ...
اندو: عن اذنكم انا بروح شوي وراجع ..
البنات : اذنك معك ..
راح اندو وكملت ساكورا باقي اللوحات مع آيا..
آيا : ما شاء الله هالرسمة مره حلوة .. مين هذا ؟؟
ساكورا بابتسامة : هذا بابا .. تصدقين بابا ما يدري اني راسمته قلت بخليها مفاجأه له اليوم لما يشوفها..
آيا باعجاب: واو والله انك فنانه..بس عساها تشبهه..
ساكورا تضحك : انتي شوفيه واحكمي ..
وتأشر لها على ابوها من بعيد : شوفيه هذاك بابا هاه اعرف ارسمه..
آيا تناظره : ماشاء الله طبق الاصل من جد مبدعه..
ساكورا : الله يسلمك .. آه شفتي صديقه اللي معاه ؟؟
آيا ترجع تناظر الاب وصديقه ..
ساكورا تكمل كلامها : هذا والد خطيبي اللي قلتلك عنه ؟؟
آيا تشوف ابو اكيرا هو اللي مع ابو ساكورا فتحت عيونها مصدومة : ساسو ..؟؟
ساكورا تهز راسها : ايييييييوه صح عليك.. راح اتزوج ولده الصغير ....
آيا متفاجئة وفمها يرتجف من الروعه : مـ مـ..مسسـ مستحيييييييييييييـــل ....؟!!
ساكورا خافت لان البنت انقلبت على طول : آيا فيه شيء ؟؟
آيا بدت تمتلي عيونها دموع و تهز راسها مو مصدقه : مستحيل .... مستحيـــــل ....مستحيل..
وتحط يدها على فمها وتركض وهي تصيح ...
ساكورا تلحقها : آيا وش فيك ..... آيــــا~ ..
ثم توقف ساكورا ...
ساكورا : وش فيها فجأة ؟؟
اندو وهو راجع لهم قابلته آيا وهي بنفس الحالة وتركض وتخليه... يشوفها اندو ...
اندو : وش فيها ؟؟
تجي ساكورا لاندو ....
ساكورا : اندو ...
اندو ما يدري وش السالفة : وش فيها آيا ؟
ساكورا بقلق : ما ادري .. لما وريتها صديق بابا فجأة صارت مو على بعضها ... الحقها وشوف وش فيها ...
اندو مرتاع : طيب ....
ساكورا خايفه عليها : كلمني لا تنسى ....
اندو : طيب..
ويروح اندو يركض ورا آيا ...
اندو : آيـــا ~ ....
ويطلع في الشارع يتلفت ولا يلقاها ....
اندو : وش فيها ؟؟ ...
يتلفت يمين يسار .....
اندو : آآآه هذي وين راحت ...

ويلتفت ويشوفها من بعيد : هذيك هي ...
ويروح وراها ركض وهي تركض بين الزحمة .....
اندو : يالله كل مالها تبعد اكثر متى بتوقف ....
وهو يحاول يسرع ويتخطى الزحام.....
اندو : آيـــــا ~ ..... آيــا ~ .... وقفي ... !!
يركض اكثر ويمسك بيدها ...
اندو : آيـا ؟؟
وتلتفت عليه ويشوف عيونها مليانه دموع وهي تصيح ....
آيا : اتركني ....
وتحاول تبعد يدها عنه ....
اندو : آيا ... ليه تبكين ؟؟
آيا : مالك دخل ...
وتبعد يدها عنه وتروح تركض عنه .....
واندو يركض وراها يحس انه بدا يشوف الصوره مو واضحة ...
اندو يكلم نفسه : انا ... هذي البنت قد شفت دموعها ... بنفس هالحالة .... كانت هي ....ليــه اعجز اتذكر .... ؟؟
في بيت ابو اكيرا :.
في غرفة ماري ... جالسة ماري على الكرسي وتفكر ..
ماري : لين متى ابقى جالسة انا لازم اتحرك ...
وتقوم وتمسك جوالها وتدق على اكيرا ...
اكيرا : الوه ....
ماري : السلام اكيرا ....
اكيرا : هلا ماري كيف حالك ؟؟
ماري : كنت بخير لكن الحين ماني بخير ...
اكيرا : هاه .. وش فيك يا ماري ؟؟
ماري بتردد : اكيرا .. انــت ... انتـ..
اكيرا خاف : ماري قولي وش عندك .. تراك روعتيني ...
ماري : ليه ما ترجع لليابان ..؟؟
اكيرا سكت شوي ثم تكلم بهدوء ....
اكيرا : ما اقدر ارجع ..
ماري بضيق : ليــه ؟!
اكيرا : عندي بعض الاشياء لازم اسويها ....
ماري : وش هالاشياء ؟؟
اكيرا : ماري انتي اول مره تتصلين عشان تقولين ارجع لليابان كذا فجأه ... وانتي عارفة بقي لي سنة في الدراسة ..
ماري بدت تصيح : لكن انا محتاجة لك ... تعبت وانا اتحمل كل شيء لحالي ..
اكيرا اول مره يسمع اخته تبكي : تتحملين كل شيء ؟؟ ماري صاير شيء ؟؟
ماري وهي تتعبر : أيــه صايره اشياء مو شيء واحد بس ...
اكيرا : قولي وش اللي صاير انا باسمعك واساعدك ...
ماري : تبي تساعدني تعال لي بكره لليابان ..
اكيرا : ماري قلت لك ما اقدر ...
ماري : انت تعرف متى تقدر ومتى ما تقدر .... بس على العموم لو صار اللي سمعته راح تطيح من عيني ولا انا اختك ولا اعرفك ....
وتسكر السماعة .. وتحط يدها على فمها وعيونها مليانه دموع ...
ماري : ليــه يا اكيرا ؟؟ ليه تسوي فيني كذا ...؟؟
عند اكيرا :.
اكيرا : آسف ماري ... لاني ما اقدر اساعدك ...
عند اندو :.
يوقف اندو في طريق ...
اندو : هذا الطريق ... كنت انا واكيرا نجي له فيـ ....
ويمشي على الطريق وهو يتبع آيا ... يوصل للمطل ويوقف ورا شجره ويشوف آيا واقفه على المطل وهي تصيح ...
اندو في نفسه : هذا المكان .. ليــه جته آيا .. كيف تعرفه ... ليه في هالوقت اختارت هالمكان ؟؟ ..
تتجه آيا للمطل وتصرخ والدموع تنزل من عيونها بغزارة ...
آيا : ليــــــــــــــــــــه ؟؟!! .... ليـــه تسوي فيني كذاااااا ...
اندو يناظرها بتمعن ....
آيا : أكيــــــــــــــــــــــــــــــراااااااااااااااا اااااااااااااااااا ~ ......
اندو يفتح عيونه ..
اندو في نفسه : كيف تعرف اكيـــرا ؟؟
آيا : ليــه تكون ساكورا .. ليــه ؟؟ اكيرا ... ويني انا ؟؟ .. ليــه انت قاسي ....
اندو في نفسه : هذي البنت ..... هذا المكان ... هذي الدموع .. انا قد شفتها من قبل ..
آيا : اكيــرا انا محتاجة لك ... انا صابرة عشانك .. ليه تنساني ؟؟ ليــه ..
وتقعد على الارض وهي تكرر كلمة : ليــه ....؟؟
اندو يمسك براسه ويعض على اسنانه ويقطب حاجبيه ...
اندو في نفسه : راسي وش فيــه .. احسنه بيتفجر .. احس اني ما اقدر اتوازن .. ما اقدر اسمع غير صوت ازعاج في اذنيني ...
يغمض عيونه من الالم ويجلس على الارض ... بدا يتذكر :.
[ ؟ : ابي اكون معك للابد ....
أكيرا يبتسم ويحط يدينه عليها ...
اكيرا : هذا وعد ... ]
.....
اندو : بنت مع اكيرا ليــه .. صورتها مو واضحة .؟؟
وبدا يتذكر اشياء وكلمات متباعدة :.
[اندو بوجه حزين : انت صادق ... انت مستسلم
اكيرا منزل راسه : أيــــه ....]
.......
[اندو : لكن كيف راح تعيش من دونك بعد ما تروح وتخليها ...
اكيرا : تعيش من دوني وانا بعيد ولا اني اكون معها في نفس المدينه ولا نقدر نتقابل ....]
..........
[اكيرا ابتسم بسمة حزن : اوصيك عليها......]
.........
يفتح اندو عيونه وينزل ثلج عليهم ....
آيا لاحظت ان فيه شخص موجود ورا الشجرة ... تمسح دموعها وتقوم تمشي شوي شوي له .....

اندو يتذكر :.
[؟ حست بالثلج ورفعت راسها ... اندو بعّدها شوي عنه وحط يدينه على خدها ومسح دموعها ...
اندو : ابتسمي .... لان الابتسامة اجمل على وجهك ....
تنزل راسها وتحاول تبتسم ثم تناظر في وجهه وهي مبتسمه ...]
.....
رجعنا للحاضر::
آيا تقرب : اندو ؟؟
يفتح اندو عيونه ويشوف قدامه آيا وآثار الدموع على وجهها والثلوج كانت خلفيتها ....
اندو : آيـــا ....
ويستلقي على الشجرة ...
آيا تمسكه : اندو انت بخير ؟؟
اندو يتذكرالماضي :.
[ من وقت طويل كنت ابي اعرف احساس شخصين بالثلج .... الاول كان اكيرا وعلمني وش احساسه .... والثاني على طول المده اللي اجلسها معه الا انها ما تثلج معه ابدا ... لكن الحين اثلجت هل اقدر اعرف احساسك بالثلج يا اندو ؟؟؟]
.......
اندو بدا يتكلم بصعوبه ....
اندو : هل لي احساس بالثلج ...؟؟
آيا تفتح عيونها ....
آيا : اندو انت ...
اندو يغمض عيونه ..
اندو : انا ... اتذكر بعض الاشياء لكن بصعوبه .... فيه شخص ... كان يبكي انا مسحت دموعه ... وصاني اكيرا عليه ... قال .. قال ...
هي بنت .. لكن وجهها مو واضح ...
آيا تناظره وتمتلي عيونها دموع ....
اندو : البنت هذي مهمة انا اعرف انها مهمة ... لكن ليــه انا ما اقدر اتعرف عليها .... هذي البنت قالت مره ... انها تبي تعرف احساسي بالثلج ... هل انا جاوبتها ؟؟ .... هذي البنت قضيت معها وقت طويل انا متأكد ....
آيا تعض على شفتها والدموع تنزل منها ....
آيا في نفسها : اندو .. تذكرني تكفى ..
اندو : قالت .. تغيب وتبتعد لكن غلاك بناظري ما غا....
آيا فتحت عيونها ...
اندو بدا يتذكر :.
[رفعت راسها للسماء ثم تتنفس ونزلت عيونها على النهر : تغيب وتبتعد لكن غلاك بناظري ما غاب .... تعيش بداخلي آخر قصيده عطرها انفاسك ... غلاك إن جيت والا رحت لو اكتب ما كفاه كتاب .....]
آيا تكمل معه : وحبك داخلي ورده سقاها العمر باحساسك ... أحبك يا هوى عمري أحبك والغرام أسباب ..... حبيبي كل هالدنيا تضيع بلحظة غيابك..
اندو يفتح عيونه ... ويشوف آيا ....
اندو يتذكر :.
[اكيرا: اندو ... آيا هي اهم شخص في حياتي عشان كذا .. تكفى اهتم بها .....]
.......
[اندو بغضب : آيا ... ليه كل مره تبكين فيها تهربين ؟؟ ليه دائما تظهرين لي البهجة وتخفين الحزن ...
اندو : اذا كنتي بتبكين ابكي علي ... مو من قبل قلتي لا تتركني ؟؟ طلعي كل اللي عندك انا هنا عشانك ..... ما راح اتركك ابدا .... ]
.............
اندو لما تذكرها سحبها له وضمها ...
آيا متفاجئة .....
آيا : اندو انت تتذكرني ؟؟
اندو تنزل منه دموع : آسف يا آيا ...
آيا بحزن : انت الحين تعرفني صح ؟؟ .. اندو ..
اندو : ابتسمي .... لان الابتسامة اجمل على وجهك .... آيــــــــا ......
آيا انفجر كل في داخلها من احزان وتحولت لدموع غزيره ....
آيا : شكرا اندو ... شكرا لانك تذكرتني .... اندو انا محتاجة لـــــك ....
ويبعد اندو آيا عنه .... يمسح دموعها من على وجهها ...
اندو : آسف آيــا ... لاني ما وفيت بالعهد ....
آيا ساكته و شفايفها تتبعر بين الابتسامة والحزن ...
في بيت ابو اكيرا ... غرفة ماري :.
ماري : وش اسوي ؟ انا لازم ما اخليهم يروحون لبريطانيا .... انا لازم اسوي شيء .. وش اسوي يا ربيه ..
في المعرض :.
ساكورا ماسكة الجوال في يدها ...
ساكورا : ليه ما دق علي ؟؟ وش فيها آيــا ؟؟ ...
كيبا : ساكورا ....
ساكورا تلتفت ...
ساكورا : كيبا ......؟
كيبا : وش فيك جالسه هنا ومبتعده عن الناس ...
ساكورا : كيبا ...
كيبا : ليه وجهك كذا .. المفروض اليوم البسمة ما تفارقك ..
ساكورا : انت صادق ..
ثم تلتفت عليه ..
ساكورا : خلينا نطلع للناس ...
عند المطل :.
اندو وآيا جالسين جنب بعض ...
اندو : ليه تبكين ؟؟
آيا في نفسها : شلون اقول له ... ساكورا صديقته .. واندو ما يعرف شيء ...
اندو : وش فيها ساكورا ؟؟
آيا : هاه ..
اندو : انا سمعتك تقولين [ليــه تكون ساكورا .. ليــه ؟؟ اكيرا ... ويني انا ؟؟ .. ليــه انت قاسي ....] اكيرا .. وش سالفته مع ساكورا ؟؟
آيا : ما اقدر اقول شيء .... اندو تكفى لا تجبرني ..
اندو : ما راح اجبرك ابدا ..
توقف آيا ...
آيا : الحين انا فرحانة برجعتك ... هذا كل شيء .. نرجع للبيت .. ؟؟
اندو يوقف : يالله ...
يروح اندو مع آيا لبيتها ويودعها ويروح مشي للمعرض ..
يوقف قدام المعرض وياخذ نفس ..بعدها دخل ..
ساكورا : اندو .... وينك ؟؟ وين آيا ؟؟
اندو : آيا راحت للبيت ... تقول ان بطنها يعورها ...
ساكورا : وش فيها ؟
اندو بلا جواب ثم : ساكورا ... انتي فاضية ... ؟؟
ساكورا : أيــه فاضية ..
اندو : ابي اكلمك شوي تعالي معي ..
ويطلعون ...
ساكورا : اوه تثلج توني ادري ..
اندو : انتي وش وريتي آيا ؟؟
ساكورا بجواب صريح وسريع : صديق ابوي ...
اندو : ومن هذا ؟؟
ساكورا : ساسو ....
اندو : هاه ؟؟! وش يصير؟!
ساكورا : يصير صديق بابا و ابو خطيبي لاني بتزوج ولده الصغير ...
اندو بتفاجؤ : اكيرا ؟؟!!
ساكورا : اوه انت تعرفه ؟؟
اندو بنفس الحاله : ساكورا ... انتي بتتزوجين اكيرا ساسو ؟؟
ساكورا : ما ادري ... اللي اعرفه انه ولده الصغير ... ما اعرف اسمه .... ولا قد شفته حتى ....
اندو نزل راسه ... وبصوت منخفض ....
اندو : عشان كذا ما علمتني ...

ساكورا : اندو فيــه شيء ؟؟
اندو يلتفت عليها : شكرا ساكورا ... آسف انا لازم اروح الحين ....
ويروح اندو وهو يركض ...
ساكورا : معقوله غار ؟ اندو كنت متفاجئ عشاني باتزوج !؟
اندو يتصل على ماري ...
اندو : ردي ... ردي ..
في غرفة ماري :.
الجوال يرن وماري داخله الحمام تتروش ...
اندو يوقف في مكانه ...
اندو : ماري ... انا شلون قلت لها الكلام اللي امس ...
] ماري ..... انا وانتي ... كنا نحب بعض ؟؟[
بعد محاولات كثيره ماردت عليه فأضطر يرجع لبيته..
وصل البيت ودخل بهدوء توجه لغرفته ويروح لغرفته وينسدح على السرير ....
اندو : آيا لمّحت لي كثير ... انا اتذكر هذا الشيء ...
ويغمض عيونه ويتذكر :.
[انا ادرس طب ... وافهم حالة المريض مهما كانت نوعية مرضه ... الدكتور قال ان احد الاشخاص اللي نسيهم هو سبب فقدانك لذاكرتك .... شخص مهم في حياتك ... هذا الشخص انا ما اعرفه ومحد يعرفه غيرك انت .... هذا الشخص كان شاغل تفكيرك .... ما تبي تذكر هذا الشخص ...؟؟
اندو : الا ..... بس انا ما ابي اذكره عشان هذا الشخص اللي شاغل تفكيري ..... انا ابي اتذكر ماري .... لاني اعتقد انها كانت شخص مهم ]
...........
[ماري صدق شخص مهم ... لكن في شخص بعد يبي تعترف له باهتمامك به ...]
..............
[تذكر ... لان فيه شخص محتاج لــــك ..... ]
.........
اندو يفتح عيونه ....
اندو : انا اهتم لك كثير ... هذي هي الحقيقة آيا ...
ويقوم من سدحته ...
اندو : معقوله ماري تعرف ان ساكورا هي مخطوبة اكيرا ؟؟ بروح بكره واسألها ....
في غرفة آيا :.
آيا تطلع من الحمام وتروح قدام المرايه .. وهي تسرح شعرها ....
آيا : وش اللي يصير ؟؟ اكيرا .. علمني ... هل هذا الزواج انت مجبور عليــه ؟ انت كنت تقول انك دائما مجبور ... هل صدق انت مجبور على الزواج بساكورا ؟؟ ..
وتمتلي عيونها دموع ...
آيا : الدموع ما راح تسوي شيء ... آيا امسكي نفسك .. هذا حكم القدر .. اكيرا من البداية مو لك .....
وتلتفت على الدريشة ...
آيا : حتى يوم اشتقت لك ... ما صارت السماء صافية .....
ومن بكرة :.
الام تنادي من عند الدرج : ماري ... مو سيارتك في الصيانه يالله ابوك بيوصلك معه ....
ماري : الحين الحين بنزل ..
يدخل الابو للبيت ...
الابو : وينها لي ساعة في السيارة ....
تجي ماري وهي تركض على الدرج وتلف رجلها وتطيح من اعلى الدرج ....
الام : ماريييييييييييييي ~ ....
وتركض امها وابوها لها .. يمسكها ابوها ...
الابو : ماري ؟؟
ماري تتنفس بصعوبه ولا تقدر تنطق ..
الام : خذها بسرعة للمستشفى ....
في الدوام :.
اندو يدخل لمكتبه ....
اندو : يووووه رجعنا للشغل ....
يقعد على مكتبه ويشوف ملفات كثيره ....
اندو : يوه كل هذا ينتظرني ... ؟؟
يدخل عليه السكرتير ...
السكرتير : صباح الخير سيد اندو ....
اندو : صباح النور ..
السكرتير : الحمد على سلامتك ...
اندو : الله يسلمك .... كيفك انت وكيف عيالك ؟؟
السكرتير : تمام والحمد لله ...
اندو : هذي الملفات ممكن توضح مصادرها لي ومتى وصلت ...
وبعد شوي في المستشفى :.
الابو في مكتب الدكتور ....
الابو : كيف حالتها ؟؟
الدكتور : ما صار لها ذاك الشيء الخطير .. لكن بسبب انها طاحت من مسافة كبيره .... يدها اليسرى فيها رضوض بسيطه عند المعصم .. والرجل اليمنى فيها كسر غير مضاعف ... والرجل الثانية فيها ضربات بسيطة لكن راح تمشي عليها من بكره ...
الابو : طيب الحين هي غايبه عن الوعي ؟؟
في المكتب :.
اندو ياخذ بعض الملفات ومتجه لمكتب ابو اكيرا ....
سكرتير ابو اكيرا : المدير اليوم ما جاء ..
اندو : صدق ! .. غريبة مو من عادته ... طيب ماري جت ؟؟
السكرتير : الانسة ماري دخلت المستشفى ولهذا السبب المدير ما جاء ....
اندو : ليه وش فيها ؟؟
السكرتير : السبب ما بعد عرفته ....
اندو متفاجئ : أي مستشفى ؟؟
ويقول له السكرتير المستشفى .....
اندو : شكرا ...
ويروح بسرعة ....
يروح لمكتبه ياخذ جيكيته ويطلع .... يوقف عند سكرتيره .....
اندو : انا طالع اهتم بكل شيء ....طيب
السكرتير : ان شاء الله .....
يروح اندو ويتصل بعمه ابو اكيرا ....
اندو : الوه السلام يا عمي ...
ابو اكيرا : وعليكم السلام ..
اندو : سمعت ان ماري تعورت ... كيف حالها الحين ؟؟
ابو اكيرا : ما صار شيء كايد .. وهي طيبه الحين .....
اندو : وش صار بالضبط ؟؟
ابو اكيرا : التوت رجلها وهي تنزل من الدرج وطاحت من اوله لآخره ....
اندو : يوه شكلها تعورت مره ....
ابو اكيرا : ان شاء الله بكره بتطلع من المستشفى ....
اندو : يالله انا جاي لزيارتها ....
ابو اكيرا: احنا بانتظارك..
وصل اندو للمستشفى وسأل عنها و توجه لغرفتها ضرب الباب ودخل...
اندو : السلام عليكم ....
الام : وعليكم السلام .....
اندو : كيف حالها الحين ؟؟
الام : قال الدكتور [انها طاحت من مسافة كبيره .... يدها اليسرى فيها رضوض بسيط عند المعصم .. والرجل اليمنى فيها كسر غير مضاعف ... والرجل الثانية فيها ضربات بسيطة لكن راح تمشي عليها من بكره ... ]
اندو : طيب هي ليه غايبه عن الوعي ؟؟
الام : يقول انها ما تحملت الالم ... وراح تصحى اليوم او بكره صباح ....
يلتفت ويشوفها ....
اندو : ما تحملت الالم؟!
الام : انا باطلع شوي ....
وتطلع الام ويروح اندو يجلس على الكرسي ويمسك يدها ...
اندو : لــيه ؟؟ ليه يوم قدرت اتعرف عليك وصلتي لحدك ليه ما تحملتي لو شوي ... انا اعرف اني راكمت عليك الآلام لكنـ... ماري انا هنا .. قومي ابي اشوف بسمتك ...
تذكر كلامه معها من قبل ::
[ وانا وش دراني اذا كنت تحبني او لا ... اللي اعرفه انك كنت تحب ... لكن الشخص اللي تحبه محد يعرفه غيرك ... ]
...............
اندو : الحين تذكرت ان الشخص اللي احبه ما كان لازم اني اتكلم عنه معك ... الحين عرفت ان ذاك الشخص اهتمامي له .. حبي له ... كان كذب ... كذب .. لاني نسيته مثل ما انسى أي شخص .... ماري ... هو انا ما كنت احبك حب العاشق لكن الحيــن ... حسيت انك صرتي من اقرب الناس ... سامحيني ماري ... آسف اني تركتك لحالك .. آسف اني سببت لك الالم ... كان المفروض اني اشيله عنك بدل ما ازيده ...
يوقف اندو وهو يشوف ماري : ارتاحي .... الحين جاء دوري ...
و توه بيطلع قابله ام اكيرا ...
ام اكيرا : بتروح ؟؟
اندو : أيــه ....
ام اكيرا : توك جاي ...
اندو : معليش مره ثانيه .. الحين عندي عمل ...
ام اكيرا : براحتك ...
اندو : تآمريني على شيء ...
ام اكيرا : لا شكرا ...
اندو : مع السلامة ....
ام اكيرا : مع السلامة ....
ويطلع اندو .. يروح يركب السيارة ويتصل ...
اندو : الوه ....
ساكورا : الوه ...
اندو : هلا ساكورا كيف حالك ؟؟
ساكورا : هلا اندو ....
اندو : اليوم انتي فاضية ؟؟
ساكورا : أيــه ...
اندو : اقدر اقابلك ؟؟
ساكورا : هاه ؟! .. ايه ايه تقدر ... متى ؟؟
اندو : أي وقت .. انتي حددي ..
ساكورا : العصر ...الساعة 5 ... يناسبك ؟؟
اندو : أيـــه يناسبني كثير ..
ساكورا : وين نتقابل ؟
اندو : في الممشى الجنوبي .....
ساكورا :طيب اتفقنا ....
وتسكر ساكورا السماعة ....
ساكورا : غريبة ليــه يطلب انه يشوفني ... اندو تغير كثير عن اول ...
يرن جوالها .. ويكون المتصل كيبا ...
ساكورا : الوه ..
كيبا : السلام عليكم ...
ساكورا : وعليكم السلام ...
كيبا : كيف حالك ساكورا ؟؟
ساكورا : تمام .. كيفك انت ؟؟
كيبا : تمام ..... ساكورا انتي اليوم فاضية ؟؟
ساكورا : هاه .. أيــه عندي وقت فاضي ..
كيبا : اقدر اقابلك ؟
ساكورا : ايه عادي ..
كيبا : انتي متى فاضية ؟؟ ..
ساكورا : امم ... الساعة 6 ونص في الممشى الجنوبي ... يناسبك ؟؟
كيبا : أيــه يناسبني ... خلاص اشوفك هناك على الموعد .. مع السلامة ...
ساكورا : مع السلامة ..

وتسكر ساكورا السماعة .....
ساكورا : اليوم فيه شيء ؟؟ .. غريبة يطلبني اندو وبعده كيبا ... من جد غريبــة .
في الكلية :.
يوكي وآيا يمشون في الممر جنب بعض ....
يوكي : ما قلتي لي وش صار على المعرض ... امس دخلتي من دون ما احس فيك ورحتي تنومين ... متى جيتي حتى ؟؟!! .....
آيا : يوكي .. اندو رجعت له ذاكرته ...
يوكي : والله ؟! ياي والله فرحتيني ...متى وكيف ؟؟
آيا : امس بعد المغرب ....
يوكي : وليــه ما اشوف عليك حتى الابتسامة ؟
تلتفت آيا عليها وتبتسم ...
آيا : كذا ترتاحين ؟؟
يوكي منقهره : آيـــاااا ... وش فيك انا ما اطلب منك انك تبتسمين ... الابتسامة تطلع من نفسها .. حصل شيء امس ؟؟
وقفت آيا في مكانها صامته ....
يوكي : آيا ؟؟ حصل شيء صح ؟؟
آيا : يوكي تكفين لا تسأليني .. تكفين غيري الموضوع ..
يوكي بعت تغير الموضوع : ايه صح امس ما دريتي ... قالو ان فيه بعثات ..
آيا : بعثات ؟؟
يوكي : أيــه طلاب الامتياز ... ومن ضمن الدول بريطانيا ... اسمعيني انتي شاطره وتقدرين .. الاختبار الاسبوع الجاي حاولي تجيبين فيه امتياز عشان يرفعون اسمك ....
آيا : ما يحتاج اللي في بريطانيا ما يبيني ...
وتروح وتخليها ...
يوكي : نعم؟! ...
وتروح تلحقها ....
آيا في نفسها : هو ما يحتاجني ... هو نساني ...
الساعة 5 العصر :.
اندو واقف وهو يتفرج على المشاة .... تجي ساكورا له ...
ساكورا : لايكون تأخرت عليك ؟؟
اندو : لا جيتي في الوقت ...
ساكورا : بغيتني ... !
اندو يلتفت على جهة النهر ..
اندو : آسف على امس ...
ساكورا : ما فيه شيء يستحق الاعتذار ....
اندو : صار اكيرا ... صح ؟
ساكورا : ايه ... اليوم سألت ابوي عن اسمه وقال انه اكيرا ..
اندو : ساكورا ... متى زواجك ؟؟
ساكورا : ما اعرف تونا ما بعد حددنا هذا الشيء ..
اندو : انتي قلتي لي انك ما قابلتيه او حتى شفتيه صح ؟؟
ساكورا : أيـــه ...
اندو : كيف وافقتي انك تتزوجين شخص ما قابلتيه في حياتك ؟؟
ساكورا : ما احتاج اني اقابله ابوي هو اللي يختار لي شريك حياتي .....
اندو : حتى شريك حياتك هو اللي يختاره لك ؟؟
ساكورا : اندو .. وش فيــك ؟؟
اندو ينزل راسه ...
اندو : ساكورا .. تقدرين ترفضين اكيرا ؟؟
ساكورا : هاه ؟؟
ويلبق كيبا سيارته ويلمحهم من مسافة ...
كيبا : اندو ؟!
ينزل من السياره ويقرب من عندهم ...
اندو بهدوء : ساكورا ... اكيرا شخص ما يناسبك ... عشان كذا ....
ساكورا تقاطعه : وانت وش دراك انه ما يناسبني ؟؟ انت تعرف اكيرا ؟؟
اندو رفع راسه : اكيرا ... ولد عمي ...
ساكورا تفاجأة : ولد عمك ؟؟
اندو : أيــه ..
ساكورا : هل اكيرا اللي كنت تتكلم عنه في ايطاليا ... هو نفسه ؟؟
اندو : أيـــه ..... وانا اعرفه اكثر من أي احد .... عشان كذا ساكورا انا ..
ساكورا تقطع كلامه : وش فيه عشان ما يناسبني ؟!
اندو : ساكورا ... اكيرا ما يحبــك ..
ساكورا مستغربه : ليــه هو اصلاً قابلني عشان يحبني .. لما نتعرف على بعض بيحبني .. في النهاية انا زوجته ..
اندو يبغاها تيأس : ما راح يحبك حتى ... ساكورا ... عشاني ... تكفين لا تتزوجينه ...
ساكورا توقف معصبه : هذا طلب اناني ... اندو انت تطلب اني ما اقبله ومن دون سبب ؟؟ هذا شيء مستحيل ... اعذرني انا بروح ....
وتمشي ساكورا شوي وهي مستنكره تصرفات اندو .... اندو يلحقها ويمسك يدها ويلفها لجهته ....
اندو بكل قوته يطلع اقوا كلمه : ساكورا ...... تتزوجيني ؟؟؟؟؟؟؟؟
تفتح ساكورا عيونها ... وكيبا متفاجئ نفس الشيء ...
ساكورا في نفسها وهي مو مستوعبه تصرفاته الغريبه : اندو ... يتزوجني انا ؟؟!! ....
وبتفكير وفي نفسها : هل عشان كذا ما يبيني اتزوج ولد عمه ...؟؟

وبكذا ينتهي البارت
والى الفصل الـ13
جانئ ~

لانه مالك قلبي , دمي , عقلي .... (( الفصل الثالث عشر – الجزء 1 ))

اندو بكل قوته يطّلع اقوى كلمه : ساكورا ...... تتزوجيني ؟؟؟؟؟؟؟؟
تفتح ساكورا عيونها ... وكيبا متفاجئ نفس الشيء ...
ساكورا في نفسها وهي مو مستوعبه تصرفاته الغريبه : اندو ... يتزوجني انا ؟؟!! ....
وبتفكير وفي نفسها : هل عشان كذا ما يبيني اتزوج ولد عمه ...؟؟
اندو : ساكورا .... ~
ساكورا تبعد يدها عنه ... وتعطيه كف على خده ...
ساكورا تمتلي عيونها دموع : لهالدرجة ؟؟ ... لهالدرجة ما تبيني اتزوجه .... تنـّزل نفسك وتطلب يد البنت اللي ما قد حبيتها ...
اندو يحط يده على خد متفاجئ: ساكورا ؟
ساكورا وهي تصرخ عليه : انت ما تحبني .... ليــه تطلب يدي ؟!
اندو بهدوء : من قال اني ما احبك....
ساكورا تسد اذانيها و بصراخ : كذاااب ... انا نفسي اعرف .. اعرف هالشيء من زماااان ... انت تستغلني لاني احبك .. انا متأكده ان فعلك هذا عشان شخص غيري ... جبرت نفسك علي عشانه ..
وتقرب منه وعيونها مليانه دموع بهدوء قالت : من هذا الشخص اللي خلاك توصل لهالحد .... ؟
اندو بغضب : محد جبرني ... انا من نفسي سويت هذا الشيء ... لاني ابي صدقـ...
كيبا : بس كافي ارحم البنت ...
ويلتفتون على كيبا بتفاجؤ ...
ساكورا ودموعها تنزل : كيبا ؟!
كيبا يتوجه لاندو : ساكورا تعرفك .. ما تقدر تقنعها بهالكلمات البسيطه ....
اندو نزل راسه : وش معنى كلامك ؟؟
كيبا : عشان توقف هالزواج يستلزم انك تدّخل نفسك في شيء انت ما تبيه ؟؟
اندو : ما ادخل نفسي ... انا ابيها ..
كيبا : لا تعتقد انك دائما المحبوب .... ساكورا صدق كانت تحبك .. لكن هذا الشيء كان قبل ست سنين .... كانت تتمنى لو تلتفت لها ...
ساكورا تبي تسكِّت كيبا : كيبـــــا ..~~
كيبا : ساكورا .. مثل ما كنتي تتمنين لو اندو يشوفك ... كان فيه شخص يتمنى هاللحظة لو تشوفينه ......
ويلتفت على اندو : اندو .. لو ما جيت وسبقتني على ساكورا .. كان بس بينا نص ساعة واعيد عليها نفس كلامك ... لكن من دون إجبار ...
اندو متعجب من كلام كيبا ...
كيبا : الباقي علي ... ما راح اخليك تاخذ دور البطوله لحالك ......
ساكورا تناظر كيبا وهي ساكته :...........
اندو ماسك اعصابه ويلتفت على ساكورا : ساكورا ... انا آســـف .. لكن اعرفي اني يوم قلت كلامي كنت اعنيه ...
ساكورا تلتفت مع الجهه الثانيه وتمسح دموعها : كنت اعرف ... لكنـ..
تبلع ريقها ثم تقول : روح ... روح يا اندو ولا تحاول تصعب الامور على نفسك ...
ينحني اندو لها بكل امتنان ... ثم يمشي بخطوات بطيئه بدون ما يلتفت للي وراه ...
أندو في نفسه : شيء غير متوقع منك .... كيبا ...
في السكن :.
آيا قاعده على سريرها تذاكر ..... تدخل عليها يوكي ومعها كوب قهوة ....
يوكي تمده لها : تفضلي ...
آيا : شكراً ....
يوكي جلست على طرف السرير : تذاكرين لامتحان الاسبوع الجاي ؟؟
آيا تهز راسها : أيــــه .....
يوكي بابتسامة : شكلك متحمسة تاخذين الامتياز فيه صح ؟؟
آيا : لا ...
يوكي طلعت عيونها : نعم ؟!
آيا تتعدل في جلستها وتلم نفسها بيدينها : اذاكره لاني احس اني ما راح اكون فاضية بعدين ....
يوكي تناظر لآيا بحسره ..
يمر الوقت ...الساعة 10 الليل :.
اندو جالس على مكتبه في البيت ..
اندو : اففف ... اخيرا خلصت ... الشغل من جد ما ينتهي ...
ينطق الباب ...
اندو : ادخل ...
تدخل الخادمة ....
الخادمة : العشاء جاهز ...
اندو : اوكي يالله الحين نازل ....
ينزل اندو ويجلس على السفرة مع امه وابوه ...
اندو : اليوم مجتمعين ....
الابو : انا خلصت اعمالي اليوم مبكر ...
اندو : أها ...
الابو : بكره خليا نروح للمستشفى ... الدكتور اليوم سأل عنك ....
اندو : لكن انا الحين متشافي تماماً ...
الام : لكنـ...
اندو يقطع كلام امه : انا كان عندي فقدان ذاكره جزئي .... صح ؟
الابو : من صيغة كلامك .. انت الحينـ...
اندو : استعدت ذاكرتي .... والحين انا ما احتاج علاج ...
الام بفرحه : صحيح يا اندو ... ليه ما قلت لامك عشان ترتاح ,,
اندو : آسف اني ما قلت شيء .... لكن هذا الشيء توه صاير اليوم وهذا انا على طول قلت لكم ...
الام تبكي ...
اندو : يماه ... ليه تبكين ؟
الام : فرحانه بعودتك ...
الابو : الحمد لله على سلامتك ...
اندو يبتسم ويكملون اكلهم ,,,
بعد ما خلصو من العشاء جلسوا في الصاله يشربون شاي ...
الام : اندو .. حبيبي ودي اسألك سؤال ...
اندو : قولي ....
الام : انت عندك صديقة ؟
اندو : أيــه
الام : تحبها ؟؟
اندو يوقف عن الشرب ...
الام : تحبها ؟؟ ... حبيبي اذا كنت راغب بها....
اندو يقطع كلام امه : توني ... انا ما ابي اتزوج الحين ....
الام : لكنـ..
اندو : لما افكر في الزواج راح اقول لك .... انا ما بعد استعديت .... وعندي اعمال كثيره لازم اخلصها ...
الام ما تبي تضغط عليه : على راحتك حبيبي ...
اندو وهو يشرب الشاي يفكر ...
اندو في نفسه : الزواج .. البنت اللي احبها مستحيل اتزوجها .... وغيرها .... اعتقد اني الوحيد اللي صرت بلا رفيقه ..
ينقطع تفكير اندو برنة جواله في جيبه يترك الشاي على الطاوله ويطلع يكلم ...
وبعد المكالمة يسكر السماعة ويدخل البيت ويصعد لغرفته ويلبس ملابسه بسرعة وينزل من الدرج وهو يركض ......
الام : اندو .. وين رايح هالوقت ؟؟
اندو : عندي شغل ضروري ...
ويطلع اندو من البيت ويروح للمستشفى ... يطق باب غرفة ماري ..
ماري : ادخل ...
يدخل اندو ..
اندو : بغيتيني ...
ماري تبتسم : جيت بسرعة ...
اندو ضاع : لا بس لاني كنت قريب ...
ماري تأشر له على كرسي بالقرب من سريرها : اجلس ...
يجلس اندو عندها ....
ماري : آسفه اني اطلبك في هالوقت ...
اندو : ما عليــه ....
ماري : الموضوع ما يستلزم التأخر ...
اندو : لكــن معليش قبل ما تقولين شيء .... عادي اعرف شيء ...
ماري : تعرف ؟؟
اندو : سألتك من قبل سؤال ...
ماري : هاه ..
اندو : معليش تجاوبيني هالمره بكل صراحة ؟
ماري : قول ...
اندو : ذيك المره سألتك ان كنا نحب بعض من قبل ..... قلتي [اذا كنت تحبني الحين معناه انك كنت تحبني قبل ... لكن من طرفي انا ..] ... من طرفك .. ايش ؟
ماري احرجت شوي ..
ماري : انا .. احب اندو السابق ...
اندو : والحين ...؟؟
ماري : راح تعرف الجواب بعدين ......
اندو بإطمئنان : اوكي ما راح اجبرك .... قولي الموضوع اللي عندك ..
ماري تلعب باصابعها ما تدري من وين تبدا : عندي موضوع لازم اقوله لك ... لاني ما لقيت شخص يناسب للموضوع .... يمكن ما يكون عندك خلفية له .... لكن هو رجاء وطلب ...
اندو متحمس : قولي ...
ماري تناظر للدريشه بضيق : اكيرا ... بيتزوج .... وزوجته انت تعرفها زين ..... ما ادري كيف اقولك .... اندو .. هذا الزواج ....
اندو يكمل كلامها : تبينه يلغى ....
ماري تلتفت عليه متفاجئة ....
اندو : اكيرا بيتزوج ساكورا كاياما ... وهذا شيء مستحيل يكون .. ادري تعبتي وانتي تفكرين في هالموضوع ...
ماري : اندو انت ..
اندو : عرفت هذا الشيء امس ...
ماري تنزل راسها : لكن المشكله هنا مو ساكورا ....
اندو مستغرب : اجل مين ؟!
ماري متضايقه : اكيرا ... موافق على هذا الزواج ....
اندو متفاجئ وفي نفس الوقت معصب : ايش انتي وش قاعده تقولين ؟! ..
ماري مستغربة ردة فعل اندو .....
ماري : اندو ... ليــه غضبت ؟؟
اندو ينزل عيونه للارض : ماري .... انا .. انا ... صرت اتذكر ..
ماري متفاجئة : هاه !!
اندو : رجعت لي ذاكرتي ... اعرف كل شيء ... اكيرا .. آيا .. ساكورا ... انتي ..
ماري بفرحه مع حزن : اندو .... ~
اندو : اليوم قابلت ساكورا وتكلمت معها ....
ماري : وش قلت لها ؟؟
اندو : بعض الاشياء .. واعتقد ان الموضوع تصلّح ..
ماري : يعني .. ؟
اندو : ساكورا مسكينه ما تعرف شيء .... ابوها هو اللي اختار اكيرا يكون عريس لها .. وبعد ما تكلمت عنه معها تفهمت الوضع .....
ماري بحماس : بكره ... بيروحون امي وابوي وساكورا واهلها لبريطانيا ...
اندو : هاه ؟!
ماري : ما بقى كثير من الوقت .... سفرة بكره لازم تلغى .....
اندو : ليه اكيرا وافق ... ؟؟
ماري بحزن تنزل راسها : هذا الشيء حتى انا ابي اعرفه .. كلّمته من قبل لكن ما عطاني أي غاية ....
اندو : هذا الشيء راح نعرفه بعدين .. المهم ساكورا ... اتمنى يكون كل اللي في بالي ...
ماري : كل ثانية تمر محسوبه علينا ... انا ابي اصلّح كل الامور بدون ما تدري آيا ...
اندو يناظر ماري وبدا يفكر ...
اندو يفتح جواله ...
ماري : وش بتسوي ؟؟
اندو يسكر الجوال ...
اندو : ولا شيء ....ماري .. بكره الصبح اتصلي على اهلك وقولي انك تبين تطلعين .. عشان تتعطل سفرتهم اكثر ...
ماري : طيب ...
اندو : بكره راح اكلمك واخبرك كل شيء يحصل ...

ماري تهز راسها بالموافقه مبسوطه ان اندو رجع لها وفيه من يساعدها ...
اندو : اوه صح نسيت .... الحمد لله على سلامتك .. ما تشوفين شر ...
ماري ابتسمت في وجهه ...
اندو : استأذنك ..
ماري تستوقفه : اندو ..~
اندو يوقف ويلتفت عليها ....
ماري باحراج وشوق : اندو .. متى رجعت لك ذاكرتك ؟؟
اندو بابتسامه : امس ...
ماري بحزن : وليــه ما علمتني ؟؟
اندو : كنت ناوي اجيك اليوم لكن حصل انكـ ....
ماري : وليــه سألتني قبل شوي السؤال نفسه ؟؟ انت الحين تعرف من كنت تحب .....
اندو : أيــه اعرف ... لكن عرفت بعد ان ماري تحبني .....
ماري متفاجئة وبإحراج : اندو ؟!
اندو : قلت لك من قبل والحين اقولك ... الشخص اللي كنت احبه كان حبي له خطأ ... والحين اشوف فيه شخص ثاني يهتم لي ...
ماري محرجة ..
اندو في نفسه : هذا الشيء كان المفروض يحصل من زمان ... ماري حبتني .. قدامي بنت مثل الشخص اللي حبيته ... ليــه ارفضه .. الا بالعكس انا الحين مرتاح معه ..... ما ابيه يتألم مثل المي ...
اندو بابتسامه : ماري .. بعد ما تتصلح الامور ..... مثل ما وعدتك ... راح اوديك المكان اللي احبه ..
ماري تبتسم من الفرحة ..
ماري تهز راسها بالموافقة ...
ماري في نفسها : شكرا اندو ....
اندو يبتسم في وجهها...
اندو : ماتشوفين شر ....
ماري تبتسم في وجهه : ما يجيك الشر ...
ويروح اندو ....
ماري تناظر الباب بكل فرحه ....
ماري : اندو ... اتمنى اني اكسب حبك ......
ومن بكره الساعة 11 الصبح :.
ماري جالسة على السرير وتدخل امها عليها ....
الام تقرب من عند ماري وتجلس وتمسك يدها ....
الام : حبيبتي ... الحمد لله على سلامتك ..
ماري : الله يسلمك ماما .. الحين احس اني تشافيت ...
الام : لازم ترتاحين اكثر ...
ماري : ودي اطلع اليوم ....
الام : اليوم ؟!
ماري : أيــه ما احتاج لرعاية المستشفى .... انا احتاج رعايتك ...
الام : بس انتي ...
ماري : مو انا المريضة ... ماما عشاني قولي لابوي اني ابي اطلع ...
الام : ما راح يرضى ....
ماري : طيب اجلسي اليوم معي ... احس بوحشة لحالي ..
الام تبتسم وتمسح على شعر ماري ...
ماري في نفسها : اذا كانو بيرفضون خروجي فبخليهم يجلسون عندي ....
الساعة الان 1 الظهر :.
ابو ساكورا : تجهزتي بنروح 3 العصر ....
ساكورا : حاضر ....
يرن جوال ابو ساكورا ..... يروح وياخذه ويرد ..
ساكورا : بقي ساعتين ..
تروح وتجلس في الصالة وتفتح التلفزيون ... يسكر الابو الجوال ويجي ويجلس معها ...
الابو : ساكورا ...اللي اتصل علي قبل شوي كان ابو نيزو .. يقول ان السفرة بتكون بكره ....
ساكورا : ليــه ؟!
الابو : يقول ان بنته طاحت من على الدرج وتضررت ....
ساكورا تتكلم بصوت منخفض : ماري .. عسى ما تعورت كثير ...
الابو : عشان كذا بكره بنروح لبريطانيا ..
ساكورا توقف : لا .... انا ابي اروح اليوم ...
الابو : ليش ؟!
ساكورا : لاني ابي اروح هناك واستقر وارتاح شوي .... عشان استعد للمقابله بعد بكره ..
الابو : طيب.. على راحتك ...
ساكورا : بروح اخذ بعض الاشياء واحطها في الشنطة ....
الابو : لازم نروح الحين ما نبي نتأخر على الرحلة ..
ساكورا : اوكي ...
الساعة الان 2 وربع الظهر :.
ام ماري جالسة مع ماري في الغرفة ........
يرن جوال امها ...
الام : شوي ماري بأطلع ثم بارجع لك ...
ماري : طيب ...
تقوم الام وتطلع برا الغرفة ...
ماري : يا الله وش بيصير .. انا اشوف الساعة تمشي وما فيه اية تغيرات ....

في المطار ::
ساكورا واقفة على مطل المطار وتشوف الطيارات وهي تقلع وتهبط ..
الابو ينادي من بعيد ..
الابو : ساكورا .. ~ .... ياللـــــه ..
ساكورا تلتفت لابوها : جاية ....
راحت تلحق ابوها ولما وصلت للبوابه التفتت خلفها وقالت : آسفـــــة اندو ...
دخلت للبوابة واقلعت الطائرة متوجهه الى لندن ...
اندو في السيارة :.
يتصل على ساكورا ...
الجوال : ان الهاتف المطلوب لا يمكن الاتصال به الانـ.....
يسكر اندو الجوال ...
اندو : مو من عادتها تقفل الجوال ...
يمر الوقت وكل شيء هادئ .. باعتقاد ماري ان الرحلة الغيت ... واعتقاد اندو ان ساكورا رفضت انها تسافر لبريطانيا ... فيتوقف كل شيء ...
ومن بكره :.
اندو في العمل جالس على مكتبه ..
اندو : غريبة ما اتصلت علي الى الان .... وجوالها طول الوقت مقفل ....
يمسك اندو جواله ويتصل على كيبا ....
ماري تطلع من المستشفى وتروح للبيـت ..
الام : ماري ... انا وابوك بنطلع ويمكن نتأخر ...
ماري : طيب .....
وتطلع الام من عندها ..
ماري سمعت الباب حق غرفتها يتسكر..
انسدحت على السرير بارتياح : آهه لكم حرية التجول ... المهم ان الرحلة الغيت ....
عند اندو ....
اندو يسكر السماعة ..
اندو : مستحيــل !! .... ساكورا وش غايتك ؟؟
بريطانيا الساعة 4 العصر :.
اكيرا ماسك كوب الشاي وواقف قدام الدريشة ..
دخل عليه خادمه ..
الخادم : سيد اكيرا ... فيــــه بنت برا تبغى تقابلك ..
اكيرا يلتفت عليه : وش اسمها ؟؟
الخادم : قالت " ساكورا كاياما " ....
اكيرا يدخل غرفته : ضيفها وجلسها في الصالة ... بالبس وانزل ..
الخادم : ان شاء الله ...
اكيرا : مثل ما توقعت .... الظاهر باشوف زوجتي قبل المقابله ...
ساكورا جالسة في الصالة .... ينزل اكيرا من الدرج .. توقف ساكورا وهي تناظره بكل تأمل ..
يقرب اكيرا ويوقف قدامها ....
اكيرا : تفضلي ....
ويلف وجهه على الخادم .
اكيرا : جيب كوبين شاي ...
الخادم : على امرك ..
ساكورا في نفسها : ما توقعت ان اكيرا بيكون بهالوسامة ....
اكيرا بكل كبرياء : جاية لي قبل المقابله لشيء ؟؟ او للتعرف ..؟؟
ساكورا تناظره بثقه : كل الاثنين ...
اكيرا يجلس : اعتقد ان عندك خلفية عني ....
ساكورا لازالت واقفه : مع الاسف لا ... ما عندي أي خلفية عنك ...
اكيرا يحط رجل على رجل : اجل راح اعرّفك على نفسي ...تفضلي اجلسي..
ساكورا تجلس وبدون ما تناظره : ما اعتقد اني احتاج اني اتعرف عليــك ...
اكيرا حاط عينه عليها : اجل ؟!
ساكورا تلتفت عليه : انت بالضبط وش تبي مني ؟؟
اكيرا تعدل في جلسته : ما ابي منك شيء ....
ساكورا بدت تتوتر من بروده : امس جاني شخص تعرفه زيــن ... قال لي اني ارفض الزواج منك .... والسبب انك ما تناسبني .... وشيء ثاني قال انك ما راح تحبني و السبب مجهول ..... اذا كنت من الاصل ما تبي تتزوجني ليــه توافق ... من حقك الرفض ..
اكيرا بهدوء : ومن قال لك اني ما ابي اتزوجك ؟؟
ساكورا توقف : ما يحتاج تقولها بلسانك ... يكفي ان هذا الشيء وصلني ....
اكيرا يناظرها وهي معطيته ظهرها : طيب وش الغاية من كلامك ...؟؟
ساكورا تلتفت عليه و باصرار : انا ما يهمني سواء كنت مناسبه لك او لا .. المهم عندي ان اللي يسكن قلبك هو انا وواثقه انك بتحبني ...
اكيرا يناظرها ويبتسم بسمة ساخرة ....
ساكورا تتنرفز من ابتسامته : انا الحين استأذن ... اشوفك في المقابله ...
وتمشي شوي وتوقف عند الباب على قول اكيرا ..
اكيرا : للمعلومية ...
تلتفت عليه ساكورا ويقوم ويقرب عندها .... ويقول كم كلمه بصوت منخفض باذنها .... ثم يبعد ..
اكيرا : آسف .. آسف اني اقول لك هذا الكلام ... لكــن حبيت اريح نفسي بس ..
ساكورا تناظره وتبتسم بسمة خفيفة ...
ساكورا : وانا ما راح ايأس بعد .. حتى لو تزيد اكثر على هالكلام ..
وتطلع ساكورا من المكان ... يروح اكيرا ويصعد لغرفته وينسدح على السرير ...
اكيرا : اندو ليــه وصلّت لها الرسالة بهالشكل ...؟؟
ساكورا راكبه سيارتها ...تكلم نفسها ...
ساكورا منقهره تضرب الدركسون بيدها : الحين ارتحتي يا ساكورا .. بعد ما تأكدتي انها آيــــا ...... ردة فعلها وضحت لي ... حركات اندو قربت لي ... وفضولي هو اللي وصلّني هالمكان ... اعتقد ان هالبنت قويه .. لدرجة انه ما زال متعلق فيها ... انتظريني يا آيــــا ...
في اليابان :.
اندو راكب سيارته ويسوق بسرعة متجه للمطار ..... يوصل للمطار ويدخل ويروح يسأل عن وقت رحلة بريطانيا .. ويقولون له ان الطيارة توها مقلعة ....
اندو يضرب على الجدار ......
اندو : ليـــه ؟! ليه ما يحصل اللي انا ابيـه ....
يرن جواله ::
اندو يشوف المتصل ماري : الوه ..
ماري بقلق : ايش صار ؟
اندو معصب : راحوا .. راحوا يا ماري ..
ماري توترت : وش نسوي ؟
اندو يحاول يهدي نفسه : ما بيدنا شيء نسويه .... ليه الامور تمشي كذا ...
ماري بضيق : اندو ..... ما قلت لي انك صلحت الامور مع ساكورا ؟
اندو ما يدري وش يقول : ما ادري عنها .... يمكن تكون مجبوره .. ما اقدر اقول لك شيء عنها ....
ماري بقلق : طيب ارجع الحين خلينا نفكر في شيء ..
يسكر اندو السماعة ...
اندو : ما اقدر اقول أي شيء عن ساكورا .... حتى لو كان ... ما ابي ماري تكرهها اذا درت ان روحتها برغبتها ....
يرجع اندو للبيت ويشوف ماري جالسه في الصاله وهي متوتره ..
يروح اندو ويجلس مقابل لها ....
اندو : انتهى دورنا الحين يا ماريـ...
ماري بغضب تقاطعه : انا خلاص صرت اكره اكيرا ... خلاص ... معد صرت اطيق هالشيء ... ليه يسوي كذا ؟
اندو : ما نقدر نحكم على فعله ... هذا اخوك يا ماري
ماري : ليه يوافق من الاصل ..... هذا شيء هو مو مجبور عليه .... ليـه .. ليه ؟!
وبدت ماري تنزل منها دموع حرارة قلبها ...
اندو يروح لها ويجلس جنبها ويحط يده على كتفها للمواساة : ماري .... لا تبكين ... هذا الشيء ما يستاهل انك تنزلين دموعك عشانه .. احنا ما نعرف الغيب .... لا تحكمين على النهاية ....
ماري تصيح : كيف بقابل آيا ؟ آيا .. آيا المخلصه لأكيرا ... كيف باقول لها ؟ كيف اكيرا ما فكر في مشاعرها .. اندو ... انا تعبت ... تعبت ....
اندو ضاق صدره عليها ولا يعرف وش يسوي لها ..
سكت بدون نطق أي كلمه زياده ....

ومن بكره .. يوم المقابلة ::
جالسين كلهم في مجلس واحد متقابلين ... واكيرا ساكت وهو مقابل ساكورا ... وساكورا بالمثل ...
وآبائهم بتكلمون عن بعض الامور ..
ام اكيـرا تلف على اكيرا وتهمس له في اذنه ....
ام اكيرا : حبيبي ليــه ما تتكلم معها ... انت حتى ما سمعت صوتها ..
اكيرا في نفسه: ما سمعت صوتها ابد ما كأنها جايتني امس ..
اكيرا يمثل : كيـف حالك ساكورا ؟
ساكورا : تمام ... وانت كيفك ؟؟
اكيرا في نفسه : ياربي على البراءه..
اكيرا يبتسم : تمـام الحمد الله ....
ساكورا في نفسها : ياعيني .. ويعرف يمثل بعد ما كأننا متكلمين مع بعض امس ...
ابو اكيرا : ومتى تبون الزواج ؟؟
ابو ساكورا : ما اعتقد اننا نحتاج نستعجل ... لانهم توهم ما بعد تعرفو على بعض ....
ابو اكيرا : يتعرفون على بعض بعد الزواج .. انا اعتقد ان الاستعجال في الزواج افضل ...
ابو ساكورا : اذا كانت ساكورا تبي هذا الشيء ....
ويلتفت على ساكورا ...
ابوها : هاه وش رايك ساكورا ؟؟
ساكورا : انت وش تبغى ..
الابو : راحتك يا بنتي ..
ساكورا تبتسم له وبدون مقدمات توقف : آســـفة .... جدا آسفة .. لاني .. لاني اعتقد ان اكيرا مو نصيبي ...
اكيرا يناظرها باستغراب ... والكل متعجب ...
ساكورا تنحني : آســفة ... لكــن الحقيقة انا احب شخص ثاني وهذا الشخص ساكن قلبي وحتى لو دخل له اكيرا ذاك الشخص بيكون موجود ومستحيل اتخلى عنه .. لانه مالك قلبي , دمي , عقلي ....
ثم ترفع وتحط عينها بعين اكيرا ... وتشوف فيهم كلهم : آســـــــفة ..... ما اعتقد ان أي زواج بدون رضى احد الطرفين راح ينجح ... آسـفة .. آسفه منكم كلكم .. آسفة بابا .. لكن هذا طريقي .. وانا اللي علي الاختيار مع مين ابي اعيش باقي حياتي ..
وتطلع ساكورا من المكان واكيــرا ساكن في مكانه وصامت ..
اكيــرا في نفسه : الحين فهمت وش معنى اني راح احبــك .....<< المعنى انها في يدها الموافقه لكن رفضته لرغبته المخفيه ..
ويقوم اكيرا ويلحقها برا ....
اكيرا يناديها من مسافة ...
اكيــرا : ساكورا ...~
ساكورا تلتفت عليه .. ويروح وهو يركض لها ....
اكيرا : ليــه وصلتي لهالحد ؟؟
ساكورا بابتسامه : انا اغار منها .. لانها يوم حبت قدرت تخلي الشخص اللي تحبها يبادها نفس الحب .... بينما انا احب و المحبوب ما بادلني هذا الشيء ... انا افهم شعوركم زيــن ... عشان كذا لا تيأس واتبعها ..
وتلف ساكورا وتتركه ... واكيرا واقف في مكانه ...
ساكورا في نفسها : كذا افضل ... واحس براحة ...
اكيرا ينادي : ساكورا .. ~ شكراً لك .. ما راح انسى ابدا تفهمك لي ....
في اليابان :.
اندو جالس في مقهى ويشوف ساعته ...
اندو : ليــه تأخر ؟!
ويجي كيبا ..
كيبا : آسف على تأخري ..
ويجلس ...
اندو بحماس : وش اللي حصل بساكورا ؟؟
كيبا : لا تستعجل .. ساكورا قالت انها بتروح لبريطانيا عشان سبب يخصها ... لكن قالت بعد [ اندو في حياته ما قد طلب مني شيء ومعقوله يوم طلب مني هذا الشيء ما اسويه ... الحين معد صرت اهتم ان حبني او لا .... المهم عندي انه ما يكرهني .. ]
اندو : هذا كلامها ؟
كيبا : عشان كذا ... لازم تثق فيها ... ساكورا تعرفها زين .. عشان كذا انا اُعجبت بها ..
اندو بإبتسامه امتنان : شكــراَ كيبا ...
ويرن جوال كيبا ...
كيبا : رقم دولي ؟
ويرد على الجوال ...
ساكورا : كيبا .. كيف الحال ؟؟
كيبا : كيــف حالك انتي ؟؟
ساكورا : تمام ... كيبا ممكن تعطيني رقم اندو ..
كيبا : وش تبين منه ؟؟
ساكورا : عندي له طلب بسيط ...
كيبا : هو قدامي خذي كلميــه ..
ويبعد كيبا السماعة ويمد الجوال لاندو ...
كيبا : تبي تكلمك ..
ياخذ اندو الجوال من كيبا ....
اندو : الوه ...
ساكورا : كيف حالك اندو ؟؟
اندو : تمام ....
ساكورا : اندو عندي طلب .. لكـن اتمنى انك ما تسألني ليــه ...
اندو : قولي ..
بعد ما انهى المكالمه يسكر اندو السماعة ويعطي كيبا جواله ....
اندو : استأذك كيبا .... وشكرا على كل اللي قلته ريحتني ..
كيبا : كل شيء عشان ساكورا ...
اندو يبتسم في وجهه ويرد كيبا له البسمه ...
بعد ساعة ..في بريطانيا :.
ساكورا واقفه عند الدريشة .... يدخل ابوها عليها ....
الابو : ساكورا .. ليه تبين ترجعين الحين ؟؟
ساكورا : آسفه بابا اني احرجتك قدام صديقك ....
الابو : لا تهتمين .. المهم عندي انتي وبس .. راحت بنتي هي الاهم ...
ساكورا : شكــراَ بابا ....
تدخل الخادمة ...
الخادمة : آنسة ساكورا الطيارة الخاصة جاهزة ....
ساكورا : طيب ..
وتروح ساكورا وتاخذ شنطتها من على السرير وتمر من عند ابوها ثم توقف .....
ساكورا : مع السلامة بابا ... وشكرا
الابو : انتبهي لنفسك ...
وتطلع ساكورا من الغرفة ...

عند اكيرا :.
الابو والام جالسين في غرفتهم ...
الام : هالمره ما صار السبب اكيرا .. ساكورا هيـ...
الابو : اسكتي .. انا ودي اعرف ليــه كل شيء يحصل بهالشكل ... بعد ما ارتحت من هالاكيرا تطلع ساكورا ...
الابو بتفكير : لحظة ! ..
الام : وش فيك ؟؟
الابو : يمكن هو اللي خلاها تسوي كـذا ...
ويقوم الابو غضبان ....
الام : وش فيــك ؟؟ ...
الابو : لو كانت هي السبب ... راح يشوف ولدك كيف يعترضني ....
ويدخل الابو معصب على غرفة اكيرا وآكيرا كان منسدح على السرير ... يفز من السرير وهو متفاجئ ...
الام تمسك فيه : هد من نفسك .... ساسو ؟~ .....
الابو : علمني ليــه ساكورا رفضت كذا فجأة ؟؟
اكيرا : وانا وش يدريني ؟
الابو يقرب من اكيرا ويمسك ملابسه من صدره ....
الابو : انت اللي طالب منها هالشيء ؟؟ صح ... عشان الي ما تتسمى آيا صح ؟؟!!
اكيرا بصراخ : اضربني اذا كنت تبي هالشيء .. مرت 4 سنوات ما شفت ولدك وبعد ما تشوفه تضربه .... اضربني انا اصلاً ما احس ...
الابو بغضب : يا ولد ....!!
اكيرا وهو متنرفز : انت سمعت منها كل شيء ليــه تحط كل شيء علي ؟؟ هاه ؟؟ انت تبي أي سبب عشان تضر آيا ... آيــا وش سوت لك ؟؟؟؟؟
ويصفق الابو اكيرا مع وجهه ..
الام تشهق وتحط يدينها على فمها ..
اكيرا وهو ميل راسه وبهدوء قال : الحين ارتحت ؟؟ قلت لك من قبل انا ما احس .. لانك ذوقتني اكبر الم ....
الابو يتنفس بقوة : لو يصير هاللي حصل بسببها .. راح تعرف وقتها كيف تعارضني ... ويا ويلك تنطق باسمها مره ثانيه ....
يرمي الابو ولده على السرير و يطلع وهو معصب ومتنرفز ..
الام ركضت لاكيرا وقربت منه ولما جت بتضمه .. بعد اكيرا يدها عنه ...
اكيرا بألم : روحي وراه .... انا ما احتاج مواساة ...
الام تناظره وعيونا مليانه دموع : ليه تقول كذا..
اكيرا يحاول يرفع نفسه ويقوم ويطلع ويخليها وراه.. طلع من الغرفة ركض ونزل تحت وخرج من البيت ...
لحقته امه بس ما امداها عليه لانها سمعت صوت باب البيت يتسكر وصوت السياره .. رجعت الام ودخلت على ابو اكيرا في الغرفة ....
الام تصيح : ليــه سويت كذا معه ؟؟
الابو وهو يحط اغراضه بالشنطه بشكل عشوائي : يالله بنرجع لليابان عشان ما تحس ماري ....
الام تقرب منه وتمسك يده : ليــه كنت قاسي كذا معه ؟!
الابو بدون ما يناظرها : قلتلك يالله الطيارة الخاصه تنتظرنا .....
الام تترك يده و تصرخ : ليــه ما تسمع له على الاقل ؟!
الابو عصب عليها ويصرخ عليها : سوي اللي قلت لك عنــه .... ولا رجعت لوحدي ..
طلع الابو ونزل تحت جلس في الصاله..
الام تنزل راسها وهي حزينه على ولدها ....وتجلس على السرير ترثي حال ولدها وحالهم..
يمر الوقت ويرجعون ام وابو اكيرا لليابان ....
الساعة الان 10 الليل :.
آيا جالسة في الكافي حق الفندق ...
آيا : وينه غريبه اول مره يتأخر ..
تجي ساكورا وتمر من عند آيــا ....
ساكورا : آيــا .. ! وش هالمصادفة اشوفك هنا ؟؟
آيا توقف وهي مرتبكه ..
آيا ابتسمت : ههه عندي شخص باقابله هنا ..
ساكورا ردت لها الابتسامة : طيب تسمحين لي اجلس معك ؟؟
آيا في نفسها : آيا لا تحاولين تحسسينها بشيء ...
آيا تأشر لها على الكرسي : اكيد وبكل سرور تفضلي ..
تجلس ساكورا .. ثم يرن جوال آيا ...
آيا تستأذن : معليش بعد اذنك راح ارد على الجوال .
ساكورا : خذي راحتك ...
آيا : الوه ...
اندو : الوه آيا ... معليـــش انا آسف ما اقدر اجي ...
آيا : ليش ؟!
اندو : حصل شيء طارئ في العمل ولازم اروح ... آسف ...
آيا : طيب ...
اندو : يالله باسكر ... مع السلامة ...
آيا : مع السلامة ...
وتسكر آيا السماعة ...
ساكورا : فيه شيء ؟؟
آيا : هذا الشخص اللي باقابله اعتذر .. ما راح يجي ..
ساكورا : آآه ..
ساكورا تناظر بآيا بجديه : آيــا فيه بعض الاشياء ودي اتكلم معك عنها ..
آيا : تفضلي ...
ساكورا : انتي تعرفين اكيرا ساسو ... صح ؟!
آيا تغيرت ملامح وجهها ....
آيا : أيــه .... اعرفه ..
ساكورا : زواجي منه الغي ...
آيا متفاجئة : الغي ؟!

ساكورا : أيــه ... رحت امس لبريطانيا وقابلته قبل المقابلة .... بغيت اشوفه واتكلم معه ... وانا اتكلم معه كان اسلوبه معي بارد .. وكل كلامه مختصر .. سألته عن بعض الاشياء ومن ضمنها انه بيحبني .. تعرفين وش قال ؟؟
آيا متحمسه : وش قال ؟؟
تذكير((وتمشي شوي وتوقف عند الباب على قول اكيرا ..
اكيرا : للمعلومية ...
تلتفت عليه ساكورا ويقوم ويقرب عندها .... ويقول كم كلمه بصوت منخفض باذنها .... ثم يبعد ..
اكيرا : آسف .. آسف اني اقول لك هذا الكلام ... لكــن حبيت اريح نفسي بس .. ))
ساكورا وهي تناظرها : قال [ آسف .... لكن مهما حاولتي تدخلين قلبي .. راح يشاركك المكان شخص ثاني ومستحيــل طول عمري اني اتخلى عنه .... لانه ساكن في قلبي , ودمي , وعقلي ... ] ... ذيك الساعة عرفت اني مهما سويت .. ذاك الشخص ساكن فيــه ....
آيا تناظر ساكورا بتمعن وتسمع لكلامها بكل اخلاص ...وامتلت عيونها دموع فرحه من اللي سمعته..
ساكورا لاحظت هالشيء بس هي ما تبي توضح فكملت كلامها : حاولت اختبره ... وفي المقابله كان صامت وواضح على وجهه انه مجبور ... كرهت اني انجبر على شخص ... وعرفت انه ما يقدر يرفض هالزواج ... قمت ورفضته .... ولما طلعت من المكان لحقني ... وانا اشوفه كأني اشوف شخص ثاني غير اللي كان قبل شوي .... شخص واضح على وجهه السعادة ...شكرني و رحت وخليته وانا الحين احس بالراحه ...
آيا خنقتها العبره و يالله طلعت هالكلمه : وانتي ؟؟
ساكورا : لا تشيلين همي ... اعتقد اني قد حكيت عن كيبا معك ... كان صديقي انا واندو في ايطاليا ....
آيا تهز راسها بالموافقه:......
ساكورا : اعترف لي .. ما رفضته لاني اعتقد ان سعادتي معه .. اما ذاك الشخص فسعادته اكيــد مع البنت اللي يحبها .. هو مكتوم واضح عليــه ... يحتاج حبيبته .. هو يثق فيــها .. فاتمنى انها هي بعد تثق فيــه ... لانه يحتاج دعمها ...
ساكورا تبعد نظرها عن آيا لان تعابير وجه آيا فضحتها الفرحه والحب واضحه على عيونها : ليتها تفهمه .... وتفهم نفسها .... وين اتجاهها ؟؟ ....
وتوقف ساكورا ... وتشوف ساعة يدها ....
ساكورا : معليــش آيا عندي موعد عشان العمل ... لازم اروح الحيــن .. اتمنى اننا نلتقي اكثر ونتعرف على بعض اكثــر ...
آيا تبتسم : ان شاء الله ...
ساكورا : يله مع السلامة .....
آيا : مع السلامة ...
وتروح ساكورا وتجلس آيا على الكرسي ..
تجلس تصيح صياح يقطع القلب......
تمر ساكورا من عند المدخل وتشوف اندو واقف ..
اندو بامتنان : شكراَ ساكورا ..
ساكورا : على أيــش تشكرني .؟؟
اندو : على كل شيء ... لانك وصّلتي الرسالة ....
ساكورا : انا من النوع اللي يحب يسوي اللي هو يبغاه .. وهاللي سويته .. سويته لاني انا ابي اسويه ...
اندو يبتسم في وجهها ... وساكورا ترد له البسمة ..
ساكورا : راح نلتقي ..
اندو : ان شاء الله ...
ساكورا : مع السلامة ....
اندو : مع السلامة ...
وتروح ساكورا ويروح اندو لآيا ...
شافها من بعيد جالسه على الطاولة وتصيح وتمسح دموعها..
اندو : وينك يا اكيرا تشوف حالها من طاريك ..
دق اندو عليها وهو يشوفها من بعيد وفي نفسه : كان ودي اقرب واجلس معك بس حالتك ما تساعدك..
آيا لما شافت اتصاله صارت تمسح دموعها وتحاول تحسن صوتها..
ابتسم اندو لمنظرها..
آيا : الو..
اندو: هلا آيا كيفك؟؟..
آيا: تمام..
اندو : آسف اني ما جيت على الموعد ..
آيا تتعدل في جلستها : لا عادي المواعيد تتأجل لكن العمل لا ..آآه ...على فكره وش كنت بتخبرني ؟؟
اندو يجلس على كرسي كان قريب منه لكن يقدر يشوف آيا بس آيا ما تشوفه : بس بغيت اخبرك ان ماري طاحت من على الدرج وجاها رضوض في يدها وكسر في رجلها ....
آيا متفاجئه : كيف ؟! ومتى ؟؟
اندو : امــس ... علمتك عشان تدقين عليها وتتطمنين ...
آيا : أيــه لازم اتطمن عليــها .....
اندو : بس اتمنى انك ما تدقين عليها هالوقت لاني اعتقد انها مع اهلها ...
آيا : أيــه صح .. باتصل عليها بكره ..
اندو بتفكير :اممم آيــا .. ما ادري وش اقول بالضبط ..
آيا : وشو ؟!
اندو : خلاص ولا شيء ...
آيا : اندو ودي اتكلم معك عن موضوع يخصك انت وماري ...
اندو : موضوع يخصني انا وماري ؟؟
آيا تدخل في صلب الموضوع بسرعه : انت ما زلت تحب ذيك البنت ؟؟
اندو : ليه تسالين عنها ؟؟
آيا : لاني ... اعتقد ان ذيك البنت مختلفه عنك كثيــر .. يعنيــ..
ويقطع اندو كلامها : حبي لها انهيته ....
آيا : هاه ؟؟
اندو : كان الخطأ الاكبر هو انا ... انا بديت حب كنت اعرف ان نهايته الفشل ..
آيا : اها ....
اندو : ليــه فيه شيء ؟؟
آيا : لاني بغيتك ترتاح من حبها وتلتفت لغيرها ... لان فيــه شخص ثاني ينتظرك .. ومحتاج لك ...
اندو بابتسامة : بمعنى اصح لقيتي لي البنت اللي تناسبني ؟؟
آيا تهز راسها متحمسه : أيـــه لانها هي اظهرت نفسها واعترفت بحبها لك ....
اندو يشوفها ويشوف حركاتها ابتسم على حماسها : مين ؟؟ ...
آيا باجابة سريعه : ماري ....
اندو : ماري ... ؟

آيا : ايه ماري .. تتذكر حفلة التخرج اللي سويتها لك واصدقائي ؟؟
اندو : أيــه اتذكرها ؟؟
آيا : كنت اتكلم انا وماري مع بعض وقالت لي انها تحبك ... في البداية تفاجأت لاني ما توقعت ان ماري هي البنت اللي بتحبك .. طلبت مني اني اساعدها ... لانها بغت تكون علاقتها بك مثل علاقتي باكيرا ... وبعدها طلعت معك عشان تعرفك اكثر ... وبعدها حصل لك الحادث ونسيتها .. كان قاسي عليـها كثير ... لانك في اعتقادها حتى ما اهتميت لها ... قالت انها راح تكون دائما جنبك لين تكسب قلبك ... ماري تحاول كل يوم ... كانت تتمنى كل لحظة تتذكرها .. اندو .. ماري صريحة وبريئة .. ويمكن ما تعرف كيف توّصل لك مشاعرها ... وانا اراقبها .. عرفت انك ما راح تلقى افضل منها .... ولاني احبها وبعد احبك ... ولانكم وقفتو معي كثيـــر ... كنت ابي اساعدكم بأي شيء اقدر عليه ... اندو ... ماري تحتاج انك تلتفت لها .. قلت لي من قبل من مده طويله ان الطريق قدامك طويل .... لكن الحين الوضع يختلف .. اندو انت يمكن ما تعرف ماري مثل ما انا اعرفها .. لكن ماري بنت رائعة بمعنى الكلمة ... اندو تذّكر كلامي ... حاول انك ...
اندو ابتسم : اعرف .. ومشاعرها وصلت لي بوضوح .. وانا حتى اعتقد ان ماري هي البنت اللي تناسبني .. .. وثاني شيء .. انا اتقبلها كثير ... لانها تشبه الشخص اللي كنت احبه .. باحاول بكل اللي اقدر اني اسعدهــــا وابادلها المشاعر ...
آيا ابتسمت بعد ما سمعت كلام اندو ...
اندو في نفسه : كنت انتظر منك هالكلام ... آيــا .. انا ما ندمت ولا راح اندم على حبي لك ... لاني ما زلت اراك الافضل ....
اندو : شكرا آيا .....
آيا تضحك : ههههه لا شكر ولا شيء يالله انا لازم اسكر لان الوقت متأخر ولازم ارجع للسكن وانت عارف يعني انه مشوار ... وبعدين يوكي اكيــد راح تنتظرني على العشاء ...
اندو : آسف مره ثانيه اني خليتك تجين لطوكيو وبالنهاية ترجعين بدون ما اقابلك..
آيا: بالعكس وجودي اليوم بطوكيو كان شيء رائع ...
اندو: الحمد الله .. كان ودي نتعشى سوا بما اني خلصت اشغالي..
آيا ابتسمت : انت خلصت اشغالك وانا توني بابدا اشغالي .. خيرها بغيرها ان شاء الله .. يالله اشوفك على خير ..
اندو : مع السلامه..
آيا: مع السلامة..
قامت آيا وتوجهت للبوابه بتطلع ووجها كله حيوية وسعاده .. اندو يشوفها وهي تمشي ..
اندو : شكرا ساكورا لانك ارجعتي بسمتها ...
وتروح آيا للسكن وتقعد هي ويوكي على السفرة وهم يتعشون ...
آيا : يوكي .. انا قررت اروح بعثة بريطانيا ...
يوكي : هاه ؟؟
آيا : انا ما اقدر اتحمل اكثر .. انا لازم اشوف اكيــرا ... اكيرا .. ما زال يعاني ... ما اقدر اخليه ينتظر اكثر ...
يوكي بابتسامه : قرار صائب ...
آيا تبتسم : راح اجيب الامتياز مهما كلفني .... اذا طالت المده انا ما ادري وش ينتظرنا ...
يوكي : وانا راح اساعدك باي شيء ...
آيا : شكراَ يوكي ... لانك وقفتي معي في كل شيء ....
يوكي تبتسم ويكملون عشاهم ....
ومن بكره تتصل آيا على ماري وتتطمن عليــها ...
آيا : مره ثانية امشي زين وش معجلك ؟
ماري : من الحرص على الشغل ...
آيا : يا عيني عاد كنك اذا تأخرتي شوي بتنطردين ...
ماري : والله يمكن يسويها فيني ابوي تأديب ...
آيا : هههههههه .... اليوم عندك شيء ؟
ماري : ايه اليوم بنروح لبيت عمي نحتفل بشفاء اندو ...
آيا : توكم تحتفلون ؟
ماري : ليه من متى هو متشافي ؟
آيا : آآه صح صح توه ..... اجل سلميني عليه اذا شفتيه ..
ماري : آه ما علمتك آيا ...
آيا : وشو ؟
ماري : اعتقد اني قدرت شوي اتقرب من اندو ... تصرفاته معي حسيت شوي بقربه لي ..
آيا تبتسم : ان شاء الله تمشي امورك زينه معه ... من جد اتمنى لكم التوفيق ...
ماري : تسلمين لي يا قلبي .....
آيا : اوكي اجل ما آاخرك على مناسبتك .....
ماري : اشوفك على خير يا قلبو .....
تنتهي المحادثه ....
يوكي : شلونها ؟
آيا : بخير ... صحيح ما قلت لك ..
يوكي : وشو ؟
آيا : أندو وماري ... كل واحد بدا يميل للثاني ....
يوكي : صدق ؟
آيا : وانا عشان ماري تكلمت مع اندو عشانها .... واندو شخص واعي تفهم كل كلامي ....
يوكي : فرحانه ؟
آيا : اكيد بأفرح ..... ولا تحاولين تفكرين في الماضي ... الموضوع من الاصل خطأ ... والحين تعدل ...
يوكي تبتسم : عقبالك مع اكيرا ...
آيا : عشان اكيرا ..... آيا الحين بتروح تذااااااااكر ....
يوكي : بالتوفيق ....
تمشي الايام وآيا تسهر الليالي وهي تذاكر .. تدخل للامتحان ..... تطلع وتشوف يوكي تنتظرها ...
تروح آيا وهي تركض لها : يوكي خلااااااصت
يوكي : هاه عساه زين ؟
آيا : ما ادري ... كل اللي اعرف رميته في الورقه .. لا تحاولين تسألين لاني باصيــح ...
يوكي : يا حياتي ان شاء الله تنجحين بالامتيااااز ....
آيا : ان شاء الله .... وانتي بعد ...
يوكي : لا لا ما اعتقد اني جاوبت زين .... انتي مره طولتي بعدي ...
آيا : وش اسوي اعصر مخي ....
يوكي : متى النتيجه ؟
آيا : الاسبوع الجاي وااااااه مره بعيد .....
يوكي : اجل عشان نخفف من هالتوتر اللي فيك خلينا نروح نتغدا
آيا : اوكي ... قوووو
يمر الاسبوع وآيا تنتظر النتيجه ....

يوم نتائج الامتحان :. الساعة 12 ظهراَ ...::
يدخلون آيا ويوكي للسكن ...
وتجلس آيا في الصاله..
يوكي : يااااااي يا آيا اليوم بتطلع النتيجة ...
آيا تتنافض من الخوف وهي جالسه على الكنبه : والله خايفه يا يوكي .. ما اقدر امسك رجولي من الرجفه..
يوكي تضحك وهي تدخل الغرفه : هههه والله انك تحفه ..
آيا على اعصابها : يوكي الله يخليك شوفيلي حل احس جاني هبوط في الضغط..
يوكي تطلع من غرفتها ومعها جهازها المحمول ..
آيا تغطي عيونها : ما ابي اشوفها..
يوكي رحمت آيا وفي داخلها تضحك على حركاتها: هذا انا دخلت للموقع حق النتايج..
فزت آيا من مكانها ونشبت في يوكي وهي ماسكه يدها..
يوكي : آيا ابعدي يدك عني ابي اعرف احرك الماوس زين..
يدخلون على موقع النتائج اللي تبع الجامعة ..
تدخل يوكي اسم آيا وتحرك السهم شوي شوي لتحت ...
آيا على اعصابها : يا ربي ياربي ...يوكي انتي ليش بالبطيئ تتحركين..
يوكي: ياختي ابي اسوي اكشن ..
آيا: تغمض عيونها ما ودها تشوف النتيجة ...
يوكي : تقرا ... آيــــا .... a+ ... سويتيهااااااااااااااا ....
آيا تفتح عيونها وتشوف الشاشة ...
آيا : ما اصدق عيونييييييييييي ... يوكي ... راح اروح لبريطانيااااااااا ...
وتضم آيا يوكي وهي طايره من الفرحة ...ويجلسون يطامرون من الفرحه..
آيا : يااااااااااااااااااااااااااه ما اصدق ... a+ ... a+ .... واااااااااااااااااااااو ...... الحمد للــــه ...
يوكي : مبروك يا آيا والله اني فرحانه مره لك ... ما تصدقين شلون انا فرحانه ...
آيا : يا حبي لك يا يوكي .... طيب خلينا نشوف علامتك ؟؟
يوكي : ما يحتاج ... المهم خلينا نسجلك في البعثة ....
آيا : نقدر من موقع الجامعة ؟؟
يوكي : أيــه سألت امس بعض البنات و علموني ان التسجيل من نفس الموقع ...
آيا: اجل تعالي خلينا نسجل..
وتفتح يوكي بعض الصفحات وتدخل على تسجيل البيانات ..
يوكي : شوفي هنا اكتبي اسمك والرقم الجامعي والمرحلة والدولة تختارينها من الدول الموجوده تحت حطي عليها اشارة صح ...
آيا : حااااااااااااضر ...
يوكي : بافتح على اللابتوب واشوف علامتي ..
آيا : طيب ....
وتسجل آيا بياناتها وتختار بريطانيا ...
آيا : يوكي .. متى يعطوني خبر ؟؟
يوكي : ادخلي على الاستفسارات واكيد كاتبين كل شيء ...
آيا : اوكي ...
وتفتح آيا على الاستفسارات وتقراها كلها ....
آيا : يوكي يقولون انهم مو قابلين كل الطلاب ....
يوكي : صدقيني بيقبلونك ... انتي دائما تاخذين العلامة الكاملة والاختبار هذا بعد يحكم واخذتي فيه a+ وش يبون اكثر من كذا ...
آيا : لكن خايفة شوي ..
يوكي : متى بيطلعون نتائج القبول ؟؟
آيا : كاتبين في آخر هذا الشهر ... يعني بقي 23 يوم ...
يوكي : خلاص يا آيا لا تشيلين هم .. انا اضمن لك القبول ...
آيا تبتسم : تريحيني بكلامك يا يوكي ...
يوكي : اجل انفع اصير طبيبة علم نفس .....
آيا : هههههههه .... ما تقدرين ..
يوكي : يا الله على هالاحباط ...... جاملي على الاقل ...
آيا : هههههههه ما لقيتي الا انا اجامل ....
يوكي : ههههههههههه اعرفك ... ومشكلتك الصراحة الزايدة ...
تفتح يوكي صفحة نتائج الامتحان وتشوف علامتها ...
يوكي : ما توقعت ؟!
آيا : وش صارت علامتك ؟؟
يوكي : b ....
آيا : لــيه ؟؟ المشكلة اني انا وياك مذاكرين سوا ...
يوكي : يالله معليش وسعي صدرك .. انا ما احتاج الـa ....
وتسكر يوكي الابتوب وتلتفت على آيا ....
يوكي : بتروحين اليوم لاهلك ؟؟
آيا : أيــه لاني قلت لهم اني لما آخذ النتيجة باجيهم وبعد بقولهم عن البعثة ...
يوكي : اوكي .... اسمعي انا اليوم عازمتك على العشاء ...
آيا : على العشاء ؟!
يوكي : أيــه بمناسبة اليوم ...
وتقوم يوكي وتوقف ..
يوكي : انا بروح الحين وراح اعطيك خبر على الجوال ... اوكي ؟؟
آيا : اوكي ....
وتروح يوكي وهي تركض لغرفتها ...
آيا : يله لازم البس واروح ....
تروح آيا وتلبس وتتزين وتروح تركب سيارتها متجهه لبيت اهلها .....

وبكذا ينتهي البارت
وندخل دخله جديده في البارت الجاي
الى ذلك الوقت
اتمنى لكم قراءة سعيده ......

ليس لدّي إي احساس ... (( الفصل الثالث عشر – الجزء 2 ))
الساعة 2 الظهر:.
دخلت آيا لبيت اهلها وشافتهم قاعدين على السفرة ..
آيا تشم ريحة الاكل: واااااااااو تتغدون ..
جولي تلتفت للباب وتشوف اختها توقف وتروح لها: آيا~ جيتي ..
ايا تحط شنطتها على الارض وتضمها : لا ما جيت بس هذا ظلي ....
جولي وهي تضحك: ههههههه حلوة والله وحشتيني .
آيا : انتي اكثر بس وخري عني ابي ابوس ماما..
تبعد جولي عنها وتتوجه آيا لامها..
تقوم الام : هلا حبيبتي ..كيفك؟؟
آيا تبوس امها على خدها : بخير يا ست الكل ..
الاب بغيره : وانا مالي سلام..
آيا ضحكت وتوجهت لابوها : ههه الا انت تاج راسي وكل اهلي..
الام يالله حطي جاكيتك وغسلي يدينك وتعالي تغدي تونا حاطين الغداء...
آيا : ايه والله ميته جوع ...
الاب : اجل عجلي..
تروح آيا تحط جاكيتها على الكنبه وتروح تغسل يدينها وتجلس تتغدا معهم ....
الام : متى بتطلع نتيجتك ؟
آيا بسعاده : اليوم طلعت نتيجي ..... يالله توقعو نتيجي في الامتحان ؟
جولي تفكر : يمكن B ....
آيا ناظرتها بطرف عين : لهالدرجه مستقلّة جهودي..
الام : لا انا اعرف بنتي ... اكيد A
الابو : صادقه امك يا آيا اكيد A ...
آيا بثقة مع ابتسامة انتصار : انا قد ثقتكم وما خيبت املك انا جبت A وزيدوا عليها بلس ....
الكل : A+ ؟؟
آيا تهز راسها و مو قادره تسكر فمها من الفرحه : يس .....
الام : وااااو روعة يا آيا ...
الابو : اكيد بتاخذ هالنتيجة بما اني ابوها ..... بتطلع على مين غيري ...
الام : انا اتذكرك انا كنت اشطر منك .... بنتي طالعة علي ... مو عليــك ...
جولي تصفق: برافو يا آيا يا اختي الحبيبة ..
آيا : وين اللي تو تقول B هاه كنك غيرتي رايك.. ؟
جولي : ولو يا آيا احنا بالخدمه..
آيا ماتت من الضحك: ههههههههه عاش مصّرف..
جولي ابتسمت..
الام : والله يا آيا انك تستحقين اكبر هدية..
الاب مؤيد: أي والله كلام امك صحيح..وش تبين يا آيا هديه وانا مستعد ..
آيا بهدوء تناظر امها وابوها بحب: انتم اكبر هدية لي بحياتي الله لا يخليني منكم..
جولي تمثل: وانا بعد بما انكم نسيتوني الله لا يخليني منكم وابي هدية..
الام: على ايش اقول اسكتي اصرف لك..
جولي تسوي نفسها زعلانه: ليش التحطيم مو انا بنتكم..
آيا ضربتها على كتفها: يا بنت اصحي تراك مو بدراما الاخت عاشت جوها..
الكل ضحك حتى جولي .. بعد ما حست آيا انهم رجعو ياكلون تكلمت:
آيا : وفيــه شيء ثاني ...
الام : وشو ؟؟
آيا : قدمت على بعثة ..
الابو : بعثة ؟!
آيا : أيــه بعثة لبريطانيا ....
جولي : بريطانيا ؟؟
آيا : أيــه .. القبول بيعلنونه في آخر هالشهر ..
الابو : تبين تروحين له ؟؟
آيا تبتسم : أيــه ... لاني حسيت ان المده طولت ...
وبعد شوي يخلصون من الغداء تقوم آيا وتغسل الصحون وجولي تمسحها ..
آيا وهي تغسل تتكلم مع جولي ...
آيا : ايه صح ... ما قلتي لي كيف كانت مقابلتك مع لينت ذيك المره ..
جولي : ما علمتك ؟؟
آيا : لا ....
جولي : رجعنا لبعض .....
آيا : واو حلو بس كيف ؟
جولي : تكلمنا مع بعض كثير اقنعني بكلامه وصار يتصل بي ونطلع في الاجازات سوا .. وكل ما حصلت لنا الفرصة ...
آيا : والثاني ؟؟
جولي : هو يعرف من قبل أني كنت احب لينت ... فيوم قلت له اني انا ولينت تصالحنا .. فرح لي وقال انه يتمنى لي التوفيق مع لينت ... استغربت كلامه ... لكنه الحين اعتبره افضل صديق ...
آيا : يعني انتهت مشكلتك ؟؟
جولي : أيــه ... و ترا لينت يشكرك ...
آيا : يشكرني ؟؟
جولي : بعد ما قلت له عن كلامك في الحب الاول .. ابتسم وقال [ اختك بنت رائعة ..... لانها تعرف كيف تقنعك وتعرف شعورك .... قولي لها .. لينت يشكرك ] ...
آيا تبتسم وهي تسكر الحنفية : اليوم بروح اتعشى مع صديقتي .... تجين معي ؟
جولي: لا انا الحين بروح للملاهي ....
آيا بتعجب : ليش ما تروحون بكره !!
جولي ابتسمت : لا اليوم احسن ..
آيا تناظرها بضحكه جابية : انتي ولينت ؟؟
جولي تهز راسها : أيــه ..
آيا : اوكي براحتك ....
جولي : يالله انا بروح البس ....
آيا: وانا بعد بآخذ اغراضي والحقك ..
تروح جولي وتصعد لغرفتها وتروح آيا وتاخذ شنطتها وجاكيتها وتصعد لغرفتها..
دخلت غرفتها وحطت شنطتها على المكتب و جاكيتها على الكرسي و انسدحت على السرير ..
آيا : يااااااااه .... احس بالاسترخاء ..
يرن جوالها رنة رسالة ...
تقوم وتمسك الجوال وتفتح الرسالة ...
آيا تقراها : [ اليوم في المطعم الايطالي حق فندق بلازا .. الساعة 10 .... يوكي ^_^ ] .... يا الله عليها ليــه تختار مكان غالي ..
آيا تجهز المنبه و تسكر الجوال وتحطه على الطاوله اللي جنبها وترجع تنسدح : بآخذ لي غفوة الى الساعه 7 وبعدها اقوم اخذلي شور واتجهز وعلى الساعه تسع اوصل هناك..
ويمشي الوقت وعلى الساعة 7 رن المنبه صحت آيا من نومتها وسوت مثل ما قالت اخذت شور ولبست وتكشخت وعلى الساعه 9 تجهزت طلعت متجهه للمطعم .. دخلت وسألت عن حجز باسم يوكي ... خبروها الاستقبال عن مكان الحجز توجهت للغرفة ولما فتحتها تفاجأت ..
يونا و راي و يوكي و ماري و اندو وتوما وسوما و مورا : مبروووووووووووووووووووووووك ....!!
آيا مبسوطه ومرعوبه : ما اصدق .....
يوكي : وهذي المفاجئة ...
يونا تقوم وتضم آيا ...
يونا : اخيرا بتروحين لاكيرا .....
آيا : يوكي .. ؟!
يوكي : علمتهم كل شيء .... عشان يباركون لك ...
آيا : لما نرجع للبيت باقتلك ....
الكل : هههههههههه ...
تروح آيا وتجلس بين البنات ....
راي تضرب آيا على كتفها : والله وسويتيها وبتروحين لبريطانيا يا خطيره ....
آيا بثقة : شفتي اعجبك ...
راي باستعطاف : قولي لهم ان فيه بنت تجنن بتروح مرافقه لك عشان ما تحسين بالغربة وخذيني ....
آيا : هههههه ... خليهم الحين يقبلوني بعدين افكر آخذ معي ونيس ...
وتلتفت آيا على ماري ....
آيا : كيف حالك الحين يا ماري ....
ماري متضايقة شوي : تمام وقدرت احرك يديني بسمتضايقة من رجلي و قالو بيفكونها بعد 10 ايام .....
آيا : الحمد لله ..
يونا بحزن : بس والله بريطانيا بعيده وماراح نشوفك مثل الحين ...
آيا : كلها سنتين ...
يونا : وتحسبينها شويه ...
آيا : لا تنسين انك رايحة لاوساكا 3 سنين ....
يونا : لكن كنت اجي في الاجازات الطويله مو مثلك بتمدينها ...
آيا : اجل جتني فكره .. قبل ما اروح خلينا نسوي كل اللي نبيه .....
راي بتعجب : كل اللي نبيه ؟
آيا : امممم بكره عندي وعندكم اجازة .... وش رايكم نروح للملاهي ...
يونا مؤيدة : صادقه انا من زمان ما رحت للملاهي ..
ماري تحط يدينهها على خصرها : لا والله يا الغشاشين بتلعبون وانا بس اتفرج عليكم .... خلو طلعتنا بعد 10 ايام ...
آيا بابتسامة : اصلاً هذا اللي نبيه ما نبيك تلعبين ...
ماري مدت بوزها : لا والله ...خلاص زعلت ..
راي ويونا : هههههههه ....
آيا : ايش رايكم ننادي مايا ... ايه صح ليه ما جت مع مورا ...
يونا : قال انها عندها شغل وتتأسف ...
آيا : خسارتها ...
جابت يوكي لآيا عصير ومدته لها: تفضلي يا حلوتنا..
آيا تمسها مع يدها : تعالي هنا ...انتي كيف قدرتي تحصلين على صديقاتي..
يوكي تناظرها بطرف عين : نسيتي اننا اجتمعنا في حفلة التخرج .. وتبادلنا الارقام ..
آيا تفك يدها عن يوكي : يمامي منك يالشريره ..و ما قلتي لي عن هالشيء ابداَ ....
يوكي ضحك: هههههه لو قلتلك ما راح تصير مفاجأه..
ابتسمت آيا واخذت منها العصير : تسلمين ..
جا توما لآيا : آيــا وش رايك بكره نروح للتزلج ...
آيا : والله فكره حلوه ....
ماري : وانتم ما تعرفون تختارون هالاماكن الا يوم صرت ما اقدر العب في الملاهي ولا اقدر اتزلج .....
آيا : ههههه ... خلينا نخليها الاسبوع الجاي لاني انا والبنات اتفقنا اننا بكره نروح للملاهي ..
توما : الملاهي ؟؟
اندو : يوووووووه ما زلتو تحبون الملاهي ...
آيا : ليه انت ما تحبها ؟؟
اندو : حقت الصغار .... تبينا احنا نركبها ؟؟
آيا : يا الله عليك يالشايب .. اللي يشوفك يقول عمره 53....
اندو : لا عاد ما يوصل لهالحد ...
والكل : ههههههه ..
توما : خلاص من اليوم ورايح بنسميه جدو اندو ....
اندو : على كيفك تسميني انت ....
الكل ضحك على كلامهم و رجعو يكملون سواليفهم ..
ينتهي اليوم على كذا ومن بكره يروحون للملاهي ....
اجتمعو في الملاهي الساعة 11 الصبح ..
آيا : وين مورا ؟؟ ليه ما جاء ؟

سوما : قال انه ما يقدر وعمله كل يوم يعني ما عنده اجازة ...
آيا : خسارته .. بس يالله .. مره ثانيه ان شاء الله ...
وافترقو كل اثنين مع بعض الا آيا صارت مع يوكي ...
والكل يلعب الا اندو وماري جالسين يشربون عصير ويتفرجون على اللي يلعبون ويعلقون على اصدقائهم ....
تجي آيا وتجلس معهم على الطاوله ..
آيا : واه واه ... احسني باموت من التعب تكفون مويه ... لعبت وصارخت لين قلت بس ...
ماري : يا اختي ما حدك الله ...
آيا : وش اسوي توني ادري ان يوكي متهوره لعبنا قطار الموت ثلاث مرات ورا بعض ..
ماري : حطمتو الرقم القياسي في اللعب ..
آيا : طيب انتو ما لعبتو شيء ؟؟
ماري : لا بس تمشينا ولعبنا لعبة الحظ .... و خسرنا بعد...
آيا : وانت يا اندو ما ودك تلعب ...
اندو : قلت لكم امس ما تهمني الملاهي ....
آيا : ما علي منك تهمك ولا لا ... قم قم..
وتوقف آيا وتمسك يده وتقومه ..
اندو : خير ..
آيا : تعال بتلعب معي الشواية ...
اندو : لا لا ما ابي ...
آيا : ما شاورتك ...
وتسحب اندو بقوه ... وتروح هي وياه للشواية ...
اندو : آيا يرحم والديك ... خليني ارجع ...
آيا : ما علي منك ..
ويركبون وتجي ماري توقف قدام اللعبة عشان تتفرج .....
وتشتغل اللعبة وآيا كانت جالسه جنب اندو ....
اندو : لا لا لا ...
ويغمض عيونه ...
آيا : يا خوّاف عشان كذا انت تقول انك ما تهتم في الملاهي ....
ولما تحركت اللعبة ....
آيا تصارخ من الوناسه واندو ماسك اعصابه ومغمض عيونه ....
لما وقفت اللعبة تروح آيا لماري وهي تضحك ...
آيا : ههههههه ماري شفتي اندو الخواااف ..... والله شكله نكته ..
ماري : اجل عرفنا ليــه ما يحب الملاهي ...
اندو : مو اني اخاف ... انا بس ما احب العاب هالنوع ...
آيا : اجل وش الانواع اللي تحبها ....
اندو : يعني .... مثلـ....
ويتلفت يمين يسار ....
آيا : كل هالملاهي ما يعجبك فيها شيء .... ؟؟
اندو : انا احب التزلج .. تسلق الجبال ... مو هالتفاهات ...
آيا : آآآهـــــا ..... يله نشوفك الاسبوع الجاي ...
ويتجمعون باقي الشلة ...
توما : كم الساعه ؟
آيا تشوف ساعتها : 2 الظهر ...
سوما : يا ناس جعنا ... خلينا نروح نتغدا ..
يونا : انا خلاص ما فيني طاااقه اكثر ...
اندو : اوكي يالله خلينا نروح لاي مطعم ....
توما : ابي بحري ....
راي : خلاص ملينا من البحري لا نبي لحوم ..
اندو : وش رايكم في الايطالي ؟
ماري : صح حلو ... واكيد اندو يعرف احلى الاكلات الايطاليه بما انه كان في ايطاليا .....
آيا : اجل حلووو ويصير الحساب بعد عليه
اندو : خير خير .... انا صح اقترحت لكن ما عزمتكم على حسابي ...
توما : اندو بخيــــــل ...... اجل خلاص بنسميه جدو اندو البخيــل
والكل : هههههههه
آيا : لالا زد بعد جدو اندو البخيل الخواااااااف ......
والكل : هههههههههههه
اندو : خيــر انتي وياه ..... ترا بجد عطيتكم وجه ....
يوكي تضرب آيا بيدها يعني اسكتي : يالله خلينا نروح يالله نلقى لنا مطعم قريب ....
سوما : اعرف كل المطاعم القريبه ...
يونا : اجل يالله ...
ويروحون للمطعم وبعد ما تغدو افترقوا ... وفي الاسبوع اللي بعده يروحون للتزلج ...
آيا جالسه جنب ماري ....
آيا : فكيتي رجلك ...؟؟
ماري : أيــه قلت للدكتور اني ابي اتزلج وقال حاولي تحركينها كثير عشان تتمرن ويمكن افكها قبل .. وفكيتها امس ومشيت عليها والحين باتزلج ...
آيا : متهورة ...
اندو يوقف عندهم ..
اندو : يالله فيه احد يتحداني ..؟؟
آيا توقف : انا اتحداك ....
توما : وش رايكم نسوي زي ذيك المره يوم نسوي سباق ؟
راي : أيــه احلى يكون في تحدي اكثر ...
توما : يالله انا واندو وآيا ..
ماري : وانا معكم ...
سوما : اوكي باكون الحكم ...
ويصفون جنب بعض بس بينهم مسافة بسيطه .... مصفوفين من اليسار ماري ثم آيا ثم اندو ثم توما ...
سوما : مستعدين ؟؟
الكل : مستعديـــــن !
سوما : 3 2 1 انطلاق ....

ويبدون السباق .....
آيا : انا الغالبة ...
اندو : ولا حتى تحلمي فيها ...
آيا : ماري انا طبيبه ...
ماري باستهزاء : الحمد لله انك علمتيني توني ادري ...
اندو : هههههه ليه وش معنى كلمتك يا آيا ........
آيا : رجلها امس مفكوكه ... مو زين لها ....
توما : تبي تخسرها بس هذي الغاية ...
آيا : الحمد لله تراني مو نذله مثلكم ........
اندو : يالله اجل اشوفك يا الخاسره تحت ...
ويسبقهم اندو .....
آيا : مستحيل اخليك تاخذ المركز الاول ....
وتسرع آيا في تزلجها .. يبعد اندو عنها ويهب هوا كثيف ....
آيا في نفسها : هذا المنظر ..... شبيــه لذاك اليوم .. والحين كأن اللي سابقني اكيرا ... في ذاك اليوم ولا واحد فاز ... لكن المره .. راح اكمل اللي بديناه ذيك المره وراح اعتبر اندو هو اكيرا الحين ... وانتصر عليـــــه .....
آيا : انتظرني لاني باكون انا الفايزة ...
وتسرع آيا ورا اندو وتقرب منه واندو يحاول يسبقها اكثر .... وبدو كذا كل واحد يسبق الثاني ... ويوم بدو يوصلون للاخير آيا تحمست بزياده ولفت رجلها انتبه اندو وانعكس عليها وطاحت عليه ووصلو بطيحتهم للاخير .... آيا تبعد عن اندو ....
آيا : آآآآآآآآآآآآآآآآآآآآآآآآآآآآآه ....... ليـــــه نفس القصة تنعاااااااااااااد ...
اندو : مره ثانيه لا تتحمسين بزياده .... يوم بيدنا نوصل طحتي ...
يونا : نفس ما صار ذيك المره يوم تطيحين على اكيرا ..
اندو : تطيح على اكيرا ؟؟
يونا : أيــه مره سوينا نفس هالتحدي وآيا طاحت على اكيرا ... ولا صار فيه فائزين ..
اندو : يعني مخططه تسوي هالشيء ؟؟
آيا : لااااااا .... ما تشوفني الحين منقهره ...
ثم يوصل توما ومن بعده ماري ..
توما : من اللي فاز ؟؟
آيا واندو في نفس الوقت : انا ....
توما : الله من الكذب ..
يونا : محد ....
توما : كيف ؟؟ يعني انا الفايز ....
آيا واندو ينزلون راسهم من الاحباط ....
ماري : يالله انا جوعانه خلينا نروح ونتغدا ... قضت طاقتي ....
آيا : عادي نشبكك في الشاحن وتنشحنين ..
ماري : أخر عمري صرت موبايل ؟
اندو : لا لا بس شوي بنزين وتمتلي طاقه ...
ماري : خيــر صرت سياره ؟
والكل : هههههههههههههه
يوكي : يالله كل شيء جاهز ... خلينا نروح نتغدا .....
ويروحون يتغدون ..
راي : هاه وين بنروح الاسبوع الجاي ؟؟
آيا : الظاهر عجبك الوضع ....
راي : وليــه ما يعجبني وناسه ..
توما : انتي اصلاً كل شيء بيعجبك ..
راي : أيــه خلاص .... لا تجي معنا كانك ما استانست ...
توما : انا ما قلت اني ما استانست ...
راي : آيا لا يهمك .. شوفي انا ودي نروح صالون ونسوي تسرحات ومناكير ومكياج ...
آيا : وش المناسبه ؟؟
راي : ما عندي مناسبه ... بس كذا ....
آيا : والله فكره مش بطّاله ... انا من زمان عن هبال الثانوي ..
راي : حتى انا اشتقت لحركاتك ...
توما : الله يكملكم بعقولكم ...
ماري : اعرف لكم صالون خطيـر تطلعين منه كأنك ممثله ...
يونا : طيب اسمعو تعرفون الحديقه العامه اللي وسط المدينه ...
آيا : أيـــــه ....
يونا : بيحطون فيها مهرجان الالعاب الناريه الخاص بالحديقه .. يوم الاحد الجاي .. وش رايكم نروح له ...
آيا : حلو ..... وش رايكم ؟؟
يوكي : معليش انا ما راح اجي ... عندي بعض الاشياء لازم اسويها ...
توما : وش رايك يا راي ؟؟
راي : ايه باروح ...
ماري : وانا بعد .... وش رايك اندو ؟؟
اندو : موافق ...
يونا : حلو .. خلاص نلتقي هناك الساعة 1 الظهر ..... بعد عشان يقدر مورا يجي هو ومايا ....
آيا : صادقه والله ودنا نشوفهم ...
ويقضون اليوم كامل ثم كل واحد يرجع لبيته ....
وفي الاسبوع الجاي زي ما قالو اجتمعو الساعة 1 الظهر وجاء مورا ومايا .. قضو اليوم كامل في المهرجان و استمتعو بوقتهم ....
آيا جالسه على كرسي وجالسه معها يونا ..
أيا بابتسامة : يونا .. احس اني ودي ان الساعة تكون سنه .... احسني من زمان عن هالطلعات الجماعية .. وبعد احس بوناسه وفرح ما تتصورينها ...
يونا تهز راسها : وانا حتى كنت من زمان ابي نكون كذا مجتمعين ومستمتعين بوقتنا كله ...
آيا مسكت رجولها بيدينها وضمتها لصدرها : الاسبوع الجاي بتطلع نتائج القبول ... يمكن يكونون قبلوني ويمكن لا ... اذا قبلوني باقدر اقابل اكــيرا ... واذا ما قبلوني وش اسوي ؟؟
يونا توقف وتروح تضم راس آيا : آيا لا تفكرين كثير بالموضوع ...
آيا : يونا انا حتى لو ما قبلوني باحاول اسوي اية شيء بس اروح لبريطانيا ...
يونا تمسح على شعر آيا : آيا حبيبتي انا أاكد لك انهم بيقبلونك .. عشان كذا لا تفكرين الا بعد ما تطلع النتيجة ....
ماري تنادي من بعيد : يونا يالله بنروح نتعشى ونادي آيا معك ...
يونا : يالله يالله جينا ...
آيا تتحرك وتمشي قدام يونا بضيق..
يونا في نفسها: الله يكتب لك هالبعثه يا آيا ..
وتلحقها..
وينهي اليوم على كذا ... ومن بعد اسبوع ...
آيا تدخل للسكن من بعد ما رجعت من الجامعه وهي تركض وتجي يوكي وراها ...
آيا : يا ربي والله خايفه ...
ويفتحون الكمبيوتر ويدخلون على موقع الجامعة ويدخلون على صفحة المقبولين للبعثة ...
يوكي : يله اكتبي اسمك ورقمك الجامعي ...
آيا : يا ربيـــه والله خايفه ... يوكي انتي اكتبيه عني تكفين ...
يوكي : يا الله منك ....

وتبعد آيا وتقعد يوكي بدالها وتكتب الاسم والرقم الجامعي ... آيا مغمضه عيونها وحاطه يدينها على وجهها ...
يوكي : تقرا [آيا باكورا السنة الخامسه تم قبولها في الجامعة البريطانيه للطب وجراحة القلبـ...... ] آيـــــا قبلوووووووووووك ....
آيا تفتح عيونها ..
يوكي تلتفت على آيا ....
يوكي : اخيرا يا آيا ........ مبرووووووووك لثاني مره ...
آيا : يا الله الحمد للـــــه ....
ويضمون بعض وبكل فرح ... تبعد يوكي عن آيا ....
يوكي : يالله باقرا الباقي [ وسيكون موعد الذهاب في تاريخ ***** لاي استفسارات حول البعثة يرجى زياره موضوع استفسارات المبتعثين .. ] آيا بتكون سفرتك بعد شهرين الا ثلاث ايام .....
آيا : غريبه .. اول مره اشوف بعثه سريعة زي هالبعثة .. مره الموعد قريب ...
يوكي : وحتى انا ..... بس ترا كل دوله لها فتره ... يعني سمعت امس بعض البنات يقولون انهم قدمو على استراليا وقالو بعد سبع شهور بعثتهم تكون ..
آيا : اف سبع شهور ؟؟
يوكي : احمدي ربك انتي كلها شهر و27 يوم وانتي فذاك ....
آيا توقف وتطامر وهي تقول : الحمد لله ....
توقف يوكي وتمسك في يدينها ويطامرون مع بعض من الفرحه بعدها يحولون تحت ...
آيا : بس وش يلزمني وش آخذ معي ... تدرين اني ما اعرف أي شيء ...
يوكي : ادخلي على صفحة الاستفسارات وهم يعلمونك كل شيء ...
آيا : صادقه ..
يوكي : بتروحين بعد هالاسبوع ؟؟
آيا : لا عندي بعض الاشياء ما يمديني اسويها .. عشان كذا بس باتصل على امي وابشرها ....
وبعد مرور الوقت الساعة 5 العصر :.
يرن جوال آيا .. وتروح آيا تمسك الجوال وتشوف ان المتصل ساكورا ...
آيا : يوه ساكورا والله من زمان عنها ...
ترفع السماعة : الوه ...
ساكورا : الوه آيا السلام ....
آيا : هلا بك ...
ساكورا : كيفك ؟؟ عساك طيبه ؟؟
آيا : الحمد لله كيفك انتي ؟؟
ساكورا : انا تماااااام .... قال لك اندو ؟؟
آيا : وش يقولي .. ؟؟
ساكورا : ما قال لك ؟!!
آيا : وش يقول ؟؟
ساكورا : طيب طيب .. باسكر مع السلامه ...
آيا : لحظة ... لحظة !!! ...
وتسكر ساكورا الجوال ..
آيا : آآآه وش فيها فجأه ؟؟
وتدق آيا على اندو .. ويصير مشغول ...
آيا : شكل ساكورا تكلمه الحين .. باكلمه بعد شوي ...
وبعد شوي يرن جوالها .. وتشوف المتصل اندو ..
آيا : الوه ؟
اندو : السلام يا آيا ....
آيا : وعليكم السلام ..
اندو : انتي اليوم بتجين لطوكيو ..؟؟
آيا : لا ..
اندو : هاه ؟!
آيا : فيه شيء ؟
اندو : لاني ودي اعطيك شيء ... اممم طيب متى بتجين ؟؟
آيا : ما ادري متى ما قالو لي الجامعة اتوقف باروح لاهلي ...
اندو : ليــه تتوقفين ؟؟
آيا : أيــه صح ما علمتك ... قبلوني في الجامعة الطبيه في بريطانيا ..
اندو مندهش : واللـــه ؟!
آيا بفرح : أيــه ورحلتي بتكون بعد شهر و27 يوم ...
اندو : نعم ؟!
آيا : وش فيك ؟؟
اندو : هذي اسرع بعثة في الكون .... انتي متأكده ؟؟
آيا : أيـــه كاتبينه بكل وضوح ...
اندو فرحان لها : واخيرا يا آيا ..
آيا : واخيرا ..
اندو : اذا كانو مستعجلين كذا معناه انهم يبونكم تبدون تدرسون اول ما توصلون ...
آيا : ما ادري ..
اندو : روحي واستفسري من كل شيء ...
آيا : أيــه اصلا انا ناويه ادخل اليوم على صفحة الاستفسارات في موقع الجامعه واقرا كل شيء ..
اندو : كويس ... مسهلين عليكم زين ....
آيا : الا صح وش بتعطيني ..؟
اندو : دعوة ..
آيا : دعوة ايش ؟!
اندو : زواج ساكورا .....
آيا متفاجأه : نعم ؟!!
اندو : ساكورا وكيبا بيتزوجون بعد اسبوعين ...
آيا : وش هالسرعة ؟؟
اندو : لانهم بيروحون لامريكا بعد زواجهم بثلاث ايام .... عشان كذا استعجلو ...
آيا بفرحه : الله يوفقها ...
اندو : وعطتني بطاقات الدعوة لك وماري وانا .... ولزّمت انكم تحضرون .. اليوم باروح لماري واعطيها بطاقتها وانتي متى ما جيتي لطوكيو علميني عشان اعطيكياها ...

آيا : لا خلها معك ... اصلا انا بروح معك ... لاني ما اعرف هناك احد ومستحيل اروح لوحدي ... لما تروحون انت وماري خذوني معكم ...
اندو بضحك : من الحين تقولين هالكلام ...
آيا : أيــه ..
اندو : اوكي هذا كل اللي عندي .... اشوفك على خير .. مع السلامة ....
آيا : مع السلامة ...
وتسكر آيا السماعة وتدق على ساكورا ...
آيا : الوه السلام ساكورا ...
ساكورا : هلا ...
آيا مبسوطه : مبروووووووووووووووووووووووووك يا حبي ..... والله فرحت لك ....
ساكورا : الله يبارك فيك ... وعقبالك ...
آيا : احس انكم اسرع عرسان في الكون ....
ساكورا : امس اكلم كيبا واقول له ... صايرين قلبه بقلبه ... شغلنا طيران .... المهم بتجين ؟؟<< عليك حكي مدري وشلون افسره قلبه بقلبه>_<
آيا بحماس : اكيـــد بدون ما تسألين....
ساكورا : تسلمين لي .... آيا انتي فاضية ؟؟
آيا : اليوم ؟
ساكورا : أيــه ..
آيا : ليه فيه شيء ؟؟
ساكورا : انا ما عندي لا اخوات وصديقاتي كلهم في ايطاليا ... وانتي عارفه ان امي متوفيه .. عشان كذا ودي لو تشاركيني الذوق في اختيار فستان الزواج اليوم المصممة الخاصه بي بتجي وتوريني بعض الموديلات .. ولا اعرف وش اختار ... عشان كذا ودي لو تجين ..
آيا : اوكي راح اجي ...
ساكورا : واللــه ؟!!
آيا : أيــه ...
ساكورا : يا حبي لك يا آيـــا ..
آيا : بس انا ما اعرف بيتك ..؟؟
ساكورا : راح ارسل لك شخص عند السوق المركزي التجاري وهو اللي يجيبك لي ...
آيا : اوكي متى تبيني اجي ؟؟
ساكورا : متى ما بغيتي ..
آيا : اوكي بعد المغرب بقي ساعة وتغرب الشمس ...
ساكورا : اوكي ... انتظرك ...
آيا : يالله مع السلامة ....
ساكورا : مع السلامة .....
وتسكر آيا السماعة
آيا : يوكي انا رايحه لطوكيو ...
يوكي : تو تقولين انك ما راح تروحين ؟ وش السالفه ؟
آيا : بروح لساكورا ... ما اقدر ارفض طلبها .. وبعدين بجد البنت تبيني اجي ... عشان كذا بروح ...
يوكي : اجل بترجعين اليوم ؟
آيا : اكيد ...
وبعد ساعة زي ماقالت راحت آيا للسوق وراحت لساكورا في بيتها اللي كان مو بيت الا قصر .. قعدت آيا وساكورا وهي يختارون الموديلات ... لين مر اليوم كله وهم على نفس الحالة ...
وتمر الايام والحياة مشايه بكل هدوء ويجي يوم زواج ساكورا ....
آيا تكلم اندو على الجوال ...
آيا : يالله بنتأخر على الزواج انت وينك ؟؟
اندو : يالله قريب قريب من عندك ...
ويوصل لبيت اهل آيا وتنزل آيا وتركب ...
آيا : وش فيكم تأخرتو على البنت ..
اندو : لا تهاوشيني هاوشي صديقتك العزيزة لي ساعة انتظرها صارت هي العروس مو ساكورا ...
ماري : أيـــه بعد لازم اتشيك صح .... تبيني اصير اشين الحضور ...؟؟
اندو : انتي زينه من دون ما تتزينين ....
آيا : واااو حركات يا اندو طلع الكلام الصح ...
اندو باحراج : انا اقول اللي اشوفه ...
آيا : انحرج انحرج ... شوفو شوفو وجهه بدا يصير احمر .....
اندو : ترا بانزلك من السياره اذا ما وقفتي على العليقات ..
آيا : قدها ؟؟
ماري : يا الله منكم .... عيب استحو على هالحركات ....
ويكملون طريقهم ويحضرون الزواج ...
ماري : ساكورا صايره جميــــله مره .....
اندو : والله انك صادقه ..
ماري تلتفت على اندو ......
ماري : هيه ممنوع التعليق .... انا اكلم آيا ...
اندو : وانا اقول وجهة نظري ...
ماري : خلها لنفسك ...
آيا بحماس : ماري الحين بترمي الباقة خلينا نروح وناخذها ...
ماري : يالله ..
ويروحون يقربون من عند ساكورا ...
ماري : ساكورا علي علي ....
آيا : لا علي انا ..
ساكورا : ههههه راح اغمض واللي يلتقطها حظه ....
آيا : اهم شيء يكون الزواج مثل سرعة زواجكم ...
ساكورا : ههههههههه .....
وتغمض ساكورا عيونها وترميها والكل يحاول يمسكها ويتطيح على راس اندو .. ياخذها ويمسكلها ...
ماري : ياااااااااااااااااااااااااااه ...