رواية يا دنبا لا تسكبي الدمعة على خدِ حساس بقلم صديقتي

وتروح لاندو بسرعة ....
اندو : هذي الباقه حقت ساكورا ؟؟
ماري : أيـــه ....
آيا : تراك ما تعتبرين انك حصلتي عليها لان اللي مسكها اندو ....
اندو يمدها لآيا .... وماري تتفاجأ ...
ماري : لا والله ؟؟؟!!!!!
اندو : انا ما اعترف بهالتفاهات ....
آيا بابتسامه : بس معليش اسمح لي انا اعترف بها .. وشكرا على الباقة ....
ماري : لا والله على كيفك تعطيهياه ؟؟
اندو : انا باتزوجك من دون هالباقة واذا بغيتي هاللحظة انا مستعد ...
ماري انحرجت من كلامه ونزلت راسها وراحت ...
اندو : هههه الله يا عليها تصرفات ..
آيا : الله يا عليك انت تصريفات .....
اندو : خلاص منتي رايحة لجامعتك ؟؟
آيا : أيـــه خلاص ..
اندو : مستعده ؟
آيا : توني على الاستعداد .....
اندو : آيا تبين تقابلين اكيرا بكره ؟؟
آيا متفاجأه : هاه ؟؟!!
اندو : آيا الجامعة يمكن تكون بعيده عن لندن وما راح يسمحون لك انك تتجولين على كيفك .... وبتكون الدراسه شاغلتك كثير لانك بتكونين بين ناس اجانب .... وبما انك الحين ما عندك شيء .... تروحين للندن وتقابلين اكيرا....
آيا : لكنــ...
اندو : اعرف بتقولين عن الطيارة والتذاكر وغيرها .... بنروح بطياره خاصه ...
آيا : طياره خاصة ؟!!!
اندو : هاه وش قلتي ؟؟
آيا : ما ادري لكن لو نخليها ابعد شوي ..
اندو : لان عندي سفره لبريطانيا بكره وراح اجلس هناك يومين ... لو آخذك معي ما راح يحطون ببالهم انك بتكونين معي ... اما لو اروح بدون مناسبه عمل اخاف يشكّون .....
آيا : ما اعرف وش اقول لك ......
اندو : الرحلة بتكون 11 الصباح ... لازم تعطيني خبر بسرعة ...
آيا : اوكي .... راح يكون بيننا اتصال ....
تجي ماري وهي تركض ....
ماري بتوتر : آيا ابوي موجود في الحفل ...
اندو متفاجئ : ايش ؟!!
ماري : ابوي هنا لان ساكورا تكون بنت صديقه ...
آيا خايفه : اجل انا باروح قبلكم طيب ...
اندو : اوصلك ؟؟
آيا : لا لا باروح مع تاكسي ... لا تختفي وكون مع ماري ....عشان اذا شافكم يحسبكم جايين مع بعض لحالكم ...
اندو : اوكي ...
آيا : يالله باي واعتذرولي من ساكورا .....
ماري : اوكي ...
وتروح آيا وتطلع من الزواج .... تروح تركب مع تاكسي وترجع لبيتهم ....
تدخل آيا للبيت وتقابلها جولي ..
جولي : ليــه جايه مبكره ؟؟
آيا : لاني مليت شوي ...
جولي : فيه احد يمل من زواج .....
آيا : أيــه انا .... يالله بروح ابدل ملابسي .....
وتروح آيا وترقى فوق تحط الباقة على السرير وتغير ملابسها توقف قدام المراية .. وهي تفسخ حلقها تناظر نفسها في المراية وتقول ..
آيا : بكره .... معقوله ! .. بعد هالمده الطويـــله اشوفه .... انا احس لو بارفض باندم ..... ليت اندو مثل اكيرا يجبرني على الشيء لانه احسن .... اخاف اني ارفض الحين واقول فيني فيني اروح لبريطانيا ... لكن بعدين اندم ... يا الــــــله ....
وتلتفت وتجلس على السرير وتمسك الباقة ...
آيا : الفرصة ما تكون الا مره وحده في العمر ... هذي هي فرصتي .... كلها يومين وانا راجعه .. ما راح اتعّب نفسي في التفكير اكثر ... انا اعرف قراري ....
وتتصل على اندو ....
آيا : الوه السلام اندو ....
اندو : وعليكم السلام ..
آيا : راح اروح معك .....
اندو بابتسامه : حتى لو ما وافقتي راح اجبرك ....
آيا : صدق انك ولد عمه ونفس الطبع ...
اندو : اكيرا ؟؟
آيا : المهم كيف باروح ووش آخذ ويعني مثل كذا ...
اندو : خذي معك غيارين غيار بكره البسيه وغيار ثاني البسيه في اليوم الثاني ... وانا باجي بكره امرك الساعة 10 ونص كوني جاهزة ..
آيا : اوكي ....
اندو : وشيء ثاني ....
آيا : وشو ؟؟
اندو : لا تقولين لاهلك انك بتروحين لبريطانيا قولي انك بتروحين تنومين عند صديقتك او أي عذر ثاني ...
آيا : ليــه ؟؟
اندو : لاخذ الحيطه والحذر ...
آيا : لكن ما ابي اكذب وصعبه السفر شوي ...
اندو : هذا الشيء بيكون افضل ... لا تخافين تقدرين تقولين الصدق لما ترجعين .. يالله اشوفك بكره ...
آيا : مع السلامة ...
وتسكر آيا الخط .......
آيا تكلم نفسها : مسويتلي فيها يا آيا ... لو يجبرني .. هذا هو قال بنفسه اني لو رفضت بيجبرني ..... يا حبي لك يا اندو ...

ومن بكره تستعد آيا وتقول لاهلها مثل ما قال لها اندو ... يمر اندو عليها وتركب معه ... يروحون لمطار خاص بالعائلة ويحولون ويقابلهم توما ..
آيا : توما ؟!
اندو : يالله بسرعة ....
آيا : انت جاي تودّعنا ؟؟
توما : لا انا رايح معكم ...
آيا متفاجأه : هاه !!
اندو واقف عند باب الطيارة : ياللـــــه اخرتوني ...
توما : يالله اقولك كل شيء لما نركب ....
ويروحون ويركبون الطيارة ..
آيا : ما فيه الا احنا ؟!
اندو : ليه من تبين يكون موجود ؟؟
آيا : يعني ناس ...
اندو : هم ليه سموها طياره خاصه ... يعني انها تخصنا ...
آيا : يعني تسافرون ببلاش ؟؟؟
اندو : وهذا اللي هامك ؟؟
آيا : طيب لحظة ليه من قبل ما استخدمتوها ؟؟ يعني ما قالت لي ماري انكم تروحون بطياره خاصه... دائما تكونون مع الناس حتى يوم راح اكيرا راح مع الناس ...
اندو : احنا مو دائما نستخدمها .... احنا نستخدمها لرحلات العمل ... يعني ما نجلس في الدوله اللي نروح لها الا يوم يومين واذا كثرت 5 ايام ... وبعدين اذا حصلت لنا رحله مع الناس نروح معهم لكن اليوم وهالوقت ما فيه رحلات لبريطانيا ...
آيا : اهــــا ...
وتلتفت آيا على توما .....
آيا : آآه تذكرت .. ليه جيت معنا ؟! وكيف عرفت اننا بنروح اليوم لبريطانيا ؟؟
توما : الظاهر انك نسيتي وش اكون ؟؟
آيا : لا ما نسيت ...
توما : انا رايح عشان اقتل اكيرا ...
آيا مرتاعه : تقتله ؟؟؟!!!!
اندو : هههههههههه ... يقتله من الضرب ....
آيا بنفس الحالة : هااااااه وش الفرق ... يعني النهاية يموت ...
اندو وتوما : ههههههههه ههههه ....
توما : يا الله كل شيء تصدقينه .. انا اقصد اقتله ... يعني اوريه شغله لانه من سافر ما اتصل علي ولا مره ولا حتى على الايميل كلمني ... ما له سبب انه ما يكلمني حتى .... بروح اشوف وجهه احس اني نسيته ..
آيا : آآآه يعني مشتاق له ....
اندو : ههههه الله من الشوق ...
توما : انتي غبيه عشان كذا افهميها مثل ما تبين ...
آيا : هااااااه وش قلت ... حبيبي انا اذكى منك ومن اندو ....
اندو : ليه نا ما تكلمت ولا قلت شيء ... انا معترف انك ذكيه ما قلت غبيه ابدا ....
توما : ما بعد عرفتها هي لازم تشرك الشخص الثاني في التهزيئة ...
آيا : بنطول في الطياره ؟؟
توما : يا الله من السؤال الذكي مرررررره .....
آيا : اسكت انت ما سألتك انا سألت اندو .....
اندو : أيــه نومي وقومي وكلي واذا بغيتي بعد تروشي ياااااالله نوصل ...
آيا : افففف ما توقعت لهالدرجة ... اندو كم بيننا وبين بريطانيا من ساعة ؟؟
اندو : تسع ساعات ...
آيا تشوف ساعتها : يعني بما ان الحين عندنا الساعة 11 يصير عندهمـ...
توما : الساعة 8 الليـل ....
آيا : يعني بنوصلهم بكره ؟؟
اندو : لا ....
آيا : اجل متى ؟؟
اندو : بنقعد في الطيارة 14 ساعة ... يعني تقريبا بنوصل الساعة وحده في الليــل ...
آيا : آآآآآه .... ما توقعت ابداَ ....
توما : آيا تكفين لا تسألين اكثر ....
اندو : انا بانوم طول امس ما نمت ....
آيا : فيـــه سرير !!
اندو : أيــه تبين تشوفيه ؟؟
آيا : أيـــه ...
وتقوم آيا واندو وتروح تتمشى آيا في الطياره ومنبهره من اللي تشوفه ... تقعد على السرير ....
آيا : الحين اذا كانت هذي طياره التجّار وش تكون طيارة الملك ... ؟؟
اندو : عجبتك ؟؟
آيا : تسألني عن الاعجاب .... قل منجنه منبهره ما اصدق انها في الواقع .. ...
اندو يبتسم : فيك النوم ؟؟
آيا : لا ...
اندو : اذا حسيتي انك تبين تنومين فيه سرير ثاني ...
آيا بابتسامه : اوكي شكراَ ...
وترجع آيا لمكانها وتشوف توما فاتح اللابتوب ويكتب ...
آيا : وش تسوي ؟؟
توما : اشتغل ..
آيا : تشتغل ؟! هنا ....
توما : لازم اخلص شغلي بسرعة ولما اوصل هناك راح ارسله ...
آيا : آآه ...
توما : آيا ما تبين تنومين ؟؟
آيا : وش فيكم على هالسؤال ....؟؟ قلت لا ....
توما : طيب روحي وجربي يمكن تحسين بنعاس ...
وتروح آيا وتستلقي على السرير ... تغمض عيونهــا ....
يوقف اندو فوقها وتفتح عيونها وترتاع وتقوم بسرعة ...
آيا : ما نمت ؟؟
اندو : لا ما فيني نوم ... بس جيت اسولف معك .
آيا تبتسم : آآآه ....
اندو : مستعده ؟
آيا تغيرت ملامح وجهها : ما ادري .....
اندو : هاه كيفك وكيف استعدادك ؟؟
آيا : انا نفسي ما احس اني بروح اقابل اكيرا ... ما عندي أي احساس ... لا فرح ولا حزن ولا شوق ...
اندو : يعني انتي ما اشتقتي له ؟؟
آيا : الا ميته من الشوق ... لكن اقصد الحين كأني في حلم وراح اقوم منه وينتهي كل شيء ... ما حاولت حتى كيف باقابله ووش باقوله ... ما اعرف كيف بيصير احساسي ... هل لما اشوفه باحضنه او باصير بارده وواقفه في مكاني وكأني شايفته امس ... ما ادري انا لما اشوفه هل راح اضحك او اصرخ او ابكي .... احس اني ضايعة ... اللي الحين افكر فيــه هل صرت قويه واقدر اواجههم ... انا كنت حاطه في بالي اني بارجع لهم بالقوه بعد ما آخذ الشهادة ... لكن شلون صارت الامور كذا ما بقى الا سنه ليـه ما صبرت اكثر ...
اندو : انتي ما راح تواجهينهم .. اللي راح تواجهينه هو اكيرا نفسه ... في هذي السنه انتي واكيرا محتاجين انكم تكونون مع بعض تعاونون بعض ... بكذا راح تكونين اكثر قوه ... وراح تواجهينهم بقوتك واكيرا معك ....
آيا ابتسمت ونزلت راسها ....
آيا : نفس الشيء يصير ... ودائما انت نوري ...
اندو : هاه ؟؟
آيا : وما زلت تساعدني بدون ما اقدم لك شيء ...
اندو : انا ما احتاج انك تقدمين لي شيء مقابل اللي اسويه معك ..
آيا : ولا حتى اعرف كيف اقولك شكراَ ... احسني ابي كلمه اقوى منها في التعبير ....
اندو : اللي لازم يشكر الثاني هو انا ... انا اللي ما اعرف كيف اشكرك ...
آيا : ليــه ؟؟ انا ما سويت لك شيـ...
اندو يقطع كلامها : سويتي لي اشياء ... مو شيء واحد .... من قابلتك الى الحين وانا ...
آيا تناظره وهي تترقب كلامه ...
آيا : وانت ؟!

ينتهي البارت الى هنا
ونلقاكم الجزء المقبل .....

( ( Ayadaiski.... (( الفصل الثالث عشر – الجزء 3 ))

آيا تناظره وهي تترقب كلامه ...
آيا : وانت ؟!
اندو يناظر فيها ويبتسم : انا ..... الحين مرتاح مع ماري كثير ... لانها من النوع اللي احبه .... اعتقد اني قلت لك من قبل انا مثل اكيرا احب البنات الوسطاء .. ما احب البنات من الطبقة العالية .. وماري عاشت طول عمرها في الطبقة الوسطى .... واكتسبت صفات البنت اللي احبها وصارت مرايه لها في اشياء كثيره ... انتي يا آيا من اللحظة اللي صرتي فيها رفيقه لاكيرا فيــه اشياء كثيره تغيرت عن روتينها .. بعد ما التقيتي باكيرا رجعت ماري لاهلها وبعدها قابلت ماري اللي هي صديقتك ... كنت من قبل اجلس معها وقت طويل لكن عمري ما فكرت لو ماري ما كانت صديقتك هل بتكون بهالشخصيه اللي هي عليها الحين ... الشخصية اللي تعجبني فيها ....
اندو يسكت شوي ثم يرفع راسه لها ويناظر فيها : انا اشكرك لاني قابلتك وعرفتك وعاشرتك ... حسستيني باشياء ما كنت احس فيها ..... وخليتي اناظر اشياء ما كنت اشوفها ... عيشتيني لحظات ما كنت متوقعها .. اشكرك لانك الى هاللحظة انتي قدامي .....
آيا انحرجت من كلامه ونزلت عيونها للارض ....
اندو : حتى لو قلت وقلت ... ما اعتقد اني وصلّت لك اللي في قلبي .... لكن كنت دائما اتمنى اني ارد لك اللي تسوينه معي ..
آيا صامته وتسمعه وفي نفسها تقول : آآآه يا اندو لو تعرف وش غلاتك عندي وش قد فرحتي اذا صرت معك ... والحين تقول لي عن شعورك وانا كان شعوري لك الحب ... قلبي قلب انثى وما يتحمل ....
يقوم اندو وياخذ نفس ....
اندو : راح اكون معك دائما ... لاني وعدته بهالشيء ...
آيا : هاه ؟!
اندو يبتسم ...
وبعد مرور الوقت ..
في طوكيو الساعة 4ونص العصر :.
البنات مجتمعين عند باب بيت آيا:.
راي تكلم جولي من عند الباب : نعم وش تقولين انتي .. رايحه عند صديقتها ؟؟ وبتبيت عندها بعد ؟؟
جولي تهز راسها بالايجاب : أيــه قالت اليوم هالكلام وراحت ...
يونا : مشكوره يا قلبو مع السلامه..
جولي : مع السلامه..
راحو البنات ومشو للحديقه القريبه من بيت آيا..
راي : أي صديقه هذي اللي تتكلم عنها جولي..
يونا: الصراحه شيء يحّير آيا ماعندها صديقات غيرنا ؟؟ مين هذي الجديده؟!!
ماري : معاكم حق اول مره اسمع عن هالصديقه المجهوله .. والمشكله انها تقول انها بتبيت عندها معنااه انها بعيده من هنا ..
راي : معاك حق يا ماري .. بدق عليها ..
وتطلع جوالها وتدق عليها لكن مقفل..
راي تشوف الجوال باستفهام : جوالها مقفل ؟!!
يونا : غريبه هي مو من النوع اللي يقفل الجوال هالوقت ....
ماري : يمكنها مشغوله ؟؟
راي : لكن الاسبوع اللي راح قلت لها اننا بنروح للسوق اليوم ...
وفي هالوقت يرن جوال يونا :.
يونا ترفع السماعه : الوه ... هلا سوما ... ما ادري انتظر شوي باسألها ...
تلتفت يونا على راي ..
يونا : راي وين توما ؟؟
راي : ما ادري عنه ما كلمته اليوم ...
يونا باستغراب : طيب ليــه مسكر جواله ؟؟
راي تهز راسها : والله مدري انا قايله له امس اني اليوم بروح مع البنات للسوق ولا كلمته بعدها ابداً ..
يونا : اها ..
وترجع للمكالمه وتخبر سوما بكلام راي ....وبعدين تسكر السماعة ..
يونا : ما تحسون ان اليوم غريب اللي مو من عادتهم يسكرون جوالاتهم مسكرينها وبعد هالوقت ..
ماري : لو اندو موجود كان قلت له يدق على توما ولا يمكن يعرف شيء عنهم ..
راي : ليه هو وينه ؟؟
ماري : سافر اليوم عشان العمل .... لمدة يومين
راي : يمكنها راحت لصديقتها يوكي ؟؟
ماري : يونا معك رقمها صح ؟؟
يونا : أيــه ...
ماري : دقي عليها وشوفي ؟؟
راي : واذا ما صارت عندها خلينا نروح للسوق وبكره نسألها ...
يونا : معك حق ...
في الطيارة :.
اندو يصحي آيا .....
اندو : آيــا ~~ .. قومي يالله ....
آيا وهي مغطيه نفسها : تكفين خليني شوي ...
اندو : آيــــا ~ ....
آيا : يوووه واحنا لازم نروح اول الناس للكليه .. ياختي الدكتور دايما متأخر خليني انوم شوي ...
اندو : انا اندو مو يوكي .... آيا احنا في الطيارة ....
وتفز آيا من السرير ...
آيا تناظر اندو وهي فاتحه فمها من المفاجئة ...
اندو يبتسم : لا تخافين ما فيه كلية .. بس فيه غدا ... يالله قومي وتعالي كلي ..
تقوم آيا وتروح تغسل وجهها و تجلس معهم على السفرة ....
آيا : هذا اكل في طياره ؟؟ انا اللي اعرفه انها تكون وجبات مو بوفيـــــه !!
توما : كلي كلي انتي من جد ماقد شفتي خير .... خلاص تعودي على هالاشياء ... المفروض تكون اشياء طبيعيه بالنسبه لك .....
آيا : تعال انت منت مريحني ياللي شايف الخير ومتعديك اقول لا تغلط علي وبعدين هذا اللي قدامي مو اشياء طبيعية ... لا تنسى اننا في طياره مو في فندق فاخر على هالسفرة ...
توما يميل فمه : يمه منك ما احد يقول شيء لك..
آيا تناظره من فوق لتحت : أي تراني مو هينه تقعد تحقر فيني ..
توما : طيب اتوب بس خلاص خليني آكل ..
اندو يضحك على اسلوبها في حوارها مع توما : المهم ان الاكل يعجبك يا آيا ....
آيا تبتسم : اكيــد بيعجبني ...
توما يقلدها : اكيد بيعجبني ..
آيا تناظره بعين حارقه : قلت شيء يا اخ توما..
توما بابتسامه: لا يا سمو الاميره ما قلت الا بالعافيه عليك ..
آيا تبتسم : شكرا..
وقبل لا تنزل الطياره للمطار كان منظر لندن من فوق خيالي خاصه مع الانوار والاضواء وكمان المطار والطيارات اللي فيه من جميع دول العالم منظر جنان..
آيا ناشبه في الدريشه : واااااااااااو منظر خطير توما تعال شوف..
توما يقوم من مقعده ويناظر معها المنظر: الله منظر يجنن...
آيا تبي تغيظه : والله منظر يجنن غريبه يا ولد النعمه ما تعودت على هالمنظر.
توما يناظرها بنص عين : انتي متى بتتركين حركاتك هذي يكفي تمسيك انتي من جد محد يقولك حاجه..
ويقوم من مكانه: الشرهه علي انا اللي اطيع كلامك واجي اشوف ..
آيا حست انها زودتها: تومااااااااا والله امزح معك يعني انت ماتعرف ..
توما : طيب طيب..
آيا تمسكه مع يده : توما والله آسفه تكفى عاد سامحني .. خلاص ما راح اكررها..
اندو يناظرها ويضحك..
اندو : حرام عليك يا توما خاف الله في البنت ساعه تتحببك..
توما يلتفت عليها : خلاص سامحتك بس عشان اندو..
آيا تفك يدها عنه و تبتسم : عادي عشان اندو او عشاني كلنا واحد اهم شيء انك سامحتني ..
ابتسم اندو وتوما ..
رجعت آيا لدريشتها تتفرج على المطار ..
وبعد 10 دقائق هبطت الطائره واستقرت وانفتح الباب كانت الساعة 10 الصباح بتوقيت بريطانيا اما بتوقيت اليابان الساعة 1 الليــل ....
نزل اندو وتوما وآيا تمشي وراهم وهي تشوف مطار هيثرو بكل اعجاب وفرحه ...
اندو يتمغط : ياااااااااااااه الحمد الله على السلامه وصلنا بالوقت المناسب ... مقابلتي بعد شوي .. خلينا الحين نروح للفندق ...
توما وآيا : يالله..
كان بانتظارهم في المطار سائق تبع الشركة ..
توجه اندو له واعطاه الشنط وركبو السياره وفي غضون دقائق وصلو للفندق كان كل شيء مجّهز .. دخوا للفندق الفخم ....
اندو يكلم آيا وتوما ..
اندو : انتو انتظرو هنا بروح اشوف الاستقبال واجيب مفاتيح الغرف..
ومثل ما قال راح للاستقبال وكلمهم وعرف رقم الغرفه و في أي دور اخذ منهم المفاتيح وتوجه لتوما وآيا ..
يالله مشينا للمصاعد غرفنا في الدور39 ...
آيا : يوه احنا في الدور الـ39 ؟؟ الفندق كله 40 دور .... المكان بيكون مرتفع مررره ...
توما : احلى في الطلة ...
ويوصلون للدور .... اندو يمد لآيا مفتاح ...
آيا : وشو ؟؟
اندو : انا وتوما في غرفه وانتي في هذي الغرفة ....
آيا : باصير في غرفه لوحدي ؟؟
اندو : مو اريح لك ؟؟
آيا : الا لكن عادي اجي عندكم الا النوم اروح لغرفتي .... لاني ما احب اجلس لحالي .
اندو : اكيــد عادي وخذي راحتك ....
تدخل آيا للغرفه واندو وراها .. وتوما راح لغرفتهم ....
اندو يحط شنطت آيا في الغرفه : خذي راحتك و كل شيء عندك واذا بغيتي أي شيء دقي على الاستقبال واللغة اعتقد انها قويه عندك ...
آيا : آآه .. ايه.. شكرا اندو..
اندو ابتسم : العفو .. يالله اتركك لوحدك الحين انا بروح آخذ دش وبتوجه لعملي وتوما اعتقد بعد ان عنده اشغال وبيسويها لكن في غرفته ... تقدرين تنزلين وتتمشين لكن حول الفندق لا تبعدين ... لندن كبيره واخاف تضيعين ....
آيا تهز راسها : طيب ....
يتوجه اندو ثم يوقف عند الباب على صوت آيا تقول : لحظة !
اندو يلتفت عليها : فيــه شيء ثاني ؟
آيا تنزل راسها : آه .. متى راح اقابل اكيــرا ؟؟
اندو ابتسم : باشوف احواله وبعدها احدد الوقت المناسب ....
آيا تبتسم واندو يروح ... تحط آيا شنطتها على السرير وراحت للدريشة وتطل على المدينــــه .....
آيا : ما اصدق اني انا وياك في نفس المدينه مره ثانـية .... اكيــرا اشتقت لــــــــــك ....
ينطق الباب و تقوم تتوجه للباب و تشوف انه توما .. تفتح له ...
توما : آيا الحين وقت الفطور تجين معي نروح نفطر ...
آيا مبسوطه : اكيد .. واندو معنا .؟؟

توما : لا هو الحين يتروش وبيروح على طول لعمله ...
تطلع آيا وتنزل هي و توما للفطور ...
يجلسون ويفطرون سوا ....
لما خلصو :.
توما وقف : انا بروح اغسل و بعدها بروح للغرفه عندي بعض الاشياء ابي اخلصها ...
آيا : طيب .. و انا بروح اتمشى برا ....
توما : انتبهي لنفسك .... ولا تتأخرين..
آيا تهز راسها : حااااااااااااضر ...
وبعدها يروح توما .... تمشي آيا في الشارع وهي تتفرج على الناس اللي يتمشون ... تشوف بحيره وتروح توقف عندها وكان فيه اولاد يلعبون كوره على جنب ... رمو الكوره وضربت آيا من كتفها ..
آيا وقفت : آي ؟!
يجي الولد ويعتذر بالانجليزي طبعاً ...
آيا تتكلم انجش : هه هه بس مره ثانيه انتبه للي حولك ...
:: ويبدون الحين يتكلمون باللغة الانجليزية ::
الولد : انتي من وين ؟!
آيا : اليابان ....
الولد : صار عندنا كثيــر ناس يابانيين ....
آيا : والـله يعني هذا الحي اغلب اللي يسكنونه يابانيين ؟؟
الولد : لا بس قبل ايام كان يجي شاب ياباني غالبا ما يجلس هنا ..... طارت الكوره له وانا كنت العب ومسكها بيد وحده .... تعجبت من قوته ..
رحت اشكره لانه مسك الكوره .. وقال لي نفس اللي قلتيه قبل شوي ...
آيا : وفيــه احد ثاني شفته غيره ؟؟
الولد : أيــه كم مره .. لكن هذا الشاب لانه كان يجي باستمرار صرت اتكلم معه .. هو حبوب مره و لانه يجي اغلب الاوقات احب اجلس معه حتى انه علمني بعض الكلمات اليابانيــه ....
آيا تمسكه مع يده : تعال اجلس وقول يالله وش تعرف من الكلمات اليابانيه ؟؟
الولد انبسط : اعرف .. (Gomennasai ) ...
آيا : وش معناها ؟؟
الولد بثقه : انا آسف ....
آيا ابتسمت : ممتاز وايش كمان ؟؟
الولد : (Arigatoo ) يعني شكراً .... و (Sayonara ) يعني وداعاً ... و (Konnichiwa ) يعني مرحباً ....
آيا : وااااااو انت رائع كل هذي حفظتها منه .. علمك كلمات حلوه ...
الولد كبر راسه من المدح : وسمعت منه كلمه هو ما علمنياها لكن انا حفضتها يوم قالها مره بصوت عااااالي ....
آيا تحمست : وايش الكلمة ؟؟
الولد : ( ( Ayadaiski....
آيا انصدمت مو مصدقه وفي نفس الوقت فرحانه مو عارفه أي تعبير تحس فيه ...
الولد يأشر قدامه على النهر : شفتي هذاك النهر كان يصرخ عنده ويقولها لكن المشكله اني ما اعرف وش معناها ... انتي يابانيه اكيــد عرفتي معناها صح ؟؟
آيا ابتسمت وبدت تتجمع الدموع في عيونها : انت تعرف وش اسمه ؟؟
الولد : لا ... بس وش معنى الكلمه .. ارجوك علميني ...
آيا تناظره : طيب انت ليش ما سألته؟؟
الولد نزل راسه للارض: لان لما سمعتها منه كان حزين فخفت اضايقه لما اسأله..
آيا بدت تنزل عيونها دموع وتمسحها بسرعه قبل لا يشوفها الولد..
التفت عليها الولد : ممكن تقوليلي وش معناتها ..
تمسح على راسه : هه انت حفضت الكلمه خطأ .... الكلمه الصحيحه (daiski ) بس ..... ومعناها احبـــــــكـ .....
الولد سعيد انه عرف معنى الكلمة : (daiski ) ...؟؟ احبــك ....وااااااو والله هذي احلى كلمة..
آيا ابتسمت له وفي نفسها تقول : هو قال .. احبــك آيـــــــا .... هل يمكن يكون اكيــرا ؟! او يتهيأ لي ؟؟ .. آآه مو انا الوحيــده اللي اسمي آيا في اليابان كلها ... لكن اعتقد ان كل اليابانيين اللي يجون هنا بعدو عن اللي يحبونهم ....
الولد يهز آيا : لو سمحتي ؟؟
آيا انتبهت له : هلا ؟؟
الولد : وش اسمك ؟؟
آيا : انا اسمي آيا ... وانت ؟؟
الولد : جيمس ... انتي دائما بتصيرين هنا ؟؟
آيا : اممم مو الحين او بعد ايام ... انا راح اجي لهنا لكــن بعد شهر ....
جيمس : ليــه ؟؟
آيا : راح ادرس هنا ....
جيمس : وش تدرسين ؟؟
آيا : طب ...
جيمس : وااااااااو يعني انتي دكتوره ؟؟
آيا بابتسامه : راح اصير دكتوره ...لما تكبر تصير مثلي ..
جيمس : ايه راح اصير مثلك بس انا توني صغير..
آيا : كم عمرك ؟؟
جيمس : 8 سنوات ..
آيا : ما شاء الله عليك كبير..
جيمس امبسط : والله ..
آيا تهز راسها ..
جيمس : طيب انتي اذا جيتي تدرسين اقدر اشوفك هنا ؟؟
آيا : ما ادري لاني يمكن ما اكون في لندن على حسب الجامعه .. بس اول ما اوصل للمطار اذا جيت دراسه راح اجي هنا ... انت دائما هنا ؟؟
جيمس : أيــــه ....
آيا : انت ما تروح للمدرسة ؟؟
جيمس : الا اروح ...
آيا : طيب الحين الساعة 11 مو لازم تكون في المدرسه ....
جيمس : لا المدرسه بس الى الساعة 10 ...
آيا : اها يعني تجي هنا بعد المدرسه ؟؟
جيمس : أيـــــه ..
وتجي حرمه وتنادي من بعيــــد : جيــــمس ~ .... يله
جيمس : هذي ماما ... تجي تاخذني ..
آيا : يالله روح لا تطول عليها ..
جيمس مبتسم : Sayonara ...
آيا ترد الابتسامة : Sayonara .....
ويروح جيمس و آيا تراقبه لما وصل لأمه وراح معها ...
آيا : على طول يا آيا صادقتِ طفل ....
وتروح آيا تتمشى حول المكان وتصور نفسها بالكاميرا .... ثم ترجع للفندق لانها تعبانه بعد الرحلة والتمشي .. راحت لغرفة توما واندو.. ضربت الباب ..
فتح توما لها الباب : انتي رجعتي ..
آيا : ايه .. اقول توما انت تغديت ؟؟
توما : لا والله.. انتي تبين غدا؟؟
آيا : لا مو مشتهية .. بتغداء العصر الحين ابي اروح انام شوي ..
توما خلاص انتي روحي نامي وعلى العصر اصحيك نروح نتغدا سوا ..
آيا تهز راسها بالموافقه : خلاص ..
راحت آيا لغرفتها ورجع توما لشغله ..
دخلت آيا وحطت شنطتها على المكتب وراحت على السرير و اخذت لها غفوة ...
العصر:
طق توما على آيا الباب : صحت من النوم و شافت توما فتحت الباب له
آيا : انت انزل قبلي وانا ببدل وانزل لك ..
توما : اوكي ...
وبعد 5 دقايق نزلت آيا وشافت توما طالب لهم الغداء وجلست معاه صارو ياكلون ..
توما : اقول آيا اش رايك بلندن..
آيا : والله حلوه واحلى شيء جيمس اللي تعرفت عليه..
توما: من هو جيمس هذا؟؟ امداك تتعرفين على احد..
آيا : هي لا يروح فكرك لبعيد تراه بزر عمره 8 سنين بس وربي مره كيوت..
توما يناظرها ويضحكك: هههه مره كيوت اجل ..
آيا تهز راسها : ايه..
توما : وكيف تعرفتي عليه ..
آيا قالت له كل اللي صار باستثناء سالفة ( آيا احبك) ..
توما : اها يا حليله حبوب ..
آيا : كل الاطفال كذا .. احب براءتهم..
آيا ضحكت: ههه ويبيني اجي للحديقه اول ما اجي مره ثانيه ..
توما : عادي روحي انتي وش بيضرك..
آيا توقف اكل : الحمد الله شبعت ..
وقفت : الله يكتب الخير واجي واشوفه واسلم عليه بعد ..
توما مستغرب : على وين ليش قمتي؟؟
آيا : شبعت ودي اروح اتروش احس اني كاره نفسي..
توما ضحك على شكلها : هههه روحي روحي رحمتك..
ابتسمت آيا : طيب انت بتروح لشيء؟؟
توما يهز راسه: لا بصعد لغرفتي واكمل اللي بديته.. شغلي ما يحتمل أي تأخير..
آيا تضحك : الله يعينك .. يالله انا رايحه ..
راحت آيا لغرفتها و لحقها توما لغرفته ..
دخلت غرفتها راحت تاخذ لها شور بعد ما طلعت جلست عند التلفزيون وتقلب القنوات ...
بعد ثواني انطق الباب راحت آيا وفتحه بدون ما تشوف من عنده لانها توقعت انه توما .. لما فتحته شافت حرمة غريبه ...
آيا تشوف ملامحها ملامح شرق آسيوية ..
الحرمة تتكلم بالياباني : آنسه آيــا .. معك سكرتيرة السيد اندو .. بغيت اوصل لك رسالة ..
آيا مندهشه : اهلا تفضلي..
دخلت السكرتيره وجلستها آيا على اقرب كرسي..
السكرتيره : آسفه على الازعاج لكن بغيت اوصل لك رساله من السيد اندو ...
آيا : رساله ..
السكرتيره : ايه طلب مني اوصلك لمكان ...
آيا : لحظة شوي بروح ابدل ثواني واكون جاهزه ...
السكرتيره : انا بانتظارك..
دخلت آيا تبدل ...
آيا : وش عند اندو راسلها ما يعرف يجي من نفسه ...
تطلع لها ...
آيا : انا جاهزة ....
السكرتيره تتكلم مع آيا : شوفي انا راح اوصلك لمكان شوي فيــه زحمة ابيك تجلسين فيــه وقال السيد اندو انه راح يجي عندك واذا ما جاك الى الساعة 7 ارجعي للفندق ...
طلعو الثنتين .. راحت طقت الباب على توما وما رد عليها
آيا : شكله نايم ؟! ..
كتبت له رساله ودخلتها تحت الباب تخبره انها طالعه ويمكن تتأخر ..
وتروح السكرتيره و تركب آيا معها في السياره و يمشون ..
آيا الفضول ذبحها : طيب هو ما قال لك وش عنده ؟؟
السكرتيره : لا .. هو طلب مني هذا الشيء وانا انفذ بس ...
ومدت لها محفظه فيها مبلغ من المال ...
السكرتيره : وهذي فلوس يمكن تحتاجينها ...
آيا : لكن انا معيـ...
السكرتيره : انتي معك عملة اليابان وانتي ما راح تجلسين هنا الا وقت قليل استخدمي هذي الفلوس وخلاص ....
آيا : طيب ..
السكرتير : اذا ركبتي مع التاكسي قولي بس اسم الفندق وهو راح يوصلك لنفس الفندق اللي انتي ساكنه فيه ...
آيا : حاضر ....
ويوصلون للمكان وتنزل آيا ...

السكرتيره : انتبهي لنفسك ..
آيا : طيب ..
وفي نفس هذا الوقت اللي مر :.
يطلع اندو من الشركة بعد ما خلص من شغله وتوجه للفندق دخل الغرفه وشاف ورقة آيا على الارض رفعها وقراها .. ابتسم بعدين راح ومثل ما توقعت آيا كان نايم وهو على الجهاز .. صحاه اندو من النوم و خبره انهم بيروحون لاكيرا وتوجهو الاثنين لبيت اكـــــيرا ...
في غرفة اكيرا :.
الخادم يدخل : سيد اكيرا فيــه زائرين لك ....
اكيرا : تعرفهم ؟؟
الخادم : مو من العمل ....
اكيرا : طيب دخلهم للصاله .....
بعد ثواني نزل اكيرا وهو يناظر الارض ونفسيته تعبانه وشينه وضايق خلقه وماله نفس يشوف احد ..... يرفع عيونه ويشوف انــــدو ...
اندو : هذا الوجه اللي تقابلني فيــه ؟؟
اكيرا متعجب وما يعرف وش يقول ...
اندو يقرب من اكيرا واكيرا واقف في مكانه بدون أي كلمه بدون أي حركة .. اندو يضمه شوي ثم بعد عنه ...
اندو : كذا الناس يعبرون عن فرحتهم اذا شافو شخص من زمان ما شافوه ...
اكيرا ابتسم بسمة حزينه : نسيت كيف التقي بالاشخاص اللي غبت عنهم ... وكيف افرح بشوفتهم ..
اندو : كبرت وما زلت اجمل مني ....
اكيرا ابتسم : وانت بعد ..
توما يدخل عليهم فجأه : وانا ..... ما زلت جميل زي ما انا ...
اكيرا : توما ؟!!
توما : نسيت ان فيه زائرين اثنين مو واحد ...
يقرب توما من اكيرا ويضربه ضربه خفيفه على كتفه ...
توما : طيب كيــف تقابل اصدقاءك ... اللي ما شفتهم من زمااان ....
اكيرا يبتسم : سويتها وجيتَ ..
توما : لا تعتقد اني مشتاق لك وولهان .... انا جاي اعاقبك على اللي تسويه ....انت ما تستحي على دمك ست سنين ولا حتى اتصال جاني منك ... وجع اللي يشوفك يقول ما كأن عندك اصدقاء تسأل عنهم وعن احوالهم ...
اندو : ههههههه على طول دخلت في الموضوع ..
اكيرا : آسف توما .. ما كان بيدي ...
توما : لو تعتذر لبكره ما راح اعذرك ....
اكيرا : لا تصير قاسي كذا يا توما .. افى عليك انا رفيق عمرك ....
توما : كنت في الماضي ...
اكيرا : يالله عاد ... عشاني ..
اندو : راح نطول واقفين كذا ...؟؟
اكيرا مرتبش من الفرحه : ااه معليش تفضلو ...
ويروحون يجلسون في الصالة ..
توما : هاه كيف بريطانيا وكيف احوالك ؟؟
اكيرا : كويسه ودراستي ماشيه .. وحياتي روتينيه ...
اندو : تشتغل في الشركة صح ؟؟
اكيرا : أيــه ادرس واشتغل بنفس الوقت .... كيف احوالكم وكيف العمل ؟؟
توما : احوالنا كلها زينه ...
اكيرا : كيف مورا وسوما ؟؟ طيبين ...؟؟
توما : تمام و يسألون عنك ؟؟
اكيرا بدت تتغير ملامح وجهه : تشوفون الكل ؟؟
توما : تقصد بكلمة الكل ... آيـــا ؟؟ تقدر تقول اسمها ما هو محرم ...
اندو : أيــه نشوفها ....
اكيرا : متى آخر مره ؟؟
اندو : مهتم تعرف ؟؟ .... لو انك صدق مهتم كان سألت عنها من وقت طويل مو يوم جبنا طاريها ....
توما : هي طيبه ... وكثير نشوفها ...
اكيرا : دخلت طب صح ؟
اندو : أيــه ...
اكيرا : افضل جامعة طب صح ؟؟
اندو : أيــه ....
اكيرا : واضح انها مجتهدة في دراستها .. ودرجاتها زينه زي العاده صح ؟؟
اندو : آآه ...
توما : تعرف اخبارها اجل صح ؟؟
اكيرا : توصلني .. لكن هذا كان في البداية بس ...
اندو : ودي اسألك ..
اكيرا : عارف سؤالك ...
اندو : اجل جاوبني ..
اكيرا : كان لازم ...
توما : هاه وش تحكون عنه انتم ؟؟
اندو : ما فيه احد يقدر يجبرك على الزواج ....
اكيرا : انا وافقت عشان آيا ... متى بتفهم ؟؟
اندو بغضب : قول لي عشانها في ايش ؟؟ ترضى آيا تتزوج واحد ثاني وانت ما تدري ثم تجيك بعدين تقول تزوجت عشانك .. بترضى ؟؟
اكيرا ماسك نفسه : انا عندي سبب ...
اندو : وزوجتك تكون ضحيه ؟؟ ترضى هذا الشيء ؟؟
اكيرا : وش معنى كلامك ؟؟
اندو : انت فاهمني لكن تسوي نفسك غبي ..
اكيرا : اندو .. انا عارف انك معصب علي وغاضب ... لكن ما بيدي شيء اسويــه ....
اندو : طيب علمني ..... ليــه ما تقدر ؟؟
اكيرا ينزل راسه ...
اندو : تعرف اكيرا ... انا يوم اروح واقابل ساكورا واكلمها ما كان عشانك ... كان عشانها هي ... لانها عرفت انك بتتزوج ...
اكيرا يرفع راسه : ليــه علمتها ؟؟
اندو : انا ما علمتها .. هي عرفت من نفسها لانها صارت صديقه لساكورا وساكورا طيبة وارتاحت لآيا وقالت لها عن الزواج ...
اكيرا يعض على شفته ... ويقلب عيونه ..
توما : قابلها ... بيدك كل شيء .. آيا الحين محتاجتك وانت بعد محتاج لها ... آيا تحتاج للقوه وانت قوتها ....
اندو : اكيرا ...!
اكيرا : ما اقدر ....!! قلت لكم ما اقدر .. اذا قربت من آيا الحين راح تكرهني لاني راح اكون مصدر خراب حياتها ....
اندو : كيــف ؟!
( الى هذا الحد صار كل شيء في وقت واحد )

آيا جالسة في المكان اللي راحت له ...
آيا : وش يبي مني وخلاني كذا مقطوعه .. ؟؟معقوله صار له شيء ....
عند اكيرا :.
اكيرا : انا الحين راضي .. راضي بكل شيء .... واللي بيني وبين آيا انا انهيته ....
اندو معصب : ايش ؟!! .... بكل هالبساطه تقولها ؟؟
اكيرا : اندو .. انا ....
اندو يوقف ....
اندو : انت احقر شخص قابلته ...
توما يوقف : اندو ؟!!
اكيرا طلعت عيونه : اندو ليش تقول كذا.....
اندو : انت ما عندك احساس ؟؟ .... ما تحس كيف آيا كانت .. كانت .... تتعذب وتتألم عشانك ... طول هالست سنين ما تفكر بشخص غيرك .. تبكي تضحك وانت بس في بالها ... على كثر ما اجلس معها ما تحكي الا عنك ... والحين تقول ان اللي بينك وبينها انتهى .... انت وش اسميك ؟؟
يوقف اكيرا ويبلع ريقه ..
التفت عليه اندو وبدون سابق انذار قرب منه وضربه كف على وجهه الى ان طاح على الارض ...
توما مندهش: اندو!!
اندو وهو يصارخ : خليتني اسوي شيء انا نفسي ما ابي اسويـــه .....
توما : يا شباب هدو ..
اكيرا يحط يده على خده....
توما يشوف الموقف ما يدري يوقف مع مين .. واندو قام يقلب عيونه بحسره ... اكيرا مغمض عيونه بتفكير ......
ويوقف ويقرب من اندو ... اندو يناظر فيه ...
اكيرا بكل هدوء يمسك كتوف اندو : حط عينك بعيني ...
اندو : خير ؟
اكيرا : شكرا ... شكراً لانك صدق الشخص اللي عرفت اختار .... شكرا لانك راعيت آيا وتحملتها كل هالمده .... والحين جاء دوري .. راح ابعد عنك هالمهمة واريحك .. وآخر شكر لانك قومتني من الحلم اللي كنت فيــــــه ..
ويبعد اكيرا ويمشي شوي ...
اندو بصوت مسموع : البرج ...
اكيرا : هاه ... ؟!
اندو : آيـــا تنتظرك هناك .... لا تتأخر لانها ما راح تكون موجوده بعد الساعة 7 ....
اكيرا فتح عيونه ..
اكيرا : آيــــا .... !!
اندو : لا تتأخر ....
ثم رفع يده ويشوف ساعته ..
اكيرا : الساعة 6 ونص ...
ويروح اكيرا ويسحب شاله المتدرج للتركوازي وهو يركض ويطلع ...
توما : اندو انت ....
اندو : انا اسوي اللي ابيه يصير ....
توما ابتسم : بعض الاحيان اتمنى اكون جزء من شخصيتك ...
اندو يلتفت عليــه ويبتسم : وانا دائما اتمنى اكون اكيرا في عيونها ..
توما على وجهه التعجب : هاه !!
اندو : لكن اعجز عن هالشيء ..
توما : اندو تتكلم عن ايش انت ؟؟
اندو : ولا شيء .. خلينا نشرب القهوه ما ينفع نزوره ولا نشرب حتى القهوة ..
توما ضحك ضحكة بسيطه : لكن صاحب القهوة تركنا ...
اندو : هذا المطلوب .... صح ؟
توما يهز راسه : صح ...
اندو يبتسم ويشرب رشفه من القهوة ..
عند آيا :.
آيا ترفع راسها للسماء وتنزل على خدها قطره مويه ...
آيا : هاه .. بتمطر ؟!
ثم شوي يكثر المطر ويتساقط ...
آيا : يا الله ... آآآه .. وين اندو هذا ؟؟
تروح وتوقف تحت مظله .. تبعد كمها عن يدها وتشوف اسوارتها اللي قد عطاهياه اكيرا من قبل ...
تذكير :. اقتباس من (( الفصل التاسع – الجزء 2 ))
[اكيرا يوقف السيارة ويلتفت عليها
ايا بابتسامة : وش عندك وقفت السيارة ؟؟
أكيرا : الحين بتعرفين بس غمضي عيونك اول ...
آيا تغمض عيونها : طيب هذا انا غمضتها ..
مسك اكيرا يدينها وحط فيها علبة ..
آيا : ياه يدينك دافيه احس بها في يدي ....
اكيرا بابتسامة : افتحي عيونك ...
وتشوف آيا العلبة وتفتها وتشوف فيها اسوارة ذهب مثل الساعة لكن العين حقتها مغلقة ..
لما فتحت العين شافت فيها صورة لاكيرا ....
آيا طار عقلها : ياااااااا اللـــه تجنن ...
اكيرا يطـّلع اخت اللي معها بس لونها فضي : وهذا الثاني لي .... بس ممكن تعطيني صورة لك ...
آيا تهز راسها : طيب بكره اعطيكياها ....
اكيرا انبسط : اوكي ....]
تبتسم بسمة خفيفة ثم ترفع راسها وتتلفت وتشوف الناس وهم يتخاطفون عشان يبعدون عن المطر ....
آيا ترفع يدها وتشوف ساعتها ...
آيا : يوه انا حاطتها على توقيت اليابان .. يا غبائي ..
تلتفت وتشوف محل قريب ...
آيا : خليني اسأله هذا المطر بيطول ولا لا ..
وتوقف وتروح للمحل .. تدخله ..
اكيرا يوصل للمكان وينزل ويركض يوقف وسط المكان وهو يتلفت كأنه ضايع يشوف يمين ويسار ...
يرفع يده ويشوف الساعة 7 وعشر ..
ينزل راسه ويعض على شفته وبدا يتعبر ...
اكيرا : آيا ليه استعجلتي ... عشر دقايق .. تغير كثير ....
رفع يده وحطها على وجهه وبدت تنزل منه دموع ..
اكيرا وهو يتحسر يتكلم بصوت منخفض : كذا احسن ... كذا احسن .. احسن لآيا .. احسنـ... شكرا آيا لانك رحتي ولا قابلتيني ... افضل انك تروحين وانتي ... وانتي ..
ويرفع راسه للسماء والمطر يتساقط على وجهه ...
اكيرا بصوت عالي : آآآآآآآآآآآآآآه ...... انتهى كل شيء ... آسف .. شكرا .. وداعاً آيــــــــــــــــا ....
آيا تطلع من المحل وتلمح اكيرا وهي تشوفه من ظهره ...
( زي ما انتم عارفين ان اندو واكيرا من ورا يتشابهون )
آيا : اندو .. ~
ثم تمعن النظر وتشوف شاله .. تفتح عيونها وتتذكر ..
اقتباس من (( الفصل التاسع – الجزء 3 ))
[قربت منه و باسته على خده بعدها اعطته الكيس : ميري كريسماس يا اكيرا ..
اكيرا يحط يده على خده مو مصدق اللي سوته و ناظر الكيسه بتعجب : وش هذا ؟؟
آيا تضحك على شكله : ههه افتحها ..
ويفتح اكيرا الكيسة ويلقى فيها شال بتدرج الوان التركوازي من الصوف ...
أكيرا طلعت عيونه : الله وش هالحركات ؟
آيا : هذا الشال سويته بيديني وهو السبب في تأخري على موعدي معك .. معليش يمكن ما يكون بذاك الجمال لكن لانه شغل مستعجل ....]
.......
آيا : ا..ا.. اكيـ...
وتمشي شوي شوي وهي ما تصدق اللي تشوفه .....
آيا تمتلي عيونها دموع وتروح تركض لاكيــــرا ...
اكيرا واقف بصمت ثم تجي آيا وتخمه من ظهره بقوه ...

آيا متمسكه فيه بقوه تخاف تفقده وتخاف يختفي وتصير بحلم متشبثه فيه : اشتقت لك وحشتني كثير ..... اكيراااااا ...


وتصيح....


اكيرا واقف في مكانه وما يدري وش يسوي ..فجأه ... حب حياته معانقته.. بعد 6 سنوات فراق .. قلبه يدق بدون توقف.. يسمع صوت صياحها وهي ضامته .. نزل راسه وتطيح عيونه على الاسواره .. امتلت عيونه دموع ..


اكيرا : آ .. آ.. آيــــــــا ....


آيا لما سمعت صوته زاد صياحها ما تعرف كيف تعبر عن شعورها والحين اغلى شخص على قلبها بين يديها


آيا : اشتقت لصوتك وحنانك و همسك..


اكيرا مسك يدينها وباسها حاول يقك يدينها عشان يلتفت عليها لكن يدينها ضاغطه عليه قوة ...


تكلم وهو مبتسم: آيا فكيني ابي اشوف وجهك لاتحرميني منه ..


بعد كلامه حس ان الضغط اللي عليه خف.. التفت عليها وشافها منزله راسها ..


اكيرا بيتسم على يبكي ما يعرف هو فرحان او حزين مسك ذقنها بايده ورفع راسها رفعت عينها عليه والتقت بعينه :


اكيرا دموعه تنزل : : آيا .... و اخيرا شفتك....


آيا بالمثل : .....


ثم يضمها بقوه وهو يصيح وآيا نفس الشيء تحط يدينها على ظهره ...


اكيرا : وحشتيني يا قلبي .. وربي ما نسيتك يوم .. احبك والله العالم بحالي و كيف عشت بدونك يوم.. وجودك هنا اسعدني يا حبي..


آيا بس تصيح ومتمسكه فيه:......


اكيرا يمسح على راسها حاس فيها : ليــه تبكين ..؟؟


آيا تتعبر: اكــيرا ما اتخيل حياتي بدونك ... انا ما ابي افارقك بعد اليوم.. انا ما اتحمل اكثر .... اكيرا انا محتاجتك..


اكيرا يبتسم ويمسح دموعها بيدينه ...


اكيرا : مو وعدتيني انك ما تبكيــن ؟؟


آيا : انت ما تدري ان كل يوم احاول اكون اقوى من قبل عشانك بس وربي خلاص كفايه ما اقدر اتحمل اكثر تعبت وربي تعبت..


اكيرا و المطر ينزل عليه كان شكله صاير جنان : ومين قال اني ما ادري آيــا...


آيا ابتسمت له : اكيرا .. ما تغيرت ... هذا انت مثل ما حبيتك ..


اكيرا ابتسم : وانتي زدتي جمال ...


آيا متمسكه بيدينه : فتره طويله اكيرا ... حصلت اشياء كثيره ... وينك ؟؟ تدري عني ؟؟ تعرف وش كان احساسي ؟؟ ...


اكيرا رفع يده يبعد خصله طاحت على وجهها : آســف آيـــا .... سامحيني ... كل هذا بسببي تحملتي كثير عشاني .. انا ما استاهل كل هذا..


آيا تهز رسها تنافي كلامه : لا انـ ..


اكيرا يحط يده على فمها لا تكمل و بعدها ابتعد عنها ....


يناظرها وتنزل منه دمعه : آيا ارجعي ..


آيا تناظره باستغراب ...


آيا : اكـيـ....


وينقطع كلامها بلفة اكيرا عنها ثم راح يركض وتركهها .......


آيا حطت يدها على فمها وبدت تتعبر : اكيـرا لاتروح وتخليني وحدي ..


يروح اكيرا وهو يبكي ... ثم بدو الناس يتحركون ويتخاطفون لان المطر وقف ....


آيا جلست على الارض تبكي : اكيرا ليه تسوي فيني كذا .....


صرخت : اكــــــيرااااااااا~ ....


يركب اكيرا سيارته ويحط راسه على الدركسون ....


اكيرا يعظ على شفته : آسـف .... آسف آيا ...


يرفع راسه ثم يحط يده على راسه ويرمش : وش في راسي ..... احسنه ثقيــل ...


يشغل السياره ويمشي ....


آيا جالسه في مكانها وتصيح ...


آيا : وش معنى حركتك اكيرا ... ليه تتركني وتروح وانت توك شايفني بعد هالسنوات الكثيره ؟؟ ...


في بيت اكيرا :.


اندو : تتوقع ان آيا ما زالت في مكانها ؟؟


توما : ما اعرف .. بس انت قلت للساعة سبعة ....


يلتفت اندو على الدريشة : المطر وقف ..


توما : آآه كان سريع ....


يجي الخادم لهم ...


الخادم : وين السيد اكيرا ؟؟


توما : طلع ....


الخادم متفاجئ : طلع في هالجو ؟؟


اندو : فيــه شيء ؟؟


الخادم : ليــه يطلع ؟؟ من متى ؟؟


اندو : مو من زمان ... ليه فيه شيء ؟؟


الخادم : السيد اكيرا هاليومين مو طيب .....


اندو : هاه ؟؟


الخادم : الدكتور قال انه ما يطلع في هالاجواء .... امس القريب مرتفعة حرارته واصله للـ40 ...


اندو : ااووه ....


توما : دق عليه .....


الخادم : الجوال هنا .... فوق في الغرفة ...


اندو قام يقلب بفمه ما يعرف وش سوا بالضبط ....


وكل واحد يفكر بحاله يدخل عليهم اكيرا وهو مبلل على الاخر ....


يوقف اندو وتوما ويروحون له ....


اكيرا وهو يتنفس بصعوبة : آسف اندو ... آسف ..


وينهار مغمى عليه بينهم ...


توما : اكيرا .... اكيرا ..


ويقرب منه .. يحط يده على راسه ...


توما : حار مره ...


اندو حط يده على فمه وغمض عيونه ... ويقول في نفسه : يا الله ليــه الشيء اللي ابيه يصير ما يكمل .....


يشيل توما اكيرا على ظهره : وين غرفته ؟؟ بسرعة ...


الخادم : تعال وراي ....


توما يلتفت على اندو : روح لها ... احنا ما نعرف اذا كانت قابلت اكيرا او لا .... روح شوف حالها ... يمكنها الا الان تنتظرك ... آيا ما تيأس ...


اندو مرتبش : طيب ....


ويصعد توما ومعه اكيرا ويحطه على السرير واندو راح متجه للبرج ...


توما وهو يناظر اكيرا : ما تعودت اشوف ضعفك يا اكيرا ابداَ ... ليــه الحين اشوفك ضعيف ... ضعيف بشكل ما تصورته ...


ويلتفت توما على الخادم : من متى واكيرا كذا تعبان ؟؟


الخادم : من يومين ؟؟


توما : من ايش تعب ؟؟


الخادم : ترك البيت من اول النهار ولا كنا نعرف وين راح .... ورجع بوقت متأخر وهو متبلل من بعد الامطار في ذاك اليوم .... يوم سألناه قال [ كنت انادي على حبي اللي بانهيه .... اعترفت بالصوت العالي بحبي له .... ] ... قال هذا الكلام وهو تعبان كثير .... ما فهمت وش غاية كلامه لكن السيد اكيرا يتألم كثير ....


توما : ينادي .. على حبه اللي بينهيه ....


يلتفت توما على اكيرا ويقول : طيب قابلت من ناديت ؟؟ قول لي ...


الخادم : انا باعتني به تقدر تروح ..... هو يحتاج اقل شيء انه ينوم 12 ساعة ...


توما : معليش اسمح لي اجلس شوي وبروح ....


الخادم : على راحتك ....


توما : بس ممكن اطلب منك طلب ؟


الخادم : تفضل ....


عند البرج :.


ينزل اندو من التاكسي ويتلفت يمين يسار ولا يشوف آيا بأي مكان ...


اندو : آيا .. قابلتيه ولا لا ؟؟


يرجع اندو للفندق ويرقى للغرفة يلتفت على غرفة آيا ويشوفها منوره ... يطق الباب ....


اندو : آيــا .. ؟


يمسك مقضب الباب.... ويشوف الباب مفتوح يدخل ويشوف المكان مبلل شوي على شكل خطوات يتبع الخطوات ويوصل للحمام ....


اندو : آيا انتي هنا ؟؟


وحالة آيا في الحمام ... واقفة قدام المرايه وغاسلة وجهها بالموية وعيونها محمرة من الصياح ....


آيا تعدل صوتها : أيــه انا هنا ....


اندو : آسف لانيـ...


آيا : لا لا عادي ... انا رجعت بسرعة بسبب المطر ...


اندو ينزل راسه ثم يبتسم ويقول في نفسه : شكلها ما قابلته ....


اندو : آيا وش رايك نتعشى سوا ؟؟


آيا : طيب بآخذ شور و نطلع ....


اندو : خلاص لما تخلصين تعالي لغرفتنا ؟؟


آيا : طيب ...


يروح اندو وآيا تتروش ... يدخل اندو للغرفة ثم يجي توما ويدخل عليه ...


اندو : جيت ؟؟


توما : وين آيا ؟؟


اندو : شكلها ما قابلته ... لانها رجعت للفندق بسرعة ....


توما : اها ...


اندو : تظاهر قدامها ان ما فيه أي شيء....


توما : اندو اقدر اسألك سؤال ؟؟


اندو : قول ...


توما : انت مع مين ؟؟ انت تسوي هذا كله لمين ؟؟ اكيرا او آيا ؟؟


اندو يبتسم : اسويه للاثنين ...


توما : اندو قول لي .. ماري ما كنت تهتم لها ... الشخص اللي انت تهتم له هو آيا صح ؟؟


اندو ارتبك : انت ووش تقول يا توما ... وش دخّل هذا بالسالفه..


توما راح يجلس على الاريكه : واضح .... هذا الشيء واضح ... انا كنت دائما اراقبك ... من راح اكيرا كنت اراقبك .. انت حبيت آيا .. كل شيء شفته ....


اندو يكلم توما بدون ما يحط عينه بعين توما : توما وش هالكلام ؟؟


توما يناظره بتفحص: انا كنت انتظر النهاية ... وخليتك كنت ابي اعرف مين راح تختار .... الحبيب او الصديق .... لكن اللي تعجبت منه هو اختيارك لاقرب شخص من هالاثنين ... ماري .... ما توقعتها تكون هي بطلة قصتك ...


اندو حس انه انكشف : شكلك تعرف كل شيء ....


توما : قبل ست سنين يوم يروح اكيرا لما جيت وعطيتني رسالته كتب فيها انه اختار شخص ثقة ينتبه لآيا غيري ... بحثت عن هذا الشخص وتفاجأت اني لقيت هذا الشخص غرق في حب هالبنت ... في ذاك الوقت بديت اراقب كل شيء والى هذي اللحظة وانا اراقب ... انا اطلب منك شيء واحد ...... لا تشوف ماري آيا ... ماري وآيا شخصين مختلفين عن بعض .... لا تخلي عواطفك تلعب بعقلك ..


اندو نزل راسه وابتسم ثم بلع ريقه وبدا على وجهه الهدوء ...


اندو : اعرف .. اعرف انهم مختلفين .... في الاسابيع اللي راحت كنت اشوف ماري كماري وآيا كآيا .. انا رضيت بكل اللي يحصل .... انا قررت من وقت طويل اني اتوقف عن حبها وهذا الشيء سويته .. لكن مهمتي راح انهيها اذا قابلت آيا اكيرا ... كنت مختار هذا اليوم .. لكن ما اعرف ليه اللي ابيه ما يكمل ... ما راح اجحد ان آيا كانت حبي الاول ... لكن ماري بعد الحين اراها انها هي قدري .... انا راضي بكل شيء .. لاني ما انحرمت على الاقل من شخصيتها لان ماري تشبهها .... ماري حبتني .. وعشان كذا حبيت احقق لها اللي ما بادلتني به آيا ... بعد ما شفت ابتسامتها ارتحت لها وعرفت في داخلي ان كل اللي يصير كان في صالحنا كلنا .. ما حبيت في يوم يكرهني احد سواء كان اكيرا او آيا او ماري .. كنت اتمنى كثير اني اتكلم عن هالموضوع مع احد و اطلع اللي في قلبي له ...


ثم يلتفت على توما وهو مبتسم : شكرا توما لانك سمعت وعرفت كل شيء ... لكن ثق انا الان ما اشوف الا ماري ... وآيا راح اهتم بها لاكيرا لا غير ....


توما : اذا كنت تتعب اتركها ... اتركها لانها الحين محاطه بكل اصدقائها .. من اليوم ماهي وحيده مثل ما كانت ..... تقدر تنهي مهمتك في أي وقت ...


اندو بنفس الحالة : لا .. انا ما اتعب منها ... راح انهي كل شيء في وقته ...


توما في داخله : راقبتك بشكل بعيد وقدرت افهمك .... لكن معقوله هي ما حست ابداً بهالشيء ؟!


ويلتفت اندو مع الجهة الثانية : غريبه ليه طوّلت ... قلت لها تجي هنا ......


توما : غّير ملابسك ثم روح وشوف ليه تأخرت ..


اندو : اوكي ...


في غرفة آيا ..... تطلع آيا من الحمام وتكد شعرها قدام المراية ....


آيا تكلم نفسها : تخيلي انه حلم ... لانه صدق حلم ... حلم يا آيا .. اكيرا اللي شفتيه كان واحد ثاني .... مو الشخص اللي حبيتيه ..


تقوم من الكرسي وتنسدح على السرير وعيونها ما زالت تدمع .... ثم تغمض عيونها ....


في غرفة توما واندو :.


توما : انا بروح اشوف وش عندها ...


اندو : طيب..


يروح توما ويطلق الباب ولا احد يرد عليه .... يفتح الباب ويدخل ...


توما : آيا ... ؟؟ خلصتي ؟؟


يقرب ويشوفها منسدحة على السرير ونايمة ... يقرب من عندها .. ويشوف الدمع في عيونها ...


توما : قابلتيه صح ؟؟ واضح واضح يا آيا ...


يمد يده ويحطها على جبهتها ثم يرفعها ..


توما : اشوى انها ما مرضت مثله ...


يرفع الفراش ويغطيها ثم يسكر الانوار ويطلع ...رجع لغرفتهم ...


اندو : وينها ؟؟


توما : نايمة ......


اندو : نايمة ؟؟ غريبه ليه ؟


توما : معليش يمكنها تعبانه ... يالله نطلع ؟؟


اندو : يالله مشينا ..


ثم يروحون ويتعشون سوا ينتهي اليوم على كذا


ومن بكره الساعة 8 ونص الصبح ..

تقوم آيا وتشوف الشمس داخله على غرفتها ..
آيا : نمت ؟؟ ....
تصحى وتروح تفرش اسنانها وتغير ملابسها ... تطلع وفي طلعتها يقابلها توما ..
توما : صحيتي ؟؟
آيا ابتسمت: أيــه ..
توما : اوكي خلينا ننزل نفطر سوا ...
آيا : وين اندو ؟؟
توما : نايم ما بعد صحى ...
آيا : طيب خلينا ننزل ......
نزولو وجلسو يفطرون ....
توما : قال لي امس اندو اننا بنروح يا 10 الصبح او 5 العصر ..
آيا : يعني يخيرك ؟؟
توما : أيــه .... طيب انتي متى تبيننا نروح ؟؟
آيا : 10 الصبح ....
توما : هاه مو كأننا مبكرين ..
آيا : جلستنا مالها داعي .. وعشان نوصل هناك 1 الليل ....
ثم يحول اندو ويشوفهم قاعدين ويروح ويجلس معهم ..
توما : اندو بنروح الساعة 10 ....
اندو : هاه ؟؟
توما يغمز له يعني قول طيب ...
اندو : ااه طيب طيب ..
آيا توقف: اجل انا بروح فوق واجمع اغراضي ...
توما : طيب ...
تروح آيا ويجلس اندو مكانها ....
اندو : وين بتروحون ؟
توما : بنرجع لليابان .....
اندو : وليه كذا فجأة ؟؟
توما : قلت لآيا متى تبين نرجع 10 ولا 5 العصر واختارت 10 ....
اندو : ليه قلت لها كذا الحين تحسبك ما تبيها تقابل اكيرا ...
توما : هي قابلته ...
اندو : ايش؟؟
توما : انا ما سألتها هالسؤال الا عشان اعرف اذا كانت قابلته او لا ... وقالت ان جلستنا مالها داعي .... انت خلصت شغلك بس كنت تبيها تقابل اكيرا ....وهل الموضوع انتهى خلاص آيا تبي ترجع ...
اندو : توما ؟؟
توما : افهمها يا اندو معناها ما تبي تقابله اليوم ... خلاص كلها مده وتجي هنا .... خلينا نرجع
اندو يهز راسه : طيب...
توما يوقف : اجل حتى انا بروح اجمع اغراضي ..
اندو : طيب ....
ويروح توما ويصعد لفوق ....
آيا وهي تجمع اغراضها دموعها تنزل :
ليه كذا يا اكيرا ليش تسوي معي كذا.. بعد دقايق ..
توما يطق الباب و يقول لها السايق تحت ينتظرنا ..
سكرت شنطتها وراحت معاه وركبو السياره متجهين للمطار ....
في نفس الوقت في بيت اكيرا :.
اكيرا يفتح عيونه ويقوم يتلفت ولا يشوف احد ... يرفع راسه ويشوف الساعة 9 وربع ...
اكيرا : وش اللي حصل لي ...؟؟
يلمس ملابسه ويشوفها مليانه عرق يقوم ويدخل الحمام يدخل تحت الدش ويتذكر الموقف ....
اكيرا بحزن : آسف يا آيا لكن ما بغيتك تشوفيني في ضعفي ... لكن اليوم راح تعرفين كل شيء ..
يخلّص بسرعة ثم يطلع من الحمام ويشوف ورقة جنب سريرة ... يروح ويفتحها ....
اكيرا يقرا [ الى الغالي اكيرا ....
يمكن ما قدرنا نجلس مع بعض وقت اكثر ونتكلم ...
لكن الحين ما راح اعذرك لو ايش ما يكون عذرك ..
يمكن بكره نرجع لليابان في أي وقت ...
اذا قمت بالسلامة اتصل على جوال اندو البريطاني ..
وبيك تدق علي في اليابان فيه اشياء لازم تعرفها وضروري انك تستعجل .. وقولي اذا كنت التقيت بآيا ... راح اساعدك في أي وقت .... واخيرا .. من جد انا جيت لاني مشتاق لك ..
رقم اندو البريطاني : .........
رقم توما الياباني: ..........] .....
يرفع اكيرا راسه : توما .. وحتى انا كنت اتمنى اجلس معك اكثر ...
ثم تطيح عينه على الساعة 10 الا ربع ... يرجع اكيرا عينه على الورقة ويقرا [يمكن بكره نرجع لليابان في أي وقت ... ] ....
اكيرا : آيا ... مستحيـــل ...
ياخذ الورقة المكتوب فيها رقم جوال اندو ويتصل ...
وفي هذي الاثناء :.
يوصلون آيا والباقي للمطار ..
اندو : اعتقد ان جوالي ماله داعي راح اقفله ...
توما : لا مو الحين تونا مبكرين على اغلاقه ...
اندو : ما عندي استعداد الحين يتصلون علي وارجع انا قلت لهم اني بارجع لليابان ....
توما : غريبه الحين الساعة 9 ونص وخمس .. ما بقى كثير ...
اندو يقفل جواله ويدخله ....
اندو : هذا لاني توني اعلمهم اننا بنروح الساعة 10 هم على بالهم العصر ... او الليل ......
ويلتفت اندو : هذا هم جو .... وين آيا ؟؟
توما : في دوره المياه ...
نرجع لاكيرا.::
اكيرا يدق على جوال اندو ويشوفه مقفل ....
اكيرا يسكر جواله بضيق : ليش تقفل جوالك ... لا يكونـ ... لالا آيـــــــــــا ....
يروح بسرعة وياخذ اكيرا جاكيته وينزل بسرعة ... يقابله الخادم ....
الخادم : وين بتروح ؟؟
اكيرا : موعد ضروري .....
الخادم : بسبب انك طلعت امسـ...
ويطلع اكيرا بدون ما يسمع باقي الكلام .. توجه لسيارته وركبها وبأسرع ما عندها توجه للمطار ...
في المطار :.
تجي آيا لتوما ...
آيا : وش عندكم ما بعد جاء وقت الرحلة ؟؟
توما : اندو الحين يتكلم معهم ..
آيا : ما امداني ادخل هالمطار الا انا طالعة منه .....
توما : ما ودك تجلسين اكثر ؟؟
آيا : لا .. ما احتاج اني اجلس فيــه ....
توما : آيا يمكن يكون سؤالي مباشر ومفاجئ ... لكن ودي اسألك ..
آيا : قول ؟؟
توما : آيـــا .... انتي ..
ويقطع اندو كلامه : يالله ....
توما يبلع ريقه ويسكت ثم : طيب ...
آيا : لحظة قول وش عندك توما ....
توما : في الطيارة ..
يوصل اكيرا للمطار ويدخل بسرعة وهو يركض .. يدور في المطار وهو يدّور عليهم ....
آيا تمشي جنب اندو متجهين للبواية وتوما يمشي وراهم ..
توما يوقف في مكانه ويقول في نفسه : ليــه احس بشيء غريب ... ليه احس المفروض نجلس شوي على الاقل شوي ... شوي
ثم يلتفت ويناظر للمطار نظره عامة ....
آيا تنادي توما : توما ... وش فيك واقف هناك ؟؟
يلتفت توما عليهم : لا لا جاي جاي ...
آيا وهي تناظر توما تناظر اللي وراه وتلمح اكيرا ...
آيا في نفسها : لا يتهيأ لك .... ما راح يجي بعد ما تركك ....
تنزل آيا عيونها على الارض .... ويمشي توما متجه لها ..
اكيرا يشوف توما من بعيـــد ....
يصرخ اكيرا ويتكلم باليابانيــة : شوتو ماتي توماااااااااااا ..... ( انتظــــر لحظة ... توما ) ...


انتهى البارت يا حلوين لحد هنا ........

هذا قراري .... وانا اقتربت للنهايــــة ........ (( الفصل الثالث – الجزء 4 ))
تسمع آيا وتوما الصوت من بين كل الناس صوت ياباني اكيد بيلفت الانتباه ..
يلتفت توما وآيا في نفس الوقت على مصدر الصوت ...
اكيرا يركض ناحية توما وفجأه انتبه لآيا ... ( هو ما شافها قبل لانها كانت خلف توما فما انتبه لها ) ...
اكيرا يوقف مكانه وهو يتنفس سرعه بسبب الركض : آيـــــا ..!!
آيا توقف وتشوفه بدون أي حركة مصدومه من وجوده ...
اكيرا : لا تروحين ... آيــــــا .. انا ما اقدر افقدك مره ثانيـــه ....
آيا لما سمعت كلامه حست بجرح في قلبها فعطته ظهرها بتروح تركب الطياره و عيونها مليانه دموع..
اكيرا لحقها ومسكها مع كتفها : آيا انا آسف آيـ...
قطع كلامه حركة آيا لما مسكت يده وبعدتها عن كتفها بدون ما تعطيه وجهها وكملت مشيها ودموعها في نزول..
اكيرا مسكها بقوه ولفها لجهته وصار وجهها مقابل وجهه ..لما شاف دموعها ضمها بصدره بقوة وآيا ما تحركت ولا حركه واطلقت العنان لدموعها تعبر عن مافي داخلها ....
يطلع اندو وهو يقول بتذمر : وينكم لي ساعة جوا انتظـ....
وينقطع كلامه بشوفته لاكيرا و هو ضام آيا ....
اكيرا : انا آسف .. ما كنت اقصد وربي غصب عني اللي صار امس وجيت هنا بخوف انك ترحلين وانتي كارهتني ..
يبعدها عنه وهو ماسكها مع عضودها و حاط عينه عليها وآيا منزله راسها...
اكيرا متردد : امس رحت وتركتك بسبب .... بسبب ...
اندو يقاطعه : لانه مريض وما كان يبي ينهار قدامك .....
آيا رفعت راسها وعلى هالكلمه نزلت دمعه على خدها و هي تشوف اكيرا ..
اكيرا يهز راسه بدون ما يصدر أي صوت..
توما يبرر : كنت انا واندو امس عند اكيرا راح متجه لك على الوقت لكن امطرت والدكتور قال ما يطلع في المطر ... رجع لنا وانهار .. ما قدرنا نقول لك أي شيء لاننا ما كنا نعرف اذا كنتي التقيتي به او لا ....
رفعت آيا يدينها وحطتها على وجه اكيرا ...
آيا : ليــه ليــه سويت كذا اكيرا ؟؟ .. صحتك عندي بالدنيا كلها ليش طلعت في هالجو البارد الماطر..
اكيرا يبعد عينه عنها : خفت ما اشوفك مره ثانيه خفت تروحين وماترجعين ابد خفت افقدك بعد ما اطول عليك .. ماقدرت اصبر او استنى المطر..
آيا انتي مو شيء بسيط انتي قلبي اللي ينبض داخلي ..
آيا تسمع كلامه وما تعلق تركت دموعها تعلق عنها وفي داخلها تقول : كل هذا عشاني يا نظر عيني وكل خلاني ..
آيا تكلمت: لو ما شفتك هاللحظه ولا عرفت الحقيقة كا ...
اكيرا يحط يدها على فمها يعني لا تكملين : لا تقولين لو .... انا كنت ناوي اليوم اجيك لو اضطريت اني ارجع لليابان ...
آيا بابتسامه تمسح دموعها : الحين انا مرتاحة لاني قابلتك مره ثانية وفهمت كل شيء .... لكن انا لازم ارجع لليابان الحين .... انا راح اجي مره ثانية ... لان عندي بعثة لبريطانيا عشان اكمل دراستي هنا ....
اكيرا متفاجئ : بعثة ؟!
آيا تهز راسها بسعاده : أيــه ما راح اتأخر ..... اعتقد اننا تعودنا على الانتظار ... ممكن تنتظر شوي الى موعد جيتي القادمه الى هنا ؟؟ .....
اكيرا : آيـــا .....
آيا تبتسم : شكرا اكيرا .... لاني في اعماق قلبي كنت ابي اقابلك مره ثانية .....
ينتهي الحديث ويودع اكيرا آيا واندو وتوما ... وهو راضي بكل اللي حصل ومبتسم ....
يرجعون لليابان ووصلون الساعة 1 الليــــل ....
ومن بكره :.
جولي شافت باب غرفة آيا مفتوح وراحت تشوف وتفاجأت بوجودها قربت منها وهزتها : آيا ... آيـــا ...
آيا بضيق : هممممممم وش عندك يا جولي ؟
جولي بقهر : اصحي يا بنت ابي اسألك متى جيتي ؟؟
آيا وهي تغطي نفسها بالفراش : امـــس ...
جولي : متى يعني كم الساعة ؟؟؟
آيا بنفس الحالة : وحدة الليــل ...كل هذا تحقيق خليني انوم ومتى ما صحيت خبرتك..
جولي تسحب منها الفراش : هييييييي انتي تعرفين متى الوقت الحين ترى الساعه وحده الظهر انتي ما تشبعين نوم 12 ساعه ما كفتك؟
آيا تتلفف على نفسها من البرد : خليني تكفيــن الله يخليك وجيبي المفرش بردانه ....
جولي تصعد فوق السرير وتناقز عليه وتتكلم باصراخ : اصحي وقوليلي عند مين نمتي ؟؟
آيا تجلس على حيلها تسد آذانيها : آآآآآه ......ازعجتيني قلت لك صديقتي ..
جولي توقف مناقز وتحط يديتنها على خصرها : لكن صديقاتك جو هنا يسألون عنك ....
آيا كانت تفرك عيونها وتتثاوب بس لما سمعت كلام اختها قطعت تثاوبها : مين جاء منهم ؟؟
جولي جلست على السرير وقربت من عند اختها : كلهم يونا وماري وراي .. يوم قلت لهم انك نايمة عند صديقتك قالو انك ما نمتي عند احد منهم ولا حتى يوكي لانهم دقو عليها ....
جولي تناظرها بطرف عين: اجل عند مين كنتي نايمه ؟؟ هاه ؟؟
آيا تسفهها وتقوم بتدخل الحمام : آآآه الله يصبرني على التحقيق ....
جولي تلحقها : قولي لي ....
آيا وهي تفتح المويه بتغسل وجهها : عند صديقه اعرفها في الجامعة انتم ما تعرفونها ... قالت لي انها ودها نسهر سوا ونجلس نسولف قبل ما اروح لبريطانيا ...
جولي وهي متسنده على باب الحمام : اها ...
آيا تسكر المويه وهي تمسح وجهها : امي وابوي رجعو من الدوام ؟؟
جولي تناظر ساعتها : لا انا توني جاية ....
آيا تمسكها من طرف ملابسها وطلعها برا الغرفه : طيب يالله برا .. روحي غيري ملابسك وانا باغير ملابسي واشوف الغداء ..
جولي تزين لبسها : طرده معتبره يا اخت آيا ..
آيا ابتسمت : على الرحب والسعه..
جولي ترد الابتسامه : شكرا على الضيافه..
آيا وهي تسكر الباب : لا شكر على واجب..
سكرت الباب وجولي راحت لغرفتها تبدل ملابسها ..
بعد مرور الوقت الساعه 5 العصر ...
توما يكلم راي على الجوال ::
توما : كنت عند صديق اعرفه ....
راي : مين ؟؟ انا سألت سوما و مورا وقالو انك ما جيتهم و اندو تقول ماري انه مسافر واكيرا في بريطانيا .... هذولا كل اصدقائك ... مين غيرهم ؟؟ هاه ؟؟
توما ينسدح على السرير تعب من الجلوس : يا الله منك يا راي قلت لك صديق من الجامعة ...
راي مستلمته اسئله : مين؟؟ انا اعرف كل اصدقائك في الجامعة وبعد احتكاكك بهم مو ذيك الدرجة ...
توما : قال انه يبني نجلس سوا ونسولف عادي ...
راي : آآه .... انا ودي اعرف وش قصة الصداقة هاليومين عندك انت وآيا ... كلكم رايحين لصديق تعرفونه ولا نعرفه احنا ....
توما : طيب راي وش رايك اليوم نروح للسينما واعوضك عن هاليومين ؟؟
راي : تعرف كيف ترضيني ...
توما : خلاص اجل راح اعطيك اتصال ...
راي تسلك له : طيب يالله مع السلامة ....
توما : مع السلامة ...
يسكر توما السماعة ويحط جواله على الكمدينه اللي جنب السرير.....
حط يده على راسه من الاسئله اللي ازعجته راي فيها : يا الله منك يا راي اسئلتك ما تخلص احس راسي بينفجر من كثر الاسئله .. كله منك يا اندو ما تعرف تطلع اعذار غير بعض حاط لي انا وآيا نفس العذر ....
غمض عيونه يبي ياخذ غفوه و فجأه يرن جواله ....
توما رفع يده ومدها للجوال : يا الله من هالراي ....
يرجع ويشوف الرقم دولي ....
توما : اكيرا ؟؟
قام جلس على حيله ورفع السماعة : هلا واللــه ...
اكيرا : قلت اكيد هذا الوقت بتكون فيه رايق ..
توما : أيــه كنك تشوف ....
اكيرا : عندك شي تسويـــه ؟؟
توما : ابدا ....
اكيرا : فيــه اشياء ودي اتكلم عنها ... واكيــد انت اللي تفهمني ....
توما : وصلت ....
اكيرا : الموضوع يتعلق بآيا ....
توما : وش الموضوع ؟؟
اكيرا : انت فاضي ؟؟
توما حس ان الموضوع قوي قام وتوجه لباب الغرفه ورجع قعد على مكتبه : ايه فااااضي وحتى لو ما كنت فاضي اتفضى لك ...
اكيرا : ما اعرف كيف ابدا .. لكن تعرف ليــه انا قبلت اتزوج ساكورا وليـه قلت لكم اني ما ابي اقابل آيا ؟؟
توما : كنت حاس ان فيــه سبب واكيــد قوي ...
اكيرا : انا ما كنت مجبور لذاك الحد اني اتزوج بساكورا كاياما ...
توما : اجل ليــه قبلت برضاك ....
اكيرا : بعد ما رحت لبريطانيا كلمني ابوي وقال لي انه سأل آيا اذا كان عندها طلب مقابل تنساني ..... قال انها طلبت انها تدخل لافضل جامعة طب في اليابان .. قال بذاك الطلب تعلن انها باعتني مقابل هالطلب ... وقال لي حتى اني ما احاول حتى محاوله اني اقرب منها او اكلمها ... ولا حتى أي احد من اصدقائي اللي كانو معي في الثانوي ....
توما : انت قبلت هالشيء ؟؟
اكيرا : قبلته بعد ما سألته وش بيصير لو عارضته ... قال لي [ اذا قربت من آيا راح تكرهك .. وراح تندم .. اشوفك تخطي لها خطوة .. بعد خطوة وحده .. راح تسمعها وهي تقول اكرهك ..... ] خوفني من كلامه وبعدها حاولت ثانية وقال [ هل تبي تحطم حياتها ... بدال ما تخليها تعيش مثل أي بنت .. تعيش جحيــم .... ؟؟ قلت لك من قبل والحين اقول لك .... آيا مو لك ولا انت لآيا ... اذا على قولتك تحبها ... اتركها وانساها وخلها تعيش حياتها الخاصة ... ] ...
توما : طيب انا ما اشوف أي شيء ؟؟

اكيرا : هذا لاني ما قربت منها ولا كلمتها .... جتني ايام كنت اكلم نفسي فيها واقول ... يمكن بُعدي عن آيا يسعدها ... لاني انا اللي دخلها في هالعالم واعتقد اني انا المفروض انقذها منه ... قلت يمكن ببعدي اخلي آيا تعيش مطمئنة .. بعيدة عن المشاكل اللي دائما انا اللي اسببها .... قلت انا اللي احزن آيا دائما ... قلت عسى تلتقي بشخص يخلي بسمتها دائما على شفتها ... كنت اكلم نفسي كثير ... لكن قلبي ما كان يترجم هالكلام بداخله .. بعدها قالت لي امي ان ابوي يبي يزوجني .... في البداية ما قبلت .... لكن قال لي ابوي .. اذا رفضت الزواج بتبدأ معاناة آيا .. اولها قال انه ما راح تؤخذ بشهادتها الجامعة اذا تخرجت ... يعني راح تعتبر انها ما كأنها درست شيء ... وقال بعد رفضك للزواج راح تسمع كلمتها وفي ذاك الوقت لا تقول ليتني ... بعد ما قال هذا شيء كرهت اني اكون انا السبب في حزنها مره ثانية .... قبلت بالزواج ... وقلت لعلّ آيا نستني ... لكن بعدها اتصلت علي ماري وقالت لي كلام ما كنت ابي اسمعه ... بما ان ماري كرهتني .. معناها ان آيا ما زالت مخلصة لي ... الغي هذا الزواج على يد ساكورا ... وانا كنت المتفرج لا غير .... حسيت بعدها بالضعف واني عاجز عن أي شيء .... كنت اطلع واصرخ باعلى صوت انادي على آيا وأتأسف منها .. لكن ما كنت القى جواب ... قلت اصبر الى ان تخلص آيا دراستها وتقبل شهادتها وبعدها راح ارجع لليابان ...
توما : الصراحة انا ما ادري كيف اقول لكـن .. احسن حاجه انك تخلي كل شيء يمشي بحاله ... لكن اللي عليك تسويه انك ما تقطع علاقتك بآيا لما تجيك في بريطانيا .. قابلها عيش هالسنة واللي بعدها معها .. آيا تعتبر مختفية وهم ما يدرون ان عندها بعثة ... وبحاول اتصرف بشيء مع اندو بخصوص لو عرفوا ان عندها بعثة يقولون انها في أي دوله غير بريطانيا وبكذا راح ينسونها تماماَ .. لكن انت قابلها كعمل يعني اللي حولك هناك يمكن يكونون جواسيس عليك عشان كذا لا يعرفون شيء عن آيا ... فهمت ؟؟
اكيرا : أيــه فهمت ... راح اسوي اللي قلته ... بس تعرف ... احس براحة كبيره ما تتصورها وبانشراح في الصدر ... شكرا توما ...
توما : لا تشكرني انا .. لاني ما سويت شيء ..
اكيرا : كلامك ريحني ... خلينا نغير الموضوع .. ودي اسأل عن سوما ومورا ... وربي مشتاق للقعده والسوالف معكم .. اشتقت لايام الثانوي .. لما اتذكر كيف كانت حركاتنا ابتسم واقول ليت الزمن يرجع ..
توما : هم تمام التمام .. وكل ما جلسنا سوا تدخل في حديثنا .. تدري ودي ترجع ايام الثانوي ونصير ( الشله الخماسيه ) ....
اكيرا : ومين الخامس ؟؟
توما : اندو ..
اكيرا : ههه اندو مو لم هالتصرفات ...
توما : اجل انا اعرفه اكثر منك .. لانه يحبها كثير ..
اكيرا : تشتغلون كلكم ؟؟
توما : أيــه انا اشتغل في شركة استثمار عالمية وسوما قرر ياخذ الماجستير والدكتوراه عشان يصير دكتور في الجامعة ومورا يشتغل في وزارة المياه والكهرباء وكل احوالنا زينه ... وطبعاَ اندو يشتغل هو وماري في شركتكم ...
اكيرا : يا حليلكم والله وكبرتو ...
توما : ليه يالعود انت اكبر مننا ؟؟
اكيرا : لا انا توني صغير لاني ما زلت ادرس ... طيب كيف علاقتك براي هل ما زلت نقطة ضعفها ؟؟ ههههه
توما : يا الله منك ما تنسى كلمة انقالت ..
اكيرا : ههههه امزح بس ... كيف احوالك معها ؟؟
توما : تمام زي العادة ... ايه ما دريت ؟؟
اكيرا : وش عنه ؟؟
توما : مورا ... صار عنده صديقه ...
اكيرا : اخيراً .؟؟ هاه كيف اختياره عساه موفق ؟؟
توما : حليوه وطيبه وتقول راي انها تدخل القلب على طول ...
اكيرا : كويس ... والله توقعت انه بيتزوج بدون ما يكّون علاقة سابقة ..
توما : طيب تدري عن اختك ؟؟
اكيرا : ماري ؟؟ وش فيها ؟؟
توما : ما تدري ان عندها الحين رفيق ...
اكيرا : كيف ؟! لا يكون شخص مختاره ابوي لها ؟؟
توما : لا لا شخص يعجبك ..
اكيرا : قابلته ؟؟
توما : وانت بعد مقابله وكثير ... ما عرفته ؟؟
اكيرا : لا ....
توما : متأكد ؟؟
اكيرا : ما ادري كثير اللي اعرفهم ...
توما : طيب ما خطر على بالك اندو ؟؟
اكيرا : احلف ...
توما : أيــه والله .. وعلاقته بماري توها يعني هالشهرين اللي راحوا ..
اكيرا : واندو ذا ما قال لي شيء ...
توما : ليه انت ما تكلم ماري ؟؟
اكيرا : ماري بعد ما عرفت اني وافقت على الزواج من ساكورا زعلت علي ولا تكلمنا ابدا ...
توما : لازم تدق عليها وتكون طبيعي ... تراها اختك ...
اكيرا : اكيد ان شاء اللـــه ...
توما : وانت ما عندك أي شيء جديد ؟؟
اكيرا : ولا شيء وحتى احتكاكي مع زملائي في الجامعة بس على الدراسه .. وانا اصلاً دائما مشغول يعني حتى وقت الفراغ يالله انوم فيه ... من الجامعة الى العمل الى المذاكره وينتهي اليوم ..... وكل يوم على نفس الروتين ...
توما : الله يكون في عونك ...
اكيرا : هانت سنتين وراح اطلع من هالقفص ....
توما : لازم اسكر الخط عشان ما اخسرك بما انها مكالمة دوليه ..
اكيرا : انا ما يهمني الوقت اللي اتكلم معك فيه .. المهم اني افضفض واعرف اخبار جديدة ..
توما : راح نكون على اتصال دائم وما راح ننقطع عن بعض .. صح ؟؟
اكيرا مبسوط : اكيــد كل يوم في نفس هذا الوقت انا اكون فارغ وانت يمكن بما انه العصر عندكم صح؟؟ ...
توما ابتسم : صح ...
اكيرا : يالله مع السلامة وسلمني على الكل ...
توما : ههه ما اقدر لانهم ما يعرفون اني قابلتك ...
اكيرا : اوكي يالله مع السلامة ...
توما : مع السلامة ....
ويسكر اكيرا السماعة وينسدح على السرير ...
اكيرا : آآآآه ليتك بكّرت اكثر في جيتك يا توما ....
وبعد يوم يجتمعون البنات في المطعم ويتغدون سوا .... ( آيا , يونا , راي , ماري )
آيا : كم مره لازم اقول اني كنت نايمة عند صديقه اعرفها ...
راي : من هالبنت وليه ما نعرفها ...؟؟
آيا : بنت في الجامعه ..
ماري : احنا ما نعرف غير يوكي ... مين بعد ؟؟ معقوله نسيتينا ؟؟
آيا : لا هذا مستحيل انتم بالنسبه لي الصديقات الوحيدات ...
يونا : اجل ليه رحتي ونمتي عندها يومين وانا ما نمتي عندي الا يوم ...
راي : على الاقل مره نامت عندك انا ولا مره ...
ماري : أيــه جيده تنوم عند صديقات الجامعة واحنا لا ...
آيا : لا والله ما كان قصدي والله ...
راي : اجل ليه ؟؟
آيا : يوووووه يا راي قالت انها ودها نجلس ونسهر سوا قبل ما اروح لبريطانيا ....
يونا : وحتى احنا نبي نسهر معك ونسولف قبل ما تروحين لبريطانيا ...
آيا : طيب جتني فكره ...
راي : وش هي ؟؟
آيا : اسمعو يوم السبت الجاي نروح للسكن وننوم فيه ليلة الاحد بما انها اجازة عندكم .. وانا اصلاً فيني فيني اروح لاني بروح اجمع اغراضي اللي هناك ...
راي : انا ما عندي مانع ...
يونا : وحتى انا ....
ماري : طيب وش اقول لاهلي ؟؟
آيا : قولي انك بتروحين تنومين عند وحده من صديقاتك .. يعني صديقات الجامعة ...
ماري : انا ما عندي صديقات لاني كنت دائما مع اندو ...
آيا : يا الله منك .... طيب اسمعي قولي امممم ...
راي : قولي انك تبين تاخذين راحة وتروحين لمكان تسترخين فيه ...
يونا : طيب قولي بتروحين مع اندو لمكان حلو في مدينه قريبه وبتنومين هناك ...
آيا : المهم صرفي نفسك اذا كنتي بتجين معنا ....
ماري : باشوف بحاول ...
يونا : خلاص اتفقنا ... لكن اخاف نزعج يوكي بجيتنا بدون اذن ..
آيا : لا يوكي انا اعرفها وهي تقول انها حبتكم كثير ....
راي : طيب .... لحد ينسى الموعد ...
آيا : ثنتين الظهر كلكم ابيكم جاهزين .....
يونا : حاضر ...
وتمر الايام طبيعية الى يوم السبت ويجتمعون البنات الساعة 2 الظهر ....
راي تكلم بالجوال : اليوم ؟؟ حلو ....
توما : طيب اسألي ماري كان اندو فاضي يجي معنا ....
راي تلتفت على ماري ...
راي : ماري .. ~ اندو اليوم مشغول ؟؟
ماري : ما اعتقد يوم قلت له اني باطلع قال طيب وبس ....
راي ترجع للسماعة : تقول ماري انها ما تدري انت دق عليه وشوف ؟؟
توما : طيب ...
راي : اشوفك بعدين ....
توما : مع السلامة ....
راي : بااااي ...

تسكر السماعة ....
ماري : وش عند توما وش يبي باندو ؟
راي : يقول انه اليوم بيروح هو وسوما ومورا يلعبون بيسبول مسوين بينهم تحدي ... وقال انه وده يجي اندو معهم ....
ماري : آها ...
آيا : ماري وش قلتي لاهلك ؟؟
ماري : قلت بروح اتمشى انا وزميله لي في الجامعة ويمكن ارجع على حدود النهار .....
آيا : ليه ما قلتي بانوم ؟؟
ماري : لا لا انا اعرف امي اذا قلت كذا بتعطيني محاضره في الادب وانه عيب انوم عند الناس وكذا ....
آيا : اها .... يعني منتي نايمة معنا ؟؟
ماري : لا بارجع على حدود النهار يعني باسهر معكم كل الليل .....
آيا بضيق : خساره كان ودي تنامين معنا والله بيكون وناسه..
ماري: انتي صادقه بس اجي واسهر الى النهار ازين من اني اجلس ولا اسهر معكم خير شر..
آيا باقتناع : أي والله معاك حق..
يونا : يالله ما ودكم تمشون ؟؟
آيا : يالله ....
راي : انا باركب مع ماري ويونا روحي اركبي مع آيا ..
يونا : طيب ...
يروحون يركبون متجهين للسكن ... :: في بيت آيا :: ..
جولي تنزل من الدرج ...
جولي : راحت آيا ؟؟
الام : قبل شوي .....
جولي : متى بترجع ؟؟
الام : بكره ...
جولي : اها ... وين ابوي ؟؟
الام : راح لواحد من اصدقاءه ....
جولي : اها ....
الام : وش فيك تدورين على الناس ؟؟
جولي : توني قايمة من النوم وشفت البيت فاضي ؟؟
الام : طيب يالله تعالي عشان نتغدا ....
جولي : حاااااضر ....
آيا في السيارة تكلم بالجوال : هلا حبيبتي كيفك ؟؟ اسمعي ابيك الحين تطلّعين سناعتك وتسوين ذاك الغدا اللي يحبه قلبي ....
يوكي : قلتي لي امس .... طيب طيب.
آيا : لا امس نسيت اقولك اهم شيء في المكالمة كلها ...
يوكي : وشو ؟؟
آيا : سوي غدا لخمسة اشخاص مو شخصين ...
يوكي : ليه مجّوعه ؟؟
آيا تستهبل بصوتها : ايه مجّوعة امي اليوم حارمتني من الغدا ....
يوكي : ههههههه .. طيب يا المحرومة بس لا تتأخرين على وجبتك ....
آيا : انا الحين متجه لك ....
يوكي : زين ....
آيا : يالله اشوفك على خير .....
يوكي : مع السلامة ...
تسكر آيا السماعة ...
يونا : والله عيب في البنت ليه ما نتغدا في مطعم ثم نروح لها ؟؟
آيا : طبخ يوكي يجنن ... ومالي خلق لمطعم ...
يونا : لكن والله بنتعبها ..
آيا : لا لا ما راح تتعبينها ... وبعدين انا ما قلت انكم معي يعني كأن هاللي بتسويه لي ... وانا امون عليها ....
يونا : الله يهديك يا آيا ....
تبتسم آيا وتكمل طريقها ..... وبعد شوي ... في بيت آيا ...
جولي : ماما بتروحين لشيء ؟؟
الام : لا عندي اشغال للعمل باسويها في البيت ... انتي بتروحين لشيء ؟؟
جولي : ايه بعد الغدا بروح مع لينت ....
الام : متى بترجعين ؟؟
جولي : باتعشى هنا ....
ويرن جوال جولي ...
جولي : هذا هو ....
وتقوم يالله ماما اشوفك على خير ....
الام : انتبهي لنفسك .....
طيب وتطلع جولي .... تقوم الام وتروح تصعد فوق تشوف باب غرفه آيا مردود وتروح تدخل على غرفتها .... تتلفت وهي تشوف اغراضها ثم تبتسم ..
الام في نفسها : كلها ايام وتروحين يا قلبي ...
تشوف طاوله آيا وتشوف الكتب مو مرتبه والاغراض محيوسه .... تروح وتمسك اول كتاب تشوف تحته دفتر عريض مكتوب عليه ( مذكراتي ) ..
الام : آيا تكتب مذكرات ؟؟ توني ادري ....
تشيل الكتب وتفتح الدرج بتدخلها ثم تطيح منها على الارض .....
الام : يووووه ...
تقعد وهي تشيلها تشوف دفتر مذكرات آيا مفتوح على صفحة .... تشوف بلمحة المكتوب ( وكان هذا اليوم من احزن الايام التي مرت علي ... اذ ان دموعي لم تتوقف عن السيلان ... اجلس بجانب نافذتي كالمعتاد ابحث عن اكبر نجم ... اصبحت حياتي روتينية مليئة بالالم والحزن .... ) تمسك الام الدفتر متعجبة لــيه هذا كلام آيا المرحة والمبتسمة ... تمسك الدفتر وتقعد على السرير وتفتحة من اوله ....
تقرا : المكتوب [ من هذا اليوم الاثنين ... في تاريخ ****** .. شهر اغسطس ..... ابدا بكتابه اولى يومياتي بالرغم انها يوميات حزينه لكن اريد ان ابوح بما في قلبي من آلام ... اريد ارساله لاكيرا لكي يعرف بما اشعر به .... اريد ان ابوح لامي ولكن خوفي على قلبها الحساس من ان يضيق ويختنق حزناا على حالي ... اتمنى اعز صديقاتي(يونا) ان ارسل لها ولو ذبذبات مما يجول بداخلي لتخفف عني بعضا من معاناتي ولكن بعدها عني جعلني اكتم آهاتي وصرخاتي .... هناك الكثير الكثير في اعماق قلبي لا استطيع بوحها او التعبير عنها مهما حاولت .... ولكن سأكتب من اليوم فصاعدا علّي اخرج ولو الشيء البسيط مما في قلبي سواء كان ألما او فرحا ... حزني وسعادتي محفوضة هنا ..... ]
الام مسحت دمعه سقطت على دفتر بنتها : كنتي تعانيني يا قلبي وانا ما ادري خايفه على مشاعري ..
فتحت صفحات واستقرت على هالصفحه:.
( اكيرا ... تعرفت عليك او بالاصح تعرفت على شلتك من اولى ثانوي لاننا كنا بنفس الفصل ... ومشو معي كل سنواتي الثلاث .... لكن في السنة الاخيرة في الثانوي بدت المعجزات بالظهور شوي شوي .... بدت علاقتي باكيرا يوم كنت في المستشفى وتطورت في زواج اخوه ... في ذاك الوقت حصلت اشياء كثيره شيء اتذكره وشيء ما اتذكره .. طلعت علينا ماري ورجعت لي ايام كثيرة وانقلبت الاحداث بأن تكون ماري اخت اكيرا التوأم ... صرت كثير اروح لاهل اكيرا .... امه مره حبوبة وطيبة وانيقة وواضح عليها العز .. ابو اكيرا بالرغم انه في النهاية قسى علي لكن انا اعرف اصله هو حبوب كثير ... اخو اكيرا نيزو مالي علاقة كبيره به لكن زوجته حبوبه وجميله وامنيتي الحين اشوف طفلهم اللي كانت حامل به قبل ما افترق عنهم .... عرفني اكيرا على ولد عمه اندو ... علاقتي معه كانت قويه كثير خصوصاً انه هو اللي وقف معي بعد فراق اكيرا .... هههه الحين دق وبروح معه ... لما ارجع اكتب وش حصل ..... باااي ...... ]
الام : آيا مثل ما توقعت اكيرا ما راح برضاك .... ليتك كنتي تعلميني ؟؟
وبدت تكمل قراية ......
في السكن :.
تدخل آيا ومعها البنات على يوكي في البيت ......
آيا : سبراااااااااايز .........
يوكي متفاجئة ثم ابتسمت : كلكم ؟! هلا
آيا : يالله جاهز الغدا ؟؟؟
يوكي بغمزة : يا شريره .... هذي معدتك حقت خمس اشخاص ؟؟
آيا : المهم سويتي حق 5 اشخاص ؟؟
يوكي : ايه خفت تاكليني .....
والكل : هههههههههه
يوكي : لكن حتى ليه ما قلتي عشان اسوي غدا على اصول اخاف ما يعجبهم طبخي ...
آيا : لالا بيعجبهم ....... صح بنات ؟؟
ماري : خلينا نجرب ونحكم ...
يوكي بابتسامه : تفضلو الغدا توه جاهز .....
آيا : تعالي يونا ساعديني في الشيل ......
يونا : طيب ....
يروحون يجلسون ويبدون الاكل ...
في بيت اهل آيا ::
الام تقرا ثم تفتح عيونها : مستحيل ..... كيف توصل الامور لكذا .... الحين عرفت ليه تسوي كذا يا " ساسو " ؟؟
يمر الوقت ويجي حول نهاية العصر البنات جالسين في الصاله ...
يوكي : من وده يروح معي لحفلة اراشي ؟؟ تكفون بنات خلينا نروح آيا ما تحب تروح ...
راي : ليه يا آيا ... ؟؟
آيا : تكفين رحت ذيك المره معها لحفلة رأس السنة والله لا يوريك الزحمة وزياده على كذا كملت القصه يوكي تسحب يدي تخاف الظاهر اضيع وتنشب جزمتي وينكسر الكعب ... تعرفين كيف صار شكلي يقطع ابو الاحراج اللي جاني .. والاخت ما اهتمت تقول ايه ايه زحمه محد منتبه لك ....
يوكي : وش اسوي فيك اصلاً انتي الغلطانه المفروض تلبسين كويتش ....
آيا : شوفو وش تقول ... انتي اللي سحبتيني ولا عطيتيني فرصه افكر انا وين باروح اصلاً .....
راي : يوكي شكلك ما تضيعين ولا حفله الا وانتي حاضرتها .....
يوكي : اكيد .... يختي اموت على هالمجموعه .....
راي : آآآه يكفيك " شو " يعجبني كثير .....
آيا بتهديد : طيب طيب كل شيء يوصل لتوما ......
راي ارتبكت : ههههههه هو يدري ... لكن بس انا احب ستايله بس ....
ماري : بدت ترقعها ....
والكل : هههههههههه ......
آيا : بنات اليوم الجو مره حلو وش رايكم نجلس برا ؟؟
يوكي : لا لا مو زين ....
آيا : طيب وش رايكم بالسطح ..... السهره فيه تجنن .... تذكرين يا يوكي يوم ننوم فوق ؟؟
يوكي : أيــه والله مره كان حلو .... بس كان شوي برد ...
آيا : اليوم الجو حلو يناسب ....
يوكي : طيب وسخ ....
آيا : احنا كثيرين بنخلص منه بسرعة ... وش رايكم بنات ؟؟
راي : تغيير ...
ماري : تجربة
يونا : بكيفك .....
آيا : طيب ..... يالله يابنات خلينا ننضفه قبل ما تغرب الشمس ...
الكل : يالله ...
يمر الوقت وينظفون السطح ويفرشون فوق ويجلسون ... وكان حول غروب الشمس ....
ماري واقفه وتطل وهي تشوف غروب الشمس .... تجي آيا وتوقف جنبها .....
ماري : احب هالمنظر كثيـــر .....
آيا : اكيد لانه يذكرك كثير باندو ....
ماري تلتفت على آيا : ليــه اندو يحب هالمنظر ؟؟
آيا : شفت هالمنظر كثير مع اندو ...
ترجع ماري تلتفت على الشمس ... وتقول بصوت خافت ..
ماري : تعرفين يا آيا ..
آيا : وشو ؟؟
ماري : يوم كنت اشوفك مع اندو من قبل كنت استغرب اشياء كثيره ... وكانت تجيني توقعات غريبه ... لكن بعد ما صرت مع اندو وعرفته اكثر قلت لو صار حقيقه اللي كنت اتوقعه فما الوم آيا ابدا ... ومن جهة ثانية ما الوم اندو على آيا ...
آيا : هاه .... ما فهمت .. وش تقصدين ؟؟
ماري : لا لا ولا شيء ... آيا علميني كيف اعجب اندو .... ؟؟
آيا : ما اعتقد انك تحتاجين انك تعجبينه .... انتي معجبته ..
ماري : انا ما اعرف شيء عن اندو ... اللي اعرفه يقدر كل شخص انه يعرفه ... اندو غامض ما اعرف كيف يشوفني .. انا احس انه .. انه
آيا : اندو غامض ... انا حاولت بكل الطرق اني اعرف كل شيء .... ما راح اجحد هالشيء .... اندو في ذاك الوقت والى وقت قصير كان ماخذ مني اكبر اهتمام ... كنت افكر فيه لوقت طويل ..... وكل مره يفاجئني بصفه فيــه ... لكن الشيء الوحيد اللي ما يتغير فيه هو انه كل مره يكون فيها معي احس بطمأنينة ... كنت اعرف انه شخص رائع و اعجبت فيـــه ...
ماري تشوف آيا متفاجئة ...
آيا : ماري اندو يحب هالمنظر كثيـــر ... اندو واكيرا من قبل كانو يروحون لطلة مهرجان الالعاب النارية مع بعض ... فيه صفات كثيره مشتركة بين اكيرا واندو .... بكذا تقدرين تعرفين كيف يفكر اندو ... اندو حساس ... شاعر ... حكيم .. رجل بمعنى الكلمه ... شخص رائع ... هذا اللي اعرفه عن اندو ...
ماري : زي ما توقعت ...... آيا هي الشخص القريب من اندو ...
آيا : اتمنى اكون كذا .....
ماري تشوف آيا ثم تبتسم ...
ماري : انا اعرف هذا الشيء .....
آيا : وشو ؟؟
ماري : اندو ما يحبني .... اندو يحاول يتقبلني ..... اندو يحاول يبعد نفسه عن شيء عشان كذا اختار اني اكون انا رفيقته .... اندو يعرف اني احبه .. عشان كذا هو يحاول انه يحبني ....
آيا : ليه تفكرين كذا ؟؟
ماري : اقدر احس بهالشيء .... هذا التفكير كان دائما في بالي .... آيا ... انا ودي ان اندو يحبني مثل ما انا احبه .....
آيا : راح يحبك .... راح يحبك ... لانك طبيعية ... لانك من النوع اللي يحبه .....
ماري تناظر آيا وتبتسم ....
راي تجي لهم : وش عندكم وش تتهامسون فيــه ... ؟؟
آيا : نمدح في راي ....
ماري : ههههه ...
راي : اجل بخليكم تكملون مدح ...
آيا وماري : ههههههه ..
آيا : وش عندك راي ؟؟
راي : يوكي تقول وين الشطرنج ؟؟
آيا : في دولابي الصغير ... او خلاص انا بروح اجيبه ....
وتروح آيا تنزل عشان تجيب الشطرنج .....
يمر الوقت اللي يلعب واللي يسولف ... الى الساعة 9 الليل ...
آيا ويونا جالسين في المطبخ ...
يونا : وش بتسوين عشاء ؟؟
آيا : باتفنن ... ما حطيت شيء محدد في بالي ...
يونا : من قبل يا آيا كنتي فاشلة في الطبخ ... لا يمكن انسى هالشيء ...
آيا : يعني ما تبيني اتسنع ...
لحظة صمت بين الثنتين ::
يونا جالسه على طاوله الطعام : يوه احس سنتين كثيره ......
آيا : راح تمر بسرعة ....
يونا : تعودت على وجودك ...
آيا : لازم تحسين بي يوم تروحين ثلاث سنين ....
يونا : لكن انا غير كنت اجي في الاجازات الطويله ...... اما انتي بتمدينها كامله .....
آيا : يونا ما راح اكون قاطعة راح اتصل كثير وتقدرين تكلميني بالمسن اشوفك بالسكايبي ... يعني ما كأننا بعدنا عن بعض ....
يونا : اعرف ..... لكن ما راح نقدر نتقابل ... ما نقدر نقعد في نفس المكان لساعات طويله ..... التوقيت راح يختلف انتي راح تنشغلين كثير بدراستك ... فيــه اشياء كثيره راح تلهيك ....
آيا : ليه تفكرين كذا ... يوم رحتي انا ما فكرت كذا ابدا ........ يوم راح اكيرا كنت كثير متفائلة .. يونا اضمني شيء واحد بس .... انا ما راح اتغير عليك ........
يونا ابتسمت والكل سكت وكملو شغلهم .... ومن بعد العشاء ... جالسين كلهم سوا ويسولفون ...

آيا : الجو هناك بارد ... عشان كذا احتاج لجيكيتات اكثر وشوية اغراض ....
راي : متى بتروحين ؟؟
آيا : بعد بكره ...
راي : اها ..... لكن ....
يوكي : حفلة اراشي ....... راي مو وعدتيني ؟؟
راي : صح ..
يونا : اوكي انا بروح معك ...
آيا : والله ؟؟
ماري : وانا بعد ما عندي شيء .....
آيا : شكرا يا حبيلكم ....
راي : آسفة آيا .....
آيا وهي تستهبل : عادي عادي لكن معليش لازم اعلم توما باعجابك بـ"شو" ...
راي : لااااااااا تكفين .....
والكل : هههههههههه ......
ينتهي اليوم على كذا والحين الفجر ....
آيا وافقه مع ماري : لكن هالوقت ؟؟
ماري : عادي عادي يا آيا والحين الشمس بتشرق والدنيا بتصير نهار ما علي خوف ...
يونا : انا بارجع معك ..
ماري : قلت لك عادي ..
يونا : لا لا انا صدق عندي اشياء ولازم اروح ..
آيا : خسارتكم ...
يونا : خلاص ما بقى غير النوم ..... كل اليوم سهرناه معك ... اشوفك اليوم ....
آيا : ان شاء الله ...
يونا : بيننا اتصال .....
آيا : طيب مع السلامه ...
وتروح ماري ويونا .... تروح تصعد آيا لفوق وتنوم هي وراي بغرفة وحده .... ومن بعد ما صحو ...
آيا : راي اصحي شوفي الساعة ....
راي وهي نعسانة : شوي شوي يا آيا بليز ....
آيا : قومي يا راي يله عشان نتغدا ونروح ...
راي تغطي نفسها : كم الساعة ؟؟
آيا : 5 العصر .... ما يكفيك 8 ساعات نمتيها ....
راي تفز : 5 العصر .... واااااه حفلة اراشي ما يمدينا نوصل ....
آيا : وانتي هذا همك .... قومي يالله غيري ملابسك وانزلي عشان ناكل ...
راي : طيب طيب ...
ثم يتغدون ولما خلصو آيا جمعت اغراضها اللي جاية عشان تاخذها وتركبها في سياتها ....
يوكي : يا الله اكره هالموقف ...
آيا : مو قلتي انك بتجين تودعيني في المطار ..
يوكي : اخاف اصيح ....
آيا : لا لا انتي قويه وما تصيحين ...
يوكي : ما اصدق بقي يومين وتروح آيا لبريطانيا .... آآه والله سنتين كثير ...
آيا : مو انتي اللي حمستيني اني اروح من قبل والحين تبيني اكنسلها ...
يوكي : انا ما قلت كنسليها ... انا بس اطلّع اللي في خاطري ..
آيا : يالله اشوفك بعدين ...
يوكي مبتسمه : مع السلامة .....
تركب آيا للسياره وتروح ..
راي : يالله يا يوكي نروح الحين ؟؟
يوكي : طيب بس بروح اغير ملابسي ونطلع ....
راي : يالله انتظرك في الصاله ..
يوكي : طيب ...
وبعدين توصل آيا لبيتهم وتدخل وتشوف ابوها جالس في الصاله .... تروح له وهي مبتسمه ...
آيا : انا هناااااا .....
الابو يلتفت عليها ويبتسم : هلا حبيبتي ...
آيا : ليه البابا جالس لحاله ....
الابو : اقرا الجرايد ...
تجلس آيا جنبه وتطل في الجريده ..
آيا : ما فيه اخبار حلوه في الجرايد .... انا اكرهها ....
الابو : على مين انتي طالعه ؟؟ انا وامك نحب نقرا .....
آيا : يمكن اذا صرت في مثل عمركم اهتم لها .....
الابو : يمكن ...
آيا تتلفت : وين ماما ؟؟
الابو : تتحمم ...
آيا : اها ... وجولي ؟؟
الابو : فوق ....
آيا : اها ... طيب بابا انا باصعد فوق وادخل اغراضي ...
الابو : طيب ....
تروح آيا وتاخذ اغراضها وتدخل للغرفه وتشوف ان الغرفه متغير ترتيبها .....
آيا تتلفت وتحط الكرتون اللي معها على الارض ....
آيا : يا حبيلك يا ماما ....
وتروح وتفتح درجها وتشوف كل الدفاتر موجوده الا دفتر يومياتها ...
آيا : وين امي حطته ... ؟؟
تسكر الدرج وتتلفت في الغرفه وتشوف الدفتر على الكمدينه اللي جنب السرير ....
تروح آيا وتمسكه وتشوف موقف جوا الدفتر وتفتح عليه ... وتشوف ان كثير من يومياتها كأنها مقروئة ...
آيا : احد قاريه ؟؟ واضح ... فيه احد قاري ....
تطلع آيا وتروح لغرفه جولي وتطق الباب وتدخل ....
جولي : آيا جيتي ؟؟
آيا تبتسم : ايه توني جاية .....
تجلس آيا على سرير جولي ...
آيا : جولي انتي داخله لغرفتي ؟؟
جولي : لا ابدا ...
آيا : امي ؟؟
جولي : ايه امي طول الوقت كانت في غرفتك ....
آيا انصدمت : امي ؟!
ونزلت عيوها للارض ..
جولي : آيا فيه شيء ؟
آيا تصرف : لا لا ما فيه شيء ...
آيا تحاول تغير الموضوع ..
آيا : اليوم بروح للسوق تجين معي ؟؟
جولي : ايه انا ما عندي شيء ابدا .....
آيا : طيب ... خلاص بقولك اذا جيت اروح ...
جولي : متى ؟؟
آيا : بعد المغرب ...
جولي :خلاص ...
تطلع آيا من عند جولي وتوقف قدام الباب وتتسند عليه ....
آيا ترفع راسها وتقول في نفسها : ياااااه امي عرفت كل شيء ... ما كان ودي انها تقرا كلامي عشان ما تحزن ....
ترجع لغرفتها وتدّخل اغراضها اللي كانت جايبتها معها ....
ثم تطلع وتنزل لتحت ... وتشوف امها وابوها في الصاله يتفرجون على التلفزيون ويتكلمون ....
قطعت آيا عليهم الكلام وهي نازله متوجهه لامها : ماما خلصتي من الحمام..
الام تلتفت على بنتها: هلا حبيبتي متى جيتي..
آيا تسلم على امها: قبل شوي وكنتي مشغوله تتحممي..
الام: آها .. تعالي اجلسي..
تروح آيا وتجلس معهم ولا تحط عينها بعين امها ...
الام ترجع تكلم الاب : متى بترجع ؟؟
الابو : بكره ..
آيا : وش عندكم ؟
الابو : بروح اليوم لصديق عندي شغل معه وهو يبيله سفر وبنوم اليوم هناك وارجع بكره ....
آيا : آها .....
الام : متى بتروح ؟؟
الابو : بعد شوي وبالقطار ...
الام توقف بروح اعد لك الشنطه وجهز اغراضك اللي تحتاجها..
الاب يوقف معها طيب انا بسبقك لفوق..
صعد الاب لفوق وتلتفت الام على آيا ....
الام : بتروحين اليوم للسوق ؟
آيا : ايه يلزمني بعض الجاكيتات والوقت تأخر ...
الام : كتبت لك بعض الاشياء ابيك تجيبينها معك اذا رحتي .....
آيا : طيب.. انا بروح بعد المغرب وباخذ جولي معي .. ليه ما تجين معنا ....
الام : مالي نفس سوق ....
آيا : طيب براحتك ..
ابتسمت الام لبنتها وصعدت فوق لغرفتها تجهز اغراض زوجها..وآيا جلست تتفرج على التلفزيون ..
وبعد 10 دقايق نزل الاب بشنطته ووراه الام ودعت آيا ابوها هي واختها .
يمر الوقت وتروح آيا وجولي للسوق ومعهم يونا .... ثم يرجعون الساعة 10 .... ومعهم يونا ... يقعدون يفرجون الام وش شرو وكذا يعني .. ثم تعشو سوا وراحت يونا لبيتهم ... صعدت جولي لغرفتها لانها كانت نعسانه وتبغى تنوم وآيا راحت لغرفتها عشان تسفط وترتب اللي توها شاريته .... تدخل للحمام وتفرش اسنانها .. تشوف نفسها في المراية وتتذكر ان امها قرت يومياتها ... تطلع وتاخد مخدتها وتروح لغرفة امها .... تطق الباب ...
الام : مين ؟؟
آيا : انا ...
الام : ادخلي يا آيا .....
تدخل آيا بهدوء وتوقف ....
آيا : ماما ... عادي انوم عندك اليوم ؟؟
الام تبتسم : اكيد عادي ....
تجي آيا وتروح تنوم في مكان ابوها وتخم المخده ....
لحظة صمت ثم نطقت آيا ...
آيا : ماما ... شفتي مذكراتي وقريتيها صح ؟؟
الام : ايه قريتها ...
آيا : ما كنت اقصد اني اخبي عليكـ...
الام تقطع كلامها : اعرف ... اعرف انك ما تبين تضيقين صدري عليك .... لكن كنت ابي اكون معك في محنتك آيا .....
آيا تسكر عسونها وهي تضغط على المخده بقوة : آسفه ماما لكن كان صعب ... صعب كثير ...
الام تلتفت على آيا وتحط يدها على شعرها وتمسحه .....
الام : آيا ... ودي اسألك ؟؟
آيا ترفع عيونها على امها : قولي .....

الام : اكيرا ... صدق يحبك ؟؟
آيا تفاجئت من سؤالها وباجابه سريعه : هذا اكيد .... هو كم مره قال لي انه يحبني ....
الام : تثقين فيه ؟؟
آيا : اثق ..... اثق كثير .... لانه هو يثق فيني .... اكيرا اروع انسان ... هو وفي لي مثل ما انا وفيه له ...
الام بابتسامه : ريحتيني ....
آيا : ماما ليه هالسؤال ؟؟
الام : آيا .... تمسكي باكيرا ولا تحاولين تبعدين عنه في أي حال .... مهما حصل ثقي فيه ....
آيا : راح اسوي هالشيء .... انا احب اكيرا كثير وراح اتمسك به ...
الام : انتي تكرهين اهله ؟؟
آيا : لا ما اكرهم .. بس ابو اكيرا واخوه نيزو يكرهوني .... لانهم .. لانهم ..
وبدت تتحجر الدموع في عيونها ....
آيا : لانهم يعتقدون اني طمعانه في اكيرا ..... ولاني خدعتهم يوم اقول اني من عائلة غنيه ...... انا ما كنت مرتاحه بذيك الحاله ..
الام : اعرف ... اعرف يا آيا ... لا تكملين .. كنت كثير متفاجئة .... كيف بنتي تحب ولد الشخص اللي انا حبيته ....
آيا متفاجئة : ساسو ؟؟
الام : ايه ساسو .... اسمعي هذا الشيء يا آيا .... هذي قصه قديمه .. حصلت في وقت بعيد .... لكن هذا الشيء راسخ في راسي ... يوم كنت في الثانوية كانت درجاتي عاليه عشان كذا دخلت لمدرسه فيها عوائل غنيه ..... حبني شخص وكان هذا الشخص هو ساسو ... بادلته هذا الشيء .. وعدني باشياء كثيره وكانت ايام ورديه .... لكن ما دامت كثير ... لما عرفـّني على عائلته ... عائلته ما بغتني لاني مو من طبقتهم ..... لكن ساسو كان متعلق فيني ورفضهم كلهم واختارني .... كان ذكي ونبيه عشان كذا كان ابوه يحبه كثير وكان بيغاه يمسك كل شيء من بعده ... فذاك اليوم ناداني ابوه وجلست معه كانت اتعس جلسه في حياتي ... لانه كان يبي ساسو يكرهني ... قال انه بيضيق على ابوي في عمله ... وكانت حالة عائلتي في ذاك الوقت صعبه ... فكرت فيها وقلت عائلتي اهم مني ...... ووافقت على اللي قاله لي ..... قال ..... روحي لساسو ... وقولي انك ما تحبينه وانك طمعانه في فلوسه واني امثل عليه .... كان صعب ... لكن كنت مجبوره ..... وسويتها ورحت لساسو وقلت له اني ما احبه .... واني كنت اخدعه بنظرتي البريئة .... واني طمعانه فيه ... ساسو ما صدقني لانه كان صدق يحبني .... لكن رحت وهجرته وانتقلت انا واهلي من بيتنا ورحنا لحي ثاني ... انقطعت كل اتصالاتي به .... وكرهني ..... قابلت ابوك في الجامعه وصار هو قدري ... وحبيته مع العشره ......
آيا في وجهها الاستفهام والتعجب : ماما .... انتي وابو اكيرا ؟!
الام : اعتقد انه بعد ما عرف انك انتي بنتي كرهك لانك تشبهيني كثير .. واكيد في داخله انعادت نفس الصوره .... هو ابعدك عن اكيرا مو لانك غير طبقتهم ..... انا اعرف ساسو ... خاف انك تكونين مثل امك ..... لانه ما يعرف الحقيقه ....
آيا : وليــه ..... ليه ما علمتيه الحقيقه ؟؟ ...... ليه خليتيه كذا .... ؟؟
الام : ذاك الوقت مختلف يا آيا .... الاوضاع كانت مختلفه ..... كل شيء كان صعب ... وانا فقيره ما بيدي شيء اسويه .....
آيا : ما توقعت هذا الشيء ابدا .....
الام : آيا .... حبيبتي بعد بكره وانتي متجهه لبريطانيا ... راح تكونين لوحدك ... عشان كذا ... آيا تمسكي باكيرا وقولي دائما الحقيقه حتى لو هددوك باي شيء ... انتي معك اكيرا ... وراح يكون في صفك .... اضمني هذا الشيء .... ما راح يعملون شيء يخسرهم ولدهم ...
آيا تناظر امها وتحس انها في حلم ...
آيا في نفسها : كيف كيف توصل الامور لهالحد ....؟؟ امي وابو اكيـــرا ....
الام تحضن آيا وتمسح على شعرها ....
يمر الوقت ونامت الام .. اما آيا كانت في عالم ثاني تسترجع كل شيء ....
آيا في نفسها : لو كنت اعرف .. لو كنت ادري عن هالقصه ..... لو لو لو .. ما راح يتغير الواقع اللي انا فيــه .... اكيرا ... خلك في صفي ارجوك ...
وياسرع ما مر الوقت ومن بكره آيا تجهز كل اغراض السفر واللي يلزمها عشان السفره بكره الساعة 8 الصباح ....
وآيا في نفسها : هذا اليوم اللي كنت انتظره من وقت طويـــل ... انا راح ارجع لهم وانا قويه وقدهم ...... راح امشي قدام على طريق مستقيم وما راح احد يقدر يصدني ...... هذا قراري .... وانا قربت للنهايــــة ........
في اليوم التالي :.
الساعة 8 في المطار .... الكل واقف عشان يودع آيا .... الا اندو ...
"" نداء"" (... يرجى من حضرات ركاب طائرة طيران اليابان رحلة رقم 6 والمتوجهة للندن هيثرو الرجاء التوجه للطائرة من خلال البوابة رقم 2 )

آيا تلتفت على الناس وهم متوجهين ...... ثم ترجع نظرها لاهلها .....
آيا بابتسامه: كلها سنتين ... او اقدر اقول انه اقل من كذا .... سنه وسبع شهور ..... بتمر بسرعه .... انا متأكده ....
آيا توجهت لامها وابوها وحضنتهم بددت تتحجر دموعها : شكرا ماما ..... شكرا بابا ...
وتلتفت وتشوف اختها جولي حاطه يدها على فمها تكتم بكاها على فراق اختها الغاليه هالمره بتبعد كثير وما راح تزورهم مثل قبل .. تقدت لها آيا وضمتها : بتوحشيني يا جولي..
جولي اطلق العنان لدموعها وطلعت شهقاتها: آ..آآيـ.. آآييا راح افقدك وربي .. زادت من ضمتها لاختها وصارو الثنتين يبكون و صديقاتها يشاركونهم البكاء..
آيا بعدت عن اختها وحاولت تمسح دموعها وتتمالك نفسها لازم تكون قويه التفتت على صديقاتها : شكرا لكم كلكم ..... لانكم افضل صديقات ... لانكم الصديقات الحقيقيات....
يونا بدت تتحجر دموعها وراي مثلها .... وجولي تبكي بهدوء ...
آيا : ماري ... معليش ما حصل اني اشوف اندو .... لكن ... لكن ابيك توصلين له سلامي واني اشكره من اعماق قلبي ....
ماري ضمت آيا وبدت تصيح عليها ثم يوكي وكل البنات كلهم ضمة وحده ....
آيا : لا لا ما اتفقنا كذا ... ما ابي ابكي مره ثانيه لا تبكوني .... ارجوكم بنات ....
ثم يبعدون عنها ...
آيا تمسح دموعها وتحاول ترجع طبيعيه ...
"" نداء"" (... يرجى من حضرات ركاب طائرة طيران اليابان رحلة رقم 6 والمتوجهة للندن هيثرو الرجاء التوجه للطائرة من خلال البوابة رقم 2 )
آيا تضم امها ....
الام : آيا ثقي في نفسك .. آيا .... كوني قويه ...
آيا : راح اكون قويه .....
ثم تبعد عن امها وتضم ابوها ....
الابو : انتبهي على نفسك آيا .... وكلمينا كثيــــر .....
آيا : راح اكلم .... راح اتواصل معكم دائماً ....
تبعد عن ابوها وتضم جولي ....
جولي وهي ميته من الصياح : راح اشتاق لك آيـــا .....
آيا : وانا اكثر ...
ثم تبعد آيا عنها وتشوف الكل بنظره عامه ....
آيا : مع السلامة .....
ثم تبتسم وتمشي متجهه للبوابه ... شوي شوي بدت تركض وتدخل للبوابه ثم تلتفت عليهم وتقول بصوت عالي : احبـــــــــــكم ..... اهلي , اصدقائي ... احبكم كثـــــــير ....
ثم تدخل وتختفي عن انظارهم ....
يجي اندو وهو يركض ويشوفهم كلهم مجتمعين .....
ماري تنتبه له : وين كنت ؟؟ آيا راحت ....
اندو بابتسامه : انا رايح وراها .....
الكل يشوفه وهم متفاجئيــــــن ....
اندو : راح اوصّل امانتي بكل اخلاص ....
ماري تشوفه وهي متعجبه .....
اندو : لكن ما راح اتأخر في الرجعه ....
مشى قدامهمبعدين التفت عليهم ....
اندو : ام آيا , ابو آيا .... بنتكم في ايدي امينه ....
الام ابتسمت وفي نفسها : مثل ما كتبتي عنه يا آيا .... اندو الشخص الرائع .....
ثم راح اندو عشان يلحق على الطياره ....
في الطياره آيا تدور مكانها وتجلس فيه وكان جنب الدريشه جلست وهي تطل على المطار .. يوقف اندو وراها وبدون ما تنتبه .....
اندو : تسمحين لي اني اجلس جنبك ؟؟
آيا التفتت عليه بدهشة : آندو ؟!!
اندو ابتسم : ما تبين مرافق ...
آيا بابتسامه فرح : انت جيت .. كنت حزينه اني ما شفتك ......
اندو يجلس جنبها ...
اندو : راح تملّين مني ....
آيا تبتسم وبدا عليها الراحة ...... اقلعت الطياره باتجاه بريطانيـــــا وفي آيا كان باتجاه اكيــــــرا ......
في الطياره آيا بدت تحس بالملل لان اندو مطلع بعض الاوراق وطول الوقت وهو يشتغل عليها .....
آيا : وش قاعد تسوي ؟
اندو : اشتغل
آيا : تبي اساعدك في شيء ؟؟
اندو : ما راح تفهمين ...
آيا : طيب علمني
اندو :لا لا انا كذا مرتاح .....
ثم التفت عليها وسكر اللي معه ....
اندو : تبين نسولف .....؟؟ شكلك مليتي ...
آيا ابتسمت باحراج : تقدر تقول ...
اندو : يالله قولي عندك شيء ؟
آيا : متى بترجع لليابان ؟؟
اندو : بعد يوم ...
آيا : ليه ؟؟
اندو : انا جاي عشان اقابل شخص عندي عمل معه ...
آيا : يعني مو عشاني عشان العمل ....
اندو : هههه يا الله منك .... الواحد لازم يشرح كل شيء لك
آيا : يعني عشان العمل ؟؟
اندو : اسمعي ... انا فيني فيني اروح لبريطانيا لكن المفروض انه الاسبوع الجاي ..... لكن انا قدمت المقابله لهذا اليوم عشان اصير معك ... فهمتي .؟؟
آيا : اهاا ... طيب ليه بترجع علىطول ؟؟ اقعد شوي ...
اندو : انا عندي شغل وعمي ما عطاني الا يوم ... هذا شغل يعني كل شيء محسوب ....
آيا بوجه كئيب : اهاا ....
اندو : وبعدين انتي اصلا بتروحين تباشرين في الجامعه .. يعني حتى وجودي ماله داعي .... واذا بغيتي شيء .... خلاص عندك اكيرا بكبره ..
آيا ابتسمت : هههه حلوه عندي بكبره ....
اندو رد لها البسمة وبدو يسولفون سوالف عاديه الى ان النوم اخذ آيا ورجع اندو يكمل شغله .....
وصلوا للندن وانقسمو لان آيا تبع الجامعه وسكنو في فنادق غير بعض .. وقالو لهم انهم بيروحون لسكن الجامعه وبيباشرون بعد يومين ... راح اندو لآيا في الصباح من بكره ... وعطاها رقم جديد .....
اندو : يمكن يطولون عليكم لكن انا مستعجل ...
آيا : شكرا اندو ....
اندو : وش عندك اليوم ؟؟
آيا : الحين الساعه 10 ونص ..... لما اوصل ذاك المكان راح القاه ....
اندو : مين ؟؟
آيا : ولد صغير تعرفت عليه ذيك المره ووعدته اني اقابله لما اجي ...
اندو : اها ...
آيا : تجي معي ؟؟
اندو : وين ؟؟
آيا : تشوف هالولد ..
اندو بابتسامه : طيب ...
آيا : يالله ...
وهم يتمشون متجهين لذاك المكان ...
اندو : ما اشتقتي تقابلينه ؟؟
آيا ابتسمت : تشك في هذا الشيء ... لكن اكيرا الحين اكيد مشغول ..
وتكمل آيا مشيها ثم توقف وتأشر لشخص وتقول : اندو .... مو هذا كأنه اكيرا ؟؟
اندو يناظره : الا ... بس وش عنده هنا ؟؟
آيا : عندي حركه ...
اندو : وشو ؟؟
آيا تحط سبابتها على فهمها : اشششش بكل هدوء طيب
اندو يناظرها يعني وش عندها ذي ... وطاوعها ...
تمشي آيا بكل هدوء وتوقف ورا اكيرا ثم تحط يدينها على عيونه ....
اكيرا يحط ايدينه فوق ادينها وبابتسامه : انتي جيتي ؟!
آيا توقفت بدون حركه ....

ينتهي البارت الى هنا ونلقاكم مع الفصل 14 إن شاء الله ....

الزمن يعيد نفسه (( الفصل الرابع عشر – الجزء 1 ))

اكيرا وخر يدينها والتفت ...
اكيرا بتعجب : آيــا ؟!
آيا تحاول تصرف ابتسمت : احنا وصلنا ....
اكيرا طاير من الفرحة : ياه ما تصدقون كيف فرحان .... كنت اعد الايام عد ..
ثم يلتفت على اندو : ليه ما علمتني ؟؟
اندو مبتسم : قلت اخليها مفاجئة ....
اكيرا من السعاده مو عارف كيف يعبر مسك ايد ايا وسحبها : تعالو نجلس هناك ...
ويأشر على الثيل ...
آيا مشت معه واندو وراهم وجلسو على رغبته ....
اندو يناظر آيا ويحس ان فيها شيء ...
اكيرا بحماس : مين خبركم اني هنا ؟؟
اندو يعدل جلسته : محد .. اصلا صدفه اننا شفناك ...
اكير باستفهام : اجل ليش جيتو هنا ؟؟
اندو : آيا تقول انها تبي تقابل ولد صغير هنا ....
التفت عليها : صح يا آيا ؟؟
آيا سرحانه وتناظر في الارض ...
اكيرا مسك كتفها : آيا ؟؟ انتي تعبانه ؟؟
آيا انتبهت : اه انا معكم .... لا لا مو تعبانه ولا أي شيء .....
اكيرا يمسك يدها بتودد : لا تجاملين ...اذا انتي تعبانه روحي للفندق ارتاحي ...
آيا حاولت تبعد يدها بدون ما تحسسه بهالشيء : لا لا صدقني ما احس باي تعب عادي عادي ....
رن جوال اكيرا ... طلّع اكيرا الجوال وشاف الرقم ...
اكيرا يضرب على جبهته : يوه كيف نسيتها شكلها جات ...
آيا بفضول : مين ؟؟
اكيرا وهو يوقف : وحده من العمل بروح اخذ منها الاوراق وارجع اوكي ...
ايا تناظره بعيونها وهو يوقف تسمع كلامه بعدها اختفى من قدامها وراح يركض.. مو مستوعبه..
اندو يطق آيا طقه خفيفه مع راسها : مو مثل اللي في راسك ..
آيا تلتفت عليه : هاه ؟؟
اندو يناظرها بتفحص : خفتي ان فيه وحده غيرك ؟؟
آيا تحاول تخبي اللي تحس فيه و بابتسامه قالت : لا مو كذا ...
اندو باصرار : الا كذا ... لا تكذبين انا اعرفك زين .....
آيا ببراءة : خفت بس ...
اندو متفهم لمشاعرها : لازم تتعودين ... اكيرا يشتغل .... وبعدين ثقي محد غيرك في قلبه ....
آيا بتساؤل: اندو؟؟ ...
اندو بانتباه : نعم ...
آيا : انت ليش واثق ان محد غيري في قلبه ؟؟
اندو بثقه : هذا الشيء واضح ...
آيا نزلت راسها : الشخص يمكن يتغير ....
اندو ابتسم وحط يده على راسها ومسح عليه : لو تغير عليك .... انا اللي راح ارجعه لك .... تثقين فيني ؟؟
آيا ابتسمت : اكيد اثق ....
رجع اكيرا وهو يركض : عسى ما تأخرت ...؟؟
آيا ابتسمت : لا ما تأخرت ...
اكيرا واضح عليه الطفش : ياه مليت من ذا الحرمه كل مره يرسلونها ....
آيا بغيره : اجل وش تبي وحده جميله ؟؟
اكيرا يجلس : لاااااا هذا اخر همي انا ما اتكلم عن الجمال ...... هي ما تجي في الوقت المحدد وباارده في التعامل ... جابت لي المرض ....
اندو وآيا : ههههه ....
آيا التفت وشافت جيمس من بعيد .....
آيا مبسوطه : جاء ....
اكيرا يلتفت ويشوف الولد ....
اكيرا باستفهام : جيمس ؟؟
آيا ناظرته بتعجب : انت تعرفه ؟؟
اكيرا : ايه كم مره تكلمت معه ....
آيا : بناديه لحظه..
وقفت آيا وبصوت عالي : جييييييييييييييمس ....
ينتبه جيمس لها ويجي وهو يركض ...
آيا بدت تتكلم معه بالانجليزي ...
آيا بابتسامه : انا جيت هنا عشانك ....
جيمس : تأخرتي كثير ... توقعت انك تكذبين علي ....
آيا تمسح على شعره : لا انا ما اكذب ... وآسفه على تأخري ...
جيمس يأشر على اكيرا : انتي تعرفين هذا الشخص ؟؟
آيا : ايه اعرفه ...
جيمس : حبيبك ؟؟
آيا ابتسمت : أيــه ....
جيمس : ترا هذا يكذب عليك ...
آيا بجديه : ليه ؟؟
اكيرا طلعت عيونه : وش سويت ؟؟
جيمس : قال انه يحب وحده غيرك ؟؟
اكيرا مصدوم : مين ؟؟
جيمس يناظره اكيرا وبكل ثقه نطق : وحده اسمها آيا ....
آيا بدت تضحك : انا آيا ...
جيمس يفكروبعدين احمر وجهه : هاه اممم صح ... يوه كيف راحت عن بالي .....
اكيرا يتنفس براحه : اوووه حرام عليك روعتني مره ثانيه لا تطلّع علي اشاعات ...
وبدو يضحكون ....
آيا قرّبت جيمس جنبها : طيب انت كيف تعرف اكيرا ؟؟
جيمس : نسيتي اني مره قلت لك اني اعرف واحد ياباني ؟؟
آيا لما تذكرت كلامه واللي سمعته على طول التفتت على اكيرا ....
اكيرا يناظرها : فيه شيء ؟؟
آيا بحب : صار انت ؟؟
اكيرا متعجب من رده فعها : وشو ؟
آيا وقفت وعلى وجهها ابتسامه توجهت للنهر وبصوت عالي : (Akira daiski ) .....
اكيرا تذكّر انه قال هالكلمة بنفس الطريقه ....
اكيرا : آيا انتي ...؟؟
ايا التفتت عليه وهي على نفس ابتسامتها : علمني جيمس ...
جيمس : وشو ؟؟انتي قلتي الكلمه خطأ .... هي بس ( daiski )
آيا تقرب لجيمس : انا تو قلت احبك اكيرا ....
جيمس : اهااا ....
آيا طبعت قبله على خد جيمس : ( jems daiski ) ..... يعني احبك يا جيمس ....
الولد ابتسم باحراج ...
اندو بغيره : وانا ...؟؟ متى يجي دوري ما بقى غيري ....
آيا تغمز له وهي تضحك : هههه خلها لما يروح اكيرا ....
اكيرا ناظرها بصدمه : يا المخادعين ...
والكل : هههههههه .....
وبعد شوي جت ام جيمس .. وودعهم وراح .....
اكيرا يتكلم مع اندو : يعني بتروح بكره ؟؟
اندو بجديه : ايه ... لازم ارجع .....
اكيرا متفهم : طيب بدل ما تاخذ لك فندق يوم واحد ما يسوى تعال نوم عندي اليوم ...
اندو : ما يحتاج ..
اكيرا ماصرار : انا ابيك تجي ... تعال ما علي منك ....
اندو ابتسم : طيب وما يكون خاطرك الا طيب ...
شوي والتفت اكيرا على آيا بحب...
آيا : وش فيك تناظرني كذا ؟؟
اكيرا يقرب منها ويمسك يدها ويوقف ويوقفها معه : آيا ...
آيا وقفت معه بكل براءة : فيه شيء .....
اكيرا حط يده على خدها ..
آيا حست بشيء : اكيرا ؟؟
اكيرا بعالم ثاني عالم مافيه الا هو وهي بس : تسمحين لي اني اضمك ؟؟
آيا انحرجت هي موافقه بس صعب عليها تقول ايه عادي مع ان عيونها نطقت بدل شفايفها: ........
اندو حس انه غلط وموقعه غلط وهو يدري بولد عمه اذا صار بعالمه الثاني ينسى اللي حوله فمن الربكه ما عرف ايش يسوي بس المهم يصرف نفسه باللحظه ....
اندو : احم احم .. انا بروح لدوره المياه شوي ...
ويقوم اندو وهو مبتسم ويسرع يبي يبعد قد ما يقدر.....
اما اكيرا فقرى الكلام اللي بعيون آيا وقرب منها وضمها لصدره بكل قوته ..
اكيرا مو مصدق : ابي احس اني مو في حلم .... شكرا آيا انك جيتي عندي شكرا انك انتظرتيني ....
آيا غمضت عيونها وابتسمت برضا ..من زمان كانت تستنى هاللحظه..
ثم دق جوال اكيرا ... بـّعد اكيرا عن آيا وبغضب فتح الجوال ....
اكيرا معصب : يااااه يحبون يقطعون علي .....
آيا نزلت راسها باحراج: ......
اكيرا رفع السماعه..
اكيرا بقهر : نعم.. ايه خلصتها .... طيب شوي وانا جاي ...
سكّر الجوال .....
اكيرا متنرفز : لازم الحين اروح يا قلبي .... بيننا اتصال طيب ... ؟
آيا هزت راسها مع انها كانت منقهره من الاتصال اللي خرب عليها : طيب..
اكيرا مد يده لها : عطيني جوالك ...
تمد آيا له جوالها .... ياخذه ويكتب رقم جواله ....
اكيرا : ابغى اكون اول رقم في القائمة ....
آيا ابتسمت : وانا بعد ابي اكون اول وحده في قائمتك .....
اكيرا قرب منها وطبع قبله على خدها : اكيد ...
حط يده على راسها ويداعبه ....
اكيرا : مع السلامة يا حبي ....
آيا مستانسه من جوا بس ظاهرها الاحراج ماليها من اولها لآخرها : مع السلامة ...
يروح اكيرا وهو يركض ..... وآيا تناظره لين اختفى عن انظارها وركب سيارته وانطلق ......
رجعت لجوالها وكتبت بدال اسم اكيرا .... " توأم روحي " ....
آيا : كنت افكر كثير اني احطك توأم روحي في جوالي ....
سمعت صوت من وراها : مين هذا ؟؟
آيا رجفت من الخوف والتفتت وشافته : اندو خوفتني انت متى جيت ؟؟
اندو كان حاس برجفتها بس ما وضح : رحت اشتري لنفسي عصير من هناك ورجعت ....
آيا ناظرته بطرف عين : وليش ما شريت لي ولا مالي رب..
اندو ضاع مايدري وش يقول اصلا هو ماكان حاط في باله يشتري شيء بس عشان يصرف نفسه عنهم : اوه هه لا قلت اجيبلك واخيرّك احترت اجيب لك أي طعم هه .. الا وين اكيرا ما اشوفه ؟؟
آيا ابتسمت لما جاء طاريه : ايه راح قبل شوي ...
اندو كأنه تذكر : آه تعالي مين توام روحك اللي تو تتكلمين عنه ما فهمته ...
اندو رجع لسالفة الجوال هو كان عارف هي عن مين تتكلم لكن يبي يسمعها منها..
آيا ضحكت وببراءة : هذا اكيرا سميته كذا في جوالي عشان لما يتصل علي يطلع لي " توام روحي يتصل بك " .....
اندو ابتسم : حركه ..... طيب انا وش سميتيني في جوالك ؟؟
آيا بصراحه : " اندو " ....
اندو استغرب : بس كذا ساده ؟؟
آيا انحرجت : اهه..انا لما سميتك ماكنت حاطه في بالي شيء .. يالله قلي وش تبيني اسميك وانا اغيره ؟؟
اندو بتلقائيه : " افضل شاعر " ......
آيا ابتسمت : ههههههههه حلوه .....
اندو حس انه غبي : امزح امزح خليني اندو اصرف ....
آيا مسكت جوالها وغيرت اسمه الى افضل شاعر ..ووجهت شاشة الجوال له: شف غيرت اسمك لافضل شاعر وتستاهل احسن من هاللقب..
اندو حس انه تدخل في شيء ما يعنيه وانحرج من حركتها ما قدر غير انه يرسم ابتسامه على شفاته..
آيا دخلّت جوالها في شنطتها وبتفكير: اممم وش نسوي الحين ؟؟
اندو يفكر : امم مدري ... بس خلينا نروح نشتريلك عصير وبعدها نفكر..
آيا تذكرت انها عاتبته ليش ما شرى لها عصير وانحرجت ان لازال حاط في باله كلامها..
قالت بتصرف الموضوع : متى بتروح عملك ؟؟
اندو : بعد العصر ...
آيا بانتعاش : طيب خلينا نتمشى في حديقه زهور او أي شيء ......
اندو بتفكير : انا ما اعرف أي مكان هنا .... لكن خلينا نمشي ونتفرج .....
ثم يروحون ويتمشون بدون غاية .....
يجلسون في مكان هادئ ويتفرجون على الناس ...
آيا بتردد : اندو ...
اندو التفت عليها : نعم ....
آيا لما شافت وجهه : لا لا خلاص ...
اندو بهدوء : من جيتي وانا عارف ان عندك كلام تبين تقولينه...... اذا كان عندك شيء قوليه لانك ما راح تشوفيني بكره .....
آيا تناظر قدامها : الصراحة .... انا خايفه ....
اندو متعجب : خايفه ؟؟ من ايش ؟؟
آيا بخوف : ما اعرف .... لكن اندو انت شخص اثق فيه عشان كذا ودي اقول لك ...
اندو ناظرها وعيونه تقول تكلمي وانا اسمعك ..
آيا تشجعت : اندو انت في صفي ؟؟
اندو هز راسه : اكيد ......
آيا تناظر في يدينها : يمكن يكون شيء غريب .... لكن الزمن يعيد نفسه .....
اندو باهتمام: كيف ؟؟
آيا التفتت عليه : انا كنت اكتب مذكراتي وامي ما كانت تعرف وش اكتب .... لكن قبل ايام امي عرفت كل شيء .... وتفاجئت كثير باللي مريت عليه .... اسمع يا اندو هذي القصة طويله لكن انا اعرف انها حقيقيه ومستحيل امي تألف هذا الشيء .......
بدت آيا تسرد كل القصة واندو صامت بس يسمعها .....
آيا بضيق : وعشان كذا هو يكرهني ...
اندو بدهشة : كيف يصير هذا الشيء .... عمي ... ما توقعت ابدا .....
آيا معبسه : انا نفسك مستغربه و خايفة ... خايفه كثير اندو ....
اندو يحاول يخفف عليها ويحسسها بالامان : آيا الحقيقه لازم تطلع ..... مو اذا صار مخدوع يتدّخل في حياتك بهالشكل .... آيا ... لا تخافين من شيء ... عيشي هالسنة واللي بعدها مع اكيرا ... تطمني ... انا راح ادور على الحقيقه ... وراح اثبت هذا الشيء ... آيا اكيرا يثق فيك .... وحتى لو يجي هذا الشيء في باله ... اعتمدي علي ... انا في صفك .....
آيا بدت تتحجر الدموع في عيونها : اندو ...... شكرا .. اشكرك من قلبي .... ما تعرف قد ايش تريحني بكلامك ....
اندو ابتسم في وجهها ... انتهى حديثهم .... طلعو الاثنين وتوجهو للمطعم تعشو واستانسو وبعدها وصّل اندو آيا للفندق اللي بتسكن فيه وراح توجه لبيت اكيرا ونام عنده ومن بكره راحو اكيرا وآيا للمطار مع اندو عشان يودعونه ... انطلق راجع لليابان .... مرت حياتهم سريعه يملاها الوناسه وتجتمع آيا بأكيرا متى ما حصل لاحد الاثنين الوقت المناسب ..
وبعد نصف سنة ......

آيا جالسة على مكتبها فاتحه دفتر يومايتها وتكتب ..... [ يااااه 6 شهور من وصولي لبريطانيا ...... في الفتره اللي عدّت حصلت اشياء كانت سرييييعة ..... كثير كنت اكلم اهلي لكن في الفتره الاخيره بدت تقل اتصالاتي والسبب اني الحين اُعتبر في السنة الاخيره عشان كذا يخلون الطلاب المبتعثين متدربين في مستشفيات مختاره عن طريق الجامعه نفسها فيقسمون الطلاب عشان يتعودين على العمل في المستشفى .. في ايام الاجازات اتقابل انا واكيرا كثير ... الحين صرت آخذ مناوبه في ايام الاجازة ....]
تجي دكتوره ... وتشوف آيا جالسه على المكتب ...
الدكتوره : آيا ؟؟
آيا انتبهت وبكل خوف سكرت الدفتر اللي بين يدينها ووقفت : نعم ....
الدكتوره باستجواب : وش قاعده تسوين ...؟؟
آيا تصرف : كنت .. كنت اتأكد من حالة المريض في غرفه 204 ....
الدكتوره رافعه حاجب : وش كانت حالته ؟؟
آيا بارتباك : آآه .... هو اللي كان عنده ورم في الدماغ واستئص منه قبل ثلاث ايام على يد الدكتور "ديفيد " ...
الدكتوره باهتمام : استقرت حالته بعد العملية ؟؟
آيا بهدوء : ايه كل شيء رجع طبيعي وانا الحين اتأكد متى راح يصرح له بالخروج ....
الدكتوره تهز راسها : الحمد الله ... طيب مريضك اللي في الغرفه 72 ...
آيا تتكلم وهي ترتب دفترها وتسكر قلمها : ما بعد استقرت حالته لذيك الدرجه .... لكن في حالة تحسن ...
الدكتوره بامر : روحي الحين وقيسي درجة حراره ...
آيا من جوا فايره من العصبيه : وهذي وش تبي ناشبه لي الله يصبرني عليها ..
تناظرها بهدون عكس اللي تحس فيه : قستها قبل 30 ثانية ...
الدكتوره بصرامه : حالته يمكن تتغير ما بين ثانيتين لازم ما تتجاهلينه ...
آيا وصل عندها الضغط h بس تسوي نفسها طبيعيه : آسفه راح انتبه اكثر .....
الدكتوره بامر : يالله روحي الحين وشوفيه ...
آيا في داخلها : الله يفكني منك عاجل ان كانك ما تخليني ارتاح يالبثره..
ابتسمت لها : حاضر ..
مشت آيا بتطلع تعاين المريض استوقفتها الدكتوره ....
الدكتوره : لحظة .... وين الطبيب ياجيما ؟؟
آيا تكلم بدون نفس ملت منها ومن استجوابها واوامرها : اعتقد انه الحين في غرفة العمليات مع الدكتور ديفيد .....
الدكتوره : اها فهمت .... يالله روحي لشغلك ...
آيا تهز راسها : طيب ....
وفي قلبها تقول : الله يعجّل بيومك ..
طلعت آيا وهي تمشي متجهه للمريض ...
آيا بكل تذمر تتكلم بصوت شبه مسموع : يالله روحي لشغلك ... يا ثقل دمك .. سبحان الله ما تواطن تشوف المتدربين ابدا جالسين .... يا حبها تكرفهم .. اففف مليت منها ومن اوامرها ..
تروح آيا وتدخل على المريض وتقيس حرارته ...
آيا تناظر المقياس وقالت بعصبيه : نفس الشيء ما تغير ... بس تبي تشغلني بأي طريقه ..
تلتفت على المريض وتشوفه مسكر عيونه ولا داري عن احد ابتسمت فرحه لتحسن حالته وراحمته في نفس الوقت .....
آيا بقلب عطوف : تحسنت حالتك كثير اتمنى تصحى بسرعه وترجع لاهلك عاجلا ...
رجعت آيا لغرفتها وجلست على مكتبها وفتحت دفتر مذكراتها ومسكت القلم : [ الدكتوره ثقيله الدم "كرستينا" اكثر دكتوره اكرهها لانها متسلطه بشكل على المتدربين وتكرههم والمشكله الاكثر انها المشرفه علينا ... ومتسلطه اكثر علي ... تعرفون ليه ؟؟ لاني اول ما دخلت هنا كان في غرفة العمليات حاله وكان المريض مليان دم لانه كانت حادث سياره ... انا اول مره اشوف هالشكل المرعب ... فلما شفته كيف يرتجف قدامي اغمى علي في الغرفه وعلى قولتها صرت عائق لانهم انشغلو فيني شوي ... من ذاك اليوم وهي ماسكه علي هالاغماء ... انا الحين تعودت على العمل وعلى الحالات اللي تجي كل خمس دقائق وعلى كذا هي ما تثق فيني مع اني انجز كل شيء في وقته ... ايه صح ما علمتكم عن المتدريبن اللي معي ..... بعد تقسيمنا صرنا 7 متدربين ... انا و"ياجيما" وهذا ياباني مثلي وكنا مع بعض في الجامعه يوم كنا في اليابان ... نبيه وينجز كل شيء باخلاص وبسرعه يتعلم و"هيلين وجون " هذولا بريطانيين حليوين مره .... لكن عايشين عالمهم الخاص لانهم يحبون بعض من كنا في الجامعه ... و"آفريل " هذي امريكيه امها بريطانيه ما احبها كثير لانها مره مغروره وشايفه نفسها ... و " جاك " هذا استرالي .. يا حبيله مره طيوب ودائما يساعدني في اللي ما اعرفه ... "معاذ " هذا عربي من السعودية ... شاب خلوق وملتزم كثير بعمله وصديقه المقرب لــ " جاك " ... هذولا هم المتدربين ... طبعا احنا يا المتدربين ننقسم تحت مشرفين خاصين بنا ... بما اننا سبعه فكان تقسيمنا صعب .... صرت انا وآفريل و جون مع بعض تحت يد الدكتوره "كرستينا " اما الباقي تحت يد الدكتور " ديفيد " ... ياه يا حظهم ليتني تحت يده على الاقل ما يكره الطلاب مثل هالعقده اللي فوق راسي ... لكن بعد فتره راح يتغير الترتيب عشان تزيد المعرفه عندنا .... كلنا راح نصير جراحين .... لكن لازم نثبت جدارتنا عشان ننجح ...... ] ....
دخل ياجيما وجلس على مكتبه ....
آيا انتبهت له فسكرت دفترها بكل هدوء..
ياجيما : بكره علي انا وياك المناوبه ....
آيا بصدمه : بكره ؟؟
ياجيما يهز راسه : يس ...
آيا متفاجأه ومتضايقه : لا كيف ؟!!! بكره يوم الفلنتاين ..... آآآآآآآآآآآه
ياجيما يضحك ضحكة بسيطه : ناويه تسوين شيء لصديقك هذا اللي يجي ياخذك ايام الاجازات ؟؟
آيا نزلت راسها بحزن : أيــــه ..... يااااه وش اسوي ودي اطلع انا وياه بكره .......
ياجيما يحاول يعطيها حلول : طيب تبادلي مع احد الاطباء ...
آيا ناظرته بيأس : ومن بيتخلى عن هاليوم ويعطيني اياه الكل يتمناه وينتظره.....
ياجيما ماوده انها تيأس لانها ما تستاهل حبوبه : طيب جربي انتي وش خسرانه ...
آيا ما ودها تتعب نفسها وهي عارفه الجواب : لا خلاص راح اعتذر من اكيرا ....
ياجيما يبي يساعدها تنرّحم : مو كل يوم يوم الحب .. صدقيني يا " معاذ " او " جاك " راح يبادلك لاننا اليوم نحكي وقالو انهم ما عندهم شيء يسوونه بكره ....
آيا بدى يصير فيها امل : تعتقد انهم بيبادلوني ؟؟
ياجيما تكتف وبتفكير : ما راح نعرف الجواب الا لما تسألينهم .....
آيا تهز راسها بحماس: صادق ما راح يضرني ....
توقف آيا : طيب تعرف وينهم فيه ؟
ياجيما ابتسم على حماسها : تلاقينهم في غرفه الاشعه الصوتيه ..
تروح آيا وهي تركض متجهه لغرفه الاشعه الصوتيه ..
تطق الباب وتدخل راسها شافتهم مركزين في عملهم ....
آيا في نفسها : يااه ما ابي اقطع عليهم عملهم كذا .... راح انتظر لين يخلصون ثم اقول لهم ....
تطلع آيا بكل هدوء وسكرت الباب بعدها ...
ثم يرن منبهها يعني فيه حاله جت الحين ... تروح آيا وهي تركض وتنزل مع " هيلين " ويستقبلون الحالة ... يدخلون المريض لغرفه العمليات ..
آيا : حالته ؟؟
الممرضة : وصلت لنا انه طاح من الدور الثالث ... العمر 24 ...
آيا : مكان الاصابة ؟؟
الممرضة : الكتف والرجل اليسرى ....
الدكتور ديفيد : راح اترك لكم هذي الحاله ....
آيا وهيلين : احنا ؟!!
الدكتور: من متى وانتم هنا ما بعد تمرستو ؟؟
هيلين : لكنـ...
آيا : لحظة ! ما ينفع نتعجل كذا .... احنا من دخلنا هنا بس كنا مساعدين ....
الدكتور ديفيد : والى متى تبين تكونين مساعده ... حاله مثل هذي ما تقدرين تسعفينها ...؟؟
آيا بلعت ريقها وبخوف : راح نحاول .... لكن اتمنى تشوف عملنا ....
الدكتور ديفيد : يالله استعدو بالعمليه ...
آيا تلبس الكمامه وفي نفسها : هذي المره الاولى اللي اعمل فيها عمليه ...... اتمنى من اعماق قلبي اني انجح ....
في اليابان :.
اندو جالس في مكتبه ويتصفح بعض الاوراق .... سكّر الاوراق وحط يده على دقنه ...
اندو في نفسه : من اول ما قالتلي آيا عن موضوع عمي وامها وانا ابحث عن الماضي المخفي وما بعد لقيته ... بحثت في كل مكان ... مستحيل ما يكون على الاقل ورقه وحده كدليل ... قهر مستحيل ..... انا لازم القى هذا الشيء انا وعدت آيا اني اساعدها ....
تدخل ماري عليه وهو غارق في التفكير ....
ماري : في مين تفكر ؟؟ انا ؟؟
اندو انتبه لها : شلون عرفتي يا شريره ...
ماري ابتسمت : انتهى الدوام لين متى تبي تجلس هنا ؟؟
اندو ابتسم لها ووقف : توني خلصت ...
ماري بابتسامه : اش رايك نتغدا برا..
اندو قرب منها : تفضلي انا ماعندي مانع ..
ضحكت وطلعو يتغدون ..
اندو مل من التفكير : ماري ...
ماري ترفع راسها : نعم ..
اندو بجديه : تقدرين تساعديني ...
ماري باهتمام : اساعدك ؟؟ في ايش ؟؟
اندو بضيق : انا وعدت شخص بشيء لكن عجزت وانا ابحث عشانه ولا قدرت القى اللي محتاجه .....
ماري حست ان السالفه قويه فتحمست : اندو وضّح لي لاني ما فهمت ......
اندو ناظرها بعين قويه : ماري ... هذا شيء ابغاه يكون سري ....
ماري بدت تحس بخوف وارتباك ....
اندو بخوف : ماري .... راح تساعديني ؟؟
ماري هزت راسها بالموافقه وهي تبلع ريقها لا ارادي : راح اساعدك ....
اندو ارتاح من ردها لانه كان يبغاها توافق ابتسم لها : اجل اسمعيني ... راح اقول لك بعض الاشياء وابيك تسوينها ..... لكن لازم تكونين حذرة في كل شيء ...
ماري هزت راسها يعني تكلم وانا بنفذ..بدا اندو يقول لها عن خطته ....

ماري بتردد : اندو ..... مو هذا الشيء ....
اندو يقاطعها : اعرف ... لكن لازم تبحثين لي في ملفات مكتب جدك ...
ماري بدت تخاف : لكن اخاف يمنعوني ...
اندو برجاء : حاولي ... ارجوك يا ماري ...
ماري متفاجئة من ترجي اندو لها لاول مره و اصراره على هالموضوع ...
اندو يكلمها وهو مهتم : ماري .... هذا الشيء مهم ... لازم لازم تبحثين عنه .....
ماري من جوا تقول تامر أمر لكن فيها خوف بس عشانه راح تعمل المستحيل .. ابتسمت : طيب ... راح احاول .... ان شاء الله ما راح افشل ...
اندو ارتاح وتسند عل الكرسي : ريحتيني الله يريحك .. خلاص اليوم شوفي كيف الاحوال وبعدها ابدي ..
ماري جتها رحمه له من كلمته حست انها سوت شيء كبير بالنسبه له بس فيه حاجه ودها تعرفها : طيب...... لكن اندو ...
اندو باهتمام : وشو ؟؟
ماري بفضول : من هذا الشخص ؟؟ اعرفه ؟؟
اندو يتكلم بدون ما يحط عينه عليها : صديق مهم بالنسبة لي .... وانا وعدته .... عشان كذا انا ابي اوفي بوعدي له ....
ماري تشوف تصرفاته وكيف انه ما حط عينه بعينها : صديق تحبه ؟
اندو تفاجأ او بمعنى انصدم ما توقع يطلع هالسؤال ولا كان يبي يطلع منها فكان الرد اللي طلعه : هاه
ماري ابتسمت ابتسامه تخفي وراها غيره وضيق فنطق لسانها باللي في قلبها قبل لا تفكر فيه بعقل : انا احسده ... لاني من نظراتك قدرت اعرف انك تحبه بشكل كبير ..
اندو نزل راسه ما يقدر ينفي وما يدري كيف يطلع من هالمأزق فرد بسرعه مازح : ماري .. لا تصيرين كذا غيوره ...
ماري انحرجت وبنفس الوقت عبرت عن احساسها : اكيد راح اصير غيوره لاني ابي اندو بس لي ...
اندو ابتسم في وجهها...
عند آيا :.
تطلع آيا من غرفة العمليات وهي قاعده تكلم هيلين ....
آيا طايره من الفرحه : هيلين ... نجحنا نجحنا ...... يااااااااااااااااه وناسه ....
هيلين : الحاله كانت سهله ... لا تفرحين بزياده .......
آيا بابتسامه: بس مو المهم انه تعالج على يدينا ... المهم اننا قدرنا ننقذ روح ..
هيلين بدهشه : انتي تفكرين بشكل غريب ...
يطلع وراهم الدكتور ديفيد : تفكيرك رائع يا آيا ...
آيا وهيلين انتبهو له ...
آيا بكل احراج : شكرا لك دكتور .... اتمنى يكون عملنا ..
ويقطع الدكتور ديفيد كلامها : اثبتو قدرتكم في الحالات الصعبة .... في ذاك الوقت راح اثق في قدراتكم ....
ويروح الدكتور ويخليهم ....
آيا : الدكتور ديفيد شخص رائع ....
هيلين : انتي تعجبين بكل الناس ....
آيا بصدق: بالله عليك ما يستحق الاعجاب متفهم ومهتم ويحب يشجعنا..
هيلين تتمغط : آآآآه احس بعد العمليه ودي استريح ..يالله آيا بروح لمكتبي اتمدد شوي ..
آيا لا زالت سعيده : روحي يا حلوه وتمددي ..
راحت هيلين لمكتبها وجلست آيا على اقرب كرسي تراجع اللي عملته قبل شوي فوقفت وصارت تناقز من الفرحه: سويتها سويتها سويتها .. فجأه تذكرت حاجه : يؤ كيف نسيت .. المناوبة !!
وتروح آيا وهي تركض لغرفة الاشعة الصوتية .. تطل ولا تلقى احد ....
آيا : لاااااا مستحيل ... وين راحو .....
جاك من وراها : مين اللي راحو ؟؟
آيا التفت عليه : جاك ؟؟
جاك مبتسم : مبروك قبل شوي قابلت هيلين وقالت انكم نجحتو في العملية ....
آيا تهز راسها وبسمتها المحرجه على شفايفها : انت سبقتنا يا جاك .... بس الحين عرفت كيف يكون شعور الشخص لما يعمل عملية على يده ...
جال حط يده على كتفها : ابذلي جهدك ....
آيا هزت راسها وابتسمت .. بعدين تلفتت : وين معاذ ما اشوفه معك ؟؟
جاك : فيه انفلونزا وطلع مبكر ....
آيا رحمته : والله ؟؟
جاك : وش عندك معه .. تبين اقوله شيء ؟؟
آيا تهز راسها بالنفي : لا بس امم جاك عندك شيء بكره ؟؟
جاك بتفكير : اممم لا ...
آيا بتردد : امم اذا قدرت ....
جاك : وش فيك ليه متردده ؟
آيا نزلت راسها منحرجه : انا بكره ... عندي مناوبة ... وبكره يوم الفلنتاين و
جاك ابتسم وفهم وش تبي فقاطعها : راح آخذها عنك ..
آيا رفعت راسها بفرحه : والله ؟؟
جاك هز راسه : ايه انا ما عندي شيء اسويه ... وانتي دائماً مساعده لي ... ابي ارد لك المعروف ..
آيا بامتنان : شكراً جاااك والله ما ادري كيف اشكرك ....
جاك ابتسم في وجهها : ما يحتاج احنا اصدقاء ما بينا شكر .. يالله روحي بدلي المناوبات ....
آيا بكل رضا : طيب ...
وتروح آيا وهي تركض والسعاده لا تسعها ....
بعد شوي آيا قعده على مكتبها وتكلم اكيرا بالجوال ...
آيا : ما تصدق كيف قدرت اغير المناوبه كل هذا عشان بكره ..
اكيرا : ههههههه اتخيل يكون بكره عندك مناوبه والله لاجي عندك في مكان مناوبتك انا ما ابي اضيّع هذا اليوم ..
آيا ضحكت : ههههههه اتخيل وانا عشان هذا اليوم بالنسبة لي كل شيء سويت اللي سويته..
اكيرا : طيب وين تبينا نتقابل ؟؟
آيا بحالميه: أي مكان تحب ..
اكيرا يفكر : اممم رحنا كل الاماكن ما بقى شيء ما دخلناه ...
آيا ما تحملت فضحكت : هههههه لاتصير مبالغ بقوه .. فيه مكان واحد ....
اكيرا بحماس: وشو ؟؟
آيا تضيعه : ابحث لي عن اعلى مكان في المدينه وابيه يكون مطل على المدينه كلها .....
اكيرا قطب حاجبينه : آيا والله ما عندك سالفه هذا المكان في اليابان ... مو هنا .....
آيا بدلع : ما علي منك دور عليه .... من الحين لبكره فيه وقت للبحث..
اكيرا : الله يعين ....
آيا بتعصيبه: اكيراا..
اكيرا بسرعه رد: طيب طيب بروح ادور عليه يالله مع السلامه..
ابتسمت آيا وودعته سكرت السماعه وضمت جوالها : احبك ياتوأم روحي ..
في اليابان :.
الابو جالس وماسك بعض الصور ..
الابو وهو يضغط على الصور اللي بيده من العصبيه : لحقته هناك ؟؟ قدرت تلعب و تخدعنا للمره الثانية ....
السكرتير واقف بخوف من منظر الاب : وش تبيني اسوي ؟؟
الابو بقرار مفاجئ : بكره انا بروح لبريطانيا جهزو الطياره الساعة 7 الصباح .....
السكرتير بتردد : لكنـ...
الابو يقاطعه بصراخ : سو اللي قلت لك عليه بدون كلمة لكن ..
السكرتير هز راسها بخوف: ان شاء الله ..
الابو : يالله روح لعملك ....
طلع السكرتير وقعد الابو يشوف الصور اللي فيها آيا معها اكيرا في بريطانيا ....
الابو يدور في الغرفه من الغضب مو قادر يقعد على اعصابه : كان لازم ما اغفل عنها ولا لحظة ...


ينتهي البارت الى هنا
....... ونلقاكم الجزء القادم ......

اريد ان تكون هكذا للابد .... (( الفصل الرابع عشر – الجزء 2 ))

في بيت ماري..
جالسة حاطه رجل على رجل وتناظر في امها ::
ماري بتردد : ماما ...
الام تلتفت لبنتها : نعم حبيبتي ....
ماري بضيق : ابغى ادخل مكتب جدي ... ليش ابوي مقفل عليه ....
الام بابتسامه : لان يا قلبي كل الاشياء اللي فيه تخص العمل .. وابوك يحافظ عليه بهالطريقه .....
ماري تقرب وتجلس جنب امها برجاء : لكن ودي اشوف شكل مكتب جدي .. ودي ادخله ولو شوي ....
الام تمسك يدها وبحنان قالت: ووش عندك فيه ... زي أي مكتب ما فيه شيء يذكر ..
ماري ضغطت على يد امها : الله يخليك ماما اذا كنتي تعرفين وين المفتاح عطيني اياه ودي ادخل واشوفه ....
الام رحمت بنتها وحست ان السالفه ما تستاهل : طيب انا اعرف وين المفتاح فيه ..
الام بتحذير : لكن هااه ...
ماري بحماس : وشو ؟
الام تقرص ماري مع خشمها : يا ويلك لو درا ابوك اني عطيتك المفتاح ...
ماري تهز راسها وهي تمسح خشمها برضا : حااااااااضر ما راح اخليه يدري يا الغاليه ...
الام ضحكت لطفولية بنتها : هههه طيب انتظري شوي بروح اجيبه ...
ماري ابتسمت : طيب ..
وقفت الام و صعدت الدرج قامت ماري خلفها ومشيت شوي شوي عشان ما تدري عنها ....
توجهت الام لغرفتها وفتحت الباب ودخلت لحقتها ماري وسندت رجلها عشان ما يتسكر الباب ... دخلت راسها بكل حذر تبغى تشوف امها من وين راح تجيب المفتاح .... شافت المكان ولما تأكدت من موقعه رجعت للصاله وهي تركض وقعدت كأنها تنتظر امها .... رجعت الام لماري وعطتها المفتاح ...
الام بتحذير : اسمعي انا الحين بروح آخذ دش لما اطلع اطلعي انتي بعد من مكتب جدك .. طيب ؟
ماري بابتسامة : طيب ...
راحت الام لغرفتها وماري ما صدقت من الفرحة راحت وفتحت الغرفه شافت عالم آخر ما كأن هالمكان في بيتهم ... مكتبه كبيــــــره مليانه من الكتب .... ومكتب جدها موجود في آخر الغرفه .....
ماري بتورط : يا الله وش هذا ؟ كيف راح القى ملف في هالمكان ... ما يكفيني هالوقت البسيط ....
وتروح لمكتب جدها تحط يدها على المكتب ... ترجع يدها وتشوفها ....
ماري : شيء غريب ليه المكتب ما غبّر ... هذا المكان فيه احد يعتني فيه انا متأكده من هالشيء ....
تروح ماري بسرعه وتطلع وتشوف خادمتين قريبين من الغرفه ...... تروح ماري لهم ....
ماري : ممكن اسأل ...
الخادمة : تفضلي آنستي ....
ماري : مين اللي ينظف هالغرفة ؟؟
الخادمتين ناظرو في بعض ...
ماري تناظرهم وهي مستغربه ردة الفعل ....
ماري : قلت .. مين اللي ينظف هالغرفة ؟؟
الخادمة : مو احنا ...
ماري : انا ما قلت انكم انتو ..... قولو لي مين هو ؟؟
يجي رئيس الخدم : انا اللي انظفها يا آنسة ماري ....
(( هو نفسه الخادم اللي كان يتكلم معه اكيرا من زمان ))
ماري متعجبة : انت ؟!
رئيس الخدم : اكيد راح اكون انا ... هذي الغرفة من اهم الاسرار في هذا البيت ... مو أي خادم يدخلها ...
ماري : آها .....
رئيس الخدم يلتفت على الخادمتين : روحو لشغلكم ....
يروحون الخادمات ....
رئيس الخدم : تبين شيء من الغرفة ؟؟
ماري : ابي املك مفتاحها .....
رئيس الخدم باستفهام : لاي غرض ؟؟
ماري : فيه شيء مهم ابي ابحث عنه في هالغرفة ....
رئيس الخدم : انا اعرف كل محتويات الغرفة .... وش تبين بالضبط وانا اطلعه لك ....
ماري : راح تعطيني اللي اطلبه ...؟؟
رئيس الخدم : اذا كان هذا الشيء اقدر اعطيك اياه .....
ماري : انا ما اعرف وش الملف اللي ابيه ... انا ابي ابحث عن كلمه في الغرفه ....
رئيس الخدم : انا اشتغل في هالبيت اكثر من 30 سنه واعرف كل كلمة مكتوبه في هالمكتبه ....
ماري ابتسمت : هذا الشيء يريحني كثـــير ..... لكن اتمنى انك تكون..
رئيس الخدم : تعتقدين اني راح اكذب عليك ؟؟
ماري : لا ما اقصد كذا .. انا اقصـ...
رئيس الخدم : قولي لي اللي تبينه وانا اعطيك اياه الحين ....
ماري : انا ما اعرف وش ابي بالضبط .... لان هذا الشيء يبيه شخص ثاني ....
رئيس الخدم : من هو ؟؟
ماري : اندو ...
رئيس الخدم : اندو مو غريب ..... يقدر يجي هنا ويقول وش يبي ..... اذا كان له حاجة عندي يجي بنفسه ويقول لي .... لا يرسلك ....
ماري : اوكي .... راح اقول له ...
رئيس الخدم : تبين شيء ثاني ؟؟
ماري : الكلام اللي دار بيني وبينك ما ابيه يطلع لاي احد كان ..... تكفى هذا الشيء سر ....
رئيس الخدم : علم ......
ماري ابتسمت بامتنان : شكرا لك من قلبي ...
رئيس الخدم : انتي تبين تخدمينه باي طريقه ..... تبينه يحبك اكثر واكثر ....
ماري : انا ابي اكون مفيده له ... لاني احبه ...
رئيس الخدم : ما تبين تتأكدين هو وش يبي بالضبط ؟؟
ماري متفاجأه من كلمته : اتأكد ؟؟
رئيس الخدم : اذا جاني وطلب اللي يبيه راح ينتهي الموضوع وفي النهاية انا راح احفظ السر وما راح اقولك ولا هو راح يقولك هو وش كان يبي ..
ماري : انا ما احتاج اني اعرف هو وش يبي وعشان مين ... المهم اني اكون مفيده له ....
رئيس الخدم : ما راح احفظ السر عنك ...
ماري : ليه ؟؟
رئيس الخدم : لازم تعرفين زوجك وش يفكر فيه ...
ماري ابتسمت من كلمة زوجك : طيب اجل اعتمد عليك ... و علمني ....
تروح ماري وتسكر الغرفة وتطلع في الصاله تلتفت وتشوف امها تنزل من الدرج .....
الام : شفتيه ؟؟
ماري مبتسمه : ايه شكرا ماما .....
وتروح تعطي امها المفتاح ...
يدخل الابو توه راجع من الدوام ....
الابو : السلام ...
الام : وعليكم السلام ....
يروح الاب ويصعد فوق وتلحقة الام .....
ترجع ماري لغرفتها تاخذ جوالها وتدق على اندو ....
ماري : الوه ..
اندو : هلا ماري ...
ماري : حصلت عليه ....
اندو : والله ؟؟
ماري تقول له كل شيء ....
اندو : فهمت .... كنت متوقع منه هالشيء ..... والله هالعود مو بسيط ...
ماري : انتهت مهمتي ؟؟
اندو : أيــــه اكيد انتهت ..... شكرا لك ماري ..
ماري ابتسمت : عفوا اندو ..... لكنـ..
اندو : وشو ؟؟
ماري : لا لا ولا شيء ..... يالله مع السلامه ...
اندو : مع السلامه ...
ماري سكرت السماعه ...
ماري : قال انتهت مهمتك شكرا ماري بدون حتى ما يقول يا حبي ...
في غرفة الام والابو ....
الام : بريطانيا ؟؟
الابو : ايه بكره ...
الام : عمل ؟؟
الابو يناظر شوي في الام ثم قال : ايه عمل ...... ومستعجل ...
الابو : بانام شوي صحيني بعد ساعه ...
الام : ان شاء الله ...
طلعت ماري من غرفتها وشافت امها تسكر باب غرفتهم توجهت للدرج بتنزل هي وامها
ماري وعيونها على الغرفه : بابا نام ؟؟
الام تهز راسها : ايه ....
ماري وهي تنزل الدرج : ماما كأن وجهك متغير ؟؟؟ فيك شيء ؟
الام بضيق : ابوك بيروح بكره لبريطانيا عشان العمل ولا اهتم لاكيرا ....
ماري وقفت متفاجأه : بريطانيا ؟؟
الام تكمل نزول : ايه يقول عنده عمل .... ودي اروح معه واشوف اكيرا ..
ماري لحقتها : طيب ليه ما تروحين معه ؟؟
الام وهي تجلس على الكنبه في الصاله : يقول خلاص ما بقى على رجعه اكيرا كثير انتظري لين يرجع ولا تشغلينه عن عمله ....
ماري جلست جنب امها بتفكير في نفسها : اشوا يعني ما اهتم لاكيرا .... اخاف يشوف آيا هناك ... وابوي مانع امي ليه ... الصراحه حرام امي مره مشتاقه له من متى ما شافته ...
تجي لهم الخادمه ومعها صينيه فيها ادوية وكاس مويه ....
الخادمه : سيدتي ... وقت الدواء ...
الام تمد يدها تاخذ منها الحبوب والمويه : شكرا ...
ماري حاطه يدها على ذقنها وهي ما زالت تفكر في نفسها : لحظة ! الحين اندو هو اللي يعرف اذا كان لابوي رحلات لكن كيف ما قال لي ان ابوي بيروح هناك ...

في بريطانيا :.
آيا تطلع من المستشفى بعد ما ظمنت ان جاك بياخذ عنها المناوبه ... تتمشى وتمر من عند محلات تبيع شوكولاته عشان الفلنتاين ...
آيا توقف : ياه وش اسوي لاكيرا ؟؟؟ احس قلب الكل مل منه ... وش اسوي شيء جديد ؟؟ مالي غير راي متخصصه في هالاشياء ...
تروح آيا مسرعه للبيت وتدخل وتبدل ملابسها وتفتح اللابتوب وتفتح المسن .... وتشوف راي اللي دايم حاطه متصل..
بدات المحادثه:.
آيا : هاي
راي : هلا
آيا : حبي انتي مشغوله ؟؟
راي : لا ولا كان ما فتحت المسن ... انتي المفروض الحين في المستشفى ...
آيا : لا خلاص استأذنت عشان الحق عليكم في المسن قبل لا تسكرون ...
راي : لا يونا توها طلعت ... خساره فاتتك ...
آيا : ايه والله خساره
راي : شكل عندك شيء ؟؟
آيا : اكيد
راي : قولي ..
آيا : بكره يوم الفلنتاين وش اسوي لاكيرا من شوكولاته ؟؟
راي : قلب
آيا : لا لا مليت من هالحركه ودي اسوي شيء جديد ...
راي : ما ادري ...
آيا : انتي دائما تحطين لتوما قلب ؟؟
راي : يعني قلب او قلوب واسوي بها حركات ومره باقه ورد وهو بعد يسوي لي حركات ....
آيا : ياي انتم حركات ...
راي : ههههههههه
آيا : طيب عطيني فكره وش اسوي ؟؟
راي : اممم خليني افكر لك ..
آيا : خذي راحتك بس لازم الحين تعطيني ....
راي : شلون آخذ راحتي واعطيك الحين ؟؟
آيا : هههههههههه آسفه بس والله متحمسه
راي : امممم ....
آيا حطت يدها على خدها تنتظر رد راي .... وراي حاطه يدها على ذقنها تفكر ...
آيا : طيب يونا عندها حركات ؟؟
راي : ما ادري عنها ...
آيا : يونا ناعمه ورومانسيه مره .... اكيد بتسوي حركات لسوما
راي : اجل سوما محظوظ بها ؟
آيا : ههههههه لا ما على سوما قاصر مره قالت انه ركبها في سياره كلها ورد ....
راي : ايه تذكرت يا حليلها قالت لي ..
آيا : هاه ما بعد فكرتي في شيء ؟؟
راي : لا توني عجزت اجيب شيء ......
آيا : مالت عليك وانا اقول اكيد راي بتجيبها لي على طول ....
راي : اسكتي يا الدبه والله اني ملكه الرومانسيه لكن انتي ما ادري وش يرضيك ....
آيا : ههههههههه طيب يا ملكه الرومانسيه افيدينا ...
راي : اوكي .... شوفي ..... سوي شوكلاته مثل هذي وترسل لها على الايميل هذي الصوره ....

إضغط هنا لمشاهدة الصوره بحجمها الأصلي 703x467px.

تقبل آيا الصوره .... بعد ما شافت آيا الصوره ....
آيا : وجععععععع تبين اسوي له هالقرف
راي : هههه انتي دكتوره عشان كذا عادي تكون كذا كيكتك .....
آيا : اسكتي وع توني مفتكه من هالماده ... من جد صعبه ...
راي : هههههههه طيب اوكي انتظري عندي كيكه احسن سوي مثلها ....
آيا : اقول لا تكثرين كلام اذا كانت مثل اللي قبلها لا ترسلين ...
راي : هههههه لا لا ثانيه ....
وترسل لها هالصوره :.

إضغط هنا لمشاهدة الصوره بحجمها الأصلي 641x272px.

تقبل آيا الصوره .....
آيا : ايهم ؟؟
راي : الحروف .....
آيا : الله حلوه مره ..... عندك الطريقه ؟؟
راي : ايه .. يعني خلاص بتسوينها ؟؟
آيا : ان شاء الله ....
راي : طيب انتظري شوي بروح اجيب الطريقه واحطها بمفكره وارسلها ....
آيا : طيب انتظرك .....
وتروح راي وتسوي مثل ما قالت وترسل لها وتاخذ آيا الطريقه ....
آيا : شكرا يا حبي انتي ..... كنت عارفه اني ما راح القى احسن منك في هالامور ....
راي : عادي انا في الخدمه يا قلبو ....
آيا : حلوه مره عاجبتني ...
راي : طيب يالله انا باطلع مره تعبانه .... روحي سويها من الحين يالله تخلصين ...
آيا : والله انك صادقه لكن بآخذ غفوه لاني باموت من النوم ... يالله اشوفك على خير ....
راي : باي ....
آيا : ^_^
تطلع آيا من المسن وتسكر الجهاز وتروح تبدل ملابسها وتوقّت الجوال عشان تقوم بعد ساعه ثم تنوم من التعب على طول ......
في اليابان :: عند ماري ::
ماري تتكلم مع اندو بالجوال ....
ماري : عشان العمل ...
اندو : شيء غريب ...
ماري : اندو ... انا اخاف ابوي يشوف آيا مع اكيرا هناك ...
اندو : بروح اتأكد ..
ماري : عن ايش .؟؟
اندو : انا اشك ان عنده عمل في بريطانيا ..
ماري : وش تقصد ؟؟
اندو : ماري راح اتصل عليك بعدين واعلمك .. يالله مع السلامه
ماري : طيب ... مع السلامه
ويسكر السماعه ...
اندو : ما ادري ... لكن احساسي ما يطمئن ....
يقوم اندو ويروح يفتح الملفات اللي اخذها من رئيس الخدم .. ويقعد يتصفحها ....
اندو : لحظه .. !! هذا هو المطلوب ...
يقعد يقرا الملفات ...
بعد ساعه :: بريطانيا ::
الجوال : تييييييييييييييييييب ...... تيييييييييييييييييييييييييييييييييييييب
آيا تغطي نفسها اكثر : خلاص فهمنا
وما زال المنبه يرن ....
تقوم آيا من العصبيه وترمي الجوال على الارض .... ثم تنتبه وتصحى من النوم وتمسكه ....
آيا : يا جنوني بغيت اكسر الجوال من الهباله ...
تلتفت وتشوف الساعه ....
آيا : لازم ابكر وازين البسكويت ....
تقوم آيا وتروح تفتح الجهاز وتطبع المقادير وتروح للسوبر ماركت وتاخذ اللي تحتاجه ترجع للبيت وتدخل المطبخ وتصف كل شيء قدامها ...
آيا : يس .... كل شيء جاهز ..... يالله نبدأ ....
وتسوي آيا البسكويت وياخذ منها وقت طويل .. تدخله للفرن ويدق جوالها .... تروح وتمسكه وتشوف المتصل اكيرا .... ترد
آيا بابتسامه : الوه ....
اكيرا : سلام آيا ...
آيا : هلا ....
اكيرا : انتي في البيت ؟؟
آيا : يس ..
اكيرا : طيب اطلعي برا انا قدام بيتك .....
آيا متفاجأه : الحين ؟
اكيرا : ايه ....
آيا تهز راسها كأنها يشوفها : طيب ..
تسكر السماعه وتروح للفرن و تقصر على درجة الحراره ... فسخت المريله وطلعت له ....
آيا لما شافته غصب ابتسمت : اسفه تأخرت شوي ..
اكيرا يبتسم وواضح عنده كلام : لا لا ما تأخرتي ...
آيا تناظره بتعجب : فيه شيء بتقوله ؟؟
اكيرا ناظرها في عيونها : نومي اليوم مبكره ....
آيا فيها الضحكه من طلبه وبنفس الوقت مستغربه : ليه ؟؟
اكيرا منحرج ومتردد: بكره ابي ... ابيـ... ابي اعيش يومي كامل مع آيا ....
اكيرا يتلفت ما يدري وش يقول ..
اكيرا يلعب برجله : يوم واحد ما ابي افارقك فيه ولا لحظه ...... من شروق شمس اليوم لين اليوم اللي بعده ....
آيا لمعت عيونها قلوب من صراحته ابتسمت ونزلت راسها : طيب .. انا فهمت ... وحتى انا ابي اعيش كل لحظه معك ...
اكيرا رفع راسه يبي يشوف عيونها ولما شافها منزله راسها ابتسم ويحاول يتكيبر وهو متشقق من الفرحه ...
اكيرا : طيب.. نتقابل بكره الساعه 6 قدام المترو ... راح انتظرك لا تتأخرين عشان ما يروح علينا القطار ....
آيا رفعت راسها : طيب راح اكون موجوده ...
اكيرا : يالله مع السلامه ..
آيا : مع السلامه
يروح اكيرا وهو يلوح لها بيده مع السلامه وهي تشوفه وتبتسم ....
ترجع وهي مبتسمه وتروح للفرن عشان تشوف البسكويت .... تفتح الفرن ....
آيا : يس كذا صار جاهز .... ^_^
تطلعه من الفرن وتروح ترسم عليه الاحرف ...
آيا : امممم وش احط ..؟؟ انا آيا وهو اكيرا ... امممم يجمعنا حرف .A. ... A LOVE A اممم لا لا مو حلوه ..... اوكي A ♥A ايه كذا احلى ... اوكي يالله راح ابدا ....
وتبدأ آيا تحط على كل بسكويت الحرفين وبينهم قلب ... ببعض عصارات الوان النكهات ....
في اليابان :: الساعه 7 مساء ::
اندو ما زال يقرا .... شوي ثم وقف عن القراءه وتسند على كرسيه ...
اندو : نفس الشيء ..... جدي سوى شيء فضيع .. والحين عمي يكرره ....
يقوم ويحط الكلف على الطاوله ..
اندو : لحظه ! نسيت اتأكد من العمل اللي بيروح عمي عشانه ...
يقوم من مكانه ويروح ياخذ جواله .... وبعد مكالمه له مع السكرتير الخاص ...
اندو : بيروح بالطياره الخاصه ؟؟
السكرتير : ايه ..
اندو : يعني تقصد ان العمل اللي بيروح له شخصي ؟؟
السكرتير : ايه ... مو عشان العمل ...
اندو : آه ... شكرا ...
السكرتير : في أي وقت ...
يسكر اندو السماعه ويحط يده على وجهه ..
اندو : اكيد عرف .. لازم الحق ...
يقوم من مكانه ويروح وهو يركض للمكتب حقه ... ثم ياخذ مفتاح من درجه لغرفه عمه .. يروح وهو يحاول يفتح الادراج وهي مقفله ...
في بريطانيا :: عند آيا ::
اخذ منها التجميل ساعه الى ان انتهت ... اخذت البسكويت لين جف العصار وبدت تدخلها في علبه مكتوب عليها For You .... تسكر العلبه ...
آيا تمسكها وهي تشوفها ببتسامه شاقه فمها ...
آيا : خلاااااااااااااااااااصت .....

اخذت العلبه و حطتها في كيسه وطلعت حطتها على الطاوله اللي في الصالة ... تصعد فوق لغرفتها وتفتح دولاب الملابس ...
آيا بتفكير : امممممم وش البس ..؟! انا محتاره ...
شافت لها كذا لبس قالت بتطلعهم وتجرب تلبسهم وهي حاطه في بالها لبس يعجب اكيرا و يخليها غير شكل ..
في اليابان :: عند اندو ::
يحاول اندو يبحث عن مفتاح الدرج ولا قدر .. ويتصل على ماري ويتقابلون قدام مبنى العمل ....
ماري : اندو .. وش فيك كذا مستعجل ؟؟
اندو : ماري ... ابي اطلب منك خدمه ....
ماري : قول ...
اندو : اسمعيني زين وطبقي اللي اقوله بالضبط وبحذر ....
ماري بجديه : راح اسوي اللي تقولي عنه ...
في بريطانيا :: عند آيا ::
وهي ما زالت تلبس وتفسخ الى ان حددت اللبس اللي راح تلبسه كان نعوم وحلو ...
آيا تناظر نفسها في المرايه : ياااه انتي مره حلوه يا آيا ..... وي وي يا ملحي ... كلي جاذبيه ..
تلتفت وتشوف الساعه 9 ونص ...
آيا : يوه لازم انوم مبكره .. وراي مشوار الساعه 6 .... تروح وتجهز كل اغراضها عشان ما تنسى شيء وتحطها مع بعض فوق الطاوله ... تروح تغير ملابسها وتفرش اسنانها وتروح تنوم ...
في بيت اكيرا ::
اكيرا منسدح على السرير مستعد للنوم : بكره اهم يوم بحياتي ....
تذكر آيا قبل لحظات وابتسم وسكر عيونه على شكلها و نام ..
في اليابان :: الساعه 5 الفجر ::
اندو واقف قدام بنايه الشركه وتجي له ماري وهي تركض يوقف لما شافها ...
اندو : لقيتيه ؟؟
ماري : ايه ..
وتمد له مفاتيح ..
اندو يبتسم : شكرا ماري ..
ماري : اندو .. ليش طلبت مني اني اجيب مفاتيح ابوي حقت العمل بالخفيه ..
اندو : ماري .. عمي مو رايح عشان العمل .. عشان سبب شخصي ... وعشان اتأكد قلت لك اني ابي اشوف وش وصله عشان يتخذ هالقرار المفاجئ ..
ماري : اوكي خلينا نتأكد بسرعه ..
وهم يمشون متوجهين للمكتب
اندو : كيف قدرتي تاخذين المفاتيح ؟؟
ماري : ابوي بياخذ شور ثم بيروح للمطار وشفته يحط المفاتيح في درجه... لما دخل دخلت واخذتها وجيتك بسرعه ...
اندو : زين .. مع اني قلت لك لما ينوم ...
ماري : ما قدرت ادخل لما كان نايم امي حساسه وعلى طول تحس .. ولازم ادخل لغرفتهم عشان اروح لغرفه المكتب حقت ابوي ...
اندو : كويس ...
ويوصلون للمكتب ويجرب اندو المفاتيح وتنفتح له الدروج ويقعد يشوف الملفات بكل عشوائيه وتطيح من الملف اللي ماسكه صور لـ آيا واكيرا في بريطانيا .... يمسكها اندو ..
اندو متفاجئ : مثل ما توقعت .... !!
تجي له ماري وتناظر في الصور ...
ماري متفاجئه : كيف اكتشف ابوي هالشيء ...
اندو : اكيرا نسى نفسه ولا درى انه مراقب ..... مشكله الوقت تأخر كثير ...
ماري خافت على اخوها وآيا : اندو ... وش راح تسوي ؟؟
اندو بتوتر : ما ادري ..
ماري بضيق تتحجر الدموع في عيونها : ابوي جهز كل شيء وبيروح .. ما راح تقدر توقفه الحين ....
اندو يوقف : مستحيل انا وعدتها وعدتها ومستحيل اني ما اوفي بوعدي .....
تقوم ماري : من وعدت ؟؟
اندو : ماري ... انا راح اروح لبريطانيا ......
ماري : متى ؟!
اندو : الحين .....
ماري : كيف ؟!!
اندو : راح اتصرف ....
ويعطي اندو الملفات لماري .....
اندو : رجعي كل شيء في مكانه وسكري الدروج ..... انا بروح الحين .... ما قدامي وقت طويل ....
ماري تمسك الملفات وتنزل راسها للارض وهي تمسح دموعها : طيب ...
لما جا اندو يطلع شاف ماري وهي تمسح دموعها ... رجع اندو لها ... ومسكها مع كتوفها .....
اندو يناظرها بامتنان : ليش الدموع انا راح اتصرف بس انتي لا تبكين ..
سكت بعدين كمل : عرفت هاللحظه ... انك اكبر كنز ملكته في حياتي ..... ماري .. راح ارجع واوضح لك بعض الامور ....
طلع اندو وهو يركض .. و ماري واقفه في مكانها ....
ماري دموعها نزلت من كلامه لها : اندو هاللحظه قال اني كنز حياته .... اندو .. راح انتظرك لين تحبني باخلاص ....
يروح اندو وهو يركض ويركب سيارته يفتح جواله ويتصل .....
في بريطانيا :: الساعه 6 الا خمس ::
اكيرا واقف قدام المترو ويناظر الساعه ...
اكيرا : وينها بقي خمس دقايق ...
تجي آيا وهي تركض ..
آيا وهي تعبانه من الركض : آسفه اكيرا اذا كنت تأخرت ...
اكيرا : وينك لي ساعه وانا انتظر ...
ترتفع آيا وتشوف ساعتها : بس تونا بقي خمس دقايق ليه جيت مبكر عن الوقت ..
اكيرا ما يعرف كيف يصرف : هو .. قلت .. اني ... ما يهم .... المهم يالله خلينا نروح ..
آيا : وين بنروح الحين ؟؟
اكيرا يمسك يدها : بنروح لـ" قصر ليدز " ....
آيا وهي تتبعه : هاه !! كم تبعد ؟؟
اكيرا بابتسامة: هي عباره عن قصر في وسط بحيره وتبعد عننا ساعتين ....
آيا حست من مكان القصر بالاثاره : الله شكلها حلوه ...
اكيرا يهز راسه ويضغط على يدها : اكيد يالله جاء القطار .....
آيا ابتسمت وهي تتبعه : يالله ...
في اليابان ::
جالس على مكتبه وكل شوي يناظر لجواله وبعد دقائق جاء الفرج برنه معلنه عن وجود خبر ::
اندو رفع السماعه بسرعه وبتوتر : هاه بشر ..؟؟
المتصل بثقه : قدرنا نلقى لك مقعد والطياره راح تنطلق بعد ساعتين من الان ...
اندو بامتنان : شكرا لك كنت اعرف انك الوحيد اللي راح تساعدني في هالشيء ....
المتصل بثقل : احنا في الخدمه ...
اندو : مع السلامه ..
سكر اندو السماعه بارتياح ووقف توجه للدولاب و اخذ له جاكيتات وبعض الاشياء عشان البرد والي يحتاجه .... واخذ الملف..وطلع من غرفته متوجه للمطار.. لما وصل للمطار جلس على اقرب كرسي من البوابه حقت رحلته..طلع جواله واتصل على ماري ...
اندو مستعجل : الوه هلا ماري ؟
ماري بهدوء : هلا فيك ..
اندو بتوتر: ماري ما تعرفين متى راح يروح عمي ؟؟
ماري بان في صوتها الضيق : توه طلع وطيارته الساعه 7 ....
اندو حس فيها : اها ...
ماري بضيق : وينك .. ؟؟
اندو بهدوء : انا رايح لبريطانيا ... ورا عمي ...
ماري : اندو ~
اندو باصرار: ما راح اقدر اوقفه عشان كذا راح اتكلم معه هناك ....
ماري بيأس : اندو ... وش راح تسوي ؟؟ ما راح يتغير شيء ..
اندو بثقه : الا راح تتغير اشياء مو شيء واحد يا ماري ..
ماري حست من كلامه بالثقه : اندو ..... في يدك شيء ؟؟
اندو يشوف الملف اللي بيده ويضغط عليه : معي الحقيقه ... اللي كان لازم تطلع من زمان ... هذي الحقيقه هي اللي خلت حال اكيرا وآيا بهالشكل ... لو طلعت في وقت ابكر كان صارت كل امورهم كويسه ..... لكن ما زال هناك امل ... ماري ....... في الحياة اشياء كثيره تحصل .... غلطات الماضي صار اللي يتحملها اكيرا وآيا ..
ماري بتفاؤل : اندو ... ارجوك حاول تساعد اعز الناس علي ...
اندو ابتسم : راح احاول بكل اللي اقدر ...... يالله ماري انا راح اسكر الخط ....
ماري بارتياح : مع السلامه اندو .... وتوصل بالسلامه
اندو : مع السلامه ...
وتسكر ماري الخط وتنسدح على السرير ...... تغمض عيونها وتنوم ......
في المطار ::
اندو يتلفت ويشوف عمه يمشي متوجه لبوابه الطائرات الخاصه ... يروح اندو وراه ويراقبه عن قرب ..
يرفع اندو ساعه يده ويشوف الساعه 6 ....
اندو : لازم اروح واقص البوردنج ...
في بريطانيا :: الساعه 10 الصباح :: في القطار ::
آيا مبسوطه : ياااااااااااااي القصر كان روعه ... وين راح نروح الحين ؟؟
اكيرا بابتسامه : للملاهي اسمها " Pleasure Beach"
آيا بتعجب : وينها فيه ؟؟
اكيرا ضحك : هههه في Plackpool
آيا شدت على يده : يالله مشينا ... الله وناسه من زمان عن الملاهي ....
في اليابان :: الساعه 7 ::
اندو جالس في الطياره ومستعدين للاقلاع ...
في بريطانيا ::
وصلو للملاهي الساعه 2 الظهر :: ودخلو وبدو لعب الى الساعه 4 ...
والحين جالسن في مطعم عشان يتغدون ....
اكيرا يمسح فمه بالمنديل : الحين راح نرجع للندن ما بقى الا ساعتين على الغروب ...
آيا تشرب من العصير: طيب ..
اكيرا : خلصتي اكل ..؟؟
آيا تمسح فمها بالمنديل: ايه الحمد الله..
اكيرا وقف : اجل يالله مشينا ...
آيا تناظره بتعجب : طيب وراك كذا مستعجل ؟؟
اكيرا يمسك يدها بيقومها : فيه شيء ابي الحق عليه ..... قومي بسرعه ....
آيا حطت المنديل على الطاوله وتبعته : طيب..
ويطلعون متوجهين لسكة القطار عشان يرجعون للندن ....
وياخذ منهم ساعه ونص .... لين وصلو لندن ... نزل اكيرا وآيا من القطار ومسك يد آيا وبدا يركض .......
آيا تركض بحذر: اكيرا شوي شوي اخاف اطيح انا لابسه كعب ..
اكيرا التفت عليها : اذا طحتي راح اشيلك اهم شيء نلحق اذا وصلنا راح تعرفين ليش العجله ...
ويروحون بسرعه ويوصلون لساحه عين لندن ...
آيا تشوفها بتعجب: عين لندن ؟؟
اكيرا بهدوء : قد جيتيها ؟؟
آيا بسرعه ردت : لا بس معروفه وكثير من الاطباء عندنا يقولون انهم راحوا لها ...
" عين لندن .. عباره عن عجله سياحيه ضخمه وتعتبر اكبر عجله في العالم ... ترتفع إلي علو 135 متر وقدامها بحيره "
اكيرا فرح انها سمعت فيها بس ...
التفت على آيا ووقفها : آيا بارجع لك انتظري شوي ....
آيا : طيب ...
ويروح اكيرا وتقعد آيا في نفس المكان .. تلتفت وتشوف الناس وهي تركب العجله ... وتشوف من وراهم قرب غروب الشمس .....
آيا : الله بقى دقايق وتغرب الشمس .... يا زين منظرها ....
يجي اكيرا لآيا وهو يركض ....
اكيرا يلهث : يالله بسرعه خلينا نلحق لاننا آخر دفعه .. نهاريه .....
ويمسك يدها ويروحون يركبون وترتفع العجله ....
آيا وهي تشوف المنظر المبهر : الله ..... روعه اكيرا المنظر جنان ... ياااااه غروب الشمس من هنا يجنن .....
اكيرا حط يده على خصرها وقربها له وهو يتفرج معها على نفس المنظر: اخترت هالوقت لانه اجمل منظر لما تشوفين الشمس وهي تغرب .. تدخلين للعجله في النهار وتطلعين منها والدنيا ظلمه ..
آيا التفتت عليه وحطت يدها على يده وضغطت عليها : اكيرا ...... في وقت بعيد ... كنت اشوف هذا المنظر ... وكنت اوجه لك كلمات ....
اكيرا بحب : كلمات ؟!
آيا بابتسامة : اكيرا اسمعني ...
اكيرا سكت وبدا يناظرها .....
وترفع آيا راسها للسماء ثم تتنفس وتقعد تشوف غروب وهي تقول : تغيب وتبتعد لكن غلاك بناظري ما غاب
تعيش بداخلي آخر قصيده عطرها انفاسك
غلاك إن جيت والا رحت لو اكتب ما كفاه كتاب
وحبك داخلي ورده سقاها العمر باحساسك
أحبك يا هوى عمري أحبك والغرام أسباب
حبيبي كل هالدنيا تضيع بلحظة غيابك .....
وآيا نزلت راسها ثم شافته وابتسمت باحراج : وش رايك ؟؟
اكيرا متفاجئ : آيا .. هذا الكلام توجهينه لي ؟؟
آيا : أيــه ....
اكيرا في هذي اللحظه ما قدر يقول شيء غير انه ضمها بقوه من وراها وحبها ..
آيا كانت مبسوطه على الآخر ظلو يشوفون المنظر مع بعض الى ان غربت الشمس وطلع الليل ..
نزلوا من العجله ...
آيا بسعاده : مثل ما قلت احلى وقت لما تدخل للعجله والدنيا نهار وتطلع والدنيا ليل ....
اكيرا يشوف السماء : شوفي الدنيا كلها حمراء ..
آيا تتلفت : واي احب هالمنظر كثيــــر ....

اكيرا : خلينا نروح ...
آيا : وين ؟؟
اكيرا : مقهى LADUREE ...
آيا : مقهى ؟!
اكيرا : في هالوقت يسوون عروض حلوه ليوم الفلنتاين ... حجزت لنا طاوله في المقهى ...
آيا : الله شكله وناسه ....
اكيرا : يله لا نتأخر ...
آيا : يالله ...
يروحون ويجلسون على الطاوله المحجوزه .. آيا تتلفت .
آيا : واو المكان هنا روعه ...
اكيرا : وش حابه تشربين ؟؟
آيا : أي شيء ...
ويطلب اكيرا قهوة باريسيه نسبة للمقهى وكيكه ....
آيا وهي متحمسه : تدري ... تخيل الدكتوه الحقيره حاطه لي مناوبه اليوم لكن الله يعافي جاك اخذها مني عشان اقدر اجي معك ... ايه فاتك هيلين ذيك المرهـ..
اكيرا يقاطع كلامها : آيا ... خلينا نحكي عن انفسنا .. دائما تحكين عن اصحابك اللي في المستشفى ... خلينا نحكي عن اشياء تخصنا ..
آيا انحرجت : آسفه اذا كنت ازعجتك بكلامي ....
اكيرا : لا لا تفهميني غلط .. انا احب اسمع كل سوالفك ... لكن ودي نتكلم عن انفسنا .. آيا من جيتي لبريطانيا ما قلتي لي أي شيء حصل يوم كنتي في اليابان ..
آيا مر عليها الماضي الحزين نزلت راسها بضيق : انا ما احب اتكلم عن الماضي ... انا اخاف من الماضي ... ما احب اتذكره .. مرت اشياء كثيره علي في الست سنين اللي راحت ... شيء احب اتكلم عنه وشيء ودي انساه احسن ....
اكيرا حس فيها : طيب خلينا نحكي عن المستقبل ...
آيا رفعت راسها : المستقبل ..!!
اكيرا بابتسامه: ايه المستقبل اللي يجمعنا..
وآيا عجبتها الكلمة ( يجمعنا) حست انها مافي في الحياة الا هي واكيرا وراح يكونون مع بعض الى الابد ابتسمت لخيالها و رفعت الكوفي عشان تشرب ...
اكيرا لما شافها ابتسمت وبدت تشرب الكوفي كمل : عن اسماء ابنائنا ...
آيا من الفجأه طلعت الرشفه اللي شربتها ...
اكيرا طلعت عيونه : آيا صار لك شيء ؟؟
آيا تاخذ المنديل وتمسح فمها : لا لا ولا شيء ابدا ... بس وش اسماءه ؟؟
اكيرا بثقه : تحسبيني اني راح ارافقك بس كذا طول الحياه ؟؟ انا ما راح اتزوج غيرك ... عشان كذا عادي نحكي عن مستقبلنا ...
آيا تنزل راسها من الاحراج ...
اكيرا استانس : اممم انتي وش تحبين من الاسماء ؟؟
آيا محرجه : قول انت اول ...
اكيرا بحالميه : اممم الولد ابي اسميه ارين لان معناه السيف .... يعني يعطي معنى قوي في الاسم ..
آيا عجبتها للسالفه : والبنت ؟؟
اكيرا ناظرها : كارين ...
آيا ضحكت : ههههه ارين وكارين ..... كلها تنتهي بحرفين الياء والنون ... ين ين ...
اكيرا باهتمام : وانتي ؟؟
آيا بحب : الولد .. اكيرا ...
اكيرا متعجب : نعم ؟!!
آيا تناظره : احب اسم اكيرا ...
اكيرا ضوق عيونه : آيااا احنا ما حكينا عن وش تحبين .. نبي الاسم اللي تسمينه للطفل اللي يجمعنا..
آيا بتفكير : اممم ما راح اسمي للولد ... راح اخلي عليك تسميه الولد ... لكن ابي انا اللي اسمي البنت ...
اكيرا حس بالحماس : وش الاسم ؟
آيا بابتسامه : آن ..
اكيرا باستفهام : آن ؟
آيا تتسند وتتكتف : ما علي منك عجبك او ما عجبك .... البنت انا اللي بسميها .....
اكيرا بدت ترتسم الابتسامه الواسعه على شفاته : الله ..ارين وآن ... ابناء اكيرا وآيا ...
آيا ضحكت على شكل اكيرا وهو يكرر في الاسماء ويعيد نطقها : هههههههه.. خلاص اكيرا شكلك توحفه..
وبعد ساعه طلعوا من المكان ....
آيا تناظر ساعتها : واو الساعه 9 ..
اكيرا : آيا ..
آيا رفعت راسها له : نعم ..
اكيرا يقرب منها وحط يده على كتفها : مو قلتي تبين تروحين مكان مرتفع تشوفين كل المدينه منه ...
آيا تهز راسها : الا ... لكن رحنا لعين لندن هي اعلى مكان ... كان المنظر يجنن شكرا اكيرا ..
اكيرا قرب راسه من راسها : يومنا ما بعد انتهى .... بقي مكان واحد ...
آيا التفتت عليه : الساعه ؟!!
اكيرا باستفهام : الساعه ؟؟
آيا ابتسمت : ايه ... دائما اشوف في الافلام ان العشاق يتقابلون قدام ساعه لندن ... هذا المشهد هو اجمل مشهد في كل الافلام ...
اكيرا بعد عنها : نروح له لكن بعد المكان اللي قلت لك عليه ...
آيا مسكت يده : طيب يا ابو ارين وآن ...
ضحك اكيرا على كلمتها اللي دخلت مزاجه وبقوة..
طلعو وتوجهو للمكان اللي حاطه اكيرا في باله ..
في مطار لندن :: وصل ابو اكيرا ::
يطلع من المطار ويشوف سيارته الخاصه بانتظاره .. توجه لها وفتح له السائق الباب وركب..
الاب : وينهم ؟؟
السواق الخاص : لمكان مع بعض وسيارتنا الثانيه تلحقهم ....
الاب : ودني لمكانهم ...
السواق : ان شاء الله ....
وفي مكان آخر عند اكيرا وآيا ....وصلو والتفت اكيرا على آيا .....
اكيرا : آيا غمضي عيونك ..
آيا : اغمض ! طيب ...
وتغمض آيا عيونها ويفتح اكيرا لها الباب وتنزل ....
آيا : افتح ؟!
اكيرا : لا لا لحظه شوي وتفتحين ...
يمسك يدها ويمشي بها ... يوقفون ويعطي اكيرا آيا مقص في يدها ....
آيا : مقص ؟!
اكيرا : افتحي عينك وقصي الشريط اللي قدامك ...
تفتح آيا عيونها وتشوف قدامها شريطه وتقصها وفجأه تشوف المكان اللي حولها كلها بلونات هيدروجين على شكل قلوب الوان تطير في السماء ..
آيا تتلفت وتشوف المكان اللي حولها بكل انبهار ..... وتشوف المكان فاضي ما فيه احد غيرهم ....
آيا : اكيرا وين الناس ؟؟
اكيرا : ما اكفيك انا ؟؟
آيا ابتسمت : شكرا اكيرا ... مفاجأه حلوه ..
اكيرا : تعالي تونا ما خلصنا ..
ويمسك يدها وتشوف قدامها برج دخلو فيه وصعدو مع بعض لفوق .. لما وصلو لأعلاه ...
اكيرا بكل حب : آيا وش تشوفين قدامك ؟؟
آيا منبهره لدرجة يعجز الواحد انه يعبر بشكل صحيح : المدينه بانوارها الحمراء الامعه ... نفس المنظر لكن مكان ثاني ..
اكيرا : طيب طلي وشوفي اللي تحتنا ...
وتطل آيا وتشوف الساحه اللي كانو فيها ....
وتشوف مكتوب على الارض بالياباني .... "Ayadaiski" وحولها قلوب ...
آيا تجمعت الدموع في عيونها وبلا شعور ضمت اكيرا ....
اكيرا شد عليها بيدينه بكل حب : هذي كانت هديتي لك عشان هذا اليوم ... وش راح تقدمين لي ؟؟
تبعد آيا عنه وتضغط على الكيس اللي معها ..
آيا محرجه : اللي سويته ولا شيء بالنسبه لك ..
اكيرا يلاطفها : وش جوا الكيس ؟؟ لي صح ؟؟
آيا تمد له الكيسه وهي منزله راسها : قليل لكن اقبله مني ....
اكيرا يناظرها بطرف عين : اجل بما انه قليل وبسيط ... باطلب منك طلب ...
آيا رفعت راسها باهتمام : وشو ؟؟
اكيرا حط عيونه بعيونها : اصرخي باعلى صوت وقولي احبك اكيرا ...
آيا عبست: وش هذا الطلب ؟؟
اكيرا ابتسم : بسيط صح ؟؟
آيا تسوي نفسها منزعجه : لا مره صعب ....
اكيرا انصدم : ليه ؟
آيا اشرت على حاجه في جهت اليسار: اكيرا شوف ..
بمجرد ما التفت اكيرا راحت له و باسته على خده ...
آيا تضحك بسعاده : هههه صدتك ..
اكيرا حط يده على خده متفاجئ وبنفس الوقت مبسوط .. و ابتسم ...
آيا ومرجعه يدينها على ظهرها وهي تحرك رجلها باحراج : ايهم تختار طلبك ولا فعلي ...
اكيرا ناظرها بتأمل ماقدر الا انه يقرب منها ويضمها : مسكتيني في هذي ...
آيا تدخل راسها في صدره : اكيرا ...
اكيرا : نعم ...
آيا بحب : ابي نكون كذا الى الابد ...
اكيرا ابتسم و رفع راسها بيدينه وحط عينه بعينها قرب وجهها له باسها على خدها ...
يبعد : بقي علينا الساعه ... خلينا نتمم يومنا ...
آيا هزت راسها بالموافقه ... وباحراج ...
ينزلون من البرج وهي يضحكون ويلتفتون قدامهم ويشوفون سياره موقفه وينزل منها ابو اكيرا ...
اكيرا وآيا متفاجئين ..
اكيرا : ابوي ..!!
آيا : عمي .. !!
ابو اكيرا : متفاجئين ؟!
اكيرا بصدمه : انتـ...
الابو يقطع كلامه : وين اللي وعدتني ؟؟ وين اللي باعت اكيرا عشان الطب ؟؟ اشوفها الحين واقفه والابتسامه على وجهها ....
آيا بتنطق: عمـ ...
الابو مد يده يسكتها : ما احتاج اسمع أي كلمه .. اكيرا يله قدامي ..
اكيرا يمسك يد آيا : ما راح اتعدى مكاني ... ما راح ابعد عن آيا ....
الابو : تبي تسمعها ؟؟
تذكير :: اقتباس من (( الفصل الثالث عشر – الجزء 2 ))
اكيرا : قبلته بعد ما سألته وش بيصير لو عارضته ... قال لي [ اذا قربت من آيا راح تكرهك .. وراح تندم .. اشوفك تخطي لها خطوة .. بعد خطوة وحده .. راح تسمعها وهي تقول اكرهك ..... ] خوفني من كلامه وبعدها حاولت ثانية وقال [ هل تبي تحطم حياتها ... بدال ما تخليها تعيش مثل أي بنت .. تعيش جحيــم .... ؟؟ قلت لك من قبل والحين اقول لك .... آيا مو لك ولا انت لآيا ... اذا على قولتك تحبها ... اتركها وانساها وخلها تعيش حياتها الخاصة ... ] ...
,,,,,,,,,,,,,,,,,,,,,,,,,,,,,,
اكيرا متوتر : آيا مستحيل تقول شيء كذا ....
الابو بثقه : وقفتك هذي راح تندم عليها ..
اكيرا لما شاف الثقه اللي تنطق من عيون ابوه ابعد يده عن آيا وآيا تشوفهم مو فاهمه شيء من اللي يحكون عنه ..... سكت اكيرا ونزل راسه ...
الابو بكل هدوء : تعال معي ....
مشي اكيرا متبع تعليمات ابوه ... آيا لما شافت انه خضع لامر ابوه قربت منه ومسكت يده ....
آيا برجاء : اكيرا ؟؟
اكيرا بدون أي كلمه بعد يدها عنه وراح ووجهه واضح عليه الاكتئاب ...
آيا مصدومه: اكيرا ... ~
ركب اكيرا السياره مع ابوه ... ومشت السياره ...
آيا بصرخه : اكيرا .... اكيــــــرا ~~
وتركض وراهم والكيسه في يدها ...
آيا تركض والدموع تنزل على خدها : اكيرا لا تتركني .... اكيـــــــرااااااااااااااااااااااااااااااااااااااا ااااااااااا ~
وتجلس على الارض وهي تشوفهم وهم يبعدون عنها .. وتبدا تصيح وهي منهاره .....
آيا حطت يدينها على وجهها : ليــــــــــــــــــــــــــــــــــــــــــــــــ ــــــــــــــــه تسوي فيني كذا حرام عليك !!
وتضرب على الارض وهي تصيح ...

في مكان آخر :: وصل اندو للمطار ::
نزل بكل سرعه وراح وركب مع تاكسي وتوجه لبيت اكيرا ...
بدت آيا تمشي جسد بدون روح ولا تشوف احد قدامها .. تسمع صوت العاب ناريه وتلتفت وتشوف انها تمشي في ساحه ساعة لندن ...
آيا باستهزاء : ساعة العشاق .. عشقي فارقته للمره الثانيه .... وبنفس الالم ..
تنزل راسها وتمشي تركب مع تاكسي ...
آيا بيأس: لو سمحت ودنتي لمستشفى **** .....
في مكان آخر عند اكيرا وابوه ::
نزلو من السياره ودخلو للبيت.. مشي الابو .. بيرقى فوق .....
اكيرا استوقفه : لحظه !
يوقف الابو على الدرج و التفت عليه : بكره نتكلم عن الموضوع ....
اكيرا بصرامه : لا ..... ما راح انتظر لبكره ..
ويقرب اكيرا وهو يحس ان فيه قوة : ما راح اتركها ... آيا هي الشخص اللي اخترته ...
الابو بلا مبالاة : شكلك ما تفهم الكلامـ...
ويقطع اكيرا كلام ابوه : انساني .... تبرأ مني اذا بغيت ... اذا كنت افشلك اني اخترت بنت العاميه .... بنت العاميه هي حبي الوحيد .... راح اترك الشركه , الدراسه , البيت وكل شيء ملكك ... انا مستغني عنهم .... ما ابي أي شيء منك ... كل اللي ابيه انك تتركني وتنسى ان عندك ولد مثلي ... اعتبرني مت ..... لو تأذت آيا منك راح اسوي اللي قلت لك عنه وراح تخسرني ..... انا طالع
ويروح اكيرا وهو معصب...
الاب يصارخ : اكيرا ... اكيرا ~
واكيرا فتح الباب وطلع ولا كانه يسمع ابوه..
الابو بيتبعه وتزلق رجله من على الدرج ويطيح من اول الدرج لآخره ...
طلع اكيرا وهو يركض وفجأة سمع صرخه خادمه من البيت .. رجع اكيرا مرتاع ودخل وشاف ابوه طايح على الارض وفاقد الوعي ....
يقرب اكيرا من ابوه ...
اكيرا مرتاع : ابوي ... ابوي ... رد علي .... ابووووي ~ بسرعه خلونا ناخذه للمستشفى ...
الخادمه : طيب ...
في مكان آخر :: توصل آيا للمستشفى وتدخل على اطباء المناوبه ..
ياجيما : آيا ؟!
آيا بيأس : جيت اكمل عملي ..
جاك متفاجئ : وصديقك ؟؟
آيا جلست وهي هلكانه من الصياح : انتهى الموعد ... شكرا جاك انك اخذت مكاني .. راح اجلس معكم لاي حاله ...
ياجيما تفهم رغبتها وحس انها في حاله ما يقدر يناقشها في أي شيء : على راحتك ..
وفي مكان آخر :: قدام بيت اكيرا يشيل اكيرا والخدم ابو اكيرا ويركبونه في السياره وفي نفس الوقت يوقف اندو ويشوف وجه اكيرا مرعوب ...
آندو يكلم سواق التاكسي : لو سمحت الحق بالسياره اللي قدامنا ...
السواق : طيب ....
ويروحون متوجهين للمستشفى ...
ياجيما يجي لآيا وجاك : فيه حاله ؟؟
وتقوم آيا وتركض وراه ...
يدخلون لجناح الاسعاف .... وهم يركضون متوجيهن لغرفه استقبال الحالات ..
آيا : وش صار ؟؟
ياجيما : طاح من الدرج على راسه وجنبه الايسر وصار كل السقوط على اليد اليسرى ...
جاك : معه مرافق ؟؟
ياجيما : ولده ...
يدخلون للغرفه وتوقف آيا متفاجأه ....
ياجيما : تعرفينه ؟!
آيا : اكيد اعرفه ....
جاك : صح الجنسيه يابانيه ...
ياجيما : طيب احنا راح نعالجه روحي لولده وخذي منه التفاصيل ...
آيا : لا .. انا اللي راح اتولى علاجه ...

ينتهي البارت الى هنا
ونلقاكم الجزء القادم ان شاء الله

((الجزء الاخيــــــر ))



ياجيما : طيب احنا راح نعالجه روحي لولده وخذي منه التفاصيل ...
آيا : لا .. انا اللي راح اتولى علاجه ...
جاك : لكن ..
آيا باصرار وجديه : هذا الشخص ابو صديقي .... وانا ما اقدر اترك لكم العمل ....
آيا برجاء : ارجوك ياجيما بما انك ياباني ... روح وخذ منه التفاصيل وانا وجاك راح نقوم بعملنا ..
ياجيما بتفهم : طيب ....
آيا التفتت لجاك : يبلغ من العمر 63 ....
جاك : راح نبدأ ..
يطلع ياجيما لاكيرا ويشوفه رايح جاي ويرتجف ...
ياجيما يتكلم بالياباني : انت ابن ساسو ؟؟
اكيرا : ايه ...
ياجيما : ممكن تتفضل معي لغرفه الطبيب عشان آخذ منك التفاصيل ..
اكيرا بكل انقياد : حاضر ..
مشى ياجيما واكيرا يتبعه فجأه سمع صوت ينادي باسمه اكيرا~ التفت اكيرا لجهة الصوت وشاف اندو يركض متجه له ....
اكيرا وقف مصدوم: اندو !؟
اندو بخوف : وش صار في عمي ؟؟
اكيرا نزل راسه بضيق :.......
ياجيما : لو سمحت انت من معارف المصاب ؟؟
اندو يهز راسه : ايه المصاب يكون عمي ...
ياجيما : اذا تكرمت يا ليت تنتظر شوي هنا فيما انتهي من الاجراءت مع ابن المصاب ...
اندو بهدوء : طيب..
شاف اكيرا وشكله الحزين يتبع ياجيما.. تنهد بضيق و جلس على كراسي الانتظار وهو يدعي ان اصابة عمه ما تصير خطيره..
في غرفه العمليات ..
آيا بحماس واهتمام : راح نركز على العظام ... والدماغ ..
وبعد ساعة .. طلع جاك من الغرفه ..
اكيرا يركض متوجه له : بشّر يا دكتور وش اخبار الوالد ؟؟
جاك وهو يفك الكمامه من فمه ويفسخ قبعة العمليات : الحمد الله ما حصل له شيء كايد ... لكن اعتقد ان الضغط ارتفع عنده عشان كذا ما تحمل السقوط وفقد الوعي ... وتسبب هذا في كسر بيد اليسرى لان الثقل كان كله عليها خيطنا الجزء المفتوح ولفيناه بشاش.... راح يفيق على اول هذا النهار ..
اكيرا بارتياح : الحمد للـــــه ......
اندو بامتنان : شكرا لك دكتور ...
جاك بابتسامه : لا شكر على واجب وبعدين المفروض ما تشكروني انا .. اشكرو الدكتوره انا كنت فقط مساعد لها ....
اكيرا بفرح : وصّل شكرنا لها دكتور .. ومتى ما حصل لنا الفرصه القريبه راح نشكرها بأقرب وقت ممكن....
جاك حط يده على كتف اكيرا: الله يساعدكم .. على العموم حاليا راح ننقله لغرفه خاصه وبكره باذن الله راح يطلع .. روحو للاستقبال عشان تضيفون البيانات والغرفه ....
اكيرا مبسوط : الله يعطيكم العافيه شكرا لكم ...
جاك ابتسم: احنا بالخدمه .. عن اذنكم..
توجه جاك لياجيما لانه شافه قادم من جهة الاستقبال ... وفي طريق ثاني توجه اكيرا للاستقبال بدون ما يلقي للي حوله أي انتباه اما اندو كان يمشي وراه لكن عيونه على جاك اللي راح يكلم ياجيما فانتبه لحوارهم ..
جاك بتعجب : اول مره اشوف آيا بهالحماس .... قدرت تشخص حالته في وقت سريع ..
ياجيما بتفكير : انت معاك حق لكن وجهها ما يطمني لانه شاحب كثير ...
جاك يهز راسه : انت صادق على طول راحت للمكتب وخلتني انا اللي اكلم اهل المريض ..
اندو في نفسه : آيا ... !!
انتبه اندو لنفسه واسرع في خطواته بيلحق على اكيرا.. بعد دقائق انتهى اكيرا من جميع الاجراءات ... وتوجهو للانتظار..
اكيرا لما ارتاح شوي تذكر اندو فألتفت عليه : اندو وش اللي جابك هنا ؟؟
اندو يناظر وجه اكيرا : اكيرا ليه وجهك كذا ... تعبان كثير ....
اكيرا بعّد عيونه عنه ونزل راسه : لاني كنت قلقان .. لا اكثر ولا اقل ..
اندو حط يده على كتف اكيرا : طيب ليه ما تروح للبيت ..
اكيرا في نفسه : آيا مستحيل تكون في نفس المكان ... راح ابعد عنها المشاكل لين اشوف حاله ابوي ...
اكيرا يوقف : طيب ..
التفت عليه : انت وين بتروح ؟؟
اندو وقف معه : باتأكد من شيء والحقك ..
اكيرا توجه للباب : طيب ..
طلع اكيرا وركب السياره متوجه للبيت ... اما اندو توجه للاستقبال ..
اندو : لو سمحتي ..
وفي مكان آخر :: عند آيا في المكتب حاطه راسها على الطاوله طق الباب جاك ودخل ...
جاك باعجاب : كنتي رائعه جدا يا آيا ...
تلتفت عليه وتبتسم في وجهه بسمه صفرا : شكرا ...
دخل ياجيما مبتسم : ما تبون كوفي بعد هالتعب ؟؟
ويحط على طاولة آيا كوفي .. تلتفت آيا وتشوف الكيسه اللي فيها البسكويت تحت مكتبها... تمسك الكيس وتناظر فيها والحزن على وجهها ..
طق اندو الباب ودخل انتبه له ياجيما وجاك ... هز راسه لهم بامتنان .. توجه لآيا ووقف عند مكتبها : ليه هالوجه على شخص نجح في عمله ؟؟
آيا لما سمعت الصوت رفعت راسها والدموع في عيونها ولما شافته تفآجأة ...
آيا نزلت دمعه متمرده على خدها اول مانطقت اسمه : اندو ~
وجاك وياجيما يناظرون بكل تعجب لاندو ....
توقف آيا من مكانها وتمسح دمعتها بقوة مبسوطه بوجوده حست ان وجوده معناته الامل : متى جيت ؟؟
اندو بابتسامة : هذا ترحيبك لي ؟؟
آيا ضاعت ماتدري وش تقول : آسفه لكن هذا لاني متفاجئه ...
اندو بهدوء : تقدرين تطلعين معي لبعض الوقت ؟؟
ياجيما تكلم بدل عنها : ايه بتطلع ...
آيا تلتفت على ياجيما
ياجيما ابتسم : انتهى اللي عليك ... والمناوبه ماسكها شخص غيرك .... روحي ولا ترجعين .... بذلتي جهد كبير ... خلي الباقي علينا ..
آيا تبتسم بامتنان : شكرا لكم ...
تاخذ جاكيتها وتروح تبدّل اللي عليها وتاخذ الكيسه وتطلع ... يمشون جنب بعض ..
آيا : آسفه اندو لاني ما قدرت ارحب بك ...
اندو : عادي .. لا تهتمين مره ..
آيا : ليه جيت ؟؟
اندو بكل صراحه : اتبع عمي ...
آيا بدهشه : تتبعه ؟؟
اندو يهز راسه : ايه ......
ثم يوقف ويلتفت عليها : آيا ... حصل شيء صح ؟؟
آيا نزلت راسها بكآبه : مع اني ما احب اقول لك الشين ... الا انك ما تسمع مني غيره ...
اندو رفع راسها وشاف وجهها : آيا لا ترسمين هالوجه الحزين .... انا جيت .. جيت والحقيقه بين يديني ...

آيا فتحت عيونها باستغراب : الحقيقه ؟؟
اندو : آيا قولي لي وش صار ؟؟
وفي مكان ثاني يوصل اكيرا للبيت وينزل والتعب والارهاق على وجهه .. يدخل للبيت ويجلس على الكنبه من الارهاق .... يغمض عيونه الا وهو نايم ...
عند آيا واندو :: جالسن جنب بعض على كرسي في حديقه عامه ..
آيا يالله تطلع الكلمه : بـ.. بس اللي قاهرني ..... اكيرا ليه كذا تركني ..
وهنا بدأ صوتها ينخفض : انادي عليه ولا يجاوبني .... راح وهو صامت...بلا أي ..
آخر كلمتين نزلت معها دمعتين..فجأه سكتت..
اندو : آيا .. الرجال ما يسوي شيء بدون سبب ..... فعل اكيرا له سبب ..
اندو يرفع راسه : لا تفكرين كثيــــر .... وكل شيء راح يوضحـ..
شوي ويحس براس آيا على كتفه ... يلتفت ويشوف آيا غاطه في النوم ...
ابتسم اندو : استرخي وريحي راسك وجسمك ..... راح اقوم بكل شيء ....
قام اندو وشال آيا معه .... توجه لفندقه المعتاد حجز غرفتين جنب بعض .. حط آيا في غرفه وراح للغرفه الثانيه.. فسخ جاكيته وانسدح على السرير يفكر ..
ومن بكره الساعة 10 الصبح ::
يقوم اندو من النوم ووياخذ شنطته والاوراق ... يروح مستعجل للمستشفى ..
ويقابل الدكتوره هيلين ..
اندو : لو سمحتي ممكن اعرف من هو الدكتور المسؤول عن المريض ساسو ..
هيلين : اذا كنت تقصد الرجل الياباني امس ...
اندو : ايه هو ...
هيلين : المسؤل عنه دكتور جاك ... واعتقد الحين انه عند المريض ..
اندو : شكرا ..
ويروح اندو لغرفة عمه ويطق الباب ويدخل .. يقابله الدكتور جاك ...
اندو : كيف حاله الحين ؟
جاك : مستقره وما فيه أي نوع من الخطر عليه .. وشوي راح يفيق وراح اكتب له خروج ....
اندو : شكرا لك دكتور ....
جاك : هذا عملنا ..
ويطلع جاك من الغرفه ... يروح اندو ويجلس على الكرسي ...
اندو : لازم تعرف وش حصل في الماضي ..
ويطّلع اندو من شنطته الملف ويحطه على الطاوله ... بعد شوي يطلع من الغرفه ويروح لبيت اكيرا ...
عند آيا ::
تقوم من النوم وتشوف الساعة وتنهبل ...
آيا : يا مامي العمل ....
وتقوم وتتلفت ...
آيا : ويني انا ؟؟ وتشوف نفسها الا انها نايمه بنفس لبس امس ....
آيا حطت يدها على فمها باحراج : يوه ياربي وانا الى متى بصير كذا دايما يتحملني اندو الله من الاحراج...
تروح بسرعه للحمام وتغسل وجهها وتطلع من الغرفه ناسيه الكيسه تركض وتروح بكل سرعة متجهه للمستشفى ...
في بيت اكيرا ::
يدخل اندو للبيت ويلتفت ويشوف اكيرا وهو منسدح على الكنبه ..توجه له اندو مرتاع من نومته ...
اندو يهزه بقوة : اكيرا ؟ اكيرا ..~
يقوم اكيرا من صوته .....
اكيرا فتح عيونه ببطء : همم وش عندك يا اندو ؟
اندو حط يده على قلبه بارتياح : ليه طولت كذا وانت نايم ...
اكيرا يرفع نفسه ويجلس : كنت كثير مرهق ونمت بدون ما ادري عن نفسي ..
اندو جلس على الارض: توني جاي من عند عمي .. وقال لي الدكتور انه راح يطلع اليوم وان ما فيه أي شيء خطير ...
اكيرا بالم حط ايدينه على وجهه : انا اللي سويت في ابوي كذا ... انا السبب ..
اندو حط يده على ركبة اكيرا يواسيه : لا تقعد تلوم نفسك اكيرا ... ما حصل شيء كايد ...
اكيرا طلع اللي في قلبه : اندو .... آيا ... عذبتها كثير معي .. آيا كانت تناديني وانا ما عطيتها بال ... عذبتها وفي النهاية تركتها وحيده ...
اندو باهتمام : ليه ؟؟
اكيرا رفع راسه لاندو : انا غبي .. كنت افكر في الامور بشكل بسيط ... ما توسّعت فيها نهائياً .. من الخطوه الاولى كان كل شغلي خطأ في خطأ .. والضحيه كانت آيا .. يوم جاء ابوي قال لي اذا كنت ابي اسمع كلمة اكرهك منها .. في هالوقت عرفت ان آيا ما راح تقولها الا اذا كانت بتتعذب والسبب انا ... راح تكرهني لاني انا اللي راح اكون السبب في خراب حياتها .... قلت ابعد عن طريقها قبل ما يـ....
ويسكّته اندو بكف على وجهه ....
اكيرا متفاجئ ....
اندو يوقف من القهر بصراخ : الحين تقول هالشيء ؟؟؟ ليه انت كذا ضعيف ..
اكيرا بيبرر: انا ما كملت كلامي ...
اندو يسكته بغضب : حتى لو ... آيا بتكرهك لانك تركتها ...
اكيرا خانته دموعه فنزلت : كنت امس بروح لها .... انا قلت لابوي اني باترك كل شيء وبروح لآيا .. لكنـ.. اللي حصل امس خلاني ما اقدر اواجه آيا .... لهيت مع ابوي ونسيت آيا ...
اندو عطاه ظهره : آيا تدري عن اللي حصل امس....
اكيرا ما استوعب : تدري ؟؟
اندو التفت عليه وبهدوء : اللي عالج ابوك امس كانت آيا ..
اكيرا متعجب : آيا ..!
اندو : ايه هي ... بعد ما تركتها كانت حزينه كثير من موقفك ما بغت ترجع للبيت عشان ما تحزن اكثر كل ما فكرت فيك ... اختارت انها تروح للمستشفى عشان تنسى .... وتتفاجأ ان اكيرا هناك والمريض يكون عمي .... قامت بكل حماس وعالجته افضل علاج .. والحين اكيد عمي قام .. وراح يشوف الحقيقه تنتظره ..
اكيرا : حقيقه ؟؟
اندو : فيه شيء يا اكيرا آيا ما قالته لك لكن الحين لازم تعرف عنه ...
اكيرا يشوف اندو بحماس للي بيقوله ...
في مكان آخر عند ابو اكيرا ::
يصحى من النوم ويتلفت ...
الابو : مستشفى ؟!
يحاول يقوم وتعوره يده اليسرى .. يشوف يده مجبره ويلتفت ويشوف ملف على الطاوله وفوقه ورقه ... ياخذ الورقه ويبدأ يقرا ...
المكتوب [ هنا حيث كانت البدايه حقيقة الماضي تعود من جديد .. واخيرا سوف تكتشف الحقيقه الخفيه ... ] ...
تحمّس للكلام المكتوب وفتح الملف وبدا يقرا .....
في مكان ثاني :: آيا تعتذر عن تأخرها ....
الدكتوره كرستينا : تتأخرين للساعه 10 .. وتجين بدون أي عذر ؟؟ وش عذرك ؟؟ نوم ؟
الدكتور ديفيد : آيا استقبلت امس في المناوبه حاله .. شخّصت الحاله في وقت سريع وقامت بعلاجه بكل سرعه ... متدربه وقدرت تسوي هذا الشيء بكل اتقان .. المفروض تشجعينها على عملها ..وبعدين آيا ما كذبت عليك قالت الصدق انها كانت مرهقه ونامت وما درت عن الوقت ..
الدكتوره كرستينا طاح وجهها : روحي لعملك ...
آيا ابتسمت : شكرا دكتوره .... شكرا دكتور ..
وتروح آيا وهي فرحانه ..
تشوف اكيرا واندو داخلين للمستشفى ..
آيا نزلت عيونها وبارتباك لفت للجهة الثانيه ..
وراحت لمكتبها ...
يروح اكيرا واندو لغرفة ابو اكيرا يوقفون قدام الباب ..
اندو : اكيرا ... وقّف هنا ... عندي كلام ابي اقوله لعمي ولما اطلع ادخل..
اكيرا : طيب ..
يدخل اندو للغرفه .. ويلتفت ابو اكيرا عليه ...
اندو يشوفه وهو يقرا الملف ...
اندو : الحمد على السلامه يا عمي ...
الاب : انت ... اللي حاط هالملف هنا ؟
يقرب اندو له : أيـــه .. انا .. انا جيت من اليابان عشان هالحقيقه ....
الاب مو مصدق : من وين حصّلت عليها ؟؟
اندو : مكتب جدي .. آسف اني دخلت لمكان ممنوع علي دخوله ... لكن كان لازم اطـّلع هذا الشيء ... الحقيقه اللي خلت اكيرا وآيا ضحاياها .. ضحايا خطأ في الماضي ... الحين عرفت كل شيء .. ظلمت البنت وساويتها بامها .. وفي النهاية حتى امها كانت مجبوره .. كنت تنقهر من ابوك .. والحين نفس الشيء تكرره على ولدك بدون ما تدري ...
الابو صار مرتبك ولا يدري وش يسوي .. ساكت ويسمع لاندو ويناظر الاوراق ..
اندو : ودي اسألك سؤال ؟؟
التفت الاب عليه .....
اندو : مع انك كنت تحب بنت عاميه ... ليه خليت عيالك ما ياخذون من العاميه ؟؟ واذا كنت حاط في بالك ان كل العاميين مخادعين ليه ماري ما اعتبرتها منهم .. هي عاشت 15 سنه معهم .... ليه ما قلت انها مخادعة ؟؟ ... آيا لما عرفت انهـ....
ويقطع الاب كلامه : راح اجاوبك على كل اسئلتك لكن في وقت ثاني ..
اندو سكت ...
الاب : اسمع للي باقوله ...
اندو : قول يا عمي ....